<B CMTHORN>
<Q MX/4 IS HANDM THORN>
<N THORNTON MED>
<A X>
<C MX/4>
<O X>
<M 1420-1500>
<K X>
<D NO>
<V PROSE>
<T HANDB MEDICINE>
<G X>
<F X>
<W WRITTEN>
<X X>
<Y X>
<H X>
<U NON-PROF>
<E X>
<J X>
<I X>
<Z INSTR SEC>
<S SAMPLE X>


[^THE 'LIBER DE DIVERSIS MEDICINIS'
IN THE THORNTON MANUSCRIPT (MS. LINCOLN
CATHEDRAL A.5.2.).
EARLY ENGLISH TEXT SOCIETY, 207.
ED. M. S. OGDEN.
LONDON, 1938.
PP. 6.9  - 13.37    (SAMPLE 1)
PP. 67.1 - 73.40    (SAMPLE 2)^]

<S SAMPLE 1>
<P 6>
[}WODNES  TO MAKE HARE LIK GOLD  HERYNG DEFENES
WORMES SCHEPELOUSE  QWIK THYNG IN +TE ERE}]

   Tak his handis & bynde +tam bi-hynde hym faste.
+Tan take flour of affadill & do it in his righte hande & his
bandes sall bryste. Or gif it hym at drynke & he sall
passe owt[{e{] of +te euyll faire & wele.
   Tak epworte & grynde it smalle & schafe his hede &
laye it appon +te schedde of his hede all +te nyghte.
   Tak aueroyne, marygolde & sawge & stamp it &
temper it vp with wyne & drynke it fyve dayes.
   Take +te jeuse of walworte, hony & salt & swyn grese
and boyle +tam ouer +te fire til it be thikke & do a littill
encense +ter-in and anoynte his heued +ter-with ofte &
he sal mende.
   Tak +te grene bowes of an asche & bryne +tam & kepe
+te jeuse +tat commes owte at +te endis, a negschel full,
and +te jeuse of senegrene, twa egschelfull, of hony an
eg-schelfull, of oyle of olyue a neg-schelfull, of +te woyse
of +te pore leeke heued with +te faces +ter-of, a               #
neg-schelfull,
& menge +tam to-gedir & helle +ter-of in +te hale 
here & lay +te on +te to+ter syde at slepe & +te sall mende
with schort tymm, & +tu vse it.
   Tak +te jeuse of rewe & +te jeuse of moure egges & do
in +ti nere.
   Tak henne grese & +te jeuse of [{gre{]ne wormode with
oyl & do in +ti nere.
   Tak +te galle of a wedir with +te vryn or +te mylke of a
woman mengid to-gedir & do it in thi nere.
   (\Secundum Magistrum William de Excestre:\) Tak
lorell leues, sedes of cermoyntayne, comyn, annys and
<P 7>
caruy, of ilkan ylike porcyon, and welle +tam wele in faire
water &, when +tay are wele wellide, take and do +tat
water in a clene vesselle & do of +tat water in +te ere &
he sal here wele with-in scorte tymm.
   Take +te +gerdis of hawthorne & kepe +te jeuse +tat
comes fro +te +gerdis endis & menge oyle +ter-with & putt
it in +te hale ere & lay +te one +te to+ter ere. (\Sepe
probatum est per diuersos.\)
   Take +te fattnes of a blake ele & +te jeuse of synegrene,
elike porcyon, & putt it ofte in +te hale ere & lay +te on
+te to+ter.
   Tak +te jeuse of (\mentastrum\) & vynacre & mak it
lewke & do it in +ti nere & it dose +te same.
   Tak sperwort & stampe it & droppe +te jeuse lewke
in +te ere & it sall sla it or gare it come owte qwyke.
 
[}WORMES  SCHEPELOUSE  QWIK THYNGE IN +TE ERE
KYLES IN ERES  SARE EGHNE}]  

