<B CMORM>
<Q M1 IR HOM ORM>
<N ORM>
<A ORM>
<C M1>
<O 1150-1250>
<M 1150-1250>
<K SAME>
<D EMO>
<V VERSE>
<T HOMILY>
<G X>
<F X>
<W WRITTEN>
<X MALE>
<Y X>
<H X>
<U X>
<E X>
<J X>
<I X>
<Z INSTR REL>
<S SAMPLE X>


[^ORM.
THE ORMULUM, VOLS. I-II.
WITH THE NOTES AND GLOSSARY OF R. M. WHITE.
ED. R. HOLT. 
OXFORD: THE CLARENDON PRESS, 1878.
SAMPLE 1 (DEDICATION):
I, LL. 1 - 342
SAMPLE 2 (PREFACE):
I, LL. 1 - 106
SAMPLE 3 (INTRODUCTION):
I, LL. 1 - 108
SAMPLE 4 (HOMILIES):
I, PP. 4.197 - 18.622
SAMPLE 5 (HOMILIES):
I, PP. 117.3426 - 137.3977
SAMPLE 6 (HOMILIES):
II, PP. 224.16608 - 229.16755^]

<S SAMPLE 1>
<P DED.L1>
[} [\DEDICATION.\] }]

   Nu, bro+terr Wallterr, bro+terr min
Affterr +te fl+ashess kinde;
& bro+terr min i Crisstenndom
+Turrh fulluhht & +turrh troww+te;
& bro+terr min i Godess hus,
+Get o +te +tride wise,
+Turrh +tatt witt hafenn takenn ba
An re+ghellboc to foll+ghenn,
Unnderr kanunnkess had & lif,
Swa summ Sannt Awwstin sette;
Icc hafe don swa summ +tu badd,
& for+tedd te +tin wille,
Icc hafe wennd inntill Ennglissh
Goddspelles hall+ghe lare,
Affterr +tatt little witt +tatt me
Min Drihhtin hafe+t+t lenedd.
+Tu +tohhtesst tatt itt mihhte wel
Till mikell frame turrnenn,
+Giff Ennglissh follc, forr lufe off Crist,
Itt wollde +gerne lernenn,
& foll+ghenn itt, & fillenn itt
Wi+t+t +tohht, wi+t+t word, wi+t+t dede.
<P DED.L23>
& forr+ti +gerrndesst tu +tatt icc 
+Tiss werrc +te shollde wirrkenn;
& icc itt hafe for+tedd te,
Acc all +turrh Cristess hellpe;
& unnc birr+t ba+te +tannkenn Crist
+Tatt itt iss brohht till ende.
Icc hafe sammnedd o +tiss boc
+Ta Goddspelles neh alle,
+Tatt sinndenn o +te messeboc
Inn all +te +ger att messe.
& a+g+g affterr +te Goddspell stannt
+Tatt tatt te Goddspell mene+t+t, 
+Tatt mann birr+t spellenn to +te follc
Off +te+g+gre sawle nede;
& +get t+ar tekenn mare inoh
+Tu shallt t+aronne findenn,
Off +tatt tatt Cristess hall+ghe +ted
Birr+t trowwenn wel & foll+ghenn.
Icc hafe sett her o +tiss boc
Amang Goddspelless wordess,
All +turrh me sellfenn, mani+g word
+Te rime swa to fillenn;
Acc +tu shallt findenn +tatt min word,
E+g+gwh+ar +t+ar itt iss ekedd,
Ma+g+g hellpenn +ta +tatt redenn itt
To sen & tunnderrstanndenn 
All +tess te bettre, hu +te+g+gm birr+t
+Te Goddspell unnderrstanndenn;
& forr+ti trowwe icc +tatt te birr+t
Wel +tolenn mine wordess,
<P DED.L53>
E+g+gwh+ar +t+ar +tu shallt findenn hemm
Amang Goddspelless wordess.
Forr whase mot to l+awedd follc
Larspell off Goddspell tellenn,
He mot wel ekenn mani+g word
Amang Goddspelless wordess.
& icc ne mihhte nohht min ferrs
A+g+g wi+t+t Goddspelless wordess
Wel fillenn all, & all forr+ti
Shollde icc wel offte nede
Amang Goddspelles wordess don
Min word, min ferrs to fillenn.
& te bit+ache icc off +tiss boc,
Heh wikenn alls itt seme+t+t,
All to +turrhsekenn illc an ferrs,
& to +turrhlokenn offte,
+Tatt upponn all +tiss boc ne be
Nan word +g+an Cristess lare,
Nan word tatt swi+te wel ne be
To trowwenn & to foll+ghenn.
Witt shulenn tredenn unnderrfot
& all +twerrt ut forrwerrpenn
+Te dom off all +tatt la+te flocc,
+Tatt iss +turrh ni+t forrblendedd,
+Tatt t+ale+t+t +tatt to lofenn iss,
+Turrh ni+tfull modi+gnesse.
+Te+g+g shulenn l+atenn h+a+teli+g
Off unnkerr swinnc, lef bro+terr;
& all +te+g+g shulenn takenn itt
Onn unnitt & onn idell;
<P DED.L83>
Acc nohht +turrh skill, acc all +turrh ni+t,
& all +turrh +te+g+gre sinne.
& unnc birr+t biddenn Godd tatt he
Forr+gife hemm here sinne;
& unnc birr+t ba+te lofenn Godd
Off +tatt itt wass bigunnenn,
& +tannkenn Godd tatt itt iss brohht
Till ende, +turrh hiss hellpe;
Forr itt ma+g+g hellpenn alle +ta
+Tatt bli+telike itt herenn,
& lufenn itt, & foll+ghenn itt
Wi+t+t +tohht, wi+t+t word, wi+t+t dede.
& whase wilenn shall +tiss boc
Efft o+terr si+te writenn,
Himm bidde icc +tatt het write rihht,
Swa summ +tiss boc himm t+ache+t+t,
All +twerrt ut affterr +tatt itt iss
Uppo +tiss firrste bisne,
Wi+t+t all swillc rime alls her iss sett,
Wi+t+t all se fele wordess;
& tatt he loke wel +tatt he
An bocstaff write twi+g+gess,
E+g+gwh+ar +t+ar itt uppo +tiss boc
Iss writenn o +tatt wise.
Loke he well +tatt het write swa,
Forr he ne ma+g+g nohht elless
Onn Ennglissh writtenn rihht te word,
+Tatt wite he wel to so+te.
& +giff mann wile witenn whi
Icc hafe don +tiss dede,
<P DED.L113>
Whi icc till Ennglissh hafe wennd
Goddspelless hall+ghe lare;
Icc hafe itt don forr+ti +tatt all
Crisstene follkess berrhless
Iss lang uppo +tatt an, +tatt te+g+g
Goddspelless hall+ghe lare
Wi+t+t fulle mahhte foll+ghe rihht
+Turrh +tohht, +turrh word, +turrh dede.
Forr all +tatt +afre onn er+te iss ned
Crisstene follc to foll+ghenn
I troww+te, i dede, all t+ache+t+t hemm
Goddspelles hall+ghe lare.
& forr+ti whase lerne+t+t itt
& foll+ghe+t+t itt wi+t+t dede,
He shall onn ende wurr+ti ben
+Turrh Godd to wurr+tenn borr+ghenn.
& t+arfore hafe icc turrnedd itt
Inntill Ennglisshe sp+ache,
Forr +tatt I wollde bli+teli+g
+Tatt all Ennglisshe lede
Wi+t+t +are shollde lisstenn itt,
Wi+t+t herrte shollde itt trowwenn,
Wi+t+t tunge shollde spellenn itt,
Wi+t+t dede shollde itt foll+ghenn,
To winnenn unnderr Crisstenndom
Att Godd so+t sawle berrhless.
& +giff +te+g+g wilenn herenn itt,
& foll+ghenn itt wi+t+t dede,
Icc hafe hemm hollpenn unnderr Crist
To winnenn +te+g+gre berrhless.
<P DED.L143>
& I shall hafenn forr min swinnc
God l+an att Godd onn ende,
+Giff +tatt I, forr +te lufe off Godd
& forr +te mede off heffne,
Hemm hafe itt inntill Ennglissh wennd
Forr +te+g+gre sawle nede. 
& +giff +te+g+g all forrwerrpenn itt,
Itt turne+t+t hemm till sinne,
& I shall hafenn addledd me
+Te Laferrd Cristess are,
+Turrh +tatt icc hafe hemm wrohht tiss boc
To +te+g+gre sawle nede,
+Tohh +tatt te+g+g all forrwerrpenn itt
+Turrh +te+g+gre modi+gnesse.

   Goddspell onn Ennglissh nemmnedd iss
God word, & god ti+tennde,
God errnde, forr+ti +tatt itt wass
+Turrh hall+ghe Goddspellwrihhtess
All wrohht & writenn uppo boc
Off Cristess firste come,
Off hu so+t Godd wass wurr+tenn mann
Forr all mannkinne nede,
& off +tatt mannkinn +turrh hiss d+a+t
Wass lesedd ut off helle,
& off +tatt he wisslike ras
+Te +tridde da+g+g off d+a+te,
& off +tatt he wisslike stah
+Ta si+t+tenn upp till heffne,
<P DED.L171>
& off +tatt he shall cumenn efft
To demenn alle +tede,
& forr to +geldenn iwhillc mann
Affterr hiss a+ghenn dede.
Off all +tiss god uss brinnge+t+t word
& errnde & god ti+tennde
Goddspell, & forr+ti ma+g+g itt wel
God errnde ben +gehatenn.
Forr mann ma+g+g uppo Goddspellboc
Godnessess findenn seffne
+Tatt ure Laferrd Jesu Crist
Uss hafe+t+t don onn er+te,
+Turrh +tatt he comm to manne, & +turrh
+Tatt he warr+t mann onn er+te.

