<B COEPIHOM> 
<Q O3/4 IR HOM SUND6> 
<N HOM VI SUNDAY> 
<A X> 
<C O3/4> 
<O 950-1050> 
<M 1050-1150> 
<K NON-CONTEMP> 
<D WS/X> 
<V PROSE> 
<T HOMILY> 
<G X> 
<F X> 
<W X> 
<X X> 
<Y X> 
<H X> 
<U X> 
<E X> 
<J X> 
<I X> 
<Z INSTR REL> 
<S SAMPLE X> 
 
 
[^TEXT:  A HOMILY FOR THE SIXTH (OR FOURTH) 
SUNDAY AFTER EPIPHANY. 
ANGELSAECHSISCHE HOMILIEN UND HEILIGENLEBEN. 
BIBLIOTHEK DER ANGELSAECHSISCHEN PROSA,  III. 
ED. B. ASSMANN. 
DARMSTADT: WISSENSCHAFTLICHE 
BUCHGESELLSCHAFT, 1964 (1889). 
PP. 164.1 - 169.141 (XIV)^] 
 
[^B3.2.6^] 
<P 164> 
<R 2> 
Men +da leofestan, ure drihten +almihtig god us singalice 
mynega+d +turh his halgan bec mid +tam  
gastlicum wordum, +te he sylf mid his mu+de bebead, +t+at we  
synna and mand+ada forleton and so+d and riht  
dydon +ta hwile, +te we on +tyssum l+anan life beon. 
<R 5> 
+donne is synderlice eallum godes folce beboden, +t+at hi 
heora gebeda lufian and +almessan d+alan of 
+tam +te mid rihte begiten sy. 
<R 7> 
Gode is la+d seo +almesse, +te bi+d mid unrihte begiten. 
Ac us is mycel neod+tearf, +t+at we ge+tencan, hu drihten us 
mid his +trowunge alysde fram deofles  
anwealde, +ta he a rode ahangen w+as and his  +t+at deorweor+de 
blod for us ageat. 
<R 10> 
For+dan we sculan weor+dian Cristes rode and biddan ure synna 
forgyfenessa ealle +atsomne. 
<R 11> 
Swa he for us +trowude on +t+are rode and eal +ta sar and 
edwit and +ta heardan +trowunga, +te he adreah 
+at +tam unl+adan folce Iudea, eal he +trowude for us, +t+at 
he wolde us generian fram helle wite and  
us gel+adan in +ta ecan eadignesse. 
<R 15> 
Ac hw+at is +tam men betere to +tencenne +tonne embe his 
sawle +tearfe and hw+anne se d+ag cume, +te he  
scyle wi+d +tone lichaman seo sawle ged+alan and hwilce 
lad+teowas heo h+abbe and hwider heo gel+add si, 
+te to wite, +te to  
<P 165> 
wuldre. 
<R 19> 
Witodlice we magon ongitan, +t+at +ta syndan uncu+te, +te  we 
geseon ne magan. 
<R 20> 
For+tan we sceolan mid eallum mode and m+agne to god gecyrran 
and so+de bote don for urum synnum,  
+tonne forgif+d us drihten ure synna forgifenesse and +t+at ece 
lif +after +tissere worulde geendunge. 
<R 23> 
Geeadmeda+t eow sylfe, men +ta leofestan, to godes willan, 
+tonne genera+d he eow of deofles  
costnungum,  for+dan drihten ne forgym+d he na +ta so+df+astan 
men. 
<R 25> 
Ge+tenca+d eac, +t+at ge gelomlice winna+d and swinca+d and 
ymbe +t+at sorgia+d, +t+at we urne lichaman  
gefyllan and gefr+atwian. 
<R 27> 
+tonne gelimpe+d hyt +after feawum dagum o+d+de feawum 
gearum, +t+at se ylca lichama by+d on byrgenne,  
and men witan, +t+at he g+a+d wyrmum to mete. 
