<B COMETRPS>
<Q O2/3 XX XX MPS> 
<N METRICAL PSALMS>
<A X>
<C O2/3>
<O 850-950>
<M 950-1050>
<K NON-CONTEMP>
<D WS/X>
<V VERSE>
<T X>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>
<S SAMPLE X>


[^TEXT:  THE METRICAL PSALMS OF
THE PARIS PSALTER.
THE PARIS PSALTER AND THE METERS OF BOETHIUS.
THE ANGLO-SAXON POETIC RECORDS, V.
ED. G. P. KRAPP.
LONDON: GEORGE ROUTLEDGE & SONS, LIMITED
AND NEW YORK: COLUMBIA UNIVERSITY PRESS, 1933.
PP. 3.1    - 13.24  (PSALMS 51-59)
PP. 60.12  - 71.33  (PSALMS 89-100)
PP. 137.27 - 150.13 (PSALMS 140-150)^]

[^A5^]
<P 3>
[} [\THE METRICAL PSALMS OF THE PARIS PSALTER\] }]
<R 51.6>
fore +anigre egesan n+afde, ne him fultum +t+ar f+astne
gelyfde; ac he on his welan spede wr+aste getruwode,
and on idel gylp ealra geornost.
<R 51.7>
Ic +tonne swa elebeam up weaxende on godes huse ece gewene,
and on milde mod mines drihtnes, and me
+t+at to worulde wat to helpe.
<R 51.8>
Ic +te andette awa to feore on +t+are worulde +de +tu
geworhtest her; for+tan +tu eart se gooda, gleaw on
gesyh+de, +te +tinne held curan, +tara haligra.
<R 52.1>
On his heortan cw+a+d unhydig sum, ungleawlice, +t+atte god
n+are; heo onsceoniendlice syndon [{gewordene{]
and heora willan wra+de besmitene.
<R 52.2>
N+as +ta goddoend se +te god wiste, ne an fur+dum ealra w+are.
<R 52.3>
+ta of heofenum beseah halig drihten ofer manna bearn,
hw+a+der his mihta +da andgyt +anig ealra h+afde,
o+d+de god wolde georne secan.
<R 52.4>
Ealle heo on ane idelnesse symle besegan; +ta w+as [{so+d{]
[{nan{] mann +te god wolde georne wyrcan;
ne an fur+tum ealra w+are.
<P 4>
<R 52.5>
Ac ge +t+as ealle ne magon andgyt habban +te unrihtes elne
wyrcea+d and min folc freta+d swa f+alne hlaf,
ne hio god wylla+d georne ciegan; +t+ar hio forhtiga+d,
frecnes egesan +aniges ne +turfon.
<R 52.6>
For+tam manna ban mihtig drihten [{liste{] tosceade+d, +ta
him licia+d; beo+d +ta [{gehyrwede{] +te forhycggea+d
god.
<R 52.7>
Hwylc Israela ece h+alu syle+d of Sione nym+de sylfa god,
+tonne he his folc f+agere alyse+d of h+aftnyde,
halig drihten?
<R 52.8>
+tonne Iacob by+d on gl+adum s+alum and Israelas ealle bli+de.
<R 53.1>
On +tinum +tam haligan naman, gedo me halne, god; alys me
fram la+dum +turh +tin leofe m+agen.
<R 53.2>
God, min gebed gearuwe gehyre, and earum onfoh min agen word.
<R 53.3>
For+tam me fremde oft facne gestodon, sohtan mine sawle swi+de
strange, and na heom god setton gleawne on gesyh+de.
<R 53.4>
Efne me +tonne god gleawe fultume+d, is andfengea ece drihten
sawle minre; he me swican ne wile.
<R 53.5>
Afyr me f+acne yfel feonda minra, and hi so+df+ast toweorp
sy+d+dan wide.
<R 53.6>
Ic +de lustum lace cweme, and naman +tinne [{niode{] swylce
geara andette, for+don ic hine goodne wat.
<R 53.7>
For+ton +tu me alysdest, lifes ealdor, of earfo+dum eallum
symble, ealle mine fynd eagum ofersawe.
<P 5>
<R 54.1>
Gehyr min gebed, halig drihten, ne forseoh +afre sariges bene;
beheald me holdlice and gehyr me eac.
<R 54.2>
Grimme ic eom begangen; for+don ic gnornige and me forhtige
feondes stefne and fyrenfulra f+acne ni+das.
<R 54.3>
For+dam me on sah unrihtes feala; wurdon me +ta on yrre yfele
and hefige.
<R 54.4>
Ys me on hre+dre heah heorte gedrefed and me fealle+d on
fyrhtu dea+des.
<R 54.5>
Egsa me and fyrhtu ealne forcwomon, and me be+teahton +teostru
ni+dgrim.
<R 54.6>
Ic +ta on mode cw+a+d, hwa me sealde to fleogenne fi+deru swa
culfran, and ic +tonne ricene reste sy+d+dan.
<R 54.7>
Efne ic feor gewite, fleame d+ale, and on westene wunode
lange, bide +t+as beornes +te me [{bete{] eft [{modes{] mindom
and m+agenes hreoh.
<R 54.8>
Hat nu tod+alan, drihten usser, heora ge+deode geond +tas
woruld wide; for+don ic +t+ar on unriht oft locade,
and wi+dercwyda wearn gehyrde; drugon +t+at on burgum
d+ages and nihtes.
<R 54.9>
[{+tunie{] him gewinnes wearn ofer wealles hrof and heom on
midle wese man and inwit and unso+df+astnys
ealle wealde.
<R 54.10>
N+afre on his weor+tige wea aspringe, mearce [{mansceat{] , man
inwides; for+ton gif me min feond f+acne wyrge+d,
ic +t+at abere bli+de mode.
<R 54.11>
+teah +te +ta ealle +de me a feodon, wordum wyrigen and wearn
sprecan,
<P 6>
ic me wi+d heora hete hyde sneome.
