<B COCHROE4>
<Q O3/4 NN HIST CHRONE>
<N CHRON E EARLY>
<A X>
<C O3/4>
<O 950-1050>
<M 1050-1150>
<K NON-CONTEMP>
<D WS/X>
<V PROSE>
<T HISTORY>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z NARR NON-IMAG>
<S SAMPLE X>


[^TEXT:  CHRONICLE MS E (O3/4).
TWO OF THE SAXON CHRONICLES PARALLEL,
VOL. I.
ED. C. PLUMMER.
OXFORD: THE CLARENDON PRESS, 1965 (1892).
PP. 119.1 - 177.5   (SAMPLE 1)

TEXT:  CHRONICLE MS E (O4).
Idem.
PP. 205.1  - 225.7  (SAMPLE 2)
PP. 239.28 - 250.11 (SAMPLE 3)^]

<S SAMPLE 1>
[^B17.9^]
<P 119>
<R 966.1>
Her +tored Gunneres sunu forhergode Westmoringaland. & +ti
ilcan geare Oslac feng to ealdordome.
<R 969.1>
Her on +tissum geare Eadgar cyng het oferhergian eall
Tenetland.
<R 970.1>
Her for+dferde Eadmund +a+teling.
<R 972.1>
Her w+as Eadgar e+teling gehalgod to cyninge on Pentecoste
m+assed+ai on (\v idus Mai\) . +te xiii geare 
+te he to rice feng. +at Hataba+dum. & he w+as +ta ana wana
xxx wintra.
<R 972.4>
& sona +after +tam se cyng geleadde ealle his sciphere to
L+ageceastre. & +t+ar him comon ongean vi cyningas. 
and ealle wi+d trywsodon +t+at hi woldon efen
[{wyrhton{] beon on s+a & on lande.
[^VERSE OMITTED^]
<P 121>
<R 975.19>
And her Eadward Eadgares sunu feng to rice.
& +ta sona on +tam ilcan geare on herfeste +ateowde cometa se
steorra. & com +ta on +tam eaftran geare swi+de 
mycel hungor. & swy+de m+anigfealde styrunga geond
Angelcyn.
<R 975.22>
& +Alfere ealdorman het towurpon swy+de manig munuc lif +te
Eadgar cyng 
<P 122>
het +ar +tone halgan biscop A+delwold gesta+delian.
<R 975.24>
& on +tam timan w+as eac Oslac se m+ara eorl geutod of
Angelcynne.
<P 123>
<R 978.1>
Her on +tissum geare ealle +ta yldestan Angelcynnes witan
gefeollan +at Calne of anre upfloran. butan 
se halga Dunstan arcebiscop ana +atstod uppon anum beame. &
sume +t+ar swi+de gebrocode w+aron. & sume hit 
ne gedygdan mid +tam life.
<R 979.1>
Her w+as Eadward cyng ofslagen on +afentide +at Corfes geate
on (\xv kalend+a Aprilis\) & hine man bebyrigde 
+at W+arham butan +alcum cynelicum wur+dscipe.
[^VERSE OMITTED^]
<R 979.29>
And her feng +a+delred to rice. & he w+as +after +tam swi+de
hr+adlice mid mycclum gefean Angelcynnes witon 
gehalgod to cyninge +at Cyningestun.
<R 980.1>
Her on +tisum geare +Alfere ealdorman gefette +tes 
<P 125>
halgan
cyninges lichaman +at W+arham. & geferode hine
mid mycclum wur+dscipe to Sc+aftesbyrig.
<R 981.1>
Her comon +arest +ta vii scipu and gehergoden Hamtun.
<R 983.1>
Her for+dferde +Alfere ealdorman. & feng +Alfric to +tam ilcan
ealdordome.
<R 984.1>
Her for+dferde se halga biscop A+delwold muneca f+ader. & her
w+as Eadwine to abbot gehalgod to Abbandune.
<R 985.1>
Her +alfric ealdorman w+as utadr+afed.
<R 986.1>
Her se cyning fordyde +tet biscoprice +at Hrofeceastre. And
her com +arest se myccla yrfcwalm on Angelcyn.
<R 987.1>
Her Wecedport wes gehergod.
<R 988.1>
Her w+as Goda se [{D+afenisca{] +t+agn ofslagen & mycel w+al
mid him.
<R 988.2>
& her Dunstan se halga arcebiscop forlet +tis lif. & geferde
+t+at heofonlice.
<R 988.3>
And +A+delgar biscop feng +after him to arcebiscopstol. & he
litle hwile +after +tam leofode, butan an gear. 
& iii mon+das.
<R 989.1>
Her +Adwine abbot for+dferde. & feng Wulfgar to. & her Siric
w+as gehadod to arcebiscop.
<P 127>
<R 991.1>
Her w+as [{Gypeswic{] gehergod. & +after +tam swy+de ra+de
w+as Brihtno+d ealdorman ofsl+agen +at M+aldune.
<R 991.2>
& on +tam geare man ger+adde +t+at man geald +arest gafol
Deniscan mannum. for +tam mycclan brogan +te hi 
worhtan be +tam s+ariman. +t+at w+as +arest x +tusend
punda. +t+ane r+ad ger+adde Siric arcebiscop.
<R 992.1>
Her Oswald se eadiga arcebiscop forlet his lif. & geferde
+t+at heofonlice. & +A+delwine ealdorman gefor 
on +tam ilcan geare.
<R 992.3>
+Da ger+adde se cyng & ealle his witan +t+at man gegaderode
+ta scipu +te ahtes w+aron to Lundenbyrig.
<R 992.4>
& se cyng +ta bet+ahte +ta fyrde to l+adene Ealfrice
ealdorman. & +torode eorl. & +Alfstane biscop. & +Ascwige 
biscop. & sceoldan cunnian gif hi muhton +tone here
ahw+ar utene betr+appen.
<R 992.7>
+da sende se ealdorman +alfric. & het warnian +tone here.
<R 992.8>
& +ta on +tere nihte +de hi on +done d+ai tog+adere cumon
sceoldon. +da sceoc he on niht fram +t+are fyrde him 
sylfum to mycclum bismore. & se here +ta +atb+arst, buton
an scip +t+ar man ofsloh.
<R 992.11>
& +ta gem+atte se here +da scipu of East Englum & of Lunden. &
hi +d+ar ofslogon mycel w+al. & +t+at scip genamon 
eall gew+apnod & gew+adod +te se ealdorman on w+as.
<R 992.14>
& +da +after Oswaldes arcebiscop for+dsi+de. feng Ealdulf
abbot of Burch to Eoferwic stole and to Wigeraceastre. 
& Kenulf to +tam abbotrice +at Burch.
<R 993.1>
Her on +dissum geare w+as B+abbanburh tobrocon. & mycel
herehu+de +t+ar genumen, & +after +tam com to Humbranmu+de 
se here. & +t+ar mycel yfel gewrohtan +ag+der ge on
Lindesige ge on Nor+dhymbran.
<R 993.4>
+ta gegaderode man swi+de mycele fyrde. & +ta hi tog+adere gan
sceoldan. +ta onstealdon +ta heretogan +arest 
+tone fleam. +t+at w+as Fr+ana. & Godwine. & Fri+degist.
<R 993.7>
On +tysum ilcan geare het se cyng ablendan +Alfgar +Alfrices
sunu ealdormannes.
<R 994.1>
Her on +tisum geare com Anlaf & Swegen to Lundenbyrig on
Nativitas sancte Marie mid iiii & hundnigontigum scipum.
<R 994.3>
& hi +da on +da burh festlice feohtende w+aron. & eac 
<P 129>
hi mid fyre ontendan woldon. ac hi +tar gefeordon
maran hearm & yfel +tonne hi +afre wendon. +t+at heom +anig
burhwaru gedon sceolde.
<R 994.6>
Ac se halige Godes modor on +dam hire mildheortnisse +t+are
burhware gecy+dde. & hi ahredde wi+d heora feondum.
<R 994.8>
& hi +tanon ferdon. & wrohton +t+at m+aste yfel +te +afre
+anig here don mihte on b+arnette & hergunge & on
manslihtum +ag+der be +dam s+ariman on East Seaxum, & on
Centlande. & on Su+dSeaxum. & on Hamtunscire.
<R 994.11>
& +at nyxtan naman heom hors. & ridon swa wide swa hi woldon.
& unasecgendlice yfel wircende w+aron.
<R 994.13>
+ta ger+adde se cyng & his witan +t+at him man to sende. & him
gafol behete & metsunge wi+d +ton +te hi +t+are 
hergunge geswicon.
<R 994.15>
& hi +ta +tet underfengon. & com +ta eall se here to Hamtune.
& +t+ar wintersetle namon.
<R 994.16>
& hi man +t+ar f+adde geond eall West Seaxna rice. & him man
geald xvi +tusend punda.
<R 994.18>
+ta sende se [{cyng{] +after Anlafe cyninge, +Alfeach biscop &
+A+delward ealdorman & man gislade +ta hwile 
in to +tam scipum.
<R 994.20>
& hi +ta l+addan Anlaf mid mycclum wur+dscipe to +tam cynge to
Andeferan. & se cyng +a+delred his anfeng 
+at biscopes handa. & him cynelice gifode. & him +ta Anlaf
behet swa he hit eac gel+aste. +t+at he n+afre
eft to Angelcynne mid unfri+de cumon nolde.
<R 994.24>
(\Hic Ricardus uetus obiit. et Ricardus filius eius suscepit
regnum. et regnauit xxxi annos\) .
<R 995.1>
Her on +tissum geare +ateowde cometa se steorra. & Siric
arcebiscop for+dferde.
<P 131>
<R 996.1>
Her on +tissum geare w+as +alfric gehalgod to arcebiscope to
Cristes cyrcean.
<R 997.1>
Her on +tissum geare ferde se here abutan Defnanscire into
S+afernmu+don. & +t+ar gehergodon +ag+der on Cornwealum 
ge on Nor+dwalum. & on Defenan. & eodon him +ta up
+at Wecedport.
<R 997.4>
& +t+ar mycel yfel wrohtan on b+arnette. & on manslihtum. &
+after +tam wendon eft abutan Penwiht steort
on +da su+dhealfe. and wendon +ta in to Tamermu+dan. & eodon
+ta up o+d +t+at hi comon to Hlidaforda.
<R 997.7>
& +alc +ting b+arndon & slogon +t+at hi gemetton. & Ordulfes
mynster +at Tefingstoce forb+arndon. & unasecgendlice 
herehu+de mid him to scipa brohtan.
<R 998.1>
Her gewende se here eft eastweard into Frommu+dan. & +t+ar
+aghw+ar up eodon swa wide swa hi woldon into
Dors+atan.
<R 998.2>
& man oft fyrde ongean hi gegaderode. ac sona swa hi tog+adere
gan sceoldan. +tonne wear+d +t+ar +afre +turh 
sum +ting fleam astiht. & +afre hi +at ende sige ahton.
<R 998.5>
& +tonne o+dre hwile lagen heom on Wihtlande. & eoton heom +ta
hwile of Hamtunscire. & of Su+dseaxum.
<R 999.1>
Her com se here eft abuton into Temese. & wendon +ta up
andlang Medew+agan to Hrofeceastre.
<R 999.2>
& com +ta seo Centisce fyrde +t+ar ongean. & hi +t+ar f+aste
togedere fengon. ac wala +t+at hi to hra+de bugon. 
& flugon. for+tam +te hi n+afdon fultum +te hi habban
sceoldan.
<R 999.5>
+ta ahton +ta D+aniscan w+alstowe 
<P 133>
geweald & naman +ta hors. &
ridan swa wide swa hi woldon sylf. & forn+ah 
ealle Weast Centingas fordydon. & forhergodan.
<R 999.8>
+da r+adde se cyng wi+d his witan +t+at man sceolde mid
scipfyrde. & eac mid landfyrde him ongean faran.
ac +da +ta scipu gearwe w+aron. +ta elkede man fram d+age to
d+age. & swencte +t+at earme folc +te on +dam scipon lagon.
<R 999.11>
& a swa hit for+dwearde beon scolde. swa hit l+atre w+as fram
anre tyde to o+dre. & a hi leton heora feonda 
w+arod wexan. & a man rymde fram +t+are s+a. & hi ferdon
+afre for+d +after.
<R 999.14>
& +tonne +at +tam ende ne beheold hit nan +ting seo
scipfyrding. buton folces geswinc. & feos spilling.
& heora feonda for+dbylding.
<R 1000.1>
Her on +dissum geare se cyng ferde in to Cumerlande. & hit
swi+de neah eall forhergode.
<R 1000.2>
& his scipu wendon ut abuton Legceastre. and sceoldan cumon
ongean hine. ac hi ne mihton. +ta gehergodon hi M+anige.
<R 1000.4>
& seo unfri+dflota w+as +t+as sumeres gewend to Ricardesrice.
<R 1001.1>
Her com se here to Exanmu+dan. & up +da eodan to +dere byrig.
& +t+ar f+astlice feohtende w+aron. ac him man 
swy+de f+astlice wi+d stod. & heardlice.
<R 1001.3>
+da gewendon hi geond +t+at land. & dydon eall swa hi bewuna
w+aron. slogon & beorndon.
<R 1001.5>
+ta gesomnode man +t+ar orm+ate fyrde of Defenisces folces. &
Sumors+atisces. & hi +da tosomne comon +at Peonnho.
<R 1001.6>
& sona swa hi tog+adere fengon. +ta beah seo Englisce fyrd. &
hi +t+ar mycel w+al ofslogon. & ridan +ta ofer 
+t+at land. & w+as +afre heora +aftra sy+d wyrse +tonne se
+arra.
<R 1001.9>
& mid him +ta mycele herehu+de to scipon brohton. & +tanon
wendon in Wihtland. & +t+ar him ferdon on buton 
swa swa hi sylf woldon. & him nan +ting ne wi+dstod.
<R 1001.12>
ne him to ne dorste sciphere on s+a. ne landfyrd. ne eodon hi
swa feor up.
<R 1001.13>
W+as hit +ta on +alce wisan hefig tyma. for+dam +te hi n+afre
heora yfeles geswicon.
<R 1002.1>
Her on +tissum geare se cyng ger+adde & his witan. +t+at man
sceolde gafol gyldon +tam flotan. & fri+d wi+d 
hi geniman wi+d +ton +te hi heora yfeles geswican sceoldan.
<R 1002.3>
+da sende se cyng to +tam flotan Leofsig ealdorman. & he +ta
+t+as cynges worde & his witena gri+d wi+d hi
ges+atte. & +tet hi to metsunge fengon & to gafle.
<R 1002.6>
& hi +ta +t+at underfengon. & him man +ta geald xxiiii
+tusend punda.
<R 1002.7>
+da on gemang +tysum ofsloh 
<P 134>
Leofsig ealdorman +Afic +t+as
cynges heahgerefan. & se cyng hine +da geutode of earde.
<R 1002.9>
And +ta on +tam ilcan lengtene com seo hl+afdige Ricardes
dohtor hider to lande.
<R 1002.10>
On +dam ilcan sumera Ealdulf arcebiscop for+dferde.
<R 1002.11>
& on +dam geare se cyng 
<P 135>
het ofslean ealle +da Deniscan men +te
on Angelcynne w+aron on Bricius messed+ag. 
for+ton +tam cynge w+as gecydd +t+at hi woldon hine
besyrewian +at his life. & sy+d+dan ealle his witan. 
& habban sy+t+dan his rice.
<R 1003.1>
Her w+as Eaxeceaster abrocen +turh +tone Frenciscan ceorl
Hugon +te seo hlefdige heafde hire gesett to gerefan. 
& se here +ta burh mid ealle fordyde. & mycele here
hu+de +t+ar genamen.
<R 1003.4>
+da gegaderode man swi+de mycele fyrde of Wiltunscire & of
Hamtunscire. & swi+de anr+adlice wi+d +t+as heres 
weard w+aron.
<R 1003.6>
+da sceolde se ealdorman +alfric l+adan +ta fyrde. ac he teah
for+d +ta his ealdan wrenceas.
<R 1003.7>
Sona swa hi w+aron swa gehende +tet +ag+der heora on o+der
hawede. +ta gebr+ad he hine seocne. & ongan hine 
brecan to spiwenne. & cwe+d +tet he gesiclod w+are. & swa
+t+at folc beswac +t+at he l+adan sceolde.
<R 1003.10>
swa hit gecwe+den is. +donne se heretoga waca+d +tonne bi+d
eall se here swi+de gehindred.
<R 1003.12>
+da Swegen geseah +t+at hi anr+ade n+aron. & ealle tohwurfon.
+ta l+adde he his here into Wiltune.
<R 1003.14>
& hi +da burh gehergodon & forb+arndon. & eodon +ta to
Searbyrig. & +tanon eft to s+a. ferde +t+ar he wiste 
his y+dhengestas.
<R 1004.1>
Her com Swegen mid his flotan to Nor+dwic. & +ta burh ealle
gehergade. & forb+arndon.
<R 1004.2>
+ta ger+adde Ulfkytel wi+d +ta witan on East Englum. +t+at him
b+atere weron +t+at man wi+d +tone here fri+des 
ceapode. +ar hi to mycelne hearm on +tam earde gedydon.
for+tam +te hi unwares comon. & he fyrst n+afde 
+t+at he his fyrde gegadrian mihte.
<R 1004.6>
+da under +tam gri+de +te heom betweonan beon sceolde. +ta
besteal se here up fram scipon. & wendan heora 
fore to +teodforda.
<R 1004.8>
+da Ulfcytel +t+at undergeat. +ta seonde he +t+at man sceolde
+ta scipu toheawan. ac hi abru+don +ta +de he to 
+tohte. & he +ta gegaderode his fyrde diglice swa he
swy+dost muhte.
<R 1004.11>
& se here com +ta to +teodforda binnon iii wuca +t+as +te
hi +ar gehergodon Nor+dwic. & +t+ar binnon ane niht 
w+aron. & +ta burh hergodon & forb+arndon.
<R 1004.14>
+ta on morgen +ta hi to [{scipum{] woldon. +ta com Ulfcytel
mid his werode. & hi +t+ar tog+adere feastlice fengon. 
& mycel w+al +t+ar on +ag+d+are hand gefeoll.
<R 1004.16>
+d+ar w+ar+d East Engla folces seo yld ofslagen. ac gif +tet
fulle m+agen +t+are 
<P 136>
w+are. ne eodan hi n+afre eft 
to scipon. swa hi sylfe s+adon.
<R 1005.1>
Her on +tyssum geare w+as se mycla hungor geond Angelcynn
swilce nan man +ar ne gemunde swa grimne. & 
se flota +t+as geares gewende of +tissum earde to
D+anemearcon. and litelne fyrst let. +tet he eft ne com.
<R 1006.1>
Her for+dferde +Alfric arcebiscop. & +Alfeah biscop feng
+after him to +dam +arcestole. & Brihtwold biscop 
feng to +tam rice on Wiltunscire.
<R 1006.3>
& Wulfgeate w+as eall his are ofgenumen. & Wulfeah & Ufegeat
w+aron ablende. & +Alfelm ealdorman wear+d
ofslagen. & Kenulf biscop for+dferde.
