<B CMAYENBI>
<Q M2 IR RELT AYENB>
<N AYENB>
<A DAN MICHEL>
<C M2>
<O 1250-1350>
<M 1250-1350>
<K SAME>
<D KL>
<V PROSE>
<T REL TREAT>
<G TRANSL>
<F FRENCH>
<W WRITTEN>
<X MALE>
<Y 60->
<H X>
<U X>
<E X>
<J X>
<I X>
<Z INSTR REL>
<S SAMPLE X>


[^MICHEL, DAN.
DAN MICHEL'S AYENBITE OF INWYT
OR REMORSE OF CONSCIENCE, VOL. I.
EARLY ENGLISH TEXT SOCIETY, O.S. 23.
ED. R. MORRIS AND P. GRADON. 
LONDON, 1965 (1866).
PP. 98.31  - 118.13       (SAMPLE 1)
PP. 249.31 - 260.14       (SAMPLE 2)^]

<S SAMPLE 1>
<P I,98>
[}+TE UORE-SPECHE OF +TE HOLY PATER NOSTER.}]

   Hvanne me zet a child to lettre. ate begynnynge
me him tek+t his pater noster. Huo +tet of +tise clergye
wyle conne: be-come milde ase a child. uor to zuyche
scolers tek+t oure guode mayster Iesu crist / +tise
<P I,99>
clergie / +tet is +te uayreste / and mest behofsam +tet
is. huo +tet wel hit onderstant and of-halt. Vor zuyche
wene+t hit wel conne and onderstonde: +tet neuerte ne
cou+te bote +te rynde wy+toute / +tet is +te lettre / +tet is
guod. Ac litel is wor+t to +te zy+g+te of +te newen +tet is
wy+tinne zuo zuete. Hit ys wel ssort ine wordes: and
wel lang ine wytte. Li+gt to zigge / an sotil to onderstonde.
+Tis bene / pase+t alle o+tre / ine +tri +tinges. ine
dignete` / in ssorthede. an ine guodnesse. +Te dignete` 
is / ine +tan +tet godessone hit made. To god +te uader
ine worde. God +te holy gost / +tet is +tet me acse+t.
He wolde +tet hit were ssort / uor +tet non ne ssolde
him werye: hit uor to lyerny. An uor +tan +tet non ne
ssolde him tyeny hit uorto zigge gledliche / an ofte.
And uor to ssewy / +tet god +te uader ous yhyer+t wel
zone: huanne we him bidde+t mid guode herte. uor he
ne he+t none hede of longe ryote of tales y-slyked / ne
y-rymed. Vor ase zay+t sant gregorye. Zo+tliche bidde /
ne is na+gt to zygge uayre wordes / and y-slyked myd
mou+te: ake keste playntes and dyepe zykynges of
herte. +Te wor+t / and +te profit of +tise bene: is zuo
grat / +tet he belouk+t ine ssorte wordes / al +tet me may
wylny of herte. An to bydde wel to done. +tet is +tet
me by delyured of alle kueade: and uolueld of alle 
guode.

                                        
[}HYER BEGIN+T +TET PATER NOSTER.}]

