<B COINSPOL>
<Q O3/4 IR RULE POLITY>
<N INST POLITY>
<A WULFSTAN>
<C O3/4>
<O 950-1050>
<M 1050-1150>
<K NON-CONTEMP>
<D WS>
<V PROSE>
<T RULE>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z INSTR REL>
<S SAMPLE X>


[^TEXT:  WULFSTAN'S 'INSTITUTES OF POLITY'.
DIE 'INSTITUTES OF POLITY,
CIVIL AND ECCLESIASTICAL'.
SWISS STUDIES IN ENGLISH, 47.
ED. K. JOST.
BERN: FRANCKE VERLAG, 1959.
PP. 39.1 - 164.12^]

[^B13.2.1.1^]
<P 39>
<R 1>
[}BE HEOFONLICUM CYNINGE.}]
(\In nomine domini.\) An is ece cyning, wealdend and wyrhta
ealra gesceafta.
<R 2>
He is on riht cyning and cyninga wuldor and ealra cyninga
betst, +te +afre gewurde o+d+de geweor+de.
<R 3>
Him symble sy lof and wuldor and ece wyr+dmynt a to worulde,
Amen.
<P 41>
<R 4>
[}BE EOR+DLICUM CYNINGE.}]
Cristenum cyninge gebyre+d on cristenre +teode, +t+at he sy,
ealswa hit riht is, folces frofer and rihtwis
hyrde ofer cristene heorde.
<R 5>
And him gebyre+t, +t+at he eallum m+agne cristendom r+are and
Godes cyrican +aghw+ar georne fyr+drie and fri+die.
<P 43>
<R 6>
And eall cristen folc sibbie and sehte mid rihtre lage, swa he
geornost m+age and +durh +alc +ting rihtwisnesse
lufie for Gode and for worulde.
<R 7>
For+dam +turh +t+at he sceall sylf fyrmest ge+teon and his
+teodscipe eac swa, +te he riht lufie for Gode
and for worulde.
<P 45>
<R 8>
And him gebyre+d, +t+at he geornlice fylste +tam, +de riht
willan, and a hetelice styre +tam, +de +twyres willan.
<R 9>
He sceal mand+ade menn +treagan +tearle mid woruldlicre
steore, and he sceal ryperas and reaferas and
+das woruldstruderas hatian and hynan and eallum Godes
feondum [{styrnlice{] wi+dstandan.
<P 46>
<R 10>
And +ag+der he sceal beon mid rihte, ge milde ge re+te, milde
+tam godum and styrne +tam yfelum.
<R 11>
+d+at bi+d cynincges riht and cynelic gewuna, and +t+at sceal
on +teode swy+dost gefremian.
<R 12>
La, +turh hw+at sceal Godes +teowum and Godes +tearfum fri+d
and fultum cuman butan +turh Crist and +turh
cristenne cyning?
<P 47>
<R 13>
+turh unwisne cyning folc wyr+d geyrmed for oft, n+as +ane,
for his misr+ade.
<R 14>
+turh cynincges wisdom folc wyr+d ges+alig and gesundful and
sigef+ast.
<R 15>
And +dy sceal wis cyning cristendom and cynedom miclian and
m+arsian, and a he sceal h+a+tendom hindrian
and hyrwan.
<P 48>
<R 16>
He sceal boclarum hlystan swy+de georne and Godes beboda
geornlice healdan and gelome wi+d witan wisdom
smeagan, gif he Gode wile rihtlice hyran.
<P 49>
<R 17>
And gif hwa to +tam strec sy ahw+ar on +teode, +t+at riht
nelle healdan swa swa he sceolde, ac Godes lage
wyrde o+d+de folclage myrre, +tonne cy+de hit man +tam
cyninge, gif man +t+at nyde scyle, and he +tonne sona
r+ade embe +ta bote and gewylde hine geornlice to +dam,
+te his +tearf sy, huru un+tances, gif he elles
ne m+age.
<P 50>
<R 18>
And do, swa him +tearf is, cl+ansige his +teode for Gode and
for worulde, gif he Godes mildse geearnian
wille.
<R 19>
And smeage gelome, hw+at him sy to donne and hw+at to forganne
after Godes rihte.
<R 20>
And +tanan him sceal swy+dost +afre arisan word and
weor+dscipe +ag+der ge on life ge +after life, +t+at he
Godes riht lufie and unriht ascunie and godcunde lare georne
gehyre oft and gelome him sylfum to +tearfe.
<P 51>
<R 21>
For+tam sona unstranga+d, se +te lytel hafa+d lichamlices
fostres, and se +de seldan hafa+d gastlicne foster,
sona hit his sawle dera+d swi+de +tearle.
<R 22>
Ac se by+d ges+alig, +te godcunde lare oftost gehyre+d and
geornlicast healde+t.
<P 52>
<R 23>
[}BE CYNEDOME.}]
Eahta sweras syndon, +te rihtlicne cynedom trumlice upwega+d.
<R 24>
So+df+astnys, Mod+tw+arnes, Rumheortnes, R+adf+astnes,
(\Ueritas, Patientia, Largitas, Persuasibilitas,\)
Egesfulnes, Fyr+dringnes, Lihtingnes, Rihtwisnes, (\Correctio
malorum, Exultatio bonorum, Leuitas tributi,
Equitas iudicii\) .
<P 53>
<R 25>
And seofon +ting [{gedafenia+d{] rihtwisum cyninge.
<R 26>
An +arest, +t+at he swy+de micelne Godes ege h+abbe, and
o+der, +t+at he +afre rihtwisnesse lufige.
<R 27>
And +dridde, +t+at he eadmod sy wi+d gode, and feor+de, +t+at
he sti+dmod sy wi+d yfele.
