<B CMREYNES>
<Q M4 IS HANDO REYNES>
<N COMMONPLACE BOOK>
<A REYNES ROBERT>
<C M4>
<O 1420-1500>
<M 1420-1500>
<K SAME>
<D EML>
<V PROSE>
<T HANDB OTHER>
<G X>
<F X>
<W WRITTEN>
<X MALE>
<Y X>
<H OTHER>
<U NON-PROF>
<E X>
<J X>
<I X>
<Z INSTR SEC>
<S SAMPLE X>


[^REYNES, ROBERT.
THE COMMONPLACE BOOK OF ROBERT REYNES
OF ACLE. AN EDITION OF TANNER MS 407.
GARLAND MEDIEVAL TEXTS, 1.
ED. C. LOUIS.
NEW YORK AND LONDON: GARLAND
PUBLISHING, INC., 1980. 
PP. 136.343 - 138.402    (SAMPLE 1)
PP. 143.1   - 144.25     (SAMPLE 2)
PP. 145.1   - 146.16     (SAMPLE 3)
PP. 154.1   - 162.18     (SAMPLE 4)
PP. 165.1   - 167.8      (SAMPLE 5)
PP. 169.1   - 173.54     (SAMPLE 6)
PP. 174.1   - 175.7      (SAMPLE 7)
PP. 194.1   - 195.22     (SAMPLE 8)
PP. 237.1   - 238.33     (SAMPLE 9)
PP. 240.1   - 242.35     (SAMPLE 10)
PP. 243.1   - 245.32     (SAMPLE 11)
P.  247.1   - 247.21     (SAMPLE 12)
PP. 255.1   - 256.13     (SAMPLE 13)
PP. 260.1   - 262.35     (SAMPLE 14)
PP. 264.1   - 268.93     (SAMPLE 15)
PP. 289.1   - 295.13     (SAMPLE 16)
P.  307.1   - 307.14     (SAMPLE 17)
PP. 312.1   - 314.45     (SAMPLE 18)
PP. 315.1   - 320.12     (SAMPLE 19)
PP. 322.1   - 323.15     (SAMPLE 20)
PP. 327.77  - 328.111    (SAMPLE 21)
PP. 329.132 - 330.151    (SAMPLE 22)^]

<S SAMPLE 1>
<P 121>
[} [\1\] }]

[} (\STATUTUM PANIS ET SERUISIE\) }]

<P 136>
   If the baker lakke an vnce in the wyght of a
ferthyng loff, he be amercyed at xx d. And if he lakke
an vnce (\et dimidium\) , he to be amercyed at ii s. in alle
maner of bred so lakkyng. And if he lakke past ii s.,
he mote haue iugement to the pelory. This is the 
statute of our lord the King.

[}ASSYSE OF BRED}]

   It is for to haue in mynde +tat +te assyse of
bed shall be taken after +te myddes prys of whete and
neyther of the best ne of +te worst, and +tat +te wyte
schall not be chaunged but at vi d. incresynge of sale
of a quarter of whete or disencresynge. And if the
baxster be founde fauty in +te wy+gt of a ferthyng loof
by ii s. vi d., or within +tat defaut in wy+gt, he is
amercyable in +tat defaute. And if he passe, he is
nou+gt amercyable but shall haue iugement of +te pilory
and nou+gt +geuyn for gold ne syluer. Or if he haue be
fondyn ii fauty in brekyn +te assyse, he mote haue
<P 137>
iugement withowte fyn for sesyng etc. And euery baxster
mote haue his propre sygne on euery manere of his bred.
And euery baxster in kepyng treuly +te assyse aforseyd,
as it [{is{] provyd be +te baxster of our lord +te Kyng,
may wynne in euery quarter of whete bakyng iii d. and
the bran and iii loues +te price of iii d. to the fornage,
and i d. ob. to iii seruantis heyre, and ob. to ii
knauis hyre, and ob. to salt and bulter. And Breton
seith +tat if the baxster be ateynt of fals wy+gt of a
ferthyng fonden in the wy+gt of ii s., in +tat cas he
is amercyable. And in euery faut that he is founde
passynge a ferthyng wy+gt in +te wy+gt of ii s., he is
nout+g amercyable but mote haue iuyse etc.

[}ASSYSE OF ALE}]

   It is to wete +tat whan a quarter of whete is
solde for iii s. or for xl d., and barly for xx d. or
for ii s., and otys for xvi d., +tan may well the 
breweres selle in citie and burgh ii galounys of good
and conable ale to drynk for i d., and withowte citie or
burgh, vplond iiii galounys for i d. And the assyse of
ale ne sale shall no+gt be chaunged but in encresyng or
<P 138>
dysencresynge xii d. in a quarter of corn. And wyll +ge
wete in kepyng the assyse of ale aboueseyd alle costages
and repryses of brewars acounted and alowed well and
largely, +tei may in a quarter of malt bruyng gete iiii d.
and all the +gyst, dreggys and draff as it is prouyd in
the brewhous of our lord +te Kynge by alle the places of
Ynglond in tyme of his antecessours. And +tat [{+tis{]
assyse of our lord +te Kyng be generally by all Ynglond
proclamyd, +te Kyng comaundyth.
   And if +te brewster be comytted +tat he [{halt{]
no+gt this assyse, ffirst he mote be amercyed aftyr
+te quantyte of +te trespase. If he trespase no+gt
greuously and if he haue or wyll no+gt be iustyfyed,
he mote haue the dome by an holl our of +te day in
tyme of market most plener, +tat is to wete +te baker
on +te pylory, +te brewster on +te trubechet. And +tat
by +te centense +gouen of +te Reuerent Ffadyr Stephyn,
sumtyme Archebysshoppe of Caunterbury. Item, wyte +ge
+tat +te brewster shall not encrese or dysencrese +te
assyse of ale in xii d. hyeng or lowyng in the price
of a quarter of malt but a ferthyng etc.

<S SAMPLE 2>
<P 143>
[} [\8\] }]
[} (\AD FACIENDUM IUSIURANDUM AD INQUISITIONEM\) }]

   "+Ge scholn soth seyn of alle maner articules
+tat schal be put to +gow here of +te Kyngis behalfe
and trewe verdite make. And +ge schall nothyng seyne
for euyl wyll ne enmyte of no maner person, ne +ge
schul nothyng consele ne hyde for no frensheppe ne
kynrede, but trewlyche seyn, and kepe trewly the Kyngis
counsell and +gour owen and +gour felas. And +tat +ge
schulln thus don, so God +gow helpe and Holydom." (\Et
osculantur librum.\)
   (\De iuratoribus inter partes et partes: ponantur
manus super librum, dicat senescallus:\) "Of (how many)
articules +ge schulne soth seyn +tat here schall be put
to +gow bytwyxe partye and partye, that is for to seyn
<P 144>
Thomas atte Style and Symme Grubbe, weche ple schal
be rehersyd aforn +gow. [^TO PRESERVE THE SENSE, THE EDITOR     #
WOULD OMIT THE FOLLOWING WORDS IN PARENTHESES^] (And +ge schull #
for frensheppe
ne for procurement ne mede on neyther partye) And
+ge schull nothyng seyn for euyl wyle ne nothyng fauore
for frensheppe ne for mede. And +ge schulne don so
helpe +gow God and Holydom."
   (\Postea [{legatur{] placitum et in fine dicat
sic:\) "And if he be detour to hym as he beryth hym on 
hande or in partye lesse or more, +gif hym his dette
and awarde for his dampniage. And +gif he be nouth
gylty, aqwyte hym."

<S SAMPLE 3>
<P 145>
[} [\10\] }]
[} [\THE MANNER OF DOING HOMAGE AND FEALTY\] }]

[}HOMAGE}]

   Whan a freman schall do his homage to his
chef lord +tat he halt of his chef tenement, he schal
holden his handys togedyr betwyx his lordis handis,
knelyng, he schall this seyn: "I become +gour man fro
+tis day forward and feyth bere to +gow for +tat tenement
+tat I cleyme to helde of +gow, sauyng the fewte
wyche I owe to our lord the Kyng and o+ter lordesheppes."

