<B COANDREA>
<Q OX/3 XX XX AND>
<N ANDREAS>
<A X>
<C OX/3>
<O X>
<M 950-1050>
<K NON-CONTEMP>
<D WS/X>
<V VERSE>
<T X>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>
<S SAMPLE X>


[^TEXT:  ANDREAS.
THE VERCELLI BOOK.
THE ANGLO-SAXON POETIC RECORDS, II.
ED. G. P. KRAPP.
NEW YORK: COLUMBIA UNIVERSITY PRESS, 1932.
PP. 3.1     - 12.348     (SAMPLE 1)
PP. 29.950  - 37.1252    (SAMPLE 2)
PP. 44.1478 - 51.1722    (SAMPLE 3)^]

<S SAMPLE 1>
[^A2.1^]
<P 3>
[} [\ANDREAS\] }]
<R 1>
Hw+at.
We gefrunan on fyrndagum twelfe under tunglum tireadige
h+ale+d, +teodnes +tegnas.
<R 3>
No hira +trym al+ag [{campr+adenne{] +tonne cumbol hneotan,
sy+d+dan hie ged+aldon, swa him dryhten sylf, heofona
heahcyning, [{hlyt{] get+ahte.
<R 8>
+t+at w+aron m+are men ofer eor+dan, frome folctogan ond
fyrdhwate, rofe rincas, +tonne rond ond hand on
herefelda helm ealgodon, on meotudwange.
<R 11>
W+as hira Matheus sum, se mid Iudeum ongan godspell +arest
wordum writan wundorcr+afte.
<R 14>
+tam halig god hlyt geteode ut on +t+at igland +t+ar +anig +ta
git ell+teodigra e+dles ne mihte bl+ades brucan.
<R 17>
Oft him bonena hand on herefelda hearde gesceode.
<R 20>
eal w+as +t+at mearcland mor+dre bewunden, feondes facne,      
folcstede gumena, h+ale+da e+del.
<R 21>
N+as +t+ar hlafes wist werum on +tam wonge, ne w+ateres drync
to bruconne, ah hie blod ond fel, fira fl+aschoman,
feorrancumenra, +degon geond +ta +teode.
<R 25>
Swelc w+as +teaw hira +t+at hie +aghwylcne ell+deodigra dydan
him to mose mete+tearfendum, +tara +te +t+at ealand utan sohte.
<R 29>
Swylc w+as +t+as folces freo+doleas tacen, unl+adra eafo+d,
+t+at hie eagena gesih+d, [{hettend{] heorogrimme,
[{heafodgimmas{]
<P 4>
[{agetton{] gealgmode gara ordum.
<R 33>
Sy+d+dan him [{geblendan{] bitere tosomne, dryas +turh
dwolcr+aft, drync unheorne, se onwende gewit, wera
inge+tanc, heortan hre+dre, hyge w+as oncyrred, +t+at hie ne
murndan +after mandreame, h+ale+t heorogr+adige, ac hie hig
ond g+ars for meteleaste me+de gedrehte.
<R 40>
+ta w+as Matheus to +t+are m+aran byrig cumen in +ta ceastre.
<R 41>
+t+ar w+as cirm micel geond Mermedonia, manfulra hlo+d,
fordenera gedr+ag, sy+t+tan deofles [{+tegnas{] geascodon
+a+delinges si+d.
<R 45>
Eodon him +ta togenes, garum gehyrsted, lungre under linde,
nalas late w+aron, eorre +ascberend, to +tam orlege.
<R 48>
Hie +tam halgan +t+ar handa gebundon ond f+astnodon feondes
cr+afte, h+ale+d hellfuse, ond his heafdes segl abreoton mid
billes ecge.
<R 51>
Hw+a+dre he in breostum +ta git herede in heortan heofonrices
weard, +teah +de he atres drync atulne onfenge.
<R 54>
Eadig ond onmod, he mid elne for+d wyr+dode wordum wuldres
aldor, heofonrices weard, halgan stefne, of carcerne.
<R 57>
Him w+as Cristes lof on fyrh+dlocan f+aste bewunden.
<R 59>
He +ta wepende weregum tearum his sigedryhten sargan reorde
grette, gumena brego, geomran stefne, weoruda wilgeofan,
ond +tus wordum cw+a+d: Hu me el+teodige
inwitwrasne searonet [{seowa+d{] .
<R 64>
A ic symles w+as on wega gehwam willan +tines georn on mode;
nu +durh geoh+da sceal d+ade fremman swa +ta dumban neat.
<P 5>
<R 68>
+tu ana canst ealra gehygdo, meotud mancynnes, mod in hre+dre.
<R 70>
Gif +tin willa sie, wuldres aldor, +t+at me w+arlogan w+apna
ecgum, sweordum, aswebban, ic beo sona gearu to adreoganne
+t+at +du, drihten min, engla eadgifa,
e+delleasum, duge+da d+adfruma, deman wille.
<R 76>
Forgif me to are, +almihtig god, leoht on +tissum life, +ty
l+as ic lungre scyle, ablended in burgum, +after billhete
+turh hearmcwide heorugr+adigra, la+dra
leodscea+dena, leng +trowian edwitspr+ace.
<R 80>
Ic to anum +te, middangeardes weard, mod sta+tolige, f+aste
fyrh+dlufan, ond +te, f+ader engla, beorht bl+adgifa,
biddan wille +d+at +du me ne gescyrige mid
scyldhetum, werigum wrohtsmi+dum, on +tone wyrrestan,
dugo+da demend, dea+d ofer eor+dan.
<R 88>
+after +tyssum wordum com wuldres tacen halig of heofenum,
swylce hadre segl to +tam carcerne.
<R 90>
+t+ar gecy+ded wear+d +t+at halig god helpe gefremede, +da
wear+d gehyred heofoncyninges stefn wr+atlic under wolcnum,
wordhleo+dres sweg m+ares +teodnes.
<R 94>
He his magu+tegne under hearmlocan h+alo ond frofre beadurofum
abead beorhtan stefne: Ic +te, Matheus,
mine sylle sybbe under swegle.
<R 98>
Ne beo +du on sefan to forht, ne on mode [{ne{] murn.
<R 99>
Ic +te mid wunige ond +te alyse of +tyssum leo+dubendum, ond
ealle +ta menigo +te +te mid wunia+d on nearonedum.
