<B CMROBGLO>
<Q M2 NN HIST RGLOUC>
<N CHRON ROB GLOUC>
<A ROBERT OF GLOUCESTER>
<C M2>
<O 1250-1350>
<M 1250-1350>
<K CONTEMP>
<D SL>
<V VERSE>
<T HISTORY>
<G X>
<F X>
<W WRITTEN>
<X MALE>
<Y X>
<H X>
<U X>
<E X>
<J X>
<I X>
<Z NARR NON-IMAG>
<S SAMPLE X>


[^ROBERT OF GLOUCESTER.
THE METRICAL CHRONICLE OF
ROBERT OF GLOUCESTER, PART II.
ROLLS SERIES, 86.
ED. W. A. WRIGHT.
LONDON, 1887.
PP. 720.10730 - 767.11783^]

<P 720>
Richard erl of cornwaile . +te nexte +ger after +tis .
As in tuelf hundred +ger of grace . & on & +tritti iwis .
<P 721>
He spousede +te contesse ysabel . +tat +te childes moder 
was .
Willam +te erl marschal deide . +tulke +ger alas .
& at londone was ibured . & Richard is bro+ter .
Vnderueng +te eritage . vor he nadde eir non o+ter .
+Te king him vaire vnderueng . & +te erldom of penbroc .
& al is o+ter eritage . wel vaire him tok .
Randulf +te noble erl of chestre . deide su+t+te al so .
As in tuelf hundred +ger of grace . & +tretti & to .
Sir hubert de boru . erl of kent . +te noble iustise .
+Tat as +te kinges poer . hadde an alle wise .
Acused was to +te king . of mani lu+ter prise .
So +tat he was in prison . in +te castel of +te vise .
& was bitake four erles . to witie wi+toute faile .
+Te erl of wareine & Richard . erl of cornwaile .
& Richard +te marschal . & +te erl of chestre Ion .
So +tat hii founde kni+gtes . ech of hom on . 
To witie him in prison . & +gut uor echon .
He of scapede to churche . as him +to+gte best won .
Wi+t streng+te he was out idrawe . & su+t+te to +te 
castel .
Of scorgoil he was ilad . & iwust +tere wel .
Vor he was of churche inome . +to clergie bispek it vaste .
So +tat he was +toru +te pope . deliuered atte laste .
<P 722>
Sire steuene of segraue was . imad +to hei iustise .
In sire hubertes stude de boru . +tut lond wel to 
wise .
+To sprong +ter a gret contek . & strong +toru out al .
Bituene vr king henri . & richard +te marschal .
& sir gilberd basset & sir richard stiward +ter to .
Vor to uor sir hubert de boru . & uor +te bissop al 
so .
Of winchestre sir peris de roches . uor +te king as 
me sede .
Dede +toru is conseil . mani lu+ter dede .
As in tuelf hundred +ger of grace . & +tritti & +tre .
A+ge +tis +tre louerdinges . +te king gan lu+ter to be .
Destruede hor londes ouer al . & dude hom ssame 
inou .
Ac +te erl Richard +te marsschal . soffrede euere 
inou .
& vaire +te king bisende . +tat he him ssolde wi+tdrawe .
Bi men of religion . & al nas wur+t an hawe .
+To +ter nas o+ter red . he wende to walis .
& ber him +tere vaire inou . & lute dude amis .
Vor +te kinges londes +ter . he mi+gte abbe al destrud .
Ac vor he ne dude is felawes . were wel sore anuid .
Ac sire gilebert basset . & sir Richard syward .
Hii destruede +tere vaste inou . & su+t+te hiderward .
<P 723>
+Te kinges conseilors londes . hii destruede mid hor 
tayle .
Ac +te bissop of winchestre . & +te erl of cornwaile .
& nameliche +te bissops . vor sir Richard siward 
vaste .
Barnede is courtes oueral . & walles adoun caste .
So +tat maister edmund . of abendone was .
Erchebissop of canterbury . as god sende +tat cas .
As tuelf hundred in +ger of grace . & four & +tretti 
also .
+Tis holi man seint edmund . in suich poer was ido .
+To wende Richard +te marschal . +tat of penbroc erl 
was .
Into irlonde to worri . in lu+ter time alas .
Vor +toru treson of is owe men . to bataile he wende 
adai .
So +tat +te ost of is fon . ouer muche he sai .
& muche of is owe folc . bigan vor to fle .
Sire qua+t +to +to kni+gt . +tou most +te bi se .
+Tou sucst +tis folc ouer muche . +tat a+ge +te is .
& +tin owe ouer lute . betere it is iwis .
As me +tinc+t turne a+ge . uort god sende betere iwon .
Vor vr poer is to lute . a+ge +tus manie fon .
Wat seiste qua+t +tis gode erl . wan richard +te marschal .
Vpe is stede iarmed is . & atiled +toru out al .
& toward is fon in +te feld . ha+t is wombe iwent .
Ssold he turne hom is rugh . he nas neuere so issent .
Vor he ne dude it neuere . ne neuere iwis ne ssal .
Fram such ssendnesse crist ssulde . Richard +te marssal .
<P 724>
As noble bodi in he smot . he nolde longe abide .
He slou to grounde her & +ter . vaste in ei+ter side .
More prowesse ne mi+gte . of o bodi be .
+Tan me mi+gte of richard . +te marschal +tere ise .
Hii ne mi+gte him one felle . al +tat to him drowe .
Ar hii mid som felonie . is stede vnder him slowe .
& +gut ne mi+gte hii him ouercome . ar on him smot 
bicas .
In aboute +te fondement . as he vnarmed was .
& so vp toward +te gottes . & +tus was of lif dawe .
Richard +te marchal ibro+gt . & +toru treson aslawe .

[}. HENRI[{CUS{] .}]

At kildar he was aslawe . +tat in yrlonde is .
& at +te frere prechors ibured . at kilkenni iwis .
+To vr king henri . hurde of is de+t telle .
& of +te prowesse +tat he dude . ar me him mi+gte 
quelle .
& he vnderstod of is wit . & of is wisdom .
Him +to+gte it was a gret lere to al is kinedom .
Vor is de+t he made deol inou . & vor is soule he let 
do .
Almesdede manion . & mani masse al so .
Is bro+ter sir gileberd . +tat eir was of +te lond .
He bitok mid gode wille . +te eritage an hond .
<P 725>
Sir steuene de segraue . +tat is hey Iustise was .
He let nime & in prison do . vor he wuste of +tis 
cas .
& concentede as me sede . to +te lu+ter treson .
He let al so uor is loue . deliueri of prison .
Sir hubert de boru & o+tere . +tat in prison were 
ido .
& hom +tat iweiued were . is pes he +gef al so .
& hii a sein swithines eue . of Iun +te verste day .
To him come at gloucetre . as mani man isay .
Vn hosed & bareuot . & vngurt al so .
Hor armes to +te elbowe naked . hor heued bar +ter 
to .
Hii velle to +te kinges fet . & merci him criede vaste .
+Te king ne mi+gte +to uorbere . +tat he ne wep atte 
laste .
& bigan nei vor pite . isuowe vpri+gt toumbe .
Bote as +te erl of hereforde him huld . & sir geffrey 
of crancoumbe .
+To he it mi+gte uor deol do . he nom hom in is 
hond .
& custe hom wi+t milde herte . & +gef hom al hor 
lond .
+To was +te bissop of winchestre . & sir peris doriual .
Remued +toru seint edmund . out of +te court al .
& to late +tou+gte mani man . uor god is wel to do .
Maister roberd groce teste . +tulke +ger w as also .
<P 726>
Isacred bissop of lincolne . of seint edmund at redinge .
Seint edmund +to at canterburi . spousede to vr kinge .
+Te erles do+gter of prouence . elianore to wiue .
Tuelf hundred as in +ger of grace . & +tretti & fiue .
Sir henri of alimaine . +te erles sone of cornwaile .
+Tulke +ger ibore was . al so wi+toute faile .
Sir simond de mounfort . of wan gret munde is .
As in tuelf hundred +ger of grace . & seuene & +tretti 
ywis .
Elianore +te kinges soster . willames loue +te marschal .
Contesse of penbroc spousede . god womman +toru out 
al .

