<B CODOCU2>
<Q O2 XX DOC HARM4>
<N DOC HARM 4>
<A X>
<C O2>
<O 850-950>
<M 850-950>
<K SAME>
<D K>
<V PROSE>
<T DOCUM>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>
<S SAMPLE X>

[^TEXT:  DOCUMENTS 2 (HARMER).
SELECT ENGLISH HISTORICAL DOCUMENTS
OF THE NINTH AND TENTH CENTURIES.
ED. F. E. HARMER.
CAMBRIDGE: CAMBRIDGE UNIVERSITY PRESS, 
1914.
NO. 4, 7, 18.

TEXT:  DOCUMENTS 2 (ROBERTSON).
ANGLO-SAXON CHARTERS.
ED. A. J. ROBERTSON.
CAMBRIDGE: CAMBRIDGE UNIVERSITY PRESS, 
1939.
NO. 10, 6, 16, 26.

TEXT:  DOCUMENTS 2 (SWEET-WHITELOCK).
SWEET'S ANGLO-SAXON READER IN PROSE 
AND VERSE. REVISED BY D. WHITELOCK.
OXFORD: THE CLARENDON PRESS, 1967 (1876).
NO. 35.

PP. 7.3    - 8.7    (4) (SAMPLE 1) (HARMER)
PP. 10.14  - 11.2   (7)
P.  16.5   - 16.12  (10)           (ROBERTSON)
P.  10.1   - 10.26  (6)
PP. 28.18  - 30.11  (16)(SAMPLE 2)
P.  205.1  - 205.17 (35)           (SWEET-WHITELOCK)
PP. 30.17  - 32.25  (18)(SAMPLE 3) (HARMER)
P.  52.1   - 52.32  (26)(SAMPLE 4) (ROBERTSON)^]


<S SAMPLE 1>
[^B15.2.4^]
<P 7>
Ic Lufa mid Godes gefe (\ancilla Dei\) wes soecende &
smeagende ymb mine saul+dearfe mid Ceolno+des +arcebiscopes 
ge+deahte & +dara hiona et Cristes cirican.
<R 3>
Willa ic gesellan of +dem +arfe +de me God forgef & mine
friond to gefultemedan +elce gere LX ambra 
maltes & CL hlafa, L hwitehlafa, CXX
elmeshlafes, an hri+der, an suin, IIII we+dras, II 
w+ege spices & ceses, +dem higum to Cristes circcan for mine
saule & minra frionda & mega +de me to
gode gefultumedan & +d+et sie simle to adsumsio Sanct+a Marie
ymb XII mona+d.
<R 9>
End sue eihwelc mon swe +dis lond hebbe minra +arbenumena
+dis agefe & mittan fulne huniges, X goes, 
XX henfuglas.
<R 12>
Ic Ceolno+d mid Godes gefe ercebiscop mid Cristes rode tacne
+dis festnie & write.
<R 14>
Beagmund preost ge+dafie & mid write.
<R 15>
Beornfri+d preost ge+dafie & mid write.
[^THE LISTS OF NAMES OMITTED^]
<R 16>
Ic Luba ea+dmod Godes +diwen +das forecwedenan god & +das
elmessan gesette & gefestnie ob minem erfelande 
et Mundlingham +dem hiium to Cristes cirican.
<R 18>
& ic bidde, & an Godes 
<P 8>
libgendes naman bebiade +d+am men +de
+dis land & +dis erbe hebbe et Mundlingham, 
+det he +das god for+dleste o+d wiaralde ende.
<R 21>
Se man se +dis healdan wille & lestan +det ic beboden hebbe an
+disem gewrite, se him seald & gehealden 
sia hiabenlice bledsung.
<R 23>
Se his ferwerne o+d+de hit agele, se him seald & gehealden
helle wite, bute he to fulre bote gecerran 
wille Gode & mannum.
(\Uene ualete.\)