<R 102>
+te is neorxnawang, bl+ada beorhtost, boldwela f+agrost,
<P 6>
hama hyhtlicost, halegum mihtum torht ontyned.
<R 105>
+t+ar +du tyres most, to widan feore willan brucan.
<R 107>
Ge+tola +teoda +trea.
Nis seo +trah micel +t+at +te w+arlogan witebendum,
[{synnige{] +durh searocr+aft, swencan motan.
<R 110>
Ic +te Andreas +adre onsende to hleo ond to hro+dre in +tas
h+a+denan burg.
<R 112>
He +de alyse+d of +tyssum leodhete.
<R 113>
Is to +t+are tide t+almet hwile emne mid so+de seofon ond
twentig nihtgerimes, +t+at +du of nede most, sorgum geswenced,
sigore gewyr+dod, [{hweorfan{] , of hen+dum in gehyld godes.
<R 118>
[{Gewat{] him +ta se halga helm +alwihta, engla scyppend, to
+tam uplican e+delrice.
<R 120>
He is on riht cyning, sta+dolf+ast styrend, in stowa gehwam.
<R 122>
+da w+as Matheus miclum onbryrded niwan stefne.
<R 123>
Nihthelm toglad, lungre leorde leoht +after com, d+agredwoma.
<R 125>
Dugu+d samnade, h+a+dne hildfrecan, heapum +trungon, gu+dsearo
gullon, garas hrysedon, bolgenmode, under
bordhreo+dan.
<R 129>
Woldon cunnian hw+a+der cwice lifdon +ta +te on carcerne
clommum f+aste hleoleasan wic hwile wunedon, hwylcne hie to
+ate +arest mihton +after fyrstmearce feores ber+adan.
<R 134>
H+afdon hie on rune ond on rimcr+afte awriten, w+algr+adige,
wera endest+af, [{hw+anne{] hie to mose mete+tearfendum on
+t+are wer+teode weor+dan sceoldon.
<R 138>
Cirmdon caldheorte, cor+dor o+drum getang,
<P 7>
re+de r+asboran.
<R 139>
Rihtes ne gimdon, meotudes mildse.
<R 140>
Oft hira mod onwod under dimscuan deofles larum, +tonne hie
unl+adra [{eafe+dum{] gelyfdon.
<R 143>
Hie +da gemetton modes glawne, haligne h+ale, under
heolstorlocan bidan beadurofne [{+t+as{] him beorht cyning,
engla ordfruma, unnan wolde.
<R 147>
+da w+as first agan frumr+adenne +tinggemearces butan +trim
nihtum, swa hit w+alwulfas awriten h+afdon +t+at
hie banhringas abrecan +tohton, lungre tolysan lic ond sawle,
ond +tonne tod+alan dugu+de ond geogo+de,
werum to wiste ond to wil+tege, f+ages fl+aschoman.
<R 154>
Feorh ne bemurndan, gr+adige gu+drincas, hu +t+as gastes si+d
+after swyltcwale geseted wurde.
<R 157>
Swa hie symble ymb +tritig +ting gehedon nihtgerimes; w+as him
neod micel +t+at hie tobrugdon blodigum ceaflum fira
fl+aschoman him to foddor+tege.
<R 161>
+ta w+as gemyndig, se +de middangeard gesta+delode strangum
mihtum, hu he in ell+teodigum yrm+dum wunode,
belocen leo+dubendum, +te oft his lufan adreg for Ebreum ond
Israhelum; swylce he Iudea galdorcr+aftum wi+dstod stranglice.
<R 167>
+ta sio stefn gewear+d gehered of heofenum, +t+ar se halga wer
in Achaia, Andreas, w+as, leode l+arde on
lifes weg, +ta him cirebaldum cininga wuldor, meotud
mancynnes, modhord onleac, weoruda drihten, ond
+tus wordum cw+a+d: +du scealt feran ond fri+d l+adan,
<P 8>
si+de gesecan, +t+ar sylf+atan eard weardiga+d, e+del
healda+t mor+dorcr+aftum.
<R 177>
Swa is +t+are menigo +teaw +t+at hie uncu+dra +angum ne
willa+d on +tam folcstede feores geunnan sy+t+tan manfulle
on Mermedonia onfinda+t feasceaftne.
<R 181>
+t+ar sceall feorhgedal, earmlic ylda cwealm, +after wyr+tan.
<R 183>
+d+ar ic seomian wat +tinne sigebro+dor mid +tam burgwarum
bendum f+astne.
<R 185>
Nu bi+d fore +treo niht +t+at he on +t+are +teode sceal fore
h+a+denra handgewinne +turh gares gripe gast onsendan,
ellorfusne, butan +du +ar cyme.
<R 189>
+adre him Andreas agef andsware: Hu m+ag ic, dryhten min, ofer
deop gelad fore gefremman on feorne weg swa hr+adlice,
heofona scyppend, wuldres waldend, swa +du worde becwist?
<R 194>
+d+at m+ag engel +tin ea+d geferan, [{halig{] of heofenum con
him holma begang, sealte [{s+astreamas{] ond swanrade,
waro+dfaru+da gewinn ond w+aterbrogan, wegas ofer widland.
<R 198>
Ne synt me winas cu+de, eorlas el+teodige, ne +t+ar +aniges
wat h+ale+da gehygdo, ne me herestr+ata ofer cald w+ater
cu+de sindon.
<R 201>
Him +da ondswarude ece dryhten: Eala, Andreas, +t+at +du a
woldest +t+as si+df+ates s+ane weor+tan.
<R 205>
Nis +t+at unea+de eallwealdan gode to gefremmanne on foldwege,
+d+at sio ceaster hider on +tas cneorisse
under swegles gang aseted wyr+de, breogostol breme, mid +tam
burgwarum, gif hit worde becwi+d wuldres
agend.
<P 9>
<R 211>
Ne meaht +du +t+as si+df+ates s+ane weor+dan, ne on gewitte to
wac, gif +du wel +tencest wi+d +tinne waldend w+are gehealdan,
treowe tacen.
<R 214>
Beo +du on tid gearu; ne m+ag +t+as +arendes ylding wyr+dan.
<R 216>
+du scealt +ta fore geferan ond +tin feorh beran in gramra
gripe, +d+ar +te gu+dgewinn +turh h+a+denra hildewoman,
beorna beaducr+aft, geboden [{wyr+de+d{] .