<P 54>
<R 28>
And fifte, +t+at he Godes +tearfum frefrige and fede.
<R 29>
And syxte, +t+at he Godes cyrcan fyr+drige and fri+dige.
<R 30>
And seofo+de, +t+at he be freondan and be fremdan fadige
gelice on rihtlican dome.
<P 55>
<R 31>
[}BE CYNESTOLE.}]
+alc riht cynestol stent on +trym stapelum, +te fullice ariht
stent.
<R 32>
An is (\Oratores\) , and o+der is (\Laboratores\) , and 
+dridde is (\Bellatores\) .
<R 33>
(\Oratores\) sindon gebedmen, +te Gode sculan +teowian and 
d+ages and nihtes for ealne +teodscipe +tingian georne.
<P 56>
<R 34>
(\Laboratores\) sindon weorcmen, +te tilian sculon, +t+as 
+de eall +teodscype big sceall libban.
<R 35>
(\Bellatores\) syndon wigmen, +te eard sculon werian wiglice 
mid w+apnum.
<R 36>
On +tyssum +drym stapelum sceall +alc cynestol standan mid
rihte on cristenre +teode.
<P 57>
<R 37>
And awacie heora +anig, sona se stol scylf+d, and fulberste
heora +anig, +tonne hrys+d se stol ny+der, and
+t+at wyr+d +t+are +teode eall to un+tearfe.
<R 38>
Ac sta+telige man and strangie and trumme hi georne mid
wislicre Godes lare and mid rihtlicre woruldlage,
+t+at wyr+d +tam +teodscype to langsuman r+ade.
<P 58>
<R 39>
And so+d is, +t+at ic secge, awacie se cristendom, sona
scylf+d se cynedom, and ar+are man unlaga ahwar
on lande o+d+de unsida lufige ahwar to swi+de, +t+at cym+d
+t+are +teode eall to un+tearfe.
<R 40>
Ac do man, swa hit +tearf is, alecge man unriht and r+are up
Godes riht, +t+at m+ag to +tearfe for Gode and
for worulde, Amen.
<P 62>
<R 41>
[}BE +DEODWITAN.}]
Cyningan and bisceopan, eorlan and heretogan, gerefan and
deman, larwitan and lahwitan gedafena+d mid
rihte for Gode and for worulde, +t+at hi anr+ade weor+dan
and Godes riht lufian.
<R 42>
And bisceopas syndon bydelas and Godes lage lareowas, and hi
sculan [{riht{] bodian and unriht forbeodan,
and se +te oferhogige, +t+at he heom hlyste, h+abbe him
gem+ane +t+at wi+d God sylfne.
<P 63>
<R 43>
And gif bisceopas forgyma+d, +t+at hi synna ne styra+d ne
unriht forbeoda+t ne Godes riht ne cy+ta+d, ac clumia+d
mid ceaflum, +t+ar hi sceoldan clypian, wa heom +t+are
swigean.
<R 44>
Be +tam spr+ac se witega and grimlice +tus cw+a+d.
<R 45>
(\Hec dicit dominus, Si non adnuntiaueris iniquo iniquitatem
suam, sanguinem eius de manu tua requiram\) .
<R 46>
Gif +tu +tam synfullan nelt cw+a+d ure drihten synna gestyran
and unriht forbeoden and +dam manfullan mand+ada
cy+dan, +tu scealt +ta sawle bitere forgyldan.
<P 64>
<R 47>
+dis m+ag to heorthoge +aghwylcum bisceope be+tence hine
georne be +tam, +te he wylle.
<R 48>
And se +te nele Godes bodan hyran mid rihte ne godcundre lare
gyman, swa he sceolde, he sceall hyran
feondan, gyf he nele freondan.
<R 49>
For+tam se bi+d Godes oferhoga, +te Godes bodan oferhoga+d,
ealswa Crist sylf on his godspelle swytolice
s+ade, +ta +ta he +tus cw+a+d.
<R 50>
(\Qui uos audit, me audit et qui uos spernit, me spernit\) , He
cw+a+d, se +de eow hyre+d me gehyre+d, and
se +te forhoga+d eow, me he forhoga+d.
<P 65>
<R 51>
Eala, sw+ar is seo byr+den, +te Godes bydel beran sceall, gif
he nele georne unriht forbeoden.
<R 52>
For+dam +teh he sylf tela do and o+der man misdo, +t+at him
sceall gederian, and gif he nele styran.
<R 53>
And +teh Godes bydel misdo, ne beseo man na +t+arto, ac gyme
his lare, gif he tela l+are, swa swa Crist
l+arde, +t+at man don sceolde, +ta +ta he on his godspelle
swutolice +tus cw+a+d.
<R 54>
(\Que hi dicunt, facite, que autem faciunt, facere nolite,\)
He cw+a+d, fylia+d heora larum and na heora
synnum.
<P 66>
<R 55>
Ne sceal +anig man +afre for bisceopes synnum hine sylfne
forgyman, ac fylige his lare, gif he wel l+are.
<R 56>
And la, leofan men, do+d, swa ic bidde, butan gebelge,
hlysta+d, hw+at ic secge.
<R 57>
Ic wat swy+de georne me sylfne forworhtne wordes and d+ade
ealles to swy+de, ne dear +teah for forswygian
mid ealle Godes ege fela +tara +tinga, +te dere+d +tisse
+teode.
<P 67>
<R 58>
[} (\ITEM DE EPISCOPIS.\) }]
Bisceopas sculan bocum and gebedum
fyligean and d+ages and nihtes oft and gelome
clypian to Criste and for eall cristen folc +tingian georne.
