<B COAELIVE>
<Q O3 NN BIL AELIVES9>
<N LIVES STS 9>
<A AELFRIC>
<C O3>
<O 950-1050>
<M 950-1050>
<K CONTEMP>
<D WS>
<V PROSE>
<T BIOGR LIFE SAINT>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z NARR NON-IMAG>
<S SAMPLE X>


[^AELFRIC'S LIVES OF SAINTS, BEING A SET
OF SERMONS ON SAINTS' DAYS FORMERLY
OBSERVED BY THE ENGLISH CHURCH,
VOLS. I-II.
EARLY ENGLISH TEXT SOCIETY,
O.S. 76, 82, 94, 114.
ED. W. W. SKEAT.
LONDON,   1966 (1881-1900).
I,   PP. 210.1 - 218.152 (IX)
II,  PP. 306.1 - 318.184 (XIV)
III, PP. 124.1 - 142.288 (XXVI)
IV,  PP. 314.1 - 334.276 (XXXII)^]

[^B1.3.10^]
<P I,210>
<R 1>
(\DE SANCTA LUCIA UIRGO\) .
+DA ASPRANG AGATHEN HLISA OFER LAND AND S+A, SWA +t+at fram
Siracusa sohte mycel meniu ofer fiftig mila +t+as m+adenes
byrgene, on Catanensciscre byrig mid mycelre onbryrdnysse.
<R 5>
+ta com sum wydewe, seo w+as geciged Euthicia, betwux o+drum
mannum to +t+are m+aran byrigene, and hire dohtor samod,
seo ges+alige Lucia.
<R 8>
Seo wydewe w+as unhal, swa +t+at hire arn blod geond feower
geare f+ac, and f+ala l+aca cunnode, ac hi ealle ne mihton
hyre anre gehelpan.
<R 11>
Hit gelamp +da +at +t+are m+assan, +t+at man r+adde +t+at
godspell, hu +t+at wif wear+d geh+aled, +te w+as on blodes
ryne, +ta+da heo hrepode +t+as H+alendes reaf.
<R 14>
+ta cw+a+d Lucia mid geleafan to hire meder, Gif +tu gelyfst,
modor, +tysum m+aran godspelle, gelyf +t+at Agathes geearnode
+at Criste, +ta+da heo for his naman +drowode +t+at heo hine
symle h+abbe on andwerdnysse on ecere blysse.
<R 19>
Gehrepa hire byrigene, and +tu bist sona hal.
<R 20>
+ta +after +t+are m+assan seo modor and seo dohtor astrehton
hi on gebedum +at +t+are byrgene.
<R 22>
Mid +tam +te hi lagon and gelencgdon +da gebedu, +ta wear+d
Lucia on sl+ape, and geseah Agathen betwux engla werodum,
+anlice gefretewode, and clypode hyre +tus to, clypigende
ufenne, Min swustor Lucia, so+d godes m+aden, hwi bitst +tu
+at me +t+as +te +du miht sylf geti+dian?
<P I,212>
<R 28>
+tinre meder geheolp +tin halga geleafa, and efne heo is
geh+aled halwendlice +durh Crist.
<R 30>
and swa swa +teos burh is gem+arsod +turh me fram Criste, swa
bi+d Siracusa burh +turh +te gewlitegod, for+dan +te +tu
gearcodest Criste, on +tinum cl+anan m+ag+dhade,
wynsume wununge.
<R 33>
and +da awoc Lucia.
<R 34>
Heo aras +da bifigende for +d+are beorhtan gesih+de, and s+ade
to hire meder, +tu eart mihtiglice geh+aled.
<R 36>
Nu bidde ic +te, +turh +ta ylcan +te +te mid gebedum geh+alde,
+t+at +tu nanne brydguman n+afre me ne namige, ne of minum
lichaman deadlicne w+astm ne sece; ac +ta +ding +te +tu
woldest to gewemmednysse me syllan, forgif me +da [{to{]
cl+annysse to Criste farendre.
<R 41>
+ta cw+a+d seo modor, mine +tincg +tu wast, and ic heold nu
nigon gear wi+d ealle hyn+da +tines f+ader gestreon and
fur+dor hi geeacnode.
<R 44>
beluc +arest mine eagan, and +ta +ahta ateoh loca hu +te
licige, min leofa dohtor.
<R 46>
+ta cw+a+d Lucia, hlyst mines r+ades; ne miht +du naht l+adan
of +tysum life mid +te, and +t+at +tu on dea+de sylst for
drihtnes naman, +tu hit sylst for +tan +te +tu hit ne
miht mid +te aweg l+adan.
<R 50>
Ac syle nu on gesundfulnysse +tam so+dan H+alende swa hw+at
swa +tu gemyntest on for+dsi+te to donne.
<R 52>
+tus tihte Lucia gelome +ta modor, o+d +t+at heo beceapode +ta
scinendan gymmas, and eac hire landare wi+d [{licgendum{] feo,
and d+alde si+d+dan +tearfum and +al+teodigum mannum, wydewum
and wreccum and wisum Godes +teowum.
<R 57>
+tis com +ta to earan +tam +a+delborenan cnihte +te awogode
Lucian, se w+as geciged Pascasius, arleas h+a+dengilda, and
tihte +t+at halige m+aden to +t+ara deofla offrungum.
<R 60>
ac [{+t+at{] drihtnes m+aden cw+a+d, Hluttor offrung +t+at is,
and licwur+de Gode, +t+at mann wydewan geneosige and wreccan
gefrefrige,
<P I,214>
and steopbearnum gehelpe on heora gedrefednyssum.
<R 64>
Ne dreah ic nu +trym gearum nane o+tre d+ada, butan +tam
lyfigendan drihtne +tas lac geoffrode.
<R 66>
Nu ic wylle me sylfe him so+dlice geoffrian, for+dan ic leng
n+abbe hw+at ic on his lacum aspende.
<R 68>
+ta yrsode Pascasius, and hi spr+acon fela, o+d +t+at he hire
swingele behet gif heo suwian nolde.
<R 70>
Lucia him cw+a+d to, +t+as lifigendan Godes word ne magon
geswican, ne forsuwode beon.
<R 72>
He axode +da mid olle, Eart +tu la God?
<R 73>
Lucia him andwyrde, Ic eom +t+as +almihtigan +tinen; for+ti ic
cw+a+d Godes word, for+tan +te he on his godspelle cw+a+d, Ne
synd ge +te +t+ar spreca+d, ac spryc+t se halga gast on eow.
<R 76>
Eft +ta Pascasius orgellice befran, Wuna+d se halga gast on
+te eornostlice?
<R 78>
Lucia andwyrde +tam arleasan and cw+a+d, Se apostol behet +tam
+de healda+d cl+annysse, +t+at hi synd godes templ, and +t+as
halgan gastes wunung.
<R 81>
+ta cw+a+d se arleasa, Ic hate +te ardlice l+adan to +t+ara
myltestrena huse, +t+at +du +tinne m+ag+dhad forleose, +t+at
se halga gast +te fram fleo, +donne +tu fullice byst gescynd.
<R 84>
Lucia andwyrde +tus, ne bi+d +anig gewemmed lichama to plihte
gif hit ne lica+d +tam mode.
<R 86>
+teah +tu mine hand ahebbe to +dinum h+a+tengilde, and swa
+turh me geoffrige mines unwilles, ic beo +teah
unscyldig +atforan +dam so+dan Gode, se+te dem+d be +tam
willan, and wat ealle +tincg.
<R 90>
Gif +tu me unwilles gewemman nu dest, me bi+d twifeald
cl+annysse geteald to wuldre.
<R 92>
Ne miht +tu gebigan minne willan to +te, swa hw+at swa +tu
minum lichaman dest, ne m+ag +t+at belimpan to me.