<Q O2 XX DOC HARM7>
<N DOC HARM 7>
<A X>
<C O2>
<O 850-950>
<M 850-950>
<K SAME>
<D K>
<V PROSE>
<T DOCUM>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>

[^B15.2.6^]
<P 10>
<R 1>
+dis is ge+dinge Eadwaldes Osheringes & Cyne+dry+de,
E+delmodes lafe aldormonnes, ymbe +det lond et Cert 
+de hire E+delmod hire hlabard salde.
<R 3>
Wes hit becueden Osbearte his bro+dar suna, gif he
Cyne+dry+de oferlifde, & si+d+dan neniggra meihanda
ma +des cynnes.
<R 5>
Ac hia hit atuge yfter hira dege swe hit him boem rehtlicast
& elmestlicast were.
<R 7>
+donne hebfa+d Eadwald & Cyne +das wisan +dus fundene mid
hira friandum.
<R 8>
Gib Eadweald leng lifige +donne Cyne+dry+d, geselle et +dem
londe et Cert X +dusenda.
<R 9>
Gif he gewite er +donne hia, his barna sue hwelc sue lifes
sie agefe +det feoh ond atee sue hit soelest 
sie for +da hit begetan.
<R 11>
Nis E+delmode enig meghond neor +des cynnes +danne Eadwald,
his modar his bro+dar dohtar, mest cyn +det 
he +det lond hebbe & his beorn yfter him, & sue ateon sue
him [{nytlicast{] +dynce for +da +de hit mid
reohte begetan.
<P 11>
<R 16>
(\Ego\) Ceolno+d mid Godes gefe ercebisceop +tis mid Christus
rode tacne festnie & write.
[^THE LISTS OF NAMES OMITTED^]

<Q O2 XX DOC ROB10>
<N DOC ROB 10>
<A X>
<C O2>
<O 850-950>
<M 850-950>
<K CONTEMP>
<D K>
<V PROSE>
<T DOCUM>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>

[^B15.1.14^]
<P 16>
<R 3.1>
   +dis siondan +des landes boec et Wassingwellan +det
E+delbearht cyning Wullafe sealde his +degne wi+d 
o+drum sue miclum lande et Mersaham.
<R 3.3>
Se cyning sealde & gebocade Wullafe fif sulung landes et
Wassingwellan wi+d +dem fif sulungum et 
Mersaham.
<R 3.4>
& se cyning dyde +det land et Mersaham him to folclande +da
hie +dem landum iehwerfed hefdan butan
+dem merscum & butan +dem sealtern et Fefresham & butan +dem
wioda +de to +dem sealtern limp+d.

<Q O1/2 XX DOC ROB6>
<N DOC ROB 6>
<A X>
<C O1/2>
<O -850>
<M 850-950>
<K NON-CONTEMP>
<D K>
<V PROSE>
<T DOCUM>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>

