<B COAEPREF>
<Q O3 IR PREF PRCHOM1>
<N PREF CHOM I>
<A AELFRIC>
<C O3>
<O 950-1050>
<M 950-1050>
<K CONTEMP>
<D WS>
<V PROSE>
<T PREFACE/EPIL>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z INSTR REL>
<S SAMPLE X>


[^TEXT:  AELFRIC'S PREFACE
TO CATHOLIC HOMILIES I.
1)   AELFRIC'S 'CATHOLIC HOMILIES' FIRST SERIES.
ED. P. A. M. CLEMOES.
CAMBRIDGE DISSERTATION, 1955-1956.
2)   THE SERMONES CATHOLICI, OR HOMILIES 
OF AELFRIC, VOL. I.
THE HOMILIES OF THE ANGLO-SAXON CHURCH, I.
ED. B. THORPE.
LONDON: THE AELFRIC SOCIETY, 1844.
(THE TEXT OF SAMPLE 1 IS DRAWN FROM 
CLEMOES 1955-6 BUT FOLLOWS THE LINEATION 
OF THORPE 1844).
PP. 2.1 - 8.18  (SAMPLE 1) (PRCHOM1)

TEXT:  AELFRIC'S PREFACE
TO CATHOLIC HOMILIES II.
1) AELFRIC'S SECOND SERIES OF 'CATHOLIC
HOMILIES': THE TEXT AND MANUSCRIPT
TRADITION.
ED. M. GODDEN.
CAMBRIDGE DISSERTATION, 1970.
2) AELFRIC'S CATHOLIC HOMILIES: 
THE SECOND SERIES, TEXT.
EARLY ENGLISH TEXT SOCIETY, S.S. 5.
ED. M. GODDEN.
LONDON, 1979.
(THE TEXT OF SAMPLE 2 IS DRAWN 
FROM GODDEN 1970 BUT FOLLOWS 
THE LINEATION OF GODDEN 1979).
PP. 1.29 - 2.49  (SAMPLE 2) (PRCHOM2)

TEXT:  AELFRIC'S PREFACE TO LIVES OF SAINTS.
AELFRIC'S LIVES OF SAINTS, BEING A SET OF
SERMONS ON SAINTS' DAYS FORMERLY
OBSERVED BY THE ENGLISH CHURCH, VOL. I.
EARLY ENGLISH TEXT SOCIETY, 76.
ED. W. W. SKEAT.
LONDON, 1966 (1881).
PP. 4.35 - 6.76  (PRAELVS)

TEXT:  AELFRIC'S PREFACE TO GRAMMAR.
AELFRICS GRAMMATIK UND GLOSSAR, VOL. I.
ED. J. ZUPITZA.
BERLIN: WEIDMANNSCHE BUCHHANDLUNG, 1880.
PP. 2.13 - 3.25  (PRAEGR)^]

