<B COCURA>
<Q O2 IR RELT CP>
<N CURA PASTORALIS>
<A ALFRED>
<C O2>
<O 850-950>
<M 850-950>
<K CONTEMP>
<D WS>
<V PROSE>
<T REL TREAT>
<G TRANSL>
<F LATIN>
<W X>
<X X>
<Y X>
<H X>
<U X>
<E X>
<J X>
<I X>
<Z INSTR REL>
<S SAMPLE X>


[^TEXT:  ALFRED'S CURA PASTORALIS.
KING ALFRED'S WEST-SAXON VERSION
OF GREGORY'S PASTORAL CARE, PARTS I-II.
EARLY ENGLISH TEXT SOCIETY, O.S. 45, 50.
ED. H. SWEET.
LONDON, 1958 (1871).
PP. 23.9  - 53.2  (SAMPLE 1)
PP. 237.6 - 271.5 (SAMPLE 2)
PP. 387.5 - 427.7 (SAMPLE 3)^]

<S SAMPLE 1>
[^B9.1.3A^]
<P 23>
<R 23.9>
+tu leofusta bro+dur, sui+de freondlice & sui+de fremsumlice
+du me t+aldes+d, & mid ea+dmode inge+donce 
+du me ciddes+d, for+don ic min ma+d, & wolde fleon +da
byr+denne +d+are hirdelecan giemenne.
<R 23.11>
+dara byr+denna hefignesse, eall +d+at ic his geman, ic awrite
on +disse andweardan bec, +dyl+as hi hw+am
leohte +dyncen to underfonne;
<R 23.13>
& ic eac l+are +d+at hira nan +dara ne wilnie +de hine
unw+arlice bega;
<R 23.14>
& se +de hi unw+arlice & unryhtlice gewilnige, ondr+ade he
+d+at he hi +afre underfenge.
<R 23.16>
Nu ic wilnige +d+atte +deos spr+ac stigge on +d+at inge+donc
+d+as leorneres, su+a su+a on sume hl+adre, 
st+apm+alum near & near, o+d+d+at hio f+astlice gestonde on 
+d+am solore +d+as modes +de hi leornige;
<R 23.18>
& for+dy ic hi tod+ale on feower: an is +dara d+ala hu he on
+done folgo+d becume;
<R 23.20>
o+der hu he +d+aron libbe; +dridda is hu he +d+aron l+are;
<R 23.21>
feor+de is hu he his agene un+deawas ongietan wille & hira
ge+d+af bion, +tyl+as he for +dy underfenge his
ea+dmodnesse forl+ate, o+d+de eft his lif sie ungelic his
+denunga, o+d+de he to +driste & to sti+d sie 
for +dy underfenge his lareowdomes;
<R 23.24>
ac gemetgige 
<P 25>
hit se ege his agenra un+deawa, & bef+aste he mid
his lifes bisenum +da lare +d+am +de his 
wordum ne geliefen;
<R 25.2>
& +donne he god weorc wyrce, gemyne he +d+as yfeles +de he
worhte, +dette sio unrotnes, +de he for +d+am 
yflan weorcum h+abbe, gemetgige +done gefean +de he for +d+am
godan weorcum h+afde;
<R 25.5>
+dyl+as he beforan +d+as dieglan deman eagum sie ahafen on his
mode & on ofermettum a+dunden, & 
+donne +durh +d+at selflice his godan weorc forleose.
<R 25.7>
Ac monige sindon me sui+de onlice on ungel+arednesse, +deah
+de hi n+afre leorningcnihtas n+aren, wilnia+d
+deah lareowas to beonne, & +dyncet him sui+de leoht sio
byr+den +d+as lareowdomes, for+don+de hi ne 
cunnon +d+at m+agen his micelnesse.
<R 25.11>
From +d+are dura selfre +disse bec, +d+at is from onginne
+disse spr+ace, sint adrifene & get+alde +da 
unwaran, +de him agniat +done cr+aft +d+as lareowdomes +de hi 
na ne geleornodon.
<R 1.25.14>
[}+D+ATTE UNL+ARDE NE DYRREN UNDERFON LAREOWDOM.}]
<R 1.25.15>
For+don+de nan cr+aft nis to l+aranne +d+am +de hine +ar
geornlice ne leornode, forhwon beo+d +afre su+a 
+driste +da ungel+aredan +d+at hi underfon +da heorde +d+as
lariowdomes, +donne se cr+aft +d+as lareowdomes bi+d 
cr+aft ealra cr+afta?
<R 1.25.18>
Hua nat +d+at +da wunda +d+as modes bio+d digelran +donne +da
wunda +d+as lichaman?
<R 1.25.19>
& +deah +da woroldlecan l+acas scoma+t +d+at hi onginnen +da
wunda lacnian +de hi gesion ne magon, & huru 
gif hi nou+der gecnawan ne cunnan ne +da medtrymnesse ne eac
+da wyrta +de +d+arwi+d sculon.
<R 1.25.22>
& hwilon ne scoma+d +da +de +d+as modes l+aceas beon scoldon,
+deah +de hi nane wuht ongitan ne cunnon 
<P 27>
+dara g+astlecena beboda, +d+at hie him onteo+d +d+at hie sien
heortan l+acas.
<R 1.27.2>
Ac for+don+de nu eall se weor+dscipe +disse worolde is
gecierred, Gode +donc, to weor+dscipe +d+am 
+awf+astam, +d+at +da sindon nu weor+doste +de +awf+astoste 
sindon, for+don licet sui+de monig +d+at he +awf+as+d lareow 
sie, +de he wilna+d micle woroldare habban.
<R 1.27.5>
Be +dam Cris+d selfa cleopode, & +dus cw+a+d: Hi seca+d +d+at
hi mon +arest grete & weor+dige on ceapstowum &
on gebeorscipum, & +d+at hie fyrmest hlynigen +at
+afengieflum, & +d+at ieldes+de setl on gemetengum hi 
seca+d.
<R 1.27.8>
For+don hie sua on ofermettum & mid upahafenesse becuma+d to
+d+are are +d+are hirdelecan giemenne, hi 
ne magon medomlice +denian +da +denunga, & +d+are ea+dmodnesse
lareowas bion;
<R 1.27.11>
ac sio tunge bi+d gescinded on +dam lariowdome +donne hio
o+der l+ar+d, o+der hio liornode.
<R 1.27.12>
Suelcum monnum Dryhten cidde +durh +done witgan, & him suelc
o+dwat, +da he cu+a+d: Hie ricsedon, n+as 
+deah mines +donces;
<R 1.27.14>
ealdormen hi w+aron, & ic hie ne cu+de.
<R 1.27.15>
+da +de sua ricsiea+d, hi ricsia+d of hira agnum dome, n+as
of +d+as hiehstan deman, +donne hi ne beo+d mid
nanre sylle underscotene +d+as godcundlican m+agenes, ne for
nanum cr+afte gecorene, ac mid hira 
agenre gewilnunge hie bio+d onb+arnede, +d+at hie gereafia+d 
sua heane lariowdom sui+dor +donne hi hine geearnien.
<R 1.27.20>
Hie +donne se eca & se diegla dema upahefe+d suelce he hi
nyte, & ge+dafiende he hit forbire+d for +dam
dome his ge+dylde.
<R 1.27.21>
Ac +deah hi on +dam hade fela wundra wyrcen, eft +donne hi to
him cuma+d, he cui+d: Gewita+d from me ge unryhtwyrhtan;
<R 1.27.23>
nat ic hw+at ge sint.
<R 1.27.24>
Eft he hie +dreade +durh +done witgan for hira
ungel+arednesse, +da he cu+a+d: +da hierdas n+afdon andgit:
hie h+afdon mine +a, & hi me 
<P 29>
ne gecniowon.
<R 1.29.1>
Se +de Godes bebodu ne gecn+aw+d, ne bi+d he oncnawen from
Gode.
<R 1.29.2>
+d+at ilce cu+a+d sanctus Paulus: Se +de God ne ongit, ne
ongit God hine.
<R 1.29.3>
Unwise lareowas cuma+d for +d+as folces synnum.
<R 1.29.4>
For+don oft for +d+as lareowes unwisdome misfara+d +da
hieremenn, & oft for +d+as lareowes wisdome 
unwisum hieremonnum bi+d geborgen.
<R 1.29.6>
Gif +donne +ag+der bi+d unwis, +donne is to ge+dencanne hw+at
Cris+d self cu+a+d on his godspelle, he cw+a+d: 
Gif se blinda +done blindan l+at, hi fealla+d begen on +anne
pytt.
<R 1.29.8>
Be +d+am ilcan se sealmscop cu+a+d: Sien hira eagan a+distrode
+d+at hi ne geseon, & hiora hrygc simle gebieged.
<R 1.29.10>
Ne cu+a+d he +d+at for+dy+de he +anegum men +d+as wyscte
o+d+de wilnode, ac he witgode sua sua hit geweor+dan sceolde.
<R 1.29.12>
So+dlice +da eagan +d+at beo+d +da lareowas, & se hrygc +d+at
sint +da hieremenn;
<R 1.29.13>
for+dan +da eagan bio+d on +dam lichoman foreweardum &
ufeweardum, & se hrycg f+ar+d +after +alcre wuhte;
<R 1.29.14>
sua ga+d +da lareowas beforan +d+am folce, & +d+at folc +after.
<R 1.29.15>
+donne +dam lareowum a+distria+d +d+as modes eagan, +de
beforan gan scoldon mid godum bisenum, +donne 
gebig+d +d+at folc hira hrycg to hefegum byr+denum manegum.
<R 2.29.18>
[}NE EFT +DA GEL+AREDAN +DE SWA NYLLA+D LIBBAN SWA HIE ON BOCUM
LEORNEDON, +D+AT HI SCOLDON NE UNDERFON +DA
ARE +D+AS LAREOWDOMES.}]
<R 2.29.21>
Monige eac wise lareowas winna+d mid hira +deawum wi+d +da
g+as+dlecan bebodu +de hi mid wordum l+ara+d, 
+donne hie on o+dre wisan libba+d on o+dre hi l+ara+d.
<R 2.29.23>
Oft +donne se hirde g+a+d on frecne wegas, sio hiord 
<P 31>
+de unw+arre bi+d, gehrist.
<R 2.31.1>
Be suelcum hirdum cw+a+d se witga: Ge fortr+adon Godes sceapa
g+ars & ge gedrefdon hiora w+ater mid 
iowrum fotum, +deah ge hit +ar undrefed druncen.
<R 2.31.3>
Sua +da lareowas hi drinca+d sui+de hluter w+ater, +donne hi
+done godcundan wisdom leornia+d, & eac 
+donne hie hiene l+ara+d;
<R 2.31.5>
ac hie hit gedrefa+d mid hira agnum un+deawum, +donne +d+at
folc bisena+d on hira un+deawum, nals on hira
lare.
<R 2.31.6>
+deah +d+at folc +dyrste +d+are lare, hie hie ne magon
drincan, ac hio bi+d gedrefed mid+dam+de +da lareowas
o+der do+d o+der hie l+ara+d.
<R 2.31.8>
Be +d+am Dryhten cw+a+d eft +durh +done witgan: Yfle preostas
bio+t folces hryre.
<R 2.31.9>
Ne dere+d nan mon sui+dor +d+are halgan gesomnunge +donne +da
+de +done noman underfo+d & +da endebyrdnesse
+d+as halgan hades & +donne on woh do+d;
<R 2.31.12>
for+don hie nan monn ne dearr +dreagean +deah hie agylten, ac
mid +dam beo+d synna sui+de gebr+adda +de hie
beo+d sua geweor+dade.
<R 2.31.14>
Ac hie woldon selfe fleon +da byr+denne sua micelre scylde,
+da +de his unwier+de w+aron, gif hie mid 
hiora heortan earum woldon gehieran & geornlice ge+dencan +done
Cristes cuide, +da he cu+a+d: Se +de 
+anigne +dissa ierminga besuic+d, him w+are betere +d+at him 
w+are sumu esulcweorn to +d+am suiran getiged, & sua
aworpen to s+as grunde.
<R 2.31.18>
+durh +da cweorne is getacnod se ymbhwyrft +disse worolde &
eac monna lifes & hira gesuinces, & +durh
+done s+agrund hira ende & se si+demes+da demm.
<R 2.31.21>
+donne bi+d sio cweorn becierred +donne se monn bi+d geendod;
+donne bi+d sio micle cweorn becierred +donne +deos weorld
bi+d geendod.
<R 2.31.22>
Se +donne to halgum hade becym+d, & +donne mid yflum bisnum
o+d+de worda o+d+de weorca o+dre on won 
gebring+d, betre him w+are +d+at he on l+assan hade & on 
eor+dlicum weorcum his lif geendode;
<R 2.31.25>
for+d+am gif he 
<P 33>
on +d+am wel de+d, he h+af+d +d+as god lean,
gif he yfle de+d, l+asse wite he +drowa+d on helle,
gif he ana +dider cym+d, +donne he do, gif he o+derne mid him
+dider bring+d.
<R 3.33.4>
[}BE +D+ARE BYR+DENNE +D+AS RECCENDDOMES, & HU HE SCYLE EALL
EARFO+DU FORSION, & HU FORHT HE SCEAL BEON 
FOR +ALCRE ORSORGNESSE.}]
<R 3.33.6>
For+don we +diss feawum wordum s+adon, +dy we woldon gecy+dan
hu micel sio byr+den bi+d +d+as lareowdomes, 
+dyl+as +anig hine underfon durre +dara +de his unwier+de sie,
+dyl+as hie +durh +da wilnunga +d+are woroldare
underfo +done latteowdom +d+as forlores.
<R 3.33.9>
Sui+de medomlice Iacobus se apostol his stirde, +da he cu+a+d:
Bro+dor ne beo eower to fela lareowa.
<R 3.33.11>
For+d+am se wealhstod self Godes & monna, +d+at is Crist,
fleah eor+drice to underfonne.
<R 3.33.12>
Se se +de ealne +done wisdom +dara uferrenna g+asta
oferstig+d & +ar worolde ricsode on hefenum, hit is
awriten on +d+am godspelle, Iudeas comon & woldon hine don
niedenga to cyninge.
<R 3.33.15>
+da se H+alend +d+at ongeat, +da becierde he hie & gehydde
hiene.
Hwa meahte ie+d monnum r+adan butan scylde, +donne se +de hi
gescop?
<R 3.33.16>
Ne fleah he +dy rice +dy his +anig monn bet wyr+de w+are, ac
he wolde us +da bisene astellan, +d+at we 
his to sui+de ne gitseden;
<R 3.33.18>
& eac wolde for us +drowian.
<R 3.33.19>
He nolde beon cyning, & his agnum willan he com to rode
gealgan.
<R 3.33.20>
+da weor+dmynde cynehades he fleah, & +d+at wite +d+as
frace+dlecestan dea+des he geceas, for+dam +d+atte we,
+de his liomu sindon, leornedon +at him +d+at we flugen +da
oliccunga +disses middangeardes;
<R 3.33.23>
& eac +d+at +d+at we his ege & his brogan us ne ondreden, &
<P 35>
for so+df+as+dnesse +d+at we lufigen gesuinc,
& orsorgnesse we us ondr+aden, & hi for+dy forbugen.
<R 3.35.2>
For+dam for +d+are orsorgnesse monn oft a+dint on ofermettum,
& +da earfe+du +durh sar & [{+durh{] sorge hiene
gecl+ansia+d & geea+dmeda+d.
<R 3.35.4>
On +d+am gesundfulnessum +d+at mod wier+d upahafen;
<R 3.35.5>
& on +d+am earfe+dum, +deah hit +ar upahafen w+are, hit bi+d
geea+dmedd.
<R 3.35.6>
On +d+are gesundfulnesse mon forgiett his selfes;
<R 3.35.8>
on +d+am gesuincum he sceal hine selfne ge+dencean, +deah he
nylle.
On +d+are orsorgnesse oft +d+at he to gode gedyde he
forlies+d, on +d+am earfo+dum oft +d+at he longe +ar to 
yfle gedyde, he gebett.
<R 3.35.9>
Sui+de oft monn bi+d +d+are earfo+dnesse lareowdome
under+dieded, +deah he +ar nolde his lareowes +deawum &
larum bion.
<R 3.35.11>
Ac +deah hine +donne +da brocu getyn & gel+aren, sona, gif he
on rice becym+d, for +d+are weor+dunge +d+as 
folces, he bi+d on ofermettu awended, & gewuna+d to +d+am
gielpe.
<R 3.35.14>
Sua sua Saul se cyning, +ares+d he fleah +d+at rice, & tealde
hine selfne his sui+de unwier+dne.
<R 3.35.15>
Ac sona sua he +done anwald onfeng +d+as rices, he astag on
ofermetto, & hine bealg wi+d +done ilcan 
Samuel +de hine +ar on +d+am rice gebrohte, & hine to 
gehalgode, for+dam+de he him s+ade beforan +dam folce 
his un+deawas, +da he him +ar hiera +donces gestieran ne
meahte;
<R 3.35.19>
& +da he him from wolde, +da gefeng he hine, & toslat his
hr+agl, & hine geunarode.
<R 3.35.20>
Sua eac Dauit, +de folneah on eallum +dingum Gode licode, sona
sua he +da byr+denne n+afde sua monegra 
earfe+da, he w+as mid ofermettum gewundad, & +d+at sui+de
w+alhreowlice gecy+dde on Urias sl+age his agenes
holdes +degnes, for +d+are scamleaslecan gewilnunge his wifes.
<R 3.35.24>
Se ilca se monegum yfelum 
<P 37>
wi+d hine selfne forworhtum +ar
gearode, he wear+d eft sua ungemetlice 
gr+adig +d+as godan dea+tes, butan +alcre scylde & +alcre
wi+derweardnesse wi+d hine.
<R 3.37.3>
Se ilcan Dauid +de forb+ar +d+at he +done kyning ne yfelode,
+de hine on sua heardum wr+ace gebrohte, & of
his earde adr+afde, +da he his wel geweald ahte on +d+am
scr+afe, he genom his lo+dan +anne l+appan to 
tacne +d+at he his geweald ahte, & hine +deah for +dam ealdan
treowum forlet.
<R 3.37.7>
Se ilca Dauid miclum his agenes herges pleah, & monigne
forsende, +d+ar he ymb his getreowne +degn unsynnigne sierede.
<R 3.37.9>
Sio scyld hine sui+de feorr of ealra haligra rime atuge, +d+ar
him eft +da gesuinc & +da earfe+du ne gehulpen.
<R 4.37.11>
[}OND HU OFT SIO BISGUNG +D+AS RICES & +D+AS RECEDOMES TOSLIT
+D+AT MOD +D+AS RECCERES.}]
<R 4.37.13>
Sui+de oft gedrefe+d +da heortan sio manigfealde giemen +d+as
underfangenan lareowdomes, & +donne +d+at mod
bi+d on monig tod+aled, hit bi+d on anes hw+am +de
unf+astre, & eac +de unyttre.
<R 4.37.15>
Bi +dam cu+a+d Salomonn se snottra: Sunu min, ne tod+al +du on
to fela +din mod, & +din weorc endemes.
<R 4.37.17>
For+dan oft +donne mon forl+at +done ege & +da f+as+dr+adnesse
+de he mid ryhte on him innan habban scolde,
hine sp+an+d his mod to sui+de manegum unnyttum weorce.