   Take +te jeuse of mynt & mak it lewke & do it in +te
eres.
   Or take +te jeuse of fenelle lewke & do it in +te eres &
it sall sla +tam.
   Tak of rewe a grete qwantite & sawge halfe als mekill
& rose maryn +te same quanttitee & stamp +tam & wrynge
owte +te jeuse & poure it in +te ere thre tymes, for +tis
es oft prouede.
   If a schepe louse or any o+ter qwik thynge be cropyn
in-to thyn ere, tak +te jeuse of rewe or of wormod or of
horshoue & do in +te ere & it sall sla it.
   Tak grene +gerdis of esche & lay +tam ouer a brandrethe
& make a fire vnder +tam & kepe +te woyse +tat comes owt
at +te endis in egges schelles & tak hony & do to +tat
woyse & do it in his ere & lat hym ly doun & slepe & do
swa thre dayes, ilk a day twyse or thryse, bot do it
firste in +te hale anes or twys, in auentour if +ter be
oughte qwike in it. & it will sone crepe owte.
   Tak a hate hauyre cake & lay it down & lay thyn ere
+ter-on als hate als +tu thole it &, if +ter be schepe louse
or any o+ter qwik thynge in it, it sall sone crepe owte.
<P 8>
   Tak wormode & women mylke with +te jeuse of grene
colyandre & do it in thyn eres.
   Tak a childes [{vryn{] & make it lewke with wyne
& do it in thyn eres & it dryes +te humours & fordose
werke & heles wonderfully.
   An o+ter: Take +te galle of a schepe with womans
mylke & do it in thyn ere.
   Tak wormod or harofe or wodebynde & stampe it &
wrynge owt +te jeuse & do it lewke in thyn ere.
   Tak +te merghe of a fresche calfe & braye it & do it in
thyn ere.
   Tak a rede cale lefe & anoynte it with +te white of an
egge & lay it to +te eghe, when +tu gase to bedde, & late
it lygge to +te morne & do it ofte, for it is proued for gude
medcyn.
   To make +te clere syghte: Ete ofte & drynke ofte
puliolle rialle & fenkell sedis.
   Drynke ofte ewefrase, for it helpis ofte souereynly +te
syghte.
   Tak white gynger & rub it on a whetstane or on a
basyn & tak als mekill salte as +tu hase powdir & stampe
+tam & grynde +tam wele to-gedir & temper +tam with
white wyne & late it stande in +tat bacyne a daye & a
nyghte & do +tan +tat o+ter +tat standis abouen in a ampull
of glase or coper & anoynte 

[}EGHNE  SARE EGHNE}]

thyn eghne +ter-with a littill when +tu gase to +ti bedde
with a fethir & do so ofte & dowteles +tu sall be hale.
   Take +te woyse of hondestonge or of centorye or of
solsekill and do +te woyse in thyn eghne & it sal helpe
+te wele.
   Tak pympernoll & stampe it & take +te jeuse +ter-of &
do +ter-to +te grese of +te allerone of +te gose wenge &
drope it in thyn eghne.
   For hurte eghne: Tak +te jeuse of egremone stamped
<P 9>
& egge whitt & menge +tam to-gedir & take cotom &
wete +ter-in & lay it to +te sare eghe to it be hale.
   Late +te blode +te vij daye of Maye on +te righte arme,
+te laste day of Aueryll on +te lefte arme.
   Stampe +te leues of white thornes & do +te jeuse +ter-of
in thyn eghe.
   Take Maye buttre & hony & +te white of an egge &
menge to-gedir and anoynte thyn eghne with all.
   Take wodbynde, rib and waybrede & stampe +tam wele
& smalle & take a gude porcyon of fresche May buttre
& sethe +tam to-gedir wele to +tay be wele wellede, +tan
wrynge +tam thorow a clene clathe & do it in thi boystes
& ilk a nyghte take +te montenance of a fiche & do it in
thyn eghne by-fore +tu laye the doune & it sall mend
the.
   Take waybrede & bayneworte & powdir of gynger, a
porcyon, & powdir of alom glase, als mekil porcion als
of thise, & make water for thyn eghne of +tam.
   Tak powdir of alom glase & temper it with womans
mylke +tat hase a knaue childe & do it in thyn eghne.
   Take rose floures and fenkell & filage, pympernolle,
celidone, ewfrace. Stampe +tam & temper +tam al
sammen with hony & +te grese of +te blake snyles & +te
whitt of an egge & anoynte thyn eghne +ter-with.
   Tak arenement, hony and +te white of an egge, of
ilkan elike mekill, & temper +tam to-gedir & tak herdes
& wete +tam in water & wrynge it owte & do +tir thynges
one +te herdes as a playster &, if euyll blode or whettour
be +tare, it sall drawe it owte.
   Tak calamynt & bryne it in +te fire till +tat it glowe &
sloken it in white wyne & efte bryn it & efte sloken it and
do so ix tymes. +Tan may +tu halde it alle +te +gere &,
when 
    
