<B CMTRINIT>
<Q MX/1 IR HOM TRIN5>
<N TRIN HOM 5>
<A X>
<C MX/1>
<O X>
<M 1150-1250>
<K NON-CONTEMP>
<D EMO>
<V PROSE>
<T HOMILY>
<G X>
<F X>
<W WRITTEN>
<X X>
<Y X>
<H X>
<U X>
<E X>
<J X>
<I X>
<Z INSTR REL>
<S SAMPLE X>


[^TEXT: TRINITY HOMILIES.
OLD ENGLISH HOMILIES OF THE TWELFTH CENTURY.
SECOND SERIES.
EARLY ENGLISH TEXT SOCIETY, O.S. 53.
ED. R. MORRIS.
LONDON, 1873.

PP. 25.1   - 31.16 (V)
PP. 67.16  - 75.31 (XII) 
PP. 117.1  - 121.4 (XX) 
PP. 131.23 - 141.8 (XXIII)^]

<P 25>
[} [\V.\] }]

[}PATER NOSTER.}]

   (\Pater noster et cetera.\) +Du singest +te salm +te me      #
clepe+d crede.
+tu seist +tat on gode bileuest. and dost cnownesse +tat he is
+ti louerd. ac +tanne +tu singest +te salm +tat is cleped       #
pater noster.
After +te forme word of +te salme; abugest gode. and cnewlest
togenes him. and biddest +tat all his wille wur+de. and menest
to him +tine fele nede. and biddest +tat he hem alle bete. +tus
que+dende. (\ [{P{]ater noster qui es in celis.\) fader ure     #
+tu ert in
heuene. +te holie +tremnesse +te shop and biwalt alle shafte;   #
we
clepie+d ure fader for two +ting. on his for +to +te he us      #
shop; and
feide +te lemes to ure licame. and +te sowle +tarto. +te sene   #
to +te
egen. +te hlust to +te earen. and to elche lime limpliche       #
mihte.
and swo digeliche hit al dihte; +tat on elche feinge is hem on
sene. and eft he us wile feie; +tanne we shulen arisen of       #
dea+de.
and for+ti we clepe+d him fader for +tat he us feide here.      #
O+der
is +tat he fet alle liuiende +ting. +te bi mete liuien. alle    #
nutten
openliche; and gres and trowen dieliche. Ac on of alle nutten
+tat is man. he fet on two wise. noht alle; ac sume. +Do        #
unrihtwise
openliche mid licames bileue; and +te sowle mid hire bileue.
and +teih he alle +ting +tus fede; he nis na+demo nemned heore
alre manne +teih hem alle fede. ac sunderlepes he is here fader
mid wisse. +te on rihte bileue. and on so+de luue understant    #
his
holie fles. and his holie blod. +tat ben +te rihtwise. and +te  #
bileafule.
and +te godfrihte men; +te lade+d her lif alse me hem in
chireche lere+d. and +to +te swo ne don; habben to fader +te    #
deuel
+te fet hem alle +to +te him folege+d. and on +te forme men;    #
alle
ueide er. and mid licames luste; alle unbilefulle men +te +to
weren. and get ben. he fede+d. and is +tarfore hore fader.      #
(\Sanctificetur
nomen tuum.\) bledsed be +ti name on us. swo +tat we on 
alle ure +tanke. +te heien on alle ure worden. +te herien; on   #
alle
ure deden +te wur+dien. and ouer alle +ting +te luuien. and swo
<P 27>
ernien +tat we habben moten of +tine holie name +te tocne       #
imene.
(\Adueniat regnum tuum.\) Cume +ti rixlinge. To sume men
cume+d ure louerd ihesu crist. and litle hwile mid hem bileue+d
and si+d+den him forlete+d. Swilche ben alle +to +te here+d     #
godes
word on lor spelle. and +tenchen +tat hie wille+d here synnes   #
leten.
and ne don. To sume men cume+d ure louerd ihesu crist. and
bileue+d mid him. and na+demo ne rixle+d noht on him. Swilche
ben alle +to +te hauen here synnes forleten. and bi prestes     #
wissinge
hem gernliche bete+d. To sume men he cume+d. and biginne+d
on him to rixle on +tis e+deliche liue. and wille fulliche      #
rixle
on him eft on +te eche liue. ac swilche ben arue+d finde. nu    #
abuuen
eor+de. and na+deles manie be+d get. +to ben +te godfrihte +te  #
clene
ben of synnes. and lete+d unwur+d of alle woreld wunne. and
luue+d rihtliche alle liuiende men. and ben hersume alle godes
hese. and is +tis woreld lo+d. and habbe+d longinge to heuene.  #
and
ne gierne+d to none +tinge; bute after godes wille. (\Fiat      #
uoluntas
tua sicut in celo et in terra.\) Wur+de +ti wil on eor+de swo   #
hit
is on heuene. swo +tat me +te quemen of here liflode on eor+de.
alse don +te engles on heuene. (\Panem nostrum cotidianum da
nobis hodie.\) Gif us to dai ure daihwamliche bred. Al hit is
cleped bred; +tat is mannes bileue; ac na+deles bred bitocne+d  #
+tre
bileues. On is +te mete. +te +te lichame bruke+d and biliue+d.  #
+Dat
o+der is godes word. +tat is +te sowle fode. +te +tridde is     #
for mete +tat
ilch man agh mid him to leden. +tan he sal of +tesse liue       #
faren.
+tat is cristes holie licame. +te giue+d alle men eche lif. and
