<B COMETBOE>
<Q O2/3 XX XX MBO>
<N METERS OF BOETHIUS>
<A ALFRED>
<C O2/3>
<O 850-950>
<M 950-1050>
<K NON-CONTEMP>
<D WS/X>
<V VERSE>
<T X>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>
<S SAMPLE X>


[^TEXT:  THE METERS OF BOETHIUS.
THE PARIS PSALTER AND THE METERS OF BOETHIUS.
THE ANGLO-SAXON POETIC RECORDS, V.
ED. G. P. KRAPP.
LONDON: GEORGE ROUTLEDGE & SONS, LIMITED
AND NEW YORK: COLUMBIA UNIVERSITY PRESS, 1933.
PP. 158.1 - 159.46 (5)
PP. 160.1 - 173.80 (7-13)
PP. 176.1 - 177.47 (19)
PP. 185.1 - 186.44 (21)
PP. 188.1 - 192.72 (24-25)
PP. 197.1 - 202.96 (28-29)^]  

[^A6^]
<P 158>
[} [\THE METERS OF BOETHIUS\] }]
<R 5.1>
+du meaht be +d+are sunnan sweotole ge+tencean and be
+aghwelcum o+drum steorran +tara +te +after burgum
[{beorhtost{] scine+d.
<R 5.4>
Gif him wan fore wolcen hanga+d, ne m+agen hi swa leohtne
leoman ansendan, +ar se +ticca mist +tynra weor+de.
<R 5.7>
Swa oft smylte s+a su+derne wind gr+age glashlutre grimme
gedrefe+d, +tonne hie gemenga+d micla ysta,
onhrera+d hronmere; hrioh bi+d +tonne seo +te +ar gladu
onsiene w+as.
<R 5.12>
Swa oft +aspringe ut awealle+d of clife harum col and hlutor,
and gereclice rihte flowe+d, irne+d wi+d his eardes,
o+d him on innan fel+d muntes m+agenstan, and him
on middan gelige+d, atrendlod of +d+am torre.
<R 5.17>
He on tu si+d+dan tosceaden wyr+d, scir bi+d gedrefed, burna
geblonden, broc bi+d onwended of his rihtryne, ry+dum toflowen.
<R 5.21>
Swa nu +ta +tiostro +tinre heortan
<P 159>
willa+d minre leohtan lare wi+dstondan and +din modge+tonc
miclum gedrefan.
<R 5.24>
Ac gif +du nu wilnast, +t+at +du wel m+age, +t+at so+de leoht
sweotole oncnawan, leohte geleafan, +du forl+atan scealt
idle ofers+al+da, unnytne gefean.
<R 5.28>
+tu scealt eac yfelne ege an forl+atan, woruldearfo+da, ne
most +du wesan for +d+am ealles to ormod, ne +du +de +afre
ne l+at wlenca gew+acan, +te l+as +tu weor+de for
him mid ofermettum eft gescended, and to up ahafen for
orsorgum woruldges+al+dum, ne eft to waclice geortreowe
+aniges godes, +tonne +te for worulde wi+derwearda m+as+d
+tinga +treage and +tu +de selfum swi+dost onsitte.
<R 5.38>
For+d+am simle bi+d se modsefa miclum gebunden mid
gedrefnesse, gif hine dreccean mot +tissa yfla hw+a+der,
innan swencan.
<R 5.42>
For+d+am +ta twegen tregan teo+d tosomne wi+d +t+at mod foran
mistes dwoleman, +t+at hit seo ece ne mot innan geondscinan
sunne for +d+am sweartum mistum, +ar+d+am hi geswi+drad
weor+den.

<P 160>
<R 7.1>
+da ongon se wisdom his gewunan fylgan, gliowordum gol, gyd
+after spelle, song so+dcwida sumne +ta geta, cw+a+d
+t+at he ne herde +t+at on heane munt monna +anig
meahte asettan healle hroff+aste.
<R 7.6>
Ne +tearf eac h+ale+da nan wenan +t+as weorces, +t+at he
wisdom m+age wi+d ofermetta +afre gemengan.
<R 7.9>
Herdes +tu +afre +t+atte +anig mon on sondbeorgas settan
meahte f+aste healle?
<R 7.11>
Ne m+ag eac fira nan wisdom timbran +t+ar +d+ar woruldgitsung
beorg oferbr+ade+d.
<R 7.13>
Baru sond willa+d ren forswelgan; swa de+d ricra nu grundleas
gitsung gilpes and +ahta, gedrince+d to dryggum dreosendne
welan, and +teah +t+as +tearfan ne bi+d +turst aceled.
<R 7.18>
Ne m+ag h+ale+ta gehw+am hus on munte lange gel+astan,
for+d+am him lungre on swift wind swape+d.
<R 7.20>
Ne bi+d sond +ton ma wi+d micelne ren manna +angum huses
hirde, ac hit hreosan wile, sigan sond +after rene.
<R 7.23>
Swa bio+d anra gehw+as monna modsefan miclum awegede, of hiora
stede styrede, +tonne hi strong drece+d
wind under wolcnum woruldearfo+da, o+t+te [{hi{] eft se re+da
ren onhrere+d
<P 161>
sumes ymbhogan, ungemet gemen.
<R 7.29>
Ac se +de +ta ecan agan wille so+dan ges+al+da, he sceal
swi+de flion +disse worulde wlite, wyrce him si+d+dan
his modes hus, +t+ar he m+age findan ea+dmetta stan unigmet
f+astne, grundweal gearone; se toglidan ne +tearf,
+teah hit wecge wind woruldearfo+da o+d+de ymbhogena
ormete ren, for+t+am on +t+are dene drihten selfa
+tara eadmetta eardf+ast wuniga+d, +t+ar se wisdom a
wuna+d on gemyndum.
<R 7.40>
For+don orsorg lif ealnig l+ada+d woruldmen wise buton
wendige.
<R 7.42>
+tonne he eall forsih+d eor+dlicu good, and eac +tara yfela
orsorh wuna+d, hopa+d to +t+am ecum +te +t+ar +after cuma+d,
hine +tonne +aghwonan +almihtig good singallice
simle gehealde+d anwunigendne his agenum modes
ges+al+dum +turh metodes gife, +teah hine se wind
woruldearfo+da swi+de swence, and hine singale gemen g+ale,
+tonne him grimme on worulds+al+da wind wra+de blawe+d,
+teah +te hine ealneg se ymbhoga +dyssa worulds+al+da
wra+de drecce.