<R 220>
Scealtu +aninga mid +ard+age, emne to morgene, +at meres ende
ceol gestigan ond on cald w+ater brecan ofer b+a+dweg.
<R 223>
Hafa bletsunge ofer middangeard mine, +t+ar +du fere.
<R 225>
Gewat him +ta se halga healdend ond wealdend, upengla fruma,
e+del secan, middangeardes weard, +tone m+aran ham,
+t+ar so+df+astra sawla moton +after lices hryre lifes brucan.
<R 230>
+ta w+as +arende +a+delum cempan aboden in burgum, ne w+as
him blea+d hyge, ah he w+as anr+ad ellenweorces,
heard ond higerof, nalas hildlata, gearo, gu+de fram, to
godes campe.
<R 235>
Gewat him +ta on uhtan mid +ard+age ofer sandhleo+du to s+as
faru+de, +triste on ge+tance, ond his +tegnas
mid, gangan on greote.
<R 238>
Garsecg hlynede, beoton brimstreamas.
<R 239>
Se beorn w+as on hyhte, sy+d+tan he on waru+de widf+a+dme scip
modig gemette.
<R 241>
+ta com morgentorht beacna beorhtost ofer breomo sneowan,
halig of heolstre.
<R 243>
Heofoncandel blac ofer lagoflodas.
<R 244>
He +d+ar lidweardas, +trymlice +try +tegnas [{gemette{] ,
modiglice menn, on merebate
<P 10>
sittan si+dfrome, swylce hie ofer s+a comon.
<R 248>
+t+at w+as drihten sylf, duge+da wealdend, ece +almihtig, mid
his englum twam.
<R 250>
W+aron hie on gescirplan scipferendum, eorlas onlice
eali+dendum, +tonne hie on flodes f+a+dm ofer feorne weg
on cald w+ater ceolum laca+d.
<R 254>
Hie +da gegrette, se +de on greote stod, fus on faro+de,
[{f+agn{] reordade: Hwanon comon ge ceolum li+dan,
macr+aftige menn, on mere+tissan, ane +agflotan?
<R 258>
Hwanon eagorstream ofer y+da gewealc eowic brohte?
<R 260>
Him +da ondswarode +almihti god, swa +t+at ne wiste, se +de
+t+as wordes bad, hw+at se manna w+as me+delhegendra,
+te he +t+ar on waro+de wi+d+tingode: We of Marmedonia
m+ag+de syndon feorran geferede [^TORONTO CORPUS: gefrede^] .
<R 265>
Us mid flode b+ar on hranrade heahstefn naca, snellic
s+amearh, snude bewunden, o+d+t+at we [{+tissa{] leoda
land gesohton, w+are bewrecene, swa us wind fordraf.
<R 270>
Him +ta Andreas ea+dmod oncw+a+d: Wolde ic +te biddan, +teh ic
+te beaga lyt, sincweor+dunga, syllan meahte, +t+at +du us
gebrohte brante ceole, hea hornscipe, ofer
hw+ales e+del on +t+are m+ag+de.
<R 275>
Bi+d +de meor+d wi+d god, +t+at +du us on lade li+de weor+de.
<R 277>
Eft him ondswarode +a+delinga helm of y+dlide, engla scippend:
Ne magon +t+ar gewunian widferende, ne +t+ar el+teodige
eardes bruca+d, ah in +t+are ceastre cwealm
+trowia+d, +ta +de feorran +tyder feorh gel+ada+t,
<P 11>
ond +tu wilnast nu ofer widne mere +t+at +du on +ta f+ag+de
+tine feore spilde.
<R 285>
Him +ta Andreas agef ondsware: Usic lust hwete+d on +ta
leodmearce, mycel modes hiht, to +t+are m+aran byrig,
+teoden leofesta, gif +du [{us{] +tine wilt on
merefaro+de miltse gecy+dan.
<R 290>
Him ondswarode engla +teoden, neregend fira, of nacan stefne:
We +de estlice mid us willa+d ferigan freolice ofer fisces
b+a+d efne to +tam lande +t+ar +te lust
myne+d to gesecanne, sy+d+dan ge eowre gafulr+adenne agifen
habba+d, sceattas gescrifene, swa eow scipweardas,
aras ofer y+dbord, unnan willa+d.
<R 299>
Him +ta ofstlice Andreas wi+d, wine+tearfende, wordum m+alde:
N+abbe ic f+ated gold ne feohgestreon, welan ne wiste ne wira
gespann, landes ne locenra beaga, +t+at ic +te m+age lust
ahwettan, willan in worulde, swa +du worde becwist.
<R 305>
Him +ta beorna breogo, +t+ar he on bolcan s+at, ofer waro+da
geweorp wi+d+tingode: Hu gewear+d +te +t+as, wine
leofesta, +d+at +du s+abeorgas secan woldes, merestreama
gemet, ma+dmum [{bed+aled{] , ofer cald cleofu ceoles neosan?
<R 311>
Nafast +te to frofre on faro+dstr+ate hlafes wiste ne
hlutterne drync to dugo+de.
<R 313>
Is se drohta+d strang +tam +te lagolade lange cunna+t.
<R 315>
+da him Andreas +durh ondsware, wis on gewitte, wordhord
onleac: Ne gedafena+d +te, nu +te dryhten geaf
welan ond wiste ond woruldspede,
<P 12>
+d+at +du ondsware mid oferhygdum, sece sarcwide.
<R 320>
Selre bi+d +aghwam +t+at he ea+dmedum ellorfusne oncnawe
cu+dlice, swa +t+at Crist bebead, +teoden +trymf+ast.
<R 323>
We [{his{] +tegnas synd gecoren to cempum.
<R 324>
He is cyning on riht, wealdend ond wyrhta wuldor+trymmes, an
ece god eallra gesceafta, swa he ealle
befeh+d anes cr+afte, hefon ond eor+dan, halgum mihtum, sigora
selost.
<R 329>
He +d+at sylfa cw+a+d, f+ader folca gehw+as, ond us feran het
geond ginne grund gasta streonan: Fara+d nu
geond ealle eor+dan sceatas emne swa wide swa w+ater bebuge+d,
o+d+de stedewangas str+ate gelicga+t.
<R 335>
Bodia+d +after burgum beorhtne geleafan ofer foldan f+a+dm.
<R 336>
Ic eow freo+do healde.