<R 1006.5>
& +ta ofer +tone midne sumor com +ta se Denisca flota to
Sandwic. & dydon eall swa hi +ar gewuna w+aron,
hergodon & b+arndon. & slogon swa swa hi ferdon.
<R 1006.7>
+ta het se cyng abannan ut ealne +deodscipe of Westseaxum. &
of Myrcean. & hi lagon ute +ta ealne +tone
herfest on fyrdinge ongean +tone here. ac hit naht ne beheold
+te ma +te hit oftor +ar dyde.
<R 1006.11>
Ac for eallum +tissum se here ferde swa he sylf wolde. & se
fyrdinge dyde +t+are landleode +alcne hearm. 
+tet him na+dor ne dohte ne innhere ne uthere.
<R 1006.15>
+da hit winter leohte. +ta ferde se fyrd ham.
& se here com +ta ofer Martinus messan to his fyr+dstole to
Wihtlande. & tilode him +t+ar +aghwer +t+as +de
hi behofdan.
<R 1006.17>
& +ta to +dam middan wintran eodon heom to heora garwan feorme
ut +turh 
<P 137>
Hamtunscire into Barrucscire to 
R+adingan. and hi dydon heora gewuna, atendon heora beacna
swa swa hi ferdon.
<R 1006.20>
& ferdon +ta to Wealingaforda. & +tet eall forsweldon. &
w+andon him +ta andlang +Ascesdune to Cwicelmes
hl+awe.
<R 1006.22>
& +t+ar onbidedon beotra gylpa. for+ton oft man cw+a+d. gif hi
Cwicchelmes hl+awe gesohton. +tet hi n+afre 
to s+a gan ne sceoldan. wendon +ta o+dres w+ages hamweard.
<R 1006.25>
+ta w+as +t+ar fyrd gesomnod +at Cynetan. & hi +t+ar tog+adere
fengon. & sona +tet w+arod on fleame gebrohtan, 
& sy+d+dan hyra herehu+de to s+a f+aredon.
<R 1006.28>
+t+ar mihton geseon Winceastre leodan rancne here. & unearhne.
+t+at hi be hyra gate to s+a eodon. & m+ate 
& madmas ofer L mila him fram s+a f+attan.
<R 1006.31>
+ta w+as se cyng gewend ofer Temese into Scrobbesbyrigscire. &
nam +t+ar his feorme in +t+are middewintres tide.
<R 1006.32>
+ta wear+d hit swa mycel +age fram +tam here. +tet man ne
mihte ge+teoncean ne asm+agian hu man of earde hi 
gebringon sceolde. o+d+de +tisne eard wi+d hi gehealdan.
for+tan +te hi h+afdon +alce scire on West Sexum
sti+de gemarcod mid bryne. & mid hergunge.
<R 1006.37>
Agan se cyng georne to smeagenne wi+d his witan hwet heom
eallum r+adlicost +tuhte. +t+at man +tisum earde 
gebeorgan mihte +ar he mid ealle fordon wur+de.
<R 1006.39>
+da ger+adde seo cyng & his witan eallum +teodscipe to
+tearfe. +teah hit him eallum la+d w+are. +t+at man nyde 
moste +tam [{here{] gafol gyldan.
<R 1006.41>
+da sende se cyng to +tam here. & him cy+tan het +t+at he
wolde +t+at heom gri+d betweonan beon sceolde. & 
him man gafol and metsunge syllan sceolde. & hi +da ealle
+t+at underfengon. & him man [{metsode{] geond Angelcyn.
<P 138>
<R 1007.1>
Her on +dissum geare w+as +tet gafol gel+ast +tam unfri+de
here. +t+at w+as xxx +tusend punda.
<R 1007.2>
& On +dissum geare eac w+as +Adric gesett to ealdorman on
Myrcena rice.
<R 1008.1>
Her bebead se cyng +t+at man sceolde ofer eall Angelcynn scipu
feastlice wircean. +t+at is +tonne [{of{] +trym 
hund hidum. & of x hidon +anne sceg+d. & of viii
hidum helm & byrnan.
<R 1009.1>
Her on +tissum geare gewurdon +ta scipu gearwe +te we +ar ymbe
spr+acon. & heora w+as swa feala swa n+afre
+ar +tes +de us bec secga+d on Angelcynne ne gewurdon on
nanes cynges d+ag.
<R 1009.4>
& hi man +ta ealle tog+adere ferode to Sandwic. & +t+ar
sceoldan licgan. & +tisne eard healdan wi+d +alcne
uthere. ac we gyt n+afdon +ta gesel+da. ne +tone wur+dscipe
+t+at seo scipfyrd nytt w+are +disum earde. +te 
ma +te heo oftor +ar w+as.
<R 1009.8>
+da gewear+d hit on +tisum ilcan timan o+d+de litle +ar +tet
Brihtric Eadrices bro+dor ealdormannes forwregde 
Wulfno+d cild +tone Su+dseaxscian to +tam cyning.
<R 1009.10>
& he +ta utgewende. & him +ta to aspeon +tet he heafde xx
scipa. & he +ta hergode +aghwer be +dam su+driman. 
& +alc yfel wrohton.
<R 1009.12>
+ta cydde man into +t+are scipfyrde. +tet hi mann ea+de
befaran mihte. gif man ymbe beon wolde.
<R 1009.14>
+da genam se Brihtric him to hundeahtatig scipa. & +tohte
+t+at he him myceles wordes wircean sceolde. 
+t+at he Wulfno+d cuconne o+d+de deadne begytan sceolde.
<R 1009.17>
ac +ta hi +tyderweard w+aron. +ta com him swilc wind ongean
swilce nan mann +ar ne gemunde. & +ta scipo +da 
ealle tobeot. & to+tr+asc. & on land wearp. & com se
Wulfno+d 
<P 139>
sona. & +da scipo forb+arnde.
<R 1009.20>
+da +tis cu+d w+as to +dam o+drum scipon +t+ar se cyng w+as hu
+da o+dre geferdon. w+as +ta swilc hit eall r+adleas 
w+are. & ferde se cyng him ham. & +ta ealdormenn. & +ta
heahwitan. & forleton +ta scipo +tus leohtlice.
<R 1009.24>
& +tet folc +ta +te on +dam scipe w+aron f+arcodon +da scipo
eft to Lundene. & leton ealles +deodscipes geswincg 
+tus leohtlice forwur+dan. & n+as se ege na betera +te
eall Angelcynn tohopode.
<R 1009.27>
+ta +deos scipfyrd +dus geendod w+as. +ta com sona +after
hlammessan se ungemetlica unfri+dhere to Sandwic. 
& sona wendon heora fore to Cantwarbyrig. & +ta burh ra+de
geeodon. gif hi +te ra+dor to him fri+des to ne girndon.
<R 1009.31>
& ealle East Centingas wi+d +tone here fri+d genamon. & him
gesealdon iii +tusend punda.
<R 1009.32>
& se here +ta sona +after +tam gewende abuton o+d +tet hi
comon to Wihtlande. & +t+ar +aghwer on Su+dseaxum.
& on Hamtunscire. & eac on Bearrucscire hergodon & b+arndon
swa heora gewuna w+as.
<R 1009.35>
+ta het se cyng abannan ut ealne +teodscipe +tet mann on +alce
healfe wi+d hi gehealden sceolde. ac +teah
hwe+dere hi ferdon loc hu hi woldon.
<R 1009.38>
+ta sum si+de heafde se cyng hi fore began mid ealre fyrde.
+ta hi to scipan woldon. & eall folc gearu
w+as heom on to fonne. ac hit w+as +da +turh Eadric ealdorman
gelet swa hit +ta +afre w+as.
<R 1009.41>
+da +after sanctus Martinus m+assan. +ta ferdon hi eft ongean
to Cent. & namon him wintersettl on Temesan. 
& lifedon of East Seaxum. & of +dam scirum +te +t+ar nyxt
w+aron on twam healfe Temese. & oft hi on 
+ta burh Lundene gefuhton.
<R 1009.45>
Ac si Gode lof. +tet heo gyt gesund stent. & hi +t+ar +afre
yfel geferdon.
<R 1009.46>
+da +after middan wintra hi namon +ta +anne upgang ut +turh
Ciltern. & swa to Oxneforda. & +ta burh forb+arndon. 
& namon hit +ta on twa healfe Temese to 
<P 140>
scipanweard.
<R 1009.49>
+ta gewarnode man hi +t+at +t+ar w+as fyrd +at Lundene ongean.
hi gewendon +ta ofer +at Stane. & +tus ferdon 
ealne +tone winter, & +done lencten w+aron him on Cent. and
bettan heora scipa.
<R 1010.1>
Her on +dissum geare com se foresprecenda here ofer Eastron to
[{East{] Englum. & wendon up +at Gipeswic. 
& eodon anreces +t+ar hi geaxodon Ulfcytel mid his fyrde.
<R 1010.3>
+dis w+as on +tam d+ag (\prima ascensio Domini\) .
<R 1010.4>
& +ta sona flugon East Engla. +ta stod Grantabrycgscir
f+astlice ongean.
<R 1010.5>
+t+ar w+as ofsl+agen +A+delstan +tes cynges a+dum. & Oswi &
his sunu. & Wulfric Leofwines sunu. & Eadwig +Afices 
bro+dor. & feala o+dra godra +tegna. & folces ungerim.
<R 1010.8>
+tone fleam +arest astealde +turcytel Myran heafod. & +ta
D+aniscan ahton w+alstowe geweald. & +t+ar wurdon
gehorsode.
<R 1010.10>
& sy+d+don ahton East Engle geweald. & +tone eard iii
mon+tas hergodon & b+arndon.
<R 1010.11>
gefur+don on +ta wildan fennas hi ferdon. & menn & yrfe hi
slogon. & b+arndon geond +ta feonnas. & +teodford 
forb+arndon. & Grantabrycge.
<R 1010.14>
& sy+d+don wendon eft su+dweard into Temese. & ridon +ta
gehorsedan menn ongean +ta scipo.
<R 1010.15>
& sy+d+don hr+adlice wendon westweard on Oxnafordscire. &
+tanon to Bucinghamscire. & swa andlang Usan.
o+d hi comon to Bedanforda & swa for+d o+d Temesanford. & a
b+arndon swa hi geferdon.
<R 1010.19>
wendon +ta eft to scipon mid heora herehu+de. & +tone hi to
scipon streddon. +tonne sceolde fyrd ut eft
ongean +t+at hi up woldon.
<R 1010.21>
+tonne ferde seo fyrd ham.
& +tonne hi w+aron be easton. +tonne heold man fyrde be
westan. & +tonne hi w+aron be su+dan. +tonne w+as ure 
fyrd be nor+dan.
<R 1010.23>
+donne bead man ealle witan to cynge. & man +tonne r+adan
scolde hu man +tisne eard werian sceolde. Ac 
+teah man hw+at +tonne r+adde. +t+at ne stod fur+don +anne
mona+d.
<R 1010.26>
+at nyxtan n+as nan heafodman 
<P 141>
+t+at fyrde gaderian wolde. ac
+alc fleah swa he m+ast myhte. Ne fur+don nan
scir nolde o+dre gel+astan +at nyxtan.
<R 1010.29>
+ta +atforan sanctus Andreas m+assan. +da com se here to
Hamtune. & +tone port sona forb+arndon. & +t+ar namon 
abuton swa mycel swa hi woldon sylfe. & +tanon wendon ofer
Temese into West Seaxum. & swa wi+d Caningan 
m+arsces. & +t+at eall forb+arndon.
<R 1010.33>
+ta hi swa feor gegan h+afdon swa hi +ta woldon. +ta comon hi
to +dam middanwintra to scipon.
<R 1011.1>
Her on +tissum geare sende se cyng & his witan to +dam here.
& georndon fri+des. & him gafol & metsunga 
behetan. wi+d +tam +te hi heora hergunga geswicon.
<R 1011.4>
Hi heafdon +ta ofergan East Engla i and East Seaxe ii
& Middel Seaxe iii & Oxenafordscire iiii 
& Grantabrycgescire v & Heortfordscire vi &
Bucingahamscire vii & Bedanfordscire viii & 
healfe Huntadunscire x & be su+dan Temese ealle Centingas.
& Su+d Seaxe. & H+astingas. & Su+drig. & Bearrucscire. 
& Hamtunscire. & micel on Wiltunscire.
<R 1011.10>
Ealle +tas unges+al+da us gelumpon +turh unr+ades. +t+at mann
nolde him to timan gafol bedan. ac +tonne hi 
m+ast to yfele gedon h+afdon. +tonne nam man gri+d. & fri+d
wi+d hi.
<R 1011.12>
& na+del+as for eallum +tisum gri+de & fri+de & gafole. hi
ferdon +aghwider folcm+alum. & hergodon. & ure 
earme folc r+apton & slogon.
<R 1011.15>
& On +tissum geare betwyx Natiuitate sancte Marie & sancte
Michaeles m+assan hi ymbes+atan Cantwaraburh. 
& hi +t+ar into comon +turh syrewrenceas. for+ton +Alm+ar
hi becyrde Cantwaraburh. +te se arcebiscop +Alfeah 
+ar generede his life.
<R 1011.18>
& hi +t+ar +ta genaman +tone arcebiscop +Alfeah. & +Alfword
+t+at cynges gerefan. & Leofwine abbod. & Godwine 
biscop. & +Alm+ar abbod hi l+atan aweg.
<R 1011.20>
& hi +t+ar genaman inne ealle +ta gehadode menn. & weras. &
wif. +t+at w+as unasecgendlic +anigum menn hu 
mycel +t+as folces w+as.
<R 1011.22>
& on 
<P 142>
+t+are byrig si+d+don w+aron swa lange swa hi woldon. &
+ta hi h+afdon +ta burh ealle asmeade. wendon 
him +ta to scipon. & l+addon +tone arcebiscop mid him;
[^VERSE OMITTED^]
<R 1011.32>
& hi heafdon +tone arcebiscop mid him swa lange o+d +tone timan
+te hi hine gemartyredon.
<R 1012.1>
Her on +tissum geare com Eadric ealdorman. & ealle +ta
yldestan witan gehadode & leawede Angelcynnes 
to Lundenbyrig toforan +tam Eastron.
<R 1012.3>
w+as +asterd+ag +ta on +dam (\datarum IDus Aprilis\) .
<R 1012.4>
& hi +t+ara +da swa lange w+aron o+d +t+at gafol w+as eall
gel+ast ofer Eastran. +t+at w+as viii +tusend punda.
<R 1012.5>
+ta on +tone S+aternesd+ag wear+d swi+de gestired se here
ongean +tone biscop. for+tan +te he nolde heom nan
feoh behaten. & forbead +t+at man nan +ting wi+d him syllan
ne moste.
<R 1012.8>
w+aron hi eac swy+de druncene. for+tam +t+ar w+as gebroht win
su+dan.
<R 1012.10>
genamon +ta +tone biscop. leaddon hine to heora hustinga on
+tone Sunnan efen (\octabas Pasch+a\) . & hine
+ta +t+ar oftorfodon mid banum. & mid hry+dera heafdum.
<R 1012.12>
& sloh hine +ta an heora mid anre +axe yre on +tet heafod.
+tet he mid +tam dynte ni+der asah. & his halige 
blod on +da eor+dan feoll. & his +ta haligan sawle to Godes
rice asende.
<R 1012.15>
& +ta biscopas Eadno+d & +Alfhun. & seo 
<P 143>
burhwaru underfengon
+tone haligan lichaman on mergen & feredon
hine to Lundene mid ealre arwur+dnisse. & hine bebyrigdon on
sanctus Paulus mynstre. & +t+ar nu God swutela+d 
+t+as halgan martires mihta.
<R 1012.19>
+da +tet gafol gelest w+as. & +ta fri+d a+das gesworene. +ta
toferde se here wide swa he +ar gegaderod w+as.
<R 1012.21>
+da bugon to +tam cyninge of +tam here xlv scipa. & him
beheton +tet hi woldon +tisne eard healdan. & 
he hi fedan scolde & scrydan.
<R 1013.1>
On +tam +aftran geare +te se arcebiscop w+as gemartyrod. se
cyng ges+atte Lifing biscop to Cantwarabyrig
to +dam arcestole.
<R 1013.3>
& on +tam ilcan geare toforan +tam mon+de Augustus com Swegen
cyning mid his flotan to Sandwic. & wende 
swy+de ra+de abutan East Englum. into Humbran mu+dan. & swa
uppweard andlang Trentan +tet he com to Gegnesburh.
<R 1013.6>
& +ta sona abeah Uhtred eorl. & eall Nor+dhymbra to him. &
eall +t+at folc on Lindesige. & sy+d+dan +tet folc 
of Fifburhingan. & ra+de +t+as eall here be nor+dan
W+atlinga str+ate. & him man sealde gislas of +alcere scire.
<R 1013.10>
Sy+d+dan he undergeat +tet eall folc him to gebogen w+as. +ta
bead he +t+at man sceolde his here metian & horsian.
<R 1013.12>
& he +ta gewende sy+d+dan su+dweard mid fulre fyrde. &
bet+ahte his scipa & +ta gislas Cnute his sunu.
<R 1013.13>
& sy+d+dan he com ofer W+aclingastr+ate, hi wrohton +t+at
m+aste yfel +te +anig here don mihte.
<R 1013.15>
wende +ta to Oxnaforda. & seo burhwaru sona abeah & gislode. &
+tanon to Winceastre. & +t+at ilce dydon.
<R 1013.17>
wendon +ta +tanon eastward to Lundene. & mycel his folces
adranc on Temese. for+dam hi nanre brycge ne
cepton.
<R 1013.18>
+da he to +t+are byrig com. +ta nolde seo burhwaru abugan ac
heoldan mid fullan wige ongean. for+dan +t+ar
w+as inne se cyning +a+telred. & +turkil mid him.
<R 1013.21>
+ta wende Swegen 
<P 144>
cyning +tanon to Wealingaforda. & swa ofer
Temese westweard to Ba+don. & s+at +t+ar mid his fyrde.
<R 1013.23>
& com +A+telmer ealdorman +tider. & +ta weasternan +t+agnas
mid him. & bugon ealle to Swegene. & gislodon.
<R 1013.25>
+ta he eall +tus gefaren heafde. wende +ta nor+dweard to his
scipon.
<R 1013.26>
& eall +teodscipe hine heafde for fullne cyning.
<R 1013.27>
& seo burhwaru +after +tam on Lundene beah & gislode. for+tam
hi ondreddon +t+at he hi fordon wolde.
<R 1013.29>
bead +ta Swegen full gild & metsunga to his here +tone winter.
& +turcyl bead +t+at ilce to +tam here +te 
l+ag on Grenawic. & buton +tam hi hergodan swa oft swa hi
woldon.
<R 1013.32>
+da ne duhte na+dor +tisse +teoda ne su+dan. ne nor+dan.
+ta w+as se cyng sume hwile mid +tam flotan +te on Temese
w+aron. & seo hlafdige wende +ta ofer seo to hire 
bro+dor Ricarde. & +Alsige abbot of Burh mid hire.
