<B CMBRUT3>
<Q M3 NN HIST BRUT>
<N BRUT-1333>
<A X>
<C M3>
<O 1350-1420>
<M 1350-1420>
<K CONTEMP>
<D WML>
<V PROSE>
<T HISTORY>
<G X>
<F X>
<W WRITTEN>
<X X>
<Y X>
<H X>
<U X>
<E X>
<J X>
<I X>
<Z NARR NON-IMAG>
<S SAMPLE X>


[^THE BRUT OR THE CHRONICLES OF ENGLAND,
PART I.
EARLY ENGLISH TEXT SOCIETY, O.S. 131.
ED. F. W. D. BRIE.
LONDON, 1960 (1906).
PP. 16.18 - 28.8     (SAMPLE 1)
PP. 217.6 - 228.16   (SAMPLE 2)^]

<S SAMPLE 1>
<P 16>
[}OF KYNG LEIR, AND OF +TE ANSUERE OF HIS +GONGEST DOU+GTER,    #
+TAT
GRACIOUSELY WAS MARIEDE TO +TE KYNG OF FRAUNCE. C. XIJ.}]

   After +tis Kyng Bladud, regnede Leir his sone; and +tis Leir
made +te toune of Leycestre, and lete calle +te toune after
his name; and he gouernede +te lande wel and [{nobly{] . +tis   #
kyng
Leir hade iij doughtres: +te ferst highte Gonorille, +te        #
secunde
Rigan, and +te +tridde Cordeile; and +te +gongest doughter was
fairest and best of condiciouns. +te king here fader bicome an
olde man, and wolde +tat his doughtres were mariede or +tat
he deide . but ferst he +tougt assaye whiche of ham louede
him most and best; for  she +tat louede him best shulde best 
bene mariede . and he axede of +te ferst dought[{er{] how       #
miche she 
louede him; and she ansuerede and saide, 'bettre +tan here owen
<P 17>
lif.' "Now certes," quod +te fader, "+tat is a grete loue."
+To axede he of +te secunde doughter, how miche she him louede;
and she saide, 'more, and passing al +te creatures leuyng of    #
+te
worlde.' "ma foy," quod +te fader, "y may no more axen."
And +to axede he of +te pridde doughter, how miche she
him louede. "certes, fader," quod she, "my sustres haue tolde
+gow glosyng wordes; but for-so+te y shal tel +gow treu+t: for  #
y
loue +gow as miche as me owe+t to loue my fader; and forto
bryng +gow more in certeine how loue go+t, I shal +gow telle,   #
for-as-miche
as +ge bene wor+te, as muche shal +ge bene louede." The
kyng here fader wende +tat she hade scornede him, and bicome
wonder wroth, and swore by heuen and er+te +tat she shulde      #
neuer
haue goode of him; but his dou+gtres +tat louede him so miche
shulde be wel auauncede and mariede . and +te ferste dougter
he mariede to Mangles, King of Scotlande; And +te secunde he
mariede to Hanemos, Erl of Cornewaile; and so +tai ordeynede
and speke bituene ham +tat +tai shulde departe +te reaune       #
bituene
ham too, after +te de+t of Leir her fader, So +tat Cordeil his
+gongest doughter shulde no+ting haue of his lande. but +tis    #
Cordeil
was wonder faire, and of so goode condicions and maners, +tat   #
+te
Kyng of Fraunce, Agampe, herde of here speke, and sent to +te
Kyng Leir, he[{r{] fader, for to haue her vnto wif, and         #
prayede him
+terof. And Kyng Leir here fader sent him worde +tat he hade
departede the land to his ij o+tere dou+gtres, and saide he
nade no more lande wherwi+t her forto marie. And when
Agampe herde +tis ansuere, he sent anone a+geyne to Leir, and
saide +tat he axede no+ting wi+t here, bur oneliche heir        #
clo+ting
and oneliche heir body; and anone Kyng Leire here fader sent
here ouer +te see to +te Kyng of France; and he resceyuede here
wi+t michel worship and wi+t michel solempnite, & made here
Quene of Fraunce.

<P 18>
[}HOW KYNG LEIR WAS DRYUEN OUT OF HIS LANDE +TROU+G HIS OWEN
FOLYE; AND HOW CORDEIL HIS +GONGEST DOUGHTER HALPE HIM IN
HIS NEDE. (\CAPITULO TERCIODECIMO.\) }]