<R 30> 
For+tan us is mycel neod+t+aarf, +t+at we ge+tencan embe ure 
sawle +tearfe, +t+anne heo cym+d on domes d+ag 
beforan gode and his englum. 
<R 32> 
Oft w+a habba+d gescawod, to hwilcum +tingum we sculan 
gewur+dan, sy+d+dan we deade beo+d. 
<R 33> 
We magan geseon, +tonne man binnan mynster byrgene delfe+d 
and +ta ban +t+aron finde+d, hwilce  we beon 
scylan. 
<R 35> 
Hwar by+d +tonne heora wela, +te hi ahtan her on life? 
<R 36> 
And hi d+aghwamlice gesamnodon ma and ma tog+adere and nystan 
n+anigne ende, hw+anne hi +t+at forl+atan  
scoldan. 
<R 37> 
Hwar com se micela heap, +te him mid ferde and ymbe +trungon? 
<R 38> 
Ealle +tas +tinc synd fram eagan gewitene, ne hit nu nan 
+tinc +t+are sawle ne  helpe+d. 
<R 40> 
Ac heora lichaman licga+d on eor+dan and beo+d to duste 
gewordene and +t+at fl+asc afula+d and wirmum  
awealle+d and ny+der aflowe+d in +ta eor+dan. 
<R 42> 
Men +ta leofastan, se +te ges+alig bi+d, he m+ag hine sylfne 
be +tisse bysene l+aran. 
<R 43> 
Eac +t+at gyt mare is, +t+at hi scylan +after +tam eor+dwelan 
edwit +trowian. 
<R 44> 
Don we +tonne, men  +ta leofestan, so+de bote for urum synnum 
+ta hwile, +te we on +tissum l+anan life  
syn. 
<R 46> 
Alysan we ure sawle +ta hwile, +te we +t+at lif habban and 
+t+at weor+d, +t+at we magan wi+d god geceapian, 
+til+as  
<P 166> 
+te se dea+d cume +ar to us and we +tonne +t+at lif 
forl+atan and +t+at weor+d and beo+d +tonne gel+adde 
to helle wite. 
<R 49> 
Ne +tearf nan man  +t+as w+anan, +t+at hyne +anig man m+age 
alysan fram helle wite, gif he sylf nele his 
synna betan +ar his ende. 
<R 51> 
Ac ute we beon gemyndie ure sawle +tearfe +ta hwile, +te we 
motan +t+at lif habban. 
<R 53> 
Ute gemunan +t+ane egesfullan domes d+ag. 
Se cym+d, +tonne we l+ast wena+d, and on +tam d+age we sculon 
for+dberan swa god, swa  yfel, +alc sawl be 
hyre gewyrhtan. 
<R 55> 
Men +ta leofestan, geearnie we, +t+at ure se ytemesta d+ag 
wur+de gode gecoren, and gecyrran we to  
drihtenes willan and ge+tencan, +t+at he dea+d +trowude for us 
and he us of +dam nearwan +tystrum alysde. 
<R 58> 
Nis +tonne nan man, +t+at +t+ane deopan grund +t+as hatan 
fyres gesecan mage, gif he wile his  synna  
betan on +tissum life. 
<R 60> 
Hw+at, we nu gehyrdan secgan be +tam +almesfullan, hu gode 
sawle he h+af+d, and nys n+anig man, +t+at  
asecgan m+age +ta miltse and +ta myrh+de, +te drihten h+af+d 
gehaten +alcan +t+ara +te hine lufian wile. 
<R 63> 
And ne bit he us nan o+der edlean, butan +t+at we ure sawle 
swa cl+ane agifan, swa he hi +ar gesceop  
and us bef+aste. 
<R 65> 
For+dan we sculan beon swi+de gemyndige godes beboda and ure 
sawle +tearfe on eallum tidum. 
<R 66> 
And secgan we him +tanc ealra his miltsa and his eadmodnessa 
and his gifena, +te he us forgeaf. 