<R 1013.35>
& se cyng sende +Alfun biscop mid +tam +a+telinge Eadwarde. &
+Alfrede ofer se. +t+at he hi bewitan sceolde.
<R 1013.37>
& se cyng gewende +ta fram +tam flotan to +dam middan wintra
to Wihtlande. & w+as +t+ar +ta tid.
<R 1013.38>
& +after +t+are tide gewende +ta ofer s+a to Ricarde. & w+as
+t+ar mid him o+d +done byre +te Swegen dead wear+d.
<R 1013.41>
& +da hwile +te seo l+afdige mid hire bro+ter w+as begondon
s+a. +Alfsige abbot of Burh +te +t+ar w+as mid hire 
for to +tone mynstre +te is gehaten Boneual +t+ar sancte
Florentines lichama l+ag.
<R 1013.43>
fand +t+ar +arm stede. +arm abbot & +arme muneces, for+tan +te
hi forhergode w+aron.
<R 1013.45>
bohte +ta +t+ar +at +tone abbot & +at +te muneces sancte
Florentines lichaman eall buton +te heafod to v
hundred punda. & +ta +te he ongean com +ta offrede hit Crist &
sancte Peter.
<R 1014.1>
Her on +tissum geare Swegen geendode his dagas to
candelm+assan (\iii Non+a Februarii\) . & se flota eall
gecuron Cnut to 
<P 145>
cyninge.
<R 1014.3>
+da ger+addan +ta witan ealle ge hadode ge l+awede +t+at man
+after +tam cyninge +a+delrede sende. & cw+adon +t+at 
him nan leofre hlaford n+are +tonne heora gecynde hlaford.
gif he hi rihtlicor healdan wolde +tonne
he +ar dyde.
<R 1014.6>
+da sende se cyng his sunu Eadward mid his +arendracan hider.
& het gretan ealne his leodscipe.
<R 1014.8>
& cw+a+d +t+at he heom hold hlaford beon wolde. & +alc +t+ara
+tinga betan +te hi ealle ascunedon. & +alc +t+ara 
+tinga forgifan beon sceolde +te [{him{] gedon o+d+de
gecwe+den w+are. wi+d +tam +te hi ealle anr+adlice buton
swicdome to him gecyrdon.
<R 1014.12>
& man +ta fullne freondscipe gef+astnode mid worde & mid
w+adde on +ag+dere healfe. & +afre +alcne [{Deniscne{] 
cyning utlagede of Englalande gecw+adon.
<R 1014.15>
+da com +a+delred cyning innan +tam lenctene ham to his agenre
+deode. & he gl+adlice fram heom eallum onfangen w+as.
<R 1014.17>
& +ta sy+d+don Swegen dead w+as. s+att Cnut mid his here on
Gegnesburh o+d +da Eastron. & gewear+d him & +tam 
folce on Lindesige anes. +t+at hi hine horsian sceoldan. &
sy+d+dan ealle +atg+adere faran & hergian.
<R 1014.20>
+da com se cyning +a+delred mid fulre fyrde +tider +ar hi
gearwe w+aron to Lindesige. & mann +ta hergode. 
& b+arnde & sloh eall +tet mancynn +t+at man ar+acan mihte.
<R 1014.23>
Se Cnut gewende him ut mid his flotan. & wear+d +tet earme
folc +tus beswican +turh hine.
<R 1014.24>
& w+ande +ta su+dweard o+d +t+at he com to Sandwic. & let
+t+ar up +ta gislas +te his f+ader gesealde w+aron. &
cearf of heora handa & heora nosa.
<R 1014.26>
& buton eallum +tisum yfelum se cyning het gyldan +tam here
+te on Grenewic l+ag xxi +tusend punda.
<R 1014.28>
& on +tissum geare on sancte Mich+ales m+asse+afan. com +tet
mycele s+aflod geond wide +tisne eard. & +arn 
swa feor up swa n+afre +ar ne dyde. & adrencte feala tuna. &
manncynnes unarim+adlice geteall.
<R 1015.1>
On +tissum geare w+as +t+at mycele gemot on Oxonaforda.
<R 1015.2>
& +t+ar Eadric ealdorman beswac Sigefer+d & Morc+ar 
<P 146>
+ta
yldestan +t+agenas into Seofonburgum. bep+ahte hi into 
his bure. & hi man +t+ar inne ofsloh ungerisenlice.
<R 1015.4>
& se cyng +ta genam eall heora +ahta. & het nimon Sigefer+des
lafe & gebringon binnon Mealdelmes byrig.
<R 1015.6>
+ta +after litlum fece ferde Eadmund +a+deling to. & genam
+t+at wif ofer +tes cynges willan. & heafde him
to wife.
<R 1015.8>
+da toforan natiuitas sancte Mari+a ferde se +a+deling w+aston
nor+d into Fifburgum. & gerad sona ealle Sigefer+des 
are & Morcares. & +t+at folc eall him tobeah.
<R 1015.10>
& +ta on +dam ylcan timan com Cnut cyng to Sandwic. & wende
sona abutan Centland into West Seaxen o+d 
he com to Fromu+dan. & hergode +ta on Dors+atum & on
Wiltunscire. & on Sum+ars+aton. +ta l+ag se cyng seoc
+at Cosham.
<R 1015.14>
+da gaderode Eadric ealdorman fyrde & se +a+deling Eadmund be
nor+dan.
<R 1015.15>
+da hi tog+adere comon. +ta wolde se ealdorman beswicon +tone
+a+teling. & hi tohwurfon +ta buton gefeohte
for+tam. & rimdon heora feondum.
<R 1015.18>
& Eadric ealdormann aspeon +ta xl scipa fram +tam cyning.
& beah +ta to Cnute.
<R 1015.19>
& West Seaxe bugon & gislodon. & horsodon +tone here. & he
w+as +t+ar +ta o+d midne winter.
<R 1016.1>
Her on +tissum geare com Cnut cyning mid his here clx
scipa. & Eadirc ealdormann mid him ofer Temese 
into Myrcan +at Cr+acilade.
<R 1016.3>
& wendon +ta to W+aringscire innon +t+are middewintres tide. &
hergodon & b+arndon & slogon eall 
<P 147>
+t+at hi to comon.
<R 1016.5>
+da ongan se +a+deling Eadmund to gadrienne fyrde.
<R 1016.6>
+ta [{seo{] fyrd gesomnod w+as. +ta ne onhagode him buton se
cyng +t+are w+are. & hi h+afdon +t+are burhware fultum 
of Lundene.
<R 1016.8>
geswicon +ta +t+are fyrding. & f+arde +alc mann him ham.
<R 1016.9>
+da +after +t+are tide +ta bead mann eft fyrde be fullum wite.
+t+at +alc mann +te feor w+are for+d gewende.
<R 1016.10>
& mann sende to +tam cyninge to Lundene. & b+adon hine +t+at
he come ongean +ta fyrde mid +tam fultume +te
he gegaderian mihte.
<R 1016.12>
+da hi ealle tosomne comon. +ta ne beheold hit naht +te ma +te
hit oftor +ar dyde.
<R 1016.14>
+ta cydde mann +tam cyninge +t+at hine mann beswicon wolde.
+ta +te him on fultume beon sceolden. Forlet 
+da +ta fyrde. & cyrde him eft to Lundene.
<R 1016.17>
+da rad se +a+teling Eadmund to Nor+dhymbran to Vhtrede eorl.
& w+ande +alc mann +t+at hi woldon fyrde somnian 
ongean Cnut cyng.
<R 1016.19>
+ta ferdon hi into St+affordscire. & into Scrobbesbyrig. & to
Legeceastre.
<R 1016.20>
& hergodon hi on heora healfe 
<P 148>
& Cnut on his.
<R 1016.21>
& wende him +ta ut +turh Buccingahamscire into Beadafordscire.
& +tanon to Huntandunscire. andlang fennes 
to Stanforda. & +da into Lincolnescire. +tanon to
Snotingahamscire. & swa to Nor+dhymbran to Eoforwicweard.
<R 1016.25>
+da Uhtred geaxode +tis. +da forlet he his hergunga & efeste
nor+dweard. & beah +ta for nede. & ealle Nor+dhymbran mid him.
<R 1016.27>
& he gislode. & hine man +deah hw+a+dere ofsloh. & +turcytel
Nafanan sunu mid him.
<R 1016.28>
& +ta +after +tam se cyng Cnut ges+atte Yric into
Nor+dhymbran to eorle. eall swa Uhtred w+as.
<R 1016.29>
& sy+d+dan wendon him su+dweard o+dres weges eall be westan. &
com +ta eall se here toforan +tam Eastron to scipon.
<R 1016.31>
& se +a+teling +Admund wende to Lundene to his f+ader. & +ta
+after Eastron wende se cyng Cnut mid eallum
his scipum to Lundeneweard.
<R 1016.35>
+da gelamp hit +tet se cyng +a+delred for+dferde +ar +da scipu
comon.
<R 1016.36>
he geendode his dagas on sanctes Georius m+assed+age +after
mycclum geswince. & earfo+dnissum his lifes.
<R 1016.37>
& +ta +after his ende. ealle +ta witan +te on Lundene w+aron &
se burhwaru 
<P 149>
gecuron Eadmund to cynge. & his 
rice he heardlice werode +ta hwile +te his tima w+as.
<R 1016.41>
+ta comon +ta scipo to Grenawic to +tam gandagum. & binnon
lytlum f+ace wendon to Lundene.
<R 1016.42>
& dulfon +ta ane mycele dic on +da su+dhealfe & drogon heora
scipa on westhealfe +t+are brycge. & bedicodon 
sy+d+don +ta burh uton +t+at nan mann ne mihte ne inn ne
ut.
<R 1016.45>
& oftr+adlice [^PLUMMER: oft r+adlice^] on +da burh fuhton. 
ac hi heom heardlice wi+dstodon.
<R 1016.46>
+ta w+as Eadmund cyng +ar +tam gewend ut. & gerad +ta West
Seaxan. & him beah eall folc to.
<R 1016.47>
& ra+de +after +tam he gefeaht wi+d +tone here +at Peonnan
wi+d Gillinga. & o+der gefeoht he 
<P 150>
gefeaht +after middan sumera +at Sceortstane.
<R 1016.49>
& +t+ar mycel w+all feoll on +ag+dre healfe. & +ta heres him
sylfe toeodon on +dam gefeohte.
<R 1016.51>
& Eadric ealdorman & +Alm+ar Deorlingc w+aron +tam here on
fultume ongean Eadmund cyng.
<R 1016.52>
& +ta gegaderode he iii si+de fyrde & ferde to Lundene. &
+ta burhware ahredde. & +tone here aflymde to scipon.
<R 1016.54>
& +ta w+as ymbe twa niht +t+at se cyning gewende ofer +at
Brentforda. & +ta wi+d +tone here gefeaht & hine aflymde.
<R 1016.56>
& +t+ar adranc mycel [{+Anglisces{] folces on heora agenre
gymeleaste. +ta +de ferdon beforan +t+are fyrde. &
fang woldon fon.
<R 1016.58>
& se cyning wende +after +tam to West Seaxan. & his fyrde
gesomnode.
<R 1016.59>
+da gewende se here sona to Lundene. & +ta burh utone
bes+aton. & hire stranglice wi+dfeaht ge be w+atere 
ge be lande. ac se +almihtiga God hi ahredde.
<R 1016.62>
Se here gewende +ta +after +tam fram Lundene mid heora scipum
into Arwan. & +tar up foran. & feordon on
Myrcean. & slogon & b+arndon swa hw+at swa hi oferforon. swa
heora gewuna w+as.
<R 1016.65>
& heom metes tilodon. & hi drifon +ag+der ge scipa. ge heora
drafa into Medew+age.
<R 1016.66>
+da gesomnode Eadmund cyng iiii si+te ealle Engla+teode. &
ferde ofer Temese to 
<P 151>
Brentforda. & ferde innan Cent.
<R 1016.68>
& se here him fleah beforan mid hira horsa into Sceapige. & se
cyng ofsloh heora swa feala swa he offaran mihte.
<R 1016.70>
& Eadric ealdormann gewende +ta +d+ane cyng ongean +at +Ageles
forda. n+as nan mare unr+ad gered +tonne se w+as.
<R 1016.73>
Se here gewende eft up on East Seaxan. & ferde into Myrcean. &
fordydon eall +t+at he oferferde.
<R 1016.74>
+da se cyng geaxode +t+at se here uppe w+as. +da gesomnode he
v si+de ealle Engla+teode. & ferde him +at 
hindan. & offerde hi innan 
<P 152>
East Seaxan +at +tere dune +te mann
h+at Assandun. & +t+ar tog+adere heardlice fengon.
<R 1016.78>
+da dyde Eadric ealdormann swa he oftor +ar dyde. astealde
+tone fleam +arest mid Mages+aton. & swa aswac 
his cynehlaforde. & ealle +teode.
<R 1016.80>
+t+ar h+afde Cnut sige. & gefeaht him eall Englaland.
<R 1016.81>
+t+ar wear+d ofslagen Eadno+d. & Wulsige abbot. & +Alfric
ealdorman. & Godwine ealdorman. and Ulfcytel of 
East Englan. & +A+delward +A+delsiges sunu ealdormannes. &
eall se dugo+d on Angelcinne.
<R 1016.85>
+da +after +tisum gefeohte wende Cnut cing upp mid his here to
Gleaweceastrescire. +t+ar he geherde secgan 
+tet se cyng w+as Eadmund.
<R 1016.87>
+da ger+adde Eadric ealdormann & +ta 
<P 153>
witan +te +d+ar w+aron
+t+at +ta cyningas seht namon heom betweonan. & hi 
gislas sealdon heom betweonan.
<R 1016.89>
& +ta cyningas comon tog+adere +at Olanige. & heora
freondscipe +t+ar gef+astnodon. ge mid wedde ge mid a+de. 
& +t+at gyld setton wi+d +tone here.
<R 1016.91>
& hi tohwurfon +ta mid +tisum sehte. & feng Eadmund cing to
Weast Seaxan & Cnut to Myrcean.
<R 1016.94>
Se here gewende +ta to scipon mid +tam +tingum +te hi gefangen
h+afdon. & Lundenewaru gri+dede wi+d +tone here. 
& heom fri+d gebohtan.
<R 1016.96>
& se [{here{] gebrohton heora scipa on Lundene. & heom
wintersetle +t+ar inne namon.
<R 1016.98>
+da to sanctus Andreas m+assan for+dferde se cyng Eadmund. &
is byrged mid his ealdan f+ader Eadgare on
Gl+astingabyrig.
<R 1016.100>
& on +tam ilcan geare for+dferde Wulfgar abbot on Abbandune. &
feng +A+delsige to.
<P 155>
<R 1017.1>
Her on +tisum geare feng Cnut cyning to eall Angelcynnes rice.
& hit tod+ald on fower. him sylfum West 
Seaxan. & +turcylle East Englan. & Eadrice Myrcean. & Yrice
Nor+dhymbran.
<R 1017.4>
& on +tisum geare w+as Eadric ealdormann ofslagen. & Nor+dman
Leofwines sunu ealdormannes. & +A+delword 
+A+delm+ares sunu +t+as gr+atan. & Brihtric +Alfgetes sunu on
D+afenanscire.
<R 1017.7>
& Cnut cyng aflymde ut +Adwig +A+deling. & Eadwig ceorla cyng.
<R 1017.1024>
& +ta to foran (\kalend+a Augustii\) het se cyng feccan him
+a+delredes lafe +tes o+dres cynges him to cwene 
Ricardes dohtor.
<R 1018.1>
On +tisum geare w+as +t+at gafol gel+ast ofer eall Angelcynn.
+t+at w+as ealles lxxii +tusend punda. buton
+tam +te seo burhwaru on Lundene guldon xi +tusend punda.
<R 1018.3>
& se here ferde +ta sum to Denmearcon. & xl scipo belaf
mid +tam cyninge Cnute.
<R 1018.5>
& Dene & Engle wurdon samm+ale +at Oxnaforda.
<R 1018.6>
& her +A+delsige abbot for+dferde on Abbandune. & feng
+A+delwine to.
<R 1019.1>
Her gewende Cnut cyng to Denmearcon. & +t+ar wunode ealne
winter.
<R 1020.1>
Her com Cnut cyng to Englalande.
& +ta on Eastron w+as mycel gemot on Cyrnceastre. +ta
geutlagode mann +A+delword ealdorman.
<R 1020.2>
& on +tissum geare se cyng for to Assandune. & Liuing
arcebiscop for+dferde. & +A+delno+d munuc & decanus 
+at Cristes cyrcan w+as +te ilcan geare +tar to gehadod to
biscop.
<R 1021.1>
Her on +tysum geare Cnut cyng to Martinus m+assan geutlagode
+turkil eorl.
<R 1022.1>
Her Cnut cyng for ut mid his scipum to Wiht.
& +A+delno+d biscop for to Rome. & w+as underfangen +t+ar fram
Benedicte +tam papan myd mycclum wur+dsci+te.
& mid his agenum handum him his pallium onsette. & to
arcebiscop arwur+dlice 
<P 157>
gehalgode.
<R 1022.5>
& he sy+d+dan mid +tam pallium +t+ar m+assode swa se papa him
gewissode. & he hine gereordode +after +tam mid 
+tam papan. & sy+d+don mid fulre bletsunge ham gewende.
<R 1022.8>
& Leofwine abbot se w+as unrihtlice of Elig adr+afed w+as his
gefera. & hine +t+ar +alces +tinges gecl+ansode 
+te him mann ons+ade. swa se papa him t+ahte on +tes
arcebiscopes gewitnesse. & on ealles +t+as geferscipes 
+te him mid w+as.
<R 1023.1>
Her for+dferde Wulfstan arcebiscop. & feng +Alfric to. & +t+as
ilcan geares +A+delno+d arcebiscop ferede sancte 
+Alfeges arcebiscop reliquias to Cantwarbyrig of
Lundene.
<R 1024.1>
(\Hic Ricardus secundus obiit. Ricardus filius eius regnauit
prope uno anno. et post eum regnauit Rodbertus 
frater eius viii annis\) .
<R 1025.1>
Her for Cnut cyng to Denmearcon mid scipon to +tam holme +at
ea +t+are halgan. & +t+ar comon ongean Vlf &
Eglaf. & swi+de mycel here +ag+der ge landhere ge sciphere of
Swa+deode.
<R 1025.4>
& +t+ar w+as swi+de feala manna forfaren on Cnutes cynges
healfe. +ag+der ge Deniscra manna ge Engliscra.
& +ta Sweon heafdon weallstowe geweald.
<R 1028.1>
Her for Cnut cyng of Englalande mid fiftig scipum to Norwegum.
& adraf Olaf cyning of +tam lande. & geahnode him +tet land.
<R 1029.1>
Her com Cnut cyng eft ham to Englalande.
<R 1030.1>
Her com Olaf cyng eft into Norwegum. & +tet folc gegaderode
him togeanes. & him wi+d gefuhton. & he wear+d +t+ar ofslagen.