   Thus it bifel afterwarde, +tat +to ij eldest doughtren wolde
nou+gt abide til +tat Leir here fader were dede, but werrede
oppon him whiles +tat he leuede, and miche sorwe and shame him
dede; wherfore +tai binome him holly +te reaume, and bituene    #
ham
hade ordeynede +tat one of ham shulde haue Kyng Leir to         #
soiourne
al his lif tyme, with xl kny+gtes and heir squyers, +tat he     #
might worshipfully 
gone & ryde whider +tat he wolde, and into what
contre +tat him likede, to playe and to solacen. So +tat        #
Managles
Kyng of Scotlande, hade Kyng Leir with him in +te maner +tat is
abouer-saide, and, or o+tere half +gere were passede, Corneil   #
his eldest
dou+gter, +tat was Quene of Scotland, was so annoyed wi+t him   #
and
wi+t his peple, +tat anone she and here lorde spoken            #
to-gederes,
wherefor his kny+gtes half, and his squyers, fram him were      #
gone,
and nomo lefte but oneliche xxx. And when +tis was done, Leire
biganne forto make miche sorwe, for enchesoun +tat his state    #
was
enpeirede, and men hade of him more scorne and despite +tan     #
euer
+tai hade biforne; wherfore he nyst what forto done; and at +te
last +tou+gt +tat he wolde wende into Cornewaile, to Rigan his  #
o+tere
doughter. And when he was comen, +te erl and his wif, +tat was
Leires doughter, him welcomede, and with him made miche ioye;
and +tere he duellede with xxx kny+gtes and squyers. And he     #
nade
nought duellede +tere scarsly tuelf mone+t, +tat his doughter   #
of him
nas ful, and of his company; and her lorde and she, of him hade
scorne and despite, so +tat fram xxx kny+gtes +tai brou+gten
vnto x, and afterwarde v; and so +tere lefte wi+t him nomo. +To
made he sorwe ynow, and saide, sore wepyng, 'allas +tat euer
he come into +tat Lande!' and saide, '+gitte hade me bene       #
bettre
forto haue duellede with my ferst doughter [{and anon went      #
+tens
a+geyne to his ferst dou+gter{] .' But anone as she saw him     #
come, 
she swore by God and his holy names, and by as miche as she
might, +tat he shulde haue nomo wi+t him but one kny+gt, if he
<P 19>
wolde +tere abide. +To bigan Leir a+geyn to wepe, and made
muche sorwe, and saide +to: "allas! now to longe haue y         #
leuede, +tat
+tis sorwe and meschief is now to me falle; for now y am poer,
and some tyme y was ryche; but now haue y no frende ne kyn
+tat me wil do eny maner goode. But when y was ryche, alle
men me honourede and worsshepede; and now euery man hath
of me scorne and despite! and now y wote wel +tat Cordeil, my
+gonge doughter, saide me treu+t when she saide 'as michel as y
hade, so michel shulde y be louede'; and all +te while +tat y
hade goode, +to was y belouede and honourede for my rychesse;   #
but
my ij doughtres me glosede +to, and now of me +tai sette litel  #
pris,
and so+t tolde me Cordeil, but y wolde nou+gt bileue it, ne     #
vnderstonde,
and +terfore y lete here gon fro me as a +ting +tat y sette
litel pris of; and now wote y neuer what forto fone, se+t my
ij doughtres have me +tus desceyuede, +tat y so michel louede;
and now moste me nedes seche here +tat is in an o+tere lande,   #
+tat
lighly y lete here go fro me without eny reward of +giftes;     #
and she
saide +tat 'she louede me as miche as she outh here fader, bi   #
al
maner resoun'; and +to y shulde haue axede of here no more; and
+to +tat me o+tere-wise bihi+gten +trou+g here faire speche,    #
now haue
me desceyuede!"
   In +tis maner Leir longe tyme him bigan to mak his mone;
and at +te last he shoope him to +te see, and passede ouer into
France, and axede and aspiede wher the Quene my+gt be founde;
and men tolde where +tat she was. And when he come to +te
citee +tat she was in, priueliche he sent his Squyer vnto +te   #
quene,
to tel her +tat heir fader was comen to her for grete nede. And
when +te squyer come to the quene, he tolde her euery dele of   #
heir
sustres fram +te bigynnyng vnto +te ende. Cordeil +te Quene
anone nome golde and siluer, grete plente, and toke it to +te   #
squyer,
in conseile +tat he shulde go and bere it vnto here fader, and  #
+tat he
shulde go into a certeyn Citee, and him arreyen, ba+ten and     #
wesshen,
<P 20>
and +tan come a+geyne to her, and bryng with him an honest
company of kny+gtes, xl. at +te leste, with here meny; and      #
+tenne he
shulde sende to here lorde +te kyng, and sayen +tat he was      #
comen
forto speke with his dou+gter, and him to seene. And when +te
kyng and +te quene herde +tat, wi+t michel honour +tai comen,
and him resceyuede. +Te kyng of Fraunce lete sende +to +trou+g  #
al
his reaume, and commandede +tat alle men to him shulde bene
entendaunt, to Leire, +te Quenes fader, in al maner +ting as    #
it were
to him-self. when Leir hade duellede +tere a mon+te and more,
he tolde to +te kyng and to +te Quene his doughter, how his ij
eldeste dou+gtres hade him seruede. Agampe anone lete ordeyne a
grete hoste of Fraunce, and sent it into Britaigne with Leir,   #
+te
Quenes fader, forto conquere his lande a+geyne, and his         #
kyngdome;
and Cordeil also come with her fader into Britaigne, forto      #
haue +te
reaume after her fadres deth. And anon +tai went to shippe, and
passede +te see, and come into Britaigne, and fau+gt wi+t +te   #
felons,
and ham scomfitede & quellede. And Leir +to hade his lande
a+geyne, and after leuede iij +gere, and helde his reaume in    #
pees, and
afterwarde deide; & Cordeil his doughter him lete entere wi+t
michel honour at Leycestre.

[}HOW MORGAN AND CONENEDAG +TAT WERE NEVEUS TO CORDEIL,
WERREDE OPPON HERE, AND PUT HERE INTO PRISON. C. XIIIJ.}]

   When +tat Kyng Leir was dede, Cordeil his +gongest dou+gtre
helde and hade +te lande v +gere; and in +te mene tyme
deide here Lorde Agamp, +tat was Kyng of Fraunce; and after his
deth she lefte widue. And +to come Morgan and Conenedag,
+tat were Cordeiles sustres sones, and to here hade enuy,       #
for-asmiche
+tat her aunt shulde haue +te lande; so +tat bituene ham +tai
ordeynede a grete power, and vppon here werrede gretlich; and
<P 21>
neuer +tai rest til +tat +tai hade here taken, and put her vnto
deth. And +to Morgan and Conenedag seisede al +te lande, and
departede bituene ham, and +tai helde it xij +gere. And when
the xij +gere were gone, +tere bigon bituene ham a grete        #
debate, so
+tat +tai werrede strongely in-fere, and eueryche of ham dede   #
o+tere
miche disese, ffor Morgan wolde haue hade alle +te lande fram
bi+gende Humber, +tat Conedag helde; but he come a+geynes him
with a strong power, so +tat Morgan derst nou+gt abide, but     #
fley
awaye into Walys; and Conenedag pursuede him, and toke him,
and quelde him. +to come Conenedag a+geyne, and seisede al +te
lande into his hande, and helde hit, and regnede after, xxxiij
+gere, and +to deide, and li+t at New Troye.

[}OF RYNALLO, +TAT WAS CONEDAGUS SONE: HOW HE REGNEDE
AFTER HIS FADER; AND IN HIS TYME IT RAYNEDE BLOODE IIJ
DAIES, IN TOKENYNG OF GRET DETH. (\CAPITULO 
QUINTODESIMO.\) }]

   And after +tis Conenedag, regnede Rynallo his sone, an
Wise kny+gt, and an hardy and curteise, +tat wel and nobly
gouernede +te lande, and wonder wel made him bilouede of al
maner folc. and in his tyme it raynede bloode +tat lastede iij
dayes, as God wolde; and sone after +tere come a gret deth of
peple, for hostes with-out noumbre of peple fou+gten til +tat   #
+tai
were dede, Wherof no man my+gt ham lette til +tat almi+gty God  #
+terof
tok mercy and pitee; and tho gan it cesse. and +tis Raynolde
regnede xxij +gere, & deide, & li+t at +Gork.

[}HOW GORBODIAN REGNEDE IN PEES, +TAT WAS RYNALLO SONE; AND
AFTER, HE DEIDE, AND LI+T AT +GORK C. XVJ=O=.}]

   After +tis Ryuallo, regnede Gorbodyan his sone xv +gere, and
deide and lith at +Gork.

<P 22>
[}HOW GORBODIAN HADE IJ SONES, & HOW +TAT ON SLOUGH +TAT        #
O+TERE,
FORTO HAUE +TE HERITAGE; & HOW YDOYNE HER MODER QUELLEDE
+TAT O+TERE, WHERFORE +TE LANDE WAS DESTROIEDE. (\CAPITULO
XVJ=MO=.\) }]

   When +tis Gorbodian was dede, his ij sones +tat he hade,
bicome stoute men and proude, & euer werrede to-geder
for +te lande: +tat one, men called Ferre+g, and +tat o+tere    #
Porrex; and
+tis Ferre+g wolde haue hade al the lande, but +tat o+tere      #
wolde nou+gt
suffren him. Ferre+g hade a felounes hert, and +tou+gt +trou+g  #
tresoun
slee his bro+tere; but priuely he went into Fraunce, and +tere  #
abode
with +te kyng Syward til oppon a tyme +tat he come a+geyne, and
fau+gt wi+t his bro+ter Ferre+g; but ful euel it hapede +to,    #
for he was
slayn ferst. When Ydoyne, here moder, wist +tat Porrex was
dede, she made grete sorwe, for enchesoun +tat she louede him   #
more
+tan +tat o+tere, and +tou+gt him forto quelle. priuely she     #
come
to here sone oppon a ny+gt wi+t ij knyfes, and +terwi+t cotte   #
his +trote,
and +te body also into smale pecis. Who herde euer soche a      #
cursede 
moder, +tat quellede with here owen hondes here owen sone! and
Longe tyme after Laste +te reprofe & shame to +te moder +tat,   #
for
enchesoun of +tat o sone, mordrede +tat o+tere, and so loste    #
ham
bothe.