<R 4.37.19>
He sorga+d ymb +da, & bi+d +dara sui+de gemyndig, & forgiett
his selfes, +donne he sui+dor his mod 
gebint to +dam unnyttran weorcum +donne he +dyrfe.
<R 4.37.21>
Him bi+d sua sua +dam menn +de bi+d abisgod on f+arelde mid
o+drum cierrum, o+d+d+at he nat hwider he +ar 
wolde, ne ge+dencan ne con hw+at him 
<P 39>
losa+d on +d+are g+alinge
+de he +da hwile amierre+d, & hu sui+de he on +dam gesynga+d.
<R 4.39.2>
Ne wende na Ezechias Israhela kyning +d+at he gesyngade, +da
he l+adde +da +all+deodgan +arenddracan on 
his ma+dmhus, & him geiewde his goldhord.
<R 4.39.4>
Ac he onfunde +deah Godes ierre on +dam hearme +de his bearne
+after his dagum becom.
<R 4.39.5>
& +deah he wende +d+at hit nan syn n+are.
<R 4.39.6>
Oft +donne hw+am gebyre+d +d+at he hw+at m+arlices &
wundorlices gede+d, & his +donne wundria+d +da +de him 
under+diedde bio+d, & hine heriegea+d, +donne ahef+d he hine on
his mode, & his Deman ierre fullice to him
gecig+d, +deah +de he hit on yfelum weorcum ne geopenige.
<R 4.39.10>
Sua+deah mid +dy selflice se Dema bi+d genieded to +d+am
ierre, & se Dema se +de +d+at innge+donc eall wat,
he eac +d+am innge+donce dem+d.
<R 4.39.11>
We magon monnum bemi+dan urne ge+donc & urne willan, ac we ne
magon Gode.
<R 4.39.13>
Hw+at se Babylonia cyning w+as sui+de upahafen on his mode for
his anwalde & for his gelimpe, +da he 
f+agnode +d+as miclan weorces & f+agernesse +d+arre ceastre, &
hine o+dhof innan his ge+dohte eallum o+drum 
monnum, & suigende he cw+a+d on his mode: Hu ne is +dis sio
micle Babilon +de ic self atimbrede to 
kynestole & to +drymme, me selfum to wlite & wuldre, mid mine 
agne m+agene & strengo?
<R 4.39.18>
+da suigendan stefne sui+de hra+de se diegla Dema gehirde, &
him sui+de undeogollice gondwyrde mid +dam
witum +de he hit sui+de hr+adlice wr+ac.
<R 4.39.20>
+da upahafenesse he arasode & hie get+alde, +da he hine ascead
of +dam woroldrice, & hine gehwyrfde to
ungesceadwisum neatum, & sua awende mode he hine ge+diedde to
[{feldgongendum{] deorum;
<R 4.39.23>
& sua +dy +dearlan dome he forleas his mennisce.
<R 4.39.24>
Se ilca se +de wende +d+at he w+are ofer ealle 
<P 41>
o+dere menn, him gebyrede +d+at he nyste self hw+a+der he 
monn w+as.
<R 4.41.2>
Sua+deah, +deah ic nu +dis recce, n+a t+ale ic na micel weorc
ne ryhtne anwald, ac ic t+ale +d+at hine mon
for+dy upahebbe on his mode;
<R 4.41.3>
& +da untrymnesse hiera heortan ic wolde getrymman & gestiran
+d+are wilnunge +d+am unmedemum, +d+at 
hiera nan ne durre gripan sua orsorglice on +d+at rice & on 
+done lareowdom, +dyl+as +da gongen on sua frecne
stige, +da +de ne magon uncwaciende gestondan on emnum felda.
<R 5.41.9>
[}BI +D+AM +DE MAGON ON EALDORDOME NYTTE BEON ON BISNUM & ON
CR+AFTUM, & +DONNE FOR HIRA AGENRE IE+DNESSE +D+AT FLEO+D.}]
<R 5.41.11>
Ac monige siendun mid miclum giefum monegra cr+afta & m+agene
geweor+dode, for+don+de hie hie scoldon 
monegum t+acan, & for o+derra monna +dearfe onfo+d +dyllica
giefa.
<R 5.41.13>
+d+at is +d+at hie gehealda+d hira lichoman firenlusta
cl+anne;
<R 5.41.14>
o+der is +d+at hi beo+d on f+arh+af+dnesse strenge strange;
<R 5.41.15>
+dridde is +d+at hi beo+d mid lara suetmettum gefylde;
feor+de is +d+at hi beo+d on +alengum +dingum & +alcre
longunge ge+dyldige, & on forebyrde ea+dmode;
<R 5.41.17>
fifte is +d+at hie habba+d +da arodnesse & +da bieldo +d+at
hie magon anweald habban;
<R 5.41.18>
siexte is +d+at hi beo+d fremsume;
<R 5.41.19>
siofo+de is +d+at hi beo+d re+de & str+ace for ryhtwisnesse.
+da +de +donne +dyllice beo+d, & him mon suelcne folga+d
beode+d, & hie him wi+dsaca+d, oft him gebyre+d +d+at
hie weor+da+d bereafod +dara giefa +de him God for monigra
monna +dingum geaf, n+as for hiera anra.
<R 5.41.22>
+donne hie synderlice +dencea+d hu hie selfe scylen
fullfremodeste weor+dan, & ne giema+d to hwon 
o+derra monna wise weor+de, mid +dy hi bereafia+d hie 
<P 43>
selfe +dara
goda +de hie wilnia+d synderlice habban.
<R 5.43.1>
Be suelcum monnum Crist on his godspelle cu+a+d: Ne scyle nan
mon bl+acern +alan under mittan.
<R 5.43.3>
& eft he cu+a+d to Petre +d+am apostole: Petrus lufastu me?
He cu+a+d: +du wast +d+at ic +de lufige.
<R 5.43.4>
& +da cu+a+d Dryhten: Fed +donne min sceap, gif +du me
lufige.
<R 5.43.5>
Gif +donne seo feding +dara sceapa bi+d +d+are lufan tacen,
hwi forcwi+d +donne se +de him God suelce 
cr+aftas gief+d +d+at he ne fede his heorde, buton he cue+dan
wielle +d+at he ne lufige +done Hlaford & +done 
hean Hierde eallra gesceafta?
<R 5.43.8>
Be +dam Paulus se apostol cu+a+d: Gif Crist for us eallum dead
w+as, +donne weor+da+d ealle menn deade.
<R 5.43.10>
Hw+at is +donne betere +da hwile +de we libben, +donne we ures
fl+asces lustum ne libben, ac +d+as bebodum
+de for us dead w+as & eft aras?
<R 5.43.12>
Be +dam cu+a+d Moyses: Gif hwa gefare & nan bearn ne
gestriene, gif he bro+dor l+afe, fo se to his wife.
<R 5.43.13>
Gif he +donne bearn +d+arbig gestriene, +donne cenne he +d+at
+dam gefarenan bre+der +de hie +ar ahte.
<R 5.43.15>
Gif he +donne +d+at wif wille forsacan, +donne hr+ace hio him
on +d+at nebb foran, & his m+agas hine 
anscogen o+dre fet, +d+at mon m+age si+d+dan hatan [{his{] tun
+d+as anscodan tun.
<R 5.43.17>
+dis w+as ryht dom on +d+are ealdan +a, & is nu us to
bispelle.
<R 5.43.18>
Se +ar gefarena bro+dor getacna+d Crist.
<R 5.43.19>
He hine +atiede +after +d+are +ariste, & cu+a+d: Fara+d &
cy+da+d minum bro+drum +d+at hie cumen to Galileum;
<R 5.43.20>
+d+ar hie me geseo+d.
<R 5.43.21>
He gefor suelce he butan bearnum gefore, for+don he n+afde
gefylled +dagiet +done rim his gecorenra.
<R 5.43.22>
Sua sua +d+as gefarenan bro+dor wif on +d+are ealdan +a w+as
geboden +d+am lifiendan bre+der to onfonne, sua
is cynn +d+at sio giemen +d+are halgan ciricean, +d+at is
Cristes folces 
<P 45>
gesomnung, sie +dam beboden +de 
hie wel ofer m+age, & hiere wel r+adan cunne.
<R 5.45.2>
Gif hire +donne se wi+dsace, +donne is cynn +d+at him spiwe
+d+at wif on +d+at nebb, +d+at is +d+at hine t+ale 
+d+as folces gesomnung, emne suelce hie him on +d+at nebb 
sp+aten, for+don+de he nyle giefan +d+at him God 
geaf, & helpan +d+as folces mid +dam +de he his healp.
<R 5.45.5>
Sua is cynn +d+at sio halige gesomnung t+ale +alces +dara god
+de hit him anum wile to gode habban, & 
nyle o+dera mid helpan.
<R 5.45.7>
Se bi+d eac mid ryhte o+dre fet anscod, & hine mon scyle on
bismer hatan se anscoda.
<R 5.45.8>
Be +d+am cu+a+d Crist on his gospelle: Sceawia+d iowre fet,
+d+at ge sien gearwe to ganganne on sibbe weg
+after minra boca bebodum.
<R 5.45.10>
Gief we +donne habba+d sua micle sorge & sua micle gieman
urra niehstena sua sua ure selfra, +donne
h+abbe we begen fet gescode sui+de unt+allice;
<R 5.45.12>
gif we +donne agiemeleasia+d urra niehstena +dearfa, &
+dencea+d ymbe ure synderlice, +donne bi+d us sui+de
fraco+dlice o+der fot unscod.
<R 5.45.14>
Monige menn siendon, sua sua we +ar cu+adon, +de beo+d
geweor+dode mid miclum & mid monegum Godes 
giefum, & +donne beo+d on+alede mid +d+are gierninge +dara 
smeaunga Godes wisdomes anes, & fleo+d +donne +da 
nyttwyr+dan hiersumnesse +d+are lare, & nylla+d +d+as +dencean 
hu hie m+agen nyttweor+duste bion hiera niehstum,
ac lufia+d diegla stowa, & fleo+d monna onsiena.
<R 5.45.20>
Gif him +donne God ryhtlice & str+aclice deman wile, & he him
for his mildheortnesse ne ara+d, +donne
beo+d hie sua monegum scyldum scyldige [{sua{] [{hie{]
manegra un+deawa gestiran meahton mid hiora larum &
bisenum, gif hi ongemong monnum beon wolden.
<R 5.45.24>
Hw+at +dencea+d +da +de on suelcum weorcum scina+d, & magon
<P 47>
hiera niehstum sua nytte beon, hwy hie +dara 
geearnunga & diegelnesse & anette bet truwigen +donne +d+are
hu hie o+derra monna m+ast gehelpen?
<R 5.47.3>
Hw+at se ancenneda Godes sunu of his f+ader bosme w+as ferende
to urre andweardnesse +d+at he ure gehulpe.
<R 6.47.5>
[}BI +D+AM +DE FOR EA+DMODNESSE FLEO+D +DA BYR+DENNE +D+AS
LAREOWDOMES, +DONNE HIE BEO+D RYHTLICE EA+DMODE +DONNE
HIE NE WINNA+D WI+D [{+D{]ONE GODCUNDAN DOM.}]
<R 6.47.8>
+donne siendon monige +de fleo+d for ea+dmodnesse anre,
for+don hie noldon +d+at hie mon ahofe ofer +da +de
him beteran +dyncea+d +donne hie selfe.
<R 6.47.10>
Nis +d+as +donne nan tweo, gif suelc ea+dmodnes bi+d mid
o+drum godum +deawum begyrded, +d+at +d+at bi+d 
beforan Godes eagum so+d ea+dmodness, +donne he for nanre
anwielnesse ne wi+dcui+d +dam nyttan weorcum +de him 
mon beode+d to underfonne.
<R 6.47.13>
Ne bi+d +d+at na so+d ea+dmodnes, gif mon ongiett +d+at +d+at
Godes willa sie +d+at he ofer o+dre beon scyle,
+d+at he +donne wi+dsace, ac beo under+dieded Godes willan &
his dome, & forl+ate +da uncyste +d+are 
anwielnesse.
<R 6.47.16>
+donne he oferst+aled bi+d, & him gereaht bi+d +d+at he o+drum
m+ag nytt bion on +dam +de him mon +donne 
bebeode+d, mid his mode he hit sceal fleon & +deah for
hiersumnesse he hit sceal underfon.
<R 7.47.20>
[}+D+ATTE OFT +D+AS LAREOWDOMES +DENUNG BI+D SWI+DE
UNT+ALWYR+DLICE GEWILNAD, & EAC SWI+DE UNT+ALWIER+DLICE 
MONIGE BEO+D TO GENIEDDE.}]
<R 7.47.23>
+teahhw+a+dre monige wilnia+d folgo+des & ealdordomes sui+de
unt+alwier+dlice, 
<P 49>
& monige beo+d togeniedde eac sui+de unt+alwier+dlice.
<R 7.49.1>
+d+at we magon sueotole ongietan, gif we ge+dencea+d +da
twegen witgan +de God wolde sendan to [{l+aranne{] .
<R 7.49.3>
O+der hiene his selfes willum gebead to +d+are lare & to +d+am
f+arelte.
<R 7.49.4>
O+der for +d+am ege, +de he ondred +d+at he hit sua medomlice
don ne meahte, him wi+dsoc.
<R 7.49.5>
+d+at w+as Heremias.
<R 7.49.6>
+da he hine sendan wolde, +da b+ad he ea+dmodlice +d+at he
hiene ne sende & cu+a+d: Eala eala eala 
Dryhten, ic eom cnioht;
<R 7.49.7>
hw+at conn ic sprecan?
<R 7.49.8>
Ac Essaias, +da Dryhten acsode hwone he sendan meahte, +da
cu+a+d Essaias: Ic eom gearo;
<R 7.49.9>
send me.
Loca nu hu ungelic spr+ac eode of +dissa tuega monna mu+de.
<R 7.49.10>
Ac hio w+as of sui+de gelicum willan, for+don hio aweoll of
anum wille;
<R 7.49.11>
+deah heo an tu tefleowe, +deah w+as sio +aspryng sio so+de
lufu.
<R 7.49.12>
Ymb +da we habba+d tua bebodu: an is +d+at we lufigen God,
o+der +d+at we lufien ure niehstan.
<R 7.49.13>
For +d+are lufan Essaias wilnode hu he nyttos+d meahte beon
his nihstum on +dys eor+dlican life, & 
for+don he wilnode +d+are +degnunga +d+as lariowdomes.
<R 7.49.16>
Hieremias +donne wilnode singallice hine ge+diedan to +d+are
lufan his Scippendes, & for+dam he 
forcw+a+d, & nolde +d+at hine mon sende to l+aranne.
<R 7.49.18>
+d+at ilce +d+at he unt+alwyr+dlice ondred to underfonne,
+d+at ilce se o+der swi+de hergeondlice gewilnode.
<R 7.49.19>
O+der ondred +d+at he forlure sprecende +da gestrion +de he on
+d+are swigean ge+dencan meahte;
<R 7.49.20>
o+der ondred +d+at he ongeate on his swygean +d+at he sumne
hearm geswigode +d+ar +d+ar he freme 
gecleopian meahte, gif he ymb +d+at geornlice swunce.
<R 7.49.23>
Ac we sculon swi+de smealice +dissa +ag+der under+dencean,
for+don+de se +de +d+ar wi+dcw+a+d, na fullice ne 
wi+dcw+a+d, & se se +de wolde +d+at hine mon sende, he geseah 
+ar hine cl+ansian +durh +da colu +d+as 
<P 51>
alteres, 
+dyl+as +anig uncl+ansod dorste on swa micelne haligdom fon
+d+are cl+anan +degnenga +d+as sacerdhades, o+d+de 
eft +anig durre on ea+dmodnesse hiwe hit ofermodlice 
forcwe+dan, swelce he licette ea+dmetto, & doo +deah
for gilpe, gif hine gecist sio uplice gifu.
<R 7.51.4>
Ac for+d+am+de hit swa earfo+de is +anegum menn to witanne
hwonne he gecl+ansod sie, he m+ag +dy 
orsorglicor forbugan +da +degnunga;
<R 7.51.7>
ond n+as swa+deah to anwillice ne forbuge he, swa we +ar
cw+adon, +donne he ongiete +done ufancundan 
willan +d+at he hit don scyle.
<R 7.51.9>
+ag+der +dissa gefylde Moyses +da he wi+dsoc swa miclum
ealdordome.
<R 7.51.10>
+ag+der ge he wolde ge he nolde, & +deah for ea+dmodnesse
ge+dafode.
<R 7.51.11>
We witon +d+at he n+are ea+dmod, gif he underfenge +done
ealdordom swelces unrimfolces buton ege;
<R 7.51.12>
& eft he w+are ofermod, gif he wi+dcw+ade +d+at he n+are
under+didd his Scippende.
<R 7.51.13>
Ac +ag+der +dissa he dyde for ea+dmodnesse & for
under+didednesse.
<R 7.51.14>
He sceawode hine selfne, & pinsode, +da +da him +duhte +d+at
he hit doon ne meahte, & swa+deah ge+dafode,
for+dam+de he getruwode +d+as m+agene +de hit him bebead.
<R 7.51.17>
Hw+at se haliga wer ongeat +t+at he h+afde Godes fultom, &
swa+deah ondred +d+at he underfenge +done 
lattiowdom +d+as folces, & nu him ne ondr+ada+d +da dolan for 
hiera agnum scyldum +d+at hie sien ofer o+dre, & ne
magon him gegaderian on +dyllicum bisene [^SWEET: biwene^] 
hu micel synn & hu micel frecennes hit bi+d.
<R 7.51.21>
God selfa tyhte Moyses on +done folgo+d, swa+deah he him
ondred;
<R 7.51.22>
ond nu fandia+d swelce wr+accan & teo+d to, woldon underfon
+done weor+dscipe & eac +da byr+denne;
<R 7.51.23>
& +da +de beo+d mid hira agnum byr+dennum of+drycte +d+at hie
ne magon gestondan, hie willa+d lustlice 
underfon o+derra monna, ond unniedige hie underluta+d 
<P 53>
mid hira sculdrum o+derra byr+denna toeacan hiera agnum;
<R 7.53.1>
he ne m+ag his agne aberan, & wolde +deah maran habban.

<S SAMPLE 2>
[^B9.1.3C^]
<P 237>
<R 35.237.6>
On o+dre wisan sint to manianne +da biliwitan, on o+dre +da
lytegan.
<R 35.237.7>
+da bilewitan sint to herigenne, for+d+am+de hie simle
suinca+d on +d+am +d+at hi tieligea+d +d+at hie ne 
sculen leasunga secgan.
<R 35.237.8>
Hie mon sceal eac l+aran +d+at hi hwilum suigien +d+as so+des,
for+d+am, sua sua sio leasung simle deret 
+d+am secggendum, sua dere+d eac hwilum sumum monnum +d+at 
so+d to gehierenne.
<R 35.237.11>
For+d+am ure Dryhten gemetgode mid suigean his spr+ace beforan
his +degnum, +da he cu+a+d: Fela ic h+abbe
eow to secganne, ac ge hit ne magon nu giet aberan.
<R 35.237.13>
+dy sint to manianne +da bilwitan anfealdan +d+atte, sua sua
hie +da leasunga nyttwyr+dlice fleo+d, +d+at 
hie eac +d+at so+d nytwyr+dlice secgen, & geicen +da god hira
anfealdnesse mid w+arscipe, & sua tilige 
+d+are orsorgnesse mid +d+are anfealdnesse +d+atte he +done
ymbe+donc +d+as w+arscipes ne forl+ate.