[}SARE EGHNE  COLORYE  AN OYNEMENT}]

+tu hase to do +ter-with, tak als littill als a bene & grynde
it wele appon a borde & temper it vpe with an egge schelle
ful of white wyne & late it sattill and wete a fethir in
+te clere abouuen, & +tan wasche thyn eghne +ter-with,
when +tu gose to bedde, & do so thre nyghtis & withowtten
<P 10>
faile it sall slaa +te wormes & clense +te eghne of
many euylles, what so euyll es in +tam.
   Tak salte & bryn it & do hony +ter-too & temper it
to-gedir & doo it in thyn eghne.
   And after all medcyns for eghne, wasche thyn eghne 
with water +tat fenell is sothen in.
   Tak tormentill, rewe, celidon, fenell & ryb, & anoynte
thyn eghne with +te jeuse a littill, when +tu gase to +ti
bedde.
   Tak +te rede snyle +tat crepis houseles & sethe it in
water & gedir +te fatt +tat comes of +tam & anoynte thyn
eghne ther-with or bryn it to powdere on iren or in a pott
scarthe & do a littill of +tat powdir to thyn eghne when
+tu gase to slepe.
   Tak a bacyn & scoure it wele & anoynte +te sydis wele
with-in with +te larde of a galte & on +te larde anoynte
it with hony +tat it gange ouer +te larde all abowte a
nynch. Tak +tan a newe pott full of pys & whelme +te
bacyn ouer +te pott & latte it stande thre dayes & thre
nyghtis. +Te fourte day take +te bacyn &, what +tu
fyndis +ter-in, do it of clene & gedir it in an ampull of
glas or in a cle vrynall & tak a littill & anoynte thyn
eghne +ter-with, when +tu gose to thi bedde. After this
medcyn, ne after non o+ter, wasche not thyn eghne bot 
with water +tat fenell is sothen in.
   Tak celidon & do it in hardes & sythen do it in hate
askes & late it sethe +ter-in & +tan draw it owte &
wrynge +te jeuse in a bacyn & do it in +te sonne to drye
and, when +tu hase to do +ter-with, tak a littill +ter-of
& distemper it with ayselle & do a littill in thyn eghne
+ter-of.
   Tak vetoyne & stampe it with water & drynke it ix
dayes & it sall dryfe a-waye all +te wikkede humours of
+te heued & of +te eghne.
   Tak May buttre & comyn & stampe +tam samen &
laye it on lyne & +tan laye it on +te eghe & ofte anewe it
and, when +te bolnynge es swagede, +tan tak safron &
womans mylke +tat fedis a knaue childe, if it be to a man,
& grynde +tam & droppe in +te sare eghne.
<P 11>
   Tak +te blode of swalow birdis & anoynte thyn eghne
+ter-with & euer mare +tay sall be +te bryghttere.
   Tak strange vynegre or aysell & do it in a vessell of
bras, & +te blak slaes of +te wode & wormode do +ter-with
& lat it stand langer couerde and, when nede es, take it
to thyn eghne & it sall brek +te web & do a-way +te euyll.
   Tak ewfrace, a gude porcion, & stampe it wele &
wrynge owte +te jewse thorow a clathe. +Tan tak galte
grese & als mekill of gose grese & als mekill of henne
grese & menge it to-gedir in a panne of bras or in a pott
of bras & do +te jewse +ter-to & boyle it wele & stir +te
bothome with a rownde staffe & lat it kele & do it in
boystes &, when +tu hase nede, do it in thyn eghne a
littill, when +tu gase to slepe, to +tu be hale.
   Tak comyn, pepir, hempsede, of rewe sede, of fenell
sede, of ache +tat growes ouer yven, & sal maritimum,
of ilkan ylike mekill, & stamp +tam all to powdir & do
in thyn eghne +ter-of when +tou gase to thi bedde.
   Tak bawme & +te jeuse of ewe & hony, of ilkan elyke
mekill, & coyle +tam thorowe a clathe & do it in a fyall
of glase & with a fethir do it in thyn eghne.
   Tak +te jeuse of rede wortes & of hesill, elike mekill,
& do in a pot of bras & couer it wele & sett it in +te erthe
ix dayes & +tan do it in thyn eghne.
   Tak powdir of brynte pepir & do it in thyn eghne.
   Tak +te galle of an hare & twa sa mekill hony &
temper it to-gedir & anoynte thyn eghne.
   Ypocras sayse +tat their thynges will gare a man see
+te sternes abowte myddaye, +tat is, +te galle of a hare,
+te galle of a coke, +te galle of an owle & a littill jewse of
fenell & aloe cicotrine +tat suffice & camfire, & mak
colore.

