<B COAPOLLO>
<Q O3 NI FICT APOLL>
<N APOLLONIUS>
<A X>
<C O3>
<O 950-1050>
<M 950-1050>
<K NON-CONTEMP>
<D WS/X>
<V PROSE>
<T FICTION>
<G TRANSL>
<F LATIN>
<W X>
<X X>
<Y X>
<H X>
<U X>
<E X>
<J X>
<I X>
<Z NARR IMAG>
<S SAMPLE X>


[^THE OLD ENGLISH 'APOLLONIUS OF TYRE'.
ED. P. GOOLDEN.
LONDON: OXFORD UNIVERSITY PRESS, 1958.
PP. 2.1 - 42.31^]

[^B4.1^]
<P 2>
<R 1>
   Her onginne+d seo gerecednes be Antioche +tam unges+aligan
cingce and be [{Apollonige{] +tam [{tiriscan{] .
<R 1.1>
   An Antiochia +tare ceastre w+as sum cyningc Antiochus
gehaten: +after +t+as cyninges naman w+as seo [{ceaster{] 
Antiochia geciged.
<R 1.3>
+tises cyninges cwen wear+d of life gewiten, be +dare he
h+afde ane swi+de wlitige dohter ungelifedlicre 
f+agernesse.
<R 1.4>
Mid +ti +te heo becom to giftelicre yldo, +ta gyrnde hyre
m+anig m+are man micele m+ar+da beodende.
<R 1.6>
+da gelamp hit sarlicum gelimpe: +ta +da se f+ader +tohte
hwam he hi mihte healicost forgifan, +ta gefeol 
his agen mod on hyre lufe mid unrihtre gewilnunge, to +dam
swi+de +t+at he forgeat +ta f+aderlican arf+astnesse 
and gewilnode his agenre dohtor him to gem+accan.
<R 1.10>
and +ta gewilnunge naht lange ne ylde, ac sume d+age on
+arnemergen +ta he of sl+ape awoc, he abr+ac into 
+dam bure +tar heo inne l+ag and het his hyredmen ealle
him aweg gan, swilce he wi+d his dohtor sume 
digle sp+ace sprecan wolde.
<R 1.14>
Hw+at he +da on +dare manfullan scilde abisgode and +ta
ongeanwinnendan f+amnan mid micelre streng+de earfo+dlice 
ofercom, and +t+at gefremede man gewilnode to
bediglianne.
<R 2.1>
   +da gewear+d hit +t+at +t+as m+adenes fostormodor into +dam
bure eode and geseah hi +dar sittan on micelre
gedrefednesse and hire cw+a+d to: Hwig eart +tu, hl+afdige,
swa gedrefedes modes?
<R 2.4>
+t+at m+aden hyre andswerode: Leofe fostormodor, nu tod+ag
forwurdon [{twegen{] +a+dele naman on +tisum bure.
<R 2.5>
Seo fostormodor cw+a+d: Hl+afdige, be hwam cwist +tu +t+at?
<R 2.6>
Heo hyre andwirde and cw+a+d: +ar +dam d+age minra bridgifta
ic eom mid manfulre scilde besmiten.
<R 2.8>
+da cw+a+d seo fostormodor: Hwa 
<P 4>
w+as +afre swa dirstiges
modes +t+at dorste cynges dohtor gew+amman +ar +dam 
d+age hyre brydgifta and him ne ondrede +t+as cyninges
irre?
<R 2.11>
+d+at m+aden cw+a+d: Arleasnes +ta scilde on me gefremode.
<R 2.12>
Seo fostormodor cw+a+d: [^MISSING FROM TORONTO CORPUS: Hwi ne
segst +tu hit +tinum f+ader? +d+at m+aden cw+a+d:^] Hwar is 
se f+ader?
<R 2.13>
So+dlice on me earmre is mines f+ader nama reowlice forworden
and me nu for+dam dea+d +tearle gelica+d.
<R 2.14>
Seo fostormodor so+dlice +ta +da heo gehyrde +t+at +t+at
m+aden hire dea+des girnde, +da cliopode heo hi hire 
to mid li+dere spr+ace and b+ad +t+at heo fram +tare
gewilnunge hyre mod gew+ande and to hire f+ader willan 
gebuge, +teah +de heo to geneadod w+are.
<R 3.1>
   On +tisum +tingum so+dlice +turhwunode se arleasesta cyngc
Antiochus and mid gehywedan mode hine sylfne 
+atywde his ceastergewarum swilce he arf+ast f+ader w+are
his dohtor.
<R 3.3>
and betwux his hiwcu+dum mannum ne blissode on +dam +t+at he
his agenre dohtor wer w+as.
<R 3.5>
and to +dam +t+at he hi +te lengc brucan mihte his dohtor
arleasan bridbeddes and him fram adryfan +ta 
+de hyre girndon to rihtum gesynscipum, he asette +da r+adels
+tus cwe+dende: Swa hwilc man swa minne
r+adels riht ar+ade, onfo se mynre dohtor to wife, and se +de
hine misr+ade, sy he beheafdod.
<R 3.10>
Hw+at is nu mare ymbe +t+at to sprecanne buton +t+at cyningas
[{+aghwanon{] coman and ealdormen for +dam ungelifedlican 
wlite +t+as m+adenes, and +tone dea+d hi
oferhogodon and +tone r+adels understodon to ar+adenne.
<R 3.13>
Ac gif heora hwilc +tonne +turh asmeagunge boclicre
snotornesse +tone r+adels ariht r+adde, +tonne wear+d 
se to beheafdunge gel+ad swa same swa se +de hine ariht ne
r+adde.
<R 3.16>
And +ta heafda ealle wurdon gesette on ufeweardan +tam geate.
<R 4.1>
   Mid +ti so+dlice Antiochus se w+alreowa cyningc on +tysse
w+alreownesse +turhwunode, +da w+as [{Apollonius{]
gehaten sum iung man se w+as swi+de welig and snotor and
w+as ealdorman on Tiro +tare m+ag+de, se getruwode 
on his snotornesse and on +da 
<P 6>
boclican lare and agan
[{rowan{] o+d +t+at he becom to Antiochian.
<R 4.6>
Eode +ta into +dam cyninge and cw+a+d: [{Wes{] gesund,
cyningc.
<R 4.7>
Hw+at ic becom nu to +de swa swa to godum f+ader and
arf+astum.
<R 4.8>
Ic eom so+dlice of cynelicum cynne cumen and ic bidde +tinre
dohtor me to gem+accan.
<R 4.9>
+da +da se cyngc +t+at gehyrde +t+at he his willes gehyran
nolde, he swi+de irlicum andwlitan beseah to 
+dam iungan ealdormen and cw+a+d: +tu iunga mann, canst +du
+tone dom mynra dohtor gifta?
<R 4.12>
[{Apollonius{] cw+a+d: Ic can +tone dom and ic hine +at +tam
geate geseah.
<R 4.13>
+da cw+a+d se cyningc mid +abilignesse: Gehir nu +tone
r+adels, (\Scelere vereor, materna carne vescor\) ;
+t+at is on englisc: [{Scylde{] ic [{+tolige, moddrenum{]
fl+asce ic bruce.
<R 4.16>
Eft he cw+a+d: (\Quaero patrem meum, meae matris virum,
uxoris meae filiam nec invenio\) ; +t+at is on englisc: 
Ic sece minne f+ader, mynre modor wer, mines wifes
dohtor and ic ne finde.