[}HOW IIIJ KYNGES CURTEISELY HELDE AL BRITAIGNE; AND WHICHE
BETH HERE NAMES. (\CAPITULO OCTODESIMO.\) }]

   When +tise ij bre+terne were so dede, +tai nade Lefte        #
bihynde
ham noo sone ne doughter, ne none o+tere of +te kynrede
+tat might haue +te heritage. & for-asmiche as +te strongest    #
men
dryuen and descomfitede +te feblest, and token al here landes,  #
so
+tat in euery contre +tai hade grete werre and stryfe. But      #
amonge
alle o+tere +tinges, +tere were amonges ham in +te contre +tat  #
ouercome
alle +te o+tere; and +trou+g heir streng+t and my+gt +tai nomen #
and token al +te landes;
and eueryche of ham tok a certeyne contre;
and in his contre lete calle hym kyng. And on of ham, men
<P 23>
callede Stater; and he was Kyng of Scotland; and +tat o+tere me
callede Dunwal, and he was Kyng of Loegers, and of alle +te
landes +tat was Lotrynes, Brutes sone. +te +tridde, men callede
Rudak, and he was Kyng of Walys; and +te iiij me callede        #
Cloten,
and he was Kyng of Cornewaile. But +tis Cloten shulde haue
hade al +te lande, be resoun for +tere was no man +tat wist     #
none so
ru+gthful heire as he was; but +to +tat were strongest sette    #
litel by
ham +tat were of lasse estate, and +terfor +tis Cloten hade no  #
more
lande amonges ham +tan onliche Cornewaile.

[}OF KYNG DONEWALL, +TAT WAS CLOTENE+G SONE, AND HOW HE HADE
WONNE +TE LANDE. (\CAPITULO XIX=O=.\) }]

   This Cloten hade a sone +tat me clepede Donewal, +tat,       #
after +te
deth of his fader, bicome an hardy man, and a faire and a
curteise, so +tat he passede alle +te kynges of Britaigne of    #
fairenesse
and of wor+tinesse. And as he was knyght, he Wiste wel
when his fader leuede he was moste ryghtful heire of al +te     #
lande,
and shulde haue hade it by resoun; but o+tere kynges +tat were  #
of
more streng+t +tan he, binome him his lande. And afterwarde     #
+tis
Donebande ordeynede him powere, and ferst conquerede al +te     #
lande
of Loegers; and after he wolde haue conquerede al Scotland
and Walys; and Stater wi+t his men come, and +gaf him bataile;
and Rudak come a+geyne wi+t his Walshemen forto helpe him; But
so it bifel +tat Rudak was slayn, and Skater also, in pleyn     #
bataile;
and so Donewal hade +te victorye, and conquerede al +te lande,  #
and
wel mayntenede it in pees and quyete, +tat neuer bifore it was  #
so
wel mayntenede.

[}HOW DONEWAL WAS +TE FERST KYNG +TAT EUERE WEREDE CRONE OF
GOLDE IN BRITAIGNE. (\CAPITULO VICESIMO.\) }]

   This Donewal lete make him a crone of golde, and werede
+te croune oppon his heuede, as neuer kyng dede bifore; and 
he ordeynede a statute +tat, hade a man done neuer so miche
<P 24>
harme, and he might come into +te temple, +tere shulde no man   #
him
misdo, but gone +terin sauf and in pees, and aftre gone into    #
what
contre +tat he wolde, withouten eny harme; and if eny man sette
hande oppon him, he +tan shulde lese his lif. And +tis Donewal
made +te toune of Malmesbury, and +te toune of +te Vise; & when
he hade regnede wel and nobly .xl. +gere, he deide, & li+t at   #
newe
Troye.

[}HOW BRENNE AND BELYN DEPARTEDE BITUENE HAM +TE LANDE, AFTER
+TE DETH OF DONEWAL, HIR FADER; & OF +TE WERRE. (\CAPITULO
XXJ=O=.\) }]

   And after +tat +tis Donewal was [{dede{] , his sones +tat    #
he hade,
departede +te lande bituene ham as her fader hade ordeynede;
so +tat Belyn, his eldest sone, hade al the lande a +tis halfe  #
Humber,
and his bro+ter Brenne hade al +te lande fram Humber vnto
Scotland; but for-asmich as Belyn hade +te better parte, Brenne
+terfor wax wro+t, and wolde haue hade more of +te lande; and
Belyn his bro+ter wolde graunt him nomore; Wherfor contak and
werre aroos bituene ham ij. But Brenne +te +gonger bro+ter      #
hade no
my+gte ne streng+t a+geyn+g Belyn; and +terfor Brenne, +trou+g  #
conseil of
his folc, went fram +tens into Norway, to +te Kyng Elsinges,    #
and
prayede him of helpe and of socoure forto conquere al +te       #
lande of
Britayn vppon Belyn his bro+ter, oppon +tat couenaunt, +tat he
wolde haue his dou+gter to wyf; and +te Kyng Elsinges him
grauntede. Belyn, anone as his bro+ter was gone to Norway, he
seisede into his hande al +te lande of Northumberland, and      #
toke al
+te castelles, and lete ham arraie, and also kepe +te costes    #
of +te see,
+tat Brenne shulde nou+gt arryue in no side but +tat he were    #
take.
The Kyng Elsinges lete assemble a grete hoste, and delyuerede
his doughter to Brenne, and alle +te peple +tat he hade         #
ordeynede.
And +tis damisel, Samye, hade longe tyme louede a kyng +tat me
callede Gutlagh; and to him she tolde al here counseil, how     #
+tat
Brenne shulde here haue, and here lede wi+t him for euermore,   #
and
so he shulde her lese, but if +tat she my+gt forsake Brenne.    #
And
<P 25>
when Gutlagh herde +tise tydynges, he lay forto aspie Brenne,   #
wi+t
alse meny shippes as he my+gt haue, so +tat +to ij fletes       #
metten
to-gederes, and longe tyme foughten, so +tat Brenne and his     #
shippes
turnede a+geyne, and were descomfitede; and Kyng Gutlagh toke
Samye, and put here into shippe, and Brenne shamefully fleye
+tens as a man descomfitede. And Gutlagh wolde haue went into
his countree; but +tere come oppon him a stronge tempest, +tat  #
 .v.
dayes Laste, so +tat +trou+g +tat tempest he was dryuen into    #
Britaigne
with iij shippes, and wi+t no mo. and +to +tat kepte +te        #
costes of
+te see token Gutlagh and Samye, and all his folc, and ham      #
presentede
vnto Belyn, and he put ham into prisoun.