<R 1031.1>
Her for Cnut cyng to Rome. & +ty ilcan geare he for to
Scotlande. & Scotta cyng him tobeah M+alcolm. & 
<P 159>
twegen o+dre cyningas. M+alb+a+te. & Iehmarc.
<R 1031.3>
(\Rodbertus comes obiit in peregrinatione. et successit rex
Willelmus in puerili +atate\) .
<R 1032.1>
Her on +tissum geare atywde +t+at wildefyr. +de nan mann +aror
nan swylc ne gemunde. & gehw+ar hit derode
eac on manegum stowum.
<R 1032.3>
& on +tam ilcan geare for+dferde +Alfsige biscop on
Winceastre. & +Alfwine +t+as cynges preost feng +t+arto.
<R 1033.1>
Her on +tisum geare for+dferde Merehwit biscop on Sumers+aton.
& he is bebyrged on Gl+astingabyrig.
<R 1034.1>
Her for+dferde +A+deric biscop.
<R 1036.1>
Her for+dferde Cnut cyng +at Sceaftesbyrig. & he is bebyrged
on Winceastre on Ealdan mynstre.
<R 1036.2>
& he w+as cyng ofer eall Englaland swy+de neh xx wintra.
<R 1036.3>
& sona +after his forsi+de w+as ealra witena gemot on
Oxnaforda. & Leofric eorl & m+ast ealle +ta +tegenas 
benor+dan Temese. & +ta li+dsmen on Lunden. gecuron Harold
to healdes ealles Englalandes. him & his 
bro+dor Hardacnute +te w+as on Denemearcon.
<R 1036.7>
& Godwine eorl. & ealle +ta yldestan menn on West Seaxon.
lagon ongean 
<P 161>
swa hi lengost mihton. ac hi 
ne mihton nan +ting ongean wealcan.
<R 1036.10>
& man ger+adde +ta +t+at +Alfgifu Hardacnutes modor s+ate on
Winceastre mid +t+as cynges huscarlum hyra suna. 
& heoldan ealle West Seaxan him to handa. & Godwine eorl
w+as heora healdest mann.
<R 1036.13>
Sume men s+adon be Harolde +t+at he w+are Cnutes sunu cynges.
& +Alfgiue +Alfelmes dohtor ealdormannes. ac 
hit +tuhte swi+de ungeleaflic manegum mannum. & he w+as
+t+ah full cyng ofer eall Englaland.
<R 1037.1>
Her man dr+afde ut +Alfgife Cnutes cynges lafe. seo w+as
Hardacnutes cynges modor.
<R 1037.2>
& heo gesohte +ta Baldewines gri+d be su+dan s+a. & he geaf
hire wununge on Bricge. & he hi mundode. & 
heold +ta hwile +te heo +t+ar w+as.
<R 1038.1>
Her for+dferde +A+delnod arcebiscop on (\kalend+a Novembris\) .
& +t+as ymbe litel +A+delric biscop on Su+d Seaxum. 
& +ta toforan Cristes m+assan Brihteh biscop on
Wigraceastrescire. & ra+de +t+as +alfric biscop on East Englum.
<R 1038.4>
& +ta feng Eadsige biscop to +tam arcebiscoprice. & Grymcytel
to +dam on Su+d Sexum. & Liuing biscop to
Wigraceastrescire. & to Gleawcestrescire.
<R 1039.1>
Her for+dferde Harold cyng on Oxnaforda on (\xvi kalend+a
Aprilis\) . & he w+as bebyrged +at West mynstre.
& he weolde Englalandes iiii gear & xvi wucan.
<R 1039.3>
& on his dagum man geald xvi scipan +at +alcere hamulan
viii marc. eall swa man +ar dyde on Cnutes
cynges dagum.
<R 1039.5>
& on +tis ilcan geare com Hardacnut cyng to Sandwic vii
nihtum +ar middan sumera.
<R 1039.6>
& he w+as sona underfangen ge fram Anglum ge fram Denum. +teah
+te his r+ades menn hit sy+d+don strange forguldon. 
+da hi ger+adden +tet man geald lxii scipon +at
+alcere hamelan viii marc.
<R 1039.9>
& on +tis ilcan geare eode se s+aster hw+ates to lv penega
& eac fur+dor.
<R 1040.1>
Her w+as +tet heregeold gel+ast. +t+at w+aron xxi +tusend
<P 163>
punda. and xcix punda. & mann geald sy+d+dan xxxii 
scipon xi +tusend punda & xlviii punda.
<R 1040.3>
& On +dis ilcan geare com Eadward +A+delredes sunu cinges
hider to lande of Weallande. se w+as Hardacnutes 
cynges bro+dor, hi w+aron begen +Alfgiues suna. seo w+as
Ricardes dohtor eorles.
<R 1041.1>
Her for+dferde Hardacnut cyng +at Lambhy+de on (\vi idus
Iunii\) . & he w+as cyng ofer eall Englaland twa 
gear buton x nihtum. & he is bebyrged on Ealdan mynstre on
Winceastre mid Cnute cynge his f+ader.
<R 1041.4>
& ear +tan +te he bebyrged w+are. eall folc geceas Eadward to
cynge on Lundene. healde +ta hwile +te him
God unne.
<R 1041.6>
& eall +t+at gear w+as swi+de hefig time on manegum +tingum. &
mislicum. ge on unw+aderum. ge on eor+dw+astmum.
<R 1041.8>
& swa mycel orfes w+as +t+as geares forfaren. swa nan man +ar
ne gemunde. +ag+der ge +turh mistlice co+da ge 
+turh ungewyderu.
<R 1041.10>
On +tis ilcan tyme for+dferde [{+Alfsine{] abbot of Burh. &
man ceas +ta Arnwi munec to abbod. for+tan +te he 
w+as swi+de god man & swi+de bilehwit.
<R 1042.1>
Her w+as +A+dward gehalgod to cyng on Winceastre on +asterd+ag
mid mycclum wur+dscipe. & +ta w+aron Eastron
on (\iii Non+a Aprilis\) .
<R 1042.3>
Eadsige arcebiscop hine halgode. & foran eallum folce hine
well l+arde. & to his agenre neode. & ealles 
folces well monude.
<R 1042.4>
& Stigand preost w+as gebletsod to biscope to East Englum.
<R 1042.5>
& ra+de +t+as se cing let geridan ealle +ta land +te his modor
ahte him to handa. & nam of hire eall +t+at
heo ahte on golde & on seolfre. & on unasecgendlicum +tingum.
for+tan heo hit heold to feste wi+d hine.
<R 1043.1>
Her Eadsige arcebiscop forlet +tet biscoprice for his
untrumnisse. 
<P 164>
& bletsode +t+ar to Siward abbot of
Abbandune to biscope be +t+as cynges l+afe & r+ada. &
Godwines eorles.
<R 1043.3>
hit w+as elles feawum mannum cu+d +ar hit gedon w+as. for+tan
se arcebiscop wende +t+at hit sum o+der mann 
abiddan wolde o+d+de gebicgean. +te he his wyrs truwude and
u+de. gif hit ma manna wiste.
<R 1043.7>
& On +tisum w+as swy+de mycel hungor ofer Englaland. & corn
swa dyre swa nan mann +ar ne gemunde. swa +t+at se 
<P 165>
sester hw+ates eode to lx penega. & eac fur+dor.
<R 1043.9>
& +t+as ylcan geares se cyng for ut to Sandwic mid xxxv
scipon.
<R 1043.10>
& +A+delstan cyriceweard feng to +dam abbotrice +at Abbandune.
& Stigand feng to his biscoprice.
<R 1043.1>
Her nam +Adward cyng Godwines dohtor eorles him to cwene.
<R 1043.2>
& on +tis ilcan geare for+dferde Brihtwold biscop. & he heold
+t+as biscoprices xxxviii wintra. & Hereman 
+tes cynges preost feng to +tam biscoprice.
<R 1043.4>
& on +tysum geare man halgode Wulfric to abbot +at Sancte
Augustine to Cristes m+assan on Stephanes m+assed+ag 
be +tes cynges gel+afan & +Alfstanes abbotes for his
mycelre untrumnysse.
<R 1044.1>
Her for+dferde Liuing biscop on Defenascire. & Leofric feng
+t+arto se w+as +t+as cynges preost.
<R 1044.2>
And on +tisum ilcan geare for+dferde +Alfstan abbot +at Sancte
Augustine (\iii non+a IVLII\) . & on +tis ilcan 
geare wear+d aflemed ut Osgot Clapa.
<R 1045.1>
Her for+dferde Grymkytel biscop on Su+d Sexum. & feng Heca
+des cynges preost +t+arto.
<R 1045.2>
And on +tysum geare for+dferde 
<P 166>
+Alfwine biscop on Winceastre.
on (\iiii kalend+a Septembris\) . & feng Stigand 
biscop benor+dan +t+arto.
<R 1045.4>
& on +dam ilcan geare ferde Swegen eorl ut to Baldewines lande
to Brycge, & wunode +t+ar ealne winter.
& wende +ta to sumere ut.
<R 1046.1>
(\Bellum apud Uallium Dunas.\)
Her for+dferde +A+telstan abbot on Abbandune. and feng
Spearhafoc munuc to of Sancte Eadmundesbyrig.
<R 1046.3>
& on +tis ilcan geare for+dferde Siward biscop. & feng Eadsige
arcebiscop eft to eallum +tam biscop rice.
<R 1046.4>
& on +tis ilcan geare comon to Sandwic. Lo+den & Yrling mid
xxv scipon. & namon +t+ar unasecgendlice 
herehu+de. on mannum & on golde & on seolfre, +tet nan man
nyste hw+at +t+as ealles wes.
<R 1046.8>
& wendon +ta onbuton Tenet. & woldon +t+ar +tet ilce don. ac
+tet landfolc hardlice wi+dstodon. & forwerndon 
heom +ag+der ge upganges ge w+ateres.
<R 1046.10>
& aflymdon hi +tanon mid ealle. & hi wendon heom +tanon to
East Seaxan. & hergodon +t+ar & namon menn. 
& swa hw+at swa hi findan mihtan.
<R 1046.12>
& gewendon him +ta 
<P 167>
east to Baldewinesland. & sealdon +t+ar
+tet hi gehergod h+afdon. & ferdon heom sy+d+don 
east +tanon +te hi +ar comon.
<R 1046.15>
Her on +tisum geare w+as se myccla syno+d +at Sancte Remei.
<R 1046.16>
+d+ar w+as on Leo se papa. & se arcebiscop of Burgundia. & se
arcebiscop of Bysincun. & se arcebiscop 
of Treueris. & se arcebiscop of Remis. & manig mann +t+arto ge
hadode ge l+awede.
<R 1046.18>
& Edward cyng sende +tider Dudocc biscop. & Wilfric abbot of
Sancte Augustine. & Elfwine abbot. +t+at 
hi sceolden +tam cynge cy+dan hw+at +t+ar to Cristendome
gecoren w+are.
<R 1046.21>
& on +tis ylcan geare ferde Eadward 
<P 168>
cyng ut to Sandwic mid
mycclan sciphere. & com Swegn eorl in mid
vii scipon to Bosenham. & gri+dode wi+d +tone cyng.
<R 1046.25>
& behet man him +t+at he moste wur+de [{beon{] +alc +t+ara
+tinga +te he +ar ahte.
<R 1046.26>
+da wi+dl+ag Harold eorl his bro+dor & Beorn eorl, +t+at he ne
moste beon nan +t+ara +tinga wur+de +te se cyng
him geunnen h+afde. ac sette man him iiii nihta gri+d to
his scipon.
<R 1046.29>
+da wear+d hit under +tam +tet +tam cynge com word +t+at        
unnfri+d
scipa l+agen bewestan and hergodon.
<R 1046.30>
+da [{gewende{] Godwine eorl west onbuton mid +tes cynges
ii scipum. +tam anan steorde Harold eorl. & +tam 
o+dran Tostig his bro+dor. & landesmanna scipa xlii.
<R 1046.33>
+ta scyfte man Harold eorl up +t+as cynges scipe +te Harold
eorl +ar steorde. +ta gewendon hi west to Peuenesea. 
& l+agen +t+ar wederfeste.
<R 1046.35>
+ta +tes binnon ii dagum. +ta com Swegen eorl +tider. &
spec wi+d his feder & wi+d Beorn eorl. & bed Beorn 
+t+at he sceolde faran mid him to +dam 
<P 169>
cynge to Sandwic. &
fylstan him to +t+as cynges freondscipe. 
& he +t+as ti+dode.
<R 1046.39>
gewendon heom +ta swylce hi woldon to +dam cynge.
<R 1046.40>
+da amang +tam +te hi ridon. +ta b+ad Swegen hine +tet he
sceolde faran mid him to his scipon. tealde +t+at
his sciperes woldon w+andon fram him buton he +te ra+dor
come.
<R 1046.43>
Hi gewendon +ta begen +t+ar his scipu l+agen.
+ta hi +tyder comon. +ta b+ad Swegen eorl hine +t+at he
sceolde gewendon mid him to scipe.
<R 1046.45>
he forweornde swi+de. swa lange o+d his sciperes gefengon
hine. & wurpon hine on +tone bat. & bundon hine. 
& reowan to scipe. & dydon hine +t+ar on.
<R 1046.47>
tugon +ta up heora segel. & urnon west to Axamu+dan. & h+afdon
hine mid heom. o+d +tet hi ofslogon hine.
& namon +tone lichaman. & bebyrgedon innan anre cyrican.
<R 1046.50>
& comon +ta his freond & litsmen of Lundene. & namon hine up.
& feredon hine to Winceastre to 
<P 171>
Ealdanmynstre. & he is +t+ar byrged wi+d Cnut cyng his eam.
<R 1046.53>
& Swegen gewende +ta east to Baldewineslande. & s+at +t+ar
ealne winter on Brycge mid his fullan gri+de.
<R 1046.55>
& on +tam ylcan geare for+dferde Eadno+d biscop benor+dan. &
sette man Ulf to biscop.
<R 1047.1>
Her on +tisum geare w+as mycel gemot on Lundene to midfestene.
& man sette ut ix litsmanna scipa. &
fif belifan wi+d +aftan.
<R 1047.4>
& on +tysum ilcan geare com Swegen eorl into Englalande.
<R 1047.5>
& on +tysum ilcan geare w+as se mycele sino+d on Rome. &
Eadward cyng sende +tider Hereman biscop. & Ealdred 
biscop. & hi comon +tyder on Easter+afen.
<R 1047.7>
& eft se papa h+afde sino+d on Uercel. & Vlf biscop com
+t+arto. & forneah man sceolde tobrecan his stef, 
gif he ne sealde +te mare gersuman. for+dan he ne cu+de don
his gerihte swa wel swa he sceolde.
<R 1047.10>
& on +tisum geare for+dferde Eadsige arcebiscop (\iiii
kalend+a Novembris\) .
<R 1048.1>
Her on +tisum geare Eadward cyng gesette Rodbyrd on Lundene to
arcebiscop to Cantwarabyrig on Lengtene. 
& +t+as sylfan Lentenes he for to Rome +after his pallium.
<R 1048.3>
& se cyng 
<P 172>
geaf +tet biscoprice on Lundene Sparhafoc abbot of
Abbandune. & se cyng geaf [{+t+at{] abbotrice 
Ro+dulfe biscop his m+age.
<R 1048.5>
+da com se arcebiscop fram Rome ane d+age +ar sanctus Petrus
m+asse+afene. & ges+at his arcebiscop stol +at 
Cristescyrcean on sanctus Petrus m+assed+ag. & sona +t+as to
+tam cyng gew+ande.
<R 1048.8>
+da com Sparhafoc abbod be [{wege{] to him mid +t+as cynges
gewrite & insegle. to +tan +tet he hine hadian 
sceolde to biscop into Lundene. +ta wi+dcwe+d se arcebiscop. &
cw+a+d +tet se papa hit him forboden h+afde.
<R 1048.11>
+ta gewende se abbod ongean +tone arcebiscop eft to +dam, &
+t+ar +tes biscophades gernde. & se arcebiscop 
him anr+adlice forwernde. & cw+a+d +tet se papa hit him
forboden h+afde.
<R 1048.14>
+da gewende se abbod to Lundene. & s+at on +tam biscoprice +te
se cyng him +ar geunnan h+afde be his fulre 
leafe ealne +tone sumor & +tone h+arfest.
<R 1048.18>
& com +ta Eustatius fram geondan s+a sona +after +tam biscop.
& gewende to +dam cynge. & sp+ac wi+d hine +t+at 
+t+at he +ta wolde. & gewende +ta hamweard.
<R 1048.20>
+ta he com to Cantwarbyrig east +ta sn+adde he +t+ar & his
menn. & to Dofran gewende.
<R 1048.21>
+da he w+as sume mila o+d+de mare beheonan Dofran. +ta dyde he
on his byrnan. & his geferan ealle. & foran to Dofran.
<R 1048.23>
+ta hi +tider comon. +ta woldon hi innian hi +t+ar heom sylfan
gelicode.
<R 1048.25>
+ta com an his manna. & wolde wician +at anes bundan huse his
un+dances. & gewundode +tone husbundon. &
se husbunda ofsloh +tone o+derne.
<R 1048.27>
+da wear+d Eustatius uppon his horse. & 
<P 173>
his gefeoran uppon
heora & ferdon to +tam husbundon. & ofslogon 
hine binnan his agenan heor+d+a.
<R 1048.29>
& wendon him +ta up to +t+are burgeweard. & ofslogon +ag+der
ge wi+dinnan ge wi+dutan. ma +tanne xx manna. 
& +ta burhmen ofslogon xix menn on o+dre healfe. &
gewundoden +t+at hi nystan hu fela.
<R 1048.33>
& Eustatius +atb+arst mid feawum mannum. & gewende ongean to
+tam cynge. & cydde be d+ale hu hi gefaren
h+afdon.
<R 1048.35>
& wear+d se cyng swi+te gram wi+d +ta burhware. & ofs+ande se
cyng Godwine eorl. & b+ad hine faran into Cent 
mid unfri+da to Dofran. for+tan Eustatius h+afde gecydd
+tam cynge +tet hit sceolde beon mare gylt +t+are 
burhwaru +tonne his.
<R 1048.38>
ac hit n+as na swa. & se eorl nolde na ge+dw+arian +t+are
infare. for+tan him w+as la+d to amyrrene his agenne folga+d.
<R 1048.41>
+da sende se cyng +after eallon his witan. & bead heom cuman
to Gleaweceastre neh +t+are +aftre sancte Maria m+assan.
<R 1048.43>
+ta h+afdon +ta welisce menn gewroht +anne castel on
Herefordscire 
<P 174>
on Swegenes eorles folgo+de. & wrohten 
+alc +t+ara harme. & bismere +t+as cynges mannan +t+ar
abutan +te hi mihton.
<R 1048.46>
+da com Godwine eorl & Swegen eorl & Harold eorl tog+adere +at
Byferesstane. & manig mann mid heom. to
+don +t+at hi woldon faran to heora cynehlaforde. & to +tam
witan eallon +te mid him gegaderode w+aron. 
