<B CMJULIA>
<Q M1 NN BIL JULME>
<N ST JULIANA>
<A X>
<C M1>
<O 1150-1250>
<M 1150-1250>
<K CONTEMP>
<D WMO>
<V PROSE>
<T BIOGR LIFE SAINT>
<G X>
<F X>
<W WRITTEN>
<X X>
<Y X>
<H X>
<U X>
<E X>
<J X>
<I X>
<Z NARR NON-IMAG>
<S SAMPLE X>


[^TEXT:  JULIANE.
THE KATHERINE GROUP.
EDITED FROM MS. BODLEY 34.
BIBLIOTHEQUE DE LA FACULTE DE PHILOSOPHIE
ET LETTRES DE L'UNIVERSITE DE LIEGE, CCXV.
ED. S. T. R. O. D'ARDENNE.
PARIS: SOCIETE D'EDITION "LES BELLES LETTRES", 1977.
PP. 94.17 - 127.23^]

<P 94>
   I +te feaderes & i +te sunes & i +te hali gastes
Nome; Her Biginne+d +te lif-lade. ant te
passiun of seinte Iuliene. 
   In ure lauerdes luue +te feader is of frumscheft. 
ant i +te deore wur+dmunt of his deorewur+de sune. 
& i +te heiunge of +te hali gast. +te of ham 
ba glide+d. an godd unagin euch godes ful.
Alle leawede men. +te under-stonden ne mahen  
latines ledene; lide+d & luste+d +te liflade of a meiden. 
<P 95>
+tt is of latin iturnd; to englische leode. wi+d +ton 
+tt teos hali leafdi. in heouene luuie us +te mare. 
& +turh +tis lihinde lif; leade us to +tt eche. +turh
hire eadi erndunge. +tt crist is swi+de icweme.
   +Teos meiden & teos martyr +tt ich of munne;
wes Iuliene inempnet. i Nichomedese burh.
Al of hea+dene cun icumen & a-kennet. & hire 
fleshliche feader affrican hehte. +te heande &
heascede mest men +te weren cristene. & droh ham
+turh derue pinen to dea+de. Ah heo as +teo +tt te 
hehe heouenliche lauerd hefde his luue ilenet. leafde
hire ealdrene lahen & bigon to luuien +ten
aa liuiende go+d +te lufsume lauerd. +tt schupte alle 
scheaftes & wealde+d & wisse+d efter +tet his wil
is. al +tt ischeapen is.
   Wes i +ton time as +te redunge telle+d. +te modi
Maximien keiser i rome. heriende. & heiende  
hea+dene maumez. wi+d unimea+d muchel hird. &
wi+d heh duhe+de. & fordemde alle +teo +te o drihtin 
bilefden. +tes mihti maximien luuede an 
eleusium biuoren monie of his men. A-kennet  
<P 96>
of heh cun. & swi+de riche of rente. & +gung 
mon of +geres. +tes +gunge mon eleusius. +tt +tus wes  
wel wi+d +te king. hefde iunne feolahschipe to
affrican. & wes iwunet ofte to cumen wi+d him
to his in. & iseon his dohter. 
   As he hefde en-chere bihalden swi+de +georne
hire utnumme [^D'ARDENNE: utnunme^] feire. & freoliche          #
+guhe+de; 
felde him iwundet in-wi+d in his heorte 
wi+d +te flan +te of luue fleo+d. swa +tt him +tuhte
+tet ne mahte he nanes-weis wi+d ute +te 
lechnunge of hire luue libben. ant efter
lutle stomde wi+d-ute long steuene. wes himseolf  
sonde to affrican hire feader. & bisohte
him +georne +tt he hire +geue him. & he hire
walde menskin wi+d al +tt he mahte. as +te +ting
i +te world +tt he meast luuede. Affrican wiste 
+tt he wes swi+de freo iboren. ant walde wel bicumen 
him a freo iboren burde. & +getede
him his bone. Ha wes him sone ihondsald  
+tah hit hire unwil were. Ah ha truste upon 
him +tt ne truked na mon. ha trewliche 
him truste on. & eode to chirche euche dahe+des
dei. to leornin godes lare. biddinde +georne 
wi+d reowfule reames. +tt he wissede hire  
o hwuche wise ha mahte witen hire mei+dha+d
from mones man vnwemmet. 
   Elewsius +tt luuede hire +tuhte sw+de longe +tt  
<P 97>
ha neren to brudlac & to bed ibrohte. ah
heo forte werien hire wi+d him summe hwile;
sende him to seggen. +tt nalde ha nawt lihten
se lahe to luuien. Ne nalde ha neolechin
him for na liuiende mon. ear-+ten he  
were. under Maximien. hehest i Rome. +tt 
is heh-reue. He ase timliche as he hefde
iherd +tis. bi+get ed te Keiser +tet he +gette 
him al +tt he walde. & lette as me luuede +ta
leaden him i cure up-o fowr hweoles. & teon
him +geonte tun +tron from strete to strete.
al +te cure ouertild +tt he wes itohen on;
wi+d purpres & pelles. wi+d ciclatuns & cendals 
& deorewur+de cla+des. As +te +tt se heh
+ting hefde to heden. ant se riche refschipe  
to rihten & to readen. +ta he hefde
+tus idon. sende hire +tus to seggen hire  
wil he hefde iwraht. Nu his ha schulde
wurchen. Iuliene +te eadie iesu cristes leofmon
of his blisfule luue balde hire-seoluen & sende  
him al openliche bi sonde to seggen -  
+tis word ha send te for nawt +tu hauest i-swechte.
wrea+de se +tu wrea+de. Do +tt tu do wult nule
ich ne ne mei ich lengre heolen hit te +gef 
+tu wult leauen. +te lahen +tet tu liuest in ant
<P 98>
leuen i godd feader & in his deorwur+de sune. 
& i +te hali gast folkene froure. an godd  
+tt is igret wi+d euches cunnes gode; Ich chule
wel neome +te. & +gef +tt tu nult no; +tu art 
windi of me. & o+der luue sech +te. +ta +te hehe  
reue iherde +tis ondswere; bigon to wre+den swi+de.
