<B COLAW4>
<Q O3/4 STA LAW LAWLAT>
<N LAW LATE>
<A X>
<C O3/4>
<O 950-1050>
<M 1050-1150>
<K NON-CONTEMP>
<D WS/X>
<V PROSE>
<T LAW>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z STAT>
<S SAMPLE X>


[^TEXT:  LAWS (LATE).
DIE GESETZE DER ANGELSACHSEN, VOL. I.
ED. F. LIEBERMANN.
HALLE: MAX NIEMEYER, 1903.
PP. 444.10 - 453.6  (RECTITUDINES) (SAMPLE 1)     
PP. 453.10 - 455.48 (GEREFA)

TEXT:  LAWS (WILLIAM).
Idem.
PP. 483.1 - 484.24 (WILLIAM I)     (SAMPLE 2)^]

<S SAMPLE 1>
[^B14.44^]
<P 444>
<R 1>
+Degenes lagu: +Degenlagu is, +t+at he sy his bocrihtes
wyr+de & +t+at he +dreo +dinc of his lande do: fyrdf+areld
& burhbote & brycgeweorc.
<R 1.1>
Eac of manegum landum mare landriht arist to cyniges gebanne,
swilce is deorhege to cyniges hame &
scorp to fri+dscipe & s+aweard & heafodweard & fyrdweard,
+almesfeoh & cyricsceat & m+anige o+dere mistlice +dingc.
<P 445>
<R 2>
Geneates riht: Geneatriht is mistlic be +dam +de on lande
st+ant: on sumon he sceal landgafol syllan
& g+arsswyn on geare & ridan & auerian & lade l+adan, wyrcan
& hlaford feormian, ripan & mawan, deorhege heawan & s+ate
haldan, bytlian & burh hegegian, nigefaran to tune feccan,
cyricsceat syllan & +almesfeoh, heafodwearde healdan
& horswearde, +arendian fyr swa nyr,
swa hwyder swa him mon to t+ac+d.
<R 3>
Kotsetlan riht: Kotesetlan riht be +dam +de on lande stent:
on sumon he sceal +alce Mond+age [{ofer{] geares fyrst his
laforde wyrcan o+d+d III dagas +alcre wucan on h+arfest.
<P 446>
<R 3.2>
Ne +dearf he landgafol syllan.
<R 3.3>
Him gebyria+d V +aceres to habbanne; mare, gyf hit on lande
[{+deaw{] sy; & to lytel hit bi+d, beo hit a
l+asse; for+dan his weorc sceal beon oftr+ade.
<R 3.4>
Sylle his heor+dp+anig on halgan +Dunresd+ag, ealswa +alcan
frigean men gebyre+d, & werige his hlafordes
inland, gif him man beode, +at s+awearde & +at cyniges
deorhege & +at swilcan +dingan, swilc his m+a+d sy,
& sylle his cyricsceat to Martinus m+assan.
<R 4>
Gebures gerihte: Geburgerihta syn mislice: gehwar hy syn
hefige, gehwar eac medeme; On sumen lande is,
+t+at he sceal wyrcan to wicweorce II dagas swilc weorc,
swilc him man t+ac+d, ofer geares fyrst
+alcre wucan, & on h+arfest III dagas to wicweorce & of
Candelm+asse o+d Eastran III; gif he afera+d, ne
+dearf he wyrcan +da hwile +de his hors ute bi+d.
<R 4.1>
He sceal syllan on Michaeles m+assed+aig X gafolp+anigas &
on Martinus m+assed+ag XXIII systra beres
& II henfugelas, on Eastran an geong sceap o+d+de II p+anigas.
<P 447>
& he sceal licgan of Martinus m+assan o+d Eastran +at
hlafordes falde, swa oft swa him to geb+a+d.
& of +dam timan, +de man +arest ere+d, o+d Martinus m+assan
he sceal +alcre wucan erian I +acer & r+acan sylf
+t+at s+ad on hlafordes berne; toeacan +dam III +aceras to
bene & II to g+arsyr+de; gyf he maran g+arses
be+dyrfe, +donne earnige +d+as, swa him man +dafige.
<R 4.2>
his gauolyr+de III +aceras erige & sawe of his aganum berne,
& sylle his heor+dp+anig & twegen & twegen fedan +anne
headorhund & +alc gebur sylle VI hlafas +dam
[{inswane{] , +donne he his heorde to m+astene drife.