<R 35.237.18>
Be +dam cw+a+d se +a+dela lareow sanctus Paulus: Ic wille
+d+at ge sien wise to gode & bilwite to yfele.
<R 35.237.19>
Ond eft be +d+am cw+a+d Dryhten +durh hine selfne to his
gecorenum: Beo ge swa ware sua sua n+adran & sua
bilwite sua culfran.
<R 35.237.21>
For+d+am on +dara acorenra monna heortan sceal +d+are n+adran
lytignes & hire ni+d +d+are culfran 
biliwitnesse gescirpan, & eft +d+are culfran biliwitnesse sceal
gemetgian +d+are n+adran w+arscipe & hire ni+d, 
+dyl+as hine se w+arscipe & se anda 
<P 239>
gel+ade on ealles to micle
hatheortnesse, o+d+de eft sio bilewitnes & 
sio anfealdnes hine to ungeornfulne gedoo to ongietanne, 
+dyl+as he weor+de besolcen.
<R 35.239.3>
Ongean +d+at mon sceal monian +da lytegan, & him secgan +d+at
hie ongieten hu hefig +d+at twiefalde 
gesuinc bi+d +d+at hie him selfe +durh [{hira{] agena scylda 
hira agnes gewealdes him on geteo+d.
<R 35.239.6>
+d+at is +donne +d+at hie eallneg r+aswa+d & ondr+ada+d +d+at
hi mon t+alan wille, & beo+d eallneg mid +d+am 
ymbe+doncan abisgode & ofdr+adde.
<R 35.239.8>
O+der is +dara gesuinca +d+at hi simle secea+d endelease
ladunga, hu hie +donne bereccan m+agen.
<R 35.239.9>
Ac nis nan scild trumra wi+d +d+at tuiefalde gesuinc +donne
mon sie untwiefeald, for+d+am+de nawuht nis 
ie+dre to gesecganne, ne eac to geliefanne +donne so+d.
<R 35.239.11>
Ac +donne hwa on +da leasunga befeh+d, +donne ne m+ag he of,
ac sceal +donne niede +dencean hu he hie 
gelicettan m+age, & gewerga+d +donne his heortan sui+de hearde
mid +dy gesuince.
<R 35.239.14>
Be +d+am gesuince spr+ac se salmscop, +da he cu+a+d: +d+at
gesuinc hira agenra welena hie ge+dryc+d.
<R 35.239.15>
For+d+am se ilca feond se +de nu +d+at mod +durh +da
bisuiculan olicunga forl+are+d, he hit eft mid sui+de 
grimmum edleane ge+drysc+d.
<R 35.239.17>
Be +d+am w+as gecueden +durh Ieremias +done witgan: Hie
l+ardon hira tungan, & wenedon to leasunge, & 
swuncon on unryhtum weorce.
<R 35.239.19>
Suelce he openlice cu+ade: +da +de meahton Godes friend beon
butan gesuince, hie suuncon ymb +d+at hu 
hie meahton gesyngian.
<R 35.239.21>
Wietodlice, +donne hwa nyle bielwitlice libban butan gesuince,
he wile geearnian mid his gesuince his agenne dea+d.
<R 35.239.23>
Ac monige menn, +donne him beo+d un+deawas on anfundene,
+donne anscuniga+d hie +d+at mon wite hwelce hie
sien, & wilnia+d +d+at hie hie gehyden & beheligen under
+d+am ryfte +d+are 
<P 241>
leasunga, ge fur+dum +dara 
scylda +de openlice beo+d gesewena, hie wilnia+d +d+at hie 
scylen hie beladian sua georne +d+atte oft se +de 
wilna+d hiera un+deawas arasian, bi+d openlice besuicen & 
ablend mid +d+am miste +d+are leasunga, sua +d+at 
him fulneah +dync+d +d+atte his nawuht sua ne sie sua sua he
+ar witodlice be him wende.
<R 35.241.5>
Be +d+am ryhtlice bi Iudeum w+as gecueden +durh +done witgan
ymb +d+at synfulle mod +de hit simle wile 
ladian, he cu+a+d: +d+ar +d+ar se iil h+afde his holh.
<R 35.241.7>
Se iil getacna+d +da twiefealdnesse +d+as uncl+anan modes +de
hit symle lytiglice lada+d, sua sua se iil,
+ar+d+am he gefangen weor+de, mon m+ag gesion +ag+der ge his
fet ge his heafod ge eac eall +d+at bodig, ac
sona sua hiene mon gefeh+d, sua gewint he to anum cliewene, &
tih+d his fet sua he inmest m+ag, & 
gehyt his heafod, sua +d+atte betwuh hondum +du nast hw+ar him
aw+der cym+d, o+d+de fet o+d+de heafod, & +ar, +ar
+du his o onhriene, +du meahtes geseon +ag+der ge fet ge
heafod.
<R 35.241.14>
Swa do+d +da lytegan & +da uncl+anan mod: +donne him bi+d sum
un+deaw on onfunden, +donne bi+d +d+as iles heafud gesewen;
<R 35.241.16>
+donne mon m+ag ongietan of hwam hit +ares+d com, & for hw+am.
<R 35.241.17>
& +donne beo+d +da fet gesewene, +donne mon ongiet mid hwelcum
st+apum +d+at nawht w+as +durhtogen, ac +deah
+d+at uncl+ane mod sui+de hr+adlice feh+d on +da ladunga, &
mid +d+are behele+d his fet & +da st+apas his 
unnyttan weorces.
<R 35.241.20>
+donne he tieh+d his heafod in to him, +donne he mid
wunderlicre ladunga +atiew+d +d+at he fur+dum n+afre 
+d+at yfel ne ongunne, sua he hit h+af+d mid his lotwrencium
bewunden oninnan him selfum, suelce se 
lareow h+abbe an cliwen on his honda sui+de nearwe & sui+de
smealice gefealden, & nyte hw+ar se ende sie,
sua feor & sua f+aste hit bi+d 
<P 243>
gefealden oninnan +d+as
synnfullan monnes inge+donce, & mid his lote 
bewunden, +d+atte se lareow +d+as yfeles +de he stieran scolde,
+deah +de he hit +ar wis+de, +d+at he hit +donne 
nat, & eall +d+at he +ar t+alwyr+dlices geseah mid +dam
forhwirfdan gewunan +d+are unryhtan ladunge he bi+d
amierred +d+at he hit eal endemes forl+at, & his nanwuht nat.
<R 35.243.5>
Wietodlice se il h+af+d his holh on +d+as unnyttan monnes
heortan, for+d+am +d+at yfelwillende mod gefielt
hit self twiefald oninnan him selfum, & gehyt hine on +d+am
+diestran mid +d+are ladunge, sua se iil 
hine selfne gehyt on him selfum.
<R 35.243.10>
Gehieren +da uncl+anan & +da lytegan hu hit awriten is on
Salomonnes bocum +d+atte se libbe getreowlice
se +de bilwitlice libbe.
<R 35.243.12>
+d+at is se truwa micelre orsorgnesse, biliwitnes & anfealdnes
his weorca.
<R 35.243.13>
Gehira+d hw+at of +d+as wisan Salomonnes mu+de w+as gecueden;
<R 35.243.14>
he cu+a+d +d+at +d+as Halgan G+astes lar wille fleon
leasunga.
<R 35.243.15>
Gehira+d eac +d+atte +d+ar+after awriten is +d+atte he h+abbe
his ge+deaht & his sundorspr+ace mid +d+am 
bilwitum & mid +d+am anfealdum.
<R 35.243.17>
+donne spric+d God to +d+am menn, +donne he onlieht +d+at
mennisce mod mid his agenre andweardnesse, & him
his dieglan +ding geopena+d.
<R 35.243.19>
+donne is eac gecueden +d+atte God spr+ace to +d+am bilwitum,
+donne he mid +d+am uplicum & mid +d+am dieglum
+dingum hira mod onlieht mid +d+am sciman his giefe & his
fandunga & eac his tiehtinge.
<R 35.243.22>
+d+at beo+d +donne ealles sui+dus+d +da mod +da +de nan sceadu
ne ge+diestra+d +d+are twiefaldnesse.
<R 35.243.23>
Ac +d+at is +deah syndrig yfel twiefaldra monna +d+atte,
+donne +donne hie o+dre menn mid hira lote 
bismria+d, +donne gielpa+d hie & f+agenia+d +d+as, suelce hi 
sien micle w+arran 
<P 245>
& wisran +donne hie, for+d+am+de 
hie ne ge+dencea+d +da +dearlan edlean, ac f+agnia+d irmingas
hiera agnes dysiges & hearmes.
<R 35.245.2>
Gehiren eac +da ilcan mid hwelcum ymbe+donce godcundes
onwaldes hie +dreade Soffonias se witga, +da he
cu+a+d: Giet cym+d se micla & se m+ara & se egeslica Godes
d+ag, se d+ag bi+d irres d+ag & +diestra d+ag & 
mistes & gebreces & biemena d+ag & gedynes ofer ealla truma
ceastra & ofer ealle hea hwammas.
<R 35.245.7>
Hw+at getacnia+d +donne +da truman ceastra butan hwurfulu mod,
getrymedu & ymbtrymedu mid lytelicre 
ladunge, +d+at him ne magon to cuman +da speru +d+are
so+df+as+dnesse, +d+at sindon haligra gewrita manunga?
<R 35.245.10>
Wi+d +da speru +d+are so+df+astnesse hie hie scilda+d, +donne
hi mon t+alan wile & arasian for hira un+deawum.
<R 35.245.11>
Hw+at getacnia+d +donne +da hean hwammas buton uncl+anu &
twiefeald mod?
<R 35.245.13>
For+d+am +alc wag bi+d gebieged twiefeald on +d+am heale.
Sua bi+d +d+as monnes heorte: +donne he +da bilewitnesse & +da
anfealdnesse flih+d, he gefielt his mod 
mid wore & mid unnytre twiefealdnesse, & eac +d+atte wierse
bi+d, he hine ahef+d on his ge+dohte on gielp
& on ofermetto for +d+am w+arscipe his agenre scylde, & de+d
his agenne un+deaw him to weor+dscipe.
<R 35.245.18>
+donne cym+d se Dryhtnes domes d+ag & wrace d+ag ofer +da
truman ceastra & ofer +da hean hwammas, +donne 
+d+at ierre +d+as ytemestan domes +da menniscan heortan
towyrp+d, +da +de nu sindon betynede & getrymede 
mid lytelicum ladungum wi+d +da so+df+as+dnesse, & arafa+d 
+d+at cliwen +d+are twifaldan heortan.
<R 35.245.22>
+donne fealla+d +da truman ceastra, +donne +da mod +de Dryhtne
ungeferu sint weor+da+d gesciende.
<R 35.245.24>
+donne fealla+d +da hean hwammas, +donne +da 
<P 247>
heortan +de hie ahebba+d for +d+are tuiefealdnesse +d+as 
unryhtan w+arscipes +durh ryhtlicne cuide & dom weor+da+d 
ofdune aworpne.
<R 36.247.3>
[}+D+ATTE ON O+TRE WISAN SINT TO MANIENNE +DA HALAN, ON O+DRE
+DA UNHALAN.}]
<R 36.247.5>
On o+dre wisan sint to manianne +da truman, on o+dre +da
untruman.
<R 36.247.6>
+da truman sint to manianne +d+at hie gewilnigen mid +d+as
licuman trumnesse +d+at him ne losige sio h+alo
+d+as modes, +dyl+as him +dy wirs sie, gif hie +da trumnesse
+d+are Godes giefe him to unnyte gehweorfa+d,
& +dyl+as hie si+d+dan geearnigen sua micle hefigre wite sua
hie nu egeleaslicor & unnytlicor bruca+d 
+d+are mildheortlican Godes giefe.
<R 36.247.11>
For+don sint to manianne +da halan +d+at hie ne forhycgen
+d+at hie her on worulde on +d+are hwilendlican
h+alo him geearnigen +da ecan h+alo.
<R 36.247.13>
Ymb +da hwilendlican tida sanctus Paulus spr+ac, +da he
cu+a+d: Nu is hiersumnesse tima & nu sint 
h+alnesse dagas.
<R 36.247.14>
Eac sint to manianne +da halan +d+at hie Gode wilnigen to
licianne +de hwile +de hie m+agen, +dyl+as hie 
eft ne m+agen, +donne hie willen.
<R 36.247.16>
For+don w+as gesprecen +durh +done wisan Salomonn bi +d+am
Wisdome +d+at se Wisdom wille sona fleon +done 
+de hine flieh+d, +donne he hine ful oft +ar to him cleopa+d, &
he fors+ac+d +d+at he him to cume.
<R 36.247.19>
Ac eft, +donne he +done Wisdom habban wolde, & his wilna+d,
+donne cui+d se Wisdom to him: Ic eow 
cleopode +ar to me, ac ge me noldon +at cuman;
<R 36.247.21>
ic r+ahte mine hond to eow, nolde iower nan to locian;
<R 36.247.22>
ac ge forsawon eall min ge+deaht, & leton eow to giemeleste,
+donne ic eow cidde.
<R 36.247.23>
Hw+at sceal ic +donne buton 
<P 249>
hliehchan +d+as, +donne ge to lose
weor+da+d, & habban me +d+at to gamene, +donne
eow +d+at yfel on becym+d +d+at ge eow +ar ondredon?
<R 36.249.2>
Ond eac cui+d se Wisdom eft: +donne hie to me clipia+d, +donne
nylle ic hie gehieran.
<R 36.249.4>
On uhtan hie arisa+d, & me secea+d, ac hi me ne finda+d.
<R 36.249.5>
Ac +donne se mon his lichoman h+alo [{forsih+d{] , +donne
+donne he wel trum bi+d to wyrceanne +d+at he +donne 
wile, +donne +donne him eft sio h+al losa+d, +donne gefred he
+ares+d hwelc heo to habbanne w+as +da hwile +de
he hi h+afde, & wilna+d hire to late & on untiman, +donne he
+ar nolde hie gehealdan, +da +da he hi 
h+afde.
<R 36.249.9>
For+d+am eft sui+de ryhtlice Salomonn cu+a+d: Ne l+at +du to
+al+diodigum +dinne weor+dscipe, ne on +d+as 
w+alhreowan hond +din gear, +dyl+as fremde menn weor+den 
gefylled of +dinum gesuince, & +din m+agen sie on o+dres
monnes gewealdum, & +du +donne sargige for+d+am on las+d,
+donne +din lichoma beo to lore gedon, & +din 
fl+asc gebrosnod.
<R 36.249.14>
Hwa is +donne from us fremde butan +da [{awiergdan{] g+astas,
+da +de from [{+d+as{] hefencundan F+ader e+dle 
adrifene sindon?
<R 36.249.16>
O+d+de hw+at is ure weor+dscipe on +dissum eor+dlicum lichoman
buton +d+at we sint gesceapene +after +d+are 
biesene ures Scippendes?
<R 36.249.18>
& hw+at is elles se w+alhreowa buton +da aworpnan englas, +de
hie selfe mid hiera ofermettum on dea+des
wite gebrohton?
<R 36.249.19>
& on +done ilcan dea+d hie wilnia+d eal moncynn to forspananne
& to forl+adanne.
<R 36.249.21>
Hw+at tacna+d +donne +d+at word elles +d+at mon [{ne{] selle
his weor+dscipe fremdum menn buton +d+atte se +de to
Godes bisene gesceapen is, +donne he +da tid his lifes on
gewil +dara awierdena g+asta gehwierf+d;
<R 36.249.24>
& his gear gesele+d w+alhreowum, se se +de in yfelra &
wi+derweardra onwald forl+at +da hwile his 
lifes?
<R 36.249.25>
Ond eac cu+a+d Salomonn +d+at 
<P 251>
fremde ne scolden beon gefyllede
ures m+agenes, & ure gesuinc ne scolde 
beon on o+dres monnes anwalde.
<R 36.251.2>
Sua hwa +donne sua on +disse worulde h+af+d fulle h+ale his
lichoman, & nyle wisdomes & cr+aftes on his
mode tiligan, ac suince+d on +d+an +d+at he leornige un+deawas
& fremme, ne fyl+d se no his agen hus godra
cr+afta, ac fremdra hus he fyl+d, +d+at sint uncl+ane
g+astas.
<R 36.251.6>
Wiotodlice +da +de hira lif on firenluste & on ofermodnesse
geendiga+d, ne gefylla+d hie godra rim, ac
awiergedra g+asta.
<R 36.251.8>
+donne is +after +d+am gecueden +d+at he sargige +at niehstan,
+donne his lichoma & his fl+asc sie 
gebrosnod, for+d+am oft sio h+alo +d+as lichoman on un+deawas 
wier+d gecierred, ac +donne he +d+are h+alo benumen 
wier+d mid monigfaldum sare +d+as modes & +d+as fl+asces, se
lichoma +donne wier+d gedrefed, for+d+am sio saul,
+donne hio hire un+donces geb+add wier+d +d+at yfel to
forl+atanne +d+at hio +ar longe on woh hire agnes 
+donces gedyde, sec+d +donne +da forlorenan h+alo, & wilna+d
+d+are, suelce he +donne wel & nytwyr+dlice libban
wolde, gif he for+d moste.
<R 36.251.16>
Murcna+d +donne for+dy +d+at he Gode nolde +diowigan +da hwile
+de he meahte, for+don he +donne +done demm his
giemelieste mid nanum gesuince gebetan ne m+ag, buton him
+durh his hreowsung & +durh Godes miltse 
geholpen weor+de.
<R 36.251.19>
For+d+am cu+a+d se sealmscop: +donne God hie slog, +donne
sohton hie hine.
<R 36.251.20>
Ongean +d+at sint to manianne +da mettruman +d+at hie ongieten
& gefreden +d+at hie sua micle ma beo+d 
Godes bearn, & he hie sua micle ma lufa+d sua he hie sui+dur
mana+d & suing+d, for+d+am, gif he +d+am 
gehiersuman mannum n+afde geteohchad his e+del to sellanne, 
hwie wolde he hie mid +anegum unget+asum l+aran?
<R 36.251.25>
For+d+am cu+a+d Dryhten to Iohanne +dam godspellere +durh his
engel, 
<P 253>
he cu+a+d: Ic +dreage & suinge +da +de ic lufige.
<R 36.253.1>
For+d+am eac cu+a+d Salomonn: Sunu min, ne agiemeleasa +du
Godes suingan, ne +du ne beo werig for his 
+dreaunge, for+d+am+de God lufa+d +done +de he +drea+d, &
suinge+d +alc bearn +de he underfon wile.
<R 36.253.4>
Be +dam ilcan se salmscop cu+a+d: Sui+de monigfalde sint
ryhtwisra monna earfo+du.
<R 36.253.5>
Be +d+am eac se eadega Iob cw+a+d on his earfe+dum, &
geomriende cliopode to Dryhtne, & cu+a+d: Gif ic 
ryhtwis w+as, ne ahof ic me no for+dy, & +deah ic eom gefylled
mid broce & mid ierm+dum.
<R 36.253.8>
Eac is to cy+danne +d+am mettrumum, gif hie willen geliefan
+d+atte Godes rice hiera sie, +d+at hie 
+donne her on worulde +doligen earfe+du +d+am timum +de hie
+dyrfen, sua sua mon sceal on el+diode.
<R 36.253.11>
Be +dys ilcan is gecueden on kyninga bocum, sua sua hit
geworden w+as, & eac us to bisene.
