<B COMARGA>
<Q O3/4 NN BIL MARGOE>
<N ST MARGOE>
<A X>
<C O3/4>
<O 950-1050>
<M 1050-1150>
<K NON-CONTEMP>
<D WS/X>
<V PROSE>
<T BIOGR LIFE SAINT>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z NARR NON-IMAG>
<S SAMPLE X>

[^TEXT:  A PASSION OF ST MARGARET.
ANGELSAECHSISCHE HOMILIEN UND HEILIGENLEBEN.
BIBLIOTHEK DER ANGELSAECHSISCHEN PROSA, III.
ED. B. ASSMANN.
DARMSTADT: WISSENSCHAFTLICHE
BUCHGESELLSCHAFT, 1964 (1889).
PP. 170.1 - 180.370 (XV)^]

[^B3.3.14^]
<P 170>
<R 1>
Efter drihtnes +trowunge and his +ariste, +t+at he of dea+de
aras h+alend Crist: on +tam dagum his 
halgan ge+trowodon for his +t+ara micclan leofan lufan.
<R 3>
Eac +ta gewear+d hit, +t+at +ta halga seagntes ofercomen +ta
deofla, +te wi+d heom gewunnon.
<R 4>
And +ta  ricene, +te on +tan dagum w+aron, h+afdon heom
geworht godes of golde and of seolfre; +ta 
w+aron dumbe and deafe and blinde, and eal +t+at h+a+tan folc
swi+de gelefdon on +tan godum.
<R 8>
Sum land is Anthiochia gehaten.
On +tam lande w+as an godes +teowa; se w+as Theothimus
gehaten; he w+as swi+de gel+ared  man.
<R 11>
And +t+ar on lande w+as sum h+a+ten cyningc, Theodosius
gehaten, and his cwen mid him.
<R 12>
Hit gewear+d swa, +t+at heo bearn gestreonedon and +t+at
wear+d geboren m+adencild.
<R 13>
And se h+a+tene cing his f+ader hit het ut aweorpan and men
swa dyde.
<R 14>
And se  godes +teowe Theothimus gefand +t+at cild and he hit
up anam and hit wel bef+aste to fedenne.
<R 16>
And +ta hit andgeat h+afde, he him nama gesette, and +t+at
w+as Margareta, and hi sy+d+dan to lare 
bef+aste, and hi +t+aron wel ge+teah.
<R 19>
+dis eadiga m+aden se arwur+da godes +teowa Theothimus  fedde
and l+arde and for+dbrohte, o+d +t+at hi XV
wintre eald w+as.
<R 21>
D+aghwamlice hi hire utsanges and hire gebedu georne gefylde
and +t+at ungel+arde folc swi+de mynegode
to ures drihtones hersumnesse, h+alendes Cristes, and +tus
cw+a+d: Gehera+d me, earma +teoda, +ag+ter ge
weres ge wifes, ge cnihtes ge m+agdenes, and healda+d f+aste on
<P 171>
eowre heorta +t+at +te ic eow secge and wissige.
<R 25>
Forwyrpa+d +ta deadan godas, +te ge her beforen to gebugan,
+te beo+d mid mannes handen gegrafena, and
gebege+d eow to ure sceppende gode almihtigne, Sanct+a
Marian sunu, h+alende Criste.
<R 28>
And ic eow behata and on hand selle, +t+at ge sculon finden
reste eowre sawlen mid gode  and mid 
his gecorenan innan paradyses myrh+te.
<R 30>
Seo eadiga Margareta w+as Theodosius dohtor; se gehersumode
+tan deofle and hi gehersamedo gode and
ealle his halgan.
<R 32>
+da geherde seo eadiga Margareta and hi hit on bocum fand,
+t+at +ta cinges and +ta ealdormenn and +ta
yfela gerefan ofslogen +afre and bebyrodon ealle +ta godes
+teowas, +te +t+ar on lande w+aron.
<R 35>
Sumne hi mid w+apnum acwealdon and sumne mid hatum w+atere.
<R 36>
Sumne hi onhengon be +tan fotum and sumne be +tan earmum.
<R 37>
Sumne hi pinedon mid wallende leade and mid hatum stanum.
<R 38>
Sumne heo mid sweorde ofslegen, sumne mid spiten betweon
felle and fl+asce +turhwr+acon.
<R 39>
Eall +t+at godes  +teowan ge+tafodon and ge+trowodon for
godes deoran lufan.
