<B CMNORHOM>
<Q M3 IR HOM NHOM>
<N NHOM CYCLE>
<A X>
<C M3>
<O 1350-1420>
<M 1350-1420>
<K CONTEMP>
<D NL>
<V VERSE>
<T HOMILY>
<G TRANSL>
<F LATIN>
<W WRITTEN>
<X X>
<Y X>
<H X>
<U X>
<E X>
<J X>
<I X>
<Z INSTR REL>
<S SAMPLE X>


[^THE NORTHERN HOMILY CYCLE, PARTS II, III.
THE EXPANDED VERSION IN MSS HARLEY 4196
AND COTTON TIBERIUS E VII.
SOCIETE NEOPHILOLOGIQUE DE HELSINKI, 41, 43.
ED. S. NEVANLINNA.
HELSINKI: SOCIETE NEOPHILOLOGIQUE, 1973, 1984.
PART II,  PP. 67.7718   - 86.8387        (SAMPLE 1)
PART II,  PP. 203.12457 - 206.12592      (SAMPLE 2) 
PART III, PP. 124.19639 - 128.19770      (SAMPLE 3)
PART III, PP. 133.19934 - 138.20104      (SAMPLE 4)^]

<S SAMPLE 1>
<P II, 67>
[} (\FERIA SECUNDA POST DOMINICAM IIJ QUADRAGESIME.             #
SECUNDUM  LUCAM\) }]

(\Dixerunt pharisei ad Jesum.\)
+Te Jewes Jesus to vpbrayd
Ilkone till o+ter oftsi+tes said,
"Es +tis noght Jesus, Joseph sun?
We knaw him and his nacion;
Omang vs here he was norist, 
How may +tis be men cals him Crist?".
Omang +tamself of[{t{] said +tai +tus,
And sum of +tam said to Jesus,
"Sen +tou so crafty haldes +te,
And men oftsi+tes may here and se
By selkuth sightes +tat has bene sene
In diuers places whare +tou has bene,
And namly in Caphernaum
Whare +tou was wont for to cum,
Do sumwhat now +tat we may se
+Tat dwels here in +tine awin cuntre;
+Tare has +tou many wonders done,
And in +tine awin cuntre ful fone."
Jesus +tan omang +te Jews 
Answerd +tus to +ta pharisews,
(\Nemo propheta acceptus est in patria sua.\)
"Forsuth I say to +gow ilkane,
Praised in his kith prophet es nane;
He es noght resayued in his kith,
War neuer so mekil grace him with;
For prophet will +tai him noght hald:
+Tare sal he first be ogain-cald.
And suthfas[{t{]ly I say to +gow
Of wonders +tat has bene bifore now,
<P II, 68>
For sumtyme war wonders ful grete
In tyme of Elys, +te gude prophete.
Widows war +tan +tat ful euil ferd
When +te heuyn obouen +tam sperd:
+Geres thre and monethes sex
Grete hunger in sere landes wex,
For na water on +te erth decend.
God himself it had defend
Sex monethes and +geres thre,
+Tat made grete hunger for to be.
And of al widows +tat +tare went
Vnto nane was Elyse sent
Of hunger for to help +tam +tan,
Bot anely till a pouer woman
In Sarept cete of Sydoyne;
So +te buke of kinges beris testimoin.
And many leprus men gan dwell
+Tan in +te landes of Israell,
+Tat lifed +tan and war leprus
Vnder +te prophet Elisyus,
And +git nane of +tam al bydene
By his request war clensed sene,
Bot ane +tat hight Naman Syrus,
Als +te buke wittnes till vs,
"And he was seuyn sythes waschen +tan
In +te waters of Jordan."
+Tan al +te men, both les and mare
+tat in +te temple with him ware
And herd +tir wordes albidene,
In +taire hertes +tai had grete tene.
Al +tai war fulfild of ire
And rase ogains him fell als fire.
Pese no langer wald +tai haue,
With rude wordes to him +tai straue.
Jesus saw +tam so sett to ill
And sufferd +tam say all +taire will.
+Taire mekil strif might no man sted:
Out of +te temple +tai him led.
<P II, 69>
With mekill noyse and with grete rout
Fro +taire cete +tai kest him out.
Obout him speres and sparthes +tai bare;
+tat he suld dy ful fast +tai sware.
+tai broght him till a high mowntaine
On whilk +taire cete was sett sertaine.
+Tai led him vp vntill a scer
+Tat ouer-hinged on heght ful fer.
Theues +tat war ordand to spill
War led to lepe doune at +tat hill.
When +tai war +tare al redy boune
And ful prest for to put him doune,
Jesu furth fra +tam he +gode;
And lukand on him al +tai stode.
Sum wend he had bene ded for ay,
And sum saw how he went oway,
Bot nane had power in +tat tide
To mer him ne to bid him bide.
+Tus on +tis molde he schewid his might
In sere meruailes vnto mens sight.

[} (\FERIA IIJ POST IIJ DOMINICAM QUADRAGESIME.                 #
SECUNDUM MATHEUM\) }]