blisse in heuene. and gief we wise ben; we mugen mid one
worde +tese +trie +ting bidden. and ben bene ti+de. (\Et        #
dimitte
nobis debita nostra.\) And forgiue us ure gultes +te we hauen   #
don.
and ofte on idel +tonke. on unnet speche. on iuele dede. and
muchele mo si+de +tanne we segen mugen. (\Sicut et nos          #
dimittimus
debitoribus nostris.\) And swo forgiue us ure gultes. swo
we don hem here +te us agult habbe+d. Ne mai no man +tese word
seggen +tanne he godes milce bisec+d. gief he haue+d on his     #
heorte
onde. o+der ni+d. o+der hatiunge to his emcristene. +tat he him
seluen fram gode ne dele+d. Ac bidde+d +tat godes wra+d+de cume
uppen his ogen heued. (\Et ne nos inducas in temptationem.\)
<P 29>
Louerd shild us fram elche pine of helle. Elch pine is fremed   #
on
+tre fold wise. On is +te defles tuihting and mislore, +tat     #
o+der is
mannes licunge. +te +tridde is mannes wille. +tane he wile don.
o+der que+den hwat him +tanne lica+d after defles lore. +te     #
egginge
and +te likinge him bringe+d in to helle pine. +Dre +ting be+d  #
+tat
mankin heuie+d. On is +te selue lust. o+der is iuel lehtres.    #
+de
+tridde flesliche lustes. and +tese two +te ben leihter and     #
lust;
uulste+d +te +tridde +tat is +te flesliche lust. +te mankinne   #
forlere+d.
and al hit is bi +te deuel. +tat men +tus forlerede. Alse
hit bi +te wimman and bi sheawere. hie bihalt hire sheawere.
and cume+d hire shadewe +taronne. +te shadewe hire tache+d. hwu
hie mai hire seluen wenlukest makien. for hie wule liken alle   #
+te
lechures +te on hire loke+d. and swo dragen hem to hire. Al swo
cume+d +te deuel in to +te mannes herte +tan he wile healde     #
sunderrune
wi+d him. and +tus que+d. +Du ert wel don man. and +tarto
wur+dlich. Gef +tu takest to huse +tu best men +te unwur+dure
ac gef +tu werest elche dai faire clo+des. and best rum-handed
to glewmen and to hores. +tu shalt ben lef and wur+d. and
liken alle men. To +te man +tat is ni+dful. he speke+d on his
herte and +tus que+d. Ful mai +te +tinke +tat forcu+der haue+d  #
faire
weden. and +tu unwreste. and he wereldes richeise and +tu ware
betre wur+de. Wi+d +te hatiende man he spec+d on his herte. Nu
shalt [{+tu hatien{] +to +te iuel hauen don. and biremen him    #
mid euel
wordes. and maken him to forlesen his aihte. vnwreste +tu best
gef +tu wreche ne secst. hwanne +tu time siest. gief mihte +te  #
+te
atiere+d. To +te eiht-gradi men he rune+d on his herte and      #
+tus que+d.
Gef +tu best aihteles +tu best unwur+d. and lo+d. ac gef +tu    #
hauest
woreld wele. +tu miht +tarof wur+dliche fare. and swo loken +te
+tat +tu best lef and wur+d. and miht for ure drihtenes luue    #
fele
almes dele. +teih +tu hit mid unrihte bigete. o+der on untime.  #
Gif
+tarof for godes luue. +tanne be+d +te synne forgiuen. gef +ti  #
prest
nis clene man. +te shal +tine to+dinge understonden. del hit    #
men +te
muge bidde for +de. To +te narewe herted man on his +tonke he
sei+d. witte wel hwat +tu hauest. walte hwat +te tide. and cune
sume me+de +tenne +tu almesse makest. +Du hauest e+deliche bi
aihte to helpen +tine kenne. wel wur+d wunne be of wur+dshipe   #
swo 
<P 31>
hit be. On +te drunken men he rune+d mid his herte and sei+d.
Esteliche eten. and drinken make+d +te man fair. and wurliche.
and on manie mihte +tat +tu etest and drinkest and werest. +tat
+tu hauest. and gef +tu ani +ting spelest and leuest. +tat +tu  #
fo[{r{]lest.
On +te gole men he gel+d wi+d his herte. and +tus que+d. Gef    #
+te
is lef +tin hele. heald +tin cunde. and +tine licames lust kel  #
ilome.
and naht on feawe ac on fele wise. +te wile falle wel to echen  #
+tis
woreld. Gef +tu strene wult haue; ne haue +tu naht +tin ogen
wif. ac o+der mannes imene. +teih lerdemen segen +tat hit be    #
muchel
sunne +tat man his licames lust drige. ofte +teih hie bispused  #
ben.
and don hit for strene. here liflode ligne+d hem seluen. for ne
do+d hit none swo ofte se +te hodede. +te naue+d him selue      #
naht on
ac fele imene. and gef he +tat hielde synne. he wolde +te dede  #
wi+dtien.
+Dus deuel egge+d +alch man on his herte. and maca+d +tat
he wule do +tat he him to teihte. (\Set libera nos a malo.\)    #
Ac les
us louerd of his egginge. and of alle iuele. amen. swo hit      #
wur+de. 