   Forr an godnesse uss hafe+t+t don
+Te Laferrd Crist onn er+te,
+Turrh +tatt he comm to wurr+tenn mann
Forr all mannkinne nede.
O+terr godnesse uss hafe+t+t don
+Te Laferrd Crist onn er+te,
+Turrh +tatt he wass i flumm Jorrdan
Fullhtnedd forr ure nede;
Forr +tatt he wollde uss waterrkinn
Till ure fulluhht hall+ghenn,
+Turrh +tatt he wollde ben himm sellf
Onn er+te i waterr fullhtnedd.
+Te +tridde god uss hafe+t+t don
+Te Laferrd Crist onn er+te,
<P DED.L199>
+Turrh +tatt he +gaff hiss a+ghenn lif
Wi+t+t all hiss fulle wille,
To +tolenn d+a+t+t o rodetre
Saccl+as wi+t+tutenn wrihhte,
To lesenn mannkinn +turrh his d+a+t
Ut off +te defless walde.
+Te fer+te god uss hafe+t+t don
+Te Laferrd Crist onn er+te,
+Turrh +tatt hiss hall+ghe sawle stah
Fra rode dun till helle,
To takenn ut off helle wa
+Ta gode sawless alle,
+Tatt haffdenn cwemmd himm i +tiss lif
+Turrh so+t unnsha+ti+gnesse.
+Te fifte god uss hafe+t+t don
+Te Laferrd Crist onn er+te,
+Turrh +tatt he ras forr ure god
+Te +tridde da+g+g off d+a+te,
& let te posstless sen himm wel
Inn hiss mennisske kinde;
Forr +tatt he wollde fesstnenn swa
So+t troww+te i +te+g+gre brestess
Off +tatt he, wiss to fulle so+t,
Wass risenn upp off d+a+te,
& i +tatt illke fl+ash +tatt wass
Forr uss o rode na+g+gledd;
Forr +tatt he wollde fesstnenn wel
+Tiss troww+te i +te+g+gre brestess,
He let te posstless sen himm wel
Well offte si+te onn er+te,
<P DED.L229>
Wi+t+tinnenn da+g+gess fowwerrti+g
Fra +tatt he ras off d+a+te.
+Te sexte god uss hafe+t+t don
+Te Laferrd Crist onn er+te,
+Turrh +tatt he stah forr ure god
Upp inntill heffness blisse,
& sennde si+t+tenn Hali+g Gast
Till hise Lerninngcnihhtess,
To frofrenn & to beldenn hemm
To stanndenn +g+an +te defell,
To gifenn hemm god witt inoh
Off all hiss hall+ghe lare,
To gifenn hemm god lusst, god mahht,
To +tolenn alle wawenn,
All forr +te lufe off Godd, & nohht
Forr er+tli+g loff to winnenn.
+Te seffnde god uss shall +get don
+Te Laferrd Crist onn ende,
+Turrh +tatt he shall o Domess da+g+g
Uss gifenn heffness blisse,
+Giff +tatt we shulenn wurr+ti ben
To findenn Godess are.

   +Tuss hafe+t+t ure Laferrd Crist
Uss don godnessess seffne,
+Turrh +tatt tatt he to manne comm,
To wurr+tenn mann onn er+te.
& o +tatt hall+ghe boc +tatt iss
Apokalypsis nemmnedd
<P DED.L257>
Uss wrat te posstell Sannt Johan,
+turrh Hali+g Gastess lare,
+Tatt he sahh upp inn heffne an boc
Bisett wi+t+t seffne innse+g+gless,
& sperrd swa swi+te wel +tatt itt
Ne mihhte nan wihht oppnenn,
Wi+t+tutenn Godess hall+ghe Lamb
+Tatt he sahh ec inn heffne.
& +turrh +ta seffne innse+g+gless wass
Rihht swi+te wel bitacnedd
+Tatt sefennfald godle+g+gc +tatt Crist
Uss dide +turrh hiss come;
& tatt nan wihht ne mihhte nohht
Oppnenn +ta seffne innse+g+gless,
Wi+t+tutenn Godess Lamb, +tatt comm,
Forr +tatt itt shollde tacnenn
+Tatt nan wihht, nan enngell, nan mann,
Ne naness kinness shaffte,
Ne mihhte +turrh himm sellfenn +ta
Seffne godnessess sh+awenn
O mannkinn, swa +tatt itt mannkinn
Off helle mihhte lesenn,
Ne gifenn mannkinn lusst, ne mahht,
To winnenn heffness blisse.

   & all all swa se Godess Lamb,
All +turrh hiss a+ghenn mahhte,
Lihhtlike mihhte & wel inoh
+Ta seffne innse+g+gless oppnenn,
<P DED.L285>
All swa +te Laferrd Jesu Crist,
All +turrh his a+ghenn mahhte,
Wi+t+t Faderr & wi+t+t Hali+g Gast
An Godd & all an kinde,
All swa rihht he lihhtlike inoh
& wel wi+t+t alle mihhte
O mannkinn +turrh himm sellfenn +ta
Seffne godnessess sh+awenn,
Swa +tatt he mannkinn wel inoh
Off helle mihhte lesenn,
& gifenn mannkinn lufe & lusst,
& mahht & witt & wille,
To stanndenn inn to cwemenn Godd,
To winenn heffness blisse.
& forr +tatt hali+g Goddspellboc
All +tiss godnesse uss sh+awe+t+t,
+Tiss sefennfald godle+g+gc +tatt Crist
Uss dide +turrh hiss are,
Forr+ti birr+t all Crisstene follc
Goddspelless lare foll+ghenn.
& t+arfore hafe icc turrnedd itt
Inntill Ennglisshe sp+ache,
Forr +tatt I wollde bli+teli+g
+Tatt all Ennglisshe lede
Wi+t+t +are shollde lisstenn itt,
Wi+t+t herrte shollde itt trowwenn,
Wi+t+t tunge shollde spellenn itt,
Wi+t+t dede shollde itt foll+ghenn,
To winnenn unnderr Crisstenndom
Att Crist so+t sawle berrhless.
<P DED.L315>
& Godd Allmahhti+g +gife uss mahht
& lusst & witt & wille,
To foll+ghenn +tiss Ennglisshe boc
+Tatt all iss hali+g lare,
Swa +tatt we motenn wurr+ti ben
To brukenn heffness blisse.
Am[{aen{] . Am[{aen{] . Am[{aen{] ;
Icc +tatt tiss Ennglissh hafe sett
Ennglisshe menn to lare,
Icc wass +t+ar +t+ar I crisstnedd wass
Orrmin bi name nemmnedd.
& icc Orrmin full innwarrdli+g
Wi+t+t mu+t & ec wi+t+t herrte
Her bidde +ta Crisstene menn,
+Tatt herenn o+terr redenn
+Tiss boc, hemm bidde icc her +tatt te+g+g
Forr me +tiss bede biddenn,
+Tatt bro+terr +tatt tiss Ennglissh writt
Allr+aresst wrat & wrohhte,
+Tatt bro+terr forr hiss swinnc to l+an
So+t blisse mote findenn.
Am[{aen{] . 
<P DED.L335>
+Ta Goddspelless alle +tatt icc
Her o +tiss boc ma+g+g findenn,
Hemm alle wile icc nemmnenn her
Bi +te+g+gre firrste wordess.
& tale wile icc settenn to,
To don +guw tunnderrstanndenn,
Hu fele sinndenn o +tiss boc
Goddspelless unnderr alle. 

<S SAMPLE 2>
<P PREF.L1>
[} [\PREFACE.\] }]

