<B COGREGD3>
<Q O2/3 NN BIL GDH>
<N GREG DIAL H>
<A X>
<C O2/3>
<O 850-950>
<M 950-1050>
<K NON-CONTEMP>
<D WS/X>
<V PROSE>
<T BIOGR LIFE SAINT>
<G TRANSL>
<F LATIN>
<W X>
<X X>
<Y X>
<H X>
<U X>
<E X>
<J X>
<I X>
<Z NARR NON-IMAG>
<S SAMPLE X>


[^TEXT:  GREGORY THE GREAT, DIALOGUES (MS H).
BISCHOFS WAERFERTH VON WORCESTER
UEBERSETZUNG DER DIALOGE GREGORS
DES GROSSEN.
BIBLIOTHEK DER ANGELSAECHSISCHEN PROSA, V.
ED. H. HECHT.
LEIPZIG: GEORG H. WIGAND'S VERLAG, 1900.
PP. 16.6   - 25.28   (SAMPLE 1)
PP. 51.32  - 61.19   (SAMPLE 2)
PP. 134.22 - 143.23  (SAMPLE 3)^]

<S SAMPLE 1>
[^B9.5.8.2^]

<P 16>
[}BE LIBERTINE, HU HE N+AS FUNDEN, +TEAH +TE HE 
ANDWEARD W+ARE}]
On +tam ylcan timan gelamp on Langbeardana landes d+alum,
+t+at Bucellinus com mid Francum, for+tam +te
he gehyrde +tone hlisan of +tam mynstre +t+as foresprecenan
Godes +teowes & him w+as ges+ad, +t+at he mycel
feoh on +tam mynstre h+afde.
<R 3.16.13>
+ta ongunnon +ta Francan steppan in to +t+are cyricean &
re+dgiende Libertinum sohton & hine mid 
hreame axodon +t+ar +t+ar he on his gebedum l+ag astreht 
eallum limum.
<R 3.16.19>
W+as +t+ar wundorlic +ting geworden, +t+at +tonne +ta
re+dgiendan Francan inneodon hine secende, hi spurnon
mid hyra fotum +at +tam halgan were, +t+ar he on his gebedum
l+ag, & hi swa +teah hine geseon ne 
mihton.
<R 3.16.25>
& hy swa mid blindnysse wurdon gedwelede, +t+at hi eft of +tam
mynstre idelhende hwurfon.
<P 17>
<R 4.17.1>
[}HU LIBERTINUS AWEHTE OF DEA+DE SUMES WIFES SUNU.}]
<R 4.17.2>
Eac on o+drum timan he ferde to Rauennam +t+are byrig for
+t+as mynstres +tingum mid h+ase +t+as abbodes, 
+te w+as +t+as mynstres hyrde +after Honorate his lareowe.
<R 4.17.7>
So+dlice se Libertinus gewunode, +t+at, swa hwyder swa he
ferde, simle he b+ar on his bosme +t+as 
arwur+dan Honorates scoh for +t+are mycelan lufe his lareowes.
<R 4.17.11>
Witodlice, +ta +ta he ferde on his weg, +ta gelamp, +t+at sum
wif b+ar hire deadan sunu ongean +tone 
halgan Libertinum.
<R 4.17.15>
Heo +ta hine geornlice beheold & wear+d on+aled mid lufu hire
deadan suna & genam +ta +t+as halgan weres
hors be +tam bridele & mid a+dsware him to cw+a+d, na to
+t+as hwon ne f+arst +tu heonon, buton +tu minne
sunu awecce & hine me cukenne agife.
<R 4.17.23>
He +ta aforhtode for hire halsiendlican bene, for+tam +te him
w+as ungewunelic swilc wundor to 
wyrcenne.
<R 4.17.26>
He wolde +ta +t+at wif forbugan, ac he +turh nan +ting ne
mihte.
<R 4.17.28>
Smeade +ta on his 
<P 18>
mode, hu him w+are on +tam to donne.
<R 4.18.2>
La, Petrus, nu me lyste+d asmeagean, hwilc & hu micel w+are
+t+at gecamp, +te wann on +t+as rihtwisan 
mannes breostum.
<R 4.18.6>
+t+ar fleat betweoh him seo ea+dmodnys his sylfes lifes & seo
arf+astnys & frofor +t+as deadan mannes 
modor.
<R 4.18.9>
Him w+as micel ege, gif he to +tam gedyrstl+ahte, +t+at he
+t+as ungewunelican +tinges to Gode gewilnode, &
he w+as eac to +tam earmheort, +t+at him ofhreow +t+at
astepede wif, gif he ne gehulpe hire sarlican 
dreorinysse.
<R 4.18.15>
Ac +ta to maran wuldre +t+as +almihtigan Godes seo arf+astnys
oferswy+dde +tone strangan breost, for+tam 
n+are +t+as arwur+dan weres breost na oferfunden, gif hine ne
geli+degode seo arf+aste behreowsung +t+are 
mildheortnysse.
<R 4.18.22>
Ac gelihte +ta of his horse & his cneowa gebigde & to
heofonum his handa a+tenode & +tone sco of his
bosme ateah & hine asette ofer +t+as deadan cnihtes breost.
<R 4.18.27>
& him +ta gebiddendum +t+as cnihtes sawl gehwearf eft to +tam
lichaman.
<R 4.18.29>
He +ta hine mid his handa genam & hine libbendne ageaf his
wependan meder & ferde him for+d on his 
weg, +te he +ar begann.
<R 4.18.34>
Petrus cw+a+d, hw+at cwe+da+d we, hw+a+der +t+at m+agen +tus
miceles 
<P 19>
wundres gedyde +te Honorates earnung, +te 
Libertines gewilnung?
<R 4.19.3>
Gregorius him andwyrde, on +atywednysse swa wundorlices
tacnes mid +t+as wifes geleafan wear+d 
gesomnod hyra begra m+agen.
<R 4.19.6>
& eac ic wene, +t+at Libertinus mihte +tis gedon, for+tam +te
he getruwode be his lareowes m+agene 
swy+dor, +tonne be his agenum m+agene.