<Q MX/1 IR HOM TRIN12>
<N TRIN HOM 12>
<A X>
<C MX/1>
<O X>
<M 1150-1250>
<K NON-CONTEMP>
<D EMO>
<V PROSE>
<T HOMILY>
<G X>
<F X>
<W WRITTEN>
<X X>
<Y X>
<H X>
<U X>
<E X>
<J X>
<I X>
<Z INSTR REL>

<P 67>
[} [\XII.\] }]

[} (\ [{DOMINICA I{] IN XLA.\) }]

   (\Preocupemus faciem domini. et in psalmis iubilemus ei.\)   #
+te
holie prophete dauid minege+d us on +te sealmboc to beregen
us +te wile +te we mugen. wi+d +te eiseliche shame. and mid te
bitere grame +tat alle synfulle men shule +tolen on domes dai.
+tat ne haue noht here sinnes forleten. and bet; er +tan al
mankin. +te was. and wurh. and nu is; cumen to one mote. and
ure louerd ihesu crist cume+d of heuene to hem. and shode+d +te
gode fro +te iuele. (\Et statuet oues a dextris; hedos autem a 
sinistris.\) and shode+d +te rihtwise an his rihthalue and      #
wur+de+d
hem. and here+d. for hie hauen him er wel quemed. and giue+d
hem to medes eche lif. and blisse. and heuene mid him seluen;
and sei+d. (\Uenite benedicti patris et cetera.\) cume+d ge     #
blescede.
and underfo+d +tat riche +tat giu is igarked fro +te            #
biginnigge of +te
worlde. Si+den he sette+d +te synfulle on his lifthalf. and     #
wite+d
<P 69>
hem +tat hie bi here lif dages ne wolden him quemen. and here
agene synnes. on dede. and on speche. unhile+d hem seluen. and
shameliche hem bigrede+d. and fule shende+d. biforen al         #
heueneware.
and eor+deware. and helle ware. and +tenne sende+d ure
louerd ihesu crist hem mid saule. and mid lichame into helle.   #
to
wuniende on eche wowe. +de +de+den for+d shal wexen alse he     #
seide.
(\Ite maledicti. et cetera.\) wite+d ge aweregede gostes in     #
+tat eche
fur +tat is garked to deuules and here fereden to wuniende      #
eure.
and o abuten ende. +tus here agene sinnes hem shende+d. and
hie ben of-gramede wi+d hem selfen. for +tat hie nedden here
synnes er bet. and wi+d +tis michele shame boregen +te wile     #
here
bot dai laste. Ure bot dai is nu. and laste+d +te wile +te god
wile. bete we gerne. and ben afterward +te edinesse +te +te
salm boc of spec+d +tus que+dende. (\Beati quorum remisse. et
cetera.\) Edie ben alle +to; +te here giltes ben atleten. and
helid here sinnes. +tat ben +to +te hem rihtleche+d. alse +te   #
prophete
dauid hem lerde. (\Preocupemus f. d. in. con.\) +tenche we ure
giltes er +te dom cume. and forleten ure synnes. and bimurnen
hem sore. and shewen hem at shrifte. and beten hem swo +te
prest us wisse+d. and beten swo mid bote al +tat we er breken.
+tat god ne finde +tanne on us no gilt unpined. +tanne ne       #
+tarf us
no+der gramien. ne shamien. To forleten ure sinne us minege+d
+te holie prophete ieremie. +dus que+dinde. (\Derelinquat       #
impius
uiam suam et cetera.\) Forlete +te iuele man his wei. and +te   #
unrihtwise
his fele unnette speche. and turne to gode. Iuel is +tat
ne wile his agene saule helpen. and we ben mest alle. and ure
wei +te we shule leten. is ure liflode +te we shule rihtleche.
Unrihtwise we ben +tanne we ne don ure helendes wille. +te      #
lesde
us of dea+de. and gif+d us al +tat we bi ben. and eche lif      #
bihote+d.
and wile lesten alle +to +te him heren. and gif we don ure      #
wille
+te us teo+d eure to herme. and here iuel don and werse         #
+tenchen
to don; +tat is unriht. +te holie man iob +te non ne was his
efning on eor+de. he us giue+d fair forbisne to bireusen ure    #
saule
sor. +tat is ure sinnes. +ter he sei+d. (\Dimitte me domine u.  #
p. p.
d. m. a.\) +tole me louerd alitelwan +tat ich bimurne mi sor;   #
er
ich wite to +te +testere wunienge. and +te holie boc sei+d on   #
o+der
<P 71>
