<B CMPETERB>
<Q M1 NN HIST PETERB>
<N PETERB CHRON>
<A X>
<C M1>
<O 1150-1250>
<M 1150-1250>
<K CONTEMP>
<D EMO>
<V PROSE>
<T HISTORY>
<G X>
<F X>
<W WRITTEN>
<X X>
<Y X>
<H X>
<U X>
<E X>
<J X>
<I X>
<Z NARR NON-IMAG>
<S SAMPLE X>


[^THE PETERBOROUGH CHRONICLE, 1070-1154.
ED. C. CLARK.
LONDON: OXFORD UNIVERSITY PRESS, 1958.
PP. 54.1 - 60.19^]

<P 54>
   (\Millesimo cxxxii.\) +Dis gear com Henri to +tis land. +Ta  #
com
Henri abbot & uureide +te muneces of Burch to +te king for+ti
+dat he uuolde under+teden +dat mynstre to Clunie, sua +dat te  #
king
was welneh bepaht & sende efter +te muneces. & +Turh Godes
milce & +turh +te biscop of Seresbyri & te biscop of Lincol &   #
te
o+tre rice men +te +ter w+aron, +ta wiste +te king +dat he      #
feorde mid
suicdom. +Ta he nammor ne mihte, +ta uuolde he +dat his nefe
sculde ben abbot in Burch: oc Crist it ne uuolde. Was it noht
suithe lang +terefter +tat te king sende efter him & dide him   #
gyuen
up +dat abbotrice of Burch & faren ut of lande. & Te king iaf   #
+dat
abbotrice an prior of Sanct Neod, Martin was gahaten; he com
on Sancte Petres messedei mid micel wurscipe into the minstre.

(\Millesimo cxxxv.\) On +tis g+are for se king Henri ouer s+a   #
+at te
Lammasse. & +Dat o+ter dei +ta he lai an slep in scip, +ta      #
+testrede
+te d+ai ouer al landes & uuard +te sunne suilc als it uuare    #
thre
niht ald mone, an sterres abuten him at midd+ai. Wur+ten
man sui+de ofuundred & ofdred, & s+aden +dat micel +ting sculde
cumen herefter: sua dide, for +tat ilc g+ar warth +te king ded  #
+dat
o+ter d+ai efter Sancte Andreas massed+ai on Normandi. +Ta
+testre[{den{] sona +tas landes, for +auric man sone r+auede    #
o+ter
+te mihte. +Ta namen his sune & his frend & brohten his lic to
Engleland & bebirie[{den{] in Redinge. God man he wes & micel
+aie wes of him: durste nan man misdon wi+d o+der on his time.
Pais he makede men & d+ar. Wua sua bare his byrthen gold &
sylure, durste nan man sei to him naht bute god. Enmang +tis
was his nefe cumen to Engleland, Stephne de Blais; & com to
Lundene; & te lundenisce folc him underfeng & senden efter
+te +arcebiscop Willelm Curbuil; & halechede him to kinge on 
Midewintre D+ai. On +tis kinges time wes al unfri+d & yfel &
r+aflac, for agenes him risen sona +ta rice men +te w+aron      #
swikes,
alre fyrst Balduin de Reduers; & held Execestre agenes him & te
<P 55>
king it bes+at, & si+d+dan Balduin acordede. +Da tocan +ta      #
o+dre &
helden her castles agenes him. & Dauid king of Scotland toc to
uuerrien him. +Da, +tohuuethere +tat, here sandes feorden       #
betwyx 
heom & hi tog+adere comen, & wur+de s+ahte, +to+t it litel      #
forstode.