<R 4.3>
On +dam sylfum lande, +de +deos r+aden on st+ant, gebure
gebyre+d, +t+at him man to landsetene sylle II oxan
& I cu & VI sceap & VII +aceras gesawene on his gyrde
landes; For+dige ofer +t+at gear ealle gerihtu,
+de him to gebyrigean; & sylle him man tol to his weorce &
andlaman to his huse; +donne him [{for+dsi+d{] gebyrige,
gyme his hlaford +d+as he l+afe.
<R 4.4>
[{+Deos{] landlagu st+ant on suman lande; gehwar hit is, swa
<P 448>
ic +ar cw+a+d, hefigre, gehwar [{eac{] leohtre; for+dam
ealle landsida ne syn gelice.
<R 4.5>
On sumen landa gebur sceal syllan huniggafol, on suman
metegafol, on suman ealugafol.
<R 4.6>
Hede se +de scire healde, +t+at he wite a, hw+at
ealdlandr+aden sy & hw+at +deode +deaw.
<R 5>
Be +dam +de beon bewita+d: Beoceorle gebyre+d, gif he
gafolheorde healt, +t+at he sylle +donne lande
ger+ad beo.
<R 5.1>
Mid us is ger+ad, +t+at he sylle V sustras huniges to gafole;
on suman landum gebyre+d mare gafolr+aden.
<R 5.2>
Eac he sceal hwiltidum geara beon on manegum weorcum to
hlafordes willan, toeacan benyr+de & bedripe & m+adm+awecte.
<R 5.3>
& gyf he wel gelend bi+d, he sceal beon gehorsad, +t+at he
m+age to hlafordes seame +t+at syllan o+d+de sylf l+adan,
sw+a+der him man t+ace.
<R 5.4>
& fela +dinga swa gerad man sceal don; eal ic nu atellan ne
m+aig.
<R 5.5>
+donne him for+dsi+d gebyrige, hede se hlaford +d+as he
l+afe, bute hwet friges sy.
<R 6>
Gafolswane: Gafolswane gebyre+d, +t+at he sylle his slyht,
be
<P 449>
+dam +de on lande stent.
<R 6.1>
On manegum landum stent, +t+at he sylle +alce geare XV swyn
to sticunge, X ealde & V gynge h+abbe sylf, +t+at he ofer
+t+at ar+are; on manegum landum gebyre+d deopre swanriht.
<R 6.2>
Gyme eac swan, +t+at he +after sticunge his slyhtswyn wel
behweorfe s+ancge: +donne bi+d he ful wel gewyrces wyr+de.
<R 6.3>
Eac he sceal beon swa ic +ar be beocere cw+a+d oftr+ade to
gehwilcon weorce & gehorsad to hlafordes neode.
<R 6.4>
+deow swan & +deow beocere +after for+dsi+de be anre lage
wyr+de.
<R 7>
Be +ahteswane: +Ahteswane, +de [{inheorde{] healt, gebyre+d
stifearh & his gewirce, +donne he [{spic{] behworfen h+af+d,
& elles +da gerihtu, +de +deowan men to gebyria+d.
<R 8>
Be manna metsunge: Anan esne gebyre+d to metsunge XII pund
godes cornes & II scip+ateras & I god metecu,
wudur+aden be landside.
<P 450>
<R 9>
Be wifmonna metsunge: +Deowan wifmen: VIII pund cornes to
mete, I sceap o+d+de III p+anigas to wintersufle,
I syster beana to l+angtensufle, hw+aig on sumera o+d+de
I p+anig.
<R 9.1>
Eallum +ahtemannum gebyre+d Midwintres feorm & Eastorfeorm,
sulh+acer & [{h+arfesthandful{] toeacan heora
nydrihte.
<R 10>
Be folgeran: Folgere gebyre+d, +t+at he on twelf mon+dum II
+aceras geearnige, o+derne gesawene & o+derne unsawene;
s+adige sylf +d+ane; & his mete & scoung &
glofung him gebyre+d.
<R 10.1>
Gyf he mare geearnian m+aig, him bi+d sylfum fremu.
<R 11>
Be s+adere: S+adere gebyre+d, +t+at he h+abbe +alces
s+adcynnes +anne leap fulne, +donne he +alc s+ad wel
gesawen h+abbe ofer geares fyrst.
<R 12>
Be oxanhyrde: Oxanhyrde mot l+aswian II oxan o+d+de ma mid
hlafordes heorde on gem+anre l+ase be his ealdormannes
gewitnesse; earnian mid +dam scos & glofa him sylfum.