<R 337>
Ne +durfan ge on +ta fore fr+atwe l+adan, gold ne seolfor.
<R 338>
Ic eow goda gehw+as on eowerne agenne dom est ahwette.
<R 340>
Nu +du seolfa miht si+d userne gehyran hyge+tancol.
<R 341>
Ic sceal hra+de cunnan hw+at +du us to [{dugu+dum{] gedon
wille.
<R 343>
Him +ta ondswarode ece dryhten: Gif ge syndon +tegnas +t+as
+te +trym ahof ofer middangeard, swa ge me secga+t,
ond ge geheoldon +t+at eow se halga bead, +tonne ic eow
mid gefean ferian wille ofer brimstreamas, swa ge benan sint.

<S SAMPLE 2>
<P 29>
<R 950>
Nu +du, Andreas, scealt edre gene+dan in gramra gripe.
<R 951>
Is +te gu+d weotod, heardum heoruswengum scel +tin hra
[{d+aled{] wundum weor+dan, w+attre geliccost faran flode blod.
<R 954>
Hie +tin feorh ne magon dea+de ged+alan, +teh +du drype
+dolie, synnigra slege.
<R 956>
+du +t+at sar aber; ne l+at +te ahweorfan h+a+denra +trym,
grim gargewinn, +t+at +du gode swice, dryhtne +tinum.
<R 959>
Wes a domes georn; l+at +de on gemyndum hu +t+at manegum
wear+d fira gefrege geond feala landa, +t+at me bysmredon
bennum f+astne weras wans+alige.
<R 963>
Wordum tyrgdon, slogon ond swungon, synnige ne mihton +turh
sarcwide so+d gecy+dan.
<R 966>
+ta ic mid Iudeum gealgan +tehte, rod w+as ar+ared, +t+ar
rinca sum
<P 30>
of minre sidan swat ut forlet, dreor to foldan.
<R 969>
Ic adreah feala Yrm+ta ofer eor+dan.
<R 970>
Wolde ic eow on +don +turh bli+dne hige bysne onstellan, swa
on ell+teode ywed wyr+de+d.
<R 973>
Manige syndon in +tysse m+aran byrig +tara +te +du gehweorfest
to heofonleohte +turh minne naman, +teah hie mor+dres feala
in fyrndagum gefremed habban.
<R 977>
Gewat him +ta se halga heofonas secan, eallra cyninga cining,
+tone cl+anan ham, ea+dmedum upp, +t+ar is
ar gelang fira gehwylcum, +tam +te hie findan cann.
<R 980>
+Da w+as gemyndig modge+tyldig, beorn beaduwe heard, eode in
burh hra+de, anr+ad oretta, elne gefyr+dred, maga mode rof,
meotude getreowe, stop on str+ate, stig wisode,
swa him n+anig gumena ongitan ne mihte, synfulra geseon.
<R 987>
H+afde sigora weard on +tam wangstede w+are betolden leofne
leodfruman mid lofe sinum.
<R 990>
H+afde +ta se +a+deling in ge+trungen, Cristes cempa,
carcerne neh.
<R 992>
Geseh he h+a+denra hlo+d +atg+adere, fore hlindura hyrdas
standan, seofone +atsomne.
<R 994>
Ealle swylt fornam, druron domlease.
<R 995>
Dea+dr+as forfeng h+ale+d [{heorodreorige{] .
<R 996>
+da se halga geb+ad bilwytne f+ader, breostgehygdum herede on
heh+do heofoncyninges [{+trym{] , [{godes{] dryhtendom.
<R 999>
Duru sona onarn +turh [{handhrine{] haliges gastes, ond +t+ar
in eode, elnes gemyndig, h+ale hildedeor.
<R 1001>
H+a+dene sw+afon, dreore druncne, dea+dwang rudon.
<P 31>
<R 1003>
Geseh he Matheus in +tam mor+dorcofan, h+ale+d higerofne under
heolstorlocan, secgan dryhtne lof, domweor+dinga engla +deodne.
<R 1007>
He +d+ar ana s+at geoh+dum geomor in +tam gnornhofe.
<R 1009>
Geseh +ta under swegle sw+asne geferan, halig haligne.
<R 1010>
Hyht w+as geniwad.
<R 1011>
Aras +ta togenes, gode +tancade +t+as +de hie onsunde +afre
moston geseon under sunnan.
<R 1013>
Syb w+as gem+ane bam +tam gebro+drum, blis edniwe.
<R 1015>
+aghw+a+der o+derne earme be+tehte, cyston hie ond clypton.
<R 1016>
Criste w+aron begen leofe on mode.
<R 1017>
Hie leoht ymbscan halig ond heofontorht.
<R 1018>
Hre+dor innan w+as wynnum awelled.
<R 1019>
+ta worde ongan +arest Andreas +a+delne geferan on
clustorcleofan mid cwide sinum gretan godfyrhtne,
s+ade him gu+dge+dingu, feohtan fara monna: Nu is [{+tis{] folc
on luste, h+ale+d hyder on gewyrht eardes neosan.
<R 1026>
+after +tyssum wordum wuldres +tegnas, begen +ta gebro+dor, to
gebede hyldon, sendon hira bene fore bearn godes.
<R 1029>
Swylce se halga in +tam hearmlocan his god [{grette{] ond him
geoce b+ad, h+alend helpe, +ar +tan hra crunge fore h+a+denra
hilde+trymme, ond +ta gel+adde of
leo+dobendum fram +tam f+astenne on fri+d dryhtnes tu ond
hundteontig geteled rime, swylce feowertig, generede fram
ni+de, +t+ar he [{n+anigne{] forlet under burglocan
bennum f+astne,
<P 32>
[{ond{] +t+ar wifa +ta gyt, weorodes to
eacan, anes wana +te fiftig forhte gefreo+dode.
<R 1041>
F+agen w+aron si+des, lungre leordan, nalas leng bidon in +tam
gnornhofe gu+dge+tingo.
<R 1044>
Gewat +ta Matheus menigo l+adan on gehyld godes, swa him se
halga bebead.
<R 1046>
Weorod on wilsi+d wolcnum be+tehte, +te l+as him scyldhatan
scy+d+dan comon mid earhfare, ealdgeni+dlan.
<R 1049>
+t+ar +ta modigan mid him m+a+del gehedan, treowge+toftan, +ar
hie on tu hweorfan.