[}FFEWTE}]

   Whan a freman schal do fewte to his lord, he
<P 146>
schal ley his ryght hand on the boke and seyn thus:
"Here +ge, my lord N., +tat T. de C. schal be to +gow
trust and trewe and feyth bere to +gow of +te tenement
qwiche I cleyme holde of +gow, and +tat lawefully I
schall do to +gow at terme assigned the lawful seruices
and customys, so God me helpe and Holydom."

<S SAMPLE 4>
<P 154>
[} [\20\] }]
[} [\CHARGES TO PEACE OFFICERS\] }]

[}CHARGE TO THE CONSTABELIS}]

   +Ge schul first pryncypaly take hede +tat +te
pees be kepte in +gour towne. And if ony man dystruble
or breke +te pees, +ge schall arest hym and brynge hym
to +te Kyngis preson as wel be day as nyght; item, 
<P 155>
alle nyght-walkerys withowte cause resonable and
ryetous persones, and brynge hem to +te Kyngis preson.
And alle comon tenys pleyeris, hasardoures, vacabundys,
dyes pleyeris and tho persones +tat vse suspecyous
placis, take hem and bryng hem to +te Kyngis preson.
And if +ge be no+gt myghty to make +tis areste, +ge schall
compleyn vnto +gour cheff constabelys of +gour hundred,
or ellys to a iustyse of the pees, for to strenghte
+gow to take and bryng them to preson, alle suche rebellyouns. 
   +Ge schall comaunde +to persones +tat schall
kepe watche in tyme of yeer to kepe ther oure before
+gow to reseyve ther charge be ix of +te clok at evyn
at +te ferthest, vpon peyn ordeynyd vpon +te same. And
of alle tho personys +tat make defaute at +te our of
ther watche, or kepe no+gt duly ther watche, or sende
ony persone +tat is not sufficiant ne able to watche or
withowte sufficiant wepon, +ge schall certyfye vp his
name.

[}CHARGE TO THE WATCHE}]

   +Ge schal +tis ny+gght folwyng, +tat is to seyn
from thys tyme vnto iii of the clok aftyr mydnyght, make
<P 156>
and kepe watche thrugh this towne withinne the boundys
of +gour watche. Alle hasardourys, ryetous persones and
o+ter persones suspecte founden in suspecyous placis,
and alle o+ter persones fowdyn walkyng in +gour toun
withowte causes resonable, +ge schal hem take and ledyn
them to your constablys, and they schall kepe them in
prison. If +ge seen ony candelyght or fyer-lyght, or
fele ony smell of ony fyer, +ge schal goodly withowte
noysyng commaunde +te persones of +te place wher ony
suche lygth or smel of fyer is, to ben war of +ter lygth
or +ter fyer. And if +ge sene or fyndyn ony fyer in ony
place wiche were not lyche to ben quenchyd withowte
gret helpe, +ge schall breke vp ther doris and reyse
the peple of +gour toun and do +gour parte to quenche
+tat fyer etc. And if +ge make ony departyng of your
felaschype, +tan haue a wetcheword be assent, be +te weche
+ge schall know whan +ge mete with ony persone, whe+ter he
be ony of +gour watche or non. And whan +ge walke
togedyr or on sondry, +ge schall make none noyse wherthurgh
+te dwelleris withinne +gour toun schuld ben
dystrobled or lettyd of ther rest, or +te nyght-walkeris
or +te ryetouris withinne +gour toun may knowe of +gour
<P 157>
comyng, and so for noyse-makyng skape awey to gret
schame of +te wetche and of hem +tat haue gouernauns
+terof for the tyme. In +tis wyse +ge schall +gow gouerne
and wysely behaue +gow, +tat no harme in +gour defaute be
done withinne +gour walke, as +ge wyll answer and aquyte
+gourself and vs a+gens our souerayn lord +te Kyng, whom
God save and kepe etc.

[} [\21\] }]
[} [\DIRECTIONS FOR BLOOD-LETTING\] }]

   Ysodor seyth be auctoryte of Ypocras +tat +ter
arn iii dayes +tat no man owyth to be lete blood. +Tat
is for to seyn, the vii day of +te [{calende{] of Apryl,
the fyrst day of August and the last day of Decembyr
etc.
   Her may a man knowyn in what monyth and what
houre of +te day is best bledyng for dyuers complexiouns.
In Marche, Apryl and May reynyth blood, and he arn hote
and moyst. In the monyth of Iune, Iule and August
reynyth red colour, and it arn note and drye. In
the monyth of Septembyr, Octobyr and Nouembyr reynyth
<P 158>
blak colour, and it arn drye and colde. In +te monyth
of Decembyr, Ianuar and Ffeuer+ger reynyth fleume, and
he arn colde and moyste. Sanquine men and fleumatyk
men owyn to bledyn abowtyn vndern, +tat they ben fastyng,
and coleryk men fro an our afor vndern tyl noonn.
And a malecolyous man owyth to bledyn abowtyn noun.
But no+gt aftyr mete, ne aftyr slepe, ne aftyr hatyng,
for thanne arn +te [{humores{] medelyd +te goode with the
wykke, and if he blede, than +te goode humores schuldyn
goon owte as well as +te wyk.
   It is to wetyn +tat xxvii dayes [{ben{] beforn
euery prime tyl the chaungyng of the mone. And +tu
+tat wylt be letyn blood, take hed to +te nest prime and
aftyrward begynne to counte in +te day of the chounge
of the mone aftrn. +Tat prime qwon many dayes ben into
+te day, +tu wylt be letyn blood. And sythyn, loke in
what monyt it be, and in the space of that monyth goo
alweys vpward tyl +tu come euene a+gen the noumbyr of
+te forseyd day. And loke be ony maner +tat +tu blede
not+g ne ony medesyn +geue to +tat membyr wyche +tat
syngne gouernyth as long as it lestyth.
<P 159>
   Alle +te veynys of the hed schuldyn bledyn aftyr
mete, owte take +te veyn vndyr the chyn. And all the
veynys of the armys schuldyn bledyn afor mete fastyng.
And alle +te veynys of the handis and thyes and feet, aftyr
mete. The veyne in the front is good for gret hedwerk,
and for the emygrayn, and for +te fallyng euyl, and for +te
frentyk, and for the brayn +tat is apeyred, and for +te
lepre +tat is newe come.
   Her may men knowyn and sen that for fawte and
neglygens of blood-latyng, men and women takyn dyuers
sekenenes, +tat is for to sayn, perlyows feuers, palseyes,
sores, mychell bledyng at +te nose, sotheyn deth, pestelens,
lepre and many moo sekenesses.
   And [{of{] often blood-latyng but +gyff a man
nedyth, comyth ofte wekednesse and febyllnesse of complexion,
and febylnesse of the stomak, and of the herte,
of lever, and of the lounge, and of alle his body. But
+gyf blood-lat be vsyd whan nede is and tyme is, it
amendyth the heryng, and kepyth wattery eyn, and purgyth
the stomak, and doot awey gret hevynesse and
norschyth the good blood, and dystroyt+g +te wykkyd
blood, and lengyth +te lyff. And of onwys blood-lath
<P 160>
comyth many sekenesse, and oftentyme deyn men.
   But wete +tu well +tat blood-lath kepyth mekyll
in serteyn tymes of the yeer for certeyn complexion
and lengyth +te lyff. +Tat is for to seyn, in the ende
of May is blood-lath good for hem than han plenty of
blood, and in the ende of August for plenty of coler,
and in the ende of Nouembr for meche malecolye, and
in the ende of Feuer+ger for mekyll flemme. But euer
loke +tat the dayes and the reulys of blood-latyng be
kepte. And euer +gyff nede be to letyn blood, do it,
saue kepe +te rewlys and the dayes. But in a continuall
agu, let no blood aftyr the iiii=te= day and alle the
dayes wythinne the fourte day.
   He +tat schuldyn letyn man or woman blood, hym
must ben avysyd of iiii poyntes. +Tat is for to seyn,
+tat tyme be good and able, and not to ouer-hote, ne
to ouer-colde, ne not in the hundyn dayes, ne on other
dayes +tat arn forbeden.
   The secunde poynte is custum. +Gyf a man be
custumable for to blede, or if an elde man haue a sekenesse
+tat hath nought vsyd to bledyn, and the sekenesse
<P 161>
may not+g awey withowtyn blood-lath, it is dred to letyn
hym blood for custum and febylnesse.
   The thredde poynt is age. +Tat is for to seyn,
a chylde of xii yeer owyn not to blede, ne man fer in
age.
   The fourte poynte in +tis: if a man be stronge
and of gret herte for to bleden, aftyr +tat he may: a
stronge man, inowe, a febyll man, but lytyll etc. 

