<B COEXETER>
<Q OX/3 XX XX WAND>
<N WANDERER>
<A X>
<C OX/3>
<O X>
<M 950-1050>
<K NON-CONTEMP>
<D WS/X>
<V VERSE>
<T X>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>
<S SAMPLE X>


[^TEXT:  THE WANDERER.
THE EXETER BOOK.
THE ANGLO-SAXON POETIC RECORDS, III.
ED. G. P. KRAPP AND E. V. K. DOBBIE.
NEW YORK: COLUMBIA UNIVERSITY PRESS, 1936.
PP. 134.1 - 137.116

TEXT:  THE SEAFARER.
Idem.     
PP. 143.1 - 147.124  

TEXT:  WIDSITH.
Idem.
PP. 149.1 - 153.143

TEXT:  THE FORTUNES OF MEN.
Idem.
PP. 154.1 - 156.98

TEXT:  MAXIMS I.
Idem.
PP. 156.1 - 163.204

TEXT:  THE RIMING POEM.
Idem.
PP. 166.1 - 169.87

TEXT:  THE PANTHER.
Idem.
PP. 169.1 - 171.174

TEXT:  THE WHALE.
Idem.
PP. 171.1 - 174.88   

TEXT:  THE PARTRIDGE.
Idem.
P. 174.1 - 174.16

TEXT:  DEOR.
Idem.
PP. 178.1 - 179.42

TEXT:  WULF AND EADWACER.
Idem.
PP. 179.1 - 180.19

TEXT:  THE WIFE'S LAMENT.
Idem.
PP. 210.1 - 211.53^]

[^A3.6^]
<P 134>
[} [\THE WANDERER\] }]
<R 1>
Oft him anhaga are gebide+d, metudes miltse, +teah +te he
modcearig geond lagulade longe sceolde hreran 
mid hondum hrimcealde s+a, wadan wr+aclastas.
<R 5>
Wyrd bi+d ful [{ar+ad{] .
<R 6>
Swa cw+a+d eardstapa, earfe+ta gemyndig, wra+tra w+alsleahta,
winem+aga hryre: Oft ic sceolde ana uhtna gehwylce 
mine ceare cwi+tan.
<R 9>
Nis nu cwicra nan +te ic him modsefan minne durre sweotule
asecgan.
<R 11>
Ic to so+te wat +t+at bi+t in eorle indryhten +teaw, +t+at he
his fer+dlocan f+aste binde, [{healde{] his hordcofan, 
hycge swa he wille.
<R 15>
Ne m+ag werig mod wyrde wi+dstondan, ne se hreo hyge helpe
gefremman.
<R 17>
For+don domgeorne dreorigne oft in hyra breostcofan binda+d
f+aste.
<R 19>
swa ic modsefan minne sceolde, oft earmcearig, e+dle bid+aled,
freom+agum feor feterum s+alan, si+t+tan geara 
iu goldwine [{minne{] hrusan heolstre biwrah, ond ic hean
+tonan wod wintercearig ofer [{wa+tema{] gebind, 
sohte sele dreorig sinces bryttan, hw+ar ic feor o+t+te
neah findan meahte +tone +te in meoduhealle
[{min{] mine wisse, o+t+te mec [{freondleasne{] frefran
wolde, weman mid wynnum.
<R 29>
Wat se +te cunna+d, hu sli+ten bi+d sorg to geferan, +tam +te
him lyt hafa+d leofra geholena.
<R 32>
Wara+d hine wr+aclast, nales wunden gold, fer+dloca freorig,
nal+as foldan bl+ad.
<R 34>
Gemon he selesecgas ond sinc+tege, 
<P 135>
hu hine on geogu+de his
goldwine wenede to wiste.
<R 36>
Wyn eal gedreas.
<R 37>
For+ton wat se +te sceal his winedryhtnes leofes larcwidum
longe for+tolian, +donne sorg ond sl+ap somod
+atg+adre earmne anhogan oft gebinda+d.
<R 41>
+tince+d him on mode +t+at he his mondryhten clyppe ond cysse,
ond on cneo lecge honda ond heafod, swa 
he hwilum +ar in geardagum giefstolas breac.
<R 45>
+donne onw+acne+d eft wineleas guma, gesih+d him biforan
fealwe wegas, ba+tian brimfuglas, br+adan fe+tra,
hreosan hrim ond snaw, hagle gemenged.
<R 49>
+tonne beo+d +ty hefigran heortan benne, sare +after sw+asne.
<R 50>
Sorg bi+d geniwad, +tonne maga gemynd mod geondhweorfe+d;
grete+d gliwstafum, georne geondsceawa+d secga
geseldan.
<R 53>
Swimma+d [{eft{] on weg.
<R 54>
Fleotendra fer+d no +t+ar fela bringe+d cu+dra cwidegiedda.
<R 55>
Cearo bi+d geniwad +tam +te sendan sceal swi+te geneahhe ofer
wa+tema gebind werigne sefan.
<R 58>
For+ton ic ge+tencan ne m+ag geond +tas woruld for hwan
[{modsefa{] min ne gesweorce, +tonne ic eorla lif eal 
geond+tence, hu hi f+arlice flet ofgeafon, modge
magu+tegnas.
<R 62>
Swa +tes middangeard ealra dogra gehwam dreose+d ond fealle+t,
for+ton ne m+ag [{weor+tan{] wis wer, +ar he age 
wintra d+al in woruldrice.
<R 65>
Wita sceal ge+tyldig, ne sceal no to hatheort ne to
hr+adwyrde, ne to wac wiga ne to wanhydig, ne to 
forht ne to f+agen, ne to feohgifre ne n+afre gielpes to
georn, +ar he geare cunne.
<R 70>
Beorn sceal gebidan, +tonne he beot sprice+d, 
<P 136>
o+t+t+at
collenfer+d cunne gearwe hwider hre+tra gehygd hweorfan wille.
<R 73>
Ongietan sceal gleaw h+ale hu g+astlic bi+d, +tonne [{ealre{]
+tisse worulde wela weste stonde+d, swa nu missenlice 
geond +tisne middangeard winde biwaune weallas
stonda+t, hrime bihrorene, hry+dge +ta ederas.
<R 78>
Woria+d +ta winsalo, waldend licga+d dreame bidrorene, dugu+t
eal gecrong, wlonc bi wealle.
<R 80>
Sume wig fornom, ferede in for+dwege, sumne fugel o+tb+ar ofer
heanne holm, sumne se hara wulf dea+de ged+alde, 
sumne dreorighleor in eor+dscr+afe eorl gehydde.
<R 85>
Y+tde swa +tisne eardgeard +alda scyppend o+t+t+at burgwara
breahtma lease eald enta geweorc idlu stodon.
<R 88>
Se +tonne +tisne wealsteal wise ge+tohte ond +tis [{deorce{]
lif deope geond+tence+d, frod in fer+de, feor oft 
gemon w+alsleahta worn, ond +tas word acwi+d: Hw+ar cwom
mearg?
<R 92>
Hw+ar cwom mago?
Hw+ar cwom ma+t+tumgyfa?
<R 93>
Hw+ar cwom symbla gesetu?
Hw+ar sindon seledreamas?
<R 94>
Eala beorht bune.
Eala byrnwiga.
<R 95>
Eala +teodnes +trym.
Hu seo +trag gewat, genap under nihthelm, swa heo no w+are.
<R 97>
Stonde+d nu on laste leofre dugu+te weal wundrum heah,
wyrmlicum fah.
<R 99>
Eorlas fornoman asca +try+te, w+apen w+algifru, wyrd seo
m+are, ond +tas stanhleo+tu stormas cnyssa+d, hri+d
hreosende [{hrusan{] binde+d, wintres woma, +tonne won
cyme+d, nipe+d nihtscua, nor+tan onsende+d 
<P 137>
hreo h+aglfare h+ale+tum on andan.
<R 106>
Eall is earfo+dlic eor+tan rice, onwende+d wyrda gesceaft
weoruld under heofonum.
<R 108>
Her bi+d feoh l+ane, her bi+d freond l+ane, her bi+d mon
l+ane, her bi+d m+ag l+ane, eal +tis eor+tan gesteal 
idel weor+te+d.
<R 111>
Swa cw+a+d snottor on mode, ges+at him sundor +at rune.
<R 112>
Til bi+t se +te his treowe gehealde+t, ne sceal n+afre his
torn to rycene beorn of his breostum acy+tan,
nem+te he +ar +ta bote cunne, eorl mid elne gefremman.
<R 114>
Wel bi+d +tam +te him are sece+d, frofre to f+ader on
heofonum, +t+ar us eal seo f+astnung stonde+d.