<R 95>
+ta wolde se w+alhreowa his word gefyllan, +t+at heo wurde
gel+ad to +t+are la+dan fulnysse,
<P I,216>
and begunnon hi teon to +t+are galnysse huse; ac Godes miht
wear+d geswutelod sona on +tam m+adene, swa +t+at se halga
gast hi heold and mid hefe gef+astnode, +t+at +ta manfullan ne
mihton +t+at m+aden astyrian.
<R 100>
+ta cnitton hi rapas mid re+dum anginne hire to handum and
fotum, and fela samod tugon, ac heo n+as astyrod, ac stod swa
swa munt.
<R 103>
+ta wear+d geancsumod se arleasa Pascasius, and het him
gelangian +ta leasan drymen to, +t+at hi +t+at Godes m+aden
mid heora galdrum oferswy+ddon.
<R 106>
Ac +da+ta him naht ne speow, +ta het he spannan oxan to, ac hi
ne mihton awecgan +t+at m+aden +tagit swa.
<R 108>
Se cwellere +ta cw+a+d to +tam cl+anan m+adene, hw+at is se
intinga +t+at an +tusend manna +te ne magon astyrian swa
unstrang swa +du eart?
<R 111>
Lucia him cw+a+d to, +teah +tu clypige tyn +tusend manna, hi
sceolan ealle gehyran +tone halgan gast +tus cwe+dende,
(\Cadent a latere tuo mille, et decem milia a dextris tuis,
tibi autem non adpropinquabit malum,\) +tusend fealla+d fram
+tinre sidan, and tyn +tusend fram +tinre swy+dran, +te sylf
so+dlice ne genealec+a+d nan yfel.
<R 116>
+ta wear+d se arleasa geancsumod eft swi+dor on mode, and het
mycel ad ontendan on [{ymbhwyrfte{] +t+as m+adenes, and mid
pice hi [{besprencgan{] and mid [{spyrcendum{] ele.
<R 119>
Heo stod +ta unforht on +tam fyre and cw+a+d, Ic ab+ad +at
Criste +t+at +dis cwealmb+ara fyr me ne gewylde, +t+at +tu
wur+de gescynd, and hit +tam geleaffullum afyrsige +t+are
+drowunge forhtunge, and +tam ungeleaffullum +ta yfelan
blysse ofteo.
<R 124>
+ta wear+d se w+alhreowa wodlice geancsumod, +t+at his magas
ne mihton his modleaste acuman; Ac heton acwellan +t+at cl+ane
m+aden mid swurde.
<R 127>
heo wear+d +ta gewundod, +t+at hire wand se inno+d ut,
<P I,218>
ac heo ne gewat swa +teah, ac +turhwunode on gebedum swa lange
swa heo wolde, and to +t+are leode cw+a+d, Ic secge eow to
so+tan +t+at sib is forgifen Godes gela+dunge, and se gramlica
casere Dioclytianus is gedon of his rice and Maximianus se
manfulla is dead.
<R 134>
Swa swa seo Catanenscisce burh binnan hire weallum h+af+d
minre swyster Agathen miccle fore+tingunga, swa ic eom
forgifen, fram +tam +almihtigan Gode nu +tyssere byrig
Siracusanan eow to ge+tingienne, gif ge fo+d to geleafan.
<R 139>
Mid +tam +te heo +tis spr+ac, wear+t se manfulla Pascasius mid
racenteagum gebunden, and beforan +dam m+adene gel+ad.
<R 141>
He w+as +ar gewreged for his w+alhreowum d+adum, to Romaniscre
leode, +te +da ealle land geweolden.
<R 143>
He wear+d +ta gebroht on bendum to Rome, and +ta witan heton
hine beheafdian, +ta+ta he ne mihte his mand+ada betellan.
<R 146>
Seo eadiga Lucia on +t+are ylcan stowe wunode +te heo ofslagen
w+as, o+d+t+at sacerdas coman and hi gehusloden mid haligre
gerynu.
<R 149>
and heo gewat to Criste mid +tam +te hi cw+adon amen.
<R 150>
+ta ar+arde +ta leoda +t+ar heo l+ag cyrcan, and on hire naman
gehalgodon, +tam h+alende to wur+dmynte se+de +afre rixa+d on
ecnysse god; AMEN.

<Q O3 NN BIL AELIVES14>
<N LIVES STS 14>
<A AELFRIC>
<C O3>
<O 950-1050>
<M 950-1050>
<K CONTEMP>
<D WS>
<V PROSE>
<T BIOGR LIFE SAINT>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z NARR NON-IMAG>

[^B1.3.15^]
<P II,306>
<R 1>
(\UIIII KALENDAS MAI, NATALE SANCTI GEORGII MARTYRIS\) .
GEDWOLMEN AWRITON GEDWYLD ON HEORA BOCVM BE +DAM halgan were
+de is gehaten Georius.
<R 3>
Nu wille we eow secgan +t+at so+d is be +dam,
<P II,308>
+t+at heora gedwyld ne derige digellice +anigum.
<R 5>
Se halga georius w+as on h+a+tenum dagum rice ealdorman under
+dam re+tan casere +te w+as Datianus geciged, on +d+are scire
Cappadocia.
<R 8>
+ta het Datianus +da h+a+denan gegaderian to his deofolgildum
his Drihtne on teonan, and mid manegum +deowracum +t+at
mancynn geegsode, +t+at hi heora lac geoffrodon
+tam leasum godum mid him.
<R 12>
+ta geseah se halga wer +t+ara h+a+denra gedwyld hu hi +dam
deoflum ons+agdon and heora Drihten forsawon, +da aspende
he his feoh unforh on +almyssum hafenleasum mannum +tam
h+alende to lofe, and wear+d +turh Crist gebyld, and cw+a+d
to +dam casere, (\Omnes dii gentium demonia, dominus autem
caelos fecit\) ; Ealle +t+ara h+a+denra godas synd gramlice
deofla, and ure Drihten so+dlice geworhte heofonas.
<R 20>
+tine godas, casere, syndon gyldene and sylfrene, st+anene and
treowene, getreowleasera manna handgeweorc, and ge him weardas
setta+d +te hi bewacia+d wi+d +teofas.
<R 23>
Hw+at +ta Datianus deofollice geyrsode ongean +done halgan
wer, and het hine secgan of hwilcere byrig
he w+are o+d+de hw+at his nama w+are.
<R 26>
+ta andwyrde Georius +dam arleasan and cw+a+d, Ic eom so+dlice
Cristen and ic Criste +teowige.
<R 28>
Georius ic eom gehaten, and ic h+abbe ealdordom on minum
earde, +de is gehaten Cappadocia, and me bet lica+d to
forl+atenne nu +tisne hwilwendlican wur+dmynt, and +t+as
wuldorfullan Godes cynedome gehyrsumian on haligre drohtnunge.
<R 33>
+ta cw+a+d Datianus, +tu dwelast, Geori, geneal+ac nu +arest
and geoffra +tine lac
<P II,310>
+tam unoferswi+dendum Apolline, se+de so+tlice m+ag +tinre
nytennysse gemiltsian, and to his manr+adene gebigan.
<R 37>
Georius +ta befran +tone feondlican casere, hw+a+der is to
lufigenne, o+d+de hwam lac to offrigenne, +dam
H+alende Criste ealra woruldra alysend o+t+te Apolline ealra
deofla ealdre?
<R 41>
Hw+at +da Datianus mid deofollicum graman het +done halgan wer
on hencgene ah+abban, and mid isenum clawum clifrian his lima,
and ontendan blysan +at bam his sidum.
<R 45>
het hine +ta si+d+dan of +d+are ceastre al+adan and mid
swinglum +treagen and mid sealte gnidan; ac se halga wer
wunode ungederod.
