<B CMMARGA>
<Q M1 NN BIL MARGME>
<N ST MARG>
<A X>
<C M1>
<O 1150-1250>
<M 1150-1250>
<K CONTEMP>
<D WMO>
<V PROSE>
<T BIOGR LIFE SAINT>
<G X>
<F X>
<W WRITTEN>
<X X>
<Y X>
<H X>
<U X>
<E X>
<J X>
<I X>
<Z NARR NON-IMAG>
<S SAMPLE X>


[^TEXT:  MARGARETE.
THE KATHERINE GROUP.
EDITED FROM MS. BODLEY 34.
BIBLIOTHEQUE DE LA FACULTE DE PHILOSOPHIE 
ET LETTRES DE L'UNIVERSITE DE LIEGE, CCXV. 
ED. S. T. R. O. D'ARDENNE. 
PARIS: SOCIETE D'EDITION "LES BELLES
LETTRES", 1977. 
PP. 62.8  - 73.14    (SAMPLE 1)
PP. 81.12 - 93.12    (SAMPLE 2)^]

<S SAMPLE 1>
<P 62>
   [{L{]auerd in +te is al min hope. hald me 
mi wit wel swa & mi wil to +te. +tt hit ne forwur+de 
naut. for wa +tt me do me. ne for wele now+ter. 
ne lef +tu neuer mine fan +te feondes imene. 
habben ne holden hare hoker of me as ha walden. 
+gef ha ne mahten awarpen. Ah swa ne 
schulen ha neuer me ne nan o+der +tt ariht luuie+d 
+te he heouenliche lauerd. +tin nome beo iblescet. 
lauerd loke to me ant haue merci of me.
softe me mi sar swa & salue mine wunden +tt hit 
ne seme nohwer ne suteli o mi samblant +tt ich derf
drehe. +te cwelleres leiden se lu+derliche on hire 
lich +tt tet blod bearst ut & strac a-dun of hire 
bodi as streem de+d of welle.
   [{O{]librius +te lu+dere reue bute rew+de hwil me +gerddede
hire +tus +geomerliche +geide. stute nu & stew 
+tine unwitti wordes & hercne meiden mi read & wel 
+te schal iwur+den. Alle +te +tear weren wepmen & wummen 
<P 63>
remden of reow+de ant meanden +tes meiden 
& summe of ham seiden. Margarete Margarete. meide 
swa muche wur+d +gef +tu wel waldest. wa is us +tt we 
seo+d +ti softe leofliche lich to-luken se ladliche. 
weila wummon hwuch wlite +tu leosest & forletest 
for +ti mis-bileaue. +te reue is reowliche wra+d & wule 
iwis fordo +te. ah luue nu & lef him. & tu schalt
wummone meast wunne & weole wealden. O q+d ha 
wrecches unweoten bute wit. weila hwet wene ge? gef 
mi lich is toloken; mi sawle schal resten wi+d +te rihtwise. 
Sorhe & licomes sar is sawulene heale. Ah 
leue +ge [^D'ARDENNE: leuege^] ich reade ow; o +te liuiende     #
godd [^D'ARDENNE: +godd^] mihti & meinful. 
& euch godes ful. +te here+d +teo +te him cleopie+d 
to. & heouene-+getes opene+d. for ow nulle ich 
iheren. ne heien nan of ower godes. +te dumbe 
beo+d & deaue. & blinde & bute mihte. wi+d monnes 
hond imakede. Ah +tu wurchest q+d ha +ta. to olibrium 
+te lu+dere +tine feader werkes +te feondes of helle. 
Me +tu hea+dene hund +te hehe healent is min 
help. +gef he haue+d i+gettet te mi licome to teluken; 
he wule +tu heatele reue. arudde mi sawle 
ut of +tine honden & heouen hire into heouene. 
+tah +tu hongi me her. & tu grisliche gra. +tu 
<P 64>
lu+dere lim la+d godd. +ti mihte schal unmutlin. 
& melten to riht noht & [{t{]u schalt eauer i sar 
& i sorhe swelten. hwen ich gomeni wi+d +godd & 
gleadie buten ende. He o wra+d+de war+d for-neh 
ut of his witte. & het swi+de bitterliche hongin 
hire & heouen up herre +ten ha ear wes & wi+d 
sweord scharpe. & ewles of irne hire freoliche 
flesch to-ronden & to-renden. Ant heo biseh 
on heh up & bigon to seggen.