<R 54.12>
+tu eart se man +te me w+are on anmede, and +aghw+as cu+d
latteow lustum; and wyt gelome eac +aton swetne
mete samed +atg+adere, and on godes huse gangan swylce mid
ge+teahtunge +tine and mine.
<R 54.13>
Hi ofer cume un+tinged dea+d, astigon heo on helle heonan
lifigende.
<R 54.14>
For+dam on heora gasthusum is gramlic inwit, and on hiora
midle man inwitst+af.
<R 54.15>
Ic so+dlice to sylfum drihtne cleopode on cor+dre, and me
cu+dlice gehyrde h+alend drihten.
<R 54.16>
Ic on +afenne, eac on mergenne and on midne d+ag, m+agene
s+acge and bodie, +t+at +tu bli+de me mine stefne
sti+de gehyre.
<R 54.17>
A +du symle sawle mine lustum alyse, la+dum wi+dferige,
for+don me manige ymb m+agene syrewa+d.
<R 54.18>
+t+at gehyre+d god and hi gehyne+d eac, +te +ar worulde w+as
and nu wuna+d ece.
<R 54.19>
Nis him onwendednes on woruldlife, ne him godes fyrhtu georne
ondr+ada+d.
Heo besmita+d swylce his sylfes +ta gewitnesse, +t+ar hi woh
fremedon; for+don hi synt on yrre ut ad+alde, ne hi sylfe
wel geseon +afre, for+don hit w+as his heortan
gehygde neah.
<R 54.20>
Hi word hira wel gesmyredon ele anlicast; eft gewurdon on
gescotfeohta scearpe garas.
<R 54.21>
Sete on drihten +tin so+d gehygd; he +te butan fraco+dum
fede+d sy+d+dan.
<P 7>
<R 54.22>
Ne syle+d he so+df+astum sy+d+dan to feore +t+at him y+tende
mod innan hre+dre; +du arlease ealle gel+adest on
so+de forwyrd sea+des deopes.
<R 54.23>
[{Se{] [{blodhreowa{] wer bealuinwites f+acne gefylled [{ne{]
f+ager lif on middum feore gemete+d ahw+ar; ic me
on minne drihten deorne getreowige.
<R 55.1>
Miltsa me drihten, for+don me man trede+d, and me ealne d+ag
mid unrihte fynd onfeohta+d +turh facensearu.
<R 55.2>
And me f+acne treda+d feondas mine, do+d +t+at ealne d+ag fram
+armergene.
<R 55.3>
For+don monige synd +de to me feohta+d; wene ic me wra+de to
+de, wuldres drihten.
<R 55.4>
Ic wealdend god wordum herige, and on god swylce georne
gelyfe, +t+at minre spr+ace sped folgie +aghw+as
ealne d+ag; eac ic swylce on god drihten gearewe gewene; nis
me ege mannes for ahw+a+der.
<R 55.5>
Hw+at, me ealne d+ag mine agen word sylfne socon, swy+te
oncu+don, and wi+der me w+aran georne [{on{] yfel heora
ge+deaht ealle onwende.
<R 55.6>
On eardia+d, +ta +de swa +tencea+d +t+at heo gehyden h+alun
mine, swa min sawl bad +t+at +du swylce heo for
nahw+a+der nowiht h+ale; on yrre +tu folc eall ge+dreatast.
<R 55.7>
Ic nu leofum gode lif min secge, sette on +dinre gesyh+de
sarige tearas,
<P 8>
swa ic +de on gehate h+afde geneahhige.
<R 55.8>
+tonne on hinderling hweorfa+d mine feondas f+acne, +donne ic
me freo+du to +de wordum wilnige; ic wat and can,
+t+at +tu min god gleawe w+are.
<R 55.9>
Ic on god min word georne herige, and on god swylce georne
gelyfe, and ic ealne d+ag ecne drihten wordum weor+dige;
ne me wiht an site+d egesan awiht +aniges mannes.
<R 55.10>
On me synd, mihtig god, +t+at ic +te min gehat on herenesse
hyldo gylde; for+ton +du mine sawle of swyltdea+des
la+tum wi+dl+addest, dydest lof stunde, aweredest mine
eagan wra+dum tearum and mine fet f+ale beweredest,
+t+at ic gearewe gode licode on lifigendra leohte
eallum.
<R 56.1>
Miltsa min, god, and me milde weor+d, for+ton min sawel on +te
swy+de getrywe+d, and ic on f+agerum scuan
fi+dera +dinra gewicie, o+d+t+at gewite for+d and unriht me
eall beglide.
<R 56.2>
Heonan ic cleopige to heahgode and to wealdendgode, +de me wel
dyde.
<R 56.3>
He +ta of heofenum hider onsende +te me alysde, la+tum
wi+dferede, sealde on edwit +te me +ar tr+adan.
<R 56.4>
Sende mihtig god his milde gehigd and his so+df+ast mod samod
+atg+adere, and mine sawle sona alysde of
leon hwelpum re+de gemanan; w+as ic sl+apende sare gedrefed.
<R 56.5>
Synd me manna bearn mihtigum to+dum w+apenstr+alas, +ta me
wundedon;
<P 9>
w+aron hyra tungan getale teonan gehwylcre
and to yfele gehwam ungemet scearpe.
<R 56.6>
Ahefe +te ofer heofenas, halig drihten; is wuldur +din wide
and side ofer +das eor+tan ealle m+are.
<R 56.7>
Fotum heo minum f+acne grine grame gearwodon, and geornlice
mine sawle swy+de onbigdon.
<R 56.8>
Hi deopne sea+d dulfon widne, +t+ar ic eagum on locade, and hi
on +done ylcan eft gefeollan.
<R 56.9>
Gearo is min heorte +t+at ic gode cweme; gearo is min heorte
+t+at ic gode swylce sealmas singe, so+dword sprece.
<R 56.10>
Aris, wuldur min, wynpsalterium, and ic on +armergene eac
arise and min hearpe herige drihten.
<R 56.11>
Ic +te on folcum frine drihten ecne andete, eac geond +teode
sealmas singe swi+de geneahhige.
<R 56.12>
For+don +tin mildheortnes is mycel wi+d heofenas, is +din
so+df+astnes swylce wi+d wolcnum.