   +Tvs begin+t +tet pater noster. 'Vader oure / +tet art
ine heuene.' Loke hou oure guode spekeman / and oure
zuete mayster Iesu crist /+tet is +te wysdom of god +te
uader / and kan alle la+ges / and +te wones of his cort +te
tek+t wel to playty / and wyslyche / and sotilliche / an
ssortliche to speke. Vorzo+te +tis uerste word +tet +tou
zayst / yef hit is wel onderstonde / and yuol+ged / hit
+te ssel yeue al +tine playnte. Vor saynt bernard +tus
zay+t. +Tet +te bene +tet begyn+t be +te zuete name of +te
<P I,100>
uader. yef+t ous hope to onderuonge alle oure byddynges.
+Tis zuete word / vader / +tet al +te remenont make+t
zuete / +te sseawe+t +tet +tou sselt yleue. and +te somone+t
to +tan +tet +tou sselt do. and +tise tuo +tinges soue+t man:
huanne he ylef+t wel / and a-ri+gt. an he de+t efterward /
+tet he ssel. Huanne +tou him clepest uader / +tou
beknaust +tet he is lhord of house. +tet is of heuene /
and of er+te: and heaued / and ginnynge / and welle /
huerof alle ssep+tes / and alle guod come+t. and +tus +te
beknaust his mi+gte. Efterward / ze+t+te +tet he ys uader /
he is di+gtere / and gouernour / and porueyour / to his
mayne`. an nameliche of his children / +tet is of man /
+tet him-zelf he+t y-mad and yssape / to his anliknesse.
and +tus +tou beknaust his wysdom. Alast +tanne
+tet he is uader be kende / and be ri+gte / he loue+t +tet he
he+t ymad / ase zay+t +te boc of wysdome. and is zuete
and milde. and zuo loue+t / and dra+g+t uor+t his children.
and ham de+t hare prou. and betere +tanne hi conne
deuisi. and he his byat / and his chaste+t huanne hi
misdo+t uor hare prou ase guod uader / and ble+teliche
he his onderua[{n{]g+t / huanne hi come+t to hym.
   Nou ich +te sseawy +tanne +tis word +tet +tou zayst:
vader. his mi+gte. his wysdom. his guodnesse. He +te
be+teng+t of o+terhalf +te zelue. +tine noblesse. +tine
uayrhede. +tine richesse. More gratter noblesse ne may
ich habbe: +tanne to by zone to ane zuo greate emperur
+tet is god. More gratter richesse ne may by: +tanne to
by kyng of alle +ting. More gratter uayrhede ne may
by: +tanne to by him ari+gt ylich. Huych uayrhede is
zuo grat: +tet hit pase+t +to+gt of man / and of angle.
+Tanne +tis word / uader / +te be+teng+t +tet +tou art zone.
uor +tet +tou +te paynest him uor to by ylych. ase guod
zone ssel by ylich his guode uader. +tet is to zigge: +tet
+tou by bold / and of grat wyl / and strang / and mi+gtuol
wel to done. and +tet +tou by wys / and y-wer / large /
and cortoys / zuete / and milde clene and wy+t-oute
<P I,101>
uileynye / ase he is. and +tet +tou hatye zenne / and
uoulhedes / and kueadhedes ase he de+t. zuo +tet +tou
na+gt ne do aye kende. +Tis vord +tanne +te de+t be+tenche /
at alle +te times +tet +tou zayst +tet pater noster: +tet yef
+tou art ari+gt zone: +tou sselt him anlykny be kende. be
heste. and be ri+gte. and +tou him sselt loue. wor+tssipe.
and reuerence. drede. seruice. and bo+gsamnesse. Nou
+tench +tanne huanne +tou zayst +ti pater noster / +tet +tou
by him a guod zone and trewe  / yef +tou wylt +tet he +te
by guod uader. an milde. '+Tench huas zone +tou art': me
zay+t to +te newe kny+gte huanne he ge+t into +te tornement.
Nou +tou yzyxt wel hou +tis uerste word is zuete.
and hou hit +te amoneste+t +tet +tou by bold and of
guode wylle. and hit +te tek+t huych +tou sselt by.
   Nou ich +te acxy hueruore +tou zayst 'uader oure.'
and na+gt 'uader myn'? and +tet +tou him uela+gest mid +te /
huanne +tou zayst: 'yef ous' / and ne zayst na+gt 'yef me.'
   Ich wile +te zigge yef +tou wylt. Non ne ssel zigge /
uader min. bote +te ilke +tet ys his zone be kende wy+t-oute
gynnynge / wy+t-oute ende / +te zo+te godes zone.     
Ac we ne bye+t na+gt his zones be kende / bote asemoche
+tet we bye+t ymad to his anliknesse. ac alsuo 
bye+t +te sarasyns. ac we bye+t his zones be grace and by
adopcion. Adopcioun zuo is a word of la+ge. uor by +te
la+ges of +te emperurs / huanne an he+g man ne he+t no
child: ha may chiese +tet child of a guod man yef he
wyle. and maki him his zone be adopcioun. +tet is be
auoerie. zuo +tet he ssel bi yhealde uor his zone auoud /
and ssel bere his eritage. +Tise grace god ous made +te
uader wy+toute oure ofseruinge. ase zay+t saynt pauel.
Huanne he ous dede come to +te cristenedome we were
poure and naked / and child of yre / and of helle.
+Tanne huanne we zigge+t 'vader oure' and we zigge+t /
'yef ous.' we gadere+t alle oure bro+tren mid ous of adopcion /
+tet bye+t children of holy cherche. be +te byleaue
+tet hi onderuinge ine cristnynge.
<P I,102>
   Nou ous ssewe+t / huer-of +tis word / oure. +te largesse /
and +te cortaysye / [{of{] god oure uader. +tet ous yef+t
more ble+teliche / yno+g / +tanne lyte and to uelen:
+tanne to onen allone. Huer-of saynt gregorie zay+t.
'+te bene / +te more +tet hi is commun: +te more hy is 
wor+t. ase +te candele is betere bezet +tet serue+t to ane
halle and uol of uolk: +tanne zy +tet ne serue+t / bote to
onlepy manne.' +Tis word hat ous to yelde +tonkes myd
al oure herten. of +tise grace +tet he ous he+t ydo / huer-by
we bye+t his children / and his eyrs. and +tet moche
ardontliche louye oure ealde bro+ter Iesu crist / +tet ous
uela+ge+t wy+t him ine his grace.
   +Tis word ous amoneste+t +tet we loki ine oure herte
holylyche +tane holy gost +tet is oure wytnesse. +Tis
adopcion is ase weddes / ase zay+t saynte paul / huer-by
we by+t zikere / +tet we ssolle habbe +te eritage of oure
uader. +tet is +te blysse of paradys. +tis word ous tek+t
and zay+t +tet we bye+t alle bro+tren / grat / and smal /
poure and riche. he+g / and lo+g / of one uader / and of
one moder. +tet is of god / and of holy cherche. and
non ne ssel o+tren onwor+ti: ac louie ase bro+ter. and +te
on ssel helpe +tanne o+tre: ase do+t +te lemes of +te zelue
bodye. and ech bidde uor o+tren ase zay+t saint Iocob.
And zuo hit is oure ureme wel grat. Vor huanne +tou 
zest +tine bene ine +te uela+grede of al holy cherche: uor
on paternoster +tet +tou zayst / +to wynst mo +tanne an
hondred +tousond.
   +Tis word / oure. ous tek+t to hatye +tri +ting nameliche.
Prede. wre+te. and auarice. Prede: de+t man out 
of uela+grede. uor he wyle by aboue alle o+tren. Wre+te:
de+t man out of uela+grede. uor huanne he werre+t wy+t
enne: he werre+t wy+t alle +te o+tre. Auarice: de+t man
out of uela+grede. vor hi nele ne him / ne his +tinges /
communy mid o+tren. And +teruore zuych uolk ne habbe+t
part / ine +te holy pater noster. +Tis word / 'oure':
ous ssewe+t +tet god is oure: yef we wylle+t. and +te
<P I,103>
uader. and +te zone. and +te holy gost. +tet is yef we
loke+t his hestes. and zuo zay+t ine +te godsspelle saint
Ion.
   'Vader oure / +tet art ine heuene.' Huanne ich zigge /
'+tet +tou art ine heuene': ich zigge tuo +ting. +tet he is
kyng / and +tet he is at paradis. Alsuo huanne ich
zigge / '+tet art / ine heuene': ich zigge +tet he is / and
+tet he is ine heuene. Me vint ywryte ine +te o+tre boc
of +te la+ge. +tet god him ssewede to Moyses ine ane 
helle / and him zede. guo in-to egipte / and zay to +te
kynge faraon of mine half / +tet he +te delyuri mi uolk
+te children of y[{s{]rael / of +te +treldome / huerine he hise
halt. 'lhord' / zayde moyses. 'yef me akse+t huet is +ti
name. huet ssel ich zigge?' 'Ich am / +tet am.' zayde
god. Nou zigge+t +te hal+gen / and +te guode clerkes.
+tet amang alle +te he+ge names of oure lhorde: +tis is +te
uerste / and +te mest propre. and +tet mest ari+gt ous
tek+t uor to knawe / +tet / +tet god is. Vor alle +te o+tre
names huer hi speke+t of his guodnesse. and of his
wysdome. o+ter of his mi+gte. o+ter he is zuich / and 
zuich. he is +te ri+gt guod. +te ri+gt trewe. +te ri+gt wys.    #
+te
ri+gt mi+gti. and uele o+tre maneres of speches +tet me
zay+t of him. +tet ne zigge+t propreliche +te zo+te of +te
byinge of god. Ac we +tet bye+t greate / an boystoyse
to spekene of zuo he+ge +tinge / speke we of god / zuo /
ase we conne deuisi ane man / of huam me ne kan na+gt
his name / ase me zay+t. he is kyng. he is erl. he is zuo
grat. zuo uayr. zuo large. and uele of zuyche +tinges /
huer-by me may ywyte hou +tet hit by +te man knawe.
Ac ne zigge+t na+gt ari+gt his name / ase we speke+t of 
god: uele we uinde+t of wordes / +tet ous ssewe+t huet
+tet hit bi of him. Ac +ter ne is non zuo propre ase +tis
word / '+tet art.' +tet zuo propreliche. zuo ssortliche. zuo
cleuiyndelyche. zuo sotilliche / +te names nemne+t / ine 
zuo moche / ase onderstondinge him may strechche.
Vor god is ase +te ilke / +tet one is / ase zay+t saint Iob.
<P I,104>
He one is / ari+gt to spekene. uor he one is / eurelestinde /
wy+toute beginnynge. and wy+t-oute ende. +tet me
ne may zigge: of non o+tre +ting. Efterward he one is
zo+tliche. uor he is zo+t / and zo+tnesse aboue alle +tinges
yssape. and zuo bye+t alle ssep+tes ydele and ydelenesse.
And ase zay+t Salomo[{n{] and na+gt to +te zy+g+te of him. and 
to na+gte ssolden come: bote yef he his ne sostyenede
be his uirtue. Ate laste he one is zetnesse an uestnesse
ine onelepi poynte wy+t-oute him to trobli / wy+t-oute
him to chongi / wy+t-oute him remue ine none manere.
ase zay+t saynt Iacob. Alle o+tre +tinges bye+t chonginde /
ine eche manere of hare kende. +Tanne is he propreliche
yclieped: +tet art. Vor he is zo+tliche wy+t-oute
ydelnesse / zetnesse / wi+t-oute enye chonge eure to
yleste: wy+t-oute ende. wy+t-out heaued. wy+t-oute / wes.
wy+t-oute / ssel by. uor +ter ne is no gelt.
   Nou +tou sselt onderstonde zuo +tet +ter ne is na+gt
+tet me mo+ge betere ywyte / +tanne +tet: +tet god is. Ac
+ter ne is no+ting zuo strang to conne / ase huet / and
huet +ting is god. +Ter-uore ich +te rede wel / +tet +tou
ne musy na+gt to moche / hit uor to zeche. uor +tou
my+gtest ly+gtliche guo out of +te ri+gte waye. Hit is yno+g
uor +te / +tet +tou zigge: 'lyeue uader +tet art ine heuene.'
Zo+t hit is +tet he is oueral yhered. ine er+te. ine ze. ine
helle. ase he is ine heuene. Ac me zay+t he is ine 
heuene / uor +tet he is +te eldeste / and +te meste yknawe /
and +te meste beloued / and +te meste ywor+tssiped.
Efterward he is ine heuene gostliche / +tet is ine holy
bodyes +tet bye+t he+ge. clyre. and clene. ase is +te
heuene. uor ine zuyche herten: he ys ald. and yknawe.
and ydred. and ywor+tssiped and yloued.
   Nou hest +tou yherd +tise uour wordes. (\Pater noster
qui es in celis.\) +Tet uerste +te somone+t / to wor+tssipie
god. +Tet o+ter: to louie god. +Te +tridde: to drede god.
Vor +ta+g he by uader oure: alneway he ys bezide / and
<P I,105>
na+gt chonginde. +Te uer+te +te to streng+ti. uor asemoche
ase he is zuo he+g / and +tou zuo lo+g. yef +tou ne art bald /
and of guode wylle: +tou ne sselt na+gt come / huer he
wone+t. +Tet uerste word ous ssewe+t +te langnesse of his
eurebleuinge. +tet o+ter: +te brede of his charite`. +te
+tridde: +te dyepnesse of his zo+thede. +te uer+te: +te 
he+gnesse of his mageste`. Huo +tet he+t wel +tise uour
+tinges zo+tliche wy+toute drede he ssel by yblyssed.

[}+TE UERSTE BENE OF +TE HOLY PATER NOSTER.}]