(\Feniculus, veruena, rosa, celidonia, ruta,
Si pimpernela ditis ewfrasia iuncta,
Ex istis fit aqua que reddat lumina acuta.\)

   Tak powdir of aloes & do +ter-in a littill. Bot firste
wasche it with whit wyne.
   Tak leues of henebayne sothen in wyne & bray +tam
& laye +tam ther-to.
<P 12>
   Tak mynt & grynde it & lay +ter-to.
   Tak +te galle of an ele & temper it with hony & do it
in +tin eghne. 
  
[}SARE EGHNE  SCHEPE LOUSE}]

   Tak  +te rute of fenkell & vetoyne & sethe +tam in water
& wasche thyn eghne +ter-with.
   Tak daysies & +te whitt of an egge & braye +tam & do
it in thyn eghne.
   Tak ewfrase & stampe it in grese of a gose or of a henne
& frye ewfrase & do in a vessell & anoynte thyn eghne.
   Or tak +te sede of centory & ett it fastande & +tou sall
mow at +te nonne to see +te sternes.
   Tak ewfrase & glair ana, [{&{] wete thorgh a lyn clathe
& lay it on thyn eghne all nyghte, for it wil draw owt
wikkide homours.
   Tak +te jewse of tansay or of vetoyne, & wryng thorow
a clathe & do +ter-of in thyn eghne.
   Tak a bryghte bacyn and anoynte it with mylke
[{&{] reme, & whelm it ouer a preue iij dayes & sythen
clens it & anoynt thyn eghne +ter-with.
   Tak pepir and bryn it in a clout & stamp it al to
powdir & blende it with the merghe of a gose wenge &
do +ter-of in thyn eghene.
   Tak pure glare of an egge & hony & arnement wele
grownden & te[{m{]pered to-gedir & do to thyn eghne
with hardes or lyne.
   Tak +te jewse of egremon with +te whitt of an egge &
blende to-gedir wele & laye to thyn eghne with cotome
or clathe.
   Tak +te rotes of fenell, vetoyne & yven terrestre, &
sethe +tam wele in water & do hony in +ter-to & sythen
coyl it thorow a clathe & anoynte thyn eghne +ter-with.
   Tak ewfrase, pympernoll, veruayne, rede fenell, euen
porcyon, & halfe +te porcion of rew & celidon, & braye
+tam wele in a mortere & welle +tam wele with May
buttre clarifiede & do +tam in an erthe pott & couer
+tam wele & late +tam rote to +tay be white harede. +Tan
<P 13>
do +tat to +te fire & boile it wele & afterwardes drawe
it owte thurgh a clathe clene or a canvase & +tan do it to
+te fire to it be wele claryfied & +tan do it in boystes.
When +tou hase nede to do +ter-with, do it in thyn eghne
the montenance of a perle at morne & as mekill at
euen.
   Take +te jewse of rewe or of wormode or of horshoue
& do in +te ere & it sall slaa it.
   Tak +te grene +gerdis of asche & ley +tam ouer a brandreth
& mak a fire vnder theym & kepe +te wose +tat
rynnes 

[}SCHEPE-LOUSE  EVYLL IN +TE MOUTHE  HASENESSE   TO
SYNG HYE  CLERE VOYCE}]

owte at the endes in egge schelles & tak hony & do to
+tat wose & do in his ere & late hym ly downn & slepe &
do swa thre dayes ilk a day twyse or thrise. Bot do
firste in +te hale here anes or twise, in awntour if +ter
be oughte qwike in it, & it wil crepe out.
   Tak a hate hauyr cake & lay it down & lay thyn ere
+ter one als ha[{t{]e als +tu thole it &, if +ter be any        #
schepelouse
or any qwikke thynge, it sal sone crepe out.
   Tak pentafoyloyn, (\id est\) quintfoyle, & welle it wele in
water &, when it es wele welled, halde thi mouthe ouer
+te posenett & stewe +te wele. +Tan take & soupe of +tat
lewke water & halde it in thi mouthe to +tat it be kelide &
+tan caste it owte & +tan soupe mare & +te thirde tyme do
righte swa & vse this thre dayes & +tu sal hafe helpe
+ter-of.
   Tak salte, comyn & pepir, of ilkan ilike mekill, & mak
of +tam a powdir & gyff hym to drynke in a sponefull
of hate water. This medcyne is profitable, for it is ofte
tymms prouede.
   Tak stalworthe ayselle in a vesselle of bras & jewse of
ake appills & do +tam alle to-gedir & late +tam stande
lange wele couerde &, when sal be at nyghte, when +te
seke sall ga to bedde, +tan do it in his eghne & it sall
for-do +te perle & breke +te strynge of +te eghn. 