<R 4.19>
[{Apollonius{] +ta so+dlice onfangenum r+adelse hine bew+ande
hwon fram +dam cyninge, and mid +ty +te he smeade 
ymbe +t+at ingehyd, he hit gewan mid wisdome and mid
Godes fultume he +t+at so+d ar+adde.
<R 4.22>
Bew+ande hine +ta to +dam cynincge and cw+a+d: +tu goda
cyningc, +tu asettest r+adels; gehyr +du +ta onfundennesse.
<R 4.24>
Ymbe +t+at +tu cw+ade +t+at +tu scilde +tolodest, ne eart +du
leogende on +dam, beseoh to +de silfum; and +t+at 
+tu cw+ade moddrenum fl+asce ic bruce, ne eart +du on +dam
leogende, beseoh to +tinre dohtor.
<R 5.1>
   Mid +ty +te se cyningc gehirde +t+at Apollonius +tone
r+adels swa rihte ar+adde, +ta ondred he +t+at hit to
widcu+d w+are.
<R 5.3>
Beseah +da mid irlicum andwlitan to him and cw+a+d: +du iunga
man, +tu eart feor fram rihte; +tu dwelast
and nis naht +t+at +tu segst; ac +tu h+afst beheafdunge
geearnad.
<R 5.5>
Nu l+ate ic +de to +trittigra daga f+ace +t+at +tu be+tence
+done r+adels ariht, and +du si+d+dan onfoh minre 
dohtor to wife, and gif +du +t+at ne dest +tu scealt oncnawan
+tone gesettan dom.
<R 5.8>
+da wear+d 
<P 8>
[{Apollonius{] swi+de gedrefed and mid his geferum
on scip astah and reow o+d +t+at he becom to
Tirum.
<R 6.1>
   So+dlice +after +tam [{+te{] Apollonius afaren w+as,
Antiochus se cyningc him to gecigde his dihtnere se 
w+as Thaliarcus gehaten: Thaliarce, ealre mynra digolnessa
myn se getrywesta +tegn, wite +tu +t+at Apollonius 
ariht ar+adde mynne r+adels.
<R 6.5>
Astih nu r+adlice on scip and far +after him, and +tonne +tu
him to becume, +tonne acwel +du hine mid isene 
o+d+de mid attre, +t+at +tu mage freodom onfon +tonne +tu
ongean cymst.
<R 6.7>
Thaliarcus sona swa he +t+at gehyrde, he genam mid him ge
feoh ge attor and on scip astah and for +after 
+tam unsc+a+d+dian Apollonie o+d +d+at he to his e+dle
becom.
<R 6.10>
Ac Apollonius +teahhw+a+dre +ar becom to his agenan and into
his huse eode and his bocciste untynde and 
asmeade +tone r+adels +after ealra u+dwitena and Chaldea
wisdome.
<R 6.13>
Mid +ti +te he naht elles ne onfunde buton +t+at he +ar
ge+tohte, he cw+a+d +ta to him silfum: Hw+at dest +tu
nu, Apolloni?
<R 6.15>
+d+as cynges r+adels +tu asmeadest and +tu his dohtor ne
onfenge; for+dam +tu eart nu fordemed +t+at +tu acweald 
wur+de.
<R 6.16>
And he +ta ut eode and het his scip mid hw+ate gehl+astan and
mid micclum gewihte goldes and seolfres 
and mid m+anifealdum and genihtsumum reafum, and swa mid
feawum +tam getrywestum mannum on scip astah 
on +dare +triddan tide +tare nihte and sloh ut on +da
s+a.
<R 7.1>
   +ta +dy +aftran d+age w+as Apollonius gesoht and geacsod, 
ac he ne w+as nahwar [{funden{] .
<R 7.2>
+dar wear+d +da micel morcnung and orm+ate wop, swa +t+at se
heaf swegde geond ealle +ta ceastre.
<R 7.4>
So+dlice swa micele lufe h+afde eal seo ceasterwaru to him,
+t+at hi lange tid eodon ealle unscorene and 
sidfeaxe and heora waforlican plegan forleton and heora
ba+da belucon.
<R 7.7>
+ta +da +tas +tingc +dus gedone w+aron on Tiron, +da becom se
fores+ada Thaliarcus, se w+as fram Antiocho +tam 
<P 10>
cynincge as+and to +dam +t+at he scolde Apollonium
acwellan.
<R 7.9>
+ta he geseah +t+at ealle +tas +tingc belocene w+aron, +ta
cw+a+d he to anum cnapan: Swa +du gesund sy, sege 
me for hwilcum intingum +teos ceaster wunige on swa micclum
heafe and wope.
<R 7.12>
Him andswerode se cnapa and +tus cw+a+d: Eala hu manful man
+tu eart, +du +te wast +t+at +tu +after axsast.
<R 7.14>
O+d+de hw+at is manna +te nyte +t+at +teos ceasterwaru on
heafe wuna+d, for+dam +de [{Apollonius{] se ealdorman
f+aringa nahwar ne +atywde si+d+dan he ongean com fram
[{Antiocho{] +tam cyninge?
<R 7.17>
+da +ta Thaliarcus +t+at gehyrde, he mid micclan gefean to
scipe gew+ande and mid gewisre seglunge binnon 
anum d+age com to Antiochian and eode into +tam cynge and
cw+a+d: Hlaford cyngc, glada nu and blissa, 
for+dam +te Apollonius him ondr+at +tines rices m+agna
swa +t+at he ne dear nahwar gewunian.
<R 7.22>
+da cw+a+d se cyningc: Fleon he m+ag, ac he +atfleon ne m+ag.
<R 7.23>
He +ta Antiochus se cyningc gesette +tis geban +tus
cwe+dende: Swa hwilc man swa me Apollonium lifigendne 
to gebring+d, ic him gife fifti punda goldes, and +tam
+de me his heafod to gebring+d, ic gife him 
c punda goldes.
<R 7.26>
+ta +da +tis geban +tus geset w+as, +ta w+aron mid gitsunge
beswicene na +t+at an his find ac eac swilce his 
frind, and him +after foran and hine geond ealle eor+dan
sohton ge on dunlandum ge on wudalandum 
ge on diglum stowum, ac he ne wear+d nahwar [{funden{] .
<R 8.1>
   +da het se cyngc scipa gegearcian and him +after faran, ac
hit w+as lang +ar +dam +te +da scipa gegearcode 
w+aron, and Apollonius becom +ar to Tharsum.
<R 8.3>
+da sume d+age eode he be strande.
<R 8.4>
+ta geseah hine sum his cu+dra manna se w+as Hellanicus
genemnod, se [{+te{] +arest +tider com.
<R 8.5>
+ta eode he to Apollonium and cw+a+d: [{Wes{] gesund, hlaford
Apolloni.
<R 8.6>
+da forseah he Apollonius cyrlisces mannes gretinge +after
ricra manna gewunan.
<P 12>
<R 8.8>
Hellanicus hine eft sona gegrette and cw+a+d: [{Wes{] gesund,
Apolloni, and ne forseoh +du cyrliscne man
+te bi+d mid wur+dfullum +teawum gefr+atwod.
<R 8.10>
Ac gehyr nu fram me +t+at +tu silfa nast.
