<B CMKATHE>
<Q M1 NN BIL KATH>
<N ST KATH>
<A X>
<C M1>
<O 1150-1250>
<M 1150-1250>
<K CONTEMP>
<D WMO>
<V PROSE>
<T BIOGR LIFE SAINT>
<G X>
<F X>
<W WRITTEN>
<X X>
<Y X>
<H X>
<U X>
<E X>
<J X>
<I X>
<Z NARR NON-IMAG>
<S SAMPLE X>


[^TEXT:  KATHERINE. 
THE KATHERINE GROUP.
EDITED FROM MS. BODLEY 34.
BIBLIOTHEQUE DE LA FACULTE DE PHILOSOPHIE
ET LETTRES DE L'UNIVERSITE DE LIEGE, CCXV.
ED. S. T. R. O. D'ARDENNE.
PARIS: SOCIETE D'EDITION "LES BELLES
LETTRES", 1977.
PP. 17.1 - 28.20     (SAMPLE 1)
PP. 38.3 - 47.4      (SAMPLE 2)^]

<S SAMPLE 1>
<P 17>
[{I{] +tes feaderes ant [{i +t{]es sunes. i +te almih[{ti       #
g{]astes
[{n{]ome. [{Her biginne{]+d +te Martyrdom of sancte             #
K[{aterine{]
   Costentin ant Maxence were on a time as i keiseres
stude hehest i rome. ah costentin ferde +turh +te burhmenne
read into franclonde ant wunede summe hwile
+tear for +te burhes neode. ant Maxence steorede +te refschipe
i rome. weox umbe hwile wrea+d+de ham bitweonen.  
ant comen to fehte. wes Maxence ouercumen ant fleah
into alixandre. Costentin walde efter ant warpen him +teonne.
ah se wide him weox weorre on euche halue ant nomeliche   
in a lont ylirie hatte +tt [{tear{] he etstutte +ta maxence 
iherde +tis +tt he wes of him siker ant of his cunne carles;
war king of +tt lont +te lei into rome as duden meast
alle +te o+dre of +te weorlde. Bigon anan ase wed wulf to       #
weorrin  
hali chirche ant dreaien cristenemen +te lut +tt ter
weren alle to hea+dendom hea+dene as he wes summe +turh muchele
<P 18>
+geouen ant misliche meden summe +turh fearlac.  
of eisfule +treates. O least wi+d stronge tintreohen ant        #
licomliche 
pinen. I +te fif ant. +trittu+de +ger of his rixlinge 
he set o kine-seotle i +te moder-burh of alixandres riche ant
sende heaste & bode. se wid se +tt lont wes. +tt poure ba ant
riche comen +ter biuoren him to +te temple i +te tun [{of{] 
his hea+dene godes euchan wi+d his lac forte wur+dgin ham  
wi+d. Comen alle to his bode ant euchan bi his euene biuore
Maxence seolf wurdgede his maumez. +te riche reo+d+deren. 
& schep. & bule hwa-se mahte brohte to lake. +te poure;  
cwike briddes. I +tis burh wes wuniende a meiden swi+de
+gung of +geres twa wone of t[{w{]enti; feier. & freolich o     #
wlite
& o westum ant +get. +tt is mare; wurh+d stea+deluest           #
wi+dinnen   
of treowe bileaue. anes kinges cost hehte anlepi 
dohter icuret cleargesse Katerine inempnet. +teos meiden 
wes ba+de feaderles ant moderles of hire child-hade ah   
+tah ha gung were ha heold hire ealdrene hird wisliche   
ant warliche i +te eritage. ant i +te eard +tt com hire of      #
burde.   
<P 19>
nawt for+ti +tt hire +tuhte god in hire heorte to habbe monie
under hire ant beon icleopet leafdi +tt feole telle+d wel  
to; ah ba ha wes offearet of scheome & of sunne +gef +teo  
weren to-dreauet o+der mis-ferden +tt hire for+dfeadres hefden
iuostret. for hire-seolf. ne kepte ha nawt of +te worlde.  
+tus lo for hare sake ane. dale ha etheold of hire ealdrene
god ant spende al +tt o+der i neodfule ant i nakede
   +Teos milde meoke meiden +teos lufsume leafdi wi+d           #
leastelese
lates ne luuede. ha nane lihte plohen ne nane   
sotte songes. nalde ha nane ronnes. ne nane luue-runes  
leornin ne lusten. ah euer ha hefde on hali writ ehnen   
o+der heorte oftest ba to-gederes. hire feader. hefde iset 
hire earliche to lare ant heo +turh +te haligast undernom  
hit se wel +tt nan nes hire euenig. Modi meistres ant   
feole fondeden ofte hire o swi+de feole halue forte underneomen
hire; ah nes +tear nan +tt mahte neauer eanes.  
wrenchen hire wi+d al his crefti crokes ut of +te weie.