(\Respiciens Jesus in discipulos suos.\)
Saint Mathew +te gude gospellere
Tels till vs on +tis manere
How oure Lord Jesu stode and saw
His disciples all on raw,
And als +te gospell schewes till vs
Vnto Saint Peter said he +tus,
"If +ti bro+ter, what-so he be,
In +tis erth trispas to +te,
+Tou sal him blame bitwene +gow twa,
+Tat of +gowre wordes wit no ma,
Ne of +gowre cownsail lat wit nane
Bot +tou and he by +gow allane;
And if +ti bro+ter with gude chere
+Ti blameing and +ti wordes will here,
<P II, 70>
And so amend him of his sins,
+Ti bro+ter +tan ful wele +tou wins.
And if he sett noght by +ti saw
Bot fra +ti counsail fast will draw,
+Tan vnto +te sall +tou ta
Of +ti best frendes ane or twa,
For in +te mowthes of twa or thre
May ilk a word wele witnest be.
And +tan if he will noght tak hede
To +gowre counsail, +tan es it nede
+Tat +tou tell vnto haly kirk
+Te sins +tat +tou sese him wirk.
And +tan if he will noght be boun
To haly kirk and to resoun,
And do what-so may him avayle,
Als haly kirk will gif counsaile,
Onence +te +tou hald him slike
Als a puplicane or ane etnyke
+Tat in +tis werld will neuer wirk
By +te counsail of haly kirk,
Bot lifes out of Goddes law
And will no heleful counsayll knaw.
And I say to +gow, more and myn,
Wham-so +ge lese in erth of syn,
Euer sal +tai lesed be
In heuyn with my Fader fre.
And in erth all +tat [{+ge{] bind euyn,
+Ta same sal be bunden in heuyn.
And +git ano+ter tale I tell
Vntill all +ta +tat with me dwell.
If twa of +gow fully in fere
Assent togeder in +tis werld here
Of any thing +tat +tai will craue,
Hastily +tai sal it haue.
Mi Fader +tat es in heuyn king
Sal grant vnto +tam +taire asking.
<P II, 71>
And [{in{] what stede so twa or thre
Er gederd in +te name of me,
+Tat lely lifes in Goddes lare,
In middes +tam myself es +tare,
In whilk stede so +tai be in erth,
If +tai be thre, I am +te ferth."
+Tan Saint Peter come him till
And said, "Lord, if it war +ti will,
I wald +te ask a lityll thing
Acordand to +tis same spekeing.
If my bro+ter in worde or dede
Ogains me breke his bro+terhede,
If he sal forgifnes haue
Seuyn sithes if he will craue?"
+Tan oure mighty Lord Jesus
Vnto Saint Peter answerd +tus
And said, "+Tou has mysvndertane,
For to forgif seuyn sithes allane.
I say +tou sal forgif him euyn
With gude hert seuynty sithes and seuyn;
+Tat es, to forgif with gude will
Als oft als men trispas vs till."

[} (\FERIA IIIJ POST DOMINICAM IIJ QUADRAGESIME.                #
SECUNDUM MATHEUM\) }]

(\Accesserunt ad Jesum ab Jerosolimis.\)
Als Jesus went thurghout +te land
Precheand to folk +tat he fand
+Tare gederd to him gret plente
Fra ilk a side of sere cete;
And of Jerusalem fra +te Jews
Come many scribes and pharisews
To luke if +tai might him oght tak
In anything his lare to lac.
And of his wordes for to asay
Vnto him all +tus said +tai,
"Whi suffers +tou +ti men omang
<P II, 72>
Brek +te laus +tat has bene lang,
+Tat oure elders +gemid and held
In +tis erth whils +tat +tai dweld?
+Tai wasche noght +taire hend in sum stede
When +tai sitt doun and ettes brede;
And [{+tat{] vsage was neuer sene
Omang men +tat suld kepe +tam clene."
Jesus +tat was wise iustise
Answerd to +ta[{m{] on +tis wise
And said, "Whi pas +ge +te lare
Of mighty God, +tat es wele mare,
Sen God bad +ge suld do honowre
To fader and moder and +tam socowre?
+Ge do noght so with gude entent
And so +ge breke Goddes cumandment.
To my deciples put +ge blame
And duse +gowreself wers +tan +te same.
Bot ypocrites, to +gow say I 
+Tat +te trew prophet Ysai
Of +gow he made his prophecies
Ful wele when he said on +tis wise,
(\Populus hic labijs me honorat,
cor autem eorum longe est a me.\)
"+Tis folk," he sais, "+tat I here se,
With +taire lippes loue +tai me,
And with +taire mowth honowr +tai ma,
Bot +taire hert es fer me fra.
Withowten any enchesoune
Make +tai singnes of deuocioune
With lippes louyng to reherce
Sen +taire hertes haldes +te reuerce.
My lare sum tyme +tai teche and ken
For to be halden haly men."
+Tan al +te folk +tat war cumen +teder
Jesu cald +tam al togeder;
And when +tai war al cumen him till,
<P II, 73>
+Tir wordes he said als was his will,
"Heres my wordes al +gow omell,
And vnderstandes what I +gow tell 
+Tat trispas for to solue and saue
+Tat +ge to my desciples gafe.
+Te thing +tat entres mans mowth in
Files noght a man with syn,
Bot thing +tat fra +te mowth cumes out
+Tat files a man; +tat es no dout."
+Tan his desciples al in fere
Said to him on +tis manere,
"Lord, wit +tou wele, +tir phariseus
Will sclander +te vnto +te Jews
For +ti wordes +tai here +te say,
And do +te dere if +tat +tai may."
+Tan oure Lord so milde and fre
Answerd +tus to his men+ge,
"Al +te plantes +tat planted er
In +tis werlk here nere or fer
+Te whilk my Fader planted noght, 
Vp with +te rotes +tai sal be broght.
And +tarfore lattes +tir men allane,
For +tai er blind and sight has nane.
Blind +tai er, +tat sall +ge ken,
And also leders of blind men,
For with +taire laws +tai lese and bind
Omang +te Jews, and both er blind."
+Tis said he +tam for to vpbraid,
And +tan till his men +tus he said,
(\Cecus autem si ceco ducatum prestet,
ambo in fou[{e{]am cadunt.\)
"If a blind man here vnderta
To lede ano+ter blind alswa,
It es noght ferly if +tai fall
Both in +te dike, for so +tai sall."
+Tan Peter +tus to him gan say,
<P II, 74>
"Tel till vs, Lord, We +te pray
What +tir maters er to mene."
+Tan said he +tus to +tam bidene,
"By +gowre wordes +te suth I se,
Nane vnderstanding +git haue +ge.
Kan +ge noght se by north and sowth
How al +tat entres in mans mowth
Into +te wambe graithli it gase,
And degestioun downward it mase.
And all +tat of +te mowth sall pas
Rising out of +te hert it has,
For in +te hert first it dwels
+Tat files a man and nothing els,
For out of a mans hert es broght
Al-kins euil, als idell thoght
Of man-slaghter and avowtri,
Fornicaciowns and felony,
Fals witnes and bacbiteing,
Sclander, and o+ter euil thing.
Wele +ge may vmthink +gow +tan
+Tat +tise er +tai +tat files a man
And noght to ett whare-so +ge wend
+Gowre mete with vnwasschen hend,
+Tat files noght a man within,
For in +tat dede he dose no syn."