   +Tiss boc iss nemmnedd Orrmulum  
Forr+ti +tatt Orrm itt wrohhte,
& itt iss wrohht off qua+t+trigan,
Off Goddspellbokess fowwre;
Off qua+t+trigan Amminadab,
Off Cristess Goddspellbokess.
Forr Crist ma+g+g +turrh Amminadab
Rihht full wel ben bitacnedd;
Forr Crist toc d+a+t o rodetre
All wi+t+t hiss fulle wille.
& forr+ti +tatt Amminadab
O Latin sp+ache iss nemmnedd
O Latin boc Spontaneus,
& onn Ennglisshe sp+ache
+Tatt weppmann +tatt summ dede do+t
Wi+t+t all hiss fulle wille,
Forr+ti ma+g+g Crist full wel ben +turrh
Amminadab bitacnedd;
Forr Crist to d+a+t o rodetre
All wi+t+t hiss fulle wille.
<P PREF.L21>
+Tatt wa+g+gn iss nemmnedd qua+t+trigan
+Tatt hafe+t+t fowwre wheless;
& Goddspell iss +tatt wa+g+gn, forr+ti
+Tatt itt iss fowwre bokess;
& Goddspell iss Jesusess wa+g+gn
+Tatt ga+t o fowwre wheless,
Forr+ti +tatt itt iss sett o boc
+Turrh fowwre Goddspellwrihhtess.
& Jesuss iss Amminadab,
Swa summ icc hafe sh+awedd,
Forr +tatt he swallt o rodetre
All wi+t+t hiss fulle wille.
& Goddspell forr +tatt illke +ting
Iss Currus Salomoniss,
Forr +tatt itt i +tiss middell+ard,
+Turrh Goddspellwrihhtess fowwre,
Wa+g+gne+t+t so+t Crist fra land to land
+Turrh Cristess Lerninngcnihhtess,
+Turrh +tatt te+g+g i +tiss middell+ard
Flittenn & farenn wide,
Fra land to land, fra burrh to burrh,
To spellen to +te lede
Off so+t Crist & off Crisstenndom,
& off +te rihhte l+afe,
& off +tatt lif +tatt lede+t+t menn
Upp inntill heffness blisse.
+Turrh swillc +te+g+g berenn H+alennd Crist
Alls iff +te+g+g karrte w+arenn
Off wheless fowwre, forr +tatt all
Goddspelless hall+ghe lare
<P PREF.L51>
Iss - alls icc hafe sh+awedd +guw,
O fowwre Goddspellbokess.
& forr+ti ma+g+g Goddspell full wel
Ben Salemanness karrte,
+Tiss iss to seggenn opennli+g
+Te Laferrd Cristess karrte.
Forr Jesu Crist Allmahhti+g Godd,
+Tatt alle shaffte wrohhte,
Iss wiss +tatt so+te Salemann
+Tatt sette gri+t+t onn er+te
Bitwenenn Godd & menn, +turrh +tatt
He +gaff hiss lif o rode,
To lesenn mannkinn +turrh hiss d+a+t
Ut off +te defless walde.
& forr+ti ma+g+g so+t Crist ben wel
+Turrh Salemann bitacnedd,
Forr Salomon iss onn Ennglissh
+Tatt mann +tatt so+t sahhtnesse
& trigg & trowwe gri+t+t & fri+t+t
Re+g+gse+t+t bitwenenn lede,
& foll+ghe+t+t itt wi+t+t all hiss mahht,
+Turrh +tohht, +turrh word, +turrh dede.
All +tuss iss +tatt hall+ghe Goddspell,
+Tatt iss o fowwre bokess,
Nemmnedd Amminadabess wa+g+gn
& Salemanness karrte;
Forr +tatt itt wa+g+gne+t+t Crist till menn
+Turrh fowwre Goddspellwrihhtess,
Rihht alls iff itt w+are +tatt wa+g+gn
+Tatt ga+t o fowwre wheless.
<P PREF.L81>
& tuss iss Crist Amminadab
+Turrh gastli+g witt +gehatenn,
For +tatt he toc o rode dae+t
Wi+t+t all hiss fulle wille.
& Salomon he nemmnedd iss,
Swa summ icc hafe sh+awedd, 
Forr +tatt he sette gri+t+t & fri+t+t
Bitwenenn heffne & er+te,
Bitwenenn Godd & menn, +turrh +tatt
+Tatt he toc d+a+t o rode,
To lesenn mannkinn +turrh hiss d+a+t
Ut off +te defless walde.
& all +tuss +tiss Ennglisshe boc
Iss Orrmulum +gehatenn,
Inn qua+t+trigan Amminadab,
Inn Currum Salomonis.
& off Goddspell icc wile +guw
+Get summ del mare sh+awenn;
+Get wile icc sh+awenn +guw forrwhi
Goddspell iss Goddspell nemmnedd.
& ec icc wile sh+awenn +guw
Hu mikel sawle sell+te
& sawle berrhless unnderrfo+t
Att Goddspell all +tatt lede,
+Tatt foll+ghe+t+t Goddspell +twerrt ut wel
+Turrh +tohht, +turrh word, +turrh dede. 

<S SAMPLE 3>
<P INTR.L1>
[} [\INTRODUCTION.\] }]

   All mannkinn, fra +tatt Adam wass
+Turrh Drihhtin wrohht off eor+te,
Anan till +tatt itt cumenn wass
Till Cristess d+a+t o rode,
All for till helle forr +tatt gillt
+Tatt Adam haffde gilltedd,
+Turrh +tatt he Godess bodeword
Forrlet forr litell nede.
Forr wel he mihhte lokenn himm,
+Giff +tatt he wollde himm lokenn,
Fra +tatt anlepi+g treo +tatt himm
Drihhtin forrbodenn haffde,
+T+ar +t+ar he fand off o+tre treos
Full gode treos ino+ghe.
& forr+ti +tatt he bracc onn+g+an
Drihhtin all hise +tannkess,
Forr +tatt wass mikell wr+ache sett
Onn+g+an +tatt woh wi+t+t rihhte.   
Forr+ti wass mikell wr+ache wiss
+Tatt all follc for till helle,
To ben a butenn ende +t+ar 
Forr aness manness gillte.
& itt wass +tohh full mikell rihht,
+Tatt witt tu wel to so+te,
+Tatt all follc wass forrgillt, +turrh +tatt
+Tatt Adam wass forrgilltedd.
Forr all follc wass +tatt illke streon
+Tatt Adam haffde strenedd,
<P INTR.L29>
& all follc wass forr+ti forrgillt
+T+ar Adam wass forrgilltedd.

   Adam wass wurr+tenn deofless peoww
+Turrh +tatt he dide hiss wille,
& all +tatt streonedd wass +turrh himm
Wass streonedd to +tatt illke,
To ben unnderr deofless +teowwdom,
To farenn all till helle.
& tatt wass rihht tatt mannkinn wass
Unnderr +te deofless walde,
All swa summ Adam wurr+tenn wass,
+Tatt haffde hemm alle streonedd,
& all se iss her bitwenenn +te
& tin eor+tlike laferrd;
Forr all swa summ +tu +teowwtesst himm,
Swa shall +tin sune himm +teowwtenn,
Butt iff he wurr+te lesedd ut
Off hiss +teowwdomess bandess.
Nu mihht tu sen +tatt tatt wass rihht
+Tatt mannkinn for till helle,
All affterr +tatt tatt Adam for,
+Tatt haffde hemm alle streonedd;
& alle forenn all forr+ti
Till helless +teossterrnesse,
+Ga +ta +tatt w+arenn gode menn,
+Ga +ta +taa w+arenn ille.
+T+ar w+arenn fele gode menn
Biforenn Cristess come,
<P INTR.L57>
+Tatt cwemmdenn Godd +turrh hali+g lif,
& +turrh unnsha+ti+gnesse,
& tohh ne mihhte nani+g mann
+Turrh hise gode dedess
Utbresstenn off +te deofless band,
& ut off helle walde.
Acc son se time comm +t+arto
+Tatt Godd itt wollde betenn,
Godd r+aw off mann, & tatt forr+ti
+Tatt he wass wrohht off eor+te.
Off all +tatt enngleflocc +tatt fell
Off heoffness +ard till helle
Ne r+aw himm nohht, swa +tatt he +te+g+gm
Fra pine wollde lesenn;
Forr+ti +tatt te+g+g ne gilltenn nohht
+Turrh fl+ashess unntrummnesse,
Acc +turrh +tatt la+te modi+gle+g+gc
+Tatt comm all off hemm sellfenn,
Forr+ti ne r+aw himm nohht off hemm,
Ne nohht off here pine;
Acc Drihhtin r+aw off mann, forr+ti
+Tatt he wass wrohht off eor+te.
& son se time comm +t+arto
+Tatt Godd uss wollde lesenn
Ut off +te la+te gastess band,
Ut off +te deofless walde,
He sennde uss sone hiss word, hiss witt,
Hiss sune, hiss mahht, hiss kinde,
<P INTR.L85>
To takenn ure mennisscle+g+gc,
To wurr+tenn mann onn eor+te,
To lesenn mannkinn +turrh hiss d+a+t
Ut off +te deofless walde.

   Acc +guw birr+t unnderrstanndenn her
+Tatt Sannt Johan Bapptisste
Wass borenn i +tiss middell+ard
+Turrh Godess lefe wille,
To cumenn for+t bitwenenn menn,
To spellenn & to fullhtnenn
Biforenn Crist Allmahhti+g Godd,
To +garrkenn hise we+g+gess.
Rihht swa summ bidell birr+t ben sennd,
To +garrkenn & to gre+g+g+tenn
Onn+g+an hiss laferrd t+ar +t+ar he
Shall cumenn swi+te newenn,
Rihht o +tatt wise comm Johan
Biforenn Cristess come,
To +garrkenn follc onn+g+aness Crist,
To takenn wi+t+t hiss lare.
& her icc wile sh+awenn +guw
Hu Sannt Johan Bapptisste   
Wass sennd +turrh Godd biforenn Crist,
To +garrkenn Cristess we+g+gess; 

<S SAMPLE 4>
<P I,4>
   +Ta se+g+gde Zacariass +tuss
Till Godess enngell sone;
+Turrh whatt ma+g+g icc nu witenn +tiss
+Tatt itt me mu+ghe wurr+tenn?
Witt sinndenn off swillc elde nu
+Tatt witt ne mu+ghenn t+amenn.
& Godess enngell se+g+gde +tuss
Till Zacari+ge efft sone;
Witt tu +tatt icc amm Gabri+al
+Tatt +afre & +afre stannde
Biforenn Godd, to lutenn himm,
To lofenn himm & wurr+tenn;
& hiderr amm icc sennd to +te,
+Tiss blisse +te to ki+tenn.
& fra +tiss da+g+g +tu shallt ben dumb
Till +tatt itt shall ben for+tedd,
Forr+ti +tatt tu ne wolldesst nohht
Nu trowwenn mine wordess,
+Tatt filledd shulenn ben +turrh Godd
Att heore rihhte time.
& all +te follc +t+ar ute abad,
& +tuhhte mikell wunnderr
<P I,5>
Forrwhi +te preost swa lannge wass
+Tatt da+g+g att Godess allterr.
& tanne comm he si+t+tenn ut
All dumb & butenn sp+ache,
& toc to becnenn till +te follc,
& spacc he nohht wi+t+t tunge.
& ta +te+g+g wisstenn sone anan
Forr whatt he dwelledd haffde;
+Te+g+g wisstenn +tatt himm wass +tatt da+g+g
Summ unncu+t sihh+te sh+awedd.
& Zacari+ge for himm ham
Affterr +ta da+ghess sone.
& si+t+tenn warr+t Elyzab+ath
Off himm +turrh Godd wi+t+t childe;
& +ghot forrhall fif mone+t+t wel,
+Tatt witt tu wel to so+te,
& tuss +gho se+g+gde inn hire +tohht
Off hire d+arne sell+te;
+Tuss hafe+t+t Drihhtin don wi+t+t me,
+Turrh hiss orrmete millce,
+Tatt icc ne beo mang wimmannkinn
Till h+a+tinng butenn chilldre.
Her endenn twa Goddspelles +tuss,
& uss birr+t hemm +turrhsekenn,
To lokenn whatt te+g+g l+arenn uss
Off ure sawle nede.
Her habbe icc sh+awedd +guw summ del
Hu Sannt Johan Bapptisste
<P I,6>
+Turrh Godess +gife streonedd wass
Off faderr & off moderr,
Onn+g+aness kinde +tohh swa +tehh,
Forr ba+te w+arenn alde.
& her icc wile sh+awenn +guw
Off +tise twa Goddspelless,
Hu mikell god te+g+g l+arenn +guw
Off +gure sawless nede;