<R 36.253.12>
Hit is gecueden +d+atte +da stanas on +d+am m+aran temple
Salomonnes w+aron sua wel gefegede & sua emne 
gesnidene & gesme+dde, +ar hie mon to +d+am stede brohte +de
hie on standan scoldon, +d+atte hie mon eft 
si+d+dan on +d+are halgan stowe sua tosomne gesette +d+at +d+ar
nan monn ne gehierde ne +axe hlem ne bietles sueg.
<R 36.253.17>
+d+at +donne tacna+d us +d+atte we scylen beon on +disse
+al+deodignesse utane beheawene mid suingellan, to
+d+am +d+at we eft sien geteald & gefeged to +d+am
gefogstanum on +d+are Godes ceastre butan +d+am hiewete 
+alcre suingean, +d+atte sua hw+at sua nu on us unnytes sie,
+d+atte +d+at aceorfe sio suingelle from us, 
sua +d+atte si+d+dan an sibb Godes lufe butan +alcum ungerade 
us sui+de f+aste gebinde & gefege tosomne.
<R 36.253.23>
+donne sint eac to manianne +da unhalan +d+at hie ge+dencen
mid hu monigfaldum unget+asum & mid hu 
heardum brocum us swinga+d & +dreaga+d ure worldcunde f+adras 
<P 255>
& hlafordas, for+d+am +de hie wilnia+d +d+at we him
ge+dw+are sien, & eac hira irfes wier+de sien, & hie us +de
bli+dran beon m+agen.
<R 36.255.2>
Ac hwelc wite sceal us +donne to hefig +dyncan +d+are
godcundan +dreaunga wi+d +d+am +de we m+agen geearnian
+done hefonlican e+del +de n+afre to lore ne weor+de+d, &
for+d+am +d+at we m+agen forbugan +d+at wite +d+at 
n+afre ne wier+d geendod?
<R 36.255.6>
For+d+am cu+a+d sanctus Paulus: Ure fl+asclican f+adras
l+ardon us, & we hie ondredon;
<R 36.255.7>
hie +dreadon us, & we weor+dodon hie.
<R 36.255.8>
Hu micle sui+dor sculon we +donne beon gehiersume +d+am +de
ure g+asta F+ader bi+d wi+d +d+am +d+at we moten 
libban on ecnesse.
<R 36.255.9>
Ure fl+asclican f+adras us l+ardon to +d+am +de hira willa
w+as, ac +d+at w+as to sui+de scortre hwile, 
for+d+am+de +dios woruld is sui+de l+anu, ac se g+as+dlica 
F+ader he us l+ar+d nytwyr+dlicu +ding to underfonne, +d+at
is +d+at we [{geearnigen{] +d+at ece lif.
<R 36.255.13>
Eac sint to manianne +da mettruman +d+at hie ge+dencen hu
micel h+alo +d+at bi+d +d+are heortan +d+at se 
lichoma sie medtrum, for+d+am sio medtrymnes +d+at mod 
gehwierf+d gehwelces monnes hine selfne to 
ongietanne, & +d+at gode mod +de sio h+alo ful oft aweg 
adrief+d +d+at gemynd +d+are medtrymnesse geedniewa+d, +d+atte
+d+at mod +de ofer his m+a+d bi+d upah+afen gemyne of +d+am
suingum +de +d+at fl+asc +dola+d to hw+am eal monncynn 
gesceapen is.
<R 36.255.19>
+d+at w+are sui+de ryhte getacnod +durh Balaham on +d+are
lettinge his f+areltes, gif he mid his 
hiersumnesse Godes stemne & his gebodum fullice folgian wolde,
& on his willan fore.
<R 36.255.22>
Baloham +donne fulgeorne feran wolde +d+ar hine mon b+ad, ac
his estfulnesse witteah se esol +de he 
onuppan s+at.
<R 36.255.23>
+d+at w+as for+d+am+de se assa geseah +done engel ongean hine
standan, & him +d+as f+areltes forwiernan, 
+done +de +d+at [{mennisce{] mod geseon ne meahte.
<P 257>
<R 36.257.1>
Sua eac, +donne +d+at fl+asc bi+d gelett mid sumum broce, hit
getacna+d +d+am mode for +d+are suingan hw+at 
Godes willa bi+d, +done illcan willan +de +d+at mod hwilum
ongietan m+ag +de ofer +d+am fl+asce sitt, & his 
wealdan sceolde, for+d+am +d+at fl+asc oft l+att +da
geornfulnesse & +done willan +d+as +diondan modes her on 
worulde.
<R 36.257.5>
Sua mon oft lett fundigendne monnan, & his f+arelt g+al+d, sua
g+al+d se lichoma +d+at mod, o+d+d+at he 
gebrocad wier+d mid sumre mettrymnesse, & +donne +durh +da
mettrymnesse getacna+d se lichoma +d+am mode +done 
ungesewenan engel +de him togenes stent, & him wiern+d his
unnyttan f+arelta +durh +d+as lichoma 
mettrymnesse.
<R 36.257.10>
Be +d+am cw+a+d sanctus Petrus sui+de ryhtlice: +d+at dumbe &
+d+at geh+afte neat +dreade +done witgan for his
yfelan willan, +da hit cleopode sua sua monn, & mid +dy
gestierde +d+am witgan his unryhtre & dyslicre wilnunga.
<R 36.257.13>
+donne +drea+d +d+at dumbe neat +done unwisan monn, +donne
+d+at gebrocode fl+asc gel+ar+d +d+at upah+afene mod 
to ryhttre & to nyttwyr+dre ea+dmodnesse.
<R 36.257.15>
For+d+am ne meahte Balaham geearnian +da Godes giefe +de he
biddende w+as, +da he Israhela folc wirgean 
wolde & for hine selfne gebiddan;
<R 36.257.17>
for+d+am he wear+d untyg+da +de he hwierfde his stemne nales
his mod: +d+at w+as +d+at he spr+ac o+der, o+der
+d+at he sprecan wolde.
<R 36.257.19>
Eac sint +da seocan to monianne +d+at hie ongieten hu micel
Godes giefu him bi+d +d+as fl+asces gesuinc,
for+d+am+de hit +ag+der ge +da gedonan synna aweg a+dwieh+d,
ge hine eac +dara gelett +de he don wolde, gif 
he meahte, for+d+am [{+donne{] he bi+d gesargod on +d+as
lichoman wundum, +donne gewyrcea+d +da wunda on +d+am 
gebrocodan mode hreowsunge wunda.
<R 36.257.24>
Bi +d+am is eac awriten on Salomonnes cuidbocum +d+at sio wund
wolde 
<P 259>
halian, +after+d+am+de heo wyrmsde.
<R 36.259.1>
+donne aflew+d +d+at sar of +d+are wunde mid +dy wormse,
+donne +d+at sar +d+are suingellan +dissa woruldbroca 
a+dwieh+d +ag+der ge +da ge+dohtan synna ge +da gedonan of
+d+are saule.
<R 36.259.4>
Eac cu+a+d Salomon +d+atte +d+at illce beo bi +d+am wundum +de
beo+d oninnan +d+are wambe.
<R 36.259.5>
+d+are wambe nama getacna+d +d+at mod, for+d+am sua sua sio
wamb gemielt +done mete, sua gemielt +d+at mod 
mid +d+are gescadwisnesse his ge+deahtes his sorga.
<R 36.259.7>
Of Salomonnes cuidum we namon +d+atte +d+are wambe nama scolde
tacnian +d+at mod, +da +da he cu+a+d: +d+as 
monnes lif bi+d Godes leohtf+at;
<R 36.259.9>
+d+at Godes leohtf+at gindsec+d & gindlieht ealle +da
diogolnesse +d+are wambe.
<R 36.259.11>
Suelce he cu+ade: +ares+d he hiene onlieht mid his leohtf+ate,
+donne he hiene gelieff+as+d, & eft he hine
onlieht, +donne he hiene on+al+d mid +d+am tapure +d+as
[{godcundan{] lieges.
<R 36.259.13>
+d+at bi+d +donne, +donne he de+d +d+at he ongiet his agne
unnytte +deawas & ge+dohtas +de wen is +d+at he +ar 
h+afde, +deah he hit ge+dencean ne meahte.
<R 36.259.15>
+d+at worms +donne +dara wunda +d+at is +d+at broc +d+as
lichoman, & +d+at sar innan +d+are wambe, +d+at tacna+d +da
sorge +d+as modes.
<R 36.259.17>
Sio sorg +donne asw+ap+d aweg +d+at yfel of +d+am mode.
<R 36.259.18>
+donne we beo+d butan +d+am mode on +d+am lichoman gesuencte,
+donne beo we suigende gemanode mid +d+are 
mettrymnesse ura synna to gemunanne, for+d+am+de +donne bi+d
broht beforan ures modes eagan eall +d+at we +ar
yfeles gedydon, for+d+am sua se lichoma sui+dur utan
+drowa+d, sua +d+at mod sui+dur innan hreowsa+d +d+as 
unnyttes +de he +ar dyde.
<R 36.259.23>
For+d+am gelimp+d +d+atte +durh +da openlican wunda & +durh
+d+at gesewene sar +d+as lichoman bi+d sui+de wel
a+dw+agen sio diegle wund +d+as modes, for+d+am sio diegle
wund 
<P 261>
+d+are hreowsunga h+al+d +da scyl+de +d+as won weorces.
<R 36.261.1>
Eac sint to manianne +da mettruman to +d+am +d+at hie
gehealden +da strenge +d+are ge+dylde.
<R 36.261.3>
Him is to secgeanne +d+at hie unablinnendlice ge+dencen hu
monig yfel ure Dryhten & ure Alisend 
ge+dolode mid +dam ilcan mannum +de he self gesceop, & hu fela
edwites & unnyttra worda he forb+ar, & hu 
manige hleorsl+ageas he underfeng +at +d+am +de hine bismredon.
<R 36.261.7>
Se ilca se +de +alce d+ag saula gereafa+d of +d+as ealdan
feondes honda, se ilca se +de us +dwieh+d mid +dy 
halwyndan w+atre, se na ne forbeag mid his nebbe +dara
triowleasena monna spatl, +donne hie him on 
+d+at nebb sp+atton.
<R 36.261.10>
Se ilca se us gefreo+d mid his forespr+ace from ecum witum, se
ilca suigende ge+dafode swingellan.
<R 36.261.11>
Se +de us sealde ece are betwuxn his engla geferscipe, he
ge+dafode +d+at hine mon mid fyste slog.
<R 36.261.13>
Se +de us geh+ale+d from +d+am stice urra synna, he ge+dafode
+d+at him mon sette +dyrnenne beag on +d+at heafud.
<R 36.261.14>
Se +de us oferdrenc+d mid +d+as ecan lifes li+de, he
gefandode geallan biternesse, +da hine +dyrstte.
<R 36.261.16>
Se +de for us geb+ad to his F+ader, +deah he him emnmiehtig
sie on his godhade, +da +da him mon on bismer
to geb+ad, +da swugode he.
<R 36.261.18>
Se se +de deadum monnum lif gearuwa+d, & he self lif is, he
becom to dea+de.
<R 36.261.19>
Forhwy +donne sceal +anigum menn +dyncan to re+de o+d+de to
unie+de +d+at he Godes suingellan ge+dafige for 
his yfelum d+adum, nu God self sua fela yfeles ge+dafode, sua
sua we +ar cu+adon, for monncynne?
<R 36.261.22>
Hwa sceal +donne, +dara +de hal & good andgiet h+abbe, Gode
un+doncfull beon, for+d+am, +deah he hine for
his synnum suinge, nu se ne for butan suingellan of +dys
middangearde se +de butan +alcre synne w+as & giet is?
<P 263>
<R 37.263.1>
[}+D+ATTE ON O+DRE WISAN SINT TO MANIENNE +DA +DE HIM
ONDR+ADA+D GODES SWINGELLAN O+D+DE MONNA, & FOR+DY 
FORL+ATA+D +D+AT HIE YFEL NE DO+D;
<R 37.263.3>
ON O+DRE WISAN +DA +DE BEO+D SWA AHEARDODE ON UNRYHTWISNESSE
+D+AT HI MON NE M+AG MID NANRE +DREAUNGE 
GE+DREATIAN.}]
<R 37.263.6>
On o+dre wisan sint to monianne +da +de him suingellan
ondr+ada+d, & for+d+am unscea+dfullice libba+d;
<R 37.263.7>
& on o+dre wisan sint to manianne +da +de on hiera
unryhtwisnessum sua aheardode beo+d +d+at hie mon mid
nanre swingellan gebetan ne m+ag.
<R 37.263.9>
+d+at is to cy+danne +de him swingellan ondr+ada+d +d+at hie
+dissa eor+dlicena goda to sui+de ne gietsien, 
+deah hie geseon +d+at +da yfelan hie h+abben ongemong him,
for+d+am hie sint +ag+drum gem+ane ge yfelum monnum
ge godum;
<R 37.263.12>
& ne fleon eac +dis andwearde yfel, suelce hie hit adriogan ne
m+agen, for+don+de hit oft gode menn her
on worlde dreoga+d.
<R 37.263.14>
Eac hie sint to monianne, gif hie geornlice wilnigen +d+at
him yfel +ding losie, +donne beo him sui+de
egefull +d+at ece wite;
<R 37.263.16>
nalles +deah sua egeful +d+at hie ealneg +durhwunigen on +d+am
ege, ac mid +dam fostre +d+are Godes lufan 
hie sculon uparisan & weaxan a ma & ma to lufigeanne +da
godcundan weorc.
<R 37.263.19>
For+d+am Iohannis se godspellere cw+a+d on his +arendgewrite,
ic cw+a+d: Sio fulfremede Godes lufu 
adrife+d aweg +done ege.
<R 37.263.20>
& eft cw+a+d sanctus Paulus: Ne underfengon ge no +done Gast
+at +d+am fulluhte to +deowigeanne for ege,
ac ge hine underfengon to +d+am +d+at ge Gode geagenudu bearn
beon scielen, for+dy we cliepia+d to Gode,
& cwe+da+d, F+ader, F+ader.
<R 37.263.24>
For+d+am cwi+d eft eac se ilca lariow: +d+ar se 
Dryhtnes gast 
<P 265>
is, +d+ar is freodoom.
<R 37.265.1>
Gif +donne hwelc mon forbire+d his synna for +d+am ege anum
+d+as wites, +donne nafa+d +d+as ondr+adendan 
monnes mod nanne gastes freodom, for+d+am, gif he hit for +d+as
wites ege ne forlete, butan tweon he 
fulfremede +da synne.
<R 37.265.4>
+donne nat +d+at mod +d+at him bi+d freodom forgiefen, +donne
hit bi+d gebunden mid +d+as +deowutes ege.
<R 37.265.6>
+deah monn nu good onginne for sumes wites ege, hit mon sceal
+deah geendigean for sumes godes lufum.
<R 37.265.7>
Se +de for +d+am anum god de+d +d+at he sumre +dreaunge yfel
him ondr+att, se wilna+d +d+atte nan +ding ne sie
+de he him ondr+adan +dyrfe, +d+at he +dy orsorglicor dyrre
don unnyttlicu +ding & unalifedu.
<R 37.265.10>
+donne bi+d sui+de sweotol +d+atte him +donne losa+d beforan
Gode his ryhtwisnes, +donne he +durh his agene
geornfulnesse gesynga+d unniedenga, +donne bi+d sui+de
sueotul +d+at he +d+at good na ne dyde +d+ar he hit 
for +d+am ege dorste forl+atan.
<R 37.265.14>
Ongean +d+at +donne sint to monianne +da menn +de suingellan
ne magon forwiernan ne na gelettan hiera unryhtwisnesse.
<R 37.265.15>
Hie beo+d to +dreageanne & to swinganne mid swa micle maran
wite sua hie ungefredelicor beo+d aheardode on hiera un+deawum.
<R 37.265.17>
Oft eac +da swelcan monn sceal forsion mid eallum
forsewennessum, & unweor+dian mid +alcre 
unweor+dnesse, for+d+am +d+atte sio forsewennes him ege & 
ondrysnu on gebringe, & eft +after +d+am +d+at hiene sio 
godcunde manung on wege gebringe, & hine to hyhte gehwierfe.
<R 37.265.21>
+donne sint eac +d+am ilcan monnum sui+de +dearllice to
recceanne +da godcundan cwidas, +d+at hie bi +dam 
oncnaw+an, +donne hie ge+dencen +done ecean dom, to hw+am hiera
agen wise wir+d.
<R 37.265.24>
Eac hie sculon gehieran +d+at on him bi+d gefylled Salomonnes
cwide +de he cw+a+d, he cw+a+d: +deah +du 
portige +done dysegan 
<P 267>
on pilan, swa mon corn de+d mid piilst+afe,
ne meaht +du his dysi him from adrifan.
<R 37.267.2>
+d+at ilce sarette se witga, +da +da he cw+a+d: +du hie
tobr+ace, & +deah hie noldon underfon +dine lare.
<R 37.267.3>
Eft bi +d+am ilcan cw+a+d Dryhten: Ic ofslog +dis folc, & to
forlore gedyde, & hie hie +deah noldon 
onwendan from hiera woom wegum, +d+at is, from hiera yfelum
weorcum.
<R 37.267.6>
Bi +d+am ilcan eft cw+a+d se witga: +dis folc nis no gewend to
+d+am +de hie swing+d.
<R 37.267.7>
Ymb +d+at ilce sargode se witga, sua sua god lareow de+d,
+donne he his gingran suing+d, gif hit him 
nauht ne forstent.
<R 37.267.9>
Be +d+am cw+a+d se witga: We lacnodon Babylon, & hio +deah ne
wear+d geh+aled.
<R 37.267.10>
+donne bi+d Babylon gelacnad, nales +deah fullice geh+aled,
+donne +d+as monnes mod for his unryhtum 
willan & for his won weorcum gehier+d sceamlice +dreaunga, &
sceandlice suingellan underfeh+d, & 
+deahhw+a+dre oferhyg+d +d+at he gecierre to bettran.
<R 37.267.13>
+d+at ilce eac Dryhten o+dwat Israhela folce, +da hie w+aron
gehergeode & of hiera earde al+adde, & 
swa+deah noldon gesuican hiera yfelena weorca, ne hie noldon
awendan of hiera won wegum;
<R 37.267.16>
+da cw+a+d Dryhten: +diss Israhela folc is geworden nu me to
sindrum & to are & to tine & to iserne & 
to leade inne on minum ofne.
<R 37.267.18>
Suelce he openlice cw+ade: Ic hie wolde gecl+ansian mid +d+am
gesode +d+as broces, & wolde +d+at hie wurden
to golde & to seolufre, ac hie wurdon gehwierfde inne on
+dam ofne to are & to tine & to isene & 
to leade, for+d+am+de hie noldon on +d+am gesuincium hie selfe
gecirran to nyttum +dingum, ac +durhwunedon
on hiera un+deawum.
<R 37.267.23>
Witodlice +d+at ar, +donne hit mon slih+d, hit bi+d hludre
+donne +anig o+der ondweorc.
<R 37.267.24>
Sua bi+d +d+am +de 
<P 269>
sui+de gnorna+d on +d+are godcundan
suingellan, he bi+d on middum +d+am ofne gecirred to are.
<R 37.269.2>
+d+at tin +donne, +donne hit mon mid sumum cr+afte gemeng+d, &
to tine gewyrc+d, +donne bi+d hit swi+de 
leaslice on siolufres hiewe.