[} [\22\] }]
[} [\VARIOUS TAXES\] }]

[} [\(B)\] }]
 
   The Rome-shot+g gaderyd in Acle is iii s. ob.
Therof is payed to the gadereris +tat goyt to Rome ii s.
viii d.
<P 162>
   The taske of Acle drawyth vii li., of the weche
the lord of the maner of Acle payeth iii li., and the
tounesheppe payeth iiii li. This don at Martylmesse 
the xiiii yeer of Kyng Edward the iiii=te=, gaderyd be
Thomas Gedycok and Iohn Clerk, counstabyll, Iohn Stotevyle,
colecteur. The same tyme for the hundred. Item,
ano+ter taske payed the same yeer at Crowchemesse nest
aftyr, gaderyd be William Hendy, Nicholas Ovy, colectour.

<S SAMPLE 5>
<P 165>
[} [\25\] }]

[} [\LANDS OF THE MANOR OF ACLE\] }]

[}ACLE}]

<P 166>
   To the maner of Acle longith ccccxxxi acris 
and ii rodis fermelonde. Item, xl acris clepyd Rotwode,
i acre clepyd Chekyr Acre, iii acris clepyd the
Harrowe, besyde Ffarmanys Closse, containing vii acris.

[} [\26\] }]

[} [\CONCORDS\] }]

   How many concordis ben in your gain? IX.
Wheche ix? An enes on, a iii=de=, a v=te=, a vi=te=, a          #
viii=te=,
a x=te=, a xii=te=, a xiii=te= and a xv=te=. How many ben
perfite and how many inperfite? V inperfite and iiii
perfite. Wheche v ben inperfite? An enes on, a v=te=,
<P 167>
an viii=te=, a xii=te= and a xv=te=. And how many ben
perfite? IIII. Wheche iiii? A iii=de=, a vi=te=, a x=te=
and a xiii=te=.

<S SAMPLE 6>
<P 169>
[} [\29\] }]

[} [\PROCEDURE FOR DIVINATION\] }]

   Take on chyld of yonge age, +tat is betwyxen
vii and xiiii, and in the sonne set hym betwyxen +ti
leggis. And than knytte a red sylke thred abowte his
ryght thombe iii, and scrape hys nayle wele and clene.
And thanne wryte on the nayle +tis lettrys with oyle de
<P 170>
olyue: O.N.E.L.I., and qwyll +tu wrytis +tes
lettris, let +te chyld say hys Paternoster. And than
say +tis prayer: " (\Domine Ihesu Christe, Rex glorie,
mitte nobis tres angelos ex parte tua, qui dicant
nobis veritatem et non falsitatem de hiis omnibus
de quibus nos interogabimus.\) " And sey +tis prayer iii
with good hert and devoute. And then +ter schal aper
iii aungels in +te chyldis nayle. And +ten let the chyld
sey thus after the, wheder +tu wylt in Latyn or in
Englys: " (\Domini angeli, ego precipio vobis per Dominum
Patrem Omnipotentem, qui vos et nos ex nichilo creauit
et per virginitatem Beate Marie et beati Iohannis
Euangelyste, necnon et omnium virginum, et per virtutes
omnium sanctorum nichilominus Dei, ut ostendatis
nobis veritatem et non falsitatem de hiis omnibus de 
quibus nos interrogabimus.\) " And +ten let +te chyld aske
what +tat he lyst, and +tei schal schewe to hym.

[} [\30\] }]

[} [\RECEIPTS FOR INK, GLUE AND TEMPERING\] }]

   Ffor to make blak ynke, take gallys, coporose
and gumme of rabyk, of iche aleke mekyll be wyte. And
make powder of +ti gallys and of thy coporose, of eyther
<P 171>
be hemselff. And ley +ti gumme in watir to stepe al a
nyght. And on the morwen take +ti gumme-water and +ti
pouuder of gallys, and put hem togeder, and sette hem
ouer the fyer, and lete hem sethen +te space of +tis
psalme seying, " (\Miserere mei, Deus.\) " And than cast
+ti powder of coporose +terin, and steret well togeder,
and +tan take it don. And if +tu wylt make inke for ony
book of gret prys, take as mekell coporose as gumme and
gallys. And to iii vncis take a quarte of reyn water,
for +tat is best +terfor. And +tan it is good inke, sekerly.
And stere it well euery day. Gumme, i quart,
gall, i quart, coporose, i quart: iiii d.
   Ffor to make reed ynkke, take vermelyon, and
grynit with gleyer, and temperit. Ffor to make gleyer,
take +te whyte of an egge, and brayet in a dissch with
a sponge tyl it is as schort as ony water, and +tan it
is good gleyer to gryne and temperyn with vermelyon
for reed inkke. If it burbelyt whan +ge gryne it, take
sape of +gour eere, and grynit +terwith, and +tat schal
don away alle tho burbelys.
   Ffor to make blew inkke, take byse and temperyt
with gumme-water, and steryt well, and +tan it is good
blew inkke. Ffor to make gumme-water, take gumme of
arabyk as moche as aboue, and put it in a sauser ful
<P 172>
of clene water a day or a nyght tyl it is turned alle
to water. And +tan it is good to temperyn with byse for
blew hynk.
   Ffor to make staunchsgreyn: (\recipe calcem et
calcem viuam et farinam ana, et distempera cum albumine
oui et lacte cum sit quasi spissa pastis, et sicta
lente ad solem\) .
   Ffor to make mowth glew for bokys, take +te
sowdys of stok-fysshez, and sethe hem in worte be +te
space of ii owrys. +Tan take and drye hem, and whan they
be drye, vse hem forth as bookbynderis don. In +te same
maner +tu mayst make it of soundys dryed of lyngis.
   Ffor to temperyn +gour colouris, take the
water +tat gloueris speccis ben sothen in. It is 
clepyd coode, +tat is good to gryne and temperyn with
+gour colouris etc. Yelow, take okyr, and grynit with
coode; a better yelow, take generall, and grynit.
Grene, take blewe inde and generall, and gryne them
togeder. For to peynt on tymber or vpon fferston,
take vergres, and grynit and temperyt with oyle.
Blak, take smethes coles and grynit. Reed, take red
<P 173>
led, and grynit; a better reed, take vermelyon, and
grynit. Blew, take blew inde and grynit. Reed crymsyn,
take synnaper and vermelyon, and grynit togeder. Grene
inke to wryten with, take vergres and gryne it to
pouder, then take vynegyr or ellys vergeows, and
temperit togeder, and sterit well.