stede. (\Qvacunque hora homo ingemiscit peccata sua             #
remittuntur 
ei.\) alse wat swo +te man his sinne sore bimurne+d ure drihten
le+de+d +te sinne bendes. and blisse+d swo +te soule alse +te   #
boc sei+d.
(\Secundum multitudinem dolorum m. in. c. m. et cetera.\) alse  #
fele
sorinesses swo ich haue on min herte; for mine sinnes; mid
alse fele frefringe +tu hauest blissed min soule. and +tanne we
hauen ure sinnes forleten. and +tus bimurnen us bihoue+d +tat   #
we
don; alse +te holie prophete us minege+d +tus que+tinde.        #
(\Confitemini
domino quoniam bonus\) ; kneowe+d ure louerd for +tat he is wel
god. and swo mild heorted. and sein iacob sei+d on his pistle.
(\Confitemini alterutrum peccata uestra et cetera.\) shewe+d    #
giwer
sinnes on o+der stede. and awich o+der stede age we hem to
shewen. vre drihten us sei+d on +te godspelle. +te sein lucas   #
makede.
+ter +te .x. li+d+droweres clepeden biforen ure drihten. and    #
seiden.
(\Iesu preceptor miserere nostri.\) +tu helend +te mid +tine    #
wordes
helest. alle +to +te wilt. haue milce of us. (\Et dixit eis.    #
Ite et
ostendite uos sacerdotibus\) and he andswerede hem alse he      #
do+d us
nu. go+d and shewe+d giu giuwer prest. prestes we shewed us     #
+tanne
seien hem ure ateliche sinnes +te we hauen don. and que+den.    #
and
+toht mid lestinde fule +tonke and +tanne we bien toward him.   #
gif
we hauen on ure +toht to shewen him ure sinnes. and forleten.   #
and
beten. we ben clensed of ure sinnes. gif we riht lesten +tat    #
we +tere
bihoten +tere we shule tellen. alle ure gultes +tat we ne       #
hauen noht
bet. and noht mid faire worde hihten. +to ateliche sinnes. and  #
no
+ting seien +tere +tat les beo. and no +ting of +te so+de       #
forlete. ac shewen
+tere openliche wich he is. and gif hit was don on untime.      #
o+der on
unluuede stede. o+der mid unluued lete. o+der on unluued wise.
o+der gif it was erfe+d to for+den. and smeihliche bicharede.   #
and
gif we shewe+d +tus ure sinnes. +tenne muge we fulliche ben
shrifene. ac fewe ben +tat +tus shewen heore sinnes. and +tat   #
is
long on felefelde iuele lastes. and iuele +teawes. (\Decem      #
sunt que
impediunt confessionem. scilicet hec. Obliuio. Ignorancia.
Neggligencia. Verecundia. Timor. Diffidencia. Delicacia.        #
Fiducia.
Pertinacia. Desperacio.\) Ten +ting ben +te letten men of here
scrifte. Noht alle on. ac sum on. and sum o+der. +tat ben       #
+tese and
haten +tus. forgetelnesse. nutelnesse. recheles.                #
shamfestnesse. drede.
<P 73>
Ortrowe. Trew+teleas. [{Softgerne{] Trust. wilfulnesse.         #
Misleue. +te
man +te naue+t. luue ne eie to gode. he +tenche+d selde o+der   #
naure
of heuene wele; +te forgult mid his sunnes. and helle wowe. +te
he erne+d mid his sunnes. and for +tat gult he solde his        #
sunnes at
srifte sheawen. and for +ti cume+d uppen him +tat unlimp +te    #
+te
prophete wisste on se salmboke +tus que+dende. (\Adhereat       #
lingua
mea faucibus meis. et cetera.\) Cleued be mi tunge to mine
cheken gif ich forgete +te ierusalem. +tanne man forgiet +tat   #
he
seien sholde. +tanne be+d his tunge alse hit cl[{e{]ued were.   #
[{Nutelnesse{]
lete+d +te mannes shrifte +te ne wot neure hwanne he sinege+d.
and swiche ben alle +to +te ne wilen listen lorspel. and        #
+teron lernen
wiche ben sinnen. and beregen hem. and +tat bilimpe+d to        #
godcunnesse.
and folegen +tat. and +teroffe sei+d +te boc. (\Nvllus uitare
laborat quod ignorat.\) no man ne fle+d +ting bute he wite.     #
o+der
wene +tat it him deren wille. Recheleste lette+d +te mannes     #
