<B CMBRUT1>
<Q M1 NN HIST LAYBR>
<N LAY BRUT>
<A LAYAMON>
<C M1>
<O 1150-1250>
<M 1150-1250>
<K CONTEMP>
<D WMO>
<V VERSE>
<T HISTORY>
<G X>
<F X>
<W WRITTEN>
<X MALE>
<Y X>
<H X>
<U X>
<E X>
<J X>
<I X>
<Z NARR NON-IMAG>
<S SAMPLE X>


[^LAYAMON.
LAYAMON: BRUT, VOLS. I, II.
EARLY ENGLISH TEXT SOCIETY, 250, 277.
ED. G. L. BROOK AND R. F. LESLIE.
LONDON, 1963, 1978.
SAMPLE 1:
I, PP. 74.1450 - 96.1874 (B.L. MS. COTTON CALIG. A.IX)
SAMPLE 2:
I, PP. 378.7311 - 402.7767
SAMPLE 3:
II, PP. 732.13971 - 756.14403^]

[^THE ANGULAR BRACKETS USED TO INDICATE LETTERS 
INTERLINED OR ADDED IN THE EDITION ARE RENDERED AS
ROUND BRACKETS.^]

<S SAMPLE 1>
<P I,74>
Bladud hafde enne sune. Leir wes ihaten.
Efter his fader daie; he heold +tis drihliche lond.
somed an his liue; sixti winter.
He makede ane riche burh; +turh radfulle his crafte.
& he heo lette nemnen; efter him-seoluan.
Kaer Leir hehte +te burh; leof heo wes +tan kinge.
+ta we an ure leod-quide; Leirchestre clepia+d.
+Geare a +tan holde dawen; heo wes swi+de a+del burh.
& seo+d+den +ter seh toward; swi+de muchel seorwe.
+tat heo wes al for-faren; +turh +tere leodene u+al.
Sixti winter hefde Leir; +tis lond al to welden.
+Te king hefde +treo dohtren; bi his drih-liche quen.
nefde he nenne sune; +ter-fore he war+d sari.
his manscipe to halden; buten +ta +treo dohtren.
+Ta +aldeste dohter haihte Gornoille; +ta o+der Ragau. +ta      #
+tridde Cordoille.
Heo wes +ta +gungeste suster. a wliten alre va[{i{]rest.
heo wes hire fader al swa leof; swa his a+gene lif.
<P I,76>
+Ta +aldede +te king; & wakede an a+delan.
& he hine bi-+tohte; wet he don mahte.
of his kineriche; +after his deie.
He seide to himsuluen. +tat +tat vuel wes;
Ic wlle mine riche to-don; allen minen dohtren;
& +geuen hem mine kine-+teode; & twemen mine bearnen.
Ac +arst ic wille fondien; whulchere beo mi beste freond.
and heo scal habbe +tat beste del; of mine drih-lichen          #
lon[{d{] .
+Tus +te king +tohte; & +ter-+after he worhte.
He clepede Gornoille; hes gu+dfulle dohter.
vt of hire bure; to hire fader deore;
& +teus spac +te alde king. +ter he on +a+delen seat.
Sei me Go(r)noille; so+dere worden.
swi+te dure +teo eart me; hu leof +am ich +te.
Hu mochel wor+g leste +tu me; to walden kineriche.
Gornoille was swi+de w+ar; swa beo+d wif-men wel ihw+ar.
& sei(de) ane (le)singe; heore f+adere +ton king.
Leofe f+ader dure; swa bide ich Godes are.
swa helpe me Apollin; for min i-l+afe is al on him.
+tat leuere +teo +art me +ane; +tane +tis world al clane.
& +get ic +te wlle speken wit; +teou +art leouere +tene mi lif.
& +tis ich sucge +te to seo+de; +tu mith me wel ileue.
Leir +te king ilefde his doster l+aisinge;
& +tas +answare +gef. +tat waes +te olde king.
Ich +te Gornoille seuge; leoue (dohter) dure.
god scal beon +ti meda; for +tira gretinge.
Ic eam for mire +alde; sw+te vnbalded.
& +tou me leuoste sw+te; mare +tan is on liue.
Ich wille mi dirhliche lond; a +troe al to-dalen.
+tin is +tat beste deal; +tu +art mi dohter (deore) .
& scalt habben to lauerd. min alre beste +tein.
+teo ich mai uinden; in mine kinne-londe.
+After spac +te olde kinge; wit his [{o+der{] dohter.
Leoue dohter Regau; waet seist tu me to r+aide;
Seie +tu bi-fore mire du+g[{+d{]en; heo dure ich am +te an      #
herten.
+Ta answ+arde mid r+atfulle worden;
Al +tat is on liue nis [{me{] swa dure.
<P I,78>
swa me is +tin an lime for+de min ah+gene lif.
Ah heo ne seide na+ting s[{o{]+d; no more +tenne hiire          #
suste[{r{] .
Alle hire lesinge; hire uader ilefe(de) .
+Ta answarede +te king; hiis do+gter him icwemde.
+Tea +tridde del of mine londe; ich bi-take +te an honde.
+tu scalt nime louerd; +ter +te is alre leowost.
+Ta +get nolde +te leod-king; his sothscipe bi-l+auen;
he hehte cumen him bi-foren. his dohter Gordoille.
Heo was alre +gungest; of so+de +g+ar-witelest.
& +te king heo louede more; +tanne ba tueie +te o+dre.
Cordoille iherde +ta lasinge. +te hire sustren seiden +ton      #
kinge;
nom hire leaf-fulne huie; +tat heo li+gen nolden.
hire fader heo wolde suge seo+d; were him lef were him la+d.
+Teo que+d +te alde king; vnra[{d{] him fulede.
Iheren ich wlle; of +te Cordoille.
sua +te helpe Appollin; hu deore +te beo lif min.
+Ta answarede Cordoille; lude & no-wiht stille.
mid gomene & mid lehtre; to hire fader leue.
+Teo art me leof al-so mi f+ader; & ich +te al-so +ti dohter.
Ich habbe to +te sohfaste loue; for we buo+d swi+te isibbe.
& swa ich ibide are; ich wille +te suge mare.
Al swa muchel +tu bist woruh; swa +tu velden +art.
& al swa muchel swa +tu hauest; men +te wllet luuien.
for sone heo bi+d ila+ge[{d{] ; +te mon +te lutel ah.
+Tus seide +te m+aiden Cordoille; & seo+d+den (set) sw+te       #
stille.
+Ta iwar+de +te king w+ar+d; for he nes +teo noht iquemed.
& wende on is +tonke; +tat hit weren for vn+deawe.
+tat he hire weore swa unwour+d; +tat heo hine nold iwur+di
swa hire twa sustren; +te ba somed l+asinge speken.
+Te king Leir iwer+de swa blac; swlch hit a blac clo+d weoren.
iw+ar+d his hude & his heowe; for he was su+te ih+armed.
mid +tere wr+a+d+de he wes isweued. +tat he feol iswowen.
Late +teo he up fusde; +tat m+aiden wes afeared.
+Ta hit alles up brac; hit wes vuel +tat he spac.
H+arne Cordoille; ich +te telle wlle mine wille.
Of mine dohtren +tu were me durest; nu +tu e+art me arle        #
l+a+des[{t{] .
Ne scalt +tu n+auer halden; dale of mine lande.
<P I,80>
ah mine dohtren ich wlle delen mine riche;
& +tu scalt wor+den warchen. & wonien in wansi+de;
for nauere ich ne wende. +tat +tu me woldes +tus scanden;
+Tar-fore +tu scalt beon d+ad ich wene; fli+g ut of min         #
e+ah-sene.
+Tine sustren scullen habben mi kine-lond; & +tis me is iqueme.
+Te Duc of Cornwaile; scal habbe Gornoille.
& +te Scottene king; Regau +tat scone.
& ic hem +geue al +ta winne; +te ich +am waldinge ouer.
& al +te alde king dude; swa he hafuede idemed.
Of[{te{] wes +ten m+aidene wa; & n+aure wors +tenne +ta.
[{w{]a hire wes on mode; for hire fader w+ar+te.
Heo uende into hire boure; +tar heo ofte s+atte sare.
for heo nolde li+gen; hire fadder leoue.
+Tat maide wes sw+den swomefest; for hire fader heo scunede.
& dude +tene beste red. in hire bure heo abed.
& +tolede +tene mod-kare; & mornede sw+te.
& +tus ane stonde hit stod +a +don ilka.
In France wes a king; riche & swi+de kene.
Aganippes wes ihaten; h+ale+den he wes +aldere.
He wes a +genge king. ah quene nauede he nane;
He sende hiis sande. into +tisse lande;
to Leir +tan king. & leofliche hine gret.
He b+ad hine don is iwille; +geuen him Cordoille.
& he heo wolde habben; h+a+ge to are quene.
& +after hire don +arest; +tat hire were alre leofust.
Feor haueden li+dende men; ispeken of +tan m+aidene.
fei+gernesse & freo-scipe; at-foren +tan Frensce kinge.
of hire mucla f+aira wlita; of hire muchela monschipe.
hu heo wes +tolemod; of f+aire hire +te+awen.
+tat nes on Leir kinges lond; nan wifman al swa hende.
& +te king Aganippus; igrette Leir kin +tus.
Leir kin hine bi+tohte; wat he don mohte.
he letten writen a writ; & wel hit lette dihten.
& sende hit bi his sonde; in Frauncene londe.
+Tus spec +tes kinges writ; hit wes widen icu+d.
+Te kinge of Bruttaine. +te Leir is haten.
grete+d Aganippus. +tene aldere of Fraunce.
Wor+dschepe haue +tu; +tire wel-deda.
& +tire feire sonde; +tat grete +tu me woldest.
<P I,82>
Ac ich do +te wel to witene; h+ar bi mine writ rith.
+tat mi drihliche lond atwa ich habbe ideled.
i+geuen hit mine twam dohtren +te me beoh swi+de deore.
Dohter ich habbe +ta +tridda; ac ne r+acche ich w+ar heo libbe.
for heo me for-huste; & heo hold me for h+ane;
& for mire halde. heo me un+ale[{de{] .
heo make[{de{] me swa swi+te wra+d. +te worse hire scal         #
i-wur+den;
of alle mine londe. ne of alle mine leode;
+te ich auere bi+geat. o+der bi-+gete m+aie;
ich +te sucge so+d-riht; na scal heo habbe nawiht.
Ac +gef +tu heo wult habben; for m+aide heo is hende.
ich heo wulle +te biwiten; & senden ha +te in ane scipe.
mid seoluen hire cla+den; of me naf+d heo na more.
+Gif +tu heo wult underfon; al +tis ilka ich wulle don.
Iseid ich habbe +tene grund; & +tu seolf wur+d al hisund.
