<B CMMETHAM>
<Q MX/4 IS HANDO METHP>
<N PHYSIOGNOMY>
<A METHAM JOHN>
<C MX/4>
<O X>
<M 1420-1500>
<K X>
<D EML>
<V PROSE>
<T HANDB OTHER>
<G X>
<F X>
<W WRITTEN>
<X MALE>
<Y X>
<H PROF>
<U NON-PROF>
<E X>
<J X>
<I X>
<Z INSTR SEC>
<S SAMPLE X>


[^METHAM, JOHN.
TEXT:  PHYSIOGNOMY.
THE WORKS OF JOHN METHAM INCLUDING
THE ROMANCE OF AMORYUS AND CLEOPES.
EARLY ENGLISH TEXT SOCIETY, O.S. 132.
ED. H. CRAIG.
LONDON, 1916.
PP. 124.5 - 132.31  (SAMPLE 1)

METHAM, JOHN.
TEXT:  DAYS OF THE MOON.
Idem.
PP. 148.1 - 156.5   (SAMPLE 2)^]

<S SAMPLE 1>
<P 124>
   Blake browys, thei sygnyfye gret dysposycion to lecchery;
thei betokyn gret wyttys, hardenes allso off hert, and
hardynes.
   The eye lyddys sumtyme be fulle and in maner bolnyd off
kend, and sumtyme thei be thynne; qwereffore this ys the
sentens off myne autoure, - the ouerlyd off the eye, yff yt be
bolnyd, yt sygnyfyyt[{h{] a gret sleper; and yff yt be thynne,
yt sygnyffyith the contrary.
   The neder-lyd, yff yt be thyk and ful, yt sygnyfyith         #
hastynes
and sotelnes; yff yt be thinne, yt synyffyith the contrary.
   Here determynyth myne autoure of tokynnys off the eyn
most in specyal; for that thei be most euydent schewerrys
off man and womannys dysposycion in generally.
   In the begynnyng, ye schal conceyue that in euery hole
eye be thre partys: that ys, the qwyte or the balle off the
eye; the cerkyl or the roundel off the eye, the qwyche ys
sum-tyme graye lyke the ey off a catte, sumtyme lyke the
coloure off the fyrmament qwan the aer ys clere, sumtyme
blak grey lyke the eyn off doggys, sumtyme odyr colourrys,
as this chapetyr schal make mencion; the thyrd parte off
the ey ys the syte, the qwyche ys yn the myddys, off one
coloure alwey, the qwyche coloure ys blak; - and this ys 
the fyrst sentens of myne autour: 
   Eyn the qwyche be clene, as the drop off water schynyng,
thei sygnyfye lyberalte and kendnes off hert, yff so be that
odyr sygnys in the face acorde in godenes.
   Q[{w{]an the ballys off the eyn be smale, thei sygnyffye
dysceyuabylnes and sotelte off wytt, the qwyche be lykynnyd
to appys and foxys.
<P 125>
   Q[{w{]an the one balle of a man or womannys eye be
gretter than the odyr, yt betokynnyth malyce and
wykkydnes.
   Q[{w{]an the ballys off the eyn turne rownde in the hed as
a qwele, yt muste be lokyd qwydyr thei meue bothe one wey,
or ellys one one wey and a-nodyr a-nodyr wey; yff thei meue
bothe one wey, thei sygnyfye a passyng vycyus persone, and
fulle off crwell and euyl ymagynacionnys, and full off
vengauns, doyng manslaught: and yff sqwyche maner eyn
meue noght contynwally; but sumtyme thei meve inward,
and sumtyme aboute, and sumtyme stonde stylle, yt sygnyfyith
that her malycyus entent ys noght fulffyllyd; but that
thei reuolue yt in her mend; that ys to sey, her malyce ys
noght performyd in dede.
   Eyn the qwyche be fast meuyng, yff the lyddys meue
noght but qwan and qwan, thei betokyn sturdynes and boldnes
off spyryte.
   Q[{w{]an the ye lyddys meue faste in a manys or a womennys
talkyng, and the eyi selff meue noght, yt sygnyffyith
ferffulnes and faylyng off wyttys. 
   Thei that kepe her eyn stabyl, yff the coloure be pale off
the eyn and slepi or dedly, yff that persone meue hys brouys
in hys lokyng with a scharpe spyryte, yt sygnyfyith frowardnes,
onwysdam, and gret passyonnys off wrath.
   Thei that haue rede eyn, noght offtyn meuyng but stondyng
stedfastely, thei sygnyfye dysposycion to lecchery and ontrwth
and dysceyuabylnes.
   Eyn stondyng alluey with moystur, smale in qwantyte,
with a pleyn forhed, with meuyng eyelyddys, thei sygnyffye
a gode wyt and a retentyff, and wele dysposyd to lernyng.