   +Tiss Goddspell se+g+g+t +tatt Sannt Johan
Wass her to manne streonedd
Upponn Herode kingess da+g+g;
& tatt wass Godess wille;
Forr Godess Gast itt haffde se+g+gd
+Turrh hiss profetess tunge,
Full mikell fresst biforenn +tatt
+Tatt crist comm her to manne,
+Tatt Godess follc, Judisskenn follc,
+Tatt Godess la+ghess heldenn,
A+g+g sholldenn habbenn allderrmenn
& kingess off hemm sellfenn,
A+g+g - till +tatt Godess Sune Crist
Himm shollde onn eor+te sh+awenn.
& swa itt wass a+g+g-till +tatt Crist 
Wass borenn her to manne.
Forr a+g+g +te+g+g haffdenn allderrmenn
& kingess off hemm sellfenn,
Till +tatt Herode wass hemm sett
H+a+tene mann to kinge,
<P I,7>
+Turrh Rome burr+ghess Kaserrking,
+Tatt t+ar wass oferrlaferrd.
& o +tatt illke Herodess da+g+g
Comm Jesu Crist to manne,
Hallf +ger affterr +tatt Sannt Johan
Wass borenn off hiss moderr.
& swa wass filledd opennli+g
+Tatt word tatt +ar wass cwiddedd,
+Tatt Godess follc, Judisskenn follc,
+Tatt Godess la+ghess heldenn,
A+g+g sholldenn habbenn allderrmenn
& kingess off hemm sellfenn,
A+g+g - till +tatt Godess Sune Crist
Himm shollde onn eor+te sh+awenn;
& ec +tiss Goddspellwrihte se+g+g+t,
+Tatt Zakari+gess macche
Elysab+a+t wass an wifmann
Off Aaroness dohhtress.
& Aaron wass +te firrste preost
Off Issra+ale +teode,
& Aaron, +tatt se+g+g+t so+t boc,
Wass Moys+asess bro+terr.
& Moys+as wass h+afedd mann
Off Issra+ale +teode,
& Aaron wass h+afedd preost
Amang Judisskenn +teode.
& tiss wif wass off +te+g+gre kinn,
Swa summ +te Goddspell ki+te+t+t.
& tohh +tatt tiss Elysab+a+t,
+Tatt we nu m+alenn ummbe,
<P I,8>
Wass +tuss off Aaroness kinn,
+Tohh se+g+g+t +te Goddspellwrihhte
+Tatt +gho wass Sannte Mar+ge sibb,
+Te Laferd Cristess moderr,
+Tatt wass off Davi+d kingess kinn,
& Davi+t king +tohhwhe+t+tre
Nass nohht off Aaroness kin
Noff Aaroness birde,
& forr +tatt all iss +twerrt ut so+t,
& all +twerrt ut to trowwenn,
+Tatt stannde+t+t o +te Goddspellboc
+Tatt +twerrt ut nohht ne le+ghe+t+t,
Uss birr+t heroffe witenn wel
& seon & unnderrstanndenn,
+Tatt Davi+t kingess kinness menn
Off weress o+t+tr off wifess
Wi+t+t Aaroness kinness menn
Off si+tre w+arenn sammnedd,
To streonenn streon, to wurr+tenn sibb
Wi+t+t kingess & wi+t+t preostess.
Tacc nu +tiss streon +tatt tuss wass sibb
Wi+t+t preostess & wi+t+t kingess,
& let itt streonenn streon inoh
All i +tatt illke birde,
All all swa summ itt streonedd be
Off kingess & off preostess,
& let itt si+t+tenn streonenn for+t
Elysab+a+t to manne,
& let itt si+t+tenn streonenn for+t
+Te lafdi+g Sannte Mar+ge;
<P I,9>
& tacc hemm ba+te ut off +tatt streon
& e+g+g+terr sibb wi+t+t o+terr,
& e+g+g+terr streonedd i +tiss lif
Off kingess & off preostess;
& tacc +te Laferd Jesu Crist 
+Turrh Sannte Mar+ge hiss moderr,
+Tatt hall+ghe streon +tatt streonedd wass
Off kingess & off preostess,
+Tatt streon +tatt wass Allmahhti+g Godd,
& King off alle kingess,
& Preost off alle preostess ec,
& Shippennd allre shaffte,
& lac to wurr+tenn offredd her
O rodetreowwess allterr,
To lesenn mannkinn +turrh hiss d+a+t
Utt off +te deofless walde,
& forr to sahhtlenn hemm towarrd
Hiss Faderr upp off heoffne,
+Tatt all wass wra+t wi+t+t all mannkinn,
& haffde itt all forrworrpenn
A+g+g fra +tatt Adam Godd forrlet,
& toc himm to +te deofell.
& forr+ti wass +te Laferrd Crist
Off preostess kinn onn eor+te,
Forr +tatt he wollde wurr+tenn lac
+Tatt preostess unnderrfangenn,
& ec forr+ti +tatt he wass Preost
H+afedd off alle preostess,
To biddenn forr hiss a+ghenn follc
Upponn hiss Faderr are; 
<P I,10>
& ec +tiss illke Goddspell se+g+g+t,
Swa summ +ge littl+ar herrdenn,
+Tatt Zacarie, Godess preost,
& +gho +tatt wass hiss macche
W+arenn rihhtwise & gode menn
Biforenn Godess e+ghne.
& +guw ma+g+g ben +tiss illke word
God lare hu +guw birr+t libbenn.
He se+g+gde +tatt te+g+g w+arenn ba
Biforenn Godd rihhtwise.
& tatt wass alls he se+g+gde +tuss
Wi+t+t all full openn sp+ache,
+Te+g+g ba+te samenn cwemmdenn Godd
+Turrh heore rihhtwisnesse.
& swa ne don nohht alle +ta
+Tatt foll+ghenn rihhtwisnesse,
Ne cwemenn +te+g+g nohht alle Godd
Wi+t+t heore rihhtwisnesse.
Forr mann ma+g+g findenn i +tiss lif
Bitwenenn uss ino+ghe
+Tatt ledenn hemm swa d+arneli+g
Biforenn menness e+ghne,
+Tatt mann hemm hallt forr gode menn
& forr full wel rihhtwise,
& sinndenn +tohh biforenn Godd
Unngode & unnrihhtwise;
Forr+ti +tatt te+g+g forr idell +gellp
& all forr menness sp+ache
<P I,11>
Sh+awenn biforren o+tre menn
Godnesse & rihhtwisnesse,
& sinndenn +tohh swa +tehh i +tohht
& ec i d+arne dedess
Biforenn Drihhtin fule menn,
+Turrh sinness unncl+annesse.
Acc +ta +tatt all forr lufe off Godd
A+g+g foll+ghenn rihhtwisnesse
Biforenn menn, bihinndenn menn,
O da+g+gess & o nihhtess,
& nohht forr eor+tli+g loff, acc all
Forr heofennlike mede,
+Ta sinndenn wiss biforenn Godd
Rihhtwise menn & gode,
& shulenn habbenn heore l+an
Forr heore rihhtwisnesse,
A butenn ende blisse inoh
Wi+t+t alle Godess enngless.
& +get tiss Goddspell se+g+g+t off hemm,
Forr uss +turrh hemm to l+arenn,
+Tatt e+g+g+terr heore +gede swa
Rihht affterr Godess lare,
+Tatt fand mann nan +ting upponn hemm
To wre+genn, ne to t+alenn,
Noff whatt menn mihhtenn habbenn ni+t,
Ne wra+t+te +g+an heore oww+terr.
& her +tu mihht nu sen +tatt te+g+g
Full cweme w+arenn ba+te
Biforenn Godd inn heoffne, & ec
Biforenn menn onn eor+te.
<P I,12>
& tu shallt findenn swillke nu
Bitwenenn uss well f+awe;
Forr swa we don unnha+gherrli+g
Whattse we don to gode,
& swa we don itt wi+t+t unnskill
+Tatt itt ma+g+g anngrenn o+tre.
Acc swa ne didenn nohht ta twa
+Tatt we nu m+alenn ummbe;
Forr fand mann nan +ting upponn hemm
+Tatt mihhte ohht anngrenn o+tre;
+Turrh whatt tu mihht nu sen +tatt te+g+g
Rihhtwise & gode w+arenn.
& swa +te+g+g leddenn heore lif
Till +tatt te+g+g w+arenn alde,
+Tatt naffdenn +te+g+g nan child till +ta;
& tatt wass Godess wille.
Forr Godd itt haffde lokedd swa
+Tatt Sannt Johan Bapptisste
+Tatt time shollde streonedd ben
+Tatt w+are onn+g+aness kinde,
+Tatt hise frend mihhtenn off himm
All +tess te mare blissenn,
& tatt te follc all +tess te bett
Hiss lare shollde foll+ghenn,
+Turrh +tatt tatt te+g+g himm sholldenn sen
Ben borenn her to manne
+Turrh Godess wille, & +turrh hiss mahht,
& nohht +turrh moderr kinde.
<P I,13>
Forr +gho wass swa bifundenn wif
+Tatt naffde +gho nohht t+amedd,
& +gho wass +ta swa winntredd wif
& off swa mikell elde,
+Tatt naffde +gho nan kinde +ta
Onn hire forr to t+amenn.
& forr+ti wass itt all +turrh Godd
+Tatt +gho wass +ta wi+t+t childe,
Forr +tatt +gho shollde childenn an
Utnumenn child to manne.

