<B COBRUNAN>
<Q O2 XX XX BRUNANB>
<N BRUNANBURH>
<A X>
<C O2>
<O 850-950>
<M 850-950>
<K CONTEMP>
<D WS>
<V VERSE>
<T X>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>
<S SAMPLE X>


[^TEXT:  THE BATTLE OF BRUNANBURH.
THE ANGLO-SAXON MINOR POEMS.
THE ANGLO-SAXON POETIC RECORDS, VI.
ED. E. V. K. DOBBIE.
NEW YORK: COLUMBIA UNIVERSITY PRESS, 1942.
PP. 16.1 - 20.73^]

[^A10.1^]
<P 16>
[} [\THE BATTLE OF BRUNANBURH (937)\] }]
<R 1>
Her +a+telstan cyning, eorla dryhten, beorna beahgifa, and his
bro+tor eac, Eadmund +a+teling, ealdorlangne tir geslogon +at
s+acce sweorda ecgum  ymbe Brunanburh.
<R 5>
Bordweal clufan, heowan hea+tolinde hamora lafan, afaran
Eadweardes, swa him ge+a+tele w+as
<P 17>
from cneom+agum, +t+at hi +at campe oft wi+t la+tra
gehw+ane land ealgodon, hord and hamas.
<R 10>
Hettend crungun, Sceotta leoda and scipflotan f+age feollan,
feld d+annede secga [{swate{] , si+d+tan sunne
up on morgentid, m+are tungol, glad ofer grundas, godes
condel beorht, eces drihtnes, o+d sio +a+tele
gesceaft sah to setle.
<R 17>
+t+ar l+ag secg m+anig garum ageted, guma nor+terna ofer scild
scoten, swilce Scittisc eac, werig, wiges
s+ad.
<R 20>
Wesseaxe for+d ondlongne d+ag eorodcistum on last legdun
la+tum +teodum, heowan herefleman hindan +tearle mecum
mylenscearpan.
<R 24>
Myrce ne wyrndon heardes hondplegan h+ale+ta nanum [{+t+ara{]
[{+te{] mid Anlafe ofer +ara gebland on lides bosme land
gesohtun,
<P 18>
f+age to gefeohte.
<R 28>
Fife l+agun on +tam campstede cyningas giunge, sweordum
aswefede, swilce seofene eac eorlas Anlafes,
unrim heriges, flotan and Sceotta.
<R 32>
+t+ar geflemed wear+d Nor+dmanna bregu, nede gebeded, to lides
stefne litle weorode; cread cnear [{on{] flot, cyning ut gewat
on fealene flod, feorh generede.
<R 37>
Swilce +t+ar eac se froda mid fleame com on his cy+t+te nor+d,
Costontinus, har [{hilderinc{] , hreman ne +torfte m+aca
gemanan.
<R 40>
he w+as his m+aga sceard, freonda gefylled on folcstede,
beslagen +at s+acce, and his sunu forlet on w+alstowe wundun
[{forgrunden{] , giungne +at gu+de.
<R 44>
Gelpan ne +torfte beorn blandenfeax bilgeslehtes, eald
inwidda, ne Anlaf +ty ma.
<P 19>
<R 47>
mid heora herelafum hlehhan ne +torftun +t+at heo beaduweorca
beteran wurdun on campstede [{cumbolgehnastes{] , garmittinge,
gumena gemotes, w+apengewrixles, +t+as hi on w+alfelda wi+t
Eadweardes afaran plegodan.
<R 53>
Gewitan him +ta Nor+tmen n+agledcnearrum, dreorig dara+da laf,
on Dinges mere ofer deop w+ater Difelin secan,
eft [{Iraland{] , +awiscmode.
<R 57>
Swilce +ta gebro+ter begen +atsamne, cyning and +a+teling,
cy+t+te sohton, Wesseaxena land, wiges hremige.
<R 60>
Letan him behindan hr+aw bryttian saluwigpadan, +tone sweartan
hr+afn, hyrnednebban, and +tane hasewanpadan,
<P 20>
earn +aftan hwit, +ases brucan, gr+adigne gu+dhafoc and
+t+at gr+age deor, wulf on wealde.
<R 65>
Ne wear+d w+al mare ; on +tis eiglande +afre gieta folces
gefylled beforan +tissum sweordes ecgum, +t+as +te us
secga+d bec, ealde u+dwitan, si+t+tan eastan hider Engle
and Seaxe up becoman, ofer brad brimu Brytene sohtan,
wlance wigsmi+tas, [{Wealas{] ofercoman, eorlas
arhwate eard begeatan.



