<B COADRIAN>
<Q O3/4 IR RELT ADRIAN>
<N ADRIAN AND RITHEUS>
<A X>
<C O3/4>
<O 950-1050>
<M 1050-1150>
<K NON-CONTEMP>
<D WS/X>
<V PROSE>
<T REL TREAT>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z INSTR REL>
<S SAMPLE X>


[^TEXT:  ADRIAN AND RITHEUS.
THE 'PROSE SOLOMON AND SATURN'
AND 'ADRIAN AND RITHEUS'.
MCMASTER OLD ENGLISH STUDIES AND TEXTS, I.
ED. J. E. CROSS AND T. D. HILL.
TORONTO, BUFFALO AND LONDON:
UNIVERSITY OF TORONTO PRESS, 1982.
PP. 35.1 - 40.13   

THE VERSION GIVEN IN THE TORONTO CORPUS WAS BASED ON
A WORKING VERSION BY CROSS AND HILL. THE TEXT BELOW
IS BASED ON THE FINAL EDITION.^]

[^B5.2^]
<P 35>
<R 1>
Adrianus cw+a+d to Ritheus; Saga me hu lange w+as Adam on
neorxnawange.
Ic +te secge, he w+as +trittine gear.
<R 2>
Saga me on hwilcne d+aig he gesingode.
Ic +te secge, on Fryd+aig and on +tone d+aig he was +ar
gesceapen, and on +tam d+age he eft asweolt and
for +tam Crist eft +trowede on +tam d+age.
<R 3>
Saga me on hw+a+dere Adames sidan nam ure Drihten +t+at ribb
+te he +t+at wif of geworhte.
Ic +te secge, on +d+are winstran.
<R 4>
Saga me hw+ar s+at ure Drihten +ta he geworhte heofonan and
eor+dan and ealle gesceafta.
Ic +te secge, ofer winda fi+derum.
<R 5>
Saga me hw+ar is seo eor+de +te n+afre sunne on ne scean, ne 
mona, ne n+afre wind on ne bleow, nane tid
d+ages ne +ar ne +after.
Ic +te secge, seo eor+de is in +t+are readan s+a ofer +t+are
eode Israela folc of Egipta heaftnode.
<R 6>
Saga me hw+ar scyne seo sunne on niht.
Ic +te secge, on +trim stowum;
+arest on +t+as hwales inno+de +te is cweden Leuiathan and on
o+dre tid heo scyn+d on helle and +ta +dridda tid 
<P 36>
heo scyn+d on +tam ealond +t+at is [{Gli+d{] nemned, and
+tar resta+d haligra manna [{sawla{] o+d domes d+aig.
<R 7>
Saga me for hwam scyne seo sunne swa reade on +arne morgien.
Ic +te secge, for +tam +de heo kym+d up of +t+are s+a.
<R 8>
Saga me for hwam by+d seo sunne swa read on +afen.
Ic +te secge, for +tan +te heo loka+d ufan on helle.
<R 9>
Saga me hu mycel seo sunne sy.
Ic +te secge, heo ys mare +tonne eor+de for +tam heo by+d on 
+alcum lande hat.
<R 10>
Saga me hwilc sy seo sunne.
Ic +te secge, Astriges se dry s+ade +t+at hit w+are byrnende
stan.
<R 11>
Saga me hw+at +t+as liuigendan mannes gleng sy.
Ic +te secge, +tas deadan swat.
<R 12>
Saga me hwilc sunu wr+ace +arest [{his{] f+ader on hys moder
inno+de.
Ic +te secge, +t+are n+addran sunu, for +tam +de seo moder
ofsloh +ar +tane f+ader, and +tonne ofslea+d +ta bearn 
eft +ta moder.
<R 13>
Saga me hwilc bisceop w+are +arest on +tare ealdan +a +ar
Cristes tokyme.
Ic +te secge, Melchisedech and Aaron.
<R 14>
Saga me hwilc bisceop w+are on +t+are niwan +a.
Ic +te secge, Petrus and Jacobus.
<R 15>
Saga me hwilc man witegode +arest.
Ic +te secge, Samuel.
<R 16>
Saga me hwa wrat bocstafas +arest.
Ic +te secge, Mercurius se gigant.
<P 37>
<R 17> 
Saga me hwa sette +arest wineardas of +te hwa dranc +arest
win.
Ic +te secge, Noe.
<R 18>
S+aga me hwa w+are +arest l+ace.
Ic +te secge, Aslerius se w+as cw+aden.
<R 19>
S+aga me hw+at sint +ta twegen men on neorxnawang and +tas 
gelomlice wepa+d and beo+d unrote.
Ic +te secge, Enoc and Helias;
Hi wepa+d for +tam +de hi sceole cuma on +disne middangeard
and beon deade +teah hy +ar +tone dea+d longe
yldon.
<R 20>
Saga me hw+ar wunia+d hy.
Ic +te secge, Malifica and Intimphonis; +t+at is on simfelda
and on sceanfelda.
<R 21>
Saga me for hwam si se hreuen swa sweart +te +ar w+as hwit.