<R 8.1>
Sona swa se wisdom +tas word h+afde swetole areahte, he +ta
si+d+dan ongan singan so+dcwidas, and +tus selfa cw+a+d:
Hw+at, sio forme eld foldbuendum geond eor+dan sceat
+aghwam dohte, +ta +ta anra gehw+am on eor+dw+astmum genoh
+duhte.
<R 8.7>
Nis hit nu +da swelc.
<R 8.8>
N+aron +ta geond weorulde welige hamas,
<P 162>
ne mislice mettas ne drincas, ne hi +tara hr+agla huru
ne gemdon +te nu drihtguman diorost l+ata+d.
<R 8.12>
For+d+am hiora n+anig n+as +ta gieta, ne hi ne gesawon
sundbuende, ne ymbutan hi awer ne herdon.
<R 8.15>
Hw+at, hi firenlusta frece ne w+aron, buton swa hi meahton
gemetlicost +da gecynd began +te him Crist gesceop,
and hi +ane on d+age +aton symle on +afentid eor+dan
w+astmas, wudes and wyrta, nalles win druncon scir of steape.
<R 8.21>
N+as +ta scealca nan +te mete o+d+de drinc m+angan cu+de,
w+ater wi+d hunige, ne heora w+ada +ton ma sioloce siowian,
ne hi siarocr+aftum godweb giredon, ne hi gimreced
setton searolice, ac hi simle him eallum
tidum ute slepon under beamsceade, druncon burnan w+ater,
calde wyllan.
<R 8.29>
N+anig cepa ne seah ofer eargeblond ellendne wearod, ne huru
ymbe sciphergas [{scealcas{] ne herdon, ne
fur+dum fira nan ymb gefeoht sprecan.
<R 8.33>
N+as +deos eor+de besmiten awer +ta geta beornes blode +te
hine bill rude, ne fur+dum wundne wer weoruldbuende gesawan
under sunnan.
<R 8.36>
N+anig si+d+dan w+as weor+d on weorulde, gif mon his willan
ongeat yfelne mid eldum; he w+as +aghw+am la+d.
<R 8.39>
Eala, +t+ar hit wurde o+d+de wolde god +t+at on eor+dan nu
ussa tida geond +tas widan weoruld w+aren +aghw+as
swelce under sunnan.
<R 8.42>
Ac hit is s+amre nu, +t+at +deos gitsunc hafa+d gumena
gehwelces mod amerred, +t+at he maran ne rec+d,
<P 163>
ac hit on witte weallende byrn+d.
<R 8.46>
Efne sio gitsung +te n+anne grund hafa+d swearte sw+afe+d
sumes onlice efne +tam munte +te nu monna bearn
Etne hata+d.
<R 8.49>
Se on iglonde Sicilia swefle byrne+d, +t+at mon helle fyr
hate+d wide, for+t+am hit symle bi+d sinbyrnende,
and ymbutan hit o+dra stowa blate forb+arn+d biteran lege.
<R 8.55>
Eala, hw+at se forma feohgitsere w+are on worulde, se +tas
wongstedas grof +after golde and +after gimcynnum.
<R 8.58>
Hw+at, he frecnu gestreon funde m+anegum bewrigen on weorulde,
w+atere o+d+de eor+dan.
<R 9.1>
Hw+at, we ealle witon hwelce +arleste ge neah ge feor Neron
worhte, Romwara cyning, +ta his rice w+as hehst under
heofonum, to hryre monegum.
<R 9.5>
W+alhreowes gewed w+as ful wide cu+d, unrihth+amed, arleasta
fela, man and mor+dor, misd+ada worn, unrihtwises inwid+toncas.
<R 9.9>
He het him to gamene geara forb+arnan Romana burig, sio his
rices w+as ealles e+delstol.
<R 9.11>
He for unsnyttrum wolde fandian gif +t+at fyr meahte lixan swa
leohte and swa longe eac, read rasettan, swa he Romane secgan
geherde +t+at on sume tide Troia burg ofertogen h+afde lega
leohtost, lengest burne hama under hefonum.
<R 9.18>
N+as +t+at herlic d+ad, +t+at hine swelces gamenes gilpan
lyste,
<P 164>
+ta he ne earnade elles wuhte, buton +t+at
he wolde ofer wer+diode his anes huru anwald cy+dan.
<R 9.23>
Eac hit ges+alde +at sumum cierre +d+at se ilca het ealle
acwellan +ta ricostan Romana witan and +ta +a+telestan
eorlgebyrdum +te he on +t+am folce gefrigen h+afde, and
on uppan agene bro+dor and his modor mid meca ecgum,
billum ofbeatan.
<R 9.30>
He his bryde ofslog self mid sweorde, and he symle w+as micle
+te bli+dra on breostcofan +tonne he swylces [{mor+dres{]
m+ast gefremede.
<R 9.34>
Nalles sorgode hw+a+der si+d+dan a mihtig drihten ametan wolde
wrece be gewyrhtum wohfremmendum, ac he
on fer+de f+agn facnes and searuwa w+alriow wunode.
<R 9.38>
Wiold emne swa +teah ealles +tisses m+aran middangeardes, swa
swa lyft and lagu land ymbclyppa+d, garsecg embegyrt
gumena rice, [{secgea{] sitlu, su+d, east and
west, o+d +da nor+dmestan n+assan on eor+dan; eall
+t+at Nerone nede o+d+de lustum, hea+dorinca gehwilc, heran
sceolde.
<R 9.46>
He h+afde him to gamene, +tonne he on gylp astag, hu he
eor+dcyningas yrmde and cwelmde.
<R 9.48>
Wenst +du +t+at se anwald ea+de ne meahte godes +almihtiges
+tone gelpsca+dan rice ber+adan and bereafian his anwaldes
+durh +ta ecan meaht, o+d+de him his yfeles elles gestioran?
<R 9.53>
Eala, gif he wolde, +d+at he wel meahte, +t+at unriht him
ea+de forbiodan.
<R 9.55>
Eawla, +t+at se hlaford hefig gioc slepte
<P 165>
sware on +ta swyran sinra +degena, ealra +dara h+ale+da
+te on his tidum geond +tas l+anan worold liban sceoldon.