<Q OX/3 XX XX SEAF>
<N SEAFARER>
<A X>
<C OX/3>
<O X>
<M 950-1050>
<K NON-CONTEMP>
<D WS/X>
<V VERSE>
<T X>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>

[^A3.9^]
<P 143>
[} [\THE SEAFARER\] }]
<R 1>
M+ag ic be me sylfum so+dgied wrecan, si+tas secgan, hu ic
geswincdagum earfo+dhwile oft +trowade, bitre
breostceare gebiden h+abbe, gecunnad in ceole cearselda
fela, atol y+ta gewealc, +t+ar mec oft bigeat
nearo nihtwaco +at nacan stefnan, +tonne he be
clifum cnossa+d.
<R 8>
Calde ge+trungen w+aron mine fet, forste gebunden, caldum
clommum, +t+ar +ta ceare seofedun hat ymb heortan; 
hungor innan slat merewerges mod.
<R 12>
+t+at se mon ne wat +te him on foldan f+agrost limpe+d, hu ic
earmcearig iscealdne s+a winter wunade wr+accan 
lastum, winem+agum bidroren, bihongen hrimgicelum; h+agl
scurum fleag.
<R 18>
+t+ar ic ne gehyrde butan hlimman s+a, iscaldne w+ag.
<R 19>
Hwilum ylfete song dyde ic me to gomene, ganetes hleo+tor ond
huilpan sweg fore hleahtor wera, 
<P 144>
m+aw singende fore medodrince.
<R 23>
Stormas +t+ar stanclifu beotan, +t+ar him stearn oncw+a+d
isigfe+tera; ful oft +t+at earn bigeal, urigfe+tra;
[{ne{] +anig hleom+aga feasceaftig fer+d [{frefran{] meahte.
<R 27>
For+ton him gelyfe+d lyt, se +te ah lifes wyn gebiden in
burgum, bealosi+ta hwon, wlonc ond wingal, hu 
ic werig oft in brimlade bidan sceolde.
<R 31>
Nap nihtscua, nor+tan sniwde, hrim hrusan bond, h+agl feol on
eor+tan, corna caldast.
<R 33>
For+ton cnyssa+d nu heortan ge+tohtas, +t+at ic hean streamas,
sealty+ta gelac sylf cunnige; mona+d modes 
lust m+ala gehwylce fer+d to feran, +t+at ic feor heonan
el+teodigra eard gesece.
<R 39>
For+ton nis +t+as modwlonc mon ofer eor+tan, ne his gifena
+t+as god, ne in geogu+te to +t+as hw+at, ne in his 
d+adum to +t+as deor, ne him his dryhten to +t+as hold,
+t+at he a his s+afore sorge n+abbe, to hwon hine dryhten 
gedon wille.
<R 44>
Ne bi+t him to hearpan hyge ne to hring+tege, ne to wife wyn
ne to worulde hyht, ne ymbe owiht elles,
nefne ymb y+da gewealc, ac a hafa+d longunge se +te on lagu
funda+d.
<R 48>
Bearwas blostmum nima+d, byrig f+agria+d, wongas
[{wlitiga+d{] , woruld onette+d; ealle +ta gemonia+d modes 
fusne sefan to si+te, +tam +te swa +tence+d on flodwegas feor
[{gewitan{] .
<R 53>
Swylce geac mona+d geomran reorde, singe+d sumeres weard,
sorge beode+d bitter in breosthord.
<R 55>
+t+at se beorn ne wat, [{esteadig{] secg, hw+at +ta sume
dreoga+d 
<P 145>
+te +ta wr+aclastas widost lecga+d.
<R 58>
For+ton nu min hyge hweorfe+d ofer hre+terlocan, min modsefa
mid mereflode ofer hw+ales e+tel hweorfe+d wide, 
eor+tan sceatas, cyme+d eft to me gifre ond gr+adig,
gielle+d anfloga, hwete+d on [{hw+alweg{] hre+ter unwearnum 
ofer holma gelagu.
<R 64>
For+ton me hatran sind dryhtnes dreamas +tonne +tis deade lif,
l+ane on londe.
<R 66>
Ic gelyfe no +t+at him eor+dwelan ece [{stonda+d{] .
<R 68>
Simle +treora sum +tinga gehwylce, +ar his [{tid{] [{aga{] , to
tweon weor+te+d; adl o+t+te yldo o+t+te ecghete f+agum 
fromweardum feorh o+d+tringe+d.
<R 72>
For+ton +t+at [{bi+d{] eorla gehwam +aftercwe+tendra lof
lifgendra lastworda betst, +t+at he gewyrce, +ar he on
weg scyle, [{fremum{] on foldan wi+d feonda ni+t, deorum
d+adum deofle togeanes, +t+at hine +alda bearn +after 
hergen, ond his lof si+t+tan lifge mid englum awa to
ealdre, ecan lifes [{bl+ad{] , dream mid duge+tum.
<R 80>
Dagas sind gewitene, ealle onmedlan eor+tan rices; n+aron nu
cyningas ne caseras ne goldgiefan swylce
iu w+aron, +tonne hi m+ast mid him m+ar+ta gefremedon ond on
dryhtlicestum dome lifdon.
<R 86>
Gedroren is +teos dugu+d eal, dreamas sind gewitene, wunia+d
+ta wacran ond +tas woruld healda+t, bruca+d +turh bisgo.
<R 88>
Bl+ad is gehn+aged, eor+tan indryhto ealda+d ond seara+d, swa
nu monna gehwylc geond middangeard.
<R 91>
Yldo him on fare+d, onsyn blaca+d, 
<P 146>
gomelfeax gnorna+d, wat his
iuwine, +a+telinga bearn, eor+tan forgiefene.
<R 94>
Ne m+ag him +tonne se fl+aschoma, +tonne him +t+at feorg
losa+d, ne swete forswelgan ne sar gefelan, ne hond 
onhreran ne mid hyge +tencan.
<R 97>
+teah +te gr+af wille golde stregan bro+tor his geborenum,
byrgan be deadum, ma+tmum mislicum +t+at hine mid 
wille, ne m+ag +t+are sawle +te bi+t synna ful gold to
geoce for godes egsan, +tonne he hit +ar hyde+d +tenden 
he her leofa+d.
<R 103>
Micel bi+t se meotudes egsa, for+ton hi seo molde oncyrre+d;
se gesta+telade sti+te grundas, eor+tan sceatas ond uprodor.
<R 106>
Dol bi+t se +te him his dryhten ne ondr+ade+t; cyme+d him se
dea+d un+tinged.
Eadig bi+d se +te ea+tmod leofa+t; cyme+d him seo ar of
heofonum, meotod him +t+at mod gesta+tela+d, for+ton 
he in his meahte gelyfe+d.
<R 108>
Stieran mon sceal strongum [{mode{] , ond +t+at on sta+telum
healdan, ond gewis werum, wisum cl+ane, scyle 
monna gehwylc mid gemete healdan wi+t leofne ond wi+d la+tne
[{bealo{] , +teah +te he hine wille fyres fulne
[{o+t+te{] on b+ale forb+arnedne his geworhtne wine.
<R 115>
Wyrd bi+t [{swi+tre{] , meotud meahtigra +tonne +anges monnes
gehygd.
<R 117>
Uton we hycgan hw+ar [{we{] ham agen, ond +tonne ge+tencan hu
we +tider cumen, ond we +tonne eac tilien, +t+at 
we to moten in +ta ecan eadignesse, +t+ar is lif gelong in
lufan dryhtnes, 
<P 147>
hyht in heofonum.
<R 122>
+t+as sy +tam halgan +tonc, +t+at he usic geweor+tade, wuldres
ealdor, ece dryhten, in ealle tid.
<R 124>
Amen.