<S SAMPLE 7>
<P 174>
[} [\32\] }]

[} [\CHURCHWARDENS' ACCOUNTS\] }]

[} [\(A)\] }]

   Iohn Reynys, Iohn Goodwyn, taylour, and Herry
Brandon, chirchereves, dedyn maken the batylment of
the stepyll, weche coste drow to the valow of xvi li.,
(\anno Domini millesimo cccc=mo= septuagesimo ii=do=.\)

[} [\(B)\] }]

   Iohn Hendy, Roberd Reynys and William Pey,
chirchereves, bowte a vestement, holl sute of red
<P 175>
velvet, pouderyd with flouris of gold complet. +Tat
is [{to{] seyn, a cope, a chesepyll and ii tonekylls
with aubis, amys, stolys and paralys longyng to +te
same. +tis was don +te Thurday nest aftyr Alle Seyntis.
The price of the same vestement is xxiii li. +Tis don
(\anno Domini millesimo cccc=mo= septuagesimo quarto\) .

[} [\33\] }]

[} [\RECEIPT OF THE FLOCK OF ACLE\] }]
 
   Thomas Ponde, Iohn Tan and Symon Bakton of
Yermothe delyuered the leddis flokke of Acle to +te
baly: cclxi ewys, lvii wedyr hoggis, xxxiii wederis,
xlii ewe-hoggis, cc lambys and vi rammys, and v s.
in syluer to amend for +te catell. +Tis don the Thursday
nest aftyr Seynt Mathewe, (\anno Domini millesimo
cccc=o= septuagesimo iiii=to=\) .

<S SAMPLE 8>
<P 194>
[} [\48\] }]

[} [\SUMMARY OF THE LINEAGE AND FAMILY OF ST. ANNE\] }]

   In the olde lawe a man hyght Barpanter.
Barpanter weddyd Asmarea, ther sone was clepyd Ioachym
<P 195>
(Nazareth).
   Isakar weddyd Nasaphat, too dowterys +tei had: Anna
and Emeria.
   Ioachym weddyd Anna (Bedlam born), ther dowter was
Maria, (\mater Christi\) (Nazareth): (\prima\)
   Aaron weddyd Emeria, ther dowter was Elizabeth, (\mater 
[{Iohannis{] Baptiste.\)
   Ioseph weddyd Maria, ther Sone was Ihesu Crist.
   Sakari weddyd Elizabeth, ther sone was Iohn Baptist.
   (\Eliud, Eminen, filia, Beatus Geruasius Episcopus.\)
   Cleophas weddyd Anna, ther dowter was clepyd Mari:
(\Secunda\) .
   Alphe weddyd that Mari, iiii sunnys they had: (\Simonem
et Iudam, Iacobum Minorem et Ioseph Iustum\) .
   Salome weddyd Anna, ther dowter was clepyd Mari:
(\Tercia\) .
   Zebede weddyd that Mari, too sunnys +tei had: (\Iohannem
Euangelistam, Iacobum Maiorem\) .
   Sent Anna had iii husbondes and iii dowterys:
i Maria (\mater Christi\) , ii (\Maria Cleophe\) , iii Maria    #
Salome.           

<S SAMPLE 9>
<P 237>
[} [\54\] }]

[} [\NOTES ON ST. PAUL'S, WESTMINSTER HALL AND WESTMINSTER      #
ABBEY\] }]

   Here is the lenght of the shaft of the cros on
Poulys stepyll at London: From the booll to the egyll
is xii fote, and the lenght of the cros at +te wedyrcok
is vii fote, and the booll is over from syde to syde
iii fote: +Tat is iii yardys abowte.
   Poulis Chirche is in lenght fro the west dore
to the qweer dore vii=xx= pacis and ii, and fro the qwer
dore to the est ende is iiii=xx= and x pacis. Summa of
all the lenght fro the ton ende to the tothyr ende is
xi=xx= and xii pacis. Also, the cros ele fro the north
dore to the south dore is vi=xx= and x pacis.
   Westmester Halle is in lenght v=xx= pacis and
xii=ve=. +Terin in the Kyngys Bench, the Chaunstry, the
Comonplace, the Chekyr, the Kyngis Councell-chaumbyr,
the Kyngis Chapell.
   Westmester Chirche is of Seynt Petir. Behynde
the hygh awter lyeth many kyngis and qwenys. And in
the myddys of the chapell lyeth Seynt Edward the Kyng
shryned. And ther ben many relykkys. And on the south
syde besyde the hygh awter is the lely-pott, with vi
<P 238>
braunches rennyng fayre, clene water bothe nyght and
day.
   And in the gret belfer at Westmyster arn vi
grete bellys. Also, in the gret belver at Poulys arn
vii gret bellys.
   Ffro Poulis to Westmester is a long myle and
more.

[} [\55\] }]

[} [\A LONDON ADDRESS\] }]

   At Sarzynnes Hed in Fflet Strete at London,
ther is my lordes inne of Tyntarne. Ther dwellyth
William Stone, skynner.

<S SAMPLE 10>
<P 240>
[} [\58\] }]

[} [\NOTES ON THE ZODIAC\] }]

   (\Yemps\) lasted 3 synus: +to ben Sagittarius, Capricornius
and Aquarius.
   (\Ver\) lastyd o+ter synus: +to ben Pisces, Aries and
Taurus.
   (\Estas\) lastyd o+ter 3 synus: +to ben Gemini, Cancer and
Leo.
   (\Avtumnus\) lastyd o+ter 3 synus: +to ben Virgo, Libra
and Scorpio.
   (\Yemps\) ( (\oritur\) ) gynnyth on Sent Clementis day in
Nouembre.
   (\Ver\) ( (\oritur\) ) gynnyth on Cathedra Sancti Petri in
Ffebruare.
   (\Estas\) gynnyth on Seynt Vrbans day in May, (\viii=o=
<P 241>
kalendae Iunii\) .
   (\Autumnus\) gynnyth on Seynt Simphorians day in Augus,
(\xi=o= kalendae [{Septembre{] \) .
   Whoso be born in +te signe of Tauro, he schal haue
moche grace in alle bestis and in alle other
thyngis, saue in his wyff: sche xall be master.
   Whoso be born in Aries, he schall be dredfull and
[{+tow+g{] gracious.
   Whoso be born in Gemini, he xal be pore and weyke, and
leue in meche desese.
   Cancer: he schall ben pore and weyke, and +tow+g gracious.
   Leo: he schall be bold and a strong theff.
   Virgo: he schall be wyse and letteryd, and he schall
be blamed giltles.
   Libra: he schall be a schrew in auant and a +teff, and
dey in wykked ded.
   Scorpio: he schall be a gret goer in the werd.
   Sagittarius: he schall be hardy and a gret lechoure.
   Capricornus: he schall be riche and loved.
   Aquarius: he schall be rekeles and abill for to lese
<P 242>
his men.
   Pisces: he schall be gracius in alle maner werkys.

<S SAMPLE 11>
<P 243>
[} [\62\] }]

[} [\RELIGIOUS ENUMERATIONS\] }]

[} (\DECEM PRECEPTA\) }]

   The ffirst is: Wurchep God aboue alle thyng.
   The secunde is: Take not His name in idylnesse.
   The iii=de= is: Halwe treuly thy holyday.
   The iiii=te= is: Wurchep +ti ffader and moder bodely
and gostly.
<P 244>
   The v=te= is: Sle no man with thy toung.
   The vii=te= ys: Do no lechery owte of wedlak.
   The viii=te= is: Stele nothyng.
   The ix=te= is: Bere no fals wytnesse.
   The x=te= is: +Tu schal not coveyte +ti neybouris hows,
his wyff ner his seruaunt etc. X Comaundementis.

[} (\SEPTEM MORTALIA PECCATA\) }]

   Pryde, invye, wreth, coveytyse, glotony, lechery
and slauth: these ben +te VII Dedly Synnys.

[} (\SEPTEM OPERA MISERICORDIE\) }]

   Thow schalt: ffede +te hungery, +geuen hem drynk
+tat ben athorst, visite hym +tat is seke, herbere hym
that hat nede, clothe hem +tat his naked, comfort hym
+tat is in preson, bery Crysten bodyes +tat ben dede:
these ben the VII Werkys of Mercy.

