<B COEXODUS>
<Q OX/3 XX XX EXOD>
<N EXODUS>
<A X>
<C OX/3>
<O X>
<M 950-1050>
<K NON-CONTEMP>
<D WS/X>
<V VERSE>
<T X>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>
<S SAMPLE X>


[^TEXT:  EXODUS.
THE JUNIUS MANUSCRIPT.
THE ANGLO-SAXON POETIC RECORDS, I.
ED. G. P. KRAPP.
LONDON: GEORGE ROUTLEDGE & SONS, LTD.
AND NEW YORK: COLUMBIA UNIVERSITY PRESS, 1931.
PP. 91.1 - 107.590^]

[^A1.2^]
<P 91>
[} [\EXODUS\] }]
<R 1>
Hw+at.
We feor and neah gefrigen haba+d ofer middangeard Moyses
domas, wr+aclico wordriht, wera cneorissum, 
in uprodor eadigra gehwam +after bealusi+de bote lifes,
lifigendra gehwam langsumne r+ad, h+ale+dum secgan.
<R 7>
Gehyre se +de wille.
<R 8>
+tone on westenne [{weroda{] drihten, so+df+ast cyning, mid
his sylfes miht gewyr+dode, and him wundra fela, 
ece alwalda, in +aht forgeaf.
<R 12>
He w+as leof gode, leoda aldor, horsc and hre+dergleaw, herges
wisa, freom folctoga.
<R 14>
Faraones cyn, godes [{andsacan{] , gyrdwite band, +t+ar him
gesealde sigora waldend, modgum [{magor+aswan{] , 
his maga feorh, onwist e+dles, Abrahames sunum.
<R 19>
Heah w+as +t+at handlean and him hold frea, gesealde w+apna
geweald wi+d wra+dra gryre, ofercom mid +ty campe 
cneomaga fela, feonda folcriht.
<R 22>
+da w+as forma si+d +t+at hine weroda god wordum n+agde, +t+ar
he him ges+agde so+dwundra fela, hu +tas woruld
worhte witig drihten, eor+dan ymbhwyrft and uprodor, gesette
sigerice, and his sylfes naman, +done yldo 
bearn +ar ne cu+don, frod f+adera cyn, +teah hie fela
wiston.
<R 30>
H+afde he +ta geswi+ded so+dum cr+aftum 
<P 92>
and gewur+dodne
werodes aldor, Faraones feond, on for+dwegas.
<R 33>
+ta w+as ingere ealdum witum dea+de gedrenced drihtfolca
m+ast; hordwearda hryre heaf w+as geniwad, sw+afon 
seledreamas, since berofene.
<R 37>
H+afde manscea+dan +at middere niht frecne gefylled,
frumbearna fela, abrocene burhweardas.
<R 39>
Bana wide scra+d, la+d leodhata, land [{drysmyde{] deadra
hr+awum, dugo+d for+d gewat, wop w+as wide, worulddreama lyt.
<R 43>
W+aron hleahtorsmi+dum handa belocene, alyfed la+dsi+d leode
gretan; folc ferende, [{feond{] w+as bereafod,
hergas on helle.
<R 46>
[{Heofung{] +tider becom, druron deofolgyld.
<R 47>
D+ag w+as m+are ofer middangeard +ta seo mengeo for.
<R 49>
Swa +t+as f+asten dreah fela missera, ealdwerige, Egypta folc,
+t+as +te hie widefer+d wyrnan +tohton Moyses 
magum, gif hie metod lete, on langne lust leofes si+des.
<R 54>
Fyrd w+as gefysed, from se +de l+adde, modig [{magor+aswa{] ,
m+agburh heora.
<R 56>
Oferfor he mid +ty folce f+astena worn, land and leodweard
la+dra manna, enge anpa+das, uncu+d gelad, o+d+t+at 
hie on Gu+dmyrce gearwe b+aron, w+aron land heora
lyfthelme be+teaht, mearchofu morheald.
<R 61>
Moyses ofer +ta, fela meoringa, fyrde gel+adde.