+t+at hi +t+as cynges r+ad h+afdon & his fultum. & ealra
witena. hu hi mihton +t+as cynges bismer awrecan &
ealles +teodscipes.
<R 1048.51>
+da w+aron +ta w+alisce men +atforan mid +tam cynge. &
forwregdon +da eorlas. +tet hi ne moston cuman on his 
eagon gesih+de. For+dan hi s+adon +t+at hi woldon cuman
+tider for +tes cynges swicdome.
<R 1048.54>
W+as +t+ar cuman Siward eorl & Leofric eorl. & mycel folc mid
heom nor+tan to +tam cynge. & w+as +tam eorle 
Godwine & his sunan gecydd +t+at se cyng & +ta menn +te mid
him w+aron. woldon r+adon on hi. & hi trymedon 
hi f+astlice ongean. +t+ah him la+d w+are +t+at hi ongean
heora cynehlaford standan sceoldan.
<R 1048.59>
+da ger+adden +ta witan on +ag+der halfe +t+at man +da +alces
yfeles geswac. & geaf se cyng Godes gri+d & his
fulne freondscipe on +ag+dre healfe.
<R 1048.63>
+da ger+adde se cyning & his witan +t+at man sceolde o+dre
sy+dan habban ealra gewitena gemot on Lundene 
to h+arfestes emnihte.
<R 1048.65>
& het se cyning bannan ut here. +ag+der ge besu+dan Temese ge
benor+dan eall +t+at +afre betst w+as.
<R 1048.66>
+da cw+a+d man Swegen eorl utlah. & stefnode man Godwine eorle
& Harolde eorle to +ton gemote swa ra+de 
swa hi hit gefaran mihton.
<R 1048.68>
+ta hi +tider ut comon [^TORONTO CORPUS: utcomon^] . +ta 
stefnede heom man to gemote. +ta
gyrnde he gri+des & gisla. +tet he moste unswican 
into gemote cuman. & ut of gemote.
<R 1048.71>
+da gyrnde se cyng ealra +t+ara +tegna +te +ta eorlas +ar
h+afdon. & hi letan hi ealle him to handa.
<R 1048.73>
+ta sende se cyng eft to heom. & bead heom +t+at hi 
<P 175>
comon mid xii mannum into +t+as cynges r+ade.
<R 1048.74>
+ta geornde se eorl eft gri+des & gisla. +t+at he moste hine
betellan +at +alc +t+ara +tinga +te him man on lede.
<R 1048.76>
+ta wyrnde him mann +dera 
<P 176>
gisla. & sceawede him mann v
nihta gri+d ut of lande to farenne [^TORONTO CORPUS: 
tofarenne^] .
<R 1048.78>
& gewende +ta Godwine eorl & Swegen eorl to Bosenham & scufon
ut heora scipu. & gewendon heom begeondan 
s+a. & gesohton Baldewines gri+d. & wunodon +t+ar ealne
+tone winter.
<R 1048.81>
& Harold eorl gewende west to Yrlande. & w+as +t+ar ealne
+tone winter on +tes cynges gri+de.
<R 1048.82>
& sona +t+as +te +tis w+as. +ta forlet se cyng +ta hl+afdian.
seo w+as gehalgod him to cwene. & let niman of
hire eall +t+at heo ahte. on lande. & on golde. & on seolfre
& on eallon +tingon. & bet+ahte hy his swyster to Hwerwillon.
<R 1048.87>
& Sparhafoc abbod wear+d +da adrifen ut of +tam biscoprice 
<P 177>
on Lundene. & wes Willelm +t+as cynges preost
gehadod +t+arto.
<R 1048.89>
& man sette +ta Oddan to eorle ofer Defenascire. & ofer
Sumers+aton. & ofer Dorseton. & ofer Wealas. 
& mann sette +Alfgar Leofrices sunu eorles +dane eorldom on
handa +te Harold +ar ahte.


<S SAMPLE 2>

<Q O4 NN HIST CHRONE2>
<N CHRON E LATE>
<A X>
<C O4>
<O 1050-1150>
<M 1050-1150>
<K NON-CONTEMP>
<D WS/X>
<V PROSE>
<T HISTORY>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z NARR NON-IMAG>

<P 205>
<R 1070.1>
Her se eorl Wal+teof gri+dede wi+d +tone cyng. & +t+as on
lengten se cyng let hergian ealle +ta mynstra +te
on Englalande w+aron.
<R 1070.3>
+ta on +tam ilcan geare com Swegn cyng of Denmarcan into
Humbran. & +t+at landfolc comen him ongean & gri+dedon 
wi+d hine w+andon +t+at he sceolde +tet land ofergan.
<R 1070.6>
+ta comen into Elig [{Cristien{] +ta Densce biscop & Osbearn
eorl & +ta Densca huscarles mid heom.
<R 1070.7>
& +tet Englisce folc of eall +ta feonlandes comen to heom.
wendon +t+at hi sceoldon winnon eall +t+at land.
<R 1070.9>
+ta herdon +ta munecas of Burh s+agen +t+at heora agene menn
wolden hergon +tone mynstre, +t+at w+as Hereward & his genge.
<R 1070.11>
+t+at w+as for+dan +tet hi herdon s+acgen +tet se cyng heafde
gifen +t+at abbotrice an Frencisce abbot Turolde 
w+as gehaten. & +t+at he w+as swi+de styrne man. & w+as
cumen +ta into Stanforde mid ealle hise Frencisce menn.
<R 1070.14>
+ta w+as +t+are an cyrceweard Yware w+as gehaten. nam +ta be
nihte eall +tet he mihte. +tet w+aron Cristes bec 
& m+asse hakeles & cantelcapas & reafes & swilce litles
hwat. swa hwat swa he mihte.
<R 1070.17>
& ferde sona +ar d+ag to +tone abbot Turolde & s+agde him
+t+at he sohte his gri+de. & cydde him hu +ta utlages 
sceolden cumen to Burh. +t+at he dyde eall be +t+are
munece r+ade.
<R 1070.20>
+ta sona on morgen comen ealle +ta utlaga mid fela scipe, &
woldon into +tam mynstre. & +ta munecas wi+dstoden 
+t+at hi na mihton incumen.
<R 1070.22>
+ta l+agdon hi fyr on. & forb+arndon ealle +ta munece huses &
eall +ta tun buton ane huse.
<R 1070.24>
+ta comen hi +turh fyre in +at Bolhi+de geate. & +ta munecas
comen heom togeanes. beaden heom gri+d, ac hi 
na rohten na +ting.
<R 1070.26>
geodon into +te mynstre. clumben upp to +te halge rode. namen
+ta +te kynehelm of ure Drihtnes heafod eall 
of smeate golde. namen +ta +tet fotspure +te w+as
undern+a+den his fote. +t+at w+as eall of read golde.
<R 1070.29>
Clumben upp to +te stepel. brohton dune +t+at h+acce +te +t+ar
w+as behid. hit w+as eall of gold & of seolfre. 
hi namen +t+are twa gildene scrines & ix seolferne.
<R 1070.32>
& hi namen fiftene mycele roden. ge of golde ge of seolfre.
<R 1070.33>
hi namen +t+are swa mycele gold & seolfre & swa manega
gersumas on sceat & on scrud & on bokes swa nan 
man ne m+ai o+der t+allen. s+agdon +t+at hi hit dyden for
+des 
<P 207>
mynstres holdscipe.
<R 1070.36>
Sy+d+don geden heom to scipe. ferden heom to Elig, bet+ahtan
+t+ar +ta ealla +ta g+arsume;
<R 1070.37>
+ta Denesc+a menn w+andon +t+at hi sceoldon ofercumen +ta
Frencisca men. +ta todrefodon ealle +ta munekes. 
beleaf +t+ar nan butan an munec he w+as gehaten Leofwine
lange. he l+ai seoc in +ta secr+aman in.
<R 1070.41>
+da com Turold abbot & +ahte si+te twenti Frencisce men mid
him & ealle fullwepnode.
<R 1070.42>
+ta he +tider com +ta fand he forb+arnd wi+dinnan & wi+dutan.
eall butan +ta cyrece ane.
<R 1070.44>
+ta w+aron +ta utlagas ealle on flote. wistan +t+at he scolde
+tider cumen.
<R 1070.45>
+tis w+as don +t+as d+ages (\iiii Non+a Iunii\) .
+ta twegen kyngas Willelm & Sw+agn wur+don s+ahtlod. +ta
ferdon +ta D+anesca menn ut of Elig mid ealle +ta 
forenspr+acena g+arsume & l+addon mid heom.
<R 1070.48>
+ta hi comen on middewarde +te s+a. +ta com an mycel storm &
todr+afede ealle +ta scipe +t+ar +ta gersumes w+aron 
inne. sume ferdon to Norw+age. sume to Yrlande. sume to
D+anmarce.
<R 1070.51>
& eall +t+at +tider com +t+at w+as +tone h+acce & sume scrine
& sume roden & fela of +ta o+dre g+arsume. & brohten 
hit to an cynges tun hatte. & dyden hit eall +ta in +tone
cyrce.
<R 1070.54>
+da sy+d+don +turh heora gemelest & +turh heora druncenhed on
an niht forb+arnde +ta cyrce. & eall +tet +t+ar
inn+a w+as.
<R 1070.56>
+dus w+as se mynstre of Burch forb+arnd & forh+argod.
<R 1070.57>
+almihtig God hit gemiltse +turh his mycele mildhertnesse.
<R 1070.58>
And +tus se abbot Turolde ccm to Burh. & +ta munecas comen +ta
ongean. & dydan Cristes +teudom in +t+are 
cyrce. +t+at +ar h+afde standen fulle seofeniht forutan +alces
cynnes riht.
<R 1070.61>
+da herde +Agelric biscop +tet gesecgon. +ta amansumede he
ealle +ta men +ta +t+at yfel d+ade h+afden don.
<R 1070.62>
+da w+as mycel hunger +t+as geares.
<R 1070.63>
& +ta +t+as sumeres com +tet li+d nor+dan of Humbran into
T+amese. & lagon +t+ar twa niht. & heoldan sy+d+don 
to D+anmercan.
<R 1070.65>
And Baldewine eorl for+dferde. & his sunu Arnulf feng to rice.
<R 1070.66>
& Willelm eorl sceolde ben his geheald. & Franca cyng eac. &
com +ta Rodbriht eorl & ofsloh his m+ag 
Arnulf. & +tone eorl. & +tone cyng aflymda. and his menn
ofsloh fela +tusenda.
<R 1071.1>
Her +Adwine eorl & Morkere eorl uthlupon & mislice ferdon on
wudu & on felda.
<R 1071.2>
+da gewende Morkere eorl to Elig on scipe. And Eadwine eorl
wear+d ofslagen 
<P 208>
arhlice fram his agenum mannum.
<R 1071.4>
& com se biscop Egelwine. & Siward Bearn. & fela hund manna
mid heom into Elig.
<R 1071.6>
& +ta +te se cyng Willelm +t+at geaxode. +ta bead he ut
scipfyrde & landfyrde. & +tet land abutan s+at. & 
brycge gewrohte. & inn for. & seo scipfyrde on +ta s+ahealfe.
<R 1071.8>
& +ta utlagan +ta ealle on hand eodan. +t+at w+as Egelwine
biscop. & Morkere eorl. & ealle +ta +te mid heom 
w+aron buton Herewarde ane.
<R 1071.10>
& ealle +ta +te mid him woldon. & he hi ahtlice utl+adde.
<R 1071.11>
& se cyng genam scipa & w+apna & sceattas manega. & +ta men he
ateah swa swa he wolde. & +tone biscop 
Egelwine he sende to Abbandune. & he +t+ar for+dferde sona
+t+as wintres.
<R 1072.1>
Her Willelm cyng l+adde scipfyrde & landfyrde to Scotlande. &
+t+at land on +ta s+ahealfe mid scipum ymbel+ag. 
& his landfyrde +at +tam Gew+ade innl+adde. & he +t+ar
naht ne funde +t+as +te him +te bet w+are.
<R 1072.4>
& se cyng Melcolm com & gri+dede wi+d +tone cyng Willelm &
gislas sealde. & his man w+as.
<R 1072.6>
& se cyng ham gewende mid ealre his fyrde.
& se biscop Egelric for+dferde. he w+as to biscop hadod to
Eoferwic. ac hit w+as mid unrihte him ofgenumon.
<R 1072.8>
& man geaf him +t+at biscoprice on Dunholme. & he heafde hit
+ta hwile +te he wolde. 
<P 209>
& forlet hit sy+d+dan. 
& ferde to Burch to sancte Petres mynstre. & +t+ar
drohtnode xii gear.
<R 1072.11>
+da +after +tam +te Willelm cyng gewan Englalande. +ta nam he
hine of Burch & sende hine to Westmynstre.
<R 1072.13>
& he for+dferde on (\IDus Octobris\) . & he is bebyrged +t+ar
innan +tam mynstre. innon sanctus Nicolaus portice.
<R 1073.1>
On +tisum geare Willelm cyng l+adde Engliscne here & Frencisce
ofer s+a. & gewan +t+at land Mans.
<R 1073.2>
& hit Englisce men swy+de amyrdon. wingear+das hi fordydon. &
burga forb+arndon. & swi+de +tet land amyrdon. 
& hit eall abegdon Willelme to handa.
<R 1073.5>
& hi sy+d+don ham gewendon to Englalande.
<R 1074.1>
On +tisum geare for Willelm cyng ofer s+a to Normandig. 
<P 210>
& Eadgar cild com of Scotland to Normandige.
<R 1074.2>
& se cyng hine geinlagode. & ealle his men. & he w+as on +tes
cynges hyrede. & nam swilce gerihta swa
se cyng him geu+de.
<R 1075.1>
On +tisum geare Willelm cyng geaf Raulfe eorle Willelmes
dohtor Osbearnes sunu. & se ylca Raulf w+as 
Bryttisc on his moderhealfe. & his f+ader w+as Englisc Raulf
hatte. & w+as geboren on Nor+dfolc.
<R 1075.4>
+ta geaf se cyng his sunu +tone eorldom on Nor+dfolc. &
Su+dfolc. +ta l+adde he +t+at wif to Nor+dwic.
[^VERSE OMITTED^]
<R 1075.9>
+d+ar w+as Roger eorl. & Wal+teof eorl. & biscopas & abbotes.
& r+addon +t+ar swa +t+at hi woldon +tone cyng gesettan ut of 
<P 211>
Englelandes cynedome.
<R 1075.11>
& hit wear+d sona gecydd +tam cynge to Normandige hu hit w+as
ger+ad. +t+at w+as Roger eorl. & Raulf eorl.
+te w+aron yldast to +dam unreode. & hi speonan +ta Bryttas
heom to. & sendon east to Denmearcan +after
sciphere heom to fultume.
<R 1075.15>
& Roger ferde west to his eorldome. & gegaderode his folc to
+t+as cynges un+tearfe. ac he wear+d gelet.
<R 1075.17>
& Raulf eac on his eorldome wolde for+dgan mid his folce. ac
+ta castelmen +te w+aron on Englalande & eac 
+t+at landfolc him togeanes comen. & gemacodon +t+at he
naht ne dyde. ac for to scipe +at Nor+dwic.
<R 1075.20>
& his wif w+as innan +tam castele. & hine heold swa lange
+t+at man hire gri+d sealde. & heo ut ferde +ta
of Englalande. & ealle hire men +te hire mid woldon.
<R 1075.23>
& se cyng si+d+dan com to Englalande. & genam Roger eorl his
m+ag. & gefestnode hine. & Wal+teof eorl he genam eac.
<R 1075.26>
& sona +after +tam comon eastan of Denmearcan cc scipa. &
+t+ar on w+aron tw+agen heafodmenn. Cnut Sw+agnes 
sunu. & Hacun eorl. & hi ne dorstan nan gefeoht healdan
wi+d Willelm 
<P 212>
cynge. ac heoldon ofer s+a to Flandran.
<R 1075.30>
& Eadgi+d seo hl+afdig for+dferde on Winceastre vii nihton
+ar Cristes m+assan. & se cyng hi let bryngan 
to Westmynstre mid mycclan wur+dscipe. & l+agde hi wi+d
Eadward kyng hire hlaforde.
<R 1075.34>
& se w+as on Westmynstre +tone midewinter. & man fordyde +t+ar
ealle +ta Bryttas +te w+aron +at +tam brydealo+d +at Nor+dwic.
[^VERSE OMITTED^]
<R 1076.1>
On +tisum geare for+dferde Sw+agn cyng on D+anmercan. & Harold
his sunu feng to +te kynerice.
<R 1076.3>
& se cyng geaf Westmynster Vithele abbode se w+as +ar 
<P 213>
abbod on
B+arnege. & Wal+teof eorl wes beheafdod 
on Winceastre. & his lic wear+d gelead to Crulande.
<R 1076.6>
& se cyng for ofer s+a. & l+adde his fyrde to Brytlande. &
beset +tone castel Dol.
<R 1076.7>
& +ta Bryttas hine heoldon +t+at se cyng com of Francland. &
Willelm +tanon for. & +t+ar forleas +ag+der ge
men ge hors. & feola his gersuma.
<R 1077.1>
Her on +tisum geare wurdon s+ahte Franca cyng & Willelm
Englalandes cyng. ac hit heold litle hwile.
<R 1077.3>
& +des geares forbarn Lundenburh anre nihte +ar (\Assumptio
sancte Mari+a\) swa swy+de swa heo n+afre +ar n+as
sy+d+tan heo gestabeled w+as.
<R 1077.6>
And on +tisum geare for+dfyrde +Agelwig abbod on Euesham on
+tam d+age (\xiv kalend+a Marcii\) . And Hereman
biscop eac for+dferde on +tam d+age (\x kalend+a Marcii\) .
<R 1079.1>
On +tisum geare com Melcolm cyng of Scotlande into Englelande
betwyx +tam twam Mariam m+assan mid mycclum 
fyrde. & gehergode Nor+dhymbraland o+d hit com to Tine. 
<P 214>
& ofsloh feala hund manna. & ham l+adde manige 
sceattas. & gersuma. & menn on heftninge.
<R 1079.6>
And +ti ilcan geare se cyng Willelm gefeaht togeanes his sunu
Rotbearde wi+dutan Normandige be anum castele 
Gerborne+d hatte. & se cyng Willelm wear+d +t+ar
gewundod. & his hors ofslagen +te he on s+at. & eac 
his sunu Willelm wear+d +t+ar gewundod. & fela manna
ofslagene.
<R 1080.1>
On +tisum geare w+as se biscop Walchere ofslagen on Dunholme
+at anum gemote. & an hund manna mid him
Frencisce & Flemisce. & he sylf w+as on Hlo+deringa geboren.
+tis dydon Nor+dhymbran on Maies mon+de.
<R 1081.1>
ON +tisum geare se cyng l+adde fyrde into Wealan. & +t+ar
gefreode fela hund manna.
<R 1082.1>
Her nam se cyng Odan biscop. & her w+as mycel hungor.
<R 1083.1>
On +tisum geare aras seo ungehw+arnes on Gl+astingabyrig
betwyx +tam abbode +turstane. & his munecan.