<R 8.11>
+te is so+dlice micel +tearf +t+at +tu +de warnige, for+dam
+te +du eart fordemed.
<R 8.12>
+da cw+a+d Apollonius: Hwa mihte me fordeman, minre agenre
+teode ealdorman?
<R 8.13>
Hellanicus cw+a+d: Antiochus se cyngc.
<R 8.14>
Apollonius cw+a+d: For hwilcum intingum h+af+d he me
fordemed?
<R 8.15>
Hellanicus s+ade: For+dam +te +tu girndest +t+at +tu w+are
+t+at se f+ader is.
<R 8.16>
Apollonius cw+a+d: Micclum ic eom fordemed?
<R 8.17>
Hellanicus s+ade: Swa hwilc man swa +de lifigende to him
bring+d, onfo se fiftig punda goldes.
<R 8.18>
Se +de him bringe +tin heafod, onfo se hundteontig punda
goldes.
<R 8.19>
for+dam ic +de l+are +t+at +tu fleo and beorge +tinum life.
<R 8.20>
+after +tysum wordum Hellanicus fram him gew+ande and
[{Apollonius{] het hine eft to him geclipian and 
cw+a+d to him: +t+at wyrreste +tingc +tu didest +t+at +tu me
warnodest.
<R 8.23>
Nym nu her +at me hundteontig punda goldes, and far to
Antiocho +tam cynge and sege him +t+at me sy +t+at 
heafod fram +tam hneccan acorfen, and bring +t+at word
+tam cynge to blisse: +tonne hafast +tu mede and 
eac cl+ane handa fram +t+as unsc+a+d+tigan [{blode{] .
<R 8.27>
+da cw+a+d Hellanicus: Ne gewur+de +t+at, hlaford, +t+at ic
mede nime +at +de for +tisum +tingum, for+don +te mid 
godum mannum nis na+der ne gold ne seolfor wi+d godes
mannes freondscipe wi+dmeten.
<R 8.30>
Hi toeodon +ta mid +tisum wordum.
<R 9.1>
   And [{Apollonius{] sona gemette o+derne cu+dne man ongean
hine gan +t+as nama w+as Stranguilio gehaten.
<R 9.2>
Hlaford geong Apolloni, hw+at dest +du +tus gedrefedum mode
on +tisum lande?
<R 9.4>
Apollonius cw+a+d: Ic gehirde secgan +t+at ic w+are fordemed.
<R 9.5>
Stranguilio cw+a+d: Hwa fordemde +te?
Apollonius cw+a+d: 
<P 14>
Antiochus se cyngc.
<R 9.6>
Stranguilio cw+a+d: For hwilcum intingum?
<R 9.7>
Apollonius s+ade: For+dam +te ic b+ad his dohtor me to
gem+accan, be +tare ic m+ag to so+de secgan +t+at heo
his agen gem+acca w+are.
<R 9.9>
For+dam gif hit gewur+dan m+ag, ic wille me bedihlian on
eowrum e+dle.
<R 9.10>
+da cw+a+d Stranguilio: Hlaford Apolloni, ure ceaster is
+tearfende and ne m+ag +tine +a+delborennesse acuman, 
for+don +de we +tolia+d +tone heardestan hungor and
+tone re+destan, and minre ceasterwaru nis nan
h+alo hiht, ac se w+alreowesta [{dea+d{] stent +atforan urum
eagum.
<R 9.14>
+da cw+a+d Apollonius: Min se leofesta freond Stranguilio,
+tanca Gode +t+at He me fliman hider to eowrum 
gem+aran gel+adde.
<R 9.17>
Ic sille eowrum [{ceastergewarum{] hundteontig +tusenda
[{mittan{] hw+ates gif ge minne fleam bediglia+d.
<R 9.18>
Mid +ti +te Stranguilio +t+at gehirde, he hine astrehte to
his fotum and cw+a+d: Hlaford [{Apolloni{] , gif
+du +tissere [{hungrigan{] [{ceasterwaru{] gehelpest, na
+t+at an +t+at we willa+d +tinne fleam bediglian, ac eac 
swilce, [{gif{] +te neod gebira+d, we willa+d campian for
+dinre h+alo.
<R 10.1>
   +da astah Apollonius on +t+at domsetl on +dare str+ate and
cw+a+d to +dam andweardan ceasterwarum: Ge tharsysce 
ceasterwaran, ic Apollonius se tirisca ealdorman eow
cy+de +t+at ic gelife +t+at ge willan beon
gemindige +tissere fremfulnesse and minne fleam bediglian.
<R 10.5>
Wite [{ge{] eac +t+at Antiochus se cyngc me aflimed h+af+d of
minum earde, ac for eowre ges+al+de [{gefultumigendum{] 
Gode ic eom hider cumen.
<R 10.7>
Ic sille eow so+dlice hundteontig +tusenda mittan hw+ates to
+dam wur+de +te ic hit gebohte on minum lande.
<R 10.9>
+da +da +t+at folc +t+at gehirde, hi w+aron bli+de gewordene
and him georne +tancodon and to geflites +tone 
hw+ate up b+aron.
<R 10.11>
Hw+at +da Apollonius forlet his +tone wur+dfullan 
<P 16>
cynedom and
mangeres [{naman{] +tar genam ma +tonne gifendes, 
and +t+at wyr+d +te he mid +tam hw+ate genam he ageaf
sona agean to +dare ceastre bote.
<R 10.14>
+t+at folc wear+d +da swa fagen his cystignessa and swa
+tancful +t+at hig worhton him ane anlicnesse of
are.
<R 10.16>
and on +dare str+ate stod and mid +tare swi+dran hand +tone
hw+ate [{heold{] and mid +tam winstran fet +ta mittan 
tr+ad, and +taron +tus awriten: +das gifu sealde seo
ceasterwaru on Tharsum Apollonio +tam tiriscan, 
for+dam +te he [{+t+at{] folc of hungre alesde and heora
ceastre gesta+dolode.
<R 11.1>
   +after +tisum hit gelamp binnon feawum mon+dum +t+at
Stranguilio and Dionisiade his wif gel+ardon Apollonium 
+d+at he ferde on scipe to Pentapolim +tare ciriniscan
birig, and cw+adon +t+at he mihte +tar bediglad 
beon and +tar wunian.
<R 11.4>
And +t+at folc hine +ta mid unasecgendlicre wur+dmynte to
scipe gel+addon, and Apollonius hi b+ad ealle
[{gretan{] and on scip astah.
<R 11.6>
Mid +ti +te hig ongunnon +ta rowan and hi for+dwerd w+aron on
heora weg, +ta wear+d +dare s+a smiltnesse aw+and 
f+aringa betwux twam tidum and wear+d micel reownes
aweht, swa +t+at seo s+a cnyste +ta heofonlican
tungla and +t+at gewealc +tara y+da hwa+derode mid windum.
<R 11.11>
+tartoeacan coman eastnor+derne windas and se angrislica
su+dwesterna wind him ongean stod and +t+at scip 
eal tob+arst.
<R 12.1>
   On +dissere egeslican reownesse Apollonius geferan ealle
forwurdon to dea+de, and Apollonius ana becom 
mid sunde to [{Pentapolim{] +tam ciriniscan lande and
+tar up eode on +dam strande.
<R 12.4>
+ta stod he nacod on +tam strande and beheold +ta s+a and
cw+a+d: Eala +tu s+a Neptune, manna bereafigend 
and unsc+a+d+digra beswicend, +tu eart w+alreowra +tonne
Antiochus se cyngc.