+Tis writ com to Fraunce; to +tan freo kinge.
He hit lette raden; leof him weren +ta runen.
+Ta wende (+te) kinge; +tat hit were for vuele.
+tat Leir kin(ge) hire f+ader; heo him wolde atleden.
& he mochul a +ta wode(lo)ker; wilnede +teos m+aidenes.
& seide to is bornen; +tat wes +te bisie king.
Ich eam riche mon i-noh; +tat na mare ich ne rec[{c{]he.
ne scal neuere Leir king; +tat m+aiden me attlede
ac ich heo wulle habben; to h+a[{h{]+ge[{r{]e are quene.
Habben heore fader al is lond; al hiis seoluer and is gold.
Ne bidde ich nanne ma+dmes; me seolf ich habben ino+ge.
bute +tat m+aiden Cordoille. +tenne h+abbe ich mine wille;
Mid writ & mid worde. he sende eft to +tisse londe;
& bad Leir king him sende his dohter +te w+as hende.
& he wolde wel don; mid muchele wor+de-scipe heo u[{n{]der-fon.
+Ta nom +ta olde king; +a+dele his meiden.
mid seoluen hire cla+des; & lette heo fo[{r{]+de li+den.
ofer +ta stremes; hire fader hire wes sturne.
Aganippus +te Frennsce king; vnder-feng +tis meiden child.
al hiis folc hit wes iqueme; & makeden heo to quene.
& +tus heo +ter bi-lefde; leof heo wes +ton leoden.
& Leir king hire f+ader; luuede i +disse londe.
& hadde i+geuen is twain dohtren; al his drihliche leand.
<P I,84>
He +gef Gornoille; Scotlondes kinge.
he h+ahte Maglaunus; his m+ahte weren store.
Cornwailles duke; Regau is dohter.
+Ta i-lomp hit seo+d+de; sone +tar-+after.
+tat +te Scottene king; & +te duk; speken to-ga+dere.
mid heore stil rune; nome hem to reda.
+tat heo wolden al +tis lond; habben on heora hond.
& feden Leir +tane king; +te while +te he leouede.
d+aies & nihtes mid feowerti hired-cnihtes;
& heo him wolden finden. hauekes & hundes;
+tat he mihte riden; +geond alle +tanne +teoden.
& libben on lisse; +te while +te he leouede.
+Tus heo +ta ispeken; & eft hit to-breken.
& Leir king hit iherde; & eft him wes +te worsse.
& Leir gan li+de; to Scotten+a leoda.
mid Maglaune his a+dume; & mid +tere eldre dohtre.
Me vnder-fenge +tene king; mid mochele feirnusse.
& wel me him dihte; mid feowerti hire[{d{]-cnihtes.
mid horsen & mid hundes; mid al +tet him bi-heovede.
+Ta hi-lomp hit seo+d+den; seone +ter-after.
+te Gornoille bi-+tohte. whet heo don mihte;
Heore +tuhte swi+te eille. of +a+delene hire f+adere;
& heo hit bi-gan to mainen. to Maglaune hire louerde;
and seide him ibedde. +ter heo leiin iueore;
Seie me mi lauerd. monne +tu ert me leouest;
me +tunche+d +tat mi f+ader. nis nowhit felle.
no he wurh-scipe ne can; his wit he hauet bileued.
Me +tunche[{+d{] +te alde mon; wole dotie nou nan.
He [{h{]alt here fauwerti cnihtes; daies and nihtes.
he haueht her +tas +teines; and alle heore swaines.
hundes and hauekes; +ter-uore we habbet harmes.
and nowher heo ne spedet; and auere heo spenet.
& al +tat goud +tat we hem do+d; heo hit blu+deliche            #
vnder-fo+d.
and cunnen us vn[{+d{]onc; for ure wel-dede.
Heo do+d muchel bisem+are; ure men hi to-betet.
mi fader hauet to monie; of idele manne.
<P I,86>
Ale +ta feor+de dale; lete we for[{+d{] fuse.
inoh he hauet on +tirti; to +tirngen to borde.
Vs selve we habbet cokes; to quecchen to cuchene.
vs sulue we habbet bermen; & birles inowe.
Lete we sum +tis mochele folc; fare wher ha wulle+d.
swa ich +auere ibiden are; i+dolien nulle ich hit mare.
+Tis iherde Maglaunus; +tat is quene spilede +tus.
& he hire andswarede; mid a+delere spiche.
Leiuedi +tu haues mochel wouh; nauest +tu rich-dom inoh.
Ah hald +tine f+ader on lisse; ne luue+de he no-wiht longe.
For +gef ferrene kinges; hiherde +ta tidinde.
+te we swa takede him on; heo us wolden t+alen.
Ah late we hine welden; his folc on his willen.
and +tis min a+ge r+ad is; for sone her-+after he be+d dead.
& ac we habben in ure hond; al half is kine-lond.
+Ta seide Gornoille; Lauerd beo +teu stille.
let me al iwur+ten; & ich ham wulle atwailden.
Heo sende mid hire ginne; to +tare cnihtene inne
heo hahte hem faren here w+ai; for heo nolden hem no more       #
feden;
moni of +ten +teinen. monie of +ten swe[{i{]nen;
+te +tider weren icumene. mid Leir +tanne kinge;
+Tis iherde Leir king. +tar-fore he wes swu+te wrah;
+ta i+gedede +te king. mid +gemeliche worden;
and +tus seide +te kinge. sorhful on mode;
Wa wor+de +tan monne. +te lond haue+de mid menske;
and bi-tachet hit is childe. +te while +te he mai hit walden;
for ofte hit ilimp+d. +tat eft hit him of-+tinche+d;
Nu ich wulle hunne faren; for+d-rihte to Cornwalen.
+gernen ich wulle r+ades; to Regau mire dohter.
+te hauede Hemeri +te duc; & mi drihliche lond.
Fo(r)hd +te king wende; in-to +tan su+d ende.
to Regau is dochter; for r+ades him trukeden.
+Ta he to Cornwale com; he wes feire +ter vnder-fon.
swa al +tet halue +ger; mid al his hirede he wes +ter.
+Ta saide Regau to hire duc H[{e{]meri.
Lauerd herne +tu me; to fulle so+te ich sucge hit +te.
We habbet idon unwisdom. +tat we mine fader habbet              #
vnde[{r{]-fon;
<P I,88>
mid [{+t{]irtti cnihten hit nis me noht iqueme.
Do we awai +tane twenti; a tene beo+d inoh+ge
for al heo dringket and ete+d; & na god heo ne bi-+gete+d.
+Ta seide Hemeri +te duc; +te his alde fader bi-swake.
Swa ich e+auere beo on liue; ne scal he habben beote fiue.
for +te(r) he hauet h(i)rde hinoh; for he nauyt no do+d.
& +gef he wille henne faren; fuse we hine sone.
Al heo ispedden; ase heo (i)speken hafden.
binomen him is do+ge+de; and al his drihliche folc.
nolden heo him bi-leafuen; cnihtes beoten fiue;
+Tis iseh Leir +te king; wa wes him on liue.
His mod him gon mengen; he mor+gnede swi+de.
and +tas worde seide; mid seorhfulle laichen
Wela weolla. wella. hu +tu bi-swikest monine mon.
+Tenne he +te treowe+de alre best on; +tenne bi-swikes tu heom
Nis hit nowit +gare; noht fulle twa +gere.
+tat (ich) was a riche king; and held mine cnihtes.
Nu ich habben ibiden +tat ich bare sitte;
wunnen bir+aue[{d{] ; wa is me on liue.
Ich wes at Gornoille; mire god-fulle dohter.
wu[{ne{]den on hire leoden; mid +tritti cnihtes.
+te +get ich mihte libben; ah +tenne igonne li+den.
Ich wende swi+de wel to don; ac wurse ich habbe vnder-fon;
A+gen ich wulle to Scotte; to scone mire docter.
+gernen hira milcea; +tat heo me nele wurdea.
bidden heo me vnder-fon; mid mine fif cnihten.
+Ter ich wulle wunie; and +tolie +teos w+anen;
ane lutele stunde. for ne libbe ich no-wiht longe;
Leir +te king wende forh. to is dohter wunede nor+d;
Fulle +tre nihtes; heo h+arabarewude hine. and is cnihtes
heo swor a +tane fer+te d+ai; bi al heuenliche main.
+tat ne sculde he habben mare; bute enne kincte +tere.
and +gef he +tet nolde; ferde wuder he wolde.
Wel oft wes Leir wa and neuere wurs +tanne +ta.
+Ta seide +te alde king; +aruu e was on herten.
<P I,90>
Wallan d+a+d wela dea+d. +tat +tu me nelt for-demen;
Seo+d seide Cordoille. for cu+d hit is me nou+te.
mi +gengestte dohter; heo was me wel dure.
seo+d+den heo me wes lea[{+d{]est; for heo me seiden alre       #
sohust.
+tat me bi+d vnwor+d & lah. +te mon +te litul ah;
and ihc nas na wurdra. +tenne ich (nes) weldinde.
Ouer soh seiden +tat +gunge vifmon; hire folwe+d mochel wisdom.
+Ta wile +te ich h+auede mi kinelond; luueden me mine leoden.
for mine londe & for mine feo; mine eorles fulle to mine cneo;
Nu ich +am a wrecche mon. ne leouet me no mon for +tan;
Ah mi dohter me seide seoh for nou ich hire ileue i-noh.
& ba twa hire susteren; lasinge me seiden.
+tat ich ham wes swa leof; leuere +tenne hire a+ge lif.
& Cordoille mi dohter; doh+ge+te me seide.
+tat heo me leouede swa feire; swa monnes fader scolde.
Wet wold ich bidde mare; of mire dohter dure.
Nu ich wullen faren feor+d. & ouer s+a fusen.
ihiren of Cordoille. wat beon hire wille;
Hire seoh+de word ich nam to grame. +tar-fore ich habbe nu      #
muchele scame;
for nu ich mot bi-secchen; +tat +ting +tat ich +ar for-howede.
Nule heo me do na wurse; +tanne hire lond forwurnen.
Leir ferde to +tere s+a; mid ane alpie swein.
in-to ane schipe he bi-com; ne icnwo hine no mon
ouer sea icomen; hauene sone. anomen.
For+d wende +te king Leir; nauede he bute enne swein.
Hi axeden +ta quene; +tat heo comen hire a neweste.
tahten heom leode; wer wes +tes londes quene.
Leir king wende on anne feld; & reste hine on folden.
and is sw[{ei{]n he for+d sende; +te wes irad-mon hende.
to +tere quene Cordoille; and seide hire wel stille.
Hail wur+d +tu feire quene; Ich eam +tines fader sweine.
and +ti uader is hider (i)kimen for al is lond is him           #
bi-nomen.