<Q OX/3 XX XX WIDS>
<N WIDSITH>
<A X>
<C OX/3>
<O X>
<M 950-1050>
<K NON-CONTEMP>
<D WS/X>
<V VERSE>
<T X>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>

[^A3.11^]
<P 149>
[} [\WIDSITH\] }]
<R 1>
Widsi+d ma+dolade, wordhord onleac, se +te [{monna{] m+ast
[{m+ag+ta{] ofer eor+tan, folca geondferde; oft he [{on{]
flette ge+tah mynelicne ma+t+tum.
<R 4>
[{Him{] from Myrgingum +a+tele onwocon.
<R 5>
He mid Ealhhilde, f+alre freo+tuwebban, forman si+te
Hre+dcyninges ham gesohte eastan of Ongle, Eormanrices,
wra+tes w+arlogan.
<R 9>
Ongon +ta worn sprecan: Fela ic monna gefr+agn m+ag+tum
wealdan.
<R 11>
Sceal [{+teodna{] gehwylc +teawum lifgan, eorl +after o+trum
e+dle r+adan,
<P 150>
se +te his +teodenstol ge+teon wile.
<R 14>
+tara w+as [{Hwala{] hwile selast, ond Alexandreas ealra
ricost monna cynnes, ond he m+ast ge+tah +tara +te
ic ofer foldan gefr+agen h+abbe.
<R 18>
+atla weold Hunum, Eormanric Gotum, Becca Baningum, Burgendum
Gifica.
<R 20>
Casere weold Creacum ond [{C+alic{] Finnum, Hagena
[{Holmrygum{] ond [{Heoden{] Glommum.
<R 22>
Witta weold Sw+afum, Wada H+alsingum, Meaca Myrgingum,
Mearchealf Hundingum.
<R 24>
+teodric weold Froncum, +tyle Rondingum, Breoca Brondingum,
Billing Wernum.
<R 26>
Oswine weold Eowum ond Ytum Gefwulf, Fin Folcwalding Fresna
cynne.
<R 28>
Sigehere lengest S+adenum weold, Hn+af Hocingum, Helm
Wulfingum, Wald Woingum, Wod +tyringum, S+afer+d Sycgum,
Sweom Ongend+teow, Sceafthere Ymbrum, Sceafa
Longbeardum, Hun H+atwerum ond Holen Wrosnum.
<R 34>
Hringweald w+as haten Herefarena cyning.
<R 35>
Offa weold Ongle, Alewih Denum; se w+as +tara manna modgast
ealra, no hw+a+tre he ofer Offan eorlscype
fremede, ac Offa geslog +arest monna, cnihtwesende, cynerica
m+ast.
<R 40>
N+anig efeneald him eorlscype maran on orette.
<R 41>
Ane sweorde merce gem+arde wi+d Myrgingum bi Fifeldore;
heoldon for+d si+t+tan Engle ond Sw+afe, swa hit
Offa geslog.
<R 45>
Hro+twulf ond Hro+dgar heoldon lengest sibbe +atsomne
suhtorf+adran, si+t+tan hy forwr+acon wicinga cynn
<P 151>
ond Ingeldes ord forbigdan, forheowan +at Heorote Hea+dobeardna
+trym.
<R 50>
Swa ic geondferde fela fremdra londa geond ginne grund.
<R 51>
Godes ond yfles +t+ar ic cunnade cnosle bid+aled, freom+agum
feor folgade wide.
<R 54>
For+ton ic m+ag singan ond secgan spell, m+anan fore mengo in
meoduhealle hu me cynegode cystum dohten.
<R 57>
Ic w+as mid Hunum ond mid Hre+dgotum, mid Sweom ond mid Geatum
ond mid Su+tdenum.
<R 59>
Mid Wenlum ic w+as ond mid W+arnum ond mid wicingum.
<R 60>
Mid Gef+tum ic w+as ond mid Winedum ond mid Gefflegum.
<R 61>
Mid Englum ic w+as ond mid Sw+afum ond mid +anenum.
<R 62>
Mid Seaxum ic w+as ond Sycgum ond mid Sweordwerum.
<R 63>
Mid Hronum ic w+as ond mid Deanum ond mid Hea+toreamum.
<R 64>
Mid +tyringum ic w+as ond mid +trowendum, ond mid Burgendum,
+t+ar ic beag [{ge+tah{] ; me +t+ar Gu+dhere forgeaf
gl+adlicne ma+t+tum songes to leane.
<R 67>
N+as +t+at s+ane cyning.
<R 68>
Mid Froncum ic w+as ond mid Frysum ond mid Frumtingum.
<R 69>
Mid Rugum ic w+as ond mid Glommum ond mid Rumwalum.
<R 70>
Swylce ic w+as on Eatule mid +alfwine, se h+afde moncynnes,
mine gefr+age, leohteste hond lofes to wyrcenne,
heortan unhneaweste hringa gedales, beorhtra beaga,
bearn Eadwines.
<R 75>
Mid Sercingum ic w+as ond mid Seringum; mid Creacum ic w+as
ond mid Finnum ond mid Casere, se +te winburga geweald ahte,
<P 152>
[{wiolena{] ond wilna, ond Wala rices.
<R 79>
Mid Scottum ic w+as ond mid Peohtum ond mid Scridefinnum; mid
Lidwicingum ic w+as ond mid Leonum ond mid Longbeardum,
mid h+a+dnum ond mid h+ale+tum ond mid Hundingum.
<R 82>
Mid Israhelum ic w+as ond mid Exsyringum, mid Ebreum ond mid
Indeum ond mid Egyptum.
<R 84>
Mid Moidum ic w+as ond mid Persum ond mid Myrgingum, ond
Mofdingum ond ongend Myrgingum, ond mid Amothingum.
<R 86>
Mid East+tyringum ic w+as ond mid Eolum ond mid Istum ond
Idumingum.
<R 88>
Ond ic w+as mid Eormanrice ealle +trage, +t+ar me Gotena
cyning gode dohte.
<R 90>
Se me beag forgeaf, burgwarena fruma, on +tam siex hund w+as
sm+ates goldes, gescyred sceatta scillingrime.
<R 93>
+tone ic Eadgilse on +aht sealde, minum hleodryhtne, +ta ic to
ham bicwom, leofum to leane, +t+as +te he me lond forgeaf,
mines f+ader e+tel, frea Myrginga.
<R 97>
ond me +ta Ealhhild o+terne forgeaf, dryhtcwen dugu+te, dohtor
Eadwines.
<R 99>
Hyre lof lengde geond londa fela, +tonne ic be songe secgan
sceolde hw+ar ic under [{swegle{] selast wisse goldhrodene
cwen giefe bryttian.
<R 103>
[{+donne{] wit Scilling sciran reorde for uncrum sigedryhtne
song ahofan, hlude bi hearpan hleo+tor swinsade,
+tonne monige men, modum wlonce, wordum sprecan, +ta +te
wel cu+tan, +t+at hi n+afre song sellan ne hyrdon.
<R 109>
+donan ic ealne geondhwearf e+tel Gotena,
<P 153>
sohte ic a [{gesi+ta{] +ta selestan;
+t+at w+as innweorud Earmanrices.
<R 112>
He+dcan sohte ic ond Beadecan ond Herelingas, Emercan sohte ic
ond Fridlan ond Eastgotan, frodne ond
godne f+ader Unwenes.
<R 115>
Seccan sohte ic ond Beccan, Seafolan ond +teodric, Hea+toric
ond Sifecan, Hli+te ond Incgen+teow.
<R 117>
Eadwine sohte ic ond Elsan, +agelmund ond Hungar, ond +ta
wloncan gedryht Wi+tmyrginga.
<R 119>
Wulfhere sohte ic ond Wyrmhere; ful oft +t+ar wig ne al+ag,
+tonne Hr+ada here heardum sweordum ymb Wistlawudu
wergan sceoldon ealdne e+telstol +atlan leodum.
<R 123>
R+adhere sohte ic ond Rondhere, Rumstan ond Gislhere,
Wi+tergield ond Freo+teric, Wudgan ond Haman; ne
w+aran +t+at gesi+ta +ta s+amestan, +teah +te ic hy anihst
nemnan sceolde.
<R 127>
ful oft of +tam heape hwinende fleag giellende gar on grome
+teode; wr+accan +t+ar weoldan wundnan golde
werum ond wifum, wudga ond hama.
<R 131>
swa ic +t+at symle onfond on +t+are feringe, +t+at se bi+t
leofast londbuendum se +te him god syle+d gumena
rice to gehealdenne, +tenden he her leofa+d.
<R 135>
swa scri+tende gesceapum hweorfa+d gleomen gumena geond grunda
fela, +tearfe secga+d, +toncword spreca+t,
simle su+d o+t+te nor+d sumne gemeta+d gydda gleawne, geofum
unhneawne, se +te fore dugu+te wile dom ar+aran,
eorlscipe +afnan, o+t+t+at eal sc+ace+d, leoht ond lif
somod.
<R 142>
lof se gewyrce+d, hafa+d under heofonum heahf+astne dom.