   +Tiss gode mann, +tiss gode prest,
+Tatt we nu m+alenn offe,
Wass, alls I se+g+gde nu littl+ar,
+Gehatenn Zacaryas;
& he wass, alls icc hafe se+g+gd,
God prest, & Godd full cweme.
& he wass i +tatt shifftinng sett
+Tatt nemmnedd wass Abya,
Forr prestess +tanne & d+acness ec
Shifftedenn hemm bitwenenn
Whillc here shollde serrfenn firrst,
Whillc si+t+tenn i +te temmple.
& he, +tiss Zakaryas, wass
Bitwenenn o+tre prestess
I +tatt shifftinng to serrfenn sett
+Tatt nemmnedd wass Abya,
Affterr an h+afedd prest tatt wass
Off Aarones chilldre,
<P I,14>
+Tatt ta bi name nemmnedd wass
Abyu+t+t o+t+tr Abyas.
Unnderr all +talde la+ghess fresst
W+arenn alle +te prestess
Off twe+g+genn prestess, & tatt an
Off twe+g+genn wass nemmnedd
Eleazar, & Ytamar
Wass he +tatt o+terr nemmnedd.
& ta twa prestess w+arenn 
Aarones suness ba+te.
& talde la+ghess presteflocc 
Comm all off +ta twa prestess;
Forr Drihhtin haffde +tanne sett,
+Tatt nan ne shollde wurr+tenn
+Ta sett to wurr+tenn prest, butt iff
He prestess sune w+are.
& alle +ta prestess +tatt off
+Ta twe+g+genn prestess comenn,
Shifftedenn hemm bitwenenn +ta
Wi+t+t lott, whillc shollde serrfenn
Allmahhti+g Godd att allterr firrst,
Whillc si+t+tenn i +te temmple.
& Davi+t+t king hemm haffde sett
I lotess fowwre & twennti+g,
+Tatt illc an shollde witenn wel
Whillc lott himm shollde re+g+gsenn,
To cumenn inntill +Gerrsal+am,
To serrvenn i +te temmple.
+T+ar w+arenn fowwre & twennti+g menn
+Tatt w+arenn h+afedd prestess,
<P I,15>
& off illc an off alle +ta
Comm an god flocc off prestess,
Sprungenn off himm, strenedd +turrh himm,
& wass hiss hird +gehatenn.
& iwhillc an serlepess off
+Ta fowwre & twennti+g hirdess
Wass nemmnedd affterr an mann off
+Ta fowwre & twennti+g prestess
+Tatt w+arenn h+afedd prestess off
+Ta fowwre & twennti+g hirdess,
& illc an hird serlepess, off
+Ta fowwre and twennti+g hirdess, 
Wisste full wel whillc lott an, off
+Ta lotess fowwre & twennti+g,
Himm badd ben bun his sefennnahht
To +tewwtenn i +te temmple.
Forr illc an hird wel wisste inoh,
Whe+t+tr itt to serrfenn shollde
Prest senndenn i +te firrste lott,
O+t+tr i +tatt comm +t+araffterr,
O+t+tr i +te +tridde lott, o+t+tr i
+Te fer+te, o+t+tr i +te fifte.
& off +ta fowwre & twennti+g menn,
+Tatt w+arenn h+afedd prestess
& allderrmenn & hirdess off
+Ta fowwre & twennti+g gengess 
+Tatt w+arenn prestess, Drihhtin Godd
To +tewwtenn wukemalumm,
Off +ta twa si+te twellfe menn
Wass an Abyas nemmnedd
<P I,16>
O+t+tr Abyud, & inn hiss hird
Wass Zakaryass fundenn,
& off hiss kinn an hali+g prest,
& Drihhtin Godd full cweme.
& i +tehhtennde lott comm +tiss
Aby+gess hird to serrfenn,
To findenn prest hiss sefennnahht
To +tewwtenn i +te temmple.
& a+g+g whannse +tatt presteflocc,
+Tatt fowwre & twennti+g w+arenn,
Ann si+te +tewwtedd haffdenn all
Abutenn i +te temmple,
A+g+g haffde +tegg off wukess +ta
Rihht fowwre & twennti+g filledd.
& a+g+g +te+g+g tokenn efft forrnon
To serrfenn wukemalumm.
& +guw birr+t witenn +tatt te king
+Ta fowwre & twennti+g hirdess
Tod+aledd haffde +tane o twa,
To settenn twe+g+genn hirdess,
An hird tatt off Eleazar
Wass sprungenn & wass strenedd,
An o+terr +tatt off Ytamar
Wass strenedd her to manne.
& e+g+g+terr hird & e+g+g+ter hus
Tod+aledd wass +tohhwhe+t+tre
Onn hirdess rihht sextene, & ec
Onn hirdess twi+g+gess fowwre.
& tatt hird tatt tod+aledd wass
Onn hirdess rihht sextene,
<P I,17>
All +tatt hird off Eleazar
Wass strenedd her to manne;
& tatt, forr +tatt Eleazar
Sextene suness haffde,
& off illc an serlepess wass
An hird to manne strenedd.
& tatt hird tatt tod+aledd wass
Onn hirdess twi+g+gess fowwre,
All +tatt hird wass +turrh Ytamar
To manne onn er+te strenedd;
& tatt, forr+ti +tatt Ytamar
Rihht ehhte suness haffde,
& off illc an serlepess wass
An hird to manne strenedd;
& ta sextene +tatt Eleazar 
her haffde strenedd,
+Ta hirdess +tatt, witt tu full wel,
Haffdenn an hird onn h+afedd,
Haffdenn an h+afedd hird tatt wass
Abufenn alle +to+tre,
Alls iff itt w+are laferrdflocc
Offr alle +to+tre flockess.
& tatt tatt swa wass h+afedd hird,
+Tatt hird wass i +tatt time
Nemmnedd Eleazaress hus,
Eleazaress hewenn.
& all se itt for onn o+terr hallf
Inn Ytamaress chilldre.
Forr Ytamaress hird wass ec
+Tatt illke wise d+aledd
<P I,18>
Onn hirdess ehhte, se+g+g+t +te boc,
& haffde an hird onn h+afedd,
& haffde an h+afedd hird tatt wass
Abufenn alle +to+tre,
Alls iff itt w+are laferrdflocc
Offr alle +to+tre flokkess.
& tatt tatt swa wass h+afedd hird,
+Tatt hird wass i +tatt time
+Gehatenn Ytamaress hus,
& Ytamaress hewenn.
& illc an hird wass nemmnedd a+g+g
Bi name, inn all +tatt time,
Affterr summ a+tell mann & god
+Tatt i +tatt hird wass h+afedd.
& illc an hird wel wisste inoh
Whillc lott badd hise prestess
I Godess temmple serrfenn Godd.
& a+g+g comm Zacaryas
Unnderr +tehhtennde lott wi+t+t lac
To +tewwtenn i +te temmple.
& o +tatt illke wise comm
A+g+g d+akenn affterr d+akenn,
All affterr +tatt his lott himm fell
To +tewwtenn i +te temmple. 

<S SAMPLE 5>
<P I,117> 
   Annd o +tatt illke nahht tatt Crist
Wass borenn her to manne,
Wass he +get, alls hiss wille wass,
Awwnedd onn o+terr wise.
<P I,118>
He sette a steorrne upp o +te lifft
Full brad, & brihht, & shene,
Onn +ast hallf off +tiss middell+ard,
Swa summ +te Goddspell ki+te+t+t,
Amang +tatt follc +tatt cann innsihht
Off mani+g +ting +turrh steorrness,
Amang +te Calldeowisshe +teod
+Tatt cann innsihht o steorrness.
& tatt +teod wass h+a+tene +teod
+Tatt Crist +gaff +ta swillc takenn;
Forr+ti +tatt he +te+g+gm wollde +ta
To rihhte l+afe wendenn.
& son se +te+g+g +tatt steorrneleom
+T+ar s+a+ghenn upp o liffte,
+Treo kingess off +tatt illke land
Full wel itt unnderrstodenn,
& wisstenn witerrli+g +t+ar+turrh
+Tatt swillc new king wass awwnedd,
+Tatt wass so+t Godd & so+t mann ec,
An had off twinne kinde.
All +tiss +te+g+g unnderrstodenn wel
Forr +tatt itt Godd hemm u+te,
& comenn samenn alle +treo,
& settenn hemm bitwenenn,
+Tatt illc an shollde +trinne lac
Habbenn wi+t+t him o lade,
& tatt te+g+g sholldenn farenn for+t
To le+g+gtenn & to sekenn
<P I,119>
+Tatt newe king, +tatt borenn wass
Amang Judisskenn +teode.
& sone anan +te+g+g forenn for+t
Illc an wi+t+t +trinne lakess,
Forr +tatt ta lakess sholldenn uss
Well mikell god bitacnenn.
& te+g+gre steorrne wass wi+t+t hemm
To ledenn hemm +tatt we+g+ge,
Forr a+g+g itt fl+at upp i +te lifft
Biforenn hemm a litell,
To t+achenn hemm +tatt we+g+ge rihht
+Tatt ledde hemm towarrd Criste.
Acc fra +tatt Kalldewisshe land,
+Tatt te+g+g +ta comenn offe,
Wass mikell we+g+ge till +tatt land
+Tatt Crist wass borenn inne;
& forr+ti wass hemm ned to don
God +tra+ghe to +tatt we+g+ge,
Forr rihht onn hiss +trittende da+g+g
+Te+g+g comenn till +tatt chesstre,
+T+ar ure Laferrd Jesu Crist
Wass borenn her to manne;
+Tuss wass +te Laferrd Jesu Crist
Awwnedd o twinne wise
Forr+trihht anan, i +tatt tatt he
Wass borenn her to manne, 
Forr +tatt menn sholldenn cnawenn himm
& lofenn himm & wurr+tenn,
& cumenn till +te Crisstenndom
& till +te rihhte l+afe,
<P I,120>
& winnenn swa to cumenn upp
Till heofennrichess blisse.
Her endenn twa Goddspelless +tuss,
& uss birr+t hemm +turrhsekenn,
To lokenn whatt te+g+g l+arenn uss
Off ure sawle nede.