<R 56.13>
Ahafen +tu eart ofer heofenas, halig drihten; is ofer ealle
eor+dan [{swylce{] +tines wuldres wlite wide
and side.
<R 57.1>
Gif ge so+d sprecan symble wyllen, dema+d manna bearn domum
rihtum.
<R 57.2>
Eft ge on heortan hogedon inwit, worhton wra+de; for+tan +d+as
wite eft on eowre handa hefige geeode.
<R 57.3>
Ge firenfulle fremde wurdon, sy+d+dan hi on worlde w+aron
acende and heo on life lygeword sp+acon.
<R 57.4>
Yrre heom becume anlic n+adran,
<P 10>
+da aspide ylde nemna+d; seo hi deafe de+d,
dytte+d hyre earan, +t+at heo nele gehyran heahgaldor
sum +t+at snotre men singa+d wi+d attrum.
<R 57.5>
God heora to+das grame gesc+ane+d, +ta hi on mu+de mycle
habba+d; tolyse+d leona m+agen lungre drihten.
<R 57.6>
Ac hi forweor+dan w+atere gelicost, +tonne hit yrnende eor+de
forswelge+d; swa his bogan bende+d, o+d+t+at bitere eft
adl on sete+d, swa his geearnuncg by+d.
<R 57.7>
Swa weax melte+d, gif hit by+d wearmum neah fyre gef+astnad,
swa heo fealla+d on +t+at; hi sunnan ne geseo+d sy+d+dan +afre.
<R 57.8>
+Ar+don eowre treowu telgum blowe, w+astmum weaxe, +ar him wol
becime+d, +t+at heo beo+d on yrre ealle forswelgene.
<R 57.9>
So+df+ast blissa+d, +tonne he si+d ongan, hu +ta arleasan
ealle forweor+da+d, and his handa +dweh+d on h+a+tenra
and +t+ara fyrenfulra f+acnum blode.
<R 57.10>
And +tonne man cwe+te+d on his modsefan: +tis is w+astm wises
and goodes, +te his so+df+ast weorc symble l+aste,
hi on eor+dan god ealle gedeme+d.
<R 58.1>
Ahrede me, halig god, hefiges ni+des feonda minra, +de me
feohta+d to; alys me fram la+dum +te me lungre
on risan willa+d, nym+de +tu me r+ad geofe.
<R 58.2>
Genere me fram ni+te nahtfremmendra +te her unrihtes ealle
wyrcea+d, and me wi+d blodhreowes weres bealuwe geh+ale.
<R 58.3>
+ti nu mine sawle swi+te bysige feondas mine f+acne
of+tryhtun,
<P 11>
and me strange eac stundum ongunnon; ne
me unrihtes on awiht wistan, ne ic firene eac fremde drihtne.
<R 58.4>
Gif ic on unriht bearn, ic +t+as eft geswac; on minne
geanryne, aris +du, drihten, nu, and +du sylfa gesyhst,
+t+at ic swa dyde; +tu eart m+agena god, mihtig
drihten, and Israela god +aghw+ar +at +tearfe.
<R 58.5>
Beheald holdlice, hu +tu hra+de wylle geneosian ni+da bearna
ealra +deoda +aghw+ar landes; ne +tu hwe+dere
on mode milde weor+dest eallum +de unriht elne wyrcea+d.
<R 58.6>
Hi +at +afene eft in gecyrra+d, +tonne hy heardne hungor
+tolia+d, swa hundas ymbga+d hwommas ceastre.
<R 58.7>
Efne hi habba+d on mu+de milde spr+ace, is him on welerum
wra+d sweord and scearp.
<R 58.8>
+tonne gehyre+d hwylc, hw+at hyra hyge sece+d?
And +du hi, drihten, dest deope to bysmre; nafast +tu for
awiht ealle +teoda.
<R 58.9>
Ic mine streng+de on +de strange gehealde, for+don +tu me god
eart geara andfencgea, and mildheortnes mines drihtnes me
f+agere becom, +t+ar me w+as freondes +tearf.
<R 58.10>
Min se goda god, +atyw me +tin agen good for minum feondum,
+te me feale syndun; ne do hy to deadan, +ty l+as hi dollice
+tinre +a geban anforl+aton.
<R 58.11>
Ac +tu hi wide todrif +turh +tines wordes m+agen, and hi
wra+de toweorp, wealdend min drihten.
<R 58.12>
Ys hyra mu+des scyld manworda feala, +da hi mid welerum wra+de
aspr+acan; w+arun hi on oferhygde ealle gescende,
+ta hi on lige lange feredon; for+don hi on ende yrre
forgripe+d
<P 12>
and hi sy+t+tan ne beo+d samod +atg+adere.
<R 58.13>
Sy+d+dan hi wisslice witon, +t+atte wealde+d god ofer
middangeard manna cynnes and ealra eac eor+dan gem+aru.
<R 58.14>
Hi on +afenne eft gecyrra+d and heardne eac hungor +dolia+d,
swa hundas ymbga+d hwommas ceastre.
<R 58.15>
Efne hi to +ate ut gewita+d, +t+ar hi towrecene wide
hweorfa+d; gif hi fulle ne beo+d, fela gnornia+d.
<R 58.16>
Ic +tonne +dine streng+tu stundum singe and +din milde mod
morgena gehwylce.
<R 58.17>
For+don +tu min andfengea [{+aghw+ar{] w+are and ic helpe +at
+de h+afde symble, +tonne me costunge cnysedon geneahhige;
+tu eart fultum min, ic +de fela singe.
<R 58.18>
For+don +tu me, god, eart geara andfengea and mildheortnes,
mihtig drihten.
<R 59.1>
+tu us todrife, drihten user, and us towurpe geond wer+teoda,
yrre us wurde and eft milde.
<R 59.2>
[{Eor+dan{] +du onhrerdest, ealle gedrefdest; h+al hyre wunde,
nu heo [{ahrered{] is.
<R 59.3>
[{Feala{] +du +atywdest folce +dinum heardra wisan and hi
hra+te +after mid wynsume wine drenctest.