<R 48>
+ta het se casere hine on cwearterne don, and het geaxian ofer
eall sumne +alt+awne dry.
<R 50>
+ta geaxode +t+at Athanasius se dry, and com to +dam casere,
and hine caflice befran, hwi hete +du me feccan +tus f+arlice
to +te?
<R 53>
Datianus andwyrde Athanasie +dus, Miht +tu adw+ascan +t+ara
Cristenra drycr+aft?
<R 55>
+ta andwyrde se dry Datiane +dus, Hat cuman to me +tone
Cristenan mann, and beo ic scyldig gif ic his
scyncr+aft ne m+ag mid ealle adw+ascan mid minum drycr+afte.
<R 59>
+ta f+agnode Datianus +t+at he funde swylcne dry, and het of
cwearterne l+adan +done godes cempan, and cw+a+d to +dam
halgan mid hetelicum mode, For +de, geori, ic begeat +tisne
dry; oferswy+d his drycr+aft o+d+de he +te oferswy+de,
o+d+de he fordo +te o+d+de +tu fordo hine.
<R 65>
Georius +da beheold +tone h+a+denan dry, and cw+a+d +t+at he
gesawe Cristes gife on him.
<P II,312>
<R 67>
Athanasius +da ardlice genam +anne mycelne bollan mid bealuwe
afylled, and deoflum bet+ahte +done drenc ealne, and sealde
him drincan ac hit him ne derode.
<R 71>
+ta cw+a+d eft se dry, Git ic do an +tincg, and gif him +t+at
ne dera+d, Ic buge to Criste.
<R 73>
He genam +da ane cuppan mid cwealmberum drence, and clypode
swy+de to sweartum deoflum, and to +dam fyrmestum deoflum,
and to +dam ful strangum, and on heora naman begol +tone
gramlican drenc, sealde +da drincan +tam Drihtnes halgan;
ac him naht ne derode se deofollica w+ata.
<R 79>
+da geseah se dry +t+at he him derian ne mihte, and feol to
his fotum fulluhtes biddende; and se halga Georius hine sona
gefullode.
<R 82>
Hw+at +da Datianus deoflice wear+d gram, and het geniman +tone
dry +te +t+ar gelyfde on God, and l+adan of +d+are byrig and
beheafdian sona.
<R 85>
Eft on +tam o+trum d+age het se arleasa casere gebindan
Georium on anum bradum hweowle, and twa scearpe swurd settan
him togeanes, and swa up ateon and underb+ac sceofan.
<R 89>
+ta geb+ad Georius hine bealdlice to Gode, (\Deus in
adiutorium meum intende; domine, ad adiuuandum me
festina\) ; God beseoh +du on minum fultume, drihten, efst +tu
nu me to fultumigenne, and he wear+d +ta gebroht mid +tysum
geb+ade on +tam hweowle.
<R 93>
+ta tyrndon +ta h+a+denan hetelice +t+at hweowl, ac hit sona
tob+arst and beah to eor+dan, and se halga wer wunode
ungederod.
<R 96>
Datianus +ta dreorig wear+d on mode,
<P I,314>
and swor +durh +da sunnan, and +durh ealle his godas,
+t+at he mid mislicum witum hine wolde fordon.
<R 99>
+da cw+a+d se eadiga Georius him to, +tine +deowracan synd
hwilwendlice, ac ic ne forhtige for +dinum gebeote, +tu h+afst
minne lichaman on +dinum anwealde, ac +du n+afst swa +teah
mine sawle, ac God.
<R 104>
+ta het se casere his cwelleras feccan +anne +arene hwer, and
hine ealne afyllan mid weallendum leade,
and lecgan Georium innon +done hw+ar, +ta+da he hattost w+as.
<R 108>
+ta ahof se halga to heofonum his eagan, his Drihten biddende
and bealdlice cwe+dende, Ic gange into +te on mines Drihtnes
naman, and ic hopige on Drihten +t+at he me ungederodne of
+disum weallendum hwere wylle nu ahreddan, +tam is lof and
wuldor geond ealle woruld.
<R 114>
And he bletsode +t+at lead and l+ag him onuppan, and +t+at
lead wear+d acolod +turh Godes mihte, and Georius s+at
gesund on +dam hwere.
<R 117>
+da cw+a+d se casere to +tam Cristes +tegene, Nast +tu, la
Geori, +t+at ure Godas swinca+d mid +te, and git hi synd
ge+tyldige +t+at hi +te miltsion.
<R 120>
Nu l+are ic +de swa swa leofne sunu, +t+at +du +t+ara
cristenra lare forl+ate mid ealle, and to minum r+ade
hra+de gebuge, swa +t+at +du offrige +tam arwur+dan Appolline,
and +tu mycelne wur+dmynt miht swa begitan.
<R 125>
+ta se halga martyr mid +dam halgan gaste afylled, smearcode
mid mu+de and to +dam manfullan cw+a+d, Us gedafena+d to
offrigenne +tam undeadlicum Gode.
<P II,316>
<R 128>
+after +disum bebead se ablenda Datianus +t+at mann his deadan
godas deorwur+dlice fr+atewode, and +t+at deofles templ mid
deorwur+dan seolfre; and het +tider l+adan +tone geleaffullan
martyr, wende +t+at he wolde wur+dian his godas, and his lac
geoffrian +dam lifleasum godum.
<R 134>
Hw+at +da Georius to eor+dan abeah +tus biddende his Drihten
gebigedum cneowum, Gehyr nu, God +almihtig,
+tines +teowan bene, and +tas earman anlicnyssa mid ealle
fordo, swa swa wex formylt for hatan fyre,
+t+at menn +de oncnawan and on +de gelyfan, +t+at +tu eart ana
God, +almihtig scyppend.
<R 141>
+after +disum gebede b+arst ut of heofonum swy+de f+arlic fyr,
and forbernde +t+at templ, and ealle +da godas grundlunga 
suncon into +t+are eor+dan, and ne +ateowdon si+d+dan.
<R 145>
Eac swylce +ta sacerdas suncon for+d mid, and sume +da
h+a+denan +te +t+ar gehende stodon; and Georius axode +tone
arleasan casere, On hwilcum godum tihst +tu us to gelyfenne?
<R 149>
Hu magon hi ahreddan +de fram frecednyssum, +tonne hi ne
mihton hi sylfe ahreddan?
<R 151>
Hw+at +da Datianus gedihte +tisne cwyde, and het +dus acwellan
+tone Godes cempan, Nima+d +tisne scyldigan +te mid
scincr+afte towende ure arwur+dan godas mid ealle to duste,
and draga+d hine niwelne his neb to eor+dan geond ealle +das
str+at and st+anene wegas, and ofslea+d hine sy+t+tan mid
swurdes ecge.
<R 158>
+ta tugon +ta h+a+denan +tone halgan wer swa Datianus him
gediht h+afde,
<P II,318>
o+d+t+at hi comon to +d+are cwealmstowe, and se martyr b+ad
+t+at he hine gebiddan moste to +dam +almihtigan Gode and his
gast bet+acan.
<R 163>
He +tancode +da Gode eallra his godnyssa, +t+at he hine
gescylde wi+d +tone swicolan deofol, and him sige
forgeaf +turh so+dne geleafan.
<R 166>
He geb+ad eac swylce for eall Cristen folc, and +t+at God
forgeafe +t+are eor+dan renas, for +tan +de se h+a+da +ta
hynde +da eor+dan.
<R 169>
+after +disum geb+ade he bletsode hine sylfne, and b+ad his
slagan +t+at he hine sloge.
<R 171>
Mid +tam +de he acweald w+as, +da comon +tyder sona his agene
landleode geleofede on God, and gel+ahton his lic and l+addan
to +t+are byrig +te he on +drowode, and hine +d+ar bebyrigdon
mid mycelre arwur+dnysse, +tam +almihtigan to lofe.