<R 4.19.11>
His lareowes sco he asette on +t+as deadan lichaman breost &
sona butan twynunge begeat +ta sawle, +te
he b+ad.
<R 4.19.14>
So+dlice eac is awriten, +t+at Heliseus se witega becom to
+t+are ea Iordanen & b+ar his lareowes reaf.
<R 4.19.17>
& +ta sloh he +ane on +t+at w+ater mid +tam reafe & wolde him
weg gewyrcean, swa swa he +ar geseah his 
lareow don, ac he ne mihte na +t+at w+ater tod+alan.
<R 4.19.22>
He +ta sona cw+a+d, hw+ar is nu Helias God mines lareowes?
<R 4.19.24>
+da sloh he eft on +tone stream mid his lareowes reafe & him
weg geworhte betweoh +tam w+aterum.
<R 4.19.27>
Ongitst +tu nu, Petrus, hu swi+de seo eadmodnys frema+d, +tam
+te wyrcea+d +ta godan m+agenu?
<R 4.19.29>
& eac +tu miht oncnawan, +t+at Heliseus mihte sona begitan his
lareowes m+agen, +ta +ta he him sylfum to
gemynde geteah his lareowes naman.
<P 20>
<R 4.20.1>
& he sona him sylf geworhte +ta m+agenu, +te his lareow +ar
worhte, for+tam +te he under +tam lareowe 
gehwearf to eadmodnysse.
<R 4.20.4>
Petrus cw+a+d, wel me lica+d +t+as +te +tu s+agst.
<R 4.20.6>
Ac ic bidde +te, +t+at +tu secge me, hw+a+der +tu nu gyta
+anig +ting mare wite be +tam godan men us to lare
& to trymminge.
<R 5.20.11>
[}BE LIBERTINUS GE+TYLDE, +TE HE H+AFDE WI+D HIS ABBOD.}]
<R 5.20.12>
Gregorius him cw+a+d to, gewislice ic m+ag be him mare
secgan, ac ic nat, hw+a+der +anig is, +te hine 
geefenl+acean wille.
<R 5.20.15>
Ic so+dlice gelyfe, +t+at +t+as ge+tyldes m+agen si mare,
+tonne +ta tacna & +ta wundra.
<R 5.20.18>
Hit gelamp sumon d+age, +t+at se abbod, +te +after +t+as
arwur+dan Honorates for+dfore heold +t+as mynstres 
reccendom, mid mycelre hatheortnysse wear+d +tearle gebolgen
wi+d +tone arwur+dan wer Libertinum, swa 
swy+de, +t+at he hine mid his handum hetelice beot.
<R 5.20.25>
& +ta for+tam +te he n+afde n+anne repel hine mid to
+tersceanne, +ta gel+ahte he +tone fotscamul +atforan 
his bedde & beot Libertinum on +t+at heafod & on +ta ansyne,
o+d +t+at eall his andwlita wear+d toswollen
& awannod.
<R 5.20.32>
+da +ta he swa swi+de mid ge+tersce mistucod w+as, +ta gewat
he swigende to his agenum bedde.
<R 5.20.35>
+da o+dre d+age 
<P 21>
h+afde Libertinus gecweden sume gemotstowe
for sumre +tearfe +t+as mynstres.
<R 5.21.3>
& +ta +ta he gefylled h+afde his uhtsang & his gebedu, +ta
eode he to +tam abbode, +t+ar he on his bedde
w+as & eadmodlice b+ad his bledsunge.
<R 5.21.7>
+da gemunde se abbod, hu swi+de se halga wer w+as gelufod &
gearwur+dod fram eallum mannum, wende +ta, 
+t+at he mid ealle of +tam mynstre gewitan wolde for +tam
teonan, +te he him +ar gedyde.
<R 5.21.13>
+ta axode he hine +tus cwe+dende, hwyder wylt +tu faran?
<R 5.21.15>
Him +ta Libertinus andswarode, leof f+ader, ic h+afde
gyrstand+age gecweden, +t+at ic nu tod+ag wolde 
cuman ymbe sume +tearfe +tyses mynstres, & ic for+tam hit nu
yldan ne m+ag.
<R 5.21.21>
hw+at, +ta se abbod of inneweardre his heortan besceawode his
agene re+dnysse & heardnysse, & eac he
gemunde Libertines mycelan eadmodnysse & ge+tw+arnysse, & he
+ta of his bedde for+d ar+asde & 
Libertinum be his fotum genam & cw+a+d, +t+at he wi+d hine 
agylt h+afde & wi+d hine scyldi w+are, for+tam +te he 
ge+tristl+ahte, +t+at he swa micelum & swa m+arum were swa
w+alhreowne teonan gedyde.
<R 5.21.32>
+t+ar ongean +ta 
<P 22>
eac Libertinus hine sylfne on eor+dan
astrehte to +t+as abbodes fotum & cw+a+d, +t+at hit 
w+are for his agenum gylte +t+at broc, +t+at he +tolode, & na
for +t+as abbodes re+dnysse.
<R 5.22.6>
& swa w+as geworden, +t+at se abbod wear+d getogen to mycelre
ge+tw+arnysse, & wear+d +t+as gingran 
eadmodnys +tam abbode to lareowe.
<R 5.22.10>
+ta +ta he for +t+as mynstres +tearfe utferde, swa swa he +ar
gecweden h+afde, +ta beheoldon hine fela his
cu+dra manna, +ag+der ge +a+delborene ge o+dre, +te hine
simle arwur+dedon.
<R 5.22.15>
& hy swy+de wundredon & geornlice axodon, hw+at +t+at +tinga
w+are, +t+at he h+afde swa toswollenne & swa 
wanne andwlitan.
<R 5.22.19>
He +ta him to cw+a+d, gyrstan+afenne me gelamp for minum
synnum, +t+at ic ungewealdes +atspearn +at anum 
fotsceamole, & ic +ta wear+d +tus getucod.
<R 5.22.24>
& se halga wer on his breostum swa geheold +tone wur+dmynd
+t+are so+df+astnysse, swa +t+at he na ne 
ameldode his abbodes un+teawa, ne he eac ne bearn on leasunga
synne.