<R 12.7>
For minum +tingum +tu geheolde +tas w+alreownesse +t+at ic
+turh +de [{gewurde{] w+adla and +tearfa, and +t+at se
[{w+alreowesta{] 
<P 18>
cyngc me +ty [{ea+d{] fordon mihte.
<R 12.9>
Hwider m+ag ic nu faran?
Hw+as m+ag ic biddan o+d+de hwa [{gif+d{] +tam uncu+dan lifes
fultum?
<R 12.10>
Mid +ti +te he +tas +tingc w+as sprecende to him silfum, +ta
f+aringa geseah he sumne fiscere gan.
<R 12.12>
to +tam he beseah and +tus sarlice cw+a+d: Gemiltsa me, +tu
ealda man, sy +t+at +tu sy; gemildsa me nacodum, 
forlidenum.
<R 12.14>
n+as na of earmlicum birdum geborenum.
<R 12.15>
and +d+as +de +du gearo forwite hwam +du gemiltsige, ic eom
Apollonius se tirisca ealdorman.
<R 12.16>
+da sona swa se fiscere geseah +t+at se iunga man +at his
fotum l+ag, he mid mildheortnesse hine up ahof 
and l+adde hine mid him to his huse and +da estas him
beforan legde +te he him to beodenne h+afde.
<R 12.19>
+ta git he wolde be his mihte maran [{arf+astnesse{] him
gecy+dan, toslat +ta his w+afels on twa and sealde 
Apollonige +tone healfan d+al +tus cwe+dende: Nim +t+at ic
+te to sillenne habbe and ga into +dare ceastre.
<R 12.22>
Wen is +t+at +tu gemete sumne [{+te{] +te gemiltsige.
<R 12.23>
Gif +du ne finde n+anne +te +te gemiltsian wille, w+and
+tonne hider ongean and genihtsumige unc bam mine 
litlan +ahta and far +de on fiscno+d mid me.
<R 12.26>
+teahhw+a+dre ic mynegie +te, gif +du fultumiendum [{Gode{]
becymst to +dinum +arran wur+dmynte, +t+at +tu ne forgite 
mine +tearfendlican gegirlan.
<R 12.28>
+da cw+a+d Apollinius: Gif ic +te ne ge+tence +tonne me bet
bi+d, ic wisce +t+at ic eft forlidennesse gefare 
and +tinne gelican eft ne gemete.
<R 13.1>
   +after +tisum wordum he eode on +done weg +te him get+aht
w+as o+d +d+at he becom to +tare ceastre geate and 
+dar in eode.
<R 13.3>
Mid +ti +te he +tohte hw+ane he byddan mihte lifes fultum,
+ta geseah he +anne nacodne cnapan geond +ta str+ate 
yrnan, se w+as mid ele gesmerod and mid scitan begird
and b+ar iungra manna plegan on handa to 
+dam b+a+dstede belimpende.
<R 13.6>
and cliopode micelre st+afne and cw+a+d: [{Gehyre{] ge
ceasterwaran, gehyre ge +al+deodige, frige and +teowe, 
+a+dele and un+a+dele, se b+a+dstede is 
<P 20>
open.
<R 13.9>
+da +da [{Apollonius{] +t+at gehirde he hine unscridde +tam
healfan scicilse +de he on h+afde and eode into 
+dam +tweale, and mid +ti +te he beheold heora anra gehwilcne
on heora weorce, he sohte his gelican, 
ac he ne mihte hine +tar findan on +dam flocce.
<R 13.13>
+da f+aringa com Arcestrates, ealre +tare +teode cyningc, mid
micelre m+anio his manna and in eode on +t+at 
b+a+d.
<R 13.14>
+da agan se cyngc plegan wi+d his geferan mid +to+dere, and
[{Apollonius{] hine gem+agnde swa swa God wolde 
on +d+as cyninges plegan and yrnende +tone +do+dor
gel+ahte, and mid swiftre r+adnesse geslegene ongean 
ges+ande to +dam plegendan cynge.
<R 13.18>
Eft he agean as+ande; he r+adlice sloh swa he hine n+afre
feallan ne let.
<R 13.19>
Se cyngc +da oncneow +t+as iungan snelnesse +t+at he wiste
+t+at he n+afde his gelican on +tam plegan, +ta 
cw+a+d he to his geferan: Ga+d eow heonon.
<R 13.22>
+tes cniht, +t+as +te me +ting+d, is min gelica.
+da +da Apollonius gehyrde +t+at se cyning hyne herede, he
[^TORONTO CORPUS: ne^] arn r+adlice and geneal+ahte to +dam 
cynge and mid gel+aredre handa he swang +tone top mid swa 
micelre swiftnesse +t+at se [{cyngc{] w+as ge+tuht swilce 
he of ylde to iugu+de gew+and w+are, and +after +tam on his
cynesetle he him gecwemlice +denode.
<R 13.27>
And +ta +da he ut eode of +dam b+a+de, he [^TORONTO CORPUS: 
ne^] hine l+adde be
+tare handa and him +ta si+d+dan +tanon gew+ande +t+as
weges +te he +ar com.
<R 14.1>
   +da cw+a+d se cyningc to his mannum si+d+dan Apollonius agan
w+as: Ic swerige +turh +da gem+anan h+alo +t+at 
ic me n+afre bet ne ba+dode +tonne ic dide tod+ag nat ic
+turh hwilces iunges mannes +tenunge.
<R 14.4>
+da beseah he hine to [{anum{] his manna and cw+a+d: Ga and
gewite hw+at se iunga man sy +te me tod+ag swa 
wel gehirsumode.
<R 14.6>
Se man +da eode +after Apollonio.
Mid +ti +te he geseah +t+at he w+as mid horhgum scicelse
bew+afed, +ta w+ande he ongean to +dam cynge and 
cw+a+d: Se iunga man +te +tu +after axsodest is forliden man.
<R 14.9>
+da cw+a+d se cyng: 
<P 22>
+turh hw+at wast +du +t+at?
<R 14.10>
Se man him andswerode and cw+a+d: +teah he hit silf forswige,
his gegirla hine geswutela+d.
<R 14.11>
+da cw+a+d se cyngc: Ga r+adlice and sege him +t+at se cyngc
bit +de +t+at +du cume to his gereorde.
<R 14.13>
+da Apollonius +t+at gehyrde, he +tam gehyrsumode and eode
for+d mid +tam men o+d +t+at he becom to +d+as cynges 
healle.
<R 14.15>
+da eode se man in beforan to +dam cynge and cw+a+d: Se
[{forlidena{] man is cumen +te +du +after s+andest, ac 
he ne m+ag for scame in gan buton scrude.
<R 14.17>
+da het se cyngc hine sona gescridan mid wur+dfullan scrude
and het hine in gan to +dam gereorde.
<R 14.19>
+da eode Apollonius in and ges+at +tar him get+aht w+as
ongean +done cyngc.
<R 14.20>
+dar wear+d +da seo +tenung in geboren and +after +tam
[{cynelic{] gebeorscipe and [{Apollonius{] nan +dingc ne
+at, +deah +de ealle o+dre men +aton and bli+de w+aron, ac
he beheold +t+at gold and +t+at seolfor and +da deorwur+dan 
reaf and +ta beodas and +ta cynelican +tenunga.