Beo+d ba +tine sustren; touward him for-sworene
He cume+d for neode; in-to +tisse leode.
and help him nu for +tu miht; he is +ti fader alse hit is riht.
+Te quene Cordoille; se+at longe sw+te stille.
Heo iward reode on hire benche; swilche hit were of             #
wine-scenche.
and +te swain s+at at hire f+ait; sone +ter-after him wes +te   #
bet.
<P I,92>
+Ta alles vppe abr+ac; hit wes god +tet heo sp+ac.
Appollin mi lauer[{d{] . ich +tankie +te; +tat mi f+ader is     #
icumme to me.
Tidinge ic ihire leoue; +tat mi fader on liue is.
Of me he habben scal goudne re+ad; bute ich beo +te ra+der ded.
Seie me nu+te leo[{f{] swein. & harne mine lare
Ich +te wulle bi-tache a male riche
peni+ges +ter buo[{+d{] an sunda; to iwisse an hundrad punda
Ich bi-t+ache +te anne h+angest; godna & strongna.
to l+aden +tis garisume to leuene mine fadere;
and seie him +tat ich hine gret; godere gretinge.
& hatine fare swi+te; to hare feire bur+ge.
and rumen him herberia; i summe riche burie.
& bugge him alre errust; +tat him wes alre leouust
metes & drinches. & hende cla+des;
hundes & hauekes; & durewur+de horses.
hal[{d{]e in is heose. feuwerti hired-cnihtes.
he+ge and riche; bi-hongen mid r+aue.
makie him god baid. & ofte hine ba+die;
& him blod lete lutlen and ofte.
Wenne +tu wult more suluer; s+ache hit at me suluen.
& ich him wulle senden; inoh of +tisse ende.
swa neuer he ne cu+de; of his alde cu+d+de.
cnihte ne sweine; ne nauer nanne +teine.
+Tenne feowerti dawes beo+d agan. +tenne cu+de he anan;
to leue mine lauerd. +tat Leir is an is londe.
icume ouer s+a-streme; to isen is eastresse.
& ich hit wulle swa nimen; alse ich hine nusten.
li+den him to-+g+anes. mid mine lauerde.
fainen mines lauerdes & is f+airliche cume.
Nute hit neuere nane gume; buten he beo neowene icume.
& +tus hit writen sende; to mine lauerd kinge.
& +tu +tas +ahte on-fo; and loca +tat +tu wel do.
and +gef +tu heo +tus dalest; to godere +tire h+ale.
& +te swein on-feng +tas ahte; & to is louer[{d{] ferde.
to Leir +ton kinge. & seide +tas tidinge;
+ter he l+ai on felde; and reste hine on folde.
Sone wer+d +te alde king; wunliche i+a+deled.
& +tas wuord seide; mid so+dere stefuene.
After vuele cume+d god; wel is him +te hit habbe mot.
Heo ferden to hare +a+gene burh; ase +te quene h+ahte.
<P I,94>
& al heo iduden; efter hire lare.
+T[{a{] for+d wuren agan; feuwerti da+gene.
+ton nom Leir +te king; is leouste cnihtes.
& gret Aganippum; +tat was his leue a+dum.
& seide him bi his sond; +tet icume he wes to is londe.
to speken wit his dohter; +te wes him swu+de dure.
Aganippus wes bli+te; +tet Leir wes cumen li+den.
ferde him to-+genes; mid alle his +teines.
and +ta quene Cordoille; +ta hauede Leir is wille.
Heo comen to-gadere; & ofte heo custen.
heo uenden to bu(r)+ge; blisse wes an hirede.
+Ter wes bemene song. +tere [{+g{]eden pipen among.
al weren +te h+allen; bi-hongen mid pellen.
alle +ta mete-burdes; ibrusted mid golde;
[{Ringes of golde{] +alc mon hafte on honde.
mid fi+telen and mid harpen; h+ale+des +ter sungen.
Lette +te king gan awal; & lude clepien ouer-al.
and seide +tat Leir kin; icume wes to londen.
Nu hate+d Aganippus; +te is +te he+gest ouer us.
+tat +ge Leir king; alle wur+de li+de.
& scal beon eouwer lauerd; inne +tissere leoden.
al swa fele +gere; swa he wonien wulle here;
& Aganippus ure king; s[{c{]al beon is vnder-ling.
Wha-swa wulle libba; alde +tas sibba;
& +gef o man hit wille breken; on ueste it bi[{+d{] iwreken.
& wite he alle is mon; +tat he here haldet. on.
+Ta answareda +ta du+ge+ta; Don we hit wullet
lude and stille; al +tes kinges wille.
+Tur+d-out al +tat ulke +ger; heo duden al +tus +ter.
mid muchelere sibba; mid mochele+are seahte.
+Ta +teos +ger wes a-gon; +ta wold Leir king fare ham.
to +tisse londe li+den; and +ger(n)de +teos kinges leue.
+Te king Aganippus answerede him +tus;
Ne scalt +tu neuere +tider faren bute mochelere ferde.
ah ich +te wulle lanen; of mine leode-folc
fif hundred schipes. ifulled mid cnihten;
& al +tat heom bihoue+d; to habben on fore.
And +tine dohter Cordoille; +ta is +tisse londes quene.
heo scall mid mochelere ferde faren mid +te;
<P I,96>
an li+ten to +ten londen; +ter +tu were leode(ne) king.
and +gef +tu miht +aine finden +te +te wulle a+gen-stonde;
binimen +te +tine rihte & +tine kine-riche.
+tu ahliche ueht. & fel heo to grunde;
& irum al +tat lond. and sete hit Cordoille an hond;
+tat heo hit al habbe. efter +ti[{n{]e daie;
+Tas wordes seide Aganippus. & Leir king dude +tus;
and al he iworhte. swa his freond him tahte.
To +tisse lon[{d{]en he com li+den. mih leoue his dohter;
He higre+de[{d{]e mid +tane beste; +te him buwen wolden.
& alle he ham fulde; +te him wit feohten.
and he al +tis kine-lond; biwon to his a+gere hande.
& +gef hit Cordoille; +te wes Francene quene.
and hit ane stunde; stod a +tissene ilke.
Leir king one leoden; +treo +ger leouede.
+t+a com his ende-d+ai; +tat +te king ded l+ai.
Inne Leirchestre; his dohter hine leide.
inne Ianies temple; al swa +te b[{o{]c tellet.
and Cordoille heold +tis lond; mid h+a+gere stren+de.
fulle fif +gere; quene wes here.
+ta while Francene king; f+aisi+de makede.
and Cordoille com +tat wourd; +tat heo was iwor+den widewe.
+Ta come +ta tidende; to Scottlondes kinge.
+tat Aganippus was dead; Leir king id+aied.
He sende +turh Brittaine; into Cornwaille.
& hehte +tane duc stronge; heri+gen in su+d londe.
and he wolde bi nor+den. iahnien +ta londa.
For hit was swu+te mouchel scome; & ec swi+te muchel grame.
+tat scholde a quene; beon king in +tisse londe.
& heora sunen beon buten; +ta weren hire beteren.
of +tan aldre sustren; +ta +ta +a+delen sulden habben.
Nulle we hit na-more i+tolien; al +tat lond we wulle+d habben.

<S SAMPLE 2>
<P I,378>
Vortimer +te +gunge king; wes swi+de kene +turh alle +ting.
he sende Hengest word; & Horse his bro+der.
buten heo hi+genliche; uerden of +tis riche.
he heom walde ufel don; ba+de ablenden and anhon.
<P I,380>
& his a+gene fader; he for-uaren walde.
& alle +ta h+a+dene; mid h+a+gere streng+de.
+Ta andsw+arede Hengest; cnihtene alre hendest.
Her we wulle+d wunien; wintres & sumeres.
riden & +arnen; mid +tan kinge Vortigerne.
& alle +ta mid Vortimere uare+d; heo sculle+d habben sor+gen &  #
kare.
+Tat iherde Vortimer; he wes wis & swi+de iwar.
& lette beoden uerde; +geond allen +tissen +arde.
+tat al +tat Cristine folc; come to hirede.
Vortimer +te +gunge king; i Lundene heold his hus-ting.
+te king hehte +alcne mon; +te luuede +tene Cristindom.
+tat heo +ta h+a+dene; hatien scolden.
& +ta h+afden bringen; to Vortimer +tan kinge.
& twalf panewes habben to mede; for his wel-dede.
Vortimer +te +gunge; verde ut of Lundene.
& Pascent his bro+der; & Katiger +te o+der.
heom wes icumen word; +tat Hengest l+ai at Epiford.
uppen +tan watere; +te men nemne+d Darewente.
+Ter comen to-somne; sixti +tusend monnen.
an are halue wes Uortimer; Pascent & Categer.
& al +tat leod-liche folc; +tat luueden ure Drihten.
an o+dere halue weoren; drenches; mid Vortigerne +tan kinge.
Hengest and his bro+der; & moni +tusend o+der.
To-somne heo comen; & mid m+aine on-slo+gen.
+ter uellen to +tan grunde; twa & +tritti hundred.
of H+angestes monnen; & Hors wes for-wonded.
Catiger +ter com; & mid his spere hine +turh-nom.
& Hors for+d-riht +ter; for-wundede Catiger.
& Hengest gon to flonnen; mid al his driht-monnen.
& Vortigerne +te king; fl+ah for+d alse +te wind.
heo flo+gen for+d in-to Kent; & Vortimer heom after went.
uppen +tere s+a-brimme; +ter Hengest +tolede pine.
+ter heo gunnen at-stonden; & fuhten swi+de longe.
Fif +tusende +ter weoren isl+a+gen; & idon of lif-d+a+gen.
of Vortigernes monnen; of +tan h+a+dene cunnen.
Hengest hine bi+dohte; wh+at he don mahte.
iseh he +ter bi-halues; ane h+auene swi+de m+are.
moni scipen gode; +ter stoden i s+a-flode.
Heo ise+gen an heore riht hond; a swi+de f+aier +ait-lond.
hit is ihaten T+anate; +tiderward heo weoren wh+ate.
<P I,382>
+ter +ta S+axisce men; +t+a s+a isohten.
& anan gunnen wenden; in-to +tan +ait-londe.
& Bruttes heom after; mid feole cunne craften.
& heom to-heolden; in +achere h+alue.
mid scipen & mid baten; heo gunnen smiten & sceoten.
Ofte wes H+angest w+a; & nauere wurs +tene +ta.
buten he dude o+derne r+ad; +ter he sculden wur+den d+ad.
He nom +anne spere-sc+aft; +te wes long & swi+de st+arc.
& dude a +tene +ande; +anne mantel hende.
& cleopede to +tan Brutten; & bed heom abiden.
he wold sp+acken heom wi+d; & +girnen +teos kinges gri+d.