<R 5.22.29>
Petrus cw+a+d, wena+d we, hw+a+der +tes arwur+da wer
Libertinus, be +tam +tu +tus fela tacna & wundra 
rehtest, on swa rumre & micelre gesamnunge 
<P 23>
l+afde +anie efenl+acendras his m+agena?
<R 6.23.4>
[}III. BE +TAM WYRTWEARDE, HU HE BEBEAD +T+ARE N+ADDRAN +TA 
WYRTA TO HEALDENNE.}]
<R 6.23.6>
Gregorius him andswarode, Felix w+as haten sum bro+dur, se
w+as eac genemned Curuus, +tone +tu sylf wel
cu+dest, se nu niwan wear+d prafost +t+as ylcan mynstres.
<R 6.23.11>
Se me s+ade fela wundorlicra +tinga be +tam bro+drum +t+as
ilcan mynstres.
<R 6.23.13>
Of +tam wundrum ic wille gereccean sume +ting, +te me to
gemynde becuma+d, for+tam +te ic efste to 
o+drum spellum.
<R 6.23.16>
Ac swa +teah ne wene ic na, +t+at sy to forl+atenne an +tara
spella, +te me fram +tam ylcan bre+der ges+ad 
w+as.
<R 6.23.20>
On +tam ylcan mynstre w+as sum m+ares lifes munuc, se w+as
wyrtweard +t+as mynstres.
<R 6.23.22>
+ta gewunode an +teof, +t+at he stah ofer +tone hege &
digellice st+al +ta wyrta.
<R 6.23.25>
Swa se wyrtweard his wyrta geornor & ma plantode, swa he hyra
eft l+as funde, +tonne he to com, & he 
geseah, +t+at sume +ta wyrta w+aron mid fotum fortredene, sume
hy w+aron mid ealle fornumene.
<R 6.23.31>
He +ta utan ymbeode ealne +tone wyrttun, o+d +t+at he funde,
<P 24>
hw+ar se +teof gewunode, +t+at he instah ofer 
+tone hege.
<R 6.24.2>
+ta geondeode he eft +tone wyrttun & gemette ane n+addran,
+t+are he bebeodende +tus to cw+a+d, fylig +tu me.
<R 6.24.6>
& hy +ta becomon to +t+are stigole, +t+ar se +teof innstah on
+tone wyrttun.
<R 6.24.8>
He +ta se wyrtweard bebead +t+are n+addran +tus cwe+dende, on
+t+as h+alendes naman ic +te bebeode, +t+at +tu 
gehealde +tas stigole, & +tu ne l+ate +tone +teof her 
inngangan.
<R 6.24.13>
Seo n+addre +ta hr+addlice hy sylfe oncyrde & big +t+are
stigele hy astrehte, & se munuc gehwearf in to
his cyricean.
<R 6.24.17>
+da +ta ealle men stille w+aron ymb midne d+ag, +ta com se
+teof, swa swa his gewuna w+as, & stah upp on
+tone hege.
<R 6.24.21>
& +ta +ta he his o+derne fot ny+der asette binnon +tone
wyrttun, +ta f+aringa geseah he, +t+at seo 
astrehte n+addre his weg beleac.
<R 6.24.25>
He +ta wear+d on him sylfum swi+de af+ared & ny+derweard
hreas.
<R 6.24.26>
& +ta wear+d his o+der fot be his sco f+ast on anum
hegesahle, & he swa hangode ny+ter onwendum heafde,
o+d +t+at se wyrtweard eft +tyder com.
<R 6.24.31>
+da com se wyrtweard on gewunelicre tide, & he +tone +teof
+t+ar on hege hangiendne funde.
<R 6.24.34>
+da cw+a+d he to +t+are n+addran, Gode +tanc, +t+at +tu
gefylldest, 
<P 25>
+t+at ic +te bebead.
<R 6.25.1>
Far +tu nu swa hwider swa +tu wille.
<R 6.25.2>
& seo n+addre sona +tanon gewat.
<R 6.25.3>
He cw+a+d +ta to +tam +teofe, bro+dor, hw+at is nu?
<R 6.25.5>
Nu h+af+d God +te geseald me on geweald.
<R 6.25.6>
Hu gedyrstl+ahtest +tu, +t+at +tu +tus oft stalodest on
+tysra muneca geswince?
<R 6.25.9>
& he +ta mid +tysum wordum +t+as +teofes fot ahlinode of +tam
hege, +te he +ar f+aste on clifode, & hine 
ungederedne ny+der asette & him to cw+a+d, gang mid me.
<R 6.25.14>
He +ta hine gel+adde to +t+as wyrttunes geate, & +ta wyrta,
+te he +ar mid stale gewilnode to +atbredanne,
+ta he him mid mycelre werednysse sealde & him to cw+a+d,
gang nu & +after +tysum ne stel +tu nan +ting,
ac +tonne +te +tearf beo, gang +tu hider in to me, & +t+at +tu
+ar mid unrihtum geswince gename, +t+at ic +te
mid estfullum mode sylle.
<R 6.25.24>
Petrus cw+a+d, nu o+d +tis, +t+as +te me +tince+d, on idel ic
wende, +t+at on Su+dlangbeardum n+aron nane 
f+aderas, +te wundortacnu wyrcean mihton.

<S SAMPLE 2>
<P 51>
[}VIII. HU ANASTASIUS & O+DRE SEOFON BRO+DRU W+ARON GECIGEDE OF
+TYSUM LIFE.}]
<R 21.51.32>
Gregorius cw+a+d, eac hit gelamp on +tam ilcan timan, +t+at
<P 52>
se arwur+da wer Anastasius, +t+as gemynd ic 
her bufan dyde, w+as writere on +tysre halgan Romaniscean
cyrcean, +t+are ic +teowie under Godes 
anwealde.
<R 21.52.5>
Se Anastasius forlet +ta scrine his feohgestreones & mynster
geceas & gewilnode, +t+at he hine 
ge+amtogode Gode anum to +teowianne.
<R 21.52.9>
& he +ta on +t+are ilcan stowe, +te ic bufan ymbe spr+ac, seo
is geciged Subpentoma, manega gear his lif
adreah on halgum d+adum & +tam mynstre fore w+as mid
geornlicre heordnysse.