(\Millesimo cxxxvii.\) +Dis g+are for +te king Stephne ofer     #
s+a to
Normandi; & ther wes underfangen, for+di +dat hi uuenden +dat
he sculde ben alsuic alse the eom wes, & for he hadde get his
tresor; ac he todeld it & scatered sotlice. Micel hadde Henri
king gadered gold & syluer, & na god ne dide me for his saule
tharof. +Ta +te king Stephne to Englaland com, +ta macod he his
gadering +at Oxeneford. & +Tar he nam +te biscop Roger of       #
Serebyri
& Alexander biscop of Lincol & te canceler Roger, hise
neues, & dide +alle in prisun til he iafen up here castles.     #
+Ta the
suikes underg+aton +dat he milde man was & softe & god, & na
iustise ne dide, +ta diden hi alle wunder. Hi hadden him
manred maked & athes suoren, ac hi nan treuthe ne heolden.
Alle he w+aron forsworen & here treothes forloren, for +auric
rice man his castles makede & +agenes him heolden; & fylden +te
land ful of castles. Hi suencten suy+de +te uurecce men of +te
land mid castelweorces; +ta +te castles uuaren maked, +ta       #
fylden
hi mid deoules & yuele man. +Ta namen hi +ta men +te hi wenden
+dat ani god hefden, bathe be nihtes & be d+aies, carlmen &
wimmen, & diden heom in prisun & pined heom efter gold &
syluer untellendlice pining; for ne uu+aren n+aure nan martyrs
swa pined alse hi w+aron. Me henged up be the fet & smoked
heom mid ful smoke. Me henged bi the +tumbes other bi the
hefed & hengen bryniges on her fet. Me dide cnotted strenges
abuton here h+aued & uuryhten it +dat it g+ade to +te h+arnes.
Hi diden heom in quarterne +tar nadres & snakes & pades w+aron
inne, & drapen heom swa. Sume hi diden in crucethus - +dat is,
in an ceste +tat was scort & nareu & undep - & dide sc+arpe     #
stanes
+terinne & +trengde +te man +t+arinne +dat him br+acon alle +te
limes. In mani of +te castles w+aron lof & grin: +dat w+aron
rachenteges +dat twa o+ter thre man hadden onoh to b+aron onne,
<P 56>
+tat was sua maced, +dat is, f+astned to an beom - & diden an
sc+arp iren abuton +ta mannes throte & his hals, +dat he ne     #
myhte
nowiderwardes, ne sitten ne lien ne slepen, oc b+aron al +dat
iren. Mani +tusen hi drapen mid hung+ar. I ne can ne I ne mai
tellen alle +te wunder ne alle +te pines +dat he diden wrecce   #
men
on +tis land; & +dat lastede +ta xix wintre wile Stephne was    #
king,
& +aure it was uuerse & uuerse. Hi l+aiden g[{+a{]ldes on the   #
tunes
+aure um wile, & clepeden it "tenserie". +Ta +te uurecce men ne
hadden nammore to gyuen, +ta r+aueden hi & brendon alle the
tunes, +dat wel +tu myhtes faren al a d+ais fare, sculdest thu  #
neure
finden man in tune sittende ne land tiled. +Ta was corn d+are,  #
&
fle[{s{]c & c+ase & butere, for nan ne w+as o +te land. Wrecce  #
men
sturuen of hung+ar. Sume ieden on +almes +te waren sum wile
rice men. Sume flugen ut of lande. Wes n+aure g+at mare
wreccehed on land ne n+aure hethen men werse ne diden +tan
hi diden; for ouer sithon ne forbaren hi nouther circe ne
cyrcei+ard, oc namen al +te god +dat +tarinne was & brenden
sythen +te cyrce & al teg+adere. Ne hi ne forbaren biscopes     #
land
ne abbotes ne preostes, ac r+aueden munekes & clerekes, &       #
+auric
man other +te ouermyhte. Gif twa men o+ter iii coman ridend
to an tun, al +te tunscipe flug+an for heom, wenden +dat hi     #
w+aron
r+aueres. +Te biscopes & lered men heom cursede +aure, oc was
heom naht +tarof, for hi uueron al forcurs+ad & forsuoren &     #
forloren.
War s+a me tilede, +te erthe ne bar nan corn, for +te land
was al fordon mid suilce d+ades. & Hi s+aden openlice +dat      #
Crist
slep & his halechen. Suilc & mare +tanne we cunnen s+ain we
+tol[{ed{]en xix wintre for ure sinnes. On al +tis yuele time   #
heold
Martin abbot his abbotrice xx witre & half g+ar & viii d+ais    #
mid
micel suinc; & fand +te munekes & te gestes al +tat heom        #
behoued
& heold mycel carited in the hus, & +to+twethere wrohte on +te
circe & sette +tarto landes & rentes & goded it suythe & l+at   #
it refen,
& brohte heom into +te neuu+a mynstre on Sancte Petres          #
m+assed+ai
mid micel wurtscipe: +dat was (\anno ab Incarnatione Domini 
Millesimo cxl, a combustione loci xxiii\) . & He for to Rome, &
+t+ar w+as w+al underfangen fram +te Pape Eugenie; & beg+at     #
thare
<P 57>
priuilegies, an of alle +te landes of +tabbotrice & an o+ter    #
of +te
landes +te lien to +te circewican, &, gif he leng moste liuen,  #
alse
he mint to don of +te horderwycan. & He beg+at in landes +tat
rice men hefden mid strengthe: of Willelm Malduit +te heold
Rogingham +t+a castel, he was Cotingham & Estun, & of Hugo of
Walteuile he uuan Hyrtlingbyri & Stanewig & lx sol of           #
Aldewingle
+alc g+ar. & He makede manie munekes, & plantede
wini+ard, & makede mani weorkes & wende +te tun betere +tan
it +ar w+as; & w+as god munec & god man, & for+ti him luuedon
God & gode men.
   Nu we willen s+agen sum del wat belamp on Stephnes kinges
time. On his time +te Iudeus of Noruuic bohton an Cristen cild
beforen Estren, & pineden him alle +te ilce pining +dat ure
Drihten was pined, & on Lang Frid+ai him rode hengen for
ure Drihtines luue & sythen byrieden him; wenden +dat it sculde
ben forholen. Oc ure Dryhtin atywede +dat he was hali martyr;
& t[{e{] munekes him namen & bebyried him heglice in +te        #
minstre.
& He maket +tur[{h{] ure Drihtin wunderlice & manif+aldlice
miracles; & hatte he Sanct Willelm.