   Nou hest +tou yherd +te uorespeche of +te holy pater
noster. +tet is ase ane inguoinge of +te vi+tele. ey god /
huo +tet cou+te wel al +tane zang: hou he ssolde vinde
uayre notes. Vor hit ne is no drede +tet ine +te zonge /
+tet +te wysdom of god made / +te ilke +tet tek+t +te uo+geles
zynge: ne he+t uele notes sotiles / and zuete / +ta+g +ter
by lyte lettre. Ine +tise zonge bye+t zeue notes. +tet
bye+t +te zeue benes. +tet porchace+t +te zeue yef+tes of
+te holy gost. +tet strepe+t +te zeuen haued zennes of +te
herte. and hi zette+t / and norisse+t +te zeuen uirtues. be
huychin me com+t to +te zeue blissinges. Of +tise zeue
benes / +te +tri uerste: make+t man holy / aze moche ase
man may by ine +tise wordle. +te uour efterward him
make+t stedeuestlyche: ri+gtuol. Al +te holynesse of man /
+tet is ymad to +te ymage of +te trinite` / +tet is be +tri
+tinges +tet bye+t ine +te zaule. be+tenchinge. onderstondynge.
and wyl. ine +tet +tet +te zaule bi stedeuestliche
yclenzed ine +te wylle. stedeuestliche ali+gt ine +te           #
onderstondinge.
stedeuestliche yuestned in god. mid god ine
+te be+tenchinge. and +te more +te zaule onderuang+t
plenteliche +tise +tri +gef+tes of god: and hy more propreliche
ne+gle[{c{]+t / to his ri+gte uayrhede of his kende. +tet is
to +te anlicnesse of +te uader / and of +te zone / and of +te
holy gost. +Tet is huanne god +te uader him conferme+t
his be+tenchinge. god +te zone him aly+gt his                   #
onde[{r{]stondinge. 
<P I,106>
god +te holy gost he+t yclensed his wyl. +tise
+tri +tinges we bezeche+t ine +te +tri uerste benes of +te
pater noster.
   Huanne we zigge+t / (\sanctificetur nomen tuum\) . we
ssewe+t to oure guode uader corteysliche oure principal
desyr +tet we ssolle eure habbe. +tet is +tet his name by
yhal+ged and yconfermed ine ous. +tanne huanne we
zigge+t / (\sanctificetur nomen tuum\) : +tet is to zigge.      #
'sire /
+tis is oure he+ge wyl / +tis we bezechi+t toppe alle +ting /
+tet +tin holy name / +tet is +ti guode los +ti knaulechinge /
+ti beleaue / by y-confermed ine ous.'
   Ine +tise uerste bene: we bezeche+t +te uerste and
+te principal yef+te of +te holy gost / +tet is +te yef+te of 
wysdom / +tet uestne+t / and conferme+t +te herte in god.
and his ioyne+t zuo to him: +tet hi ne may by ondo /
ne to-deld. Wysdom is yzed of smac / and of smacky.
Vor huanne +te man onderuang+t +tise yef+te: he zuel+g[{+t{] /
and smacke+t / and uel+t +te zuetnesse of god. Ase me
uel+t +te zuetnesse of +te guode  wyne ate zuel+g / betere
+tanne to +te zi+g+te. Ac to +tan +tet +tou onderstanst betere
huet is to zigge / '+ti name by yhal+ged ine ous:' +tou
sselt ywyte +tet +tis word / holy / is ase moche wor+t:
ase / klene. ase wy+toute er+te. ase yhal+ged to godes
seruice / ase y-dept ine blod / ase yconfermed. Ine +tise
uyf maneres hal+ge+t +te gost of wysdom / +te herte of
man. Verst he his wype+t / and clense+t / ase de+t +tet uer
[{+tet{] clenze+t and fine+t +tet gold. Efterward he de+t away
al +te ilke uel+te / of alle er+tliche loue. and of alle wylle
of ulesse. and make+t to comene al out of smak. al +tet
me wes ywoned byuore to louie. ase +tet weter is out of
smak to +tan +tet is ywoned to +te guode wyne. Efterward 
he him hal+ge+t of al to godes seruice. uor he de+t
him al away of alle wre+te. and de+t him al +tenche of
god. and to louie / and serui. Ase +te cherche is yhal+ged
to godes seruice. zuo +tet me ne ssel o+ter +ting do
+terinne: +tanne +te seruice of god. Efterward he dep+t 
<P I,107>
ine blod. Vor he hise zet ine ane zuo ber[{nin{]de loue /
and one zuo zuete deuocion of Iesu crist. +tet huanne
he +teng+t ine him / and his passion: he ys alsuo ydept /
and al-suo dronke of +te preciouse blode / +tet Iesu crist
ssedde uor him: ase is a zop of hot bryead huanne me
hit pote+t in-to wyn. +tet is a newe cristninge. Vor
depe and cristni: is al on. Efterward he him uestne+t
zuo ine god / +tet no +ting ne may him to parti ne
onioyni. +Tanne [{he{] wyle +tis word nou zigge: '+tin name
by yhal+ged ine ous.' +tet is to zigge: 'yef ous +tane gost of
wysdom / be huam bi we zuo yclensed ase gold. and
yuayred of alle uel+te / huer-by we ssolle by zuo uol
dronke of +tine loue: +tet alle o+tre zuetnesses / ssolle by
ous bytere: be huam we ssolle by zuo yyeue to +te / an
to +tine seruise: +tet neure mo of o+tren we ne maky
streng+te. be huam by we na+gt wy+toute more ywesse:
ac zuo moche ydept yne grayne / and ynewed and eft
ycristned ine +te bloode of Iesu crist be deuocioun of 
ueste loue / huer-by +te name of oure uader by zuo
yuestned ine ous: +tet he by oure uader and we his
zones / and his eyrs. zuo yuestned +tet no +ting +tet mo+ge
beualle ne mo+ge ous ondo of +te ilke uestnesse / ne of
+tise grace.' Wel is hit grat grace of god h[{u{]anne +te wyl
is zuo yroted ine god huich / ne may to cryepe uor none 
uondinge. Wel gratter +ting his huanne me is zuo
yuestned ine +te loue and adrayngt in +te zuetnesse of
god. +tet no solas ne no confort me ne onderuang+t: bote
of him. Ac y-yeue is +te herte parfitliche and yconfermed.
uor +te memorie is zuo cleuiynde ine him: +tet
ne of no +ting +tenche / bote ine him. And +tet we
bydde+t him huanne we zigge+t: (\sanctificetur nomen
tuum\) . 'lhord +ti name by y-hal+ged ine ous.'

[}+TE O+TRE BENE OF +TE HOLY PATER NOSTER.}]

   (\Adueniad regnum tuum.\) +tet is +te o+tre bene of +te
pater noster. huer we bydde+t / +tet godes regne come
<P I,108>
to ous / and by wy+t-inne ous. Oure lhord zay+t ine his
spelle to his deciples. '+te regne of god: is nou wy+t-inne
you.' Nou onderstand wel hou +tet may by. Huanne
god yef+t ane grace +tet me clepe+t / +te gost of               #
onderstondinge
to +te herte. ase de+t +te zonne +tet de+t away
+te +tyesternesse of +te ny+gt / and waste+t +te cloudes / and
+te hore urostes bi +te mor+gen. Alsuo waste+t +te holy gost
alle +te +tyesternesses of +te herte. and him ssewe+t his
zennes / and his defautes / zuo +tet +te ilke wende by al 
klene. +tanne wynde+t hi zuo uele defautes. and of
motes. and of doust wy+t-oute tale. Ase +te zonne byam
ssewe+t his motes / and +tet doust +tet bye+t bene+te ine
+te house. Efterward he him eft ssewe+t of o+tre half na+gt
wy+t-oute more +tet / +tet is wy+t-inne him / ac +tet / +tet
is bene+te +te helle. and +tet / +tet is aboue him ine
heuene. +tet / +tet is aboute him / alle uayre ssep+tes:
+tet alle herye+t god / and him wytnesse+t hou god is
guod and almi+gti. wys. and uayr. grat and milde.
zuete. and +te more me zy+gt +te sseppinges bri+gte: +te
more hit is wynynde him-zelue to yzyenne. Ac he
yzy+g+t / +tet he ne is clene / ne wor+ti him to zyenne:
+tanne anhet +te guode herte and trewe / and him wre+te+t
to him-zelue. +Tanne nym+t he his pic / and his spade /
and begin+t to delue / and to myny. and ge+t in-to his
herte. +Terinne he vint zuo uele zennes / and vices / 
and zuo uele defautes / and zuo moche doust / and
tribulaciouns of herte / and of +to+gtes / and of wyckede
wylles / +tet he him wre+te+t / and zor+ge+t. and nim+t a
wycked wyl to him-zelue. zuo +tet he begin+t +te herte
to clensi to +te zo+te / and to keste out alle +te uel+tes
+tet him benim+t +te zi+g+te of god ine him. and +tet he de+t
mid +te spade of zo+te ssrif+te. Ac huanne he he+t longe
ymyned / and he he+t / alle his uel+tes ykest out: +tanne
uint he pays / and reste / and solas / and blisse / zuo
+tet him +ting+t +tet al +te wordle by an helle to +te lokinge
<P I,109>
of +te ilke clyernesse / and of +te ilke pays: +tet he
uint ine his herte. and +tet we oxe+t: huanne we zigge+t
(\Adueniad regnum tuum\) . +tet is to zigge: 'Leue uader /
ylyky +te / +tet +te holy gost ous wille aly+gte +te herte /
and clensi and zuope / al-huet hi by wor+ti god uor to
y-zy. and +tet he wile come and wonie ase kyng / and
ase lhord. and gouernour / and hotere. zuo +tet al +te
herte by his / and he by kyng. and euremo we him mo+ge
yzy. uor +tet is lyf wy+t-oute ende. and godes riche habbe
wy+t-inne ous.' +Teruore zay+t oure lhord in his spelle:
+tet godes riche is ase on tresor in +te uelde yhed. +tet is
ine herte. +tet is gratter +tanne al +te wordle.

[}+TE +TRIDDE BENE OF +TE HOLY PATER NOSTER.}]
   
   (\Fiat uoluntas tua / sicut in celo & in terra.\)  +Tis
is +te +tridde bene huerinne we bydde+t oure uader of
heuene / +tet his wyl by ydo ine ous: ase hit is ydo ine
heuene. +tet is ase +te holy angles of heuene / +tet bye+t
zuo ali+gt / and yuestned ine god: +tet hi ne mo+ge o+ter
+ting wylny / bote +tet god wille. +Tis bene we ne mo+ge
habbe: bote yef we ne habbe / +te yef+te of red. +tet is
+te +tridde yef+te of +te holy gost / +tet ous tek+t his o+gene
guod wyl. and +tet he ous wende. oure wrechide wil /
and hise confermy / al to +te he+ge guode. zuo +tet he ne
he+t ne o+gene wyt / ne o+gene wyl. ak his o+gene onlepiliche /
+tet hi by lheuedy of al +te  herte yhollyche. and 
maki ine ous al +tet his wyle ase hi make+t ine angles of
heuene / +tet make+t echedaye his wil wy+t-oute misnimynge /
and wy+toute wy+tzigginge.
   Nou hest +tou yherd +te +tri uerste benes of +te pater
noster. +tet bye+t +te he+geste / and +te dingneste. Ine +te
uerste / we akse+t +te yef+te of wysdom. Ine +te o+tre:
+te yef+te of onderstondinge. Ine +te +tridde / +tet guode
red. ase ich +te habbe aboue yssewed. +Tise +tri +tinges
we ne bydde+t / na+gt uor +tet we hise habbe+t ine +tise
<P I,110>
lyue dyadlich parfitlyche. ak we sseawe+t to o[{u{]re uader
oure wylles / +tet bye+t / o+ter ssolle by / to +tan +tet +tise
+tri benes by ine ous ymad / and uolueld ine +te lyue           #
eurelestinde.
+Te o+tre vour +tet come+t efte[{r{]ward we wille+t
speke ane o+tre speche. Vor we zigge+t aperteliche to
oure uader 'yef ous. uoryef ous. wyte ous. delyure ous.' 
bote +tise vour benes of him we ne habbe: we bye+t
dyade / an euele betake ine +tise wordle. Vor hi bye+t
ous nyeduolle ine +tise lyue dyadlich.