<R 21.52.15>
Witodlice ofer +ta stowe w+as ufan hangiende orm+ate stanclud,
& eac beneo+dan swi+de deop niwolnys 
ginode.
<R 21.52.18>
So+dlice on sumre nihte, +ta +ta se +almihtiga God geteohhode
eallunga to geleanienne +ta geswinc +t+as 
arwur+dan weres Anastasies, fram +tam hean clude w+as gehyred
stefn, seo for+dgel+addum hleo+dre +tus 
clypode & cw+a+d, cum +tu, Anastasius.
<R 21.52.26>
Him +ta swa gecigedum +t+ar wurdon eac o+dre seofon bro+dru
be hyra naman gecigede.
<R 21.52.28>
+ta geswigode swi+de lytle hwile seo stefn, +te +t+ar +ar
clypode, & +ta eft gecigde +tone eahto+dan bro+dor.
<R 21.52.32>
+ta +ta seo gesomnung swa openlice gehyrde +ta stefne, +ta
n+as +t+ar nan twynung, +t+at neal+ahte +tara 
for+dsi+d, +te +t+ar gecigede w+aron.
<P 53>
<R 21.53.1>
Witodlice binnan f+aawum dagum for+dferde +arest se arwur+da
wer Anastasius, & +ta eft +ta o+dre bro+dru 
for+dferdon be [{endebyrdnysse{] , swa swa hi of +t+as
stanclifes heahnysse +ar gecigede w+aron.
<R 21.53.6>
Se bro+dor, +te seo stefn sume hwile geswigode to his
gecigednysse & hine eft genemde, se lifde 
feawa daga +after +tam o+drum sweltendum bro+drum & +ta his 
lif geendode.
<R 21.53.12>
+t+at w+as openlice geswutelod, +t+at seo lytle betweoh
gesette swigung +t+are ufan cumenan stefne 
getacnode +tone lyttlan fyrst to libbanne +tam bre+der ofer 
+ta o+dre, +te +t+ar eac gecigede w+aron.
<R 21.53.17>
Eac +t+ar gelamp wundorlic +ting, +t+at +ta +ta se arwur+da
wer Anastasius for+dferde, +ta w+as on +tam ylcan
mynstre sum bro+dor, +te +after him libban nolde, ac he for+d
onloten to his fotum ongann hine biddan
mid tearum +tus cwe+dende, ic +te halsie +turh +tone, +te +tu
to f+arst, +t+at ic ne +turfe libban seofon 
dagas +after +te on +tysum middangearde.
<R 21.53.28>
+ta +ar +t+as Anastasies seofe+dan d+age, w+as eac for+dfered
se ylca bro+dor, se swa +teah n+as na geciged 
on +t+are nihte betweoh +ta o+dre bro+dru, ac hit w+as
openlice geswutelod, +t+at his 
<P 54>
for+dfore begeat seo 
+tingung ana +t+as arwur+dan weres Anastasies.
<R 21.54.3>
Petrus cw+a+d, +ta +ta +tes ilca bro+dor n+as betweoh +ta
o+dre geciged & swa +teah w+as of +tissum life 
atogen mid +tingungum +t+as halgan weres, hw+at elles m+ag 
beon ongiten, buton +t+at +ta +te mid Gode synd 
micelre geearnunge, magon hwilum begitan +ta +ting, +te him
geteohhode n+aron?
<R 21.54.11>
 Gregorius him andswarode, ne magon hi to +t+as hwon
begitan +ta +ting, +te him geteohhode n+aron, 
ac +ta +ting, +te +ta halgan weras mid hyra benum gefremma+d,
hi w+aron +ar swa forestihtode, +t+at hy 
sceolon beon eft mid benum begitene.
<R 21.54.19>
So+dlice eac seo ylce forestihtung +t+as ecean rices is
gesett fram +tam +almihtigan Gode, swa +t+at his
gecorenan becuma+d of geswince to +tam rice, +t+at hi biddende
geearnian, +t+at hi onfon +t+at, +t+at se 
+almihtiga God +ar ealre worulde gedihtnode him to forgifenne.
<R 21.54.27>
Petrus cw+a+d, ic wolde, +t+at me w+are git openlicor
gecy+ded, hw+a+der seo forestihtung mihte beon mid 
gebedum gefultumod.
<R 21.54.31>
Gregorius him 
<P 55>
andswarode, la, Petrus, +tis +t+at ic +te s+ade,
m+ag beon hr+adlice gecy+ded.
<R 21.55.3>
Gewisslice +tu +te sylf wast, +t+at drihten cw+a+d to
Abrahame, on Isaace +te bi+d s+ad geciged.
<R 21.55.6>
Eac he cw+a+d to him, ic gesette +te manegra +teoda f+ader.
<R 21.55.8>
& eft he him behet +tus cwe+dende, ic gebledsige +te, & ic
gemenigfylde +tin s+ad swa swa heofones 
steoran & swa swa +ta sandcorn, +te beo+d be s+as waro+de.
<R 21.55.12>
Of +tam +tinge is openlice cu+d, +t+at se +almihtiga God +ar
forestihtode, +t+at he Abrahames s+ad wolde 
gemenifyldan +turh Isaac, & swa +teah hit is awriten, +t+at
Isaac geb+ad to drihtne for his wife, for +tam
+te heo w+as unw+astmb+are.
<R 21.55.20>
+ta gehyrde drihten his bene & sealde w+astm Rebeccan his
wife.
<R 21.55.22>
+tus w+as forestihtod seo menifealdnys Abrahames cynnes +turh
Isaac.
<R 21.55.24>
Eornostlice, gif seo menifealdnys Abrahames cynnes w+as
forestihtod +turh Isaac, hwi underfeng he 
+tonne unw+astmb+are wif, buton for+tam +te hit is cu+d, +t+at
seo forestihtung sceolde beon mid benum 
gefylled, +ta +ta se mid his gebedum beget, +t+at he mihte 
suna habban, se +te on him +ar God forestihtode to 
gemenifyldenne Abrahames s+ad?