& mid gri+de sende. Uortigerne to londe.
to makien his forward; +tat he faren moste.
wi+d-uten mare sconde; in-to S+ax-londe.
Bruttes wende to londe; to Vortimere heore kinge.
and Hengest sp+ac wi+d Vortigerne; of rune swi+de derne.
Vortigerne wende a +tat lond; & ber anne +gerd an his hond.
+Ta while +ta heo of gri+de speken; Saxes i scipe leopen.
& dro+gen up to coppe; h+a+ge heore seiles.
& wenden mid wedere; i +tere s+a wilde.
& letten i +tissen londe; wiues & heore children.
& Vortigerne king; +te heom luuede +turh alle +ting.
Mid muchele mod-k+are; Hengest gon a-w+ai uaren.
swa longe heo ferden; +tat inne Saxlonde heo weoren.
+Ta weoren inn Bruttene; Bruttes swi+de balde.
heo dro+gen on heom muchel mod; & duden al +tat heom +tuhte     #
god.
& Vortimer +te +gunge; wes duhti mon +turh alle +ting.
& Vortigerne his fader; ferde +geond +tas Bruttene.
ah nes hit nan swa wac mon; +tat him ne hokerede on.
& swa he gon wondrien; fulle fif wintren.
& his sune Vortimer; riche king wuneden her.
& al +tis leodisce folc; luueden hine swi+de.
he wes milde +alche cnafe; & tahte +tan folke Godes l+a+ge.
+tan +gungen & +tan +alden; hu heo Cristindom sculden halden.
Writen he sende to Rome; to +tan Pape wel idone.
+te wes ihaten Sceint Rom+ain; al Cristindom he make[{de{]      #
fain.
Biscopes he nom tw+ain; hali men heo weoren b+aien.
Germain & Leois; of Ceore & of Tr+ais.
heo uerden ut of Rome; swa +tat heo hider comen.
+Ta wes swa bli+de Vortime(r) ; swa he nes n+auere +ar her.
<P I,384>
he & alle his cnihtes; iwenden uo[{r{]+d-rihtes.
an here bare uoten; to-+geines +tan biscopen.
& mid michelere murh+de; mu+des +ter custen.
Nu +tu miht iheren; of +tan kinge Vortimere.
heu he spac wi+d Seint Germain; for heore kume he wes f+ain.
Luste+d me lauerd-dinges; ich +am +tissere leodene king.
ich hatte Vortimer; mi bro+der hatte Catimer.
Vortigerne hehte ure fader; him uulie+d unr+ades.
He haf+d ibroh[{t{] i +tis lond; h+a+dene leoden.
ah we heom habbeo+d iflemed; al swa ure uulle iuan;
& mid wepnen i-felled; of heom ueole +tusen.
& isend heom ouer s+a-stra[{m{] ; +tat heo nauere sel ne cumen  #
a+gan.
& we scullen an londe; luui+an ure Drihten.
Godes folc ur(o)frien; & freond-liche hit halden.
wur+den mils li+de; wi+d +ta lond-tilien.
churichen we scullen h+ah+gen; & h+a+dene-scipe hatien.
Habbe alc god mon; his rihte +gif Godd hit an.
& +alc +trel & +alc w+alh; wur+de iuroeid.
& here ich bi-teche eou an hond; al freo +alc chiric-lond.
& ich for-+giue +alchere widewe; hire lauerdes quide.
& +tus we scullen an ure da+gen; ani+deri Hengestes la+gen.
& hine & his h+a+dene-scipe; +t+a he hider brohte.
& minne fader biswak; +turh swike his cra[{f{]tes.
+turh his dohter Rouwenne; mine uader he uor-radde.
& mi uader swa uuele agon; scunede +tene Cristindom.
& +ta h+a+dene la+gen; luuede to swi+de.
+ta we sculle+d sceonien; +ta while +ta we luuien.
+Ta answare[{de{] Seint Germain; for swulche worden he wes      #
fain.
Ich +tonkie mine Drihte; +te scop +tes da+ges lihte.
+tet he swulche mildce; sent to moncunne.
+Tas biscopes ferden +geond +tis lond; & setten hit al a Godes  #
hond.
& +tene Cristindom heo rihten; & +tat volc +ter-to dihten.
& seo+d+den +ter-+after sone; heo iwenden to Rome.
& s+aiden +tan Papen; +te Roumain wes ihaten.
hu he hafden her idon; iriht +tene Cristindom.
& +tus hit ane stunde; stod a +tan ilken.
Vo we +get a Uortigerne; alre kinge si he +armest.
he louede Rouwen; of +tan h+a+denne cunne.
<P I,386>
Hengestes dohter; heo +tuhten him wel softe.
Rouwenne heo bi-+tohte; wh+at heo don mahte.
hu heo mahte hire fader wreken; & hire freondene dea+d.
Ofte heo sende sonde to Uortimere +ton kinge.
heo him sende ma+dmes; moniare cunne.
of seoluer & of golde; +te beste of +aie londe.
heo +girnede his +are; +tat heo moste wonien here
mid Uortigerne his fader; & foluen his r+ades.
+Te king uor his fader bone; +gette hire hir bone.
buten +tat heo sculde wel don; luuien +tene Cristindom;
al +tat +te king +girnede; al heo hit +gette.
Ah wale +tat Uortimer; of hire +tonke n+as w+ar.
Wale +tat +te gode king; of hire +tonke nuste na-+ting.
+tat he nuste +tene swikedom; +te +tohte +ta lu+dere wimman;
Hit ilomp an are tide; heo nom hire to r+ade;
[{to don bi his r+ade{] alle hire neode.
and to wlche time heo mihte wel don; vnderuongen +tene          #
Cristindom.
For+d heo gon riden; to Uortimer +tan kinge.
+ta heo hine imette; u+aire heo hine igrette.
Hal wr+d +tu lauerd king; Bruttene deorling.
Ich +am +te icomen to; Cristindom ich wulle auon.
an +tan ilke d+aie; +te +tu seolf demest.
+Ta w+as Uortimer +te king; bli+te +turh alle +ting.
he wende +tat hit weore so+d; +tat +teo sca+de s+aide.
Bemen +ter bleowen; blisse wes on hirede.
for+d mon brohte +tat water; bi-foren +tan kinge.
heo seten to borde; mid muchelure blisse.
+Ta +te king hafde i+aten; +ta eoden +teines-men to mete.
in halle heo drunken; harpen +ter dremden.
+Ta swicfulle Rouuenne; eode to are tunne.
+ter wes idon in; +tes kinges deoreste win.
nom heo an honde; ane bolle of r+ade golde.
& heo gon scenchen; on +tas kinges benche.
+Ta heo is+ah hire time; heo fulde hir scale of wine.
& at-foren al +tan dringe; heo eode to +tan kinge.
& +tus hailede him on; +te swic-fulle wimman.
Lauerd king w+as hail; Uor +te ich am swi+de u+ain.
Hercne nu muchel swikedom; of +tere lu+dere wimmon.
<P I,388>
hu heo gon swiken +ter; +tene king Uortimer.
+Te king heo u+aire under-u+ang; to his f+aie-si+de.
Fortimer sp+ac Bruttisc; & Rouuenne Saxisc.
+tan king +tuhte gomen inoh; for hire sp+ache he loh.
H+arcne hu heo toc on; +t[{i{]s swicfulle wimman.
In hire bosme heo bar; bi-neo+den hire titten.
ane guldene ampulle; of attere i-fulled.
& +ta lu+dere Rouuenne; dronc +tene bolle.
+tat heo hafde half don; after +tes kinges dom.
+Ta while +te +ta king loh; +ta ampulle heo ut droh.
+tene bolle heo sette to hire chin; +tat atter heo halde in     #
+tat win.
& seo+den heo +ta cuppe; bitahte +tan kinge.
+Te king dronc al +tat win; & +tat atter +ter-in.
+Te d+ai for+d eode; blisse wes on hirede.
for Uortimer +te gode king; of +tan swikedom nuste na-+ting.
for he isah Rouuenne; halden +tene bolle;
& drinken half +tat ilke win; +tat heo heuede idon +ter-in.
+Ta hit com to +tare nihte; +ta to-d+alleden hired-cnihtes.
& +ta ufele Rouwenne; wende to hire inne.
& alle hire cnihtes; mid hire uor+d-rihtes.
+Ta heihte heo hire sweines; & ec +taie +teines.
+tat heo an hi+ginge; heore hors sculden sadelien.
& heo swi+de stille; stelen ut of buruwe.
& wenden al bi nihte; to +Twoncchestre uor+d-rihte.
& +ter swi+de vaste; bi-clusen heom in ane castle.
& lu+gen Uortigerne; +tat his sune hine wolde biliggen.
& Vortigerne +te swikele king; il+afde +tare l+asing.
Nu vnder-+gat Uortimer his sune; +tat he hefde atter inomen.
ne mihte na lechecraft; helpen him n+a wiht.
He nom feole sonden; & sende +geond his londe.
& hehte alle his cnihtes; to him comen for+d-rihtes.
+Ta +tat folc was icumen; +ta wes +te king swi+de untrumed.
+ta +girnde +te king heore gri+d; & +tus he spac hem alle wi+d.
Alre cnihten wr+d eow best; +te heren +aie kinge.
+ter nis nan o+der red; buten hi+gend-liche ich beo d+ad.
hir ich bit+ache eow mi lond; al mi seoluer & al mi gold.
& alle mine ma+dmes; eowre monscipe is +ta mare.
& +ge for+d-rihtes senden after cnihtes;
& +geuen heom soluer & gold; & h+alde+d +ge seolf eowre lond.
<P I,390>
& wreke+d eow +gif +ge cunnen; of Sexisce monnen.
uor weonne so ich beo uor+d-faren; Hengest eow wul makien kare.
& nime+d mine likam+a; & legge+d an ch+asten.
& lede+d me to +tare s+a-stronde; +ter Saxisce men wulle+d      #
cumen a lond.
Anan swa heo me +ter witen; aw+ai heo wulle+d wenden.
nou+der quic ne dead ne durren heo me abiden.
I-mong +tissen dome; d+a[{d{] i-war+d +te gode king.
+ter wes wop +ter wes rop; & reuliche iberen.
Heo nomen +tes kinges licame; & ladden to Lundene.
& bisides B+al+ges-+gate f+aire hine bi-bur+geden.
& nawiht hine ne ladden; alse +te king heihte.
+Tus liuede Uortimer; & +tus he endede +tar.
+Ta iueolen Bruttes; a balu-fulle r+ade.
heo nomen Uortigerne anan; & bi-tahten heom +tesne kenedom.
welle reoulich wes +ter a +ting; nu was Vortigerne +aft king.
Uortigerne nom his sonde; & sende to Sexlonde.
& grette wel Hengest; cnihten alre v+airest.
& bad hine [{an{] hi+ginge; comen to +tisse londe.