Ic +te secge, for +ty +te he eft ne gehwirfde to Noe in to 
+t+are arke +te he +ar of gesend was.
<R 22>
Saga me for hwam se hrefen +turh gehyrsumnisse ge+tingode
+t+at he +ar +turh ofermodignisse agilte.
Ic +te secge, +ta he fedde Heliam +ta he in eode to +tam
westerne and him +tenode.
<P 38>
<R 23>
Saga me hw+ar by+d mannes mod.
Ic +te secge, on +tam heafde and g+a+d ut +turh +tone mu+d.
<R 24>
Saga me hwilce wihta beo+d o+dre tid wifkinnes and o+tre tid
w+apnedkinnes.
Ic +te secge, Belda se fisc on s+a and Viperus seo n+addre
and Coruus se fugel, +t+at is se hrefen.
<R 25>
Saga me for hwam seo s+a si sealt.
Ic +te secge, for+tam +te Moyses wearp on s+a +ta tin word 
+d+are +aaldan +a, +ta +da he worhte +ta breda for +tam
+te Israela folc wur+dedon deofolgild.
<R 26>
Saga me hw+at sindon +ta twegen fet +ta +teo sawul habban 
sceal.
Ic +te secge, Godes lufu and manna
and gif heo +d+ara na+der nafa+d, +danne by+d heo healt.
<R 27>
Saga me on hu manegum fi+derum sceal seo sawul fleogan gif
heo sceal to heofonum fleogan.
Ic +te secge, feower, gl+awnisse, ge+tw+arnisse, streng+te,
and rihwisnisse.
<R 28>
Saga me hwilc man w+are dead and 
n+are acenned and +after +tam dea+de w+are eft bebyried in
his moder inno+de.
Ic +te secge, +t+at w+as Adam se +aresta man, for +tam eor+de
w+as his moder and he w+as bibiriged eft in +t+are
eor+dan.
<R 29>
Saga me +t+are burge naman +t+ar sunne upg+a+d.
Ic +te secge, Jaiaca heo hatte.
<R 30>
Saga me hw+at hatte +t+at +t+ar heo on s+atl g+a+d.
Ic +te secge, Jainta hit hatte.
<R 31>
Saga me hwilc word w+as +arest.
Ic +te secge, Drihten cw+a+d, Gewur+de leoht.
<P 39>
<R 32>
Saga me hw+at is hefegost mannum on eor+dan.
Ic +te secge, hlafordes yrre.
<R 33>
Saga me hu fela si fleogendra fugela kynna.
Ic +te secge, twa and fiftig.
<R 34>
Saga me hw+at n+adderkinna si on eor+dan.
Ic +te secge, feower and +trittig.
<R 35>
Saga me hw+at fisckinna si on w+atere.
Ic +te secge, six and +trittig.
<R 36>
Saga me hwa gesceope ealra fisca nama.
Ic +te secge, Adam se +aresta mann.
<R 37>
Saga me hu fela w+as +t+are kempena +te Cristes hregel
d+aldon.
Ic +te secge, seofon heora w+aron.
<R 38>
Saga me feower stafas dumbe.
Ic +te secge, an is mod, o+der ge+tanc, +tridde is stef,
feor+de is +agesa.
<R 39>
Saga me hw+at sint +ta +treo +dinc +de nan mann butan ne 
m+aig beon.
Ic +te secge, +t+at is w+ater and fyr and isen.
<R 40>
Saga me hwa Godes naman nemnede +arest.
Ic +te secge, deofol.
<R 41>
Saga me hu w+as Crist acenned of Maria his meder.
Ic +te secge, +durc +t+at swi+dre breost.
<R 42>
Saga me hwa dyde +t+at sunne stod ane tid d+aiges.
Ic +te secge, Josue hit gedyde in Moyses gefeohte;
+teo dun hatte Gabaon +te heo on stod.
<R 43>
Saga me hw+at by+d betst and wyrst.
Ic +te secge, mannes word.
<P 40>
<R 44>
Saga me hw+at +tam men si leofust on his life and la+dest
+after his dea+de.
Ic +te secge, his willa.
<R 45>
Saga me hw+at de+d +t+at swete wurd.
Ic +te secge, hit gemanifealda+d mannes freondscype and
stille+d mannes feond.
<R 46>
Saga me hwylc by+d se leasa freond.
Ic +te secge, he by+d mannes gefera to beode and nang to
neod+t+arfe.
<R 47>
Saga me hw+at onscuna+d se seoca man +te +ar him gesund
lufode.
Ic +te secge, +tam seoca men by+d mete la+d +te him +ar was
leof and his eagum by+d leoht la+d +te him +aror 
w+as leof.
<R 48>
Saga me on hwam m+aig man geseon mannes dea+d.
Ic +te secge, twege manlican beo+d on mannes eagum;
Gif +tu +ta ne gesihst +tonne swilt se man and bi+d gewiten 
+ar +trim dagum.