<R 40>
And +ta seo eadiga Margareta +tis eall geherde and geseah, hi
hi +t+as +te swi+dor to gode geb+ad and +tus cw+a+d: 
(\Domine Deus omnipotens, ego sum ancilla tua\) ;
Drihten god +almihtig, heo cw+a+d, ic eom +tin
+teowa cl+ana and ungew+ammed fram eallum mannum, +te
geborene  bi+d.
<R 45>
+te ic me bet+ace ungew+ammode, +t+at +tu me gehealde togeanes
+t+as deofles costnung strange and 
sta+tolf+aste on +tinre +t+are sweteste lufa, for+tan +te to 
+te nu is and +afre w+as and +turh +tin help +afre beon 
sceal min hiht and min hope and min so+te lufu.
<R 49>
+da gewear+d hit on anum d+age, +t+at hire fostermoder hi het
gan mid o+trum f+amnum on feld, sceap to 
hawienne, and hi swa dydo spinnende.
<R 51>
+da ferde Olibrius se heahgerefa fram Asia +t+ara burh to
Anthiochiam, axiende, hw+ar +ta w+aron, +te 
heora godan here noldan.
<R 53>
+da he on his wege rad, +ta beseah he on +t+at eadigan m+aden,
+t+ar +te hi s+at wlitig and f+ager onmang 
hire geferan.
<R 54>
+da cw+a+d he to his  cnihtum: Rida+d hra+te to +t+are
f+amnan and axia+d hire, gif hi seo frig.
<R 56>
and gif hi is, +tonne wille ic hi habban me to wife.
and gif hi is +teowa, +tonne wille ic gifen fih for hire and
h+abban hi me to cefase and hire scel 
beon wel mid me +turh hire f+agernesse and hire f+agre wlite.
<R 59>
And +ta cnihtes hire +ta to comon and hire to spr+acon,  
<P 172>
eall swa heom gehaten w+as.
<R 60>
+da Sancta Margareta heo to eor+tan gestrehte and hi hire
georne to gode geb+ad and +tus cw+a+d: 
(\Miserere mei, Deus, miserere mei\) ; Gemiltse me, drihten, 
gemiltse me, +t+at min sawle ne seo aw+ammod +turh
+tisum h+a+tenum mannum.
<R 64>
And ic +te wille biddan, +t+at deofle mine sawle ne beswican,
ne mine  treow+de fram +te ahwerfan, ne 
minne cl+ane lichaman gefylan.
<R 66>
Drihten leof, +afre ic +te lufode, and +tu wuldorcyning, ne
l+at +tu me naht beswican, ne n+afre min 
gewit fram +te gehwerfan, ne min m+ag+thad afylan.
<R 68>
Ac as+and me, leofa drihten, +tinne halga engel to fultume,
+t+at ic min gewitt and minne wisdom for+d
healdan mote,  for+ton ic eom gesett betweonen +tisum folce,
swa swa sceap betweonon wulfum.
<R 71>
and ic eam befangan eal swa spearwe on nette and eall swa
fisc on hoce and eal swa hra mid rape.
<R 72>
Nu help +tu me, leofa drihten, gehelp +tu me.
<R 74>
And +ta cerdon +ta cnihtas to heora hlaforde and cw+adon:
Nis +tin m+agn naht wi+d hire, for+ton +te hi 
lufa+d +tone god, +te +tine eldran aheongan on rode.
<R 76>
And +ta wear+d se gerefa swi+de yrre and het hi niman and him
to gebringan.
<R 77>
And he hire to cw+a+d and hire axode, of hwilcere +teode hi
w+are and hw+ader hi w+are Cristen and frig
o+d+de +teowa.
<R 79>
And seo eadiga Margareta him andwyrde  and cw+a+d: Ic eom
frig and Cristen.
<R 80>
And se cniht hire to cw+a+d: On hwilcum godum is +tin
geleafa, +te +tu on gelefst and for+d wilt get 
gelefan?
<R 82>
Seo eadiga Margarete him +ta geandswarede: Ic lufige god
+almihtigne, cw+a+d hi, and on him ic gelefa,
+te is f+ader and sunu and halig gast, +tone +te min
m+ag+thad f+agre and wel gehealdon  h+af+d.
<R 85>
+t+at is se +te +tine yldran ahengan and +turh +t+are d+ade
hi losian sculon, for+ton +te he is cyning and 
his rice ne wur+d n+afre nan +ande.