& mid him brouhte here; an hundred rid+aren.
For +tat wite +tu +turu alle +ting; +tat dead is Vortimer +te   #
king.
& siker +tu miht hider comen; for d+ad is Fortimer mi sune.
Nis +te non neod to bringen; mid +te muchel genge.
leste ure Bruttes; +aft beon abol+gen.
+tat eow +aft seorwen; si+gen bitweonen.
Hengest somnede u+arde; of feole cunne +arde.
+tat he hefde to iwiten; seouen hundred scipen.
& +alc scip he dihte; mid +treo hundred cniten.
i +tere Temese at Lundene; Hengest com to londe.
+Tat word com ful sone to Uortigerne +tan kinge.
+tat Hengest was in hauene; mid seouen hundred scipene.
Ofte was Uortigerne wa; neuer wrse +tan +t+a.
& Bruttes weoren sari; & seorhful an heorte.
nusten heo an world-riche; r+ad +tat heom weore ilike.
Hengest was of ufele war; +tat he wel cudde +t+ar.
he nom sone his sonde; & sende to +tan kinge.
& grette Uortigerne king; mid swi+de u+aire worden.
& seide +tat he was icumen; swa fader sculde to his sune.
mid sibbe & mid saihte; he wolde on sele wunien.
gri+d he wolde luuien; un-riht he wolde scunien.
<P I,392>
gri+d he wolde habben; gri+d he wolde holden.
& al +tis leodisce folc; luuien he wolde.
& Uortigerne +tene king; luuien +turh alle +ting.
Ah he hefde ibroht i +tis lond; ut of Sexleoden.
seouen hundred scipene; of h+a+dene folke.
+tat beo+d +te alre wihteste men. +tat wunie+d under sunnen.
& ich wulle qua+d Hengest; leden heo to +tan kinge.
to an i-sette d+aie; at-foren al his du+ge+de.
& +te king scal arisen; and of +tan cnihten cheosen.
twa hundred cnihten; to leden to his fihten.
+te sculen biwiten +tene king; durewur+dliche +turh alle +ting.
& seo+d+den scullen +ta o+dere; uaren to heore +arde.
mid sibbe & mid s+ale; a+gen to S+ax-londe.
& ich wulle bi-l+auen; mid monnen alre selest.
+tat is Uortigerne +te king; +te ich luuie +turh alle +ting.
+Tat word com to Brutten; hu Hengest bih+ahte heom.
+ta weoren heo u+aine; uor u+airen his worden.
& setten gri+d & setten fri+d; to whulchen ane uirste.
+te king an ane d+aie; wolde iseon +tas du+ge+de.
+Tat iherde Hengest; cnihten alre u+airest.
+Ta wes he swa bli+de; swa he nes neuer +ar an liue.
for he +tohte swike; +tene king an his riche.
Her iwra+d Hengest; cnihte uor-cu+dest.
swa bi+d +auer+alc mon; +te bi-swike+d +te him wel on.
Wha wolde wenen; a +tissere weorld-riche.
+tat Hengest swiken +tohte; +tene king +tat h+afde his dohter.
for nis nauer nan mon; +tat me ne mai mid swike-dome ouer-gan.
Heo nomen +anne isetne d+ai; +tat scolden +tas du+ge+den.
cumen heom to-somne; mid s+ahte & mid sibbe.
an ane u+alde +te w+as muri; an-uast Ambresburi.
+Te stude wes +Alenge; nu hatte hit Stan-henge.
+Ter Hengest +te swike; +ai+der bi worde & bi write.
cu+dde +tan kinge; +tat he cumen wolde.
mid his mon-uerde; to wur+d-scipe +tes kinges.
ah he nalde bringen on drihte; buten +treo hundred cnihten.
+ta alre wiseste men; +te he mihte uinden.
& +te king brohte al swa ueole; baldere +teinen.
and +teo weoren +ta alre witereste; +te wuneden on Bruttene.
mid goden heore iweden; al buten wepnen.
+tat heom no to-wur+den; +turh +trist of +tan wepnen.
+Tus heo hit speken; & +aft heo hit to-breken.
<P I,394>
for H+angest +te leod-swike; +tus he his gon learen.
+tat +alc nome a long sax; & l+aiden bi his sconke.
wi+d-inne his hose; +ter h[{e{] hit [{mihte{] h+ale.
+Tenne heo comen to-somne; S+axes & Bruttes.
+tenne que+d Hengest; cnihten alre swikelest.
Hail seo +tu lauerd king; +alc +te is +tin vnder-ling.
+Gif +auere +ai of +tine gume; g+are haue+d bisiden.
send hit mid freond-scipe; feor from us seoluen.
& beon we on sele; and motegen of sahte.
nu we ma+gen mid sibben; ure lif libben.
+Tus +te balde-fulle mon; bi-spac +ter +ta Bruttes.
+Ta andswarede Uortiger; her he wes to vn-war.
+Gif here is +ai cniht swa wod; +tat wepnen habbe bi siden.
he scal leosen +ta hond; +turh his a+gene brand.
buten he hit sone; heonene isende.
Heore wepnen heo aw+ai senden; +ta nefden heo noht an honden.
cnihtes eoden upward; cnihtes eoden adonward.
+alc spac wi+d o+der; swulc he weore his bro+der.
+Ta weoren Bruttes; im+anged wi+d +tan Saxes.
+Ta cleopede Hengest; cnihtene swikel+ast.
Nime+d eoure sexes; sele mine bernes.
& ohtliche eou sturie+d; & n+anne ne sparie+d.
Bruttes +ter weoren riche; ah ne cu+de heo noht +ta speche.
wh+at +ta Saxisce men; seiden heom bi-tweonen.
Heo breoden ut +ta s+axes; alle bihalues.
heo smiten an riht half; heo smiten an lift half.
biuoren & bihinden; heo leiden heom to grunde.
alle heo slo+gen; +tat heo neh comen.
of +tes kinges monnen; [{sone{] +ter feollen
feouwer hundred. & fife. wa wes +tan kinge on liue;
+Ta Hengest hine igrap; mid grimmen his gripen.
& bi +tan mantle hine ibr+aid; +tat breken +ta strenges.
& S+axes him sette to; & wolden +tene king fordon.
& Hengest hine gon werien; & nalde hit noht i+teuen.
ah he heold hine ful faste; +te while +tat feht i-laste.
+Ter wes moni riche Brut; bir+afued +tan liue.
Summe heo flu+gen swi+de; ofer +tene feld brade.
& wereden heom mid stanen; for wepnen n+afden heo nane.
+Ter wes swi+de hard fiht; +ter feol moni god cniht.
+Ter wes of Salesburi; an oht bonde icumen.
<P I,396>
+anne muchelne m+ain clubbe; he bar an his rugge.
+Ta wes +ter an a+dele eorl; Aldulf ihaten.
cniht mid +tan bezste; he +ahte Gloch+astre
he to +tan cheorle leop; swulc hit a liun weoren.
& binom him +te clubbe; +ta he bar an rugge.
+auere wulcne swa he s[{m{]at; +ter for+d-rihtes he iwat.
bi-foren & bi-hinden; he laide heom to grunde.
+Treo & fifti he +ter sloh; & seo+d+de to ane ste[{de{] droh.
he leop uppen stede; & swi+de gon him riden.
he +arde to Gloch+astre; & +te +gates l+ac ful feste.
& anan for+d-rihtes; lette +armi his cnihtes.
+geond alle +tan londe. & nomen +tat heo funden.
heo nomen orf heo nomen corn; & al +tat heo quic funden.
& brohten to burh+ge; vnnimete blisse.
+ta +g+aten heo tunden uaste; & wel heom biwusten.
Lete we hit +tus stonden; & speken of +tan kinge.
Sexes him leoppe to; & wolde +tene king (for)-do.
Hengest cleopede uor+d-rihtes; Aswike+d mine cnihtes.
ne sculle +ge hine noht for-faren; for us he haue+d ihaued      #
mucle care.
& he haue+d to quene; mine dohter +ta is scone.
ah alle his burh+ges; he scal us bit+achen.
+gif he wule his lif broken; o+der +alles him is balu +giue+de.
+Ta wes Uortigerne; v+aste ibunden.
giues swi+de grete; heo duden an his foten.
ne moste he nauere biten mete; ne wi+d nenne freond speken.
+ar he heom h+afden isworen; uppen halidom +tat wes i-coren.
+tat he al +tis kine-lond; wolde bit+achen heom an heond.
burh+ges & castles; & al his co[{m{]elan.
& al swa he idode; ase hit idemed was.
& Hengest nom an his hond; al +tis riche kine-lond.
& delde his leoden; muchel of +tisse londe.
he +g+af +ane eorle al Kent; ase hit bi Lundene went.
he +g+af his stiwarde +Ast-sex;
& his bur+deine; Middel-sax bitahte.
+Ta cnihtes hit at-fengen; and ane while heo heolden.
+ta while Uortigerne; +geond +tis lond ferde.
& bitahte Hengest; h+a+gen his burh+ges.
& Hengest for+d-rihtes; dude +ter-in his cnihtes.
+ta while muchel smal folc; l+ai inne Su+d-s+axe.
& inne Middel-s+axe; muchel of +tan kunne.
<P I,398>
& inne +Ast-saxe; heore a+deleste +gu+ge+de.
Mete heo ferden; al +tat heo funden.
heo for-l+ai+gen +ta wif; & Godes la+gen breken.
heo duden i +tan londe; al +tat heo wolden.
+Tat ise+gen Bruttes; +tat balu wes on londe.
& hu S+axisce men; isi+gen weoren to heom.
Brut(tes) scupten +tan londe nome; for S+axisce monnen scome.
& for +tan swike-dome; +tat heo idon h+afden.
for +tan +te heo mid cnifen; bir+aueden heom at liue.
+ta cleopeden heo +tat lond al; +Ast-s+ax & West-s+ax.
& +tat +tridde; Middel-s+ax.
Vortigerne +te king; bi-tahte heom al +tis lond.
+tat ne bil+afde him an honde; a turf of londe.
& him-seolf Vortigerne; fl+ah ouer S+au+arne.
feor in-to Wellisce londe; & +ter he gon at-stonde.
& his hired mid him; +te h+ane wes iwur+den.
& he h+afde an horde; gersume swi[{+d{]e stronge.
he lette his men riden; widen & siden.
and lette him to bonnen; of +alches cunnes monnen.
+te +auere wolden his feoh; mid freond-scipe +girnen.
+Tat iherden Bruttes; +tat iherden Scottes.
to him heo comen; +ter-after ful sone.
an +alchere side; +tider heo gunnen riden.
monies h+a+ges monnes sune; for golde & for g+arsume.
+Ta h+afde he to-somne; sixti +tusend monnen.
+ta sumnede he +ta richen; +ta wel cu+den r+aden.