<S SAMPLE 1>
[^B1.1.1^]
<P 2>
<R 2.1>
[} (\PRAEFATIO.\) }]
Ic +alfric munuc and m+assepreost swa +deah
waccre +tonne swilcum hadum gebyrige. wear+d asend on
+a+telredes d+age cyninges fram +alfeage
biscope a+delwoldes +aftergengan to sumum mynstre
+de is cernel gehaten +turh +a+delm+ares bene +d+as
+tegenes. his gebyrd and goodnys sind gehw+ar cu+de;
<R 2.7>
+Ta bearn me on mode ic truwige +durh godes gife. +t+at ic
+das boc of ledenum gereorde to engliscre spr+ace awende.
na +turh gebylde micelre lare. ac for +dan +de ic geseah
and gehyrde mycel gedwyld on manegum engliscum bocum.
+de ungel+arede menn +durh heora bilewitnysse to micclum
wisdome tealdon. and me ofhreow +t+at hi ne cu+don ne
n+afdon +da godspellican lare on heora gewritum. buton +dam
mannum anum +de +t+at leden cu+don. and buton +tam bocum +de
+alfred cyning snoterlice awende of ledene on englisc.
+da synd to h+abbenne;
<R 2.16>
For +disum antimbre ic gedyrstl+ahte on gode truwiende +t+at
ic +das gesetnysse undergann. and eac for +dam +de menn
behofia+d godre lare swi+dost on +tisum timan +te
is geendung +tyssere worulde. and beo+d fela
frecednyssa on mancynne +ar +dan +te se ende becume. swa swa
ure drihten on his godspelle cw+a+d to his leorningcnihtum;
<R 2.21>
+Tonne beo+d swilce
<P 4>
gedreccednyssa swilce n+aron n+afre +ar fram frym+de
middangeardes;
<R 4.2>
Manega lease cristas cuma+d on minum naman cwe+dende ic eom
crist. and wyrca+d fela tacna and wundra to bep+acenne
mancynn. and eac swylce +da gecorenan men gif hit
gewur+dan m+ag;
<R 4.5>
And butan se +almihtiga god +da dagas gescyrte. eall mennisc
forwurde ac for his gecorenum he gescyrte +da dagas;
<R 4.7>
Gehwa m+ag +te ea+delicor +ta toweardan costnunge acuman +durh
godes fultum. gif he bi+d +turh boclice lare getrymmed. for
+dan +de +da beo+d gehealdene +te o+d ende on geleafan
+turhwunia+d;
<R 4.10>
Fela gedreccednyssa and earfo+dnyssa becuma+d on +dissere
worulde +ar hire geendunge. and +ta sind +da bydelas +t+as
ecan forwyrdes on yfelum mannum +te for heora mand+adum
si+d+dan ecelice +drowia+d on +d+are sweartan helle;
<R 4.14>
+Tonne cym+d se antecrist se bi+d mennisc mann and so+d deofol
swa swa ure h+alend is so+dlice mann. and god on anum hade;
<R 4.16>
And se gesewenlica deofol +tonne wyrc+d ungerima wundra. and
cwy+d +t+at he sylf god beo. and wile neadian mancynn to his
gedwylde. ac his tima ne bi+d na langsum. for +dan +de godes
grama hine forde+d. and +deos weoruld bi+d si+d+dan geendod;
<R 4.20>
Crist ure drihten geh+alde untrume and adlige. and +tes deofol
+te is gehaten antecrist. +t+at is gereht +dwyrlic crist.
aleua+d and geuntruma+d +ta halan. and n+anne ne geh+al+d
fram untrumnyssum. buton +tam anum +te he sylf +ar awyrde;
<R 4.24>
He and his gingran awyrda+d manna lichaman digellice +durh
deofles cr+aft. and geh+ala+d hi openlice on manna gesih+de.
ac he ne m+ag n+anne geh+alan. +te god sylf +ar geuntrumode;
<R 4.27>
He neada+d +turh yfelnysse +t+at men sceolon bugan fram heora
scyppendes geleafan to his leasungum. se +de is ord +alcere
leasunge and yfelnysse;
<R 4.29>
Se +almihtiga god ge+dafa+d +tam arleasan antecriste. to
wyrcenne tacna and wundra. and ehtnysse to feor+dan healfan
geare. for +dan +de on +dam timan bi+d swa micel yfelnyss and
+twyrnys betwux mancynne. +t+at hi wel wyr+de beo+d +t+are