<S SAMPLE 2>
<P 67>
[}SAUE}]

   [{He{]re may +tu lere for to make Saue, the wilk es a
gude drynke & ane oynment for +te woundis or +te hurtes
with-in & with-owtten of +te body of man or woman &
it es called Saue. And +te firste by-houes +te to gedir
theis herbis +tat are here wretyn: burnette, betoyne,
pympernolle, dauk, morsus diaboli, tormentill, crois,
bugill, pigill, sinagle, herbe Robert, herb John, herb
Wauter, herb yue, cosoud maior, cosoud milnen, consoud
petit, crope de cambre, fenell with +te sede rouge, cholet,
waranc, mader, spourge, fawethistill, samson, gronswalle,
melice, egrymoyn, cheuerfoille, (\id est\) wodrofe, violet,
playntayne, (\id est\) waybred, launcelle, (\id est\) ryb,      #
peluette,
(\id est\) moushere, vesche, floures de genest, (\id est\)      #
brome,
herb saunce crop, ache petit, auance, crop de rouge
runcebrere, lange de cheyn, cynkfoil, milfoil, rouge vrtice,
(\id est\) nettill rede, flosere, (\id est\) strabery wyes,     #
tansay,
(\id est\) philoga, osmonde. Of all thies herbes tak euen
porcion out-tane of madir and of auance, for of +te mader
tak als mekill weghte as of twa o+ter bi-fore neuenned.
& stamp +tam wele &, when +tay are wele stamped, late
+tam riste in a vessell of tre +te space of ten dayes and,
after +te x daye es passed, do to thies herbis +te doubill
weghte of fresche buttre of Maye & +tan sethe +tam ouer
+te fire & late +tam swa sethe to-gedir to +te buttre be halfe
wastede. +Tan all warme coille +te confeccion swa
boillede thurgh a canvace & afterwarde late it kele &
sithen clence it wele with calde water to it be clere
clensede & +tan afterwarde tak a galon of gude whitte
wyn & a porcyon of gude vynagre & do +tam ouer fire in
a clene vesselle & do +ter-in +te coylett wele weschyn &
sethe +tam to-gedir to +te wyn & +te vynagre be nere
wastede & +tan tak +tam down of +te fire & suffre +tam to
kele & sythen gedir vp +tat +tat fletis a-bown & put it in
boystes for to safe & gyfe +ter-of to wonded men +tat hase
wondis depe & standyng in wondis & bolnynge in wondis
& with +tis sal +tu safely hele +tam. & gyff +tam at drynk
+ter-of arely at +te morne & late at euen of +te grettnes of
a mousfiche. 
<P 68>
   Medcyn +tat is called (\Gratia Dei\) , +tat is made on +tis
manere: Tak litarge iiij vnces, ceruse iij vnces, roste of a
belle of bras ij vnces of vertgres ij vnces, of sarcocol iiij
vnces, of mastik, galbanum, ammoniak, of ilkane iiij
vnces, with encence iij vnces, of bedellium halfe ane
vnce, of pik greke, pik nauill, of +tam ij vnces. All this
bi-fore be graythede & boylled in a ponde of oyle de olyue
till +tay wax blake & sythen keped wele. This emplaster
clenses wondis and sowdis +tam to-gedir & dose owte
dede flesche & newe flesche gars grewe. It is a gud
heler for brynnand werkes, wondis & kiles, whare so
bee.
   Tak wax, rosen, turbentyn, of ilkan a pounde, of
mastik iij vnces, betoyn, of pympernolle, of veruayn, of
ilkan a quartron. +Tan stampe thies herbis wele & sethe
+tam wele in ij galouns of white wynne or rede vn-to +te
thirde party. Afterwarde coyle +tam thorow & saue wele
+te coylett fra filthe. +Tan take +ti rosen & thi wax &
resolue wele in a clene dowble vessell ouer +te fire & coyl
+tam thorow a clathe & caste +tan +tat coylett of gummes
to +te coylett of wyne & of gresses & sethe +tam to-gedir
vn-to +te wastyng of +te wyne. Aftirwarde tak +tat ilk
confeccion saa sothen & do it in a doubill vessell ouer +te
fire & do +te mastik pouder +ter-in to +te mastik be resoluede
& sythen afterwarde +ti turbentyn & moue it sotely til it