<R 63>
Heht +ta ymb twa niht [{tirf+aste{] h+ale+d, si+d+dan hie
feondum o+dfaren h+afdon, 
<P 93>
ymbwicigean werodes bearhtme 
mid +alfere +athanes byrig, m+agnes m+aste mearclandum on.
<R 68>
Nearwe genyddon on nor+dwegas, wiston him be su+dan Sigelwara
land, forb+arned burhhleo+du, brune leode, hatum heofoncolum.
<R 71>
+t+ar halig god wi+d f+arbryne folc gescylde, b+alce
oferbr+adde byrnendne heofon, halgan nette hatwendne
lyft.
<R 75>
H+afde wederwolcen widum f+a+dmum eor+dan and uprodor efne
ged+aled, l+adde leodwerod, ligfyr adranc, hate heofontorht.
<R 78>
H+ale+d wafedon, drihta gedrymost.
<R 79>
[{D+agsceades{] hleo wand ofer wolcnum; h+afde witig god
sunnan si+df+at [{segle{] ofertolden, swa +ta m+astrapas 
men ne cu+don, ne +da seglrode geseon meahton, eor+dbuende
ealle cr+afte, hu af+astnod w+as feldhusa m+ast, 
si+d+dan he mid wuldre geweor+dode +teodenholde.
<R 87>
+ta w+as +tridda wic folce to frofre.
<R 88>
Fyrd eall geseah hu +t+ar hlifedon halige seglas, lyftwundor
leoht; leode ongeton, dugo+d Israhela, +t+at 
+t+ar drihten cwom weroda drihten, wicsteal metan.
<R 93>
Him beforan foran fyr and wolcen in beorhtrodor, beamas
twegen, +tara +aghw+a+der efnged+alde heah+tegnunga 
haliges gastes, deormodra si+d dagum and nihtum.
<R 98>
+ta ic on morgen gefr+agn modes rofan hebban herebyman hludan
stefnum, wuldres woman.
<R 100>
Werod eall aras, 
<P 94>
modigra m+agen, swa him Moyses bebead, m+are
magor+aswa, metodes folce, fus fyrdgetrum.
<R 103>
For+d gesawon lifes lat+teow lifweg metan; swegl si+de weold,
s+amen +after foron flodwege.
<R 106>
Folc w+as on salum, hlud [{herges{] cyrm.
<R 107>
Heofonbeacen astah +afena gehwam, o+der wundor, syllic +after
[{sunne{] setlrade beheold, ofer leodwerum lige 
scinan, byrnende beam.
<R 111>
Blace stodon ofer sceotendum scire leoman; scinon
scyldhreo+dan, [{sceado{] swi+dredon, neowle nihtscuwan 
neah ne mihton heolstor ahydan; heofoncandel barn.
<R 116>
Niwe nihtweard nyde sceolde wician ofer weredum, +ty l+as him
westengryre, har [{h+a+dbroga{] , holmegum wederum 
[{on{] ferclamme ferh+d [{getw+afde{] .
<R 120>
H+afde foregenga fyrene loccas, blace beamas; bellegsan hweop
in +tam here+treate, hatan lige, +t+at he 
on westenne werod forb+arnde, nym+de hie modhwate Moyses
hyrde.
<R 125>
Scean scir werod, scyldas lixton, gesawon randwigan rihte
str+ate, segn ofer sweoton, o+d+t+at s+af+asten
landes +at ende [{leodm+agne{] forstod, fus on for+dweg.
<R 129>
Fyrdwic aras; wyrpton hie werige, wiste gen+agdon modige
mete+tegnas, hyra m+agen beton.
<R 132>
Br+addon +after beorgum, si+d+dan byme sang, flotan feldhusum.
<R 133>
+ta w+as feor+de wic, randwigena r+ast, be +tan readan s+a.
<P 95>
<R 135>
+d+ar on fyrd hyra f+arspell becwom, oht inlende.
<R 136>
Egsan stodan, w+algryre weroda; wr+acmon gebad la+dne
lastweard, se +de him lange +ar e+delleasum onnied
gescraf, wean witum f+ast.