[}HOW BELYN DELYUEREDE OUT OF +TIS LANDE KYNG GUTLAGH OF
DENNEMARC, AND SAMYE. (\CAPITULO VICESIMO SECUNDO.\) }]

   Hit was nou+gt longe after, +tat Brenne ne come a+geyne      #
with a
stronge meny, and sent to his bro+ter Belyn, +tat he shulde
+gelde a+geyne his lande to his wif and to his folc, & his      #
castelles
also, or elles he wolde destroye his lande. Belyn drade no      #
+ting
his manace, and wolde no +ting done after +tat he saide.        #
Wherfore
Brenne come with is folc, and fau+gt with him; and Brenne
was descomfitede, and his folc slayne, and him-self fleede      #
wi+t xij 
men in Fraunce. And +tis Belyn, +tat was Brennes bro+tere,
went +ten vnto +Gork, and toke counseil what he my+gt done,
wi+t Kyng Gutlagh; for Kyng Gutlagh proferede to bicome his
man, and to holde his lande of him, +geldyng by +gere M=l~= li  #
of siluer
for euer-more; and for sikernesse of +tis couenaunt to bene     #
holde,
Gutlaghe shulde bryng him gode hostages, and to him shulde done
homage, and al his folc, and +gitte he shulde suere oppon the   #
book
+tat +tise couenauntes shulde nou+gt bene broken ne falsede.
Belyn +to, by counseil of his folc, grantede him his axing;     #
and so
Gutlagh bicome his man; and belyn vnderfonge of him his homage
by othe, and by wrytyng +te same couenaunt+g. And oppon
<P 26>
+tis Couenant King Gutlagh tok Samye and his folc, and went
+tennes, and turnede a+geyn to Dennemarc. Euermore after were
the couenauntes Halden, and +te truage paiede, til +te tyme     #
+tat
Hauelok was Kyng of Denmarc, and also of +tis lande, +trou+g    #
his wif
Gildeburghe, +tat he hade spousede, for she was +te ry+gt       #
heire of +tis
lande. +tis Belyn duellede +to in pees, and worshepliche him
helde amonges his barons; and he made iiij real waies, one fram
+te Est into West, and +tat was callede Watlyngstrete; and      #
ano+tere
fram +te North into +te South, +tat was callede Ikenyle         #
strete; and
ij o+tere waies he made in bossinge +trou+g-oute the lande:     #
+tat one is
callede Fosse, and +tat o+tere Fossedik; and he mayntenede wel  #
+te
gode Lawes +tat Doneband his fader hade made and ordeynede in
his tyme, as bifore is saide.

[}HOW ACCORDE WAS MADE BITUENE BRENNE AND BELYN, THROUGH
CORNEWENNE, HIRE MODER. (\CAPITULO VICESIMO TERCIO.\) }]

   Brenne, that was Belynes bro+ter, hade longe tyme duellede   #
in
Fraunce, and +tere hade conquerede a grete lordeship +trou+g
mariage, for he was Duc of Burgoyne +trou+g +te dou+gter of     #
+te duc
Fewyn +tat he hade spousede, +tat was right heire of +te        #
lande. and
+tis Brenne ordeynede a grete power of his folc and also of     #
Fraunce,
and come into +tis lande forto feight with Belyn his bro+ter.   #
and
Belyn come a+geynes him with a stronge powere of Britons, and   #
+to
wolde haue +geue him bataile; but heir moder Cornewenne, +tat   #
tho
Leuede, herde +tat +te o bro+ter wolde haue destroyede +tat
o+tere, and went bituene here sones, and ham made accordede
wi+t miche peyne; so +tat at +te laste, +to ij bre+terne, with  #
miche
blisse, went to-geder into newe Troye, +tat now is callede      #
London,
and +tere +tai duellede al a +gere; and after, +tai toke Heire  #
conseile
forto go conquere al Fraunce; and so thai deden, & brent        #
tounes,
and destroyede al +te lande bo+te in leng+t and in Brede. and   #
+te
Kyng of Fraunce +gaf ham bataile wi+t his powere; but he was
ouercomen, and +gaf truage vnto Belyn and to his bro+ter. And
<P 27>
after +tat, +tai went for+te to Rome, and conquerede Rome, and  #
al
Lumbardy and Germayne, and toke homages and feautees of +te
folc of +te Erles, barons, and alle o+tere; and after, +tai     #
comen
into +tis lande of Britaigne, and duellede with here Britounes  #
in
ioye and reste. and +to made Brenne +te toune of Bristow; and   #
si+t
he went ouer +te see into his owen lordeshippe, and +tere       #
duellede
al his lif. and Belyn duellede atte Newe Troye; and +tere he    #
made
a faire gate +tat is clepede Billyngesgate, after his owen      #
name. and
when +tis Belyn hade regnede noble xj +gere, he deide, & li+t   #
at
newe Troye.

[}HOW KYNG CORINBATRUS QUELLEDE +TE KYNG OF DENNEMARC, FOR
ENCHESOUN +TAT HE WOLDE NOU+GT PAYE HIM HIS TRUAGE.
(\CAPITULO XXIIIJ=TO=.\) }]

   And after +tis Belyn, regnede his sone Corinbatrus, a gode   #
man
and a wor+ti. and +te Kyng of Denmarc wolde nou+gt paye
him his truage, +tat is to seyn, M=l= l~i, as he hade sworne by
oth forto paye hit, and also be writyng of recorde, to Belyn    #
his
fader. wherfore he was euel paiede and wro+t, and assemblede a
grete hoste of Britons, and went into Dennemarc and slough +te
Kyng Gitclagh, and brou+gt +te lande in subieccioun al new,     #
and toke
of folc feautes and homages, and after went a+geyne into his    #
lande.
And as he come forthe bi Orkeneye, he fonde xxx shippes ful of
men and of wymmen, bisides +te coste of +te see, and +te kyng
axede what +tai were. an Erl, that was maistre of ham alle,
curteisely ansuerede vnto the kyng, and saide +tat +tai were    #
exilede
oute of Spaygne, and so +tai hade trauailede half +gere and     #
more
in +te see, to weten if +tai my+gt fynde eny kyng, or eny       #
lorde,
+tat of ham wolde haue pitee or mercy, to +geue ham eny lande   #
in
eny contre wherin +tai might duelle and haue reste, and bicome  #
his
liege men, and to him wolde done homage and feautes whiles
+tat he leuede, and to his heires after him, and of him and of  #
his 
heires holde +tat londe for euermore. And when +te kyng +tis
<P 28>
herde, he hade pite of ham, and +gaf ham an Ile al wildernesse,
+tere +tat noman was duellyng, sag oneliche wilde bestes. and   #
+te
Erl +tankede miche +te kyng, and bicome his man, and dede him
feaute and homage, and tok alle his folc, and went into +te     #
same
Ile. and +te Erl me callede Irlanyal; and +terfore he lete      #
calle +te
lande Irlande, after his owen name. The kyng +to, Corinbatrus,
come a+geyne into +tis Lande, and regnede xxv +gere; & after,   #
he
deide, and li+t at newe Troye.