<R 59.4>
+tu becnuncge beorhte sealdest +tam +te ege +dinne elne
healda+d, +t+at hi him gebeorgen bogan and str+ale
and w+aron alysede leofe +tine.
<R 59.7>
[{Do{] [{me{] +tin seo swy+dre hand symle halne;
<P 13>
gehyr me, halig god.
<R 59.5>
Hw+at, +du holdlice on +dinre halignesse her aspr+ace: And ic
blissie, ba ged+ale Sicimam et Conuallem,
+da samod w+aron [{on{] Metiboris mihtum spedige.
<R 59.6>
Min is Galaad, gleaw Mannases and Effrem ys +a+dele streng+tu
heafdes mines her on foldan.
<R 59.7>
Cyninc ys me Iuda cu+d; is me Moab mines hyhtes hwer, and ic
a+denige eac on Idumea, min gescy sende,
and me sy+d+dan gedo Allophilas ealle gewylde.
<R 59.8>
Hwylc gel+ade+d me leofran on ceastre weallum beworhte?
Hwa wyle swylce me in Idumea eac gel+adan?
<R 59.9>
Ac ne eart +tu se sylfa god, +de us swa drife?
Ne ga +du us on m+agene, mihtig drihten.
<R 59.10>
Syle us nu on earfo+dum +a+delne fultum, for+don h+alu by+d
her on eor+dan manna gehwylces m+agene idel.
<R 59.11>
Us sceal m+agenes gemet mihtig drihten so+df+ast syllan, and
he sona m+ag ure fynd gedon fraco+te to nahte.

<P 60>
<R 89.1>
+tu eart fri+dstol us f+aste, drihten, of cynne on cynne and
on cneorisse.
<R 89.2>
+Ar+don munta gesceaft ofer middangeard o+d+de ymbhwyrft
eor+dan w+are o+t+te world w+are, +tu eart, wuldres
god.
<R 89.3>
Ne ahwyrf +tu fram m+ann heah eadmedu; and +tu cu+dlice cw+ade
sylfa: Ic manna [{bearnum{] mod onwende.
<R 89.4>
For +tinum eagum, ece drihten, +tusend wintra bi+d +ton
anlicast, swa geostran d+ag gegan w+are.
<R 89.5>
And swa hi on niht hyrdnesse neode beganga+d, ne heora
winterrim for wiht ne do+d.
<R 89.6>
Morgen gewite+d swa gemolsnad wyrt; o+dre morgene eft
geblowe+d and geefne+d swa, o+t+t+at +afen cyme+d,
+tonne forwisna+d, weor+de+d to duste.
<R 89.7>
For+ton we on +tinum yrre ealle forwurdon, w+aron on +tinum
hathige hearde gedrefde.
<R 89.8>
+tu ure unriht eall asettest, +t+ar +tu sylfa to eagum
locadest, and ure worulde +tu eac gesta+delodest on alihtincge
andwlitan +tines.
<P 61>
<R 89.9>
For+tam +de ure dagas ealle geteorudun, and we on +tinum yrre
synt swi+de gew+ahte.
<R 89.10>
W+aran anlicast ure winter geongewifran, +tonne hio geornast
bi+d, +t+at heo af+are fleogan on nette; beo+d ure geardagas
gnornscendende, +teah +te heora hundred seo samod +atg+adere.
<R 89.11>
Gif on mihtigum mannum geweor+de+d, +t+at hi hundehtatig ylda
gebiden, ealle +te +t+ar ofer beo+d +afre getealde wintra on
worulde, +ta beo+d gewinn and sar.
<R 89.12>
Us man+dw+arnes becwom micel ofer ealle and we on +tam gefean
forhte gewurdan.
<R 89.13>
Hwa +d+as so+d [{me{] cann s+acgean +anig, hu +tines yrres
egsa stande+d and seo micle miht?
Nis +t+at mann +anig +te +ta ariman rihte cunne.
<R 89.14>
Do us +ta +tine swi+dran hand, drihten, cu+de, +tam +te on
snytrum syn swy+de getyde, and +ta heora heortan
healda+d cl+ane.
<R 89.15>
Gehweorf us [{hw+athwiga{] , halig drihten; wes +tinum scealcum
wel ea+dbede.
<R 89.16>
We synd gefyllede f+agere on mergenne +tinre mildheortnesse;
+t+as we on mode nu habba+d ealle dagas +a+tele blisse.
<R 89.17>
We gefeo+d swylce for +ton f+agerum dagum, on +tam +tu us to
eadmedum ealle gebrohtest, and for +dam gearum +te we
[{on{] gesawon yfela feala.
<R 89.18>
Beseoh on +tine scealcas sw+asum eagum and on +tin agen weorc,
ece drihten, and heora bearn gerece bli+de mode.
<R 89.19>
Wese us beorhtnes ofer bli+dan drihtnes, ures +t+as godan
godes georne ofer ealle; gerece ure handgeweorc heah ofer usic.
<P 62>
<R 90.1>
Me earda+d +at +a+tele fultum +t+as hehstan heofonrices
weard, +te me +at wuna+d awa to feore.
<R 90.2>
Ic to drihtne cw+a+d: +tu me dyre eart f+ale fultum; h+abbe ic
freond on him, min se goda god, and ic on
+de geare hycge.
<R 90.3>
For+don he me alysde of la+dum grine, huntum unholdum, hearmum
worde.
<R 90.4>
He me mid his gesculdrum sceade be+teahte; for+ton ic under
fi+drum f+ale hihte.
<R 90.5>
Hw+at, me so+df+astnes min scylde wi+d feondum, ne +du +te
nihtegsan nede ondr+adest.
<R 90.6>
Ne forhtast +tu +de on d+age flan on lyfte, +t+at +te
+turhgangan garas on +deostrum, o+d+de on midne d+ag
m+are deoful.
<R 90.7>
Fealle+d +te on +ta wynstran wergra +tusend, and eac geteledra
tyn +tusendo on +tine +ta swi+dran and +te ne
scea+de+d +anig.