[} (\FERIA V POST DOMINICAM TERCIAM QUADRAGESIME.               #
SECUNDUM JOHANNEM\) }]

(\Dixit Jesus turbis Judeorum: Operamini & c.\)
Ano+ter day Saint Jon sais vs,
Grete puple gederd to Jesus,
And vnto all +te folk in fere
Said oure Lord on +tis manere,
[{ (\Operamini non cibum qui perit,
sed qui permanet in uitam eternam.\) {]
He said, "+Ge sal noght wirk allane
<P II, 75>
For mete and drink +tat sune es gane,
Bot for +tat mete to wirk +ge wende
+Tat lastes euer withowten ende,
+Tat Crist, +te sun of man sal gif
To +gow +tat lely here will lif,
For +tat mete has my Fader fre
Assigned to all +tat his sal be."
+Te phariseus +tat stode obout
Answerd +tan with wordes stout,
And +tus +tai said Jesu vnto,
"Tell vs +tan what we sall do,
And oure dedes sal be puruaid
+Tat God will of oure werk be paid."
Jesus +tan said +tam vntill,
"+Tis es Goddes werk and Goddes will
+Tat +ge sal trow with gude entent 
In his sun +tat he has sent."
Vnto him +tan +tai answerd +tus
And said, "What wonder schewes +tou vs
Wharby +tat we may seker be
Traistly for to trow in +te?
(\Quid operaris?\)
What wirkes +tou more +tan o+ter men 
Wharby we may +ti mightes ken?
Oure form faders of mightes grete
In desert ette angels mete.
Wreten may men find ful euyn
How +tat +taire mete was sent fra heuyn."
Jesus withowten more delay
Said, "Suthly vnto +gow I say:
Moyses +tat +ge +gowre fader call
Gert no brede fra heuyn fall,
Bot my Fader +tat last sal ay
Gifes +gow fra heuyn brede verray,
For he +tat descendid fra heuyn,
He es +te brede of God ful euyn
<P II, 76>
+Tat lastand life euer more may gif
Vntill +tam +tat will lely lif."
+Tan said +tai to him in +tat stede,
"Lord, gif vs of +tat ilk brede",
For nothing els +tai vnderstode
Bot +tat he ment of erthly fode.
+Tan lele trowth to +tam for to lere
Jesu said +tus on +tis manere,
"I am +te brede of lastand life
+Tat medcyn es to man and wife.
Wha cums to me he sal be saue
And hunger sal he neuer haue,
And wha in me will trewly trist
Hertly sal he neuer haue thrist."

[} (\FERIA VJ POST TERCIAM DOMINICAM QUADRAGESIME.              #
SECUNDUM JOHANNEM\) }]