Gode men r+a[{d{]e[{+d{] me r+ad; uor me is swi+de muchel neod.
whar ich mihte on wilderne; wurchen +anne castel.
+ter ic mihte an inne; l[{i{]bbe mid mine monnen.
& halden hine wi+d Hengest; mid h+a+gere streng+de.
a +tat ich mihte b+at; burh+gen iwinnen.
wr+aken me a mine feonden; +ta mine wines feolden.
& habbe+d al mi kine-lond; awr+aht ut of mire hond.
& +tus me ifl+amed; mine fulle ifan.
+Ta andswerede a wis mon; +te wel cu+de r+aden.
Lust me nu lauerd king; ich +te cu+de god +ting.
uppen +tan munte of Reir; ich wullen r+aden.
+tat +tu caste[{l{] wurche; mid stronge stan walle.
for +ter +tu miht wunien; & libben mid winne.
<P I,400>
& +get +tu hauest a +tire hond; muchel seoluer & gold.
to halden +tine hired; +ta +te helpen scal.
& swa +tu miht on liue; libben alr+a s+alest;
+Ta andswere[{de{] +te king; Let hit cu+den an hi+ging.
+geond muchele mire ferde; +t+at ich faren wulle.
to +tan munte of Reir; & r+aren +ter castel.
For+d ferde +te king; & +ta ferde mid him.
+Ta heo +tider comen; dic heo bigunnen sone.
Hornes +ter bleouwen; machunnes heowen.
lim heo gunnen b+arnen; +geond +tat lond +arnen.
& al W+ast Walsce lond; setten a Uortigernes hond.
al heo hit nomen; +tat heo neh comen.
+Ta +te dic wes idoluen; & allunge ideoped.
+ta bi-gunnen heo wal; a +tere dic ouer-al.
& heo lim & stan; leiden to-somne.
of machunes +ter wes wunder; fif and twenti hundred.
A d+ai heo leiden +tene wal; a niht he feol ouer-al.
a marwe heo hine ar+adden; a niht he gon to-reosen.
Fulle seouen nihte; swa heom dihte.
+alche d+ai heo hine aredden; & +alche niht he gon reosen.
+Ta wes sari +te king; & sorhful +turh alle +ting.
swa wes al +ta uerde ladliche of-f+ared.
for +auere heo lokede; wh+anne Hengest come an-uuenan.
+Te king wes ful s+ari; & sende after witien.
+after world-wise monne; +ta wisdom cu+den.
& bad heom leoten weorpen; & fondien leod-runen.
fondien +tat so+de; mid heore si+ge-craften.
wh+ar-on hit weore ilong; +tat +te wal +te wes swa strong.
ne moste niht-longes; nauere istonden.
+Tas weorlde-wise men; +ter a twa wenden.
summe heo wenden to +tan wude; summe to weien-l+aten.
heo gunnen loten weorpen; mid heore leod-runen.
fulle +treo nihten; heore craftes heo dihten.
Ne mihten heo nauere finden; +turh nauere nane +tinge.
wh+ar-on hit weore ilong; +tat +te wal +tat wes swa strong.
+auere-+alche nihte to-ras; & +te king his swinc l+as.
Buten witie +ter wes an; he wes ihaten Ioram.
he seide +tat he hit afunde; ah hit +tuhte l+asinge.
he seide +gif mon funde; in auer +ai londe.
<P I,402> 
+auer +ai cniht b+arn; +te n+auere f+ader no ib+ad.
& openede his breoste; & nomen of his blode.
& mengde wi+d +tan l(i)me; & +t+ane wal l+aide.
+tenne mihte he stonde; to +tere worlde longe.
+Tat word com to +tan kinge; of +tere l+asinge.
& he hit i-lefde; +tah hit l+as weore.
Sone he nom his sonde; & sende +geond +tan londe.
swa feor swa he for d+a+des kare; dursten +aies weies faren.
& in +alche tune; hercneden +ta runen.
wh+ar heo mihten ifinden. speken of swulche childe;
+Tas cnihtes for+d ferden; widen +geond +tan +arde.
tweien uerden +anne w+ai; +te west-riht him l+ai.
+te l+ai for+d-rihtes in; +ter nu is Kaer-mer+din.
Bisides +tere burh; in ane weie brade.
hefden +anne muchelne pl+a+ge; alle +ta burh-cnauen.
+Tas cnihtes weoren weri; & an heorte swi+de s+ari.
& seten adun bi +tan pla+ge; & bi-heolden +tas cnauen.
Vmben ane stunde; heo bigunnen striuinge.
al-se hit wes auer la+ge; imong childrene pl+a+ge.
+te an +te o[{+d{]erne smat; & he +teos dun[{t{]es abad.  

<S SAMPLE 3>
<P II,732>
+Ta com +ter in are tiden; an oht mon riden.
and brohte tidinge; Ar+dure +tan kinge.
from Moddrede his suster sune; Ar+dure he we(s) wilcume.
for he wende +tat he brohte; boden swi+de gode.
Ar+dur lai alle longe niht; and spac wi+d +tene +geonge cniht.
swa nauer nulde he him sugge; so+d hu hit ferde.
+Ta hit wes d+ai a mar+gen; and du+ge+de gon sturien.
<P II,734>
Ar+dur +ta up aras; and strehte his +armes.
he aras up and adun sat; swulc he weore swi+de seoc.
+Ta axede hine an u+air cniht; Lauerd hu hauest +tu iuaren      #
to-niht.
Ar+dur +ta andswarede; a mode him wes une+de.
To-niht a mine slepe; +ter ich l+ai on bure.
me im+atte a sweuen; +ter-uore ich ful sa(ri) +am.
Me imette +tat mon me hof; uppen are halle.
+ta halle ich gon bi-striden; swulc ich wolde riden.
alle +ta lond +ta ich ah; alle ich +ter ouer sah.
and Walwain sat biuoren me; mi sweord he bar an honde.
+ta com Moddred faren +tere; mid unimete uolke.
he bar an his honde; ane wiax stronge.
he bigon to hewene hardliche swi+de.
and +ta postes for-heou alle; +ta heolden up +ta halle.
+Ter ich iseh Wenheuer eke; wimmonnen leofuest me.
al +tere muche halle rof; mid hire honden heo to-droh.
+Ta halle gon to h+alden; and ich h+ald to grunden.
+tat mi riht +arm to-brac; +ta seide Modred Haue +tat.
Adun ueol +ta halle; & Walwain gon to ualle.
and feol a +tere eor+de his +armes brekeen beine.
& ich igrap mi sweord leofe; mid mire leoft honde.
and sm+at of Modred is hafd +tat hit wond a +tene ueld.
And +ta quene ich al to-sna+dde; mid deore mine sweorede.
and seo[{+d{]+den ich heo adu[{n{] sette. in ane swarte putte.
and al mi uolc riche; sette to fleme.
+tat nuste ich under Criste; whar heo bicumen weoren.
Buten mi-seolf ich gon atstonden; uppen ane wolden.
& ich +ter wondrien agon; wide +geond +tan moren.
+ter ich isah gripes. and grisliche fu+geles.
+Ta com an guldene leo; li+den ouer dune;
deoren swi+de hende. +ta ure Drihten make[{de{] .
+Ta leo me orn foren to; and iueng me bi +tan midle.
& for+d hire gun +geongen; & to +tere s+a wende.
And ich is+ah +t+a v+den; i +tere s+a driuen.
and +te leo i +tan ulode; iwende wi+d me seolue.
+Ta wit i s+a comen; +ta v+den me hire binomen.
<P II,736>
com +ter an fisc li+de; and fereden me to londe.
+ta wes ich al wet; & weri of sor+gen and seoc.
+ta gon ich i-wakien; swi+de ich gon to quakien.
+Ta gon ich to biuien; swulc ich al fur burne.
And swa ich habbe al niht; of mine sweuene swi+de i+toht.
for ich what to iwisse; agan is al mi blisse.
for a to mine liue; sor+gen ich mot dri+ge.
wale +tat ich nabbe here; Wenhauer mine quene.
+Ta andswarede +te cniht; Lauerd +tu hauest un-riht.
ne sculde me nauere sweuen; mid sor+gen are(c)chen.
+tu +art +te riccheste mon; +ta rixleo+d on londen.
and +te alre wiseste; +te wune+d under weolcne.
+Gif hit weore ilu[{m{]pe; swa nulle hit ure Drihte;
+tat Modred +tire suster sune; hafde +tine quene inume.
and al +ti kine-liche lond; is+at an his a+gere hond.
+te +tu him bitahtest; +ta +tu to Rome +tohtest.
and he hafde al +tus ido; mid his swike-dome.
+te +get +tu mihtest +te awreken; wur+d-liche mid wepnen.
& +aft +ti lond halden; and walden +tine leoden.
and +tine feond fallen; +te +te ufel unnen.
and sl+an heom alle clane; +tet +ter no bilauen nane.
Ar+dur +ta andswarede. a+delest alre kinge.
Longe bi+d +auere; +tat no wene ich nauere.
+tat +auere Moddred mi m+ai;
wolde me biswiken. for alle mine richen.
no Wenhauer mi quene; wakien on +tonke.
nulle+d hit biginne; for nane weorld-monne.
+Afne +tan worde for+d-riht; +ta andswarede +te cniht.
Ich sugge +te so+d leofe king; for ich +am +tin vnder-ling.
+tus hafe+d Modred idon; +tine quene he hafe+d ifon.
and +ti wun-liche lond; is+at an his a+gere hond.
he is king & heo is que[{ne{] ; of +tine kume nis na wene.
for no wene+d heo nauere to so+de; +tat +tu cumen a+gain from   #
Rome.
Ich +am +tin a+gen mon; & iseh +tisne swike-dom.
and ich +am icumen to +te seoluen; so+d +te to suggen.
Min hafued beo to wedde; +tat is+aid ich +te habbe.
so+d buten lese; of leofen +tire quene.
& of Modrede +tire suster sune; hu he hafue+d Brut-lond +te     #
binume,
<P II,738>
+Ta s+at hit al stille; in Ar+dures halle.
+ta wes +ter s+arin+asse; mid sele +tan kinge.
+ta weoren Bruttisce men; swi+de vnbalde uor +t+an.
+Ta umbe stunde; stefne +ter sturede.
wide me mihte iheren; Brutten iberen.
and gunne to tellen; a feole cunne spellen.
hu heo wolden for-deme; Modred & +ta quene.
and al +tat mon-cun for-don; +te mid Modred heolden.
Ar+dur +ta cleopede; hendest alre Brutte.
Sitte[{+d{] a-dun stille; cnihtes inne halle.
and ich eou telle wulle; spelles vncu+de.