<R 87>
And +ta wear+d Olibrius swi+de yrre and het +ta f+agre f+amne
genimen and innon his carcerne belucen, 
+t+ar nan liht inne cumen ne mihte, and men swa dyde.
<R 89>
+da +tis gedon w+as, +ta for  se gerefa Olibrius to Antiochia
+t+are byrig, to his godan him to 
gebiddenne.
<R 92>
And he +tanan to his gereorde eode and amang +tan +te he +at,
he to his +tegnum spr+ac and +tus cw+a+d: On
hwilca wisa r+ade ge me, hu ic muge +tis m+aden bism+arian?
<R 94>
And hi ealle +ta swigedon.
<R 95>
+da se gerefa het hi ut l+adon of +tan carcerne and +t+at
w+as on +tan 
<P 173>
o+dre d+age and het hi bringan beforen him.
<R 96>
And he hire to cw+a+d: +du earma f+amna, l+at beon +tin
mycela mod, +te +tu to me h+afst, and gemiltse 
+tinum f+agran lichaman and gebide +te to minum gode and ic +te
gife +alc god genoh and +tu scealt eal 
mines godes wealden  mid me selfum.
<R 100>
Sancta Margareta him andswerode and +tus cw+a+d: Drihten hit
wat, +t+at ic min m+ag+thad wel +turh him 
gehealdan habbe, and ne miht +tu me beswican, ne +tu ne miht me
becyrran of minum rihtan geleafan, ne
fram minum rihte hlaforde.
<R 103>
And ic eom geara, cw+a+d hi, on drihten to gelefanne, +te
gesceop heofonas  and eor+dan, and he s+a 
bedraf, +t+ar +te heo wrohta+d d+ages and nihtes.
<R 106>
Olibrius +ta cw+a+d: Gif +tu nylt to minum gode +te gebiddan,
min swyrd sceal +tinne +tone f+agran 
lichaman eall to styccan forcyrfan and +tine lieman ealle
tosindrian, and +tine ban ic sceal ealle 
forb+arnan.
<R 109>
And gif +tu woldest me lufian and to minum godum +te
gebiddan, +te sceolde beon eall swa wel, eall 
swa me selfan.
<R 110>
And seo eadiga Margareta him andswerode and cw+a+d: Ic habbe
minne licchaman and mine sawla gode 
bebodan, for he is min hlaford and min help and min werigend
and min fultum wi+d +te and wi+d eallum 
+tinum leasum gewitum.
<R 114>
Crist hine selfne to +tan geeadmedde, +t+at  he for mancynne
micele +trowunge ge+trowode and na for his
gewyrhtum, ac for ure alesednesse.
<R 116>
and ic wille, cw+a+d hi, for his leofan wille bli+delice
+trowian.
<R 118>
+da het se gerefa hi niman and het hi be +tam fotan upp ahon
and mid greatum roddum beaton.
<R 119>
And seo eadiga Margareta  hire handan upp ahof and hi to gode
geb+ad and +tus cw+a+d: On +te ic 
gelefa, leofa drihten; and +t+at ic +te bidde, +t+at +tu ne 
+tole, +t+at ic n+afre forwur+te, ne +t+at me mine feond
n+afre oferswi+dan ne moten, for+tan min hiht is to +te,
leofe drihten.
<R 123>
And hi +ta get hire cl+ane gebedu for+d hild and +tus cw+a+d:
+afre wunu +tu mid me, leofa  drihten 
heofonlice cyng.
<R 125>
Miltse me and genere me of deofles anwealde.
<R 126>
Ealle +ta men, +te hire abutan stodon, to hire cleopoden and
+tus cw+adon: Hwi nelt +tu, earme f+amne, 
gelefan on ure gode and to ure hlaforde +te gebugan and lutan.
<R 128>
+ale f+agre f+amne, ealle we +te bem+ana+d sarlice, for+ton
+te we geseo+d +te swa nacode sittan  and +tinne
f+agra lichaman to wundre macian, and us +t+at +tinc+t, +t+at
he ah +tines gewald, hw+a+ter swa he wille to
dea+de o+d+de to life.
<P 174>
<R 132>
Gelef on ure gode, +tonne most +tu mid us lif habban.
Seo eadiga Margareta heom andswerode: +ale ge geleasan witan,
ga+d hra+de to eowrum weorce, for+tan 
+de min god is mid me on fultume.