(\Oportebat Jesum transire per Samariam.\)
When Jon +te Baptist, Zacari sun,
Thurgh Herod was in preson done
And might baptis men no mare,
+Tan desciples +tat with Crist ware
Baptist men both euyn and morn
Wele ma +tan John had done biforn.
+Tai gaf baptim and cristendom
To all +tat wald vntill +tam cum.
+Tan went Crist vnto Galile
And left +te cuntrese of Jude.
To +tat cuntre he wald encline
Whare he had turned water to wine.
And als he thurgh +te cuntre moued
So it bifell +tat him behoued
Pas thurgh +te land of Samary,
For +tare +te way was most redy.
+Tarfurth bihoued him far
Vnto a cete +tat hight Sichar.
+Tat cete was sett biside +te felde
<P II, 77>
+Tat Jacob sumtyme had in welde.
Als folk of Genesy it mones,
Jacob it boght of Emar suns,
And +tarin sum tyme gan he won
And gaf it se+tin to Josep his sun.
A well in +tat felde was +tare
And 'Jacob keld' to name it bare.
+Te day was faire, +te weder hate, 
And Jesu was wery of gate.
His manhede wex wery forgane,
And doun he sett him on a stane,
And rested him biside +te well,
For +tare him thoght faire for to dwell.
It was +te sext oure of +te day,
And his desciples toke +te way
Vnto +te cete +tat was biside
For to by +tam mete +tat tyde.
To +te cete war +tai went ilkane,
And als Jesu sat so allane
A woman come, so it bifell,
To fetche water at Jacobs well.
Of Samari was +tat woman,
And +tus to speke Jesus bigan.
"Woman," he said, "a drink gif me
Of +te water +tat +tou draws to +te."
+Te woman +tan gan hir avise
And answerd to him on +tis wise,
"How es it so onence +ti state?
+tou ert a Jew, right wele I wate;
+tat +tou suld ow+ter aske or craue
Water of me for to haue!
I se by +ti face and +ti wede
+Tou ert a man of Jews lede,
And I a woman Samaritane;
+Tarfore drink of me gettes +tou nane.
+Te Jews euermare, forsuth, refuse
<P II, 78>
With Samaritanes oght for to vse.
Men of +tat nacioune nothing mels
With +tam +tat in oure ledes dwels.
+Te Jews with vs neuer drinkes ne etis;
+Tarfore of me na drink +tou getis."
When Jesu al +tir wordes herd
Vnto hir sune +tus he answerd,
"Woman, if +tou vnderstode
+Te gift of God, gastly and gude,
Or in +ti hert and +tou kowth think
What I am +tat askes +te drink,
+Tan wald +tou be bousum and meke
And hertly wald +tou him biseke
To gif +te drink ful clene and pure,
Water of life +tat euer sal dure.
If +tat +tou knew here in +tis place
Him +tat es gifer of all grace,
+Ti hert to him +tou wald vplift
And of his grace ask him a gift.
And hastily to +te suld he gif 
Water +tat makes al thinges to lif."
To Crist ogain +te woman said,
"Whare hastou swilk water puruaid?"
(\Domine, in quo haurias non habes
et puteus altus est.\)
"Lord, +tou has noght in to draw,
And +te water es wonder law.
He[{re{] I se +tou sittes and restes
And askes water als man +tat thristes,
And sais +tou has water of +tine awin;
What suld +tou do with o+ter draun?
Whare suld slike water cum to +te?
Wher +tou be man of most pouste,
Mare +tan was Jacob sumtyme
+Tat held +tis well all vnto him?
And vnto vs +tis well he gafe
<P II, 79>
Water +tarof for to haue.
He and his childer ful many +gere
Vsed of +tis water here,
And his bestes euerilkane
O+ter water vsed +tai nane;
For +tam +tis well was first puruaid."
+Tan Jesu answerd sune and said,
"Woman, trow what I +te tell:
Al men +tat drinkes of +tis well,
It will noght slokken ay +taire thrist,
Bot eftsones to drink sal +tam list.
And +tai +tat drinkes here whils +tai lif
Of water +tat I haue for to gif,
I sal slek +taire thrist foreuyr;
Thrist efterward sal +tai haue neuer.
+Te water +tat I gif a man
It sal be made right in him +tan
Als a well gracius and fre,
Euermore springand for to be.
It waxes euer and vpward springes,
A man to blis of heuyn it bringes,
For vnto heuyn vpward it wendes,
Water of lif +tat neuer endes."
To Jesu +tan +te woman said
And hertly vnto him scho praid,
"+Tat water, Lord, to me +tou gif,
+Tat I neuer thrist whils I lif,
And +tat me thar cum here na mare
Water to draw als I did are."
And Jesu Crist, mighty and fre,
Vnto hir +tus answerd he,
"Wend hame, woman, vnto +ti hous
And call +ti man +tat es +ti spous,
And with him +ta[{n{] +tou cum to me
Samyn to drink both +tou and he."
+Tis woman +tan, Samaritane,
<P II, 80>
Said, "Forsuth, man haue I nane."
Jesus biheld to hir sum-dele
And said, "Woman, +tou sais ful wele
'Na man I haue', +tis es +ti saw;
Na mare +t[{o{]u has thurgh(t) Goddes law."
And +tat scho suld wele knaw his might
Vnto hir +tus said he right,
(\Quinque enim uiros habuisti,
& nunc quem habes non est tuus uir.\)
"Fiue men flessly ar +tis day
Has knawen +te, +te soth to say.
In syn so hastou led +ti liue
With o+ter wiues husbandes fiue,
And now +tat man +tat es +te next,
And with +te sins, he es +te sext;
And +ti man aw him noght to be;
Ano+ter womans man es he.
And +tus +ti wordes er verray,
'Na man I haue' so if +tou say."
When scho herd he hir dedis reherced,
Hir hert to him was sune reuersd.
"Lord," scho said, "now se I right
+Tat +tou ert prophet mekil of might,
And man +tat es of maste pouste;
By +ti saws +tat may I se.
Oure faders +tat are lifed in landes
In +tis mowntayn +tat here standes,
God of heuyn here honord +tai;
And +ge Jews omanges +gow sai
+Tat Jerusalem, +tat riche cete, 
Es stede whare God sal honord be.
And al oure faders with gude will
Honord God here in +tis hill.
A temple here was bifor +tis tide
+Tat Samaritanes had edifide,
+Tare saintes honord God sumtyme
<P II, 81>
In +tis mowntaine Garazime;
And +te Jews teches and leres,
Jerusalem es stede of praiers.
Bot +tis [{es{] noght +te mownt Mory
Of whilk spekes +te Jews story,
Whare Abraham offird his sun;
+Tare for to pray +te Jews er wun,
And +tare +tai haue a temple sett -  
To wirschip God +tai will noght lett."
Al +tus scho said for to asay
Whe+ter +tat he war prophet verray.
+Tan vnto hir al +tus said he,
"Suffer, woman, and trow to me.
+Te tyme it cums and draws nere
+Tat now+ter men in +tis mownt here
Ne in Jerusalem, +te riche cete,
Sal cum to honowre +te Fader fre.