Nu to-m+ar+ge +tenne hit d+ai bi+d; & Drihten hine sende.
for+d ich wulle bu+ge; in to-ward Bruttaine.
and Moddred ich wulle s[{l{]an; & +ta quen for-berne.
and alle ich wulle for-don; +ta biluueden +ten swike-dom.
And her ich bileofuen wulle; me leofuest monne.
Howel minne leofue m+ai; hexst of mine cunne.
and half mine uerde; ich bil+afuen a +tissen +arde.
to halden al +tis kine-lond; +ta ich habbe a mire hond.
& +tenne +tas +ting. beo+d alle idone; a+gan ich wulle to Rome.
& mi wunliche lond bit+ache; Walwaine mine m+aie.
and iuor+t(e) m(i) beot seo[{+d{]+de; bi mine bare life.
Scullen alle mine feond; w+ai-si+d make+ge.
+Ta stod him up Walwain; +tat wes Ar+dures m+ai.
and +tas word saide; +te eorl wes abol+ge.
+Aldrihten Godd; domes waldend.
al middel-+ardes mund; whi is hit iwur+den.
+tat mi bro+der Modred; +tis mor+d hafue+d itimbred.
Ah to-d+ai ich at-sake hine here; biuoren +tissere du+ge+de.
and ich hine for-demen wulle; mid Drihtenes wille.
mi-seolf ich wulle hine an-hon; haxst alre warien.
+ta quene ich wulle mid Goddes la+ge. al mid horsen to-dra+ge.
For ne beo ich nauere bli+de; +ta wile a beo+d aliue.
and +tat ich habbe minne +am; awr+ake mid +tan bezste.
Bruttes +ta andswarede; mid baldere stefne.
Al ure wepnen; sunden +garewe; nu to-mar+gen we scullen uaren.
A mar+gen +tat hit d+ai wes; & Drihten hine senden.
Ar+du[{r{] uor+d him wende; mid a+delen his folke.
<P II,740>
half he hit bil+afde; & half hit for+d ladde.
For+d he wende +turh +tat lond; +tat he com to Whit-sond.
scipen he h+afde sone; monie & wel idone.
ah feowertene niht fulle; +tere l+ai +ta uerde.
+teos wederes abiden; windes bi-delde.
Nu was sum for-cu+d kempe; in Ar+dures ferde.
an+an swa he demen iherde; of Modredes [{d{]e+de
he nom his swein aneouste; and sende to +tissen londe.
and sende word Wenhaueren; heou hit was iwur+den.
and hu Ar+dur wes on uore; mid muclere ferde.
and hu he wolde taken on; & al hu he wolde don.
+Ta quene com to Modred; +tat w+as hire leofuest monnes.
and talde him tidende; of Ar+dure +tan kinge.
hu he wolde taken an; & al hu he wolde don.
Modr+ad nom his sonde; and sende to Sex-lond.
after Childriche; +te king wes swi+de riche.
and b+ad hine cume to Brutaine; +ter-of he bruke sculde.
Modr+ad bad Childriche; +tene stronge & +tene riche.
wide senden sonde; a feouwer half Sex-londe.
and beoden +ta cnihtes alle; +tat heo bi+geten mihte.
+tat heo comen sone; to +tissen kinedo[{m{]e.
and he wolde Childriche; +geouen of his riche.
al bi+geonde +tere Humbre; for he him scolde helpe.
to fihten wi+d his +ame; Ar+duren kinge.
Childrich beh sone; in-to Brutlonde.
+Ta Modred hafde his ferde; isomned of monnen.
+ta weoren +tere italde; sixti +tusende.
here-kempen harde; of he+dene uolke.
+ta heo weoren icumen hidere; for Ar[{+d{]ures h+arme.
Modred to helpen; forcu+dest monnen.
+Ta +te uerde wes isome; of +alche mon-cunne.
+ta heo weoren +ter on hepe; an hunddred +tusende;
he+dene and cristene. mid Modrede kinge;
Ar+dur lai at Whit-sond; feouwertene niht him +tuhte to long.
and al Modred wuste; wat Ar+dur +t+ar wolde;
+alche dai him comen sonde. from +tas kinges hirede;
<P II,742>
+Ta ilomp hit an one time; muchel rein him gon rine.
& +t+a wind him gon wende. & stod of +tan +ast ende.
and Ar+dur to scipe fusde; mid alle his uerde.
and hehte +tat his scip-men; brohten hine to Romerel;
+ter he +tohte up wende; in-to +tissen londe.
+T+a he to +tere hauene com; Moddred him wes auornon.
ase +te d+ai gon lihte; heo bigunnen to fihten;
alle +tene longe d+ai; moni mon +ter ded l+ai.
summe hi fuhten a londe; summe bi +tan stronde.
summe heo letten ut of scipen; scerpe garen scri+ten.
Walwain bi-foren wende; and +tene w+ai rumde.
& sloh +ter a-neuste; +teines elleouene;
he sloh Childriches sune; +te was +ter mid his fader icume.
To reste eode +ta sunne; w+a wes +ta monnen;
+ter wes Walwain a-sl+a+ge; & idon of lif-da+ge.
+turh an eorl Sexisne; s+ari wur+de his saule.
+Ta wes Ar+dur s+ari; & sorhful an heorte for-+ti.
& +tas word bo[{d{]ede; ri(c)chest alre Brutte;
Nu ich ileosed habbe; mine sweines leofe;
Ich wuste bi mine sweuene; wh+at sor+gen me weoren +geue+de.
i-sla+gen is Angel +te king; +te wes min a+gen deorling.
& Walwaine (mi) suster sune; wa is me +tat ich was mon          #
iboren.
Up nu of scipen biliue; mine beornes ohte.
+Afne +tan worde; wenden to fihte.
sixti +tusend anon; selere kempen.
and breken Modredes trume; and wel neh him-seolue wes inome.
Modred bi-gon to fleon; & his folc after teon;
flu+gen ueond-liche. feldes beoueden eke;
+gurren +ta stanes. mid +tan blod-stremes.
+Ter weore al +tat fiht i-don; ah +tat niht to ra+de com;
+gif +ta niht neore; isla+gen hi weoren alle.
+Te niht heom to-delde; +geond slades & +geon dunen.
and Modred swa vor+d com; +tat he wes at Lundene;
Iherden +ta burh-weren; hu hit was il ifaren.
and warnden him in+geong; & alle his folke;
Modred +teone wende; to-ward Winchastre.
and heo hine under-uengen; mid alle his monnen.
And Ar+dur after wende; mid alle his mahte.
<P II,744>
+tat he com to Winchestre; mid muchelere uerde.
& +ta burh al bir+ad; & Modred +ter-inne abeod.
+Ta Modred i-s+ah; +tat Ar+dur him wes swa neh.
ofte he hine bi+tohte; w+at he don mahte.
+Ta a +tere ilke niht; he hehte his cnihtes alle.
mid alle heore iwepnen; ut of burh+ge wenden.
and s+aide +tat he weolde; mid fihte +ter at-stonden.
He bi-hehte +tere bur+ge-were; auer-mare freo la+ge.
wi+d +tan +ta heo him heolpen; at he+gere neoden.
+Ta hit wes d+ai-liht; +garu +ta wes heore fiht;
Ar+dur +tat bi-hedde; +te king wes abol+ge.
he lette bemen blawen; and beonnen men to fihten.
he hehte alle his +teines; & a+dele his cnihte.
fon somed to fihten; and his ueo[{n{]d auallen.
and +te burh alle for-don; and +tat bur(h)-folc ahon;
Heo to-gadere stopen; and sturnliche fuhten.
Modred +ta +tohte; what he don mihte.
& he dude +tere; alse he dude elles-whare.
swike-dom mid +tan m+aste; for auere he dude unwr(a)ste.
he biswac his iueren; biuoren Winchestren.
and lette him to cleopien; his leofeste cnihtes. anan.
and his leoueste freond alle; of allen his folke.
and bi-stal from +tan fihte; +te feond hine a+ge.
and +tat folc gode lette; al +ter for-wur+de.
Fuhten alle d+ai; wenden +tat heore lauerd +ter l+ai.
and weore heom aneouste; at muchelere neode.
+Ta heold he +tene wai; +tat tou-ward Hamtone lai.
and heolde touward hauene; forcu+dest h+ale+de.
and nom alle +ta scipen; +ta +ter oht weore.
and +ta steor-men alle; to +tan scipen neodde.
and ferden into Cornwalen; forcu+dest kingen a +tan da+gen.
And Ar+dur Winchestre; +ta burh bilai wel faste;
& al +tat moncun of-sloh; +ter wes sor+gen inoh.
+ta +geonge and +ta alde. alle he aqualde.
+Ta +tat folc wes al ded; +ta burh al for-swelde.
+ta lette he mid alle; to-breken +ta walles alle.
+Ta wes hit itimed +tere; +tat Merlin seide while.
<P II,746>
+Arm wur+dest +tu Winch+astre; +t+a eor+de +te scal forswal+ge.
swa Merlin s+aide; +te wite+ge wes m+are.
+Ta quene l+ai inne Eouwerwic; n+as heo n+auere swa sarlic.
+tat wes Wenhauer +ta quene; s+ar+gest wimmonne.
Heo iherde suggen; so+d+dere worden.
hu ofte Modred flah; and hu Ar+dur hine bibah.
Wa wes hire +tere while; +tat heo wes on life.
Ut of Eouerwike; bi nihte heo i-wende.
& touward Karliun tuhte; swa swi+de swa heo mahte;
+tider heo brohten bi nihte; of hire cnihten twei+ge.
and me hire hafd bi-wefde; mid ane hali rifte.
and heo wes +ter munechene; kare-fullest wife.
+Ta nusten men of +tere quene; war heo bicumen weore.
no feole +gere seo+d+de; nuste hit mon to so+de.
wha+der heo weore on de+de.
+ta heo hire-seolf weore; isunken in +te watere.
Modred wes i Cornwale; & somnede cnihtes feole.
to Irlonde he sende; a-neoste his sonde.
to Sex-londe he sende; aneouste his sonde.
to Scotlonde he sende; aneouste his sonde.
he hehten heom to cume alle anan; +tat wolde lond habben.
o+der seoluer o+der gold; o[{+d{]er ahte o[{+d{]er lond.
on +alchere wisen; he warnede hine seoluen.
swa de+d +alc witer mon; +ta neode cume+d uuen-an.
Ar+dur +tat iherde. wra+dest kinge;
+tat Modred w+as i Cornwale. mid muchele monweorede;
& +ter wolde abiden +tat Ar+dur come riden.
Ar+dur sende sonde; +geond al his kine-londe.
and to cumen alle hehte; +tat quic wes on londe.
+ta to uihte oht weoren; wepnen to beren.
and w[{ha{]-swa hit for-sete; +tat +te king hete.
+te king hine wolde a folden; qui[{c{] al for-bernen.