[}+TE UER+TE BENE OF +TE HOLY PATER NOSTER.}]

   (\Panem nostrum cotidianum da nobis hodie.\) Mochel
ous tek+t oure guode mayster / to spekene myldelyche /
and wysliche. huanne he ous tek+t to zigge. Vayre
uader / oure bryad of eche daye / yef ous to day. Huet
may +te zone betere acsy to his uader: +tanne bread wy+t-oute
more / uor +tane day to endy? He ne acse+t none
outrage / ne wyn. ne uless. ne uiss. [{ac{] bread wy+toute
more [{he{] byt. na+gt uor ayer / ne na+gt uor al +te woke. ac
wy+t-oute more: +tane day to endy. Nou hit +ting+t +tet
hit by wel lite +ting +tet we acse+t: ac uor zo+te hit is wel 
grat +ting. Huanne me bit +te bro+terhede / and +te
uela+grede / and part / and ri+gt / ine alle +te guodes of +te
house. Alsuo hit is huose +tet smacke+t of +tise breade.
He he+t +te bro+terrede. and part / and uela+grede. and ri+gt.
and ine alle +te guode dedes +tet bye+t ine heuene. +Tet 
is +tet bread of +te ilke holy couent. +Tet bread of heuene.
+tet bread of angles. +tet bread lostuol. +tet bread of lyue
eurelestinde. Vor hit yef+t guod lyf / and loke+t +te
zaule wy+t-oute steruinge. Huer-of zo+t zay+t ine +te
godspelle. 'Ich am +tet bread of lyue / +tet com doun
uram heuene. huo +tet ssel ete of +to breade: he ssel
eure lybbe wy+t-oute steruinge.' +tet bryad is mete ari+gt.
uor hit stonche+t al +tane honger of +te wordle / and uel+t
man +tet he he+t yno+g / zuo ne de+t non o+ter mete. +Tet
is +tet bread and +te mete / +tet +tou nymst / of +te sacrement
<P I,111>
of +te wyeuede / +tet +tou sselt ete zuy+te / and
glotounliche / ase tek+t +te writinge / ase de+t +te lecherous
+tane guode mete: +tet o+terhuil uorzuel+g+t +tane guode
snode / wy+t-oute chewynge. +tet is to zigge / +tet +tou
sselt nyme +terne mete mid greate wylle of herte / and
mid grat lost. And +tou hit sselt ase hit by uorzuel+ge /
wy+t-oute chewynge. and +tet is to zigge. yleue ine grat /
+tet / +tet hit is +te zo+te bodi of Iesu crist. and +te zaule.
and +te godhede / al to-gydere / wy+t-oute to zeche: hou
hit may by. Vor god may more do: +tanne man mo+ge
onderstonde. Efterward me ssel +terne mete eft chyewe /
ase +te oxe +tet gers +tet he he+t uorzuol+ge. +Tet is to
zigge +tet me ssel recordi zueteliche and smalliche be
little stechches / alle +te guodnesses of oure lhorde and
al +tet Iesu crist +tolede ine er+te uor ous. And +tanne 
vint +te herte +tane ri+gte smac of +te ilke mete. and          #
onderua[{n{]g+t
ane wel greate hete of +te loue of god. and ane wel
greate wylnynge to do yno+g an to +tolye uor him al +tet he
mi+gte. and al +tis de+t +te uirtue of +to breade. Vor +tet is  #
+tet
bread +tet conforte+t and streng+te+t +te herte / to +tet hy by
wel strang uor to +tolye / and do grat +ting uor godes
loue. Ac +tet ne may na+gt by wy+t-oute +te uer+te yef+te
of +te holy gost / +tet is y-cleped +te yef+t of streng+te /    #
+tet
arme+t godes kny+gt / and him de+t yerne to by martired.
and make+t ham le+g+ge betuene +te tormens. Nou mi+gt
+tou wel yzy hou corteysliche / huanne we acse+t +tet ilke
bread: we acse+t +tane yef+te of stre[{n{]g+te. Vor ase +tet
bread bodylich / sostene+t and streng+te+t +tet bodi: alsuo
+te yef+te of stre[{n{]g+te make+t +te herte strang to +tolye /
and to done grat +ting uor god. +Tet ilke bread we hit
clepiy+t oure / uor hit wes ymad of oure do+ge. yblissed
by +te guode wyfman: +tet of hiren +tet flour +ter to dede.
+Tet wes +te mayde Marie. and yfryd ine +te panne of +te 
crouche / ase he zay+t ine +te sautere. uorzo+te uorzo+te
yfryd ine his o+gene blode. uor +tet dede he / ine +te greate
wylle of his loue / +tet he hedde to ous. And +tet is +tet
<P I,112>
bread tuies y-bake / huermide he astore+t his ssip. +tet
is holy cherche / uor to pasy +te greate ze / of +tise
perilouse wordle. Hit is oure. uor he hit ous let: at
his yleaue nymynge / and at his laste bequide / Iesu
crist +te wel large / ase meste greate tresor: +tet he ous
mi+gte lete. and hit ous yaf ase +tet uayreste iowel / +tet
he ous mi+gte yeue. and +tet we hit ssolde loky: uor his 
loue. Hit is uorzo+te oure / uor no+ting ne may / hit ous
benime toyens oure wylle. We hit clepie+t oure bread
of echedaye. +tet is to zigge / of eche daye. uor +tet is +te
echedayes dol / +tet god yef+t to his wel wilynde: +tet
eche daye do+t his seruice / and zigge+t his oures. +tet is
to alle guode herten / +tet eche daye zueteliche be zo+te
loue make+t memorie / and be+tenchinge of his passion.
   +Tet greate of +te prouendre / we nime+t ine oure
heruest ine heuene / huanne we him ssolle ysy on wry+ge /
ine his uayrhede / ase he is. Hit is ysed +teruore echedayes:
+tet eche daye / hit is ous nyeduol. and echedaye
me ssel hit nyme / o+ter ate sacrement of +te wefde / ase
do+t +te prestes: o+ter gostliche be ri+gte byleaue. +Tet
bread is wel precious / an wel noble / and wel ydi+gt.
+Tet is kynges mete / huerinne bye+t ech manyere lykinges /
and alle guode smackes / ase zay+t +te boc of
wysdome. +tet ne is na+gt mete to gromes / ne to yeue.
ne to piecaille. ne to cheuaille. ne to cherles. ac to
noble herten and gentil. an cortays. and clene. +tet is
to +te herte +tet is gentil be grace. noble / be guod lyf.
yclensed / and ywesse be zo+te ssrifte. Of +tise uirtue
spek+t saynt matheu +te wangeliste / and hit clepe+t ziker
bread substanciel. +tet is to zigge: +tet pase+t / and
ouerge+t alle substances / and alle ssep+tes be ver. ine
uirtue / and ine dingnete` / and ine alle o+tre maneres of 
wor+t. ne me ne may betere write / ne more yno+g:
+tanne wit substances. Me zay+t +tet mete is +te                #
mi+g[{t{]uoller
/ +tanne he he+t yno+g of my+gte. and of norissinge. 
and +te more +tet he is norissinde: me zay+t +tet he 
<P I,113>
is +te substancieler. and +tere-uore +tet ine +tise breade is
more uirtue / and of guod / and of norture / +tanne me
mo+ge +tenche / o+ter zigge. ne zay+t me na+gt +tet hit is
substanciel. alsuo me zay+t +tet hit is ope substance / 
+tet is / uirtuous / and substanciel aboue onderstondigge 
/ and wenynge. +Tet bread we bydde+t to oure
uader. and him we bidde+t / +tet he hit ous yeue to-day.
ine +tise daye / +tet is ine +tise dyadliche liue. zuo +tet
we mo+ge maky ane guode iornee / and to abyde +te
gledlaker oure ssepe. +Tet is +te peny +tet he yef+t to his
workmen / h[{u{]anne euen com+t. +tet is +te ende of +te 
liue.

