<B CODICTS>
<Q O3/4 IS PHILO DICTS>
<N DICTS CATO>
<A X>
<C O3/4>
<O 950-1050>
<M 1050-1150>
<K NON-CONTEMP>
<D WS/X>
<V PROSE>
<T PHILOSOPHY>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z INSTR SEC>
<S SAMPLE X>


[^THE OLD ENGLISH DICTS OF CATO.
ED. R. S. COX.
ANGLIA, 90: 1-42, 1972.
PP. 5.20 - 16.28^]

[^B7.1^]
<P 5>
<R 1.1>
Ne beo +tu to sl+apor ne to idelgeorn, for+dam +te se sl+ap
& +t+at idel fet un+deawas & unh+alo +t+as 
lichoman.
<R 1.2>
+d+at we cwe+da+t, +t+at seo betst +after gode +t+at mon sie
gesceadwis & gemetgian cunne +ag+der ge his 
spr+ace ge his swigan, & wite hw+anne he gespr+acan h+abbe &
hwonne him geandwyrd sie.
<R 1.3>
+donne +du o+terne mon t+ale, +donne ge+denc +du +t+at nan
mon ne bi+d leahterleas.
<R 1.4>
+deah +din wif +de hw+ane to wrege, ne gelyf +tu to hra+de,
for+tam +te hie weor+da+d oft manegum to 
feonda, for+dam +te  
<P 6>
he bi+d +t+am hlaforde holdra +tonne hira,
for+dam hi oft hatia+d +t+at se hlaford lufa+d.
<R 1.5>
Ne flit +du wi+d anwilne monn, ne wi+d oferspr+acne; manegum
menn is forgifen +d+at he spr+acan m+ag, & 
swi+de feawum +t+at he seo gesceadwis.
<R 1.6>
Wite +d+as maran +danc +de +du h+abbe +donne +d+as +te +de
monn gehate ne hopa +tu to swi+de to +dam +de +te mon
gehate: +d+ar lytel gehaten bi+d, +t+ar bi+d lytel alogen.
<R 1.7>
Ne beo +du to anwille, for+dam +te is geliclicra +t+at +du
seo mid rihte oferst+aled, +tonne +du oferst+ale
o+derne mid woghe; +t+at bi+d s+a m+aste weor+dscype, +t+at
monn cunne ryht gecnawan & hit +donne wille 
ge+dafian.
<R 1.8>
Sprec ofter embe o+dres monnes weld+ade +tonne emb +dine
agna, & cy+d +da manegum monnum.
<R 1.9>
+donne +tu eald sie & manegra ealdra cwydas & lara geaxod
h+abbe, gedo hi +donne +dam giongan to 
witanne.
<R 1.10>
+teah +te monn hwelces yfeles onhlige, & +tu +de unscyldigne
wite, ne rex +du hw+at hi r+aden o+d+de 
runien; heo teo+d +te +t+as +de hie him sylfe +denca+t.
<R 1.11>
+tonne +tu geselgost sio, +tenc +tonne +t+at +tu m+age
unsel+da ge+dolian gif heo +de on becumen: for+dam +te
se ende & +t+at angin ne bi+d ealne weg gelic.
<P 7>
<R 1.12>
Ne hopa +du to o+tres monnes dea+de: uncu+d hwa lengest
libbe.
<R 1.13>
+deah +te earm friond lytel sylle, nim hit to miccles
+tances.
<R 1.14>
Gif +du earm weor+de, ge+tenc +t+at +du hit ea+de ge+tolie:
ge+tenc +t+at +te +tin modor nacodne geb+ar.
<R 1.15>
Ne ondr+ad +tu +te dea+d to swi+de; ne geleofa+d monn noht
myrges +ta hwile +de he him dea+d ondr+at.
Ne forgit +tu hine +teah ealne weg, +ty l+as +tu +tolige
+t+as ecan lifes.
<R 1.16>
Gif +de mon mid yfele leanige +t+at +tu to gode do, ne wit
+tu hit no gode, ac warena +te sylne.
<R 1.17>
+dy oftor mon gehylt +t+at he h+af+d, gif he him ondr+at
+t+at hit o+tsceote; +dy mon d+al+d sp+arlice +te mon
nyle +t+at hit forb+arste.
<R 1.18>
Gif +du bearn h+abbe, l+ar +ta cr+aftas, +t+at hie m+agen be
+ton libban; uncu+d hu him +at +ahtum ges+ale.
Cr+aft bi+d b+atera +tonne +aht.
<R 1.19>
Ne gehat +tu nan +tinge twia: hw+at sceal hit +te eft
gehaten, buton hit w+are +ar alogen.
<P 8>
<R 1.20>
Ne becyp +du +tin wiotod on wen: wite maran +tanc +d+as +te
+du h+abbe, +tonne +t+as +te +tu +te wene.