<R 90.8>
Hw+a+dere +tu +d+as eagan eall sceawadest, gesege fyrenfulra
frecne wite.
<R 90.9>
+tu me eart se hehsta hyht, halig drihten; +tu me fri+dstol on
+de f+astne settest.
<R 90.10>
Ne m+ag +te +anig yfel egle weor+dan, ne heard sweopu huse
+tinum on neaweste nahw+ar sce+t+tan.
<R 90.11>
For+ton he his englum bebead, +t+at hi mid earmum +te on
heora handum heoldan georne, +t+at +tu wilwega wealdan mostest.
<R 90.12>
And +te on folmum feredan swylce, +te l+as +tu fr+acne on stan
fote spurne.
<R 90.13>
+tu ofer aspide miht ea+de gangan, and bealde nu basiliscan
tredan, and leon and dracan liste gebygean.
<R 90.14>
For+don he hyhte to me, ic hine hra+de lyse, [{niode{] hine
scylde, nu he cu+de naman minne.
<P 63>
<R 90.15>
He cigde me, and ic hine cu+dlice hold gehyrde, and hine
hra+de sy+t+tan of earfo+tum ut alysde.
<R 90.16>
Ic hine generige and his naman swylce gewuldrige [{geond{]
ealle wer+deoda, and him lifdagas lange sylle,
swylce him mine h+alu holde +atywe.
<R 91.1>
God is, +t+at man drihtne geara andette and neodlice his naman
asinge, +tone heahestan h+ale+da cynnes.
<R 91.2>
And +tonne on morgene m+agene s+acge, hu he milde wear+d manna
cynne, and his so+de s+acge nihtes.
<R 91.3>
Hw+at, ic on tyn strengum getogen h+afde, hu ic +te on
psalterio singan mihte o+d+de +te mid hearpan hlyste cweman,
for+don +tu me on +tinum weorcum wisum lufadest;
hihte ic to +tinra handa halgum d+adum.
<R 91.4>
Hu micle synt +tine m+agenweorc, mihtig drihten; w+arun +tine
ge+dancas +tearle deope.
<R 91.5>
[{Wonhydig{] wer +t+as wiht ne cann, ne +t+as andgit hafa+d
+anig dysigra.
<R 91.6>
+tonne for+d cuma+d fyrenfulra +dreat, heap synnigra hige
onlic; ealle +t+ar +atywa+d, +ta +de unrihtes on weoruldlife
worhtan geornast, +t+at hi forwordene weor+den
sy+t+tan on worulda woruld and to widan feore.
<R 91.7>
+tu on ecnesse awa, drihten, [{heahesta{] bist, heofonrices
weard.
<R 91.8>
+ti nu +dine feond f+acne, drihten, on eor+dwege ealle
[{forweor+ta+d{] , and weor+da+d towrecene wide ealle,
<P 64>
+ta +te unrihtes +aror worhtan.
<R 91.9>
+tonne anhorna ealra gelicost, min horn weor+de+d ahafen
swi+de and mine yldo beo+d [{+aghw+ar{] genihtsum.
<R 91.10>
And eage +tin eac sceawode, hw+ar fynd mine f+acne w+aran, and
mine wergend wra+de gehyrde efne +tin agen
eare swylce.
<R 91.11>
Se so+df+asta samed anlicast beorht on bl+adum blowe+d swa
palma, and swa Libanes beorh lide+d and growe+d.
<R 91.12>
Setta+d nu georne on godes huse, +t+at ge on his wicum wel
geblowan.
<R 91.13>
Nu gyt syndan manige manna swylce, +te hiom yldo gebidan +ar
to genihte, and +ta mid ge+tylde +tenden s+agdan.
<R 91.14>
Cw+adon, +t+at w+are so+df+ast sylfa drihten and hine unrihtes
awyht ne heolde.
<R 92.1>
Drihten hine begyrede gode streng+de, and hine +ta mid micle
m+agene begyrde.
<R 92.2>
Drihten rixa+d, dema usser, and hine mid weor+dlice wlite
gegyrede.
<R 92.3>
And +ta ymbhwyrft eor+tan getrymede, swa folde stod f+aste
sy+t+tan.
<R 92.4>
Gearu is +tin setl, and +tu, ece god, +ar worulde fruman,
wunast butan ende.
<R 92.5>
Hofan heora stefne streamas, drihten, hofan and hlynsadan
hludan reorde fram w+aterstefnum widra manigra.
<R 92.6>
Wr+aclice syndon w+agea gangas, +tonne s+astreamas swi+dust
flowa+d; swa is wundorlic wealdend usser halig drihten
on heanessum.
<P 65>
<R 92.7>
+tin gewitnes is weorcum geleafsum, and mid so+de is swi+de
getreowed.
<R 92.8>
Huse +tinum halig gedafena+d, drihten usser, and dagas lange.
<R 93.1>
+tu eart wracena god, and +tu miht wrecan swylce, ana
gefreogan +aghwylcne mann.
<R 93.2>
Ahefe +te on ellen, eor+tan dema, gyld oferhydigum, swa hi
+ar grame worhton.
<R 93.3>
Hu lange fyrenwyrhtan foldan wealda+d o+t+te manwyrhtan
mor+dre gylpa+d?
<R 93.4>
Hi oftust spreca+d, unnyt s+acgea+d and woh meldia+d, wyrcea+d
unriht.
<R 93.5>
Folc hi +tin, drihten, f+acne gehyndan, and yrfe +tin eall
forcoman.
<R 93.6>
+al+deodige men, earme wydewan, steopcilda feala stundum
acwealdon.
<R 93.7>
S+agdan and cw+adan, +t+at ne gesawe drihten +afre, dyde swa
he wolde, ne +t+at Iacobes god ongitan cu+de.
<R 93.8>
Onfinda+d +t+at and [{ongeota+d{] +te on folce nu unwiseste
ealra syndon; dysige hw+athwygu deope +t+at oncnawan.
<R 93.9>
Se +de +arest ealdum earan worhte, hu se oferhleo+dur +afre
wurde?