<R 59>
And hi sceolan leornian and rihtlice l+aran and ymb folces
d+ada geornlice smeagan.
<P 68>
<R 60>
And hi scylan bodian and bysnian georne godcunde +tearfe
cristenre +teode.
<R 61>
And ne scylan hyg +anig unriht willes ge+tafian ac to +alcan
rihte geornlice fylstan.
<R 62>
Hy sculan Godes ege habban on gemynde and ne eargian for
woruldege ealles to swy+de.
<P 69>
<R 63>
Ac bodian hy symle Godes riht georne and unriht forbeodan,
gyme, se +te wille.
<R 64>
For+dam wace bi+d se hyrde funden to heorde, +te nele +ta
heorde, +te he healdan sceal, huru mid clypunge
bewerian, butan he elles m+age, gif +t+ar hwylc +teodscea+ta
scea+tian onginne+t.
<P 70>
<R 65>
Nis nan swa yfel scea+ta, swa is deofol sylf; he bi+d aa ymbe
+t+at an hu he on manna sawlum m+ast gescea+tian
m+age.
<R 66>
+tonne motan +ta hyrdas beon swi+te wacore and geornlice
clypiende, +te wi+d +tone +teodscea+dan folce scylan
scyldan.
<P 71>
<R 67>
+t+at syndon bisceopas and m+assepreostas, +te godcunde heorde
gewarian and bewerian scylan mid wislican
laran, +t+at se wodfreca werewulf to swi+de ne toslite ne to
fela ne abite of godcundre heorde.
<R 68>
And se +te oferhogie, +t+at he heom lyste, h+abbe him gem+ane
+t+at wi+d God sylfne.
<P 72>
<R 69>
Eala, fela is swa+teah +t+ara +te hwonlice gyma+d and lythwon
recca+d embe boca beboda o+d+de bisceopa lara.
<R 70>
And eac emb+a bletsunga o+d+de unbletsunga leohtlice l+ata+d
and na understanda+t swa swa hy sceoldan, hw+at
Crist on his godspelle swutollice s+ade, +ta +ta he +tus
cw+a+t.
<P 73>
<R 71>
(\Qui uos audit, et reliqua, Et item, Quodcumque ligaueritis
et cetera. Et item, Quorum remiseritis
peccata, remittuntur eis et cetera. Alibi etiam
scriptum est, Quodcumque benedixeritis, et cetera.
Et psalmista terribiliter loquitur dicens, qui noluit
benedictionem, prolongabitur ab eo\) .
<P 74>
<R 75>
[{Swylc{] is to be+tencenne and wi+d Godes yrre to warnienne
symle.
<R 76>
Nu l+are we eac georne manna gehwylcne, +t+at he Godes larum
and his lagum fylgie, +tonne geearna+d he
him ece myrh+de.
<P 75>
<R 77>
[} (\ITEM.\) }]
Bisceopes d+agweorc, +d+at bi+d mid rihte his gebedu
+arest and +donne his bocweorc, r+ading o+d+don
rihting, lar o+d+don leornung.
<R 78>
And his cyrictida on rihtlicne timan a be +tam +tingum, +te
+t+arto gebyrige.
<R 79>
And +tearfena fot+tweal and his +almesgedal and weorcwisung,
be +dam +te hit neod sy.
<P 76>
<R 80>
Eac him gerisa+d handcr+aftas gode, and +t+at man on his
hirede cr+aftas begange, huru +t+at +d+ar +anig to idel
ne wunige.
<R 81>
And eac him geris+d wel, +t+at he on gemote oft and gelome
godcunde lare d+ale +tam folce, +te he +tonne mid
sy.
<P 77>
<R 82>
[} (\ITEM.\) }]
A gerist bisceopum wisdom and w+arscype and +t+at
+ta habban weor+dlice wisan, +ta +ta heom fylian,
and +t+at hy sundorcr+afta sumne eac [{cunnen{] .
<R 83>
Ne gerise+d +anig unnytt +afre mid bisceopum, ne doll ne dysig
ne to oferdruncen ne cildsung on sp+ace
ne idel gegaf on +anig wisan ne +at ham ne on si+de ne on
+anigre stowe.
<R 84>
Ac wisdom and w+arscipe gedafenia+d heora hade, and gedrih+ta
gerisa+t +tam, +de heom fylia+d.
<P 78>
<R 85>
[}BE EORLUM.}]
Eorlas and heretogan and +das worulddeman and eac swa gerefan
agan nyd+tearfe, +t+at hi riht lufian for
Gode and for worulde.
<R 86>
And nahwar +turh undom for feo ne for freondscype forgyman
heora wisdom, swa +t+at hi wendan unriht to
rihte o+d+ton undom deman earmum to hyn+te.
<P 79>
<R 87>
Ac a hy sculan cyrican ofer ealle o+dre +ting wyr+dian and
werian, and wudewan and steopcild hy sculon
retan, +tearfena helpan and +teowetlingan beorgan, gif hi
Godes willan rihte willa+d wyrcan.
<R 88>
And +teofas and +deodscea+dan hy scylan hatian and ryperas
and reaferas hy sculan hynan, butan hy geswican.
<R 89>
And symle hy sculon unriht swy+de ascunian.
<P 80>
<R 90>
For+tam so+d is, +t+at ic secge, gelyfe, se +te wille.
<R 91>
Wa +tam, +te woh drif+d ealles to lange, butan he geswice;
witodlice he sceall drefan dimne and deopne
hellewites grund, helpes bed+aled.
<R 92>
Ac to lyt is +tara +te +t+at understanda, swa swa man sceolde,
ac God hit gebete.