<R 1.21>
Ne beo +du to yrsigende: of yrsunge wex+d hatunge, & of
+d+are ge+tw+arnisse lufu.
<R 1.22>
+d+ar +t+ar +tu niede yrsian scyle, gemetga +t+at +teah.
<R 1.23>
Forb+ar oft +d+at +tu ea+de wrecan m+age: ge+dyld bi+d middes
eades.
<R 1.24>
Help +ag+der ge cu+dum ge uncu+tum +t+ar +tu m+age; uncu+d
hw+ar hwa o+tres +durfe.
<R 1.25>
Ne wilna +tu ofer +tine m+a+d to witanne embe +ta hiofenlican
+tincg; for+ton +du eart eor+dlic mon, axa 
+te +after +tam.
<R 1.26>
Ne beo +du on +tinum yrre to anwille, for+ton +t+at yrre oft
amyrre+d monnes mod +t+at he ne m+ag +t+at ryht gecnawan.
<R 1.27>
Beo gehealden on +d+am +te +du h+abbe: unpleolicre hit bi+d
on lytlum scipe & lytlum w+atre, +tonne on 
micclum scipe & micclum w+atre.
<R 1.28>
Ne wen +tu na +t+at se yfla auht godes gestryne mid his yfle,
for+dam +teah hit sume hwile forholen 
beo, hit bi+d +at sumum cyrre open.
<P 9>
<R 1.29>
+donne +tu geseo gingran mann +donne +du sie, & unwisran &
unspedigran, +tonne ge+tenc +du hu oft se 
ofercym+d o+terne, +de hine +ar ofercom: swa mann on ealdum
bigspellum cwi+d, +t+at hwilum beo esnes tid, hwilum o+dres.
<R 1.30>
Ne sec +du no +turh lietas hu +te gewur+dan scyle, ac do swa
+du betst m+age; ea+de ger+ade+t god his 
willan be +de & +tine +dearfe, +teah he hit +te +ar ne secge.
<R 1.31>
Forl+at +t+at +tu n+abbe to o+tres monnes gode andan, for+dam
+tu swencst +de sylfne swi+dor +tonne hine.
<R 1.32>
Ne beo +tu ormod +teah +de sie unriht gedemed; lyt monna
wyr+d longe f+agen +t+as +de he o+derne bewrenc+d.
<R 1.33>
Gif +du wi+d hwone sace h+abbe, & git +tonne gesemede
weor+den, ne wrec +tu no +da +arran yfelo, buton 
hie mon eft niwige.
<R 1.34>
Ne do +du nau+der: ne +de sylfne ne here, ne +de sylfne ne
leah: +ag+der +tara is dysigra manna +deaw, +te
swinca+d +after leasgylpe.
<R 1.35>
+t+at is heah wisdom +t+at wis mon liccette dysig, & +t+at is
+d+at m+aste dysig, +t+at dysig monn liccette
wisdom.
<R 1.36>
Swa mon ma spric+d, swa him l+as monna gelyf+d.
<P 10>
<R 1.37>
Gif +tu hw+at on +tin druncen misdo, ne wit +tu hit no +dam
ealo+d, for+don +du his weolde +te sylf.
<R 1.38>
Nafa +du to yfel ellen, +teah +de hwylc unwilla becume; oft
brinc+d seo wyrd +tone willan, +de eft bi+d andergylde.
<R 1.39>
Ne wur+de +te n+afre to +tys wa, +t+at +du +te ne wene
betran, for+ton +te se wena +te ne forl+at n+afre 
forweor+dan.
<R 1.40>
Ne ceos n+anne monn be his +ahtum, ne +dina agna ne amyr;
monig mon h+af+d micel feax on foran heafde
& wyr+d +teah f+arlice calu.
<R 1.41>
Bisna +te be sumum menn, for +tam +te +alces monnes lif bi+d
sumes monnes lar.
<R 1.42>
Ne forswiga +tu no +t+at untala gedon sie, +tyl+as +te menn
wenan +d+at hit +te licige.
<R 1.43>
Gif +de mon mid ryhtre scylde brocige, ge+dola hit wel & beo
his wel ge+dafa.
<R 1.44>
Sprec +de gemetlice & eac swa geb+ar, +dy l+as +te monn
leasunga tio +t+ar +tu wene +t+at +du +tina cysta cy+de.
<P 11>
<R 1.45>
Ne hlyst +du no ungesceadwises monnes worda, for+tam h+af+d
monig man +done un+deaw, +t+at he ne con nyt
sprecan & ne m+ag +teah geswugian.
<R 1.46>
Ne rec +du weamodes wifes worda, for +tam +de heo +te wile
oft mid wope beswican.