[}. HENRICUS .}]

+Te erl of gloucestre +tulke +ger . Richard +tat was so 
bold .
+Te erles do+gter of lincolne . spousede +tat het mold .
+To com +te legat sir otes . to engelond fram rome .
& made a conseil at londone . to wan +te bissopes 
come .
& su+t+te he wende to oxenford . to +te abbeie of 
oseneye .
& +tere clerkes him made . climbe somdel heye .
As tuelf hundred in +ger of grace . & ei+gte & +tritti 
+ter to .
To him hii wende to oseneie . hor nedes uor to do .
So +tat on of is men . a sein gregories day .
Caste bro+t up a clerc . as +tut folk it sai .
<P 727>
Clerkes come +tikke +to . in gret wra+t+te inowe .
& asailede +te legat . & on of is men slowe .
In to +te stepel of oseneye . +te legat fleu vor fere .
Is men mid strokes flowe al so . & of +tou+gte hii come 
+tere .
Su+t+te +to it com to pes . & folie bileued was .
+Te legat esste amendement . of +te vil trespas .
So +tat vor +te mansla+gt . & uor +te o+ter wou .
+Te clerkes finede wi+t him . gret raunson inou .
+Tat ech clerc in +te toune . him +gef atten ende .
As muche as he in +te wouke . in is commune 
spende .
+Te king sir simond de montfort . +te erldom +gef & 
his .
A candelmasse day +to . of leicestre iwis .
In +te kinges chaumbre at wodestoke . atte welle 
was .
A clerc ifounde wonderliche . +tulke +ger bi cas .
He made him as bi wit . so +tat it was ifounde .
+Tat it was bi speke to sle +te king . wan he sei 
stounde .
To couentre he was isend . todrawe he was +tere .
& a four half engelond . is quarters isend were .
+Te kinges eldoste sone . sir edward ibore was .
A seint botulfes tid . as god +gef +tut cas .
Tuelf hundred as in +ger of grace . & nine & +tritti 
ri+gt .
+Tat su+t+te vr king was . & so noble kni+gt .
<P 728>
Sir Richard erl of cornwaile . +tulke +ger wende al so .
At missomer to +te holi lond . & mani god kni+gt 
+ter to .
+Ter after in Ieniuer . Isabel is wif .
Contesse of gloucestre let . at bercamstude +tat lif .
Ibured heo was at beulu . & ir herte ibured is .
At teukesburi & ir gottes . at messendene iwis .
+To sprong +ter gret contek . bituene henri vr king .
& +te erchebissop seint edmund . & no+gt vor lute 
+ting .

[}. HENRICUS .}]

Vor +te king +to he adde iwiued . & an eir adde al 
so .
He drou to o+ter conseil . +tan he was iwoned to do .
& of +te ri+gtes of holichurche . & of +te gode olde 
lawe .
+Tat he adde of is chartre ymad . he him gan wi+t 
drawe .
Seint edmond pitosliche . wel ofte him bi sou+gte .
+Tat he wi+tdrowe of is dede . & bet him bi +to+gte .
Ac it was euer +te leng +te wors . so +tat atte laste .
Seint edmond him huld stedeuast . & amansede vaste .
Alle +tat holichurche . in suich vnri+gt bro+gte .
& wende uor+t ouer se . vort +te king him bet bi+to+gte .
& deide ar he come a+ge . & ibured was ek +ter .
As in +ger of grace . tuelf hundred & fourti +ger .
+To Richard erl of cornwaile . to +te holi lond com .
+Te soudan somdel uor fere . Triwes wi+t him nom .
& alle prisons & sarazins +tat in he+tenesse were .
Inome & in prison ido . he deliuerede him +tere.
<P 729>
At +te torment of wareine . sir gilebert +te marschal .
Defouled was +toru mesauntre . & debrused al .
& deide as tuelf hundred +ger . & fourti & on .
Of grace & +to were dede . +te four bre+teren echon .
As +te tueie willames & richard . & gileberd atten 
ende .
& god nolde non of hom . eir of is bodi sende .
Ac to four sostren & hor eirs . +te eritage was +to .
To deled & to gadere . ne com+t neuer eft mo .
Elianore of brutaine . deide ek +tulke +ger .
+Tat was ar+tures soster . +tat king Ion let sle er .
Su+t+te was gileberd ibore . +tat richardes sone was .
Of clare erl of gloucestre . as god +gef +tut cas .
As tuelf hundred in +ger of grace . & +tre & fourti +ter to .
+To was is fader verst of elde . & out of warde ido .
Erchebissop of canterburi . imad was +tulke +ger .
Boneface . & +te erl of cornwaile . of wan we speke 
er .
Weddede dame ssenche . +tat vr quene soster was .
& +te quene soster of france . as god +gef +tut cas .
& +te erles do+gter of prouince . & ir moder +te contesse .
Brou+gte hire hider in to +tis lond . & was her in gladnesse .
Fouke basset was su+t+te imad . bissop of londone .
& sein Richard of chichestre . & edmond +te kinges 
sone
<P 730>
Ibore was amidde Ieneuer . & in +ger of grace iwis .
Tuelf hundred & foure & fourti . idon was al +tis .

[}. HENRICUS .}]

Su+t+te deide +te olde quene . bi+gonde +te se wi+toute 
faile .
+Tat vr kinges moder henri was . & +te erl of cornewaile .
Hir sone bigan to rere . +te abbeie of hailes .
As in +ger of grace tuelf hundred . & six & fourti iwis .
+Te erles sone of gloucestre . beues was su+t+te ibore .
& newe peni chaunge imad . & +te olde bileued biuore .
& er+tgrine strong inou . aboute leinte al so .
Tuelf hundred as in +ger of grace . & seuene & fourti 
+ter to .
+Te nexte +ger +ter after . +te gode king lowis .
Of france to +te holi lond . wende & +toru paris .
Bareuot eode & open heued . & +ten holi wey bigan
Wi+t procession of freres . & of mani god man . 
& +te nexte +ger su+t+te . as me telle can .
+Te stronge cite of damiet . vpe saracens he wan .
As tuelf hundred in +ger of grace . & fourti & nine .
+Tulke gode lowis . is nou seint . & ileid in ssrine .
+Te erles dou+gter of gloucetre . ibore was +tulke +ger .
Margrete & dame ssenche . of wan we speke er .
+Te nexte +ger +ter after . a seinte steuenes ni+gt .
As tuelf hundred & fifti . in +ger of grace ri+gt .
<P 731>
An sone adde ibore . +tat edmond ihote was .
+Tat spousede +tulke margrete . su+t+te as god +gef +tat 
cas .
& was erl of cornwaile . +tulke +ger al so .
+Ter was in +te holi lond . strong bataile ido .
At seinte marie tid in leinte . & +te beste kni+gtes +tat 
+ter were .
Of cristinmen alas . aslawe were +tere .
As sir willam de longespey . & +te erl of artois al so .
& +te king lowis was inome . & in prison ido .
Vort he was out ibou+gt . mid raunson of is lond .
& damiet i +golde a+gen . in to he+tene manne hond .
+Te king +gef sir edward is sone . gascoine su+t+te al so .
As in tuelf hundred +ger of grace . & fifti & tuo .
+Tulke +ger was +tut somer . so druye & so hot .
+Tat +gut to +tis daye . of none hattore me not .
Sein Richard of chichestre . & roberd iwis .
Groce teste deide . +te nexte +ger after +tis .
Su+t+te vr quene of engelond . & ir sone sir edward .
& +te bissop water of wircetre . +garkede hom ouerward .
& to makie mariage . wende hom ouer se . 