<R 93>
Ac do freonda gehwylc, eallswa hit +tearf is, warnige hine
georne and beorge him sylfum, +t+at he God
ne abelge ealles to swy+de, ac cweme his drihtne mid rihtlicre
d+ade.
<P 81>
<R 94>
[}BE GEREFAN.}]
Riht is, +d+at gerefan geornlice tylian and symle heora
hlafordan strynan mid rihte.
<R 95>
Ac nu hit is geworden ealles to swy+de, sy+d+dan Eadgar
geendode, swa swa God wolde, +t+at ma is +t+ara rypera
+tonne rihtwisra, and is earmlic +ding, +t+at +da syndon
ryperas, +te sceoldan beon hyrdas cristenes
folces.
<R 96>
Hy rypa+d +ta earman butan +alcere scylde o+dre hwile and
hyna+d +ta heorde, +te hi sceoldan healdan, and
mid yfelan holan earme men beswica+d.
<P 82>
<R 97>
And unlaga r+ara+d on +aghwylce wisan earmum to hyn+te and
wydewan bestrypa+d oft and gelome.
<R 98>
Ac hwilum man ceas wislice +ta men on +teode folce to hyrdum,
+te noldan for woruldsceame ne ne dorstan
for Godes ege +anig +ding swician ne strynan on unriht, ac
stryndan mid rihte.
<R 99>
And sy+d+dan hit man sohte be +tam ealra geornast, +te
nearwlicast cu+dan swician and befician and mid
leasbregdum earmum mannum derian and of unbealafullum ra+tost
feoh ger+acan.
<R 100>
Sy+d+dan man gremede God swy+de +tearle oft and gelome.
<R 101>
And wa +t+as gestreones +tam +te his m+ast hafa+t on unriht
gestryned, butan he geswice and +de deoppor gebete
for Gode and for worulde.
<P 85>
<R 102>
[}BE SACERDUM.}]
Sacerdas sculan on heora scriftscirum wislice and w+arlice
l+adan and l+aran +ta godcundan heorda, +te hi
healdan sculan.
<R 103>
+ag+der hi sculan, ge wel bodian ge wel bysnian o+drum mannum.
<P 87>
<R 104>
And +ag+der hi scylon +at Godes dome gescead agyldan, ge
heora sylfra d+ada ge ealles +t+as folces, +te hi
to Godes handa healdan sceolan.
<R 105>
And gyf hi aht gedon scylon, ne magon hi wandian na+ter ne for
ege ne for lufe +aniges mannes, +t+at hi
riht ne bodian and unriht forbeodan.
<P 89>
<R 106>
Wace by+d se hyrde +at falde nyt, +te nele +ta heorde, +te he
healden sceal, midhreame bewerian, butan
he elles m+age, gif +t+ar hwylc +teodscea+da scea+dian
onginne+d.
<R 107>
Nys nan swa yfel scea+da, swa is deofol sylf, he bi+d aa embe
+t+at an, hu he on manna sawlum m+ast gescea+tian
m+age.
<R 108>
+tonne motan +ta hyrdas beon swy+de wacore and georne
clypiende, +te wi+d +tone +teodscea+tan [{folce{] gescyldan
sculan.
<R 109>
+t+at syndon bisceopas and m+assepreostas, +te godcunde heorde
gewarian and bewerian sculon mid wislicre
lare.
<P 91>
<R 110>
+dy he ne m+ag wandian, gyf he him sylfum gebeorgan sceall,
na+tor ne for lufe ne for ege, +t+at he mannum
+t+at rihtteste ne secge.
<R 111>
Ne m+ag he wandian na+dor ne for heanum ne for ricum, for+dam
ne de+t he naht, eargie he o+d+ton hine forsceamige,
riht to spreconne.
<P 93>
<R 112>
Earme gef+are+d he, gif +turh his hnescnysse seo heord
forwur+d, +te he healdan sceall, and he sylf for+d
mid.
<R 113>
+deah ure heorda hwylc an sceap forgyme, we willa+d, +t+at he
hit forgylde.
<R 114>
And [{hw+at{] gefara+d +tonne +at Godes egeslican dome +ta
hyrdas, +te ne cunnon gehealdon +ta godcundan heorde,
+te Crist mid his agenum life gebohte, and +te hi healdon
sceoldan, gif hi cu+dan?
<P 95>
<R 115>
Ac na+tor +turh larleaste hi ne cunnon ne l+adan, ne l+aran,
ne lacnian hi rihtlice.
<R 116>
Mid hwam wene we, forgylda+d hi hi +tonne?
<R 117>
Wa heom +tonne, +t+at hi +afre underfengon, +t+at hi
gehealdon ne cu+don.
<R 118>
La, hu m+ag blind man o+derne l+adan; Hu m+ag unl+ared
[{dema{] o+derne l+aran?
<P 97>
<R 119>
Wa +tam witodlice, +te godcunde heorde underfeh+d and na+ter
gehealdan ne can, ne hine sylfne ne +ta heorde,
+te he healdan sceolde, and wyrs +tam, +te can and nele.
<R 120>
Eala, eala, fela is +t+ara, +te sacerdhades on unriht gyrna+d,
swa hit +tincan m+ag, swy+dost for idelum gylpe
and for gitsunge woruldgestreona, and ne cunnon na, +t+at
hy cunnon sceoldan.
<P 99>
<R 121>
Be +tam cw+a+d se witega and +dus cw+a+d, (\Ue sacerdotibus
qui comedunt peccata populi et reliqua.\) Wa +tam
sacerdum, he cw+a+d, +te freta+d and forswelga+d folces
synna.