<R 1051>
+ag+der +tara eorla o+drum trymede heofonrices hyht, helle
witu wordum werede.
<R 1053>
Swa +da wigend mid him, h+ale+d higerofe, halgum stefnum
cempan coste cyning weor+dadon, wyrda waldend,
+t+as wuldres ne bi+d +afre mid eldum ende befangen.
<R 1058>
Gewat him +ta Andreas inn on ceastre gl+admod gangan, to +t+as
+de he gramra gemot, fara folcm+agen, gefr+agen h+afde,
o+d+d+at he gemette be mearcpa+de standan
str+ate neah stapul +arenne.
<R 1063>
Ges+at him +ta be healfe, h+afde hluttre lufan, [{ece{]
upgemynd engla blisse; +tanon basnode under burhlocan hw+at
him gu+dweorca gife+de wurde.
<R 1067>
+ta gesamnedon side herigeas, folces frumgaras.
<R 1068>
To +tam f+astenne w+arleasra werod w+apnum comon, h+a+dne
hildfrecan, to +t+as +ta h+aftas +ar under hlinscuwan
hearm +trowedon.
<R 1072>
Wendan ond woldon wi+derhycgende +t+at hie on el+teodigum +at
geworhton, weotude wiste.
<R 1074>
Him seo wen gelah,
<P 33>
sy+d+dan mid cor+dre carcernes duru eorre
+ascberend opene fundon, onhliden hamera geweorc, hyrdas deade.
<R 1078>
Hie +ta unhy+dige eft gecyrdon, luste belorene, la+dspell
beran, s+agdon +tam folce +t+at +d+ar feorrcundra,
ellreordigra, +anigne to lafe in carcerne cwicne [{ne{]
[{gemetton{] , ah +t+ar heorodreorige hyrdas lagan,
g+asne on greote, gaste berofene, f+agra fl+aschaman.
<R 1085>
+ta wear+d forht manig for +tam f+arspelle folces r+aswa,
hean, hygegeomor, hungres on wenum, blates beodgastes.
<R 1088>
Nyston beteran r+ad, +tonne hie +ta [{belidenan{] him to
lifnere [{deade{] gefeormedon.
<R 1090>
Duru+tegnum wear+d in ane tid eallum +atsomne +turh heard
gelac hildbedd styred.
<R 1093>
+da ic lungre gefr+agn leode tosomne burgwaru bannan.
<R 1094>
Beornas comon, wiggendra +treat, wicgum gengan, on mearum
modige, m+a+delhegende, +ascum dealle.
<R 1097>
+ta w+as eall geador to +tam +tingstede +teod gesamnod.
<R 1099>
Leton him +ta betweonum taan wisian hwylcne hira +arest o+drum
sceolde to foddur+tege feores ongyldan;
hluton hellcr+aftum, h+a+dengildum teledon betwinum.
<R 1103>
+da se tan gehwearf efne ofer +anne ealdgesi+da, se w+as
u+dweota eorla dugo+de, heriges on ore.
<R 1106>
Hra+de si+d+dan wear+d fetorwrasnum f+ast, feores orwena.
<R 1108>
Cleopode +ta collenferh+d cearegan reorde, cw+a+d he his
sylfes sunu syllan wolde
<P 34>
on +ahtgeweald, eaforan [{geongne{] , lifes to lisse.
<R 1111>
Hie +da lac hra+de +tegon to +tance.
<R 1112>
+teod w+as oflysted, metes modgeomre, n+as him to ma+dme wynn,
hyht to hordgestreonum.
<R 1114>
Hungre w+aron +tearle ge+treatod, swa se +deodscea+da [{reow{]
ricsode.
<R 1116>
+ta w+as rinc manig, gu+dfrec guma, ymb +t+as geongan feorh
breostum onbryrded.
<R 1118>
To +tam beadulace w+as +t+at weatacen wide gefrege, geond +ta
burh bodad beorne manegum, +t+at hie +t+as cnihtes cwealm
cor+dre gesohton, dugu+de ond eogo+de, d+al
onfengon lifes to leofne.
<R 1123>
Hie lungre to +t+as, h+a+dene herigweardas, here samnodan
ceastrewarena.
<R 1125>
Cyrm upp astah +da se geonga ongann geomran stefne, geh+afted
for herige, hearmleo+d galan, freonda feasceaft,
fri+des wilnian.
<R 1129>
Ne mihte earmsceapen are findan, freo+de +at +tam folce, +te
him feores wolde, ealdres geunnan.
<R 1131>
H+afdon +agl+acan s+acce gesohte.
<R 1132>
Sceolde sweordes ecg, scerp ond scurheard, of scea+dan folme,
fyrm+alum fag, feorh acsigan.
<R 1135>
+da +t+at Andrea earmlic +tuhte, +teodbealo +tearlic to
ge+dolianne, +t+at he swa unscyldig ealdre sceolde
lungre linnan.
<R 1138>
W+as se leodhete [{+trist{] [{ond{] +trohtheard.
<R 1139>
+trymman sceocan, modige magu+tegnas, mor+dres on luste,
woldon +aninga, ellenrofe, on +tam hysebeor+dre
heafolan gescenan, garum agetan.
<R 1143>
Hine god forstod, halig of heh+do, h+a+denum folce.
<R 1145>
Het w+apen wera wexe gelicost
<P 35>
on +tam orlege eall formeltan,
+ty l+as scyldhatan [{sce+d+dan{] mihton, egle
ondsacan, ecga +try+dum.
<R 1149>
Swa wear+d alysed of leodhete, geong of gyrne.
<R 1150>
Gode ealles +tanc, dryhtna dryhtne, +t+as +de he dom gife+d
gumena gehwylcum, +tara +te geoce to him sece+d
mid snytrum.
<R 1153>
+t+ar bi+d symle gearu [{freod{] unhwilen, +tam +te hie findan
cann.
<R 1155>
+ta w+as wop h+afen in wera burgum, hlud heriges cyrm.
<R 1156>
Hreopon friccan, m+andon meteleaste, me+de stodon, hungre
geh+afte.
<R 1158>
Hornsalu wunedon, weste winr+aced, welan ne benohton beornas
to brucanne on +ta bitran tid, ges+aton searu+tancle sundor
to rune erm+du eahtigan.
<R 1162>
N+as him to e+dle wynn.