<R 140>
W+are ne gymdon, +deah +te se yldra cyning +ar ge.
<R 142>
+ta wear+d yrfeweard ingefolca, manna +after ma+dmum, +t+at he
swa miceles ge+dah.
<R 144>
Ealles +t+as forgeton si+d+dan grame wurdon Egypta cyn
[{ymbe{] antwig; +da heo his m+agwinum mor+dor fremedon, 
wroht berenedon, w+are fr+aton.
<R 148>
W+aron hea+dowylmas heortan getenge, mihtmod wera; manum
treowum woldon hie +t+at feorhlean facne gyldan, 
+t+atte [{hie{] +t+at d+agweorc dreore gebohte, Moyses
leode, +t+ar him mihtig god on +dam spildsi+de spede forgefe.
<R 154>
+ta him eorla mod ortrywe wear+d si+d+dan hie gesawon of
su+dwegum fyrd Faraonis for+d ongangan, oferholt
wegan, eored lixan, garas trymedon, gu+d hwearfode, blicon
bordhreo+dan, byman sungon, +tufas +tunian,
+teod mearc tredan, on hw+al.
<R 162>
Hreopon herefugolas, hilde gr+adige, deawigfe+dere ofer
drihtneum, wonn w+alceasega.
<R 164>
Wulfas sungon atol +afenleo+d +ates on wenan, carleasan deor,
cwyldrof beodan on la+dra last leodm+agnes
[{fyl{] .
<R 168>
Hreopon mearcweardas middum nihtum, 
<P 96>
fleah f+age gast, folc
w+as geh+aged.
<R 170>
Hwilum of +tam werode wlance +tegnas m+aton milpa+das meara
bogum.
<R 172>
Him +t+ar segncyning wi+d +tone segn foran, manna +tengel,
mearc+treate rad; gu+dweard gumena grimhelm gespeon, 
cyning cinberge, cumbol lixton, wiges on wenum,
w+alhlencan [{sceoc{] , het his hereciste healdan 
georne f+ast [{fyrdgetrum{] .
<R 178>
Freond [{onsegon{] la+dum eagan landmanna cyme.
<R 180>
Ymb hine w+agon wigend unforhte, hare [{heorowulfas{] hilde
gretton, +turstige +tr+acwiges, +teodenholde.
<R 183>
H+afde him alesen leoda duge+de tireadigra twa +tusendo, +t+at
w+aron cyningas and cneowmagas, on +t+at eade 
riht, +a+delum deore.
<R 187>
For+don anra gehwilc ut al+adde w+apnedcynnes, wigan
+aghwilcne +tara +te he on +dam fyrste findan mihte.
<R 190>
W+aron ingemen ealle +atg+adere, cyningas on cor+dre.
<R 191>
Cu+d oft gebad horn on heape to hw+as h+agstealdmen,
gu+d+treat gumena, gearwe b+aron.
<R 194>
Swa +t+ar eorp werod, ecan l+addon, la+d +after la+dum,
leodm+agnes worn, +tusendm+alum; +tider w+aron fuse.
<R 197>
H+afdon hie gemynted to +tam m+agenheapum to +tam +ard+age
Israhela cynn billum abreotan on hyra bro+dorgyld.
<R 200>
For+ton w+as in wicum wop up ahafen, atol +afenleo+d, egesan
stodon, weredon w+alnet, +ta se woma cwom.
<R 203>
Flugon frecne spel, feond w+as anmod, werud w+as wigblac,
o+d+t+at wlance forsceaf 
<P 97>
mihtig engel, se +da menigeo 
beheold +t+at +t+ar gela+de mid him leng ne mihton
geseon tosomne; si+d w+as ged+aled.
<R 207>
H+afde nydfara nihtlangne fyrst, +teah +de him on healfa
gehwam hettend seomedon, m+agen o+d+de merestream; 
nahton maran hwyrft.