<S SAMPLE 2>
<P 217>
[}OF +TE SCOMFITURE OF BURBRIGGE. (\CAPITULO CENTESIMO 
NONOGESIMO SEPTIMO.\) }]

   The gode Erl Thomas of Lancastre, Hunfray de Bohon, Erl
of Herford, and +te barouns +tat wi+t ham wer, toke a
conseile bituene ham at +te Frere Prechoures at Pountfrett. +to
+tou+gt Thomas vppon +te traitour Robert Holond, and saide in
reprofe, "Allas! Holonde me ha+t bitraiede! Ay is in +te rede   #
of
somme euel shrede." And by commune assent +tai shulde alle
gone to +te castel of Dunstanburghe, the whiche perteynede to   #
+te
Erldome of Lancastre, and +tat +tai shulde abide +tere til +te  #
Kyng
hade for+geue ham his male-talent. but when +te gode Erl Thomas
+tis herde, he ansuerede in +tis maner, and saide: "Lordes,"    #
quod
he, "if we gone toward +te north, men wil seyn +tat we gon
toward +te Scottes; and so we shul be holde traitoures, for     #
cause
of distaunce +tat is bituene Kyng Edward and Robert +te Brus,
+tat made him Kyng of Scotland. And +terfore y say, as tochyng
myself, +tat y wil go no fer+ter into +te North +tan to myn     #
owen
castel of Pountfrett." And when Sire Roger Clifford herde +tis,
he aros vp anone in wra+t, and drow his suorde, & swore by
Almygty God and by his holy names, but if +tat he wolde go
wi+t ham, he shulde be dede, and +tat he wolde slee him +tere.  #
+Te
noble Erl Thomas of Lancastre was sore adrade, and saide:
"faire sires, y wil go wi+t +tow whider-so-euer +ge me lede."   #
+To
went +tai togederes into +te North; and wi+t ham +tai hade      #
vij=c= men
of Armes, and come to Burbrig.
   And when Sire Andrew of Herkela - +tat was in +te            #
North-contre
+trou+g ordenance of +te Kyng, forto kepe +te cuntre of         #
Scotland
<P 218>
- herde telle how +tat Thomas of Lancastre was descomfitede,
and his company were descomfitede at Burton vp Trent, he
ordeynede him a stronge power, and Sir Symond Ward also, +tat
+to was shirryf of +Gork, & come & mette +te barons at          #
Burbrig; &
anone +tai breken +te brige, +tat was made of tre. And when
Sir Thomas of Lancastre herde +tat Sire Andrew of Herkela hade
brou+gt wi+t him soche a power, he was sore adrade, & sent for  #
Sir
Andrew of Herkela hade brou+gt wi+t him soche a power, he was   #
sore adrade, & sent
for Sir Andrew of Herkela, & wi+t him spake, and saide to him   #
in +tis
maner: "Sire Andrew," quod he, "+ge mow wel vnderstonde how
+tat our Lord +te Kyng is ladde and misgouernede by miche false
conseil, +trou+g Sir Hugh +te Spenser +te fader, & Sir Hugh +te
sone, & Sir Iohn Erl of Arundel, and +trou+g Maistre Robert     #
Baldok,
a false pilede clerc, +tat is in +te Kyngus court duellyng;     #
wherfore y
praye +gow +tat +ge wil come wi+t vs, wi+t al +te power +tat    #
+ge haue
ordeynede, and helpe to destroie +te venyme of Engeland, and    #
+te
traitoures +tat bene +terin, and we wil +gif vnto +gow +te      #
best part
of v Erldomes +tar We haue+t & holde+t; and We wil mak vnto
+gow an oth +tat we wil neuer do +ting wi+tout +gour consel,    #
and so +ge
shul bene as wele at ese wi+t vs as euer was Robert Holande."
+To ansuerede Sir Andrew of Herkela, and saide: "Sir Thomas!
+tat wolde y nou+gt do, ne consent +terto, for no maner +ting   #
+tat
yhe might me +geue, wi+touten +te wil and commaundement of
our lord +te Kyng; for +tan shulde y be holde a traitoure for   #
euer-more."
And when +te noble Erl Thomas of Lancastre saw +tat he
nolde consent to him for no maner +ting, "Sir Andrew," he       #
saide,
"wil +ge nou+gt consent to destroye +te venyme of +te reaume,   #
as we
bene consented? At on worde, Sir Andrew, y telle +te, +tat or   #
+tis
+ger be gon, +tat +ge shal be take and holde for a traitoure,   #
and
more +tan +ge holde vs nowe; and in worse deth +ge shul die,    #
+tan
euer dede Knyght of Engeland; and vnderstonde wel +tat
neuer +ge dede +ting +tat sorer +gow shal repent. And now
go+t and do what +gow gode likes; and y wil put me to
<P 219>
+te mercy and grace of God." And so went +te false traitoure,
Sir Andrew of Herkela, in his way as a false traitour, a        #
tiraunt,
& forsuore man. for +trou+g +te noble Erl Thomas of Lancastre   #
he
vnderfonge +te armes of chiualry, and +trou+g him he was made
knyght.
   Thoo might men seen Archieres drawen ham in +tat on side
and in +tat o+tere; and Kny+gtes also fou+gten togeder wonder   #
sore;
and amonge o+tere, Sir Hunfray de Bohoun, Erl of Herford, a
wor+ti knyght of renoune +trou+gout al Cristendome, stode &     #
fau+gt
with his enemys apon +te brigge. And as the noble lorde stode
and fau+gt oppon +te brugge, a +tef, a ribaude, scolkede vnder  #
+te
brigge, and fersly wi+t a spere smote the noble knyght into     #
+te fondement,
so +tat his bowailles comen out +tere. Allas +te sorwe! for
+tere was slayn +te floure of solace and of comfort, & also of  #
curtesye.
and Sire Roger of Clifford, a noble knyght, stode euer, and     #
faught,
& wel and nobly him defendede as a wor+ti baron; but at +te     #
laste
he was sore wounded in +te heuede, & Sire William of Sulley &
Sir Roger of Bernesfelde were slayn in +tat bataile. And
Sir Andrew of Herkela saw Sir Thomas men of Lancastre laske
and slake. Anone he & his company comen to the Gentil Knyght,
Thomas of Lancastre, & saiden "+gelde +te, traitour! +gelde     #
+te!"
The gentil Erl ansuerede +to, and saide: "nay, lordes! traitour
be we none, and to +gow wille we neuer vs +gelde while +tat our
lifes lasten; but leuer we hauen to be slayn in oure treu+t,    #
+tan
+gelde vs to +gow." And Sir Andrew a+gein criede oppon Sir
Thomas company, +gellynge as a wolfe, and saide; "+gelde +gow,
traitour taken! +gelde +gow!" and wi+t an hye voice saide:      #
"be+t
ware, sires, +tat no man of +gow be so hardy, oppon lif and     #
lyme, 
to mysdo Thomas body of Lancastre." And wi+t +tat worde, +te
gode Erl Thomas went into a chapel, and saide, knelyng doun
oppon his knees, and turnede his visage toward +te crois, and   #
saide:
"almyghti God! to +te y me +gelde, and holliche put me into +ti
<P 220>
mercy." And wi+t +tat, +te vileins ribaudes lepten about him,
on euery side +tat Gentil Erl, as tiraunt+g and Woode           #
turmentures,
and despoilede him of his Armure, & clo+tede him in a robbe of
Ray, +tat was his sq[{u{]yers liueray, and four+t lade him vnto
York by water. +tere might men see miche sorwe and care, for    #
+te
gentil knyghtes fledden on euery side, and +te ribaudes and     #
vileins
egrely ham descriede, and criede in hye, "+gelde +gow,          #
traitoures!
+gelde +gow!"
   And when +tai were +golden, +tai wer robbed, and bonde 
as +teues. Allas +te shame & despite, +tat +te gentil ordre of 
Knyghthode +tere hade at +tat bataile! And +te land +to was     #
wi+touten
Law, for holy cherche +to hade nomore reuerence +tan hit
hade bene a bordel hous. And in +tat bataile was +te fader      #
a+geins
+te sone, and +te vncle a+geins his nevew; for so miche         #
vnkyndenesse
was neuer seyne bifore in Engeland amonges folc of on 
nacioun; for o kynrede had no more pite of +tat o+ter, +tan an
hundred wolfes haue+t on o shepe; and hit was no wonder, for 
+te grete lordes of Engeland were nou+gt alle of o nacioun,     #
but were
mellede wi+t o+tere nacions, +tat is forto seyn, somme          #
Britons, 
Somme Saxones, somme Danois, somme Peghtes, somme Frenche-men,
somme Normans, somme Spaignardes, somme Romayns, some 
Henaudes, some Flemyngus, and of o+tere diuerse naciouns, +te
whiche nacions acorded nou+gt to +te kynde bloode on Engeland.
And if +te grete Lordes of Engeland hade bene onelich wedded
to Englisshe peple, +tan shulde pees haue bene, and reste       #
amongus
ham, wi+touten eny envy. And at +tat bataile was Sir Roger
Clifford tak, Sire Iohn Mounbray, Sire William Tuchet, Sir
William Fit+g-William, and meny o+ter wor+ti Knyghtes; and Sir
Hugh Dauill +te next day after was taken and put into prisoun,  #
&
shulde haue ben done to +te de+t if he hade nou+g spousede +te
Kynges nece, +tat was +te Erl Gilbertus sustre of Gloucestre.
<P 221>
And anone after, was Sir Bartholomev of Bedelesmer taken att
Stawe Park, a maner of +te Bisshoppes of Lincoln, +tat was his
nevew, and meny o+ter barons and baronettes; Wherfore was made 
miche sorwe.