<R 9.59>
He on unscyldgum eorla blode his sweord selede swi+de gelome;
+d+ar w+as swi+de sweotol, +t+at we s+adon oft, +t+at se
anwald ne de+d awiht godes gif se wel nele +te his geweald
hafa+d.
<R 10.1>
Gif nu h+ale+da hwone hlisan lyste, unnytne gelp agan wille,
+tonne ic hine wolde wordum biddan +t+at he
hine +aghwonon utan ymbe+tohte, sweotole ymbsawe, su+d, east
and west, hu widgil sint wolcnum ymbutan
heofones hwealfe.
<R 10.7>
Higesnotrum m+ag ea+de +dincan +t+at +teos eor+de sie eall for
+d+at o+der unigmet lytel; +teah hio unwisum widgel +tince,
on stede stronglic steorleasum men, +teah m+ag +tone wisan
on gewitlocan +t+are gitsunge gelpes scamian, +donne hine
+t+as hlisan heardost lyste+d, and he +teah ne m+ag +tone
tobredan ofer +das nearowan n+anige +dinga eor+dan sceatas;
is +d+at unnet gelp.
<R 10.18>
Eala, ofermodan, hwi eow a lyste mid eowrum swiran selfra
willum +t+at sw+are gioc symle underlutan?
<R 10.21>
Hwy ge ymb +d+at unnet ealnig swincen, +t+at ge +tone hlisan
habban tilia+d ofer +dioda ma +tonne eow +tearf
sie?
<R 10.24>
+teah eow nu ges+ale +t+at eow su+d o+d+de nor+d +ta ytmestan
eor+dbuende on monig +diodisc miclum herien +deah
hwa +a+dele sie eorlgebyrdum,
<P 166>
welum geweor+dad, and on wlencum +dio, dugu+dum diore,
dea+d +t+as ne scrife+d, +tonne him rum forl+at rodora
waldend, ac he +tone welegan w+adlum gelice efnm+arne
gede+d +alces +tinges.
<R 10.33>
Hw+ar sint nu +t+as wisan Welandes ban, +t+as goldsmi+des, +te
w+as geo m+arost?
<R 10.35>
For+ty ic cw+a+d +t+as wisan Welandes ban, for+dy +angum ne
m+ag eor+dbuendra se cr+aft losian +te him Crist onl+an+d.
<R 10.38>
Ne m+ag mon +afre +ty e+d +anne wr+accan his cr+aftes beniman,
+te mon oncerran m+ag sunnan onswifan, and +disne swiftan
rodor of his rihtryne rinca +anig.
<R 10.42>
Hwa wat nu +t+as wisan Welandes ban, on hwelcum hi hl+awa
hrusan +teccen?
<R 10.44>
Hw+ar is nu se rica Romana wita, and se aroda, +te we ymb
spreca+d, hiora heretoga, se gehaten w+as mid
+t+am burgwarum Brutus nemned?
<R 10.48>
Hw+ar ic eac se wisa and se weor+dgeorna and se f+astr+ada
folces hyrde, se w+as u+dwita +alces +dinges,
cene and cr+aftig, +d+am w+as Caton nama?
<R 10.52>
Hi w+aron gefyrn for+dgewitene; nat n+anig mon hw+ar hi nu
sindon.
<R 10.54>
Hw+at is hiora here buton se hlisa an?
<R 10.55>
Se is [{eac{] to lytel swelcra lariowa, for+d+am +ta
magorincas maran wyr+de w+aron on worulde.
<R 10.57>
Ac hit is wyrse nu, +t+at geond +tas eor+dan +aghw+ar sindon
hiora gelican hwon ymbspr+ace, sume openlice
ealle forgitene, +t+at hi se hlisa hiwcu+de ne m+ag forem+are
weras for+d gebrengan.
<R 10.63>
+teah ge nu wenen and wilnigen
<P 167>
+t+at ge lange tid libban moten, hw+at iow +afre +ty bet bio
o+d+de +tince?
<R 10.66>
For+d+am +te nane forlet, +teah hit lang +dince, dea+d +after
dogorrime, +tonne he h+af+d drihtnes leafe.
<R 10.68>
Hw+at +tonne h+abbe h+ale+ta +anig, guma +at +t+am gilpe, gif
hine gegripan mot se eca dea+d +after +tissum worulde?
<R 11.1>
An sceppend is butan +alcum tweon.
<R 11.2>
Se is eac wealdend woruldgesceafta, heofones and eor+dan and
heare s+a and ealra +tara +te +d+ar in wunia+d,
[{unges+awenlicra{] , and eac swa same +dara +de we eagum
on locia+d, ealra gesceafta.
<R 11.7>
Se is +almihtig, +t+am olecca+d ealle gesceafte +te +t+as
ambehtes awuht cunnon, ge eac swa same +ta +d+as auht nyton
+t+at hi +t+as +deodnes +teowas sindon.
<R 11.12>
Se us gesette sido and +teawas, eallum gesceaftum
[{unawendende{] , singallice sibbe gecynde, +ta +ta he wolde,
+t+at +t+at he wolde, swa lange swa he wolde +t+at hit
wesan sceolde.
<R 11.17>
Swa hit eac to worulde sceal wunian for+d, for+t+am +afre ne
magon +ta unstillan woruldgesceafta weor+dan
gestilde, of +d+am ryne onwend +de him rodera weard
endebyrdes eallum gesette.
<R 11.22>
H+af+d se alwealda ealle gesceafta geb+at mid his bridle,
hafa+d butu gedon, ealle gemanode and eac getogen,
<P 168>
+t+at hi ne moten ofer metodes est +afre gestillan, ne
eft eallunga swi+dor stirian, +tonne [{him{] sigora weard
his gewealdle+der wille onl+aten.
<R 11.29>
He hafa+d +te bridle butu befangen heofon and eor+dan and eall
holma begong.
<R 11.31>
Swa h+af+d gehea+d+arod hefonrices weard mid his anwealde
ealle gesceafta, +t+at hiora +aghwilc wi+d o+der win+d,
and +teah winnende wre+dia+d f+aste, +aghwilc o+der utan
ymbclyppe+d, +ty l+as hi toswifen.
<R 11.36>
For+d+am hi symle sculon +done ilcan ryne eft gecyrran +te +at
frym+de f+ader getiode, and swa edniwe eft
gewior+dan.
<R 11.40>
Swa hit nu faga+d, frean ealdgeweorc, +t+atte winnende
wi+derweard gesceaft f+aste sibbe for+d anhealda+d.