   [{H{]elle-hundes lauerd habbet bitrummet me. & hare 
read +tt heane+d me haue+d al biset me. Ah 
+tu hehe healent beo umbe me to helpen. Arude  
reowfule godd mi sawle of sweordes egge. & of
hondes hond. for nabbe ich bute hire ane. lowse  
me lauerd ut of +te liunes mu+d & mi meoke mildschipe
of +te an-ihurnde hornes. glede me godd 
wi+d +ti gleo & +gef me hope of heale +tt mi bone 
mote +turh-+turli +te heouene. Send me +ti sonde 
i culurene heowe. +te cume me to helpe. +tt ich mi 
mei+dhade mote wite to +te unwemmet & lef me 
+get i-seon lauerd +gef +ti wil is. +te awariede wiht 
<P 65>
+te weorre+d a+gein me. & cu+d +ti mahte on me 
al-mihti godd. +tt ich him ouercume mahe. swa
+tt alle meidnes eauer mare +turh me; +te mare 
trusten on +te. Beo +ti nome iblescet alre bleo 
brihtest. in alre worldene worlt aa on ecnesse:  
   [{H{]wil +tt ha spec +tus; me to-lec hire swa. +tt te        #
lu+dere
reue for +te stronge rune of +te blodi stream 
ne nan o+der +tt ter wes. ne mahte for muche 
grure; lokin +tiderwardes. ah hudden hare 
heafden +te heardeste i-heortet under hare mantles. 
for +tt seorfule sar +tt heo on hire isehen. 
+get spec & seide. Olibrius +te lu+dere. Hwet bihalt 
meiden +tt tu ne buest to me. ne nult habbe 
milce ne merci of +te-seoluen? +ge ne felest tu +ti
flesch al to-limet & to-luken. +turh +tt ich hit hate? 
ah buh nu & bei to me ear +ten +tu deie; 
o dreori de+d & derf. for +gef +tu ne dest no; +tu 
schalt swelten +turh sweord. & al beo limmel 
to-loken. Ant ich wulle tellen. hwen +tu al to-toren 
art. In euchanes sih+de. +te sit nu & si+d +te; 
alle +tine seonewen. 
   [{M{]e heateliche hund q+d ha +ta. +tah +tu al swa do; 
me schendest tu nawt. Hwen mi sawle bi+d biuoren 
godes sih+de in heouene; lutel me is hwet 
me do mid mi bodi on eor+de. Ah +te schulde scheomien. 
<P 66>
+tu scheomelese schucke. +gef +tu scheome  
cu+dest. +te +tulli mot haldest wi+d a +gung 
meiden. & spillest al +ti hwile & ne spedest nawiht. 
for +gef ich wrahte +te wil of +te flesch +tt tu 
fearest as +tu wult wi+d; mi sawle. schulde sinken 
al swa as +tu schalt. to sorhen in helle. ah for+ti 
ich wulle wel +tt mi flesch forfeare her. +tt 
softe iesu cruni mi sawle. i +te selh+den of heouene 
& efter domes-dei do ham ba to-+gederes. 
to weolen & to eche wunnen. +turh-wuniende. 
He se wra+d +tt for-neh wod ha walde iwur+den. 
bed biliues coste keasten hire i cwalm-hus. ant 
swa me dude sone. & wes as +tah hit were. +te  
seoue+de time of +te dei. +tet me droh hire +tus 
in to dorkest wan & wurst in to cumene & 
heo hef up hire hont & blecede al hire bodi wi+d 
+te taken of +te hali rode. As me reat hire inwart. 
ha bigon to bidden +teos bone to ure lauer+d
   [{D{]eore-wur+de drihtin +tah +tine domes dearne beon 
alle ha beo+d duhtie +tah alle heouenliche 
+ting & heor+dliche ba+te buhe+d +te & beie+d. +tu art 
hope & help to alle +tet te herie+d. +tu art foster 
& feader; to helplese children. +tu art weddede weole 
<P 67>
& widewene warant & meidenes mede. +tu art 
wunne of +te world iesu crist kinebern godd ikennet 
of godd. as liht is of leome. loke lauerd to me 
Mi lif mi luue mi leofmon. & milce me +ti meiden. 
Min ahne flesliche feader dude & draf me awei 
his an-lepi dohter. & mine freond aren me. for +ti 
luue lauerd famen & feondes. Ah +te ich halde healent 
ba for feader & for freont ne forlet to me nawt 
liuiende lauerd. Bihald me & help me. & lef me +tet 
ich mote legge mine ehnen o +te lu+dre unwhit +te 
weorre+d a+gein me. & lef me deme wi+d him drihtin 
of dome. He heane+d me & heate+d ant ich neauer 
nuste. +tt he ewt of min hearm eauer+gete hefde. 
