<B COKENTIS>
<Q OX/3 XX XX KHYMN>
<N KENTISH HYMN>
<A X>
<C OX/3>
<O X>
<M 950-1050>
<K NON-CONTEMP>
<D WS/K>
<V VERSE>
<T X>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>
<S SAMPLE X>


[^TEXT:  THE KENTISH HYMN.
THE ANGLO-SAXON MINOR POEMS.
THE ANGLO-SAXON POETIC RECORDS, VI.
ED. E. V. K. DOBBIE.
NEW YORK: COLUMBIA UNIVERSITY PRESS, 1942.
PP. 87.1 - 88.43

TEXT:  THE KENTISH PSALM.
Idem.
PP. 88.1 - 94.157^]

[^A25^]
<P 87>
[} [\THE KENTISH HYMN\] }]
<R 1>
Wuton wuldrian weorada dryhten halgan hlio+dorcwidum,
hiofenrices weard, lufian liofwendum, lif+es agend, 
and him simle sio sigef+est wuldor  uppe mid [{+anglum{] ,
and on eor+dan sibb gumena gehwilcum goodes willan.
<R 7>
We +de heria+d halgum stefnum and +te bl+atsia+d, [{bilewit{]
f+eder, and +de +tancia+d, +tioda walden, +dines weor+dlican 
wuldordreames and [{+dinra{] miclan m+agena gerena,
+de +du, god dryhten, gastes m+ahtum hafest on
gewealdum hiofen and eor+dan, an ece f+eder, +almehtig god.
<R 15>
+du eart cyninga cyningc cwicera gehwilces, +du eart sigefest
sunu and so+d h+elend ofer ealle gesc+eft angla and manna.
<R 18>
+du, dryhten god, on dreamum wunast on +d+are upplican
+a+delan ceastre, frea folca gehw+as, swa +du +at fruman 
w+are efeneadig bearn agenum f+ader.
<R 22>
+du eart heofenlic lioht and +d+at halige lamb, +de [{+du{]
manscilde middangeardes for +tinre arf+estnesse ealle towurpe,
fiond gefl+amdest, follc generedes blode
gebohtest bearn [{Israela{] , 
<P 88>
+da +du ahofe +durh +d+at 
halige triow +dinre +drowunga +driostre senna, +t+at +du on
h+aahsetle heafena rices sitest sigehr+amig on 
+da swi+dran hand +dinum godf+ader, gasta gemyndig.
<R 32>
Mildsa nu, meahtig, manna cynne, and of leahtrum ales +dine
+da liofan gesc+eft, and us hale gedo, hele+da 
sceppend, ni+da nergend, for +dines naman are.
<R 36>
+du eart so+dlice simle halig, and +du eart ana +ace dryhten,
and +du ana bist eallra dema cwucra ge deadra, 
Crist [{nergende{] , for+dan +du on +drymme ricsast and on
+drinesse and on annesse, ealles waldend, hiofena 
heahcyninc, haliges gastes fegere gefelled in f+ader
wuldre.

<Q OX/3 XX XX KPS>
<N KENTISH PSALM>
<A X>
<C OX/3>
<O X>
<M 950-1050>
<K NON-CONTEMP>
<D WS/K>
<V VERSE>
<T X>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>