[}. HENRI[{CUS{] .}]

& sir edward spousede . ar hii come a+ge .
+Te kinges soster of spaine . elianore iwis .
As in +ger of grace . ido was al +tis .
Tuelf hundred & four & fifti . & +tere +tis noble king .
Made sir edward kni+gt +to . nobliche +toru alle +ting .
<P 732>
+Te nexte +ger +ter after . giwes a child in drowe .
At lincolne +tat het hue . & in +te rode him slowe .
+Te erl Richard of cornwaile . su+t+te was imad king .
Of alemayne & +ter icrouned . nobliche +toru ech +ting .
An holi +torsdai in alimaine . & made so noble 
feste .
+Tat of alle +tat me wuste it was . +te richoste & +te 
meste .
As tuelf hundred in +ger of grace . & seuene & fifti 
ri+gt .
+Tulke +ger he made . sir henri is sone kni+gt .
Bituene vr king & lowelin . gret worre +ter was +to .
In walis & me dude . in ei+ter half gret wo .
& gode kni+gtes of engelond . of wan was gret pite .
Aslawe were +ter alas . +te eue of +te trinite .
As sir steuene bausein . & sire patric de chaus also .
& mani o+ter god bodi . was +tere to de+te ido .
+Te meste wo +tat here vel . bi king henries day .
In +tis lond icholle biginne . to telle +guf ich may .
He adde +tre bre+teren . +tat is moder sones were .
& +te king of alimaine . +te ver+te . +tat to heie hom 
bere .
Ac sir willam de valance . & sir eimer +ter to .

Elit of wincetre & sir gui . de lisewi al so . 
<P 733>
+Toru hom & +toru +te quene was . so muche frenss folc 
ibrou+gt .
+Tat of englisse men . me tolde as ri+gt nou+gt .
& +te king hom let hor wille . +tat ech was as king .
& nome poueremenne god . & ne paiede no +ting .
To eni of +tis bre+teren . +guf +ter pleinede eni wi+gt .
Hii sede +guf we do+t ou wrong . wo ssal ou do ri+gt .
As wo sei+t we be+t kinges . ur wille we mowe 
do .
& manie englisse alas . hulde mid hom al so .
So +tat +toru godes grace . +tis erles atte laste .
& +te bissop of +tis lond . & barons bispeke it vaste .
+Tat +te kunde englissemen . of londe hii wolde out 
caste .
& +tut lond bringe adoun . +guf hor poer ilaste .
+Ter of hii nome conseil . & to +te king hii sende .
To abbe pite of is lond . & suiche maners amende .

[}. HENRICUS .}]

So +tat atte laste . hii bro+gte him +ter to .
To makie a porueance . amendement to do .
Imad it was at oxenford . +tut lond uor to seyte .
Tuelf hundred as in +ger of grace . & fifti & ey+gte .
Ri+gt aboute missomer . fourten ni+gt it laste .
+Te erles & +te barons . were wel studeuaste .
Vor to amendi +tat lond . as +te erl of gloucetre .
Sir Richard & sir simond . erl of leicetre .
<P 734>
& sir Ion le fiz geffray . & o+ter barons inowe .
So +tat atte laste . +te king her to hii drowe .
To remue +te frensse men . to libbe bi +gonde se .
Bi hor londes her & +ter . & ne come no+gt a+ge .
& to graunti gode lawes . & +te olde chartre al so .
+Tat so ofte was igraunted er . & so ofte vndo .
Her of was +te chartre imad . & aceled vaste +tere .
Of +te king & of o+tere . heye men +tat +ter were .
+To nome tende taperes . +te bissops in her hond .
& +te king him sulf & o+tere . heyemen of +te lond .
+Te bissops amansede alle . +tat +ter a+gen were .
& euereft vndude +te lawes . +tat iloked were +tere .
Mid berninde taperes . & su+t+te atte laste .
+Te king & o+tere sede amen . & hor taperes adoun 
caste .
To confermi +te mansinge . & +to +toute it stable ynou .
+Ter after ech as in pes . toward is owe drou .
& +te kinges +tre bre+teren . & o+ter frensse +tere .
Flowe & +to+gte al to longe . +tat hii in +tis lond were .
+Te newe churche was of salesburi . ihalwed +tulke +ger .
+Toru giles of brute post . +tat bissop was +to +ter .
A sein Misseles dai of +te erchebissop . boneface +tat 
was +to .
+Ter was bo+te king & quene . & heiemen mani mo .
+Te quene ssenche deide su+t+te . of alemaine iwis .
At bercamstede in nouembre . & ibured was & 
is .
<P 735>
In +te quer of hailes . an hey in a vair place .
Tuelf hundred & on & sixti . as in +ger of grace .
Al +tis time was sir edward . bi+gonde se aboute .
& hauntede torneimens .  wi+t wel noble route .
Wi+t gascoine +tat was his . & gode kni+gtes adde .
As sir warin of bassingbourne . +tat him aboute 
ladde .

[}. HENRIC[{US{] .}]

& sir hamond +te strange . & sir gemes of audele .
Sir roger of clifford & o+tere . uort he com a+ge .
+Te quene was ek bi+gonde se . & +te kinges bre+teren 
al so .
& euere +to+gte hou hii mi+gte . +te purueance vndo .
Hii porchasede +tat +te pope . asoilede iwis .
Of +te o+t & of +te mansinge . +te king & alle his .
+To was it +te kinges wille . & is conseilers also .
Al out +guf hii mi+gte . +te purueaunce vndo .
It was euere +te quene +to+gt . so muche so heo mi+gte 
+tenche .
Mid conseil o+ter mid sonde . o+ter mid wimman 
wrenche .
& +to sir edward was iproued . hardi kni+gt & god .
A+ge +te porueaunce al so . he turnde al is mod .
So +tat +te erl of gloucetre . Richard deide +to .
+To was +te baronie . wel in +te more wo .
+te king gaderede is poer . & sir edward al so .
& +te king of alimaine his . & mani o+ter +terto
<P 736>
In +tis manere +te barons . bigonne hor vrning .
A freinss kni+gt was at gloucetre . +te sserreue +toru +te 
king .
Sir maci de besile . and constable also .
+Te barons it bispeke . +tat it nas no+gt wel ido .
Ac a+ge +te pourueance . vor hii nolde frenss man non .
An o+ter sserreue hii made . +toru commun conseil 
echon .
A kni+gt of +te contreie . sir willam traci .
& of +tulke poer clene . pulte out sir maci .
Ac sir willam ssire huld . in a monenday .
Sir maci com iarmed . as mani man isay .
Wi+t poer isend fram +te court . iarmed wel inou .
& euene as +te ssire sat . to +te tounes ende him 
drou .
Hii ali+gte wi+t drawe suerd . wi+t macis manion .
& wi+t mani an hard stroc . rumede hor wey anon .
Vort hii come vp to +te deis . & +te sserreue vaste .
Bi +te top hii hente anon . & to +te grounde him 
caste .
& harlede him vor+t villiche . wi+t mani stroc among .
In a foul plodde in +te stret . su+t+te me him slong .
& orne on him mid hor hors . & defoulede him vaste .
& bihinde a squier su+t+te . villiche hii him caste .
& to +te castel him ladde . +toru out +te toun .
+Tat reu+te it was vor to se . & caste him in prison .
<P 737>
+To +te ti+tinge her of com . to +te baronie .
Hii +to+gte in time amendi . suich vileinie .

[}. HENRICUS .}]