<R 176>
+ta asende Drihten renscuras, and +ta eor+dan gew+aterode +te
+ar w+as forburnen, swa swa Georius b+ad +ar+dan +te he abuge
to slege.
<R 179>
Hw+at +da Datianus wear+d f+arlice ofslagen mid heofonlicum
fyre, and his geferan samod, +ta +da he hamwerd w+as mid his
heah +tegenum, and he becom to helle +ar+dan +te to his huse;
and se halga Georius si+dode to Criste, mid +dam he a wuna+d
on wuldre; Amen.

<Q O3 NN BIL AELIVES26>
<N LIVES STS 26>
<A AELFRIC>
<C O3>
<O 950-1050>
<M 950-1050>
<K CONTEMP>
<D WS>
<V PROSE>
<T BIOGR LIFE SAINT>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z NARR NON-IMAG>

[^B1.3.26^]
<P III,124>
<R 1>
(\NON AG, NATALE SANCTI OSWALDI REGIS ET MARTYRIS\) .
+AFTER +DAN +DE AUGUSTINUS TO ENGLA LANDE BECOM w+as sum
+a+dele cyning Oswold gehaten on Nor+dhymbra lande, gelyfed
swy+te on God.
<P III,126>
<R 4>
Se ferde on his iugo+de fram his freondum and magum to
Scotlande on s+a, and +t+ar sona wear+d gefullod,
and his geferan samod +te mid him si+tedon.
<R 7>
Betwux +tam wear+d ofslagen Eadwine his eam, Nor+dhymbra
cynincg, on Crist gelyfed, fram Brytta cyninge [{Ceadwalla{]
geciged, and twegen his +aftergengan binnan twam gearum.
<R 11>
And se [{Ceadwalla{] sloh and to sceame tucode +ta
Nor+dhymbran leode +after heora hlafordes fylle, o+t +t+at
Oswold se eadiga his yfelnysse adw+ascte.
<R 14>
Oswold him com to, and him cenlice wi+dfeaht mid lytlum
werode, ac his geleafa hine getrymde, and Crist him gefylste
to his feonda slege.
<R 17>
Oswold +ta ar+arde ane rode sona Gode to wur+dmynte +ar +tan
+te he to +dam gewinne come, and clypode to his geferum, Uton
feallan to +d+are rode, and +tone +almihtigan biddan +t+at he
us ahredde wi+d +tone modigan feond +te us afyllan wile.
<R 22>
God sylf wat geare +t+at we winna+d rihtlice wi+d +tysne
re+dan cyning, to ahredenne ure leode.
<R 24>
Hi feollon +ta ealle mid Oswolde on gebedum, and sy+t+tan on
o+derne mergen eodon to +tam gefeohte, and gewunnon +t+ar
sige swa swa se wealdend heom u+de, for Oswoldes geleafan,
and aledon heora fynd +tone modigan Cedwallan, mid his micclan
werode, +te wende +t+at him ne mihte nan werod wi+dstandan.
<R 30>
Seo ylce rod si+d+dan +te Oswold +t+ar ar+arde on wur+dmynte
+t+ar stod, and wurdon fela geh+alde untrumra manna and eac
swilce nytena +turh +da ylcan rode, swa swa us rehte Beda.
<R 34>
Sum man feoll on ise +t+at his earm tob+arst,
<P III,128>
and l+ag +ta on bedde gebrocod for+dearle, o+d +t+at man him
fette of +d+are fores+adan rode sumne d+al +t+as meoses +te heo
mid beweaxen w+as, and se adliga sona on sl+ape wear+d geh+aled
on +d+are ylcan nihte +turh Oswoldes geearnungum.
<R 40>
Seo stow is gehaten heofonfeld on englisc, wi+d +tone langan
weall +te +ta Romaniscan worhtan, +t+ar +t+ar Oswold oferwann
+tone w+alhreowan cynincg, and +t+ar wear+d si+t+tan ar+ared
swi+de m+are cyrce Gode to wur+dmynte +te wuna+d a on ecnysse.
<R 45>
Hw+at +da, Oswold ongann embe Godes willan to smeagenne, sona
swa he rices geweold, and wolde gebigan his leoda to geleafan,
and to +tam lifigendan Gode.
<R 48>
sende +da to Scotlande, +t+ar se geleafa w+as +da, and b+ad
+da heofodmenn +t+at hi his benum geti+todon, and
him sumne lareow sendon +te his leoda mihte to Gode geweman,
and wear+d +t+as geti+tod.
<R 52>
Hi sendon +ta sona +tam ges+aligan cyninge sumne arwur+dne
bisceop, Aidan gehaten.
<R 54>
Se w+as m+ares lifes man on munuclicre drohtnunge, and he
ealle woruldcara awearp fram his heortan, nanes +tinges
wilnigende butan Godes willan.
<R 57>
Swa hw+at swa him becom of +t+as cyninges gifum, o+d+de ricra
manna, +t+at he hra+de d+alde +tearfum and w+adlum, mid
wellwillendum mode.
<R 60>
Hw+at +da, Oswold cyning his cymes f+agnode, and hine
arwur+dlice underfeng his folce to +dearfe, +t+at heora
geleafa wurde awend eft to Gode fram +tam wi+ters+ace +te
hi to gewende w+aron.
<R 64>
Hit gelamp +ta swa +t+at se geleaffulla cyning gerehte his
witan on heora agenum gereorde +t+as bisceopes bodunge mid
bli+tum mode,
<P III,130>
and w+as his wealhstod for+tan +te he wel cu+te scyttysc,
and se bisceop Aidan ne mihte gebigan his spr+ace to
Nor+dhymbriscum gereorde swa hra+te +ta git.
<R 70>
Se biscop +ta ferde bodigende geond eall Nor+dhymbra lande
geleafan and fulluht, and +ta leode gebigde to Godes geleafan,
and him wel gebysnode mid weorcum symle, and sylf swa leofode
swa swa he l+arde o+dre.
<R 75>
He lufode forh+afednysse and halige r+adinge, and iunge men
teah georne mid lare, swa +t+at ealle his geferan +te him mid
eodon sceoldon sealmas leornian o+d+de sume r+adinge, swa
hwider swa hi ferdon, +tam folce bodigende.
<R 80>
Seldon he wolde ridan, ac si+dode on his fotum, and munuclice
leofode betwux +dam l+awedum folce, mid mycelre
gesceadwisnysse and so+tum m+agnum.
<R 83>
+ta wear+d se cynincg Oswold swi+de +almesgeorn, and eadmod on
+teawum, and on eallum +tingum cystig, and man ahr+arde cyrcan
on his rice geond eall, and mynsterlice gesetnyssa mid micelre
geornfulnysse.
<R 87>
Hit gelamp on sumne s+al +t+at hi s+aton +atg+adere, Oswold
and Aidan on +tam halgan easterd+age; +ta b+ar man +tam
cyninge cynelice +tenunga on anum sylfrenan disce, and
sona +ta inn eode an +t+as cyninges +tegna +te his +almyssan
bewiste, and s+ade +t+at fela +tearfan s+atan geond +ta
str+at, gehwanon cumene to +t+as cyninges +almyssan.
<R 94>
+ta sende se cyning sona +tam +tearfum +tone sylfrenan disc
mid sande mid ealle, and het toceorfan +tone disc,
and syllan +tam +tearfum heora +alcum his d+al, and man
dyde +da swa.
<R 98>
+ta genam Aidanus se +a+dela bisceop
<P III,132>
+t+as cyninges swy+tran hand mid swi+dlicre blysse,
and clypode mid geleafan +tus cw+a+dende him to,
Ne forrotige on brosnunge +teos gebletsode swy+dre hand;
and him eac swa geeode, swa swa Aidanus him b+ad, +t+at
his swi+dre hand is gesundful o+d +tis.