Ah swuch is his cunde. & swa is ful of Atter his ontfule 
heorte. +tt he heate+d euch god. ant euch hali 
+ting & halewinde is him la+d. +tu art drihtin domesmon 
of cwike & of deade dem bituhen unc twa ne 
wra+d+te +tu +te mi wunne for sahe +tt ich segge for 
an +ting i biseche +te eauer & oueral. +tt tu wite to +te 
mi mei+dhad unmerret. Mi sawle from sunne. 
Mi wit & mi wisdom; from unwitlese wiht. In +te 
is min healent al +tt ich wilni. Beo +tu aa iblescet 
ordfrume & ende. bute ende ant ord; aa on ecnesse. 
<P 68>
   [{H{]ire uostermoder wes an +tt frourede hire. & com 
to +te cwalm-hus & brohte hire to fode bred & burnes 
drunch +tt ha bileuide. Heo +ta & monie ma 
biheolden +turh an eil+turl. as ha bed hire beoden 
& com ut of an hurne hihendliche towart 
hire an unwiht of helle on ana drakes liche se 
grislich +tt ham gras wi+d +tt sehen +tet unselh+de 
glistinde as +tah he al ouerguld were. His lockes 
& his longeberd blikeden al of golde & his grisliche 
te+d. semden of swart irn his twa ehnen. 
steareden steappre +ten +te steoren & ten +gimstanes. 
brade ase bascins. In his ihurnde heaued 
on ei+der half on his heh hokede nease. Of his 
speatewile mu+d; sperclede fur ut. & of his nease-+turles;
+treste smor+drinde smoke smecche 
forcu+dest. & lahte ut his tunge se long +tt he 
swong hire a-buten his swire. & semde as +tah a 
scharp sweord of his mu+d scheate. +te glistnede
<P 69>
ase gleam de+d & leitede al o leie. & al war+d 
+tt stude ful of strong & of stearc stench. & of 
+tes schucke schadewe. schimmede & schan al. He 
strahte him & sturede toward tis meoke meiden. 
& geapede wi+d his genow up-on hire ungeinliche 
ant bigon to crahien & crenge wi+d swire. as +te 
+te hire walde forswolhe mid alle. +gef ha agrisen 
wes of +tt grisliche gra; nes na muche wunder. 
Hire bleo bigon to blakien. for +te grure +tt grap 
hire & for +te fearlac offruht; for+get hire bone 
+tt ha ibeden hefde. +tt ha iseon moste +ten unsehene
unwiht. ne nawt ne +tohte +tron +tt hire nu were 
itu+det hire bone. Ah smat smeortliche a-dun 
hire cneon to +ter eor+de. & hef hire honden up 
hehe toward heouene wi+d +teos bone to crist +tus cleopede.
   [{U{]nseheliche godd euch godes ful hwas wread+de
is se gromful +tt helle ware & heouenes. 
& alle cwike +tinges cwakie+d +ter-a+geines. a+gein +tis 
eisfule whit +tt hit ne eili me nawt help me mi la-lauerd. 
+tu wrahtest & wealdest alle worldliche +ting. 
+teo +tt te heie+d & herie+d. in heouene & alle +te +tinges 
+te eardi+d on eor+de. +te fisches +te i +te flodes fleote+d 
wi+d finnes. +te flihinde fuheles +te fleo+d bi +te lufte 
<P 70>
& al +tt iwraht is wurche+d +tt ti wil is. & halt +tine         #
heastes  
bute mon ane. +te sunne recche+d hire rune wi+d-uten 
euch reste. +te mone & te steorren +te walke+d bi +te 
lufte ne stutte+d. ne ne studegi+d. ah sturie+d aa 
mare ne nohwider of +te wei +tt tu hauest iwraht 
ham ne wrenche+d. ha neaure. +tu steorest +te seastrem. 
+tt hit flede ne mot fir +ten +tu merkest. +te 
windes. +te wederes. +te wudes. & te weattres buhe+d +te 
& bei+d. feondes habbe+d fearlac. & engles of +tin eie. 