<R 37.269.4>
Sua hwa +donne sua licet on +d+are swingellan, he bi+d +d+am
tine gelic inne on +d+am ofne.
<R 37.269.5>
Se bi+d +donne +d+am isene gelic inne on +d+am ofne, se +de
for +d+are suingellan nyle his +dweorscipe 
forl+atan, ac ofan his nihstan his lifes.
<R 37.269.7>
+d+at lead +donne is hefigre +donne +anig o+der andweorc.
<R 37.269.8>
For+dy bi+d inne on +d+am ofne geworden to leade se se +de sua
bi+d ge+drysced mid +d+are hefignesse his 
synna +d+at he fur+dum on +d+am broce nyle al+atan his
geornfulnesse & +das eor+dlican wilnunga.
<R 37.269.11>
Bi +d+am ilcan is eft awriten: +d+ar w+as sui+de sui+dlic
gesuinc, & +d+ar w+as micel swat agoten, & +deah ne
meahte monn him of animan +done miclan rust, ne fur+dum mid
fyre ne meahte hiene mon aweg adon.
<R 37.269.14>
He us stiere+d mid fyres broce, for+d+am+de he wolde from us
adon +done rust urra un+deawa, ac we +deah 
for +d+am broce +d+as fyres nylla+d al+atan from us +d+at rust
+dara unnyttra weorca, +donne we on +d+are 
suingellan nylla+d gebetan ure un+deawas.
<R 37.269.18>
Be +d+am cw+a+d eft se witga: Idel w+as se blawere, for+don
hiera awiergdan weorc ne wurdon from him 
asyndred.
<R 37.269.19>
Eac is to witanne +d+atte oft +d+am bi+d gestiered mid
man+dw+arlicre manunga, +d+am +de monn mid heardre 
suingellan gecirran ne m+ag, & +da +de ne magon +drouunga
gestieran yfelra weorca, eft hie hie forl+ata+d 
for li+delicre olicunga, sua sua +da seocan, +da +de mon oft ne
m+ag gelacnian mid +d+am drencium strangra
wyrta gemanges, +da ful oft beo+d mid wlacum watre gelacnode,
& on +d+are ilcan h+alo gebrohte +de hie +ar
<P 271>
h+afdon.
<R 37.271.1>
Sua beo+d eac ful oft +da wunda mid ele geh+alda, +da +de mon
mid gesnide gebetan ne meahte.
<R 37.271.2>
& eac se hearda stan, se +de a+damans hatte, +done mon mid
nane isene ceorfan ne m+ag, gif his mon 
onhrin+d mid buccan blode, he hnesca+d ongean +d+at li+de blod
to +d+am sui+de +d+at hine se cr+aftega wyrcean m+ag
to +d+am +de he wile.

<S SAMPLE 3>
[^B9.1.3D^]
<P 387>
<R 50.387.5>
On o+dre wisan sint to manianne +da +de eall orsorglice
begita+d +disse worulde, +d+at +d+at hie wilnia+d;
<R 50.387.6>
on o+dre wisan +da +de +disses andweardan middangeardes wilna
& welena wilnia+d, & swa+deah mid sumum 
wi+derweardum brocum hiora him bi+d f+arwirned.
<R 50.387.8>
+da +donne sint to manienne +de simle habba+d +disse worulde
+d+at +d+at hie wilnia+d +d+at hie ne 
agiemeleasien, +donne hi hit eall h+abben, +d+at hie ne secen 
+done +de him to eallum gefultema+d, +dyl+as hie lufigen
+das el+diodignesse ofer hiora +agenne e+del, & hiora mod eal
ahon on +d+at +de him her gel+aned bi+d, & 
+dyl+as hie gedwelle sio gehydnes & +da get+asu +de hie on 
+d+am wege habba+d, +d+at hie forgieten hwider hie 
scylen, & +dyl+as hie for +d+am f+ageran monan +de hi on niht
gesio+d forhycgen +d+as d+ages bierhto & +d+are sunnan.
<R 50.387.16>
Eac hi sint to monienne +d+atte hie no ne geliefen +d+atte +da
willan & +da get+asu +de him on +disse 
worulde becuma+d, +d+atte +d+at sien +da lean +de him God 
getiohchod h+af+d, ac bi+d +dissa ierm+da frofor, & +da lean
bio+d on +d+am ecean life +d+as +de we to gode do+d.
<R 50.387.19>
For+dy we sculon ure mod getrymman wi+d +disses middangeardes
oliecunga, +dyl+as we hie mid ealle mode
lufigen, & us mid ealle hiere under+dieden.
<R 50.387.21>
Ac se se +de +das orsorgnesse +de he her h+af+d ne forswi+d
mid +d+are gesceadwisnesse his inge+donces & 
mid +d+are lufan +d+as beteran lifes, +donne [{gehwierf+d{] he
+da olecunga +disse gewitendan worulde him to ecum dea+de.
<R 50.387.25>
For +dissum +dingum w+as +d+atte Ezechiel se witga +dreade
Israhela folc, & cw+a+d +d+at hie wolden weor+dan 
forlorene & oferwunnene mid orsorgnesse, swa swa Idumeas
w+aron, for+d+am hi to swi+de bli+dsodon on 
+disses middangeardes orsorgnesse.
<R 50.387.28>
Ac Dryhten hie +dreade +durh +done witgan, +da he cw+a+d: Hie
dydon min land him selfum to ierfelonde 
mid gefean & mid ealre heortan & mid ealle mode.
<R 50.387.31>
Be +d+am wordum we m+agon gehieran +d+at hie w+aron swi+de
sui+dlice get+alde, n+as no for+d+am+de hie 
f+agnodan, ac for+d+am+de hie mid ealre heortan & mid ealle 
mode f+agnodan.
<R 50.387.33>
Be +d+am cw+a+d Salomon: Giongra monna dolscipe hi ofslih+d, &
dysigra monna orsorgness hi forde+d.
<R 50.387.35>
Be +d+am ilcan cw+a+d sanctus Paulus: Sien +da h+abbendan
<P 389>
swelce hie nowiht h+abben, & +da +de +disses 
middangeardes notiga+d swelce hi his no ne notigen.
<R 50.389.2>
+d+atte we swa lufigen +disne uterran & +disne eor+dlican
fultum +d+atte we for+d+am from +d+are wilnunga & 
from +d+are geornfulnesse +d+are godcundan lufan ure mod ne
awenden, +dyl+as us weor+de to wope & to 
el+diodignesse +d+as ecean lifes +d+at +d+at us on +disse
el+diodignesse to fultume & to are gel+aned is;
<R 50.389.6>
+d+atte we ne f+agnigen, swelce we ges+alige sien for +dissum
gewitendan +dingum, +donne +donne we betweox
+d+am ongieten hu earme we bio+d +dara ecena +dinga.
<R 50.389.9>
Be +dissum ilcan cw+a+d Salomon on (\Cantica Canticorum\)
+d+are bec be +d+are halgan gesomnunge, he cw+a+d: 
Dryhtnes winestre hand is under minum heafde, & his swi+dre 
hand me beclip+d.
<R 50.389.11>
Sio winestre hand Godes he cw+a+d w+are under his heafde.
<R 50.389.12>
+d+at tacna+d orsorgnesse +disses andweardan lifes.
<R 50.389.13>
+da hand +donne ge+dryc+d sio incunde lufu +d+as uplican
lifes.
<R 50.389.14>
Sio swi+dre hand hine +donne beclip+d, +donne [{+donne{] he
hine gehielt on +d+am willan +d+at he mid ealre 
estfulnesse lufa+d +d+at ece lif.
<R 50.389.16>
Eft w+as gecueden +durh Salomon +done snottran +d+atte on his
swi+dran handa w+are lang lif, & on his 
winestran w+are wela & wyr+dmynt.
<R 50.389.18>
+da he l+arde hu we +ag+der lufian sceolden, +da he m+at +done
welan & +done wyr+dmynd to +d+are winestran handa.
<R 50.389.19>
Eft be +d+am ilcan cw+a+d se psalmsceop: Geh+ale me +din sio
swi+dre.
<R 50.389.20>
Ne cw+a+d he no +din sio winestre hond, ac +din sio swi+dre.
<R 50.389.21>
Mid +d+am he [{gecy+dde{] +d+at he ne m+ande +dis andwearde
lif, ac +d+as ecean lifes h+alo he sohte.
<R 50.389.22>
Be +d+am ilcan is eft awriten on Exodo, +d+at is Moyses boc,
hit is awriten: +din swi+dre hand, Dryhten,
gebr+ac +dine feond.
<R 50.389.24>
+da +donne +de Godes fiond bio+d, +deah hi on +d+are winstran
handa bion ge+digene, hi beo+d mid +d+are 
swi+dran tobrocene, +d+at is +d+atte oft +dis andwearde lif
upahefe+d +da yfelan, ac se tocyme +d+are ecan 
eadignesse hie geni+dra+d.
<R 50.389.27>
+dy sint to manienne +da +de on +disse worulde orsorglice
libba+d, +d+at hie geornlice ongieten +d+atte sio
orsorgnes +disses andweardan lifes hwilum bi+d to +d+am
gel+aned +d+at hie sien +durh +da to beteran life 
getogene, hwilum to +d+am +d+at hie sien +dy swi+dur on
ecnesse gesciende.
<R 50.389.31>
Forhwam w+as elles Canonea land [{Israhela{] folce gehaten,
buton for+d+am+de +d+at ungetyde folc nolde 
geliefan +deah him mon feorr land on fierste gehete, gif him 
sona ne sealde sum on neaweste se him +d+at mare gehett?
<R 50.389.35>
Ond eac for+d+am +d+atte hie +dy f+as+dlicor & +dy
untweogendlicor gelifden +dara ecena +dinga, swa hwanne 
swa him +da gehete, +dyl+as 
<P 391>
hi mid +d+am gehatum & mid +d+am
tohopan anum hi spone to +d+are giefe, ac eac 
mid +d+are giefe he hi teah on +done tohopan.
<R 50.391.2>
+d+at eac gecy+dde se psalmsceop swi+de openlice, +da he
cw+a+d: He him sealde ricu o+derra kynrena, & 
manigra folca gestreones hie wieoldon, to +don +d+at hi his
ryhtwisnesse geheolden, & his +a sohten.
<R 50.391.5>
Ac +donne +d+at mennisce mod Godes gl+admodnesse mid godum
weorcum ne geandswora+d, +donne bi+d he swi+de 
ryhtlice mid +d+am gehined +de mon wen+d +d+at he mid gearod
sie.
<R 50.391.8>
Be +d+am w+as eft gecweden +durh +done salmsceop: +du hie
geni+drades, +da hi hi selfe upahofon.
<R 50.391.9>
Swa, +donne +donne unnyttan men +da godcundan gife nylla+d
leanian mid ryhtum weorcum, ac willa+d hi 
selfe her mid ealle fordon mid +d+are fortruwunga +d+as
toflowendan welan & orsorgnesse, & +donon +de hi 
utan bio+d ah+afene, +danon hie bio+d innan afeallene.
<R 50.391.13>
Be +dys ilcan w+as eac gecweden be +d+am welegan +de ges+ad
is +d+atte on [{helle{] +drowude, hit w+as 
gecweden: +du onfenge +din god eal her on worulde.
<R 50.391.15>
For+d+am anfeh+d se yfla auht goodes on +disse worulde +d+at
he eft +dy maran yfles on +d+am toweardan life,
gif he her nolde for +d+am goode to Gode gecierran.
<R 50.391.17>
Angean +d+at sint to manigenne +da +de +dises middangeardes
wilna & weolena wilnia+d, & him swa+deah sum
wi+derweardnes his forwiern+d, & hi geswenc+d on +disse
worulde, +da sint to manienne +d+at hie geornlice
ge+dencen mid hu micelre giefe ofer him waca+d se Scippend &
se Stihtere ealra gesceafta, +donne he hi
nyle l+atan to hiera agnum wilnungum;
<R 50.391.23>
swa swa se l+ace, +donne he +d+am siocan ne truwa+d, & wen+d
+d+at his gehelpan ne m+age, +donne [{alief+d{] he
him eal +d+at +d+at hine lys+d to donne & to +dycganne, ac
+d+as +de he wen+d +d+at he gehelpan m+age, +d+am he 
forwiern+d swi+de feola +d+as +de he wilna+d.
<R 50.391.27>
Hw+at we eac wierna+d urum cildum urra peninga mid to
plegianne, +d+am ilcum +de we eft tiochia+d urne 
eard & urne e+del & ure ierfe eall +atsomne to te forl+atanne,
& hie tiochia+d us to ierfeweardum to habbanne.
<R 50.391.30>
Ac nimen him nu be +disse bisene gefean & tohopan +d+are ecan
ierfeweardnesse, +da +de sio 
wi+derweardnes +disses andweardan lifes geea+dmet: ac gif hi 
God n+afde on ecnesse getiochod to geh+alanne, +donne ne
gebridlode he hi no mid swa swi+dlicre +dreaunga his lare.
<R 50.391.33>
Eac sint to manigenne +da +de +dissa hwilendlicra +dinga
wilnia+d, & him +deah sum broc & sumu 
wi+derweardnes hiera forwiern+d, +d+atte hie geornfullice 
ge+dencen +d+atte oft ryhtwise menn mid +dys hwilendlican
anwealde 
<P 393>
weor+da+d upah+afene, o+d hie +durh +done anwald
weor+da+d mid synnum gefangne, sua sua mid sume
grine, swa swa we +ar herbiufan s+adon on +disse ilcan bec bi
Dauide +d+am Godes dirlinge +d+at he w+are 
ryhtwisra +da +da he +deng w+as +donne he w+are si+d+dan he
kyning w+as.
<R 50.393.4>
+da +da he +degn w+as, he mette his feond, & +deah for Godes
ege & for ryhtwisnesse lufum he hine ne dorste ofslean.
<R 50.393.6>
Ac eft si+d+dan he kyning w+as, for lare & for tiehtinge his
agenes firenlustes he ofslog & besirede his getreowne +degn.
<R 50.393.8>
Hwa m+ag +donne +ahta o+d+de anwaldes o+d+de weor+dscipes
wilnian butan plio, nu se swelc plioh +d+aron 
gefor, se +de his no ne wilnode?
<R 50.393.10>
Hwa m+ag +donne for +dyllecum bion gehealden butan miclum
gesuince & miclum plio, nu se on +d+am rice on
swelce synne befioll, se +de God self to +d+am rice geceas?
<R 50.393.12>
Eac hie sint to manigenne +d+at hie ge+dencen hu hit awriten
is be Salamonne, hu he +after swa miclum
wisdome afioll, emne o+d+d+at he dioflum ongan gieldan.
<R 50.393.15>
Nis hit no ges+ad +d+at he +anig wuht wi+derweardes on +dys
middangearde h+afde, +ar+d+am+de he afeol;
<R 50.393.16>
ac si+d+dan him se wisdom to forl+aten w+as eallunga he forget
hine selfne & +da lare & +done +diodscipe
+de he geliornode, swa +d+at he his nan geswinc habban nolde
ne l+asse ne mare.
<R 51.393.20>
[}+D+ATTE ON O+DRE WISAN SINT TO MANIANNE +DA +DE BEO+D
GEBUNDNE MID SYNR+ADENNE, ON O+DRE WISAN +DA +DE FREO
BIO+D +DARA BENDA.}]
<R 51.393.22>
On o+dre wisan sint to manienne +da +de mid synnr+adenne bio+d
gebundene, on o+dre +da +de +dara benda bio+d frio.
<R 51.393.23>
+da sint to manigenne +de mid +d+am gebundene bio+d, +donne
+donne hie betwuh him +dencea+d hu hiera +ag+der
o+dres willan don scyle, +d+at hira swa tilige +ag+der o+drum
to licianne on hiera gesinscipe, +d+at hi ne
mislicien hiera Scippende;
<R 51.393.27>
& +d+at hie swa wyrcen +disses middangeardes weorc +d+at hie
ne forl+aten to wilnianne +dara +de Godes 
sien, & swa gefeon +dissa andweardena goda +d+at hi him eac
geornlice ondr+aden +da ecan yflu, & swa eac 
+dara yfela +disse worulde hiofen +d+at hi huru hiora tohopan
anwealgne gef+astnigen to +d+am ecum godum;
<R 51.393.31>
& +donne hie ongieten hu gewitendlic +dis andwearde bi+d
+d+at +d+at hie her do+d, & hu +durhwunienede +d+at
bi+d +d+at hi wilnia+d, +d+atte +donne naw+der ne nan yfel
+disses middangeardes hiora mod ne gebrece ne 
nan god hie ne beswice, ac se gefea +dara hefonlicena goda hi
gehierde wi+d +d+am 
<P 395>
brocum;
<R 51.395.1>
& eft se wena +dara toweardena yfela on +d+am toweardan dome
hie geegesige on +d+are orsorgnesse;
<R 51.395.2>
for+d+am +d+at mod +dara cristenra gesamhiwena, +d+atte bi+d
+ag+der ge trum ge untrum & ne m+ag fullice 
forsion +das hwilendlican +ding, he m+ag +deah hine formengan 
to +d+am ecum mid his willan, +deah he +donne 
giet on +d+as fl+asces lustfulnesse licge, mid +d+am +d+at he
hine getrymige & gefylle mid +d+am uplican tohopan.
<R 51.395.7>
Ond +deah he h+abbe hw+at eor+dlices & mennisclices him on
gewunan on +dys wege se weg is +dis andwearde
lif ne forl+ate he +deah +done tohopan +d+at he becume [{to{]
Gode for his godan willan, & swa+deah ne 
fulga he eallunga +d+as lichoman wilnunga, +dyl+as he eallunga
afealle +donon +de he f+as+dlicost tohopian scolde.
<R 51.395.11>
Ymb +d+at reahte Paulus swi+de wel mid feaum wordum on his
+arendgewrite to Corinctheum, he cu+a+d: +da +de
wif h+abben, sien +da swelce hie nan h+abben, & +da +de
wepen, sien +da swelce hi no ne wepen, & +da +de
f+agnigen, sien +da swelce hi no ne f+agnigen.
<R 51.395.15>
Se +donne h+af+d wif swelce he nan n+abbe, se +de hit h+af+d
for licumlicre frofre, & +deah for +d+am bryce &
for +d+are lufe hine ne awent from bettrum weorcum.
<R 51.395.17>
Se h+af+d eac wif swelce he nan n+abbe, se +de ongiet +d+atte
eal +das andweardan +ding bio+d gewitendlicu,
& +deah for nied+dearfe h+af+d giemenne his fl+asces, &
hw+a+dre mid micelre wilnunga his g+astes giern+d 
+d+as ecan gefean.
<R 51.395.20>
+d+at is +donne +d+at mon wepe, & ne wepe, +d+at mon +da
ierm+do +disses middangeardes wepe, & swa+deah wite 
+d+at he sceal bion [{afrefred{] , & blissian on +d+am ecum
gefean.
<R 51.395.23>
& eft is +d+at mon blissige & ne blissige +d+at mon ahebbe his
mod of +dissum eor+dlican to +d+am 
hefonlican, & +deah ne forl+ate +d+at he him ne ondr+ade +d+at
he afealle of +d+am uplican to +d+am ni+derlican.
<R 51.395.25>
Ymb +d+at swi+de wel +d+arryhte +after rehte sanctus Paulus,
+da he cw+a+d: +dyses middangeardes ansien oferg+a+d.