<R 11.43>
Swa nu fyr and w+ater, folde and lagustream, [{manigu{] o+dru
gesceaft efnswi+de him giond +tas widan worulde winna+d
betweox him, and swa +teah magon hiora +tegnunga
and geferscipe f+aste gehealdan.
<R 11.48>
Nis hit no +t+at an +t+at swa ea+de m+ag wi+derweard gesceaft
wesan +atg+adere symbel geferan, ac hit is sellicre
+t+at hiora +anig ne m+ag butan o+trum bion.
<R 11.52>
Ac sceal wuhta gehwilc wi+derweardes hw+athwugu habban under
heofonum, +t+at his hige durre gemetgian,
+ar hit to micel weor+de.
<R 11.55>
H+af+d se +almihtiga eallum gesceaftum +d+at gewrixle geset
+te nu wunian sceal, wyrta growan, leaf grenian,
+t+at on h+arfest eft hrest and wealuwa+d.
<R 11.59>
Winter bringe+d weder ungemet cald, swifte windas.
<R 11.60>
Sumor +after cyme+d,
<P 169>
wearm gewideru.
<R 11.61>
Hw+at, +ta wonnan niht mona onlihte+d, o+d+d+at monnum d+ag
sunne bringe+d giond +tas sidan gesceaft.
<R 11.64>
H+af+d se ilca god eor+dan and w+atere mearce gesette.
<R 11.65>
Merestream ne dear ofer eor+dan sceat eard gebr+adan fisca
cynne butan frean leafe, ne hio +afre ne mot eor+dan
+tyrscwold up ofersteppan, ne +da ebban +ton ma
folces mearce oferfaran moton.
<R 11.71>
+ta gesetnesse sigora wealdend, lifes leohtfruma, l+at +tenden
he wile geond +tas m+aran gesceaft mearce
healden.
<R 11.74>
Ac +tonne se eca and se +almihtiga +ta gewealdle+deru wile
onl+atan efne +tara bridla +te he geb+atte mid his agen weorc
eall +at frym+de, +t+at is wi+derweardnes wuhte
gehwelcre +te we mid +t+am bridle becnan tilia+d;
gif se +dioden l+at +ta toslupan, sona hi forl+ata+d
lufan and sibbe, +d+as geferscipes freondr+adenne;
tila+t anra gehwilc agnes willan, woruldgesceafta winna+d
betweox him, o+d+d+at +dios eor+de eall forweor+de+d,
and eac swa same o+dra gesceafta weor+da+d him selfe
si+d+dan to nauhte.
<R 11.88>
Ac se ilca god, se +t+at eall metga+d, se gefeh+d fela folca
tosomne, and mid freondscipe f+aste gegadra+d, [{gesamna+d{]
sinscipas, sibbe gemenge+d, cl+anlice lufe.
<R 11.92>
Swa se cr+aftga eac geferscipas f+aste gesamna+d, +t+at hi
hiora freondscipe for+d on symbel untweofealde
treowa gehealda+d, sibbe samrade.
<R 11.96>
Eala, sigora god,
<P 170>
[{w+are{] +tis moncyn miclum ges+alig, gif
hiora modsefa meahte weor+dan sta+dolf+ast gereaht +turh
+ta strongan meaht, and geendebyrd, swa swa o+dra
sint woruldgesceafta.
<R 11.101>
W+are hit, la, +tonne murge mid monnum, gif hit meahte swa.
<R 12.1>
Se +te wille wyrcan w+astmb+are lond, atio of +d+am +acere
+arest sona fearn and +tornas and fyrsas swa same,
wiod +ta +te willa+d welhw+ar derian cl+anum hw+ate, +ty
l+as he ci+da leas licge on +d+am lande.
<R 12.6>
Is leoda gehw+am +dios o+dru bysen efnbehefu, +t+at is,
+t+atte +dynce+d +tegna gehwelcum huniges bibread healfe
+ty swetre, gif he hwene +ar huniges teare bitres
onbyrge+d.
<R 12.11>
Bi+d eac swa same monna +aghwilc micle +ty f+agenra li+des
we+dres, gif hine lytle +ar stormas gestonda+d and se stearca
wind nor+dan and eastan.
<R 12.15>
N+anegum +tuhte d+ag on +tonce, gif sio dimme niht +ar ofer
eldum egesan ne brohte.
<R 12.18>
Swa +tinc+d anra gehw+am eor+dbuendra sio so+de ges+al+d symle
+de betere and +ty wynsumre, +te he wita ma, heardra hen+da,
her adreoge+d.
<R 12.22>
+tu meaht eac mycle +ty e+d on modsefan so+da ges+al+da
sweotolor gecnawan, and to heora cy+d+de becuman si+d+dan,
gif +tu up atyhs+d +arest sona and +du awyrtwalast of
gewitlocan leasa ges+al+da, swa swa londes ceorl of his
+acere lyc+d yfel weod monig.
<P 171>
<R 12.29>
Si+d+dan ic +de secge +t+at +tu sweotole meaht so+da ges+al+da
sona oncnawan, and +tu +afre ne recst +aniges +dinges ofer
+ta ane, gif +tu hi ealles ongitst.
<R 12.32>
Ic wille mid giddum get gecy+dan hu se +almihtga [{ealla{]
gesceafta bryr+d mid his bridlum, beg+d +dider
he wile mid his anwalde, ge endebyrd wundorlice wel gemetga+d.
<R 13.6>
Hafa+d swa gehea+dorad heofona wealdend, utan befangen ealla
gesceafta, ger+aped mid his racentan, +t+at
hi aredian ne magon +t+at hi hi +afre him of aslepen; and
+teah wuhta gehwilc wriga+d toheald sidra gesceafta,
swi+de onhelded wi+d +t+as gecyndes +te him cyning
engla, f+ader +at frym+de, f+aste getiode.
<R 13.14>
Swa nu +tinga gehwilc +diderweard funda+d sidra gesceafta,
buton sumum englum and moncynne, +tara micles to feola
woroldwuniendra win+d wi+d gecynde.