[} (\SEPTEM VIRTUTES PRINCIPALES\) }]

   (\Ffides, spes, caritas, prudencia, iusticia, ffortitudo,
temperancia.\)
   Trewth, feyth, hope, charite, sleythe, rythfulnesse,
strenghe, sobyrnesse: these ben the VII Vertuys.

[} (\SEPTEM SACRAMENTA ECCLESIE\) }]
 
  (\Baptismus, confirmacio, penitencia, Eukaristia, extrema
<P 245>
vnxcio, ordo, sponsalia.\)
   Cristendom, confirmacion, shryfte and penaunce, housle,
anoyntyng, holy order, spousyng: these ben +te VII
Sacramentis of Holy Chyrch.

<S SAMPLE 12>
<P 247>
[} [\65\] }]

[} [\CHARM RECEIVED BY THE POPES\] }]

   Seynt Gregori, Sent Syluester and Sent Leon,
that were popys of Rome, reseyved +tis writyng and
sayd, "Hosoeuer bere +tis writyng abowte hym, he thar
not drede hym of non enmy ner sodeyn deth, ner fyer,
ner watyr, ner poyson, ner preson, ner thonder, ner
levyn, ner +te feuers, ner noon other wykkyd evyll.
And he schal be loued of his souerayn. And if he be
owte of hys wey, he schall sone fynde hys wey agayn."
   And an angell toke +tis writyng to Kyng Charlys
in batayle and seyde, "Hosoeuer bere +tis writyng
abowte hym, he schal ouercome his enmyes withowten
fayle. Also, a woman trauelyng of a chylde do rede
+tis writyng ouer hyr or put +tis writyng abowte her,
and sche schal sone be delyuered be +te grace of God
withowte perell. And hosoeuer bere +tis writyng abowte
hym, he schall not pace owte of +tis worlde in myscheue,
but he schall haue +te sacramentis of Holy Chirche be
+te grace of God. Ner he schal not be robbyd with non
thevys be nyght ne be day, ne he schal not be ouercome
with noon sprytys by the grace of God and the vertu
of +tese names."

<S SAMPLE 13>
<P 255>
[} [\74\] }]

[} [\NOTES ON ADAM\] }]

   Adam lyued ix c yeer and xxx=ti=, and had xxx=ti=
sones and xxx=ti= doughters.
   They dyed and were bothe beryed togedyr, Adam
and Eue.

[} [\75\] }]

[}ROME}]

   Ffrom the begynnyng of the world vnto the
tyme that Rome was first made was iiii ml c xlix
yeris. And fro that tyme that Rome was made into the
Natiuite of Oure Lord Ihesu Christ, vii c l yeeris.
<P 256>
   In the citie of Rome ben thus many chirches:
cccc, in the whiche masse is dayly don. But there
ben vii of the same priuileged above alle other,
whiche gret holynes pardon, as is hereafter
shewyd. The first is called Seynt Petyr Chirche
thApostell. There he is relessyd of the vii parte
of penaunce inioyned, grauntyd by Pope Alysander.
The secunde auter is of Seynt Andrew.

<S SAMPLE 14> 
<P 260>
[} [\81\] }]

[} [\A RECEIPT\] }]

   +Ge must take wurte, and barly, and comyn, and 
hony, and a lytyll curtesy of salte, and sethe them in
a potte togedyr tyl the barly be brostyn. And sythen,
caste it abowte in +te hows wheras dowys ben vsyng etc.

<P 261>
[} [\82\] }]

[}THIS IS THE COPY OF +TE PRESENTACYON OF +TE LORDYS
OF VENYSSE SEND TO +TE POPE (\ANNO CHRISTI 1464\) .}]

   Ffirst, iiii=xx= gret bumbardis (a gonnys): eche of
hem cast a ston of +te wyght of ix c pound, with
powder and stuff.
   Item, xiiii c gunnys: eche of hem cast a ston of 1 li.,
with pouuder and stuff.
   Item, xiiii c serpentis and smal gunnys, with powder
and stuff.
   Item, vii ml. payer of brigandyrs for hem +tat haue
non harnes.
   Item, x shippis ladyn with bows and arows, and other
artery and abilymentis of werre.
   Item, vi ml. pykes and spadys for the ost.
   Item, vi ml. cressettis for to haue ffyer be nyght
for the ost.
   Item, xii mattokkis and mayletis with o+ter stuff to
breke +te ground in hard, stony cuntres.
   Item, cccc ml. bokettis and bowges of lether for to
ffetche water to the ost in tyme of nede.
   Item, viii ml. of empty pypys and tonnys, and other
vessell to make with brygges to convey over cartys
<P 262>
and waynes and o+ter ordenaunce.
   Item, vi ml. cartys for caryage for the ost in tyme
of nede.
   Item, cccc ml. hokys and cromes, hachettis and
ledders of dyuers facyon.
   Item, xii ml. ffottemen in harneys: the wagys arn payn.
   Item, xxx ml. dokettis to pay for vetayle.
   Item, vi ml. men well besayn in harnes, and her wagis
payed.
   Item, iiii=xx= galeys, well appareld with men and            #
abylymentis
of werre, and ther wagis payed.
   Item, a mylyon of gold to refreyssh with all Crysten
pepull.

<S SAMPLE 15>
<P 264>
[} [\84\] }]

[} [\THE WOMAN RECLUSE AND THE WOUNDS OF JESUS\] }]

   A woman solatarie and recluse coueytinge to
knowe the nommbre of the woundes of Oure Lord Ihesu
Crist oftyn preyd to God of speciall grace +tat He
wolde wouchesaffe to schewe her hem. And at the last,
to her spak Oure Lord Ihesu Crist and seyde, "Sey
euery day be an hooll yeer xv Paternoster and xv Aue
Maria, and at the yeeris ende thow shalt han wurcheped
euery wounde and fulfylled the noumbre of the same."
   And also seyd Oure Lord Ihesu Crist, "Euery
man that seyth these Paternoster, and these Auez, and
these orisones folwyng euery daye be an hooll yeer, of
his kynrede xv soules schull be delyuered owte of the
peynes of purgatorie, and xv ryghtful men of his
<P 265>
kynrede schull be kepte in good lyffe. And he that
seyth these orisones after wretyn, ffirst, therfore, he
schal haue grace and knowyng of perfeccion and bitter
contricion of alle his olde synnes."
   And also seyd Oure Lord Ihesu Crist, "He that
seyth these orisones in the forme aforn seyd xv
dayes before his deth, he schall se myn holy body and
it receyve, and therby be delyuered fro euerelestynge
hunger. And I schall +geue hym drynk of myn blood, that
he schall neuere thriste. And I schall put before hym 
the sygne of myn victoryous Passion in defens and
subsidie of alle his enmyes. And before his deth I
schall come with myn dere moder and take his soule
and lede it into euerelestyng ioye. And whan I haue it
thedir brought, I schall +geue hym a drawt+g of the chalys
of myn godhed.
   "And +gif a man haue leyn in synne xx=ti= yeer,
and he wyl seyen these orisones, I wyl for+geue hym
alle his synnes, and kepe hym fro alle temptaciouns,
and kepe his v wyttes, and hym fro sodeyn deth defende,
and ouer that kepe hym fro euerelestynge peyne. And
alle the synnes +tat he hath don fro his childehod
vnto this day I wyl for+geue hym, and be my grace he
schall be bettir than euer he was before. And whatsoeuer
<P 266>
he aske rightfully of me or of myn moder, it schall
not be denyed. And I schall kepe hym parfytely in
vertu and in good lyffe conferme hym as he had euere
aftyr myn wyle wrought and levyd. And +gif he schulde
deye tomorwe, his lyffe schall be lengthed. And
as often as he seyth these orisones, he schall haue
xl dayes of pardon. And he that techeth ony other men
these orisones, his ioye schall neuere discrece, but
dwelle withowten ende. And wherso he be that seyth
hem, I am present, as Sent Poule precheth, and fro
his enmyes I schall hym defende. Therfor, euery
lettered man and woman rede iche day these orisones of
my bytter Passion for his owen medecyne."
   Besyde this woman dwelled an holy man to whom
sche this reuelacion schewed, and he it schewed to
an abbes. And sche it schewed to here susteres and
badde hem seyn these orisones. And summe seyden hem
with gret deuocion, and summe for they schulde not
trespace receyved here commaundement, and summe not
wilfully, but in parti constreyned fulfylled here
commaundement. And after that, the same holy man on
a day whanne he restyd hym, he was rauysched in a
vision into a fayer felde. And therin was a delectable
welle. And it semyd to hym as the welle were ful of
<P 267>
precious stones. And at the same welle were the same
susteres that seyden these orisouns. And summe of
hem wesch with grete vertu, and summe lesse, and summe
vnnethes touched a lytell drope, or they wessch
after +te deuocion that they hadde in the seying of
+te orisones. And this was schewed to the holy man.
And he it schewed to the abbes, and sche +te same
tolde to her susteres, that were therof wol gladde.
And they that seyde these orisones nou+gt deuoutely
beforn aftyrward amended hem and seyde hem better,
with gretter deuocion and desyre.
   Afterward on a nyghte this holy man herde a
gret noyse and an hidows crye, as all that was in the
wode hadde ouerthrowen and be rent vp be the rotes.
And he went oute of his celle, and coniured on of the 
ffendys +tat he had herde, and badde that he schuld
telle hym what that noyse ment. To whom the fende
seyde, "In this wode woneth an olde woman ful of many
holy wordes and seyth an orison so plesyng to God of
heuene wherthrowgh we taken ful oftyn gret harme.
For with that orison sche getyth to God ful many
soules +tat were in oure power fast beforn. And it
plesith so moch God Almyghty that it is graunted to
hym that seyth these orisouns that +gif he were in tyme
<P 268>
of his levyng in the weye of euerlestyng dampnacion,
Oure Lord God schulde chaunge euerlestyng peyne into
the peyne of purgatorye. And +gif he were in the state
of the most peyne of purgatorye, Oure Lord schuld
chaunge it into the peyne of this werlde and bryng
his soule to heuene. It is tolde that this womannys
name is Sent Bryde, the Quene of Swethe, +tat ful many
reuelaciouns and gret grace had of God."