   Forr+trihht anan se time comm,
+Tatt ure Drihhtin wollde
Ben borenn i +tiss middell+ard
Forr all mannkinne nede,
He ch+as himm sone kinness menn
All swillke summ he wollde,
& wh+ar he wollde borenn ben
He ch+as all att hiss wille.
&, alls hiss lefe wille wass,
Hiss moderr Sannte Mar+ge
Comm rihht inntill +tatt illke tun
& till +tatt illke bottle,
+Tatt he wollde inne borenn ben
& awwnedd her onn eor+te.
& forr+ti +tatt ma+g+g+thadess lif
Iss he+ghesst allre life,
Forr+ti ch+as ure Laferrd Crist
An ma+g+gdenn himm to moderr,
Forr +tatt he lufe+t+t alle +ta
+Tatt so+t cl+annesse foll+ghenn.
<P I,121>
& forr +tatt he wass borenn her
Sahhtnesse & gri+t+t to settenn
Bitwenenn Drihhtin, heoffness king,
& mannkinn her onn eor+te,
Forr+ti ch+as he to wurr+tenn mann
O +tatt Ke+g+gseress time,
+Tatt held wi+t+t mikell gri+t+t & fri+t+t 
Hiss kinedom onn eor+te.
& forr +tatt he wass wurr+tenn mann
To +gifenn menn onn eor+te
Hiss a+ghenn hall+ghe fl+ash & blod,
So+t br+ad to +te+g+gre sawle,
Forr+ti ch+as he +tatt illke tun
To wurr+tenn borenn inne,
+Tatt wass +gehatenn Be+t+tle+am,
Forr+ti +tatt itt bitacne+t+t
+Tatt hus +tatt br+ad iss inne don,
& tatt iss Cristess kirrke;
Forr Cristess fl+ash & Cristess blod
Iss hall+ghedd inn hiss kirrke,
Forr +t+ar to wurr+tenn lifess br+ad
Till alle Cristess +teowwess.
& all all swa se +ta wass sett
+Turrh +tatt Kaseress h+ase,
+Tatt illc mann shollde cumenn ham
Inntill hiss a+ghenn birde,
Forr +t+ar to reccnenn till +te king
An peninng forr himm sellfenn,
& tatt mann shollde hiss name +t+ar
Att hame o write settenn,
<P I,122>
All all swa bidde+t+t ure king,
+Te Laferrd Crist off heffne,
+Tatt illc mann shule cumenn ham
Inntill hiss a+ghenn birde,
+Tatt iss inntill rihht Crisstenndom,
& inntill rihhte l+afe,
Inntill +tatt so+tfasstnessess ham
+Tatt mann wass shapenn inne,
& reccnenn himm +tatt peninng +t+ar
+Tatt tacne+t+t rihhtwisnesse;
& he shall writenn alle +ta
+Tatt cwemmdenn himm o life
Onn eche lifess bokess writt,
To brukenn heoffness blisse.
& ec +turrh +tatt tatt Jos+ap comm
Wi+t+t ure laffdi+g Mar+ge
Till Be+t+tle+am, Davi+tess burrh,
Forr sillferr +t+ar to reccnenn
Forr Mar+ge, & forr himm sellfenn ec,
Affterr +te kingess h+ase,
+Turrh +tatt we mu+ghenn sen full wel,
+Tatt Jesuss nohht ne wollde
Ben borenn nowwhar i +te land,
Butt inn hiss a+ghenn birde;
Forr ure laffdi+g Mar+ge wass
+Tatt illke kingess me+ghe,
Forr +gho wass off Davi+tess kinn
+Tatt Drihhtin wass full dere.  
<P I,123>
& hire sune wass himm lic
O fele kinne wise;
Forr Crist wass strang wi+t+t hannd inoh
To werrpenn dun +te deofell,
& Crist wass +afre swillc to sen
& a beo+t butenn ende,
+Tatt gode +georrndenn himm to sen,
& +afre shulenn +georrnenn.
& tiss iss +tatt uss opennli+g
Davi+tess name tacne+t+t;
Forr itt uss tacne+t+t strang wi+t+t hannd
& lufsumm onn to lokenn,
& Crist iss ba+te - strang wi+t+t hannd,
& luffsumm onn to lokenn.
& Crist iss all se Davi+t+t wass
Shephirde, & king, & kemmpe,
Forr Crist iss allre kinge King,
& alle shaffte Laferrd.
& Davi+t+t king sloh Goliat,
H+a+tene follkess kemmpe,
& Crist band uss +te la+te gast,
All hellewaress strennc+te.
& Davi+t+t, whanne he +gung mann wass,
+Ta wass he shepess hirde,
& Crist iss hirde off hise shep,
Off hise dere +teowwess.
& Crist wass hirde god inoh
+Tatt +gaff hiss a+ghenn sawle,
To lesenn hise shep +t+arwi+t+t
Ut off +te deofless walde.
<P I,124>
+Ta gode menn +tatt lufenn Crist,
& hise la+ghess haldenn,
+Te+g+g alle sinndenn Cristess shep,
Forr +tatt te+g+g sinndenn alle
+Addmode & meoke & milde menn,
All affterr shepess kinde.

   & tatt te Laferrd Jesu Crist
Wass borenn her to manne,
+Tatt time +tatt hiss moderr wass
I +teowwdom unnderr laferrd,
+Tatt dide he forr to sh+awenn swa
Unnse+g+genndli+g meocnesse,
To t+achenn +turrh himm sellfenn swa,
& +turrh hiss hall+ghe bisne,
+Tatt +guw birr+t berenn bli+teli+g
+Teowwdom off +gure laferrd;
& ec forr +tatt he wollde swa
+Turrh hiss +teowwdom utlesenn
Off deofless +teowwdom alle +ta,
+Tatt wel himm sholldenn foll+ghenn.
& tatt te laffdi+g Mar+ge warr+t
I Nazar+a+t wi+t+t childe,
& tatt +gho comm off Galileow
Till Be+t+tle+amess chesstre,
+Tatt time +tatt +gho Jesu Crist
To manne shollde childenn,
<P I,125>
+Tatt iss nu filledd illke da+g+g
+Turrh Jesu Cristess +teowwess.
Forr Nazar+a+t onn Ennglissh iss
Alls iff +tu nemmne blosstme,
& Galileow bitacne+t+t wheol,
Swa summ so+t boc uss ki+te+t+t,
& Be+t+tle+am tacne+t+t +tatt hus
+Tatt lifess br+ad iss inne,
& Godess +teowwess blomenn a+g+g
Inn alle gode +t+awess,
Her i +tiss middel+ardess lif
+Tatt +turrh +te wheol iss tacnedd.
Forr all +tiss middell+ardess +ting
A+g+g turrne+t+t her & wharrfe+t+t
Nu upp, nu dun, swa summ +te wheol,
& nohht ne stannt itt stille.
& Cristess +teowwess a+g+g occ a+g+g
Forrho+ghenn & forrwerrpenn
All weorelldshipess fule lusst,
& alle fule +t+awess,
& cumenn ut off Galileow
Gastlike o swillke wise,
& cumenn inntill Be+t+tle+am,
+Tatt tacne+t+t Cristess kirrke,
+Tatt Cristess fl+ash & Cristess blod
+Te sawle br+ad iss inne.
& Jesu Crist iss borenn +t+ar
Swa summ itt w+are off moderr,
+Turrh +tatt tatt hise +teowwess +t+ar
Wi+t+t spell off Godess lare
<P I,126>
Don l+awedd follc to sen summ del,
& don hemm tunnderrstanndenn,
+Tatt Crist iss Godd, & Crist iss mann,
An had off twinne kinde.