Ah se sone ha +geald ham swucche +gein-cleappes ant wende hare
wiheles up-on ham-seoluen; +tt al ha icneowen ham 
<P 20>
crauant ant ouercumen & cwe+ten hire +te mestrie. ant   
te meske al up. +Tvs hwil ha wiste hire ant +tohte
a to witen hire meiden i mei+dhad as ha set in a burh of hire
burde-boldes; ha iherde a swuch nur+d towart te aweariede 
maumetes temple lowinde of +tt ahte. ludinge of +te men  
gleowinde of euch gleo to herien & hersumin hare hea+dene  
godes. As ha +tis iherde & nuste +get wet hit wes;
ha sende swi+de forte witen hwet wunder hit were. Sone   
se hire sonde com a+gein ant seide hire +tt so+de; heo wes 
swa itend of wrea+d+de +tt wod ha walde iwurden het up of  
hire hird hwuch as ha walde ant wende hire +tiderwart.   
I-font ter swi+de feole +geinde ant +gurinde. & +teotinde       #
un+tuldeliche
wi+d reow+dfule reames +te cristene weren & leaffule
i godes lei. ah for dred of dea+d duden +tt deofles lac  
as +te headene duden. Hwa wes wurse +tene heo heorte iwundet
inwi+d for +te wrecches +tet ha seh se wra+de werkes
wurchen a+gein. godes wille. +tohte +tah as ha wes
+tuldi & +tolemod se +gung +ting as ha wes hwet hit mahte  
geinin. +tah heo hire ane were a+gein se kene keiser   
<P 21>
ant al his kineriche stot stille ane hwile & hef hire
heorte up to +te hehe. healant +te iheret is in heouene  
bisohte him help ant hap ant wisdom ase wisliche as
al +te world is iweld +turh his wissunge +trefter wepnede  
hire wi+d so+de bileaue ant wrat on hire. breoste ant  
biuoren hire te+d & te tunge of hire mu+d. +te hali rode 
taken ant com leapinde for+d as al itent of +te lei of +te 
hali gast. as +te keiser stot bimong +tt sunfule slaht   
of +tt islein ahte deouele to lake +tt euch waried weoued  
of +te mix-maumez ron of +tt baleful blod al biblodeget  
ant bigon to +geien ludere steauene   
   Gretunge keiser walde wel bicume +te for +tin hehnesse.   
gef +tu +tis ilke +geld +tt tu dest to deouelen +tt for+dde+d
+te ba+de i licome & i sawle ant alle +te hit driue+d. +gef
+tu hit +gulde & +geue to his wur+demunt +te scheop +te &  
al +te world ant welt +turh his wisdom al +tt ischapen is. 
Ich walde king greten +te +gef +tu understode +tt he ane  
is to herien +turh hwam ant under hwam alle kinges
rixli+d. Ne ne mei na +ting wi+d-stonden his wille. +tah 
he muche +tolie. +tes heouenliche lauerd luue+d treowe bileaue
ant now+der blod ne ban of unforgult ahte ah +tt me
halde & heie his halewinde heastes. Ne nis na +ting hwer+turh
monnes muchele meadschipe wrea+de+d him mare;   
+ten +te schafte of mon +tt he schop & +gef schad ba
<P 22>
of god & of ufel +turh wit & +turh wisdom schal wur+de   
se uor+d ut of his witte +tur +te awariede gast +tt. he +gelt
+te wur+demunt to unwitelese +ting +tt te feont wune+d   
in +tet he ahte to gode ant herie+d & hersume+d seheliche  
schaftes blodles ant banles ant leomen bute liue as he sculde
his & heoren ant alre +tinge schupent +tt is god unsehelich.