<R 51.395.27>
Swelce he openlice cw+ade: Ne sculon ge no eallunga to swi+de
lufian +disne middangeard, for+dam, +deah
ge hine lufigen, he eow ne m+ag ealneg standan;
<R 51.395.29>
on idelnisse ge f+astnia+d eower mod on him, for+d+am+de he
eow flih+d, +deah ge hine lufigen swelce he 
wunigende sie.
<R 51.395.31>
To manigenne sint +da gesomhiwan, +deah hira hw+a+drum
hw+athwugu hwilum mislicige on o+drum, +d+at hie +d+at
ge+dyldelice forberen;
<R 51.395.33>
& gebidde hira +ag+der for o+der +d+at hie m+agen +durh +d+at
weor+dan geh+alede, for+d+am hit awriten is: 
Bera+d eowre byr+denna gem+anelice betwux iow, +donne gefylle 
ge Godes +a.
<R 51.395.35>
Sio lufu +donne is Godes +a: sio +a & sio lufu us brienga+d
monig [{god{] 
<P 397>
from Criste, & ure yfelu ge+dyldelice forbier+d.
<R 51.397.1>
Ac +donne we onhyriga+d Criste, & eac +da onhyringe gefylla+d,
+donne we lustlice sella+d o+drum +d+at +d+at
us God sel+d, & ge+dyldelice forbera+d hiora yfelu.
<R 51.397.3>
+da gesinhiwan mon sceal manian, & eac gehwelcne mon, +d+at
hie no l+as ne ne ge+dencen hw+at o+dre men 
him forbera+d & ge+dafia+d, +donne hie ge+dencea+d hw+at hi
o+drum monnum forbera+d;
<R 51.397.6>
for+d+am+de he m+ag micle +dy ie+d adreogan +da tionan +de him
o+dre men do+d, gif he wile gemunan +da +de he
o+drum monnum de+d.
<R 51.397.8>
Eac sint to manigenne +da gesinhiwan +d+at hi gemunen +d+at
hie for nanum o+drum +dingum ne bio+d 
gesomnode, buton for+d+am +d+at hie sculon bearna strienan.
<R 51.397.10>
For+d+am hi sculon ge+dencean, gif hie to oftr+adlice & to
ungemetlice hie gemenga+d on +d+am h+amede, +d+at
hie ne bio+d no on ryhtum gesinscipe, gif hie +d+at on gewunan
habba+d, ac for+d+am+de hie gewemma+d +done
aliefedan gesinscipe mid +d+are unliefedan gemengnesse, him
is micel [{nied+dearf{] +d+at hie mid 
oftr+adlicum gebedum +da scylde adiligien.
<R 51.397.15>
For+d+am w+as +d+at se getyda l+ace +d+as hefonlican
l+acedomes, +d+at w+as sanctus Paulus, +ag+der ge +da halan 
l+arde ge +dam unhalum l+acedom eowde, +da he cw+a+d: God bi+d
men +d+at he sie butan wife.
<R 51.397.18>
& eft he cw+a+d: God bi+d mannum +d+at +alc h+abbe his agen
wif, & +alc wif hire ceorl, +dyl+as hi on unryht h+amen.
<R 51.397.19>
+ag+der he dyde, ge he egesode +da +de on unryht h+amdon, ge
he liefde +d+am +de hit forberan ne meahton, 
for+d+am +d+atte +da +de gestondan ne meahton, gif hi afeallan
scolden, +d+at hi afeollen on +d+at hnesce bedd
+d+as gesinscipes, n+as on +da heardan eor+dan +d+as
unryhth+amdes.
<R 51.397.23>
& eft he cw+a+d to +d+am untrumum: Agife se wer his wife hire
ryht on hira gesinscipe, & swa same +d+at wif +d+am were.
<R 51.397.25>
Ac +after+d+am+de he hwelcehwugu gerisenlice leafe dyde +d+am
gesinhiwon hira willan to fremmanne, he 
cw+a+d: Ne cwe+do ic no +d+at +d+at ic +ar cw+a+d bebeodende, 
ac l+arende & ge+dafigende.
<R 51.397.28>
+da he spr+ac gelicost +d+am +de hit hwelchwugu syn w+are,
+da he cw+a+d +d+at he hit forgiefan wolde & ge+dafian.
<R 51.397.30>
For+d+am bi+d sio scyld +dy hra+dor geh+aled, for+d+am+de hio
ne bi+d unliefedo, ac +deah hio aliefedu sie, ne
sceal hi mon to ungemetlice began.
<R 51.397.32>
+d+at us getacnode Loth swi+de wel on him selfum, +da he fleah
+da biernendan ceastre Sodoman, & com to
Segor, +da ne dorste he nawuht hr+adlice ut of +d+are
ceastre faran up on +da muntas.
<R 51.397.34>
Mid+d+am+de he fleah +da birnendan Sodoman, he getacnode +d+at
we sculon fleon +done unliefedan bryne ures lichoman.
<R 51.397.36>
Sio heanes +donne +dara munta getacna+d 
<P 399>
+da cl+annesse +d+are forh+afdnesse.
<R 51.399.1>
+da +donne bio+d swelce hi eardigen upp on +d+am munte +da
+de bio+d gesponnene to gesinscipe, & +deah ne
bio+d na gemengde buton +donne hi wilnia+d bearn to
gestrienanne.
<R 51.399.4>
+donne hie stonda+d up on +d+am munte, +donne +d+at fl+asc
nauht elles ne sec+d to +d+am o+drum buton tudor.
<R 51.399.5>
+d+at is +d+at mon stonde on +d+am munte +d+at +d+at fl+asc ne
sie fl+asclice to +d+am o+drum gef+as+dnod.
<R 51.399.7>
Ac monige bio+d +dara +de hie gehealda+d wi+d unryhth+amed, &
swa+deah his agenra ryhthiwena ne bryc+d swa
swa he mid ryhte sceolde.
<R 51.399.9>
Loth for ut of Sodoman to Segor, & +deah ne com he nauht
hra+de onuppan +d+am muntum.
<R 51.399.10>
Swa, +donne +donne mon forl+at +d+at wyrreste lif, & ne m+ag
+deah +donne git cuman to +d+am betstan, ne +da
forh+afdnesse gehealdan +d+as hean gesinscipes, +donne bi+d
+d+at swa swa Segor stod on midwege betweox 
+d+am muntum & +d+am merscum +de Sodoma on w+as.
<R 51.399.14>
Sio Segor geh+alde Loth fleondne.
Swa de+d sio Segor +d+as medemestan lifes: +da +de hire to
befleo+d hio geh+al+d.
<R 51.399.15>
Ac +donne +da gesinhiwan hi gemenga+d +durh ungemetlice
unforh+afdnesse, +d+ar +d+ar hi +done fiell fleo+d 
+d+are synne, +donne magon hie +deah weor+dan geh+alede sui+de
ie+delice +durh forgiefnesse & +durh gebedu, swa
swa Loth funde +da lytlan ceastre, & hine +d+aron wi+d +d+at
fyr gescilde.
<R 51.399.20>
+d+at lif +dara gesinhiwena, +deah hit ful wundorlic ne sie on
m+agenum weoruldwilnungum to 
wi+dstondanne, hit m+ag +deah bion orsorglic +alcra wita.
<R 51.399.22>
For+d+am cw+a+d Loth to +d+am engle: Her is an lytele burg
swi+de neah, +d+ar ic m+ag min feorh on generian.
<R 51.399.23>
Hio is an lytel, & +deah ic m+ag +d+aron libban.
<R 51.399.24>
He cw+a+d +d+at hio w+are swi+de neah, & +deah genog f+ast on
his h+alo.
<R 51.399.25>
Swa is +d+at lif +dara gesinhiwena.
<R 51.399.26>
Nis hit naht feor ascaden from +disse worulde, ne eac noht
fremde +d+are ecan h+alo, for+d+am for +d+are
d+ade +de hie do+d betwuh him hi beo+d gefri+dode mid
oftr+adlicum gebedum betwuh him, swelce hie sien on
sumere lytelre byrig belocene.
<R 51.399.29>
Be +d+am w+as swi+de ryhte gecweden +durh +done engel to
Lothe: +dinre bene ic wille nu onfon, & for +dinre
bede ic ne toweorpe +da burg +de +du foresprics+d.
<R 51.399.31>
Swa bi+d +d+at lif +dara gesinhiwena.
<R 51.399.32>
Ne bi+d hit no fordemed beforan Gode, gif +d+ar gebedo +after
fylgea+d.
<R 51.399.33>
Ymb +da illcan gebedo sanctus Paulus manode, & +dus cw+a+d: Ne
fornime incer no+der o+der ofer will butan
ge+dafunge, +d+am timum +de he hine wille gebiddan, ac
ge+amtigea+d inc to gebedum.
<R 51.399.36>
Ongean +d+at sint to manigenne +da +de ne beo+d gebundne 
<P 401>
mid +d+am gesinscipe, +da sint to manienne +d+at 
hie swa micle ryhtlecor +da hefonlican bebodo healden swa hie
orsorgran bio+d +disses middangeardes 
ymbhogena, for+d+am hie nan gespann +d+as fl+asclican 
gesinscipes ne gebiege+d on +disse worulde, ne se 
aliefeda gesinscipe hi ne gehefega+d.
<R 51.401.5>
+donne is him micel +dearf +d+atte sio unliefde byr+den +dissa
eor+dlicena sorga hi ne ge+drysce, +d+atte 
hie swa micle gearran finde se ytemesta d+ag, +donne he cume,
swa hi her +amtegran bio+d;
<R 51.401.7>
& +donne hi ge+ametgade bio+d +d+at hie magon bet don +donne
o+dre menn, & hit swa+deah agiemeleasia+d, +d+at
hie +donne +durh +d+at ne geearnigen wyrse wite +donne o+dre
menn.
<R 51.401.10>
Ac hi scoldon gehiran hw+at Paulus cw+a+d, +da +da he sume
men manode to +d+are giefe Godes +diowdomes;
<R 51.401.11>
ne cw+a+d he +deah no +d+at +d+at he cw+a+d for+d+am+de he
gesinscipe t+alde, ac for+d+am+de he wolde +da sorga 
awegadrifan +disses middangeardes of his hieremonna mode +da 
+de bio+d aweaxene of +d+am gesinscipe;
<R 51.401.14>
he cw+a+d: +dis ic cwe+de for eowerre +dearfe, +dyl+as ic eow
mid +anige grine gefoo.
<R 51.401.15>
Ic eow secgge hw+at eow arwyr+dlicost is to beganne, & hu ge
fullecost magon Gode +diowian +d+at eow 
l+ast +dinga mier+d.
<R 51.401.17>
For+d+am of +d+am gesinscipe weaxa+d eor+dlice ymbhogan &
sorga, for+d+am se +a+dela +dioda lareow his 
hieremen to betran life spon, +dyl+as hi mid eor+dlicre sorge 
wurden gebundne;
<R 51.401.20>
for+d+am, +donne se Godes +diow on +d+at gemearr +d+are
woruldsorga befeh+d, +deah [{he{] +donne h+abbe beflogen
+done gesinscipe, +donne n+af+d he no beflogen +da byr+denne.
<R 51.401.22>
Eac sint to manienne +da Godes +diowas +d+at hie ne wenen
+d+at hie butan +d+am demme stranges domes hi 
gemengan m+agen wi+d +da +amtegan wifmen, +da Paulus +d+at yfel
+d+are forlegnesse swa manegum awiergdum leahtrum loh.
<R 51.401.26>
He gecy+dde hwelc sio scyld bi+d, +da he cw+a+d: Naw+der ne
+da wohh+amendan, ne +da +de diofulgieldum 
+diowia+d, ne +da unf+as+dradan, +de ne magon hira 
unryhth+amdes geswican, ne +da +diofas, ne +da gietseras, ne 
+da druncenwillnan, ne +da wiergendan, ne +da reaferas Godes 
rice ne gesitta+d.
<R 51.401.30>
& eft he cw+a+d: +d+am wohh+amerum deme+d Dryhten.
<R 51.401.31>
For+d+am hi sint to manigenne, gif hie +da halwendan
forh+afdnesse gehabban ne m+agen, & +da scuras +d+are
costunga adreogan ne m+agen, +d+at hie wilnigen +d+are hy+de
+d+as gesinscipes;
<R 51.401.33>
for+d+am hit is awriten +d+at hit sie betere +d+at mon
gehiewige +donne he birne, for+d+am butan synne he 
m+ag gehiwian, gif he hit +ar ne forhet.
<R 51.401.35>
Ac se +de mare god gehet +donne he +ar dyde, he gede+d mid
+d+am +d+at l+asse god unaliefed 
<P 403>
+d+at he +ar dyde.
<R 51.403.1>
Hit is awrieten on +d+am godspelle +d+at nan mon ne scyle don
his hond to +d+are sylg, & hawian underb+ac.
<R 51.403.2>
Ne +don ma se +de gehat geh+at, ne wene he +d+at he sie a +dy
near hefonrice, gif he hine from went +d+am gehatum.
<R 51.403.4>
For+d+am se +de hine selfne maran godes beh+at, & +donne
forl+at +da maran god, & went hine to +d+am 
l+assum, +donne bi+d hit swutol +d+at he bi+d fromlociende
oferswi+ded.
<R 52.403.7>
[}+D+ATTE ON O+DRE WISAN SINT TO MANIENNE +DA +DE GEFANDOD
HABBA+D +DARA FL+ASCLICRA SYNNA, ON O+DRE WISAN +DA
+DE +D+AS NOHT NE CUNNON.}]
<R 52.403.10>
On o+dre wisan sint to manienne +da +de ongieta+d & witon
hiera lichoman synna, on o+dre +da +da +de hie nyton.
<R 52.403.11>
+da sint to manienne +de hiera lichoman synna onfunden
habba+d, +d+at hie huru +after +d+am scipgebroce him
+da s+a ondr+aden & +d+at forlor hira frecennesse, +donne hie
hit oncnawen, +d+at hi hit onscunigen;
<R 52.403.14>
+d+atte +da +da +de mildheortlice bio+d gehealdne +after hiora
+durhtogenum synnum, +d+atte hi eft unw+arlice
to ne gecierren, & +donne swelten.
<R 52.403.16>
For+d+am is gecweden to +d+are syngiendan sawle, +de n+afre
hire synna geswican nyle: +du h+afst 
forlegisse andwlitan, for+d+am +de no ne sceama+d.
<R 52.403.18>
+deah hie sint to manienne +d+at hie geornlice giemen, +deah
hi +d+at god hira gecynde gehal nolden 
gehealdan, +d+at hi hit huru tobrocen gebeten.
<R 52.403.20>
Him is +dearf +d+at hie ge+dencen hu micel menigu +d+ara
getreowfulra bi+d, +de +ag+der ge hi selfe cl+ane 
gehealda+d, ge eac o+dre of hira gedwolan ahwierfa+d.
<R 52.403.22>
Ac hw+at cwe+da+d hi +donne, +donne +da o+dre stonda+d on
anwalgre h+alo, & hie nylla+d +after yfelre d+ade 
gecierran?
<R 52.403.24>
O+d+de hw+at cwe+da+d hi, +donne +da o+dre brienga+d +ag+der
ge hie selfe ge eac o+dre mid hiora bisenum to 
hefonrice;
<R 52.403.26>
ond hie, +donne him God +done first alef+d, & him hira yfel
forbier+d, nylla+d fur+dum hie selfe 
briengan?
<R 52.403.27>
Ac hie sint to manienne +d+at hie gemunen hw+at hi godes +ar
forleton +d+as +de hi don meahton, +d+at hi 
huru +donne forbugen +d+at andwearde yfel.
<R 52.403.29>
Be +d+am cw+a+d Dryhten to +d+am gewundedum modum +durh
Ezechiel +done witgan, swelce he to Iudeum spr+ace,
& he +dara gedonena scylda eft gemyndgade, for+d+am+de he
wolde +d+at hi sceamode +d+at hie eft on +d+are 
o+derre worulde w+aren uncl+ane, he cw+a+d +d+at hi hi
forl+agen on Egiptum on hira giogu+de: hi w+aron +d+ar 
forlegene, & +d+ar w+aron gehnescode hiera 
<P 405>
breost, & forbrocene +da dela hiora m+agdenhades.
<R 52.405.1>
On Egiptum beo+d hira breost gehnescod, +donne hi +da
scandlican lustas +disses middangeardes mid hira
modes willan underhniga+d.
<R 52.405.3>
Ond eft on Egiptum bio+d forbrocene +da w+astmas +d+ara dela,
+donne +d+at gecyndelice gewitt +arest sume 
hwile bi+d on him selfun anwalg untosliten, o+d+d+at hit bi+d
gewemmed mid+d+am+de hit cnyssa+d on unryhta 
wilnunga, & hit totera+d.
<R 52.405.7>
For+d+am sint to manienne +da +de hiera synna onfunden
habba+d, +d+atte hie mid wacore mode ongieten 
+after hira misd+adum mid hu miclum godum willan Dryhten 
tobr+at +done greadan his mildheortnesse ongen +da
+de to him gecierra+d.
<R 52.405.10>
Swa swa he +durh Ieremias +done witgan cw+a+d, he cw+a+d: Gif
hwelc wif forl+at hiere ceorl, & nim+d hire
o+derne, wenestu recce he hire +afre ma, o+d+de m+ag hio +afre
eft cuman to him swa cl+anu swa hio +ar w+as?
<R 52.405.13>
Hw+at +du +donne eart [{forlegen{] wi+d manigne copenere, &
swa+deah ic cwe+de: Gecier eft [{to{] me, cw+a+d Dryhten.
<R 52.405.15>
He gereahte +done ryhtestan dom be +d+am forlegenan & +d+am
aworpnan wife, & swa+deah us gecy+dde, gif we
+after +d+am hryre urra scylda to him gecierdon, +d+at us
w+are gearo his miltsung, n+as +d+at ryht.
<R 52.405.18>
Of +dissum wordum we magon oncnawan, nu he us spara+d mid swa
micelre mildheortnesse, +donne we 
gesynngia+d, & +donne giet nylla+d +after +d+are scylde to him
gecierran, +d+at we +donne eft mid micle dysige 
syngia+d, nu sio Godes miltsung is swa micul ofer +da dysegan,
+d+at hiene na ne a+driet +d+at he hi to him
ne la+dige, +after+d+am+de hie gesyngod habba+d.
<R 52.405.23>
Be +d+are miltsunga +after +d+are la+dunga is swi+de wel
ges+ad +durh Essaias +done witgan;
<R 52.405.24>
hit is gecweden to +d+am wi+derweardan men: +din eagan
weor+da+d gesionde +dinne bebiodend, & +din earan 
gehira+d under b+ac.
<R 52.405.26>
Eall moncynn w+as to Gode gewend, +da +da hi +arest
gesceapene w+aron on neorxna wonge;
<R 52.405.27>
& he +da hie manode andwearde, & him forgeaf +d+at hie moston
stondan on frioum anwalde, & him get+ahte
hw+at hi on +d+am don sceolden, hw+at ne scolden.
<R 52.405.29>
+da giet stodon men to him gewende.
<R 52.405.30>
Ac +da hie wendon hiera b+ac to him, +da hi ofermodgiende his
gebod forhogdon.
<R 52.405.31>
& +deah, +deah hi hine oferhogden , ne forhogde he hi no ne
ne forlet: +d+at he gecy+dde, +da +da he him
sealde +a, & hi mid +d+are ham gela+dode, & oft sende his
englas us ham to spananne to him, & on +dissum
deadlican fl+asce he hine selfne +ateowde.