<R 21.55.35>
Petrus cw+a+d, nis me nan 
<P 56>
twynung nu to laue be +tam +tingum,
+te [{+tu{] nu s+adest, for+tam +te +t+at 
rihtgescead me geopenode +ta digolnysse +turh +tine segene.
<R 21.56.4>
Gregorius cw+a+d, wilt +tu, +t+at ic +te secge sum +ting be
+tam d+alum Tuscie +t+are m+ag+de, +t+at +tu oncnawe, 
hwylce weras w+aron on +tam lande, & hu swi+de neah hi w+aron
+t+as +almihtigan Godes cy+d+de?
<R 21.56.11>
Petrus cw+a+d, ic wille, & ic +te +t+as [{eallum{] m+agene
[{bidde{] .
<R 22.56.13>
[}HU BONEFATIUS BISCEOP TOD+ALDE WIN ON FATU & HIT WEOX.}]
<R 22.56.14>
Gregorius him to cw+a+d, sum w+as arwur+des lifes wer, +tam
w+as nama Bonefatius.
<R 22.56.16>
Se h+afde bisceophad & +tone mid godum +teawum wel gefyllde
on +t+are ceastre, +te is genemned Ferentis.
<R 22.56.19>
+tyses bisceopes manega wundru me rehte se m+assepreost
Gaudentius, +te nu gita leofa+d.
<R 22.56.22>
Se w+as afedd on his +tenunge, & he m+ag gehwylc +ting be him
swa mycele gewisslicor seccan, swa 
micele swa him gelamp, +t+at he oftor w+as betweoh his 
+tenungum.
<R 22.56.27>
On [{+tisses{] ilcan Bonefacies cyrcean w+as swi+de hefi
w+adlung & hafenleast, seo simle gewuna+d, +t+at 
heo bi+d hirde +t+are eadmodnisse on godum 
<P 57>
modum, & +t+ar 
nan +ting elles n+as to ealles geares andlifene,
buton +t+at an, +t+at he heafde +anne wingeard.
<R 22.57.4>
Se sume d+ag wear+d [{for+dorscen{] mid onreosendum hetolum
[{hagole{] & aw+astod, swa +t+at on +tam wingearde
on feawum wintreowum unea+de to lafe wunodon swi+de litle &
swi+de feawa [{clistru{] +tara winbergena.
<R 22.57.10>
+da +ta +tes forcwedena wer se arwur+da bisceop Bonefatius
eode in on +tone wingeard, +ta +tancode he 
swi+de Gode +almihtigum, for+tam +te he oncneow, +t+at he +ta
gita on +t+are his w+adle w+as swy+dor geangsumod.
<R 22.57.16>
Ac swa +teah +ta +ta se tima neal+ahte, +t+at mihton ripe
beon +ta feawa clystru +t+ara bergena, +te +t+ar 
l+afde w+aron, +ta sette he hyrde, swa hit +teaw w+as, to +tam
wingearde & bebead, +t+at hine man heolde mid
carfullre w+accean.
<R 22.57.23>
So+tlice +ta sume d+age het he Constantium +tone m+assepreost,
se w+as his swustorsunu, +t+at man ealle +ta
winfatu on his bisceopscire & ealle +ta kyfa gegearwode & mid
pice geondgute, swa swa hit +ar 
gewunelic w+as.
<R 22.57.30>
Sona +ta [{se{] m+assepreost his nefa +t+at gehyrde, +ta
wundrode he swi+de & wende, +t+at 
<P 58>
he spr+ake on 
unwis, +ta he bebead, +t+at man winfatu gearwode, se +te nan 
win n+afde.
<R 22.58.3>
Ne dorste swa +teah se m+assepreost +tone bisceop geaxian,
for hwan he swylce +ting bude, ac he +ta 
gehyrsumode his h+asum & ealle +ta winfatu gegearwode +after
gewunelicum +teawe.
<R 22.58.9>
Hw+at, +ta se Godes wer eode in on +tone wingeard &
gegaderode +ta clystru +tara bergena & gebrohte on
+t+are wintreddan & het hi ealle +tanon utgangan, & he ana mid
anum lytlum cnapan +t+ar gewunode & +tone
cnapan +ta asette on +ta ylcan wintreddan & het hine tredan
+ta feawa clystru +tara bergena.
<R 22.58.18>
+da +ta of +tam clystrum ut fleow lyttles hw+at wines, +ta
ongann se Godes wer mid his agenum handum 
+t+at underfon on anum lyttlum f+ate & hit tod+alde for 
bledsunge geond ealle +ta kyfa & geond ealle +ta 
fatu, +te +t+ar gegearwode w+aron, +t+at of +tam ilcan wine
w+aron gesewene unea+de ealle +ta fatu 
geondgotene.
<R 22.58.28>
Witodlice +ta +ta he of +t+as wines w+atan sum +ting lyttles
asende on +alc +t+ara fata, +ta clypode he him
to +tone m+assepreost & hr+adlice het, +t+at +t+ar +tearfan
beon sceoldon.
<R 22.58.33>
+da ongan +t+at win weaxan on +t+are wintreddan, swa +t+at
wurdon gefyllede ealle +tara +tearfana fatu, +te him 
<P 59>
to brohte w+aron.
<R 22.59.1>
& +ta +ta he geseah, +t+at +ta +tearfan genoh h+afdon, +ta het
he +tone cnapan stigan ny+der of +t+are treddan
& beleac +t+at winern & asette his agen insegl on +t+at loc &
forlet hit swa belocen & him sona to 
cyrcean gehwearf.
<R 22.59.8>
+da +ti +triddan d+age clypode he him to +tone forecwedenan
m+assepreost Constantium, & geendodum his 
gebede he geopenode +t+at winern & gemette +ta fatu, +te he 
+ar on ageat swi+de litelne d+al +t+as +tynnystan
w+atan, swa genihtsumlice gefyllede mid wine, efne +t+at +ta
weaxendan win woldon feallan ofer +ta fatu
on +ta flor, gif se bisceop +ta a lator inn eode.