   Eyn that meue faste and sodenly betokyn trobyl in that
persone that hath hem, and that he ys syspicyus, and in tho
thyngys the qwyche he purposyth to doo, longe or late to
perform hem; and yff that parsonys eye-lyddes meue as
faste as the ballys, yt sygnyffyith ferffulnes; and yff yt be
<P 126>
so that the eyn meue faster than the eye-lyddys, yt betokynnyth
that in a nede that persone ys hardy and trwe.
   Thei that haue slowe meuyng eyn in maner slepy, tho
personys be off harde wyttys, slow in the begynnyng, and
in the laste endyng hard.
   Qwer-ffore myne autoure enclyneth rather to fayre brygh[{t{]
eyn, meuyng fast than meuyng slowly, as to the sygnyffying
off wytty dysposycion.
   Eyn the qwyche meue be no certeyn cours, but meue
dyfferently, sum roundely, sumtyme endelyngys, yff the eyn
be grete and dymme, thei sygnyffyie ontemperatnes off
lecchery.
   And this ys a generall reule, that euery eyi that ys         #
continually
moyste ys more commendabyl and more in vertuus
sygnyffycacion, than that eye that apperyth drye.
   Spottys lyke perlys in the balle off the eye, that ys to sey
in the qwte off the eye, the qwych perlys or spottys be in
the circuyte, rede, sangwyne, or yelw, or qwyte, thei sygnyffye
enuyusnes, flatery, ontrwth, and dysceyuabylnes, and
dysposycion to alle euyl, off alle vycys; fore off alle         #
repreuabyl
sygnys thise spottys, lyke to bleynnys, be the werst,
qwat coloure sum-euer that thei be.
   Now myne autour spekyth off the cerkyl the qwyche
dyuydyth the qwyte off the eye in the be-holdyng fro the
syte; - the syte, as I seyd in the begynny[{n{]g, ys the rounde
blak spot in the myddys off yche seeyng eye.
   Thys cerkyl off sundry colourys in ych eye doth appere;
as blake, gray, and blw, lyke medely, the qwyche cerkyllys
in sum thyngys varyi in euery creature in sum tokynne:
qwer-ffore this tokyn muste nedys be wysely consedyrryd;
for-as-myche as yt ys specyal in this syens.
   Fyrst this ys the sygnyffycacion off browne cerkyllys,
the qwyche be clepyd blake eyn in commun langage; but
in this chapetur to swe myn autour, yt were noght proffytabyl
<P 127>
to the rederrys, noudyr to the hererrys. Qwerfore for
a ground I begynne thus:
   In euery man and womannys ey nest the qwyte, ther ys
a cerkyl off sundry colourys, yff ye beholde yt wysely,
the qwyche cerkyl hath a streys brede nere in sum eye, but
yt ys chongabyl and varying in euery eye. And in this
cerkyl, yff yt be wysely beholde, yt stondyth ful off spottys,
alle maner off colourys representyng; but in specyal a fatyd
blw, and a fatyd blak, that in specyal this cerkyl stondyth
by; and be-syde thise ther be in that cerkyl pale spottys, 
or yewlu, or very red, or lyke to a rede that ys fatyd, or
sangwyne, or dunne, or blwe; the qwyche colourys haue
dyuerse sygnyffycacionnys, as I schal expres in this chapetur.
   And ye schal conseyue that this hope in sundry eyn ys
colouryd lyke the reynbow, noght with spottys, but one
cerkyl with-in a-nodyr off sundry colourys. Moreouer, in
euery eye wele dysposyd ther be tweyn lynys departyng this
hope fro odyr partys off the eye; that ys to sey, fro the
qwyte and fro the bal, the qwyche ys clepyd acyes; that ys
to say, the scharp or the syte. This reule muste be vndyrstode,
that ye may the more clerely vndyrstond odyr folwyng. 
   And alwey consyder this, that the most effecte, qwedyr
yt be in gode or euyl, ys yff thise forseyd colourys be in
her owne kend; that ys to sey, a rede, the qwyche ys namyd
rede in this syens, to be very rede in hys kend, and so off
alle colourys; for yff yt be so that myne autoure rehers,
that he the qwyche hath rede lynys in the qwyte off hys
eye, yff that rede be in hys kende, the betokynnyng ys the
more effectual in euyl. Now affter myn autoure thus he
be-gynnyth:
   Blake eyn, the qwyche be in her kend, betokyn onmyghtynes
off vertuus strengh, and euyl wyldnes, and
dysposyd to gret getyng, and euer ther-vpon gredy, the
<P 128>
qwyche be namyd in Grwe (\thopotyoy\) . Be-syd thise blake
eyn ther be odyr namyd blake yin, the qwyche qwan thei
be sodenly beholdyn thei seme blake; for be that coloure
thei stond most: but in thise yin ther be rede spottys,
noght verry red in hys kend; but as a fatyd coloure.