[^B15.6.27^]
<P 10>
<R 1>
   Ic Badano+d Beotting cy+do & writan hato hu min willa is 
+det min +arfe lond fere +de ic et 
Ae+deluulfe cyninge beg+at & gebohte mid fullum friodome on 
+ace +arfe, +after minum dege & minra +arfewearda,
+det is mines wifes & minra bearna.
<R 4>
Ic wille +arist me siolfne Gode allmehtgum forgeofan to +dere
stowe +at Cristes cirican & min bearn 
+d+er liffest gedoan & wiib & cild +d+am hlaforde & higum & 
+d+are stowe befestan ober minne dei to fri+de &
to mundbyrde & to hlaforddome on +d+am +dingum +de him +dearf
sie.
<R 9>
& hie brucen londes hiora dei & higon gefeormien to minre tide
sw+a hie soelest +durhtion megen & 
higon us mid heora godcundum godum sw+e gemynen sw+a us arlic &
him +almeslic si+e.
<R 11>
& +donne ofer hiora dei wifes & cilda ic bebeode on Godes
noman +d+at mon agefe +d+at lond inn higum to
heora beode him to brucanne on ece +arfe sw+a him liofast sie.
<R 14>
& ic biddo higon for Godes lufe +d+at se monn se higon londes
unnen to brucanne +da ilcan wisan leste
on sw+asendum to minre tide & +da godcundan lean minre saule
mid gerece sw+e hit mine +arfenuman +ar 
onstellen.
<R 18>
+donne is min willa +d+at +dissa gewriota sien twa gelice,
o+der habben higon mid boecum o+der mine 
+arfeweardas heora dei.
<R 20>
+donne is +des londes +de ic higum selle, XVI gioc +ar+de
londes & medwe all on +ace +arfe to brucanne ge
minne dei ge +after sw+a to ationne sw+a me mest red & liofast
sie.
<R 23>
Ceolno+d (\arc~ episc~\) +diss writo & festni+e mid Cristes 
rode tacne.
<R 24>
Alchhere (\dux\) +diss writo & +deafi+e.
<R 25>
B+agmund (\prb~ ab~\) +diss writo & +deafi+e.
<R 26>
Hyseno+d (\pr~\) +diss writo & +deafie.
[^THE LISTS OF NAMES OMITTED^]

<S SAMPLE 2>
<Q O2 XX DOC ROB16>
<N DOC ROB 16>
<A X>
<C O2>
<O 850-950>
<M 850-950>
<K SAME>
<D AM>
<V PROSE>
<T DOCUM>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>

[^B15.3.5^]
<P 28>
<R 1>
   In usses Dryhtnes noman H+alendes Cristes ic Uuerfri+t
biscop mid alles +d+as heoredes leafe on 
Weogornaceastre ge gunges ge aldes selle Cyneswi+te mire megan
+dreora hida lond on Alhmundingtune +daes
fif hida +de higen me gebocedan aer on +dreora monna d+ag.
<R 5>
Nu gewrite ic hit eft hire mid hina leafe +daet +dreora hida
lond on +dreora monna daeg.
<R 6>
& heo h+abbe +da wuduraeddenne in +d+am wuda +de +da ceorlas
bruca+t.
<R 7>
& ec ic hire lete to +daet ceorla graf to sundran.
<R 8>
& elles +d+at twega hida lond & +da ceorlas & se Alhmunding
snaed here into Preosdabyrig +da hwile 
hit unagaen seo.
<R 10>
Ond Cyneswi+d hit to n+angum o+trum men ne lete +da hwile hit
unag+an se butun to hire bearna sumum, 
swa hweolcum swa heo +donne wille, gif heo lifigen.
<R 12>
Gif heo +donne ne 
<P 30>
lifigen lete hit to sweolcum hire mega
swelce hit hire to geearnigan wille.
<R 14>
Ond ic Uuerfri+d biscop biddu & halsigu +d+at +dis +dreora
hida lond & ec +d+at twega +donne hit ag+an seo
+d+at hit se agefen into Clife to +d+am biscoprice butan
eghweolcum wi+dercwide.
<R 17>
Ond ec ic Uuerfri+t biscop & all higen halsiga+t usse
+aterfylgend +d+at heora n+anig +das gefe gewonige
+ar hit swa ag+an se swa hit on +dissum gewrite stonde+t.
<R 19>
& all higen eodan to minum bure on Weogornaceastre & me
saldan heora hondsetene +disse 
geraednesse.
<R 21>
+dara noman her beneo+tan awriten stonda+t.
<R 22>
& heo hit haebben eghw+as to freon butun agefen elce gere
+dreo mittan hw+ates to ciricsceatte to 
Clife.