<R 1083.2>
+arest hit com of +t+as abbotes unwisdome. +t+at he misbead
his munecan on fela +tingan.
<R 1083.4>
& +da munecas hit m+andon lufelice to him. & beadon hine +t+at
he sceolde healdan hi rihtlice. & lufian
hi. & hi woldon him beon holde. & gehyrsume.
<R 1083.6>
Ac se abbot nolde +t+as naht. ac dyde heom yfele. & beheot
heom wyrs.
<R 1083.8>
Anes d+ages +te abbot eode into capitulan. & spr+ac uppon +ta
<P 215>
munecas. & wolde hi mistukian.
<R 1083.9>
& sende +after l+awede mannum. & hi comon into capitulan on
uppon +ta munecas full gewepnede. & +ta w+aron 
+ta munecas swi+de aferede of heom. nyston hwet heom to
donne w+are.
<R 1083.12>
Ac toscuton [^PLUMMER AND TORONTO CORPUS: to scuton^] . sume 
urnon into cyrcean. & belucan +ta duran
into heom. & hi ferdon +after heom into +tam 
mynstre. & woldon hig utdragan. +ta+da hig ne dorsten na
utgan.
<R 1083.15>
Ac reowlic +ting +t+ar gelamp on d+ag. +t+at +ta Frencisce men
br+acen +tone chor & torfedon tow+ard +tam weofode 
+t+ar +da munecas w+aron. & sume of +dam cnihtan ferdon
uppon +tone uppflore. & scotedon adunweard mid 
arewan toweard +tam haligdome. swa +t+at on +t+are rode +te
stod bufon +tam weofode sticodon on m+anige arewan.
<R 1083.20>
& +ta wreccan munecas lagon onbuton +tam weofode. & sume
crupon under. & gyrne cleopedon to Gode his 
miltse biddende. +ta +ta hi ne mihton nane miltse +at mannum
begytan.
<R 1083.23>
Hw+at magon we secgean. buton +t+at hi scotedon swi+de. & +ta
o+dre +da dura br+acon +t+ar adune & eodon inn.
<R 1083.25>
& ofslogon sume +ta munecas to dea+de. & m+anige gewundedon
+t+arinne. swa +t+at +det blod com of +dam weofode 
uppon +tam gradan. & of +dam gradan on +ta flore.
<R 1083.28>
+treo +t+ar w+aron ofslagene to dea+de. & eahteteone
gewundade.
<R 1083.30>
& on +t+as ilcan geares for+dferde Mahtild Willelmes cynges
cwen. on +tone d+ag +after ealra halgena m+assed+ag.
<R 1083.32>
And on +tes ylcan geares +after midewintre se cyng let beodan
mycel gyld & hefelic ofer eall Englaland. 
+t+at w+as +at +alcere hyde twa & hund seofenti peanega.
<R 1084.1>
Her on +disum geare for+dferde Wulfuuold abbod on Ceortesege.
on +tam d+age (\xiii kalend+a Mai\) .
<R 1085.1>
On +tisum geare menn cwydodon & to so+dan s+adan. +t+at Cnut
cyng of Denmearcan Sw+agnes sune cynges fundade 
hiderward. & wolde gewinnan +tis land mid Rodbeardes
eorles fultume of Flandran. for+dan +te Cnut 
heafde Rodbeardes dohter.
<R 1085.5>
+da Willelm Englalandes cyng +te +ta w+as sittende on
Normandige. for+dig he ahte +ag+der ge Englaland ge 
Normandige. +tis geaxode. he ferde into Englalande mid swa
mycclan here ridendra manna. & gangendra 
of Francrice and of Brytlande. swa n+afre +ar +tis land ne
gesohte. swa +t+at menn wundredon 
<P 216>
hu +tis land mihte eall +tone here afedan.
<R 1085.10>
Ac se cyng let toscyfton +tone here geond eall +tis land to
his mannon. & hi f+addon +tone here +alc be his landefne.
<R 1085.12>
& men heafdon mycel geswinc +t+as geares. & se cyng lett
awestan +t+at land abutan +ta s+a. +tet gif his feond 
comen upp. +t+at hi n+afdon na on hwam hi fengon swa
r+adlice.
<R 1085.15>
Ac +ta se cyng geaxode to so+dan +t+at his feond gel+atte
w+aron. & ne mihten na gefor+dian heora fare. +ta
lett he sum +tone here faren to heora agene lande. & sum he
heold on +tisum lande ofer winter.
<R 1085.19>
+da to +tam midewintre w+as se cyng on Gleaweceastre mid his
witan. & heold +t+ar his hired v dagas. &
sy+d+dan +te arcebiscop & gehadode men h+afden sino+d +treo
dagas.
<R 1085.20>
+d+ar w+as Mauricius gecoren to biscop on Lundene. & Willelm
to Nor+dfolce & Rodbeard to Ceasterscire. 
hi w+aron ealle +t+as cynges clerecas.
<R 1085.23>
+after +tisum h+afde se cyng mycel ge+teaht. & swi+de deope
sp+ace wi+d his witan ymbe +tis land hu hit w+are 
gesett. o+d+de mid hwylcon mannon.
<R 1085.26>
Sende +ta ofer eall Englaland into +alcere scire his men. &
lett agan ut hu fela hundred hyda w+aron innon 
+t+are scire. o+d+de hwet se cyng him sylf h+afde landes.
& orfes innan +tam lande. o+d+de hwilce geriht+a 
he ahte to habbanne to xii mon+tum of +d+are scire.
<R 1085.30>
Eac he lett gewritan hu mycel landes his arcebiscops h+afdon.
& his leodbiscops. & his abbods. & his
eorlas. & +teah ic hit lengre telle. hw+at o+d+de hu mycel
+alc mann h+afde +te landsittende w+as innan Englalande. 
on lande. o+d+de on orfe. & hu mycel feos hit w+are
wur+d.
<R 1085.35>
Swa swy+de nearwelice he hit lett utaspyrian. +t+at n+as an
+alpig hide. ne an gyrde landes. ne fur+don, 
hit is sceame to tellanne. ac hit ne +tuhte him nan sceame to
donne. an oxe. ne an cu. ne an swin. n+as 
belyfon. +t+at n+as ges+at on his gewrite.
<R 1085.39>
& ealle +ta gewrita w+aron gebroht to him sy+d+dan.
<R 1085.41>
Her se cyng b+ar his corona & heold his hired on Winceastre to
+tam Eastran. & swa he ferde +t+at he w+as 
to +tam Pentecosten +at W+astminstre. & dubbade his sunu
<P 217>
Henric to ridere +t+ar.
<R 1085.44>
Sy+d+dan he ferde abutan swa +t+at he com to Lamm+assan to
Searebyrig. & +t+ar him comon to his witan. and
ealle +ta landsittende men. +te ahtes w+aron ofer eall
Engleland. w+aron +t+as mannes men +te hi w+aron.
<R 1085.48>
& ealle hi bugon to him. & weron his menn. & him holda+das
sworon +t+at hi woldon ongean ealle o+dre men 
him holde beon.
<R 1085.50>
+danon he ferde into Wiht. for+tig he wolde faran into
Normandige & swa dyde sy+d+dan.
<R 1085.51>
And +teah he dyde +arest +after his gewunan. begeat swi+de
mycelne sceatt of his mannan +t+ar he mihte +anige 
teale tohabban o+d+de mid rihte o+d+de elles.
<R 1085.54>
Ferde +ta sy+d+dan into Normandige. & Eadgar +A+teling
+Adwardes m+ag cynges beah +ta fram him for+tig he n+afde 
na mycelne wur+dscipe of him. ac se +almihtiga God him
gife wur+dscipe on +tam toweardan.
<R 1085.57>
& Cristina +t+as +a+delinges swuster beah into mynstre to
Rumesege. & underfeng halig rest.
<R 1085.60>
& +t+as ilcan geares w+as swi+de hefelic gear. & swi+de
swincfull & sorhfull gear innan Englelande on orfcwealme. 
& corn. & w+astmas w+aron +atstandene.
<R 1085.62>
& swa mycel ungelimp on w+aderunge. swa man naht +a+delice
ge+tencean ne m+ag. swa stor +tunring. & l+agt 
wes. swa +t+at hit acwealde manige men. & aa hit wyrsode mid
mannan swi+dor & swi+dor.
<R 1085.65>
Gebete hit God elmihtiga. +tonne his willa sy.
<R 1086.1>
+after ure Drihtnes H+alendes Cristes gebyrtide. an +tusend
wintra & seofan & hundeahtatig wintra. on 
+tam an & twentigan geare +t+as +te Willelm weolde & stihte
Engleland swa him God u+de. gewear+d swi+de hefelic 
and swi+de wold berendlic gear on +tissum lande.
<R 1086.5>
Swylc co+de com on mannum. +t+at fullneah +afre +te o+der man
wear+d on +tam wyrrestan yfele. +tet is on +dam
drife. & +tet swa stranglice. +t+at m+anige menn swulton on
+dam yfele.
<R 1086.8>
Sy+d+dan com +turh +ta mycclan ungewiderunge +te comon swa we
beforan tealdon. swy+de mycel hungor ofer eall 
Engleland. +t+at manig hundred manna earmlice dea+de
swulton +turh +tone hungor.
<R 1086.11>
Eala hu earmlice & hu reowlic 
<P 218>
tid w+as +da.
<R 1086.12>
+da +da wrecc+a men l+agen fordrifene fullneah to dea+de. &
sy+d+dan com se scearpa hungor & adyde hi mid ealle.
<R 1086.15>
Hwam ne m+ag earmian swylcere tide?
o+d+de hwa is swa heardheort +t+at ne m+ag wepan swylces
ungelimpes?
<R 1086.16>
Ac swylce +ting gewur+da+t for folces synna +t+at hi nella+d
lufian God & rihtwisnesse.
<R 1086.18>
Swa swa hit w+as +ta on +dam dagum. +t+at litel rihtwisnesse
w+as on +tisum lande mid +anige menn. buton mid 
munecan ane +t+ar +t+ar hi w+all ferdon.
<R 1086.20>
Se cyng & +ta heafodmen [^PLUMMER AND TORONTO CORPUS: 
heafod men^] lufedon swi+de & oferswi+de gitsunge.
on golde. & on seolfre. & ne rohtan hu 
synlice hit w+are begytan buton hit come to heom.
<R 1086.23>
Se cyng sealde his land swa deore to male. swa heo deorost
mihte.
<R 1086.24>
+donne com sum o+der & bead mare +tonne +te o+der +ar sealde.
& se cyng hit lett +tam menn +te him mare bead.
<R 1086.26>
+donne com se +tridde. & bead geat mare. & se cyng hit let
+tam men to handa +te him eallra meast bead.
& ne rohte na hu swi+de synlice +ta gerefan hit begeatan of
earme mannon. ne hu manige unlaga hi dydon.
<R 1086.29>
Ac swa man swy+dor sp+ac embe rihte lage. swa mann dyde mare
unlaga.
<R 1086.30>
hy arerdon unrihte tollas. & manige o+dre unriht hi dydan. +te
sindon earfe+te to areccenne.
<R 1086.33>
Eac on +dam ilcan geare +atforan h+arfeste forbarn +t+at
halige mynster sancte Paule +te biscopstol on Lundene. 
& m+anige o+dre mynstres. & +t+at m+aste d+al & +t+at
rotteste ealle +t+are burh.
<R 1086.35>
Swylce eac on +dam ilcan timan forbarn fullneah +alc
heafodport on eallon Englelande.
<R 1086.37>
Eala reowlic & wependlic tid w+as +t+as geares. +te swa manig
ungelimp w+as for+dbringende.
<R 1086.39>
Eac on +tam ilcan geare toforan (\Assumptio sancte Marie\) for
Willelm cyng of Normandige into France mid 
fyrde. & hergode uppan his agenne hlaford Philippe +tam
cynge.
<R 1086.41>
& sloh of his mannon mycelne d+al. & forbearnde +ta burh
Ma+dante. & ealle +ta halige mynstres +te w+aron
innon +t+are burh. & twegen halige menn +te hyrsumedon Gode
on ancersettle wuniende. +t+ar w+aron forbearnde.
<R 1086.46>
+dissum +tus gedone. se cyng Willelm cearde ongean to
Normandige.
<R 1086.47>
Reowlic +ting he dyde. & reowlicor him gelamp.
<R 1086.48>
Hu reowlicor?
him geyfelade. & +t+at him stranglice eglade.
<P 219>
<R 1086.49>
Hw+at m+ag ic teollan?
Se scearpa dea+d +te ne forlet ne rice menn. ne heane. seo
hine genam.
<R 1086.50>
He swealt on Normandige on +tone nextan d+ag +after natiuitas
sancte Marie. & man bebyrgede hine on Ca+tum 
+at sancte Stephanes mynstre. +arer he hit ar+arde. &
sy+d+dan m+anifealdlice gegodade.
<R 1086.54>
Eala hu leas & hu unwrest is +tysses middaneardes wela.
<R 1086.55>
Se +te w+as +arur rice cyng. & maniges landes hlaford. he
n+afde +ta ealles landes buton seofon fot m+al.
& se +te w+as hwilon gescrid mid golde. & mid gimmum. he l+ag
+ta oferwrogen mid moldan.
<R 1086.59>
He l+afde +after him +treo sunan. Rodbeard het se yldesta. se
w+as eorl on Normandige +after him. se o+der 
het Willelm. +te b+ar +after him on Engleland +tone
kinehelm. Se +tridda het Heanric. +tam se f+ader becw+a+d 
gersuman unateallendlice.
<R 1086.63>
Gif hwa gewilnige+d to gewitane hu gedon mann he w+as. o+d+de
hwilcne wur+dscipe he h+afde. o+d+de hu fela 
lande he w+are hlaford. +donne wille we be him awritan swa swa
we hine ageaton. +de him on locodan. & 
o+dre hwile on his hirede wunedon.
<R 1086.68>
Se cyng Willelm +te we embe speca+d w+as swi+de wisman. &
swi+de rice. & wur+dfulre and strengere +tonne +anig 
his foregenga w+are.
<R 1086.70>
He w+as milde +tam godum mannum +te God lufedon. & ofer eall
gemett stearc +tam mannum +te wi+dcw+adon his
willan.
<R 1086.72>
On +dam ilcan steode +te God him geu+de +t+at he moste
Engleland gegan. he arerde m+are mynster. & munecas 
+t+ar ges+atte. & hit w+all gegodade.
<R 1086.74>
On his dagan w+as +t+at m+are mynster on Cantwarbyrig
getymbrad. & eac swi+de manig o+der ofer eall Englaland.
<R 1086.76>
Eac +tis land w+as swi+de afylled mid munecan. & +ta leofodan
heora lif +after sanctus Benedictus regule.
<R 1086.78>
& se Cristendom w+as swilc on his d+age +t+at +alc man hw+at
his hade to belumpe. folgade se +te wolde.
<R 1086.80>
Eac he w+as swy+de wur+dful. +triwa he b+ar his cynehelm +alce
geare. swa oft swa he w+as on Englelande.
<R 1086.81>
On Eastron he hine b+ar on Winceastre. on Pentecosten on
Westmynstre. on midewintre on Gleaweceastre.
<R 1086.83>
& +t+anne w+aron mid him 
<P 220>
ealle +ta rice men ofer eall
Englaland. arcebiscopas. & leodbiscopas. abbodas 
& eorlas. +tegnas & cnihtas.
<R 1086.85>
Swilce he w+as eac swy+de stearc man & r+a+de. swa +t+at man
ne dorste nan +ting ongean his willan don.
<R 1086.87>
He h+afde eorlas on his bendum. +te dydan ongean his willan.
<R 1086.88>
Biscopas he s+atte of heora biscoprice. & abbodas of heora
abbodrice. & +t+agnas on cweartern. & +at nextan 
he ne sparode his agenne bro+dor. Odo het.
<R 1086.90>
he w+as swi+de rice biscop on Normandige. on Baius w+as his
biscopstol. & w+as manna fyrmest to eacan +tam cynge.
<R 1086.92>
& he h+afde eorldom on Englelande. & +tonne se cyng [{w+as{]
on Normandige. +tonne w+as he m+agest on +tisum lande.
<R 1086.94>
& hine he s+atte on cweartern.
<R 1086.95>
Betwyx o+drum +tingum nis na to forgytane +t+at gode fri+d +te
he macode on +tisan lande. swa +t+at an man +te 
him sylf aht w+are. mihte faran ofer his rice mid his bosum
full goldes ungederad. & nan man ne dorste 
slean o+derne man. n+afde he n+afre swa mycel yfel gedon
wi+d +tone o+derne.
<R 1086.99>
& Gif hwilc carl man h+amde wi+d Wimman hire un+dances. sona
he forleas +ta limu +te he mid pleagode.
<R 1086.102>
He rixade ofer Engl+aland. & hit mid his geapscipe swa
+turhsmeade. +t+at n+as an hid landes innan Engl+alande. 
+t+at he nyste hwa heo h+afde. o+d+de hw+as heo wur+d
w+as. & sy+d+dan on his gewrit ges+att.
<R 1086.105>
Brytland him w+as on gewealde. & he +t+ar inne casteles
gewrohte. & +tet Manncynn mid ealle gewealde.
<R 1086.107>
Swilce eac Scotland he him under+t+adde. for his mycele
streng+te.
<R 1086.108>
Normandige +t+at land w+as his gecynde.
& ofer +tone eorldom +te Mans is gehaten he rixade.
<R 1086.109>
& Gif he moste +ta gyt twa gear libban. he h+afde Yrlande mid
his werscipe gewunnon. & wi+dutan +alcon w+apnon.
<R 1086.111>
Witodlice on his timan h+afdon men mycel geswinc. & swi+de
manige teonan.
[^VERSE OMITTED^]
<P 221>
<R 1086.139>
+das +ting we habba+d be him gewritene. +ag+der ge gode ge
yfele. +t+at +ta godan men niman +after +teora godnesse. 
& for leon mid ealle yfelnesse. & gan on +done weg. +te
us lett to heofonan rice.
<R 1086.143>
Fela +tinga we magon writan +te on +dam ilcan geare gewordene
w+aron.
<R 1086.144>
Swa hit w+as on Denmearcan. +t+at +ta D+anescan +te w+as +arur
geteald eallra folca [^TORONTO CORPUS: golca^] getreowast. 
wurdon awende to +t+are meste untriw+de. & to +tam m+asten
swicdome +te
+afre mihte gewur+dan.
<R 1086.147>
Hi gecuron & abugan to Cnute cynge. & him a+das sworon. &
sy+d+dan hine earhlice ofslogon innan anre cyrcean.
<R 1086.149>
Eac wear+d on Ispanie +t+at +ta h+a+denan men foran & hergodan
uppon +tam Cristenan mannan. & mycel abegdan 
to heora anwealde.
<R 1086.151>
Ac se Cristena cyng, Anphos w+as gehaten, he 
<P 222>
sende ofer eall
into +alcan lande. & gyrnde fultumes. & 
him com to fultum of +alcen lande +te Cristen w+as, & ferdon &
ofslogon & aweg adrifan eall +tet h+a+dena
folc. & gewunnon heora land ongean. +turh Godes fultum.