<R 1.47>
Ne ondr+ad +tu +de dea+d to swi+de for nanum wite; +deah he
+de ful god ne +dynce, he bi+d +alces yfles 
ende, & ne cym+d he n+afre ma.
<R 1.48>
Forseoh +disse worlde wlenca gif +du wille beon welig on
+dinum modo, for+dam +ta +de +d+as welan gitsia+d
hie bio+d symble w+adlan & iermengas on heora mode; ac bio
gehealden on +dinum gecynde: +tonne h+afst
+tu +afre genoh.
<R 1.49>
Gif +du +din agen amyrre, ne wit +du hit no gode ac warena
+de sylfne.
<R 1.50>
Bruc +tinra +ahta +ta hwile +te +du hal sie; se unhala
gitsere ah +t+at feoh & nah hine sylfne.
<R 1.51>
Ge+tola +tines hlafordes yrre & +tines lareowes & his word
swi+de wel, +teah he +de cide.
<R 1.52>
Gif +de +dynce +t+at +du to wr+ane sie, wit +t+at +tinre
ceolan,  
<P 12>
for+tam seo ceole is +d+are wambe freond, 
+tanon +te cuma+d +ta unnyttan lustas.
<R 1.53>
Dysig mon him ondr+at nietenu & wulfas, & ne ondr+at +tone
mon +de hine tala l+ar+d.
<R 1.54>
Gif +tu strengo h+abbe, bruc +d+are to nytte.
<R 1.55>
Gif +du wille godne hlisan habban, ne f+agna +du nanes
yfeles.
<R 1.56>
Liorna a hw+athugu; +deah +de +tine ges+al+da forl+atan, ne
forl+att +te no +tin cr+aft.
<R 1.57>
Ne beo +tu to oferspr+ace, ac hlyst +alces monnes worda
swi+de georne: for+dam +ta word geopeniga+d 
+alces monnes willan & his +teawas, +teah hie heo hwilum 
behelien.
<R 1.58>
Gif +du hwylcne cr+aft cunne, bega +tone georne: swa swa
sorga & embhogan geycan monnes mod, swa 
geyc+d se cr+aft his are.
<R 1.59>
Leorna a hw+athwugu +at +dam wisran, +t+at +tu m+age l+aran
+tone unwisran: +ag+der +tara is swi+de nytt weorc
& gerisenlic.
<R 1.60>
Gif +du wylle hal beon, drinc +de ged+aftlice; +alc oferfyll
& +alc idel fett unh+alo.
<P 13>
<R 1.61>
Ne l+at +tu no unlofod +t+at +tu swytele ongite +t+at
licwyr+de sie. +t+ar +te oht tweonige, lofa +t+at gemetlice, 
+ty les +te mon leasunga teo.
<R 1.62>
Ne truwa +tu no smyltum w+atre, ne bilwitne monn ne forsioh:
oft stille w+ater sta+du brece+d.
<R 1.63>
Ongin +t+at +te to onhagige, for treowlicre is be st+a+de to
rowenne +tonne ut on s+a to seglianne.
<R 1.64>
Gif +de +at s+al+dum to s+ale, ahcsa +de hw+a+der +anegum +ar
swelc ges+alde; +donne meaht +du hit +dy e+d ge+dolian.
<R 1.65>
Ne flit +du no wi+d ryhtwisne mon & wi+d unscyldigne,
for+tam +te god wric+d unrihte domas.
<R 1.66>
+teah +te +tin eald gefera abelge, ne forgit +tu gif he +te
+afre +ar gecwemde.
<R 1.67>
+are mid +tinum oxum & offra mid +tinum recelse: dysige
bio+d +ta men +te wena+t +t+at hie cwemon gode 
+donne hie cwella+d hiora oxan.
<R 1.68>
+alce d+age +du bist onnou+de, +alce d+age +du scealt gode
+toncian +tines lifes.
<P 14>
<R 1.69>
+teah +de monig mon herige, ne gelyf +du him to wel, ac
ge+tenc +te sylf hw+at his so+des sie.
L+at +de sceamian +d+as hlisan, gif +de monn on lioge; f+agne
+t+as, gif +de mon so+d on secge & +teah gemetlice.
<R 1.70>
Mencg a +ta blisse wi+d +t+are unrotnesse; for+tam gif hiera
o+der bi+d oht longe butan o+drum, +tonne bi+d
his ungemet, & +du meaht +te uny+d onberan +t+as +de
onbecyme+d; for+don hira nau+der ne m+ag bion +altewe
buton o+drum, +don ma +de w+at m+ag bion butan drygum, o+t+te
wearm buton cealdum, o+d+de leoht butan +dystrum.
<R 1.71>
Liorna manega bec & gehyr monig spell; wite +deah hwylcum
+tu gelyfan scyle: feola writa+d menn ungelyfedlices.