& cleopede hire feder for+d. & feng on to tellen. 
hwuch word ha sende him. Efter +tt he wende forte
habben idon al +tt he wilnede. Affrican hire feader
wundrede him swi+de. & bigon to swerien. bi +te ilke  
godes +tt me is la+d to gremien. beo hit so+d +tt tu seiist; 
to wra+der heale. ha seh+d hit. Ant ich wulle o
great grome al biteachen hire +te. & tu do hire.  
al +tt tu wult. He +tonkede him. & heo wes icleopet
for+d. & affrican hire feader feng on earst
feire on; to lokin +gef he mahte wi+d eani luue  
speden. Iuliene q+d he mi deorewur+de dohter. sei 
me hwi +tu. forsakest +ti sy & ti selh+de? +te weolen  
& te wunnen. +te walden awakenen. & waxen of 
+te wedlac +tt ich reade +te to. hit nis nan e+delich
+ting. +te refschipe of rome. Ant tu maht +gef +tu
wult. beon burhene leafdi. & of alle +te londes +te 
+ter-to ligge+d. Iuliene +te eadie ontswerede him 
<P 99>
& seide. +gef he wule luuien. & leuen godd. al-mihti; 
+tenne mei he +trof. & speden inohrea+de. for +gef he
+tt nule no; ich segge +te +tt so+d is. ne schal he wiuen 
on me. Sei nu hwet ti wil is. affrican wrea+dede &
swor swi+de deopliche. for +te drihtfule godd apollo
mi lauerd. & mi deore leafdi +te deorewur+de diane +tt  
ich muche luuie. +gef +tu haldest her-on; ich schal
leote wilde deor to-luken & toteore +te & +geoue +ti
flesch fode to fuheles of +te lufte. Iuliene him ondswerede.
& softeliche seide. Ne lef +tu nawt leoue  
feader +tt tu offeare me swa; ich swerie a+gein. +te
iesu crist godes sune. +tt ich on leue. & luuie as              #
leoflukest. 
& lufsumest lauerd. +tah ich cwic beo forbearnd
ba+de lim & li+d ileitinde leie. Nulle ich +te
her-onont. +treate se +tu +treate buhe ne beien.  
   [{A{]ffrican feng eft on. & to fondin ongon +gef
he mahte eanis-weis wi+d olhnunge wenden hire  
heorte. & leoftede luueliche. & seide hire sikerliche.
+tt ne schulde ha lihtliche wilni na wunne; +tt
ha ne schulde wealden. wi+d +tenan +tt ha walde hire 
wil wenden. Nai q+d ha +tt nis nawt. schulde ich do 
me to him. +tt alle deoflen is bitaht. & to eche dea+d
fordemet. to forwur+de wi+d him worlt buten ende i +te  
putte of helle? for his wedlackes weole o+der for ei 
wunne. To so+de ich hit segge +te. vnwur+d hit is 
me. Ich chulle +tt he wite hit ful wel. & to eke mid
<P 100>
al; ich am to an iweddet +tt ich chulle treowliche wi+dute
leas luuien. +tt is unlich him & alle worltliche  
men. ne nulle ich neauer mare him lihen ne leauen. 
for weole ne for wunne. for wa ne for wontrea+de
+tt +ge me mahen wurchen.
   Hire feader feng on to wrea+d+din swi+de ferliche 
& easkede hire hokerliche. Ant hwet is he +tes
were +tt tu art to iweddet. +tt tu hauest wi+d-ute me
se for+d +ti luue ilenet - +tt tu letest lutel. of al +tt 
tu schuldest luuien. Ne ich nes neauer +tt ich 
wite +get. wi+d him icnawen. for gode q+d +te meiden  
+tin hearm is +te mare. Nawt for-+ti +tt tu
nauest iherd of him +gare. +tt is iesu godes sune.
+tt forte alesen moncun +tt schulde beon forloren
al; lette lif o rode. Ich ne seh him neauer 
& +tt me of-+tunche+d. Ah ich him luuie & wulle 
don & leue on as o lauerd. Ne schal me firsen 
him from. Now+der deouel ne mon. for mi  
lif q+d hire feader +te schal la+din his luue. for 
+tu schalt habbe +trof hearm & scheome ba+de 
& nu +tu schalt on alre earst. as on ernesse  
swa beon ibeaten wi+d bittere besmen. +tt tu  
were wummon of wummone bosum to wra+der 
heale eauer iboren i +te worlde. Swa muche q+d
<P 101>
+tt meiden ich beo him +te leouere. se ich derfre  
+ting for his luue drehe +tu +tt ti wil is. +ge
q+d he bli+deliche. Ant swi+de heatterliche. strupen  
hire steort-naket. & legge+d se lu+derliche
on hire leofliche lich; & hit li+deri o blode.
Me nom hire & dude swa +tt hit +geat adun of 
+te +gerden. ant heo bigon to +geien. Beaten se
+ge beaten +ge beliales budeles. ne mahe +ge now+der 
mi luue ne mi bileaue lutlin towart te  
liuiende godd mi leofsume leofmon. +te luuewur+de  
lauerd. ne nulle ich leuen ower read +te forreade+d
ow-seolf. ne +te mix maumez +te beo+d +tes 
feondes fetles; heien ne herien. for teone ne 
for tintreohe +tt +ge me mahe timbrin. Na nult
tu q+d affrican. hit schal sone sutelin. for ich chulle
sende +te nu & biteache +ti bodi to eleusium 
+te riche +tt reue is ouer rome. ant he schal +te forreaden.
& makie to forswelten. as is ahne wil 
is +turh al +tet eauer sar is.
   +Ge q+d +tis meiden +tt mei godd welden. ne mahe
+ge nawt do me bute +tet he wule +teauien & +tolien  
ow to donne to mutli mi mede & te murh+de  
+tt li+d to mei+dhades menske. for eauer se +ge 
nu her mearre+d me mare; se mi crune schal 
<P 102>
beon brihttre ba & fehere. for +ti ich chulle 
bli+deliche & wi+d bli+de heorte drehen eauer-euch
derf. for mi leofmones luue +te lufsume lauerd
& softe me bi+d euch sar in his seruise. +tu wult  
+tu seist a+geoue me to eleusium +te lu+dere. a+gef
me for nawiht ne +geoue ich for inc now+der. +tet 
+ge mahen ane pine me here. Ah hit ne hearme+d
me nawt ah helpe+d & heue+d up & make+d mine 
murh+des monifalde in heouene. ant +gef +ge do+d
me to dea+d. hit bi+d deore to godd. & ich schal  
bli+de bicumen to endelese blissen. ant +ge schulen
wrecches wei ower wur+des. +tt +ge weren i +te worlt
iboren & i-broht for+d se wra+der heale +ge schule
sinken adun to sar & to eche sorhe. to bitternesse 
ant to bale deope into helle. 