<R 12.1>
& his metecu mot gan mid hlafordes oxan.
<R 13>
Be kuhyrde: Cuhyrde gebyre+d, +t+at he h+abbe ealdre cu
meolc VII niht, sy+d+dan heo nige cealfod
<P 451>
h+af+d, & frymetlinge bystinge XIIII niht.
<R 13.1>
& ga his metecu mid hlafordes cu.
<R 14>
Be sceaphyrdan: Sceaphyrdes riht is, +t+at he h+abbe twelf
nihta [{dingan{] to Middanwintra & I lamb of
geares geoge+de & I belflys & his heorde meolc VII niht
+after emnihtes d+age & blede fulle hweges o+d+de syringe
ealne sumor.
<R 15>
Be gathyrde: Gathyrde gebyre+d his heorde meolc ofer
Martinus m+assed+aig, & +ar +dam his d+al hw+ages
& I ticcen of geares geogo+de, gif he his heorde wel begyme+d.
<R 16>
Be cyswyrhte: Cyswyrhtan gebyre+d hundred cyse, & +t+at heo
of wringhw+age buteran macige to hlafordes beode;
& h+abbe hire +da syringe ealle butan +d+as hyrdes d+ale.
<R 17>
Be berebrytte: Berebryttan gebyre+d corngebrot on h+arfeste
+at bernes dure, gif him his ealdorman ann, & he hit mid
[{getryw+dan{] geearno+d.
<R 18>
Be bydele: Bydele gebyra+d, +t+at he for his wycan sy
weorces frigra +donne o+der man; for+dan he sceal
beon oftr+ade.
<R 18.1>
Eac him gebyre+d sum landsticce for his geswince.
<P 452>
<R 19>
Be wudewarde: Wuduwearde gebyre+d +alc windfylled treow.
<R 20>
H+aigwerde gebyre+d, +t+at man his geswinces lean gecnawe on
+dam endum, +de to etenl+ase licgan; for+dam
he m+aig wenan, gyf he +t+at +ar forgym+d, +t+at him man.
[^THE SCRIBE OF MS B HAS SKIPPED ONE LINE^]
<R 20.1>
hwilces landsticces geann, +t+at sceal beon mid folcrihte
nyhst etenl+ase; for+dam gyf he for sl+aw+de his hlafordes
forgym+d, ne bi+d his agnum wel geborgen, gif hit
bi+d +dus funden.
<R 20.2>
Gyf he +donne eal wel gefri+da+d, he healdan sceal, +donne
bi+d he godes leanes ful wel wyr+de.
<R 21>
Landlaga syn mistlice, swa ic +ar beforan s+ade.
<R 21.1>
Ne sette we na +das gerihtu ofer ealle +deoda, +de we +ar
beforan ymbe spr+acon; ac we cy+da+d, hw+at +deaw
is +d+ar +d+ar us cu+d is.
<R 21.2>
Gyf we selre geleornia+d, +t+at we willa+d georne lufian &
healdon, be +d+are +dede +deawe, +de we +d+anne onwunia+d.
<R 21.3>
For+dam laga sceal on leode luflice leornian, lof se +de on
lande sylf nele leosan.
<R 21.4>
Feola syndon folcgerihtu: on sumre +deode gebyre+d
winterfeorm, Easterfeorm, bendform for ripe, gytfeorm for
yr+de, m+a+dmed, hreacmete, +at wudulade
<P 453>
w+antreow, +at cornlade hreaccopp & fela +dinga,
+de ic getellan ne m+aig.
<R 21.5>
+dis is +deah myngung manna biwiste & eal +t+at ic +ar
beforan ymberehte.

[^B14.45^]
<P 453>
<R 1>
Be gesceadwisan gerefan: Se scadwis gerefa sceal +ag+d+ar
witan ge hlafordes landriht ge folces gerihtu,
be+dam +de hit of ealddagum witan ger+addan, & +alcre
til+dan timan, +de to tune belimp+d.
<R 1.1>
for+dam on manegum landum til+d bi+d redre +donne on o+drum:
ge yr+de tima hr+adra, ge m+ada r+adran, ge winterdun eac swa,
ge gehwilc o+der til+d.
<R 2>
Hede se +de scire healde, +t+at he fri+dige & for+dige +alce
be +dam +de hit selest sy; & be +dam he eac mot,
+de hine weder wisa+d.