<R 123>
+t+at syndon +ta, +de nella+d o+d+de ne cunnon o+d+don ne
durron folc wi+d synna gewarnian and synna gestyran,
ac gyrna+d +teah heora sceatta on teo+tungum and on eallum
cyricgerihtum.
<R 124>
And na+dor ne hi mid bysnungum wel ne l+ada+d, ne mid bodungum
wel ne l+ara+d, ne mid d+adbotum wel ne lacnia+d,
ne mid gebedr+adenne fore ne +tingia+d.
<P 101>
<R 125>
Ac l+acca+d of manna begeatum, loc hw+at hi gefon magan,
eallswa gyfre hremnas of holde do+d, +t+ar +t+ar
hi to magon.
<R 126>
Hit is ealles +te wyrse, sy+d+dan hy hit ealles habba+d,
+tonne ne ateo+d hi hit na, swa swa hi sceoldan,
ac glencga+d heora wif mid +tam, +te hi weofoda sceoldan.
<R 127>
And macia+d eall heom sylfum to woruldwlence and to idelre
rence, +t+at hi Gode sceoldan don to weor+dunge
on cyriclicum +tingum o+d+don on earmra manna hy+d+dum
o+d+don on [{hernumenra{] bygenum.
<P 103>
<R 128>
O+d+don on sumum +tingum +te mihte to langsumere +dearfe
+ag+der ge heom sylfum ge eac +tam, +te heom on Godes
est heora +ting sylla+d.
<R 129>
+tonne is mycel +tearf, +t+at se +te +ar +dissum misdyde,
+t+at he heononfor+d hit georne gebete.
<P 104>
<R 130>
For+dam understande, se +te cunne, mycel is and m+are, +t+at
sacerd ah to donne folce to +tearfe, gif he
his drihtne gecwem+d mid rihte.
<R 131>
Mycel is seo halsung and m+are is seo halgung, +te deofla
afyrsa+d and on fleame gebringa+d, swa oft swa
man fulla+d o+d+ton husel halga+d.
<R 132>
And englas +t+ar hwearfia+d and +da d+ada beweardia+d and
+durh Godes mihta +tam sacerdum fylsta+d, swa oft
swa hi Criste +tenia+d mid rihte.
<P 105>
<R 133>
And swa hi do+d symle, swa oft swa hi geornlice inneweardre
heortan clypia+d to Criste and for folces
neode +tingia+d georne.
<R 134>
And +ti man sceall for Godes ege m+a+te on hade gecnawan mid
gesceade.
<P 106>
<R 135>
La leof, deope us is beboden +t+at we geornlice mynegian and
l+aran scylan, +t+at manna gehwylc to Gode
buge and fram synnum gecyrre.
<R 136>
Se cwyde is swy+de egeslic, +te God +turh +tone witegan be
+tam cw+a+d, +te Godes folce riht bodian sculon,
+t+at syndon bisceopas and m+assepreostas.
<R 137>
He cw+a+d be +tam, (\Clama, ne cesses, quasi tuba et
reliqua\) , Clypa hlude and ahefe up +dine stemne swa
hlude swa byme and gecy+d minum folce, +t+at hit fram synnum
gecyrre.
<P 107>
<R 138>
Gif +du +tonne +t+at ne dest, ac forswugast hit and nelt folce
his +tearfe gecy+dan, +tonne scealt +du ealra
+t+ara sawla on domesd+ag gescead agyldan, +te +turh +t+at
losia+d, +te hi nabba+d +ta lare and +da mynegunge,
+te hi be+torftan.
<R 139>
+tes cwyde m+ag beon swy+de gemyndelic eallum +tam, +te to
+dam gesette syn, +t+at hi Godes folce riht bodian
sculan.
<R 140>
And folc ah eac mycele +tearfe, +t+at hi w+are beon +t+as
cwydes +te +t+ar+after gecweden is; he cw+a+d, se witega,
+after +tam.
<R 141>
Gif +du folce riht bodast and +du hit gebigean ne miht to
rihte, +tonne gebyrhst +du +teh +tinre agenre sawle
and se +te woh drif+d and geswican nele, he sceal habban
+t+as ece wite.
<P 108>
<R 142>
+t+at is, +t+at hi +tonne sceolan to helle faran mid sawle
and mid lichoman and mit deofle wunian on hellewitum.
<R 143>
Wa +tam, +te +t+ar sceall wunian on witum; him w+are betere,
+t+at he n+afre on weorulde man ne gewurde, +tonne
he gewurde.
<R 144>
Nis se man on life, +te areccan m+age ealle +ta yrm+da, +te se
gebidan sceall, se +de on +ta witu ealles behreose+d,
and hit is ealles +te wyrse, +te his +anig ende ne
cym+d n+afre to worulde.
<P 109>
<R 145>
[}BE GEHADEDUM MANNUM.}]
<P 110>
Gehadedum mannum gebyre+d +alc cl+annes, for+dam +te hi sculon
eallum o+drum mannum +alce uncl+annesse forbeodan;
and +alce cl+anesse, gif hi riht do+d, hi sculon be
heom sylfum geornost gebysnian.
<P 111>
<R 146>
+tonne is hit swy+te egeslic, +t+at +da +te sceoldan eallum
cristenum mannum riht bodian and eac wel bysnian,
+t+at hi syn sume gewordene bysen to forwyrde swy+dor
+tonne to +tearfe.
<R 147>
+t+at syndon +ta +awbrecan, +te +turh healicne had ciric+awe
underfengan and sy+d+dan +t+at abr+acan.
<P 112>
<R 148>
Nis nanum weofod+tene alyfed, +t+at he wifian mote, ac is
+alcum forboden.
<R 149>
Nu is +teah +t+ara ealles to fela, +te +tone +awbryce wyrca+d
and geworht habba+d.