be resolued &, as swithe so it be resoluede, tak +te confeccion
of +te fire smertly  with-owtten duellynge and
poure it thurgh a clathe & suffre it to refraide & +tan
gedir vpe with clene handis, anoynte with oyle de olyue
& safe +ti enplaster wele, for it is gude till alde wondis &
to newe & to synows coruen and bristen and till junttours,
to hewen flesche, to dede flesche in wondis & till apostymms,
of alkyn maner of kankir, festre, venyme & for helle
fire, for +te emeraudes & for brokes. +Tis enplaster, it
wirkes, it heles, it drawes and helis mare with-in woke
+tan all o+ter enplasters dose with-in a monethe.
   Tak camamyle, wormot, mellilotum.
   Tak brance vrcyne, wilde malue.
   Tak ysop, germander, smalach, percell.
<P 69>
   Tak wilde sauge, fymter, woraunce.
   Tak mynt, borage, cicory, flour of oxtonge, +tat is longe
de beefe.
   [{H{]ere bygynnes +te maner to mak salues & entretis &
drynkes & cyroyns to wondis & to all o+ter hurtes of mans
body and +te firste for wounde in +te heuede: Tak
betoyne & stampe it with alde gres & fry +tam to-gedir &
sythen draw it thurgh a clathe & do it appon lyn & lay it
on +te wonde & ilk a third daye lay +te white of an egge
+ter-on & he sall waresche sone.
   Tak wormot & stayncroppe ana, & bray +tam & boyl
+tam in vynagre & do +ter-to whete branne & lay to +te
sare.
   Tak pugill, bugill, herb Robert, auance, red cale, tansay,
hemp croppes ana, & tak of madir als mekill as of all +te
o+ter herbis, & do +ter-to ambros, burnet & +te crispe
malue &, if +ter be bane broken & +tu dare noghte serche it
+git, gyf hym +tis to drynke: Tak the wort tansay, hemp
croppes, horse mynt, rede nettill, brere croppes & als
mekill mader as of all +te o+ter herbes. Stamp +tam
samen & sethe +tam in white wyne & gyf it hym at drynk
&, if it come owte at +te wounde & he caste nott, +tan it is
a takyn +tat he sal lyfe. +Tan gare serche +te wonde &
schaue +te broken banes qwayntely +tat +tu tame nott +te
tay of +te harnnes &, if it blede faste, wipe softely with
softe lyne & syne tak softe lyne & wympill to-gedir & lay
it ouer +te wonde & tak whete flour wele boltede & strewe
on +te clowte +tat lygges on +te wonde. & after +tat late a
woman +tat fedis a knafe childe, if it be a man +tat is
woundide, mylke hir pappes softely on +te mele +tat is
strewed on +te cloute +ter-on & strewe it with flour, as +tu
dide +te to+ter, & of +te mylk till it be euen with +te         #
flesche,
& hille +te heuede & late it be stille til on +te morn. +Tan
vnhill +te hede softely &, if +tu fynde +ter-aboun as it were
a burbill +tat standes on +te water when it raynnes, +tan is
it a sygne of dede &, if +tu see bi-fore his tay als it ware a
spynnande webbe or rede, +tat is taken +tat +te ryme of +te
hernes es broken & it is a sygne of hasty dede. &, if +ter
be many of thir sygnes, gyf hym ilk day twis at drynk,
<P 70>
anes at morne, ano+ter tym at euen, +tis drynk. Gars
broken banes come owte & clenses +te ryme of +te hernes
of blode & heles +te wonde, and, if it be swa broken +tat
men by-houes do +ter-in masere, late +tan wele rounge
+te broken of +te heuede als bi-fore it is said & sett +ter-in
a pese of maser & anoynt it with +tis oynement after
wretyn.
   Tak pulioll montane, baynwort, ambrose, rib, bubill,
seterib, celidoun, cheuerfoill, rede nettill, lekes, ache,
waybrede, morell, tansay, & betoyn, of ilkane ilike
mekill, & stamp +tam wele samen with swyne gres fresche
& fre rekills, a lytill hony, vyrgyn wax, &, when all thir
thynges ere wele stampede samen, do +tam in a clene
bacyne or in a pan & do +ter-to white wyn & +tan lat it 