<R 134>
Hw+at,  wene ge, +t+at me +t+at of+tynce, +t+at min lichame
+trowige?
<R 135>
Ic wat, +t+at min sawle is +t+as +te cl+anre mid gode.
<R 136>
Ac earme +teode, gelefa+d get on minum gode, and for he is
strang and mihtful and ealle +tan mannen
gefultuma+d, +te mid rihte fara+d and mid cl+anre heorte him
to gebidda+d, and he heom geof+d in 
paradise eardingstowe.
<R 140>
Ne +turfe ge n+afre +t+as wenan, +t+at ic +afre eowrum godum
me to gebidde, for+ton +te hi syndon dumbe 
and deafe and blinde and mid drycr+afte geworhte.
<R 143>
+da wear+d se gerefa eorre gewor+tan and cw+a+d to hire: +du
wyrcest +tines f+a+deres weorc, +t+at is se 
deofol self.
<R 144>
And seo  f+amne andswaro geaf: Hw+at, +tu nu, earming, mid
leasunge f+arst and me is min drihten on 
fultume.
<R 146>
+da cw+a+d se gerefa: Hw+ar is se god, +te m+ag +te gebeorgan
of mine handan?
<R 147>
Seo eadiga Margareta him to cw+a+d: Geswiga +tu earmingc, ne
h+afst +tu nan +tingc on me to donne, ac 
eall +tu eart full and +tu scealt faran into  +t+are nigenda
ni+thelle and +tu scealt +t+ar onfon +ta yfelan
geweorc, +te +tu her gefremest and gefremed h+ast.
<R 151>
+da het se gerefa hio nimon and be +tan fexe up ahon and b+ad
wyrcan scearpa piles and het wrecen 
betweon fl+asce and bane.
<R 153>
And seo eadiga Margareta hire handa up ahof and hi georne to
drihtne geb+ad and +tus cw+a+d:  +du, 
drihten leof, beo +tu me on fultume, for me beo+d abuton hundes
swa manega, and heo wille+d minne 
lichamen to sticcan gebringan.
<R 157>
Drihten leof, deme mine sawla and +tu genere minne lichome,
for ic ne recce +tise leasere +trowunge.
<R 158>
Gehelp +tu me, drihten, and s+and me fultum, +t+at ic wi+d
minum feondum fihtan muge, +t+at  ic mid 
minum eagne twam +te geseon mote on +tine rice.
<R 160>
+da +ta leasan gewiten hi swi+de gepinedon and se gerefa hire
to cw+a+d: Gecer, earme f+amne, to me and
to minum gode, and gif +tu nelt, +tu scealt to wundre
gewur+dan.
<R 163>
Seo eadiga Margareta him andswerode: Gif ic minne lichaman to
+te geeadmede, +tonne scealt +tu  inne
+t+at wallende pic into helle wite; +t+ar +tu scealt wunian
+afre.
<R 166>
+tonne miht +tu habban minne lichaman +te to g+amene, and god
h+af+d mine sawle fram +te generod.
<P 175>
<R 168>
+da wear+d se gerefa swi+de yrre and het hi innan +tam
carcerne belucen.
<R 169>
and hi in eode into +tam carcerne and mid Cristes  rodetacne
hi hi gebletsode.
<R 170>
and hi seofon tide +t+as d+ages +t+arinne ges+at and hi to
gode geb+ad and +tus cw+a+d: Drihten leof, +te ic
+tancige +teoses domes, +te +tu me in s+andest, for +tu eart
+alces mannes fultum, +te on +te gelefa+d, and
+tu eart f+ader ealra +t+are +te f+aderlease syndon.
<R 174>
And ne geswic +tu me n+afre, drihten leof, ac  help +tu me,
+t+at ic me bewerige wi+d minum feondum, and
ne l+at +tu me n+afre mine sawle beswican, for +tu eart
ealre demena dema and nu betweon me and 
heom.
<R 178>
+ta com hire fosterf+ader gan to hire and +turh an eah+tyrl
he hire to spr+ac and he hire brohte bread
and w+ater; +t+as w+ateres  hi gebreac and nanes breades.
<R 180>
And he hire +trowunge f+agre sette on godes bocum.
<R 181>
And hit +ta f+arunge gewear+d sona +after +tam, +t+at +t+ar
inn eode an grislic deofol; his nama w+as 
Ruffus.
<R 182>
And he w+as swi+de mycel on dracan heowe and eall he w+as
n+adderfah.