   +Te feont +te finde+d euch uuel bimong alle hise crokinde  
creftes wi+d neauer an ne keche+d he creftiluker 
cangmen ne leade+d to unbileaue; +ten +tt he make+d
men +tt ahte to wite wel +tt ha beo+d bi+getene & iborene ant
ibroht for+d +turh +te heouenliche feader to makie swucche 
maumez of treo o+der of stan o+der +turh mare meadschipe  
of gold o+der of seoluer. ant +geouen ham misliche nomen  
of sunne o+der of mone of wind & wude & weattres &
hersume+d ant wur+dgi+d as +tah ha godes weren ne naue+d  
he +turh oder +ting i +tis bileaue ibroht ow bute +tt ow  
+tunche+d +tt ha schulen leasten a. for-+ti +tt +ge ne          #
schulen   
ham neauer biginnen. Ah +ter nis buten an godd  
+tur hwam witerliche ha alle weren iwrahte ant of nawhit  
ant i +tis weorlde iset us forto frourin ant to fremien.  
& alswa as euch +ting hefde biginnunge of his   
godlec; alswa schulden alle habben endunge. +gef he
+tt walde. Engles & sawlen +turh +tt ha bigunnen ahten &  
mahten endin +turh cunde. Ah he +turh his milce & godlec  
of his grace maked ham +tt ha beo+d in eche buten ende   
ant +teruore nis na +ting euening ne eche wi+d godd
<P 23>
+tt +ge gremied for he is hare alre schupent ant schop   
ham i sum time ant na time nes neauer +tt he bigon to
beon in. +Te keiser bistearede hire wi+d swide steape   
ehnen hwil +tt ha spec +tus swi+de he awundrede him of hire 
wliti westum ant swider of hire wordes & feng on +tus to  
speokene +Ti leor is meiden luf-sum ant ti mu+d murie
& witti & wise weordes hit weren +gef ha neren false ah we      #
witen   
wel +tt ure la+gen ure bileaue & ure lei hefde lahe sprung. 
ah al +tt +ge segge+d is se sutel sotschipe +tt hit na wis 
mon. ah wittlese hit wene+d. Me hwet is mare meadschipe  
+ten forte leuen on him ant seggen he is godes sune
+te +te giws demden & hea+dene a-hongeden. ant +tt he wes
akennet of marie ameiden buten monnes man & iboren
of hire bute bruche of hire bodi. deide ant wes iburiet.  
ant herhede helle & aras of dea+d. & steah into heouene ant
schal eft o domes-dei cumen ba te demen +te cwike ant te  
deade. Hwa walde ileue +tis. +tt is ase noht wur+d. +tt alle
ower leasunges beo+d unlefliche. Ah +get ne +tunche+d ow nawt
inoh to forleosen ow +tus i +tulli misbileaue; Ah ga+d +get 
ant segge+d scheome bi ure undeaddeliche godes +te sunne  
& te mone +tt euch mon ahte hersumin & herien in eor+de.  
<P 24>
   +Teos meiden lette lutel of +tt he seide. ant smirkinde      #
sme+deliche 
+gef him +tullich onswere. al ich iseo +tine sahen
sottliche isette. cleopest +teo +ting godes +te now+der         #
sturien   
ne mahen. ne steoren ham-seoluen bute as +te hehe king   
hat ham in heouene. & heo buhe+d to him as schafte to his 
schuppent. Nis buten an godd as ich ear seide +tt al +te world  
wrahte & al worldliche +ting. & al wurche+d his wil bute mon
ane. Stille beo +tu +tenne & stew swuche wordes for ha beo+d 
al witlese ant windi of wisdom +Te keiser wundrede
him swi+de of hire wordes ant wedinde cwe+d. Meiden ich  
iseo wel for sutel is & etsene o +tine sulliche sahen +tet 
tu were iset gung to leaf & to lare. Ah of swuch larspel  
+tu hauest leaue ileornet +tt tu art +ter-onont al to
deope ilearet hwen tu forcwedest for+ti crist ure unde+dliche
godes ant seist ha beo+d idele & empti of gode.  
ah wastu wet is we schulen bringe to ende +tt we bigunnen  
habbe+d ant tu schalt tu motild to curt cume seo+den.
& +tine mede ikepen +gef +tu wult ti wiliwende to ure.   