+te wurmes & te wilde deor +tt o +tis wald wunie+d libbet       #
efter 
+te lahe +tt tu ham hauest iloket luuewende lauerd ant 
tu loke to me & help me +tin hondiwerc. for al min 
hope is o +te. +tu herhedest helle & ouercome ase kempe +te 
acursede gast +te funde+d to for-do me. ah her me nu 
& help me. for nabbe ich i min nowcin nanes cunnes 
elne bute +tin ane. Wi+d +tis uuel wite me. for ich truste 
al o +te. & ti wil iwur+de hit deorwur+de lauerd +tt ich +turh 
+ti streng+de mahe stonden wi+d him. & his muchele ouergart 
+tt ich hit mote afeallen. low he funde+d swi+de 
me to for-swolhen & wene+d to beore me in-to  
his balefule hole +ter he wune+d inne. Ah 
o +tin bliffule nome ich blesci me nu+de. & droh 
<P 71>
+ta ende-long hire & +twertouer +trefter +te 
deorewur+de taken. of +te deore rode +tt he on 
reste. ant te drake reasde to hire mid tet 
ilke. & sette his sariliche mu+d. & unmea+dlich 
muchel on heh on hire heaued & rahte ut his 
tunge to +te ile of hire helen & swengde hire 
in & forswelh into his wide wombe. Ah criste to 
wur+dmund & him to wra+der-heale. for +te rode 
taken redliche arudde hire +tt ha wes wi+d iwepnet 
& war+d his bone sone. swa +tt his bodi to-bearst 
o-midhepes o twa. Ant +tet eadi meiden allunge 
unmerret. wi+d-uten eauer-euch wem wende  
ut of his wombe heriende on heh hire healent 
in heouene.
   [{A{]s ha biheold lokinde up-on hire riht half. 
+ta seh ha hwer set an unsehen unwiht. muche
deale blackre +ten eauer eani blamon. Se 
grislich se ladlich. +tt ne mahte hit na mon redliche 
areachen. & his twa honden to his cnurnede 
cneon heteueste ibunden. & heo +ta ha seh 
+tis. feng to +tonkin +tus ant herien hire 
healent. 
   [{B{]rihtest bleo of alle +tt eauer weren iborene. 
blostme iblowen & iboren of meidenes bosum 
iesu. god+d godes bearn iblescet ibeo +tu. Ich am  
<P 72>
gomeful & glead lauerd for+ti godlec keiser of 
kinges; drihtin undeadlich. +tu haldest & heuest 
up treowe bileaue. +tu art welle of wisdom. & euch 
wunne waxe+d. & awakene+d of +te. +tu art englene weole 
+tt wealdest & witest. ham wi+d-uten wonunge. Me 
gomene+d & gleade+d. al of gafteliche murhden. 
Me mihti godd makeles is +tt eani wunder? +ge iseo 
ich lauerd blowinde mine bileaue. Ich habbe isehen 
hu +te feond +te wende to fordo me; to-feol efne atwa. 
& felde hu his fule stench strac & sturede aweiwart. 
Ich habbe isehen +te wurse of helle her awarpen. 
& te monslahe islein. +te stronge +turs 
astoruen. Ich habbe isehen his ouergart & egede 
orhel earheliche auellet. Ich habbe isehe +te rode 
+te arudde me se redliche of his reowliche rake hu 
ha +tt balefule wurm & +tt bittre beast makede to bersten. 
Ich habbe isehen hali & halewende eoli as hit lihte 
to me. & ich me-seolf smelle of +te swote iesu swottre 
+ten eauer eani +ting +tt is on eor+de. Ich habbe sehen 
blisse & ich blissi me +trof. iweole. & i wunne is nu +tet 
ich wunie. Ne nes me neauer se wa; as me is wel
nu. +te ich hit +toncki +tolemode lauerd. Ich habbe adun 
<P 73>
+te drake i dust. & his kenschipe akest. ant he swelte+d 
+tt me wende to forswolhen. Ich am kempe 
& he is crauant & ouercumen. Ah +te ich +tonki 
+trof +te kingene king art echeliche icrunet. 
Sorhfule & sari & sunfule toturn. wondrinde & 
wrecches & wonlese wisent. castel of streng+de 
a+gein +te stronge unwiht. Meidenes murhde. & 
martyrs crune. mel-seotel softest & guldene 
+gerde alre gold smeatest. ant glistinde +gimstan 
of alle seheliche & unseheliche ba. swotest & swetest 
alre schefte schuppent. +trumnesse +treouald 
& anuald +te-hwe+dere. +trile i +treo hades. & an  
in an hehschipe. heh hali god+d euch godes ful  
beo +tu eauer & aa iheret & iheiet bute limunge. 