<R 14.24>
+da +da he +tis eal mid sarnesse beheold, +da s+at sum eald
and sum +afestig ealdorman be +tam cynge.
<R 14.26>
Mid +ti +te he geseah +t+at Apollonius swa sarlice s+at and
ealle +tingc beheold and nan +dingc ne +at, +da
cw+a+d he to +dam cynge: +du goda cyngc, efne +tes man +te
+tu swa wel wi+d gedest, he is swi+de +afestful
for +dinum gode.
<R 14.29>
+da cw+a+d se cyngc: +te mis+ting+d.
<R 14.30>
So+dlice +tes iunga man ne +afestiga+d on nanum +dingum +de
he her gesih+d, ac he cy+d +t+at [{he{] h+af+d fela forloren.
<R 14.31>
+da beseah Arcestrates se cyngc bli+dum andwlitan to
Apollonio and cw+a+d: +du iunga man, beo bli+de mid 
us and gehiht on God +t+at +tu mote silf to +dam selran
becuman.
<R 15.1>
   Mid +ti +de se cyning +tas word gecw+a+d, +da f+aringa +tar
eode in +d+as cynges iunge dohtor and cyste hyre 
f+ader and +da ymbsittendan.
<R 15.3>
+ta heo becom to Apollonio, +ta gew+ande heo ongean to hire
f+ader and cw+a+d: +du goda cyningc and min se 
leofesta f+ader, hw+at is +tes iunga man +te ongean +de on
swa wur+dlicum setle sit mid sarlicum andwlitan?
<R 15.6>
Nat ic hw+at he besorga+d.
<R 15.7>
+da cw+a+d se cyningc: [{Leofe{] dohtor, +tes iunga man is
<P 24>
forliden and he gecwemde me manna betst on +dam
plegan, for+dam ic hine gela+dode to +dysum urum
gebeorscipe.
<R 15.9>
Nat ic hw+at he is ne hwanon he is, ac gif +du wille witan
hw+at he sy, axsa hine, for+dam +te gedafena+d 
+t+at +tu wite.
<R 15.11>
+da eode +t+at m+aden to Apollonio and mid forwandigendre
spr+ace cw+a+d: +deah +du [{stille{] sy and unrot, +teah 
ic +tine +a+delborennesse on +de geseo.
<R 15.13>
Nu +tonne gif +de to hefig ne +tince, sege me +tinne naman
and +tin gelymp arece me.
<R 15.15>
+da cw+a+d Apollonius: Gif +du for neode axsast +after minum
[{naman{] , ic secge +te ic hine forleas on s+a.
<R 15.17>
Gif +du wilt mine +a+delborennesse witan, wite +du +t+at ic
hig forlet on Tharsum.
<R 15.18>
+d+at m+aden cw+a+d: Sege me gewislicor +t+at ic hit m+age
understandan.
<R 16.1>
   Apollonius +ta so+dlice hyre arehte ealle his gelymp and 
+at +tare spr+acan ende him feollon tearas of
+dam eagum.
<R 16.2>
Mid +ty +te se cyngc +t+at geseah, he bew+ande hine +da to
+dare dohtor and cw+a+d: [{Leofe{] dohtor, +tu gesingodest; 
mid +ty +te +tu woldest witan his naman and his
gelimp, +tu hafast nu geedniwod his ealde sar.
<R 16.6>
Ac ic bidde +te +t+at +tu gife him swa hw+at swa +du wille.
<R 16.7>
+da +da +t+at m+aden gehirde +t+at hire w+as alyfed fram hire
f+ader +t+at heo +ar hyre silf gedon wolde, +da cw+a+d 
heo to Apollonio: Apolloni, so+dlice +tu eart ure.
<R 16.9>
Forl+at +tine murcnunge and nu ic mines f+ader leafe habbe,
ic gedo +de weligne.
<R 16.10>
Apollonius hire +t+as +tancode, and se cyngc blissode on his
dohtor welwillendnesse and hyre to cw+a+d: 
[{Leofe{] dohtor, hat feccan +tine hearpan and gecig +de to
[{+tine{] frynd and afirsa fram +tam iungan his 
sarnesse.
<R 16.14>
+da eode heo ut and het feccan hire hearpan, and sona swa heo
[{hearpian{] ongan, heo mid winsumum sange 
gem+agnde +tare hearpan sweg.
<R 16.16>
+da ongunnon ealle +ta men hi herian on hyre swegcr+aft and
Apollonius ana swigode.
<R 16.17>
+da cw+a+d se cyningc: Apolloni, nu +du dest yfele, for+dam
+te ealle men heria+d mine dohtor on hyre swegcr+afte 
and +tu ana hi 
<P 26>
swigende t+alst.
<R 16.20>
Apollonius cw+a+d: Eala +du goda cyngc, gif +du me gelifst,
ic secge +t+at ic ongite +t+at so+dlice +tin dohtor 
gefeol on swegcr+aft, ac heo n+af+d hine na wel
geleornod.
<R 16.22>
Ac hat me nu sillan +ta hearpan; +tonne wast +tu +t+at +tu nu
git nast.
<R 16.23>
Arcestrates se cyning cw+a+d: Apolloni, ic oncnawe so+dlice
+t+at +tu eart on eallum +tingum wel gel+ared.
<R 16.25>
+da het se cyng sillan Apollonige +ta hearpan.
<R 16.26>
Apollonius +ta ut eode and hine scridde and sette +anne
cynehelm uppon his heafod and nam +ta hearpan
on his hand and in eode and swa stod, +t+at se cyngc and
ealle +ta ymbsittendan wendon +t+at he n+are 
Apollonius ac +t+at he w+are Apollines +dara h+a+denra God.
<R 16.30>
+da wear+d stilnes and swige geworden innon +dare healle.
<R 16.31>
And Apollonius his hearpen+agl genam and he +ta
hearpestrengas mid cr+afte astirian ongan and +tare hearpan 
sweg mid winsumum sange gem+agnde.
<R 16.33>
And se cyngc silf and ealle +te +tar andwearde w+aron micelre
st+afne cliopodon and hine heredon.
<R 16.35>
+after +tisum forlet Apollonius +ta hearpan and [{plegode{]
and fela f+agera +tinga +tar for+d teah, +te +tam 
folce [{ungecnawen{] w+as and ungewunelic, and heom eallum
+tearle licode +alc +tara +tinga +de he for+d teah.
<R 17.1>
   So+dlice mid +ty +te +t+as cynges dohtor geseah +t+at
Apollonius on eallum godum cr+aftum swa wel w+as getogen, 
+ta gefeol hyre mod on his lufe.
<R 17.3>
+da +after +t+as beorscipes geendunge cw+a+d +t+at m+aden to
+dam cynge: Leofa f+ader, +tu lyfdest me litle +ar 
+t+at ic moste gifan Apollonio swa hw+at swa ic wolde of
+tinum goldhorde.
<R 17.6>
Arcestrates se cyng cw+a+d to hyre: Gif him swa hw+at swa +du
wille.
<R 17.7>
Heo +da [{swi+de{] bli+de ut eode and cw+a+d: Lareow
Apolloni, ic gife +te be mines f+ader leafe twa hund punda 
goldes and feower hund punda gewihte seolfres and +tone
m+astan d+al deorwur+dan reafes and twentig 
+deowa manna.