for +gef hit went a+gein us; ne schal +te na teone ne tintreohe
trukien. +ta he hefde +tus iseid; cleopede an of 
his men dearliche to him. ant sende iselede iwrites
<P 25>
wid his ahne kine-ring +geont al his kineriche. to
alle +te i-cudde clerkes ant +tet ha hihin towart him
hare cume swi+de. & swa muche +te swi+dere +tt he bihet   
to mea+din ham wi+d swi+de heh mede. ant makien 
ham hehest in his halle. +gef ha +teos modi motild ouercume
mahten ant wende +te hokeres of his hea+dene   
godes up-on hire heauead +t ha were on alre erst ikennen  
ant icnawen +tt nis bute dusilec al +tt ha driue+d
ant +trefter +tenne fordon ant fordemed. +gef ha 
nalde leauen +tet ha +get lefde ant hare lagen  
luuien. +tes sonde wende him for+d as +te king hehte
he heold on to herien his hea+dne maumez wi+d misliche
lakes long time of +te dei +tt he idon hefde. ant wende +ta
+te wari towart his buri-boldes ant bed bringen anan +tis  
meiden biuoren him ant seide to hire +tus. Nat ich now+der 
+ti nome. ne ich ne cnawe +ti cun ne hwucche men +tu hauest
ihaued hiderto to meistres. ah +ti schene nebscheft ant ti 
semliche schape schawe+d wel +tt tu art freomonne foster  
ant ti sputi speche walde of wisdom & of wit beore +te          #
wittnesse.   
+gef +tu ne mis-nome onont ure maumez +tt tu se muchel   
mis-seist seist. ant ure godes hokerest +te schuldest as we
<P 26>
do+d heien & herien Ha onswerede & seide. +gef +tu wult  
mi nome witen; ich am katerine icleopet +gef +tu wult  
cnawe mi cun; ich am kinges dohter. cost hehte mi feader  
ant habbe ihauet hiderto swi+de hehe meistres. Ah
for+ti +tt te lare +tt heo me learden limpe+d to idel +gelp 
ant falle+d to bi+gete to wurdschipe of +te worlde ne ne  
helpe+d nawiht eche lif to haben; ne +gelpe ich nawiht   
+terof ah sone se ich seh +te leome of +te so+de lare +te       #
leade+d   
to +tt eche lif; ich leafde al +tt o+der ant toc me him   
to lauerd & makede him mi leofmon. +te +teos word seide  
+turh an of his witegen. (\Perdam sapientiam sapientum  
& intellectum intelligentium reprobabo.\) ich chulle fordo +te
wisdom of +teos wise world-men he sei+d. ant awarpen +te wit
of +teose world witti. Ich herde eft +teos word of an o+der
witege. (\Deus autem noster incelo omnia quecumque uoluit       #
fecit. 
Simulacra gentium. argentum. & aurum. & cetera. usque ad        #
similes illis
fiant.\) Vre go+d is in heoune +tt wurche+d al +tt he wule.
+teos maumez beo+d i-maket of gold & of seoluer al wi+d   
monnes honden. Mu+d bute speche. hehnen bute si+dh+de.
Earen buten herunge. honden bute felunge. fet bute
+gonge. +teo +tt ham makie+d mote beon ilich ham ant alle 
+te ham truste+d. Ah nu +tu seist +tt ha beod alle weldinde 
godes & wult +tt ich do ham wurdschipe; schaw sumhwet
<P 27>
of ham for hwi ha beon wur+de forte beon iwurdget. for   
ear nulle ich now+der ham heien ne herien. Nat ich
hwuch +ti +toht beo q+d +te king Maxence. ah wordes +tu hauest
inohe. ah +tole nu ane hwile & tu schald ifinden hwa   
+te ontswerie. +Tes sondes-mon umbe log +ta he hefde al  
+tt lont ouergan ant +turh-soht; com ant brohte wi+d him  
fifti scol-meistres. of alle +te creftes +te clearc ah to       #
cunnen   
& in alle wittes of worldliche wisdomes wisest o worlde.  
+te king wes swi+de icwemet & walde witen +gef ha weren  
se wise ant se witi as me fore-seide. ant ha somet seiden 
+tt witiest ha weren of alle +te meistres +te weren in          #
est-londe   
& heaued of +te heste & mest nomecu+de icud of alle clergies.
Ah +tu que+den ha keiser ahest to cu+den for hwet icud   
+ting +tu hete us hider to cumene. Ant he ham ontswerede. 
Her is a meiden +gunglich on +geres. ah se swi+de witti & wis
on hire wordes. +tt ha wi+d hire anes mot meistre+d us alle.    #
Ah   
+get me teone+d mare +tt ha tuket ure godes to balewe & to  
bismere & seid hit beo+d deoflen +tt in ham dearie+de Ich 
mahte inohrea+de wel habben aweld hire +gef ha nalde
wi+d luue. wi+d lu+der eie lan-hure. Ah +get me +tunche+d 
<P 28>
betere +tt ha beo ear ouercumen wi+d desputunge. & gef ha 
+te +get wule. +ten ha wat hire woh wi+d-stonden a+gein us;
Ich hire wule don to +te derueste dea+d +tt me mei hire demen.