Hit l+ac to-ward hirede; folc vni-mete.
ridinde & ganninde; swa +te rim falle[{+d{] adune.
<P II,748>
Ar+dur for to Cornwale; mid uni[{me{]te ferde.
Modred +tat iherde; & him to+geines heolde.
mid vnimete folke; +ter weore monie u+aie.
Uppen +tere Ta[{m{]bre; heo tuhten to-gadere.
+te stude hatte Camelford; euer-mare ilast +tat ilke weorde.
And at Camelforde wes isomned; sixti +tusend.
& ma +tusend +ter-to; Modred wes heore +alder;
+Ta +tider-ward gon ride. Ar+dur +te riche;
mid unimete folke. u+aie +tah hit weore.
Uppe +tere Tambre; heo tuhte to-somne.
heuen here-marken. halden to-gadere;
luken sweord longe. leiden o +te helmen;
fur ut sprengen; speren brastlien.
sceldes gonnen scanen; scaftes to-breken.
+ter faht al to-somne; folc vnimete.
Tambre wes on flode; mid vnimete blode.
mon i +tan fihte non +ter ne mihte; ikenne nenne kempe.
no wha dude wurse; no wha bet. swa +tat wi+de wes imenged.
for +alc sloh adun-riht; weore he swein weore he cniht.
+Ter wes Modred of-sla+ge; and idon of lif-da+ge.
in +tan fihte
+Ter weoren of-sla+ge; alle +ta snelle.
Ar[{+d{]ures hered-men. he+ge [{and lowe{]
and +ta Bruttes alle; of Ar+dures borde.
and alle his fosterlinges; of feole kineriches.
And Ar+dur forwunded; mid wal-spere brade.
fiftene he hafde; feondliche wunden.
mon mihte i +tare laste; twa glouen i+traste.
+Ta nas +ter na-mare; i +tan fehte to laue;
of twa hundred +tusend monnen. +ta +ter leien to-hauwen;
buten Ar+dur +te king ane; & of his cnihtes tweien.
Ar+dur wes for-wunded; wunder ane swi+de.
+ter to him com a cnaue; +te wes of his cunne.
he wes Cadores sune; +te eorles of Corwaile.
Constantin hehte +te cnaue; he wes +tan kinge deore.
Ar+dur him lokede on; +ter he lai on folden.
and +tas word seide; mid sorhfulle heorte.
<P II,750>
Cost+antin +tu art wilcume; +tu weore Cadores sone.
Ich +te bitache here; mine kineriche.
and wite mine Bruttes; a to +tines lifes.
and hald heom alle +ta la+gen; +ta habbeo+d i-stonden a mine    #
da+gen.
and alle +ta la+gen gode; +ta bi V+deres da+gen stode.
And ich wulle uaren to Aualun; to uairest alre maidene.
to Argante +tere quene; aluen swi+de sceone.
& heo s[{c{]al mine wunden; makien alle isunde.
al hal me makien; mid halewei+ge drenchen.
And seo+de ich cumen wulle. to mine kineriche.
and wunien mid Brutten; mid muchelere wunne.
+Afne +tan worden; +ter com of se wenden.
+tat wes an sceort bat li+den; sceouen mid v+den.
and twa wimmen +ter-inne. wunderliche idihte;
and heo nomen Ar+dur anan; and aneouste hine uereden.
and softe hine adun leiden; & for+d gunnen li+den.
+Ta wes hit iwur+den; +tat Merlin seide whilen.
+tat weore uni-mete care; of Ar+dures for+d-fare.
Bruttes ileue+d +gete; +tat he bon on liue.
and wunnien in Aualun; mid fairest alre aluen.
and lokie+d euere Bruttes +gete; whan Ar+dur cumen li+de.
Nis nauer +te mon iboren; of nauer nane burde icoren.
+te cunne of +tan so+de; of Ar+dure sugen mare.
Bute while wes an wite+ge; M+arlin ihate.
he bodede mid worde; his qui+des weoren so+de.
+tat an Ar+dur sculde +gete; cum Anglen to fulste.
Costantin +tus leouede on londe; & Bruttes hine lufede.
and swi+de deore heom he wes. and w(r)+deliche heo hine         #
heolden;
Nu h+afuede Modred sunen tweie. an main(e) swi+de stronge.
hei ise+gen hu hit ferde here; of Ar[{+d{]ure +tan kaisere.
and hu heore fader wes of-sla+ge; & i-don of lif-da+gen.
& hu Bruttes to-dreued weoren; mid feole cunne bursten.
+Ta ilke tweie bro+deren; speken heom bi-tweohnen.
and somneden +ta cnihtes alle; selest +ta heom +tuhte.
+ta weoren wide to-flo(+gen ut) of +tan wi+der-uehte.
and somneden uerde; wide +geond +tan arde.
<P II,752>
and +tuhten to slan Costantin; and al his lond binimen him.
+Tat iherde sugge Costantin; +te king wes a-bol+gen;
and sende his sonde; wide +geond his londe.
and hirede hehte cume; +tan kingge to helpe.
Si+gen toward hirede; +geonglinges snelle.
+tritti +tusend anan; somned comen +trasten.
and +te king for+d-rihtes; makeden hom cnihtes.
+Ta o+dere cnihtes +ter comen; +ta at +tan fehte ar weoren.
+ta hafde he to-somne; sixti +tusende.
+Tat iherde bodien; beien Moddredes sunen.
and nomen heom to rade; and to som-rune.
+tat +te an li+den wolde; in-to Lundene.
and +te o[{+d{]er li+den wolde; in-to Winchastre.
and +ter heo wolden abiden; +tat +te king comen riden.
and wolden wi+d him fehten; mid allen heore mehten.
A[{h{] +t+a hit com to neode; o+der weis hit eode.
Costantin gon li+de; touward Lundenne.
+Tat iherden bodien; +teo +ta burh biwusten.
h+alden to-somne; to heore hustinge.
heo nomen heom to rade; and to som-rune.
+tat heo wolden halden alle; mid Costantin +tan kinge.
and for-saken Modredes sune; +t+a +tat mor+d wrohte;
Modredes sune flah; and in-to ane munestere teh.
And Constantin him after wende. and +ter hine ic+ahte;
+te king mid his sweorde; +tat hefd him of-swipte.
And +tus +te king wordede; wr+a+d on his +tonke;
Li+ge +ter +tu la+de mon; leof +tu beo +tan Sucke.
sl+a+d heom aneouste; al +tat +ge finde+d +tere.
mine wi+der-i-winnen; weorpe+d heom to grunden.
+Tis slaht wes sone idon; for moni mon +ter wenden to.
Seo+den lette Costantin +te king wes on londe;
blawen his bemen; and bonnien his ferden.
and wende riht +tene wai; +te touward Winch+astre lai.
and for+d ladde mid him; +ta Bruttes of Lundene.
and to Winch+astre comen; and a-neouste binnen wenden.
+Tat is+ah Meleou; +te wes Modredes sone.
<P II,754>
and from his iueren cherde; and fleh to are chirche.
and for+d-riht anan wende; forn to ane wefde.
Costantin braid ut his sweorde; & +tat hafde him of-swipte.
+tat seint Anfibales weofd; iwra+d +ter-of a blode.
and seo+den he lette slen; alle Melaeoues men;
+Teo wes Costantin king here; of +tessere kine-riche.
+ta bigunnen blissen; in Brutene to wunien.
her w+as gri+d her wes fri+d; and freo+g la+gen mid folke.
and ful wel heo[{l{]den +ta ilke la+gen; +tat stoden on         #
Ar+dures da+gen.
Ah +tat ilke i-laste; to lutele while.
for no ilast he buten feouwer +ger; his feond hine aqualde.
and his folc hine uerede; in-to Stan-henge.
and +ter hine leide; bi leofen his aldren.
Seo+d+den wes Conan; ihouen her to kinge.
+tat wes +te for-cu+deste mon; +tet sunne here scean on.
Costantines suster sune; his +am he biswac to de+de.
for he hefde rihte; to +tissere kine-riche.
Conan mid attere; his +ames sune aqualde;
He bigon un-fri+d. (is men) him fuhten wi+d.
and he gon sechien; to his twam susteren.
alc burh i +tan londe; ferde al to sconde.
astured wes al +tas +teode; strong-liche swi+de.
Six +gere ilaste; +tas s+arinesse on londe.
+ta veol +te king of horse; and f+ai-si+d makede.
wel wes al +tis folke; for his f+aie-si+de.
+Ta +tis wes al ido +tus; +ta i-war+d king Uortiporus.
+Teo comen Sexisce men; seilen to londe.
and m(u)chelne harm wrohten; bi+geonde +tere Hunbren.
slo+gen & nomen; al +tat heo neh comen.
And Uortiporus +te hen(de) sende after genge.
and ferede heom ouenon; and feolde Sexisce men.
and monie +tusend sente; to +tare se-grunde.
and +tus he heom a-ferde; and flemde of londe.
+tat n+auer seo[{+d{]+den bi his da+gen; ne lusten heom hider   #
uaren.
<P II,756>
His da+ges ilaste seuen +gere; and seo+d+den he dei+gede
And seo[{+d{]+den nom +tas riche; Malgus +te re+ge.
+tat was +te faireste mon; wi+d-uten Adam & Absolon.
swa alse +te boc us sugge+d; +ta +auere iboren weore.
+Tes lette his hired dihte; al wi+d o[{h{]te cnihten.
+tuhten alle +tes sweines; swulche heo weoren +teines.
haueden alle his hired-cnafe; +alches godes sweines la+ge.
Ne durste nauere nan vn-hende mon; +tas kinges hus isechen.
He biwun +ta londes alle; +ta stoden him an honde.
+Ta wes al +tas Bruttene; afeolled mid blisse.
+ta bleden uor+d comen; +geond al +tis kine-domen.
+Te king ne rohte of +ahte; ah al he hit +gaf his cnihten.
no mihte no mon sugge; of wundere na-mare.
+tene wes mid +tan kinge; bu(ten) of ane +tinge.
He luuede +tane sunne; +te la+d (is) ure Drihtene.
+ta wifmen heo for-soken; to mare sunne heo token.
wapmon luuede wapmon; wifmen heom la+de weoren.
swa +tat monie +tusende; wenden of +tissen lond.
wifmen swi+de feire; ferden to o+dere +teoden;
for mucchel scome heo[{m{] +tuhte; +tat wepmen heom ne rohte.
+Turh-ut alle cunnes +tinge; +tis ilke wes a god kinge.
buten of +tere sunne; +tat ich iseid habbe.
+Ta com an of his cunne; Carric wes ihaten.
and nom +tisne kine-dom. and mid seor+gen wunede +ter-on.
snel cniht wes Carric; ah he nes noht iseli.
+tat wes for un-leoden; spilden al his +teoden. 