<P 113>
<R 150>
Ac ic bidde for Godes lufan and eac eornostlice beode, +t+at
man +t+as geswice.
<R 151>
L+awedum men is +alc wif forboden, butan his riht+awe,
gehadode syndon sume swa +turh deofol beswicene,
+t+at hi wifia+d on unriht and forwyrca+d hi sylfe +turh
+done +awbryce, +te hi on wunia+d.
<P 114>
<R 152>
Ac ic bidde georne, +t+at man +t+as mor+des heononfor+d georne
geswice.
<R 153>
Cyrice is sacerdes [{+awe{] .
<P 115>
<R 154>
Constantinus, se m+ara casere, gesamnode swy+de mycelne sino+d
on +t+are ceastre Nicea for trymmincge rihtes
geleafan.
<P 116>
<R 155>
On +dam sino+de w+aron CCC and XVIII biscopa of
manegum leodscipum gegaderode, and hi +t+ar geswuteloden
rihtne geleafan.
<R 156>
And gesettan +ta +t+as to swutelunge +tone m+assancredan, +te
man wide sing+d, and cyric+tenunga heo f+agere
gedihtan and m+anige o+dre +ting +ag+ter ge be Godes +teowum
ge be Gode sylfum.
<R 157>
Hy cw+adon +t+ar ealle anr+adlice, +t+at hit riht w+are, gif
weofod+ten, +t+at is biscop o+d+de m+assepreost o+d+de
diacon, gewifode, +t+at he +tolode +afre his hades and
amansumod wurde, butan he geswice and +de deoppor
gebete.
<P 118>
<R 158>
Feower syno+das w+aron gesamnode for rihtan geleafan ymbe +ta
halgan +trynnysse and ymbe Cristes menniscnesse.
<R 159>
Se forma w+as on Nicea and se o+der w+as sy+d+dan on
Constantinopolim, +t+ar w+aron CL biscopa.
<R 160>
Se +dridda w+as on Effesum, CC biscopa, and se feor+da
w+as on Calcedonea, fela biscopa +atg+adere.
<P 119>
<R 161>
And ealle hi w+aron anr+ade +at eallum +tam +dingum, +te man
on fruman on Nicea gesette, and ealle hi forbudon
+afre +alc wiflac weofod+tenum.
<R 162>
+dencan +da nu, +te to +tam +dryste syn, +t+at hi God
oferseo+d and swa maniges haliges mannes dom, swa on
+tissum sino+dum gesamnode w+aron and gehw+ar sy+d+don,
hwylces leanes hy hym wenan magon and eac wenan ne
+turfon.
<R 163>
Ac gewitod witan, +t+at hi yfel lean habban sculon and
grimlice Godes graman +turh +t+at, +te hy swa God
gremia+d, +t+at hi eall heora lif libba+d on fyl+de.
<P 120>
<R 164>
Weofod+tenas ic bidde, +t+at hi be+dencan hi sylfe and
geswican +alcere fyl+de.
<R 165>
And +ta, +te +ar +tyssan +tone ungewunan h+afdon, +t+at hi
heora wif glengdan, swa hi weofoda sceoldan, geswican
+t+as ungewunon and glencgan heora cyrican, be +tam +te
hi betst magon, +tonne wealda+d hy heom sylfum
+ag+der ge godcundes r+ades ge woruldcundes weor+dscypes.
<R 166>
Nis preostes cwene +anig o+der +ting butan deofles grin, and
se +de mid +tam gegrinod by+d for+d o+t his ende,
he by+d +turh deofol f+aste gefangen, and he eac sy+d+ton
mot faran on feonda hand and forfaran mid
ealle.
<P 121>
<R 167>
Ac helpe gehwa georne hys sylfes +ta hwile, +te he mage and
mote, and gebuge +alc man fram unrihte to
rihte, +tonne gebyrh+d man wi+d ece wite.
<R 168>
And eac se, +te +turhwuna+d on godum d+adum for+d o+d his
ende, he +t+as habban sceal ece edlean.
<R 169>
Nu eow is so+d as+ad, understanda+t eow sylfe be +dam, +te ge
willan; God eow getrymme to eowre agenre +tearfe
and us ealle gehealde, swa his wylla sy, Amen.
<P 122>
<R 170>
[}BE ABODDUM.}]
Riht is +t+at abbodas and huru abbadissan f+aste on mynstrum
singallice wunian and georne heora heorda
symle begyman and aa heom wel bysenian and rihtlice bodian.
<R 171>
And n+afre ymbe woruldcara ne idele pryda ne carian to swy+te
ne ealles to gelome, ac oftost hi abysgian
mid godcundan neodan.
<R 172>
Swa gebyre+d abbodan and munuchades mannum.
<P 123>
<R 173>
[}BE MUNECUM.}]
Riht is +t+at munecas beon d+ages and nihtes inweardre heortan
a to Gode +tencan and geornlice clypian
and mid eallum eadmedum regollice libban.
<R 174>
And hy symle asyndrian fram woruldbysegan, swa hi geornost
magan, and don, swa heom +dearf is, carian
+afre, hu hi swy+dost magan Gode gecweman.
<P 124>
<R 175>
And eall +t+at gel+astan, +t+at +t+at hi behetan, +ta hi had
underfengon.
<R 176>
Fylian heora bocum and gebedum georne, leornian and l+aran,
swa hi geornost magon, and +aghwylce wlence
and idele rence and syndrige +ahte and unnytte d+ade and
untidsp+ace forhogian mid ealle.
<R 177>
Swa gebyre+d munecum.