[}HOW THOMAS OF LANCASTRE WAS BIHEUEDEDE ATTE POUNTFRETT, &
V BARONS HONGEDE AND DRAW +TERE. (\CAPITULO CENTESIMO
NONOGESIMO OCTAUO.\) }]

   And now y shal telle +gow of +te noble Erl Thomas of         #
Lancastre.
When he was taken & brou+gt to +Gork, meny of +te citee
were ful glade, and oppon him criede wi+t hye voice, "A, sire 
traitoure! +ge arne welcome, blessed be God! for now shal +ge 
haue +te reward +tat longetyme +ge haue diserued!" and caste    #
oppon
him meny snoweballes, and meny o+ter reproues dede him. But 
+te gentil Erl +tat soffrede, and saide ne+ter on ne o+tere.
   And in +tat same tyme +te Kyng herde of +tat scomfiture,
and was ful glade, and in haste come to Pountfrett; and Sir     #
Hugh
+te Spenser, and Sir Hugh his sone, and Sir Iohn, Erl of        #
Arundel,
and Sir Edmund of Wodestok, +te Kyngus bro+ter, Erl of Kent,
and Sir Aymer of Valance, Erl of Penbrok, & maistre Robert of 
Baldok, a false pilede clerc, +tat was priue & duellyng in +te
Kynges court; and alle +tai come +tider wi+t +te Kyng. And
Sir Rauf of Beeston +gaf vp the castel to the Kyng; and +te     #
Kyng
entrede into +te castel; & Sir Andrev of Herkela, +te false     #
tiraunt,
+trou+g +te Kynges commandement tok with him +te gentil Erl
Thomas to Pountfret; and +tere he was prisonede in his owen
castel +tat he hade new made, +tat stode a+geins +te Abbay of   #
Kyng 
Edward.
   And Sir Hugh +te Spenser +te fader, and Sir Hugh his sone,
caste and +tou+gt how and in what maner +te God Erl Thomas of
Lancastre shulde bene dede, wi+touten iugement of his peris;
wherfore hit was ordeinede +trou+g +te Kynges Iustice+g, +tat   #
+te Kyng
shulde put oppon him poyntes of traitery. And so hit bifelle
<P 222>
+tat he was ladde to +te barr bifore +te Kynges Iustice+g,      #
bare-heuede
as a +tef, in a faire halle wi+tin his owen castel, +tat he     #
hade made
+terin meny a faire fest, bo+t to riche and eke to pore. And    #
+tise
were his Iustice+g: Sir Hugh +te Spenser +te fader, Sir Aymer   #
of
Valance, Erl of Penbrok, Sire Edmund of Wodestok, Erl of Kent,
Sire Iohn of Britaign, Erl of Richemond, & Sir Robert of        #
Maleme+trop,
iustice; and Sir Robert him acoupede in +tis maner:
"Thomas! atte +te ferst, oure lord +te Kyng & +tis court
exclude+t +gow of al maner ansuere. Thomas! oure lorde +te
Kyng put oppon +gow +tat +ge haue in his lande riden wi+t       #
baner displaiede,
a+geynes his pees, as a traitour." And wi+t +tat worde,
+te gentil Erl Thomas, wi+t an hie voice saide, "Nay, Lordes!   #
forso+t,
and by Seint Thomas, y was neuer traitoure." The iustice saide
a+gein +to: "Thomas! our Lord +te Kyng put oppon +te +tat +ge
hauen robbede his folc, and mordred his folc, as a +tef.
Thomas! +te Kyng also put oppon you +tat he descomfitede +gow
and +gour peple wi+t his folc in his owen reaume; Wherfore +ge  #
went
and fley to +te wode as an outlawe, and also +ge were taken as  #
an
outlaw. & Thomas, as a traitoure +ge shull be hongede by
resoun, but +te Kyng ha+t for+geue +gow +tat gewys for +te      #
loue of
Quene Isabell. And, Thomas, resoun wolde also +tat +ge shulde
ben hongede; but +te Kyng ha+t for+geue +tat gewys for cause    #
and
loue of +gour lynage. But Thomas, for-asmiche as +ge were tak
fleyng, & as an outlaw, +te Kyng wil +tat +gour heued be smyten
of, as +ge haue wel deseruede. Anone doth him out of pres,
and bringe him to his iugement!" +te gentil knyght, when he
hade herde alle +tise wordes, wi+t an hye voice he criede,      #
sore weping,
and saide: "Allas, Seint Thomas, faire fader! Allas! shal
y be dede +tus? graunt me now, blisseful God, ansuere!" but al  #
it
availede him no+ting; for +te cursede Gascoignes put him hider
and +tider, and on him criede wi+t an hye voice, "O Kyng
Arthur, most dredeful! wel knowen now is +tin open traitery!
<P 223>
in euel de+t shalt +tow dye, as +tow hast wel diseruede." +to
sette +tai oppon his heuede in scorn an olde chapelet, al-to
rent & torn, +tat was nou+gt wor+t an halpeny; & after +tai
sette him oppon a lene white palfray, ful vnsemeliche, and ek
al bare, wi+t an olde bridel; and wi+t an horrible noyse +tai   #
drow
him out of +te castel toward his de+t, and caste on him meny
balles of snowe. And as +te turmentoures lade him out of +te
castel, +to saide he +tise pitouse wordes, and his Handes helde
vp in hye toward heuen: "Now, +te Kyng of Heuen +geue vs
mercy, for +te er+tely Kyng ha+t vs forsak!" And a frere        #
prechoure 
went wi+t him oute of +te castel, til +tat he come to +te place
+tat he endede-in his lif; vnto whom he shroue him al his lif.
And +te gentil Erl helde +te frere wonder faste by +te          #
clo+tes, and
saide: "fair fader, abide wi+t vs til +tat y be dede; for my
flesshe quake+t for drede of de+t." And so+t forto saie, +te    #
gentil Erl
sette him oppon his Knees, & turned him toward +te East; but a
Ribaude +tat men callede Hugon of Moston, sette hande oppon +te
gentil Erl, and said in despite of him: "Sir traitoure, turne   #
+te
toward +te Scottes, +tin foule deth to vnderfonge"; and         #
turnede +te
Erl toward +te North. The noble Erl Thomas ansuered +to wi+t a 
milde voice, and saide: "Now, fair Lordes, y shal do al +gour   #
owen
wille." And wi+t +tat worde +te frere went fram him ful sore;
and anone a ribaude went to him, and smote of his heuede, +te   #
xj
Kalendus of April, in +te +ger of grace M=l=CCC xxj. Allas +tat