shrifte.
+te +turh his misleue herberge+d +te fule gost on his heorte.   #
+te him
teche+d to folgen his fule lustes. and no wuerse of scrifte.    #
and
of hem +te holie boc spec+d and sei+d. (\Peccator cum uenerit   #
in
profundum contempnit.\) +tanne +te sinfulle man beo+d bifallen  #
on
depe sinne. ne reche+d no +ting of scrifte. Shamfestnesse       #
lette+d
+te mannes shrifte. +te ne wile his sinne seien +te preste.     #
+te he ofte
sinege+d. for him sholde shamen of him. and ne understant noht
+tat +te shame +te +te man haue+d of his sinne. +tanne he hem   #
prest
shewe+d; hit is +te biginnigge of fremfulle sinbote. and +tat   #
wiste
wel +te prophete +te +tus que+d. (\Tota die uerecundia mea      #
contra 
me est; et cetera\) min shamfestnesse is to-genes me. and       #
ouerhele+d
min bend ofte. Drede lette+d +te mannes shrifte. +te ne dar
his sinnes seien +te prest. leste hit uttere cume +tat hie      #
tweien
witen. and swiche men blame+d +te prophete on +te sealm boc     #
+ter
he sei+d. (\ [{I{]llic trepidauerunt timore u. n. e. t.\) +ter  #
hem stod
eie; +ter hem ne sholde. +tat is of idele +ting. and +ter non;  #
+ter
hem sholde michel eie stonde. +tat is of gode. Ortrowe of agene
mihte lette+d +te mannes shrifte. +te +tinche+d +tat he ne      #
mihte his
sinne forlete. +teh he hem seide at shrifte. and forhete hem.   #
(\Sed
hii sunt filii diffidencie de quibus dicit scriptura. Venit     #
ira dei
in filios diffidencie.\) and swiche ben +te deules bernes +te   #
aren
<P 75>
cleped ortrowe for +tat hie sinege swo michel. +tat hie wenden  #
to
hauen forloren milce. and godes wra+d+de cume+d ofte uppe +to;  #
+te
+tat wenen. softgerne and ednesse lette+d +te mannes shrifte.   #
+te +tinche+d
+tat he ne mai +tolen hunger. ne +tirst ne o+ter pine to        #
betende
his sinnes. (\vnde scriptura dicit. Delicati se nutriunt ad     #
incendia
gehenne.\) +te softgerne fede+d hem seluen helle fur to honde.  #
and
to fote. Trist to longe lif. lette+d +te mannes shrifte. +te    #
sei+d to
him seluen on his heorte. Ich nam noht giet sad of mine sinnes.
and for+ti; ne mai ich hie noht forlete. ac o+der ich mai ben   #
sed
+teroff and +tanne ich wille hem forleten. and nime shrift. and
beten hem. ac +te holie boc blame+d +tese men +tus que+dende.
(\ [{D{]eus promittit ueniam penitenti sed non crastinum diem   #
penitencie
differenti.\) god bihet milce +to +te here sinnes forleten and
beten. ac he ne bihet noht +te lif til amoregen; +to +te li+d   #
on sinne
ac sei+d. (\Qva hora non putatis mors ueniet\) ; +Tanne +tu     #
lest
wenst dea+d cume+d to fecchende +te. Willfulnesse lette+d +te
mannes shrift. +tat +tinche+d uuel +tat man him wile neden his
sinnes to forleten. and fro +te deuel to gode turnen. and of    #
hem
sei+d +te holie boc. (\Pertinaces in malo eliminat ecclesia.\)  #
holie
chirche dele+d fro cristendom. +to +te wilfulle ben here        #
sinnes to
luuen. and lo+de to forleten. Ortrowe of godes milce. lette+d   #
+te
mannes shrift. +te haue+d michel sineged. and nele lete. ne     #
bete.
ne milce bidde. for +tat he wene+d +tat god ne wile swo michel
sinne forgiue; for none bote +tat he for+de muge. and of +tis   #
sei+d
+te holie boc. (\Qvi desperat iam iudicatus est.\) +te man +te  #
ortrowe+d
godes mildhertnesse. he is idemd to eche wowe on helle.         #
+terwi+d
us wite ure louerd ihesu crist gif his wille beo. and berege    #
us wi+d
alle iuele customes. and giue us mihte ure sinnes to forleten.  #
and
prest shewen. and wise us. and filste hem to beten. swo +tat us
beo biheue; and him to queme. (\Qui viuit et Regnat deus per
omnia.\) ... 