<R 104>
Oswoldes cynerice wear+d gerymed +ta swy+de, swa +t+at feower
+teoda hine underfengon to hlaforde, Peohtas and Bryttas,
Scottas and Angle, swa swa se +almihtiga God hi geanl+ahte
to +dam, for Oswoldes geearnungum +te hine +afre wur+dode.
<R 109>
He fulworhte on Eferwic +t+at +anlice mynster +te his m+ag
Eadwine +ar begunnon h+afde, and he swanc for heofonan rice
mid singalum gebedum, swi+tor +tonne he hogode hu he geheolde
on worulde +ta hwilwendlican ge+tinc+du, +te he hwonlice
lufode.
<R 114>
He wolde +after uhtsange oftost hine gebiddan, and on cyrcan
standan on syndrigum gebedum of sunnan upgange mid swy+dlicre
onbryrdnysse, and swa hw+ar swa he w+as he wur+dode +afre God
upawendum handbredum wi+t +t+as heofones weard.
<R 119>
On +tam ylcan timan com eac sum bisceop fram Rome byrig,
Birinus gehaten, to Westsexena kyninge, Cynegyls gehaten,
se w+as +da git h+a+den, and eall westsexena land.
<R 123>
Birinus witodlice gewende fram Rome be +d+as papan r+ade,
+te +da on Rome w+as, and behet +t+at he wolde Godes willan
gefremman, and bodian +tam h+a+tenum +t+as h+alendes naman,
and +tone so+dan geleafan on fyrlenum landum.
<R 128>
+ta becom he to Westseaxan +te w+as +da gyt h+a+ten, and
gebigde +tone cynincg Kynegyls to Gode,
<P III,134>
and ealle his leode to geleafan mid him.
<R 131>
Hit gelamp +ta swa +t+at se geleaffulla Oswold, Nor+dhymbra
cyning w+as cumen to Cynegylse, and hine to fulluhte nam,
f+agen his gecyrrednysse.
<R 134>
+ta geafon +ta cynegas, Cynegyls and Oswold, +tam halgan
Birine him to bisceopstole +ta burh Dorcanceaster, and he
+t+arbinnan wunode Godes lof ar+arende, and gerihtl+acende
+t+at folc mid lare to geleafan to langum fyrste, o+d +t+at
he ges+alig si+tode to Criste; and his lic wear+t bebyrged
on +d+are ylcan byrig, o+d +t+at H+adde bisceop eft his ban
ferode to Wintanceastre, and mid wur+dmynte gelogode binnan
ealdan mynstre, +t+ar man hine wur+da+d gyt.
<R 143>
Hw+at +ta Oswold cyning his cynedom geheold hlisfullice for
worulde and mid micclum geleafan, and on eallum d+adum his
Drihten arwur+dode, o+d +t+at he ofslagen wear+d for his
folces ware, on +tam nigo+dan geare +te he rices geweold,
+ta +ta he sylf w+as on ylde eahta and +trittig geara.
<R 150>
Hit gewear+d swa be +tam +t+at him wann on Penda, Myrcena
cyning, +te +at his m+ages slege +ar Eadwines cyninges
[{Ceadwallan{] fylste; and se Penda ne cu+de be Criste
nan +tincg, and eall Myrcena folc w+as ungefullod +ta git.
<R 155>
Hi comon +ta to gefeohte to Maserfelda begen, and fengon
tog+adere o+d +t+at +t+ar feollon +ta Cristenan, and +ta
h+a+denan geneal+ahton to +tam halgan Oswolde.
<R 158>
+ta geseah he genealecan his lifes geendunge, and geb+ad for
his folc +te +t+ar feallende sweolt, and bet+ahte heora sawla
and hine sylfne Gode,
<P III,136>
and +tus clypode on his fylle, God gemiltsa urum sawlum.
<R 162>
+ta het se h+a+tena cynincg his heafod ofaslean and his
swi+dran earm, and settan hi to myrcelse.
<R 164>
+ta +after Oswoldes slege, feng Oswig his bro+dor to
Nor+dhymbra rice, and rad mid werode to +t+ar his bro+dor
heafod stod on stacan gef+astnod, and genam +t+at heafod
and his swi+dran hand, and mid arwur+dnysse ferode to
Lindisfarnea cyrcan.
<R 169>
+ta wear+d gefylled swa we her fores+adon +t+at his swi+dre
hand wuna+d hal mid +tam fl+asce, butan +alcere brosnunge,
swa se bisceop gecw+a+d.
<R 172>
Se earm wear+t geled arwur+dlice on scrine of seolfre
asmi+tod, on sancte Petres mynstre binnan Bebbanbyrig,
be +t+are s+a strande, and li+d +t+ar swa andsund swa
he ofaslagen w+as.
<R 176>
His bro+dor dohtor eft si+d+dan on Myrcan wear+d cwen, and
geaxode his ban and gebrohte hi to Lindesige
to Bardanige mynstre, +te heo micclum lufode.
<R 179>
Ac +ta mynstermenn noldon for menniscum gedwylde +tone sanct
underfon, ac man sloh an geteld ofer +ta halgan ban binnan
+t+are licreste.
<R 182>
Hw+at +ta God geswutelode +t+at he halig sanct w+as, swa +t+at
heofonlic leoht ofer +t+at geteld astreht stod up to heofonum
swilce healic sunnbeam ofer ealle +da niht, and +ta leoda
beheoldon geond ealle +ta scire swi+de wundrigende.
<R 187>
+ta wurdon +ta mynstermen micclum afyrhte, and b+adon +t+as on
mergen +t+at hi moston +tone sanct mid arwur+dnysse underfon,
+tone +te hi +ar forsocon.
<R 190>
+ta +dwoh man +ta halgan ban and b+ar into +t+are cyrcan
arwur+dlice on scrine, and gelogodon hi upp; and
+t+ar wurdon geh+alede +turh his halgan geearnunge
<P III,138>
fela mettrume menn fram mislicum co+tum.
<R 194>
+t+at w+ater +te man +ta ban mid a+twoh binnan +t+are cyrcan
wear+d agoten swa on anre hyrnan, and seo eor+de
si+t+tan +te +t+at w+ater underfeng wear+d manegum to bote.
<R 198>
Mid +tam duste wurdon afligde deofla fram mannum, +ta +te on
wodnysse +ar w+aron gedrehte.
<R 200>
Eac swilce +t+ar he feol on +tam gefeohte ofslagen men namon
+da eor+dan to adligum mannum, and dydon on w+ater wanhalum
to +ticgenne, and hi wurdon geh+alede, +turh +tone halgan wer.
<R 204>
Sum wegfarende man ferde wi+d +tone feld, +ta wear+d his hors
gesicclod, and sona +t+ar feol, wealwigende geond +da eor+dan
wodum gelicost.
<R 207>
Mid +tam +te hit swa wealweode geond +tone widgillan feld, +ta
becom hit embe lang +t+ar se cynincg Oswold on +tam gefeohte
feoll swa swa we +ar fores+adan; and hit sona aras, swa hit
hrepode +ta stowe, hal eallum limum, and se hlaford +t+as
f+agnode.
<R 212>
Se ridda +ta ferde for+d on his weg +tider he gemynt h+afde.
<R 213>
+ta w+as +t+ar an m+aden licgende on paralisyn lange gebrocod;
He began +ta to gereccenne hu him on rade getimode, and mann
ferode +t+at m+aden to +t+are fores+adan stowe.