<R 211>
W+aron orwenan e+delrihtes, s+aton +after beorgum in blacum
reafum, wean on wenum; w+accende bad eall seo 
sibgedriht somod +atg+adere maran m+agenes, o+d Moyses
bebead eorlas on uhttid +arnum [{bemum{] folc somnigean, 
frecan arisan, habban heora hlencan, hycgan on ellen,
beran beorht searo, beacnum cigean sweot sande near.
<R 220>
Snelle gemundon weardas wigleo+d, werod w+as gefysed, brudon
ofer burgum, byman gehyrdon, flotan feldhusum, 
fyrd w+as on ofste.
<R 224>
Si+d+dan hie getealdon wi+d +tam teonhete on +tam for+dherge
fe+dan twelfe moderofra; m+agen w+as onhrered.
<R 227>
W+as on anra gehwam +a+delan cynnes alesen under lindum leoda
dugu+de on folcget+al fiftig cista; h+afde 
cista gehwilc cu+des werodes garberendra, gu+dfremmendra,
X hund geteled, tireadigra.
<R 233>
+t+at w+as wiglic werod; [{wace{] ne gretton in +t+at
rincget+al r+aswan herges, +ta +te for geogu+de gyt ne mihton 
under bordhreo+dan breostnet wera wi+d flane feond folmum
werigean, ne him bealubenne gebiden h+afdon 
ofer linde l+arig, licwunde swor, gylpplegan gares.
<R 240>
Gamele ne moston, hare hea+dorincas, hilde on+teon, 
<P 98>
gif him
modheapum m+agen swi+drade, ac hie be w+astmum 
[{on{] wig curon, hu in leodscipe l+astan wolde mod mid
aran, eac +tan m+agnes cr+aft, garbeames feng.
<R 247>
+ta w+as handrofra here +atg+adere, fus for+dwegas.
<R 248>
Fana up [{gerad{] , beama beorhtost; [{bidon{] ealle +ta gen
hwonne si+dboda s+astreamum neah leoht ofer lindum 
lyftedoras br+ac.
<R 252>
Ahleop +ta for h+ale+dum hildecalla, bald beohata, bord up
ahof, heht +ta folctogan fyrde gestillan, +tenden 
modiges me+del monige gehyrdon.
<R 256>
Wolde reordigean rices hyrde ofer hereciste halgan stefne,
werodes wisa wur+dmyndum spr+ac: Ne beo+d ge 
+ty forhtran, +teah +te Faraon brohte sweordwigendra side
hergas, eorla unrim.
<R 261>
Him eallum wile mihtig drihten +turh mine hand to d+age
+tissum d+adlean gyfan, +t+at hie lifigende leng
ne moton +agnian mid yrm+dum Israhela cyn.
<R 266>
Ne willa+d eow andr+adan deade fe+dan, f+age ferh+dlocan,
fyrst is +at ende l+anes lifes.
<R 268>
Eow is lar godes abroden of breostum.
<R 269>
Ic on beteran r+ad, +t+at ge gewur+dien wuldres aldor, and eow
liffrean lissa bidde, sigora gesynto, +t+ar ge si+dien.
<R 273>
+tis is se ecea Abrahames god, frumsceafta frea, se +das fyrd
were+d, modig and m+agenrof, mid +t+are miclan hand".
<R 276>
Hof +da for hergum hlude stefne lifigendra [{leod{] , +ta he to
leodum spr+ac: 
<P 99>
"Hw+at, ge nu eagum to on locia+d, 
folca leofost, f+arwundra sum, hu ic sylfa sloh and
+teos swi+dre hand grene tacne garsecges deop.
<R 282>
y+d up f+are+d, ofstum wyrce+d w+ater [{wealf+asten{] .
<R 283>
Wegas syndon dryge, haswe herestr+ata, holm gerymed, ealde
sta+dolas, +ta ic +ar ne gefr+agn ofer middangeard 
men geferan, fage feldas, +ta for+d heonon in ece
[{tid{] y+de +teahton, s+alde s+agrundas.
<R 289>
Su+dwind fornam b+a+dweges bl+ast, [{brim{] is areafod, sand
s+acir [{spaw{] .