So +tat sir roger de clifford . & sir Ion giffard nome .
Gret poer in somer . & to gloucetre come .
Hii sende to sir maci . +tat he +tun castel +golde .
To hom & to +te baronie . o+ter hii him nime wolde .
Sir maci hom sende a+gen . +tat +te king him tok 
biuore .
+Tun castel him to loki . mid trewe o+t isuore .
Ne +tat he nolde traitour be . ne +ten castel neuere +gelde .
Bote +te king o+ter is sone . +te wule he him mi+gte 
welde .
He adde wi+tinne lute folk . +tun castel to defende .
Arblastes sone & ginnes . wi+toute me bende .
& ssote inward vaste inou . atte laste hii sende .
Al +te brutaske wi+toute . & +te brugge brende .
Vor he was al of tre . & sir maci & his .
Flowe in to +te tour an hey . +to hii seye +tis .
& defendede hom vaste . +te wule hii mi+gte iwis .
Ac vor defaute of helpe . mani man issend is .
Wi+t an quarel on wi+tinne . an squier +ter oute slou .
Sir Ion giffard uor is de+t . made deol inou .
<P 738>
& +to sir maci was inome . & hii wi+tinne come .
An carpenter +tat hii sede . +tat sset +te ssute hii 
nome .
& ladde him vpe +te tour an hei . & made him huppe 
to grounde .
He hupte & debrusede . & deide in an stounde .
& sir Roger of clifford +to . +te castel in warde hadde .
& hii nome sir maci . & in to marc him ladde .
& sir Ion giffard nom to him . is quic ei+gte echon .
& al +tat he fond of is . & nameliche at sserston .
A freinss bissop +ter was . at hereforde +to .
Sir peris de egeblaunche . +tat hii dude al so wo .
Hii come vor to nime him . Iarmed manion .
+Te godeman vor drede . to churche wende anon .
& reuestede him bi +te auter . ac sir roger ne sir Ion .
Vor honour of holichurche . nolde wi+tinne gon .
Ac sir tomas torbeuille . & o+ter ssrewen mo .
Wende vp & wi+t streng+te . made him out go .
+To he sei +tat he ne moste . habbe churche peis .
(\Par crist\) he sede sir tomas . (\tu es Maveis .
Meint ben te ay fet\) . vor he adde muche god .
+Ter biuore him ido .& he it vuele vnderstod .
Hii harlede him out of churche . +tat lute pite adde .
& is god nome vaste inou . & to erdesleye him ladde .
<P 739>
& him & sir maci ek . in god warde dude +tere .
In +te castel of erdesleye . uor te it betere were .
So it ferde oueral . ware me freinsse fond .
Me harlede hom villiche . aboute in to al +te lond .
& +te kinges men robbede hom . +tat a+gen hom were .
& +te barons ek hor fon . +tat a+gen hom armes bere .
Atte biginninge +ter hulde . wi+t +te king vewe wel .
Bote sir Robert walrond . & sir Ion Mauncel .
Ac su+t+te +to sir edward . so wel armes ber .
He drou to him manion . +tat wi+t +te barons were er .
+Te marcheis he adde sone . as sir Roger +te Mortimer .
& sir warin of bassingbourne . & of clifford sir Roger .
Sir gemes de audele . sir haumond +te strange al so .
Sir roger of leibourne . & mani o+ter +ter to .
+To was +te castel of gloucetre . & +te toun al so .
+Toru sir roger of clifford . in +te kinges hond ido .
& he astorede +te castel . wi+t poer inou .
& to is castel of brumesfeld . sir Ion giffard vaste 
drou .
& astorede him wel inou . & goinde adde is route .
To driue & to gaderi +tuder god . of nei+gebores aboute .
+Te stalwardeste men +tat me fond . to him vaste he drou .
& of porchas of nei+gebores . ssipede hom wel inou .
<P 740>
Bituene +te castel of gloucetre . &  brumefeld al so .
+Ter was ofte biker gret . & muche harm ido .
Ac +te constable of gloucetre . as mid +te kinges poer .
Held ofte in +te kinges name . courtes ver & ner .
So +tat at quedesle . wi+toute +te toun to mile .
He let someni an hundred . & +ter he hente an gile . 
Vor as he huld +tis hundred . mid gret folk & onour .
& Adam of arderne . was is chef countour .
Hii clupede sir Ion giffard . +tat siwte ssolde +ter to .
To come o+ter he ssolde . in +te merci be ido .
He com bi asoyne  . vor is men inowe .
Come out of brumsfeld . & Iarmed to hom drowe .
& asoynede hor louerd . & to grounde slowe .
Glad he was +tat mi+gte fle . ar +tat suerd is nekk 
gnowe .
Manie flowe to churche . & +te constable vnne+te .
At arnde aliue & manie . were ibro+gt to de+te .
+Tis lu+ter bailifs +tat poueremen . so gret wo do+t ilome .
Suich giffardes asoyne . icholde hom ofte come .

[}. HENRICUS .}]

Wel a +ger & an half . +tus it ferde aboute .
+Tat ech heiman dude is fon . ssame mid is route .
Atte laste +to winter . towarde ende drou .
At candelmasse ech of hom . gret ost nom inou .
& sir roger of clifford . gloucetre wuste al so .
& at ech +gat of +te toun . god warde let do .
Sir Ion giffard com aday . & sir Ion de balun +tere .
Ride vpe tueye wolpakces . chapmen as hii were .
<P 741>
To +te west +gate ouer +te brugge . & +te porters bede .
To late in tueie wolmongers . hor chaffare in to 
lede .
Biweued hii were bo+te . mid welsse mantles tueie .
+To +te +gates were vndo . hii hupte adoun beye .
Of hor hors & caste . hor mantles awei anon .
& +to stode hii Iarmed . fram heued to +te ton .
+To were +te porters agrise . sore of +tulke si+gte .
& caste hom +te keyen . vawe +tat hii mi+gte .
Poer +ter was inou . atte brugge ende .
+To +te +gates were vndo . hii gonne +tuder wende .
Sir simondes sone de monfort . sir henri +te hende .
& mani god bodi ek . as god +tuder sende .
+To +te barons adde +te toun . & +te castel +te king .
+Ter was ofte bituene hom . gret bikering .
Sir edward was bi este +to . mid poer gret inou .
Sone toward leinte . toward +te march he drou .
Is wei he nom bi oxenford . ac +te borgeis anon .
+Te +gates made a+gen him . of +te toune echon .
He wende & lai wi+toute toun . atte kinges halle .
& wende vor+t amorwe . mid is men alle .
+Te +gates +to he was iwend . were alle vp ibro+gt .
Sone bote smi+te gate . ac +tat nas vndo nou+gt .
<P 742>
+Te clerkes adde +ter +toru . muche solas ilore .
To pleye toward beumound . anuid hii were +teruore .
+Te bailif hii bede ofte . to graunti hor solas .
To pleie & vndo +tut +gat . ac vor no+gt it was .
So +tat an vewe wilde hinen . a li+gt red +ter of nome .
& a dai after mete . wi+t axes +tuder come .
& +tat +gat to hewe . & to dasse +tere .
& su+t+te +toru beumond . to hare welle it bere .
& subuenite sancti . vaste gonne singe .
As me de+t wan a ded man . me wole to putte bringe .
Willam +te spicer & geffray . of hencsei +tat +to were .
Portreuen & nicole . of kingestone +tat was mere .
Nome of +tis clerkes . & in prison caste .
& noble hom nou+gt deliueri . +gut +te chaunceler bed vaste .
+Te clerkes were +to wro+te . +te burgeis were +to bolde .
& +tretnede to nime mo . & of hor wra+t+te lute tolde .
+te verste +torsdai in lente . +te burgeis were wel fers .
& +te wule men were atte mete . arerde tueie baners .
& wende hom vor+t iarmed . mid al hor poer +tere .
To defouli alle +te clerkes . ar hii iwar were .
As hii come a+gen alle halwen . mid poer so strong .
At seinte marie churche a clerc . +te commun belle rong .
+Tis clerkes vp fram hor mete . & to godes grace 
truste .
& seie +tat hii were issend . bote hii +te bet hom wuste .
<P 743>
Hii mette wi+t +tis burgeis . & bigonne to ssete vaste .
I wounded +ter was manion . ac +te borgeis atte laste .
Hii bigonne to fle vaste . hom +to+gte longe er .
So +tat +te clerkes adde . +te stretes sone iler .
+Te bowiares ssoppe hii breke . & +te bowes nome 
echon .
Su+t+te +te portereues house . hii sette afure anon .
In +te sou+thalf of +te toune . & su+t+te +te spicerie .
Hii breke fram ende to o+ter . & dude al to robberie .
Vor +te mer was viniter . hii breke +te viniterie .
& alle o+tere in +te toun . & +tat was lute maistrie .
Hii caste awei +te dosils . +tat win orn abrod so .
+Tat it was pite gret . of so muche harm ido .
+Teruore +to +te king com . & wuste suich trespas .
Alle +te clerkes out of +te toun . he drof vor +tut 
cas .
Ne vort after misselmasse . hii ne come namore +ter .
Telle we nou of sir edward . of wan we bigonne 
er .
Sir edward toward lente . toward +te march gan 
wende .
So +tat an axwednesdai . al bi +te weste ende .
To gloucetre he wende . mid gret poer inou .
& al ouer +te brugge . to +te west +gate he drou .
& asailede +ten toun . ac +te barons wi+tinne .
Defendede hom so wel . +tat he ne mi+gte hom winne .
<P 744>
So +tat of +te castel . wi+tinne com a route .
Toward +te +gat to helpe . sir edward wi+toute .
Ac grimbaud pauntefot . a+gen hom sone com .
& mid poer hom turnde a+gen . & some of hom nom .
Sir edward turnde in to +te med . +to he ne sei o+ter 
cas .
& a ssip of teuskesburi . +tat +te abbodes was . 