& wi+d kinewur+de +geoues +gelden ow hehliche ower
+gong hider +gef +ge a-+gein wulle+d. o+der +gef ow is willre
forte wunie wi+d me; +ge schule beon mine reades-men
in alle mine dearne run & mine dearne deden. +ta ontswerede
+te an swide prudeliche +tus to +te prude prince 
Hei hwuch wis read of se cud keiser makie se monie
clerkes to cumene & se swi+de crefti of alle clergies of        #
Alixandres 
lont +te alre leaste ende to motin wi+d a meiden. 
Me an mahte of ure mon wi+d his mot meistrin & wi+d his   
anes wit awarpen +te alre wiseste +te wune+d bi westen. Ah 
hwuch-se ha eauer beo let bringen hire for+d +tt ha understonde
+tt ha ne stod neauer ear +tene +tes dei bute biuore  
dusie +Teos meiden wes bicluset +te hwile i cwarterne & i       #
cwalmhuse. 

<S SAMPLE 2> 
<P 38>
[{P{]orphire +gettede hire al +tt ha +girnde & leadde hire anan
i +te niht to +te cwarterne. Ah swuch leome & liht leitede 
+trinne +tt ne mahten ha nawt loki +tear-a+geines. Ah feollen
ba for fearleac dun duuel-rihtes. ah an se swi+de swote   
smeal com anan +ter-efter. +tt fleide awei +tt fearlac &        #
frourede  
ham sone. Arise+d q+d katerine ne drede +ge nawiht for  
+te deore drihtin haue+d idiht ow ba +te blisfule crune of his
icorene. +ta ha weren iseten up; sehen as +te engles wi+d       #
smirles  
of aromaz smireden hire wunden ant bi-eoden swa +te
bruchen of hire bodi al to-broken of +te beattunge. 
+tt tet flesch & tet fel wor+den se feire. +tt ha awundreden
ham swi+de of +tt sih+de. Ah +tis meiden bigon to bealden ham
ba+de & to +te cwen seide. Cwen icoren of iesu crist beo nu     #
stealewur+de
for +tu schalt stihen biuore me to drihtin in heouene.   
Ne beo +tu nawiht offruht for pinen +te feare+d for+d
in an honthwile for wi+d swucche +tu schalt buggen & bi+geote
<P 39>
+te +te endelease blissen. Ne dret tu nawt to leauen +tin 
eor+dliche lauerd for iesu crist +tet is king of +tt eche       #
kinedom.  
+te +gelt for +te false wurdschipe of +tis world; heoueriches
wunne. for +ting +tt sone ali+d; weole +tt a leste+d. Wende     #
+ta   
porphire to freinen +tis meiden hwucche weren +te meden   
& te endelese lif +tt godd haue+d ileuet his icorene for +te
luren & tis worl+dliche lif +tt ha leose+d for +te luue of      #
riht   
bileaue. Heo ontswerede & seide. Beo nu +tenne porphire  
stille & understont te   
[{C{]onstu bulden a bur inwi+d +tin heorte al abute bitrumet
wi+d a deorewur+de [^D'ARDENNE: adeorepur+de^] wal schininde    #
ant schenre of +gimstanes
steapre +ten is ei steorre. & euch bolt +trinwi+d briht
as hit bearnde & leitede al o leie & al +tt ter-in is           #
glistinde &   
gleaminde as hit were seoluer. o+der gold smeate. Isteanet
euch strete wi+d deorewur+de stanes of misliche heowes i-menget
to-+gederes isliket & ismaket as eni gles sme+dest bute   
sloh & slech eaueriliche sumerlich & alle +te burh-men   
seouesi+de brihtre +ten beo sunne gleowinde of                  #
[^D'ARDENNE: os^] euch gleo  
& a mare iliche glead for nawiht ne derue+d ham ne nawhit  
ne wonte+d ham. of al +tt ha wulle+d o+der mahe wilnin. alle
singinde somet ase lif-leoui euchan wi+d oder. alle pleinde
somet. alle lahinde somet eaueriliche lusti bute lungunge.
<P 40>
for +ter is a liht & leitinde leome. Ne niht nis +ter   
neauer ne neauer na newcin. ne eille+d +ter na mon now+der
sorhe ne sar. now+der heate ne chele. now+der hunger   
ne +turst ne nan of+tunchunge. for nis +tear nawt bittres 
ah is al beatewil swottre & swettre +ten eauer ei healewi. 