<R 217>
Heo wear+d +da on sl+ape and sona eft awoc ansund eallum limum
fram +tam egeslican broce; band +ta hire heafod and bli+de
ham ferde, gang+ande on fotum swa heo gefyrn +ar ne dyde.
<R 221>
Eft si+d+dan ferde eac sum +arendf+ast ridda be +d+are ylcan
stowe, and geband on anum cla+te of +tam halgan duste +t+are
deorwur+dan stowe, and l+adde for+d mid him +t+ar he fundode
to.
<P III,140>
<R 225>
+ta gemette he gebeoras bli+de +at +tam huse; he aheng +ta
+t+at dust on +anne heahne post and s+at mid +tam gebeorum
blissigende samod.
<R 228>
Man worhte +ta micel fyr to middes +dam gebeorum, and +ta
spearcan wundon wi+d +t+as rofes swy+de, o+d +t+at
+t+at hus f+arlice eall on fyre wear+d, and +ta gebeoras
flugon afyrhte aweg.
<R 232>
+t+at hus wear+t +da forburnon buton +tam anum poste +te +t+at
halige dust on ahangen w+as.
<R 234>
Se post ana +atstod ansund mid +tam duste, and hi swy+de
wundrodon +t+as halgan weres geearnunga +t+at +t+at
fyr ne mihte +ta moldan forb+arnan.
<R 237>
And manega menn si+d+dan gesohton +tone stede heora h+ale
feccende, and heora freonda gehwilcum.
<R 239>
+ta asprang his hlisa geond +ta land wide, and eac swilce to
Irlande and eac su+t to Franclande, swa swa sum m+assepreost
be anum men s+ade.
<R 242>
Se preost cw+a+d +t+at an wer w+are on Irlande gel+ared, se ne
gymde his lare, and he lithwon hogode embe
his sawle +tearfe, o+d+de his scyppendes beboda, ac adreah
his lif on dyslicum weorcum o+d +d+at he wear+d geuntrumod
and to ende gebroht.
<R 247>
+ta clypode he +tone preost +te hit cydde eft +tus, and cw+a+d
him to sona mid sarlicre stemne, Nu ic sceall geendian
earmlicum dea+te, and to helle faran for fracodum d+adum.
<R 251>
Nu wolde ic gebetan gif ic abidan moste, and to Gode gecyrran
and to godum +teawum, and min lif awendan eall to Godes willan;
and ic wat +t+at ic ne eom wyr+de +t+as fyrstes buton sum
halga me +tingie to +tam H+alende Criste.
<R 256>
Nu is us ges+ad +t+at sum halig cyning
<P III,142>
is on eowrum earde, Oswold gehaten; nu gif +tu +anig +tincg
h+afst of +t+as halgan religuium, syle me, ic +te bidde.
<R 259>
+da s+ade se preost him, Ic h+abbe of +tam stocce +te his
heafod on stod, and gif +tu gelyfan wylt, +tu wur+test hal
sona.
<R 262>
Hw+at +ta se m+assepreost +t+as mannes ofhreow, and scof on
halig w+ater of +tam halgan treowe, sealde +tam
adligan of to supenne, and he sona gewyrpte, and sy+d+dan
leofode lange on wurulde, and gewende to Gode mid eallre
heortan and mid halgum weorcum; and swa hwider swa he com
he cydde +tas wundra.
<R 269>
For+ty ne sceall nan mann aw+agan +t+at he sylfwylles beh+at
+tam +almihtigan Gode, +tonne he adlig bi+d, +te
l+as +te he sylf losige, gif he alih+d Gode +t+at.
<R 272>
Nu cw+a+d se halga Beda +te +das boc gedihte, +t+at hit nan
wundor nys, +t+at se halga cynincg untrumnysse
geh+ale nu he on heofonum leofa+d, for +dan +te he wolde
gehelpan, +ta +ta he her on life w+as, +tearfum and wannhalum,
and him bigwiste syllan.
<R 277>
Nu h+af+d he +tone wur+dmynt on +t+are ecan worulde, mid +tam
+almihtigan Gode, for his godnysse.
<R 279>
Eft se halga Cu+dberht, +ta +ta he git cnapa w+as, geseah hu
Godes +anglas feredon Aidanes sawle, +t+as halgan bisceopes,
bli+de to heofonum, to +tam ecan wuldre +te he
on worulde geearnode.
<R 283>
+t+as halgan Oswoldes ban wurdon eft gebroht +after manegum
gearum to Myrcena lande into Gleawceastre, and God +t+ar
geswutelode oft feala wundra +turh +tone halgan wer.
<R 287>
Sy +t+as wuldor +tam +almihtigan Gode, +de on ecnysse rixa+d a
to worulde; AMEN.

<Q O3 NN BIL AELIVES32>
<N LIVES STS 32>
<A AELFRIC>
<C O3>
<O 950-1050>
<M 950-1050>
<K CONTEMP>
<D WS>
<V PROSE>
<T BIOGR LIFE SAINT>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z NARR NON-IMAG>

[^B1.3.31^]
<P IV,314>
<R 1>
(\XII KAL DECEMBRES, PASSIO SANCTI EADMVNDI REGIS ET
MARTYRIS\) .
SVM SWY+DE GEL+ARED MUNUC com su+tan ofer s+a fram sancte
Benedictes stowe on +A+telredes cynincges d+age
to Dunstane +arcebisceope, +trim gearum +ar he for+dferde;
and se munuc hatte Abbo.
<R 4>
+ta wurdon hi +at spr+ace o+t+t+at Dunstan rehte be sancte
Eadmunde, swa swa Eadmundes swurdbora hit rehte +A+telstane
cynincge +ta +ta Dunstan iung man w+as, and se swurdbora w+as
forealdod man.
<R 7>
+ta gesette se munuc ealle +ta gereccednysse on anre bec, and
eft +da +ta seo boc com to us binnan feawum gearum +ta awende
we hit on Englisc, swa swa hit her+after stent.
<R 10>
Se munuc +ta Abbo binnan twam gearum gewende ham to his
mynstre and wear+d sona to abbode geset on +tam ylcan mynstre.
<R 13>
EADMUND SE EADIGA EASTENGLA CYNINCG w+as snotor and wur+dfull,
and wur+dode symble mid +a+telum +teawum +tone +almihtigan God.
<R 16>
He w+as eadmod and ge+tungen, and swa anr+ade +turhwunode
+t+at he nolde abugan to bysmorfullum leahtrum,
ne on na+tre healfe he ne ahylde his +teawas, ac w+as symble
gemyndig +t+are so+tan lare.
<R 20>
[{Gif{] +tu eart to heafodmen geset, ne ahefe +tu +de, ac beo
betwux mannum swa swa an man of him.
<R 22>
He w+as cystig w+adlum and wydewum swa swa f+ader,
<P IV,316>
and mid welwillendnysse gewissode his folc symle to
rihtwisnysse, and +tam re+tum styrde, and ges+aliglice
leofode on so+tan geleafan.
<R 26>
Hit gelamp +da +at nextan +t+at +ta Deniscan leode ferdon mid
sciphere hergiende and sleande wide geond land swa swa heora
gewuna is.
<R 29>
On +tam flotan w+aron +ta fyrmestan heafodmen Hinguar and
Hubba, geanl+ahte +turh deofol, and hi on Nor+dhymbralande
gelendon mid +ascum, and aweston +t+at land, and +ta leoda
ofslogon.
<R 33>
+ta gewende Hinguar east mid his scipum, and Hubba belaf on
Nor+dhymbralande, gewunnenum sige mid w+alhreownysse.
<R 36>
Hinguar +ta becom to eastenglum rowende, on +tam geare +te
+alfred +a+delincg an and twentig geare w+as, se +te
westsexena cynincg si+t+tan wear+d m+are.