[}. HENRICUS.}]

Bi seuerne wende +ter . sone he it nom .
& +terinne bi +te water . in to +te castel com .
Anon so he was wi+tinne . vpe +te tour an hey .
He arerde is baner . +tat me wide isey .
+To +te baruns +tat isei . sori hii were echon .
In +te toun half +tun castel . hii asailede anon .
& hii wi+tinne casten out . mid hor ginnes vaste .
So +tat bituene hom . +te biker longe ilaste .
Sir Ion giffard fram brumesfeld . +tuder sone com .
To +te castel med wi+toute toun . +tun wei sone he 
nom .
& +te castel brugge out of +te med . he barnde fram 
+ten ende .
To +te tubrugge along . vor me ne ssolde out wende .
Mani was +te vair biker . & +te vair asaut al so . 
+Tat bituene +te castel & +te toun . ofte was ido .
Sir edward & is poer . ofte were wi+tinne .
Vpe +te point to smiten out . bataile to biginne .
<P 745>
Ac +te bissop water of wurcetre . ofte bituene wende .
& +te abbod reinaud of gloucetere . as god hom grace 
sende .
& destourbede +te bataile . ac non acord +ter nas .
Ac biker & sla+gt & ssetinge . bituene hom ofte was .
So +tat sir edward aday . & is men hom lete arme .
To wende out & bataile do . al mest to grete harme .
+To seie hii out of +te tour . +te erl roberd of ferers .
Atte tounes ende come . wi+t noble men & fers .
As framward teuskesburi . iarmed wel echon .
Hors & men al preste . bataile to do anon .
+To sir edward +tis isey . no +ting nas he glad .
Vor me sede +tat he nas . of noman so sore adrad .
Vn iarmed out he wende . to +te barons wel stille .
& anon made acord . & graunted al hor wille .
& made fourme god inou . & suor is wel to holde .
+To hii adde al hor wil . +te barons were wel bolde .
+Te erl roberd of ferers . +to he +tuder com .
He was nei uor wra+t+te wod . +tat me eni acord nom .
He smot stede wi+t +te spore . & al is compainie .
& wende him vor wra+t+te a+gen . so quic so he mi+gte 
hie .
Ech bar him ek amorwe . out of toune drou .
& of +te fourme +tat hii made . wende be siker inou .
+To sir edward & is folc . were al maistres +ter .
Vor +te burgeis of +te toun . lete in baruns er .
He let crie in to al +te toun . +tat bourgeis +tat wolde .
In +te castel come to is peis . god pais habbe he ssolde .
<P 746>
Gladdore nere +te borgeis . neuere in hore liue .
+Tan vor +tis gode word . hii hiede +tuder bliue .
+To hii were alle icome . +te +gates me made vaste .
& brou+gte hom biuore sir edward . +to were hii sore 
agaste .
Me acoupede hom harde inou . & su+t+te attelaste .
As +teues & traitours . in strong prison me hom caste .
Wi+toute mete & drinke . +tere hii laie longe .
In sorwe & care & lokede . wan hii were anhonge .
Sir roger of clifford . +te porters vaste nom .
+Tat porters were atte +gate . +to Ion giffard in com .
As hobekin of lodelowe . & is felawes al so .
& let hom vpe +te west +gate . anhonge bo+te to .
Euere lokede +tis burgeis . wan hii were vor+t idriue .
Prestles hom was wel wo . +tat hii nere issriue .
Roberd of caumpedene . +tat hosebonde was on .
Vor he was a lute clerc . he ssrof hom echon .
Atte laste sir edward . of hom gret raunsoun .
Nom & let hom go aliue . & destruede al +ten toun .
Ac +te fourme +tat he made . a+ge +te barons biuore .
He bileuede al clene . +tei +te o+t were isuore .
To oxenford he wende vor+t . as is fader was +to .
& is men bi +te weye . dude wel muche wo .
+Te king sone in leinte . to oxenforde com .
& is in wi+t is folc . atte frere prechors nom .
Aboute an +tre wouke . +tere he gan abide .
Vor to gaderi is ost . +tat isprad was wide .
<P 747>
Su+t+te seinte fre+teswi+te was . me nuste king non .
+Tat wi+tinne +te +gates of oxenford . dorste ride ne 
gon .
+Te king was among +te freres . & hii manion .
Radde him vor to wenden in . & nameliche frer Ion .
Of balsam & +tat he mi+gte . +toru godes grace hii 
sede .
In wi+t god deuocion . go wi+toute drede .
+Te king hadde +ter to g[{o{]de wille . +toru frerene 
rede .
& hii massen & orisons . uaste uor him bede .
So +tat vastinde a day . a uote he dude +tis dede .
& in ei+ter half to sikeri him . freres him gonne 
lede .

[}. HENRICUS .}]

& he wende to seinte fre+teswi+te . as no king ne com 
er .
Su+t+te seinte fri+teswi+te was . vale hundred +ger .
& wel vaire is offringe . to +te heye weued ber .
&  su+t+te ofte wan he +tuder com . he offrede +ter .
So he bileuede in oxenford . & is conseil nom .
Vort is sone & is folc . mid poer to him com .
+To is poer +gare was . wi+tinne +te passion .
Wi+t is ost he wende uor+t . & arerde is dragon .
Is ost was gret & sui+te long . he wende to nor+thamtone .
& wi+t streng+te nom +te toun . & somdel wi+t treson .
<P 748>
Aboute seint ambrose day . ido was al +tis .
Tuelf hundred in +ger of grace . & foure & sixti iwis .
Sir simond +te +gonge mountford . +tere hii nome +to .
& sir osebern giffard . & o+tere manimo .
In strong prison sir simon . hii dude at windelsore .
Vort +te bataile of lewes . ac su+t+te no leng more .
+To wende +te baruns  uor+t . & o+tere manion .
& barnde court & o+ter . ech man vpe is fon .
Sir Ion giffard mid is route . nas no+gt +to +te laste .
Vor he barnde aboute oxenford . +te ester wouke vaste .
Curt lincolne & berkele . & o+ter courtes also .
Were aboute in +te lond . +to afure ido .
+Te king so sone in mai . estward euere drou .
As toward +te hauenes . wi+t gret poer inou .
Sir simond de mountfort . & sire gilebard .
+Te +gonge erl of gloucetre . come euere afterward .
& barons ek manion . as sir Ion giffard .
& mani god bodi +tat ne com . neuereft a+genward .
At lewes +te king bigan . mid is poer abide .
+Te barons astunte . wi+toute toun biside .
& vaire sende in to +te toun . to +te king hor sonde .
+Tat he ssolde vor godes loue . him bet vnderstonde .
& graunti hom +te gode lawes . & habbe pite of is lond .
& hii him wolde serui wel . to vote & to hond .
<P 749>
+Te king hom sende word a+gen . wi+toute gretinge +tis .
+Tat he ne kepte no+ting . of hor seruise iwis .
& +tat out of loue & treu+te . he dude hom echon .
& +tat he wolde hom seche out . as is pur fon .
+Te barons ne cou+te o+ter red . +to hii hurde +tis .
Bote bidde godes grace . & bataile abide iwis .