<R 52.405.35>
+da he +dis eal dyde, +da he stod +after us gewend, & cliopode
+after us, +deah we from him gewende w+aren;
<R 52.405.36>
& +deah he oferhogod 
<P 407>
w+are, he us eft la+dude to his hyldo.
<R 52.407.1>
Ac swa swa we nu +dis reahton be eallum monnum, swa hit m+ag
+aghwelc mon be him anum ge+dencean, 
for+d+am+de +aghwelc mon +de his bebod & his forbod ongiet, he
bi+d swelce he beforan him stonde, +ar+d+am+de he gesyngige.
<R 52.407.4>
+donne giet he stent beforan him, +donne he hine ne forhyge+d,
ac for his ege forbier+d +d+at he ne synga+d.
<R 52.407.6>
Ac +donne he forl+at his godnesse & his unscea+dfulnesse, &
gecist unryhtwisnesse, & +da gefreme+d, 
+donne went he his hrycg to him.
<R 52.407.8>
Ac +deah +donne giet him fylg+d God, & him +after cliopa+d,
+donne he hine mona+d +after +d+are gedonan 
scylde, & hine sp+an+d +d+at he to him gecierre.
<R 52.407.10>
+da scylda he nyle gesion, & +done fromweardan he ciege+d, &
+done greadan his arf+astnesse & his 
frofre he gebr+at ongean +da +de to him gecierra+d.
<R 52.407.12>
+donne we gehira+d under b+ac +d+as maniendes stemne, +donne
we to him gecierra+d, +donne +donne he us 
ciege+d huru +after urum scyldum, +donne he us +after cliopa+d,
+deah we +ar nolden +after his lare.
<R 52.407.15>
Hit is cyn +d+at we ure scomigen, +donne he us +after
cliopa+d, gif we us nylla+d ondr+adan his 
ryhtwisnesse, for+d+am we hine mid swa micle maran unryhte & 
dysige oferhycgea+d swa he l+as forhoga+d +d+at he us
+donne giet to him spane, si+d+dan we hiene oferhycggea+d.
<R 52.407.19>
Ongean +d+at sint to manigenne +da +de +donne giet ungefandod
habba+d fl+asclicra scylda, +d+atte hie swa 
micle swi+dor +done spild +d+as hryres him ondr+aden +donne +da
o+dre swa hi ufor stonda+d +donne +da o+dre.
<R 52.407.22>
Hi sint to manienne +d+at hi witen swa swa hie on hira stede
gestonda+d swa him mare gescot & ma flana
hiera feonda to cym+d.
<R 52.407.23>
For+d+am he ongit swa micle swi+dur him on feohtan swa he hine
selfne untrumran gefred on his lichoman.
<R 52.407.25>
Ac gif he +donne +d+am wi+dstent, +donne ongit he swa micle
maran sige on him selfum swa he unie+d wi+dstod.
<R 52.407.27>
Ac hie sint to manienne +d+at hie unablinnendlice +dara leana
wilnigen, & lustlice +d+at geswinc +d+ara 
costunga +de hi +drowia+d hi forsion & ge+dolien, & buton tweon
hi geliefen +dara leana; for+d+am, gif hie
ge+dencea+d +dara ges+al+da +de him ungeendode +after +d+am
geswincum becuman sculon, +donne +dynca+d him +dy 
leohtran +da geswinc +de ofergan sculon.
<R 52.407.32>
Hi sculon gehieran hw+at +durh Essaias +done witgan gecweden
is, he cw+a+d: +dis cwi+d Dryhten: +da 
afyrdan, +da +de behealda+d minne r+asted+ag, & geceosa+d 
+d+at ic wille, & minne freondscipe geheal+da+d, ic him 
selle on minum huse, & binnan minum wealle, wic & beteran noman
+donne o+drum minum sunum o+d+de dohtrum.
<R 52.407.36>
Hw+at elles getacnia+d 
<P 409>
+da afyrdan buton +da +da +de
of+drysca+d +da styringe +d+as fl+asclican lustes, & of 
him selfum aceorfa+d unryhtlico weorc?
<R 52.409.2>
+d+am monnum is gecy+ded hwelce stowe hi moton habban beforan
urum f+ader, swa swa we +ar cw+adon, +d+at 
hie sceolden habban ece eardungstowe on +d+as f+ader huse
fur+dor +donne his +agnu bearn.
<R 52.409.5>
Hi sculon gehieran hw+at +durh sanctus Iohannes gecweden is,
he cw+a+d: +d+at sindan +da +da +de mid wifum
ne beo+d besmitene, & hira m+age+dhad habba+d gehealdenne;
<R 52.409.8>
+da folgia+d +d+am lambe, swa hw+ar swa hit f+ar+d.
+da singa+d +done sang +de nan mon elles singan ne m+ag, buton
+d+at [{hundteontig{] & feowertig & feower +dusendo.
<R 52.409.10>
+d+am is sundorlic sang to singanne mid +d+am lambe on ecnesse
beforan eallum geleaffullum, & to 
blissianne for hira fl+asces cl+annesse, +d+atte +da o+dre 
gecorenan +done song gehiran m+agen, +deah +de hine swa
singan ne m+agen, & for +d+am lufum +de hi to him habba+d, &
for +d+am weor+dscipe +de hi gesio+d +d+at hie 
habba+d hi f+agnigen, & emnswi+de him blissigen, +deah hie +da
geearnunga n+abben +d+at hi +done weor+dscipe 
habban m+agen.
<R 52.409.16>
Gehieren eac +da +de ungefandod habba+d +dara fl+asclicana
scylda hw+at sio so+df+as+dnes +durh hie selfe 
cw+a+d bi +d+are cl+annesse, he cw+a+d: Ne underfo+d no ealle 
men +das lare.
<R 52.409.19>
Mid +d+am worde he cy+dde +d+at hit is se hiehsta cr+aft,
for+d+am he cw+a+d +d+at hine ealle ne gefengen, & 
eac s+ade +d+at he unie+de w+are to gehealdenne, & eac cy+dde
hu w+arlice hi hine healdan scolden, +donne 
hie hine underfangen h+afden.
<R 52.409.22>
Eac sint to manienne +da +de ungefandod habba+d +d+as lichoman
scylda +d+at hie witen +d+at se m+ag+dhad is 
hirra +donne se gesinscipe, & swa+deah hi sint to l+aranne 
+d+at hi hi ne ahebben ofer +da o+dre;
<R 52.409.25>
ac l+aten +d+at lif +d+as m+ag+dhades beforan +d+am o+drum, &
hine selfne bi+aftan, & ne forl+ate +deah +d+at lif
+de he wat +d+atte betere bi+d, & behealde hine selfne +d+at
he hine ne ahebbe on idelnesse.
<R 52.409.27>
Hi sint to manienne +d+at hi ongieten +d+atte oft gebyre+d
+d+atte +d+at lif +dara gesinhiwena oferstig+d +d+at
lif +d+as m+ag+dhades, +donne hi underfo+d +ag+der ge
forh+afdnesse ge ea+dmodnesse fur+dor +donne hie 
gehaten, & +da o+dre ne bega+d fur+dum hira +agne 
endebyrdnesse.
<R 52.409.31>
Be +d+am w+as swi+de wel gecweden +durh Essaias +done witgan
to +d+are byrig +de Sidon hatte, sio stod bi +d+are s+a;
<R 52.409.33>
+d+a cw+a+d se witga: +dios s+a cwi+d +d+at +du +din scamige,
Sidon.
<R 52.409.34>
Swelce sio burg +da w+are +durh +d+as s+as stemne to scame
geworden.
<R 52.409.35>
Swa bi+d +dis eor+dlice lif oft y+dgiende swa swa s+a, &
+deah bi+d oft swi+de acorenlic, & +d+at o+der swi+de
aworpenlic, +d+atte f+astre bion 
<P 411>
scolde & trumlicre.
<R 52.411.1>
Oft weor+da+d monige +after +d+as lichoman scylde to Gode
gecerred, & hi +donne swa micle f+as+dlicor 
gesta+dolia+d on godum weorcum swa hi hi selfe synnigran
ongieta+d.
<R 52.411.3>
& oft +da, +da +de on cl+annesse hiora lichoman gehealdenne
habba+d, swa swa hi l+asse ongietad on him 
selfum +d+as +de him hreowan +dyrfe, swa swa hie swi+dur wena+d
+d+at him genog sie on hira lifes cl+annesse,
+donne hira mod ne beo+d onh+at mid nanre manunge +d+are
hreowsunga.
<R 52.411.7>
+donon wyr+d oft Gode leofre +d+at lif +d+atte +after his
synnum on+aled bi+d mid hreowsunga +donne +d+at 
cl+ane & +d+at unscea+dfulle for sl+aw+de & for orsorgnesse.
<R 52.411.9>
Be +d+am cw+a+d +d+as Deman stemn, +d+at is Crist, be Marian
+d+are forlegisse: Hire sint forgifena swi+de 
manega synna, for+d+am+de hio swi+de hreowsade.
<R 52.411.12>
Ond eft he cw+a+d: Mara gefea wyr+d on hefonum for anum
hreowsiendum +donne ofer nigon & hundnigontig 
ryhtwisra +d+ara +de him nan +dearf ne bi+d hreowsunga.
<R 52.411.14>
+d+at we magon swutolor ongietan & hr+a+dor bi urum agnum
gewunan, gif we willa+d ongietan +done dom 
ures agnes modes.
<R 52.411.16>
Hw+at, we witon +d+at we ma lufia+d +done +acer +de +ar w+as
mid +dornum aswogen, & +after+d+am+de +da +dornas beo+d
aheawene, & se +aker bi+d onered, bring+d godne w+as+dm ma we
lufia+d +done +donne +done +de stent on 
cl+anum lande, & bi+d unw+as+dmb+are o+d+de ungefynde corn 
bring+d o+d+de deaf.
<R 52.411.20>
Eac sint to manienne +da +de ungefandod habba+d +dissa
fl+asclicena scylda, +d+at hie ne wenen for hira 
cl+annesse +d+at hie sien beforan +d+am hirrum hadum,
for+d+am+de hi nyton +deah hi sin behindan +d+am +de l+assan
hades bio+d, & hie wena+d +d+at hie beforan bion scylen;
<R 52.411.24>
for+d+am+de on +d+am dome +d+as ryhtwisan Deman onwent sio
geearnung +done had & +da ge+dync+do.
<R 52.411.25>
Hwa is nu +d+ara +de gesceadwis sie, & to +d+am gleaw sie
+d+at he swelces hw+at tocnawan cunne, +d+atte nyte
+d+atte on gimma gecynde carbunculus bi+d diorra +donne
iacinctus?
<R 52.411.28>
& swa+deah +d+at bleoh +d+as welh+awnan iacintes bi+d betera
+donne +d+as blacan carbuncules;
<R 52.411.29>
for+d+am +d+as +de sio endebyrdnes & +d+at gecynd forwiern+d
+d+am iacinte, se wlite his beorhtnesse hit eft
geiec+d, & eft, +deah +de +d+at gecynd & sio endebyrdnes
+d+as carbuncules hine upahebbe, his blioh hine
gescent.
<R 52.411.32>
Swa bi+d on +disse menniscan gecynde manige on beteran hade &
on beteran endebyrdnesse wyrsan, & on
wyrsan hade & on wyrsan endebyrdnesse beteran;
<R 52.411.34>
swa +d+atte oft on l+awedum hade & on l+awedum girelan mid
godum weorcum & mid ryhte life man ofer+dih+d
+done munuchad, & +da o+dre, +de +done hierran 
<P 413>
had habba+d,
+donne hi nylla+d +d+am +deawum & +d+am geearningum
folgian, +donne gewania+d hie +done had & gewemma+d.
<R 53.413.3>
[}+D+ATTE ON O+DRE WISAN SINT TO MANIANNE +DA +DE +DA GEWORHTAN
SYNNA WEPA+D, ON O+DRE +DA +DE +DA GE+DOHTAN WEPA+D.}]
<R 53.413.5>
On o+dre wisan sint to manienne +da +de hiera geworhtan synna
wepa+d, on o+dre +da +de hira ge+dohtan wepa+d.
<R 53.413.6>
+da sint to manienne +de hira geworhtan wepa+d, +d+atte hie
+da gedonan yfelu mid fullfremedre 
hreowsunga a+dwean, +dyl+as hi sin to swi+de gebundne mid +d+am
+durhtogenum scyldum, & +donne to lange forelden 
+d+at hi hi ne anbinden mid +d+are hreowsunge.
<R 53.413.10>
Be +d+am is awriten on +d+am nigon & hundsiofantigo+dan
sealme: God us drencte swi+de gemetlice mid 
tearum, swa +d+atte +aghwelces mannes mod swa micle oftor w+are
ge+dw+aned mid hreowsunge tearum swa swa he 
gemunde +d+at hit oftor w+are adrugod from Gode on his synnum.
<R 53.413.14>
Hi sint eac to manienne +d+at hi una+drotenlice +da gedonan
synna gel+aden beforan hira modes eagan, & 
+donne hi hi gesewene h+abben, gedon +d+at hie ne +dyrfen bion
gesewene +at +d+am nearwan dome.
<R 53.413.17>
Be +d+am cw+a+d Dauid on psalmum: Ahwyrf, Dryhten, +din eagan
from minum synnum.
<R 53.413.18>
& lytle +ar he cw+a+d: Mine misd+ada bio+d simle beforan me.
<R 53.413.19>
Swelce he cw+ade: Ic +de bidde +d+at +du no ne locige on mine
synna, for+d+am+de ic self him ealneg on locige.
<R 53.413.20>
Be +d+am eac cw+a+d Dryhten +durh Essaias +done witgan: +dinra
synna ne weor+de ic gemunende, ac gemun +du hiora.
<R 53.413.22>
For+d+am hie sint to manienne +d+at hi +alce synne ge+dencen
+d+ara +de hi gemunan m+agen, for+d+am, +donne hie
for anre hwelcre hreowsia+d, +donne hreowsia+d hie for ealle.
<R 53.413.24>
Be +d+am is swi+de wel gecweden +durh Ieremias +done witgan,
+da +da he +d+ara Iudea misd+ada ealle apinsode,
he cw+a+d: Tod+alnessa +dara w+atera utleton min eagan.
<R 53.413.27>
Tod+aldu w+ateru we l+ata+d ut of urum eagum, +donne we for
synderlecum synnum synderleca hreowsunga 
do+d: for+d+am+de hie ne magon ealneg ealla on ane tid emnsare
hreowan, ac hwilum an, hwilum o+dru cym+d 
sarlice to gemynde;
<R 53.413.30>
& +donne he wier+d mid +d+are anre onstyred, +donne wyr+d he
eallra gecl+ansod.
<R 53.413.31>
Eac hie sint to manienne +d+at hi gelefen & baldlice
getruwien +d+at hi +da forgiefnesse habba+d for 
+d+are hreowsunga +de hi wilnia+d, +dyl+as hi to ungemetlice
<P 415>
sien gew+agde mid +d+are [{hreowsunga{] .
<R 53.415.1>
Ne gedyde n+afre se mildheorta Dryhten, ne an his mode ne
gebrohte swelce hreowsunga, gif he hit 
+after +d+am auht swi+de wrecan wolde.
<R 53.415.3>
He gecy+dde swi+de mildheortlice +d+at he him deman nolde,
+da he gedyde +d+at hi him selfe +ar beforan demdan.
<R 53.415.5>
Be +d+am is awriten on +d+am feower & hundnigontigo+dan
psalme, hit is gecweden: Wuton cuman +ar his dome
andettende.
<R 53.415.7>
& eft hit w+as gecweden +durh sanctus Paulus: +d+ar we us
selfum demden, +donne ne [{demde{] us no God.
<R 53.415.8>
& eft hi sint to manienne +d+at hi swa hopigen to +d+are
forgiefnesse +d+at hie for +d+are orsorgnesse to
unw+arlice ne aslawien.
<R 53.415.10>
For+d+am oft +d+at lytige dioful +d+at mod +d+at he mid +d+are
synne ascrence+d, +donne he gesih+d +d+at hit unrot
bi+d for +d+am hryre his synna, +donne forspen+d he hit mid
+d+are wolberendan oliccunge.
<R 53.415.13>
+d+at w+as mid +d+are biesene getacnod +de Dinan gedon w+as
Iacobes dohtor.
<R 53.415.14>
Hit is awriten +d+at Dina w+are ut gangende sceawian +d+as
londes wif.
<R 53.415.15>
+da hi +da geseah Sihhem, Emmores sunu +d+as ebreiscan, se
w+as aldormon +d+as londes, & +da gelicode hio 
him, & he hi genam niedenga, & hire mid geh+amde.
<R 53.415.17>
& +da w+as his mod geh+aft mid +d+am m+adene, & he +da hi swa
unrote oleccende to him geloccode.
<R 53.415.19>
+donne g+a+d Dine ut sceawian +da el+diodigan wif, +donne
hwelces monnes mod forl+at his +agne tilunga, &
sorga+d ymb o+derra monna wisan, +de him nauht to ne limp+d,
& f+ar+d swa wandriende from his hade & of
his endebyrdnesse.
<R 53.415.22>
Sihhem, +d+as landes ealdorman, geniedde +d+at m+aden Dinan,
+da he hie gemette swa wandrian.
<R 53.415.23>
Swa de+d se dioful +d+at mod +d+at he gemet on unnyttum
sorgum: he hit awiert.
<R 53.415.24>
Sihhemes mod w+as +da geh+aft to Dinan.
<R 53.415.25>
Swa +d+at dioful, +donne he gesih+d +d+at mod on +d+am ilcan
unryhtan willan +de he bi+d, & +donne eft gesih+d
+d+at hit +d+as hreowsa+d, +donne gebring+d he beforan +d+as
modes eagan idle orsorgnesse & tohopan, for+d+am
+d+at he him oftio +d+are nyttwyr+dan unrotnesse.
<R 53.415.29>
Be +d+am w+as swi+de ryhtlice gecweden +d+atte Sihhem Dinan
li+delice olehte, +da +da he hi geunrotsod h+afde.
<R 53.415.30>
Swa de+d +d+at dioful +d+am mode: hwilum he gede+d +d+at him
+dync+d +d+at hit nan scyld ne sie +d+at +d+at he de+d;
<R 53.415.32>
hwilum he gede+d +d+at him +dync+d, +deah hit scyld sie, +d+at
o+dre men hefiglicor syngien;
<R 53.415.33>
hwilum he fortruwa+d to swi+de Godes mildheortnesse;
<R 53.415.34>
hwilum him +dync+d +d+at he h+abbe fierst genogne to
hreowsianne.
<R 53.415.35>
& +donne +d+at beswicene mod ymb +dyllic +denc+d, +donne wyr+d
hit amierred from +d+are incundan hreowe, to 
+don +d+at hit nan 
<P 417>
god ne gemete, for+d+am him nan yfel ne hriw+d.
<R 53.417.1>
Ac hit wyr+d swa micle swi+dur beswicen mid +d+am witum swa
hit nu swi+dur gefih+d on his yfelum.
<R 53.417.3>
Ongean +d+at sint to manienne +da +de +da ge+dohtan synna
wepa+d, +d+at hie geornlice giemen on +d+are 
degelnesse hira modes hw+a+der him +d+at ge+doht cume of 
f+arlicum luste, +de of wilnunga & ge+dafunga, +d+at hie 
swa gesyngeden.