<R 13.18>
+teah nu on londe leon gemete, wynsume wiht wel atemede, hire
magister miclum lufige, and eac ondr+ade dogora gehwelce,
gif hit +afre ges+al+d +t+at hio +aniges blodes onbyrge+d,
ne +dearf beorna nan wenan +t+are wyrde +t+at hio wel
si+d+dan hire taman healde, ac ic tiohhie +t+at hio +d+as
niwan taman nauht ne gehicgge, ac +done wildan gewunan
wille ge+tencan hire eldrena; ongin+d eorneste racentan
slitan, ryn, grymetigan, and +arest abit hire agenes
<P 172>
huses hirde, and hra+de si+d+dan h+ale+da gehwilcne +te hio
gehentan m+ag.
<R 13.33>
Nele hio forl+atan libbendes wuht, neata ne monna, nim+d eall
+t+at hio fint.
<R 13.35>
Swa do+d wudufuglas; +teah hi wel sien, tela atemede, gif hi
on treowum weor+da+d holte tomiddes, hr+a+de bio+d forsewene
heora lareowas, +te hi lange +ar tydon and temedon.
<R 13.39>
Hi on treowum wilde ealdgecynde a for+d si+d+dan willum
wunia+d, +teah him wolde hwilc heora lareowa listum beodan
+tone ilcan mete +te he hi +aror mid tame getede.
<R 13.44>
Him +ta twigu +tinca+d emne swa merge +t+at hi +t+as metes ne
rec+d, +dinc+d him to +don wynsum +t+at him se weald oncwy+d;
+tonne hi gehera+d hleo+drum br+agdan o+dre
fugelas, hi heora agne stefne styria+d; stuna+d eal
geador welwynsum sanc, wudu eallum oncwy+d.
<R 13.51>
Swa bi+d eallum treowum +te him on +a+dele bi+d +t+at hit on
holte hyhst geweaxe; +teah +du hwilcne boh byge
wi+d eor+dan, he bi+d upweardes, swa +du an forl+atst widu on
willan, went on gecynde.
<R 13.56>
Swa de+d eac sio sunne, +tonne hio on sige weor+de+d, ofer
midne d+ag, merecondel scyf+d on ofd+ale, uncu+dne weg nihtes
gene+de+d, nor+d eft and east; eldum otewe+d,
brenc+d eor+dwarum morgen meretorhtne.
<R 13.61>
Hio ofer moncyn stih+d a upweardes, o+d hio eft cyme+d +t+ar
hire yfemes+d bi+d eard gecynde.
<R 13.64>
Swa swa +alc gesceaft ealle m+agene geond +das widan woruld
wriga+d and higa+d, ealle m+agene eft symle onlyt,
<P 173>
wi+d his gecyndes cym+d to, +donne hit m+ag.
<R 13.68>
Nis nu ofer eor+dan +anegu gesceaft +te ne wilnie +t+at hio
wolde cuman to +tam earde +te hio of becom; +t+at is orsorgnes
and ecu rest, +t+at is openlice +almihti god.
<R 13.73>
Nis nu ofer eor+dan +anegu gesceaft +te ne hwearfige, swa swa
hweol de+d, on hire selfre.
<R 13.75>
For+don hio swa hwearfa+d, +t+at hio eft cume +t+ar hio +aror
w+as; +tonne hio +arest sie utan behwerfed,
+tonne hio ealles wyr+d utan becerred, hio sceal eft don +t+at
hio +ar dyde, and eac wesan +t+at hio +aror w+as.

<P 176>
<R 19.1>
Eala, +t+at is hefig dysig, hyge+d ymbe se +de wile, and
frecenlic fira gehwilcum +t+at +da earman men mid
ealle gedw+ale+d, of +d+am rihtan wege recene al+aded.
<R 19.5>
Hw+a+der ge willen on wuda secan gold +d+at reade on grenum
triowum?
<R 19.7>
Ic wat swa +deah +t+at hit witena nan +tider ne sece+d,
for+d+am hit +t+ar ne wex+d, ne on wingeardum wlitige
gimmas.
<R 19.10>
Hwy ge nu ne settan on sume dune fiscnet eowru, +tonne eow
fon lyste+d leax o+d+de cyperan?
<R 19.12>
Me gelicost +dinc+d +t+atte ealle witen eor+dbuende
+toncolmode +d+at hi +t+ar ne sint.
<R 19.15>
hw+a+ter ge nu willen w+a+tan mid hundum on sealtne s+a,
+tonne eow secan lyst heorotas and hinda?
<R 19.17>
+tu gehicgan meaht +t+at ge willa+d +da on wuda secan oftor
micle +tonne ut on s+a.
<R 19.20>
Is +d+at wundorlic, +t+at we witan ealle, +t+at mon secan
sceal be s+awaro+de and be eaofrum +a+tele gimmas,
hwite and reade and hiwa gehw+as.
<R 19.24>
Hw+at, hi eac witon hw+ar hi eafiscas secan +turfan, and
swylcra fela weoruldwelena; hi +t+at wel do+d,
<P 177>
geornfulle men, geara gehwilce.
<R 19.28>
Ac +d+at is earmlicost ealra +tinga +t+at +ta dysegan sint on
gedwolan wordene, efne swa blinde +t+at hi on
breostum ne magon ea+de gecnawan hw+ar +ta ecan good, so+da
ges+al+da, sindon gehydda.
<R 19.33>
For+t+am hi +afre ne lyst +after spyrian, secan +ta ges+al+da.
<R 19.34>
Wena+d samwise +t+at hi on +dis l+anan m+agen life findan
so+da ges+al+da, +t+at is selfa god.
<R 19.37>
Ic nat hu ic m+age n+anige +dinga ealles swa swi+de on sefan
minum hiora dysig t+alan swa hit me don lyste+d,
ne ic +te swa sweotole gesecgan ne m+ag, for+d+am [{hi{]
sint earmran and eac dysegran, unges+aligran,
+tonne ic +te secgan m+age.
<R 19.43>
Hi wilnia+d welan and +ahta and weor+dscipes to gewinnanne;
+tonne hi habba+d +t+at hiora hige sece+d, wena+d +tonne
swa gewitlease +d+at hi +ta so+dan ges+al+da h+abben.

<P 185>
<R 21.1>
Wel la, monna bearn geond middangeard, friora +aghwilc fundie
to +t+am ecum gode +te we ymb spreca+d, and to +t+am
ges+al+dum +te we secga+d ymb.
<R 21.5>
Se +de +donne nu sie nearwe gehefted mid +tisses m+aran
middangeardes unnyttre lufe, sece him eft hr+a+de
fulne friodom, +t+at he for+d cume to +t+am ges+al+dum saula
r+ades.