euer soche a gentil blode shulde ben don to de+t with-outen     #
cause
and resoun! And traiterousely was +te Kyng conseilede when 
he, +trou+g false conseil of +te false Spensers, soffrede Sir   #
Thomas,
his vncles sone, bene put to soche a de+t, & so ben-heuedede
a+geyns al maner resoun. And grete pitee hit was also, +tat     #
soche a
noble Kyng shulde ben desceyuede and mysgouernede +trou+g
false Spensers, +te whiche he mayntenede +trou+g loselry        #
a+geins his
honour and ek profit; for afterward +tere felle grete           #
vengeaunce in
<P 224>
Engeland for enchesoun of +te forsaide Thomas de+t. When +te 
gentil Erl of +tis lif was passede, +te Prioure and +te monkes  #
of Pounfrett 
geten Sir Thomas body of +te Kyng, and +tai buriede hit
bifor +te hye auter in the right side.
   And +tat same day +tat +te gentil lord was dede, +tere wer
honged and draw for +te same querel at Pountfrett, Sir
William Tuchet, Sir William Fit+g-William, Sire Warein of       #
Ysillee, 
Sire Henry of Bradboure, Sir William Cheyne, barons alle, &
Iohn Page, Squyer. And sone after at +Gork, wer draw and
Honget, Sire Roger of Clifford, Sir Iohn of Mounbray, barons, &
Sire Gosselyn Dauil, Knyght. And at Bristow were draw and 
honged, Sire Henry of Wynington, and Sire Henry of Mounford, 
barons. And at Gloucestre wer draw and hongede, Sire Iohn
Giffard & Sire William of Elmebruge, barons. And at London
wer Honget & draw, Sir Henry Tyeys, baron; & at Winchelse, 
Sir Thomas Culpeper, knyght; & at Wyndesore, Sir
Fraunceys of Waldenham, baron; & at Kaunterbury was draw
and honged, Sire Bartholomew of Badelesmer & Sir Bartholomev
of Assheburnham, barons; And at Kerdif in Walys, Sir William 
Flemynge, baron.

[}HOW KYNG EDWARD WENT INTO SCOTLAND WI+T AN C=ML= MEN OF
ARMES, AND MIGHT NOU+GT SPEDE. (\CAPITULO CENTESIMO
NONOGESIMO NONO.\) }]

   And when Kyng Edward of Engeland hade brou+gt +te flour of
chiualry vnto +tis de+t, +trou+g conseil of Sir Hughe +te 
Spensers +te fader, & Sir Hugh his sone, he bicome as wood
as a lyoun; and what-so-euer the Spensers wolde haue done, it
was don. And so wel the Kyng louede ham, +tat +tai might do
wi+t him al +tat +tai wolde; wherfore the King +gaf vnto Sir 
Hugh +te Spenser +te fader, +te Erldome of Wynchestre, and to   #
Sir 
Androv of Herkela +te Erldome of Carlele, in preiudice and 
harmyng of his croune. And Kyng Edward +to, +trou+g conseil of
<P 225>
+te Spensers, disheritede alle ham +tat hade bene a+geins him   #
in eny
querell wi+t Thomas of Lancastre; and meny o+tere wer           #
disherited
also, for encheson +tat +te Spensers coueitede forto haue her   #
londes;
and so +tai hade al +tat +tai wolde desire, wi+t wronge, and    #
a+geyns al
resoun.
   +to made +te Kyng, Robert of Baldok, a false pilede clerc,
Chaunceller of Engeland, +trou+g conseil of +te forsaide        #
Spensers;
and he was a false rybaude and a couetous; and so +tai          #
conselede
+te Kyng so miche, +tat +te Kyng lete take to his owen ward     #
alle +te
godes of +te lordes +tat wrongefully were put vnto +te de+t,    #
into
his owen honde; and aswel +tai token +te godes +tat were in
holy cherche, as +te godes +tat were wi+tout, and lete ham ben  #
put 
into his tresorie a[{t{] London, and lete ham calle his         #
forfait+g;
and by her conseile +te Kyng wrought, and disheritede al ham
+tat +te gode oweden; and +trou+g her conseil lete arere a      #
talliage
of alle +te godes of Engeland; wherfore he was +te richest      #
Kyng 
+tat euer was in Engeland, after William Bastard of Normandy,
+tat conquerede Engeland. And +gitte, +trou+g consell of ham,
him semede +tat he hade nou+gt ynou+g, but made +gitte euery    #
toun
of Engeland fynde a man of Armes oppon her owen costages,
forto gon and werr oppon the Scottes +tat Wer his enemys.
   Wherfore +te Kyng went into Scotland wi+t an hundred
+tousande men of Armes at Whitsontide, in the +gere of our Lord
God M=l=CCC & xxij. But +te Scottes went and hud ham in
Mounteyns and in Wodes, and tariede +te Englisshe-men fro day 
to day, +tat +te Kyng myght for no maner +ting ham fynde in     #
pleyn
felde; wherfore meny Englisshe-men, +tat few vitailes hade, for
hunger +tere deiden wonder faste, and sodeynly, for hunger in 
goyng and in comyng, and nameliche +to +tat hade bene a+geyns
Thomas of Lancastre, and hade robbet his men oppon his landes.
When Kyng Edward saw +tat vitailes failede him, he was +to
wonder sore discomfortede, for enchesoun also +tat his men so
deide, and also for he might nou+gt spede of his enemys; so at  #
+te
<P 226>
last he come a+geyne into Engeland. And anone after come Iames
Douglas and Thomas Randolf wi+t an huge ost into Engeland,
into Northumberland, and wi+t ham +te Englisshe-men +tat wer
dryuen out of Engeland, & come and robbet the contre, and 
quellede +te peple, and also brent +te toun +tat was callede    #
North-allertoun,
and meny o+ter tounes vnto +Gork. And when +te Kyng
her +tis +ting, he lete [{sompne{] alle maner men +tat might    #
trauaile.
And so +te Englisshemen mette +te Scottes atte +te Abbay of     #
Beiheland,
+te xv day after Michelmasse in +te same +ger abouesaide; And
+te Englisshe-men wer +tere descomfited; & at +tat scomfiture   #
was
tak Sir Iohn of Britaygn, Erl of Richemonde, +tat helde +te
contre and the Erldome of Lancastre; and after, he paiede an
huge raunsoun, and was lete gone; and after +tat he went into
Fraunce and come neuer after a+geyn.