Thise betokyn a keend and a gentyl hert, dysposyd to
honeste, and to rygtfulnes, and to haue a gret wytte, and
to be hardy. And in sqwyche blake eyn, yff ther be spottys
very reede and noght rounde, in maner rede as fyre, and
with-in tho spottys ther be odyr off pale coloure, and odyr
cerkyllys off yelw coloure with-in aboute the syte off the
ye, qwydyr the balle off the ye be off blody coloure, or
pale or with pyrlys; yff also sqwyche maner off yin meue
fast, with-owte meuyng of the eye-lyddys, kepyng hem
alwey opyn, - in that persone regnyth alle euyl dyspocycion
off hastynes, and malyce, and crwelnes. And doctour
Palemon, be exsampyl, concludyth vpon this tokyn in hys
tragedy, the thyrd metyr, vp-on Herculys, qwere he
begynnyth (\in aladis oculis\) . Cerkyllys blake in the qwyche
ther appere sangwyne dropys or pale, conioynyd or medyld,
euyl dysposycion and leccherusnes, thei betokyn; and the
more pale that thei be, the more hardynes thei sygnyffye off
sleyng off men, and vse off lecchery. But this ys the
certytude off thise tokynnys: That the more apperyng and
the bryter off colourrys that thise dropys be, the gretter
euyl off crwelnes and malice and vycyus lyuyng thei betokyn
in euery complexion.
   A lytyl cerkyl off rede in a moyste eye with-owte
scharpnes off coloure, yff no schappe off scharpenes
appere ouer that cerkyl, yt sygnyffyith wysdam and ryghtffulnes
and a gret wytt. And yff afftyr this blak cerkyl
a pale cerkyl folw, yt sygnyffyith dysceyuabylnes and
theuyschnes, nygardchyp, and leccherushed. And offtyn
yt happyith that ther be as many colourrys in the cerkyl
as apperrys in the reynbow; qwerffore yff sqwyche colourys
<P 129>
appere in the eye, the qwyche in the beholdyng ys drye thei
sygnyffye madnes. And yff yt be so that this tokyn appere
in a moyst eye, yt sygnyfyith gret hastynes, wysdam, and
redynes to lecchery.
   Qwan yt ys so that the eye in qwantyte be noght smalle,
that ys to sey in opynnyng, in the grettnes off the
balle, ner off the cerkyl, ner off the syght, yff the eye
be noght fyx in consydyrracion, yt betokynnyth stabylnes
off purpose. Eyn the qwyche meuyn vppward, as thow
thei schuld beholde the fyrmament, thei sygnyfye maddenes
and dysyrys off the flesch. And yff sqwyche maner eyn
be offtyn twynkylyng, the[{i{] sygnyfye the more malice.
Also sqwyche maner off eyn, yff thei be off pale coloure,
thei sygnyffye so hasty dysposycion, that ther folowyth         #
manslaught.
And yff sqwyche maner off eyn be-ffore rehersyd
be gret in qwantyte and red off coloure, the[{i{] sygnyffye
gret bosturrys and gret dysposycion to lecchery and
temperatnes off speche and grettenes off voyse; and the
most dysposycion to alle vycys regnyth in tho personys the
qwyche haue sqwyche maner off eyn. Eyn turnyng bakward
in here meuyng, as folk do qwanne thei begynne to slepe,
thei [{sygnyfye{] onmekenes, and that yt ys grete dyffyculte
to plese sqwyche personys, thei be so froward. Eyn the
qwyche ben clepyd gogyl-eyn, yff her meuyng be owteward
to the rygh[{t{] syde, and the stondyng off the syte be the
same wey, the[{i{] sygnyffye foltyschnes; and yff thei meue to
the lyffte syde, the[{i{] sygnyffye gret dysposycion to         #
lecchery.
   And yff sqwyche maner off eyn, that ys to sey gogyl-eyn,
haue her meuyng to the nose-ward, yff thei be moyste
and yff the browys mete nyghe to-gydyr, thei [{sygnyfye{]
lecchery and lyberalnes and kendnes. And yff they be
drye and myche staryng, the[{i{] sygnyffye onclennes and
wykkydnes. And yff sqwyche maner off eyn be alwey
twynkelyng, thei sygnyffye that he dar noght thynke no
<P 130>
wykkydnes ner frowardnes. Euery holle eye, be sympyl
sygnyfycacion, betokynyth euyl; and qwan thei be grete
and moyste, that tokyn reuokyth the vyce off the                #
betokynny[{n{]g.