[}. HENRICUS .}]

Hii wende & auisede hom . somdel vp an doun .
+Tat hii mi+gte be war of hor fon . & ise to toun .
Some radde +tat hii ssolde . wende in at on hepe .
To habbe inome hom vn armed . & some abedde aslepe .
+Te godemen sede +tat hii nolde . suich vileinie do 
non .
Ac abide vort hii come . Iarmed out echon .
Hii houede vnder boskes . & newe kni+gtes made .
& armede & atired hom . & hor bedes +gerne bade .
Sir simon de mountford . conseilede hom vaste .
Hou hii ssolde hom conteini . +te wule +te bataile 
ilaste .
+To com +te ost smite out . vaste of +te toune .
Mani was +te gode bodi . +tat +ter was ibro+gt +ter 
doune .
Vor +te londreis +ter biuore . a gret despit wro+gte .
To +te quene at londone . sir edward +ter on +tou+gte .
& vor to awreke is moder . to hom vaste he drou .
& brou+gte hom to grounde & some of hom . al fleinde 
he slou .
+To he adde +tis loundreis . al ibro+gt to grounde .
Wi+t gret Ioye he turnde a+gen . ac lute ioye he founde .
<P 750>
Vor +te barons were aboue . & his alf ouercome .
+Te king of alemaine was . in a windmulle inome .
Vor a +gong kni+gt him nom . kni+gt ymad +to 
ri+gt .
Sir Ion de befs icluped . +tat was sui+te god kni+gt .
+Tat muche prowesse dude adai . & +te king him +geld 
in doute .
To +te erl ek of gloucetre . as to +te hexte of +te route .
& to +te frere menors in to toun . sir edward fleu 
vaste .
& +tere as he nede moste . +geld him atte laste .
Manion stilleliche . hor armes awei caste .
& chaungede hom vor herigaus . somdel hii were 
agaste .
& manie flowe in to +te water . & some toward +te 
see .
& manie passede ouer . & ne come neuere a+ge .
Aboute a four +tousend . & fif hundred me sede .
Atte bataile were aslawe . +tat was a pitos dede .
Sir philip basset +te gode kni+gt . worst was to ouercome .
He hadde mo +tan tuenti wounde . ar he were 
inome .
Sir simond de mountfort . +to ido was al +tis .
Vor+t mid him +te king huld . as in warde iwis .
& +te king of alemaine . & sir edward al so .
In +te castel of walingford . in warde he let do .
<P 751>

[}. HENRICUS .}]

& o+ter men +tat were inome . he let bringe aboute .
In o +ter castels vaste inou . +tat +ter nas no doute .
Tokninge +gut of more wo . +tat +gut to comene was .
Vr louerd sende in si+gte . bi a wonder cas .
Vor a sterre wi+t a launce . +tat comete icluped is .
Aros +to a+ge dai . biuore +te sonne iwis .
Fram seinte margarete tid . vort misselmasse nei .
+Tat ech man mi+gte wondri . +tat +te sterre isei .
+Ter wende of him a lem . +tat toward +te nor+t drou .
Euene as it were a launce . red & cler inou .
+Tulke sterre is selde iseie . bote it be to tokninge .
& su+t+te +ter after com . muche blod ssedinge .
Hii +tat hulde mid +te king . & nere nou+gt inome .
Wende aboute her & +ter . as hii mi+gte best bicome .
In +te castel of bristowe . hii come atte laste .
Wel an seuene baners . & hulde hom +tere vaste .
 . & sir warin al so .
Of bassingbourne . & sir Ion . de muchegros +ter to .
Sir pain de chaus & sir roberd . tipetot iwis .
& o+ter mo & hor wiues +tat ne likede no+ting +tis .
As to wite hor bodies . vort hii betere iseie .
Hii hulde hom +tere defensables . to libbe o+ter to 
deie .
So +tat +te quene aspide . +tat bote feble warde it 
nas .
In +te castel of walingford . +tat aboute hir sone was .
To bristowe he sende word . +tat +te kni+gtes mi+gte wel .
Wi+t lute streng+te winne him out . of +tulke castel .
So +tat +tis kni+gtes . to rede hom nome .
& mid an +tre hundred hors . to walingford hii come .
In a fridai iarmed . ri+gt as +te sonne aros .
+Te castel hii asailede . +tat mani man agros .
<P 752>
A+gen alle halwe churche . +te verste dich hii nome .
& brake +te otemoste wal . & wi+tinne come .
Hii +tat wi+tinne were . +te castel wuste vaste .
Mid arblast and mid o+ter ginnes . vaste a+gen hom 
caste .
& sede to hom wi+toute . bote hii wolde a+gen wende .
+Tat hii wolde sir edward . vawe out to hom sende .
Ili+tered wi+t a mangenel . hom wi+t hom to lede .
Sir edward vpe wal wi+tinne . com al so & sede .

[}. HENRICUS .}]

& bed hom wende hom a+ge . o+ter he was ded 
iwis .
+Tis o+ter wende +tus hom . +to hii hurde +tis .
+To sir simon de mountfort . hurde of +tis dede .
He let +te king of alemaine . & sir edward lede .
& sir henri +te kinges sone . of alemaine al so .
To +te castel of keningeswur+te in betere warde to 
do .
& +te kinges soster +te contasse . sir simondes wif 
was .
+Ter mid hom & wat he mi+gte . dude hom of solas .
Sir simon de mountfort . in castles adde ido .
Maistres of bi+gonde se . & vpe is londes al so .
As in +te castel of walingford . of douere . of windelsore .
Wardeins he made of frensse men . +tat of +to+gte +tut 
lond sore .
+Te erl of gloucetre it bi spek . so +tat +tere was .
A parlement at londone . to amendi suich trespas .
So +tat +tis tueie erles . acorded were +tere .
+Tat iremewed al clene . +te frenssemen were .
<P 753>
At seint hillari tid . +tis parlement was .
+Ter was +te erl of ferers . ibrou+gt in hard cas .
Vor he hadde after +te pais . robberie iwro+gt .
+Te king wolde in ech manere . +tat he were to de+te 
ibro+gt .
Sir simon de mountford . wisliche dude inou .
Vor he wolde in ei+ter half . ri+gt do & no wou .
In +te tour of londone . in prisoun he let him 
bringe .
Vor to saui is lif . & to paye +te kinge .
+To was +te erl of gloucetre . anuid uor mani dede .
+Tat he huld so prisons . al wi+toute is rede .
Vor suich man as he was . me tolde of him to 
lute .
& him +tou+gte +tat +ter was . mid sir simon to gret 
prute .
& me sede he was adrad . +tat me him nome al 
so . 
Wi+t treson vor he was hext . & in prison him lete 
do .
Sir Ion giffard +to verst . a+ge sir simond turnde .
Vor he askede prisouns . +tat me mid ri+gte wurnde .
Vor he was him sulf at lewes . sone inome bi cas .
Ac sir willam matrauers . a kni+gt +tat mid him 
was .
In +te bataile su+t+te inome . sir reinaud le fi+g peris .
& sir alein de la souche . +tat barons were iwis .
Ac he let hom su+t+te go . & sir reinaud was +ter .
In +te bataile su+t+te inome . Iarmed as he was er .

<P 754>
[}. HENRICUS .}]

Sir alein was ek inome . in monekene wede .
In +te priorie su+t+te . arst he was in drede .
& vor sir willam mautrauers . hom let so quit gon .
Sir simond nolde nou+gt . deliueri hom sir Ion .
To +te forest of dene . sir Ion wende +to .
& turnde a+ge sir simond . & procurede o+ter mo .
Lewelin prince of walis . robbede mid is route .
+Te erles lond of gloucetre . in walis aboute .
+To wende +te erl fram londone . priueliche & stille .
As to socori is lond . a+ge sir simondes wille .
In +te forest of dene . to gadere sone hii come .
He & sire Ion giffard . & stable conseil nome .
To holde a+ge sir simond . stabliche hii were at on .
& boreforde & beghwur+te . +te erl +gef sir Ion .
Wi+t him to holde stabliche . a+ge sir simon in ech 
cas .
Sir roger ek de mortimer . in is owe londe was .
In +te contreie of wigemor . & wuste him vaste +tere .
Prest wan he seie time . baner vor to arere .
Seue baners also . +tat a+ge sir simond were .
In +te castel of bristowe . hulde hom vaste +tere .
As sir warin of bassingbourne . man of gret los .
& sir roberd tipetot . sir Ion de mussegros .
& sir pain de chawur+te . & sir patric is bro+ter .
& +te o+ter banerets . & kni+gtes mani o+ter .
+Te king sende ofte is lettres . +tat hii deliueri ssolde .
+Te castel vp sir simond . & na+teles hii nolde .
<P 755>
Atte laste sir edward . is lettres hom sende .
To +gelde vp +te castel . & +tat hii +tanne wende .
+To was among hom deol inou . vor hii ne dorste leng 
abide .
Hii +golde vp +te castel . & wende ech in is side .
A certein day hom was iset . of londe vor to fle .
& sir roger ek de mortimer . deserited vor to be .
Sir simon de Mountfort . out of warde nom .
Sir edward him to solaci . +tat to lute +tonc him 
com .
He bitok him sir henri is sone . to be is compainoun .
Wi+t him to wende aboute . to sywe him vp & 
doun .
So +tat after estre . +te king & sir simoun .
Wende hom toward +te march . to bringe hor fon 
adoun .