[}+TE VIFTE BENE OF +TE HOLY PATER NOSTER.}]

   (\Dimitte nobis debita nostra sicut et nos dimittimus
debitoribus nostris.\) Ine +tise bene we bidde+t oure
uader of heuene / +tet he ous wylle uoryeue / oure
misdedes / ase we uoryeue+t to ham: +tet ous mis-do+t.
o+ter habbe+t mis-do. +tanne zigge we +tus. 'Leue uader /
uoryef ous oure dettes: ase we uoryeue+t oure dettours.'
Oure dettes: bye+t oure zennes / +tet we habbe+t ydo
wexe ope oute zaulen. +tet is +tet beste wed of +te house.
+Te zenuolle be one zenne dyadlich / +tet zuo zone is
y-pased / ase to +te loste / o+ter ase to +te dede / is
y-obliged to zuo ane greate gauelinge: +tet he ne he+t
mi+gte to hit endi. +tet is to +te pine of helle / +tet is
wy+t-oute ende. Efterward / he ssel to gode / +tet he
he+t ywre+ted / zuo grat amendes: +tet he ne he+t mi+gte
uor to yelde. Vor ine al his lyue +ta+g ha leuede an
hondred year o+ter more: he ne mi+gte na+gt do uoluellinde 
penonce of one dyadliche zenne / yef god wolde
usy to yelde dom. And +teruore hit behoue+t to yerne
to +te cort of merci and bidde merci / and aksy uoryeuenesse.
Vor be +te ri+gte of +te cort of dom / +te zene+gere 
ssolde by demd / and ycondemned to dya+te eurelestinde. 
+Teruore oure guode mayster Iesu crist ous
<P I,114>
tek+t zuo to oxi uoryeuenesse and quittinge huanne we
bidde+t oure guode uader +tet is zuete and milde / uor to
y[{e{]uene: large and corteys / +tet he ous uory[{e{]ue oure
misdedes.
   Ac nim wel hede hou +tou bidde. 'Voryef ous oure
misdedis / ase we uoryeue+t to ham: +tet ous habbe+t 
misdo.' Vor yef we ne uoryeue+t to ham +tet ous habbe+t
mi[{s{]do: god ne uoryef+t na+gt ous oure misdedes. ase
he him-zelf zay+t ous / ine +te godspelle. +Tanne he +tet
zay+t his pater noster / and he+t ine his herte hate /
wre+te / o+ter wyckedhede: he bit more aye him-zelue:
+tanne uor him-zelue. Vor he bit god / +tet he ne
uoryeue him na+gt / huanne he zay+t. 'uoryef me: ase ich
uoryeue.' and uor +tet at alle +te times +tet +tou zayst +ti
pater noster beuore god +tet yzi+g+t +tine herte: +tou sselt
uoryeue +tine wyckede wil / and keste out of +tine herte:
alle wre+te / and alle hate. and euelwyl. o+terlaker +ti
bene is more aye +te: +tanne uor +te. Yef hit +te +ting+t
strang +ting and kuead uor to uoryeuene / +tin euel wyl
to ham +tet +te hatie+t / o+ter +tet +te kuead wille+t / huer
he al misde+t: +tench +tet god uoryaf his dya+t to ham
+tet him dede a+te rode / +te uor to yeue uorbisne / uor
to uoryeue to ham / +tet +te habbe+t misdo / and more
yet eft: ham guod do: yef hi habe+t nye[{de{] to +te. Vor
ase he zay+t ine his spelle. Ne is hit na+gt grat +ting ne
grat ofseruinge aye god to do guod to ham +tet ous do+t
guod. ne to louie +to +tet ous louye+t? Vor +tet de+t +te
paen / and +te sarasyn / and o+tre zene+geres. Ac we +tet
bye+t godes children be byleaue and be grace / and we 
bye+t cristene ynemned of Iesu crist / and we bye+t eyrs
mid him of +te heritage of paradys / of ous to uoryeue
+te on to +te o+tre / and louye oure uyendes. +tet is to
zigge hare persones. an bidde uor ham / and do ham
guod yef hy habbe+t nyede and +tou hit mi+g[{t{] do. Vor +tus
he hit hat ine his spelle. +Tanne ssolle we onlepiliche
hatye +te zennes / and louie +te zaules. +tet bye+t ymad
<P I,115>
to +te anliknesse of oure lorde. Alsuo ase a leme of +te
bodye / loue+t and uorber+t an o+ter. yef o leme bleche+t
an o+ter be cas. +te o+ter na+gt him awrec+t +teruore. We
bye+t al o body ine Iesu crist / ase zay+t +te apostel. and
+teruore we ssolle ech louye o+ter / and na+gt hatie / ne
harmi mid wrong / on / +te o+ter. Huo +tet o+terlaker
de+t: he is mansla+gte / and him-zelue damne+t ase zay+t
+te wrytinge. Zuych can zigge his pater noster: him
were betere +tet he were stille. uor he let his domes-man:
ayens him.
   Ine +tise bene +tet we do+t to gode. we him bezeche+t
one yef+te of +te holy gost / +tet is y-cleped / +te yef+te /
of connynge. +tet make+t +tane man ine +to+gte and uol of 
wytte. +Tes gost him ssewe+t huet he is. and ine huet
peril he is. and huannes he com+t. and huyder he ge+t.
and +tet he de+t. and +te misdede +tet he he+t ydo. and
hou moche / he he+t hyer ywonne. and hou moche he
ssel. And huanne he yzi+gt +tet he ne he+t huermide
endy: +tanne him de+t +tes gost wepe / and grede merci
to god / and zigge. 'Lhord / uoryef me mine dettes.
+tet bye+t myne zennen. Vor ich am mochel ine dette
ayen +te / and uor +te queades +tet ich habbe ydo. and
uor +te guodes +tet ich habbe uoryete / and ylete to done.
+tet ich my+gte / and ssolde habbe ydo. And uor +to
guodes +tet +tou me hest ydo. and +tine greate guodnesses 
+tet ich habbe eche daye onderuonge / huyche
ich habbe kueadliche yvzed / and +te kueadliche
yserued. And +teruore lhord ich ne habbe huer-of
maki +te yeldinge: uoryef me +tet ich +te ssel.' Huanne
+tes gost him he+t zuo aly+gt / +tet he knau+t his defautes:
and +tanne him de+t keste out of +te herte alle wre+te /
and alle hate / and al to uoryeue his euele ywyl / yef
+ter is eni. and yef +ter ne is: he is ine wylle and ine
porpos uor to uoryeuene mid herte / yef me him misde+t.
And +tanne may he zigge wel. 'Vayre uader uoryef ous 
oure misdedes / ase we do+t to ham: +tet ous habbe+t misdo.'

<P I,116>
[}+TE ZIXTE BENE OF +TE HOLY PATER NOSTER.}]

   (\Et ne nos inducas in temptacionem.\) +te ybernde:
uer dret. and +te ilke +tet o+terhuyl yualle is in-to zenne. 
huanne +te zenne him is uory[{e{]ue: he is +te more milde:
and +te more dreduol / and +te more he he+t grater drede
of uondinge. +Teruore bit he hier to huam god his misdedes 
uoryef+t / +tet he hine loky uram ayen-uallinge.
(\Et ne nos inducas in temptacionem.\) +tet is to zigge.
'Vayre zuete uader / ne led ous na+gt in-to uondinge.' +Te
dyeuel is +te uondere. vor hit is his creft / huer-of he
serue+t ine godes house / uor to proui +te newe kny+gtes.
and yef +te uondinge nere guod and uremuol to guode /
god +tet al make+t uor oure guode / nolde na+gt +tolye +tet
hi come. Ac ase zay+t sant bernard. huanne +te uondere
ous knoke+t ope +tane reg: he ous ssep+t oure corounes
of blisse. Ase +te ilke +tet ope +te regge of +te guode
kny+gte / smit and beat / him ssept his los: and his
blisse. +Te dyeuel +terto propreliche uonde+t +tane man:
+tet he hine my+gte wy+t-dra+ge uram +te loue of god.
+Teruore bit sainte pawel his deciples / +tet hi by yzet
ase tours. yroted ase trawes: in loue. zuo +tet non
uondinge him ne mo+ge refye / ne rocky. +Teruore ine
+tise bezechinge we acse+t help of gode ine oure batayle /
and +te yef+te of pite`. +tet is a grace +tet bedeawe+t +te
herte and make+t his zuete and reu+teuol. and make+t 
his al become grene / and ber+t yno+g frut of guode
workes wy+t-oute and wy+t-inne er+te / streng+ti his roten
ine +te er+te of libbende. +tet is ase +tet guode mortyer /
huer-of me make+t +te guode walles sarzineys +tet me ne
may na+gt breke / ne mid pic / ne mid mongenel.
+Tanne huanne we zigge+t. (\et ne nos inducas in                #
temptacionem.\)
+tet is to zigge. 'Vayre zuete uader / make oure
herten ueste / an stedeuest / +tet hi ne ssake uor none
uondynge +tet to hare com+t.' We ne bydde+t na+gt / +tet
we ne ssolle by uonded: Vor +tet were a fole bezechinge /
<P I,117>
and ssamuol. Ase +te zone of a guod man +tet 
ssel by a newe kny+gt him bezek+t. 'Leue uader ich +te
bidde +tet +tou me loki +tet ich ne guo neuremo: ne to
ioustes / ne to tornemens.' We wylle+t wel +tet we by
yuonded. vor hit is oure ureme ine uele maneres. uor
we bye+t +te more ymylded / and +te dreduoller / and +te
more wys ine alle +tinges. and +te more wor+t / an +te
more asayd. Vor ase zay+t salomon. Ze +tet ne he+t +tise
uondinges: he ne may no+ting wel conne. bote ase me
kan +te batayle of troye / be hyere-zigginge. Vor he ne
may him-zelue yknawe / ne him uestni ine +te streng+te
of his uyendes / ne hare sotylhede. and hou god is
trewe to +te nyede / his uryend uor to helpe. ne of hou
uele zennes / ne of hou uele perils / he he+t +te ofte
yloked. and uor alle +tise skeles / he ne ssel na+gt ari+gt
conne god louie / ne him +tonki of his guode. Ac we
him bidde+t +tet he loky oure herten / +tet hi ne guo in-to
uondynge / +tet is +tet hi ne consenti. Vor al +tet is 
of ous: we bye+t zuo poure / and zuo fyeble / +tet we
ne mo+ge na+gt ane time of +te daye +tolye +te asaylinges
of +te dyeule: wy+t-oute +te help of oure lhorde. And
huanne he ous fayle+t: we guo+t +ter-in. Huanne he
ous help+t: we wy+tstonde+t. and we uy+gte+t / and we
ouercome+t. And +teruore we zigge+t. 'Lyeue uader ne
led ous na+gt in-to uondinge. +tet is ne +tole na+gt / +tet we
go in-to consentinge.'