<S SAMPLE 16>
<P 289>
[} [\92\] }]

[} [\FOUR CONTRACTS\] }]

[} [\(A)\] }]

   Memorandum that vii day of Octobr, the day
nest aftir Seynt Ffeyth the Virgynn, (\anno regni Regis
Edwardi Quarti post Conquestum ix=o=,\) Roberd Reynys of
Acle, sengyl man, made a covenaunt with Cecilie Grene,
wedowe, and bowte of her a tenement weche was sumtyme
her husbondez, with x acr and iii rodis of arable
lond ffree clepid Andrewlond, lying in dyuers pecis,
iii rodis of medowe in a closse clepid a grove, with
wode, watir and ffysshyng, as it lyeth at the Thete,
a parte of the west, i rode of marsshe clepid an aldercarr
with wode lyeth at the Thete, a parte of the est,
i acr and ii rodis stardole in ii pecis lyeth in the
parke, i acre of iuncare lyeth in the Market Fen, iii
rodis in ii pecis clepid russhedolys lyeth in Halcote
Merssh, with alle other comodyes and vayles that to
the forseyd tenement longyn or perteynyn, with alle
nessarys that ben rote-fast and nayle-fast.
   Ffor the weche the seyd Roberd schall pay
or do pay to the same Cecilie or to hyr assynes, xx
<P 290>
li. and xx d., that is to sayn, iiii nobill and xx d.
at the bargany makyng, and iiii nobill at Myghelmesse
nest folwyng; that is, iiii marke and xx d. in the
first yeer, and at Myghelmesse nest aftir that, iiii
nobill, and so forth at euery Myghelmesse, iiii
nobill, tyll the seid summe of xx li. and xx d. be
full payed and contentyd.
   And the same Cecilie and her atturnyes the
forseyd tenement with alle londes, closes, groves,
aldercarris, stardolys, ffendolys and russhedolys,
and ffysshyng, to the forseyd Robert Reynys, to his
eyris and assynes, a+gens alle maner men schall warantyn
and defendyn.
   This witnesseth: Syr Iohn Properchaunt, person
of Acle, Syr Robert Bertram, prior of Weybrygg, Iohn
Reynys, carpenter, Lowys Appryers, baly of Acle,
Iohn Hendy, smyth, Thomas Grene, William Smyth of Hemlyngton,
Iamus Reynys, and many other. +Goven the day
and yeer beforn specyfied.
 
[} [\(B)\] }]

   Memorandum that the secunde day of Novembr,
<P 291>
the weche is clepid Sowlemesse day, Iohn Reynys and
Emme, the wyff of Roberd Reynys, made a covenaunt
with Cecilie Grene of Hemlyngton in the name of Roberd
Reynys of Acle, and bowte of her a pencion weche the
seid Cecilie Grene schuld an had terme of her lyve.
That is to sayn, a chambyr withinne the dwellyng place
of Roberd Reynys, i quarter wode and i cartefull of
sedge, terme of hir lyve.
   Ffor the weche seyd pencion the forseyd Roberd
schall pay or do paye to the same Cecilie or to hyr
assynes iiii nobill. That is to sayn, vi s. viii d.
at the bargany makyng, and at euery Cristemesse
folwyng, vi s. viii d., tyl the seyd iiii nobill be
full payed and contentyd.
   This witnessith Iohn Reynys, William Smyth,
Thomas Grene and other. +Goven the day and yeer specifyed.
And the same Roberd must kepe the yeer-day of
William Grene and Herry, his sone, duryng the lyve of
the same Cecilie, and aftyr hyr decesse no lenger.
+Tis drawith be yeer iiii d. (\Anno regni Regis Edwardi
Quarti post Conquestum xii=o=.\)
   The last payment was (\anno regni Regis E.
iiii=ti= xvi=o=\) .

<P 292>
[} [\(C)\] }]

   Memorandum that the v=te= day of Octobre on
Seynt Ffeythez evyn, (\anno regni Regis E. iiii=ti= post
Conquestum xii=o=,\) Roberd Reynys of Acle made a covenaunt
with Iohn Hardyngham the elder of North Birlyngham,
the sone of Thomas Hardyngham, and bowte of hym iii
acris of Andrewlond ffree lying in the feld of Acle in
dyuers pecys.
   Ffor the weche londe the seyd Roberd schall
pay or do paye to the same Iohn or to his assignes,
v nobill and xl d. That is to sayn, at the bargany 
makyng, x s., and at Myghelmesse nest folwyng, xiii s.
iiii d., and at Myghelmesse nest aftyr that, xiii s.
iiii d. withowte ony delay. And the same Iohn Hardyngham,
his eyris and assynes the forseyd iii acris londe
to the forseyd Roberd Reynys, to his eyris and his
assynes, a+gens alle maner men schall warantyn and
defendyn.
   This wytnessith: Syr Wylliam Hardyngham, person
of Birlyngham, Peter Lowys Appryers, baly of Acle,
Iohn Reynys, carpenter, Richard Neell the elder, Herry
Brandon, Nicholas Hardy, William Hendy the elder,
<P 293>
Iamus Reynys, William Streget, and other. +Gouen the
day and yeer beforn specyfyed.
   The laste payment was (\anno regni Regis E.
iiii=ti= xv=o=\) .