<Q MX/1 IR HOM TRIN20>
<N TRIN HOM 20>
<A X>
<C MX/1>
<O X>
<M 1150-1250>
<K NON-CONTEMP>
<D EMO>
<V PROSE>
<T HOMILY>
<G X>
<F X>
<W WRITTEN>
<X X>
<Y X>
<H X>
<U X>
<E X>
<J X>
<I X>
<Z INSTR REL>

<P 117>
[} [\XX.\] }]

[} (\IN DIE PENTECOSTE.\) }]

   (\Apparuerunt apostolis dispertite lingue tamquam ignis      #
seditque
supra singulos eorum spirituc sanctus.\) +Do +te ure louerd
ihesu crist fundede lichamliche fro eor+de to heuene. he        #
forbed his
apostles. and here holi ferreden +tat hie neren noht sorie.     #
+teh he
hem forle[{te{] lichamliche and seide (\Non turbetur cor        #
uestrum 
neque formidet. Rogabo patrem et alium paracletum dabit
vobis. et cum uenerit ille; docebit uobis omnem ueritatem.\) Ne
beo giuer heorte noht i+dreued ne ofdred. ich wile giu senden   #
+te
heuenliche frefringe wi+d-innen a lit dages. +te giu shal       #
frefrin
and techen alle so+dfastnesse and bringen ti+dinge of +ting     #
+te beon
to cumende. and +te faire bihese leste he +tis dai. for +tis    #
dai is +te
fiftuge+de dai. after estrene dai. alse +te louerd seint        #
lucas. seide on
+te holie pistle. +te me ret to dai and ech holie chirche. and  #
+tus
que+d. (\Dum complerentur dies pe[{n{]tecoste erant omnes       #
pariter
discipuli in eodem loco et cetera.\) On +te fiftu+de dai.       #
after estrene
dai weren alle +te apostles. and here fereden gadered on one    #
stede.
sittinde and salmes singende. and god heriende. in +te temple   #
of
ierusalem. (\Et factus est repente sonus tanquam aduenientis
spiritus vehementis et repleuit totam donum ubi erant apostoli
sedentes.\) riht to-genes +te undrene alse +te holi songere     #
sei+d on
his loft songe. +tus que+dinde. (\Dum hora cuntis tercia; r.    #
m. i.
o. a. d. u. n.\) +To com a dine of heuene. ase +teh it were to  #
kidende
+tat +te holi gost com uppen +te apostles and filde ful +tat    #
hus +tere
hie inne seten. (\Et apparuerit illis dispertite lingue tanquam
ignis seditque supra singulos eorum spiritus sanctus.\) +Do     #
openede
+te holi gost him seluen to isende bi +tan +te hem +tuhte       #
shapen alse
tunge fele twiselende. and on fires hewe and for +tat hie him
swich segen seint ambrosius shewed +tus; and sei+d. (\Uerbis ut
essent pro. et c. f.\) +tat is on englis he hem makede fundie   #
on worde.
For +teh it were ones londes speche on +te apostles mu+des +te  #
+tere
speken; ech man +te hem herden were of wiche londe swo he
were. for +tere weren men of eche londe +tat is under heuene    #
li+de.
<P 119>
hit +tuhte here ech sunderlepes +tat it was his londes speche.
Swo +te holie gost hem fulde of him seluen and sette +te word   #
on
hem +te +tere speken. and skilede on hem +tat hie herden. alse
seint lucas sei+d. (\Repleti sunt omnes spiritu sancto et       #
ceperunt
loqui prout spiritus sanctus dabat eloqui illis.\) +Tus hie     #
segen +te
holi gost on tungene euene. and +terefore weren fundie on       #
speche.
alse ich nu seide. ec hie him segen on fures hewe al ich er     #
seide.
and weren +terof wallinde on so+dere luue godes and mannen. swo
+tat hie luueden gode more +tene hem seluen. and ech cristene
man alse hem seluen. (\Ignis enim ut ait scriptura triplicem
uim habet scilicet illuminandi. calefaciendi. consumendi. quam
spiritus sanctus effecit in apostolis augendo fidei feruorem.   #
caritati
splendorem. et consumendo. irremittendo. siqua fuit in eis
peccati macula.\) Fir haue+d on him +tre mihtes on to giuende
hete. o+der to giuende liht. +tridde to weldende elet to none   #
+tinge.
+tese +tre mihte notede +te holi gost on +te apostles. and      #
+terefor
com uppen hem on fires hewe alse ich er seide. and alihte hem
of brihtere and of festere bileue +te hie hedden er. and maked
hem hattere on so+de luue to gode and mannen, and welde here
sinnes to none +tinge, for gif anie hadden don he hem mid alle
forgaf. +Dus +te holie apostles were gadered on ane stede. and
+tus +te holi gost com uppen hem and fulde hem of him seluen.
and freurede hem of sorege. and tehte hem speken eches londes
speche. and lihte hem of rihte bileue and makede hem hattere
on so+de [{luue{] to gode and to men. and clensede hem alle of  #
+te
hore of alle sinnes. Bidde we nu +te holigost +tat he haue      #
milce
of us and gife us hige. and mihte. to forleten and bireusen and
beten ure sinnes. and gedere ure alre herte to clene +tonke     #
alse
he gaderede +te holie apostles. in +te temple. and hure         #
lichames in
+tis holie minstre. +tat he cume uppen us and wune in us. and
freure us of alle sorege alse he hem dide. and lihte on us      #
rihte
bileue. and make us wallende of so+de luue and clene of alle
sinnes. and giue us swo findige speche. +tat +te fewe word +te  #
we
on ure bede seien be cu+de alle halegen; +te wunie+d on heuene
<P 121>
+tat hie +tingen us to +te +tremnesse. fader. and sune. and     #
holi
gost. +tat he wisse and fulste fulien +ter apostlene lore. and  #
on
here ferreden hauen eche lif and blisse mid him. (\Qv[{i{]      #
viuit
et regnat in vniuersa secula seculorum deus.\) 

<Q MX/1 IR HOM TRIN23>
<N TRIN HOM 23>
<A X>
<C MX/1>
<O X>
<M 1150-1250>
<K NON-CONTEMP>
<D EMO>
<V PROSE>
<T HOMILY>
<G X>
<F X>
<W WRITTEN>
<X X>
<Y X>
<H X>
<U X>
<E X>
<J X>
<I X>
<Z INSTR REL>

<P 131>
[} [\XXIII.\] }]

[} (\DE SANCTO IOHANNE BABTISTA.\) }]