Smale eyn, qwan thei be holle, thei sygnyffye
enuyusnes. Eyn meuyng nere gret in qwantyte with rede
lynys in the qwyght, thei sygnyffye ferffulnes and flatery.
   Schynyng eyn and in maner styrtyng aboute, yff thei be
pasyng grete, thei acord to the dysposycion off ryghtffulnes
and wodenes. But qwan thei be of amenabyl gretnes, moyste
and schynyng, thei sygnyffye gret nobylnes and gret             #
ymagynacionnys
off wysdam, dysposycion also to wrathe and to
drynkyng off wyne, gret dysyre off wurchyp; also thei
sygnyfye manffulnes and hardynes; - and sqwyche maner off 
eyn, myne mayster Offaryas seyth, Alysaundyr the conqweroure
had. Eyn the qwyche be dymme, in maner to folkys
beholdyng semyblynd, thei sygnyffye ontrwth; qwerfore in
this syens euery bryght eye ys preysyd. Eyn the qwyche be
scharp of loke, qwan thei be moyste, thei sygnyfye dysposycion
to werre and to stryfe and off boldenes off hert;
and sqwyche personys schuld be delyuyr in alle here werkys
and wele auysyd, but yit thei schuld be schrewysch. And
thei that loke scharply with smale eyn, holle and drye, thei
be enuyus with-owte dyscrecion, qwan thei be meuyd,             #
sotelwyttyd.
This tokyn is more in the effecte qwan the
forehed hangyth ferre ouer the eyn and the browys, gret
bothe in qwantyte off flesch, and off herys gret multytude.
Eyn the qwyche twynkyl and in maner lawgh with the
chere, yff the eye off the self be drye, thei sygnyffye gret
malyce. But this myne autour gretly doth note, that qwan
the eyn smyle with the chere, yff the chekys, the browys,
and the forhed meue and chonge in-to gladnes, this maner
off laughyng ys repreuabyl; for sqwyche personys thei
mene euyl and be ful off dysseyt; - extorcionerys,              #
forsqwerrerys,
and wayterrys to deprehend men off here speche,
and in her talkyng to reporte euyl iff owte thei can gete
<P 131>
to iangyl off hem be-hynd hem to hyndyr hem; for the
malyce off hem ys so grete, that yff thei myght slee a man
with a word thei wold do yt. Myne autour seyth that in
hys dayis he knwe many sqwyche personys that had this
maner off laughyng, the qwyche personys yaue hem-selff
for malyce to be vengyd, thral and bond, to the kynge
off Egyppte, fro ther owne kyng; and he dampnyth this
tokyn off alle tokynnys, seyng that thiis tokynis be trwe
with-owte more addycacionnys. And I that tran[{s{]late
this boke adde this off uery knowyng off personys lyuyng in
my days: Among alle Englysch men I fynd many Northffolk
men the qwyche haue this maner off laughyng; that I know
be dysseyuabyl and fals off here behestys, passyng enuyus
and fulle off malyce and euer onstedffaste, ontrw, and ful
off lesyngys. Qwereffore as myne autourrys, - Arystotyl the
gret phylysophyr, and Arystotyl the secunde, kyngys sone
off Cryse, and Loxy, Phylemon, and Palemon dampne this
tokyn, ryght so I dampne yt, counselyng them that schal
rede this boke off alle sqwyche, for thei be noght to trost
vpon, to be-ware.
   More-ouer, thei that in maner loke morny[{n{]gly             #
contynnually,
and make a solen chere off dysposycion natural, and
noght off pride, yff sqwyche a personys eyn be moyste, yt
ys a tokyn off gret stody and gret laboure in many syens;
and this tokyn ys moste trwe qwan the browys be pleyn,
with a pleyn forhed. And yff yt be so that sqwyche a sad
chere hath drye eyn, with a frounyng forhed, and a scharp
loke, yt ys a tokyn off hastynes and off gret hardynes.
Eyn the qwyche be contynually halff closyd and offtyn 
speryd with knyttyng off browys, thei sygnyffye euyl
condycionnys off tecchys, theuysch. Eyn the qwyche be
myche styrtyng a-boute, thei sygnyfye thoutys off inwarde
troubyl or off vanyte; but the maner off thowghtys,
<P 132>
qwedyr thei be off gode or off euyl, be thise tokynnys ye
schal knowe: for yff thei be moyst and schynyng, yff thei
be gret in qwantyte, yff thei stond fere inward, yff thei
be meke in the beholdyng, and soffte, thise tokynnys be
off gode thowghtys; and yff thei be drye and dymme,
smale, holle, harde, thei sygnyffye euyl thowghtys and
ymagynacionnys.