<R 1.72>
Ne mer +du +d+at +du h+abbe, +dy l+as +te ge+dearfige to
o+dres  monnes.
<R 1.73>
Ne rec +du to swi+de hu sio wyrd wandrige; se +de fullice
+das world forsih+d, ne ondr+at he him noht swi+de dea+d.
<R 1.74>
+donne hit +afre ge+dw+arost sio, ondr+ad +te +donne
unge+dw+arnesse, & +tonne hit +de frecnost +tynce, wen 
+de +tonne frofre & s+al+da.
<R 1.75>
Bio a getriowre +tonne +te mon to gelyfe, +ty les menn wenen
+d+at +tu nane trio+de n+abbe buton wi+d leasan.
<R 1.76>
Se +de him ealne weg ondr+at, se bi+d swylce he sie ealne
weg cwellende.
<P 15>
<R 1.77>
Gif +du +de wille don moniges beteran, +tonne do +tu +de anes
wyrsan.
Gif +du wylle +t+at +de monige ol+acon, +tonne ol+ace +du
anum swi+de georne.
Gif +du +tonne nylle nanum ol+acan,  forl+at +tonne eal +d+at
+tu age buton wiste & w+ada & to  swylcum tool
swylce +du cunne; ol+ace +tonne gode anum  & ne wilne nanes
monnes ol+acunga.
<R 1.78>
Gif +tu wilt +at manegum menn habban +t+at +de lica+d, +tu
scealt eac +at monegum menn ge+dolian +t+at +te ne lica+d.
Gif +du wilt +at anum menn habban +t+at +te lica+d, +tu scealt
him oft ge+dafian +d+at +te ne lica+d.
Ne meaht +du +at nanum menn habban his good, buton +tu m+age
hwilum his yfel ge+dafian: for+dam +te nan
+tincg nis ful good buton gode anum.
<R 1.79>
Styr +teah +alces yfles swa +tu swi+dost m+age, swa +deah
+t+at +tu hit to wyrsan ne gebringe: ne bi+d +t+at
yfel to nohte gebet, +de bi+d to wyrsan gebroht.
Gemet ne sec+d nan selre.
<R 1.80>
Gif +anig mon bi+d a +de unwior+dra +te hine monig wis mon
forsih+d, +donne bi+d +alc dysig mon +te 
unweor+dra +de he mare rice h+af+d.
<P 16>
<R 1.81>
Se +de anwaldes wilna+d ofer his hlaford, for twam +tingum
he his wilna+d: o+der twegra, o+t+te he wile
+tone hlaford lecgan under hine, setlian him mid +t+at he
sitte sylf +de ufor; o+d+de he wolde +tone 
hlaford hebban upp ofer hine sylfne & stigan himsylf +after &
eac on hangian, scufan +deah simle +done hlaford beforan.
[^TORONTO CORPUS INCLUDES 39 WORDS FROM VESP.D.XIV., OMITTED 
FROM COX'S EDITION^]
<R 2.8>
Ac sanctus Agustinus s+ade swi+de swutul bispell by +dy: gif
ma manna wilnode on anre +deode anwaldes
+tonne an, +t+at hit w+are +tam gelicost +de we oft secgan
hyrdon, +t+at sume wyrmas w+aren giond eor+tan,
& eac sume fiscas ut on s+a, +te habba+d monuga heafdu &
habba+d +teah an bodig.
+tonne nella+d +ta heafdu eall anes weges.
Ac gif +de heafdu anes weges nella+d, +tonne sceal +t+at
bodig bion +ty bysigre.
Tih+d +tara heafda +alc his wegas & li+d +t+at bodig unnyt,
bute +t+at hit halt +ta heafdu +t+at heora +alc ne
mot o+der fretan.
Gif hit +donne gewyr+d +t+at +ta heafdu to +dam stronge
gewior+da+t, & hiora +alc swa swi+de tih+d fram o+drum
+t+at +t+at bodig toberst, +donne forwior+da+d +ta heafdu
eall, & eal +t+at hiom on hanga+d.
& he s+ade eac +t+at sume wyrmas  w+aren & sume fiscas +te
h+afden an heafod & monigne steort.
+da steortas he s+ade +t+at hulpan ealle +t+as heafdes, &
+t+at heafod heora ealra.
Hio hebba+d up +t+at heafod & him beforan scufa+d.
+t+at heafod & +ta eagan him wisia+d weg, & hie feda+d &
feria+d & hie him folgia+d.
Swa bi+d eac feola wuhta on wiorlde +te h+af+d fela fota.
Ealle +da fet hebba+d up +d+at heafod, & +t+at heafod hie
fere+d & nere+d.
Ac se hrefn, +de sume menn hata+d crabba, ne f+ar+d naht
gef+adlice mid twam heafdum, +deah he monigne fot h+abbe.