<R 22.59.19>
Hw+at, +ta se bisceop swi+de egeslice bebead +tam
m+assepreoste, +t+at he nanum men +tis wundor ne as+ade 
swa lange swa he sylf on lichaman lifde, +te l+as +te he on
+t+as weorces m+agene wurde mid mennisceum 
wyr+dmynde gebreged & +tanon innan aidlode, +tanon +te he utan
w+are mannum micel +atywed.
<R 22.59.28>
Ac he on +tam fyligde +t+as h+alendes bysene, se to +tam
+t+at he us getyde to eadmodnysse wege, bebead
his gingrum be him sylfum +tus 
<P 60>
cwe+dende, +t+at +ta +ting, +te
hi gesawon, hi nanum men ne as+adon, +ar +tam
+te mannes sunu of dea+de arise.
<R 22.60.4>
Petrus cw+a+d, for+tam +te +teos wise nu hi sylfe gecwemlice
gegearwode, nu lyste+d me axian, hw+at +t+at 
sy, +t+at +ta +ta ure alysend ageaf gesih+te twam blindum
mannum, +ta het he, +t+at hi hit nanum men ne 
as+adon, & hi +ta sona +tanon gangende gewidm+arodon hine 
geond eall +t+at land.
<R 22.60.13>
Ac hw+at cwyst +tu?
Hw+a+der se ankenneda Godes sunu, se +te is efenece his f+ader
& +tam halgan gaste, on +tysum +tinge wolde
gefyllan, +t+at he gefyllan ne mihte, +ta +ta he wolde
habban forsuwod +t+at, +t+at na forholen beon ne
mihte?
<R 22.60.20>
Gregorius him andswarode, eall +t+at ure alysend dyde +turh
his menniscean lichaman, eall +t+at he 
gegearwode us on gebysnunge godes weorces, to +tam +t+at we be
gemete urra m+agena sceolon fylian his 
fotswa+de & un+atspornenum fotum +tyses andweardan weorkes 
gan on +tone weg +t+as ecean lifes.
<R 22.60.29>
Witodlice se h+alend worhte +t+at wundor & het hi helan, & hit
swa +teah forholen beon ne mihte.
<R 22.60.32>
On +tam we magon cu+dlice ongitan, +t+at his gecorenan
<P 61>
fylgea+d +ta gebysnunga his lare on +tam micelum 
weorcum +te hi wyrcea+d, & hyra willa bi+d, +t+at hi beon
forholene, ac +t+at hi o+drum mannum fremian, hi
beo+d for oft geyppede swa hi nella+d, swa +t+at hit si for
micelre eadmodnysse, +t+at hi gewilnia+d, +t+at
hyra weorc beon forholene, & hit si for micelre 
nyttlicnysse, +t+at hyra weorc forholen beon 
ne magon.
<R 22.61.11>
Eornostlice drihten nolde na, +t+at +ani +ting swilces gewurde
& hit na beon ne mihte, ac he sealde 
bysene mid lareowdome his sylfes lare, hw+at his limu scylon
gewilnian, o+d+de hw+at eac be him nellendum
gewur+dan sceoldon.
<R 22.61.18>
Petrus cw+a+d, me lica+d +t+at +tu s+agst.

<S SAMPLE 3>
[^B9.5.10.2^]
<P 134>
[}XVI. HU HE ALYSDE +TONE PREOST FRAM DEOFLE.}]
<R 16.134.22>
Eac on +tam ylcan timan sum preost Aquinensis +t+are cyricean
wear+d gedreht mid deofolseocnysse.
<R 16.134.25>
+ta wear+d he asended geond manega martira stowa fram +tam
arwur+dan were Constantio his cyrcean 
bisceope, to +tam +t+at he mihte beon geh+aled.
<R 16.134.29>
Ac +ta halgan Godes martiras noldon him syllan his h+ale,
+t+at hi mid +tam geswutelodon, hu micel w+are
on +tam halgan Benedicte.
<R 16.134.33>
Witodlice he wear+d +ta gel+aded 
<P 135>
to +t+as +almihtigan Godes
+teowe Benedicte, & he +ta his bena asende to
urum drihtne h+alende Criste & sona ut adraf +tone ealdan
feond of +tam ofsetenan menn.
<R 16.135.5>
Him +ta geh+aledum he bebead +tus cwe+dende, ga nu & +after
+tysum ne et +tu nan fl+asc, ne +tu n+afre ne 
gedyrstl+ac, +t+at +tu to halgum hade geneal+ace, o+d+de maran
underfo, +tonne +tu nu hafast.
<R 16.135.11>
So+dlice on swa hwilcum d+age swa +tu dyrstilice
ge+tristl+acst, +t+at +tu +tone halgan sacerdhad 
underfehst, +t+ar rihte +tu bist eft mid deofles anwealde
geh+aftnieded.
<R 16.135.16>
+da gewat se preost him hal +tanon, & swa swa hit gewunelic
is, +t+at +t+at niwe wite gebrege+d +t+as 
mannes mod, he sume hwile geheold +ta +ting, +te se Godes wer 
him bebead.
<R 16.135.21>
So+dlice +after manegum gearum, +ta +ta ealle his ylldran
witan foron of +tysum leohte, & he geseah, 
+t+at his gingran w+aron toforan him gesette on halgum
sacerdhadum, he +ta him on b+ac sette swylce of 
langre tide forgitende +ta word & lare +t+as halgan weres
Benedictes & geneal+ahte to +tam halgan 
sacerdhade.
<R 16.135.31>
Hine +ta sona gel+ahte se deofol, +te hine +ar forlet, & na
ne geswac 
<P 136>
hine to swencenne, o+d +t+at he his
sawle him from asceoc.
<R 16.136.2>
Petrus cw+a+d, +d+as +te me +tince+d, +t+at +tes Godes wer
+turhferde eac +ta diglan +ting +t+are godcundnesse, 
se +te swa +turhseah +tone preost for +ti deofle gesealdne,
+t+at he ne gedyrstl+ahte to underfonne +tone 
halgan sacerdhad.