I +tt heouenliche lond i +tt endelese lif i +te wunnen &  
te weolen +turh-wuniende & monie ma murh+den +ten alle   
men mahten wi+d hare mu+d munien & tellen wi+d tunge.
+tah ha a talden. +te neauer ne limie+d now+der ne
ne leassi+d ah leaste+d a mare se lengre se mare. +gef +tu 
get wite wult hwucche wihtes +tear beon +tear as al +tis  
blisse is. +gef +tear is orcost o+der ei ahte; Ich +te          #
ontswerie;  
al +tt eauer oht is al is +ter iwer. & hwet se noht nis  
+tt nis +ter nohwer. +gef +tu eskest hwet oht; Nan eor+dliche
<P 41>
ehe ne mei hit seon ich segge ne nan eor+dliche eare
hercnin ne heren ne heorte +tenchen of mon & hure
meale wi+d mu+d hwet te worldes wealdent haue+d i+garket  
alle +teo +te him ariht luuie+d.   
[{P{]orphire ant auguste wor+den of +teos wordes se swi+de 
wil-cweme & se hardi for-+ti +tt ha hefden isehen sih+den  
of heouene; +tt ha wenden from hire abute +te midniht
+garowe to al +tt wa +tt ei mon mahte ham +garki to
drehe for drihtin. freineden porhphire alle his cnihtes 
hwer he hefde wi+d +te cwen iwunet & iwiket swa longe
of +te niht ant porphire ham seide. Hwer ich habbe iwiket 
ich on wel +tt +ge witen. for wel ow schal iwur+den. +gef 
+ge me wulle+d lustnin & leuen. for nabbe ich nawt teos  
niht i worldliche wecchen ah habbe in heouenliche iwaket  
+tear as me rihte bileaue. +tear me unwreah  
me +te wei +tt leade+d to +tt lif +ter me liue+d a i blisse 
buten euch bale. i wunne bute wa. for-+ti +gef +ge beo+d 
mine as under me isete. & wulle+d alle wi+d me in eche   
murh+de wunien; leaue+d to leuen lengre o +tes lease
maumez +te mearre+d ow & alle +teo +te ham to lute+d. ant  
wende+d to +te wealdent +te al +te world wrahte godd heouenlich
feader euch godes ful. & heie+d & herie+d his   
an deorewur+de sune iesu crist hatte ant te hali gast   
hare beire luue. +te lihte+d of ham ba & lime+d to-gederes 
swa +tt nan ne mei sundri from o+der. alle +treo an
godd al-mihti ouer-al. for he halt in his hont. +tt is  
wisse+d & wealt. +te heouene & te eor+de +te sea & te sunne &
<P 42>
alle ischepene +ting sehene & unsehene. +teo +te leue+d  
+tis so+d & leaue+d +tet lease. & buhsume & beisume hal+de+d
his heastes; he haue+d bi-haten ham. +tt he ham wule
leasten. +tt is blissen buten ende. i +te riche of heouene
ant hwa-se is se unseli +tt he +tis schunie; ne him neauer 
teone ne tintreohe trukien in inwarde helle. to longe   
we habbe+d idriuen ure dusichipes. ant he haue+d i+tolet  
us +te +tolemode lauerd ne we nusten hwet we duden
a +det he undutte us & tahte us treowe ileaue +turh +tt   
eadi meiden katerine +tt te king pine+d i cwalm-hus & +tenche+d
to acwellen. +tus he talede wel wi+d twa hundret cnihtes  
& wi+d ma +get +tt +geuen anan up; hare +geomere
bileaue & wurpen alle awei hare witlese lei & wenden to criste
[{C{]rist ne for-+get nawt +tt he ne nom +geme to hire +tt 
me heold +get as +te keiser het bute mete & mel i +te
cwarterne. Ah wi+d fode of heouene +turh his ahne engel  
i culurene iliche fedde hire al +te tweolf dahes as
he dude daniel +turh abacuc +te prophete i +te liunes leohe 
+ter he in lutede. Vre lauerd him-seolf com wi+d engles  
ant wi+d monie meidnes wi+d alle wi+d swuch dream & drihtfere
as drihtin deh to cumene. & schawde him & sutelede
him-seolf to hire-seoluen. & spec wi+d hire & seide.
Bihaldt me deore dohter. bihalt +tin heh healent
for hwas nome +tu hauest al undernume +tis newcin.
beo stalewur+de & stont wel ne +tearf +tu drede na de+d.  
for lo wi+d hwucche ich habbe idiht to do +te i mi kinedom 
+tt is +tin wi+d me imeane as mi leof-mon. Na +ting ne   
dret tu. for ich am eauer wi+d +te. do +tt me do +te. & monie 
schulen +turh +te. +get turne to me. wi+d +tis ilke steap 
<P 43>
up wi+d +tt heouenlich hird & steah into +te heouene
& heo biheolt efter hwil ha a mahte blisful & bli+de.