<R 183>
And of his to+tan leome ofstod, eal swa of hwiten swurde, and
of his  eagan swilces fyres lyg and
of his nas+tyrlum smec and fyr orm+ate mycel and his tunge
+treowe his sweore belygde.
<R 186>
Sancta Margareta hi to eor+dan gestrehte and hire rihtwise
gebedu to gode ges+ante and +tus cw+a+d: 
Drihten god +almihtig, georne ic +te b+ad, +t+at ic hine
geseage, and nu ic +te eft gebidde, +t+at ic hine 
ofercumen mote.
<R 190>
And hi +ta upp aras and hire earmes eastweard a+deonode and
+tus cw+a+d: Drihten god +almihtig, +tu +te 
gesceope heofona and eor+ta and eal mancyn and heora lif, +te
on heom syndon, and +ta +tu on rode w+are
gehangen and +tu to helle astige and +tu +tine halgan ut
gedydost and +tone mycele deofol Sathan 
f+aste gebunde: gehelp +tu  me, leofe drihten, +t+at ic +tisne
deofol f+aste mote gebinden.
<R 196>
And se deofol him +ta abalhc and +ta f+amne forswelgan wolde.
<R 197>
And seo eadiga f+amne sona mid hire swi+dre hand wi+d +tone
sceocca wel gebletsode and on hire 
forh+afde rodetacna m+arcode and swa wi+d +tone draca wel 
generode.
<R 199>
and seo eadiga f+amne  hal and gesund fram him gew+ante and
eall sticm+alum to+dwan se draca ut of 
+tan carcerne.
<R 201>
And hi nan yfel on hire ne gefelde.
ac hi sona to eor+dan gestrehte and hi geornlice to gode
geb+ad and +tus cw+a+d: Drihten leof, lof sy
+te selfum and wuldor ealra +t+are 
<P 176>
goda, +te +tu me dest and
gedon h+afst, and get is min hopa, +t+at  +tu
don wille aa in ealra worulda woruld.
<R 206>
And +ta hi hire gebedu gefyld h+afde, +ta beseah hio hio on
+t+are wynstre healfe +t+as carcernes and hi
o+terne deofol sittan geseah, sweart and unf+ager, swa him
gecynde w+as, and he +ta up aras and to 
hire weard eode.
<R 209>
+ta seo f+amne on him beseah, +ta  cw+a+d hi to +tam deofle:
Ic wat, hw+at +tu +t+ancst, ac geswic +tu +t+as 
ge+tohtes, for+ton ic wat eall +tin yfel ge+tanc.
<R 211>
And se deofol hire andswerode and cw+a+d: Ic minne bro+tor
Rufonem to +te ges+ande on dracan gelice, 
+t+at he sceolde +te fordon, and nu h+afst +tu hine mid Cristes
rodentacn ofslagen, and ic wat, +t+at +tu 
me mid +tinum gebedum  ofslean wilt.
<R 215>
Seo eadiga Margareta upp aras and +tone deofol be +tan fexe
gefeng and hine ni+ter to eor+dan gewearp.
<R 216>
and hi hirne swi+dre fot upp on his swire gesette and him to
cw+a+d: Geswic +tu earming, ne miht +tu 
to nahte minne m+ag+thad me to beswicenne, for ic h+abbe minne
drihten me to fultume.
<R 219>
and ic eam  his +teowa and he is min hlaford and ic eom him
beweddod, +te gehalgod is aa in ealra 
worulda woruld.
<R 222>
+da hi +tis gecwedon h+afde, +ta +t+arinne com drihtnes engel
and +t+ar wear+d inne swa mycel leoht, swa 
hit beo+d on midd+ag, and he h+afde Cristes rodentacen on
hande.
<R 224>
+da wear+d Sancta  Margareta swi+de bli+de and hio +tancode
gode eall, +t+at hi +ar and sio+d+don +turh gode
oft and gelome gesegon h+afde.
<R 226>
And hi +ta seo f+amne wi+d +tone deofol wordum d+alde and
+tus cw+a+d: Sege me earmingc, hwanan eart +tu 
o+d+de hwanon come +tu?
<R 228>
Se deofol hire to cw+a+d: Ic +te gebidde, for+ton +te +tu
eart gehalgod f+amne, +t+at  +tu +tinne fot of 
minum sweorum alihte, and ic +te secgan wille eall, +t+at ic
gedon h+abbe.