<Q O2 XX DOC AUREUS>
<N DOC COD AUR>
<A X>
<C O2>
<O 850-950>
<M 850-950>
<K SAME>
<D AM>
<V PROSE>
<T DOCUM>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>

[^B16.6.5^]
<P 205>
<R 1>
   (\In nomine Domini nostri Ihesu Christi\) Ic Aelfred 
aldormon ond Werburg min gefera begetan +das 
bec +at hae+dnum herge mid uncre claene feo, +d+at +donne w+as
mid cl+ane golde.
<R 3>
Ond +d+at wit deodan for Godes lufan ond for uncre saule
+dearfe, ond for +don +de wit noldan +d+at 
+das halgan beoc lencg in +d+are hae+denesse wunaden, ond nu
willa+d heo gesellan inn to Cristes circan
Gode to lofe ond to wuldre ond to weor+dunga, ond his
+drowunga to +doncunga, ond +d+am godcundan 
geferscipe to brucenne +de in Cristes circan d+aghw+amlice 
Godes lof r+ara+d, to +d+am gerade +d+at heo mon 
arede eghwelce mona+de for Aelfred ond for Werburge ond for
Alh+dry+de, heora saulum to ecum 
lecedome, +da hwile +de God gesegen haebbe +d+at fulwiht +at 
+deosse stowe beon mote.
<R 13>
Ec swelce ic Aelfred (\dux\) ond Werburg bidda+d ond
halsia+d on Godes almaehtiges noman ond on allra
his haligra +d+at n+anig mon seo to +don gedyrstig +d+atte
+das halgan beoc aselle o+d+de a+deode from 
Cristes circan +da hwile +de fulwiht [{stondan{] [{mote{] .

<S SAMPLE 3>
<Q O2 XX DOC HARM18>
<N DOC HARM 18>
<A X>
<C O2>
<O 850-950>
<M 850-950>
<K SAME>
<D WS>
<V PROSE>
<T DOCUM>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>