stande all a daye & a nyghte & on +te morne do it vn-to
+te fire & sethe it wele & gyf it gude walmes. Syne tak
it doune and drawe it thorowe a clathe & do it vp &,
+ter-whils it is oghte sare, anoynt it +ter-with & it sall hele
full wele.
   Tak a handfull of malues and a handfull of wormot & a
handfull of mugwort, & stamp +tam samen full small, &
tak iiij vnces of +te flour of whete & iij vnces of hony &
rede wyn & tak iij vnces of galte gres & do +te hony in a
panne & scome it & do +ter-in +te gres & mak it to welle
hate & syne mak it in a playster & lay it alle warme on
+te heuede.
   Tak +te heuedis of lekes with alle +te fases & stampe +tam
& do +te woyse in +te wonde. & tak lyne & mak a tent &
wete it in +te woyse & putt it +ter-in. & tak +te substance
of +te lekes at +te jus was wrongen thurgh & lay it appon
& bynde it +ter-to. Do +tis plaster iij dayes to, bot
remowe it noghte bot ilk a daye anes, &, after +te iij day,
tak whete mele & gude wyn & do whitte sayme +ter-to
& welle wele to-gedir. +Tan tak a lyn clathe & do ij
falde or thre or a pece of white lethir & do +tin enplaster
+ter-on & lay it ouer +te wonde & do so ilk a daye and
gif hym at drynke thir iij gresses with a littill ale: pigill,
<P 71>
bugill & sanigle. &, when he hase dronken +tam, +tay
will come owt at +te wonde & clence it with-in & hele it
wele with-owtten.
   Tak larde & mak sayme +ter-of and tak hony & wyne &
rye mele & sethe +tam to-gedir & do +tam on a clathe &
lay it +ter-to & it sal clence it & hele it.
   Or tak centory & mak poudir +ter-of & strewe it on +te
wonde & it sal hele it.
   Or take +te jus of ache & +te whitte of an egge & +te
flour of whete & pouder of rekills ana, & menge +tam
to-gedir so +tat it be thik & do it one +te wonde & remewe
it ilk daye anes.
   Tak betoyn a handfull, comfory a handfull, madir,
baynwort a handfull, of hemp sede ij vnces. Stamp all
to-gedir wele & small. Tak +tan a quartron of white wyn
& a quartron of water & do all in a pott ouer +te fire &
sethe it into +te halfe & coyle it thrugh a clathe & drynk ilk
a day a mese at +te morne & at +te euen & lay a brere lefe
to +te wonde.
   Tak comfery, marygolde, matfelon, millfoile, auance,
+te white rute of +te walwort, baynworte, cerfoil, herb
Robert, ambrose, maro+gl, pelwet, rede dok, polipodi &
celidon ana, & of mader halfe +te weghte of all +tir o+ter
herbis. Sethe +tam in ale or in wyn & drynke +tam morne
& euen. Do as it es said by-fore.
   Tak +te rede nettill, rede cale, pympernoll, cerfoill,
mynt, porret, tansay, aueroyn, bugill, sanigle, waraunce.
Now here bene +te wertus of thies herbes: +Te nettill &
+te rede cale suffers noghte +te wonde hele. Of thies
herbes tak a pounde. Mynt & porret, +tat swages werke
in wondes. +Ter-of tak halfe a pounde. Bugill & sanegle
haldes +te wondes fra perell. +Ter-of tak a pound.
Pympernolle, cerfoill & waraunce ledis +te drynke in-to
+te wounde. Of +tam tak halfe als mekill als of all
+te to+ter herbes. +Tan stampe +tam in a mortere & mak
smalle balles of thaym, of +te mekilnes of a doufe egge,
& do +tam vp to drye fra +te wynde & +te sonne.
<P 72>
   Tak auance, tansay, egrymoyn, hemp croppes, ony+gone
sede, rede cale croppes, ambros, matfelon & als mekill
mader as of thre of theis o+ter herbes, & stamp +tam to-gedir
& drynke +tam.
   Tak auance, comfery, +garow, croppes of hempe,
tansay, rede cale, aueroyn, & mader als mekill as halfe
thies o+ter herbes, and syne stamp +tam & mak +tam in
balles & do +tam vp to drye.
   Tak waybrede, rib, violett, auances, cropp of +te rede
brere, matfelon, herb Robert, tansay, betoyn, milfoille,