And him eagena gesyh+d eallum sealde and he scearpe ne m+age
gesceawian?
And se +te ege healde+d eallum +teodum, and his +trea ne si
+t+ar for awiht, se +te men l+are+d micelne wisdom?
<R 93.10>
God ealle cann guman ge+dancas eor+dbuendra, for+don hi idle
synt.
<R 93.11>
+t+at bi+d eadig mann, +te +tu hine, ece god, on +tinre so+dre
+a sylfa getyhtest
<P 66>
and hine +teodscipe +dinne
l+arest and him yfele dagas ealle gebeorgest, o+d+t+at bi+d
frecne sea+d +tam fyrenfullan deop adolfen deorc and +dystre.
<R 93.12>
N+afre wi+ddrife+d drihten ure his agen folc, ne his yrfe +ton
ma on ealdre wile +afre forl+atan.
<R 93.13>
Hwylc +tonne gena gehwyrfed by+d, +t+at he on unriht eft ne
cyrre; o+d+de hwylc nyme+d me, +t+at ic man fleo
and mid rihtheortum r+ades +tence?
<R 93.14>
Hwylc arise+d mid me, +t+at ic riht fremme and wi+d awyrgedum
winne and stande, +te unrihtes ealle wyrcea+d?
<R 93.15>
Nym+de me drihten, dema usser, gefultumede f+agere +at
+tearfe, wenincga min sawl sohte helle.
<R 93.16>
Gif ic +t+as s+agde, +t+at min sylfes fot ful sarlice asliden
[{w+are{] , +ta me mildheortnes mihtigan drihtnes gefultumede,
+t+at ic feorh ahte.
<R 93.17>
+After +t+are menigeo minra sara +te me +ar on ferh+de f+aste
gestodan, +ta me +tine frofre f+agere, drihten,
gesibbedan sawle mine.
<R 93.18>
Ne +atfylige+d +te ahw+ar facen ne unriht; +du gef+astnast
facen sares; hi so+df+aste sneome geh+afta+d and heora sawle
ofslean +tencea+d, blod so+df+astra bitere ageotan.
<R 93.19>
For+don me is geworden wealdend drihten to fri+dstole f+ast
and gesta+delad; is me fultum his f+ast on drihtne.
<R 93.20>
+tonne him gylde+d god +almihtig ealle +ta unriht +de hi
geearnedan, and on heora facne f+aste todrife+d
drihten eallmihtig, dema so+df+ast.
<P 67>
<R 94.1>
Cuma+d nu tog+adere, wutun cweman gode, wynnum drihten
wealdend herigean, urum h+alende hyldo gebeodan.
<R 94.2>
Wutun his ansyne +arest secean, +t+at we andettan ure fyrene
and we sealmas him singan mid wynne.
<R 94.3>
For+don is se micla god mihtig drihten and se micla cynincg
ofer eall manna godu.
<R 94.4>
For+don ne wi+ddrife+d drihten usser his agen folc +afre +at
+tearfe; he +tas heahbeorgas healde+d swylce.
<R 94.5>
Eac he s+as wealde+d and he sette +tone; worhte his folme eac
foldan drige.
<R 94.6>
Cuma+d him fore and cneow bigea+d on ansyne ures drihtnes, and
him wepan fore +de us worhte +ar.
<R 94.7>
For+don he is drihten god, dema usser; w+arun we his f+ale
folc and his f+agere sceap, +ta [{he{] on his edisce
+ar afedde.
<R 94.8>
Gif ge to d+age drihtnes stefne holde gehyran, n+afre ge
heortan ge+tanc deorce forhyrden drihtnes willan.
<R 94.9>
Swa on grimnesse fyrn geara dydan on +tam wra+dan d+age and on
westenne, +t+ar min +durh facen f+aderas eowre +tisse
cneorisse cunnedan georne, +t+ar hi cunnedan, cu+d
ongeaton and min sylfes weorc gesawon mid
eagum.
<R 94.10>
Nu ic feowertig folce +tyssum wintra rimes wunade neah, aa and
symble cw+a+d and eac swa oncneow, +t+at
hi on heortan hyge dysegedan.
<R 94.11>
Hi wegas mine wihte ne oncneowan, +t+at ic +ar on yrre a+de
benemde, gif hi on mine reste ricene eodon.
<P 68>
<R 95.1>
Singa+d nu drihtne sangas neowe; singe +teos eor+de eall eceum
drihtne.
<R 95.2>
Singa+d nu drihtne, and his so+dne naman bealde bletsia+d;
beornas s+acgea+d fram d+age to d+age drihtnes h+alu.
<R 95.3>
Secgea+d his wuldor geond sige+teode, and on eallum folcum his
[{f+agere{] wundor.
<R 95.4>
He is se mycla god; for+ton hine m+an sculon elne herian; he
is egeslic god ofer ealle godu eor+dbuendra.
<R 95.5>
Syndon ealle h+a+tenu godu hildedeoful; heofonas +t+anne
worhte halig drihten.
<R 95.6>
Ys on +tinre gesih+de so+d andetnes, f+ager halignes f+aste
gebletsad and weor+dlic wlite wuldres +tines.
<R 95.7>
Bringa+d nu drihtne bu +atsomne wlite and are, wuldor +dridde,
and +t+at of hiora e+dele don ealle +teode,
+t+at hi naman drihtenes neode herigean.
<R 95.8>
Genima+d eow arlice lac and in ganga+d on his wictunas;
weor+dia+d drihten on his +t+are halgan healle geneahhige.
<R 95.9>
For his ansyne sceal eor+de beofian; secga+d nu on cynnum and
on cneorissum, +t+at from treowe becwom tirf+ast rice
drihten ure; dome he sy+t+tan eor+dan ymbhwyrft ealle gesette.
<R 95.10>
He ferhtlic riht folcum deme+d and on his yrre ealle +teode.
<R 95.11>
Heofenas blissia+d, hrusan swylce gefeo+d f+astlice, and
floda +trym; sealte s+astreamas s+al+de habba+d.