[} [\(D)\] }]

   Memorandum that the ffirst day of May, (\anno 
regni Regis E. iiii=ti= post Conquestum xvii=o=,\) Roberd
Reynys of Acle made a covenaunt with his ffader, Iohn
Reynys, be his lyve, and bowte of hym his place in
the market, with the gardeynys and clossez as it lyeth
(conteynyth ii rodis), with i d. of rent be yeer
takyng of Iohn Tynwhyte for the lane that goyth owte
his place to Rekys Lane (conteynyth i yarde in brede),
with xvii acris of arable lond in dyuers pecis
clepyd Andrewelond ffre; also, another tenement clepyd
Baronys, with the closse longyng therto as it lyeth in
Kyrgate, item, ii rodes or marsshe clepyd a stardole,
as it lyeth in the Marm, item, (\dimidium\) rode of marsshe
clepyd a pytell, with wode, lyeth at Nethergate, with
alle other comodyes and vayles that to the forseyd
<P 294>
place longyth or perteynyth, with alle nessarys that
ben rote-fast and nayle-fast, lyke as Iohn Reynys
held it ffor the weche seyd place: gardeynys, closez,
londes, tenementis, pytell, marsshes and rentis.
   The seyd Roberd schall paye or do pay xxxvi
li. of lawfull mony of Ynglond for hym aftyr his
deceesse, acordyng to his wyll, as it apperith in
his testement how it schall be payed and disposyd
for hym. (Of the weche seyd summe, the forseyd
Roberd payed in the seyd first yeer at his dirige
and berying, and at his terment day, and for provyng
his testement and for a quetans, with other dyuers
costis and paymentis as it apperit in wrytyng, x li.)
Fferthermore, the forseyd Roberd must paye yeerly
at the fest of Seynt Iohn Baptist iiii marke,
tyll the seyd summe of xxxvi li. be full payed and
contentyd, acordyng to his wyll.
   This witnessyth: Iohn Hendy of Mowton, William 
Suffolk of Heygham, Iamus Reynys, Iohn Reynys
the yonger, and other. +Goven the day and yeer beforn
specifyed.

<P 295>
[} [\93\] }]

[} [\THE NAILS OF CHRIST\] }]

   Pope Innocent hath grauntyd to euery man +tat
beryth the lenght of the iii nayles of Oure Lord Ihesu
Criste vpon hym and wurschyp them dayly with v Paternoster
and v Aues and a Crede, he schal haue vii gyftis
grauntyd hym: the first, he schal not deye on no sodeyn
deth; the secunde, he schal not be slayn with swerd
nor knyff; the iii=de=, his enmyes schal not ouercome
hym; the iiii=te=, he schal haue sufficient goodis and
honest levyng; the v=te=, +tat poyson nor fals witnesse
schal greue hym; the vi=te=, he schal not deye withowte
the sacramentis of the Chirche; the vii=te=, he schall
be defendyd from alle wykkyd speritis, feuers, pestelens
and alle evell thyngis.

<S SAMPLE 17>
<P 307>
[} [\105\] }]

[} [\TAXES LEVIED FOR SUPPORT OF ARCHERS\] }]

   Memorandum: the Parlement holden at Westmenstre
the vi day of Octobr, (\anno regni Regis Edwardi Quarti
xiii=o=,\) than graunted to the Kyng xiii ml. men archerys
for the terme of on yeer, euery of them takyng be the
day vi d., queche summe amountith to an c ml.
   To the exibicyon of +te whiche it was ordeynyd
that euery temporall man schuld paye the x=th= parte
of on yerly valu of hys londys and tenementis, except
lordis of the parlement. Whiche x part amountith to
the summe in euery shyre, citie and burgh as partyclerly
herafter ensuete:

Northumbirlond, Coumberlond, Westmorlond, Lancastr
  . . . . . . . . . . . . . . . . . . . . . . .  ml.
the busshope of Dorham . . . . . . v c xix li. x d.

<S SAMPLE 18>
<P 312>
[} [\106\] }]

[} [\PROGNOSTICATIONS ACCORDING TO THE DOMINICAL LETTER\] }]

   A: Qwanne the Dominicall lettyr ffallyth vpon
the A, than schall be a warme wynter and a peryyng
somer, corne in the felde, but resonable frute in the
same wyse, been in the same wyse also, pestelencez of
+gonge pepyll and deth of bestys, but most of neet, gret
apklynge and fytyng of pelouris, and newe tydynggis of
kynggis etc.
   B: Whanne the Dominicall letter fallyth vpon
the B, thanne schall be a warme bygynnynge of wynter,
and rokys and thykke wedir in the bakke wynter, and a
whete somere, dere greyin of corn in the felde, gret
tempestis of levyn, gret plente of oyle, and muche
hevynes amonge +te people, kynggis and ben xull dey
grete batayle of people, and +ter schall be many
wedowes +tat yeer etc.
   C: Whanne the Dominicall letter fallyth vpon
the C, thanne schall be a gret wynter and a stormyng
somere, a drye hervest, resonable plente of corn and
frute, but smale been, but +gonge people schull dey,
deth of swyne, tempestis of shippes in the see, and
dere wynes that yeer etc.
<P 313>
   D: Whanne the Dominicall letter fallyth vpon
the D, +tan xal be a warme wynter, a good somer and a
good hervest, and plente of corn and frute, but comon
oyle, grete plente of ben, but comon, women with childe
schull deye, gret losse of hey+ge, newe tydynggis of
kynggis etc.
   E: Whanne the Dominicall letter fallyth vpon
the E, +tan schal be a stowte wynter of wyndys, a good
somere, a good hervest and plente of corn, a gret +ger
of frute, but they schall sone rotyn, derth of fleysshe,
gret plente of been, deth of bestis, a good yeer aftyr,
and peas among the pepyll, and gret flodys of freysshe
watyris etc.
   Ff: Whanne the Dominicall lettyr fallyth vpon
the Ff, +tan shall be a blakke wynter and also a scharppe
colde, a drye somere, plente of oyle, gret sekenesse of
eyne; be but comon deth of +gonge people, gret werre in
dyuers placys, and ertheqwawghe etc.
   G: Whanne the Dominicall lettyr ffallyth vpon
the G, than xal be a warme wynter and a dyuers somer,
gret plente of corn, gret tempest of fyer of howsys,
grete sekenesse of the axcesse, plente of ben, gret
<P 314>
fellyngges of tymber, deth of olde people, and gret
plente of hey+ges.

<S SAMPLE 19>
<P 315>
[} [\109\] }]

[}WEYGHTIS AND MESURIS}]

   Be the dyscression and ordenaunce of all the
roialme of England, the lordys spirituall and temporall,
of alle maner of weyghtis and mesures, that
was made by the graynes of whete. +Tat is to vnderstonde
+tat xxxii graynes of whete taken owte of the
myddys of the whete ere weyth a sterlyng, othirwyse
called a peny, and xx sterlyng makyth an vnce, and
xii vncez makith a pownde for syluer, gold, brede
and mesure. Weche weight makyth a pynt of whete,
<P 316>
and ii pyntys makith i quarte, ii quartis makith a
potell, and ii potellys makith i galon, and viii
galons makith a busshell [^TO PRESERVE THE SENSE, THE EDITOR    #
WOULD OMIT THE FOLLOWING WORDS IN PARENTHESES^] (and neyther    #
hepe ner cantell) ;
and to be strekyn with a rased stryke, and
neyther hepe nor cantell etc.
   Also, the same tyme was ordeyned by the Kyng
and alle his lordys spirituall and temporall +tat the
sayde xxxii graynes of whete taken owte of the myddys
of the ere makyth a sterlyng peny, and xx d. sterlyngis 
makith an vnce of haburdepeyse, and xvi uncez
makith i pownde of haburdepeyse. And +tis sayde
vnce and pownde to be devyded frome +te most part
vnto +te lest part to by and selle spyces by, and
alle o+ter chaffare that perteynet vnto weyght; and
so, ii li., iiii li., viii li., and so forth to the
c. And at +tis day the c is trewe aftyr v=xx= for the c,
weche kepith, and mesure: 1 pownde the half c, xxv li.
+te quarteron, xii li. and an half the half quarteron,
weche was called of olde tyme beyng a stone of London,
vi li. and i quarteron is the half stone.
   And these ben the statutes as it aperith in
<P 317>
Magna Carta. And that is, o weyght and o mesure
thoroughowte England. Ffor an c aftyr +tis wyth weyth
ii busshells of whete, the half c weyth i busshell
of whete, and the quarteron weyth half a busshell of
whete, and xii li. and (\dimidium\) weyth a pecke of
whete, and so forth, weyth for weyght vnto the seyd
sterlyng. All these weyghtis and mesures to be
ocupyed with trewe bem and trewe balaunce, and that
the tonge of the bem enclyne neyther vpon the ton
part nor vpon the tothyr part, but +tat it kepe the 
myddys of the beme.