   (\Inter natos mulierum non surrexit maior iohanne            #
baptista.\)
Un-ligel man selde lige+d. and so+d-sagel man sei+d ofte so+d.
and he +te neure ne lihgh ne lige ne wile. ne ne mai. +tat is   #
ure
helende. he sei+d eure so+d and +terefore is so+d +tat he       #
seide bi +te
louerd Seint iohan baptiste +tus que+dinde. (\Inter natos       #
Mulierum 
et cetera\) of alle +te bernes. +te ben boren of wifes bosem.   #
nis
non more +tenne iohan +te fulcnere. +De forme man +te com in    #
+tis
<P 133>
midden-erd +tat was adam. ure alre fader he was more. (\Quia
inmortalis fuit. donec peccauit\) for +tat he was undea+dlich   #
forte
he sinede. and eure beo mihte gif he him wite wolde. ac he ne
was boren of wifes bosme. ne ne hadde fader ne moder. (\Set
dominus fecit eum de uirgine terra.\) ac ure drihten him shop   #
of
eor+de +tat was unfiled. Eftsone ure helend +tat is sheppende   #
and
wealdende of alle shafte is more +tene Seint iohan baptiste ac  #
he
was strened of +te heuenliche fader. er +tanne +te heuene       #
o+der eor+de
shapen were. and ne was of wifes bosme boren. and was of +te
holi meydenes ure lefdi Seinte Marie. Ysaac. +tat +te lif holi
wimman sarra on hire elde kennede. and te lif holi man
abraham. on his elde strende. alse ure drihten hadde er +tan
+tan iseid. +tat he sholde he ne was noht more ne for+de swo
michel a sume wise swo seint iohan baptiste Ne non o+der of     #
wifes
bosme boren. and +tat is sene on +tre +ti[{n{]g of him. on his  #
hidercume.
o+der [{his{] he[{r{] biwist. +te +tridde his he+densi+d.       #
(\ [{A{]duentus
eius in mundum fuit mirabilis. Status eius in mundo difficilis
multimoda afflictione carnis. Exitus eius de mundo triumphalis
quia dum facinora uiriliter obstitit. et hostem uicit. et       #
mortem
perdidit et uitam inuenit.\) his hidercume was ful of wundren.  #
+te
ure drihten wrohten; to wur+dende mid sein[{t{] iohan baptiste  #
+te
forme wunder was; +tat +to +te god fundede of heuene to eor+de
to fonden mennisshe. of +te holie meidenes inne+de ure lafdi
Seinte Marie. +Do spec +te heuenliche fader to +te sune         #
heuenliche
of seint iohan and efnede him to engel +tus que+dinde. (\Ecce
mitto angelum meum qui preparabit uiam tuam ante faciem
tuam.\) here ich sende min engel biforen +tine nebbe +te shal
ruden +tine weie to-fore +te. (\Et reuera fuit angelus non
naturaliter sed officialiter.\) and he was iwis godes engel     #
noht of
kinde for +tat he ne was noht gost; ac on wike. +tat o+der      #
wunder
was; +tat he ches two lif holi men him to fader. and to moder
+te weren bo+de teames ateald. and heo +te wimman was barrage
swo +tat heo ne mihte for unkinde hauen no child. +Tat +tridde
wunder was. +tat god sende +te holi engel gabriel to +te lif    #
holie
prest zacharie. +to +te he gede in +te temple mid his rechel    #
fat. to
rechelende +te alter. and sende him seggen +tat he sholde +tis  #
holi
<P 135>
child strene. +De holi man sah +te heg engel atte alteres ende.
and war+d of-grisen, and ofdred. and te engel qua+d to him;
and sede (\Ne timeas zacharia. quoniam exaudita est oratio tua
et elizabet uxor tua pariet tibi filium et vocabis nomen eius
Iohannem ... et in nativitate eius multi gaudebunt.\) Ne beo
+tu zacharie noh[{t{] of-grisen. +tu hauest longe iwist after
strene and god haue+d herd +tine bede; and ti+ded te bene.
and elizabet +ti spuse shal hauen a cnauechild. and him shal
to name iohan. and hit shal beo +te to michel blisse. and
fele shule fagenien on his burde. (\Erit enim magnus coram
domino.\) for he shal ben michel bifore gode. (\Et adiecit
angelus explicare seriem magnitudinis iohannis contentam
in quatuor. scilicet. Virtute abstinencie. Donis gracie.
Officii dignitate. Et palma uictorie.\) +Te childes michelnesse
sheude +te engel on fuwer +tingen. On is wi+d-teinge of alle
lichames lustes. and iuele lastes. (\Et uinum et siceram non
bibit et cetera.\) +Tat o+der is un-erned giue. +tat +tridde    #
is heh
wike. +tat feor+de is wlites ending his michelnesse was unhiled
on ten fold wise and mo. an is +tat +te heuenliche fader        #
heuenede
him to engel. (\Vt ecce mitto angelum meum et cetera.\) O+der   #
is
+tat he sende +te heh engel to +te holi man +te him strene      #
sholde.
(\Et uox tua pariet tibi filium.\) +Tat +tridde is +tat +te     #
fader bicom
dumb. for he ne lefde hit noht +tat +te engel him sede. (\Et    #
eris
tacens usque ad natiuitatem eius.\) +te feor+de is. +tat his    #
moder
him bar si+den heo was teames atold. and neure er ne was mid
childe; for kinde hit hire werende. (\Et processit in diebus    #
suis
sterilis.\) +te fifte is. +tat +to +te he was on his moder      #
wombe get unboren
he witegede of ure helendes to cume. and of +te maidenes
+te him bar get on hire swete wombe. +tat is ure lafdi seinte
marie. (\Et exultauit infans in utero meo.\) +te sixte is +tat
elizabet was liht of +te holie gost +te was on +te child +te    #
hie
mide hiede. swo +tat hie ec witegede of ure helendes to cume.
(\Et unde hoc michi ut ueniat mater domini mei ad me?\) +te
seue+de is +tat he giaf his fader mihte to speken +te hadde     #
dumb
<P 137>
ben; si+de he +te engel mislefde. (\Et apertum est os zacharie  #
et