<S SAMPLE 2>
<P 81>
   [{S{]tew +te q+d ha sari whit. & sei me hwer +tu wunest 
meast. of hwet cun +tu art ikumen of. & ti 
cunde cu+d me. & +turh hwas heaste heane +ge hali 
men. & hearmi+d & weorri+d hare werkes. Ah 
sei me seli meiden. hweonne is +te ilenet i +tine 
leo+debeie limen. se stealewur+de streng+de? of hwet 
cunde kime+d +te +ti luue & ti bileaue. +tt lei+d 
me se lahe? Cu+d me nu & ken me hwi +te worldes 
wealdent wune+d wummon in +te. & hu he 
com in-to +te. & ich chulle makie +te war of alle 
mine wiheles. Steu +te & stille beo q+d ha of +tin 
easkunge. +ge nart tu nawt wur+de awariede fulwiht. 
to here mi steauene. Ant hure to understonden.  
se dearne & se derf +ting of godes dihelnesse. 
<P 82>
Ah hwet se ich am. & hwuch-se ich am +turh 
godes grace ich hit am. Wil-+geoue unoseruet. 
+tt he haue+d me i+gettet. for+gelde hit him-seoluen. 
Ah swi+de cu+d me & ken +tt ich easki efter. +ge q+d 
he ich mot nede. 
   [{S{]athanas +te unseli +te for his prude of parais.
lihte se lahe; he is keiser & king icrunet of 
us alle. Ant hwerto schulde ich telle +te & wi+d talen 
tealen lufsume leafdi of ure cunde. & ure cun +tt 
tu cost +te-seolf iseon i iamemes & i manbres bokes 
ibreuet. Swuch fearlac ich fele for sih+den +tt ich 
iseo crist seche to +te. +tt speoken i ne dear nawt. Ah 
diueri. & dearie drupest alre +tinge. +tah hwen +tu 
wult witen; we liuie+d bi +te lufte al +tet measte 
deal eadi meiden. Ant ure weies beo+d abufen wi+d 
+te windes. ant beo+d aa wakere to wurchen al +tt 
wa +tt we eauer mahe moncun. & mest rihtwise 
men & meidnes as +tu art. for iesu crist godes bern 
wes of meiden iboren. & +turh +te mihte of 
meidhad wes moncun iborhen. bi-numen & bi-reauet 
us al +tt we ahten. Nu +tu wast leafdi +tt tu 
wite waldest. hwer we meast wunie+d. & hwi we meast 
heane+d & heatie+d +te meidnes. +get +gef +tu wite wult 
hwi we weori+d meast rihtwise +teines? Ich +te onswerie. 
for onde +tt et aa & eauer ure heorte. we witen 
ha beo+d iwrahte to stihen to +tt stude. +tt we of feollen. 
& us +tunche+d hokerlich & swi+de holes +trof. 
<P 83>
swa +tt teone ontent us. & we iwurde+d wode +turh 
+te grome +tt us grome+d aa wi+d +te gode for +tt 
is ure cunde +tt i +te schulde kennen. beon sorhful 
& sari for euch monnes selh+de. gomenin 
hwen he gulte+d. ne neauer mare ne beo gleade 
bute of uuel ane. +tis is ure cunde makelese
meiden. Ah deore drihtines lomb leo+de me a lutel. 
& leowse leafdi +ti fot +te sit me se sare. Ich 
halsi +te o godes half heh heouenlich feader. 
& o iesues nome his an sulliche sune. +tt mon ne 
wummon ne mahe neauer mare heonne-uor+d 
warpe me heonne. Ah +tu brihte burde bind me 
on eor+de. & ne warp +tu me nawt neo+der in-to 
helle. for Salomon +te wise hwile he her wunede; 
bitunde us in a tunne & comen babilones men.
& wenden forte habben golthord ifunden & tobreken 
+tt feat & we for+d & fulden +ta +te widnesse 
of +te worlde. 
   [{S{]tille beo +tu stille. q+d ha earmest alre +tinge. 
ne schalt tu alde schucke motin wi+d me
mare. Ah flih sorhfule feond of min ehsih+de. 
& def +tider as +tu mon ne derue namare. wi+d 
+tt illke +te eor+de to-tweamde. & bitunde him. & 
he rarinde rad ruglunge in-to helle. 
   [{I{]ne marhen sende hise men olibrius +te lu+dere 
<P 84>
to bringen. hire biuoren him. & heo blescede 
hire & com baldeliche for+d. striken men +tiderward 
of eauer-euch strete for to seo +tt sorhe +tet 
me walde leggen on hire leofliche bodi. +gef 
ha to +te reues read ne buhe ne ne beide. 
   [{M{]eiden q+d he Margarete. +get ich bidde & bodie. 
+tt tu wurche mi wil & wur+dgi mine maumez. 