   Eyn the qwyche stare alwey, gret off qwantyte, thei
betokyn vanyte and dulnes off wytt and frowardnes and
leccherushed. Eyn the qwyche meue stylly, and offte stonde
stylle demurely, and louely, sumqwat moyst in the beholdyn,
tho personys be meke, stodyerrys in vertuusnes and louyng;
and sqwyche maner off eyn be pale or rede, with drynes,         #
the[{i{]
sygnyffy gret hastynes and dysposycion to wodenes. Eyn the
qwyche be purblynde naturally betokyn gredynes, intemperatnes,
onwysdam and dysposycion to thefft. They that
haue browys hangyn ouer the eyn, and in her speche meue
bothe the eye-lyddys with the ballys, tho personys be ferfful.
They that meue and lyfft vp the browys and the lyddys and
sone letyth them falle, thei be dysyrerys off beute and         #
fayrenes.
   Sumtyme yt happyth that the ouyr eye-lyd ys rysyng in
the myddys in the maner off a tryangyl, thus [^FIGURE           #
OMITTED^] ; yt sygnyffyith
men-sleerrys and ontrwe keperys off wedlok. The
herys off the eye-lyddys, qwan thei be styff and blak, in an
euyl-dysposyd face be physnomy, thei make bettyr the 
tokynnys, and thei adde to the sygnyfycacionys off prosperyte,
sygnyfying strengh off hert and god dysposycion off the
spyrytuwal membrys. Thus I leue off the tokynnys off the
eyn, thow yt be so that here I determyne nowght fully; but
be thise tokynnys yche wyse vndyrstonder off this boke schal
perceyue myche more. 

<S SAMPLE 2>

<Q MX/4 IS HANDA METHD>
<N DAYS OF MOON>
<A METHAM JOHN>
<C MX/4>
<O X>
<M 1420-1500>
<K X>
<D EML>
<V PROSE>
<T HANDB ASTRONOMY>
<G X>
<F X>
<W WRITTEN>
<X MALE>
<Y X>
<H PROF>
<U NON-PROF>
<E X>
<J X>
<I X>
<Z INSTR SEC>

<P 148>
[} [\DAYS OF THE MOON\] }]

   As Haly wyttnessyth, the gret astrolegere, off days namyd
cretyk, the qwyche he calkyllyd, and drof owte be
gret conclusyonnys off astronomye, qwyche schuld be moste
fortunate to the vse off man, as the days of yche mone; for
he concludyth be sundry resunnys, that the mone schuld,
for her propynqwyte, sundry in-dysposycion off nature           #
werkyngys,
cause; schuld also in ther regyon haue more strengh,
qwere sche hath domyny, than in an odyr, off werkyng.
And this tretys ys compylyd to yeff knowlech to the lysterys,
qwyche days be moste expedyent to begynne ony werk vp-on,
to take vyage ouer the see, to blede for ony sekenes, to knowe
qwat schuld be-falle off hym that sekenyth in ony day off
the mone, and off odyr thingys yt tretyth, as the rederrys
schal fynde: - fyrste asay this tretys and so appreue yt,
quod Jon Metham.
   (\Diuersis de causis phi determinauere prima dies cretica 
etc.\)
   The fyrste day off the mone ys fortunat to begynne euery
god werk vpon; in qwyche wordys ye schal conseyue alle
wor[{l{]dely occupacionnys excepte the excepcionys here         #
foluyng,
the qwyche ben expressyd in the chapetrys here
foluyng:
   That persone that ys born the fyrste day off the mone
schuld be dysposyd to be wyse and dyscrete and longe
lyffyd, dysposyd to haue gret vexacion and gret labour; but
he schuld be gret labour owercome yt at the laste; that persone
the qwyche takyth ony actual sekenes that day schuld
long be vexyd ther-with, but at the laste he schuld with gret
hardedes skape yt; qwat that a man dreme that nyght, but
<P 149>
yff yt were off dede bodyis or off cartys, yt schuld turne to
gode; but this day, for no nede, a man schuld blede; but
yff so a body were take with a pestylens agwe, a body
schuld noght blede for none odyr infyrmyte.
   The secunde day off the mone ys prosperus to begynne
alle werkys vpon; he that weddyth a wyfe that [{day{] schuld
lyffe longe with hys wyffe in prosperyte for the moste parte;
this day ys apte to calkulerys, yff so be that the sunne be in
the hows off Saturne; he that ys born that day schulde come
to wurchyp and be dysposyd to vertu; yff a man or a woman
take sekenes that day, they schuld sone recouer; qwat that
a man dreme schuld be but vanyte; vp-on that day ys good
bledyngys.
   The thyrd day off the mone ys noght fortunat to begynne
ony werke vp-on, for oudyr the werke schuld myscheue, or
be ongratyus, or ellys yt schuld come to a froward ende;
a man schuld no iurney take vp-on this day; yff a man take
sekenes that day, late or neuer he schuld recouer; he that
ys born that day schuld be dysposyd to thefft and couetyse,
and dey myscheuusly; yt ys parel to blede vp-on that day. 