[}. HENRICUS .}]

& sir edward & sir henri . & sir vmfray de boun .
To gloucetre hii wende . to enfermi +ten toun .
+Ter hii bigonne mid hor ost . fourten ni+gt abide .
+Te erl of gloucetre was . in +te forest biside .
& sir Ion giffard al so . vpe an hei hul lai .
+Tat me clupe+t erdlond . bo+te ni+gt & dai .
Gret fur he made +ter ani+gt . of wode & of sprai .
& tresche ladde +ter aboute . +tat me wide sai .
& in to gloucetre al so . +tat is fon iseie .
Ware hii ssolde him finde . vpe +tulke hul heie .
<P 756>
Bi tuene +te erl of gloucetre . heiemen ofte wende .
& sir simon de Mountford . hor herte vor to amende .
So +tat hii were acorded . +te tuelfte dai of mai .
+Tei it were lute wur+t . as in a tywesday .
To stonde atte lokinge . of +te bissop water .
Of wircetre & al so . of sir hue +te spencer .
Of sir willam de Mounchalsi . of sir Ion le fi+g Ion .
Vpe +te lokinge of +tes foure . to bringe hom aton .
+To wende sir simon be siker . & toward +te march 
wende .
Ac vnne+te he of scapede . +tat is fon him ne ssende .
+Tat +te erl of gloucetre . mid is poer him ne nom .
& na+teles +toru godes grace . to hereforde he com .
+Tere he bileuede mid is ost . betere cas to abide .
+Te erl of gloucetere was +te wule . in mani wilde 
side .
Wan me wende he were fer . ofte he was ner .
& sir Ion giffard mid him . & sir Roger de mortimer .
Vuele hii were alle +tre . vorto finde ilome .
& messagers bituene hom . & sir edward ofte come .
So +tat +ter was bituene hom . god fourme inome .
Hou sir edward mi+gte best . out of warde come .
Sir simond de montfort . wisman +tei he were .
Het +tat me sir edward . gret reuerence bere .
Vor to pleie vp & doun . as in compainie .
So +tat +ter was a gile yspeke . as +toru god aspie .
<P 757>
Sir edward bed sir simon . +tat he him +geue .
To a prikie stedes . wi+toute toun leue .
Leue him was igraunted . god wot to wuch ende .
So +tat sir edward . wi+toute toun gan wende .

[}. HENRICUS .}]

An stede he gan aprikie . wel vor +te maistrie .
& wi+t him adde of kni+gtes . a vair compainie .
& su+t+te he nom an o+ter . & weri hom made anon .
& su+t+te he nom +te +tridde . best of echon .
As it was er bispeke . to wuch he ssolde truste .
He prikede it verst softe . as him lute luste .
+To he was a lute fram +tut folk . wi+t spore he smot 
to grounde .
+Te sides orne ablode . in a lute stounde .
+Tere as of stedes . a god & quic me fond .
Vor+t wende +tis gode kni+gt . +to he was out of hond .
Louerdinges he sede . habbe+t nou god dai .
& grete+t wel mi fader +te king . & icholle +guf ich 
mai .
Ise him wel bitime . & out of warde him do .
Wat halt it long tale . he ofscapede so .
& to +te castel of wigemor . +tun wei sone he nom .
+Tere was ioye & bl[{i{]sse inou . +to he +tuder com .
<P 758>
Mid +te leuedi of +te castel . dam maud de mortimer .
Sone +tut word was isend . to ir louerd sir Roger .
To +te erl of gloucetre . +te lettres sone come .
So +tat priue parlement . bituene hom hii nome .
Hou +tat hii best mi+gte . sir simond to grounde 
bringe .
To +te barons deserites . me sende ek ti+tinge .
So +tat ech in is half . gadere ost vaste .
& to sir edward come . in +te march attelaste . 
So +tat sir edward . & +te erl of gloucetre .
& o+ter poer inou . come to wurcetre .
& fram +tanene hii wende . & hor worre bigonne .
At gloucetre & +tun toun . vpe sir simond wonne .
An +tre wouke biuore missomer . +tuder hii gonne 
wende .
& asailede +tun toun . al in +te nor+t ende .
At seint oswaldes +gat . & hii wi+tinne vaste .
Defendede hom wel inou . +te wule hor poer ilaste .
[{A{]c bituene seint oswaldes +gat . & +te nor+t +gat 
iwis .
Is a long wal inou . as +te abbodes orchard is .
& wi+tinne +te orchard nas no folk . +tun toun to defende .
+Teruore in +te asaut . some wi+toute wende .
& breke a pece of +te wal . ar me were wi+tinne iwar .
Sir Ion giffard +te verste was . +tat in wende +tar .
<P 759>
+To smite hii alle in & bro+gte . manion to de+te .
+Te wardeins of +te castel . of scapede in vnne+te .
As grimbaud pauncefot . & is felawes echon .
+Te tu brugge hii drowe vp . & +te +gates made anon .
Sir edward & is poer . wi+toute sette vaste .
Stronge ginnes . & +ter wi+t . to +te castel caste .
& +te o+ter hom defendede . & lutel were agaste .
+Tat aboute an +tre wouke . +te asaut bituene hom 
ilaste .
& euere hii wi+tinne abide . of sir simon socour .
Vor elles hii moste nede . +te castel +gelde & tour .
& +to +tat hom non ne com . +te castel vp hii +golde .
To sir edward in a fourme . +tat hii bere ne ssolde .
Vourti dawes a+gen him . armes in no place .
& sir edward hom +gef lif & lime . & +gut more 
grace .
Hor armes & al hor o+ter +ting .& hor hors echon .
+To turnde grimbaud pauncefot . to sir edward anon .
& was imad kni+gt & armes . a+ge sir simond ber .
Ac +ter nas neuereft of him . so god word as was 
er .
+To sir edward & +te erl gileberd . hor wille hade 
also .
Hii wende in toward +te march . more harm to do .
Bruggen hii breke oueral . hii ne bileuede ssip non .
Bi weye ne bi seuerne . +tat hii ne remuede echon .
<P 760>
+Ter boute vor sir simond . ne ssolde passe +tere .
Ne nameliche toward bristowe . vor +ter of was hor 
fere .
Vor bristowe was al in is hond . castel & +te toun .
Sir simond +tou+gte ano+ter red . & dradde of tresoun .
To +te prince of walis . lewelin +tat was .
He wende after more help . in is harde cas .
& he tok him of fot men . gret poer iwis .
Ac +terof come wel vewe . a+gen to walis .
Sir simondes sone de montfort . +tat sir simond het 
al so .
Bisegede +to an castel . as he longe adde ido .
+Te castel of peuneseye . & is fader him word sende .
+Tat he bileuede +tulke sege . & toward him wende .
Sir simond +te +gonge . +tis heste vnderstod .
He gaderede him of god folc . vair ost & god .
& +ten wey fram peuneseie . toward is fader he nom .
A sein kenelmes eue . to winchestre he com .

[}. HENRICUS .}]

+Tut folc +tat was in +te toun . +te +gates made vaste .
& wuste +te toun a+gen him . +te biker longe ilaste .
So +tat mid streng+te . sir simon +ten toun nom .
& robbede & slou vaste . +to he wi+tinne com .
Alle +te gywes of +te toun . he let sle echon .
+Tat me in eni stede fond . he ne leuede aliue non .
<P 761>
Ac after +tulke time . of wat him was to done .
Lute god cas him biuel . as messal ihure sone .
Fram +tenne he wende to oxenford . +tre dawes he was 
+tere .
Vairore folc ne mi+gte be . +tan wi+t him was +tere .
+Te gywes he let seche . uor to quelle echon .
Ac me ne mi+gte vor no +ting . in +te toune finde on .
Fram +tanene to keningwur+te . wi+t is ost he wende .
& +tere as it fel alas . is heie herte him ssende .
Vor so muche he tolde of him sulf . & of is grete 
mi+gte .
+Tat him ne deinede no+gt . to ligge . in +te castel bi         #
ni+gte .
Sir edward & is ost . at wircetre +to were .
Hii adde gode aspies . hou hii hom +to bere .
So +tat sir edward & +te erl . of gloucetre al so .
& sir roger de mortimer . & mani god kni+gt +terto .
In a lammasse ni+gt . saterni+gt +tat was .
Out of wurcetre he wende . mid wel god pas .
To keningwur+te . hii come . in +te dawiinge .
Hii bro+gte sir simon & is men . an feble ti+tinge .
In hor bed hii founde hom . in toune +to hii come .
Of softe awakiinge . hii toke lute gome .
Vor to wel clo+ti hom . hii ne +geue hom no tome .
Manie hii slowe of hor fon . & heie men some hii 
nome .
<P 762>
As sir roberd erl of oxenford . & sir willam +ter to .
De mountchalsi & sir adam . de neumarch al so .
& sir water de coleuile . & o+ter manion .
Ac sir simond him sulf . among alle is fon .
In to +te castel of scapede . an naked man vnne+te .
Ac manion +ter was inome . & mani ibro+gt to de+te .
& +tus sir simond +te +gonge . was verst to grounde 
ibrou+gt .
Ac na+teles he ne les +to . al is poer nou+gt .
Ac gret ost huld inou . & +garkede in ech ende .
Him & al is poer . a+gen is fader to wende .