& te tide & te time schal beon iblescet +tt 
tu ibore were. Nai q+d ha ne kepe ich nawt +tt 
me blesci me swa. Ah hit were +ti +gein & ti god 
ba+de. +tt tu +te geast unblescet efter blesceunge 
ga & heie godd al-mihti heh heouenliche feader 
& his selcude sune iesu crist +tt is so+d mon & go+d 
no+deletere. Ah +tu witlese wiht wurchest as +tu art
wur+de; blodles & banles. dumbe & deaue ba+de. & 
+get tu wurchest wurse. for +te unsehene unwihtes 
wunie+d ham in-wi+d. Ant tu ase +tine lauerdes. luuest ham &    #
heiest [^D'ARDENNE: heieft^]
   [{H{]im bigon to gremien 
& o grome gredde. Strupe+d hire steort-naket 
& heoue+d hire on heh up; Swa +tt ha hongi to mede 
of hire hokeres & on-tende+d hire bodi wi+d bearninde 
teaperes. +te driueles unduhtie swa duden 
sone. +tt te hude snawhwit swartede as hit snercte. 
& bearst on to bleinin as hit aras ouer-al & hire 
leofliche lich reschte of +te leie swa +tt alle remden.
<P 85>
+tt on hire softe siden sehen +tt rew+de. Ant heo 
bigon to bidden daui+des bone. heh healent godd 
wi+d +te halewende fur of +te hali gast moncune 
froure. froure min heorte. & te lei of +ti luue 
leiti i mine lenden. +get him cwe+d olibrius reuene lu+derest.
   [{L{]ef meiden mi read wurch +tt 
ich wilni. Ear +ten +tu +tt lif lu+derliche lete. Lu+derliche
ich liuede q+d ha +gef ich +te ilefde. Ah +gef 
ich +tus deie? mi dea+d is deorewur+de & dure in-to 
eche liue. +tu swenchest te swi+de. & ne spedest 
nawhit. forte wurchen on me meiden an +tt ich am. 
Ah wergest +te-seoluen mi lauerd haued mine limen 
sunderliche iseilet. & haue+d to mi +gimstan +tt 
ich +gettede him i+garket & i+geue me kempene 
crune. +ta war+d he swi+de wod & bed o wre+d+de bringen 
for+d A uetles ful of weattre. & binden hire ba+te 
+te fet & te honden & dusten to +te grunde. +tt ha 
deah drohe & druncnede +terinne. Me dude as he don 
het. & heo biheold on heh up & cleopede towart heouene. 
   [{A{]lre kingene king brec mine bondes 
+tt ich & alle +tt so+d hit. heien +te & herien. +tis weater
<P 86>
mote iwur+de me wunsum & softe. & lef me +tt 
hit to me; beo bea+d of blisse. & fulluht of fontstan. 
halhunge & leome. of eche lif. heale. Cume 
+te haligast o culures iliche +te o +ti blisfule nome 
blesci +teos weattres. festne wi+d fulluht mi sawle 
to +te-seoluen. & wi+d +tes ilke weattres wesch me 
wi+d-innen. & warp from me a-wei eauer-euch
sunne. & bring me to +ti brihte bur brudgume 
of wunne. Ich underuo her fulluht o deore drihtines 
nome & on his deorewur+de sunes. & o +tes hali 
gastes on godd i godlec itunet & unto-dealet. Nefde 
bute iseid swa; +tt al +te eor+de ne bigon to cwakien 
& to cwauien. & com a culure beornind se briht 
as +tah ha bearnde a guldene crune. & sette hire 
o+tt seli meidenes heaued. wi+d +tt ilke breken & bursten 
hire bondes & heo ase schene ase schininde 
sunne wende up of +te weater singinde a loftsong. 
+tt daui+d +te witege wrahte feor +ter-biuoren 
criste to wurdmunt mi luf-sume lauerd. q+d ha he 
cude+d ase king +tt he rixle+d ariht. feierlec & 
streng+de. beo+d hise schrudes. & igurd he is ham 
on; +tet acumeliche fearen & semliche sitten. 
   [{C{]vm q+d +te culure wi+d schilinde steauene. ant 
<P 87>
stih to +te wunne & to +te weole of heouene.  
Eadi were +tu meiden. +ta +tu chure mei+dhad. +te 
of alle mihtes is cwen. for-+ti +tu schalt. aa bruken 
in blisse buten ende crunene brihtest.
   [{O{] +tt ilke time turden to ure lauerd; fif +tusent
men +get wi+d-uten itald children & wummen.
& alle weren anan-riht as +te reue 
het hit o cristes kinewur+de nome hefdes bicoruen. 