<Q OX/3 XX XX FORT>
<N FORTUNES OF MEN>
<A X>
<C OX/3>
<O X>
<M 950-1050>
<K NON-CONTEMP>
<D WS/X>
<V VERSE>
<T X>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>

[^A3.12^]
<P 154>
[} [\THE FORTUNES OF MEN\] }]
<R 1>
Ful oft +t+at gegonge+d, mid godes meahtum, +t+atte wer ond
wif in woruld cenna+d bearn mid gebyrdum ond
mid bleom gyrwa+d, tenna+t ond t+ata+t, o+t+t+at seo tid
cyme+d, geg+a+d gearrimum, +t+at +ta geongan leomu,
liff+astan leo+tu, geloden weor+ta+d.
<R 7>
Ferga+d swa ond fe+ta+d f+ader ond modor, giefa+d ond
gierwa+t.
<R 8>
God ana wat hw+at him weaxendum winter bringa+d.
<R 10>
Sumum +t+at gegonge+d on geogu+dfeore +t+at se endest+af
earfe+dm+acgum wealic weor+te+d.
<R 12>
Sceal hine wulf etan, har h+a+dstapa; hinsi+t +tonne modor
bimurne+d.
<R 14>
Ne bi+d swylc monnes geweald.
<R 15>
Sumne sceal hungor ahi+tan, sumne sceal hreoh fordrifan, sumne
sceal gar agetan, sumne gu+d abreotan.
<R 17>
Sum sceal leomena leas lifes neotan, folmum +atfeohtan, sum on
fe+de lef, seonobennum seoc, sar cwanian,
murnan meotudgesceaft mode gebysgad.
<R 21>
Sum sceal on holte of hean [{beame{] fi+terleas feallan; bi+d
on flihte se+teah, lace+d on lyfte, o+t+t+at lengre ne bi+d
westem wudubeames.
<R 24>
+tonne he on wyrtruman sige+d sworcenfer+d, sawle bireafod,
fealle+t on foldan, feor+d bi+t on si+te.
<R 27>
Sum sceal on fe+te on feorwegas nyde gongan ond his nest
beran, tredan uriglast el+teodigra, frecne foldan;
ah he feormendra lyt lifgendra, la+d bi+t +aghw+ar fore
his wonsceaftum wineleas h+ale.
<R 33>
Sum sceal on geapum galgan ridan, seomian +at swylte, o+t+t+at
sawlhord,
<P 155>
bancofa blodig, abrocen weor+te+d.
<R 36>
+t+ar him hrefn nime+t heafodsyne, slite+d salwigpad
sawelleasne; no+ter he +ty facne m+ag folmum biwergan,
la+tum lyftscea+tan, bi+t his lif sc+acen, ond he feleleas,
feores orwena, blac on beame bide+d wyrde,
bewegen w+almiste.
<R 42>
Bi+d him werig noma.
<R 43>
[{Sumne{] on b+ale sceal brond [{aswencan{] , fretan frecne
[{lif{] f+agne monnan; +t+ar him lifgedal lungre weor+de+d,
read re+te gled; reote+d meowle, seo hyre bearn gesih+d
brondas +teccan.
<R 48>
Sumum meces ecg on meodubence yrrum ealowosan ealdor
o+t+tringe+d, were winsadum; bi+d +ar his worda to
hr+ad.
<R 51>
Sum sceal on beore +turh byreles hond meodugal m+acga; +tonne
he gemet ne con gemearcian his mu+te mode
sine, ac sceal ful earmlice ealdre linnan, dreogan
dryhtenbealo dreamum biscyred, ond hine to sylfcwale secgas
nemna+d, m+ana+d mid mu+te meodugales gedrinc.
<R 58>
Sum sceal on geogu+te mid godes meahtum his earfo+dsi+t ealne
forspildan, ond on yldo eft eadig weor+tan,
wunian wyndagum ond welan +ticgan, ma+tmas ond meoduful
m+agburge on, +t+as +te +anig fira m+age [{for+d{] gehealdan.
<R 64>
Swa missenlice meahtig dryhten geond eor+tan sceat eallum
d+ale+d, scyre+t ond scrife+d ond gesceapo healde+d,
sumum eadwelan, sumum earfe+ta d+al, sumum geogo+te
gl+ad, sumum gu+te bl+ad, gewealdenne wigplegan,
sumum wyrp o+t+te scyte,
<P 156>
torhtlicne tiir, sumum t+afle cr+aft, bleobordes gebregd.
<R 71>
Sume boceras weor+ta+d wisf+aste.
<R 72>
Sumum wundorgiefe +turh goldsmi+te gearwad [{weor+ta+d{] ; ful
oft he gehyrde+d ond gehyrste+d wel, brytencyninges beorn,
ond he him brad syle+d lond to leane.
<R 76>
He hit on lust +tige+d.
<R 77>
Sum sceal on heape h+ale+tum cweman, blissian +at beore
bencsittendum; +t+ar bi+t drincendra dream se micla.
<R 80>
Sum sceal mid hearpan +at his hlafordes fotum sittan, feoh
+ticgan, ond a snellice snere wr+astan, l+atan scralletan
[{sceacol{] , se +te hleape+d, n+agl
[{neomegende{] ; bi+t him neod micel.
<R 85>
Sum sceal wildne fugel wloncne atemian, heafoc on honda,
o+t+t+at seo heoroswealwe wynsum weor+te+d; de+t
he wyrplas on, fede+t swa on feterum fi+trum dealne, lepe+t
lyftswiftne lytlum gieflum, o+t+t+at se w+alisca w+adum
ond d+adum his +atgiefan ea+dmod weor+te+d ond to
hagostealdes honda gel+ared.
<R 93>
Swa wr+atlice weoroda [{nergend{] geond middangeard monna
cr+aftas sceop ond scyrede ond gesceapo ferede
+aghwylcum on eor+tan eormencynnes.
<R 97>
For+ton him nu ealles +tonc +aghwa secge, +t+as +te he fore
his miltsum monnum scrife+d.

<Q OX/3 XX XX MAXI>
<N MAXIMS I>
<A X>
<C OX/3>
<O X>
<M 950-1050>
<K NON-CONTEMP>
<D WS/X>
<V VERSE>
<T X>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>