<R 291>
Ic wat so+d gere +t+at eow mihtig god miltse gecy+dde, eorlas
+arglade.
<R 293>
Ofest is selost +t+at ge of feonda f+a+dme weor+den, nu se
agend up ar+arde reade streamas in randgebeorh.
<R 297>
Syndon +ta foreweallas f+agre gestepte, wr+atlicu w+agfaru,
o+d wolcna hrof".
<R 299>
+after +tam wordum werod eall aras, modigra m+agen.
<R 300>
Mere stille bad.
<R 301>
Hofon herecyste hwite linde, segnas on sande.
<R 302>
S+aweall astah.
<R 303>
uplang gestod wi+d Israhelum and+agne fyrst. W+as seo eorla
gedriht anes modes, f+astum f+a+dmum freo+dow+are heold.
<R 307>
Nalles hige gehyrdon haliges lare, si+d+dan leofes leo+t
l+aste near sweg swi+drode and sances bland.
<R 310>
+ta +t+at feor+de cyn fyrmest eode, wod on w+agstream, wigan
on heape, ofer grenne grund, Iudisc fe+da 
<P 100>
[{on{] orette [{on{] uncu+d gelad for his m+agwinum.
<R 314>
Swa him mihtig god +t+as d+agweorces deop lean forgeald,
si+d+dan him ges+alde sigorworca hre+d, +t+at he ealdordom 
agan sceolde ofer cynericu, cneowmaga bl+ad.
<R 319>
H+afdon him to segne, +ta hie on sund stigon, ofer
bordhreo+dan beacen ar+ared in +tam garheape, gyldenne 
[{leon{] , drihtfolca m+ast, deora cenost.
<R 323>
Be +tam herewisan hyn+do ne woldon be him lifigendum lange
+tolian, +tonne hie to gu+de garwudu r+ardon +deoda +anigre.
<R 326>
[{+tracu{] w+as on ore, heard handplega, h+agsteald modige
w+apna w+alslihtes, wigend unforhte, bilswa+du blodige, 
beadum+agnes r+as, grimhelma gegrind, +t+ar Iudas for.
<R 331>
+after +t+are fyrde flota modgade, Rubenes sunu.
<R 332>
Randas b+aron s+awicingas ofer sealtne mersc, [{manna{] menio;
micel angetrum eode unforht.
<R 335>
He his ealdordom synnum aswefede, +t+at he si+dor for on
leofes last.
<R 337>
Him on leodsceare frumbearnes riht freobro+dor o+d+tah, ead
and +a+delo; he w+as gearu swa +teah.
<R 340>
+t+ar [{for+d{] +after him folca +try+dum sunu Simeones
sweotum comon; +tridde +teodm+agen +tufas wundon ofer garfare 
gu+dcyste on+trang deawig sceaftum.
<R 344>
D+agwoma becwom ofer [{garsecge{] , godes beacna sum, morgen
m+aretorht; m+agen for+d gewat.
<R 347>
+ta +t+ar folcm+agen for +after o+drum, 
<P 101>
isernhergum.
<R 348>
An wisode m+agen+trymmum m+ast, +ty he m+are wear+d, on
for+dwegas folc +after wolcnum, cynn +after cynne.
<R 351>
Cu+de +aghwilc m+agburga riht, swa him Moises bead, eorla
+a+delo.
<R 353>
Him w+as an f+ader, leof leodfruma, landriht ge+tah, frod on
ferh+de, freomagum leof.
<R 356>
Cende cneowsibbe cenra manna heahf+adera sum, halige +teode,
Israela cyn, onriht godes, swa +t+at or+tancum 
ealde recca+d +ta +te m+agburge m+ast gefrunon, frumcyn
feora, f+ader+a+delo gehw+as.
<R 362>
Niwe flodas Noe oferla+d, +trymf+ast +teoden, mid his +trim
sunum, +tone deopestan [{drencefloda{] +tara +de gewurde 
on woruldrice.