   Forr+trihht anan se Jesu Crist
Wass borenn off hiss moderr,
+Gho wand himm sone i winndeclut,
& le+g+gde himm inn an cribbe.
Acc uss birr+t witenn +tatt he warr+t,
All wi+t+t hiss a+ghenn wille,
Unnorne & wrecche & usell child
Inn ure mennisscnesse,
Forr +tatt he wollde inn heoffness +ard
Uss alle makenn riche.
& he +tatt all +tiss middel+ard
Onn alle wise shride+t+t,
He wollde wundenn ben forr uss
I wrecche winndeclutess,
Forr +tatt he wollde shridenn uss
Wi+t+t heofennlike w+ade.
& he +tatt all +tiss weorelld shop
& alle shaffte stere+t+t,
He let himm ba+te bindenn her
Wi+t+t bandess fet & hande,
Forr +tatt he wollde unnbindenn uss
Off hellepiness bandess.
<P I,127>
& heoffne & lifft & land & s+a
Wi+t+t Goddcunndnesse fille+t+t
+Tatt illke child, tatt t+ar wass le+g+gd
Inn an full naru cribbe,
Forr +tatt he wollde +gifenn uss
All heoffness rume riche.
& he +tatt fede+t+t enngle+teod
& alle cwike shaffte,
He la+g+g all, alls hiss wille wass,
Biforenn asse i cribbe,
Swa summ he w+are +gifenn himm
To wurr+tenn himm to fode,
Forr +tatt he wollde brinngenn uss
Upp inntill heoffness blisse,
& +gifenn uss himm sellfenn +t+ar
Wi+t+t enngless eche fode.
+Tuss Godess Sune, Allmahhti+g Godd,
Wass wrecche mann onn eor+te,
Forr swa to brinngenn mannkinn onn
To +geornenn affterr litell,
Forr +tatt he lufe+t+t alle +ta
+Tatt hise la+ghess haldenn,
& lufenn, forr +te lufe off himm,
To libbenn her onn eor+te
Full wrecchelike inn uselldom
Off metess & off cla+tess.
& tatt te Laferrd Jesu Crist
Wass le+g+gd inn asse cribbe,
+Tatt tacne+t+t uss, +tatt he comm her
To wurr+tenn mann onn eor+te
<P I,128>
Wi+t+t mannkinn +tatt wass stunnt, & dill,
& skilll+as swa summ asse.
& asse - +tohh itt litell be,
Itt hafe+t+t mikell afell
To berenn upp well mikell s+am,
+Giff mann itt do+t +t+aronne.
& swa wass neh all follc +tatt da+g+g
+Tatt Crist comm her to manne,
Neh all itt wass +ta strang inoh
To +teowwtenn la+te gastess,
To berenn upp +tatt la+te s+am,
To don alle +te+g+gre wille.
& +turrh +tatt Godd wass wurr+tenn mann
Forr ure miccle nede,
+Turrh +tatt wass he, +tatt witt tu wel,
All wi+t+t hiss lefe wille
Ni+t+tredd & wannsedd wunnderrli+g,
& la+ghedd inn himm sellfenn,
Forr o +tatt hallf +tatt he wass mann,
Mann mihhte himm fon & pinenn  
Wi+t+t hat & kald, wi+t+t nesshe & harrd,
Wi+t+t pine off +trisst & hunngerr,
& cwellenn himm mann mihhte wel
Inn ure mennisscnesse.
& Godd wass wurr+tenn swa forr uss
+Get lasse +tann an enngell;
Forr mann ne ma+g+g nohht enngell seon
Ne takenn himm ne bindenn,
<P I,129>
Ne pinenn himm, ne cwellenn himm,
Forr he ne de+ge+t+t n+afre.
Acc Drihhtin Godd warr+t her forr +te
+Get lasse +tann hiss enngell,
& lah+ghre inoh, forr+ti +tatt he
+Te wollde +gifenn bisne,
+Tatt te birr+t a+g+g +te sellfenn her
+Turrh so+t meocnesse la+ghenn,
& l+atenn swi+te unnorneli+g
& litell off +te sellfenn.

   +Tatt hirdess wokenn o +tatt nahht
+Tatt Crist wass borenn onne,
+Tatt wass swa summ hiss wille wass,
Forr +tatt itt shollde tacnenn
+Tatt he forr+ti wass wurr+tenn mann,
Forr +tatt he wollde sammnenn
An flocc off menn till Crisstenndom,
& till +te rihhte l+afe,
+Tatt sholldenn wurr+tenn hise shep
+Turrh heore unnsha+ti+gnesse,
& sholldenn habbenn oferr hemm
Bisscopess, preostess, d+acness;
Forr +tatt te+g+g sholldenn hirdess ben
To +gemenn hemm & g+atenn,
& ec forr +tatt he wollde ben
Himm sellf utnumenn hirde,
Swa +tatt he wollde hiss a+ghenn lif
Forr hise shep forrl+atenn.
<P I,130>
+Tatt Godess enngell comm o nihht,
Swa summ +te Goddspell ki+te+t+t,
To spekenn wi+t+t +ta wakemenn
+Tatt wokenn heore faldess,
& tatt he comm +tatt nihht till hemm
Wi+t+t heoffness lihht & leome,
& tatt te+g+g w+arenn forr +tatt lihht,
& forr +tatt enngless sihh+te,
Forrdredde swi+te fasste anan,
Swa summ +te Goddspell ki+te+t+t,
& ec +tatt Godess enngell toc
To frofrenn hemm wi+t+t worde,
All +tatt wass don +turrh Jesu Crist
Forr mikell +ting to tacnenn.
Itt tacne+t+t uss +tatt ure Godd
Well offte sennde+t+t enngless
Inntill +tiss middell+ard, tatt iss
All full off +teossterrnesse,
+Tatt iss off all +tatt ifell iss
Inn alle kinne sinne.
Itt tacne+t+t +tatt he sennde+t+t hemm
Inntill +tiss +teossterrnesse,
To frofrenn +ta +tatt wakenn wel
Onn+g+aness la+te gastess,
& stanndenn inn to shildenn hemm
Fra deofless swikedomess.
& all +tatt flocc +tatt hemm iss set
To +gemenn & to g+atenn,
<P I,131>
To frofrenn swillke sennde+t+t Godd
Enngless & hall+ghe sawless,
& a+g+g +te+g+g cumenn dun till +ta
Wi+t+t heoffness lihht & leome,
+Tatt iss wi+t+t witt & god innsihht
Inn alle kinne +tinge,
Forr Drihhtin +gife+t+t her hiss +teoww
God witt, & mahht, & wille,
To stanndenn +g+an +te la+te gast
& +g+an all +tatt he l+are+t+t.
Acc a+g+g +te+g+g sinndenn +tohh swa +tehh
Well swi+te sare offdredde
Off domess da+gess starrke dom,
& off +te Demess irre,
All all swa summ +ta wakemenn
Well swi+te offdredde w+arenn
Off heoffness brihhte lihht & leom,
& off +tatt enngless sihh+te;
Acc hihht & hope o Drihhtin Godd
& onn hiss mildheorrtnesse,
+Tatt frofre+t+t hemm & beolde+t+t hemm
To foll+ghenn Godess lare,
To fandenn, +giff +te+g+g mu+ghenn swa
+Te Demess are winnenn.
& tatt wass uss bitacnedd wel
+Turrh +tatt tatt Godess enngell
Toc sone anan wi+t+t milde word
+Ta wakemenn to frofrenn,
Forr +tatt he wisste wel +tatt te+g+g
Off himm forrdredde w+arenn;
<P I,132>
Forr Godess enngell frofre+t+t mann,
+Giff +tatt he seo+t himm f+aredd;
Forr Godess enngell iss full meoc,
& soffte, & milde, & bli+te,
& deofell iss all full off ni+t,
& full off grammcunndnesse,
& full off hete towarrd mann.
& full off modi+gnesse,
& +giff he seo+t +te mann forrdredd,
He wile himm skerrenn mare,
& r+afenn himm hiss rihhte witt,
& shetenn inn hiss heorrte.
Acc whas itt iss +tatt w+apnedd iss
Wi+t+t fulle troww+te o Criste,
+Tohh +tatt he grissli+g deofell seo,
Niss he rihht nohht forrf+aredd.
+Tatt enngell se+g+gde +tatt he wass 
+Ta cumenn forr to ki+tenn,
O Godess hallfe, +t+ar till hemm
An swi+te mikell blisse,
+Tatt shollde ben till all +te follc;
+Tatt se+g+gde he forr +tatt tanne
Wass cumenn i +tiss middell+ard
Full mikell blisse & sell+te,
Till alle +ta +tatt sholldenn wel
O Godess Sune lefenn,
O Jesu Crist tatt borenn wass
+Tatt illke nahht to manne.
<P I,133>
He se+g+gde +tatt te Laferrd Crist
Wass borenn her to manne
Nohht o +te nahht, acc o +te da+g+g,
Forr mikell +ting to tacnenn;
Forr da+g+gess lihht bitacne+t+t uss
All eche lifess blisse,
& nahht bitacne+t+t all +tatt wa
+Tatt iss inn hellepine.
& Crist wass borenn i +tiss lif
To lesenn uss off helle,
Forr +tatt he wollde +gifenn uss
Wi+t+t enngless eche blisse.
& tatt wass uss bitacnedd ec
+Turrh +tatt, tatt Godess enngell
Wass awwnedd till +ta wakemenn
Wi+t+t heoffness lihht & leome;
Forr Godess Sune Jesu Crist
Wass wurr+tenn mann onn eor+te,
To +gifenn heoffness lihht & leom
+Tatt follc +tatt shollde himm foll+ghenn.