<R 2.1>
He sceal snotorlice smeagean & georne +durhsmugan ealle +da
+ding, +de hlaforde magan to r+ade.
<R 3>
Gyf he wel aginnan wile, ne m+aig he sleac beon ne to
oferhydig; ac he mot +ag+der witan ge l+asse ge
mare, ge betere ge m+atre +d+as +de to tune belimp+d, ge on
tune ge on dune, ge on wuda ge on w+atere, ge
on felda ge on falde, ge inne ge ute.
<R 3.1>
For+dam to so+de ic secge: oferhogie he o+d+de forgyme +da
+ding to beganne & to bewitanne, +de to scipene o+d+de
to odene belimpa+d, sona hit wyr+d on berne +t+at to
+dam belimpa+d.
<R 4>
Ac ic l+are, +t+at he do, swa ic +ar cw+a+d: gyme +ag+der ge
+d+as selran ge +t+as s+amran, +t+at na+dor ne misfare,
gyf he wealdan m+age, ne corn ne sceaf, ne fl+asc ne
flotsmeru, ne cyse ne cyslyb, ne nan +dera +dinga
+de +afra to note m+age.
<R 5>
Swa sceal god scyrman his hlafordes healdan, do ymbe his
agen, swa swa he wylle.
<P 454>
<R 5.1>
A swa he gecneordra swa bi+d he weor+dra, gyf he wi+d witan
hafo+d his wisan gem+ane.
<R 6>
Symle he sceal his hyrmen scyrpan mid manunge to hlafordes
neode & him eac leanian be +dam +de hy earnian.
<R 7>
Ne l+ate he n+afre his hyrmen hyne oferwealdan, ac wille he
+alcne mid hlafordes creafte & mid folcrihte:
selre him his +afre of folgo+de +donne on, gyf hine magan
wyldan +da +de he scolde wealdan; ne bi+d
hit hlaforde r+ad, +t+at he +t+at +dafige.
<R 8>
+afre he m+aig findan, on +dam he m+aig nyt beon & +da nytte
don, +de him fylstan scylan; huru is m+ast neod,
+t+at he asece, hu he yrde m+age fyrme gefor+dian, +donne
+d+as tima sy.
<R 9>
Me m+aig in Maio & Iunio & Iulio on sumera fealgian,
myxendincgan ut dragan, lochyrdla tilian, sceap scyran,
bytlian, boteatan, tynan, tymbrian, wudian, weodian,
faldian, fiscwer & mylne macian.
<R 10>
on h+arfeste ripan, in Agusto & Septembri & Octobri mawan,
wad spittan, fela til+da ham g+aderian, +dacian, +decgan
& fald weoxian, scipena behweorfan & hlosan eac swa,
+ar to tune to sti+d winter cume,
& eac yr+de georne for+dian.
<R 11>
on wintra erian & in miclum gefyrstum timber cleofan, orceard
r+aran & m+anige inweorc wyrcean, +derhsan, wudu cleofan,
hry+deran styllan, swyn stigian, on odene
cylne macian ofn & aste & fela +dinga sceal to tune
ge eac henna hrost.
<R 12>
on l+angtene eregian & impian, beana sawan, wingeard settan,
dician, deorhege heawan & ra+de +after
+dam, gif hit mot gewiderian, mederan settan, linsed sawan,
wads+ad eac swa, wyrtun plantian & fela +dinga;
ic eal geteallan ne m+aig, +t+at god scirman bycgan sceal.
<R 13>
A he m+aig findan, hw+at he m+aig on byrig betan ne +dearf he
na unnyt beon, +donne he +d+ar
<P 455>
binnan bi+d: o+d+de hus godian, rihtan & weoxian & grep
hegian, dicsceard betan, hegas godian, weod wyrtwalian,
betweox husan bricgian, beoddian, bencian, horsan styllan,
flor feormian o+d+de synnes sum +ding +de to nyte m+age.
<R 14>
He sceal fela tola to tune tilian & fela andlomena to husan
habban.
<R 15>
+acse, adsan, bil, byrse, scafan, sage, cimbiren, tigehoc,
n+afebor, mattuc, ippingiren, scear, culter & eac gadiren,
si+de, sicol, weodhoc, spade, scofle, wadspitel, b+arwan,
besman, bytel, race, geafle, hl+adre, horscamb & sceara,
fyrtange, w+aipundern.