[^A3.13^]
<P 156>
[} [\MAXIMS I\] }]
[} [\I\] }]
<R 1>
Frige mec frodum wordum.
<R 2>
Ne l+at +tinne fer+d onh+alne, degol +t+at +tu deopost cunne.
<R 3>
Nelle ic +te min dyrne gesecgan,
<P 157>
gif +tu me +tinne hygecr+aft
hylest ond +tine heortan ge+tohtas.
<R 5>
Gleawe men sceolon gieddum wrixlan.
God sceal mon +arest hergan f+agre, f+ader userne, for+ton +te
he us +at frym+te geteode lif ond l+anne willan:
he usic wile +tara leana gemonian.
<R 7>
Meotud sceal in wuldre, mon sceal on eor+tan geong ealdian.
<R 8>
God us ece bi+t, ne wenda+d hine wyrda ne hine wiht drece+t,
adl ne yldo +almihtigne; ne gomela+d he in
g+aste, ac he is gen swa he w+as, +teoden ge+tyldig.
<R 12>
He us ge+tonc syle+d, missenlicu mod, monge reorde.
<R 14>
Feorhcynna fela f+a+tme+t wide eglond monig.
<R 15>
Eardas rume meotud ar+arde for moncynne, +almihtig god,
efenfela bega +teoda ond +teawa.
<R 18>
+ting sceal gehegan frod wi+t frodne; bi+t hyra fer+d gelic,
hi a sace sema+t, sibbe gel+ara+d, +ta +ar wons+alge awegen
habba+d.
<R 22>
R+ad sceal mid snyttro, ryht mid wisum, til sceal mid tilum.
<R 23>
Tu beo+d gem+accan; sceal wif ond wer in woruld cennan bearn
mid gebyrdum.
<R 25>
Beam sceal on eor+dan leafum li+tan, leomu gnornian.
<R 27>
Fus sceal feran, f+age sweltan ond dogra gehwam ymb gedal
sacan middangeardes.
<R 29>
Meotud ana wat hw+ar se cwealm cyme+t, +te heonan of cy+t+te
gewite+t.
<R 31>
Umbor yce+d, +ta +aradl nime+d; +ty weor+te+d on foldan swa
fela fira cynnes, ne sy +t+as magutimbres gemet
ofer eor+tan, gif hi ne wanige se +tas woruld teode.
<R 35>
Dol bi+t se +te his dryhten nat, to +t+as oft cyme+d dea+d
un+tinged.
<R 36>
Snotre men sawlum beorga+d, healda+d hyra so+d mid ryhte.
<P 158>
<R 37>
Eadig bi+d se +te in his e+tle ge+tih+d, earm se him his frynd
geswica+d.
<R 38>
Nefre sceal se him his nest aspringe+d, [{nyde{] sceal +trage
gebunden.
<R 39>
Bli+te sceal bealoleas heorte.
Blind sceal his eagna +tolian, oftigen bi+t him torhtre
gesih+te.
<R 40>
Ne magon [{hi{] tunglu bewitian, swegltorht sunnan ne monan;
+t+at him bi+t sar in his mode, onge +tonne he hit ana wat,
ne wene+d +t+at him +t+as edhwyrft cyme.
<R 43>
Waldend him +t+at wite teode, se him m+ag wyrpe syllan, h+alo
of heofodgimme, gif he wat heortan cl+ane.
<R 45>
Lef mon l+aces behofa+d.
L+aran sceal mon geongne monnan, trymman ond tyhtan +t+at he
teala cunne, o+t+t+at hine mon atemedne h+abbe,
sylle him wist ond w+ado, o+t+t+at hine mon on gewitte al+ade.
<R 48>
Ne sceal hine mon cildgeongne forcwe+tan, +ar he hine acy+tan
mote; +ty sceal on +teode ge+teon, +t+at he wese 
+tristhycgende.
<R 50>
Styran sceal mon strongum mode.
Storm oft holm gebringe+t, geofen in grimmum s+alum; onginna+d
grome fundian fealwe on feorran to londe, hw+a+ter he f+aste
stonde.
<R 53>
Weallas him wi+tre healda+d, him bi+t wind gem+ane.
<R 54>
Swa bi+t s+a smilte, +tonne hy wind ne wece+d; swa beo+t
+teoda ge+tw+are, +tonne hy ge+tingad habba+d,
gesitta+d him on gesundum +tingum, ond +tonne mid gesi+tum
healda+t cene men gecynde rice.
<R 58>
Cyning bi+t anwealdes georn; la+d se +te londes mona+d, leof
se +te mare beode+d.
<R 60>
+trym sceal mid wlenco, +triste mid cenum, sceolun bu recene
beadwe fremman.
<P 159>
<R 62>
Eorl sceal on eos boge, [{eorod{] sceal getrume ridan, f+aste
fe+ta stondan.
<R 63>
F+amne +at hyre bordan gerise+d; widgongel wif word
gespringe+d, oft hy mon wommum bilih+d, h+ale+d hy
hospe m+ana+d, oft hyre hleor abreo+te+d.
<R 66>
Sceomiande man sceal in sceade hweorfan, scir in leohte
gerise+d.
<R 67>
Hond sceal heofod inwyrcan, hord in streonum bidan, gifstol
gegierwed stondan, hwonne hine guman ged+alen.
<R 69>
Gifre bi+t se +tam golde onfeh+d, guma +t+as on heahsetle
geneah; lean sceal, gif we leogan nella+d, +tam
+te us +tas lisse geteode.
[} [\II\] }]
<R 71>
Forst sceal freosan, fyr wudu meltan, eor+te growan, is
brycgian, w+ater helm wegan, wundrum lucan eor+tan ci+tas.
<R 74>
An sceal inbindan forstes fetre felameahtig god; winter sceal
geweorpan, weder eft cuman, sumor swegle hat, sund unstille.
<R 78>
Deop deada w+ag dyrne bi+d lengest; holen sceal in+aled, yrfe
ged+aled deades monnes.
<R 80>
Dom bi+t selast.
<R 81>
Cyning sceal mid ceape cwene gebicgan, bunum ond beagum; bu
sceolon +arest geofum god wesan.
<R 83>
Gu+d sceal in eorle, wig geweaxan, ond wif ge+teon [{leof{]
mid hyre leodum, leohtmod wesan, rune healdan,
rumheort beon mearum ond ma+tmum, meodor+adenne for
gesi+dm+agen symle +aghw+ar eodor [{+a+telinga{] +arest
gegretan, forman fulle to frean hond ricene ger+acan, ond him
r+ad witan
<P 160>
boldagendum b+am +atsomne.
<R 93>
Scip sceal gen+agled, scyld gebunden, leoht linden bord, leof
wilcuma Frysan wife, +tonne flota stonde+d;
bi+t his ceol cumen ond hyre ceorl to ham, agen +atgeofa,
ond heo hine in la+da+t, w+asce+d his warig hr+agl ond
him syle+t w+ade niwe, li+t him on londe +t+as his
lufu b+ade+d.
<R 100>
Wif sceal wi+t wer w+are gehealdan, oft hi mon wommum
[{belih+d{] fela bi+d f+asthydigra, fela bi+d 
[{fyrwetgeorna{] , freo+d hy fremde monnan, +tonne se
o+ter feor gewite+t.
<R 103>
Lida bi+t longe on si+te; a mon sceal se+teah leofes wenan,
gebidan +t+as he geb+adan ne m+ag.
<R 104>
Hwonne him eft gebyre weor+de, ham cyme+d, gif he hal leofa+d,
nefne him holm gestyre+d, mere hafa+d mundum m+ag+degsan wyn.
<R 107>
Ceapeadig mon cyningwic +tonne leodon cype+t, +tonne li+tan
cyme+d; wuda ond w+atres nytta+d, +tonne him bi+t wic
[{alyfed{] , mete byge+t, gif he maran +tearf, +ar+ton
he to me+te weor+te.
<R 111>
Seoc se bi+t +te to seldan iete+d; +teah hine mon on sunnan
l+ade, ne m+ag he be +ty wedre wesan, +teah hit
sy wearm on sumera, ofercumen bi+t he, +ar he acwele, gif he
nat hwa hine cwicne fede.
<R 114>
M+agen mon sceal mid mete fedan, mor+tor under eor+tan
befeolan, hinder under hrusan, +te hit forhelan
+tence+d; ne bi+t +t+at gedefe dea+t, +tonne hit gedyrned
weor+te+d.
<R 117>
Hean sceal gehnigan, [{hadl{] gesigan, ryht rogian.
<R 118>
R+ad bi+t nyttost, yfel unnyttost, +t+at unl+ad nime+d.
<P 161>
<R 120>
God bi+d genge, ond wi+t god lenge.
<R 121>
Hyge sceal gehealden, hond gewealden, seo sceal in eagan,
snyttro in breostum, +t+ar bi+d +t+as monnes modge+toncas.
<R 124>
mu+ta gehwylc mete +tearf, m+al sceolon tidum gongan.
<R 125>
Gold gerise+t on guman sweorde, sellic sigesceorp, sinc on
cwene, god scop gumum, garni+t werum, wig
towi+tre wicfreo+ta healdan.
<R 129>
Scyld sceal cempan, sceaft reafere, sceal bryde beag, bec
leornere, husl halgum men, h+a+tnum synne.
<R 132>
Woden worhte weos, wuldor alwalda, rume roderas; +t+at is rice
god, sylf so+dcyning, sawla nergend, se
us eal forgeaf +t+at we on lifga+t, ond eft +at +tam ende
eallum wealde+d monna cynne.
<R 137>
+t+at is meotud sylfa.
[} [\III\] }]
<R 138>
R+ad sceal mon secgan, rune writan, leo+t gesingan, [{lofes{]
gearnian, dom areccan, d+ages onettan.
<R 141>
Til mon tiles ond tomes meares, cu+tes ond gecostes ond
calcrondes; n+anig fira to fela gestryne+d.
<R 144>
Wel mon sceal wine healdan on wega gehwylcum; oft mon fere+d
feor bi tune, +t+ar him wat freond unwiotodne.
<R 146>
Wineleas, wons+alig mon genime+d him wulfas to geferan,
felaf+acne deor.
<R 147>
Ful oft hine se gefera slite+d; gryre sceal for greggum, gr+af
deadum men; hungre heofe+d, nales +t+at heafe bewinde+d,
ne huru w+al wepe+d wulf se gr+aga,
mor+torcwealm m+acga, ac hit a mare wille.
<R 152>
Wr+ad sceal wunden, wracu heardum men.
<P 162>
<R 153>
Boga sceal str+ale, sceal bam gelic mon to gem+accan.
<R 154>
Ma+t+tum o+tres weor+d, gold mon sceal gifan.
<R 155>
m+ag god syllan eadgum +ahte ond eft niman.
<R 157>
Sele sceal stondan, sylf ealdian.
<R 158>
Licgende beam l+asest growe+d.
<R 159>
Treo sceolon br+adan ond treow weaxan, sio geond bilwitra
breost arise+d.
<R 161>
W+arleas mon ond wonhydig, +atrenmod ond ungetreow, +t+as ne
gyme+d god.
<R 164>
Fela sceop meotud +t+as +te fyrn gewear+d, het si+t+tan swa
for+d wesan.
<R 165>
W+ara gehwylcum wislicu word gerisa+d, gleomen gied ond guman
snyttro.
<R 167>
Swa monige beo+t men ofer eor+tan, swa beo+t modge+toncas;
+alc him hafa+d sundorsefan.
<R 169>
Longa+d +tonne +ty l+as +te him con leo+ta worn, o+t+te mid
hondum con hearpan gretan; hafa+t him his gliwes
giefe, +te him god sealde.
<R 172>
Earm bi+t se +te sceal ana lifgan, wineleas wunian hafa+t him
wyrd geteod; betre him w+are +t+at he bro+tor ahte,
begen hi anes monnes, [{eorles{] eaforan w+aran, gif
hi sceoldan eofor onginnan o+t+te begen beran;
bi+t +t+at sli+thende deor.
<R 177>
A scyle +ta rincas ger+adan l+adan ond him +atsomne swefan;
n+afre hy mon [{tomlde{] , +ar hy dea+d tod+ale.
<R 181>
Hy twegen sceolon t+afle ymbsittan, +tenden him hyra torn
toglide, forgietan +tara geocran [{gesceafta{] ,
habban him gomen on borde;
<P 163>
idle hond +ametlan geneah t+afles
monnes, +tonne teoselum weorpe+d.
<R 184>
Seldan in sidum ceole, nefne he under segle yrne, werig
[{scealc{] wi+t winde rowe+t; ful oft mon wearnum tih+d 
eargne, +t+at he elne forleose, druga+d his ar on borde.
<R 187>
Lot sceal mid lyswe, list mid gedefum; +ty weor+te+d se stan
forstolen.
<R 189>
Oft hy wordum toweorpa+d, +ar hy bacum tobreden; geara is
hw+ar ar+ad.
<R 192>
Wear+d f+ah+to fyra cynne, si+t+tan fur+tum swealg eor+de
Abeles blode.
<R 193>
N+as +t+at and+age ni+d, of +tam wrohtdropan wide gesprungon,
micel mon +aldum, monegum +teodum bealoblonden ni+t.
<R 196>
Slog his [{bro+dor{] sw+asne Cain, +tone cwealm nerede; cu+t
w+as wide si+t+tan, +t+at ece ni+d +aldum scod, swa
a+tolwarum.
<R 199>
Drugon w+apna gewin wide geond eor+tan, ahogodan ond ahyrdon
heoro sli+tendne.
<R 201>
Gearo sceal gu+dbord, gar on sceafte, ecg on sweorde ond ord
spere, hyge heardum men.
<R 203>
Helm sceal cenum, ond a +t+as heanan hyge hord unginnost.