   +Tatt Godd Allmahhti+g wurr+tenn wass
+Gung child inn ure kinde,
& wrecche child off wrecche kinn,
+Tatt do+t uss tunnderrstanndenn
+Tatt uss birr+t mikell lufenn Crist,
& lofenn himm & wurr+tenn,
Off +tatt he wollde himm sellfenn swa
Forr ure lufe la+ghenn,
<P I,134>
& off +tatt he warr+t wrecche mann
Forr uss to makenn riche,
Wi+t+t enngless upp inn heoffness +ard,
Wi+t+tutenn ende i blisse.
Annd +turrh +tatt, tatt t+ar awwnedd wass
An here off Godess enngless,
+Tatt time +tatt te Laferrd Crist
Wass borenn her to manne,
+Turrh +tatt wass uss don +t+ar full wel
To sen & tunnderrstanndenn,
+Tatt enngless stanndenn a+g+g occ a+g+g
To lofenn Godd & wurr+tenn.
& +turrh +tatt illke wass uss ec
Don full wel tunnderrstanndenn,
+Tatt uss birr+t lofenn Drihhtin a+g+g
Wi+t+t innwarrd heorrtess tunge,
& +tannkenn himm +tatt miccle god
+Tatt he do+t uss onn eor+te.
& +turrh +tatt illke wass uss ec
Don full wel tunnderrstanndenn,
+Tatt Crist, all enngle+teode king,
Wass borenn her to manne,
Alls iff he +g+an +te la+te gast
Wi+t+t here wollde fihhtenn,
To winnenn Adam & hiss kinn
Ut off +te deofless walde,
& settenn enngless oferr hemm
To +gemenn hemm & g+atenn,
<P I,135>
& forr to shildenn hemm onn+g+an
+Te deofless la+te wiless.
Annd Godess enngless w+arenn +ta
Well swi+te glade wurr+tenn
Off +tatt, tatt Godd wass wurr+tenn mann,
Forr +tatt te+g+g wisstenn alle,
+Tatt te+g+gre genge shollde ben
Wi+t+t gode sawless ekedd,
& wurr+tedd ec, & all forr+ti
+Te+g+g w+arenn swi+te bli+te,
& all forr+ti +te+g+g sungenn +ta
+Tiss sang wi+t+t mikell blisse,
Si Drihhtin upp inn heoffness +ard
Wurr+tshipe, & loff, & wullderr,
& upponn eor+te gri+t+t & fri+t+t,
+Turrh Godess mildheorrtnesse,
Till iwhillc mann +tatt habbenn shall
God heorrte & a+g+g god wille.
+Tiss sungenn +te+g+g, forr+ti +tatt te+g+g
Full wel +t+ar unnderrstodenn,
+Tatt te+g+gre genge shollde ben
+Turrh hall+ghe sawless ekedd,
+Turrh whatt biforenn Drihhtin Godd,
+Giff +tatt itt waxenn mihhte
Wurr+tshipe & wullderr shollde ben,
Swa summ itt waxenn w+are,
& ec forr +tatt te+g+g wisstenn wel
+Tatt Godd comm her to manne,
Forr +tatt he wollde gri+t+t & fri+t+t
& so+t sahhtnesse settenn
<P I,136>
Bitwenenn Drihhtin, heoffness king,
& mannkinn her onn eor+te,
+Tatt mannkinn shollde mu+ghenn wel
Upp cumenn inntill heoffne,
+Tatt heoffness here mihhte swa
+Turrh hall+ghe sawless waxenn,
+Turrh whatt biforenn Drihhtin Godd
Wurr+tshipe waxenn shollde,
+Giff +tatt himm mihhte waxenn ohht
& wurr+tenn bettre & mare.
+Tatt gri+t+t wass sett till alle +ta,
Swa summ +te Goddspell ki+te+t+t,
+Tatt sholldenn wurr+tenn gode menn,
& habbenn a+g+g god wille
Till +ta +tatt sholldenn unnderrfon
Wi+t+t blisse Cristess come,
& nohht till +ta +tatt sholldenn himm
Forrho+ghenn & forrwerrpenn;
Forr niss nohht Godess gri+t+t wi+t+t +ta
+Tatt wi+t+trenn Godd onn+g+aness,
Acc hellewawenn iss till +ta
All affterr +te+g+gre wrihhte.
& her mann unnderrstanndenn ma+g+g,
Whillc mann iss Drihhtin cweme,
+Tatt illke mann iss Drihhtin lef
+Tatt hafe+t+t gode wille;
Forr whase itt iss +tatt illke mann
+Tatt hafe+t+t a+g+g god wille,
<P I,137>
+Tatt illke mann ne sinn+ghe+t+t nohht,
Ne gillte+t+t hise +tannkess,
Ne towarrd Godd, ne towarrd mann,
+Giff +tatt he ma+g+g himm lokenn.
& +giff +tatt iss +tatt he missdo+t
Onn ani+g kinne wise,
Itt reowe+t+t himm, & sone anan
He stannt itt inn to betenn. 

<S SAMPLE 6>
<P II,224>
   An mann amang Judisskenn +ted
Wass Nicodem +gehatenn,
Off +tatt Farisewisshe follc
+Tatt l+aredd wass o boke,
An allderrmann, an h+afedd mann
Inn Issra+ale +tede,
To l+arenn & to spellenn hemm,
To wissenn & to +gemenn.
& he comm onn an nahht till Crist,
Forr +tatt he wollde lernenn
<P II,225>
All stilleli+g summwhatt att himm
Off hiss goddcunnde lare.
& tuss he toc forr+trihht anan
To m+alenn wi+t+t +te Laferrd;
Ma+g+gstre, - we witenn sikerrli+g
+Tatt tu +turrh Godess wille
& all o Godess hallfe arrt sennd
Larfaderr her to manne;
Forr niss nan mann +tatt wirrkenn ma+g+g
+Ta tacness +tatt tu wirrkesst,
Butt iff +tatt Drihhtin be wi+t+t himm
All opennlike onn er+te.
& ure Laferrd Jesu Crist
Himm +gaff anndswere & se+g+gde;
To fulle so+t I segge +te,
+Tatt niss nan mann onn er+te
+Tatt mu+ghe Godess riche sen
Butt he be boren twi+gess.
& Nicodem +gaff sone +tuss 
Anndswere till +te Laferrd;
Hu ma+g+g ald mann ben borenn efft
Onn elde off moderr wambe?
Ma+g+g ani+g ald mann cumenn efft
Inntill hiss moderr wambe,
To wurr+tenn borenn to +tiss lif
Efftsoness off hiss moderr?
& ure Laferrd Jesu Crist
Himm +gaff annswere & se+g+gde;
To fulle so+t I segge +te,
Loc +giff +tu willt itt trowwenn,
<P II,226>
+Tatt niss nan mann +tatt cumenn ma+g+g
Upp inntill Godess riche,
Butt iff he be rihht la+gheli+g
Efft borenn her onn er+te,
Off waterr & off Hali+g Gast
Wi+t+t all +te rihhte l+afe.
All +tatt tatt borenn iss off fl+ash
Iss fl+ash & fl+ashess kinde,
& all +tatt borenn iss off Gast
Iss gast & gastess kinde.
Ne +tinnke +te na wunnderr nu
Off - +tatt I +te nu se+g+gde,
+Tatt +guw iss alle mikell ned
To wurr+tenn borenn twi+gess;
Gast +gife+t+t herrte, & wille, & mahht,
+T+ar +t+ar himm sellfenn like+t+t,
& tu mahht herenn gastess rerd
Wi+t+t er+tli+g fl+ashess +are,
Acc +tu ne mahht nohht witenn her
+Tohhwhe+t+tre o fl+ashli+g wise,
Fra whe+tennwarrd gast cume+t+t for+t
Ne whiderrwarrd he wende+t+t.
& o +tatt wise iss illc an mann
Weppmann & wimmann ba+te,
+Tatt borenn iss off Hali+g Gast,
Loc +giff +tut unnderrstanndesst.
& Nicodem +gaff sone +tuss
Anndswere till +te Laferrd;
<P II,227>
Hu shall mann unnderrstanndenn +tiss,
Whatt gate ma+g+g +tiss wurr+tenn?
& ure Laferrd Jesu Crist
Himm +gaff anndswere, & se+g+gde;
Whatt gate arrt tu forr ma+g+gstre tald
Inn Issra+ale +tede,
+Giff +tatt tu nohht ne cannst off +tiss
+Tatt icc her habbe sh+awedd?
To fulle so+t I segge +te,
We spellenn +tatt we cunnenn,
& tatt we s+a+ghenn opennli+g
+T+arto we wittness sinndenn,
& tohh swa +tehh niss +guw nohht off
To takenn ne to trowwenn
+Tatt wittness, +tatt we berenn for+t
Off +tatt we wissli+g s+a+ghenn.
+Giff +tatt I spacc off er+tli+g +ting,
& +get rihht nohht ne trowwenn,
Hu shule +ge me trowwenn wel,
+Giff +tatt iss +tatt I m+ale
Till +guw off hefennlike +ting,
+Tatt all iss dep & d+arne?
& niss nan mann +tatt sti+ghe+t+t upp
Inntill +te burrh off heffne,
Wi+t+tutenn himm +tatt stah forr menn
Off heffne dun till er+te,
+Te manness Sune fuliwiss
+Tatt wune+t+t upp inn heffne.
& all all swa se Moys+as
Hof upp +te neddre i wesste,
<P II,228>
All swa bihofe+t+t fuliwiss
+Te manness Sune onn er+te,
To wurr+tenn hofenn upp mang menn
Forr all mannkinne nede,
+Tatt wha se trowwenn shall onn himm
Wel mu+ghe wurr+tenn borr+genn.
Swa lufede +te Laferrd Godd
+Te werelld, tatt he sennde
Hiss a+ghenn Sune, Allmahhti+g Godd,
To wurr+tenn mann onn er+te,
To lesenn mannkinn +turrh hiss d+a+t
Ut off +te defless walde,
+Tatt wha se trowwenn shall onn himm
Wel mu+ghe wurr+tenn borr+ghenn;
For Drihhtin Godd ne sennde nohht
Hiss Sune forr to demenn
+Tiss werelld, acc to lesenn itt
Ut off +te defless walde.
& wha se lefe+t+t upponn himm,
+Tatt mann iss all unndemedd;
& wha se onn himm ne trowwe+t+t nohht,
+Tatt mann iss nu+g+gu demedd,
Forr+ti +tatt he ne trowwe+t+t nohht,
Swa summ himm birrde trowwenn,
Uppo +tatt name, +tatt iss sett
O Godess Sune onn er+te,
Onn himm, +tatt iss off Drihhtin Godd
Ankennedd Sune strenedd.
<P II,229>
+Tatt iss +te dom, +tatt lihht & lem
Iss cumenn upponn er+te,
& menn ne lufenn nohht te lihht 
Acc lufenn +tessterrnesse,
Forr+ti +tatt te+g+gre dede iss all
Unngod & all unnclene.
Forr wha sitt iss +tatt ifell do+t,
He shune+t+t lihht & leme,
& fle+t to cumenn to +te lihht,
+Tatt he ne wurr+te t+aledd
+Turrh +ta +tatt sen hiss fule lasst
& hiss unnclene dede.
& wha se foll+ghe+t+t so+t & rihht
Inn alle gode dedess,
He cume+t+t gladdli+g to +te lihht
To sh+awenn +tatt hiss dede
Iss all i Godd, & all +turrh Godd
& +turrh hiss hellpe for+tedd.
Her endenn twa Goddspelless +tuss,
& uss birr+t hemm +turrhsekenn,
To lokenn whatt te+g+g l+arenn uss
Off ure sawle nede. 