deoflican ehtnysse to ecum forwyrde +tam +de him onbuga+d.
and to ecere myrh+de +tam +te him +turh geleafan wi+dcwe+da+d;
<R 4.35>
God
<P 6>
ge+dafa+d eac +t+at his gecorenan +degenas beon acl+ansade
fram eallum synnum. +durh +da orm+atan ehtnyssa. swa swa gold
bi+d on fyre afandod;
<R 6.3>
+Ta ofslih+d se deofol +de him wi+dstanda+d. and hi +donne
fara+d mid halgum martyrdome to heofenan rice;
<R 6.5>
+Ta +de his leasungum gelyfa+d +tam he ara+d. and hi habba+d
sy+d+dan +ta ecan susle to edleane heora gedwyldes;
<R 6.6>
Se arleasa de+d +t+at fyr cym+d ufan swilce of heofonum on
manna gesih+de. swilce he god +almihtig sy. +de ah geweald
heofenas and eor+dan. ac +ta cristenan sceolon beon +tonne
gemyndige. hu se deofol dyde. +da +da he b+ad +at gode +t+at
he moste fandian IOBES;
<R 6.11>
He gemacode +da +t+at fyr com ufan swilce of heofenum. and
forb+arnde ealle his scep ut on felda. and +ta hyrdas samod.
buton anum +te hit him cy+dan sceolde;
<R 6.13>
Ne sende se deofol +da fyr of heofenum. +teah +de hit ufan
come. for +dan +de he sylf n+as on heofonum. sy+d+dan he
for his modignysse of aworpen w+as;
<R 6.16>
Ne eac se w+alhreowa antecrist n+af+d +ta mihte +t+at he
heofenlic fyr asendan m+age. +deah +de he +turh deofles cr+aft
hit swa gehiwige;
<R 6.18>
Bi+d nu wislicor +t+at gehwa +dis wite and cunne his geleafan.
weald hwa +da micclan yrm+de gebidan sceole;
<R 6.20>
Ure drihten bebead his discipulum +t+at hi sceoldon l+aran.
and t+acan eallum +teodum +da +ding +te he sylf him t+ahte.
ac +d+ara is nu to lyt. +de wile wel t+acan. and wel bysnian;
<R 6.23>
Se ylca drihten clypode +turh his witegan ezechiel;
<R 6.24>
Gif +du ne gestentst +tone unrihtwisan and hine ne manast
+t+at he fram his arleasnysse gecyrre. and lybbe. +tonne
swelt se arleasa on his unrihtwisnysse. and ic
wylle ofgan +at +de his blod +t+at is his lyre;
<R 6.27>
Gif +du +donne +tone arleasan gewarnast. and he nele fram his
arleasnysse gecyrran. +tu alysdest +tine sawla mid +t+are
mynegunge. and se arleasa swylt on his unrihtwisnysse;
<R 6.30>
Eft cw+a+d se +almihtiga to +tam witegan ISIAM;
<R 6.31>
Clypa and ne geswic +du. ahefe +dine stemne swa swa byme. and
cy+d minum folce heora leahtras. and Iacobes hirede heora
synna;
<R 6.33>
For swylcum bebodum wear+d me ge+duht +t+at ic n+are unscyldig
wi+d god. gif ic nolde o+drum mannum cy+dan o+t+te +turh
<P 8>
gewritu +da godspellican so+df+astnysse +te he sylf gecw+a+d.
and eft halgum lareowum onwreah;
<R 8.2>
Forwel fela ic wat on +disum earde. gel+aredran +tonne ic sy.
ac god geswutela+d his wundra +durh +done +de he wile.
swa swa +almihtig wyrhta;
<R 8.5>
He wyrc+d his weorc +turh his gecorenan. na swylce he behofige
ures fultumes. ac +t+at we geearnion +t+at ece lif +turh his
weorces fremminge;
<R 8.7>
Paulus se apostol cw+a+d;
<R 8.8>
We sind godes gefylstan. and swa +deah ne do we nan +ding to
gode. buton godes fultume;
<R 8.9>
Nu bydde ic and halsige on godes naman gif hwa +tas boc
awritan wylle +t+at he hi geornlice gerihte be
+d+are bysene. +ty l+as +de we +durh gymelease writeras
geleahtrode beon;
<R 8.12>
Mycel yfel de+d se +de leas writ. buton he hit gerihte. swylce
he gebringe +ta so+dan lare to leasum gedwylde. for +di sceal
gehwa gerihtl+acan +t+at +t+at he +ar to woge gebigde gif he
on godes dome unscyldig beon wile;