<R 21.10>
For+t+am +t+at is sio an rest eallra geswinca, hyhtlicu hy+d
heaum ceolum modes usses, meresmylta wic.
<R 21.13>
+t+at is sio an hy+d +te +afre bi+d +after +tam y+dum ura
geswinca, ysta gehwelcre, ealnig smylte.
<R 21.16>
+t+at is sio fri+dstow and sio frofor an eallra yrminga +after
+tissum weoruldgeswincum.
<R 21.18>
+t+at is wynsum stow +after +tyssum yrm+dum to aganne.
<R 21.20>
Ac ic georne wat +t+atte gylden ma+dm, sylofren sincstan,
searogimma nan,
<P 186>
middangeardes wela modes eagan +afre ne onlyhta+d,
auht ne gebeta+d hiora scearpnesse to +t+are sceawunga so+dra
ges+al+da, ac hi swi+dor get monna gehwelces modes eagan
ablenda+d on breostum, +tonne hi hi beorhtran gedon.
<R 21.28>
For+d+am +aghwilc +ding +te on +tys andweardan life lica+d
l+anu sindon, eor+dlicu +ting a fleondu.
<R 21.31>
Ac +t+at is wundorlic wlite and beorhtnes +te wuhta gehw+as
wlite geberhte+d and +after +t+am eallum wealde+d.
<R 21.34>
Nele se waldend +d+at forweor+dan scylen saula usse, ac he hi
selfa wile leoman onlihtan, lifes wealdend.
<R 21.37>
Gif +tonne h+ale+da hwilc hlutrum eagum modes sines m+ag +afre
ofsion hiofones leohtes hlutre beorhto, +tonne wile he secgan
+t+at +d+are sunnan sie beorhtnes +tiostro
beorna gehwylcum to metanne wi+d +t+at micle
leoht godes +almihtiges; +t+at is gasta gehw+am ece butan
ende eadegum saulum.

<P 188>
<R 24.1>
Ic h+abbe fi+dru fugle swiftran, mid +d+am ic fleogan m+ag
feor fram eor+dan
<P 189>
ofer heane hrof heofones +tisses,
ac +d+ar ic nu moste mod gefe+dran, +dinne fer+dlocan,
fe+drum minum, o+d+d+at +du meahte +tisne middangeard,
+alc eor+dlic +ding, eallunga forsion.
<R 24.8>
Meahtes ofer rodorum gereclice fe+derum lacan, feor up ofer
wolcnu windan, wlitan si+d+dan ufan ofer ealle.
<R 24.11>
Meahtes eac faran ofer +d+am fyre +de fela geara for lange
betweox lyfte and rodere, swa him +at frym+de
f+ader getiode.
<R 24.15>
+du meahtest +de si+d+dan mid +d+are sunnan faran betweox
o+drum tunglum.
<R 24.17>
Meahtest +de full recen on +d+am rodere ufan si+d+dan
weor+dan, and +donne samtenges +at +d+am +alcealdan anum
steorran, se yfmest is eallra tungla, +done Saturnus
sundbuende hata+d under heofonum; he is se cealda eallisig
tungl, yfemest wandra+d ofer eallum ufan o+drum steorrum.
<R 24.25>
Si+d+dan +du +donne +done up a hafast for+d oferfarenne, +du
meaht feorsian; +donne bist +du si+d+dan sona ofer uppan
rodere ryneswiftum.
<R 24.28>
Gif +du on riht f+arest, +de +done hehstan heofon behindan
l+atst, +donne meaht +du [{si+d+dan{] so+des leohtes
habban +tinne d+al, +donan an cyning rume ricsa+d ofer roderum
up and under swa same eallra gesceafta,
weorulde walde+d.
<R 24.34>
+t+at is wis cyning, +t+at is se +de walde+d giond wer+dioda
ealra o+dra eor+dan cyninga, se mid his bridle
[{ymbeb+ated{] h+af+d
<P 190>
ymbhwyrft ealne eor+dan and heofones.
<R 24.39>
He his gewaldle+der wel gemetga+d, se stiore+d a +turg +da
strongan meaht +d+am hr+adw+ane heofones and eor+dan.
<R 24.42>
Se an dema is gest+a+d+dig, unawendendlic, wlitig and m+are.
<R 24.44>
Gif +du [{weor+dest{] on wege rihtum up to +d+am earde, +t+at
is +a+dele stow, +deah +du hi nu geta forgiten h+abbe,
gif +du +afre eft +t+ar an cymest, +donne wilt +tu secgan
and sona cwe+dan: +dis is eallunga min agen cy+d,
eard and e+del.
<R 24.50>
Ic w+as +ar hionan cumen and acenned +durh +disses cr+aftgan
meaht.
<R 24.52>
Nylle ic +afre hionan ut witan, ac ic symle her softe wille
mid f+ader willan f+aste stondan.
<R 24.55>
Gif +de +donne +afre eft geweor+de+d +t+at +du wilt o+d+de
most weorolde +diostro eft fandian, +du meaht ea+de gesion
unrihtwise eor+dan cyningas and +ta ofermodan o+dre
rican +de +tis werige folc wyrst tucia+d, +t+at hi symle
bio+d swi+de earme, unmehtige +alces +dinges, emne +da
ilcan +te +tis earme folc sume hwile nu swi+dost ondr+ad+a+d.
<R 25.1>
Geher nu an spell be +d+am ofermodum unrihtwisum eor+dan
cyningum, +da her nu manegum and mislicum w+adum
wlitebeorhtum wundrum scina+d on heahsetlum, hrofe getenge,
golde gegerede and gimcynnum, utan ymbestandne mid unrime
<P 191>
+degna and eorla.
<R 25.8>
+ta bio+d gehyrste mid heregeatwum hildetorhtum, sweordum and
fetelum swi+de geglengde, and +tegnia+d +drymme micle +alc
o+drum, and hi ealle him +donan mid +dy +drymme +treatia+d
gehwider ymbsittenda o+dra +deoda; and se hlaford ne scrif+d,
+de +d+am here walde+d, freonde ne feonde, feore ne +ahtum,
ac he re+digmod r+ast on gehwilcne, wedehunde wuhta gelicost;
bi+d to up ah+afen inne on mode for +d+am anwalde +te him
anra gehwilc his tirwina to fultema+d.