<R 1086.156>
Eac on +tisan ilcan lande on +tam ilcan geare. for+dferdon
manega rice men. Stigand biscop of Ciceastre. 
& se abbod of sancte Augustine. & se abbod of Ba+don. &
+te of Perscoran. & +da heora eallra hlaford 
Willelm Engl+alandes cyng. +te we +ar beforan embe sp+acon.
<R 1086.160>
+after his dea+de his sune. Willelm h+at eallswa +te f+ader.
feng to +tam rice & wear+d gebletsod to cynge
fram Landfrance arcebiscop on Westmynstre. +treom dagum +ar
Michaeles m+assed+ag. & ealle +ta men on Englalande 
him to abugon. & him a+das sworon.
<R 1086.164>
+disum +tus gedone. se cyng ferde to Winceastre. & sceawode
+t+at madmehus. & +ta gersuman +te his f+ader 
+ar gegaderode.
<R 1086.166>
+ta w+aron unasecgendlice +anie men hu mycel +t+ar w+as
gegaderod. on golde & on seolfre. & on faton. & on 
p+allan. & on gimman. & on manige o+dre deorwur+de +tingon.
+te earfo+de sindon to ateallene.
<R 1086.169>
Se cyng dyde +ta swa his f+ader him bebead +ar he dead w+are.
d+alde +ta gersuman for his f+ader saule. to
+alcen mynstre +te wes innan Englelande to suman mynstre
x marc goldes. to suman vi & to +alcen cyrcean 
uppe land lx p+anega. & into +alcere scire man
seonde hundred punda feos. to d+alanne earme mannan 
for his saule.
<R 1086.174>
& +ar he for+dferde he bead +t+at man sceolde unlesan ealle
+ta menn +te on h+aftnunge w+aron under his anwealde.
<R 1086.176>
& se cyng w+as on +dam midewintre on Lundene.
<R 1087.1>
On +tisum geare w+as +tis land swi+de astirad. & mid mycele
swicdome afylled. swa +t+at +ta riceste Frencisce 
men +te weron innan +tisan lande. wolden swican heora
hlaforde +tam cynge. & woldon habban his bro+der 
to cynge Rodbeard +te w+as eorl on Normandige.
<R 1087.5>
On +tisum r+ade w+as +arest Oda biscop. & Gosfri+d biscop. &
Willelm biscop on Dunholme.
<R 1087.6>
Swa w+all dyde se cyng be +tam biscop. +t+at eall Englaland
f+arde +after his r+ade. & swa swa he wolde. &
he +tohte to donne be him eall swa Iudas Scarioth dyde be ure
Drihtene.
<R 1087.9>
& Rogere eorl w+as eac +at +tam unr+ade. & 
<P 223>
swi+de mycel folc
mid heom ealle Frencisce men. & +t+as unr+ad w+ar+d 
ger+ad innan +tam lengtene.
<R 1087.11>
Sona swa hit com to +tam Eastron. +ta ferdon hi & hergodon &
b+arndon & aweston +t+as cynges feorme hames. 
& eallra +t+ara manna land hi fordydon +te w+aron innan
+t+as cynges holdscipe.
<R 1087.14>
& heora +alc ferde to his castele. & +tone mannoden & metsoden
swa hig betst mihton.
<R 1087.16>
Gosfri+d biscop & Rodbeard a Mundbr+ag ferdon to Bricgstowe &
hergodon & brohton to +tam castele +ta hergunge. 
& sy+d+don foron ut of +dam castele & hergodon Ba+don.
& eall +t+at land +t+ar abutan. & eall Beorclea 
hyrnesse hi aw+aston.
<R 1087.19>
& +da men +te yldest w+aron of Hereforde. & eall +teo scir
for+d mid. & +ta men of Scrobscyre mid mycele 
folce of Brytlande comon & hergodon & b+arndon on
Wi+dreceastrescire for+d +t+at hi comon to +tam porte sylfan. 
& woldon +ta +d+ane port b+arnen. & +t+at mynster
reafian. & +t+as cynges castel gewinnan heom to handa.
<R 1087.24>
+das +ting geseonde se arwur+da biscop Wlstan. wear+d swi+de
gedrefed on his mode. for+dig him w+as bet+aht
+te castel to healdene.
<R 1087.26>
+teah hwe+der his hiredmen [^PLUMMER AND TORONTO CORPUS: 
hired men^] ferdon ut mid feawe mannan of +tam
castele. & +turh Godes mildheortnisse & 
+turh +t+as biscopas geearnunga ofslogon & gel+ahton fif
hundred manna. & +ta o+dre ealle aflymdon.
<R 1087.29>
Se biscop of Dunholme dyde to hearme +t+at he mihte ofer eall
be nor+dan.
<R 1087.30>
Roger het an of heom. se hleop into +tam castele +at Nor+dwic.
& dyde git eallra w+arst ofer eall +t+at land.
<R 1087.32>
Hugo eac an +te hit ne gebette nan +ting. ne innan
L+agreceastrescire. ne innan Nor+dhamtune.
<R 1087.34>
+de biscop Odo +te +tas +tyng of awocan ferde into Cent to his
eorldome. & fordyde hit swy+de. & +t+as cynges 
land. & +t+as arcebiscopas mid ealle aweston. & brohte
eall +t+at god into his castele on Hrofeceastre.
<R 1087.37>
+da +te cyng undergeat ealle +tas +ting. & hwilcne swicdom hi
dydon toweard his. +ta wear+d he on his mode swi+de gedrefed.
<R 1087.39>
sende +ta +after Englisce mannan. & heom fores+ade his neode.
& gyrnde heora fultumes.
<R 1087.40>
& behet heom +ta betsta laga +ta +afre +ar w+as on +tisan
lande. & +alc [{unriht{] geold he forbead. & geatte
mannan heora wudas. and sl+atinge. ac hit ne stod nane hwile.
<R 1087.42>
Ac Englisce men swa +teah fengon to +tam cynge heora hlaforde
on fultume.
<R 1087.43>
Ferdon +ta toweard 
<P 224>
Hrofeceastre. & woldon +tone biscop Odan
begytan. +tohtan gif hi h+afdon hine +te w+as
+arur heafod to +dam unr+ade. +t+at hi mihton +te bet begytan
ealla +ta o+dre.
<R 1087.47>
hi comon +ta to +tam castele to Tonebricge. +ta w+aron innan
+tam castele Oda biscopas cnihtas. & o+dre manige 
+te hine healdon woldan ongean +tone cyng.
<R 1087.50>
Ac +ta Englisce men ferdon. & tobr+acon +tone castel. & +ta
men +te +t+arinne w+aron. gri+dodon wi+d +tone cyng.
<R 1087.51>
Se cyng mid his here ferde toweard Hrofeceastre. & wendon
+t+at se biscop w+are +t+arinne. ac hit wear+d 
+tam cynge cu+d +tet se biscop w+as afaren to +dam castele a
Pefenesea.
<R 1087.54>
& se cyng mid his here ferde +after. & bes+att +tone castel
abutan. mid swi+de mycele here fulle six wucan.
<R 1087.57>
Betwyx +tissum se eorl of Normandige Rodbeard +tes cynges
bro+der gaderode swi+de mycel folc. & +tohte to 
gewinnane Engleland mid +t+ara manna fultume +te w+aron
innan +tisan lande ongean +tone cyng. & he sende 
of his mannan to +tisum lande. & wolde cuman himsylf +after.
<R 1087.61>
Ac +ta Englisce men +te w+ardedon +t+are s+a. gel+ahton of
+tam mannon. & slogon. & adrengton ma +tonne +anig
man wiste to tellanne.
<R 1087.64>
Sy+d+dan heom ateorede mete wi+dinnan +tam castele. +da
[{gyrndon{] hi gri+das. & agefan hine +tam cynge.
<R 1087.65>
& se biscop swor +t+at he wolde ut of Englelande faran. & na
mare cuman on +disan lande butan se cyng 
him +after sende. & +t+at he wolde agifan +tone castel on
Hrofeceastre.
<R 1087.68>
Ealswa se biscop ferde & sceolde agifan +tone castel. & se
cyng sende his men mid him.
<R 1087.70>
+da arisan +ta men +te w+aron innan +tam castele. & namon
+tone biscop & +tes cynges men. & dydon hi on h+aftnunge.
<R 1087.72>
Innan +tam castele w+aron swi+de gode cnihtas. Eustatius +te
iunga. & Rogeres eorles +treo sunan. & ealle 
+ta betstboren men. +te w+aron innan +tisan lande. o+d+de on
Normandige.
<R 1087.75>
+da se cyng undergeat +tas +ting. +ta ferde he +after mid +tam
here +te he +d+ar h+afde. & sende ofer eall Englalande. 
& bead +t+at +alc man +te w+are unni+ding sceolde
cuman to him, Frencisce & Englisce. of porte & of uppelande.
<R 1087.78>
Him com +ta mycel folc to. & he for [{to{] Hrofeceastre. &
bes+att +tone castel. o+d+det hi gri+dedon +t+a +t+ar
inne w+aron. & +tone castel ageafon.
<R 1087.81>
Se biscop Odo mid +tam mannum +te innan +tam castele 
<P 225>
w+aron ofer s+a ferdon. & se biscop swa forlet +tone
wur+dscipe +te he on +tis land h+afde.
<R 1087.83>
Se cyng sy+d+dan sende here to Dunholme. & let besittan +tone
castel. & se biscop gri+dode and ageaf +tone 
castel. & forlet his biscoprice. & ferde to Normandige.
<R 1087.86>
Eac manige Frencisce men forleton heora land. & ferdon ofer
s+a. & se cyng geaf heora land +tam mannum 
+te him holde w+aron.


<S SAMPLE 3>
<P 239>
<R 1105.1>
On +tisum geare to Natiuite+d heold se cyng Heanrig his hired
+at Windlesoran.
<R 1105.2>
& +t+ar+after to +tam lengtene he for ofer s+a into Normandig
uppon his bro+der Rotbert eorl.
<R 1105.3>
& onmang +tam +te he +t+ar wunode he gewann of his bro+der
Ca+tum & Baius. & m+ast ealle +ta castelas & +ta 
heafodmen +t+ar on lande him wurdon under+teodde. & se
sy+d+dan to herfest eft ongean hider to lande com.
<R 1105.7>
& +t+at he on Normandig gewunnen h+afde. sy+d+dan on sibbe &
him gebygle wunode. butan +ta +te +tam eorle Willelme 
of Mortoin ahw+ar neah wunedon. +ta he 
<P 240>
gelomlice gesw+ancte swa he swi+dost mihte. for his landlyre 
her on lande.
<R 1105.11>
And +ta toforan Cristes m+assan com Rotbert de B+alesme hider
to lande to +tam cynge.
<R 1105.13>
+dis w+as swi+de gedyrfsum gear her on lande +turh w+astma
forwordenessa. & +turh +ta m+anigfealde gyld +te 
n+afre ne geswican +ar se cyng oferfore. & +ta hwile +te he
+t+ar w+as. & eft sy+d+dan he ongean com.
<R 1106.1>
Her on +tison geare w+as se cyng Henrig to Natiuite+d on
Westmynstre. & +t+ar his hired heold.
<R 1106.2>
& uppon +t+are tide Rotbert de B+alesme mid unsehte fram +tam
cynge ut of +tison lande into Normandige for.
<R 1106.5>
+da her +after onforan l+angtene w+as se cyng +at
Nor+dhamtune. & se eorl Rotbert his bro+der of Normandig
+tyder to him com.
<R 1106.7>
& for+tam se cyng him nolde agifan +t+at +te he on Normandige
uppon him genumen h+afde. hi mid unsehte tohwurfon. 
& se eorl ferde ofer se sona eft ongean.
<R 1106.10>
On +t+are forman l+angten wucan on +tone Friged+ag (\i xiiii
kalend+a Marcii\) on +afen +atywde an ungewunelic 
steorra. & lange stunde +t+ar+after w+as +alce +afen gesewen
hwile scinende.
<R 1106.12>
Se steorra +atywde innon +t+at su+dwest. he w+as litel
ge+tuht. and deorc. ac se leoma +te him fram stod w+as 
swi+de beorht. & swilce orm+ate beam ge+tuht nor+deast
scinende.
<R 1106.15>
& sumne +afen w+as ges+awen swilce se beam ongeanweardes wi+d
+tes steorran ward fyrcliende w+are.
<R 1106.17>
Gehwylce s+adon +t+at hig ma on +tison timon uncu+dra steorra
gesawon. ac we hit openlicor ne awriton. for+tam 
+te we hit sylfe ne sawon.
<R 1106.19>
On +ta niht +te on morgen w+as (\Cena Domini\) . +t+at is se
+tunresd+ag toforan Eastran. w+aron gesewen twegen 
monan on +t+are heofonan toforan +tam d+age o+der beeastan.
& se o+der be westan begen fulle. & +t+as ylcan 
d+ages w+as se mona xiiii.
<R 1106.23>
To Eastran w+as se cyng +at Ba+dan. & to Pentecosten +at
Searbyrig. for+tam +te he nolde on his fundunge 
ofer s+a hired healdan.
<R 1106.25>
+d+ar +after toforan August ferde se cyng ofer s+a into
Normandig. & ealle m+ast +te +t+ar on lande w+aron him 
on his willan to gebugon. wi+duton Rotbert de B+alesme. &
+tam eorle of Moretoin. & feawa o+dre of +tam 
heafodmannan +te mid +tam eorle of Normandige +te gyt
heoldan.
<R 1106.29>
& for+tan se cyng sy+d+dan mid fyrde for. & bes+at +t+as
eorles +anne castel of Moretoin Tenercebrai 
<P 241>
hatte.
<R 1106.31>
Onmang +tam +te se cyng +tone castel bes+at. com se eorl
Rotbert of Normandig on sancte Michaeles m+asse+afen 
uppon +tone cyng mid his fyrde. & mid him Rotbert de
B+alesme. & Willelm eorl of Moretoin. & ealle 
+ta +te mid heom woldan.
<R 1106.34>
Ac seo streong+de & se sige wear+d +t+as cynges.
<R 1106.35>
+d+ar wear+d se eorl of Normandig gefangen. & se eorl of
Moretoin. & Rotbert de Stutteuile. & to Englalande 
sy+d+dan gesende. & on h+aftne+de gebrohte.
<R 1106.38>
Rotbert de B+alesme +t+ar wear+d aflymed. & Willelm Crispin
gel+aht. & manige for+d mid.
<R 1106.39>
Eadgar +a+teling +te litle +ar fram +tam cynge to +tam eorle
w+as gefaren +t+ar w+as eac gefangen. +tone let se 
cyng sy+d+dan sacleas faran.
<R 1106.41>
Sy+d+dan geeode se cyng eall +t+at on Normandige w+as. & hit
on his willan & geweald gesette.
<R 1106.43>
+dises geares eac w+aron swi+de hefige & sinlice gewinn betwux
+tam Casere of Sexlande & his sunu. & onmang 
+tam gewinnan se f+ader for+dferde. & se sunu feng to
+tam rice.
<R 1107.1>
On +tisum geare to Cristes m+assan w+as se cyng Henri on
Normandig. & +t+at land on his geweald dihte. &
sette.
<R 1108.1107>
& +t+ar+after to l+angtene hider to lande com. & to Eastran
his hired on Windlesoran heold. & to Pentecosten 
on Westminstre.
<R 1107.4>
& sy+d+dan eft to Augustes anginne on Westmynstre w+as. &
+t+ar +ta biscopricen & abbodricen geaf. & sette. 
+te on Englelande o+d+de on Normandige buton ealdre & hyrde
[{w+aron{] .
<R 1107.7>
+dera w+aron swa fela swa nan man n+as +te gemvnde +t+at +afre
+ar swa fela tog+adere gyfene w+aron.
<R 1107.10>
& +at +tes ylcan sy+de. onmang +ta o+d+dre +te abbodrices
underfengon. Ernulf +te +ar w+as prior on Cantwarbyrig 
feng to +tam abbodrice on Burh.
<R 1107.12>
+dis w+as rihtlice ymbe vii gear +t+as +te se cyng Henri
cynedomes onfeng. & w+as +t+at an and fowertige+de 
gear +t+as +te Francan +tyses landes weoldan.
<R 1107.14>
Manege s+adon +tet hi on +tam monan +tyses geares mistlice
tacna gesawon. & ongean cynde his leoman wexende & waniende.
<R 1107.17>
+dises geares for+dferdon. Mauricius biscop on Lunden. &
Rotbert abbod on sancte Eadmundes byrig. & Ricard 
abbod on Elig.
<R 1107.19>
+dises geares eac for+dferde se cyng Eadgar on Scotlande
(\IDus Ianuarii\) . & feng Alexander his bro+der
to +tam rice swa se cyng Henri him geu+de.
<P 242>
<R 1108.1>
Her on +tisum geare wes se cyng Henri to Natiuite+d on
Westmynstre. & to Eastron on Winceastre. & to
Pentecosten eft on Westmynstre. & +t+ar+after toforan Augusti
he ferde into Normandig.
<R 1108.5>
& se cyng of France Philippus for+dferde (\Non+a Augusti\) . &
feng his sunu Lo+dewis to +tam rice.
<R 1108.6>
& wurdon sy+d+don manege gewinn betwux +tam cynge of France &
+tam of Englelande. +ta hwile +te he on Normandig wunode.
<R 1108.9>
On +tisum geare eac for+dferde se arcebiscop Girard of
Eoferwic toforan Pentecosten. & wear+d sy+d+dan Thomas 
+t+arto gesett.
<R 1109.1>
Her on +tison geare w+as se cyng Henri to Cristes m+assan &
to Eastron on Normandig. & toforan Pentecosten 
hider to lande com. & his hired on Westmynstre heold.
<R 1109.4>
+d+ar wurdon +ta forewearda fullworhte. & +ta a+das gesworene
his dohter +tam Casere to gifene.
<R 1109.6>
+dises geares gewurdon swi+de fela +tunra. & +ta swi+de
+ageslice.
<R 1109.7>
And se arcebiscop Ansealm of Cantwarabyrig for+dferde on +tam
d+age (\xi kalend+a Aprilis\) . & w+as se forma 
Easterd+ag on (\Letania maior\) .
<R 1110.1>
On +tisum geare heold se cyng Henri his hired to
Cristesm+assan +at Westmynstre. & to Eastron he w+as +at 
M+arlebeorge. & to Pentecosten forman si+te his hired on
+tam niwan Windlesoran heold.
<R 1110.5>
+dises geares sende se cyng toforan l+angtene his dohter mid
m+anigfealdan madman ofer s+a. & hi +tam Casere forgeaf.
<R 1110.6>
On +t+are fiftan nihte on Maies mon+de. +atywde se mona on
+afen beorhte scinende. & sy+d+dan litlan & litlan 
his leoht wanode. swa +t+at he sona nihtes to +tam swi+de
mid ealle acwanc. +t+at na+ter ne leoht ne tr+andel 
ne nan +ting mid ealle of him w+as ges+awen.