<R 53.417.6>
For+d+am hit oft gebyre+d +d+at +d+at mod wyr+d gecostod of
+d+as fl+asces lustfulnesse, & +deah +d+at mod 
wi+dstent +d+as fl+asces lustfulnesse, swa +d+atte se ilca 
lust +de hine geunrotsa+d on +d+are degelnesse his modes
hine eft gerotsat, gif he him wi+dstent.
<R 53.417.10>
Oft eac folga+d +d+am mode swa grundleaslicu costung, & hit
swa forswilg+d, +d+at hit mid nanre 
wi+derweardnesse hire ne wi+dstent, ac ge+dafigende folga+d 
+d+are costunga.
<R 53.417.12>
+donne hit bi+d onstyred mid +d+are lustb+arnesse, & hit
onhaga+d to +d+am +dingum, +donne forl+at hit 
hr+adlice +da weorc +d+as inneran godan willan, +donne hit 
onhaga+d to +d+am uterran.
<R 53.417.15>
Ac +donne +d+at gesih+d se ryhta dom +d+as +dearlwisan Deman,
+donne ne bi+d hit no swa swa ge+doht syn, ac 
swa +durhtogen.
<R 53.417.16>
For+d+am+de +d+at +d+atte hine ne onhagode utane for+d to
brenganne mid weorcun, innane he hit ge+dafode, &
+durhteah mid +dy weorce +d+as fulfremedan willan.
<R 53.417.19>
We habba+d geascod from urum +arestan m+age Adame +d+at us is
from him gecynde +d+at we +alc yfel on +drio
wisan +durhtion: +durh gespan, & +durh lustfulnesse, & +durh
ge+dafunga.
<R 53.417.21>
+d+at gespan bi+d +durh dioful.
<R 53.417.22>
Sio lustb+arnes bi+d +durh +done lichoman.
Sio ge+dafung bi+d +durhtogen +durh +done g+ast.
<R 53.417.23>
Se s+atere, +d+at is se dioful, he hine sp+an+d on woh.
<R 53.417.24>
Se lichoma hine +donne him under+died mid +d+are
lustfulnesse, o+d+d+at se g+ast bi+d oferwunnen mid +d+are 
lustfulnesse, +d+at he hit ge+dafa+d.
<R 53.417.25>
Swa swa sio n+adre on neorxna wonge, +arest hio l+arde Euan on
woh, & Eue hi hire [{under+diodde{] mid 
lustfulnesse, swa swa lichoma.
<R 53.417.27>
+da w+as Adam, swa swa se g+ast, +durh gespan +d+are n+addran
& +durh Euan lustb+arnesse oferswi+ded, +d+at 
he ge+dafode +da synne.
<R 53.417.29>
On +d+am gespane we magon ongietan +da synne, & mid +d+are
lustfullnesse we bio+d genedode, & mid +d+are 
ge+dafunge we bio+d gebundne.
<R 53.417.31>
Ac +da sint to manienne +da +de +da ge+dohtan synna hreowsia+d
+d+at hie geornfullice giemen on hwelce +d+ara
synna hie befeollen, for+d+am +d+at hi m+agen ongean +d+at be
+d+am ilcan gemete hreowsian +de hi on hira 
innge+donce ongieten +d+at hie gesyngoden, +dyl+as him to hwon
hreowen +da ge+dohtan synna, o+d+d+at hi hi fulfremmen.
<R 53.417.36>
& swa+deah we hi scylen manian & bregean +d+at we hi 
<P 419>
on ormodnesse ne gebringen, +dyl+as hi wyrs don.
<R 53.419.1>
For+d+am oft se mildheortaa Dryhten swi+de hr+adlice +da
ge+dohtan synna awega+dwih+d, +donne he him ne 
ge+dafa+d +d+at hi hi +durhtion moten.
<R 53.419.3>
Be +d+am he m+ag witan +d+at hi bio+d hr+adlice forgiefene,
+donne he him ne ge+dafa+d +d+at hi to +d+am weorce 
becumen +d+at he him +donne +dearlur deman scyle.
<R 53.419.5>
Be +d+am is swi+de wel gecweden +durh +done psalmsceop on
+d+am an & +dritigo+dan psalme, he cw+a+d: Ic wille
secgan ongean me selfne min unryht, Dryhten, for+d+am +du
forgeafe +da arleasnesse minre heortan.
<R 53.419.8>
+da he h+afde bef+ast Gode his synna, +da he getiohchod +afde
+d+at he him ondettan sceolde.
<R 53.419.10>
+da cy+dde se witga hu ie+delic bi+d to forgiefenne sio
ge+dohte synn, +da he cw+a+d +d+at hio him sona 
forgiefen w+are swa he ge+doht h+afde +d+at he hi ondettan 
wolde.
<R 53.419.12>
+d+at ilce +d+at he getiohchod h+afde to biddanne he cw+a+d
+d+at him w+are +ar forgiefen.
<R 53.419.13>
For+d+am sio synn ne wear+d +durhtogen mid nanum weorce,
for+d+am ne com seo hreowsung to nanre +drowunge,
ac sio ge+dohte hreowsung adryg+d +da ge+dohtan synne of
+d+am mode.
<R 54.419.17>
[}+D+ATTE ON O+DRE WISAN SINT TO MONIANNE +DA +DE [{+DA{]
+DURHTOGENAN SYNNA WEPA+D, & SWA+DEAH NE FORL+ATA+D;
<R 54.419.18>
ON O+DRE WISAN +DA +DE HIE NO NE HREOWSIA+D, & HIE +DEAH
FORL+ATA+D.}]
<R 54.419.20>
On o+dre wisan sint to manienne +da +de +da gedonan synna
wepa+d, & hi +deah ne forl+ata+d;
<R 54.419.21>
on o+dre wisan +da +de hi [{forl+ata+d{] , & swa+deah no ne
hreowsia+d.
<R 54.419.22>
+da sint to manienne +de +da gedonan synna wepa+d, & hi
swa+deah ne forl+ata+d, +d+at hi geornlice ongieten
+d+at hi on idelnesse tilia+d hi selfe to cl+ansianne mid +dy
wope, +donne hi eft mid unryhte life hie besmita+d;
<R 54.419.25>
swelce hi hi mid +d+are hreowsunga to +d+am a+dwean +d+at hi
hi m+agen eft afylan.
<R 54.419.26>
Be +d+am is awriten +d+at se hund wille etan +d+at he +ar
aspaw, & sio sugu hi wille sylian on hire sole 
+after+d+am+de hio a+dw+agen bi+d.
<R 54.419.28>
Hw+at, se hund wile aspiwan +done mete +de hine hefega+d on
his breostum, & +d+at ilce +d+at he for 
hefignesse aspaw, +donne he hit eft frit, +donne gehefega+d 
hine +d+at ilce +d+at hine +ar gelihte .
<R 54.419.31>
Swa bi+d +d+am +de +da gedonan yfelu hreowsia+d, +donne hi
+d+at yfel mid ondetnesse him of aweorpa+d +d+atte
hira modes inna+d yfele & hefiglice mid gefylled w+as, &
+donne eft fo+d to +d+am ilcan & f+ata+d in +after +d+are 
<P 421>
ondetnesse +d+at ilce yfel +d+at hi +ar mid +d+are
ondetnesse & hreowsunga utawurpun.
<R 54.421.2>
Swa +det swin, +deah hit a+dw+agen sie, gif hit eft fil+d on
+d+at sol, +donne bi+d hit fulre +donne hit +ar
w+as, & ne forstent +d+at +dweal nauht, +deah hit +ar
a+dw+agen w+are;
<R 54.421.4>
swa bi+d +d+am +de his gedonan synna wepe+d, & hi swa+deah ne
forl+at: hefigran scylde & hefigran witum he
hine under+diet, gif he hit ne forl+at.
<R 54.421.6>
For+d+am he forhogde +da forgifnesse +de he mid +d+are
hreowsunga begiten h+afde, for+d+am+de he wealwode on
+d+am gedrofum w+atere;
<R 54.421.8>
& +d+at +d+at he +ar mid +d+are hreowsunga gecl+ansode he
beforan Godes eagum eft afylde.
<R 54.421.9>
Be +d+am is eft awriten on Salomonnes bocum, hit is awriten:
Ne eftga +du +din word on +dinum gebede.
<R 54.421.11>
+d+at is +donne +d+at mon eftgige his word on his gebede,
+d+at mon +after his hreowsunga gewyrce +d+at he 
eft scyle hreowsian.
<R 54.421.13>
Be +d+am is eac gecweden +durh Essaias +done witgan, he
cw+a+d: A+dwea+d iow, +d+at ge sin cl+ane.
<R 54.421.14>
Hw+at, se +donne ne rec+d hw+a+der he cl+ane sie, +de ne sie,
se +de +after +d+are hreowsunga hine ryhtlice &
cl+anlice nyle gehealdan: ealne weg hi hi +dwea+d, & ne beo+d
hie n+afre cl+ane, +deah hi ealneg wepen;
<R 54.421.17>
ealneg hi wepa+d, & +after +d+am wope hi gewyrcea+d +d+at hi
moton eft wepan.
<R 54.421.18>
Be +d+am is gecweden +durh sumne wisne mon: Gif hwa on hand
nim+d hw+at uncl+anes, & hine +after +d+am 
a+dwih+d, & +donne eft feh+d on +d+at ilce +d+at he +ar feng, 
hw+at forstent him +donne +d+at +arre +dweal. Se bi+d 
a+dw+agen of uncl+annesse, se +de a+dwih+d mid hreowsunga his
uncl+annesse. Se +donne gehrin+d eft +d+are uncl+annesse +de
synga+d +after his hreowsunga. Ac +da sint to manienne +de 
+da gedonan scylda hreowsia+d, & hi +deah ne forl+ata+d, 
+d+at hi ongieten +d+at hie beo+d beforan +d+as dieglan 
Deman eagum gelice +d+am monnum +de swi+de ea+dmodlice 
onginna+d beforon ricum monnum, & him swi+de olecca+d 
+da hwile +de hi him beforan beo+d, & eft, +donne hi him 
be+aftan beo+d, +donne do+d hi him to demme & to fiondscipe 
+d+at +d+at hi magon.
<R 54.421.29>
Hw+at is +d+at, +d+at mon hreowsige his synna, buton +d+at mon
eowa+d Gode his ea+dmodnesse & his treowa & 
his hiersumnesse?
<R 54.421.31>
O+d+de hw+at is +d+at, +d+at mon +after his hreowsunga
syngige, buton +d+at, +d+at he de+d feondscipe & 
ofermetto & unhiersumnesse +d+am ilcan Gode +de he +ar olehte?
<R 54.421.33>
Swa swa Iacobus s+ade se apostol, +da he cw+a+d: Swa hwa swa
wille bion +disse weorlde freond to 
ungemetlice, he bi+d gehaten Godes feond.
<R 54.421.35>
+da +donne sint to manienne +de +da gedonan scylda wepa+d, &
hi swa+deah ne forl+ata+d, 
<P 423>
+d+atte hi ongiten 
+d+atte oft bi+d swi+de idel & unnyt +dara yfelena manna
hreowsung, +donne hi +after +d+am ne tilia+d nau+der 
ne god to donne ne yfel to forl+atanne.
<R 54.423.3>
Swa bi+d eac swi+de oft synleas yfel ge+doht +d+am godum,
+donne hi hit mid weorcum ne +dorhtio+d.
<R 54.423.4>
Swa wundorlice hit tod+al+d & gemetga+d se godcunda wisdom be
hira +ag+deres geearnungum, swa +d+atte +da 
yflan betwix eallum hira yflum +de hi fullice gefremma+d hi
fortruwia+d, & hi on ofermetto ahebba+d 
for +d+am lytlan gode +de hi ge+dencea+d, & no ne anginna+d to
wyrceanne.
<R 54.423.8>
Ond eft, +da godan, +donne hi beo+d onstyrede mid +d+am yflum
ge+dohtum +de hi n+afre nylla+d +durhtion, 
+donne beo+d hi geea+dmedde, & forsio+d hi selfe for +d+am 
lytlan yfele, & ne forleosa+d nauht +durh +d+at hira 
ryhtwisnesse, ac hi hi geieca+d mid +d+are ea+dmodnesse.
<R 54.423.12>
Hw+at, Balam cw+a+d, +da he geseah +da wicstowa +dara
ryhtwisena Israhela: Geweor+de min lif swelce +dissa
ryhtwisena, & geweor+de min ende swelce hira.
<R 54.423.14>
Ac eft, +da sio anbryrdnes hine alet, +da funde he swi+de yfel
ge+deaht & searwa ymb hira lif: for+d+am 
hine gehran sio gitsung, he forget +done freondscipe wi+d
Israhele.
<R 54.423.17>
Hw+at, sanctus Paulus cw+a+d +d+at he gesawe o+derne gewunan
& o+derne willan on his limum, & se w+are 
feohtende wi+d +d+am willan his modes, & hine geh+aftne l+adde
on synne gewunan.
<R 54.423.19>
Sio, he cw+a+d, w+are on his limum.
<R 54.423.20>
For+d+am w+as sanctus Paulus gecostod mid his modes
untrumnesse +d+at he ongeate his synna, & for+d+am 
w+are +dy strangra on godum weorcum.
<R 54.423.22>
Forhwy bi+d se synfulla onbryrd mid +d+are hreowsunga, & ne
bi+d no +dy ryhtwisra;
<R 54.423.23>
o+d+de forhwy bi+d se ryhtwisa gecostod mid yfle ge+dohte, &
ne bi+d +deah gewemmed mid +d+are scylde;
<R 54.423.25>
buton for+dy+de +d+am synfullan nauht ne helpa+d his godan
ge+dohtas , for+d+am+de he n+af+d gearone willan 
untweogendne to +d+am weorce, ne eft +d+am ryhtwisan ne deria+d
his yflan ge+dohtas, for+d+am+de he n+af+d 
gearone willan +d+at woh to fulfremmanne?
<R 54.423.28>
Ongean +d+at sint to manienne +da +de hira synna forl+ata+d, &
hi +deah ne beta+d ne ne hreowsia+d, +d+at hi 
ne wenen, +deah hi hira synna forl+aten, +d+at hi God him
forl+ate, gif hi hi mid nanum +dingum ne beta+d 
ne ne hreowsia+d.
<R 54.423.32>
Swa se writere, gif he ne dilega+d +d+at he +ar wrat, +deah
he n+afre ma nauht ne write, +d+at bi+d +deah 
undilegod +d+at he +ar wrat.
<R 54.423.33>
& swa eac se +de o+drum bismer cwi+d, o+d+de de+d, +deah he
geswice, & hit n+afre eft ne do, +deah hit bi+d 
gedon +d+at he dyde, & un+dingad, gif he hit ne bet.
<R 54.423.36>
Ac he sceal +da ofermodlican word mid ea+dmodlicum wordum
gemetgian, 
<P 425>
gif he wi+d +done o+derne ge+dingian wile.
<R 54.425.1>
Wenstu, gif hwa o+drum hw+at gieldan sceal, hw+a+der he hine
mid +dy gehealdan m+age +d+at he him nauht 
mare on ne nime, ne +d+at ne gielde +d+at he +ar nam?
<R 54.425.3>
Swa us bi+d +at Gode, +donne we wi+d hine gesyngia+d: +deah we
n+abre eft swa ne don, gif we +d+at gedone 
mid nanum +dingum ne beta+d ne ne hreowsia+d, ne bio we no
+d+as sicore, gif us +d+at ne mislica+d +d+at us +ar
licode, +donne ne bi+d hit no us f+argiefen, +deah we nu
nauht yfeles ne don on +disse worulde.
<R 54.425.8>
Ne sculon we +deah for+dy bion to orsorge, gif we nauht to
gode ne do+d, for+d+am+de swi+de fela 
unalefedes we oft ge+dencea+d.
<R 54.425.9>
Hu m+ag se +donne bion orsorg se +de him self wat +d+at he
gesynga+d?
<R 54.425.10>
Hwelce i+dnesse h+af+d God +at urum witum, o+d+de hwelcne
weor+dscipe h+af+d he +at urre +drowunga, butan +d+at
he wile geh+alan +da wunde urra scylda mid strangum
l+acedome, gif he ne m+ag mid li+dum, +d+atte us 
biterige sio hreowsung, swa swa us +ar swetedon +da synna?
<R 54.425.14>
& swa swa we sigon +ar on +d+at unaliefede, o+d+d+at we
afeollon, swa we sculon nu forberan +d+at 
aliefede, o+d+d+at we arisen;
<R 54.425.16>
+d+atte +d+at mod +d+atte w+as abisegad mid unryhtre blisse si
eft abisegad on halwyndre & on ryhtlicre 
hreowsunga, swa +d+atte +d+at mod +d+atte sio upah+afenes & +da
ofermetto gewundedon eft geh+ale sio ea+dmodnes
& sio forsewennes his selfes.
<R 54.425.20>
Be +d+am cw+a+d Dauid on +d+am feower & hundsiofantigo+dan
psalme: Ic cw+a+d to +d+am [{unryhtwisum{] , ne do ge
unryhtwislice, & cw+a+d to +d+am +de +d+ar syngedon, ne hebbe
ge to up eowre hornas.
<R 54.425.22>
+donne ahebba+d +da synfullan swi+de up hira hornas, +donne hi
hi n+afre nylla+d geea+dmedan to +d+am +d+at hie
ongieten hira unryhtwisnesse, & +da hreowsian.
<R 54.425.25>
Be +d+am w+as eft gecweden on +d+am fiftego+dan psalme: +da
gedrefedan heortan & +da geea+dmeddan ne 
forsih+d hi n+afre Dryhten.
<R 54.425.26>
Swa hwa +donne swa his synna hreowsa+d, & hi swa+deah ne
forl+at, se gedref+d his heortan, & +deah 
oferhyg+d +d+at he hi geea+dmede.
<R 54.425.28>
Se +donne, se +de his synna forl+at, & hi swa+deah ne
hreowsa+d, se hine ea+dmed, & nyle +deah his mod gedrefan.
<R 54.425.30>
Be +d+am cw+a+d sanctus Paulus on his +arendgewrite 
to Corinctheum, he cw+a+d: Ge w+aron +ar on 
yflum weorcum, ac ge sint nu gecl+ansode & gehalgode.
<R 54.425.32>
For+d+am+de +aghwelc man bi+d +after +d+are hreowsunga his
synna cl+anra +donne he +ar w+as, +ar he gesyngade.
<R 54.425.34>
Be +d+am cw+a+d sanctus Petrus, +da he geseah manige men
ormode for hira +arron yflun, he cw+a+d: Hreowsia+d
& weor+da+d gefulwade eower +alc.
<R 54.425.36>
+arest he l+arde +d+at hi hreowsodon, & si+d+dan +d+at 
<P 427>
hi wurden gefullwode, swelce he cw+ade: Hreowsia+d 
+arest on eowrum mode, & si+d+dan +after fierste a+dwea+d eow,
& gecl+ansia+d mid eowrum tearum.
<R 54.427.3>
Hu m+ag se bion orsorg +d+are wrace his scylda, se +de nu
agiemeleasa+d +d+at he hreowsige his synna?
<R 54.427.4>
Hu m+ag he hira bion orsorg, nu se hiehsta hierde +d+are
halgan ciricean cw+a+d +d+atte sio hreowsung 
scolde bion +ar +d+am fulwihte?
<R 54.427.6>
Se fullwuht +done mon gecl+ansa+d from his synnum, & ealra
+dinga swi+dos+d +da synna adw+asc+d.