<R 25.22>
Gif mon +donne wolde him awindan of +t+as cynegerelan cla+da
gehwilcne, and him +tonne oftion +dara +degnunga and +t+as
anwaldes +de he [{+ar{] h+afde, +donne meaht +du
gesion +t+at he bi+d swi+de gelic sumum +dara gumena +te
him geornost nu mid +degnungum +dringa+d ymbeutan; gif
he wyrsa ne bi+d, ne wene ic his na beteran.
<R 25.30>
Gif him +tonne +afre unmendlinga weas geberede +t+at him
wurde oftogen +trymmes and w+ada and +tegnunga and +d+as
anwaldes +te we ymbe spreca+d, gif him +anig +tara
ofhende wyr+d, ic wat +t+at him +tynce+d +t+at he +tonne
sie becropen on carcern, o+d+de co+dlice racentan ger+aped.
<R 25.37>
Ic gereccan m+ag +t+at of ungemete +alces +dinges, wiste and
w+ada, wingedrinces, and of swetmettum, swi+dost weaxa+d
+t+are wr+annesse wod+drag micel; sio swi+de
gedr+af+d sefan ingehygd monna gehwelces, +tonan m+ast
cyme+d
<P 192>
yfla ofermetta, unnetta saca.
<R 25.45>
+tonne hi [{gebolgene{] weor+da+d, him wyr+d on breostum inne
beswungen sefa on hra+dre mid +d+am swi+dan welme
hatheortnesse, and hre+de si+d+dan unrotnesse eac
[{ger+aped{] , hearde geh+afted.
<R 25.49>
Him si+d+dan ongin+d sum tohopa swi+de leogan +t+as gewinnes
wr+ace; wilna+d +t+at irre anes and o+dres; him +t+at eall
geh+at his recelest, rihtes ne scrife+d.
<R 25.54>
Ic +de s+ade +ar on +disse selfan bec +t+at sumes goodes sidra
gesceafta anlepra +alc a wilnode for his agenum ealdgecynde.
<R 25.58>
Unrihtwise eor+dan cyningas ne magon +afre +turhtion awuht
goodes for +d+am yfle +te ic +de +ar s+ade.
<R 25.61>
Nis +d+at nan wundor, for+d+am hi willa+d hi +t+am un+deawum
+te ic +de +ar nemde, anra gehwelcum, a under+deodan.
<R 25.64>
Sceal +donne nede nearwe gebugan to +dara hlaforda
[{h+aftedome{] , +te he hine eallunga +ar under+tiodde.
<R 25.67>
+d+at is wyrse get, +t+at he winnan nyle wi+d +d+am anwalde
+anige stunde; +t+ar he wolde a winnan onginnan,
and +tonne on +d+am gewinne +turhwunian for+d, +tonne n+afde
he nane scylde, +deah he oferwunnen weor+dan sceolde.

<P 197>
<R 28.1>
Hwa is on eor+dan nu unl+ardra +te ne wundrige wolcna
f+areldes, rodres swifto, ryne tunglo, hu hy +alce
d+age utan ymbhwerfe+d eallne middangeard?
<R 28.5>
Hwa is moncynnes +t+at ne wundrie ymb +tas wlitegan tungl, hu
hy sume habba+d swi+de micle scyrtran ymbehwerft,
sume scri+da+d leng utan ymb eall +dis?
<R 28.9>
An +tara tungla woruldmen hata+d w+anes +tisla; +ta habba+d
scyrtran scri+de and f+arelt, ymbhwerft l+assan,
+donne o+dru tungl, for+d+am hi +t+are eaxe utan
ymbhweorfe+d, +tone nor+dende nean ymbcerre+d.
<R 28.15>
On +d+are ilcan eaxe hwerfe+d eall ruma rodor, recene
scri+de+d, su+dheald swife+d, swift, untiorig.
<R 28.18>
Hwa is on weorulde +t+at ne wafige, buton +ta ane +te hit +ar
wisson, +t+atte m+anig tungul maran ymbhwyrft
hafa+d on heofonum, sume hwile eft l+asse geli+da+d, +ta +te
laca+d ymb eaxe ende o+d+de micle mare gefera+d
+ta hire [{middre{] ymbe
<P 198>
+tearle +tr+age+d?
<R 28.25>
+tara is gehaten Saturnus sum, se h+af+d ymb +tritig
wintergerimes weoruld ymbcirred.
<R 28.28>
Boetes eac beorhte scine+d, o+der steorra, cyme+d efne swa
same on +tone ilcan stede eft ymb +tritig geargerimes,
+d+ar he gio +da w+as.
<R 28.32>
Hwa is weoruldmonna +t+at ne wafige, hu sume steorran o+d +da
s+a fara+d under merestreamas, +t+as +de monnum +dinc+d?
<R 28.35>
Swa eac sume wena+d +t+at sio sunne do, ac se wena nis wuhte
+te so+dra.
<R 28.37>
Ne bi+d hio on +afen ne on +armorgen merestreame +te near +de
on midne d+ag, and +teah monnum +tync+d +t+at hio on mere
gange under s+aswife, +tonne hio on setl glide+d.
<R 28.41>
Hwa is on weorulde +t+at ne wundrige fulles monan, +tonne he
f+aringa wyr+d under wolcnum wlites bereafad, be+teaht
mid +tiostrum?
<R 28.44>
Hwa +tegna ne m+age eac wafian +alces stiorran, hwy hi ne
scinen scirum wederum beforan +d+are sunnan, swa hi symle
do+d middelnihtum wi+d +tone monan foran, hadrum heofone?
<R 28.49>
Hw+at, nu h+ale+da fela swelces and swelces swi+de wundra+d,
and ne wundria+d +t+atte wuhta gehwilc, men and netenu,
micelne habba+d and unnetne andan betweoh him,
swi+de singalne.
<R 28.54>
Is +t+at sellic +tincg, +t+at hi ne wundria+d hu hit on
wolcnum oft +tearle +tunra+d, +tragm+alum eft anforl+ate+d,
and eac swa same y+d wi+d lande ealneg winne+d, [{wind{]
wi+d w+age.
<R 28.59>
Hwa wundra+d +t+as o+d+de o+tres eft, hwi +t+at is m+age
<P 199>
weor+dan of w+atere; [{wlitetorht{] scine+d sunna swegle
hat; sona gecerre+d ismere +anlic on his agen gecynd,
weor+de+d to w+atre.