<R 366>
H+afde him on hre+dre halige treowa; for+ton he gel+adde ofer
lagustreamas ma+dmhorda m+ast, mine gefr+age.
<R 369>
On feorhgebeorh foldan h+afde eallum eor+dcynne ece lafe,
frumcneow [{gehw+as{] , f+ader and moder tuddorteondra, 
geteled rime mismicelra +tonne men cunnon, snottor
s+aleoda.
<R 374>
Eac +ton s+ada gehwilc on bearm scipes beornas feredon, +tara
+te under heofonum h+ale+d bryttiga+d.
<R 377>
Swa +t+at wise men wordum secga+d +t+at from Noe nigo+da w+are
f+ader Abrahames on folctale.
<R 380>
+t+at is se Abraham se him engla god naman niwan asceop; eac
+ton neah and feor halige heapas in gehyld 
bebead, wer+teoda geweald; he on wr+ace lifde.
<P 102>
<R 384>
Si+d+dan he gel+adde leofost feora haliges h+asum; heahlond
stigon sibgemagas, on Seone beorh.
<R 387>
W+are hie +t+ar fundon, wuldor gesawon, halige heahtreowe, swa
h+ale+d gefrunon.
<R 389>
+t+ar eft se snottra sunu Dauides, wuldorf+ast cyning, witgan
larum getimbrede tempel gode, [{alh{] haligne, 
eor+dcyninga se wisesta on woruldrice, heahst and
haligost, h+ale+dum gefr+agost, m+ast and m+arost, 
+tara +te manna bearn, fira +after foldan, folmum geworhte.
<R 397>
To +tam me+delstede magan gel+adde Abraham Isaac.
<R 398>
Adfyr onbran; fyrst ferh+dbana no +ty [{f+agenra{] w+as.
<R 400>
Wolde +tone lastweard lige gesyllan, in b+alblyse beorna
selost, his sw+asne sunu to sigetibre, angan 
ofer eor+dan yrfelafe, feores frofre, +da he swa for+d gebad,
leodum to lafe, langsumne hiht.
<R 406>
He +t+at gecy+dde, +ta he +tone cniht genam f+aste mid folmum,
folccu+d geteag ealde lafe, ecg grymetode, 
+t+at he him lifdagas leofran ne wisse +tonne he hyrde
heofoncyninge.
<R 411>
Up ar+amde [{Abraham{] [{+ta{] ; se eorl wolde slean eaferan
sinne unweaxenne, [{ecgum{] reodan magan mid mece,
gif hine [{metod{] lete.
<R 415>
Ne wolde him beorht f+ader bearn +atniman, halig tiber, ac mid
handa befeng.
<R 417>
+ta him styran cwom stefn of heofonum, 
<P 103>
wuldres hleo+dor, word
+after spr+ac: "Ne sleh +tu, Abraham, +tin 
agen bearn, sunu mid sweorde.
<R 420>
So+d is gecy+ded, nu +tin cunnode cyning alwihta, +t+at +tu
wi+d waldend w+are heolde, f+aste treowe, seo +te
freo+do sceal in lifdagum lengest weor+dan, awa to aldre
unswiciendo.
<R 426>
Hu +tearf mannes sunu maran treowe?
<R 427>
Ne behwylfan m+ag heofon and eor+de his wuldres word, widdra
and siddra +tonne bef+a+dman m+age foldan sceattas, 
eor+dan ymbhwyrft and uprodor, garsecges gin and +teos
geomre lyft.
<R 432>
[{He{] a+d swere+d, engla +teoden, wyrda waldend and wereda
god, so+df+ast sigora, +turh his sylfes lif, +t+at
+tines cynnes and cneowmaga, randwiggendra, rim ne cunnon,
yldo ofer eor+dan, ealle cr+afte to gesecgenne 
so+dum wordum, nym+de hwylc +t+as snottor in sefan
weor+de +t+at he ana m+age ealle geriman stanas on 
eor+dan, steorran on heofonum, s+abeorga [{sand{] , sealte
y+da.