(\Millesimo cxxxviii.\) On +tis g+ar com Dauid king of Scotland
mid ormete f+ard to +tis land; wolde winnan +tis land. & Him
com tog+anes Willelm eorl of Albamar, +te +te king adde beteht
Euorwic, & t[{e{] other +auez men mid f+au men; & fuhten wid
heom, & flemden +te king +at te Standard, & sloghen suithe      #
micel
of his genge.

(\Millesimo cxl.\) On +tis g+ar wolde +te king Stephne t+acen   #
Rodbert
eorl of Gloucestre, +te kinges sune Henries; ac he ne myhte,
for he wart it war. +Terefter [{i{] +te lengten +testrede +te   #
sunne &
te d+ai abuton nontid d+aies, +ta men eten, +dat me lihtede     #
candles
to +aten bi; & +tat was (\xiii Kalendarum Aprilis\) : w+aron    #
men
suythe ofwundred. +Terefter fordfeorde Willelm +arcebiscop of
Cantwarbyri; & te king makede Teodbald +arcebiscop, +te was
abbot in the Bec. +Terefter w+ax suythe micel uuerre betuyx +te
<P 58>
king & Randolf eorl of C+astre: noht for+ti +dat he ne iaf him  #
al
+dat he cuthe axen him, alse he dide alle othre; oc +afre +te   #
mare
he iaf heom +te w+arse hi w+aron him. +Te eorl heold Lincol
ag+anes +te king & benam him al +dat he ahte to hauen. & Te     #
king
for +tider & bes+atte him & his brother Willelm de Ro[{m{]are   #
in
+te castel. & Te +aorl st+al ut & ferde efter Rodbert eorl of
Glou[{c{]estre & brohte him +tider mid micel ferd, & fuhten     #
suythe
on Ca[{nd{]elmasse d+ai agenes heore lauerd, & namen him - for
his men him suyken & flug+an - & l+ad him to Bristowe & diden
+tar in prisun & [{in fe{]teres. +Ta was al Engleland styred    #
mar +tan
+ar w+as; & al yuel w+a[{s i{]n lande. +Terefter com +te        #
kinges dohter
Henries, +te hefde ben empric[{e in{] Alamanie & nu w+as        #
cuntesse
in Angou; & com to Lundene, & te lundenissce folc hire
wolde t+acen, & sc+a fleh & forles +tar mic[{el{] . +Terefter   #
+te biscop of
Wincestre, Henri +te kinges brother Stephnes, spac wid Rodbert
eorl & wyd +temperice & suor heom athas +dat he neure ma mid
te king his brother wolde halden & cursede alle +te men +te mid
him heoldon, & s+ade heom +dat he uuolde iiuen heom up          #
Wincestre
& dide heom cumen +tider. +Ta hi +t+arinne w+aren, +ta com
+te kinges cuen mid al hire strengthe & bes+at heom, +dat +ter  #
w+as
inne micel hung+ar. +Ta hi ne leng ne muhten +tolen, +ta        #
stal[{en{]
hi ut & flugen. & Hi wurthen war widuten & folecheden heom,
& namen Rodbert eorl of Gloucestre & ledden him to Rouecestre
& diden him +tare in prisun. & Te emperice fleh into an         #
minstre.
+Ta feorden +te wise men betwyx +te kinges freond & te eorles
freond, & sahtlede sua +dat me sculde leten ut +te king of      #
prisun
for +te eorl & te eorl for +te king: & sua diden. Sithen        #
+terefter
sa[{ht{]leden +te king & Randolf eorl at Stanford, & athes      #
suoren
& treuthes f+aston +dat her nou+ter sculde besuyken other; &    #
it ne
forstod naht. For +te king him sithen nam in Hamtun +turhc
wicci r+ad & dide him in prisun; & efsones he let him ut +turhc
w+arse red, to +dat forewarde +dat he suor on halidom & gysles  #
fand
+tat he alle his castles sculde iiuen up. Sume he iaf up, &     #
sume
ne iaf he noht; & dide +tanne w+arse +tanne he h+ar sculde. +Ta
<P 59>
was Engleland suythe todeled: sume helden mid te king, &
sume mid +temperice; for +ta +te king was in prisun, +ta wenden
+te eorles & te rice men +tat he neure mare sculde cumen ut,
& s+ahtleden wyd +temperice & brohten hire into Oxenford &
iauen hire +te burch. +Ta +te king was ute, +ta herde +dat      #
s+agen &
toc his feord & bes+at hire in +te tur. & Me l+at hire dun on   #
niht
of +te tur mid rapes, & stal ut & sc+a fleh & i+ade on fote to
Walingford. +T+arefter sc+a ferde ouer s+a. & Hi of Normandi
wenden alle fra +te king to +te eorl of Ang+au, sume here       #
+tankes
& sume here un+tankes; for he bes+at heom til hi aiauen up here
castles, & hi nan helpe ne h+afden of +te king. +Ta ferde       #
Eustace
+te kinges sune to France & nam +te kinges suster of France to
wife; wende to big+aton Normandi +t+ar+turh. Oc he spedde
litel, & be gode rihte, for he was an yuel man; for warese he
[{com he d{]ide mare yuel +tanne god: he reuede +te landes &
l+aide mic[{ele gelde{]s on. He brohte his wif to Engleland, &
dide hire in +te caste[{l on Can{]tebyri. God wimman sc+a w+as,
oc sc+a hedde litel blisse mid him. & Crist ne wolde +dat he    #
sculde
lange rixan; & w+ard ded, & his moder beien. & Te eorl of       #
Ang+au
w+ard ded, & his sune Henri toc to +te rice. & Te Cuen of       #
France
tod+alde fra +te king; & sc+a com to +te iunge eorl Henri, &    #
he toc
hire to wiue & al Peitou mid hire. +Ta ferde he mid micel f+ard
into Engleland, & wan castles. & Te king ferde agenes him mid
micel mare ferd. & +To+tw+athere fuhtten hi noht, oc ferden +te
+arcebiscop & te wise men betwyx heom & makede +dat sahte
+dat te king sculde ben lauerd & king wile he liuede & +after   #
his
d+ai ware Henri king: & he helde him for fader & he him for
sune; & sib & s+ahte sculde ben betwyx heom & on al Engleland.
+Tis & te othre foruuardes +tet hi makeden suoren to
halden +te king & +te eorl & te biscopes & te eorles & rice men
alle. +Ta was +te eorl underfangen +at Wincestre & +at Lundene
mid micel wurtscipe; & alle diden him manred & suoren
+te pais to halden & hit ward sone suythe god pais sua +dat
neure was here. +Ta was +te king strengere +tanne he +aue[{r{]
<P 60>
her was. & Te eorl ferde ouer s+a; & al folc him luuede, for he
dide god iustice & makede pais.