[^B15.5.7^]
<P 30>
<R 1>
Leof, ic +de cy+de hu hit w+as ymb +d+at lond +at Funtial +da
fif hida +de +a+delm Higa ymb spyc+d.
<R 2>
+da Helmstan +da und+ade gedyde +d+at he +a+deredes belt
forst+al, +da ongon Higa him specan sona on mid o+dran 
onspecendan & wolde him o+dflitan +d+at lond.
<R 5>
+da sohte he me & b+ad me +d+at ic him w+are forespeca,
for+don ic his h+afde +ar onfongen +at biscopes honda 
+ar he +da und+ade gedyde.
<R 7>
+da sp+ac ic him fore & +dingade him to +alfrede cinge.
<R 8>
+da, God forgelde his saule, +da lyfde he +d+at he moste beon
ryhtes wyr+de for mire forsp+ace & ryhtrace
wi+d +a+delm ymb +d+at lond.
<R 10>
+da het he hie seman, +da w+as ic +dara monna sum +de +d+arto
genemned w+aran, & Wihtbord & +alfric, w+as +da 
hr+al+den, & Byrhthelm & Wulfhun +des blaca +at Sumortune &
Strica & Ubba & ma monna +donne ic nu genemnan 
m+age.
<R 13>
+da reahte 
<P 31>
heora +ag+der his spell, +da +duhte us eallan +d+at
Helmstan moste gan for+d mid +don bocon & geagnigean 
him +d+at lond, +d+at he hit h+afde swa +a+deldry+d
hit Osulfe on +aht gesealde wi+d gemedan feo, & heo 
cw+a+d to Osulfe +d+at heo hit ahte him wel to syllanne
for+don hit w+as hire morgengifu +da heo +arest 
to A+dulfe com.
<R 19>
& Helmstan +dis eal on +don a+de befeng.
& +alfred cing +da Osulfe his hondsetene sealde, +da he +d+at
lond +at +a+deldry+de bohte, +d+at hit swa stondan 
moste, & Eadweard his & +a+delna+d his & Deormod his &
+alces +dara monna +de mon +da habban wolde.
<R 22>
+da we hie +at Weardoran nu semdan, +da b+ar mon +da boc for+d
& r+adde hie, +da stod seo hondseten eal +d+aron.
<R 24>
+da +duhte us eallan +de +at +d+are some w+aran, +d+at
Helmstan w+are a+de +d+as +de near.
<R 26>
+da n+as +a+delm na fullice ge+dafa +ar we eodan in to cinge &
s+adan eall hu we hit reahtan & be hwy we hit 
reahtan.
<R 27>
& +a+delm stod self +d+arinne mid.
<R 28>
& cing stod, +dwoh his honda, +at Weardoran innan +don bure.
<R 29>
+da he +d+at gedon h+afde, +da ascade he +a+delm hwy hit him
ryht ne +duhte +d+at we him gereaht h+afdan, cw+a+d
+d+at he nan ryhtre ge+dencan ne meahte +donne he +done a+d
agifan moste gif he meahte.
<R 32>
+da cw+a+d ic +d+at he wolde cunnigan & b+ad +done cing +d+at
he hit andagade.
<R 33>
& he +da swa dyde.
& he gel+adde +da to +don andagan +done a+d be fullan & b+ad
me +d+at ic him fultemade & cw+a+d +d+at him w+are 
leofre +d+at he [{+d+at{] [{land{] [{me{] [{sealde{] +donne se
a+d forburste o+d+de hit [{+afr{] [{+ade{] .
<R 36>
+da cw+a+d ic +d+at ic him wolde fylstan to ryhte, & n+afre to
nanan wo, on +ta gerada +de he his me u+de.
<R 38>
& he me +d+at on wedde gesealde.
<R 39>
& we ridan +da to +don andagan.
ic & Wihtbord rad mid me & Byrhthelm rad +dider mid +a+delme.
<R 40>
& we gehyrdan ealle +d+at he +done a+d be fulan ageaf.
<R 41>
+da we cw+adan ealle +d+at hit w+are geendodu sp+ac +da se dom
w+as gefylled.
<R 42>
& leof, hwonne bi+d engu sp+ac geendedu gif mon ne m+ag
now+der ne mid feo ne mid a+da geendigan?
<R 44>
O+d+de gif mon +alcne dom wile onwendan +de +alfred cing
gesette, hwonne habbe we +donne gemota+d?
<R 45>
& he me +da boc +da ageaf swa he me on +don wedde +ar geseald
h+afde, sona swa se a+d agifen was.
<R 47>
& ic him gehet +d+at he moste +des londes brucan +da hwile +de
he lifde, gif he hine wolde butan bysmore
gehealdan.
<P 32>
<R 49>
+da onufan +d+at ymban o+der healf gear nat ic hwe+der +de ymb
tua, +da forst+al he +da unl+adan oxan +at Funtial, 
+de he mid ealle fore forwear+d, & draf to Cytlid.
<R 51>
& hine mon +d+ar+at aparade.
& his speremon ahredde +da sporwreclas.
<R 52>
+da he fleah, +da torypte hine an breber ofer +d+at nebb.
<R 53>
+da he +atsacan wolde, +da s+ade him mon +d+at to tacne.
<R 54>
+da swaf Eanulf Penearding on, w+as gerefa, +da genom eal
+d+at yrfe him on +d+at he ahte to Tyssebyrig.
<R 55>
+da ascade ic hine hwy he swa dyde, +da cw+a+d he +d+at he
w+are +deof.
<R 57>
& mon gerehte +d+at yrfe cinge for+don he w+as cinges mon.
& Ordlaf feng to his londe for+don hit w+as his l+an +d+at he
on s+at, he ne meahte na his forwyrcan.
<R 59>
& tu hine hete +da flyman.
<R 60>
+da [{gesohte{] he +dines f+ader lic & brohte insigle to me.
& ic w+as +at Cippanhomme mit te.
<R 61>
+da ageaf ic +d+at insigle +de.
& +du him forgeafe his eard & +da are +de he get on gebogen
h+af+d.
<R 62>
& ic feng to minan londe & sealde hit +don biscope +da on
+dine gewitnesse & +dinra weotena +da fif hida
wi+d +don londe +at Lidgeard wi+d fif hidan.
<R 65>
& biscop & eal hiwan forgeafan me +da feower & an was
teo+dinglond.
<R 66>
+donne, leof, is me micel neod+dearf +d+at hit mote stondan
swa hit nu gedon is & gefyrn w+as.
<R 67>
Gif hit elleshw+at bi+d, +donne sceal ic & wylle beon
gehealden on +don +de +de to +almessan ryht +dinc+d.
<R 70>
& +a+delm Higa eode of +dam geflite +da cing w+as +at
Worgemynster on Ordlafes gewitnesse & on Osfer+des &
on Oddan & on Wihtbordes & on +alfstanes +dys blerian & on
+a+delno+des.