<R 442>
ac hie gesitta+d be s+am tweonum o+d Egipte inca+deode land
Cananea, leode +tine, freobearn f+ader, folca
selost".
<R 447>
Folc w+as af+ared, flodegsa becwom gastas geomre, geofon
dea+de hweop.
<R 449>
W+aron beorhhli+du blode bestemed, holm heolfre spaw, hream
w+as on y+dum, w+ater w+apna ful, w+almist astah.
<R 452>
W+aron Egypte eft oncyrde, flugon forhtigende, f+ar ongeton,
<P 104>
woldon hereblea+de hamas findan, gylp wear+d gnornra.
<R 455>
Him ongen genap atol y+da gewealc, ne +d+ar +anig becwom
herges to hame, ac behindan beleac wyrd mid w+age.
<R 458>
+t+ar +ar wegas lagon, mere modgode, m+agen w+as adrenced.
<R 460>
Streamas stodon, storm up gewat heah to heofonum, herewopa
m+ast.
<R 462>
La+de cyrmdon, lyft up geswearc, f+agum st+afnum, flod blod
gewod.
<R 464>
Randbyrig w+aron rofene, rodor swipode meredea+da m+ast,
modige swulton, cyningas on cor+dre, cyre swi+drode 
s+as +at ende.
<R 467>
Wigbord scinon heah ofer h+ale+dum, holmweall astah,
merestream modig.
<R 469>
M+agen w+as on cwealme f+aste gefeterod, for+dganges [{weg{]
searwum +as+aled, sand [{basnodon{] , witodre fyrde, 
hwonne wa+dema stream, sincalda s+a, sealtum y+dum +aflastum
gewuna ece sta+dulas, nacud nydboda, neosan 
come, fah fe+degast, se +de feondum geneop.
<R 477>
W+as seo h+awene lyft heolfre geblanden, brim berstende
blodegesan hweop, s+amanna si+d, o+d+t+at so+d metod 
+turh Moyses hand modge rymde, wide w+a+dde, w+alf+a+dmum
sweop.
<R 482>
Flod famgode, f+age crungon, lagu land gefeol, lyft w+as
onhrered, wicon weallf+asten, w+agas burston, 
multon meretorras, +ta se mihtiga sloh mid halige hand,
heofonrices weard, [{on{] werbeamas.
<R 487>
Wlance +deode ne mihton forhabban helpendra pa+d, merestreames
mod, ac he manegum gesceod gyllende gryre.
<R 490>
Garsecg wedde, 
<P 105>
up ateah, on sleap.
<R 491>
Egesan stodon, weollon w+albenna.
<R 492>
Witrod gefeol heah of heofonum handweorc godes, famigbosma
flodwearde sloh, unhleowan w+ag, alde mece, 
+t+at +dy dea+ddrepe drihte sw+afon, synfullra sweot.
<R 497>
Sawlum lunnon f+aste befarene, flodblac here, si+d+dan hie on
[{bugon{] brun yppinge, modew+aga m+ast.
<R 500>
M+agen eall gedreas +da [{gedrencte{] [{w+aron{] dugo+d
Egypta, Faraon mid his folcum.
<R 502>
He [{onfond{] hra+de, si+d+dan [{grund{] gestah godes andsaca,
+t+at w+as mihtigra mereflodes weard; wolde [{heoruf+a+dmum{] 
hilde gesceadan, yrre and egesfull.
<R 506>
Egyptum wear+d +t+as d+agweorces deop lean gesceod, for+dam
+t+as heriges ham eft ne com ealles ungrundes 
+anig to lafe, +t+atte si+d [{heora{] secgan moste, bodigean
+after burgum bealospella m+ast, hordwearda hryre, 
h+ale+da cwenum, ac +ta m+agen+treatas meredea+d geswealh,
spelbodan [{eac{] .
<R 514>
Se +de sped ahte, ageat gylp wera.
<R 515>
Hie wi+d god wunnon.
<R 516>
+tanon Israhelum ece r+adas on merehwearfe [{Moyses{] s+agde,
heah+tungen wer, halige spr+ace, deop +arende.