In a burh of armenie caplimet inempnet. 
alle heriende godd wi+d up-aheue steuene; 
& stihen alle martyrs wi+d murhde to heouene.
   [{+T{]e reue rudnede al of grome se him gromede 
& ward swa wra+d & swa awed; +tt he al o wodschipe
demde hire to dea+te. & het on hot-heorte 
+tt me hire heued wi+d schimminde [^D'ARDENNE: schimmnde^]      #
& scharp sweord 
wi+d blikinde & bitel brond to-tweamde from 
+te bodie. leiden honden on hire +teo +te ihaten 
weren & bunden hire +tt tet blod bearst ut et 
te neiles. & wi+d-ute +te burh. ledden to biheafdin. 
   [{M{]eiden q+d Malcus streche for+d +tt swire scharp 
sweord to underuon. for ich mot +ti bone beon. 
& +tt me is wa uore. +gef ich mahte +ter-wi+d. 
for ich iseo godd seolf wi+d his eadie engles 
bitrumme +te abuten. Abid me +tenne bro+ter 
<P 88>
q+d ha hwil +tt ich ibidde me. & biteache him mi 
gast & mi bodi ba+de. to ro; & to reste. I bide 
+te baldeliche. hwil +te god like+d. & heo bigon 
on hire cneon forte cneolin adun. & bli+de wi+d 
+teos bone ber on heh iheuen up honden towart heouene. 
   [{D{]rihtin leodes lauerd duhtie. +ttah ha dearne 
beon. & derne +tine domes. me is nu dea+d 
idemet her. & wi+d +te; lif ilenet. +ti milde milce 
ich +tonki hit +tu folkes feader of frumscheft 
schuptest a+tt ischepen is. +tu wisest wurhte of 
alle. merkedest +te heouene & mote wi+d +ti strahte 
hond. & wi+d +te icluhte +te eor+de. +tu steores mon 
of sea-stream. +tu wissent & wealdent of alle 
wiht +te iwrahte beo+d seheliche ant unsehene. 
buh +tine earen healent godd. & bei to mine 
benen. Ich bidde & biseche +te; +tt art mi weole & 
wunne. +tt hwa-se eauer boc writ of mi lif-lade. 
o+der bi-+get hit iwriten o+der halt hit & haue+d. 
oftest on honde. o+der hwa-se hit eauer rede+d o+der 
+tene redere. bli+deliche luste+d wealdent of heouene 
wur+de ham alle sone hare sunnen for-+geuene. 
<P 89>
Hwa-se on mi nome make+d chapele o+der 
chirche. o+der finde+d in ham liht; o+der lampe; 
+te leome +gef ham lauerd. & +gette him of heouene. 
I +tet hus +ter wummon pine+d o childe; Sone se 
ha munne+d +ti nome. & mi pine lauerd; lauerd hihendliche
help hire & her hire bene. ne i +te hus 
ne beo iboren. na mis-limet bearn now+der halt 
ne houeret. Now+der dumbe ne deaf ne ideruet 
of deofle. & hwa-se eauer mi nome munege+d wi+d 
mu+de. luueliche lauerd. et te lelaste. dom ales him. from      #
dea+de. 
   [{W{]i+d +tis +ta +tuhte hit as +tah 
a +tunre dunede. & com a culure se briht 
as +tah ha bearnde. of heouene. wi+d a rode leitinde 
of liht & of leome. & te meiden duuelungc 
feol dun to +ter eor+de. & com +te culure ant ran 
hire & rihte up; wi+d +te rode. & seide hire sweteliche 
to wi+d swotest a steauene. Eadi art tu meiden 
bimong alle wummen. +tt eoli halwende hauest 
& halsum isoht efter. & alle sunfule men 
imuneget i +tine benen. & i +tine eadie beoden. Bi meseolf 
ich swerie. & bi min heouenlich hird. +tt tine 
beoden beo+d +te treoweliche itu+det. & for alle +teo 
<P 90>
iherd; +te +tu uore ibeden hauest. & muche mare 
is i+geuen to +teo +te munie+d +ti nome. & i+gettet 
moni +ting; +tt nu nis nawt imuneget. Hwerse
eauer +ti bodi. o+der ei of +tine ban beon. oder 
boc of +ti pine; cume +te sunfule mon. & legge 
his mu+d +ter-up-on; ich salui him his sunnen. 
ne ne schal nan unwhit wunien in +te wanes. +ter 
+ti martyrdom is iwriten inne. & alle of +te +tus 
schulen gleadien i godes gri+d. & i gasteliche luue 
& alle +te +te bidde+d to +garkin ich +getti ham of hare 
bruchen bote. & tu art eadi & te stude +tt tu on restet. 