<R 95.12>
Habba+d feldas eac f+agere blisse and ealle +ta +te on him
eard weardia+d;
<P 69>
w+arun wudubearuwas on wyndagum for andwlitan
ecean drihtnes, for+ton he cwom on cyne+drymme,
+t+at he +tas eor+dan ealle demde.
<R 95.13>
+tonne he ymbhwyrft eor+dan folca so+de and rihte sy+t+tan
deme+d.
<R 96.1>
Rixa+d nu mid rihte rice drihten; is eor+de nu eac on blisse,
and +t+as f+agerne gefean habba+d ealanda m+anig ut
on gars+acge.
<R 97.8>
stundum onginna+d f+agnian mid folmum on gefean +alcne;
beorgas blissia+d, beacen oncnawa+d, for ansyne
ecean drihtnes; for+ton he eadig com eor+tan to demanne.
<R 97.9>
He ymbhwyrft eor+tan deme+d so+de and rihte, and his syndrig
folc on rihtnesse r+ade gebringe+d.
<R 98.1>
Rixa+d drihten, and he re+de folc healde+d on yrre ungemete
swi+de; sitte+d ofer cherubin, se +te sona m+ag ana eor+dware
ealle onstyrian.
<R 98.2>
Drihten is on Sion, dema se m+asta, heah and m+are ofer eall
h+ale+da folc.
<R 98.3>
We andeta+d +tinum +tam ecean naman, +t+at he mid mannum is
mycel and egeslic, halig on helpe h+ale+ta bearnum,
aare cyninges dom [{+aghw+ar{] lufade.
<P 70>
<R 98.4>
+tu gegearwadest geara +arest, +t+at +tu recene, god, rihte
beeodest; +tu on Iacobe gode domas +at fruman
worlde f+agere settest.
<R 98.5>
Ahebba+d haligne heofena drihten, usserne god
[{ellencr+afte{] , and his fota sceamul for+d weor+tia+d;
for+ton he halig is h+ale+da bearnum.
<R 98.6>
Moyses et [{Aaron{] m+are gebro+dor, so+de sacerdas, Samuhel
+dridda, +ta gode his naman neode cigdan.
<R 98.7>
Hi cymlice cigdon drihten, and he hi gehyrde holde mode,
spr+ac him wordum to +turh wolcnes swyr.
<R 98.8>
Hi +ta gewitnesse wel geheoldon and his bebodu beorhte
efnedan, +ta he him sealde and sylfa bebead.
<R 98.9>
+tu gehyrdest hig, halig drihten, and him, meahtig god, milde
wurde, and heora +af+tancan ealle gewr+ace.
<R 98.10>
Hebba+d urne god, h+alend drihten, and hine on halgum her
weor+dia+d m+arum beorge; for+don his meahte synt
and halig is heofonrices weard.
<R 99.1>
Nu ge mycle gefean mihtigum drihtne eall +teos eor+de elne
hyre, and blisse gode bealde +teowie.
<R 99.2>
Ganga+d on ansyne ealle bli+de; wita+d wislice +t+at he is
wealdend god; he us geworhte and we his syndon.
<R 99.3>
We his folc syndan and his f+ale sceap, +da he on his edisce
ealle afedde; ga+d nu on his doru, god andetta+d,
<P 71>
and hine weor+dia+d on wictunum mid lofsangum lustum
myclum.
<R 99.4>
Heria+d naman drihtnes, for+ton he is ni+dum sw+as; is +tin
milde mod ofer manna bearn.
<R 100.1>
Mildheortnesse and dom mihtigan drihtnes singe and secge, and
so+d ongyte on unwemmum wege, hw+anne
+tu me wylle to.
<R 100.2>
[{Ic{] mid unbealuwe ealre heortan +turh +din hus middan halig
eode.
<R 100.3>
Ne sette ic me fore eagum yfele wisan; ealle ic feode facnes
wyrcend, n+as me [{wyngesi+d{] wi+derweard heorte.
<R 100.4>
Ic awyrgde fram me wende and cyrde; nolde ic hiora andgit
+anig habban, +te t+alnessa teonan geneahhige wi+d heora
+tam nehstan ni+d ahofan; +tara ic ehte ealra mid ni+de.
<R 100.5>
Oferhydegum eagum, uns+adre heortan, nolde ic mid +t+am men
minne mete +dicgean.
<R 100.6>
Ofer [{geleaffulle{] eor+dbugende eagan mine georne
sceawedun, hw+ar ic tirf+aste treowe funde, +ta me symble
mid s+aton and eodon; he me holdlice her +degnade.
<R 100.7>
Ne earda+d on midle mines huses, +te oferhygd up ahebbe o+t+te
unriht cwe+tan elne wille.
<R 100.8>
Ic on morgenne ofslea manes wyrhtan ealle +te unriht elne
worhtan and fyrena fela gefremed habba+d; ealle ic +ta
of drihtnes drife ceastre.

<P 137>
<R 140.1>
Ic +te, drihten, to dyrum clypige; gehyr me hr+adlice holdre
stefne, +tonne ic bene to +te bidde ceare full.
<R 140.2>
Sy on +tinre gesih+te mines sylfes gebed ful recene gereht,
swa ricels by+d, +tonne hit gifre gleda b+arna+d.
<R 140.3>
Swylce [{is{] ahafenes handa minra, +tonne ic +te +afenlac
estum secge.
<P 138>
<R 140.4>
[{Sete{] sw+ase geheald swylce, drihten, mu+de minum, ne l+at
man sprecan, and +a+tele dor [{ymbstandende{] ,
+t+at on welerum wisdom healde.
<R 140.5>
Ne hyld +tu mine heortan, [{+t+at{] ic hearme word +turuh
inwitst+af ut forl+ate, and ic l+adend wese la+dra firena.
<R 140.6>
Ne ic +afre mid mannum manfremmendum gem+annesse micle h+abbe,
ne on heora gecorenesse becume +afre.
<R 140.7>
[{Ac{] me so+df+ast symble gerecce and mildheorte mode
+treage; ele synfulra +afre ne mote heafde minum hrinan ahw+ar.