<R 1163>
Fregn +ta gelome freca o+derne: Ne hele se +de h+abbe holde
lare, on sefan snyttro.
<R 1165>
Nu is s+al cumen, +trea orm+ate, is nu +tearf mycel +t+at we
wisf+astra wordum hyran.
<R 1168>
+ta for +t+are dugo+de deoful +atywde, wann ond wliteleas,
h+afde weriges hiw.
<R 1170>
Ongan +ta meldigan mor+tres brytta, hellehinca, +tone halgan
wer wi+derhycgende, ond +t+at word gecw+a+d:
Her is gefered ofer feorne weg +a+delinga sum innan ceastre,
ell+teodigra, +tone ic Andreas nemnan herde.
<R 1176>
He eow neon gesceod +da he aferede of f+astenne manncynnes ma
+tonne gemet w+are.
<R 1179>
Nu ge magon ea+de oncy+dd+ada wrecan on [{gewyrhtum{] .
<R 1180>
L+ata+d [{w+apnes{] spor
<P 36>
iren ecgheard, ealdorgeard sceoran, f+ages feorhhord.
<R 1182>
Ga+d fromlice +t+at ge wi+derfeohtend wiges gehn+agan.
<R 1184>
Him +ta Andreas agef ondsware: Hw+at, +du +tristlice +teode
l+arest, b+aldest to beadowe.
<R 1186>
W+ast +te b+ales cwealm, hatne in helle, ond +tu here fysest,
fe+dan to gefeohte.
<R 1188>
Eart +du fag wi+d god, dugo+da demend.
<R 1189>
Hw+at, +du deofles str+al, icest +tine yrm+do.
<R 1190>
+de se +almihtiga heanne gehn+agde, ond [{on{] heolstor
besceaf, +t+ar +te cyninga cining clamme belegde, ond +te
sy+d+dan a [{Satan{] nemdon, +da +de dryhtnes a deman
cu+don.
<R 1195>
+da gyt se wi+dermeda wordum l+arde folc to gefeohte, feondes
cr+afte: Nu ge gehyra+d h+ale+da gewinnan, se +dyssum herige
m+ast hearma gefremede.
<R 1199>
+d+at is Andreas, se me on flite+d wordum wr+atlicum for wera
menigo.
<R 1201>
+da w+as beacen boden burhsittendum.
<R 1202>
Ahleopon hildfrome heriges brehtme ond to weallgeatum wigend
+trungon, cene under cumblum, cor+dre mycle to +dam orlege,
ordum ond bordum.
<R 1206>
+ta worde cw+a+d weoroda dryhten, meotud mihtum swi+d s+agde
his mago+tegne: Scealt +du, Andreas, ellen fremman.
<R 1209>
Ne mi+d +du for menigo, ah +tinne modsefan sta+dola wi+d
strangum.
<R 1210>
Nis seo stund latu +t+at +te w+alreowe witum belecga+t,
cealdan clommum.
<R 1212>
Cy+d +te sylfne, herd hige +tinne, heortan sta+dola, +t+at hie
min on +de m+agen oncnawan.
<R 1215>
Ne magon hie ond ne moton ofer mine est +tinne lichoman,
lehtrum scyldige, dea+de ged+alan, +deah +du drype +tolige,
<P 37>
mirce manslaga.
<R 1218>
Ic +te mid wunige.
<R 1219>
+after +tam wordum com werod unm+ate, lyswe larsmeo+das, mid
lindgecrode, bolgenmode; b+aron ut hr+a+de ond +tam halgan
+t+ar handa gebundon.
<R 1222>
Si+t+tan geypped w+as +a+delinga wynn, ond hie andweardne
eagum meahton gesion sigerofne, +t+ar w+as sec manig on
+tam welwange wiges oflysted leoda dugu+de.
<R 1227>
Lyt sorgodon hwylc him +t+at edlean +after wurde.
<R 1229>
Heton +ta l+adan ofer landsceare, +dragm+alum teon,
torngeni+dlan, swa hie hit frecnost findan meahton.
<R 1232>
Drogon [{deormodne{] +after dunscr+afum, ymb stanhleo+do,
[{st+arcedfer+tne{] , efne swa wide swa wegas to lagon,
enta +argeweorc, innan burgum, str+ate stanfage.
<R 1236>
Storm upp aras +after ceasterhofum, cirm unlytel h+a+dnes
heriges.
<R 1238>
W+as +t+as halgan lic sarbennum soden, swate bestemed, banhus
abrocen.
<R 1240>
Blod y+dum weoll, [{hatan{] heolfre.
<R 1241>
H+afde him on innan ellen [{untweonde{] , w+as +t+at +a+dele
mod asundrad fram synnum, +teah he sares swa feala deopum
dolgslegum dreogan sceolde.
<R 1245>
Swa w+as ealne d+ag o+d+d+at +afen com [{sigetorht{] swungen.
<R 1246>
Sar eft gewod ymb +t+as beornes breost, o+d+t+at beorht gewat
sunne swegeltorht to sete glidan.
<R 1249>
L+addan +ta leode la+dne gewinnan to carcerne.
<R 1250>
He w+as Criste swa +teah leof on mode.
<R 1251>
Him w+as leoht sefa halig heortan neh, hige untyddre.

<S SAMPLE 3>
<P 44>
<R 1478>
[{Hw+at{] , ic hwile nu haliges lare, leo+dgiddinga, lof +t+as
+te worhte, wordum wemde, wyrd undyrne ofer min gemet.
<R 1481>
Mycel is to secganne, langsum leornung, +t+at he in life
adreag, eall +after orde.
<R 1483>
+t+at scell +agl+awra mann on moldan +tonne ic me t+alige
findan on fer+de, +t+at fram fruman cunne eall +ta
earfe+do +te he mid elne adreah, grimra gu+da.
<R 1487>
Hw+a+dre git sceolon lytlum sticcum leo+dworda d+al fur+dur
reccan.
<R 1489>
+t+at is fyrns+agen, hu he weorna feala wita ge+dolode,
heardra hilda, in +t+are h+a+denan byrig.
<R 1492>
He be wealle geseah wundrum [{f+aste{] under [{s+alwage{]
sweras unlytle, stapulas standan, storme bedrifene,
eald enta geweorc.