<Q OX/3 XX XX RIM>
<N RIMING POEM>
<A X>
<C OX/3>
<O X>
<M 950-1050>
<K NON-CONTEMP>
<D WS/X>
<V VERSE>
<T X>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>

[^A3.15^]
<P 166>
[} [\THE RIMING POEM\] }]
<R 1>
Me lifes onlah se +tis leoht onwrah, ond +t+at torhte geteoh,
tillice onwrah.
<R 3>
Gl+ad w+as ic gliwum, glenged hiwum, blissa bleoum, blostma
hiwum.
<R 5>
Secgas mec segon, symbel ne alegon, [{feohgiefe{] gefegon;
fr+atwed [{w+agon{] [{wicg{] ofer wongum wennan gongum,
lisse mid longum leoma [{gehongum{] .
<P 167>
<R 9>
+ta w+as w+astmum aweaht, world onspreht, under roderum
areaht, r+adm+agne ofer+teaht.
<R 11>
Giestas gengdon, gerscype mengdon, lisse lengdon, lustum
glengdon.
<R 13>
Scrifen scrad glad +turh gescad in brad, w+as on lagustreame
lad, +t+ar me leo+tu ne biglad.
<R 15>
H+afde ic heanne had, ne w+as me in healle gad, +t+at +t+ar
rof weord rad.
<R 16>
Oft +t+ar rinc gebad, +t+at he in sele s+age sincgew+age,
+tegnum ge+tyhte.
<R 18>
+tenden w+as [{me{] m+agen, horsce mec heredon, hilde
generedon, f+agre feredon, feondon biweredon.
<R 21>
Swa mec hyhtgiefu heold, hygedryht befeold, sta+tol+ahtum
[{steold{] , stepegongum weold swylce eor+te ol,
ahte ic ealdorstol, galdorwordum gol.
<R 24>
[{Gomen{] sibbe ne ofoll, ac w+as gefest gear, gellende sner,
wuniendo w+ar wilbec besc+ar.
<R 27>
Scealcas w+aron scearpe, scyl w+as hearpe, hlude hlynede,
hleo+tor dynede, sweglrad swinsade, swi+te ne
minsade.
<R 30>
Burgsele beofode, beorht hlifade, ellen eacnade, ead beacnade,
freaum frodade, fromum godade, mod m+agnade, mine f+agnade,
treow telgade, tir welgade, bl+ad blissade,
gold gearwade, gim hwearfade, sinc
searwade, sib nearwade.
<R 38>
From ic w+as in fr+atwum, freolic in geatwum: w+as min dream
dryhtlic, drohta+d hyhtlic.
<R 40>
Foldan ic freo+tode, folcum ic leo+tode, lif w+as min longe,
leodum in gemonge, tirum getonge, teala gehonge.
<R 43>
Nu min hre+ter is hreoh, [{heofsi+tum{] sceoh,
<P 168>
nydbysgum neah; gewite+d nihtes in fleah se +ar in d+age w+as
dyre.
<R 45>
Scri+te+d nu deop in [{feore{] brondhord geblowen, breostum in
forgrowen, flyhtum toflowen.
<R 47>
Flah is geblowen miclum in gemynde; modes gecynde grete+d
ungrynde grorn efenpynde, bealofus byrne+d,
bittre toyrne+d.
<R 51>
Werig winne+d, widsi+d onginne+d, sar ne sinni+t, sorgum
cinni+d, bl+ad his blinni+d, blisse [{linni+d{] ,
listum linne+d, lustum ne tinne+d.
<R 55>
Dreamas swa her gedreosa+d, dryhtscype gehreosa+d, lif her men
forleosa+d, leahtras oft geceosa+d; treow+trag is to trag,
seo untrume genag, steapum eatole mis+tah, ond eal stund genag.
<R 59>
Swa nu world wende+t, wyrde sende+t, ond hetes hente+d,
h+ale+te scynde+d.
<R 61>
[{Wercyn{] gewite+d, w+algar slite+d, flahmah flite+t, flan
mon hwite+d, [{borgsorg{] bite+d, bald ald +twite+t,
wr+acf+ac wri+ta+d, wra+t a+d smite+t, [{singryn{] sida+d,
[{searofearo{] glide+t, gromtorn gr+afe+t, gr+aft [{hafa+d{] ,
searohwit sola+t, sumurhat cola+d, foldwela fealle+d,
feondscipe wealle+d, eor+dm+agen ealda+t, ellen cola+d.
<R 70>
Me +t+at wyrd gew+af, ond [{gewyrht{] forgeaf, +t+at ic grofe
gr+af, ond +t+at grimme gr+af flean fl+asce ne m+ag,
+tonne flanhred d+ag nydgrapum nime+t, +tonne seo [{neaht{]
becyme+d seo me e+dles [{ofonn{] ond mec her [{eardes{] onconn.
<R 75>
+tonne lichoma lige+d, lima wyrm frite+t, ac him wenne
gewige+d ond +ta wist ge+tyge+d, o+t+t+at beo+t +ta ban
[{an{] ,
<P 169>
ond +at nyhstan nan nefne se neda tan balawun her
[{gehloten{] .
<R 79>
Ne bi+t se hlisa adroren.
<R 80>
+ar +t+at eadig ge+tence+d, he hine +te oftor swence+d,
byrge+d him +ta bitran synne, hoga+t to +t+are betran wynne,
gemon mor+ta lisse, [{+t+ar{] sindon miltsa blisse
hyhtlice in heofona rice.
<R 83>
Uton nu halgum gelice scyldum biscyrede scyndan generede,
wommum biwerede, wuldre generede, +t+ar moncyn mot
for meotude rot so+dne god geseon, ond aa in sibbe
gefean.