<S SAMPLE 2>
<Q O3 XX PREF PRCHOM2>
<N PREF CHOM II>
<A AELFRIC>
<C O3>
<O 950-1050>
<M 950-1050>
<K CONTEMP>
<D WS>
<V PROSE>
<T PREFACE/EPIL>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>

[^B1.2.1^]
<P 1>
[} (\INCIPIT PRAEFATIO HUIUS LIBRI. IN NOMINE CHRISTI
OMNIPOTENTIS.\) }]
[^LINES 1 TO 28 (IN LATIN) OMITTED FROM THE TORONTO CORPUS^]
<R 1.29>
Ic +alfric munuc awende +tas boc of ledenum bocum to
engliscum gereorde +tam mannum to r+adenne +te +t+at leden
ne cunnon;
<R 1.31>
Ic hi genam of halgum godspellum. and +after ge+dungenra
lareowa trahtnungum hi asmeade. +t+ara lareowa naman
<P 2>
ic awrat on +d+are +arran bec. on +d+are ledenan forespr+ace;
<R 2.33>
Ic gesette on twam bocum +ta gereccednysse +de ic awende. for
+dan +de ic +dohte +t+at hit w+are l+asse +a+dryt to
gehyrenne. gif man +da ane boc r+at on anes geares
ymbryne. and +da o+dre on +dam +aftran geare;
<R 2.37>
On +ag+der +t+ara boca. sind feowertig cwyda buton +d+are
forespr+ace. ac hi ne sind na ealle of godspellum genumene.
ac sind forwel fela of godes halgena life o+d+de +trowunge
gegaderode. +t+ara anra +te angelcynn mid freolsdagum wur+da+d;
<R 2.41>
+atforan +alcum cwyde we setton +da swutelunge on leden. m+ag
swa +deah se +de wile +ta capitulas +after +d+are forespr+ace
geendebyrdian;
<R 2.43>
Nu bidde ic and halsige on godes naman gif hwa +das boc
awritan wylle. +t+at he hi geornlice gerihte. be +d+are bysne
+te l+as +de we +durh gymeleasum writerum geleahtrode beon;
<R 2.46>
Micel yfel de+d se +de leas writ buton he hit gerihte. swilce
he gebringe +da so+dan lare to leasum gedwylde;
<R 2.47>
For +di sceal gehwa gerihtl+acan +t+at +t+at he +ar to woge
gebigde. gif he on godes dome unscyldig beon wile;

<Q O3 XX PREF PRAELVS>
<N PREF LIVES>
<A AELFRIC>
<C O3>
<O 950-1050>
<M 950-1050>
<K CONTEMP>
<D WS>
<V PROSE>
<T PREFACE/EPIL>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>

[^B1.3.1^]
<P 4>
<R 1>
+ALFRIC GRET EADMODLICE +A+DELWERD EALDORMAN and ic secge +te
leof, +t+at ic h+abbe nu gegaderod on +tyssere bec +t+ara
halgena +trowunga +te me to onhagode on englisc to awendene,
for +tan +te +du leof swi+dost and +a+delm+ar swylcera gewrita
me b+adon, and of handum gel+ahton eowerne geleafan to
getrymmenne, mid +t+are gerecednysse, +te ge on eowrum
gereorde n+afdon +ar.
<R 7>
+tu wast leof +t+at we awendon on +tam twam +arrum bocum
+t+ara halgena +trowunga and lif, +te angelcynn mid
freolsdagum wur+ta+d.
<R 9>
Nu gewear+d us +t+at we +tas boc be +t+ara halgena +drowungum
and life, gedihton +te mynstermenn mid heora
+tenungum betwux him wur+dia+d.
<R 12>
Ne secge we nan +tincg niwes on +tissere gesetnysse, for+tan
+de hit stod gefyrn awriten on ledenbocum +teah +te +ta
l+awedan men +t+at nyston.
<P 6>
<R 15>
Nelle we eac mid leasungum +tyllic liccetan, for+tan +te
geleaffulle f+aderas and halige lareowas hit awriton on
ledenspr+ace, to langum gemynde, and to trymmincge
+tam towerdum mannum.
<R 19>
Sum witega clypode +turh +tone halgan gast and cw+a+d,
(\Mirabilis deus in sanctis suis, et cet\) : Wundorlic is god
on his halgum; he sylf forgif+d mihte and streng+de
his folce; gebletsod is he god.
<R 22>
We awrita+d fela wundra on +tissere bec, for+tan +te god is
wundorlic on his halgum swa swa we +ar s+adon, and his
halgena wundra wur+dia+d hine, for+tan +te he worhte
+ta wundra +turh hi.
<R 25>
An woruldcynincg h+af+d fela +tegna and mislice wicneras; he
ne m+ag beon wur+dful cynincg buton he h+abbe +ta ge+tinc+de
+te him gebyria+d, and swylce +teningmen, +te
+teawf+astnysse him gebeodon.
<R 29>
Swa is eac +tam +almihtigan gode +te ealle +tincg gesceop; him
geris+d +t+at he h+abbe halige +tenas +te his
willan gefylla+d, and +t+ara is fela on mannum anum +te he of
middanearde geceas, +t+at nan bocere ne m+ag +teah he mycel
cunne, heora naman awriten, for+tan +te hi nat nan man.
<R 35>
Hi synd ungeryme swa swa hit geris+d gode; ac we woldon
gesettan be sumum +tas boc, mannum to getrymminge and to munde
us sylfum, +t+at hi us +tingion to +tam +almihtigan gode, swa
swa we on worulde heora wundra cy+da+d.
<R 40>
Ic bidde nu on godes naman gif hwa +tas boc awritan wille,
+t+at he hi wel gerihte be +t+are bysne, and
+t+ar namare betwux ne sette +tonne we awendon.