+Ge honore and wirschippes in +gowre law,
And what +ge honor noght +ge knaw.
And we honore anely +tat thing
Wharof we haue kind knawing.
We wate to wham oure dedes we dele,
For of +te Jews cumes gastly hele.
For of +taire kinde he cumes and springes
+Tat verray hele es of al thinges.
God-sun of +tam takes fless and blude
On +tis molde for mans gude.
Into +taire kinde es cumen God-sun
For sinful mans saluacioun.
And tyme sal cum, suthly I say,
And now it es, +tis ilk day,
When wirschipoures verray and right
Sal wirschip +te Fader day and night
In +te spirite +tat suthfast es,
And in him +tat es suthfastnes.
+Te Fader of heuyn +ta men he sekes
<P II, 82>
+Tat vnto gude vertus +tam mekes,
And with gude hert him honowrs
Stedfastly both dais and oures.
+Te haly gast es God of heuyn,
More of might +tan men may neuyn,
And men +tat here will honoure him,
+tam bihoues in ilk a tyme 
Honore him in +te haly gaste,
And in suthfastnes al+ter-maste
With will in gude werkes for to won
And in suthfast trowth in God-sun.
Swilk houre cumes, als men sal se,
+Te vmber of Jews law bright sal be
When men sal noght mak +taire praiere
In +tis hill +tat +tou sese here,
Whare old men +tat war halden wise
Praied and made +taire sacrafice,
For +taire entent was for to be
On hils whare God +taire werkis might se.
God wons in heuyn and in ilk place
Whare men wirschip vnto him mase.
And vnto +tase men will he draw
+tat in hert haldes +tam meke and law,
And noght vnto +tam +tat desires
For to be high and haldes +tam sires;
Ne in +te temple men sal prai noght
+Tat in Jerusalem es wroght, 
For lang, I say, it sal noght last;
Vnto +te ground it sal be cast,
For men +taire hertes so +taron settes
+Tat gastly trowth gretely it lettes."
+Te woman +tan hir dedes gan rew
And +tus scho said vnto Jesu,
(\Scio quia Messias uenit,
qui dicitur Cristus.\)
"I wate wele Messias cums sone
Thurgh wham al suthfastnes bese done.
+Tat Crist in hali writ es cald,
<P II, 83>
Suthfastnes men sal him hald.
When [{he{] es cumen in erth to dwell
Al thinges trewly he sal vs tell."
Vnto +te woman +tan said he,
"Lo, I am Crist +tat speke[{s{] with +te."
And when al +tis was said and done,
+Tan his desciples come ful sone 
Fra +tat cete faire and grete
Whare +tai had bene to by +tam mete.
+Tai fand him sitand on +te stane
With +te woman spekeand allane.
+Tai had grete wonder +tat he wald
So with a woman spekin[{g{] hald,
Bot nane of +tam said to him +tan
Whi he spac with +tat woman,
Ne of him nathing wald +tai spir
What counsail +tat he held with hir.
+Te woman saw +tam cumand +tat tide
And langer wald scho noght abyde,
Bot +tare scho sett hir wessel doun
And fast scho ran vnto +te toun.
And when scho come +te cete in 
Scho said to al men, more and myn:
(\Uenite & videte hominem
qui dixit mihi omnia quecumque feci.\)
"Cums," scho said, "and +ge sal se
A man +tat has said vnto me
Al +te suth and lained noght
Of al +te werkes +tat I haue wroght.
He tald me al my preuetese;
If he be Crist cums on and sese."
Al of +te folk with ane assent
Out of +te cete sone +tai went.
Of puple went ful grete plente
out of +te cete Crist to se.
Al his desciples bifor him stode
<P II, 84>
and said to him with mild mode,
[{ (\Rabbi, manduca.\) {]
"Rabi," vnto him +tai said,
"Ett of +tis mete we haue puruaid."
+Tan answerd Crist of mightes grete
And said +tus, "I haue for to ette
Fude +tat falles for my state
Of +te wilk nothing +ge wate."
+Tan herof had +tai wonder strang
And said +tir wordes +tam omang,
"Whe+ter any man has heder soght
And fude for +tis day to him broght?"
+Tan said Crist with milde mode,
"Here in +tis werld it es my fode
For to wirk my Faders will,
+Tat has he sent me to fulfill.
+Tat es +te fode me falles to haue
Fra endles paine man-saul to saue.
And +ge men of +tis werld here
+Tat knawes +te kindes of +te +gere,
+Ge sai now al in +gowre wisdom
+Tat foure monethes er for to cum,
Or cornes +tat in cuntrese ere
Be ripe in sesun for to schere,
Bot suthly vnto +gow I say:
Liftes vp +gowre eghen and se +ge may
How al +te feldes +tat fruites bere
Er white and ripe, redy to schere.
Bihaldes and lukes furth +gow biforn:
+Te feldes er white, ripe es +te corn.
And suthly ilk a man +tat scheres
His mede he takes and with him beres.
And many fruites to him he wines
In lastand life +tat neuer blines,
So +tat he +tat al-thing knaws, 
+Tat his sede here omanges +gow sawes
<P II, 85>
May haue ioy ouer o+ter thinges
+Tat his sede faire furth bringes.
And he +tat scheres als ioy he makes
In endles fruites he to him takes.
Takes kepe my word, it es verray
In al thinges +tat I +gow say.
Ane es he +tat saws +te sede,
Ano+ter es he +tat repis for mede.
I haue +gow sent now all onew
To schere +te sede +tat +ge neuer sew.
Of fruites sal +ge tak +te mede
For whilk +ge neuer traueld in dede.
Oper men traueld ful +gern
In Goddes laus +te folk to lern.
And in +taire werkes entre +ge make
+Te mede of +taire trauail to take.
+Te prophetes +tat bifor +gow ware
Trauailed ful fast in Goddes lare.
Now er +ge entrid in +taire dede
Of +taire trauail to tak +te mede."
+Tare war many Samaritane
+Tat herd +tir wordes euerilkane,
And vnto Crist fast gan +tai trow
And bainly till his bidinges bow
For wordes of +te woman +tare
+Tat of his werkes ay witnes bare.
Scho cried euer with voice ful balde,
"Al my dedis +tis man me talde,
And plainly has he said to me
Al my werkes +tat war preue."
+Tan al +ta men of Samary
+Tat saw his werkes so mighty
Praied him if it war his will
With +tam +tat he wald dwell still,
So +tat +tai moght wit or he went
More what his meruailes biment.
And in +tat cete he him held,
Twa dais till ende with +tam he dweld.
<P II, 86>
And or twa dais till ende war past
Folk of +te cuntre ferly fast
Trowed ful trewly in Jesus,
And to +te woman said +tai +tus,
"Noght for +ti wordes, wele wit +tou,
Allane in Jesu will we trow,
Bot for +tat we +te suth may se
+Tat God-su[{n{] verrayly es he. 
And wele we wate and vnderstand
By his lare in ilk a land
+Tat he [{es{] +te werldes Sauioure,
Sent for sinful mans socoure."  