<R 231>
And hio +ta seo eadiga Margareta hire fot up ahof and he hire
s+ade eall, +t+at he wiste, and cw+a+d: 
Si+d+dan Sathan gebunden wear+d, si+d+dan ic mid mannum +afre
gewunode.
<R 234>
and manega godes +teowas ic gehwearf fram gode and n+afre ne
mihte me nan man ofercuman buton +tu 
ane.
<R 235>
Minne bro+tor +tu ofsloge and +tu mines eall geweald ahst,
for+tan ic geseo, +t+at god is mid +te.
<R 237>
And get ic +te mare secge of minum d+adum ealle syndrige.
<R 238>
For ic nam ealle w+astmes fram mancynne, +te on gode
gelefdon.
<R 239>
Sume ic spr+ace benam and sume heora hlyste, sumen  
<P 177>
heora fet and sume heora handa, and heo +turh 
+t+at creopeles wur+don.
<R 241>
Sumum ic eagen benam and sumum his gewittes.
Sume ic sl+apende beswac and sume eac wacigende.
<R 242>
Sume mid winde and sume mid w+atere.
<R 243>
Sume mid miste and sume mid dr+ance, ofte +tonne hio
ungebletsodon w+aren.
<R 244>
Sume mid slehte and sume on  some.
<R 245>
Sume on mor+dd+adum and sume mid o+dres mannes wife
geh+amdon.
<R 246>
Sume mid feowerfoted nytene for minum willen gefremedon and
sume heora eldran mid wordon 
gegr+amedon.
<R 247>
Eal +tis ic me ane wat and +t+at me nu hearde hreow+d.
<R 248>
+tin f+ader and +tin modor mine w+aron and +tu ane fram
f+ader and fram modor and  fram eallum +tine 
cynne to gode +tu gehwurfe.
<R 251>
And seo eadiga f+amna him to cw+a+d: Hwanan wear+d eow, +t+at
ge mihton ahan godes +teowes to beswicenne?
<R 252>
And +ta se deofol hire to cw+a+d: Sege me, hwanen is +tin
lif, Margareta, and hwanan beo+d +tine liman,
and hwu and on hwilce wise is Crist mid  +te; and ic +te
secge eall, +t+at ic wat.
<R 255>
And +ta seo f+amne to +tam deofle cw+a+d: Nelle ic hit +te
secgan, for+ton +te +tu ne eart +t+as wur+te, +t+at
ic wi+d +te wordum d+ale, for god is swi+de god and him sy
ge+tancod, for ic eam his nu and +afre ma 
beon wille.
<R 258>
Se deofol hire to cw+a+d: Sathana urne cyning, hine gewr+ac
drihten of paradises  myrh+te and him +ta
twa land ag+af; an is Gamne and o+der is Mambre.
<R 261>
And +tider he gebrinc+d ealle +ta +te he begeton m+aig of
mancynne.
<R 262>
Nu ic so+dlice +te to sprece and for +ti ne m+aig ic na l+ang
beon, for+ton ic geseo, +t+at god is mid +te.
<R 263>
Ac ic +te bidde, eadige f+amne, +t+at ic wi+d +te an word
d+alan mote, and ic +te h+alsige  +turh +tinne god
and +turh his sunu and his +tone halgan gast, +te +tu on
belefst, +t+at +tu me na mare yfel ne do.
<R 266>
And ic +te behate and +t+at +te gel+aste, +t+at ic n+afre ma
n+anne mon on +tisum life ne beswice and +t+at 
ic +tin bebod f+aste gehealdan wille.
<R 268>
And seo eadiga f+amne him andswarode: Gewit +te heonan on
weig and sea  eor+de +te forswelge and +tu 
+t+ar wunige to domes d+age.
<R 271>
And +ta +t+as o+dres d+ages se gerefa het, +t+at me him +t+at
m+aden toforen brohte.
<R 272>
and +ta seo f+amne ut of +tan carcerne gel+ad w+as, hio hy
sona seneda, +ta hio ut eode, and me +t+ar 
forwerhte men of Antiochia +t+are burh gesamnoden, +t+at hi +ta
f+amne  geseon woldan.
<R 275>
And +ta se gerefa to +t+are f+amne cw+a+d: Wilt +tu 
<P 178>
me get geheran and to minum gode +te gebiddan?