[}+TE ZEUENDE BENE OF +TE HOLY PATER NOSTER.}]

   (\Sed libera nos a malo / amen.\) Saynt austin zay+t.
+tet +te o+tre vices ous make+t o+ter +te kueade to done:
o+ter +te guodes lete to done. Ac al +tet me he+t ydo.
and alle +te yef+tes +tet he he+t yporchaced: prede is ine
wille to destrue / and to benime. An +teruore h[{u{]anne
god he+t y-yeue to man +tet he him he+t ybede ine +tise
zeue benes beuore yzed. +tane uerst hit is nyed uorzo+te:
+tet he him delyuri of +te kueade / and of his aspiinges.
<P I,118>
And +teruore com+t alast +tis bene / ase +te efter-warde /
+tet zay+t +tous. (\Sed libera nos a malo. amen.\) +tet is to 
zigge: 'Lyeue uader deliure o[{u{]s of +te kueade. +tet is to
zigge: of +te dy[{e{]uele. and of his sle+g+tes. +tet we ne     #
lyese
be prede / +te guodes: +tet +tou ous hest y-yeue.' Inne
+tise bene we him bidde+t / +tet he ous yeue +te yef+te / of 
drede. huer-by we ssolle by delyured of +te kueade / and
of alle o+ter kuead. +Tet is of alle zene / and of alle
perils ine +tise wordle: and ine +te o+tre. Amen.
   Nou hest +tou y-herd +te notes / +tet me kan noty ope
+tise zonge +tet god made. +tet is +tet pater noster. Nou
loke +tet +tou hit conne wel zinge ine +tine herte. Vor
grat guod +te ssel beualle: yef +tou zuo dest. 

<S SAMPLE 2> 
<P I,249>
   Sobrete` ne is o+ter +ting +tanne to loki ri+gte
mesure. +tet alneway halt +tane middel ine to moche:
and to lite. be +tan +tet scele a-li+gt be grace tek+t. Vor
ine +tise timliche guodes / +tet / +tet is to moche to
onen: is to lite to ano+tren / and +tet / +tet is to moche
to ane poure manne: to ane riche manne hit were ofte-zi+tes
<P I,250>
to lite. Ac sobrete` and temperance / zet ouer-al
mesure. Alsuo ine gostliche guodes: ase ine uestinges /
ine wakiinges / ine dissiplines / and ine o+tre dedes of 
uirtue / +tet bye+t y-do uor god / an uor note of +te
zaule: zet mesure. zuyche ase scele acse+t. +Te uirtue
of temperance and of sobrete`. +te ilke uirtues loke+t
mesure sceluolle. na+gt onlepiliche ine mete and ine
drinke: ac in alle uirtues. ase zay[{+t{] saynt bernard.
Vor +tise uirtue zet alle +te +to+gtes. alle +te willes. alle   #
+te
steriynges of +te herte. and alle +te wyttes of +te bodye /
outnime +te lhordssip of ri+gte scele. ase zay+t tullius +te
wyse. zuo +tet a li+gte scele be yef+te of wysdome /
halt ine pese +te lhordssip of +te herte / and of +te bodie.
and +tet is +te ende and +te onderstondinge of alle
uirtues +tet +te herte and +tet body by wel y-ordayned to
god. zuo +tet god onlepiliche by he+g lhord. ine zuyche
manere +tet al by ine his bo+gsamnesse al +tet he he+t ine
+te regne of bodye and of +te zaule. and +tet make+t
sobre loue of god. +tet zet of al / +te herte in-to +te wille
of god. +Tanne zaynt austin zay+t. +tet +te uirtue of 
temperance and of sobrete / is alone +tet is yloked to
god y-hollyche wy+t-oute corrupcion. and ous wy+tdra+g+t
uram +te loue of hier bene+te. +tet is +te loue of
+tise wordle / +tet troubleth +te herte of man / and hise
zet ine zor+ge. and him benim+t ri+gtuolle knaulechinge of
god / and of him-zelue. Alsuo ase me ne zi+g+t na+gt
bri+gtliche ine +te wetere ystered. Ac +te loue of god /
+tet is wel y-clensed of alle er+tliche loue / and of alle
ulessliche willes zet +te herte ine pais. Vor hi him de+t
and zet ine his o+gene stede. +tet is ine gode. +Ter he him
reste+t. +ter he is in pais. ne ne he+t blisse / ne reste:
bote +ter. +Tanne zay+t oure lhord ine his spelle. '+tou
sselt by ine trauayl ine +tise wordle. ac ine me +tou
sselt vinde reste.' And saynt austin zede. 'Lhord:
min herte ne may by ine pais: alhuet hi reste+t ine
+te.' +Te ilke loue ne wext na+gt of er+te / ne of mares.
<P I,251>
Of +tise wordle. Ac hy com+t doun of +te he+ge roche
hueroppe hi ys yzet and y-mad +te greate cite of 
paradis / end +te cite of holi cherche. +Tet is Iesu
crist / ope huam bye+t y-set and ymad uestliche be
guode bileaue. +te stronge casteles. +tet bye+t +te herten 
of guode men. Of +to he+ge roche com+t doun +te welle
of loue ine herte +tet is wel y-clenzed uor +te loue of +te
wordle. +Te ilke welle is zuo clier and zuo y-zendred /
+tet +te herte hire y-knau+t / and y-zi+g+t hire zelue and
hire makiere. alsuo ase me yzi+g+t in ane uayre welle
wel yzendred. ope +to welle +te herte reste+t efter +te
trauayl of guode workes / ase we rede+t of Iesu crist
oure lhord. +Tet +to he hedde zuo moche y-guo +tet he
wes al weri / he him zette and restede ope +te welle. +Te
ilke welle boue +tet guode herte / he +tet him wille
ber+ge / him reste+t is +te loue of god. +Te ilke welle is
zuo zuete and of zuo guod smac: +tet +te ilke +tet +terof
dring+t / uoryet alle o+tre zuetnesses and o+tre smakkes.
+Te ilke welle ne uel+t na+gt +tane fanc ne +te er+te / ne
+tane merss of +tise wordle / and +teruore hy is zuete and
of guod smac to drinke. uor ase moche ase +te welle
yuel+t lesse of +te er+te: zuo moche hi is +to holer and
+te betere of to drinke. +Tet is +te welle of wytte and of
wysdome. uor +te ilke +tet +terof dring+t / he knau+t wyt
and wysdom and vel+t / and smacke+t +te greate zuetnesse
+tet is ine god / and +tet is +te he+geste wyt of
man: wel to knawe his sseppere / and him louie mid
al his herte. Vor wy+toute +tise filosofie / alle o+tre
wyttes ys folye. 
   Zuych wyt zet +te holy gost ine herte / +tanne he
him yef+t +tane yef+te of wisdom / +tet is herte of gostliche
blisse / and hire adraynk+t / and make+t him
dronke of holy loue. Huet wyt is +tet / +tet +te holy
gost zet in-to +te herte wel y-clenzed: +tet ich habbe
hier be-uore y-ssewed / huer +tet is spek of +te wyttes of
+te zaule / ate ginninge of +te dra+g+te of uirtue. and         #
+teruore
<P I,252>
ich paci +te ssortlaker. +Tet gostliche wyt +tet com+t 
of stedeuest loue of god. make+t +te herte sobre / and
zofte / and alle +tinges a-mesure+t / zuo +tet +te herte +tet
is ine zuich stat is ine payse / ase hi may by ine +tise
dyadliche liue. Vor ine +tise wordle / non ne may
libbe wy+t-oute torment / and wy+t-oute zome vi+gtinge
of temptacion. +tet god zent ofte uor to uondi his
kny+gtes. and uor +tan +tet hi conne usy of armes of
uirtue. uor o+terlaker hi ne mo+ge by guode kny+gtes.
+Tanne me cou+te maky +te tornoymens ine time of pays.
Ac huanne +te guode kny+gt het ouercome +tet tornoyment: 
he went ayen to his house. +ter he him reste+t
al in eyse. Alsuo de+t +te guode herte huanne hi he+t
wel yuo+gte and he+t ouercome +tet tornenoyment of
uondinges: ha com+t ayen to him-zelue / and him
reste+t ine god. +Tet him conforte+t efter +te trauayl / zuo
+tet he +ter uoryet al his trauayl. and ne +teng+t bote of
god. huer he uint al +tet he wilne+t. +Tet is +tet frut +tet
+te traw of sobrete` ber+t / +tet com+t of +te yef+te of        #
wysdom /
ase ich habbe aboue yzed.