   [{A{]ffrican hire feader bitterliche iteonet bitahtte
hire eleusium +te lu+dere reue of rome & lette  
bringen hire biuoren his eh-sih+de. as he set 
& demde. +te hehe burh-domes. As he biseh & biheold 
hire lufsume leor lilies ilicnesse & rudi ase  
rose. & under hire nebscheft al se freoliche ischapet;  
weorp a sic as a wiht +tt sare were i-wundet. His 
heorte feng to heaten & his meari mealten +te
<P 103>
rawen rahten of luue +turh euch li+d. of his limes. 
& inwi+d bearnde of brune swa & cwakede as 
of calde. +tet him +tuhte in his +tonc. +tet ne bede  
he i +te worlt nanes cunnes blisse; bute hire bodi  
ane. to wealden hire wi+d wil efter +tt he walde. & bigon
wi+d swotnesse soffte to seggen. 
   [{M{]i lif & mi leofmon. & leafdi +gef +tu wel wult ase 
[\A LEAF IS MISSING BETWEEN PRESENT FOLIOS 40 AND 41\]
tu for na sclhaht +te sonre seo me slakien to
luuien & to leuen o +ten liuiende godd al-re 
gume lauerd.
   [{+T{]e reue feng to rudnin igrome of great
heorte. & het his hea+dene men strupin hire
steort-naket. & strecchen o +ter eor+de. &
hwil +tt eauer six men mahten idrehen beaten hire 
beare bodi. +tt ha al were bigoten of +te blode.  
Ha duden al as he bed. & hwil +tt ha beoten
hire; bigunnen to +geien. +tis is a biginnunge 
of +te sar +tt tu schalt; & of +te scheome drehen;
+gef +tu nult to ure wil buhen & beien. Ah +get
+tu maht +gef +tu wult burhe +te seolfen. ant 
+gef +tu mare wi+d seist? alre monne wur+de
<P 104>
him wurst of wa & of wontrea+de +te ne wurche
+te meast. 
   [{D{]o+d q+d ha deofles limen al +tt te deoflen hwas         #
driueles +ge
beo+d driue+d ow to donne. lutel me is of ower 
luue. leasse of ower la+d+de. & of +tes +treates
riht noht; wite +ge hit to wisse. Nu cweden ha. 
wa him +te ne fondi to-dei for te wurche +te 
wurst. +ter wes sorhe to seon on hire freoliche
flesch hu ha ferden +ter-wi+d. Ah heo hit al 
+tuldeliche +tolede for drihtin. & hwen ha felde 
meast sar; sikerlukest seide. Halde+d longe  
ne leaue +ge neauer. for nulle ich leauen his  
luue. +tt ich on leue. ne for luue. now+der ne 
for lu+der eie.
   [{E{]leusius iherde +tis. & feng his neb to rudnin  
ant tendrin ut of teone. & hehte swi+de neomen 
hire & teon bi +te top up; & swa me dude sone. 
swa +tt ha hongede feor from +ter eor+de. bi +te uax 
ane. & leiden +ta se lu+derliche on hire on euch 
halue; +tt euch dunt defde in hire leofliche 
lich +te +get of +te +gerden al o gure blode.
lauerd godd almihti q+d ha loke to +ti meiden. 
+tu fondedest abraham & fundest him
treowe. lef me +tt ich mote. +te treowliche luuien. 
Halt me healent min iesu crist godes sune as +tu 
hauest bigunnen. for nam ich strong of na 
+ting buten of +ti streng+de. & o +te i truste al;  
<P 105>
& nawt o me-seoluen. Ant her ich bihate +te.
swuc hope ich habbe to +tin help. milde godd 
al mihti. ne schal neauer mi luue. ne mi bileaue
towart te lutlin ne lihen. for na derf ne 
for na dea+d; +tt ich schule drehen. 
   [{+T{]a eleusius seh +tt ha +tus feng on to festnin hire
seoluen i so+de bileaue; +tohte he walde don hire 
anan ut of dahene. & bed biliue bringen 
for+d brune wallinde bres. & healden hit se wal
hat hehe up on hire heaued. +tt hit urne enddelong
hire leofliche lich dun to hire helen. 
Me dude al as he het. Ah +te worldes wealdent
+tt wiste sein iuhan his ewangeliste unhurt  
i +te ueat of wallinde eoli +ter he wes i-don
in. +tt ase hal com up +trof; as he wes hal meiden. 
+te ilke liues lauerd. wiste him unwemmet. 
his brud of +te bres +tt wes wallinde. swa +tt ne
+tuhte hit hire buten ase wlech weater al +tt
ha felde. Eleusius wod +ta nuste hwet segen.
Ah hehte swi+de don hire ut of his eh-sih+de. &
dreaien in-to dorc-hus to prisunes pine ant  
swa ha wes idon sone.  
   [{H{]eo as ha +trinne wes i +teosternesse hire ane. feng 
to cleopien to crist & bidde +teos bone. lauerd
godd al-mihti mi murhde & mi mede. mi
<P 106>
sy & al +te selh+de. +tt ich efter seche +tu sist al
hu ich am bistea+det & bistonden. festne mi  
bileaue. Riht me & read me. for al mi  
trust is on +te. Steor me & streng me for 
al mi streng+de is of +te. Mi feader & Mi moder
for-+ti +tt ich nule +te forsaken; habbe forsake me.
& al mi nestfalde cun. +tt schulde beo me best freond;
beo+d me meast feondes. & mine in-hinen;
alre meast heamen. herewur+de healent. habbe
ich +tin anes help. ich am wil-cweme me for-leaf 
+tu me nawt luuiende lauerd. as +tu biwistest daniel
bimong +te wode liuns i-latet se lu+dere. & te 
+treo children +te chearre nalden from +te lahen  
+tt ha schulden luuien. Ananie & Azarie & Misahel
inempnet. As +tu al-wealdent biwistest ham  
unwemmet. wid +tt ferliche fur i +te furneise.
swa +tu wunne of +te worlt wite me & were &  
witere. & wisse +turh +ti wisdom to wite me wi+d
sunne. lauerd liues lattow. lead me +turh +tis lease.  