<R 39>
And se fores+ada Hinguar f+arlice swa swa wulf on lande
bestalcode, and +ta leode sloh weras and wif,
and +ta ungewittigan cild, and to bysmore tucode +ta bilewitan
Cristenan.
<R 43>
He sende +da sona sy+d+dan to +tam cyninge beotlic +arende,
+t+at he abugan sceolde to his manr+adene gif he rohte his
feores.
<R 46>
Se +arendraca com +ta to Eadmunde cynincge and Hinguares
+arende him ardlice abead.
<R 48>
Hinguar ure cyning, cene and sigef+ast on s+a and on lande,
h+af+d fela +teoda gewyld,
<P IV,318>
and com nu mid fyrde f+arlice her to lande +t+at he her
wintersetl mid his werode h+abbe.
<R 52>
Nu het he +te d+alan +tine digelan goldhordas and +tinra
yldrena gestreon ardlice wi+d hine, and +tu beo
his underkyning, gif +du cucu beon wylt, for+dan+te +du n+afst
+ta mihte +t+at +tu mage him wi+dstandan.
<R 56>
Hw+at +ta Eadmund clypode +anne bisceop +te him +ta gehendost
w+as, and wi+d hine smeade hu he +tam re+tan Hinguare
andwyrdan sceolde.
<R 59>
+ta forhtode se bisceop for +tam f+arlican gelimpe, and for
+t+as cynincges life, and cw+a+t +t+at him r+ad +tuhte +t+at
he to +tam gebuge +te him bead Hinguar.
<R 62>
+ta suwode se cynincg and beseah to +t+are eor+tan, and cw+a+t
+ta +at nextan cynelice him to, Eala +tu bisceop, to bysmore
synd getawode +tas earman landleoda, and me nu leofre w+are
+t+at ic on feohte feolle wi+d +tam +te min folc moste heora
eardes brucan.
<R 67>
And se bisceop cw+a+t, Eala +tu leofa cyning, +tin folc li+d
ofslagen, and +tu n+afst +tone fultum +t+at +tu feohtan m+age,
and +tas flotmen cuma+d, and +te cucenne gebinda+d butan +tu
mid fleame +tinum feore gebeorge, o+d+de +tu +te swa gebeorge
+t+at +tu buge to him.
<R 73>
+ta cw+a+d Eadmund cyning swa swa he ful cene w+as, +t+as ic
gewilnige and gewisce mid mode, +t+at ic ana ne belife +after
minum leofum +tegnum +te on heora bedde wurdon, mid bearnum
and wifum, f+arlice ofsl+agene fram +tysum flotmannum.
<P IV,320>
<R 78>
N+as me n+afre gewunelic +t+at ic worhte fleames, ac ic wolde
swi+dor sweltan gif ic +torfte for minum agenum earde, and se
+almihtiga God wat +t+at ic nelle abugan fram his biggengum
+afre, ne fram his so+tan lufe, swelte ic, lybbe ic.
<R 83>
+after +tysum wordum he gewende to +tam +arendracan +te
Hinguar him to sende, and s+ade him unforht, Witodlice +tu
w+are wyr+de sleges nu, ac ic nelle afylan on +tinum
fulum blode mine cl+anan handa, for+dan+te ic Criste folgie,
+te us swa gebysnode, and ic bli+delice wille beon ofslagen
+turh eow gif hit swa god foresceawa+d.
<R 90>
Far nu swi+te hra+de, and sege +tinum re+tan hlaforde, ne
abih+d n+afre Eadmund Hingware on life, h+a+tenum heretogan,
buton he to H+alende Criste +arest mid geleafan on
+tysum lande gebuge.
<R 94>
+ta gewende se +arendraca ardlice aweg, and gemette be w+age
+tone w+alhreowan Hingwar mid eallre his fyrde fuse to
Eadmunde, and s+ade +tam arleasan hu him geandwyrd w+as.
<R 98>
Hingwar +ta bebead mid bylde +tam sciphere +t+at hi +t+as
cynincges anes ealle cepan sceoldon, +te his h+ase forseah,
and hine sona bindan.
<R 101>
Hw+at +ta Eadmund cynincg mid +tam +te Hingwar com, stod innan
his healle +t+as H+alendes gemyndig, and awearp his w+apna,
wolde ge+afenl+acan Cristes gebysnungum, +te forbead Petre
<P IV,322>
mid w+apnum to winnenne wi+d +ta w+alhreowan Iudeiscan.
<R 106>
Hw+at +ta arleasan +ta Eadmund gebundon, and gebysmrodon
huxlice, and beoton mid saglum; and swa sy+d+dan l+addon
+tone geleaffullan cyning to anum eor+df+astum treowe,
and tigdon hine +t+arto mid heardum bendum, and hine eft
swuncgon langlice mid swipum, and he symble clypode betwux
+tam swinglum mid so+dan geleafan to H+alende Criste,
and +ta h+a+tenan +ta for his geleafan wurdon wodlice yrre
for+tan+te he clypode Crist him to fultume.
<R 116>
Hi scuton +ta mid gafelucum swilce him to gamenes to, o+d
+t+at he eall w+as bes+at mid heora scotungum swilce igles
byrsta, swa swa Sebastianus w+as.
<R 119>
+ta geseah Hingwar, se arlease flotman, +t+at se +a+tela
cyning nolde Criste wi+dsacan, ac mid anr+adum geleafan hine
+afre clypode, het hine +ta beheafdian and +ta h+a+denan
swa dydon.
<R 123>
Betwux +tam +te he clypode to Criste +tagit, +ta tugon +ta
h+a+tenan +tone halgan to sl+age, and mid anum swencge slogon
him of +t+at heafod, and his sawl si+tode ges+alig to Criste.
<R 127>
+t+ar w+as sum man gehende, gehealden +turh God behyd +tam
h+a+tenum, +te +tis gehyrde eall, and hit eft s+ade swa swa
we hit secga+d her.
<R 130>
Hw+at +da se flothere ferde eft to scipe, and behyddon +t+at
heafod +t+as halgan Eadmundes
<P IV,324>
on +tam +ticcum bremelum +t+at hit bebyrged ne wurde.
<R 133>
+ta +after fyrste, sy+d+dan hi afarene w+aron, com +t+at
landfolc to +te +t+ar to lafe w+as +ta, +t+ar heora hlafordes
lic l+ag butan heafde, and wurdon swi+de sarige for his slege
on mode, and huru +t+at hi n+afdon +t+at heafod to +tam
bodige.
<R 138>
+ta s+ade se sceawere +te hit +ar geseah +t+at +ta flotmen
h+afdon +t+at heafod mid him, and w+as him ge+duht swa swa hit
w+as ful so+d +t+at hi behyddon +t+at heafod on +tam holte
forhwega.
<R 142>
Hi eodon +ta secende ealle endemes to +tam wuda, secende
gehw+ar geond +tyfelas and bremelas gif hi ahw+ar mihton
gemeton +t+at heafod.
<R 145>
W+as eac micel wundor +t+at an wulf wear+d asend, +turh Godes
wissunge to bewerigenne +t+at heafod wi+d +ta o+tre deor,
ofer d+ag and niht.
<R 148>
Hi eodon +ta secende, and symle clypigende, swa swa hit
gewunelic is +tam +de on wuda ga+d oft, Hw+ar eart +tu nu
gefera?
<R 150>
And him andwyrde +t+at heafod, Her, her, her; and swa gelome
clypode andswarigende him eallum, swa oft swa heora +anig
clypode, o+t+t+at hi ealle becomen +turh +da clypunga him to.
<R 154>
+ta l+ag se gr+aga wulf +te bewiste +t+at heafod, and mid his
twam fotum h+afde +t+at heafod beclypped, gr+adig and hungrig,
and for Gode ne dorste +t+as heafdes abyrian,
and heold hit wi+d deor.