[}HOW SIR ANDREW OF HERKELA WAS TAKEN, AND PUT VNTO +TE
DE+T, +TAT WAS ERL OF CARDOILE. (\CAPITULO CC=MO=.\) }]

   And at +tat tyme Sir Andrew of Herkela, +tat newe was made
Erl of Cardoile, for cause +tat he hade taken +te goode Erl
of Lancastre, he hade ordeyned, +trou+g +te Kyngus commandement
of Engeland, forto bryng him all +te power +tat he might, forto
helpe him a+geyns +te Scottes atte +te Abbay of Behigland. And
when +te false traitoure hade gadrede all +te peple +tat he     #
might, and
shulde haue comen to +te Kyng to +te Abbay of Biegland, +te
false traitoure lad ham by ano+ter contre +trou+g Copeland, and
+trou+g +te Erldome of Lancastr, and went +trou+g +te contre,   #
and
robbit and quellede folc, al +tat he might. And fer+termore
+te false traitour hade take a gret some of golde of Sir Iamys
Douglas, forto bene a+geyns +te Kyng of Engeland, and to bene
helpyng and holdyng wi+t +te Scottes; +trou+g whos tresoun +te  #
Kyng
of Engeland was scomfitede at Biheland er +tat he come +tider;
wherfore +te Kyng was toward him ful wro+t, and lete priuely
enquere in +te contre about, how hit was. and so men
<P 227>
enquerede and aspiede, so +tat at the laste treu+t was founde,  #
and
sought, and he atteint and taken as a false traitour, - as +te  #
noble
Erl Thomas of Lancastre him tolde, er +tat he were don to dede
at his takyng att Burbrig, and to him saide, +tat 'or +tat      #
+gere wer
Don, he shulde ben take and holde a traitour': and so hit was,  #
as
+te holy man saide. Wherfore +te Kyng sent priuely to Sire
Antoyn of Lucye, a kny+gt of +te contre of Cardoile, +tat he    #
shulde
tak Sir Andrew of Herkela, and put him vnto +te de+t. And to 
bryng +tis +ting to +te ende, +te Kyng sent his commission, so  #
+tat +te
same Andrew was take at Carleel, & ledde vnto +te barr in maner
of an Erl, worthely arraied, and with a suorde gert aboute him,
and hosede and spored. +to spak Sir Antoyn in +tis maner,
"Sir Andrew," quod he, "+te Kyng put oppon +te +tat,            #
for-asmiche as
+ge haue bene orpede in +gour dedes, he dede vnto +gow michel
honour, and made +gow Erle of Carlele; and +tow, as traitoure
vnto +ti lord +te Kyng, laddest his peple of +tis contrey, +tat
shulde haue holpe him at +te bataile of Bihiland; and +tow      #
laddest
ham away by +te contre of Copeland, and +trou+g +te Erldome of
Lancastr, wherfor our lord +te Kyng was scomfitede in bataile
+tere of the Scottes, +trou+g +ti tresoun and falsenesse. And   #
if +tow 
hadest come betyme, he hade yhade +te maistre; and al +tat
tresoun +tow dedest, for +te grete somme of golde and siluer    #
+tat
+tow vnderfong of Iames Douglas, a Scott, +te Kynges enemy.
And our Lorde +te Kyngus wille is, +tat +ge, +te ordre of       #
Knyghthode,
- by +te whiche +tow vnderfonge al +tin honour and worship
oppon +ti body, - be al brou+gt to nou+gt, and +ti state        #
vndone,
+tat o+tere knyghtes of lawer Degre mowe after +te be-ware; +te
whiche lorde ha+t +te auancede hugely in diuerses contrees of
Engeland; and +tat alle may take ensample by +te, her lord
aftirward trewely forto serue."
   +to commanded he a knaf anone to hew of his spores of his
<P 228>
heles; & after he lete breke +te suerde ouer his heuede, +te    #
whiche
+te Kyng him +gaf to kepe and defende his lande +terwi+t, when
he made him Erl of Cardoile; and after he lete him vnclo+te of  #
his
furrede mantel and of his hood, and of his furrede Cotes and of
his gerdell. And when +tis was don, Sire Antoyne saide vnto
him: "Andrew," quod he, "now art +tow no kny+gt, but a knaue;
and for +ti treson +te Kyng wille +tat +tow bene honged &       #
drawe,
and +tin heuede smyten of, and +ti bowelles taken out of +ti    #
body,
and +ti bowelles brent, and +ti body quarterede, and +tin       #
heuede
smyten of, and sent vnto London; and +tere hit shal be sette
oppon London Brigge; and +ti iiij quarters shal be sent to iiij
tounes of Engeland, +tat alle o+tere mowe be-ware and           #
chastisede by
+te." And as Antoyne saide, so hit was done, al maner +ting, on
+te last day of Ottobre, in +te +ger of grace M=l=CCC xxij      #
+gere;
and +te sonne +to turnede into blode, as +te peple it saw. and 
+tat durede fro +te morne, til hit was xj of +te Clokke of +te  #
day.