<R 15.1>
& fela towtola: flexlinan, spinle, reol, gearnwindan,
stodlan, lorgas, presse, pihten, timplean,
wifte, wefle, wulcamb, cip, amb, crancst+af, scea+dele,
seamsticcan, scearra, n+adle, slic.
<R 16>
And gif he smeawyrhtan h+af+d, +dam he sceal to tolan
fylstan: mylewerde, sutere, leodgotan & o+dran wyrhtan
+alc weorc sylf wisa+d, hw+at him to gebyre+d; nis
+anig man, +t+at atellan m+age +da tol ealle,
+de man habban sceal.
<R 17>
Man sceal habban w+angew+adu, sulhgesidu, ege+dgetigu & fela
+dinga, +de ic nu gen+amnian ne can, ge eac
mete, awel & to odene fligel & andlamena fela: hwer, lead,
cytel, hl+adel, pannan, crocca, brandiren, dixas, stelmelas,
cyfa, cyflas, cyrne, cysf+at, ceodan,
wilian, windlas, systras, syfa, s+adleap,
hriddel, hersyfe, t+amespilan, fanna, trogas, +ascena, hyfa,
hunigbinna, beorbydene, b+a+df+at, beodas,
butas, bleda, melas, cuppan, seohhan, candelstafas, sealtf+at,
sticfodder, piperhorn, cyste, mydercan, bearmteage, hlydan,
sceamelas, stolas, l+aflas, leohtf+at, blacern, cyllan,
sapbox, camb, yrsebinne, fodderhec, fyrgebeorh, meluhudern,
+alhyde, ofnrace, mexscofle.
<R 18>
Hit is earfo+de eall to gesecganne, +t+at se be+dencan sceal,
+de scire healt.
<R 18.1>
Ne sceolde he nan +ding forgyman, +de +afre to note mehte: ne
for+da musfellan ne, +t+at git l+asse is, to h+apsan pinn.
<R 18.2>
Fela sceal to holdan hames gerefan & to gemetf+astan manna
hyrde.
<R 19>
Ic gecende be +dam +de ic cu+de; se +de bet cunne, gecy+de
his mare.

<S SAMPLE 2>
<Q O4 STA LAW WILLIAM>
<N LAW WILLIAM I>
<A X>
<C O4>
<O 1050-1150>
<M 1050-1150>
<K NON-CONTEMP>
<D WS/X>
<V PROSE>
<T LAW>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z STAT>

[^B14.57^]
<P 483>
<R 1>
Willelmes cyninges asetnysse.
<R 2>
Wilhelm cyng gret ealle +ta +te +dys gewrit to cym+d ofer eall
Englaland freondlice & beot & eac cy+d eallum mannum ofer eall
Angelcynn to healdenne, +t+at is.
Gif Englisc man beclypa+d +anigne Fr+anciscne mann to orneste
for +teofte o+d+de for manslihte o+d+de for
+anigan +tingan, +te gebyrige ornest fore to beonne o+d+de dom
betweox twam mannum, habbe he fulle leafe
swa to donne.
<R 1.1>
& gif se Englisca fors+ac+d +t+at ornest, +te Frencisca, +te
se Englisca beclypa+d, ladige hine mid a+te ongean hine mid
his gewitnesse +after Nor+dmandiscere lage.
<R 2>
Eft: Gif Frencisc man beclypa+d Engliscne man to orneste for
+dam ylcan +tingan, se Englisca be fulre
<P 484>
leafe hine werige mid orneste o+d+de mid irene, gif him +t+at
gecwemre by+d.
<R 2.1>
& gif he untrum by+d & nelle +t+at ornest o+d+de ne mage,
begyte him lahlicne spalan.
<R 2.2>
& gif se Fr+ancisca by+d ofercuman, he gyfe +tam cynge
III pund.
<R 2.3>
& gif se Englisca nele hine werian mid orneste o+d+de mid
gewitnesse, he ladige hine mid irene.
<R 3>
+at eallan utlaga +tingan se cyng gesette, +t+at se Englisca
ladige hine mid irene.
<R 3.1>
& gif se Englisca beclypa+d Frencisne mid utlagan +tingan &
wille hit +tonne on him geso+dian, se Fr+ancisca bewerie
hine mid orneste.
<R 3.2>
& gif se Englisca, ne durre hine to orneste beclypian, werige
hine se Fr+ancisca mid unforedan a+de.