<R 68> 
And his naman we sculan weor+dian mid wordum and mid d+adum, 
and mid eallum m+agne him +tancian. 
<R 69> 
+tonne forgif+d  he us, +t+at we motan to heofona rices 
wuldre mid blisse becuman. 
<R 71> 
+tar by+d leoht and lif and englas and heahf+adras and witegan 
and ealle halie on drihtenes onsyne  
mid wuldre. 
<R 72> 
+t+ar by+d ece gefea butan unrotnesse and geogo+t butan ylde. 
<R 73> 
Ne bi+d +tar sar, ne gewin, ne n+anig uny+dnes. 
<R 74> 
Ne +tar n+ani man his feond ne finde+d,  ne his feond ne 
gemet+a+d, ac +tar wunian mot, +te +ta stowe  
gesece+d,  
<P 167> 
mid engla sibbe on ecan wuldre mid urum drihtene. 
<R 76> 
Men +ta leofestan, ute gehyran, hu seo sawel spr+ac+d to +tam 
forworhtan lichaman on domes d+ag  
beforan gode. 
<R 78> 
Heo cwy+d to +tam lichaman: For hwan, earma lichama, 
gelyfdestu on +t+ane +te +de eal forl+arde,  +t+at  
w+as se deofol? 
<R 80> 
Hwi noldestu gelyfan +tinum drihtene, +te w+as ahangen for us 
and us alysde fram helle wite? 
<R 81> 
Gehyr nu, earma lichama, +tu eart deofles hus, for+tam +tu 
deofles willan worhtest and godes lare  
forhogedest. 
<R 83> 
+donne cwy+d seo sawel to +tam lichaman wependre stefne +tus: 
Wa is me nu, for+tam +te ic +ta toweardan  
+tinc ne gemunde. 
<R 85> 
Wa is me, for+tam +te ic ne ondred me helle wite. 
<R 86> 
Wa is me nu, for+tam ic heofonan rice ne lufede. 
Wa is me, for+tam +te ic ne ondred me godes +tone micelan 
dom. 
<R 87> 
Wa me, for+dam +te ic ge+tafode eal +ta yfel, +te +tu dydest. 
<R 88> 
Wa me, for+tam +te ic sceal to helle for +tinum yfeld+adum 
and +tu hafast gedon, +t+at  ic eom deofles  
bearn and deoflum gelic. 
<R 90> 
Hwi noldest +du gelyfan +tinum scrifte? 
<R 91> 
Ac seldan +tu gemundest +tine sawle. 
Ac oft +tu gemundest, hu +tu o+dre men beswican woldest, 
for+tam ic sceal nu to helle wite. 
<R 93> 
+tonne eft cwy+d seo goda sawle to +tam godan lichaman: Wel 
+te, for+tam +te +tu godes cyrican eadmodlice 
gelome  sohtest and +tine +almessan eadmodlice sealdest and 
+tinum gebedum georne lufedest and  
+tinne scrift oft gesohtest and godes willan +tu eac worhtest. 
<R 97> 
+donne gyt cwy+d seo sawel: Wel +te, gebletsode lichama, 
sceawa on me, to hwilcum setle +tu eart  
toweard. 
<R 98> 
+tin med is on me f+ager and gesyne and +tu symle most eces 
eardes  brucan on blisse. 
<R 100> 
Ne m+ag nan man hit asecgan ymbe +ta f+agernessa, +te god 
hafa+d gegearwod +tam mannum, +te hine lufian  
willa+d. 
<R 102> 
God +almihtig us la+da+t to heofona rice and deofol us wile 
forl+aran and forl+adan to helle wite. 
<R 103> 
God us la+da+t to life and  
<P 168> 
deofol us la+da+t to wite and 
beswice+d to dea+de. 
<R 104> 
God us l+are+d  w+accan and sent us on leohte heortan, +t+at 
he wolde, +t+at we oft cyrican sohtan. 