[}OF +TE STAPES OF SOBRETE`.}]

   Ase ich habbe aboue yssewed / sobrete` ne is o+ter
+ting / bote to loky ri+gte mesure ine alle +tinges. Ac
specialliche: ine vyf +tinges me ssel loki mesure. +Tet
bye+t alsuo ase zeue stapes huerby wext and profite+t +tet
traw of sobrete`.
   +Te uerste stape of sobrete` is / +tet me zette mesure in
his onderstondinge. spacialliche to +te articles and to +te
poyns of +te beleaue. +Te ilke ouerge+t mesure / +tet wyle
zeche kendelich skele / ine +tan +tet is aboue onderstondinge /
ase do+t +te bougres / and +te misbylefde. +tet
wylle+t mesuri +te beleaue be hare onderstondinge. ac hi
ssolden mesuri hire onderstondinge and hare skele to +te
mesure of +te beleaue / +tet god ous he+t y-yeue. And
salomon zayde to his zone. 'Vayre zone / do in-to +tine
<P I,253>
wytte mesure.' +Tet is to zigge / +tet tou ne bi na+gt / of 
zuo o+gene wytte / ne na+gt zuo ypi+gt in +tine ouerweninge:
+tet +tou ne flechchi / uor to leue to guod red. and +tet
+tou ne lete +tin o+gene wyt / uor to bou+ge to +te wyser
+tanne +tou. And specialliche to +te articles of +te beleaue
me ssel lete his o+gene wyt / and his onderstondinge
flechchi / and zette ine +treldom of +te beleaue / ase zay+t
zayte paul. na+gt uor to apeluchier ne zeche kendelich
scele. huer he non ne he+t / ase do+t +te bysye / o+ter +te
malancolien / +tet bye+t ylich +tan +tet zek+g +te crammeles
ine +te russoles. o+ter +tan +tet zek+t +tet uel ine +te aye /
o+ter +tane knotte ine +te resse.
   +Te o+ter stape is / +tet me zette mesure ine +te loste
and mid +te likinge of +te wille / +tet me ne him ne aslaky
na+gt to moche +tane bridel to yerne to lostes of +te ulesse /
ne to +te couaytise of +tise wordle. +Tanne +te wyse zay+t
ine +te writ[{i{]nge. 'Ne uol+ge na+gt' he zay+t '+te           #
couaitises ne
+te wylninges of +tine herte / and +te miswende to do +ti 
wyl / +tet +tou hit ne uoluelle na+gt. and yeld guod skele.
uor yef +tou dest to +tine herte his wyl: +tou makest 
blisse to +tine vyendes / +tet bye+t +te dyeulen of helle.'
uor alsuo ase +te ilke +tet make+t blisse to his uo / ayens
huam he ssel ui+gte / huanne he him yelt to him ouercome.
Yef he him yelt ouercome to +te dyeule +tet him
consente+t to his euele wylninges. +Teruore zay+t zay[{n{]te 
peter +te apostel. 'ich you helsny / +tet ye ase oncou+te /
and pilgrimes / you loki uram wilninges.' +Te ilke +tet
is pilgrim and ine oncou+te contraye / huer bye+t manye
+tyeues an robberes +tet aspie+t +te pilgrims / and wayte+t
+te wayes: ham loke+t moche / +tet hi ne ualle ine +te
honden of +tyeues. and +teng+t hou he may guo zikerliche.
Alle +te guode men ine +tise wordle bye+t oncou+te and
pilgrims. Hi bye+t oncou+te / uor hi bye+t oute of hare
contraye. +tet is paradys. +tet is +te contraye / and heritage
to guode men. Hi ne bye+t +tenchinde bote uor to 
uoluelle hire iornayes / al huet hi come+t to hare eritage /
<P I,254>
+tet is +te cite` of paradis / +tet +te guode pilgrims          #
zeche+t. ase
zay+t zaynte paul +tet ne habbe+t / ne nolle+t habbe +te        #
eritage
hier ine +tise wordle. Zuyche pilgrims +tet wille+t guo
zikerliche: hi do+t ham ofte ine guode uela+grede / and
ine zikere guoinge. +Te guode uela+grede +tet let zikerliche
and guo+t ri+gtuolliche / is byleaue / and loue. beleaue / 
let +tane way to pilgrimes. ac loue his ber+t. zuo +tet +te
way ham greue+t lite / o+ter na+gt. Huo +tet he+t zuyche
uela+grede: he ne he+t of +tyues none drede +tet wayte+t +te
wayes. +Tet bye+t dyeulen +tet nime+t and robbe+t alle
+to / +tet none zuiche uela+grede ne habbe+t. +Tet bye+t +to
+tet wylle+t do hyere / hyre lostes: +tet ham do+t in-to +te
honden / and in-to +te grines of +te dyeule. Beleaue /
and loue of god. of-halt +te herte / and his wy+tdra+gt
uram queade +to+gtes / and uram fole lostes / +tet he ne
consenti. Alsuo ase me ofhalt +tane uo+gel be +te ges /
+tet he ne vly to his wylle. +Te herte is ase is +te uo+gel
+tet wolde vly to his wylle / and bote hy by ofhealde /
be +te ges of beleaue / and of loue / hy uly+g+t                #
perilousliche /
zuo +tet hy hyre spil+t / and ual+t ofte into +te
grines / of +te uo+gelere of helle. +tet is +te dyeuel / +tet   #
ne
wylne+t / bote to nime +tane uo+gel. +Teruore +te guode
men and +te wyse / wy+tdra+ge+t hare wyl / and hare
lostes / and hare +to+gtes. be temperance and be sobrete`.
Huerof senekes zay+t. 'yef +tou louest to bi sobre / and
atempre: wy+tscore / and wy+tdra+g +tine willes / and zete
ane brydel to +tine couaytises.' Vor alsuo ase me wy+t-halt
+tet hors by +te bridle +tet hit ne guo na+gt to his
wille: alsuo me ssel ofhyealde +te herte be +te briddle of
sobrete` / +te hy ne yeue hire na+gt / to +te wille ne to +te 
couaytise of +tise wordle.
   +Te +tridde stape of sobrete` is / zette and loki mesure
ine wordes. Huerof salomon zay+t. +Tet '+te wyse / and
+te wel yto+gte / tempre+t / and mesure+t his wordes.' And
saynt Ierome zay+t. +tet 'mid ueawe wordes / is y-proued
<P I,255>
mannes lyf.' +tet is to zigge. by +te wordes me
may yknawe +te folyes / and +te wyttes of men. Vor
ase me knau+t +tet zuin be +te tonge / yef hit ys hol.
o+ter aboue y-zawe. and +teruore zay+t +te wyse ine +te
writinge. +tet '+te wordes of +te wyse bye+t y-we+ge ine +te
waye.' +Tet is to zigge / +tet +te wyse ssel zuo we+ge +te
wordes ine +te waye of skele and of discrecion +tet +ter ne
by na+gt to wy+t-nymene. Zome uolk bye+t / +tet ne mo+ge
ham na+gt hyalde stille / ne na+gt ham loki / +tet  hi ne       #
zigge /
by hit zo+t by hit leazinge. +Tet bye+t ase +te melle wy+t-oute
scluse. +tet alne-way went be +te yernynge of +te 
wetere. Vor hi habbe+t ase uele wordes / ase +ter com+t
of weter to +te melle. Ac +te wise zette+t +te scluse of
discrecion / uor to ofhealde +tet weter of fole wordes.
and to uele. +tet hi ne guo be +te melle of +te tonge. +Teruore
zay+t +te wyse ine +te writinge. 'Yzi+g +tet weter
yerne.' +Tet is to zigge: hald +tine wordes ine +te scluse
of discrecion. uor ase zay+t salomon. 'Huo +tet let guo
+tet weter to his wille: he is ofte cause of strif / and of
chidinge / and of manie kuedes / +tet come+t of kueade
tonge.' ase ich habbe be-uore yzed / ine +te chapitele of
uices. huer ich spek of +te zenne of +te tonge. +Teruore
zay+t wel +te wyse ine +te writinge. 'do' zay+t he / '+tine
wordes ine waye / and guod bridel ine +tine mou+te. and
nim nede +tet +tou ne ualle be +tine tonge be-uore +tine
uo: +tet +te asspie+t.' An-o+ter zay+t. 'Do to +tine mou+te /
a dore and a loc. and to +tine wordes: a waye and a
yok.' Huo +tet ne we+g+t his wordes ine +te waye of discrecion.
and ne ofhalt na+gt his tonge by +te bridle of skele.
+tet ssel ofhyealde +te tonge of kueade wordes. he ual+t
li+gtliche ine +te honden of his uon. +tet bye+t +te dyeulen /
+tet oueral ous aspie+t / and wayte+t. Huanne +te von /
+tet vi+gte+t aye +tane castel / yef hi vynde+t +te gate oppe:
hi guo+t in li+gtliche. alsuo +te dyeuel +tet ui+gt wy+t +tane
castel of +te herte / huanne he uint +te gate oppe / +tet
is +te mou+t / he nim+t li+gtliche +tane castel. And +teruore
<P I,256>
zayde daui+t ine +te sautere. 'Ich sette guode lokinge to
+te mou+te aye mine yuo' / +tat is +te dyeuel. +Te lokinge
of +te mou+te / +tet is skele and discrecion. +tet examene+t
+te wordes / er+tan hi guo out ate mo+te. +Tis is +te vi+gt
huerof +te wyse spek+t ase ich habbe aboue yzed / huer
me ssel we+ge +tet word er hit by yzed. And +tou sselt
ywyte / +tet zo+tnesse halt +tise ri+gtuolle waye. Vor
zo+tnesse acorde+t +te onderstondinge of +te herte: and
+tet word of +te mou+te / as hit is ine +te herte. +Tis waye
ne ssel hongi of +tis half / ne of yend half / ari+gthalf ne
alefthalf. +Tet uor none priue` loue of man ne of wyfman.
ne uor timlich note. ne uor hate of o+tren: me
ne ssel lete to zigge zo+t / huer +tet me ssel / and huanne
hit is nyed. ne leazinges / ne ualsnesse / me ne ssel
zigge uor nenne man.