[}. HENRICUS .}]

+To was sir simond is fader . at hereford iwis .
Mid mani god man of engelond . & al so of walis .
He wende him out of hereford . mid vair ost inou .
& toward keningwur+te . a+gen is sone he drou .
& was hor beire porpos . to biclosi hor fon .
As wo sei+t in ei+ter half . & to ssende hom echon .
So +tat sir simon +te olde com . +te monendai iwis .
To a toun biside wircetre . +tat kemeseie ihote is .
+Te tiwesday to euesham . he wende +te morweninge .
& +tere he let him & is folc . prestes massen singe .
& +to+gte to wende nor+tward . is sone vor to mete .
Ac +te king nolde a vot . bote he dinede o+ter ete .
& sir simon +te +gonge & is ost . al alcestre were .
& nolde +tanne wende a vot . ar hii dinede +tere .
<P 763>
+Tulke to diners . deluol were alas .
Vor mani was +te gode bodi . +tat +ter +toru islawe 
was .
Sir edward & is poer . sone come +to ride .
To +te nor+thalf of +te toun . bataile uor to abide .
+To sir simon it iwuste . & hii +tat wi+t him were .
Sone hii lete hom armi . & hor baners arere .
+Te bissop water of wurcetre . asoiled hom alle +tere .
& prechede hom +tat hii adde . of de+t +te lasse fere .
+Ten wei euene to hor fon . a godes half hii nome .
& wende +tat sir simo[{nd{] . +te +gonge a+gen hom 
c[{ome{] .
+To hii come in to +te feld . & sir simond isei .
Sir edwardes ost . & o+tere al so nei .
He avisede +te ost sui+te wel . & +toru godes grace .
He hopede winne a day . +te maistrie of +te place .
+To sei he +ter biside . as he bihuld aboute .
+Te erles baner of gloucetre . & him mid al is 
route .
As him vor to close . in +te o+ter half ywis .
Ou+g he sede redi folk . & wel iwar is +tis .
& more conne of bataile . +tan hii cou+te biuore .
Vr soules he sede abbe god . vor vr bodies be+t 
hore .
Sir henri he sede to is sone . +tis ha+t imad +ti 
prute .
Were +ti bro+ter icome . hope we mi+gte +gute .
<P 764>
Hii bitoke lif & soule . to godes grace echon .
& in to bataile smite . vaste among hor fon .
& as gode kni+gtes . to grounde slowe anon .
+Tat hor fon flowe sone . +ticke manion .
Sir warin of bassingbourne . +to he +tis isei .
Biuore he gan prikie . & to grede an hei .
A+gen traitors a+gen . & habbe+t in ower +to+gt .
Hou villiche at lewes . +ge were to grounde ibro+gt .
Turne+t a+gen & +tenche+t . +tat +tut power al oure 
is .
& we ssolle as vor no+gt . ouercome vr fon iwis .
+To was +te bataile strong . in ei+ter side alas .
Ac atten ende was bine+te  . +tulke +tat feblore was .
& sir simond was aslawe . & is folk al to grounde .
More mur+tre +gare nas . in so lute stounde .
Vor +tere was werst simond . de mountfort aslawe 
alas .
& sir henri is sone . +tat so gentil kni+gt was .
& sir hue +te despencer . +te noble iustise .
& sir peris de mountfort . +tat stronge were & wise .
Sir willam de verous . & sir Rauf basset also .
Sir [{John{] de sein ion . sir Ion diue +terto .
Sir [{William{] trossel . sir gileberd of eisnesfelde .
& mani god bodi were aslawe . +tere in +tulke felde .
& among alle o+tere mest . reu+te it was ido .
+Tat sir simon +te olde man . de membred was so .
<P 765>
Vor sir willam mautrauers . +tonk nabbe he non .
Carf him of fet & honde . & is limes manion .
& +tat mest pite was . hii ne bileuede nou+gt +tis .
+Tat is priue membres . hii ne corue of iwis .
& is heued hii smiten of . & to wigemor it sende .
To dam Maud +te mortimer . +tat wel foule it ssende .
& of al +tat me him bilimede . hii ne bledde no+gt me 
sede .
& +te harde here was . is lich +te nexte wede .
Suich was +te mor+tre of einesham . uor bataile non it 
nas .
& +terwi+t Iesu crist wel vuele ipaied was .
As he ssewede bi tokninge . grisliche & gode .
As it vel of him sulue . +to he deide on +te rode .
+Tat +toru al +te middelerd . derkhede +ter was inou .
Al so +te wule +te godemen . at euesham me 
slou .
As in +te nor+twest . a derk weder +ter aros .
So demliche suart inou . +tat mani man agros .
& ouer caste it +to+gte al +tut lond . +tat me mi+gte 
vnne+te ise .
Grisloker weder +tan it was . ne mi+gte aner+te be .

[}. HENRICUS .}]

An vewe dropes of reine . +ter velle grete inou .
+Tis tokninge vel in +tis lond . +to me +tis men slou .
<P 766>
Vor +tretti mile +tanne . +tis isei roberd .
+Tat verst +tis boc made . & was wel sore aferd .
Louerdinges +ter were inome . at euesham manion .
As sir vnfrai de boun . sir Ion le fiz Ion .
& simondes sone . de mountfort sir gwy .
Sir baudewine de wake . sir Ion de vescy .
Sir henri de hastinges . & sir Nicole iwis .
De segraue was +tere inome . & al so sir peris .
& sir roberd +tat sir peris . de mountfort sones 
were .
+Tuse & wel mo were inome . in +tulke mor+tre +tere .
Ac +te welsse fot men . +tat +ter were manion .
At +te biginninge of +te bataile . bigonne to fle echon .
& come +toru teuskesburi . & +tere men of +te toune .
Slowe hom al to grounde . +tat +tere hii leie +ter 
doune .
So +ticke bi strete . +tat reu+te it was to se .
& grace nadde non of hom . to fi+gte ne to fle .
+To +te bataile was ido . & +te godemen aslawe 
were .
Sir simond +te +gonge com . to mete is fader +tere .
He mi+gte +to at is diner . abbe bileued al so 
wel .
As me sei+t wan ich am ded . make me a caudel .
& +to me tolde him bi +te wei . wuch +te ende was 
+ter .
He turnde a+gen to keningwur+te . wel longe him +tou+gte 
e[{r{] .
<P 767>
He mi+gte segge wan he com . lute ich abbe iwonne .
Ich mai honge vp min ax . febliche ich abbe agonne .
+Te king of alemaine . +tat was is moder bro+ter .
& sir reinaud le fiz peris . & ek mani ano+ter .
+Tat in is prison were . at kenigwur+te +to .
+To he ne sei o+ter red . he let hom quit go .
+Te sixte day of septembre . +tat +to was sonenday .
He let hom go a godes half . +to he o+ter ne say .
+Te king +to+gte +te loundreis . bringe al to nou+gte .
& hii ofte pitosliche . is grace bisou+gte .
So +tat at misselmasse . an fourti of hom come .
To him to windelsore . & to is grace hom nome .
As vor al +te toune . +te beste ichose echon .
+Te king hom let bringe . in strong prison anon . 