<R 1495>
He wi+d anne +t+ara, mihtig ond [{modrof{] , m+a+del gehede,
wis, wundrum gleaw, word stunde ahof: Geher +du,
marmanstan, meotudes r+adum, fore +t+as onsyne ealle
gesceafte forhte geweor+da+d, +tonne hie f+ader geseo+d
heofonas ond eor+dan herigea m+aste on middangeard
mancynn secan.
<P 45>
<R 1503>
L+at nu of +tinum sta+tole streamas weallan, ea inflede, nu
+de +almihtig hate+d, heofona cyning, +t+at +du
hr+adlice on +tis fr+ate folc for+d onsende w+ater widrynig to
wera cwealme, [{geofon{] geotende.
<R 1508>
Hw+at, +du golde eart, sincgife, sylla.
<R 1509>
On +de sylf cyning wrat, wuldres god, wordum cy+dde recene
geryno, ond ryhte +a getacnode on tyn wordum,
meotud mihtum swi+d.
<R 1513>
Moyse sealde, swa hit so+df+aste sy+d+tan heoldon, modige
mago+tegnas, magas sine, godfyrhte guman, [{Iosua{] ond Tobias.
<R 1517>
Nu +du miht gecnawan +t+at +te cyning engla gefr+atwode
fur+dur mycle giofum geardagum +tonne eall gimma cynn.
<R 1520>
+turh his halige h+as +tu scealt hr+a+de cy+dan gif +du his
ondgitan +anige h+abbe.
<R 1522>
N+as +ta wordlatu wihte +ton mare +t+at se stan togan.
<R 1523>
Stream ut aweoll, fleow ofer foldan.
<R 1524>
Famige walcan mid +ard+age eor+dan +tehton, myclade mereflod.
<R 1526>
Meoduscerwen wear+d +after symbeld+age, sl+ape tobrugdon
[{searuh+abbende{] .
<R 1528>
Sund grunde onfeng, deope gedrefed.
<R 1529>
Dugu+d wear+d afyrhted +turh +t+as flodes f+ar.
<R 1530>
F+age swulton, geonge on geofene gu+dr+as fornam +turh
[{sealtne{] [{weg{] .
<R 1532>
+t+at w+as sorgbyr+ten, biter beor+tegu.
<R 1533>
Byrlas ne g+aldon, ombeht+tegnas.
<R 1534>
+t+ar w+as +alcum genog fram d+ages orde drync sona gearu.
<R 1536>
Weox w+ateres +trym.
Weras cwanedon,
<P 46>
ealde +ascberend.
<R 1537>
W+as him ut myne fleon fealone stream, woldon feore beorgan,
to dunscr+afum drohta+d secan, eor+dan ondwist.
<R 1540>
Him +t+at engel forstod, se +da burh oferbr+agd blacan lige,
hatan hea+dow+alme.
<R 1542>
Hreoh w+as +t+ar inne beatende brim.
<R 1543>
Ne mihte beorna hlo+d of +tam f+astenne fleame spowan.
<R 1545>
W+agas weoxon, [{wadu{] hlynsodon, flugon fyrgnastas, flod
y+dum weoll.
<R 1547>
+d+ar w+as y+dfynde innan burgum geomorgidd wrecen.
<R 1548>
Geh+do [{m+andan{] forhtfer+d manig, fusleo+d [{golon{] .
<R 1550>
Egeslic +aled eagsyne wear+d, heardlic hereteam, hleo+dor
gryrelic.
<R 1552>
+turh lyftgelac leges bl+astas weallas ymbwurpon, w+ater
mycladon.
<R 1554>
+t+ar w+as wop wera wide gehyred, earmlic ylda gedr+ag.
<R 1555>
+ta +t+ar an ongann, feasceaft h+ale+d, folc gadorigean, hean,
hygegeomor, heofende spr+ac: Nu ge magon sylfe so+d gecnawan,
+t+at we mid unrihte ell+teodigne on
carcerne clommum belegdon, witebendum.
<R 1561>
Us seo wyrd scy+de+d, heard ond hetegrim.
<R 1562>
+t+at is [{her{] swa cu+d, is hit mycle selre, +t+as +te ic
so+d talige, +t+at we hine alysan of leo+dobendum,
ealle anmode, ofost is selost, ond us +tone halgan helpe
biddan, geoce ond frofre.
<R 1567>
Us bi+d gearu sona sybb +after sorge, gif we seca+t to him.
<R 1569>
+ta +t+ar Andrea orgete wear+d on fyrh+dlocan folces geb+aro,
+t+ar w+as modigra [{m+agen{] forbeged, wigendra +trym.
<R 1572>
W+ater f+a+dmedon,
<P 47>
fleow firgendstream, flod w+as on luste,
o+t+t+at breost oferstag, brim weallende, eorlum o+d exle.
<R 1575>
+ta se +a+deling het streamfare stillan, stormas restan ymbe
stanhleo+du.
<R 1577>
Stop ut hr+a+de cene collenfer+d, carcern ageaf, gleawmod,
gode leof.
<R 1579>
Him [{w+as{] gearu sona +turh streamr+ace str+at gerymed.
<R 1581>
Smeolt w+as se sigewang, symble w+as dryge folde fram flode,
swa his fot gestop.
<R 1583>
Wurdon burgware bli+de on mode, ferh+dgefeonde.
<R 1584>
+ta w+as for+d cumen geoc +after gyrne.
<R 1585>
[{Geofon{] swa+drode +turh haliges h+as, hlyst yst forgeaf,
brimrad gebad.
<R 1587>
+ta se beorg tohlad, eor+dscr+af egeslic, ond +t+ar in forlet
flod f+a+dmian, fealewe w+agas, geotende gegrind grund eall
forswealg.
<R 1591>
Nalas he +t+ar y+de ane bisencte, ach +t+as weorodes eac +da
wyrrestan, faa folcscea+dan, feowertyne gewiton mid
+ty w+age in forwyrd sceacan under eor+tan grund.
<R 1595>
+ta wear+d acolmod, forhtfer+d manig folces on laste.
<R 1597>
Wendan hie [{wifa{] ond wera cwealmes, +tearlra ge+tinga
+drage hnagran, sy+d+dan mane faa, mor+dorscyldige,
gu+dgelacan under grund hruron.
<R 1601>
Hie +da anmode ealle cw+adon: Nu is gesyne +d+at +te so+d
meotud, cyning eallwihta, cr+aftum wealde+d, se +disne
ar hider onsende +teodum to helpe.