<Q OX/3 XX XX PANTH>
<N PANTHER>
<A X>
<C OX/3>
<O X>
<M 950-1050>
<K NON-CONTEMP>
<D WS/X>
<V VERSE>
<T X>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>

[^A3.16^]
<P 169>
[} [\THE PANTHER\] }]
<R 1>
Monge sindon geond middangeard unrimu cynn, +te we +a+telu ne
magon ryhte areccan ne rim witan; +t+as wide sind geond
[{world{] innan fugla ond deora foldhrerendra
wornas widsceope, swa w+ater bibuge+d +tisne
beorhtan bosm, brim grymetende, sealty+ta geswing.
<R 8>
We bi sumum hyrdon wr+atlice gecynd wildra secgan firum
fream+arne feorlondum on eard weardian, e+dles
neotan +after dunscrafum.
<R 12>
Is +t+at deor pandher bi noman haten, +t+at +te ni+t+ta
[{bearn{] , wisf+aste weras on gewritum [{cy+ta+d{] bi
+tam anstapan.
<R 15>
Se is [{+aghwam{] freond, dugu+da estig, butan dracan anum,
+tam he in ealle tid ondwra+d leofa+t +turh yfla
gehwylc +te he ge+afnan m+ag.
<R 19>
+d+at is wr+atlic deor, wundrum scyne hiwa gehwylces.
<R 20>
swa h+ale+d secga+d, g+asthalge guman, +t+atte Iosephes tunece
w+are telga gehwylces
<P 170>
bleom bregdende, +tara
beorhtra gehwylc +aghw+as +anlicra o+trum lixte dryhta
bearnum, swa +t+as deores hiw, bl+ac brigda gehw+as,
beorhtra ond scynra wundrum lixe+d, +t+atte wr+atlicra
+aghwylc o+trum, +anlicra gien ond f+agerra fr+atwum blice+d,
symle sellicra.
<R 30>
He hafa+d sundorgecynd, milde, gemetf+ast.
<R 31>
He is mon+tw+are, lufsum ond leoft+al, nele la+tes wiht
[{+angum{] ge+afnan butan +tam attorscea+tan, his fyrngeflitan,
+te ic +ar fore s+agde.
<R 35>
Symle fylle f+agen, +tonne foddor +tige+d, +after +tam
gereordum r+aste sece+d dygle stowe under dunscrafum;
+d+ar se [{+teodwiga{] +treonihta f+ac swife+d on swefote,
sl+ape [{gebiesgad{] .
<R 40>
+tonne ellenrof up astonde+d, +trymme [{gewelgad{] , on +tone
+triddan d+ag, sneome of sl+ape.
<R 42>
Sweghleo+tor cyme+d, wo+ta wynsumast +turh +t+as wildres mu+d.
<R 44>
+after +t+are stefne stenc ut cyme+d of +tam wongstede,
wynsumra steam, swettra ond swi+tra sw+acca gehwylcum,
wyrta blostmum ond wudubledum, eallum +a+telicra eor+tan
[{fr+atwum{] .
<R 49>
+tonne of ceastrum ond cynestolum ond of burgsalum beorn+treat
monig fara+d foldwegum folca +try+tum, eoredcystum,
ofestum gefysde, dare+dlacende; deor efne swa some
+after +t+are stefne on +tone stenc fara+d.
<R 55>
Swa is dryhten god, dreama r+adend, eallum ea+dmede o+trum
gesceaftum,
<P 171>
dugu+da gehwylcre, butan dracan anum, attres ordfruman.
<R 58>
+t+at is se ealda feond, +tone he ges+alde in susla grund, ond
gefetrade fyrnum teagum, bi+teahte +treanydum, ond
+ty +triddan d+age of digle aras, +t+as +te he dea+d
fore us +treo niht +tolade, +teoden engla, sigora sellend.
<R 64>
+t+at w+as swete stenc, wlitig ond wynsum geond woruld ealle.
<R 66>
Si+t+tan to +tam swicce so+df+aste men on healfa gehwone
heagum +trungon geond ealne ymbhwyrft eor+tan [{sceata{] .
<R 69>
Swa se snottra gecw+a+d sanctus Paulus: Monigfealde sind geond
middangeard god [{ungny+de{] +te us to giefe d+ale+d ond to
feorhnere f+ader +almihtig, ond se anga hyht ealra gesceafta,
uppe ge ni+tre.
<R 74>
+t+at is +a+tele stenc.

<Q OX/3 XX XX WHALE>
<N WHALE>
<A X>
<C OX/3>
<O X>
<M 950-1050>
<K NON-CONTEMP>
<D WS/X>
<V VERSE>
<T X>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>

[^A3.17^]
<P 171>
[} [\THE WHALE\] }]
<R 1>
Nu ic fitte gen ymb fisca cynn wille wo+dcr+afte wordum cy+tan
+turh modgemynd bi +tam miclan hwale.
<R 4>
Se bi+d unwillum oft gemeted, frecne ond fer+dgrim,
fare+dlacendum, ni+t+ta gehwylcum; +tam is noma cenned,
fyrnstreama geflotan, Fastitocalon.
<R 8>
Is +t+as hiw gelic hreofum stane, swylce worie bi w+ades ofre,
sondbeorgum ymbseald, s+aryrica m+ast, swa +t+at wena+t
w+agli+tende +t+at hy on ealond sum eagum
wliten, ond +tonne gehyda+d heahstefn scipu
<P 172>
to +tam
unlonde oncyrrapum, setla+t s+amearas sundes +at ende, ond
+tonne in +t+at eglond up gewita+d collenfer+te.
<R 17>
ceolas stonda+d bi sta+te f+aste, streame biwunden.
<R 19>
+donne gewicia+d werigfer+de, faro+dlacende, frecnes ne
wena+d, on +tam ealonde +aled wecca+d, heahfyr +ala+d;
h+ale+t beo+t on wynnum, reonigmode, r+aste geliste.
<R 24>
+tonne gefele+d facnes cr+aftig +t+at him +ta ferend on f+aste
wunia+t, wic weardia+d wedres on luste, +donne
semninga on sealtne w+ag mid +ta no+te ni+ter gewite+t
garsecges g+ast, grund gesece+d, ond +tonne in dea+dsele
drence bif+aste+d scipu mid scealcum.
<R 31>
Swa bi+d scinna +teaw, deofla wise, +t+at hi drohtende +turh
dyrne meaht dugu+de beswica+d, ond on teosu tyhta+t tilra
d+ada, wema+d on willan, +t+at hy wra+te secen,
frofre to feondum, o+t+t+at hy f+aste +d+ar +at +tam
w+arlogan wic geceosa+d.
<R 38>
+tonne +t+at gecnawe+d of cwicsusle flah feond gemah, +t+atte
fira gehwylc h+ale+ta cynnes on his hringe bi+t f+aste
gefeged, he him feorgbona +turh sli+ten searo si+t+tan
weor+te+d, wloncum ond heanum, +te his willan her firenum
fremma+d, mid +tam he f+aringa, heolo+thelme bi+teaht,
helle sece+d, goda geasne, grundleasne wylm under mistglome,
swa se micla hw+al, se +te bisence+d
s+ali+tende eorlas ond y+dmearas.
<R 49>
He hafa+d o+tre gecynd,
<P 173>
w+ater+tisa wlonc, wr+atlicran gien.
<R 51>
+tonne hine on holme hungor bysga+d ond +tone agl+acan +ates
lyste+t, +donne se mereweard mu+d ontyne+d, wide weleras;
cyme+d wynsum stenc of his inno+te, +t+atte o+tre
+turh +tone, s+afisca cynn, beswicen weor+da+t,
swimma+d sundhwate +t+ar se sweta stenc ut [{gewite+d{] .
<R 58>
Hi +t+ar in fara+d unware weorude, o+t+t+at se wida ceafl
gefylled bi+d; +tonne f+aringa ymbe +ta herehu+te hlemme+d
tog+adre grimme goman.
<R 62>
Swa bi+t gumena gehwam, se +te oftost his unw+arlice on +tas
l+anan tid lif bisceawa+d, l+ate+d hine beswican +turh swetne
stenc, leasne willan, +t+at he bi+t leahtrum
fah wi+d wuldorcyning.
<R 67>
Him se awyrgda ongean +after hinsi+te helle ontyne+d, +tam +te
leaslice lices wynne ofer ferhtgereaht fremedon on unr+ad.
<R 71>
+tonne se f+acna in +tam f+astenne gebroht hafa+d, bealwes
cr+aftig, +at +tam edwylme +ta +te him on cleofia+d,
gyltum gehrodene, ond +ar georne his in hira lifdagum larum
hyrdon, +tonne he +ta grimman goman bihlemme+d +after
feorhcwale f+aste tog+adre, helle hlinduru.
<R 78>
nagon hwyrft ne swice, utsi+t +afre, +ta +t+ar in cuma+d,
+ton ma +te +ta fiscas fara+dlacende of +t+as hw+ales
fenge hweorfan motan.
<R 82>
For+ton is eallinga [{dryhtna{] [{dryhtne{] , ond a deoflum
wi+dsace wordum ond weorcum, +t+at we wuldorcyning
<P 174>
geseon moton.
<R 85>
Uton a sibbe to him on +tas hwilnan tid h+alu secan, +t+at we
mid swa leofne in lofe motan to widan feore wuldres neotan.