+tis lutle leastinde lif; to +te hauene of heale.
as +tu leaddest israeles leode of egipte bute schip 
dru-fot +turh +te reade sea. & asenchtest hare 
uan +te ferden ham efter. & tu folkes feader. 
aual mine va-men. & tu drihtin to-drif +te
deouel +tt me derue+d. for ne mei na monnes streng+de 
<P 107>
wi+d-uten +tin stonden him to-+geines. les
me +tt ich mote mihti meinfule godd i-seon
him ischeomet +get +te wene+d me to schrenchen. 
& schunchen of +te nearowe wei +tt 
leade+d to eche lif. loke me from his la+d liuiende 
lauer+d. Make me war & wite me wi+d his 
crefti crokes. +tt ha me ne crechen. were me
swa wi+d +ten vnwine. helpleses heale. +tt tu beo  
iheiet & iheret eaure in eor+de. as in heouene. 
Beo +tu aa iblescet lauerd as +tu were ant art
& schalt beon in eche. 
   As ha +teos bone hefde ibeden; com a kempe of 
helle on englene heowe. & feng on to motin +tus
wi+d his meiden. Iuliene mi leofmon +tu hauest for  
mi luue muchel idrohen & idrahen +tu hauest  
feorliche fan +tt te fehte+d a+gein. ha grei+di+d +te 
o grome nu alles cunnes pinen. ne mei ich +tolien. 
+tt ha +tus mearren +te na mare. +tu art inoh
ifondet & tu hauest Mi freondschipe inoh swi+de
of-seruet. Me areowe+d +ti sar. Ah nu+de mi read. 
wurch eleusius wil. for ich +te +geoue leaue. 
   +Tes Meiden wes a-wundret swi+de of +tes wordes. &  
as ha wes ofsearet; feng on to freinin. Hwet 
wiht q+d ha art tu. +tt +tulli word me bringest. Ich 
hit am q+d +te unwiht. godes heh-engel. forte segge
<P 108>
+te +tis isent te from heouene. Ha wundrede  
hire swi+de. & as +teo +te nes nawt of lihte bileaue. stille 
bute steauene on heh in hire heorte cleopede 
to criste. 
   Iesu q+d ha godes sune +tt art +ti feader wisdom wisse
me +ti wummon hwet me beo to donne. & +gef +ti deore  
wil is do me to understonden. +tt +te +tt +tis sei+d me +gef  
he beo +ti sonde. & com sihinde adun softe from 
heouene. a steuene +tt seide Iuliene. +te eadie 
iblescet beo +te time. +tt tu ibore were. nule nawt 
+ti leofmon +tolie na leas +ting to lihe +te longe. 
Hit is +te stronge vnwiht +te stont ter of helle.
Ga nu neor & nim him. & wi+d +te bondes +tt ter beo+d 
bind him heteueste. Godd al-mihti +geue+d +te mahte 
forte don hit. & tu schalt leaden him al effter 
+tt te like+d. & he schal al telle +te vn+tonc in his te+d 
+tt tu wilnest to witen. & kenne +te & cu+den al +tt tu  
easkest. +tis eadi meiden as ha wes iwisset +turh
+ten engel; leop to & ilahte him. & seide. sei me  
swi+de. hwet tu beo & hweonene. & hwa +te hider 
<P 109>
sende. ant he wi+d +tt ilke feng to hwenden heowes.
ant war+d swuch as he wes vnhwiht of helle.  
leafdi q+d he leaf me. & ich chulle seggen. Do swi+de
sei me for ich chulle lowse +te & leten hwen 
me +tunche+d.
   Deore leafdi. q+d he +ta ich hit am +te deouel belial 
of alle unwreste unwhihtes +te wurste & meast
awariet. for nis me neauer wel ne nes; bute hwen 
ich makede moncun to wurche to wundre. Ich
hit am. +tt weorp ut adam & eue; of paraise selh+de.  
& ich hit am +tt makede caym +te acursede
acwalde his bro+der abel. ant ich hit am +tt makede 
nabugodonosor. +te kene king of caldey makien
+te maumez igoten al of golde. ant ich  
hit am +tt makede +tt te +treo children icoren ouer +te 
o+tre; weren idust to fordon i +tet ferliche fur of 
+te muchele ouen. Ant ich hit am +tt makede +ten 
muchele witti witege ysaie. beon isahet +turh
& +turh to dea+de. And ich hit am +tt makede to ontenden
ierusalem. & godes deore temple to-driuen al 
to duste. Ant ich hit am +tt makede. & readde israeles  
folc to leauen i +te wildernesse. +te lauerd +tt alesde ham
of pharaones +teowdom. & makeden ham godes
igotene. to heien & to herien. Ant ich hit am. +te 
reafde +te riche Iob his ahte. swa +tt he weolewede 
<P 110>
of wontre+de i +te mixne. ant ich hit am +tt sum  
chearre wes +turh +te wise Salomon ethalden. Ant 
ich hit am +tet makede sein iuhan +te baptiste beon 
heafdes bicoruen. & seinte stephene isteanet. 
Ant ich hit am +tt spec +turh simunes mu+d. +te wicche. 
+te weorrede eauer a+gein peter & pawel. Ant 
ich hit am +te readde nerun +te riche keiser of rome
to don o rode peter. & to biheafdin pawel. ant
ich makede +te cniht to +turlin godes side wi+d scharpe  
speres ord. +tah ich talde aldei; +get ich mahte
tellen. for ma wundres ich habbe iwraht; +tene ich  
mahte munien. & ma monne bone ibeon; +ten 
ei of mine brre+dren.  
   Do sei me q+d +te mei+den. hwa sende +te to me; ant hwa
is meister ouer +te. leafdi q+d he belzeebub. +te balde
+turs of helle. Hwet is q+d ha his werc. & hwet wurche+d
he mest; leafdi +gef +ti wil is. he ifint euch uuel 
& bi+tenche+d hit al. & sende+d us +tenne +tider As
him +tunche+d. & hwen we nawt ne spede+d ne ne
mahen wrenchen sum rihtwis of +te weie; we
dearie+d & ne durren nohwer cume biuoren him.
& he heterliche hat +teo +tt habbe+d iwraht efter his 
wille. Hwer-se ha us ifinden. beaten us. & binden & 
don us mare wa on; +ten ei mon mahte +tolien. for
+ti we moten leafdi buhen swi+de & beien to ure luuewr+de
feader. & wurchen alle his willes.