Ant alle +teo +te +turh +te schulen turne to me. 
Cum nu for ich kepe +te brud to +ti brudgume. Cum 
leof to +ti lif. for ich copni +ti cume. brihtest bur 
abitt te leof hihe +te to me. Cum nu to mi kinedom. 
leaf +tt leode se lah. & tu schalt wealde wi+d 
me. al +tt ich iwald ah. 
   [{+T{]e steuene stutte & heo stod up alre burde 
blidest. & bigon to bidden +teo +te hire abuten
weren. & hire dea+d bi-wopen. +tt ha schulde +tolien.
leote+d nu & leaue+d ower ladliche nur+d. & gleade+d 
alle wi+d me. +te me god unnen. for +ge habbe+d iherd. 
+gef +ge hercneden riht. Hwet te hehe healent 
haue+d me bihaten. Ant as +ge luuie+d ow-seolf leofliche 
<P 91>
ich ow leare. +tt +ge habben mi nome muchel 
ine munde. For ich chulle bidden for +teo 
bli+deliche in heouene. +te ofte munne+d mi [^D'ARDENNE: ni^]   #
nome. 
& munege+d on eor+de. wi+d bli+de heorte beore+d me 
genge for te herien +te king +tt haue+d icore me 
worldes wurhte. & wealdent of alle iwrahte +tinges. 
+te ich +tonki +trof. +te ich heie & herie heouenliche 
healent. for +ti deorewur+de nome ich habbe 
i-drohe nowcin. & neome dea+d nu+de. ant tu nim  
me to +te; godd of al +tt god is ordfrume & ende. 
Beo +tu aa iblescet & ti blisfule sune iesu crist bi 
his nome. wi+d +te hali gast +tt glit of inc ba+de. 
+ge +treo ant tah an; in hades to-tweamet, in
hehschipe unto-dealet iteit & itunet an godd unagin.
wurdschipe & wur+dmunt wur+de to +te ane 
from worlde in-to worlde aa on ecnesse.  
   [{E{]fter +teos bone +ta beah ha +te swire. & cwe+d to
se cwellere. Do nu bro+der hihendliche +tt te is
ihaten. Nai q+d he nulle ich no. for ich habbe 
iherd hu drihtines deore mu+d haue+d wi+d +te imotet. 
+tu most q+d +te meiden nedunge don hit. for 
+gef +tu ne dest no; ne schalt tu habbe wi+d me dale 
[^THE PRECEDING LINE FROM THE COMPUTER TAPE UNDERLYING 
D'ARDENNES'S EDITION: IN THE PRINTED EDITION LINE 9 ERRONEOUS^]
in heoueriche. Ant he wi+d +tt hef up hetelest alre 
wepne ant smat smeotliche a-dun +tt te dunt defde 
<P 92>
in. & +tt bodi beide & +tt scherpe sweord scher  
hire wi+d +te schuldren & beah to +ter eor+de. & te 
gast steah up to +tt istirrede bur bli+de to heouene.  
He +te +tene dunt +gef; +geide mit tet ilke. Drihtin 
do me merci. & milce of +tis dede of +tis sunne 
lauerd loke me salue. & feol of fearlac adun 
on hire riht-halue.  
   [{C{]omen lihtinte +ta +te engles of leome. & seten 
ant sungen on hire bodi bilehwit & iblesceden 
hit. +te feondes +te +ter weren deadliche idoruen. 
fengen to +geien. Margarete meiden. leo+de 
nu+de lanhure. & lowse ure bondes. we beo+d wel 
icnawen. +tt nis na lauerd bute godd. +te +tu on leuest. 
Turnden +ta +turh +tis to crist swi+de monie. 
Ant comen dumbe & deaue to hire bodi as hit 
lei. & botneden alle. +te engles as ha beren +te 
sawle in hare bearmes; sihen towart heouene. 
Ant sungen ase ha stuhen up wi+d sweteste steuene. 
(\Sanctus Sanctus Sanctus Dominus deus sabaot. & cetera.\) Hali
is. Hali is. +te lauerd of heouenliche weordes.
<P 93>
heouene is ful & eor+de of +tine wur+tfule weolen.
Alre wihte wealdent. in hehnesse heal us; Iblescet 
beo +te bearnnes cume. +te com i drihtines nome. 
heale in hehnesse. wi+d +tt; +ta bigunnen +te gastes 
of helle to +teoten. & to +gellen. & tuhen alle 
to hire bodi +te untrume weren; & hefden hare heale. 