prophetauit.\) +Te egte+de is +tat ure drihten him ben fulcnen  #
on
watere to synbote. and fulcning beden and ec seggen (\Super
quem uideris spiritum descendentem. et cetera. Hic est qui
baptizat in spiritu sancto.\) wanne +tu sest gost cumen and     #
wunien
uppe mannen he shal fulcnen on +te holie gost to sinnes         #
forgiuenesse.
+te nige+de is +tat +te heuenliche +tremnesse was mid
him +to he fulcnede ure helende. (\Pater in uoce. Filius in
homine. Spiritus sanctus in specie columbe.\) +Te fader on
stefne. +te sune on mannes efene. +te holi gost on culures      #
hewe.
+te tie+de is. +tat michele hereword +tat ure helend him gaf    #
+tus
que+dinde. (\Inter natos mulierum.\) Of alle wifes children nis
non more +tanne Seint iohan babtiste. +Tis child him self on    #
his
liflode hadde his agen michelnesse on +tre wise. (\scilicet.    #
Abstinencia
humilitate. Paciencia.\) On is wi+dteung. o+der is admodnesse.
+te +tridde +toleburdnesse. he hadde mihte te witen him of
alle flesliche lustes. alse +te apostel bit. (\Abstinete uos a  #
carnalibus
desideriis que militant aduersus animam.\) Wi+d-teod giu
of +te flesliche lustes. +te fihte+d togenes +te soule.         #
Wi+dteo +tine
egen +tat hie ne biholden non iuel ne non un-nut ne for+den     #
idel.
Wi+dteo +ti lichame fro orguil. and idel. and ouer mete wede.
Wi+dteo ec +tine golliche deden mid alle; gif +tu spuse ne      #
hauest.
and gif +tu spuse hauest; wi+dteo te on unluuede stede. and on
[{un{]luued time. +tat is +tanne +tu fasten shalt. o+der        #
halgen. Ne beo
+tu noht wuned to don hit on unluued wise ne wilful to wecchen
lust +tat to. (\Quoniam qui sic agit uehemens amator est et
proprie uxoris adulter.\) For alle +to +te swo don; don         #
ewuebruche
on here agene spuse. he hadde ec admodnesse +to al folc herde.
hwu heh. and hwu holie he was. and hwu holi lif he ladde and
wenden +tat hit were self crist and seden hit. and he           #
wi+d-qua+d
and sede. (\Non sum ego christus. nec etiam dignus ut soluam
corrigiam calciamentj eius.\) ge wenen +tat ich beo crist. ac   #
ich
nam noht ne for+den wur+de +tat ich un-cnutte his sho +tuong.   #
Ne
mihte he mid none worden ki+den betere; +tat he admod was
and him seluen mece. (\Qvia in spiritu lenitatis peccatores
corripuit. et ad penitenciam uocauit.\) Mid softnesse he        #
castede
<P 139>
+te sinfulle and minegede hem to sinbote. and to clene liflode.
(\Et semet ipsum prebuit exemplum.\) and giaf hem faire         #
forbisne of
him selfen +teh he sinful ne were alse seint ambrosii sei+d
(\ [{A{]ntra deserti. t. s. a. c. turmas.\) On his guwe+de he   #
understod
+tat he was send into +tis midden erd. to donde +trefolde wike.
(\scilicet aduentum christi prenunciare. baptismum predicare.
baptizare.\) an is to ki+den cristes to cume. o+der is bodien
fulcninge +tat +tridde is fulcnen. and me+dede +to his liflode  #
swo
+tat he was bicumelich to swiche wike. (\Ne forte cum aliis 
predicaret reprobus ipse fieret.\) For +tat he ne wolde noht    #
mis
leued +tenne he men lerde. (\Nam cuius uita despicitur restat   #
ut
eius predicacio contempnatur\) ; for nis +te lor+teau noht to   #
luuene;
gif his liflode is iuel. and ful. and for +ti he turnde ut of   #
+te burh
into wilderne. and fro mennes wunienge to wilde deores. and
ches +tere crundel to halle. and eor+dhole to bure bare eor+de  #
to
bedde. and hard ston to bolstre. Stiue here to shurte and gret
sac to curtle. Moren and wilde uni was his mete. and noht
bute water his drinke. On wecche. and on swinche. and on alle 
wise he wan wi+d his hagene lichame. and +turh swiche liflode
+tuhte swete his lore alle +to +te hit herden. +Do ne mihte his
holinesse ben no lengere for-hole. ac sprong his word wide into
al +te worelde and teh folc to him to heren his wise word. and
to sende his wunderliche liflode. and he minede alle men to     #
forleten
here sinnes and beten. and on sinbote understonden
fulcnenge. and fele +ter of him seluen fulcnede. and bi +to     #
dages
luuede herodes +te king his bro+der wif; and bi-nam hire him.
and Seint Iohan hit wi+d seide. and lettede hit bi his mihte.   #
and
te king stod eie of him. for his holinesse. and bad him swike.
and he ne dorste for godes eie forleten; +tat he +te king +tat  #
+teau
ne binome. +Do was +te king wro+d; and bad binden him and
don him in to prisune bute he wolde his word wi+dteon. +to cneu
seint iohan. +tat gif he wolde +tolen +tat te king drige his    #
unriht
he mihte liuen and ben him lief and wur+d. ac gif he wolde
folgen ri[{h{]twisnesse he sholde +terfore his lif forleten     #
and swo
dide atten ende. for +tat a maiden bed te kinge his heued. and  #
he
hit bad of acken. and hire bitechen. and he +tat e+deliche      #
dea+d
<P 141>
admodliche +tolede. and +ter mid bigat eche lif on blisse. Nu   #
we
hauen seid +treo +ting +te we giu biheten. hwu wunderlich was   #
his
hider-cume. and hwu wrecchede his her-biwist. and hwu siker
his he+densi+d. and wiche wise he was more +tenne ani o+der man
of wifes bosme boren. and a wiche wise he of +tis woreldes wowe
wot; in to eche wele. swo mote we alle. and +tere wunen mid
him abuten ende. (\Eo prestante quem ore predicauit. et digito
monstrauit. Qui. vivit et Regnat per omnia secula seculorum.\) 