[{U{]nder +tis com +te +turs Maxence +te wedde wulf +te   
hea+dene hunt a+gein to his kineburh. +teos meiden
ine marhen wes ibroht biuoren him. ant he bigon to
uon on +tisses weis towart hire. +tis me were leouere +gef 
+tu wel waldest to habben & to halden +te cwic +ten to acwelle
+te. +tu most nede no+deles an of +tes twa curen cheosen  
anan-riht. libben +gef +tu leist lac to ure liuiende
godes. o+der +gef +tu nawt nult; +tu schalt dreoriliche deien.
[{+T{]is meiden sone anan him ontswerede & seide. lef me  
forte libbe swa +tt ich ne leose nawt him +tt is mi lif   
& mi leof iesu crist mi lauerd. Ne nawiht ne drede ich na 
de+d +tt ouer-gea+d for +tt endelese lif +tt he haue+d ilenet
me anan-riht +ter-efter. Ah +tu bi+tench me anan teonen  
& tintreohen +te alre meast derue +tt ei deadlich 
flesch mahe drehen & drahen for me longe+d heanewart.
for mi lauerd iesu crist mi deorewur+de leofmon luttel   
ear me haue+d ilea+det & wel is me +tt ich mot ba mi
flesch & mi blod offrin him to lake +te offrede to his   
feader for me & for al uolc him-seolf o +te rode.
[{H{]wil +te king weol al inwi+d of wread+de; com a             #
burhreue
as +te +tt wes +tes deofles budel belial of helle. cursates
hehte. & tus on heh cleopede. O kene king. O icudd
keiser. +get ne seh katerine nanes cunnes pine +tt ha oht 
dredde. do ido dede. Nu ha +tus +treate+d & +trepe+d a+gein
+te. Hat hwil ha wed tus inwi+d +te +treo dahes +garhin  
<P 44>
fowr hweoles & let +turh-driuen +trefter +te spaken & te  
uelien wi+d irnenne gadien swa +tt te pikes. & te irnene  
preones se scharpe & se sterke borien +turh & beore for+d  
feor o+tt o+der half +tt al +te hweoles beon +turh-spitet mid
kenre +ten ei cnif rawe birawe. let +tenne turnen hit   
tidliche abuten swa +tet katerine schal wi+d +tt grisliche      #
rune.   
hwen ha +ter bi-sit & bisi+d +ter-up-on. swiken hire sotschipes
& ure wil wurchen. O+der +gef +tt ha nule no; Ha
schal beo to-hwi+deret wi+d +te hweoles swa; in an hont-hwile.
+tt alle +te hit bihalde+d schule grure habben. +te king        #
hercnede  
his read & wes sone as he het +tes heane & tes heatele   
tintreoh itimbret & wes +te +tridde dei idrahen +tider   
as +te reuen weren eauer iwunet. & te king heold ta of   
+tis a meiden hise kine motes.
[{+T{]is pinfule gin wes o swuhc wise iginet +tt te twa         #
turden
eider wi+dward o+der. & anes weis ba+de. +te o+der twa turden
anesweis al swa ah to-+gein +te o+dre swa +tt hwenne +te  
twa walden keasten uppart. +ting +tt ha chahten; +te odre 
walden drahen hit & dusten dunewardes se grisliche igrei+det
+tt grure grap euch mon hwen he lokede +tron. Her
amidde wes +tis meiden iset forte al to-renden reowliche  
& reow+dfulliche to-rondin. +gef ha nalde hare read heren 
ne hercnin. Ah heo keaste up hire ehnen & cleopede towart 
heouene ful heh wi+d hire heorte ah wi+d steuene.