<S SAMPLE 2>
<P II, 203> 
[} [\ (\NARRACIO DE MONACHO\) (JOY IN PARADISE)\] }]
[} (\NARRACIO DE MONACHO\) }]

Ane haly monk had grete langing
In his life to se sum takining
How he might knaw +te lest blis
+Tat +tai in heuyn sall neuer mis.
+Tarfore he prayed to God of might
With grete deuociowne day and night.
And when he was man of grete elde,
And wex waike and ful vnwelde,
Of couent werke he was made fre,
And all at his awin will was he,
Als +gong man +tat trauailes trewly
To haue ese in eld es worthi.
Fell auenture +tat +te couent
To kirk, als +tai war wont, er went,
Fra +te chapeter efter prime,
Als monkes vsed in +tat tyme.
And +tis gude man, als +ge may here,
In +te cloister made his prayere,
And euer was his thoght on +tis:
To se sum point of heuyn blis,
Out of +tis life or he ferd;
And of God was his praye[{r{]s herd.
A foule he saw bifor him sit,
And wele him thoght he suld tak it.
So faire a foule had he neuer sene,
His hert +tarto was casten clene.
Toward +te fowle +tan he went;
He hopid it in his hand to hent.
It hipped bifore him in +te gate.
Till it come at +te abbay +gate.
+Te foule so tilled him furth +tat tide
Vntill a wode was +tarbiside.
And +tare he fand so grete solase
+Tat hame to win no thoght he hase.
<P II, 204>
+Te fowle flegh vntill a bogh,
And +te monk nere to him drogh.
+Te foule sang with ful lufly soune,
+Te monk to here has set him doune.
So wele him liked +te fowles sang
+Tat +te+tin he thogh[{t{] nothing to gang.
Bot when +te sang was broght to ende,
+Tan he thoght wele for to wende
Hame ogaine, als he was won,
Vnto +te howre of vnderon.
+Te foule flegh fra him oway,
And he went vnto his abbay.
And euyn ogayne he toke +te gate,
Als he come to +te abbay-+gate,
And whare +te +gate was wont to stand
A mose-bigrouen wall he fand.
+Tare wist he wele +tat he come out:
Ferly him thoght and went obout.
O+ter +gates sone fand he +tare
And wist he saw +tam neuer are.
+Te porter asked him in hy
Whare mo was of his cumpany,
And how +tat he was +teder broght.
And +tan +te monk grete meruaile thoght.
He said, "I am of +tis abbay,
I went right now out me to play."
+Te porter said, "+Tou has gane wrang,
+Tou was neuer monk here vs omang.
Here wond +tou neuer, +tat wele wate I."
And +tan +te monk thoght grete ferly.
Howses and werk he saw all new
And men+ge +tat he neuer knew.
Vnto +te kirk he wald haue gane,
Bot +tederward way wist he nane.
+Te porter him vnto +te kyrk lad
<P II, 205>
Als man +tat was mased and mad.
+Te prior him to parlore cald
And spirred his name, and he him talde,
And how he went fro +tat abbay,
Folowand a fowl +tat ilk day.
He said, "Grete ferly thinkes me
+Tat I +tis hows +tus changed se.
Me think I wate noght what I may
In +tis case of myself say,
+Tat it es in so litell tyme
Changed sen +tis day at prime,
For now I se here na felaw,
Ne no man +tat I can knaw."
+Tan +te prior asked him
Who was abbot in +tat time.
He said at morn +tat ilk day
Was he abbot of +tis abbay.
He neuynd +tan +te mans name
+Tat was +tare when he went fra hame.
+Te prior +tan soght manyfalde,
And +tat abbot +tat he of talde
Was ded bifore thre hundreth +gere,
Als +tai fand in +taire cronicles clere.
And in +te same +gere fand +tai
How ane olde [{monk{] went him to play,
And neuer herd se+tin tell
Of +tat monk how it bifell.
+Tan wist +tai wele +tat ilk was he,
And thanked God with hertes fre.
When +te monk wist how he had bene
Fra hame thre hundreth +gere bedene,
+Tan all +te tale he gan +tam tell
What made him so lang to dwell.
+Tan howsell asked he in haste
And vnto God he gaf +te gaste,
To won in welth withowten wo.
<P II, 206>
God len vs +tat we may do so!
All +tis ensample +tus es talde
To make men in +taire herte balde
+Tat ful mekil es +te moste blis
+Tat in +te ioy of heuyn euer is,
Sen +tat +te lest [{blis{] was slike,
+Tat +te monk so wele gan like,
+Tat of thre hundreth +geres and ma
Thoght him na more bot [{oures{] twa.
A, Lord, blith aght vs to be
When we think inwardly +tat we
Sal lif ay in +tat bigly blis
And neuer of +ta mirthes mis.
Gude werkes gladly we suld bigin,
+Tat vnto +tat welth might vs win,
And be ful fayn here for to take
Sorows sere for Cristes sake,
And trewly trow euermore in +tis
+Tat oure bale sal be turned to blis;
Als Crist to his desciples dere
In +te godspell sais on +tis manere,
"All +gowre care sall turned be
Vnto aylastand gamin and gle."
Al +tat he hight he held ful euyn,
For al +tai er in blis of heuyn.
All +te turmentes +tat +tai gan take
In +taire cors for Cristes sake
Es turned to ioy and solace;
And if we will folow +taire trace,
+Tan sal we beld with +tam in blis.
+Tarto alweldand God vs wis! 