<R 16.136.9>
Gregorius cw+a+d, hwi ne cu+de +ta diglan +ting +t+are
godcundnysse, se +te heold +ta bebodu +t+are 
godcundnysse, +tonne hit is awriten, +t+at se +te ge+teode+d 
to drihtne, +tonne by+d an gast his & drihtnes?
<R 16.136.15>
Petrus cw+a+d, gif hit an gast bi+d mid drihtne +t+as +te
drihten to ge+teode+d, hw+at is +tonne, +t+at se ylca
+a+dela lareow Paulus eft cw+a+d, hwa cann drihtnes andgit?
<R 16.136.20>
O+d+de hwylc w+as his ge+teahtere?
<R 16.136.21>
Swy+de un+t+aslic m+ag beon ge+tuht, +t+at se nyte drihtnes
andgit, se +te mid him by+d geworden an gast.
<R 16.136.24>
Gregorius him andswarode, +ta halgan weras swa swy+de swa hi
beo+d an samod mid drihtne, swa swy+de hi
witon drihtnes andgit.
<R 16.136.28>
So+dlice eac se ylca apostol Paulus cw+a+d, hwylc man wat
<P 137>
+t+as mannes modge+tancas, butan +t+as mannes 
gast, +te on him sylfum by+d?
<R 16.137.3>
Swa eac +ta +ting, +te beo+d on Godes ge+teahtunge, nan mann
ne cann butan se Godes gast.
<R 16.137.6>
Eac se ylca Paulus +t+ar to geihte, +t+at he +atywde hine
sylfne cunnan +ta +ting, +te syndon Godes 
gestihtunge.
<R 16.137.9>
He cw+a+d, ne onfengon we na +tone gast +tyses middaneardes,
ac +tone gast, +te is of Gode.
<R 16.137.12>
Eft he cw+a+d be +tam, +t+at eage ne geseah, ne eare ne
gehyrde, ne on mannes heortan ne astah, hwylce 
+ting God gegearwode +tam, +te hine lufia+d.
<R 16.137.17>
So+dlice +ta he onwreah us +turh his gast.
<R 16.137.18>
Petrus cw+a+d, gif +tonne +tam ylcan apostole Paule +turh
Godes gast w+aron onwrigene +ta Godes 
ge+teahtas, hu gespr+ac he ofer +t+at, +te ic bufan 
gemynegode, +ta +ta he cw+a+d, eala, hu mycel heahnys is +tara
welana Godes wisdomes & his inngehigdes, & hu unbefangelice his
domas syndon & his wegas unaspyriendlice?
<R 16.137.27>
Ac me +tas word sprekendum is eft o+der axung on mod becumen.
<R 16.137.29>
So+dlice Dauid se witega spr+ac to drihtne & +tus cw+a+d, on
minum welerum ic bodode ealle +ta domas +tines 
<P 138>
mu+des.
<R 16.138.1>
& +tonne hit l+asse is to witenne, +tonne hit sy eac to
bodianne, hw+at is +t+at, +t+at Paulus s+ade, +t+at 
Godes domas syndon unbefangenlice, & Dauid cy+dde na +t+at an,
+t+at he ealle +tas +ting wiste, ac he hi 
eac swilce bodode?
<R 16.138.8>
Gregorius him andswarode, +at +ag+drum [{+tysum{] ic +te
geandswarode +ar mid sceortnysse her bufan, +ta +ta
ic cw+a+d, +t+at halige weras swa swy+de swa hi beo+d an samod
mid drihtne, swa swy+de hi witon drihtnes
andgit.
<R 16.138.14>
So+dlice ealle +ta +te estfullice drihtne fylia+d, hi eac mid
estfullnysse syndon mid Gode, & +ta ne 
syndon na mid Gode, +ta +te nu gyta syndon gehefgode mid
byr+dene +t+as brosniendlican lichaman.
<R 16.138.20>
Witodlice swa swy+de swa hi beo+d to Gode ge+teodde, swa
swi+de hi witon his diglan domas, & swa swy+de
swa hi beo+d him fram a+teodde, swa swy+de hi hi nyton.
<R 16.138.26>
Eornostlice for +ty hi secgea+d, +t+at his domas syndon
unbefangelice, for+tam +te hi nu gyta 
fullfremedlice ne +turhfara+d his digolnyssa, & for+tam +te hi
mid hyra mode him onclifia+d & onclifiende oncnawa+d
swa swi+de swa hi onfo+d o+d+de on spr+acum 
<P 139>
haliges gewrites o+d+de on digelum onwrigennyssum, +ta +ting
hi witan & bodia+d.
<R 16.139.3>
Witodlice +ta domas, +te God forsuwa+d, +ta hi nyton, & +ta
+te he spryc+d, +ta hi witon.
<R 16.139.5>
& Dauid se witega +ta +ta he cw+a+d, on minum welerum ic
bodode ealle +ta domas, +ta sona geeacnode he
+t+ar to +tines mu+des, swilce he openlice [{cw+ade{] , ic
mihte witan & bodian +ta domas, +te ic oncneow +te
sylfne secgean, ac +ta +te +tu sylf ne sprycst, untwywlice +ta
+tu behydst urum oncnawennyssum.
<R 16.139.15>
Eornostlice her to ge+tw+ara+d se witiendlica & se apostolica
cwyde +tus, +t+at Godes domas syndon 
unymbfangenlice, & swa +teah +ta +te of Godes mu+de beo+d
for+dbrohte, +ta beo+d bodode mid mennisceum welerum,
for+tam +te hi magon beon ongitene fram mannum, +tonne hi
beo+d for+dbrohte +turh God, & hi na ne magon
beon oncnawene, +tonne hi beo+d +turh God bediglode.
<R 16.139.26>
Petrus cw+a+d, on +t+are andsware minre axunge me is geopenod
nu se intinga rihtes gesceades.
<R 16.139.29>
Ac ic bidde +te, +t+at +tu gita gerecce, gif +tu hwilce ma
wite be +tyses weres Benedictes m+agene.
<P 140>
<R 17.140.1>
[}XVII. HU HE WITEGODE BE HIS MYNSTRES TOWORPENNYSSE.}]
<R 17.140.2>
Gregorius cw+a+d, sum +a+dele wer w+as Theoprobus genemned,
se w+as gecyrred to haligre drohtnunge +turh
mynegunge +t+as ylcan f+ader Benedictes.