<S SAMPLE 4>
<Q O2 XX DOC ROB26>
<N DOC ROB 26>
<A X>
<C O2>
<O 850-950>
<M 850-950>
<K CONTEMP>
<D WS/X>
<V PROSE>
<T DOCUM>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>

[^B15.6.46^]
<P 52>
<R 1>
   Ic Wulfgar an +t+as landes +at Collingaburnan ofer minne
d+ag +Affan hiere d+ag.
<R 2>
& heo tilige uncer begea sawla +tearfe gem+anelice +d+aron &
feormige +trie dagas +ta Godes +teowas +t+ar 
min lic reste on +tone gemyndd+ag & selle +tam m+assepreoste 
fif peningas & +tara o+tra +alcum twegen.
<R 5>
& ofer hiere d+ag to Winteceastre +tam niwan hierede for mine
sawle to habbenne & to brucenne & na of
+tam mynstre to sellanne.
<R 7>
& ic an +t+as landes +at Ingepenne ofer minne d+ag +Affan to
brucenne & to bewitanne & +t+at heo h+abbe 
+alce gere to +tam tune ealra gearw+astma +ta +trie d+alas & 
+tone feor+tan to Cynetanbyrig +tam Godes +teowum 
for mine sawle & for mines f+ader & for mines ieldran f+ader.
<R 12>
+tonne ofer hiere d+ag into Cynetanbyrig to +t+are halgan
stowe for Wulfgares sawle +te ic hit in selle
& for Wulfrices & for Wulfheres +te hit +arest begeat to
habbenne & to brucenne & n+afre ut to 
sellanne.
<R 15>
+tonne an ic +t+as landes +at Cr+aft ofer minne d+ag Wynsige &
+Alfsige & ealles +t+as +te ic +t+aron begite.
<R 17>
& ic an +t+as landes +at Denforda ofer minne d+ag +A+telstane
& Cynestane gif hie me o+t +t+at on ryht 
gehiera+t.
<R 18>
& ic an +t+as landes +at Butermere ofer minne d+ag Byrhtsige
twegea hida & Ceolstanes sunum anes gif 
hie me o+d +d+at on ryht gehiera+t.
<R 20>
& ic cwe+te on wordum be +Asc mere on minum geongum magum
swelce me betst gehiera+t.
<R 23>
& ic wille +t+at +Affe feormige of +t+am +trim d+alum +at
Ingepenne +ta Godes +teowas +at Cynetanbyrig +trie 
dagas on twelf mon+tum +anne d+ag for me o+terne for minne
f+ader +triddan for minne ieldran f+ader.
<R 26>
& ic an +t+as landes +at Hamme +Affan ofer minne d+ag.
<R 27>
& heo tilige +t+aron uncer begea sawla +tearfe & feormige
+trie dagas +ta Godes +teowas +t+ar min lic reste
on Eastron & ofer hiere d+ag into Winteceastre to +t+am
ealdan hierede to (\sancte Trinitate\) to 
h+abbenne & to brucenne & n+afre ut to sellanne.
<R 31>
Her swutela+t +t+at Wulfgar geu+te Hamme into ealdan mynstre
+after +Affan d+age hys wifes.