<S SAMPLE 3> 
<P III, 124>
[} (\EXPOSICIO FLETIS MAGDALENE\) }]

On sere wise penance for to hald
<P III, 125>
Men in +tis werld with Crist er cald.
With prophet sawes sum biddes he cum,
And with his awin word calles he sum,
Sum with ensaumple of forgifnes, 
Als of +tis woman beres witnes.
God said in (+te) boke of prophecy,
"My will es noght sinful suld dy,
But +tat he lif and turn his thoght,
And mend +te mis +tat he has wroght."
And als he sais, +te suth to tell,
And wreten es in +te euangell,
"I come noght to +tis werld for +tis,
+De rightwis men at call to blis,
Bot I come for to call and win
To penance +tam +tat has done sin;
And thurgh penance sall +tai wende
To welth +tat es withouten ende."
+Dus es it by ensaumple sene
Of +tis ilk Mari Mawdelene
Sorow of hert to haue pardoune
Es better [{+tan{] pr[{o{]ud religioune.
+Dis phariseu, proud, religiouse,
Was enspired to bid Crist till hous.
Oure Lord so enspired his mode,
And all for erthly mans gude.
Noght for himself sit wal[{d{] he +tus
With sinfull men, bot all for vs.
Crist in +tat hows togeder had broght
+Dis woman +tat sere sins had wroght,
And [{+te{] proud religius pharisew
+Dat held him gude and was noght trew;
Or worthines he made grete boste,
And with +te law he him endoset.
Iuied +tare ware both +taire dedes,
Of +taire werkes to knaw +taire medes.
Of Mari penance to haue in thoght
<P III, 126>
More liked to murn +tan to say oght.
Hir teres and hir sare wepeinges
Vs to ensaumple of penance bringes.
In hert biheld scho on all wise
How scho suld best fra bales rise;
And asschamed nothing was scho
In sight of folk what scho suld do.
Vnboden to fest scho toke +te gate
Omanges all +tat at burdes sate.
In scho come, and none hir bad,
Omang riche metes and gestes glad.
Onence hirself no schame hir thoght,
Slike sorow in hir hert was soght.
To wepe it schamed noght hir mode
Bifor riche men of erthly gude.
Scho knew +te filth of hir foul sins;
To well of mercy sune scho rines,
+Dare for to be clensed clene.
No schame hir thoght for to be sene
For +te grete schame of filth of sin
+Dat scho knew in hirself within;
No thoght hirself without
Schamed to be of folk about.
Crist +tat wele wist all hir wogh,
Vnto his mercy he hir drogh
When he thurgh mekenes and pete
Resaiued hir ane of his to be.
Ane vnement broght scho vnto him
+Dat scho had vsed in pride sumtyme.
Scho wesche, scho dried, scho enoynt, scho kist,
Whare hir medcyn to win scho wist.
His fete enoynt scho in +tat tide
With vnement scho [{had{] vsed in pride,
+Dat scho bifore vsed for to gif
Vntill hir fless fouly to lif.
With sorowful hert scho hir profers,
<P III, 127>
And so hirself to God scho offers.
Hir eghen +tat war wont to bihald
Vnto folis, als hir fless wald,
Bowsum war +tai +tare to grete;
+De teres towched oure Lordes fete.
+De hare +tat scho sumtyme set out,
To ger men bihald hir obout,
+Darwith oure Lordes fete scho dried,
And so hir wikkednes scho wried.
With mouth sumtyme scho spak foly
And wordes of lust and litchery;
+Darwith scho kissed oure Lordes fete
Ful bousumly hir bale [{to{] be[{te{] .
Als fele defautes als scho are had
Als fele mekenes to God scho made.
All vices +tat scho are gan vse,
All turned scho +tan into vertuse;
So all +te thinges +tat in hir was
Gifen vnto blame and to trispas
Turned scho to God at all rightes,
To honore him with all hir mightes.
+De phariseu proud and mis-avised
+Dis sinfull woman sone despised
And noght anly ang[{e{]rd he was
+Dat scho approched vnto +tat place,
Bot he blamed oure Lord so dere
+Dat he lete hir so negh him nere,
And said if he war prophet trew
He suld noght do so, sen he knew
How +tat scho had sinful bene,
Als in +tat cete oft was sene.
Lo, +tis ilk prowd pharisew
Wist noght +te mightes of Jesu.
He blamed hir for folis fele,
And als +te leche +tat hir suld hele.
+De phariseu in saul was seke
<P III, 128>
For vnknawing and hert vnmeke.
Both war seke, +te woman and he,
Bot his sekenes he kouth noght se.
Scho knew hir sekenes, and he noght;
+De leche bitwene twa seke was broght.
+De woman to hirself toke kepe;
For hir sekenes sare gan scho wepe.
+De pharisew so proud of mode
His awin sekenes noght vnderstode.
Of Goddes werkes nothing he wist;
+Darfore of gastly hele he mist;
And scho +tat trowed stedfastly
Was helid thurgh his mercy.
By +tis ensample may we se
If a man neuer so sinfull be,
And he in Crist will trow trewly,
And for his misdede mercy cry,
And stedfast hope of helping haue,
Of all his sin he may be saue.
God grante vs grace so for to trow,
And so vnto his biddinges bow,
And so for to forsake oure sin
+Dat we may till his welthes win. 