   The fourthe day ys gode to begynne euery wordly ocupacion,
and prync[{i{]pally to seke spryngys for wellys off 
water, to seke also veynys off metel, and mynys off sonde,
grauel, and cley; he that ys born that day schuld gretly be
dysposyd to lecchery, and he schuld haue gret vexsacion,
but he schuld wele ouercome yt; yt ys gode that day to take
vyage ouer the see, yff the wynde wul serue; he that fallyth
seke vp-on this day schuld sone dey; for nede a man myght
blede vp-on this day, betwene .ij. at afternone and .iij.
   The fyfte day ys noght spedeful to begynne ony werk
vp-on; he that ys born that day schuld be lunatyk or ellys
foltysch; he that falyth seke that day but yff he amend within
xxiiij=ti= hourys, he schuld sone dey; yt ys perlyus to pase
the see that day; qwat that a man dreme that nyght afftyr 
mydnygh[{t{] schuld falle the neste day be sum symylytude;
<P 150>
but myne autore forbedyth a man to telle hys dreme tyl the
effecte falle; that day ys gode bledyng afftyr vnderne.
   The .vj. day off the mone ys lukky for hem that wul go
an-huntyng and haukyng, yff the wedyr be temperat; he
that ys born that day schuld be happy, to, goode, bolde,
hardy, and wyse; yff a woman were born that day, sche
schuld be fortunat to haue goode husbondys; yff a man falle
in-to sekenes that day, yt schuld contynw longe tyme, but at
the laste, in a coniuncion off the sunne and the mone, he
schuld skape yt; and qwat that a man or a woman dreme,
yt schuld be-falle with-in that yere; that day ys gode to
begynne edyfying of placys, and to begynne alle odyr werkys,
and eke to blede.
   The .vij. day ys fortunat to begynne alle werkys vp-on;
that persone [{that ys born{] that day schuld be dysposyd to
be sotel off wytt and dyuerse off condycionnys and chongabyl,
and dysposyd to lyfe longe; and yff a body falle in-to sekenes
that day, he schuld sone r[{e{]couer; and [{qwat that{]
a man dremyth schuld turne to trwthe with-in half a yere;
yt ys spedeful that day to go a wowyng, and specyally yff
the planete off Venus be in the .x. yere off her cours regnyng.
   The viij ys fortunat to alle verkys; he that ys born that 
day schuld gretly be dysposyd to lecchery and to getyng off
gode for a tyme, and afftyr that persone schuld haue gret
travel and be schamyd, or he deyd; yff a man falle in sekenes
that day, he schuld with-in foure days recouer and hele,
or ellys dey; that day ys fortunat to pase the see with         #
marchaundyse,
yff the wynde serue; and qwat that a man 
dremyth that nyght schuld turne to trwth, be sum symylytude;
that day ys gode bledyng, aboute .iij. aftyr-none.
   The .ix. day of the mone ys happy to begynne alle werkys
vp-on; he that ys born that day schulde be gracyus and come
to worchyp, and be dysposyd to haue gret wytt; qwat that
a man dremyth that day, the symylytude schuld be-tyde
with-in .xij. days foluyng; thei that falle in-to sekenes that
<P 151>
day communly recure; that day, for no nede, no man schuld
blede, but for pestylens.
   The .x. day ys gode to begynne alle werkys, to make
cunnauntys, to pase with marchaundyse the see, and to
wedde a wyffe; he that ys born that day schuld neuer be
stedfast, but alwey wandryng fro one cuntre to a-nodyr,
neuer that persone schuld haue prosperyte; he that takyth
sekenes vp-on that day, with-in .viij. dayis schuld recure or
ellys dey; yt ys gode bledyng vp-on that dey; qwat that
a man dremyth that nyght schuld turne to vanyte.
   The .xj. day ys gode to begynne alle werkys; he that ys
borne that day schuld be fortunat to gode and a gret            #
purchasour,
kend off hert, sad and stabyl; he that fallyth seke
vp-on that day schuld sone recouyr; this day ys happy to by
and to selle vp-on, and yt ys fortunat to sett chyldyr to
skole, and to wedde a wyfe; qwat that nyght a man dremyth
schuld turne to trwth with-in foure days, be summe symylytude;
yt ys gode bledyng vp-on this day.
   The .xij. day ys fortunat to begynne alle werkys vp-on,
but moste in specyall for them that wul calkyl and coniure
and take syngulere bateyle vp-on, to take vyage ouer the
see, to bye and to selle; he that fallyth seke that day schuld,
late or neuyr, recouer; qwat that a man dremyth that day
or nyght, yt schuld turne to trwth; yt ys gode bledyng that
day, at .iiij. afftyr-none.