<R 1110.10>
& swa +turhwunode fullneah o+d d+ag. & sy+d+tan full & beorhte
scinende +atywde. he w+as +t+as ylcan d+ages feowertyne 
nihta eald.
<R 1110.13>
ealle +ta niht w+as seo lyft swi+de clene. & +ta steorran ofer
eall +ta heofon swi+de beorhte scinende. &
treoww+astmas wurdon +t+are nihte +turh forste swi+de
fornumene.
<R 1110.15>
+d+ar +after on Iunies mon+de +atywde an steorra
nor+daneastan. & his leoma stod toforan him on +tet su+dwest. 
& +tus manega niht w+as ges+awen.
<R 1110.17>
& fur+dor nihtes sy+d+dan he ufor astah. he w+as gesewen
onb+ac on +t+at nor+dwest gangende.
<P 243>
<R 1110.20>
+dises geares wurdon bel+ande Philippus de Brause. & Willelm
Mallet. & Willelm Bainart.
<R 1110.22>
Eac +tises geares for+dferde Elias eorl. +te +ta Mannie of
+tam cynge Heanri geheold. & on cweow.
<R 1110.23>
& +after his forsi+de feng to se eorl of Angeow. & hi togeanes
+tam cynge heold.
<R 1110.25>
+dis w+as swi+de gedeorfsum gear her on lande +turh gyld +te
se cyng nam for his dohter gyfte. & +turh ungew+adera. 
for hwan eor+dwestmas wurdon swi+de amyrde. &
treowwestmas ofer eall +tis land forneah eall
forwurdon.
<R 1110.29>
+dises geares me began +arost to weorcenne on +tam niwan
mynstre on Ceortes+age.
<R 1111.1>
On +tison geare ne b+ar se kyng Henri his coronan to Cristes
m+assan. ne to Eastron. ne to Pentecosten.
<R 1111.2>
& innan August he ferde ofer s+a into Normandig. for unsehte
+te wi+d him h+afdon sume be +tam gem+aran of 
France. & swi+dost for +tam eorle of Angeow +te +ta Mannie
togeanes him heold.
<R 1111.5>
and sy+d+dan he +tyder ofer com. manega unrada & b+arnetta &
hergunga hi heom betweonan gedydan.
<R 1111.8>
On +tison geare for+dferde se eorl Rotbert of Flandran. & feng
his sunu Baldewine +t+arto.
<R 1111.10>
+dises geares w+as swi+de lang winter. & hefig tyme. & strang.
& +turh +t+at eor+dw+astmas wurdon swi+de amyrde. 
& gewear+d se m+asta orfcwealm +te +anig mann mihte
gemunan.
<R 1112.1>
Eall +tis gear wunode se cyng Henri on Normandig for +t+are
unsehte +te he h+afde wi+d France. & wi+d +tone
eorl of Angeow +te +ta Mannie togeanes him heold.
<R 1112.3>
& onmang +tam +te he +t+ar w+as. he bel+ande +tone eorl of
Eureus. & Willelm Crispin. & ut of Normandi adraf.
<R 1112.5>
& Philippe de Braus his land ageaf. +te +ar w+as bel+and. &
Rotbert de B+alesme he let niman & on prisune don.
<R 1112.8>
+dis w+as swi+de god gear & swi+de wistfull on wudan & on
feldan. ac hit w+as swi+de hefig tyme & sorhfull 
+turh orm+atne mancwealm.
<R 1113.1>
Her on +tison gear w+as se cyng Henri to Natiuite+d & to
Eastron. & to Pentecosten on Normandig.
<R 1113.2>
& +t+ar+after to 
<P 244>
sumeran he s+ande hider to lande Rotbert de
B+alesme into +tam castele to W+arham. & himsylf 
sona +t+ar+after hider to lande com.
<R 1114.1>
On +tison geare heold se cyng Henri his hyred to Natiuite+d on
Windlesoran. & +t+ar geares sy+d+dan he ne
heold hired nan oftar.
<R 114.4>
And tomiddan sumeran he ferde mid fyrde into Wealon. & +ta
Wyliscean coman & wi+d +tone cyng gri+dedon.
<R 1114.5>
& he let +t+ar inne castelas weorcean. & +t+ar+after innan
Septembris he for ofer s+a into Normandig.
<R 1114.8>
+dises geares on +afteward Mai w+as gesewen an selcu+d steorra
mid langan leoman manege niht scinende.
<R 1114.9>
Eac on +tis ylcan geare w+as swa mycel ebba +aghw+ar anes
d+ages swa nan man +aror ne gemunde. & swa +t+at 
man ferde ridende & gangende ofer T+amese be eastan +t+are
brigge on Lunden.
<R 1114.12>
+tises geares w+aron swi+de mycele windas on Octobris mon+de.
ac he w+as orm+ate mycel on +ta niht Octabris 
sancti Martini. & +t+at gehw+ar on wudan & on tunan gecydde.
<R 1114.16>
Eac on +tisum geare se cyng geaf +tet arcebiscoprice on
Cantwarabyrig Raulfe. se w+as +aror biscop on Hrofeceastre.
<R 1114.17>
And se 
<P 245>
arcebiscop on Eoferwic Thomas for+dferde. & feng
Turstein +t+arto. se w+as +aror +t+as cynges capelein.
<R 1114.20>
On +t+as ylcan tyme feorde se cyng toweard +tone s+a & ofer
wolde. ac w+ader him l+atte.
<R 1114.21>
+ta hwile +ta sende he his writ +after +tone abbod Ernulf of
Burh. & bebead him +t+at he efeostlice scolde 
to him cuman. for+ti +t+at he wolde sprecon mid him d+arne
sprece.
<R 1114.24>
+da he to him com. +ta neodde he him to +tam biscoprice of
Hrofeceastre. & +ta arcebiscopes & biscopes 
& +t+at duge+d +t+at w+as on Englalande for+d mid se cyng.
<R 1114.26>
& he lange wi+dstod. ac hit ne forheol naht.
<R 1114.27>
& se cyng +ta bebead +tone arcebiscop +t+at he sceolde him
l+aden to Cantwarabyrig & bl+atson him to biscop 
wolde he nolde he.
<R 1114.29>
+tis w+as don on +t+are tuna +ta man cleopa+d Burne. +t+at
w+as +tes d+ages (\xvii kalend+a Octobris\) .
<R 1114.30>
+da +te munecas of Burch hit herdon s+agen. +ta w+aron hi swa
sari swa hi n+afre +ar ne w+aron. for+ti +t+at he 
w+as swi+de god & softe man. & dyde mycel to gode wi+dinnan
<P 246>
& wi+dutan. +ta hwile +te he +t+ar wunode.
<R 1114.33>
God +almihtig wunie +afre mid him.
<R 1114.35>
+da sona +t+ar+after +ta geaf se cyng +tone abbodrice an munec
of S+ais Iohan w+as gehaten. +turh +t+as arcebiscop 
gearnunge of Cantwarbyrig.
<R 1114.37>
& sona +t+ar+after sende se cyng him & se arcebiscop of
Cantwarbyrig to Rome +after +tes +arcebiscoppallium. 
& an munec mid him Warner is gehaten. & +tone +arcedi+acne
Iohan +tes arcebiscopes neafe. & hi +t+ar well sp+addon.
<R 1114.40>
+dis w+as don +tes d+ages (\xi kalend+a Octobris\) , on +tone
tuna +te man cleopa+d Rugenore.
<R 1114.41>
& +tes ylces d+ages eode se cyng on scipa on Portesmu+de.
<R 1115.1>
Her w+as se cyng Henri to Natiuite+d on Normandig. & onmang
+tam +te he +t+ar w+as. he dyde +t+at ealle +ta heafodm+an 
on Normandig dydon manr+aden & holda+das his sunu
Willelme +te he be his cwene h+afde.
<R 1115.4>
& +after +tan sy+d+dan innon Iulies mon+de hider into lande
com.
<R 1115.6>
+dises geares w+as swa strang winter mid snawe & mid forste.
swa nan man +te +ta lifode +ar +tan nan strengre 
ne gemunde. & wear+d +turh +t+at ungem+ate orfcwealm.
<R 1115.9>
On +tison geare s+ande se papa Paschalis Raulfe +arcebiscop on
Cantwarabyrig pallium hider to lande. &
he his onfeng mid mycelan wur+dscipe +at his arcestole on
Cantwarabyrig.
<R 1115.11>
Hine brohte Ansealm abbod of Rome se w+as nefa Ansealmes
+arcebiscop. & se abbod Iohan of Burh.
<R 1116.1>
On +tison geare w+as se cyng Henri to Natiuite+d +at sancte
Albane. & +t+ar let +t+at mynster halgian. & to
Eastron on Wudiham.
<R 1116.3>
& Wes eac +tyses geares swi+de hefigtyme winter & strang &
lang. wi+d orf & wi+d ealle +ting.
<R 1116.4>
And se cyng +after Eastron sona ferde ofer s+a into Normandig.
& wurdon manega unrada & r+afunga. & castelas 
genumene betwux France & Normandig.
<R 1116.7>
M+ast +tis unsehte w+as for+tan +te se cyng Henri fylste his
nefan +tam eorle T+adbalde de Blais. +te +ta wyrre 
h+afde togeanes his hlaforde +tam cynge of France
Lo+dewis.
<R 1116.10>
+dis w+as swi+de geswincfull gear & byrstfull on
eor+dw+astman. +turh +ta orm+ate reinas +te coman sona onforan
August. & swi+de gedrehton & geswencton +te gyt +te com
Candelm+assan.
<R 1116.12>
Eac 
<P 247>
+tis gear w+as swa g+asne on m+astene. swa +t+at on eallon
+tison lande. ne eac on Wealon ne gehyrde me of nanan segcean.
<R 1116.14>
+dis land & +tas leodon wurdon eac +tyses geares oftr+adlice
sare geswencte. +turh +ta gyld +te se cyng nam. 
+ag+der ge binnan burgan & butan.
<R 1116.18>
On +tisum ylcan geare b+arnde eall +t+at mynstre of Burh. &
eall+a +ta husas butan se Captelhus & se Sl+apperne. 
& +t+ar to eac b+arnde eall +ta m+aste d+al of +ta
tuna.
<R 1116.20>
Eall +tis belamp on an Frigd+ag. +t+at w+as (\ii Non+a
Augusti\) .
<R 1117.1>
Eall +tis gear wunode se cyng Henri on Normandig. for +tes
cynges unsehte of France & his o+dra nehhebura.
<R 1117.2>
& +ta to +dan sumeran com se cyng of France & se eorl of
Flandra mid him mid fyrde into Normandig. & 
ane niht +t+arinne wunedon. & on morgen butan gefeohte ongean
ferden.
<R 1117.5>
& Normandig wear+d swi+de gedreht. +ag+der ge +turh gyld. ge
+turh fyrde +te se cing Henri +t+ar ongean gaderode.
<R 1117.7>
Eac +teos +teode +turh +tis ylce +turh manigfealde gyld.
wear+d strange geswenct.
<R 1117.8>
+dises geares eac on +t+are nihte (\kalend+a Decembris\)
wurdon orm+atlica w+adera mid +tunre. & lihtinge. &
reine. & hagole.
<R 1117.10>
And on +t+are nihte (\iii idus Decembris\) wear+d se mona
lange nihtes swylce he eall blodig w+are. & sy+d+dan 
a+distrode.
<R 1117.12>
Eac on +t+are nihte (\xvii kalend+a Ianuarii\) w+as seo heofon
swy+de read gesewen. swylce hit bryne w+are.
<R 1117.14>
And on (\Octabus sancti Johannis Evangel+a\) w+as seo mycele
eor+dbyfung on Lumbardige. for hwan manega 
mynstras & turas. & huses gefeollon. & mycelne hearm on mannan
gedydon.
<R 1117.16>
+dis w+as swy+de byrstful gear on corne. +turh +ta renas +te
forneh ealles geares ne geswicon.
<R 1117.19>
And se abbod Gilebert of Westmynstre for+dferde (\viii idus
Decembris\) . And Farits abbod of Abbandune
(\vii kalend+a Martii\) .
<R 1117.20>
And on +tisum ylcan [{geare{] .
<R 1118.1>
Her eall +tis gear wunode se cyng Henri on Normandig. for +tes
cynges wyrre of France. & +t+as eorles of 
Angeow. & +t+as eorles of Flandran.
<R 1118.3>
& se eorl of Flandra war+d innan Normandig gewundod. & swa
gewundod into Flandran for.
<R 1118.4>
+durh +tisra unsehte wear+d se cyng swy+de gedreht. & mycel
forleas. 
<P 248>
+ag+der ge on feoh & eac on lande.
<R 1118.6>
& m+ast hine dryfdon his agene m+an +te him gelome fram bugon.
& swicon. & to his feondan cyrdon. & heom to +t+as cynges
hearme & swicdome heora castelas ageafon.
<R 1118.9>
Eall +tis strange gebohte Englaland. +turh +ta m+anig
fealdlice gyld +te ealles +tises geares ne geswicon.
<R 1118.11>
On +tison geare on +t+are wucon Theophanie w+as anes +afenes
swy+de mycel lihtinge. & ungemetlice sl+age +t+ar+after.
<R 1118.13>
And seo cwen Mahald for+dferde on Westmynstre +t+as d+ages
(\kalend+a Mai\) . & +t+ar w+as bebyrged.
<R 1118.14>
And se eorl Rotbert of Mellent +tises geares eac for+dferde.
<R 1118.16>
Eac on +tison geare to sancte Thomas m+asse. w+as swa swi+de
ungemetlice mycel wind. +t+at nan man +te +ta 
lifode n+anne maran ne gemunde. & +t+at w+as +aghwer geseone.
+ag+der ge on husan. & eac on treowan.
<R 1118.20>
+dises geares eac for+dferde se papa Paschalis. & feng Iohan
of Gaitan to +tam papdome. +tam w+as o+der nama Gelasius.
<R 1119.1>
+dis gear eall wunode se cyng Henri on Normandig. & w+as +turh
+t+as cynges wyrre of France. & eac his agenra 
manna +te him mid swicdome fram w+aron mid abugon. oftr+adlice
[^PLUMMER: oft r+adlice^] swy+te gedreht. o+d+det +ta twegen
cyngas innan Normandige. mid heoran folcan coman tog+adere.
<R 1119.5>
+t+ar wear+d seo cyng of France aflymed. & ealle his betste
m+an genumene.
<R 1119.6>
& sy+d+dan +t+as cynges m+an Heanriges manega him to gebugen.
& wi+d hine acordedan +te +aror mid heora castelan 
him togeanes w+aron. & sume +ta castelas he mid
streng+de genam.
<R 1119.10>
+dises geares ferde Willelm +t+as cynges sunu Heanriges &
+t+are cwene Mahalde into Normandige to his f+ader. 
& +t+ar wear+d him forgifen & to wife beweddod +t+as
eorles dohter of Angeow.
<R 1119.14>
On sancte Michaeles m+asse+afen w+as mycel eor+dbifung on
suman steodan her on lande. +teah swy+dost on 
Gloweceastrescire. & on Wigreceastrescire.
<R 1119.17>
On +tis ylcan geare for+dferde se papa Gelasius on +tas halfe
+t+are muntan. & w+as on Clunig bebyrged.
<R 1119.18>
& +after him se arcebiscop of Uiana wear+d to papan gecoren.
+tam wear+d nama Calixtus.
<R 1119.20>
se sy+d+dan to sancte Lucas m+assan euangelista com into
France to R+ains. & +t+ar heold concilium. & se arcebiscop 
Turstein 
<P 249>
of Eoferwic +tyder ferde.
<R 1119.22>
& for+ti +te he togeanes rihte & togeanes +tam arcestole on
Cantwarabyrig. & togeanes +t+as cynges willan 
his had +at +tam papan underfeng. him wi+d cw+a+d se cyng
+alces geanfares to Englalande.
<R 1119.25>
& he +tus his arcebiscoprices +t+arnode. & mid +tam papan
towardes Rome for.
<R 1119.27>
Eac on +tison geare for+dferde se eorl Baldewine of Flandran
of +tam wundan +te he innan Normandige gefeng.
<R 1119.28>
& +after him feng Carl his fa+dasunu to +tam rice. se w+as
Cnutes sunu +t+as haligan cynges of Denmarcan.
<R 1120.1>
+dises geares wurdon sehte seo cyng of Englelande & se of
France.
<R 1120.2>
& +after heora sehte acordedan ealles +t+as cynges Heanriges
agene m+an wi+d hine innan Normandige. & se
eorl of Flandran. & se of Puntiw.
<R 1120.4>
Sy+d+dan her+after s+atte se cyng Henrig his castelas & his
land on Normandi +after his willan. & swa toforan 
Aduent hider to lande for.
<R 1120.7>
& on +tam fare wurdon [{adruncene{] +t+as cynges twegen sunan
Willelm & Ricard. & Ricard eorl of Ceastre.
& Ottuel his bro+dor. & swy+de manega of +t+as cynges hired,
stiwardas, & bur+tenas, & byrlas, & of mystlicean 
wican. & ungerim swy+de +anlices folces for+d mid.
<R 1120.11>
+dysra dea+d w+as heora freondan twyfealdlic sar. an +tet hi
swa fearlice +tises lifes losedan. o+der +t+at
feawa heora lichaman ahw+ar sy+d+dan fundena w+aron.
<R 1120.14>
+dises geares com +tet leoht to (\Sepulchrum Domini\) innan
Ierusalem twiges. +anes to Eastron. and o+dre
si+de to (\Assumptio sancte Marie\) . swa swa geleaffulle
s+adon +te +tanon coman.
<R 1120.17>
An se arcebiscop Turstein of Eoferwic wear+d +turh +tone papan
wi+d +tone cyng acordad. & hider to lande
com. & his biscoprices onfeng. +teah hit +tam arcebiscop of
Cantwarabyrig swy+de ungewille w+are.
<R 1121.1>
Her w+as se cyng Henri to Cristes m+assan on Bramtune. &
+t+ar+after toforan Candelm+assan on Windlesoran
him to wife forgyfen A+delis & sy+d+dan to cwene gehalgod.
seo w+as +t+as heretogan dohtor of Luuaine.
<R 1121.5>
And se mona a+tystrode on +t+are nihte (\Non+a Aprilis\) . &
w+as (\x iiii luna\) .
<P 250>
<R 1121.7>
And se cyng w+as to Eastran on Beorclea. and +t+ar+after to
Pentecosten he heold mycelne hired on Westmynstre.
<R 1121.8>
and sy+d+dan +t+as sumeres mid ferde into Wealan for. & +ta
Wyliscean him ongean coman. & +after +tes cynges 
willan hi wi+d hine acordedan.
<R 1121.12>
+dises geares com se eorl of Angeow fram Ierusalem into his
lande. & sy+d+dan hider to lande sende. & 
his dohter let feccean seo w+as Willelme +tes cynges sune
+aror to wife forgyfan.
<R 1121.15>
And on +t+are nihte (\uigilia Natalis Domini\) w+as swy+de
mycel wind ofer eall +tis land. & +tet wear+d on 
manegan +tingan swy+de gesene.