[^A26^]
<P 88>
[} [\PSALM 50\] }]
<R 1>
Dauid w+as haten diormod h+al+d, Israela br+ega, +a+del+a and
rice, cyninga cynost, Criste liofost.
<R 4>
W+as he under hiofenum hearpera m+arost +dara we an folcum
gefrigen h+abben.
<R 6>
Sangere he w+as so+df+astest, swi+de ge+dancol to +dingienne
+tiodum sinum wi+d +tane mildostan manna sceppend.
<R 9>
W+as se dryhtnes +diowa Dauid +at wige so+d sigecempa,
searocyne man, 
<P 89>
casere creaftig, +tonne cumbulgebrec on gewinndagum weor+dan
scoldan.
<R 13>
Hw+e+dere him geiode, swa ful oft gede+d +t+atte godferhte gylt
gefr+amma+d +turh lichaman lene ge+dohtas.
<R 16>
Gelamp +t+at him mon ansende saula neriend, witgan mid wordum,
weorada (\dominus\) , and secgan het, selfum 
gecy+dan ymb his womdeda waldendes doom, +t+at se fruma
w+are his feores sceldig, for +dam +te he Uriam
het aldre beneman, fromne ferdrinc fere beserode, and him
Bezabe brohte to wife for gitsunga, +te he 
godes eorre +turh his selfes weorc sona anfunde.
<R 26>
Him +da +dingode +tioda aldor, Dauid georne, and to dryhtne
geb+ad, and his synna hord selfa ontende, gyltas 
georne gode andhette, weoruda dryhtne, and +dus wordum
sp+ac: Miltsa +du me, meahta walden, nu +du 
wast manna ge+dohtas, help +du, h+alend min, handgeweorces
+tines anes, +almehtig god, efter +tinre [{+d+are{] 
miclan [{mildhiortnesse{] .
<R 35>
Ond eac efter menio miltsa +dinra, dryhten weoruda, adilga min
unriht to forgefenesse gaste minum.
<P 90>
<R 38>
A+dweah me of sennum, saule fram wammum, gasta sceppend,
geltas geclansa, +ta +de ic on aldre +afre gefremede 
+durh lichaman le+dre ge+dohtas.
<R 42>
For+dan ic unriht min eal [{oncnawe{] , and eac synna gehw+ar
selfum +at eagan, firendeda ge+drec beforan stande+d, 
scelda scina+d; forgef me, sceppen min, lifes
liohtfruma, +dinre lufan blisse.
<R 47>
Nu ic anum +de oft syngode, and yfela feola eac gefr+amede,
gelta gramhegdig, ic +de, gasta breogo, helende 
Crist, helpe bidde, +d+at me forgefene gastes wunde an
for+dgesceaft feran mote, +ty +dine wordcwidas 
weor+dan gefelde, +d+at +du ne wilnast weora +aniges
dea+d; ac +du synfulle simle l+ardes +d+at hio cerrende 
Criste herdon and hiom lif mid +de langsum beg+eton, swilce
+du +at dome, dryhten, [{oferswi+ddest{] ealra 
synna cynn, saula neriend.
<R 60>
Ic on unrihtum eac +dan in synnum geeacnod w+as.
<R 61>
+du +d+at ana wast, m+ahtig dryhten, hu me modor geb+ar in
scame and in sceldum; forgef me, sceppend min, 
+d+at ic fram +d+am synnum selfa gecerre, +ta [{+de{] mine
+aldran +ar geworhtan and ic selfa eac sio+d+dan beeode.
<P 91>
<R 67>
Ac +du, selua god, so+d an lufast; +ty ic +de mid benum biddan
wille lifes and lisse, liohtes aldor, for+dan 
+du me uncu+de eac +dan derne +tinre snetera hord selfa
ontendes.
<R 72>
+du me, meahtig god, milde and bli+de +turh ysopon ealne
ahluttra, +tonne ic gecl+ansod Criste hero, and
eac ofer snawe self scinende +tinre sibbe lufan sona gemete.
<R 77>
Ontyn nu, elmehtig, earna hleo+dor, +t+at min gehernes hehtful
weor+de on gefean bli+dse for+dweard to +de; 
+danne bio+d on wenne, waldend, simle +ta gebrocenan ban,
bilwit (\dominus\) , +da +te on h+an+dum +ar hwile w+aron.
<R 83>
Ahwerf nu fram synnum, saula neriend, and fram misdedum minra
gylta +tine ansione, +almeahtig god, and 
+durh miltsunga meahta +tinra +du unriht min eall adilga.
<R 88>
+ac +du, dryhten Crist, cl+ene hiortan in me, mehtig god,
modswi+dne ge+danc to +dolienne +dinne willan and 
to healdenne halige domas, and +du rihtne gast, rodera
waldend, in fer+de minum feste geniowa.
<R 94>
Ne aweorp +du me, weoruda dryhten, fram ansione ealra +tinra
miltsa, ne +dane godan fram me gast haligne 
<P 92>
aferre, domine, frea +almeahtig, [{+tinra{] arna me eal ne
bescerwe.
<R 99>
S+ale nu bli+dse me, bilewit (\dominus\) , +tinre h+alo heht,
helm alwihta, and me, lifgende liohtes hiorde,
gaste +dine, god selfa, getreme, +d+at ic aldorlice a for+d
sio+d+dan to +dinum willan weor+dan mote.
<R 105>
Simle ic +dine weogas wanhogan l+arde, +d+at hio arlease eft
gecerdan to hiora selfra saula hiorde, god
selfa, to +de gastes mundberd +durh sibbe lufan seocan
scoldan.
<R 110>
Befreo me an fer+de, f+ader mancynnes, fram blodgete and
bealani+dum, god lifigende, gylta geclansa, helo 
and helpend, hiofenrices weard; +danne tunge min triowfest
blissa+d for +dines selfes so+dfestnesse.
<R 116>
Ontyn nu, waldend god, weoloras mine; swa min mu+d sio+d+dan
m+ahte +dine and lof georne liodum to bli+dse, 
so+d sigedryhten, [{secgende{] w+as.
<R 120>
Ic +de onsegednesse sona brohte, weoruda dryhtne, +der +du
wolde swa, +da +du +t+at ne lufedest, lifes bretta, 
+d+at ic +de bernelac [{brengan{] moste deadra neata,
dryhtne to willan.
<R 125>
Ac +de micle ma, mehtig dryhten, 
<P 93>
lifiende Crist, liicwer+de
bi+d se gehnysta gast, hiorte geclansod and 
geeadmeded inge+tancum; +da +du, +alm+ahtig, +afre ne
+awest.
<R 130>
Gedoo nu fr+amsume frofre +dine to +dinum godan gastes willan,
+d+atte Sione dun sigefest weor+de, and weallas 
Sion wynf+este getremed, Hierusolim+e, god lifiende.
<R 135>
Swa +tu, frea meahtig, anfehst si+t+dan liofwende lac lioda
+tinra, h+alend manna; hio +d+at halige cealf 
on wigbed +tin willum asetta+d, liohtes aldor.
<R 139>
Forgef me, lifigende meotod mancynnes, m+ahtig (\dominus\) , 
+d+at +da sorhfullan saule wunde, +ta +de ic on +alde 
[{uel{] on gioge+de in fl+aschaman gefr+emed h+abbe leahtra
hegeleasra, mid lufan +tinre gast+a forgeofene 
[{glidan{] mote.
<R 146>
Sw+a +tingode +tiode aldor, Dauid to dryhtne, deda gemyndig,
+t+at hine m+ehtig god mannum to frofre +d+as 
cynedomes, Crist neriende, waldende god, weor+dne munde.
<R 151>
For+don he gebette balani+da hord mid ea+dmede inge+tance, +da
+de he on fer+de gefr+emed h+afde, gastes wunde.
<R 154>
Forgef us, god m+aahtig, +t+at we synna hord simle oferwinnan
<P 94>
and us geearnian +ace dreamas an lifigendra 
landes wenne.
<R 157>
Amen.



