<B CODREAM>
<Q OX/3 XX XX DREAM>
<N DREAM OF THE ROOD>
<A X>
<C OX/3>
<O X>
<M 950-1050>
<K NON-CONTEMP>
<D WS/X>
<V VERSE>
<T X>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>
<S SAMPLE X>


[^TEXT:  THE DREAM OF THE ROOD.
THE VERCELLI BOOK.
THE ANGLO-SAXON POETIC RECORDS, II.
ED. G. P. KRAPP.
NEW YORK: COLUMBIA UNIVERSITY PRESS, 1932.
PP. 61.1 - 65.156^]

[^A2.5^]
<P 61>
[} [\DREAM OF THE ROOD\] }]
<R 1>
Hw+at.
Ic swefna cyst secgan wylle, [{hw+at{] me gem+atte to midre
nihte, sy+d+tan reordberend reste wunedon.
<R 4>
+tuhte me +t+at ic gesawe syllicre treow on lyft l+adan,
leohte bewunden, beama beorhtost.
<R 6>
Eall +t+at beacen w+as begoten mid golde.
<R 7>
Gimmas stodon f+agere +at foldan sceatum, swylce +t+ar fife
w+aron uppe on +tam eaxlegespanne.
<R 9>
Beheoldon +t+ar engel dryhtnes ealle, f+agere +turh
for+dgesceaft.
<R 10>
Ne w+as +d+ar huru fracodes gealga, ac hine +t+ar beheoldon
halige gastas, men ofer moldan, ond eall +teos m+are gesceaft.
<R 13>
Syllic w+as se sigebeam, ond ic synnum fah, forwunded mid
wommum.
<R 14>
Geseah ic wuldres treow, w+adum geweor+dode, wynnum scinan,
gegyred mid golde; gimmas h+afdon bewrigene weor+dlice
[{wealdendes{] treow.
<R 18>
Hw+a+dre ic +turh +t+at gold ongytan meahte earmra +argewin,
+t+at hit +arest ongan sw+atan on +ta swi+dran healfe.
<R 20>
Eall ic w+as mid [{sorgum{] gedrefed, forht ic w+as for +t+are
f+agran gesyh+de.
<R 21>
Geseah ic +t+at fuse beacen wendan w+adum ond bleom; hwilum
hit w+as mid w+atan bestemed, beswyled mid swates gange,
hwilum mid since gegyrwed.
<R 24>
Hw+a+dre ic +t+ar licgende lange hwile beheold hreowcearig
h+alendes treow, o+d+d+at ic gehyrde +t+at hit hleo+drode.
<R 27>
Ongan +ta word sprecan wudu selesta: +t+at w+as geara iu, ic
+t+at gyta geman, +t+at ic w+as aheawen holtes on ende,
<P 62>
astyred of stefne minum.
<R 30>
Genaman me +d+ar strange feondas, geworhton him +t+ar to
w+afersyne, heton me heora wergas hebban.
<R 32>
B+aron me +d+ar beornas on eaxlum, o+d+d+at hie me on beorg
asetton, gef+astnodon me +t+ar feondas genoge.
<R 33>
Geseah ic +ta frean mancynnes efstan elne mycle +t+at he me
wolde on gestigan.
<R 35>
+t+ar ic +ta ne dorste ofer dryhtnes word bugan o+d+de
berstan, +ta ic bifian geseah eor+dan sceatas.
<R 37>
Ealle ic mihte feondas gefyllan, hw+a+dre ic f+aste stod.
<R 39>
Ongyrede hine +ta geong h+ale+d, +t+at w+as god +almihtig,
strang ond sti+dmod.
<R 40>
Gestah he on gealgan heanne, modig on manigra gesyh+de, +ta he
wolde mancyn lysan.
<R 42>
Bifode ic +ta me se beorn ymbclypte.
Ne dorste ic hw+a+dre bugan to eor+dan, feallan to foldan
sceatum, ac ic sceolde f+aste standan.
<R 44>
Rod w+as ic ar+ared.
Ahof ic ricne cyning, heofona hlaford, hyldan me ne dorste.
<R 46>
+turhdrifan hi me mid deorcan n+aglum.
On me syndon +ta dolg gesiene, opene inwidhlemmas.
<R 47>
Ne dorste ic hira n+anigum sce+d+dan.
<R 48>
Bysmeredon hie unc butu +atg+adere.
Eall ic w+as mid blode bestemed, begoten of +t+as guman sidan,
si+d+dan he h+afde his gast onsended.
<R 50>
Feala ic on +tam beorge gebiden h+abbe wra+dra wyrda.
<R 51>
Geseah ic weruda god +tearle +tenian.
<R 52>
+tystro h+afdon bewrigen mid wolcnum wealdendes hr+aw, scirne
sciman, sceadu for+deode, wann under wolcnum.
<R 55>
Weop eal gesceaft, cwi+ddon cyninges fyll.
<R 56>
Crist w+as on rode.
<R 57>
Hw+a+dere +t+ar fuse feorran cwoman to +tam +a+delinge.
<R 58>
Ic +t+at eall beheold.
<P 63>
<R 59>
Sare ic w+as mid [{sorgum{] gedrefed, hnag ic hw+a+dre +tam
secgum to handa, ea+dmod elne mycle.
<R 60>
Genamon hie +t+ar +almihtigne god, ahofon hine of +dam hefian
wite.
<R 61>
Forleton me +ta hilderincas standan steame bedrifenne; eall ic
w+as mid str+alum forwundod.