<P 111>
   Sei q+d ha witerluker +get. hu +ge wurchen & o hwuche 
wise +ge bichearre+d godes children. leafdi q+d he  
Iuliene +te ich font. & habbe ifolhet me to wra+der 
heale; Ich wende iwis to leade +te into +tine ealdrene
lahen. & makie to leauen +te luue of +ti lauerd. Ant 
feng on to fondin +te. ah ich am aueallet. Ich chulle
kenne +te nu al +tt tu easkest Hwer-se we eauer
iseo+d mon o+der wummon eani god biginnen;
we wepni+d us a+gein ham & Makie+d iswiken al +tt 
best mahte wenden hare heorte ant Makien ham 
to +tenchen +tohtes +ter-to-+geines. & wende+d to o+der  
willes +tt ham wulle+d hearmin. & makie+d ham
forte leose lust. forte bidde +georne +tt godd bineome
ham +te wil; +tt we in ham warpe+d & unstrengi+d 
+ter-wi+d. & we strenged +ter-wi+d on ham 
al ear ha lest wenen. & +gef we seo+d ham +geornliche 
sechen to chirche. & ter swi+de bi ham-seolf 
bireowsin hare sunnen. & leofliche lustnin hali
chirche lare. +ter we beo+d +getten bisiliche ham
abuten. & mare +ter +ten elles-hwer to letten
ham +gef we mahen. & wrenchen hare +tonkes towart
unnette +tinges. Ah hwucche-se beo+d se 
<P 112>
stealewur+de: +tt ha understonden ham & warpe+d
ut wi+d streng+de; ut of hare heorte. unwreaste
willes +tt ich ham in warpe. & +geornliche +gei+ge+d
efter godes grace to help & to heale. & +tenne 
meast hwen +te preost in-wi+d +te messe note+d 
godes licome +tt he nom of +tt la+dlese meiden:
+ter is riht bileaue. & in-wardliche bonen swa 
icweme to godd. +tt i +tt ilke time we biginne+d 
to fleon & turne+d to fluhte +tis is al +tt we
do+d i cristemen & eggi+d eauer to vuele. 
   Me +ge eateliche wihtes. q+d +tt eadi wummon. 
hu durre +ge eauer neomen ow to cristes. icorene; 
Me sei me seli meiden q+d he hu derst
tu halde me & hondlin se heterliche
bute +tuh +tt tu art trusti o +ti lauerd. & ich
do as +tu dest. truste o mi lauerd +tt is meister  
of alle mixschipes & wurche his wil ouer al ase for+d  
as i mei. & +gef ich mahte for+dre ich walde beo +te  
feinre. ah nat i hwet vnseli si+d makede me her to sechen.  
bute mi muchele unselh+de sohte +te to seonne.  
wumme aa +tt sih+de se sariliche hit sit me. ne set me 
neauer na +ting se lu+dere ne se sare. wei hwi nefde  
ich i-wist. hwuch weane me wes towart. Ne mi kinewur+de 
<P 113>
feader ne cu+de nawt warnin of +tulli wa his
foster. forlet me nu leafdi & ich chulle al bileaue
+te. & folhin an o+ter. o+ter ich chulle forwreie +te to
meinfule feader. Ah wel ich warni +te uore. hit nis  
nawt +tin bi-heue. O q+d ha Iuliene iesu cristes leofmon  
+treates tu me wrecche? +te schal iwur+den godd 
hit wat godes +te wurse. & grap a great raketehe  
+tt ha wes wi+d ibunden. & bond bihinden his rug  
ba twa his honden. +tt him wrong euch neil & blakede 
of +te blode. & duste him ruglunge adun  
riht to +ter eor+de. & stondinde o +te steorue nom 
hire ahne bondes & bigon to beaten +ten belial  
of helle. & he to rarin reowliche. to +guren
ant to +gein. & heo leide on se lu+derliche +tet
wa wes him o liue.
   [{O{] mi leafdi Iuliene q+d he euening wi+d apostel.  
patriarchen ilich. & leof wi+d alle martyrs. englene
feolahe. & archanlene freon+d fri+de  
ane hwhile ich halsi +te o godes half. & on his sune
rode. +tt we se muchel +drede+d. & o +te pine & o +te dea+d.  
+tt he droh for moncun milce haue & merci wummon of
mi wrecchedom
   [{S{]tew +te steorue of helle. q+d +tt eadie meiden. Merci 
<P 114>
nan nis wi+d +te. for-+ti ne ahest tu nan milce to 
ifinden. Ah sei me swi+de. mare of +te wa +tt tu hauest 
& of woh i-wraht mon. leafdi leaf +te hwile. & hald  
+tine eadi honden. Ich habbe iblend men & ibroken  
ham +te schuldren. & te schonken. i fur iwarpen 
ham & i water. & hare ahne blod ich habbe ofte imaket
ham to spitten & to speowen. & te an to sclein 
+ten o+ter. & a-hon him-seoluen. Me witti wummon.  
hu wult tu +tt ich endi +te. +te tale +te waxe+d aa as ich
telle. Se feole ich habbe i-fulet of +teo +te neren iblescet
nawt se wel as ham bihofde; +tt ne mahte hit 
na mon rikenin ne reden. of al +tt uuel i +te world. 
hwet wult tu wurse. ich am of +te sprunges. +te
an +tt hit meast of springe+d. ne neauer adet tis dei 
nes ich +tus ihondlet. O +te mihte of mei+dhad as +tu 
art iwepnet to weorrin a-+gein us. +get tu wurchest
us wurst of al +tt us wade+d as +tu dudest eaure. Ah  
we schule sechen efter wrake on alle +teo +tt te biwite+d.  
ne ne schulen ha neauer beo sker of ure weorre. 
we wulle+d meidenes a mare heanen & heatien.
& +tah Monie etsterten us summe schulen stutten.  
O iesu godes sune. +te hauest +tin hehe seotel o  
mei+dhades. mihte. hire to muche menske. wa wurchest  
tu us +ter-wi+d. to wel +tu witest ham +te treowliche 
<P 115>
habbe+d hire in heorte forte halden. +gef
ha milde & meoke beon as meiden deh to beonne.  
wi+d +tt he +tis hefde iseid; bigon swa te +guren +tt 
monie weren awundret. hwet tet +gur were.  
   [{E{]leusius +te reue het lokin +gef ha liuede. & bringen    #
[^D'ARDENNE: brngen^] 
hire biuoren him. +gef ha were oliue. Heo +te 
weren ihaten for+d & funden hire +tus. & of +tt grisliche
gra weren agrisen swi+de. leadden hire +tah for+d.