<R 158>
+ta wurdon hi ofwundrode +t+as wulfes hyrdr+adenne,
<P IV,326>
and +t+at halige heafod ham feredon mid him, +tancigende +tam
+almihtigan ealra his wundra; ac se wulf folgode for+d
mid +tam heafde o+t+t+at hi to tune comon,
swylce he tam w+are, and gewende eft si+t+tan to wuda ongean.
<R 164>
+ta landleoda +ta si+t+tan ledon +t+at heafod to +tam halgan
bodige, and bebyrigdon hine swa swa hi selost mihton on
swylcere hr+adinge and cyrcan ar+ardan sona him onuppon.
<R 168>
Eft +ta on fyrste, +after fela gearum, +ta seo hergung geswac
and sibb wear+d forgifen +tam geswenctan folce, +ta fengon hi
tog+adere and worhton ane cyrcan wur+dlice +tam halgan,
for+tan+de gelome wundra wurdon +at his byrgene, +at +tam
geb+adhuse +t+ar he bebyrged w+as.
<R 174>
Hi woldon +ta ferian mid folclicum wur+dmynte +tone halgan
lichaman, and l+acgan innan +t+are cyrcan.
<R 176>
+ta w+as micel wundor +t+at he w+as eall swa gehal swylce he
cucu w+are mid cl+anum lichaman, and his swura w+as gehalod
+te +ar w+as forslagen, and w+as swylce an seolcen +tr+ad
embe his swuran r+ad, mannum to sweotelunge hu he ofslagen
w+as.
<R 181>
Eac swilce +ta wunda +te +ta w+alhreowan h+a+tenan mid gelomum
scotungum on his lice macodon, w+aron geh+alede +turh +tone
heofonlican God, and he li+t swa ansund o+t +tisne andwerdan
d+ag,
<P IV,328>
andbidigende +aristes, and +t+as ecan wuldres.
<R 186>
His lichaman us cy+d, +te li+d unformolsnod, +t+at he butan
forligre her on worulde leofode, and mid cl+anum life to
Criste si+tode.
<R 189>
Sum wudewe wunode Oswyn gehaten +at +t+as halgan byrgene on
gebedum and f+astenum manega gear sy+d+dan.
<R 192>
seo wolde efsian +alce geare +tone Sanct, and his n+aglas
ceorfan syferlice mid lufe, and on scryne healdan to
haligdome on weofode.
<R 195>
+ta wur+dode +t+at landfolc mid geleafan +tone sanct, and
+teodred bisceop +tearle mid gifum on golde and on seolfre,
+tam sancte to wur+dmynte.
<R 198>
+ta comon on sumne s+al unges+alige +teofas, eahta on anre
nihte to +tam arwur+dan halgan, woldon stelan +ta ma+dmas
+te men +tyder brohton, and cunnodon mid cr+afte
hu hi in cumon mihton.
<R 202>
Sum sloh mid slecge swi+de +ta h+apsan, sum heora mid feolan
feolode abutan, sum eac underdealf +ta duru mid spade, sum
heora mid hl+addre wolde unlucan +t+at +ag+dyrl; ac hi
swuncon on idel, and earmlice ferdon, swa +t+at se halga wer
hi wundorlice geband, +alcne swa he stod strutigende mid tole,
+t+at heora nan ne mihte +t+at mor+d gefremman, ne hi +tanon
astyrian, ac stodon swa o+d mergen.
<R 211>
Men +ta +t+as wundrodon hu +ta weargas hangodon,
<P IV,330>
sum on hl+addre, sum leat to gedelfe, and +alc on his weorce
w+as f+aste gebunden.
<R 214>
Hi wurdon +ta gebrohte to +tam bisceope ealle, and he het hi
hon on heagum gealgum ealle; ac he n+as na gemyndig hu se
mildheorta God clypode +turh his witegan +tas word +te her
standa+d, (\Eos qui ducuntur ad mortem eruere ne cesses\) ;
+ta +te man l+at to dea+de alys hi ut symble.
<R 220>
And eac +ta halgan canones gehadodum forbeoda+d ge bisceopum
ge preostum, to beonne embe +teofas, for+tan+te hit ne
gebyra+t +tam +te beo+d gecorene Gode to +tegnigenne +t+at hi
ge+tw+arl+acan sceolon on +aniges mannes dea+de, gif hi beo+d
Drihtnes +tenas.
<R 225>
Eft +ta +deodred bisceop sceawode his bec sy+d+dan behreowsode
mid geomerunge +t+at he swa re+dne dom sette +tam unges+aligum
+teofum, and hit besargode +afre o+d his lifes ende; and +ta
leode b+ad georne, +t+at hi him mid f+astan fullice +try dagas,
biddende +tone +almihtigan +t+at he him arian scolde.
<R 231>
On +tam lande w+as sum man, Leofstan gehaten, rice for worulde
and unwittig for Gode, se rad to +tam halgan mid riccetere
swi+de, and het him +ateowian orhlice swi+de +tone halgan
sanct hw+a+ter he gesund w+are, ac swa hra+de swa he geseah
+t+as sanctes lichaman, +ta awedde he sona and w+alhreowlice
grymetede, and earmlice geendode yfelum dea+de.
<P IV,332>
<R 239>
+tis is +dam gelic +te se geleaffulla papa Gregorius s+ade on
his gesetnysse be +dam halgan Laurentie +de li+d on Romebyrig,
+t+at menn woldon sceawian symle hu he lage, ge gode ge yfele,
ac God hi gestilde, swa +t+at +t+ar swulton on +t+are
sceawunge ane seofon menn +atg+adere.
<R 245>
+ta geswicon +ta o+tre to sceawigenne +tone martyr mid
menniscum gedwylde.
<R 247>
Fela wundra we gehyrdon on folclicre spr+ace be +tam halgan
Eadmunde +te we her nella+t on gewrite settan, ac hi wat gehwa.
<R 250>
On +tyssum halgan is swutel, and on swilcum o+trum, +t+at God
+almihtig m+ag +tone man ar+aran eft on domes
d+ag andsundne of eor+tan, se +te hylt Eadmunde halne his
lichaman, o+d +tone micclan d+ag, +teah +de he of moldan come.
<R 255>
Wyr+de is seo stow for +tam wur+dfullan halgan +t+at hi man
wur+tige and wel gelogige mid cl+anum Godes +teowum, to
Cristes +teowdome, for+tan+te se halga is m+arra +tonne
men magon asmeagan.
<R 259>
Nis Angelcynn bed+aled Drihtnes halgena, +tonne on Englalanda
licga+t swilce halgan swylce +t+as halga cyning is, and
Cu+tberht se eadiga, and sancte +A+teldry+d on Elig, and eac
hire swustor, ansunde on lichaman, geleafan to trymminge.
<R 264>
Synd eac fela o+dre on Angelcynne halgan
<P IV,334>
+te fela wundra wyrca+d, swa swa hit wide is cu+d +tam
+almihtigan to lofe, +te hi on gelyfdon.
<R 267>
Crist geswutela+t mannum +turh his m+aran halgan +t+at he is
+almihtig God +te maca+d swilce wundra +teah +te
+ta earman Iudei hine eallunge wi+dsocen, for+tan+te hi synd
awyrgede swa swa hi wiscton him sylfum.
<R 271>
Ne beo+d nane wundra geworhte +at heora byrgenum, for+dan+te
hi ne gelyfa+d on +tone lifigendan Crist, ac Crist geswutela+d
mannum hw+ar se so+da geleafa is, +tonne he swylce wundra
wyrc+d +turh his halgan wide geond +tas eor+dan.
<R 275>
+t+as him sy wuldor a mid his heofonlican f+ader, and +tam
halgan gaste a buton ende; AMEN.