<R 17.11>
And heo +ta +tus cw+a+d to +dam +teowum mannum: 
<P 28>
Bera+d +tas
+tingc mid eow +te ic behet Apollonio minum lareowe 
and lecga+d innon bure beforan minum freondum.
<R 17.13>
+tis wear+d +ta +tus gedon +after +tare cwene h+ase, and
ealle +ta men hire gife heredon +de hig gesawon.
<R 17.15>
+da so+dlice geendode +te gebeorscipe, and +ta men ealle
arison and gretton +tone cyngc and +da cwene and 
b+adon hig gesunde beon and ham gew+andon.
<R 17.17>
Eac swilce Apollonius cw+a+d: +du goda cyngc and earmra
gemiltsigend, and +tu cwen, lare lufigend, beon 
ge gesunde.
<R 17.19>
He beseah eac to +dam +teowum mannum +te +t+at m+aden him
forgifen h+afde and heom cw+a+d to: Nima+d +tas +ting 
mid eow +te me seo cwen forgeaf and gan we secan ure
gesthus +t+at we magon us gerestan.
<R 17.22>
+da adred +t+at m+aden +t+at heo n+afre eft Apollonium ne
gesawe swa ra+de swa heo wolde, and eode +ta to 
hire f+ader and cw+a+d: +du goda cyningc, lica+d +de wel
+t+at Apollonius +te +turh us tod+ag gegodod is +tus
heonon fare, and cuman yfele men and bereafian hine?
<R 17.27>
Se cyngc cw+a+d: Wel +tu cw+ade.
Hat him findan hwar he hine m+age wur+dlicost gerestan.
<R 17.28>
+da dide +t+at m+aden swa hyre beboden w+as, and Apollonius
onfeng +tare wununge +de hym get+aht w+as and 
+dar in eode Gode +tancigende +de him ne forwyrnde cynelices
wur+dscipes and frofres.
<R 18.1>
   Ac +t+at m+aden h+afde unstille niht, mid +tare lufe on+aled
+tara worda and sanga +te heo gehyrde +at Apollonige, 
and na leng heo ne gebad +donne hit d+ag w+as, ac
eode sona swa hit leoht w+as and ges+at beforan 
hire f+ader bedde.
<R 18.4>
+da cw+a+d se cyngc: [{Leofe{] dohtor, for hwi eart +du +tus
+arwacol?
<R 18.5>
+d+at m+aden cw+a+d: Me awehton +ta gecnerdnessan +te ic
girstand+ag gehyrde.
<R 18.7>
Nu bidde ic +de for+dam +t+at +tu bef+aste me urum cuman
Apollonige to lare.
<R 18.8>
+da wear+d se cyningc +tearle geblissod and het feccan
Apollonium and him to cw+a+d: Min dohtor 
<P 30>
girn+d 
+t+at heo mote leornian +at +de +da ges+aligan lare +de +tu
canst.
<R 18.11>
and gif +du wilt +tisum +tingum gehyrsum beon, ic swerige +de
+turh mines rices m+agna +t+at swa hw+at swa 
+du on s+a forlure ic +de +t+at on lande gesta+delige.
<R 18.13>
+da +da Apollonius +t+at gehyrde, he onfengc +tam m+adenne to
lare and hire t+ahte swa wel swa he silf geleornode.
<R 19.1>
   Hyt gelamp +da +after +tisum binnon feawum tidum +t+at
Arcestrates se cyngc heold Apollonius hand on handa 
and eodon swa ut on +dare ceastre str+ate.
<R 19.3>
+ta +at nyhstan comon +dar gan ongean hy +try gel+arede weras
and +a+telborene, +ta lange +ar girndon +t+as 
cyninges dohtor.
<R 19.5>
Hi +da ealle +try tog+adere anre st+afne gretton +tone cyngc.
<R 19.6>
+da smercode se cyng and heom to beseah and +tus cw+a+d:
Hw+at is +t+at +t+at ge me anre st+afne gretton?
<R 19.8>
+da andswerode heora an and cw+a+d: We b+adon gefirn +tynre
dohtor and +tu us oftr+adlice mid elcunge gesw+anctest.
<R 19.10>
For+dam we comon hider tod+ag +tus tog+adere.
We syndon +tyne ceastergewaran of +a+delum gebyrdum geborene.
<R 19.12>
Nu bidde we +te +t+at +tu geceose +te +anne of us +trym
hwilcne +tu wille +te to a+dume habban.
<R 19.13>
+da cw+a+d se cyngc: Nabbe ge na godne timan aredodne.
<R 19.14>
Min dohtor is nu swi+de bisy ymbe hyre leornunga, ac +te l+as
+te ic eow a leng sl+ace, awrita+d eowre naman 
on gewrite and hire morgengife; +tonne as+ande ic +ta
gewrita minre dohtor +t+at heo sylf geceose
hwilcne eowerne heo wille.
<R 19.18>
+da didon +da cnihtas swa and se cyngc nam +da gewrita and
geinseglode hi mid his ringe and sealde Apollonio 
+tus cwe+dende: Nim nu, lareow Apolloni, swa hit +te
ne mislicyge, and bryng +tinum l+arincgm+adene.
<R 20.1>
   +da nam Apollonius +ta gewrita and eode to +dare cynelican
healle.
<R 20.2>
Mid +tam +te +t+at m+aden geseah Apollonium, +ta cw+a+d heo:
Lareow, hwi g+ast +du ana?
<R 20.3>
Apollonius cw+a+d: Hl+afdige, n+as git yfel wif, nim +das
gewrita +de +tin f+ader +te s+ande and r+ad.
<R 20.5>
+d+at m+aden nam and r+adde +tara +treora cnihta naman, ac heo
<P 32>
ne funde na +tone naman +tar on +te heo wolde.
<R 20.6>
+da heo +ta gewrita oferr+ad h+afde, +da beseah heo to
Apollonio and cw+a+d: Lareow, ne of+ting+d hit +de gif 
ic +tus wer geceose?
<R 20.8>
Apollonius cw+a+d: Na, ac ic blissige swi+dor +d+at +tu miht
+durh +da lare, +te +tu +at me underfenge, +te silf 
on gewrite gecy+dan hwilcne heora +tu wille.
<R 20.11>
Min willa is +t+at +tu +de wer geceose +tar +du silf wille.
+t+at m+aden cw+a+d: Eala lareow, gif +du me lufodest, +tu
hit besorgodest.
<R 20.13>
+after +tisum wordum heo mid modes anr+adnesse awrat o+der
gewrit and +t+at geinseglode and sealde Apollonio.
<R 20.14>
Apollonius hit +ta ut b+ar on +da str+ate and sealde +tam
cynge.
<R 20.15>
+d+at gewrit w+as +tus gewriten: +tu goda cyngc and min se
leofesta f+ader, nu +tin mildheortnesse me leafe 
sealde +t+at ic silf moste ceosan hwilcne wer ic wolde,
ic secge +de to so+dan +tone forlidenan man 
ic wille.
<R 20.19>
and gif +du wundrige +t+at swa scamf+ast f+amne swa
unforwandigendlice +das word awrat, +tonne wite +tu +t+at 
ic h+abbe +turh weax aboden, +de nane scame ne can, +t+at
ic silf +de for scame secgan ne mihte.
<R 21.1>
   +da +da se cyningc h+afde +t+at gewrit oferr+ad, +ta niste 
he hwilcne forlidene heo nemde.