<P 125>
<R 178>
Ac hit is yfel so+d, swa hit +tincan m+ag, +t+at sume synd to
wlance and ealles to rance and to widscri+tole
and to unnytte and ealles to idele +alcere godd+ade and to
mand+ade on dyrnlican galscype, inne aidlode
and ute awildode.
<R 179>
And sume syn apostatan +te sceoldan, gyf hi woldan, wesan
Godes cempan innan heora mynstran.
<R 180>
+t+at synd +ta [{earman{] +te hadas awurpan and on
woruld+tingan wunia+d mid synnan.
<P 126>
<R 181>
Eall hit f+are+d yfele ealles to wide; swa swy+de hit wyrsa+d
wide mid mannum, +t+at +t+as hades men, +te +turh
Godes ege hwylum w+aron nyttoste and geswincfulleste on
godcundan +teowdome and on boccr+afte, +ta syndon
nu wel for+d unnyttaste gewelhw+ar and ne swinca+t a
swi+de ymbe +anige +tearfe for Gode ne for worulde.
<R 182>
Ac macia+d eall be luste and be e+tnesse and lufia+d
oferwiste and idele blisse, woria+d and wandria+d
and ealne d+ag fleardia+d, spellia+d and spilia+d and n+anige
note dreoga+d.
<P 127>
<R 183>
+t+at is la+dlic lif, +t+at hi swa macia+d, eac hit is +te
wyrse, +te ealdras hit ne beta+d, ne sylfe swa wel
fara+d sumes, swa hi sceoldan.
<R 184>
Ac we agan neode +t+at we hit gebetan, swa we geornost magan,
and weor+dan anmode to gem+anelicre +tearfe
for Gode and for worulde.
<P 128>
<R 185>
[}BE MYNECENAN.}]
Riht is +t+at mynecena mynsterlice macian, efne swa we cw+adon
+aror be munecan, and ne towettan woruldmannum
ne +anige sundorcy+d+de to heom habban ealles to
swy+de, ac a regolice libban and hi symle asyndrian
fram woruldbysegan, swa hi geornost magan.
<P 129>
<R 186>
[}BE PREOSTAN AND BE NUNNAN.}]
Riht is, +d+at preostas and efen wel nunnan regollice libban
and cl+annysse healdan be +tam, +te hi willan
on mynstran gewunian o+d+don for worulde weor+dscypes
wealdan.
<P 130>
<R 187>
[}BE L+AWEDUM MANNUM.}]
Riht is, +d+at gehadode men l+awede wissian, hu hi heora +awe
rihtlicost sculon healdan.
<R 188>
+t+at bi+d rihtlic lif, +t+at cniht +turhwunige on his
cnihthade, o+d+t+at he on rihtre m+aden+awe gewifige, and
h+abbe +ta sy+d+dan and n+anige o+dre, +ta hwile +te seo
libbe.
<P 132>
<R 189>
Gif hire +tonne for+dsi+d gebyrige, +tonne is rihtost, +t+at
he +tananfor+d [{wydewa{] +turhwunige.
<R 190>
+deah be +d+as apostoles leafe l+awede man mot for neode o+dre
si+de wifian.
<R 191>
Ac +ta canones forbeoda+t +ta bletsunge +t+arto, +te to
frumwifunge gesette syn.
<R 192>
And eac is geset d+adbot swylcum mannum to donne.
<R 193>
And preoste is forboden, +t+at he beon ne mot, on +dam wisan,
+te he +ar w+as, +at +tam brydlacum, +t+ar man
eft wifa+d, ne +ta bletsunge don, +te to frumwifunge gebyra+d.
<P 134>
<R 194>
Be +tam man m+ag witan, +t+at hit eallunga riht nis, +t+at wer
wifige o+d+ton wif ceorlige oftor +tonne +ane.
<R 195>
And huru hit by+d to m+anigfeald, gewyr+de hit +triddan si+de,
and mid ealle misdon, gewyr+de hit oftor.
<R 196>
And +teah l+awedum mannum wif sy alyfed, +teah hi agon
+tearfe, +t+at hi understandan, hu hit is alyfed.
<R 197>
Nagon l+awede men freolstidum ne f+astentidum +turh
h+amed+ding wifes gemanan, +te ma +te heahhades men +t+at
+ding agan +anigum timan.
<P 136>
<R 198>
[}BE WUDEWAN.}]
Riht is, +d+at wydewan Annan bysenan geornlice fylian.
<R 199>
Seo w+as on temple d+ages and nihtes +teowiende georne.
<P 137>
<R 200>
Heo f+aste swy+de +tearle and gebedum fyligde and
geomeriendum mode clypode to Criste and +almessan d+alde
oft and gelome.
<R 201>
And aa Gode gecwemde +t+as +de heo mihte wordes and d+ade and
h+af+d nu to edleane heofonlice myrh+de.
<R 202>
Swa sceall god wydewe hyran hyre drihtne.
<P 138>
<R 203>
[}BE CYRICAN.}]
Riht is, +d+at cristene men cristendom georne healdan mid
rihte and Cristes cyrican +aghw+ar geornlice
weor+tian and werian.
<R 204>
Ealle we habba+d +anne heofonlicne f+ader and ane gastlice
modor, seo is (\ecclesia\) genamod, +t+at is Godes
cyrce, and [{+ta{] we sculon +afre lufian and weor+dian.
<P 140>
<R 205>
And riht is, +t+at +alc cyrice sy on Godes gri+de and on
ealles cristenes folces, and +t+at cyricgri+d stande
+aghw+ar binnan wagum and gehalgodes cynincges handgri+d
efen unwemme.
<R 206>
For+dam +alc cyricgri+d is Cristes agen gri+d, and +alc
cristen man ah mycle +tearfe, +t+at he on +tam gri+de
mycle m+a+te wite.