[}METTIS}]

   Also, it was ordeyned at the same tyme +tat 
iii barly cornys take owte of the myddys of the ere
makyth an inche, and xii inches makyth a ffote, and
iii fote makyth a yarde, and it to be sysed and sealed,
and thervpon to be merkyd a trewe half yard, quarter, 
nayle and half nayle. The elne to be v quarteris
of the yard in lenghyth, and it to be sysed and sealed,
and that it be merkyd in iiii partys acordyng for an
elne. And owte of the seyd yard growyth a rodde
<P 318>
to mesur lond by, the weche rodde conteyneth in
lenghyth v yardys and an half, as it apperyth in
Magna Carta.

[} [\110\] }]

[} (\CLERICUS MERCATI\) }]

   Iohn Becwyth, clerk of the market, satte at
Acle the Thursday aftyr Seynt Ambrose in the monyth
of Apryl, ther sysed busshellys aftir viii galonys,
and alle othyr mettys and mesuris, and alle maner
weyghtis acordyng to the Kynggis statutis. +Tis don
the xv yeer of our souerayn lord, Kyng Edward the
iiii=te=.

[} [\111\] }]

[}CHARGE TO THE MAYSTERIS OF EUERY CRAFT}] 

   +Ge schull sweren that +ge schal with 
alle +goure myght and +goure pouer kepen pees, and reste,
and tranquillite withinne +goure crafte. And alle
maner good gouernaunce and ordenaunce within +gow +ge
<P 319>
schal holdene. And +ge schal make good and trewe
serche in +goure craft duryng +goure terme. And also,
alle maner notabyl defautis that +ge fynde in +goure
craft, wel and trewly +ge schal presente them vp onto
+te mair. And that +ge schal not suffren no man of
+goure craft to engrosen ne forstallyn no maner of
thyng that to +goure craft longith in hyndryng of the
comouns of the citie. And also, if ony man of +goure
craft take excessysly for his craft, +ge schall treuly
presente hym to +te mayr, be hym to be redressyd, and
correctyd, and make fyn aftyr +te quantyte of the
trespas.
   And if ony maner man of +goure craft will
noght be serged ne gouerned by +gow in all ryght and
reason, qwiles +go be maistres of +goure craft, +ge schal
certifie hym vnto the mayr, and he schal be chastysed
as good ordenaunce of the citie wyll. And that +ge
concele noght the defautes aforseyd, sparyng no man
for love, hathe ne drede, vpon peyne on greuous
ponyschement, be avys of the mayr and mo sufficient
men of the same craft. But that +ge schuln so gouerne
+gowre craft in all thyngis, that may be encrese,
profyte and wurshippe vnto alle the citie. And wel
and truly +ge schul don alle that longith to maistres
<P 320>
of +goure craft to doo, so helpe +gow God at Holy Dome.

[} [\112\] }]

[} [\BENEVOLENCE OF WILLIAM CALTHORPE TO EDWARD IV\] }]

   Beneuolens: I, William Calthorpe of the comity
of Norffolk, knyght, promytte and graunte to oure
souereign lord, Kyng Edward the iiii=th=, towardis his
viage beyond the see the somme of iii=xx= and xiii li.
of lawefull money of Inglond, to be payed to oure
seid souereign lord or to his assign the first
day of Ffeuer+gere xxxvi li. and x s., and the first
day of May xxxvi li. and x s. nex comyng. To the
whiche paiement truly to be made in the fourme aboueseid,
I bynde me and myn heires by this bylle sealed
with my seale, the xx=th= day of Decembr the xiiii=th=
+gere or our seid souereign lordis reign.

<S SAMPLE 20>
<P 322>
[} [\116\] }]

[}WALSYNGHAM}]

[} [\(B)\] }]

   A knyght clepyd Syr Raaff Boutetourt by
vyolens of his hors cam rydyng armed in at this
lytell posterne +gate, vnhurt by miracle of Our
Blyssed Lady, the yeer of Our Lord (\ml. ccc=mo= xiiii=o=\) .
   The postern +gate past not an elne hy and
iii quarteris in brede.

<P 323>
[} [\(C)\] }]

   Gabriel gretyng Our Lady; in the myddes of
the tabyll at the avter stante Our Lady, on eche syde
of her stante an angell, Seynt Edward, Seynt Kateryne
on the ryght hande, Seynt Edmond, Seynt Margarete on
the left hande; alle clene gold.

<S SAMPLE 21>
<P 327>
[} [\(D)\] }]
[}OBLIGACIO: I TO I}]

   Knowen to alle maner men me Roberd C. of
Norwiche in the comitye of Norffolk, barbour, to be
holden and be this my present obligacion bounden to
Richard N. of Yermothe, marchant, in xx li. xiii s.
iiii d. lawfull money of Englond to pay to +te seyd
Ric. N., or to his executouris, or to his certeyn
atturnyes, at +te ffest of the Purificacion of Oure
Lady the Vyrgyne next folwyng after this date present,
withowten ony delay other. Of that weche seyd payment
weell and treuly as it [{is{] aboven made, I bynde
me and myn executourys by this present. In wytnesse
of what thyng to this present myn seall haue putte.
Yoven the x day of the monyth of Marche, the yeer
and regne of Kyng Edward the iiii=te= after Conquest
the vi=te=.

[} [\(E)\] }]
[}II TO I}]

   Alle maner men schall aknowen vs Iohn M. of
<P 328>
Beclys in the comitye of Suffolk, carpenter, and
William S. of Mendham in the comitye of Norfolk,
yoman, to be holden and be this present obligacion
bounden to Raff Pye of Snetesham, ffuller, in xl li.
lawfull money of Englond, to be payed to the seyd
Raffe Pye, or to his executourys, or to his certeyn
atturnyes at +te ffest of Estern next folwyng after
+tis date present, withowten ony other delay. Of
+tat weche seyd payment weell and treuly as it is
aboven to be made, we bynden vs and eyther of vs be
oureself for the hole and in the payment, oure eyres
and executoures be this present. In wytnesse of what
thyng to +tis present oure seales we han putte. Yoven
the fourte day of the monyth of Ffeueryer, the yeer
and regne of Kyng Edward the Fourte after Conquest
of Ynglond the viii=te=.

[} [\(F)\] }]

<S SAMPLE 22>
<P 329>
   The condicion of this obligacyon is suche
that if wythinne bounden Thomas A. and Roberd N.
payen or elles don payen to withinne named Richard P.
and Symond R., to ther eyres or executours, or to
iche of ther sert atturnyes v marke at the festes
vnder forme folwyng: that is to seyn, at +te fest 
withinne wretyn xiii s. iiii d., and at +te fest of
Estern than next folwyng xiii s. iiii d., and so from
<P 330>
yer into yer on after another than continuall folwyng,
iche yeer at +te seyd festis of Our Lord and Estern 
xiii s. iiii d., till the seyd v marke so full be
payed, that than +te seyd wreten obligacion [{is{] to be
caste and for nought hadde. And if ony defaute be
in ony of the forseyd payment at ony of the festis
aboven seyd in parte or in all, ayens +te forme forseyd,
that than grauntyth and wullyth the forseyd
Thomas A. and Roberd N. be themself, eyres and ther
executours be +tis present that +te forseyd wreten
obligacion in all his strengtht schall stonde and
vertu, and so executed. 