<Q O3 XX PREF PRAEGR>
<N PREF GRAMMAR>
<A AELFRIC>
<C O3>
<O 950-1050>
<M 950-1050>
<K CONTEMP>
<D WS>
<V PROSE>
<T PREFACE/EPIL>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>

[^B1.9.1^]
<P 2>
<R 2.13>
 Ic +alfric wolde +tas lytlan boc awendan to engliscum
gereorde of +dam st+afcr+afte, +te is gehaten (\GRAMMATICA\) , 
sy+d+dan ic +da twa bec awende on hundeahtatigum
spellum, for+dan +de st+afcr+aft is seo c+ag, +de
+d+ara boca andgit unlic+d; and ic +tohte, +t+at +deos boc
mihte fremian iungum cildum to anginne +t+as cr+aftes, 
o+d+d+at hi to maran andgyte becumon.
<R 2.19>
+Alcum men gebyra+d, +te +anigne godne cr+aft h+af+d, +t+at he
+done do nytne o+drum mannum and bef+aste +t+at pund, 
+te him god bef+aste, sumum o+drum men, +t+at godes feoh
ne +atlicge and he beo ly+dre +teowa gehaten and 
beo gebunden and geworpen into +deostrum, swaswa +t+at
halige godspel seg+d.
<R 2.24>
iungum mannum gedafena+d, +t+at hi leornion sumne wisdom and
+dam ealdum 
<P 3>
gedafena+d, +t+at hi t+acon sum gerad 
heora iunglingum, for+dan +de +durh lare by+d se geleafa
gehealden.
<R 3.2>
and +alc man, +de wisdom lufa+d, by+d ges+alig, and, se +de
na+dor nele ne leornian ne t+acan, gif he m+ag, 
+tonne acola+d his andgyt fram +d+are halgan lare, and he
gewit swa lytlum and lytlum fram gode.
<R 3.6>
hwanon sceolon cuman wise lareowas on godes folce, buton hi on
iugo+de leornion?
<R 3.8>
and hu m+ag se geleafa beon for+dgenge, gif seo lar and +da
lareowas ateoria+d?
<R 3.9>
is nu for +di godes +teowum and mynstermannum georne to
warnigenne, +t+at seo halige lar on urum dagum 
ne acolige o+d+de ateorige, swaswa hit w+as gedon on
Angelcynne nu for anum feawum gearum, swa +t+at nan
englisc preost ne cu+de dihtan o+d+de asmeagean anne pistol
on leden, o+d+t+at Dunstan arcebisceop and A+delwold 
bisceop eft +ta lare on munuclifum ar+ardon.
<R 3.16>
ne cwe+de ic na for +di, +t+at +deos boc m+age micclum to lare
fremian, ac heo by+d swa +deah sum angyn to 
+ag+drum gereorde, gif heo hwam lica+d.
<R 3.20>
Ic bidde nu on godes naman, gyf hwa +das boc awritan wylle,
+t+at he hi gerihte wel be +d+are bysne; for+dan 
+de ic nah geweald, +teah hi hwa to woge gebringe +turh
lease writeras, and hit bi+d +donne his pleoh, na min.
<R 3.24>
micel yfel de+d se unwritere, gyf he nele his woh gerihtan.