<R 28.64>
Ne +tinc+d +t+at wundor micel monna +anegum +t+at he m+agge
gesion dogora gehwilce, ac +d+at dysie folc +t+as hit seldnor
gesih+d swi+dor wundra+d, +teah hit wisra gehw+am
wundor +dince on his modsefan micle l+asse.
<R 28.70>
[{Unsta+dolf+aste{] ealneg wena+d +t+at +t+at ealdgesceaft
+afre ne w+are +t+at hi seldon gesio+d, ac swi+dor giet
weoruldmen wena+d +t+at hit weas come, niwan ges+alde, gif
hiora n+angum hwylc +ar ne o+deowde; is +t+at earmlic +tinc.
<R 28.76>
Ac gif hiora +anig +afre weor+de+d to +don firwetgeorn +t+at
he fela ongin+d leornian lista, and him lifes
weard of mode abrit +t+at micle dysig +d+at hit oferwrigen mid
wunode lange, +tonne ic w+at geare +t+at hi
ne wundria+d m+aniges +tinges +te monnum nu [{w+af+do{] and
wunder welhw+ar +tynce+d.
<R 29.1>
Gif +du nu wilnige weorulddrihtnes heane anwald hlutre mode
ongitan giorne, gem alm+agene heofones tunglu, hu hi him
healda+d betwuh sibbe singale, dydon swa lange.
<R 29.6>
Swa hi gewenede wuldres aldor +at frumsceafte +t+at sio fyrene
[{ne{] mot sunne gesecan snawcealdes weg,
<P 200>
[{monan{] gem+aro.
<R 29.9>
Hw+at, +da m+aran tungl au+der o+dres rene a ne gehrine+d +ar
+t+am +t+at o+der of gewite+d.
<R 29.12>
Ne huru se stiorra gestigan wile westd+al wolcna, +tone wise
men (\Ursa\) nemna+d; ealle stiorran siga+d +after sunnan samod
mid rodere under eor+dan grund, he ana stent.
<R 29.17>
Nis +t+at nan wundor; he is wundrum [{f+ast{] , upende neah
eaxe +d+as roderes.
<R 29.19>
+donne is an steorra ofer o+dre beorht, cyme+d eastan up +ar
+tonne sunne; +tone monna bearn morgenstiorra hata+d under
heofonum, for+d+am he h+ale+tum d+ag boda+d +after burgum,
brenge+d +after swegeltorht sunne samad eallum d+ag.
<R 29.25>
Is se forrynel f+ager and sciene, cyme+d eastan up +ar for
sunnan and eft +after sunnan on setl glide+d,
west under weorulde.
<R 29.28>
Wer+dioda his noman onwenda+d +tonne niht cyme+d, hata+d hine
ealle +afenstiorra.
<R 29.31>
Se bi+d +t+are sunnan swiftra; si+d+dan hi on setl gewita+d,
ofirne+d +t+at +a+tele tungol, o+d+t+at he be eastan
weor+de+d eldum o+dewed +ar +tonne sunne.
<R 29.34>
Habba+d +a+dele tungol emne ged+aled d+ag and nihte drihtnes
meahtum, sunna and [{mona{] , swi+de ge+tw+are, swa him +at
frym+te f+ader getiohhode.
<R 29.38>
Ne +tearft +tu no wenan +t+at +da wlitegan tungl +d+as
+teowdomes a+droten weor+de +ar domes d+age; de+d si+d+dan
ymbe moncynnes fruma swa him gemet +tince+d, for+don hi be
healfe heofones +tisses on ane ne l+at +almihtig god,
+ty l+as hi o+dra fordyden +a+tela gesceafta,
<P 201>
ac se eca god ealle gemetga+d sida gesceafta,
softa ge+twera+d.
<R 29.47>
Hwilum +d+at drige drif+d +tone w+atan, hwylum [{he{]
gemenge+d, metodes cr+afte, cile wi+d h+ato;
hwilum cerre+d eft on uprodor +albeorhta leg,
leoht [{on{] lyfte; lige+d him behindan hefig hrusan d+al,
+teah hit hwilan +ar eor+de sio cealde oninnan hire heold
and hydde haliges meahtum.
<R 29.55>
Be +t+as cyninges gebode cyme+d geara [{gehw+at{] , eor+de
bringe+d +aghwylc tudor, and se hata sumor h+ale+da
bearnum geara gehwilce giere+d and drige+d geond sidne grund
s+ad and bleda, h+arfest to honda herbuendum, ripa rece+d.
<R 29.61>
Ren +after +t+am swylce hagal and snaw hrusan lecca+d on
wintres tid, weder unhiore.
<R 29.64>
For+d+am eor+de onfeh+d eallum s+adum, gede+d +t+at hi growa+d
geara gehwilce; on lenctentid leaf up sprytta+d.
<R 29.67>
Ac se milda metod monna bearnum on eor+dan fet eall +t+atte
growe+d, w+astmas on weorolde, wel for+dbrenge+d hit +tonne he
wile, heofona waldend, and eowa+d eft eor+dbuendum,
nim+d +tonne he wile, nergende god.
<R 29.73>
And +t+at hehste good on heahsetle site+d self cyning, and
+tios side gesceaft +tena+d and +diowa+d.
<R 29.75>
He [{+tonan{] walde+d +t+am geweltle+drum weoruldgesceafta.
<R 29.77>
Nis +t+at nan wundor; he is weroda god, cyning and drihten
cwucera gehwelces, +awelm and fruma eallra
gesceafta, wyrhta and sceppend weorulde +tisse,
<P 202>
wisdom and +a woruldbuendra.
<R 29.82>
Ealla gesceafta on [{his{] +arendo hionana he sende+d, h+at
eft cuman.
<R 29.84>
Gif he swa gest+a+d+dig ne sta+dolade ealla gesceafta,
+aghwylc hiora wra+de tostencte weor+dan sceolden,
+aghwilc hiora ealle to nauhte weor+dan sceoldon wra+de
toslopena, +teah +ta ane lufe ealle gesceafta heofones
and eor+dan h+abben gem+ane, +t+at hi +tiowien swilcum
+tiodfruman, and f+agnia+d +t+at hiora f+ader [{wealde+d{] .
<R 29.93>
Nis +t+at nan wundor, for+d+am wuhta nan +afre ne meahte elles
wunian, gif hi eallm+agene hiora ordfruman
ne +tiowoden, +teodne m+arum.