<S SAMPLE 4>
<P III, 133>
[} (\EXPOSICIO FILIJ VIDUE RESUSCITATIS\) }]

Jesus wald +tir dedes do,
For erthly men suld tent +tarto,
For thurgh swilk meruailes he wald
+Dat many men till his trowth war cald.
+Dis dede cors +tat +tai bare obout,
To be doluen withouten dout,
Out of +te cete +tai him bare,
For +tat he suld be grauen +tare,
Suthly may it signify
Ilk man +tat sins in dede dedly,
And ilk a man here filed in syn
Thurgh thoghtes in his hert within
Ded also, forsuth, es he,
Als to be grauen within cete.
And when +tat slike likinges of thoght
Furth in sinfull werk er wroght,
+Dat menes, man-saul for to be lorn,
Als cors out of +te cete born,
<P III, 134>
For als man makes his mancioune
Within a cete to dwell and won,
Right so men saules on sum wise
Entres into +taire bodise,
When +tai assent to flesly will
Sum tyme to gude, sum tyme to ill.
+De +gates of +te same cete
+De fiue wittes of man may be,
For euinly bi +ta wittes fiue
Entres to man-saul ded or liue.
For+ti ilk man bihoues algates
+Geme wele his fiue bodily +gates,
+Geme his eghen at all his mightes
In +tis werld fra vnworthly sightes,
And also suld man +geme his eres
No thinges to here +tat his saul deres;
And als +te thirles of his nose
Fro euil smelling suld be close,
And fra all werkes withdraw his handes,
+Dat ogaines Goddes will oght standes,
And his fete [{suld{] +geme alswa,
In [{euil{] gates +tat +tai noght ga;
+Dat es to say, in wayes of syn,
Or whare euil dedes may bigin.
And he +tat in himself may fele
+Dat he +geme +tir fiue +gates wele
Vnto God +tan worthi es he,
Gastly to life raised at be.
+De widow es haly kirk to hald
+Dat for +tis skill es widow cald,
For ay scho +gernes hir Lordes present,
Sen he to heuyn fra hir es hent.
And als widow in +tis werld left
Habides scho till his cuming eft,
Hir dedes in +tis werld for to deme
If scho haue serued him to queme.
<P III, 135>
+Dis widow sun +tat on bere lies
Menes cristen man +tat gastly dies;
Gastly in saul to dy he bigines
+Dat bodily dose dedly sines.
+De moder wepe for hir sun dere
+Dat bodily ded was broght on bere,
So haly kirk here for hir suns
Euer in dole and wepeing wons;
Night ne day scho neuer ses,
Till time +tat God +taire sins relese.
When Jesus saw +te widow murned
To werkes of mercy he him turned   
And said +tus, 'Woman, wepe no mare.',
Lo, how +tis menes in gastly lare:
Thurgh +te wepeing of haly saintes,
To wham men for sin mase +taire plaintes,
For sinful men God almighty
Mekes him to werkes of mercy.
+De bere whare-on +te cors was laid
Sinful mans conciens es said.
+Dan Jesus towches on +te bere
When he with grace in +tis werld here
Towches a mans conciens, 
And so fra sines mase gude defens.
He hardens a mans hert within
To stand ogains +te dedes of syn,
And also soft he will it make, 
Penans for his sins to take.
+Dai +tat +te body to biriing beres
Er tonges of fals loseniers
+Dat seses neuer to prayse and rose
+Dam +tat +tai se euill dose.
+Dai couer sin vnder wordes faire, 
Als men dose ded cors vnder laire;
So hid +tai sines foul and rogh,
Als stinkand cors es vnder throgh,
Or +tai may mene men sins sertaine
+Dat beres +te saule to endles paine.
<P III, 136>
+De bere to touche when Jesu +gode,
+Dai +tat bare it still +tai stode,
For when a man in his hert murnes,
And to +te wayes of penance turnes,
Euil dedes to vse fra +tan he blines,
And in him seses custome of sines.
+Dat +te bere beres houes still
When sinful man changes his will,
And touched he es thurgh Goddes grace
For to defende him fra his fase,
And +gemes him wele both daies and oures
Fra roseing of fals losengoures.
And when +te bere [{so{] doun was sett,
+Dus said oure Lord withouten lett:
(\Adolescens, tibi dico: surge.\)
To +te child said he on +tis wise,
"+Gong man, I bid +tat +tou vp-rise."
A man +tat here with sins es slaine
Quikkens vnto life ogaine,
Als sone als he will sese of sins,
And dedis of penance here bigins.
When he forsakes werkes wik,
In gude dedes he waxes quik,
And for to speke bigins he sone
When he schewes what he has done,
And wries himself and laines noght
Of all +te sins +tat he has wroght,
Bot in schrift schewes +tam opinly
And menes him to God almighty,
And ordaines him with al his might
To serue God both day and night.
Man to his moder es +golden ogaine
In werld thurgh prestes office plaine
When he to +te kirk es recouncild,
Assoyled of sins +tat him had filde,
Of whilk sins bot he war clene
<P III, 137>
His saul [{suld{] als ded be sene
And won in wa withouten end,
Bot if it war in erth amend.
Also +tis man +tat +tusgat died
By man-kind may be signifide
First when +te fende gan with him striue
And gert him leue +te way of liue.
+Dis woman +tat for +te cors murnes
To Jews temples sum men it turnes,
For patriarkes and sere prophetes
In haly writ oftsithes s[{e{]ttes
+Dat Jewes mase offrandes and murnes
When erthly man to peris turnes;
+Darfore to +taire sinagoges sais Crist,
"Murnes na more for men perist,
For man-kind +tat lang ded has bene
Rise vnto life it sall be sene."
+De bere to touche when Jesus moued,
+Dai +tat it bare stode still and houed,
And no ferrer +tai bare +te bere;
+Dat may be ment on +tis manere:
Fra mans hert be touched in haste
Thurgh vertu of +te haly gaste,
So +tat he gude werkes bigin,
And fulfils penance for his sin,
+Dan seses +te forse and +te mightes
Of +te fendes and werid wightes.
He sett him vp +tat ded had bene,
Man-kind on +tat maner to mene
+Dat turned es right way to wende
Vnto +te life withowten ende.
He +tat was ded, to speke bigan
In +tis werld here when sinful man
+Dat sumtyme wirschipt in sere landes
Maumettes made with mans handes,
To God allane +taire hertes lift
<P III, 138>
And schewed +taire sin with opin schrift.
+De childe es +golden +te moder vnto
When man in werld Goddes will wil do,
And lede his life, and noght be irk,
Efter +te laus of haly kirk. 
God len vs so in land to lif
+Dat we oure gast to him may gif.