<R 21.2>
beseah +da to +dam +trim cnihtum and cw+a+d: Hwilc eower is
forliden?
<R 21.3>
+da cw+a+d heora an se hatte Ardalius: Ic eom forliden.
<R 21.4>
Se o+der him andwirde and cw+a+d: Swiga +du; adl +te fornime
+t+at +du ne beo hal ne gesund.
<R 21.6>
Mid me +tu boccr+aft leornodest and +du n+afre buton +tare
ceastre geate fram me ne come.
<R 21.7>
Hwar gefore +du forlidennesse?
<R 21.8>
Mid +di +te se cyngc ne mihte findan hwilc heora forliden
w+are, he beseah to Apollonio and cw+a+d: Nim
+du, Apolloni, +tis gewrit and r+ad hit.
<R 21.10>
Ea+de m+ag gewur+dan +t+at +tu wite +t+at ic nat, +du +de
+tar andweard w+are.
<R 21.11>
+da nam Apollonius +t+at gewrit and r+adde and sona swa he
ongeat +t+at he gelufod w+as fram +dam m+adene,
his andwlita eal areodode.
<R 21.13>
+da se cyngc +t+at geseah, +ta nam he Apollonies hand and
hine hwon fram +tam cnihtum gew+ande and cw+a+d: 
Wast +tu +tone forlidenan man?
<R 21.15>
Apollonius 
<P 34>
cw+a+d: +du goda cyning, gif +tin willa bi+d, ic
hine wat.
<R 21.16>
+da geseah se cyngc +t+at Apollonius mid rosan rude w+as eal
oferbr+aded, +ta ongeat he +tone cwyde and 
+tus cw+a+d to him: [{Blissa{] , blissa, Apolloni, for +dam 
+te min dohtor gewilna+d +t+as +de min willa is.
<R 21.20>
Ne m+ag so+dlice on +tillicon +tingon nan +tinc gewur+dan
buton Godes willan.
<R 21.21>
Arcestrates beseah to +dam +trym cnihtum and cw+a+d: So+d is
+t+at ic eow +ar s+ade +t+at ge ne comon on gedafenlicre 
tide mynre dohtor to biddanne, ac +tonne heo m+ag
hi fram hyre lare ge+amtigan, +tonne s+ande
ic eow word.
<R 21.25>
+da gew+andon hie ham mid +tissere andsware.
<R 22.1>
   And Arcestrates se cyngc heold for +don Apollonius hand and
hine l+adde ham mid him, na swilce he cuma 
w+are ac swilce he his a+dum w+are.
<R 22.3>
+da +at nyxstan forlet se cyng Apollonius hand and eode ana
into +dam bure +tar his dohtor inne w+as and 
+tus cw+a+d: Leofe dohtor, hw+ane hafast +tu +de gecoren
to gem+accan?
<R 22.6>
+d+at m+aden +ta feol to hyre f+ader fotum and cw+a+d: +du
arf+asta f+ader, gehyr +tinre dohtor willan.
<R 22.7>
Ic lufige +tone forlidenan man +de w+as +turh ungelymp
beswicen, ac +ti l+as +te +te tweonige +tare spr+ace, 
Apollonium ic wille, minne lareow, and gif +tu me him ne
silst, +tu forl+atst +dine dohtor.
<R 22.10>
Se cyng +da so+dlice ne mihte ar+afnian his dohtor tearas, ac
ar+arde hi up and hire to cw+a+d: Leofe dohtor, 
ne ondr+at +tu +de +aniges +tinges.
<R 22.13>
+tu hafast gecoren +tone wer +te me wel lica+d.
Eode +da ut and beseah to Apollonio and cw+a+d: Lareow
Apolloni, ic smeade minre dohtor modes willan.
<R 22.15>
+da arehte heo me mid wope betweox o+dre spr+ace +tas +tingc
+tus cwe+dende: +tu geswore Apollonio, gif he 
wolde gehirsumian minum willan on lare, +t+at +tu woldest
him geinnian swa hw+at swa seo s+a him +atbr+ad.
<R 22.19>
Nu for +dam +te he gehyrsum w+as +tinre h+ase and minum
willan, ic for +after him.
<P 36>
<R 48.1>
   +da w+as hyre gecyd, +te +dar ealdor w+as, +t+at +tar w+are
cumen sum cyngc mid his a+dume and mid his dohtor 
mid micclum gifum.
<R 48.3>
Mid +tam +te heo +t+at gehirde, heo hi silfe mid cynelicum
reafe gefr+atwode and mid purpran gescridde 
and hire heafod mid golde and mid gimmon gegl+angde and mid
micclum f+amnena heape ymbtrimed com togeanes 
+tam cynge.
<R 48.7>
Heo w+as so+dlice +tearle wlitig, and for +dare micclan lufe
+tare cl+annesse hi s+adon ealle +t+at +tar n+are 
nan Dianan swa gecweme swa heo.
<R 48.9>
Mid +tam +te Apollonius +t+at geseah, he mid his a+dume and
mid his dohtor to hyre urnon and feollon ealle 
to hire fotum, and [{wendon{] +t+at heo Diana w+are seo
giden for [{hyre{] micclan beorhtnesse and wlite.
<R 48.12>
+t+at haliern wear+d +da geopenod and +ta lac w+aron in
gebrohte and Apollonius ongan +da sprecan and cwe+dan: 
Ic fram cildhade w+as Apollonius genemnod, on Tirum
geboren.
<R 48.15>
Mid +tam +te ic becom to fullon andgite, +ta n+as nan cr+aft,
+de w+are fram cynegum began o+d+de fram +a+delum 
mannum, [{+te{] ic nu cu+de.
<R 48.17>
Ic ar+adde Antiochus r+adels +t+as cynges to +ton +t+at ic
his dohtor underfenge me to gem+accan.
<R 48.19>
Ac he silfa w+as mid +tam fulestan horwe +tar to ge+teod and
me +ta sirwde to ofsleanne.
<R 48.20>
Mid +tam +te ic +t+at forfleah, +ta wear+d ic on s+a forliden
and com to Cyrenense.
<R 48.21>
+da underfengc me Arcestrates se cyngc mid swa micelre lufe
+t+at ic +at nyhstan geearnode +t+at he geaf 
me his [{anc+annedan{] dohtor to gem+accan.
<R 48.24>
Seo for +da mid me to onfonne minon cynerice and +tas mine
dohtor, +te ic beforan +de, Diana, [{geandweardod{] 
h+abbe, ac+ande on s+a and hire gast alet.
<R 48.26>
Ic +ta hi mid cynelican reafe gescridde and mid golde and
gewrite on ciste alegde +t+at se +te hi funde 
hi wur+dlice bebirigde, and +tas mine dohtor bef+aste +tam
manfullestan mannan to fedanne.
<R 48.29>
For me +ta to 
<P 38>
Egipta lande feowertene gear on heofe.
<R 48.30>
+da ic ongean com, +ta s+adon hi me +t+at min dohtor w+are
for+dfaren, and me w+as min sar eal geedniwod.
<R 49.1>
   Mid +tam +te he +das +tingc eal areht h+afde, Arcestrate
so+dlice, his wif, up aras and hine ymbclypte.
<R 49.2>
+da niste na Apollonius ne ne gelifde +t+at heo his gem+acca
w+are, ac sceaf hi fram him.