   Ase me ssel loki mesure ine wordes: alsuo me ssel 
loki mesure ine hyer+te. Vor asewel me may zene+gy ine
kuede hyer+te: ase ine kueade speche. +Tanne +te ilke 
+tet yhyer+t ble+teliche missigge o+tren: ys partiner /
and uela+ge of +te zenne of +tan +tet he yher+t. +Tet non ne
wolde zigge ble+teliche kuead of o+tren / nameliche to-uore
greate men / bote yef he ne wende +tet hit likede
to him +tet hit hyer+t. +Tanne an hal+gen zay+t. +tet 'non
ne ssolde by misziggere: bote +ter by an hyerere.' +Teruore
salomon zay+t. 'te nor+tene wynd / to-+trau+t +te
raynes / and +te lourinde chiere: +te wordes of +te
missiggere.' +Tise greate men hi ssolden wel ham loki / +tet
hi hiere+t / and +tet hi leue+t. +tet hi vinde+t veawe / +tet
zo+t ham zigge. Ac ulatours / and lye+geres / bye+t to
grat cheap ine hare cort. +Te meste dier+te +tet is aboute
ham / is of zo+tnesse / an of trew+te. and +teruore hi bye+t
ofte y-giled. +Tet hi yhere+t ble+teliche / and y-leue+t
li+gtliche +tet me ham zay+t and +tet ham like+t. Senekes
zay+t. +tet +ter ne lacke+t to greate lhordes: bote zo+t 
ziggeres. Vor hi habbe+t lye+geres / and vlatours: to
greate cheape. and veawe zo+t ziggeres. Me ssel habbe
<P I,257>
+te earen opene / uor to hyere ble+teliche / +te guode 
wordes / +tet bye+t wor+t to +te help of zaule. and y-sset:
to fole wordes / ydele / and queade. +tet mo+ge do harm:
and ne mo+ge do guod. +Teruore +te wyse zay+t ine +te
writinge. 'Stoppe +tine earen mid +tornes. and ne hyer
na+gt +te queade tongen.' +te queade tonge: is tonge of
eddre of helle / +tet +te misziggeres bere+t. and enuenime+t
+to +tet his y-here+t. Aye zuyche tongen me ssel stoppi
+te yeren mid +tornes / mid the drede of oure lorde /
o+ter mid +te +tornes huermide god wes y-corouned / uor
be+tenchinge of his passion: Vor huo +tet he+t drede of
god / and be+tenchinge of his passion: he nolde na+gt
ble+teliche y-hyere +te misziggeres / ne flatours / ne fole
wordes / ne lodliche. In ano+tre manere me may onderstonde 
+tis word. 'Stoppe +tine yeren mid +tornes.'
+Te +tornes +tet prikie+t / be-tokne+t harde wordes and
prekiinde / heruore me ssel wy+tnime +te missiggeres /
and maki his stille and ssewy semblont +tet me ne hier+t
his na+gt ble+teliche. +Ter is an eddre +tet is y-hote ine
latin / (\aspis\) . +tet is of zuiche kende / +tet hi stoppe+t  #
+tet
on eare mid er+te / and +tet o+ter mid hare tayle / +tet hi
ne yhere +tane charmere. +Te ilke eddre ous tek+t a wel
grat wyt / +tet we ne hyere na+gt +tane charmere / +tet is
+te lye+gere / and +te flatour. +tet ofte be-charme+t +te riche
men. Ac huo +tet stoppe+t +tet on eare mid er+te / and 
+tet o+ter mid +te tayle: he ne ssolde habbe none hede to
bi be-charmed of +te dyeule / ne of kueade tongen.
+Te ilke stoppe+t +tet on eare mid er+te: +tet +teng+t +tet he
is of er+te / and to er+te ssel come. and zuo +tenche his 
uoulhede and his ziknesse. hueruore he him ssel moche
mildi: and na+gt him praysy. +Tet o+ter eare stoppi mid
+te tayle / uor to be+tenche of +te dya+te / +tet him ssel
wel astonie. Huo +tet +tus cou+te stoppi his earen:
he nolde yhyere ble+teliche zigge / ne recordi +ting: +tet
ssolde misliki god. and zuo ssolde he by wel ytempred /
<P I,258>
and amesured ine hyer+te and ine lhestinge. And +tis
is +te uer+te stape of sobrete.
   +Te uifte stape is / to loki mesure of ssredinge of 
preciouse robes / huerof me pase+t moche mesure / and 
make+t moche ouerdoinges. and +teruore +tet ouerdede is 
grat zenne / and uelezi+te anchesoun to zene ine o+tren.
+teruore me ssel ine zuyche +tinges loky mesure. Vor
hit is to moche of pris and to moche bysy agray+tinge
ne were zenne: oure lhord ne speke na+gt zuo stefliche
ine his spelle a-ye +te queade riche / +tet zuo ofte ham
ssrede+t / ase of to zofte bougeren and of to moche of
pris pourpre. O. moche is he fol uorzo+te / and child of
wytte / +tet of his ssredinge is proud. Me ssolde him
wel hyealde fol: +tet were proud to bere +te ssredinge.
+Tet ne ssolde by bote a tokne. and a be+tenchinge of +te
ssame of his uader / and of his o+gene. +Tes wone of
robes nes yuounde / bote uor +te zenne of oure uerste
uader uor to wry his confusion / and oure. Huanne
me yzi+g+t bere ane byrie. +tet is tokne +tet +ter is wy+tine
a dyad. alsuo hit y-ual+t ofte / +tet onder +te uayre
robes: is +te zaule dyad be zenne / and nameliche ine
+tan +tet ham gledye+t / and prede+t. Yef +te pokoc him 
prette uor his uayre tayle. and +te coc uor his kombe /
hit ne is no wonder +tet kende ham he+t y-yeue / an
do+t be hare kende. Ac man o+ter wyfman / +tet he+t
wyt and skele / and wot wel +tet kende ne he+t na+gt y-yeue
him +tet ilke ssroud / he ne ssel him na+gt prede:
of +te ssredinge of his bodye. ne of +te quayntises of his
heuede. +Teruore zay+t +te wyse ine +te writinge. 'ne glede
+te na+gt ine uayr ssroud.' And zaynte paul +tus zay[{+t{] .
+Tet +te wyfmen hi ssolle ham agray+ti: mid sobrete`. +tet
is to zigge: be mesure / and wy+t-oute ouerdoinge / be
+te stat / +tet +te wyfman acse+t. Vor zo+te +tet ne is na+gt
wy+t-oute ouerdoinge. +tet on wyfman. ssel habbe uor
hare body ine one yere zuo uele payre of robes / and
of diuerse maneres / huerof manye poure mi+gten by 
<P I,259>
sostened of +tan +tet is to moche. Ac yet eft yef hi
weren ate ende y-yeue uor godes loue to +te poure: yet
hit were zom+ting. ac hi bye+t ofte y-yeue to rybaus +tet
is wel grat zenne. +Teruore me ssel loki mesure ine
zuyche +tinge be +te stat +tet +te persone acse+t ase ich
habbe aboue y-zed.
   +Te zixte stape of temperance and of sobrete` is / +tet
ech loki guode mesure ine his contenonce / and ine his
beringe. +Tanne seneke zay+t. Yef +tou art sobre and
atempred / nim +tou hede +tet +te steriynges of +tine
herte ne of +tine bodye / ne by uoule ne onwor+ti. Vor
of +te discordance of +te herte: com+t +te discordance of
+te bodie. Zome +ter bye+t zuo childhedi / and of zuo 
nice manere / +tet hi make+t ham-zelue to by hyealde
foles. Hit becom+t wel to man of worssipe / and +tet is
ine grat stat / +tet he by wel ordine / and amesured ine
alle his dedes / and in alle his zigginges. and of uayre
contenonce to-uore alle men / zuo +tet non ne mo+ge
nime of him kueade uorbisne / ne +tet he ne by yhealde
uor fol / ne uor child. Vor ase zay+t a grat filosofe.
'child of elde. child of wytte. and child of +teawes:
bye+t al on.' +Te writinge zay+t +tet / +tet child of an
hondred year: ssel by acorsed. +Tet is to zigge. +tet +te
ilke +tet he+t uolle elde / and leue+t ase a child: ssel by 
acorsed of god. +Tanne zaynte paul zayde of him-zelue.
'+To ich wes child: ich dede ase a child. ich +to+gte ase
a child. ac ze+t+te ich com to elde of uol man: ich
uo[{rlet{] alle mine childhedes.' Vor huo +tet halt ald
man uor child: he hine halt uor fol. And +teruore
zay+t zaynte paul. 'Ne by na+gt child of wytte. ac ine
queadnesse by lite.' Nou is hit +tanne guod +ting and 
oneste. profitable / and wor+tssipuol to man an to wyfman /
and nameliche to grat uolk. +tet hi loki sceluolle
mesure / ine berynge ine contenonce / and +tet hi by
wel ordyne oueral. and be-uore god / and be-uore +te
uolke. And +tis is +te zixte stape of +tise trawe.
<P I,260>
   +Te zeuend stape is / to loki mesure ine mete and
ine drinke. Vor ouerdede of mete and of drinke: de+t
moche harm ine bodie and ine zaule. ase ich habbe be-uore
yzed. +Teruore zay+t oure lhord ine his spelle
'Nime+t ye hede / +tet youre herten / ne by ygreued /
ne y-charged of glotounie / ne of dronkehede.' +Tet is to
zigge / +tet +tou ne do ouerdoinge of mete and of drinke.
Sobrete` loke+t mesure ine mete and ine drinke. +tet me 
ne maki ouerdoinge. Of +te ouerdoinges +tet me wes y-woned
to do ine drinke and ine mete / ich habbe yno+g
yspeke ine +te dra+g+te of vices huanne +tet ich spek of +te
zenne of glotunie / to huam +tis uirtue huerof ich habbe
yspeke / zuo is contrarie specialliche. and +teruore ich
nelle nanmore hyer speke.  