comfery, baynewort, of ilkane ilike mekill, & of +te rote
of mader agayn all thies o+ter herbes. Stampe +tam all
& mak pelottes of +tam & dry +tam in the sonne or in +te
wynde & drynk +tam in wynnter.
   Tak a pound of virgyn wax, a pounde of olibanum, a 
pounde of encruce of +te ere, a pound of ditayne, a pound
of playntayn, a pound of jubarbe, a pound of littill
consoude, a pound of milfoille & a pound of watercresses.
Tak thies gresses & stampe +tam ilkan by hy[{m{]
ane & temper +tam with wyn & late +tam rest a nyghte &
on +te morn do +tam in a pott ouer +te fire & late +tam
welle wele & syne tak it doun & drawe it thorow a clene
clathe.
   Tak herb John, herb Robert, bugill, pigill, milfoille,
consoude, playntayne, auance, of all thies herbis tak
+te jus, & wax & pik & a littill gres, & mak syroyn. To
all kyles & wondis it is gude.
   Tak +te firste iij dayes & lay +ter-to noghte bot lyne
& +te white of an egge & chaunge it morne & euen. 
& +tan tak ix stalkes of gronswale with +te rotes & v of
spourge with +te rutes & als many croppes of +te rede
brere, & stampe all wele to-gedir with a sawcerfull of
hony, +tan wrynge owte all +te jus thurgh a clene clathe
& do it in a clene pane ouer +te fire & boile it a whalme.
& +tan tak it doun & stop +ter-in iij dices of whete brede
& gif hym thase thre at euen, when he gase to his bedde.
& do so with ilk a sirope & brede viij dayes or ix. And
when +tu sees +tat +te wounde es wele rotyn & whelis
whitoure faire, tak +tan iij stalkes of gronswalle & v of
<P 73>
spourge & fyue of brere croppe & stamp +tam & mak thi
syrope als +tu dide bi-fore & dice it with brede stoppede
+ter-in morne till +tat it be hale & lay not to +te wonde
bot firste smalle lyn +ter-on & a brere leffe +ter-on abouen 
or a rede cale lefe & luk ay +tat he ette no gowttous
mettes.
   He +tat will mak littill syrone, tak gud fresche schepe
talghe, virgyn wax, pik nauale, galbanum. Gare +tam
boyle welle & styrre +tam softely & do a littill wyn
+ter-in. Syne tak mirre & olibanum and powdir of
mastike & do +te foresaid thynges +ter-in & lat +tam boile
wele, bot luk +tat +tay be wele stirrede. +Tis syroyn is
ful gude.
   Tak a handfull of savyn & a handfull of sauge & a
handfull of rewe & a handfull of tansay, & stamp +tam
wele to-gedir & sethe +tam wele in oyle of olyue & do
wax & swyn grese +ter-to fresche & powder of mastik
& do all to-gedir & mak ane oynement +ter-of.
   Tak celydoyn rotes & of gouke flores with +te leues,
centrum galli, wild louache, of ilkan a handefull, scabius,
a handfull. Thies herbis stampe wele with a pounde of
schepe talghe & a pounde of olyue &, when +tay are wele
stampede, do +tam to-gedir & lat +tam riste vij dayes or
viij & syne sethe +tam in a vesselle ouer +te fire to +te
gresses falle to +te grounde & syne coyle +tam thorow a
clathe & do +tat ilk coylett in a caldron & do +ter-to iij
vnces of wax in somer, in wynter ij vnces, &, when all
es molten, caste in-to +tam pouder of olybane, mastik &
vertgrese & of ilkane halfe ane vnce. Bot, or +tu do in
the vertgres, proue +tam halfe to-gedir & loke if +tay
change colour so +tat it wax grene. Do it fra +te fire &
caste +ter-in an vnce of aloen epatik pouderd & in oyle
resolued & menge al togedir. +Tis oynement is gud for 
all wondis & to gedir new flesche, & fordose dede
flesche.
   Tak galt gres, hony, & oyle of nuttes, & do +ter-to +te
jus of chesseboll croppes grene with all +te sede & +te
jus of rew & waybrede. Sethe wele +te jewses of thiese
herbis all samen & mak thi salfe wele +ter-of & syne coyle
it & do it in boystes. 