& heo leac eauer efter hire +ten laddliche of helle
+tt olhnede swi+de. & bed tus & bisohte. Mi leoue leafdi
Iuliene ne make +tu me nawt men to hutung
ne to hokere. +tu hauest ido me wa inoh +tah +tu
ne do me wurse. Ich habbe wumme forloren mi leoue  
feaderes freontschipe. Ne neauer mare her-on-uuen  
ne der ich cumen biouren him. Mihti meiden  
leaf me o godes half ich halsi +te. +ge beo+d cristene
men. +gef hit is so+d +tt me sei+d. merciable & milzfule. 
& tu art bute reow+de. Haue merci of me for  
+te lauerdes luue. +ti luuewur+de leofmon leafdi i +te
bidde. & heo leac him eauer endelong +te cheping champmen  
to huting. & heo leiden to him sum wi+d
stan. sum wi+d ban. & sleatten on him hundes. ant
leiden to wi+d honden.
   [{A{]s he wes imaket tus earmest alre +tinge & berde 
as +te ful wiht. +tt ter flue monie. se +tt eadi wummon  
<P 116>
wergede sumhwet. & reat hit wi+d +te raketehe
vnrudeliche swi+de. & weorp him for+d from hire awei 
in-to a put of ful+de. com baldeliche for+d biuore 
+te reue as he set on his dom-seotle schiminde hire
nebscheaft schene as +te sunne. +te reue +ta he 
seh hire: +tuhte muche sullich & bigon to seggen. 
Iuliene sei me & beo so+d-cnawes. hwer were +te itaht 
+teose wicche-creftes. +tt tu ne telest na tale of 
nanes cunnes tintreohe. ne ne dredest now+der dea+d
ne cwike deoflen.  
   [{H{]er me hea+dene hund q+d +tt eadi meiden. Ich heie
& herie godd feader. & his sulliche sune iesu crist  
hatte & te hali gast. godd as +te o+tre +treo. & nawt
+treo godes. Ah is eauer an. & ihwer untweamet.  
He kempene king haue+d to-dei. ouercumen 
helles bule belial baldest of alle. & ti sire sathanas  
+tt tu leuest up-on. & ti feader hatest. & his 
heaste for+dest. & wel bi-seme+d +te to beon. & bikime+d
to beo streon of a swuch strunde. Ah eauer
beo acurset colt of swuch cunde. +te mihti mildfule
godd +tt ich aa munne. +gef me mihte of heouene  
him forte hearmin. & te forte schenden. 
& makien to scheomien. +tt schalt swucche
<P 117>
schuken. heien & herien. weila as +tu were iboren  
wrecche o wra+de time. +tt ti sari sawle. & ti sorhfule 
gast. schal wi+d swucche ploiueren pleien in 
helle. Reue a-reow +te-seoluen. vnseli mon bisih  
+te. hei godd & her me. iesu is se milz-ful +tt  
he walde bli+de-liche heouenes heale to alle. Ah hwa  
se o bote ne gea+d ne schal he beon i-borhen.
   [{+G{]e q+d eleusius haldest tu +getten up-o +ti +guhelunge.
wenest tu +tt we beon se e+d to biwihelin.
Ah we schulen iseo nu. for hit schal sone sutelin  
hu +ti wichecreft schal wite +te. & werien. & lette  
o wodiwise a swi+de wunderlich hweol meten. & makien  
ant +turh-spitien hit al wi+d spaken & felien
+ticke & +treofalt wi+d irnene gadien. kene to keoruen. 
al +tt ha rinen to; ase neil-cniues. & stod +te 
axtreo istraht o twa half in-to stanene postles.  
+tt hit. as hit turnde. ne ouer-toke nohwer bineo+den 
to +ter eor+de. grisen him mahte +tt sehe hu hit  
gront in-to hwet-se hit of-rahte.  
   [{M{]e brohte hire uor+d as beliales budel bet & bunden  
hire +ter-to hearde & heteueste. he dude 
on ei+der half hire. fowre of hise cnihtes. forte 
turnen +tt hweol wi+d hondlen imaket +tron o +tt eadi 
meiden se swi+de as ha mahten. & het o lif. & o leomen
swingen hit swiftliche. & turnen hit abuten.
<P 118>
& heo as +te deouel spurede ham to donne. duden 
hit unsperliche. +tt ha bigon to broken al as +tt istelede  
irn strac hire in. ouer-al. & from +te top to +te 
tan. aa as hi turnde. to-limede hire & to-leac li+d  
ba & lire. bursten hire banes. & +tt meari bearst ut 
imenget wi+d +te blode. +ter me mahte iseon alre sorhene 
meast +te i +tt stude stode. 
   [{A{]s ha +geide to godd. & walde a+geouen hire gast  
in-to his honden; se +ter lihtinde com an engel 
of heouene. & reat to +tet hweol swa +tt hit al to-reafde. 
bursten hire bondes. & breken alle clane. & heo
ase fischhal as +tah ha nefde nohwer hurtes ifelet.
feng to +tonki +tus godd wi+d honden up aheuene.
   [{D{]rihtin undea+dlich. an godd. almihti alle o+tre 
unlich. heouene wruhte. & eor+des. & alle iwrahte
+tinges +te ich +tonki to-dei alle +tine deden. +tu makedest
mon of lame. & +geue him liuiende +gast ilich
to +te-seoluen. & settest for his sake al +tt i +te worlt
is. Ah he forgulte him anan +turh +te eggunge  
of eue. & wes iput sone ut of paraise selh+den. weox 
swa his team her. ne mahte hit na mon tellen.  
Ah swa swi+de hit sunegede. +tt tu hit forsenctest al 
in noees flod bute eahte +tt tu fri+dedest. +tu chure 
<P 119>
seo+d+den i +te alde lahe abraham & isaac. Iacob &
his children. & +geue to ioseph. +tt wes +te +gungeste  
hap i pharaones halle. longe +ter-efter +tu leddest
+turh moyses +tt tu se muchel luuedest. bute brugge
& bat. +turh +te reade sea al his cunredden 
+tear as al pharaones ferde fordrencte. & feddest ham
fowrti +ger i +te wildernesse. wi+d heouenliche fode. & 
wurpe under hare uet. hare fan alle. & brohtest ham  
+turh iosue. into ierusalemes lond +tt tu ham bihete.  