<R 63>
Aledon hie +d+ar limwerigne, gestodon him +at his lices
heafdum, beheoldon hie +d+ar heofenes dryhten, ond he hine
+d+ar hwile reste, me+de +after +dam miclan gewinne.
<R 65>
Ongunnon him +ta [{moldern{] wyrcan beornas on banan gesyh+de;
curfon hie +d+at of beorhtan stane, gesetton hie +d+aron
sigora wealdend.
<R 67>
Ongunnon him +ta sorhleo+d galan earme on +ta +afentide, +ta
hie woldon eft si+dian, me+de fram +tam m+aran
+teodne.
<R 69>
Reste he +d+ar m+ate weorode.
<R 70>
Hw+a+dere we +d+ar [{greotende{] gode hwile stodon on
sta+dole, sy+d+dan [{stefn{] up gewat hilderinca.
<R 72>
Hr+aw colode, f+ager feorgbold.
<R 73>
+ta us man fyllan ongan ealle to eor+dan.
<R 74>
+t+at w+as egeslic wyrd.
<R 75>
Bedealf us man on deopan sea+te.
Hw+a+dre me +t+ar dryhtnes +tegnas, freondas gefrunon, [{ond{]
gyredon me golde ond seolfre.
<R 78>
Nu +du miht gehyran, h+ale+d min se leofa, +t+at ic bealuwara
weorc gebiden h+abbe, sarra sorga.
<R 80>
Is nu s+al cumen +t+at me weor+dia+d wide ond side menn ofer
moldan, ond eall +teos m+are gesceaft, gebidda+t him to
+tyssum beacne.
<R 83>
On me bearn godes +trowode hwile.
<R 84>
For+tan ic +trymf+ast nu
<P 64>
hlifige under heofenum, ond ic h+alan
m+ag +aghwylcne anra, +tara +te him bi+d egesa to me.
<R 87>
Iu ic w+as geworden wita heardost, leodum la+dost, +ar+tan ic
him lifes weg rihtne gerymde, reordberendum.
<R 90>
Hw+at, me +ta geweor+dode wuldres ealdor ofer holtwudu,
heofonrices weard.
<R 92>
Swylce swa he his modor eac, Marian sylfe, +almihtig god for
ealle menn geweor+dode ofer eall wifa cynn.
<R 95>
Nu ic +te hate, h+ale+d min se leofa, +t+at +du +tas gesyh+de
secge mannum, onwreoh wordum +t+at hit is wuldres beam,
se +de +almihtig god on +trowode for mancynnes
manegum synnum ond Adomes ealdgewyrhtum.
<R 101>
Dea+d he +t+ar byrigde, hw+a+dere eft dryhten aras mid his
miclan mihte mannum to helpe.
<R 103>
He +da on heofenas astag.
Hider eft funda+t on +tysne middangeard mancynn secan on
domd+age dryhten sylfa, +almihtig god, ond his
englas mid, +t+at he +tonne wile deman, se ah domes geweald,
anra gehwylcum swa he him +arur her on +tyssum
l+anum life geearna+t.
<R 110>
Ne m+ag +t+ar +anig unforht wesan for +tam worde +te se
wealdend cwy+d.
<R 112>
Frine+d he for +t+are m+anige hw+ar se man sie, se +de for
dryhtnes naman dea+des wolde biteres onbyrigan,
swa he +ar on +dam beame dyde.
<R 115>
Ac hie +tonne forhtia+d, ond fea +tenca+t hw+at hie to Criste
cwe+dan onginnen.
<R 117>
Ne +tearf +d+ar +tonne +anig [{anforht{] wesan +te him +ar in
breostum bere+d beacna selest, ac +durh +da rode sceal rice
gesecan of eor+dwege +aghwylc sawl,
<P 65>
seo +te mid wealdende wunian +tence+d.
<R 122>
Geb+ad ic me +ta to +tan beame bli+de mode, elne mycle, +t+ar
ic ana w+as m+ate werede.
<R 124>
W+as modsefa afysed on for+dwege, feala ealra gebad
langunghwila.
<R 126>
Is me nu lifes hyht +t+at ic +tone sigebeam secan mote ana
oftor +tonne ealle men, well weor+tian.
<R 129>
Me is willa to +dam mycel on mode, ond min mundbyrd is geriht
to +t+are rode.
<R 131>
Nah ic ricra feala freonda on foldan, ac hie for+d heonon
gewiton of worulde dreamum, sohton him wuldres cyning,
lifia+t nu on heofenum mid heahf+adere, wunia+t
on wuldre, ond ic wene me daga gehwylce hw+anne
me dryhtnes rod, +te ic her on eor+dan +ar sceawode, on
+tysson l+anan life gefetige ond me +tonne
gebringe +t+ar is blis mycel, dream on heofonum, +t+ar is
dryhtnes folc geseted to symle, +t+ar is singal
blis, ond [{me{] +tonne asette +t+ar ic sy+t+tan mot wunian
on wuldre, well mid +tam halgum dreames brucan.
<R 144>
Si me dryhten freond, se +de her on eor+tan +ar +trowode on
+tam gealgtreowe for guman synnum.
<R 147>
He us onlysde ond us lif forgeaf, heofonlicne ham.
<R 148>
Hiht w+as geniwad mid bledum ond mid blisse +tam +te +t+ar
bryne +tolodan.
<R 150>
Se sunu w+as sigorf+ast on +tam si+dfate, mihtig ond spedig,
+ta he mid manigeo com, gasta weorode, on godes rice,
anwealda +almihtig, englum to blisse ond eallum
+dam halgum +tam +te on heofonum +ar wunedon
on wuldre, +ta heora wealdend cwom, +almihtig god, +t+ar his
e+del w+as.