<R 519>
[{D+agword{] nemna+d swa gyt wer+deode, on gewritum finda+d
doma gehwilcne, +tara +de him drihten bebead on 
+tam si+dfate so+dum wordum, gif onlucan wile lifes wealhstod,
beorht in breostum, banhuses weard, 
<P 106>
ginf+asten god gastes c+agon.
<R 526>
Run bi+d gerecenod, r+ad for+d g+a+d, hafa+d wislicu word on
f+a+dme, wile meagollice modum t+acan +t+at we gesne 
ne syn godes +teodscipes, metodes miltsa.
<R 530>
He us ma onlyh+d, nu us boceras beteran secga+d lengran
[{lifwynna{] .
<R 532>
+tis is l+ane dream, wommum awyrged, wreccum alyfed, earmra
anbid.
<R 534>
E+dellease +tysne gystsele gih+dum [{healda+d{] , murna+d on
mode, manhus witon f+ast under foldan, +t+ar bi+d fyr 
and wyrm, open ece scr+af.
<R 538>
Yfela [{gehwylces{] swa nu regn+teofas rice d+ala+d, yldo
o+d+de +ardea+d.
<R 540>
Eftwyrd cym+d, m+agen+trymma m+ast ofer middangeard, d+ag
d+adum fah.
<R 542>
Drihten sylfa on +tam me+delstede manegum deme+d, +tonne he
so+df+astra sawla l+ade+d, eadige gastas, on uprodor, 
+t+ar [{is{] leoht and lif, eac +ton lissa bl+ad;
dugo+d on dreame drihten heriga+d, weroda wuldorcyning, 
to widan feore.
<R 549>
Swa reordode r+ada gemyndig manna mildost, mihtum swi+ded,
hludan stefne.
<R 551>
Here stille bad witodes willan, wundor ongeton, modiges
mu+dh+al.
<R 553>
he to m+anegum spr+ac: "Micel is +teos menigeo, m+agenwisa
trum, fullesta m+ast, se +das fare l+ade+d; hafa+d 
[{us{] on Cananea cyn gelyfed burh and beagas, brade rice.
<R 557>
wile nu gel+astan +t+at he lange gehet mid a+dsware, engla
drihten, in fyrndagum f+aderyncynne, 
<P 107>
gif ge gehealda+d halige lare, +t+at ge feonda gehwone for+d
oferganga+d, gesitta+d sigerice be s+am tweonum, beorselas 
beorna.
<R 564>
Bi+d eower bl+ad micel".
<R 565>
+after +tam wordum werod w+as on salum, sungon sigebyman,
segnas stodon, on f+agerne sweg; folc w+as on 
lande, h+afde wuldres beam werud gel+aded, halige heapas, on
hild godes.
<R 570>
Life [{gefegon{] +ta hie o+dl+aded h+afdon feorh of feonda
dome, +teah +de hie hit frecne gene+ddon, weras under 
w+atera hrofas.
<R 572>
Gesawon hie +t+ar weallas standan, ealle him brimu blodige
+tuhton, +turh +ta heora beadosearo w+agon.
<R 574>
Hre+ddon hildespelle, si+d+dan hie +tam [{herge{] wi+dforon;
hofon here+treatas hlude stefne, for +tam d+adweorce 
drihten heredon, weras wuldres sang; wif on o+drum,
folcsweota m+ast, fyrdleo+d golan aclum stefnum, 
eallwundra fela.
<R 580>
+ta w+as e+dfynde Afrisc meowle on geofones sta+de golde
geweor+dod.
<R 582>
Handa hofon halswur+dunge, bli+de w+aron, bote gesawon, heddon
herereafes, h+aft w+as ons+aled.
<R 585>
Ongunnon s+alafe segnum d+alan on y+dlafe, ealde madmas, reaf
and randas.
<R 587>
Heo on riht [{sceodon{] gold and godweb, Iosepes gestreon,
wera wuldorgesteald.
<R 589>
Werigend lagon on dea+dstede, drihtfolca [{m+ast{] .