<R 106> 
Deofol us l+are+d sl+apnesse and sent us on sl+aw+de, +t+at 
we ne magon +tone beorhtan beacn +t+are bellan  
gehyran. 
<R 108> 
God us l+are+d f+astan and +almessan syllan earmum mannum and 
deofol us l+are+d oferfylle. 
<R 109> 
God us l+are+d cl+annesse and deofol us  l+are+d feala fule 
ge+tanc. 
<R 110> 
God us l+are+d eadmodnessa and deofol us l+ar+d ofermodnesse. 
<R 111> 
God us l+ar+d sibbe and wynsumnesse and deofol us l+ar+d 
unsibbe and wrohte. 
<R 112> 
Utan we forl+atan yfele lare and ge+tencan +tone micelan 
domes d+ag and dimnessa helle grundes, +te  
man +tar on dryh+d d+ages and nihtes. 
<R 114> 
+tar bi+d wurma geflit and to+ta [^ASSMANN: to +ta^] 
gristbitung. 
<R 115> 
+tar bi+d unadw+asced fyr. 
+tar bi+d wea and wite. 
<R 116> 
+tar hi sculan wunian o+d ende. 
+tonne is us micel neod+tearf, +t+at we gleawlice ongitan +ta 
scortnesse +tysse worulde and +ta ecnesse  
+t+as toweardan lifes. 
<R 118> 
+t+at ne by+d n+afre geendad +tam synnfullum mannum, +t+at 
ece wite, and +tam so+df+astan +t+at ece lif. 
<R 119> 
For+dam  swa hwilc man swa godes weorc cl+anlice and 
behogodlice wirce+d, he bi+d ecelice gehealden. 
<R 121> 
Se +te hit +tonne recel+aaslice and uncl+anlice wyrce+d, he 
bi+d awyrged into helle. 
<R 122> 
Be +dam Crist cw+a+d: Swa hwilc man swa hine lufa+d mid 
cl+anre and mid inweardre heortan, he hafa+d  
leoht in heofona rice. 
<R 124> 
+tonne cwy+d drihten:  Eala man, ic +te geworhte and ic for 
+te +trowude and ic w+as a rode ahangen and 
mid swipum geswungen. 
<R 126> 
Eala man, hwar syndon +ta lean, +te +tu me dydest for minre 
+trowunge? 
<R 127> 
Ne gemundest +du na, hwilc hit bi+d on helle? 
<R 128> 
+tar bi+d eagana wop and to+da [^ASSMANN: to +da^] geheaw. 
<R 129> 
+tar bi+d unadw+asced fyr. 
+t+ar beo+d egesfulle wyrmas, +ta +te wundia+d  and slita+d 
+ta synnfullan sawle, and +ta deofla drifa+d +ta sawle  
<P 169> 
to helle. 
<R 131> 
And +tonne f+ar+d Sanctus Petrus mid heom and byr+d on his 
handa helle c+age, and nis nan deofol, ne  
nan synful sawl, +t+at hi m+age behydan. 
<R 133> 
And hi +tonne scylan ealle to helle wite and hi man +tonne in 
bescyf+d, and Sanctus Petrus +ta duru  
belyc+d and hine  fram aw+ande+d.
<R 135>
And he +tonne weorpe+d +ta c+aga ofer his exle into helle.
<R 136>
+tis he de+d +tonne, for+dam +te he ne m+ag locian on +t+at
sar and on +tone micelan wop, +te hi wepa+d mid 
helle deoflum.
<R 138>
Hlud bi+d se cnyll ofer ealle eor+dan, +tonne seo c+ag
fealle+d innan helle.
<R 139>
Ac biddan we urne drihten mid halgum gebedum and mid
+almessan, +t+at he us gehealde on heofonan 
rice, +tar he leofa+d and rixa+d a worulda woruld a butan ende.