   The .xiij. day ys fortunat to begynne alle werkys, jn
specyal for astronomerys to calcule; a man-chyld that ys
born that day schuld be dysposyd to be evyl tecchyd and
to be angry and vycyus, but he schuld lyue but schort tyme;
a woman that ys born that day schuld gretly be dysposyd to
lecchery, or ellys sche schuld dey sone aftyr her byrth; qwat
that a man dremyth schuld turne to trwth with-in .viij.
wekys; yt ys gode bledyng vp-on that day.
   The .xiiij. day ys fortunat to begynne alle werkys; he
that ys born that day schuld be dysposed to be wyse and
ryche and stronge and schort off lyfe; yff a man falle in-to
<P 152>
sekenes that day, he schuld neuer recouer; a man may for
nede blede for alle sekenes vp-on this day.
   The .xv. day ys noght spedeful to be-gynne ony werke
vp-on, for yt ys oncracyus; and myne autour seyth that a
man schuld send hys seruaunt on no massage to spede wele
vp-on this day; he that ys born that day schuld be dysposyd
to be stronge, manly, and hardy; and owdyr he schuld be
slayne or drounyd; and yff a man falle yn-to sekenes, yt
schuld cont[{i{]nue longe; qwat that a man dremyth schuld
turne but to fantasye; that day ys gode bledynng, before
none.
   The .xvj. day ys fortunat to begynne alle werkys vp-on to
bye, and to selle, and to wedde a wyfe; he that ys born
that day schuld be dysposyd to be gracyus and trwe, and of
longe lyfe, but he schuld noght be ryche; he that fallyth to
sekenes that day schuld be longe seke, but at the laste he
schuld recure; qwat that a man dremyth that nyght, the
symylytude schuld falle with-in .iij. yere; yt ys gode bledyng
that day.
   The .xvij. day ys fortunat to begynne alle werkys vp-on;
he that ys born that day schuld be off gode condycionnys
and meke and neuer but lytyl in trowbyl, but alwey lyfe
in prosperyte, longe tyme; this day ys profytabyl to bye
and to selle vp-on, to pase the see with marchaundyse, and
to wedde a wyfe; he that fallyth seke that day schuld longe
contynwe in hys sekenes, but at the laste with gode gouernauns
he schuld skape yt; qwat that a man dremyth that
nyght schuld turne to trwthe; a man that day schuld noght
blede but fore pestylens.
   The .xviij. day ys fortunat to begynne alle werkys vp-on;
he that ys born that day schuld be malycyus, dysposyd to
malyce, and froward off condycionys, and dysposyd to pride,
but he schuld lyue but schort tyme; he that fallyth seke
that day schuld be longe seke and off hard recouer; qwat
<P 153>
that a man that nyght dremyth schuld turne to trwth be
sum symylytude; yt ys no bledyng that day.
   The .xix. day ys gode and happy to begynne alle werkys 
vp-on, in specyal to bye and to selle, and to pase the see;
he that ys born that day schuld be dysposyd to be wyse and
trwe and euer to lyve in prosperyte; thow a man falle in-to
sekenes that day, he schuld sone recouer; yt ys perlyus to
blede that day.
   The .xx. day ys fortunat to begynne alle werkys vp-on;
he that ys born that day schuld gretly encrece in worldely
goodys, and be dysposyd to be sotel off wytt and fortunat;
also he that fallyth seke that day schuld dye with-in .viij.
owrys, yff he were born that day, or ellys with-in a monthe.
   The .xxj. day ys fortunat; he that ys born that day
schuld be myghty off complexcion, and off gret wytt, dysposyd
to lecchery and to many odyr vycys; he that fallyth
seke that day schuld dey off that sekenes; and qwat that
a man dremyth that nyght schuld turne to trwth be sum
symylytude; yt ys gode to blede that day.
   The .xxij. day ys on-gracyus to begynne ony werke vp-on,
saue only to bye and to selle; yt ys parel to pase the see
on that day; he that ys born that day schuld gretly be
dysposyd to lecchery, dysposyd eke to haue gret troubyl;
yff a man take sekenes that day, he schuld dye ther-off; and
qwat that nyght a man dremyth schuld turne to trwth be
sum symylytude; yt ys proffytabyl to blede that day.
   The .xxviij. day ys fortunat to begynne alle werkys vp-on;
he that ys born that day schuld gretly be dysposyd to vycys,
and moste in specyalle to lecchery, and he schuld dye           #
myscheuusly;
yt ys prosp[{er{]us that day to pase the see with
marchaundyse, and to wedde a wyfe; he that fallyth seke
that day schuld sone dey, or with-in .xxiiij. hourys recouer;
qwat that a man dremyth schuld turne to trwth be sum
symylytude; for no nede a man schuld blede.