<P 142>
<R 207>
For+dam +alces cristenes mannes nyd+tearf is, +t+at he Godes
cyrican georne lufige and weor+dige and hi gelomlice
[{and{] geornlice sece him sylfum to +dearfe.
<R 208>
And huru gehadode +t+ar sculon oftost +deowian and +denian and
for eall cristen folc +dingian georne.
<R 209>
+tonne agan weofod+denas to smeagenne symble, +t+at hi
huru+dinga heora lif fadian, swa swa to cyrcan gebyrige
mid rihte.
<P 144>
<R 210>
Cyrice is mid rihte sacerdes +awe, and se +de to cyrican
weor+de gehadod, nage hine +anig man, +de Godes
lage recce, +tanon to donne, butan he [{hi{] mid heafodgylte
fullice forwyrce.
<R 211>
And +donne sceall Cristes scirgerefa +t+at witan and ymbe
+t+at dihtan and deman, swa swa bec t+acan.
<P 146>
<R 212>
And ne sceolde man +afre cyrican derian ne +anig woh beodan on
+anige wisan.
<R 213>
Ac nu syndon +teah cyrcan wide and side wace gegri+dode and
yfele ge+deowode and cl+ane berypte ealdra
gerihta and innan bestrypte +alcera gerisena.
<P 148>
<R 214>
And cyric+tenas syndon [{m+a+de{] and munde gewelhw+ar
bed+alde.
<R 215>
And wa +tam, +te +d+as wealt, +teh he swa ne wene.
<R 216>
For+dam +alc +dara by+d witodlice Godes sylfes feond, +te by+d
Godes cyricena feond and +de Godes cyricena
riht wana+d o+d+ton wyrde+t, ealswa hit awriten is.
<R 217>
(\Inimicus enim Christi efficitur omnis, qui ecclesiasticas
res usurpare iniuste conatur, et reliqua\) .
<P 150>
<R 218>
And egeslice spr+ac sanctus Gregorius be +dam eac, +ta +da he
+tus cw+a+d.
<R 219>
(\Si quis ecclesiam Christi denudauerit uel sanctimonia
uiolauerit, anathema sit. Ad quod respondentes
omnes dixerunt, amen\) . Mycel is neod+tearf manna
gehwilcon, +t+at he wi+d +tas +dinc beorge him georne,
and +aghwylc Godes freond warnige hine symble +t+at he
Cristes bryde to swy+de ne misbeode.
<P 152>
<R 221>
Ealle we sculon +anne God lufian and weor+dian and +anne
cristendom georne healdan and +alcne h+a+tendom
mid ealre mihte awyrpan.
<R 222>
And utan +anne cynehlaford holdlice healdan, and freonda
gehwylc o+derne healde mid rihtan getryw+dan.
<P 154>
<R 223>
[}BE EALLUM CRISTENUM MANNUM.}]
Riht is, +d+at ealle cristene men heora cristendom rihtlice
healdan and +dam life libban, +te heom to gebyra+d
+after Godes rihte and +after woruldgerysenum.
<R 224>
And heora wisan ealle be +tam +dingan geornlice fadian, +te
+da wisian, +de hy wislice and w+arlice wisian
cunnon.
<P 156>
<R 225>
And +t+at is +tonne +arest r+ada fyrmest, +t+at manna gehwylc
ofer ealle o+dre +tinc +anne God lufige and +anne
geleafan anr+adlice h+abbe on +d+ane, +te us ealle +arest
geworhte and mid deorwyr+dum ceape eft us gebohte.
<P 158>
<R 226>
And eac we agan +tearfe, +t+at we geornlice smeagan, hu we
symble magan Godes agene beboda rihtlicost
healdan and eall +t+at gel+astan, +t+at +t+at we behetan, +ta
we fulluht underfengon o+d+ton +ta +te +at fulluhte
ure forespr+acon w+aron.
<R 227>
+d+at is +donne +arest, +t+at +t+at man behate+t, +tonne man
fulluhtes gyrn+d, +t+at man a wile deofol ascunian
and his unlare georne forbugan and ealle his unlaga symble
awyrpan and ecelice wi+dsacan [{ealles{] his
gemanan.
<P 160>
<R 228>
And manisi+des sona +t+arafter mid rihtan geleafan so+dlice
swytela+d, +t+at man +tananfor+d aa wile on +anne
God +afre gelyfan and ofer ealle o+dre +ting hine a lufian
and +afre his larum geornlice fylgean and his
agene beboda rihtlice healdan.
<R 229>
And +tonne bi+d +t+at fulluht, swylce hit wedd sy ealra
+t+ara worda and ealles +d+as behates, gehealde, se
+de wille.
<P 162>
<R 230>
And so+d is, +t+at ic [^JOST: is^] secge, englas beweardia+d
+tananfor+d
+afre manna gehwylcne, hu he gel+aste +after his
fulluhte, +t+at man behet +ar, +ta man fulluhtes gyrnde.
<R 231>
Utan +t+at ge+dencan oft and gelome and georne gel+astan,
+t+at +t+at we behetan, +ta we fulluht underfengan
ealswa us +tearf is.
<R 232>
And utan word and weorc rihtlice fadian and ure inge+danc
cl+ansian georne and a+d and wedd werlice healdan.
<P 164>
<R 233>
And gelome understandan +tone mycclan dom, +te we ealle to
scylon.
<R 234>
And beorgan us georne wi+d +tone weallendan bryne hellewites,
and geearnian us +da m+ar+da and +da myrh+da,
+de God h+af+d gegearwod +tam +de his willan on worulde
gewyrca+d, Amen.