<R 1605>
Is nu +tearf mycel +t+at we gumcystum georne hyran.
<R 1607>
+ta se halga ongann h+ale+d blissigean, wigendra +treat wordum
retan:
<P 48>
Ne beo+d ge to forhte, +teh +te fell curen synnigra cynn.
<R 1610>
Swylt +trowode, witu be gewyrhtum.
<R 1611>
Eow is wuldres leoht torht ontyned, gif ge teala hycga+d.
<R 1613>
Sende +ta his bene fore bearn godes, b+ad haligne helpe
gefremman gumena geogo+de, +te on geofene +ar +turh flodes
f+a+dm feorh gesealdon, +d+at +ta gastas, gode
orfeorme, in wita forwyrd, wuldre bescyrede, in
feonda geweald gefered [{ne{] wurdan.
<R 1620>
+ta +d+at +arende ealwealdan gode +after hleo+dorcwidum
haliges gastes w+as on +tanc sprecen, +deoda [{r+aswan{] .
<R 1623>
Het +ta onsunde ealle arisan, geonge of greote, +ta +ar geofon
cwealde.
<R 1625>
+ta +t+ar ofostlice upp astodon manige on me+dle, mine
gefrege, eaforan unweaxne, +da w+as eall eador leo+dolic
ond gastlic, +teah hie lungre +ar +turh flodes f+ar
feorh aleton.
<R 1630>
onfengon fulwihte ond freo+duw+are, wuldres wedde witum
aspedde, mundbyrd meotudes.
<R 1632>
+ta se modiga het, cyninges cr+aftiga, ciricean getimbran,
gerwan godes tempel, +t+ar sio geogo+d aras +turh f+ader
fulwiht ond se flod onsprang.
<R 1636>
+ta gesamnodon secga +treate weras geond +ta winburg wide ond
side, eorlas anmode, ond hira idesa mid,
cw+adon holdlice hyran woldon, onfon fromlice fullwihtes
b+a+d dryhtne to willan, ond diofolgild, ealde eolhstedas,
anforl+atan.
<R 1642>
+ta w+as mid +ty folce fulwiht h+afen, +a+dele mid eorlum, ond
+a godes
<P 49>
riht ar+ared, r+ad on lande mid +tam
ceasterwarum, cirice gehalgod.
<R 1647>
+t+ar [{se{] ar godes anne gesette, wisf+astne wer, wordes
gleawne, in +t+are beorhtan byrig bisceop +tam leodum,
ond gehalgode fore +tam herem+agene +turh apostolhad,
Platan nemned, +teodum on +tearfe, ond +triste bebead
+t+at [{hie{] his lare l+aston georne, feorhr+ad fremedon.
<R 1654>
S+agde his fusne hige, +t+at he +ta goldburg ofgifan wolde,
secga seledream ond sincgestreon, beorht beagselu,
ond him brim+tisan +at s+as [{faro+de{] secan wolde.
<R 1659>
+t+at w+as +tam weorode [{weorc{] to ge+toligenne, +t+at hie
se leodfruma leng ne wolde wihte gewunian.
<R 1661>
+ta him wuldres god on +tam si+df+ate sylfum +atywde, ond
+t+at word gecw+a+d, weoruda dryhten: folc of firenum?
<R 1664>
[{Is{] him fus hyge ga+d geomriende, geoh+do m+ana+d weras wif
samod.
<R 1666>
Hira wop becom, murnende mod fore sneowan.
<R 1669>
Ne scealt +du +t+at eowde anforl+atan on swa niowan gefean, ah
him naman minne on fer+dlocan f+aste getimbre.
<R 1672>
Wuna in +t+are winbyrig, wigendra hleo, salu sinchroden,
seofon nihta fyrst.
<R 1674>
Sy+d+dan +du mid mildse minre ferest.
<R 1675>
+ta eft gewat o+dre si+de modig, m+agene rof, Marmedonia
ceastre secan.
<R 1677>
Cristenra weox word ond wisdom, sy+d+dan wuldres +tegn,
<P 50>
+a+telcyninges ar, eagum sawon.
<R 1680>
L+arde +ta +ta leode on geleafan weg, trymede torhtlice,
tireadigra wenede to wuldre weorod unm+ate, to
+tam halgan ham heofona rices, +t+ar f+ader ond sunu ond
frofre gast in +trinnesse +trymme wealde+d in woruld
worulda wuldorgestealda.
<R 1687>
Swylce se halga herigeas +treade, deofulgild todraf ond
gedwolan fylde.
<R 1689>
+t+at w+as Satane sar to ge+tolienne, mycel modes sorg, +t+at
he +da menigeo geseah hweorfan higebli+de fram helltrafum
+turh Andreas este lare to f+ageran gefean, +t+ar
n+afre feondes ne bi+d, gastes gramhydiges, gang on lande.
<R 1695>
+ta w+aron gefylde +after frean dome dagas on rime, swa him
dryhten bebead, +t+at he +ta wederburg wunian
sceolde.
<R 1698>
Ongan hine +ta fysan ond to flote gyrwan, blissum hremig,
wolde on brim+tisan Achaie o+dre si+de sylfa
gesecan, +t+ar he sawulgedal, beaducwealm gebad.
<R 1702>
+t+at +tam banan ne wear+d hleahtre behworfen, ah in helle
ceafl si+d asette, ond [{sy+d+dan{] no, fah, freonda leas,
frofre benohte.
<R 1706>
+da ic l+adan gefr+agn leoda weorode leofne lareow to lides
stefnan, m+acgas modgeomre.
<R 1708>
+t+ar manegum w+as hat +at heortan hyge weallende.
<R 1710>
Hie +da gebrohton +at brimes n+asse on w+ag+tele wigan
unslawne.
<R 1712>
Stodon him +da on ofre +after reotan +tendon hie on y+dum
+a+delinga wunn ofer seolhpa+du geseon mihton,
ond +ta weor+dedon wuldres agend,
<P 51>
cleopodon on cor+dre, ond cw+adon +tus: An is ece god
eallra gesceafta.
<R 1718>
Is his miht ond his +aht ofer middangeard breme gebledsod, ond
his bl+ad ofer eall in heofon+trymme halgum scine+d,
wlitige on wuldre to widan ealdre, ece mid englum.
<R 1722>
+t+at is +a+dele cyning.