<R 17.140.6>
Se eac for his lifes geearnunge h+afde to him mycelne truwan
synderlicre [{hiwcu+dnysse{] .
<R 17.140.9>
Sume d+age +ta +ta +tes eode to +tam halgan were in to his
cytan, +ta gemette he hine +t+ar swy+de 
bitterlice wependne.
<R 17.140.13>
+da +ta he +t+ar wel lange gestod & geseah, +t+at his tearas
na ne geendodon, na swa +teah se Godes wer
ne weop na mid gebiddende, swa swa his gewuna w+as, ac
gnorniende, +ta axode hine Theoprobus, hw+at 
w+are se intinga swa miceles wopes.
<R 17.140.20>
Him +t+ar rihte se Godes wer andswarode & cw+a+d, eall +tis
mynster, +te ic getimbrode, & ealle +ta +ting,
+te ic gegearwode +tysum bro+drum, mid +t+as +almihtigan
Godes dome syndon gesealde h+a+denum mannum.
<R 17.140.27>
Earfo+dlice ic mihte begitan +at Gode, +t+at me wurdon
forgifene of +tysre stowe +tara bro+dra feorh.
<R 17.140.30>
+d+as halgan weres stefne gehyrde Theoprobus +ta, & we, +te
hit witon, geseo+d nu, +t+at his mynster is 
toworpen fram Langbeardena +teode.
<R 17.140.34>
So+dlice nu niwan gelamp on niht, +ta +ta [{bro+dro{] w+aron
on 
<P 141>
reste, +t+at comon +tyder +ta Langbearde & +t+ar
genamon ealle +ta +ting, +te on +tam mynstre w+aron, buton
+t+at hi ne mihton +t+ar n+anne mann gel+accean.
<R 17.141.5>
Ac se +almihtiga God +ta gefyllde +t+at, +t+at he +ar behet
his getrywum +teowe Benedicte, +t+at he geheolde
+tara manna lif, +teah +te he +ta +ahta sealde h+a+denum
mannum.
<R 17.141.10>
On +tam +tinge ic oncnawe, +t+at Benedictus h+afde Paulus
gewrixle, se +ta +ta he +tolode [{scipes{] forwyrd
& lyre eallra +tara +tinga, +te +t+ar on w+aron, +ta onfeng he
sylf him to frofre eallra +tara lif, +te 
him mid ferdon.
<R 18.141.18>
[}XVIII. HU HE +TURH GAST WISTE +TA BEHYDDAN [{FLAXAN{] .}]
<R 18.141.19>
Eac hit gelamp on sume tid, +t+at Exhilaratus ure gefera,
+tone +tu canst gecyrredne to rihtre 
drohtnunge, he w+as fram his hlaforde asended to +tam mynstre,
+t+at he sceolde +tam Godes were Benedicte 
beran twa treowene fatu wines fulle, +ta syndon on folkisc 
flaxan gehatene.
<R 18.141.27>
+ta brohte he him +ta o+dre, & +ta o+dre gehydde be wege
+tyderweard farende.
<R 18.141.29>
Witodlice se drihtnes wer, +tam +ta +afweardan +ting ne mihton
beon bediglode, +ta underfeng mid 
+tancunge +ta ane flaxan, & +tone 
<P 142>
eft cyrrendan cniht he warnode
+tus cwe+dende, sunu, foresceawa be +t+are 
flaxan, +te +tu be wege gehyddest, +t+at +tu +t+ar of ne 
drince, ac ahyld hi w+arlice, & +tu +tonne onfindst, 
hw+at on hire is.
<R 18.142.6>
He +ta swy+de gescynd & ofsceamod eode fram +tam Godes men &
cyrrende wolde +ta gyt gecunnian +t+as +te 
he +ar gehyrde.
<R 18.142.10>
+ta mid +tam +te he +ta flaxan onhyllde, +ta eode +t+ar ut
hr+addlice an n+addre.
<R 18.142.12>
Se forecwedena cniht Exilaratus +ta aforhtode +turh +t+at +te
he on +tam wine gemette, & him ondred +t+at
yfel, +te he worhte.
<R 19.142.18>
[}XIX. HU SE GODES +TEOW ONFENG +TA SCEATAS.}]
<R 19.142.19>
So+dlice unfeorr fram +tam mynstre w+as sum tun, on +tam w+as
mycel meniu manna gecyrred fram 
deofolgylda bigenge to Godes geleafan +turh Benedictus lare.
<R 19.142.23>
+d+ar on tune w+aron eac sume nunnan, & se Godes +teow
Benedictus begymde, +t+at he gelomlice +tyder 
asende his bro+dru, to +tam +t+at hi sceoldon +t+at folc 
trymman & l+aran to hyra sawla +tearfe.
<R 19.142.29>
+da sume d+age sende he +tyder sumne munuc swa him ge+tywe
w+as.
<R 19.142.31>
Ac se munuc, +te 
<P 143>
+tyder onsended w+as, +after +t+as folces
lare & geendodre +t+are bodunge wear+d gebeden 
fram +tam nunnum, +t+at he sume [{sceatas{] vel [{mappulas{]
onfeng, & he him +ta behydde on his bosme.
<R 19.143.6>
Sona +ta he ham com, +ta ongann se Godes wer +tearle
biterlice hine +treagean & cidan +tus cwe+dende, hu
becom +teos unrihtwisnys on +tinne bosm?
<R 19.143.11>
He +ta aforhtode & h+afde forgiten, hw+at he gedon h+afde, &
nyste, for hwan he swa w+as ofercidd.
<R 19.143.13>
+da cw+a+d se halga wer [{him{] to, cwyst +tu, +t+at ic n+are
+t+ar andweard, +ta +ta +tu +at +tam nunnum onfenge 
+ta sceatas & hi dydest on +tinne bosm?
<R 19.143.18>
Se munuc +ta sona feoll to Benedictes fotum & behreowsode,
+t+at he swa dyslice d+ade gedyde, & him 
fram awearp +ta sceatas, +te he +ar on his bosme behydde.