<R 49.4>
Heo +da micelre st+afne clipode and cw+a+d mid wope: Ic eom
Arcestrate, +tin gem+acca, Arcestrates dohtor 
+t+as cynges, and +tu eart Apollonius, min lareow, +te me
l+ardest; +tu eart se forlidena man +de ic lufode 
na for galnesse ac for wisdome.
<R 49.7>
Hwar is min dohtor?
<R 49.8>
He bew+ande hine +ta to Thasian and cw+a+d: +tis heo is.
<R 49.9>
And hig weopon +da ealle and eac blissodon, and +t+at word
sprang geond eal +t+at land +t+at Apollonius, 
se m+ara cyngc, h+afde [{funden{] his wif, and +tar wear+d
orm+ate blis, and +ta organa w+aron getogene and 
+ta biman geblawene, and +tar wear+d bli+de gebeorscipe
gegearwod betwux +tam cynge and +tam folce.
<R 49.14>
And heo gesette hyre gingran +te hire folgode to sacerde, and
mid blisse and heofe ealre +tare m+ag+de
on Efesum heo for mid hire were and mid hire a+dume and mid
hire dohtor to Antiochian, +tar Apollonio 
w+as +t+at cynerice gehealden.
<R 50.1>
   For +da si+d+dan to Tirum and gesette +tar Athenagoras, his
a+dum, to cynge.
<R 50.2>
For +da so+dlice +tanon to Tharsum mid his wife and mid his
dohtor and mid cynelicre firde, and het sona 
gel+accan Stranguilionem and Dionisiadem and l+adan
beforan him, +tar he s+at on his +trimsetle.
<R 50.5>
+da +da hi gebrohte w+aron, +ta cw+a+d he beforan ealre +tare
gegaderunge: Ge tharsysce ceastergewaran, 
cwe+de ge +t+at ic Apollonius eow dide +afre +anigne 
<P 40>
un+tang?
<R 50.8>
Hi +da ealle anre st+afne cw+adon: We s+adon +afre +t+at +tu
ure cyng and f+ader w+are and for +de we woldon 
lustlice swiltan, for +dam +te +tu us alysdest of hungre.
<R 50.10>
Apollonius +ta cw+a+d: Ic bef+aste mine dohtor Stranguilionem
and Dionisiade and hi noldon me +ta agifan.
<R 50.12>
+d+at yfele wif cw+a+d: N+as +t+at wel, hlaford, +t+at +tu
silf ar+addest +ta stafas ofer hire birgene?
<R 50.14>
+da clipode Apollonius swi+de hlude and cw+a+d: Leofe dohtor
Thasia, gif +anig andgit sy on helle, l+at 
+tu +t+at cwicsuslene hus and gehir +du +dines f+ader
st+afne.
<R 50.16>
+d+at m+aden +da for+d eode mid cynelicum reafe ymbscrid and
unwreah hire heafod and cw+a+d hlude to +tam
yfelan wife: Dionisia, hal wes +tu.
<R 50.18>
Ic grete +te nu of helle geciged.
<R 50.19>
+d+at forscildgode wif +ta eallum limon abifode, +ta +da heo
hire on locode, and seo ceastergewaru wundrode 
and blissode.
<R 50.21>
+da het Thasia beforan gel+adan Theophilum, Dionisiades
gerefan, and him to cw+a+d: Theophile, to +ton
+t+at +tu +de gebeorge, sege hluddre st+afne hwa +de hete me
ofslean.
<R 50.24>
Se gerefa cw+a+d: Dionisia min hl+afdige.
Hw+at, seo burhwaru +ta gel+ahton Stranguilionem and his wif
and l+addon [{buton{] +da ceastre and ofst+andon 
hi to dea+de, and woldon eac Theophilum ofslean, ac
Thasia him +tingode and cw+a+d: Buton +tes man
me +tone first forgeafe +t+at ic me to Gode geb+ade, +tonne
ne become ic to +tissere are.
<R 50.29>
Heo r+ahte +ta so+dlice hire handa him to and het hine gesund
faran, and Philothemian, +tare forscildgodan 
dohtor, Thasia nam to hyre.
<R 51.1>
   Apollonius +ta so+dlice forgeaf +tam folce micele gifa to
blisse, and heora weallas wurdon geedsta+delode.
<R 51.2>
He wunode +ta +tar six mon+das and for si+d+dan on scipe to
[{Pentapolim{] , +tare cireniscan birig, and com 
to Arcestrates +tam cynge, and se cyng blissode on his ylde
+t+at he geseah his nefan mid hire were.
<R 51.6>
Hi wunodon tog+adere an gear fullice and se cyning si+d+dan,
<P 42>
Arcestrates, fulfremedre ylde for+dferde 
betwux him eallum and becw+a+d healf his rice Apollonio,
healf his dohtor.
<R 51.9>
   +disum eallum +dus gedonum eode Apollonius, se m+ara cyngc,
wi+d +da s+a.
<R 51.10>
+ta geseah he +tone ealdan fiscere +te hine +ar nacodne
underfengc.
<R 51.11>
+ta het se cyngc hine f+arlice gel+accan and to +dare
cynelican healle gel+adan.
<R 51.12>
+da +da se fiscere +t+at geseah +t+at hine +ta c+ampan woldon
niman, +ta wende he +arest +t+at hine man scolde 
ofslean.
<R 51.14>
Ac mid +tam +te he com into +d+as cynges healle, +ta het se
cyningc hine l+adan toforan +tare cwene and 
+tus cw+a+d: Eala +tu eadige cwen, +tis is min tacenbora, +te
me nacodne underfenc and me get+ahte +t+at ic
to +te becom.
<R 51.17>
+da beseah Apollonius se cyng to +dam fiscere and cw+a+d:
Eala welwillenda ealda, ic eom Apollonius se 
tirisca, +tam +tu sealdest healfne +tinne w+afels.
<R 51.20>
Him geaf +da se cyngc twa hund gildenra p+anega and h+afde
hine to geferan +ta hwile +te he lifede.
<R 51.21>
Hellanicus eac +ta to him com, se him +ar cydde hw+at
Antiochus cync be him gedemed h+afde, and he cw+a+d 
to +tam cynge: Hlaford cyng, gemun Hellanicus, +tinne
+teow.
<R 51.24>
+da genam hine Apollonius be +tare hand and ar+arde hine up
and hine cyste and hine weligne gedide and 
sette hine him to geferan.
<R 51.27>
   +after eallum +tisum Apollonius se cyngc sunu gestrynde be
his gem+accan, +tone he sette to cynge on Arcestrates 
cynerice his ealdef+ader.
<R 51.29>
And he sylfa welwillendlice lifede mid his gem+accan seofon
and hundseofonti geara and heold +t+at cynerice 
on Antiochia and on Tyrum and on Cirenense, and he
leofode on stilnesse and on blisse ealle 
+ta tid his lifes +after his earfo+dnesse.
<R 51.33>
And twa bec he silf gesette be his fare and ane asette on +dam
temple Diane, o+dre on [{bibliotheca{] .
<R 51.35>
   Her enda+d ge wea ge wela Apollonius +t+as tiriscan, 
r+ade se +te wille.
<R 51.36>
And gif hi hwa r+ade, ic bidde +t+at he +tas aw+andednesse ne
t+ale, ac +t+at he hele swa hw+at swa +tar on 
sy to tale.