   The xxiiij=ti= day ys gode to begynne euery werke vp-on; he
that ys born that day schuld be wyse and come to wurchyp,
<P 154>
and be dysposyd to be a man of werre; and yff yt be a
woman that be born on that day, sche schuld haue sundry
husbondys and be ryche and come to gret wurchyp; this
day ys profytabyl to bye and to selle vp-on, to pase the see
with marchaundyse, and to go on pylgrimage; he that takyth
sekenes that day schuld sone recouer; and qwat froward
dreme a body haue, yt schuld turne to no trwth; yt ys gode
bledyng this day.
   The .xxv. day ys fortunat to go on huntyng, to bye and
to selle; he that ys born that day schuld be couetus and
meruulus off condycionnys, and alwey be in nede and pouerte,
and neuer stedffast, but alwey wandryng fro one cuntre to
a-nodyr; yt ys parel to pase the see this day; this day ys
eke in-ffortunat to begynne ony thing vp-on, excepte this
thingys expressyd be-ffore; yff man or woman falle seke
vp-on this day, they schuld neuer be clene ther-off; qwat
that a man dremyth schuld turne to truth with-inne foure
dayis; yt ys gode to blede that day.
   The .xxvj. day ys for to hunte vp-on for dere in forestys,
but yt ys noght fortunat to wedde a wyfe, noudyr to pase
the see, ner fortunat to begynne ony werke vp-on; he that
ys born that day schuld fynde grace in womennys eysyte;
he schuld be dysposyd to be hardy [{and{] wyse; yff a man
take sekenes that day, he schuld noght scape yt; yt ys parel
to blede that day.
   The .xxvij. day ys fortunat to begynn alle werkys vp-on;
he that ys born that day schuld be dysposyd to be wyse
and trwe, and he schuld haue many frendys, and be gracyus
and god off gouernauns; he that fallyth in-to sekenes that
day schuld longe be seke, but at the laste recouer; and qwat
that a man dremyth schuld turne to trwthe be sum symylytude;
yt ys noght proffytabyl to blede that day.
   The .xxiij. day ys fortunat to begynne alle werkys vp-on;
qwat chyld that be born that day schuld lyue with gret
trauel, euer bysy and euer in trybulacion, but he schuld be
<P 155>
ryght trwe off condycionnys; he that fallyth in-to sekenes
schuld longe be vexyid ther-with, but at the laste he schuld
skape yt; yt ys no gode bledyng that day.
   The .xxix. day ys nowder gode ner fortunat to begyne ony
werke vp-on; a manchyld that ys born that day schuld be
fortunat to gret wurchyp, but he schuld be dysposyd to
lecchery, and he schuld be made thru maryage; yff a woman
be born that day, sche schuld be demure and beuteus and
schamfast, and sche schuld come to gret wurchyp yn maryage;
yff a man falle in-to sekenes that day, he schuld sone 
recure; and qwat that a man dremyth schuld turne to gode;
a man may blede that day.
   The .xxx. day ys fortunat to set chyldyr to scole, to bye
and to selle, to fabryffye howsys, and to begyn alle worldly
ocupacionnys; and to pase the see with marchaundyse; he
that ys born that day schuld be dysposyd to be wyse, and
gretly to be louyd off women for semlynes off persone and
beute off face; and yff yt be a mayde that be born that
day, sche schuld be amyabyl and semly and come to gret 
wurchyp; yff man or woman take sekenes that day, thei
schuld sone recouer; and off qwat that nyght a body dremyth
[{yt{] schuld turne to trwthe; yt ys gode bledynng that day.
   But off this boke off destenyis ye schal conceyue,           #
noght-with-stondyngys,
that here ys wrytyn how a man or woman
schuld be dysposyd that be born sundry days off the mone,
qwydyr to wurchyp or infortune; ye schal noght syngulerely
for trwth take yt that yt schuld be so; for euyl rwele may
cause that a man schal neuer come to wurchyp, thow he be
born to come to wurchyp; and off inffortune vndyr the lyke
forme.
   But this ye may yeue for trwthe, as for a ryght dome,
that yff a man or a woman be born on sqwyche a day off the
mone, ye schal [{conceyue that{] he ys, or sche ys, dysposyd
so as to haue wurchyp, or ellys troubyl. And off odyr thingys,
ye must loke that the tyme be resonabyl; for men vse noght
<P 156>
begynne ner to do ony worldly ocupacionys on holy days,
ner men be noght myche vsyd to blede in wynter, noudyr to
pase the see in tempestys; qwereffore a consyderacion in alle
thingys muste be had, be dyscrecion and resun. quod Jon
Metham. 