<R 276>
And hi +ta andswera ageaf: Ne +te, ne +tinum godum ic n+afre
ne lufige; ac +te wel gerisde, +t+at +tu 
minnen gode wel geherdest and lufodest, +tane +te lufa+d +alc
+t+are manna, +te hine mid inweardre heortan 
lufia+d.
<R 279>
+da  het se gerefa hio genimon and bead heom hire cla+des of
niman and hi up ahon bi +tan fotum, and
he het wallende stanes on hire f+agre lichaman geworpan, and
heo +ta leasan gewitan eac swa dydon.
<R 283>
And +ta cw+a+d se gerefa to +t+are f+amne: And nylt +tu me get
lufian, ne to minum gode +te gebugan, ne +te
to him gebiddan?
<R 284>
And seo  eadiga f+amne nolde him andswarigen nan word.
<R 286>
+da w+ar+d se gerefa swi+de eorre and het mycel fyr on+alan
and +anne cytel +t+arofer gesettan and b+ad 
+t+are f+amne fet and handan tosomne gebindon and innen +tone
weallende cetel gesetton.
<R 289>
And seo eadiga Margareta heo georne to gode geb+ad and  +tus
cw+a+d: Ic +te wille biddan, leofa drihten
cyning, +t+at +t+at w+ater gewur+de me to fulluhtes b+a+de
and to cl+ansunge ealra minum synnum.
<R 292>
And +ta +t+ar com fleogan drihtnes +angel and he +ta gehalgode
+t+at wallende w+ater to fonte and +ta halga
f+amne genam be +t+are swi+dre hand and of +tan w+atere +ta
f+amne gesette and hire on +tan  w+atere na 
la+d ne gewear+d.
<R 295>
+da +t+at geherdon and geseagon +te hire ymbstodan, wundor
heom +tuhte.
<R 296>
Hio geherdon stefne of heofone clypion to +t+are f+amne +tus:
Ic eom +tin godf+ader and +tu min 
goddohtor, and ic eallum gearige, +te on +te gelefa+d.
<R 298>
Eadig eart +tu, halig f+amna Sancta Margareta, for+ton +te
+tu +tine hande and +tinne  hige cl+ane 
gehylde and for minre lufu mycel ge+trowodest.
<R 300>
And embe lytle fece, n+as hit lang to +tan, eac hit sona
gewear+d +turh +t+are f+amne +trowunge, +t+at +t+ar
to gode gebugan fif +tusend manna.
<R 303>
+ta wear+d se gerefa swi+de eorra and he het ealle ofslean,
+ta +te on gode gelefdon.
<R 304>
And se gerefa cw+a+d to his +teowum  Malcum [^THE FOLLOWING 
FIVE WORDS MARKED FOR DELETION IN THE MS^] se ilca dernunga
gode ge+tenode: Gedrah +tu +tin swurd, 
cw+a+d se gerefa, and +ta f+amne +tu ofsleah.
<R 306>
And +ta godes wi+derwinnan +ta f+amnan genamon, ut of +t+are
byrig unger+adelice hi togoden, and +ta hi 
+t+ar becomon, +t+ar me hio slean scolde, and +ta leasan witan
to Malcum spr+acan and cw+a+don: Drah hra+ta
+tin  swurd and +ta f+amna +tu ofsleah.
<R 310>
And hire +ta to leat Malcus swa dreohlice and hire georne
b+ad and +tus cw+a+d: Gemune +tu me 
<P 179>
earminge on +tinum gebedum.
<R 312>
And seo eadige f+amne him to cw+a+d: Ic wille +te fore
biddan.
<R 313>
And hio hio to eor+tan gestrehte and +tus cw+a+d: Drihten god
+almihtig, +tu +te heofones gescope and 
eor+te  and eall +t+at men bi libba+d, geher +tu mine bene,
+t+at +alc +t+are manna synne sy forgiofene, +te 
mine +trowunge r+ade+d, and +alcum +t+are mannu, +te hi for
godes lufu geheran will+a+d.
<R 317>
And get ic +te, leofa drihten, biddan wille, +t+at +tu +alc
+t+ara manna, +te on minum naman cirice 
ar+are, and +tan +te me mid heora lihte gesecan willa+d  and 
mid o+drum +almessan and +tam +te mine +trowunge 
gewrita+d o+d+de mid heora figa gebicga+d, +t+at innan heora
husum nan unhal cild sy geboren, ne crypol,
ne dumb, ne deaf, ne blind, ne ungewittes.