<Q OX/3 XX XX PART>
<N PARTRIDGE>
<A X>
<C OX/3>
<O X>
<M 950-1050>
<K NON-CONTEMP>
<D WS/X>
<V VERSE>
<T X>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>

[^A3.18^]
<P 174>
[} [\THE PARTRIDGE\] }]
<R 1>
Hyrde ic secgan gen bi sumum fugle wundorlicne [{f+ager{] ,
+t+at word +te gecw+a+d wuldres ealdor: In swa hwylce tiid
swa ge mid treowe to me on hyge hweorfa+d, ond ge hellfirena
sweartra geswica+d, swa ic symle to eow mid siblufan sona
gecyrre +turh milde mod.
<R 9>
Ge beo+d me si+t+tan torhte tireadge talade ond rimde, beorhte
gebro+tor on bearna st+al.
<R 12>
Uton we +ty geornor gode oliccan, firene feogan, fri+tes
earnian, dugu+de to dryhtne, +tenden us d+ag scine,
+t+at swa +a+telne eardwica cyst in wuldres wlite wunian motan.
<R 16>
(\finit.\)

<Q OX/3 XX XX DEOR>
<N DEOR>
<A X>
<C OX/3>
<O X>
<M 950-1050>
<K NON-CONTEMP>
<D WS/X>
<V VERSE>
<T X>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>

[^A3.20^]
<P 178>
[} [\DEOR\] }]
<R 1>
Welund him be wurman wr+aces cunnade, anhydig eorl earfo+ta
dreag, h+afde him to gesi+t+te sorge ond longa+t,
wintercealde wr+ace; wean oft onfond, si+t+tan hine
Ni+dhad on nede legde, swoncre seonobende on
syllan monn.
<R 7>
+t+as ofereode, +tisses swa m+ag.
<R 8>
Beadohilde ne w+as hyre bro+tra dea+t on sefan swa sar swa
hyre sylfre +ting, +t+at heo gearolice ongieten h+afde +t+at
heo eacen w+as; +afre ne meahte +triste
ge+tencan, hu ymb +t+at sceolde.
<R 13>
+t+as ofereode, +tisses swa m+ag.
<R 14>
We +t+at m+a+dhilde monge gefrugnon wurdon grundlease Geates
frige, +t+at hi seo sorglufu sl+ap ealle binom.
<R 17>
+t+as ofereode, +tisses swa m+ag.
<R 18>
+Deodric ahte +tritig wintra M+aringa burg; +t+at w+as monegum
cu+t.
<R 20>
+t+as ofereode, +tisses swa m+ag.
<R 21>
We geascodan Eormanrices wylfenne ge+toht; ahte wide folc
<P 179>
Gotena rices.
<R 23>
+t+at w+as grim cyning.
<R 24>
S+at secg monig sorgum gebunden, wean on wenan, wyscte
geneahhe +t+at +t+as cynerices ofercumen w+are.
<R 27>
+t+as ofereode, +tisses swa m+ag.
<R 28>
Site+d sorgcearig, s+alum bid+aled, on sefan sweorce+d, sylfum
+tince+d +t+at sy endeleas [{earfo+da{] d+al.
<R 31>
M+ag +tonne ge+tencan, +t+at geond +tas woruld witig dryhten
wende+t geneahhe, eorle monegum are gesceawa+d, wislicne bl+ad,
sumum weana d+al.
<R 35>
+t+at ic bi me sylfum secgan wille, +t+at ic hwile w+as
Heodeninga scop, dryhtne dyre.
<R 37>
Me w+as Deor noma.
<R 38>
Ahte ic fela wintra folga+d tilne, holdne hlaford, o+t+t+at
Heorrenda nu, leo+dcr+aftig monn londryht ge+tah,
+t+at me eorla hleo +ar gesealde.
<R 42>
+t+as ofereode, +tisses swa m+ag.

<Q OX/3 XX XX EADW>
<N WULF AND EADWACER>
<A X>
<C OX/3>
<O X>
<M 950-1050>
<K NON-CONTEMP>
<D WS/X>
<V VERSE>
<T X>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>

[^A3.21^]
<P 179>
[} [\WULF AND EADWACER\] }]
<R 1>
Leodum is minum swylce him mon lac gife; willa+d hy hine
a+tecgan, gif he on +treat cyme+d.
<R 3>
Ungelic is us.
<R 4>
Wulf is on iege, ic on o+terre.
<R 5>
F+ast is +t+at eglond, fenne biworpen.
<R 6>
Sindon w+alreowe weras +t+ar on ige; willa+d hy hine a+tecgan,
gif he on +treat cyme+d.
<R 8>
Ungelice is us.
<R 9>
Wulfes ic mines widlastum wenum dogode; +tonne hit w+as renig
weder ond ic reotugu s+at, +tonne mec se
beaducafa bogum bilegde,
<P 180>
w+as me wyn to +ton, w+as me hw+a+tre
eac la+d.
<R 12>
Wulf, min Wulf, wena me +tine seoce gedydon, +tine seldcymas,
murnende mod, nales meteliste.
<R 16>
Gehyrest +tu, Eadwacer?
Uncerne earne hwelp bire+d wulf to wuda.
<R 18>
+t+at mon ea+te toslite+d +t+atte n+afre gesomnad w+as, uncer
giedd geador.

<Q OX/3 XX XX WIFEL>
<N WIFE LAMENT>
<A X>
<C OX/3>
<O X>
<M 950-1050>
<K NON-CONTEMP>
<D WS/X>
<V VERSE>
<T X>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>

[^A3.23^]
<P 210>
[} [\THE WIFE'S LAMENT\] }]
<R 1>
Ic +tis giedd wrece bi me ful geomorre, minre sylfre si+d.
<R 2>
Ic +t+at secgan m+ag, hw+at ic yrm+ta gebad, si+t+tan ic up
weox, niwes o+t+te ealdes, no ma +tonne nu.
<R 5>
A ic wite wonn minra wr+acsi+ta.
<R 6>
+arest min hlaford gewat heonan of leodum ofer y+ta gelac;
h+afde ic uhtceare hw+ar min leodfruma londes w+are.
<R 9>
+da ic me feran gewat folga+d secan, wineleas [{wr+acca{] , for
minre wea+tearfe.
<R 11>
Ongunnon +t+at +t+as monnes magas hycgan +turh dyrne ge+toht,
+t+at hy tod+alden unc, +t+at wit gewidost in woruldrice
lifdon la+dlicost, ond mec longade.
<R 15>
Het mec hlaford min herheard niman, ahte ic leofra lyt on
+tissum londstede, holdra freonda.
<R 17>
For+ton is min hyge geomor, +da ic me ful gem+acne monnan
funde, heards+aligne, hygegeomorne, mod mi+tendne,
mor+tor [{hycgendne{] .
<R 21>
Bli+te geb+aro ful oft wit beotedan +t+at unc ne ged+alde
nemne dea+d ana
<P 211>
owiht elles: eft is +t+at onhworfen,
is nu [{swa{] hit no w+are freondscipe uncer.
<R 25>
[{Sceal{] ic feor ge neah mines felaleofan f+ah+du dreogan.
<R 27>
Heht mec mon wunian on wuda bearwe, under actreo in +tam
eor+dscr+afe.
<R 29>
Eald is +tes eor+dsele, eal ic eom oflongad, sindon dena
dimme, duna uphea, bitre burgtunas, brerum beweaxne,
wic wynna leas.
<R 32>
Ful oft mec her wra+te begeat fromsi+t frean.
<R 33>
Frynd sind on eor+tan, leofe lifgende, leger weardia+d, +tonne
ic on uhtan ana gonge under actreo geond +tas eor+dscrafu.
<R 37>
+t+ar ic [{sittan{] mot sumorlangne d+ag, +t+ar ic wepan m+ag
mine wr+acsi+tas, earfo+ta fela; for+ton ic +afre ne m+ag
+t+are modceare minre gerestan, ne ealles +t+as
longa+tes +te mec on +tissum life begeat.
<R 42>
A scyle geong mon wesan geomormod, heard heortan ge+toht,
swylce habban sceal bli+te geb+aro, eac +ton
breostceare, sinsorgna gedreag, sy +at him sylfum gelong eal
his worulde wyn, sy ful wide fah feorres folclondes,
+t+at min freond site+d under stanhli+te storme
behrimed, wine werigmod, w+atre beflowen on dreorsele.
<R 50>
Dreoge+d se min wine micle modceare; he gemon to oft wynlicran
wic.
<R 52>
Wa bi+d +tam +te sceal of lango+te leofes abidan.