+ter wes i Samueles dei. Saul +te forme king kempene  
icorenest. In an weorre as he wes. +tu dudest i +te  
lutle daui+d +te selh+de. +tt he slong & of-sloh wi+d a 
stan to dea+de +te stronge Golie. & readdest him to
rixlen i saules riche. +tus +tu makest milde godd 
alle +teo muchele; +te makie+d ham meoke. & +teo
+te hei+d ham her: leist swi+de lahe. +trefter +ta +te
+tuhte i+tonket hit beo +te. lihtest hider to us of
heouenliche leomen. & nome blod & ban i +tt meare  
meiden. & were i be+dleem iboren moncun to heale.
& to +te hirden schawdest te +tt te engles to  
+te tahten & of +te +treo kinges were kinewurdliche 
iwurdget. weoxe & wrahtest wundres. Ah ear +tu were  
ioffret & wi+d lac a-leset. & i iordanes flum of 
<P 120>
sein iuhan ifulhet; +tu healdest alle un-hale. & te
deade. of dea+de. Aleast as +te bi-luuede lettest an of 
+te tweolue +tt tu hefdest icoren. chapi +te. & sullen.  
& +toledest pine. & passiun. +turh giwes read o rode.  
deidest. & were idon dead. i +truh of stane. stepe adun. 
& struptest. & herhedest helle. Arise. & +tin ariste
cuddest +tine icorene. & stuhe abuue +te steorren 
in-to +te heste heouene. & kimest king o domes  
dei. to deme cwike. & deade. +tu art hope of heale.
+tu art rihtwises weole. & sunfules salue. +tu art an
+tt al maht. & nult nawt bute riht. I-blescet beo +tu. 
eaure. +te ah eauer euch +ting heien & herien. &  
ich do deore drihtin +ti meiden an +tt ich am. & luuie
+te to leofmon luuewende lauerd. +tt hauest se muche  
for me iwraht. wi+d-ute mine wur+des. Beo mi blisfule
godd wi+d me. & wite me wi+d +te deoueles driueles.  
& wi+d hare creftes. wurch +get swucche wundres 
for +ti deorewur+de nome. +tt te reue rudni & scheomie
wi+d his schucke. & tu beo aa iwurdget as +tu art wur+de
wur+dmunt from worlde into worlde. Amen wi+d-uten ende. 
   [{W{]i+d +tis as ha stute stoden +te cwelleres. & +geiden    #
lud
steuene. Mihti lauerd is +te. +tt Iuliene on leue+d.
ne nis na godd buten he; we beo+d wel icnawen. Reue
us reowe+d ure si+d +tt we se longe habbe+d ileuet  
+tine reades. & wenden alle anesweis a-bute fif hundret  
+te stoden & +geiden alle in a steuene. luuewur+de 
wummon. we wende+d alle to +tt godd. +tt tu on trustest.  
<P 121>
forlore beo +tu reue wi+d false bileaue. & iblescet beo
crist. & alle his icorene. do nu deadliche on us al +tt tu 
do maht. make us reue anan-riht misliche pinen  
on-tentd fur & feche hweol. grei+de al +tt const 
grimliche bi-+tenchen. for+de al +ti feaders wil +tes feondes
of helle; to longe he heold us as he halt te nu+de.
Ah we schulen heonne-for+d halden to iesu godes kinewur+de  
sune moncun alesent. swa +te reue gromede
+tt he gristbetede wod he walde iwur+den. & sende o  
wodiwise for+d to maximien. +te mihti caisere of rome
her-of; hwet he readde. & he ham het euch fot
heafdes bikeoruen. fif hundret italt of wepmen 
& of wimmen an hundret & +tritti +trungen euchan 
biuoren o+der forte beo bihefdet & ferden alle martyrs 
wi+d murh+de to heouene.  
   [{E{]leusius +te hwile lette his men makien a muche fur
mid alle. & bed binden hire swa +te fet & te honden. 
& keasten hire in-to +te brune cwic to for-bearnen.
As ha lokede up. & seh +tis lei leiten; biheolt towart
heouene. wi+d honden a-heuene. & +tus to crist cleopede.  
   [{N{]e forleaf +tu me nawt nu i +tis nede lauerd of liue.
Mild-heortfule godd milce me +ti meiden. & mid  
ti softe grace salue mine sunnen. iesu mi selh+de ne 
<P 122>
warp +tu me nawt ut of +tin ehsih+de. bihald me ant
help me. & of +tis reade lei reaf & arude me. swa +tt
tes unseli ne +turue nawt seggen. +ti lauerd +tt tu
leuest on. & schulde +ti scheld beon. hwer is he  
nu+de. ne bidde ich nawt drihtin +tis for dea+des drednesse.
Ah false swa hare lahe. & festne i +tine icorene
treowe bileaue. schwau nu mihti godd +ti meinfule  
mahte. & hihendliche iher me ihei+get & ihere
aa on ecnesse.
   [{N{]efde ha bute iseid swa; +tt an engel ne com se briht
as +tah he bearnde. & to +tt ferliche fur. i +tt lei lihte 
& acwente hit anan. eauer-euch sperke. & heo stod unhurt
+ter amidheppes heriende ure healent wi+d  
heheste steuene. +te reue seh hit acwenct & bigon 
to cwakien. se grundliche him gromede. & set te
balefule beast; as eauer ei iburst bar. +tt grunde his
tuskes. & fen on to feamin. & gristbeatien grisliche 
up-o +tis meoke meiden. & +tohte wi+d hwuch mest
wa. he mahte hire awealden. & het fecchen a ueat.
& wi+d pich fullen. & wallen hit walm-hat. 
& het warpen hire +trin. hwen hit meast were 
iheat & wodelukest weolle.
   [{A{]s me dude +trin. ha cleopede to drihtin. & hit
<P 123>
colede anan. & war+d hire ase wunsum as +tah 
hit were a wlech bea+d iwlaht for +ten anes in for  
te bea+dien. & smat up a+gein +teo +te i+garket hit
hefden. & forschaldede of ham as hit up scheat; 
alle italde bitale. seoue si+de tene. & for+dre +get fiue. +ta 
+te reue +tis iseh; rende hise cla+des & toc him-seolf
bi +te top. & feng to fiten his feont. & lastin his lauerd.
   [{S{]wi+de q+d he. wi+d hire ut of min ehsih+de. +tt ich ne
seo hire nawt heonne-for+d mare. ear +te buc of 
hire bodi. & tet heauet liflese liggen i-sundret.