<R 322>
ac forgif +tu, leofa drihten, ealle heora synna for +tinra
+t+are mycele ara and for +tinum godcundum
wuldre and for +tinre +t+are mycelen  mildheortnesse.
<R 326>
And hio hi eft ni+der gestrehte and heore hleor wi+d +t+ara
eor+tan gelegde and +ta ealle, +te hire 
ymbstodan, feollan heom on cneowgebedum.
<R 328>
And +ta ure drihten him self com of heofonum to eor+tan
astigan and hire sona to cw+a+d: Ic +te geofa 
and behate, swa hw+at swa +tu bidst and gebeden h+afst, eal hit
is +te gety+ded.
<R 331>
And eft cw+a+d ure drihten: +alc +t+ara +te on +tinre lufa me
to gebidda+d and +almessan bringa+d o+d+de mid 
leohte seca+d o+d+de +tine +trowunge r+ada+d o+d+de write
o+d+de mid his fige gebycge o+d+de inne his huse 
h+abbe, ne sceal nan yfel n+afre on him becuman.
<R 334>
and +alc  +t+are +te his synne forgifennesse habban wille on
+tinre lufan, eall hit sio forgifen.
<R 336>
Eadig eart +tu, Margareta, and ealle +ta +turh +te on me
gelefdon and gelefan willa+d.
<R 338>
And +ta seo eadiga Margareta up aras of hire gebedum feagre
gefrefred and cw+a+d to eallum +tam +te 
hire ymbstodan: Gehera+d  me, mine gebro+dra and swustra, ealda
and geunga, ealle gem+anelice.
<R 341>
Ic eow bidde, +t+at ge gelefan on drihten god +almihtigne and
on his sunu and on his halgan gaste.
<R 342>
And ic eow bidde, +t+at ge me on eowrum bedum gemunnen,
for+tan ic eam swi+de synfull.
<R 344>
+ta +ta hi hire gebedu gefylled h+afde, +ta cleopode hi
swi+de hlude +tone +te hi slean sceolde and 
cw+a+d: Malche, nim nu +tin swurd and do +t+at +te gehaten is, 
for nu is min time gecuman.
<R 347>
Malcus hire to cw+a+d: Nylle ic +te ofslean, for+ton ic geseo,
+t+at 
<P 180>
Crist is mid +te, and ic geherde, hu
he spr+ac to +te and cw+a+d, +t+at +tu his f+amne w+are.
<R 349>
And seo f+amne him to cw+a+d: Gif +tu nylt  me ofslean, nafa
+tu nan hlot mid me on heofene rice.
<R 350>
And he +ta Malcus to hire fotum gefyll and +tus cw+a+d: Ic
+te bidde, leofa eadige f+amne, +t+at +tu 
gebidde for me and forgif +tu me +tas wite, for min drihten hit
wat, +t+at ic hit unwillende do, +t+at ic 
+afre +tas d+ada gefremme.
<R 354>
And +ta seo f+amne hi to gode geb+ad and +tus  cw+a+d:
Drihten leof, forgif +tu him ealle +ta synne, +te he
gefreme+d h+af+d.
<R 356>
And he +ta Malcus his swurd adroh and +t+ara eadigra f+amne
+t+at heafod of asloh.
<R 357>
And seo eadiga f+amne Margareta hire sawle gode agef, and
Malcus on hire swi+dran uppan his swurda 
feol, and his sawle godes +angles underfeongan and +turh
+t+ara eadigra f+amne  bene gode bet+ahton.
<R 361>
+da hit geherdon ealle +ta untruman, +te w+aron +t+ar on
lande, ealle hi hire lic gesohton and heora 
h+ale +ter gefetton.
<R 363>
Sume hi w+aron blinde and deafa and sume crypeles and sume
dumbe and sume ungewitfulle.
<R 364>
Ealle hi heora h+ale +at +t+are halgan f+amnan onfenge, and
mycel mancyn, ealle +ta +te unhale w+are, 
+t+are f+amnen lic gesohton, ealle hi hale and gesunde on heora
wege ham gew+anton.
<R 367>
And ures drihtnes +angl+as +tider comon and +ta sawla
underfengon and heo on heofene rice gebrohton.
<R 368>
And nu hi is mid gode and mid eallum his halgum, and +t+ar hi
wuna+d nu and +afre  wunian sceal in 
ealra worulda woruld a buton +ande. Amen.