(\Millesimo liiii.\) On +tis g+ar w+ard +te king Stephne ded &  #
bebyried
+ter his wif & his sune w+aron bebyried +at Fauresfeld; +t+at
minstre hi makeden. +Ta +te king was ded, +ta was +te eorl
beionde s+a; & ne durste nan man don o+ter bute god for +te
micel eie of him. +Ta he to Engleland com, +ta was he           #
underfangen 
mid micel wurtscipe, & to king bletc+ad in Lundene on
+te Sunnend+ai beforen Midwintre D+ai, & held +t+are micel      #
curt.
+Tat ilce d+ai +tat Martin abbot of Burch sculde +tider faren,
+te s+aclede he, & ward ded (\iiii Nonarum Ianuarii\) . & Te    #
munekes
innen d+ais cusen o+ter of heoms+alf, Willelm de Walteuile is
gehaten, god clerc & god man & w+al luued of +te king & of alle
gode men; & on [{morg{]en byrieden +tabbot hehlice. & Sone +te
cosan abbot ferde, & te muneces m[{id him, to{] Oxenforde to
+te king; [{& he{] iaf him +tat abbotrice. & He ferde him       #
son[{e to
Linco{]l. & w+as +t+ar bletc+ad to abbot +ar he ham come; &     #
sithen
was underfangen mid micel wurtscipe at Burch mid micel
processiun; & sua he was alsua at Rames+aie, & at Torneie, & at
Cruland & Spallding, & at S. Albanes & F.... & Nu is abbot &
fair haued begunnon: Xpist him unne +t[{us{] enden! 