Al-mihte godd cu+d nu +ti mihte & meske nu +tin hehe
nome heouenliche lauerd. & forte festnin ham i treowe   
bileaue +te beo+d to +te iturnde. & Maxence & alle hise halden
<P 45>
ham mate. smit se smeordtliche her-to +tt al +teos fower 
hweoles to-hwi+derin to stucches. +tis wes unnea+de iseit 
+tt an engel ne com wi+d ferlich afluhte fleoninde adunewart
& draf +ter-to dun-riht as a +tunres dune & duste
hit a swuch dunt +tt hit bigon to cleaterin al & to cleouen.
to-bursten & to-breken as +tah hit were bruchel 
gles ba +te treo & tet irn & ruten for+d wi+d swuch rune  
+te stucchen of ba-+te bimong ham as ha stoden & seten   
+ter-a-buten +tt ter weren isleine of +tt awariede uolc fowr
+tusent fulle. +tear me mahte iheren +te hea+dene hundes  
+gellen & +geien & +guren on euch half. +te cristene kenchen
& herie +ten healent +te helpe+d hise ouer-al. +te
keiser al a-canget hef iloset mon drem & dearede
al a-dedet druicninde & dreori & drupest alre monne.
[{+T{]e cwen stot eauer stille on heh & bi-heolt al. hefde 
ihud hire a+det ta. & hire bileaue ihole +te +get. ne   
mahte na mare; Ah dude hire adun swi+de & for+d wi+dute   
fearlac o uet +tidewardes & weorp hire biuoren +ten
awariede wulf & +geide lut-steuene. wrecche mon +tet
tu hit art. hwerto wult tu wreastlin wi+d +te worldes           #
welalden.   
Hwet meadschipe make+d +te +tu bittre balefule 
beaste to weorri +te +tet wrahte +te & alle worldlich           #
[^D'ARDENNE: porldlich^] +ting.
Beo nu ken & cnawes of +tt tet tu isehen hauest. Hu
<P 46>
mihti & hu meinful. hu heh; & hu hali is +tes cristenes   
godd crist +tt ha herie+d. Hu wrakeliche wenest tu wule  
he al wra+de wreoken o +te wrecche. +te haue+d to-driuen  
wi+d a dunt & fordon for +te to-dei se feole +tusent. &  
Monie mid alle of +tt hea+dene folc +te alle weren isehene 
+tider forte seo +tis feorlich. Sone se ha +tis sehen. &        #
herden   
swa +te cwen speoken; alle somet turnden. & token to
+geien. Witerliche muche wur+d & wur+de alle wur+dschipe  
is +tes meidenes godd crist so+d godes sune ant to
him we kenni+d & cnawe+d to lauerd & to heh-healent             #
heonne-for+dwardes.
ant tine mix-maumez alle beon amanset.
for ha ne mahe now+der helpen ham-seoluen ne  
ham +tt ham serui+d. +te king walde weden swa him
gromede wi+d ham. Ah wi+d +te cwen swidest. biheolt hire 
heterliche & bigon to +treatin hire +tus. o +tisse wise.   
[{H{]v nu dame dutest tu. cwen a-cangest tu nu mid alle  
+tes o+dre? Hwi motest tu se meadliche? Ich swerie
bi +te mahtes of ure godes muchele. bute +gef +tu
+te timluker do +te i +te +gein-turn & ure godes grete   
+tt tu gremest nu+te; Ic schal schawin hu mi sweort bite  
i +ti swire. & leote to-luki +ti flesch +te fuheles of +te      #
lufte   
& +get ne schalt tu nower neh se lihtliche etsterten   
ah strengre +tu schalt +tolien. for ich chulle leote luken 
& teo +te tittes awei of +tine beare breosten. ant
+trefter do +te to de+d deruest +ting to drehen. Alle +tine
<P 47>
+treates ne drede ich q+d ha riht noht. Eauer se +tu mare 
wa & mare wene dest me for mi neowe leofmon +te 
ich on wi+d luue leue; se +tu wurchest mi wil & mi weole  
mare. do nu +tenne hihendliche +tt tu hauest on heorte. for
of me ne schalt tu bi+geote nawiht mare.
[{S{]one se he understot wel +tt he ne sturede hire nawt;  
het on hat-heorte unhendeliche neomen hire & bute
dom anan-riht +turh-driuen hire tittes wi+d irnene neilles 
& rende ham up hetterliche wi+d +te breost roten.
As +tes deoflel [\FOR deofles\] driueles drohen to fordon       #
hire; Ha biseh  
towart katerine ant seide. Eadi meiden ernde me to +ti leoue
lauerd for hwas luue ich +tolie +tt me bilimie+d me +tus.  
+tt he i +te tintreohe +tt ich am iturnt to heardi min heorte
+tt tet wake ules ne wursi neauer mi mod swa +tt ich earni  
to ofseruin heoueriche. +tt ich ne for-ga neauer
for fearlac of na pine +tt beo fleschlic +te crune +te crist    #
haue+d  
efter +tt tu cwiddest ileuet his icorene.  