Sone se ha +tis iherde; ha herede go+d of heouene. 
& war+d utnume glead; for +tis ha hefde iwilnet. Me
leadde hire & leac for+d. & heo wes e+dluke. As ha stutte  
i +tt stude. +ter +te fordemde schulden dea+d drehen: +ta
com +te illke belial +tt ha hefde ibeaten feorren-to
bihinden & bigon to +geien. A stalewur+de men ne spearie 
+ge hire nawiht. ha haue+d us alle scheome idon. 
schende+d hire nu+de. +Gelde+d hire +garow borh efter +tt ha
wur+de is. A stalewur+de men do+d hire biliue to dea+d
buten abade. 
   Ivliene +te eadie openede hire ehnen & biheold towart 
him; as he +tus seide. & tet beali blencte. & 
breid him a+geinwart bihinden hare schuldren.  
<P 124>
as for a schoten arewe. wumme +tt ich libbe q+d he.  
ich beo nunan ilaht. Ah ilecche ha me eft; ne finde  
ich na leche. I-gripe ha me eanes; ne ga i neauer  
mare. +trefter o grene. & leac him a+geinwart as  
+te beare unwiht in alre diche deofle wei ne mahte  
nawt lette. As ha schulde stupin & strecche for+d 
+tt swire; ha bed first & feng on +tus forte learen 
+teo +te +ter weren.  
   Lvste+d me leoue men & li+de+d ane hwile. Bireowsi+d  
ower sunnen. & salui+d wi+d so+d schrift & wi+d dea+dbote. 
leaue+d ower unlahan. & buldes up-o treowe 
eor+de. +tt ne drede+d na ual for wind ne for wedere.
loki+d +tet te heouenliche lauerd beo grunt-wal of 
al +tt +ge wurche+d. for +tt stont studeuest falle +tt
falle. +geie+d to godd in hali chirche. +tt he 
+geoue ow wit wel forte donne. & strenge ow  
wi+d his streng+de. a+gein +te stronge unwiht  
+tt sele+d eauer. & aa. ow to forswolhen. lustnid 
lustiliche hali writes lare. & liuie+d +trefter.  
wel him +te wake+d wel. & i +tis lutle hwile wit
her him-seoluen. & heorteliche sike+d ofte for 
his sunnen. +tis worlt went awei. as +te weater  
+te eorne+d. & ase sweuen imet a-swint hire  
<P 125>
murh+de. & al nis bute a leas wind +tt we i +tis
worlt liuie+d. leaue+d +tt leas is. & leote+d lutel  
+trof. & seche+d +tt so+de lif +tt aa leaste+d. for
+tis lif +ge schulen leoten. & nuten +ge neauer 
hwenne. & reopen ripe of +tt sed +tt +ge her seowen. 
+tt is underuo +geld of wa. o+der of wunne. 
efter ower werkes. Swi+de ich biseche ow. +tt +ge 
bidden for me. bre+dren. & sustren. & custe
ham coss of [^D'ARDENNE: os^]                                   #
pes alle as ha stoden. ant biheold uppart.  
ant hehede hire steuene.  
   Lauerd godd [^D'ARDENNE: go+dd^] almihti. ich +tonki +te of  #
+tine +geouen.  
nim +geme to me nu+de. +tu luuest ouer alle +ting 
treowe bileaue. ne lef +tu neauer to +ti va; +tin ilicnesse 
+tt tu ruddest of dea+d; +turh +ti dea+d o rode. ne let  
tu me neauer deien i +te eche dea+d of helle. Vnderueng  
me to +te. & dome wi+d +tine. i +tt englene hird  
wi+d meidenes imeane. Ich a+geoue +te mi gast deorrewur+de  
drihtin. & do hit blisfule godd for +tin iblescede 
nome to ro. & to reste. wi+d ilke ha beide hire 
& beah duuelunge adun bihefdet to +ter eor+de.  
ant te eadie engles wi+d +te sawle singinde sihen  
in-to heouene.  
   Anan +trefter sone. com a seli wummon. bi Nichomedesse 
burh o rade towart rome. Sophie wes
<P 126>
inempnet of heh cun akennet. & nom +tis meidenes
bodi. & ber hit in-to hire schip bi-wunden swi+de  
deorliche i deorrewur+de cla+des. As ha weren i watere. 
com a strom +tt te schip ne mahte na mon 
steorin. & drof ham to drue lond in-to champaine
+ter lette sophie. from +te sea a mile. setten
a chirche. & duden hire bodi +trin in a stanene 
+truh hehliche as hit deh halhe to donne.
   +Te reue sone se he wiste. +tt ha wes awei ilead. leup  
for hih+de wi+d lut men into a bat & bigon to 
rowen swiftliche efter. forte reauin hit ham. &
i +te sea senchen. & arisen stormes se sterke &
se stronge. +tt te bordes of +tis bat bursten & tobreken.  
& te sea sencte him on his +tritu+de sum
ant +ter-to +get fowre. & draf him adrenchet
dead to +te londe. +ter ase wilde deor limmel toluken 
ham. & to-limeden eauer euch li+d from +te  
lire. ant te unseli sawlen sunken to helle. to forswelten  
i sar & i sorhe eauer.
   +Tvs +te eadi iuliene wende +turh pinen. from worldliche 
weanen; to heoueriches wunnen i +te Nomecu+de 
burh Nicomede inempnet. i +te Sixten+de  
<P 127>
dei of feouereres mone+d. +te fowrtu+de kalende
of mearch +tt is seo+d+den. 
   Heo us erndi to godd. +te grace of him-seoluen.
+te rixle+d in +treo had. & tah is untweamet iheret
& iheiet beo he him ane as he wes & is eauer in eche. 

<Q M1 NN BIL JULME>
<N ST JULIANA>
<A X>
<C M1>
<O 1150-1250>
<M 1150-1250>
<K CONTEMP>
<D WMO>
<V VERSE>
<T BIOGR LIFE SAINT>
<G X>
<F X>
<W WRITTEN>
<X X>
<Y X>
<H X>
<U X>
<E X>
<J X>
<I X>
<Z NARR NON-IMAG>

<P 127>
   Hwen drihtin o domes-dei windwe+d his hweate. & 
[\A WORD MISSING\] +tt dusti chef to hellene heate. He mote     #
beon 
a corn i godes guldene edene. +te turnde +tis of latin
to englische ledene. Ant he +tt her least. on wrat
swa as he cu+de. Amen