<R 140.8>
For+ton min gebed nu gyt becnum stande+d, +t+at him on wisum
is wel lycendlice; syndon hi +at strangum stane forswolgene;
noldan heora deman mine gedefe word earan gehyran,
eft ne mihton.
<R 140.9>
Swa unefne is eor+te +ticce, syndon +tas moras myclum
asprotene, swa ure ban syndon bitere toworpene be
helwarena [{h+afteneodum{] .
<R 140.10>
For+ton ic, drihten, on +te d+adum minum eagum and mode
+aghw+ar gelyfe; ne ascuf +tu fram me sawle mine.
<R 140.11>
Geheald me wi+d +tare gryne +te me grame setton, +t+at me ne
beswice synwyrcende, +ta +te unrihtes +aghw+ar
+tencea+d.
<R 140.12>
Fealla+d firenfulle on heora fengnettum; ic me syndrig eom,
o+t+t+at ic swa fere.
<R 141.1>
Min stefn to +te styrme+d, drihten, and ic mid strangere
stefne swylce
<P 139>
eam biddende bealde drihten.
<R 141.2>
Ic mine bene bealde swylce on his gesih+de symble ageote, and
mine earfe+tu ealle full georne fore him sylfum
s+acge geneahhe.
<R 141.3>
Gif mine grame +tencea+d gast teorian, and +tu mine stige
strange ongeate.
<R 141.4>
On +dyssum grenan wege, +te ic gange on, me oferhydige
+aghw+ar setton gearwe grine; geara ic sceawade,
geseah on +ta swy+dran, ne me sylfne +t+ar +anig mid gode
ongitan wolde.
<R 141.5>
+Da me eac frecne fram fleam gedydan, n+as +ta +te mine sawle
secean wolde, +ta ic to +te, drihten, digle
cleopode and sona cw+a+d: +tu eart min se so+da hiht; eart
+tu on lifigendra lande swylce se gedefa d+al, drihten,
+aghw+ar.
<R 141.6>
Beheald mine sawle, h+ale+ta wealdend, for+ton ic geeadmeded
eom ungemete swi+de.
<R 141.7>
Alys me fram la+tum; hi me lungre synt ealle ofer me ungemete
strange.
<R 141.8>
Al+ad me of carcernes cluse swylce mine sawle, +t+at ic
sy+t+tan for+d +tinne naman mote neode s+acgean.
<R 141.9>
Min so+df+aste snotere bida+d, o+t+t+at +tu me edlean eft
forgylde.
<R 142.1>
Drihten, min gebed deore gehyre, and mid earum onfoh ungemetum
georne mine halsunge; heald me sy+d+dan on +tinre
so+df+astnesse and me on so+de gehyr.
<R 142.2>
Ne ga +tu mid +tinum esne in to dome, for+ton on +tinre
gesih+de ne bi+d so+df+ast +anig +te on +disse foldan
feorhlif bere+d.
<R 142.3>
For+ton mine sawle swi+de feondas
<P 140>
ealle ehtan ungemete strange, habba+d me gehn+aged heanne
to eor+dan and min lif swylce gelytlad is.
<R 142.4>
Hi me on digle deorce stowe settan sarlice samed anlice, swa
+tu worulddeade wrige mid foldan; is me
[{+ange{] gast innan hre+dres, and me is heorte on hearde
gedrefed.
<R 142.5>
+tonne ic on mode gemyndgade, hu me +arran dagas oft alumpan,
metegade on mode ealle +tine m+aran weorc
and ymbe +tine handgeweorc hogode georne.
<R 142.6>
+tonne ic mine handa to +te holde +tenede and mine sawle sette
mid mode, swa eor+dan bi+d ansyn w+ateres;
gehyr me hr+adlice, h+al me sy+t+tan.
<R 142.7>
Nu me deope is, drihten leofa, min sylfes gast sw+ar geworden,
ne awend fram me, wuldres ealdur, +tine ansyne; wese ic
earmum gelic +te on sweartne grund sy+t+tan astiga+d.
<R 142.8>
Gedo +t+at ic gehyre holde on morgene +tine mildheortnesse,
mihtig drihten, for+ton ic hycge to +de, helpe gelyfe.
<R 142.9>
Do me wegas wise, +t+at ic wite gearwe on hwylcne ic gange
gleawe mode; nu ic to drihtnes dome wille
mine sawle settan geornast.
<R 142.10>
Afyrr me, frea drihten, feondum minum; nu ic helpe to +te
holde gelyfe; l+ar me, hu ic +tinne willan wyrce and fremme,
for+ton +tu min god eart, +tu me god dydest.
<R 142.11>
Me +tin se goda gast gleawe l+adde, +t+at ic on rihtne weg
re+dne ferde; for naman +tines neodweor+dunge,
drihten usser, do me halne,
<P 141>
+t+at ic on +dinum rihte r+adf+ast lifige.
<R 142.12>
And +tu of costunge cl+ane al+addest sawle mine, +t+ar heo
sy+d+dan for+d on +tinre mildheortnesse mote wunian;
and +tu mine feondas f+acne todrife, and eac forleose
la+dra gehwylcne +te mine sawle synne +atf+asten,
for+ton ic +tin esne eom agen symble.
<R 143.1>
Drihten is gebletsad, min se deora god, +te mine handa to
hilde teah and mine fingras to gefeohtanne.
<R 143.2>
[{He{] is mildheortnes min +at +tearfe, fri+d and fultum,
f+ast andfengea and alysend is lifes mines.
<R 143.3>
Min +tu m+are eart mihtig scyldend; ic hiht on +de h+abbe
f+aste, +t+at +tu me folc m+anig f+agere under+teoddest.
<R 143.4>
Hw+at is se manna, mihtig drihten, +te +tu him cu+dlice cy+tan
woldest, o+d+de mannes sunu, +t+at hit gemet
w+are, +t+at +tu him aht wi+d +afre h+afdest?
<R 143.5>
[{Man{] by+d merwe gesceaft, mihtum idel; beo+d his dagas
swylce demde gelice, swa +tu on scimiendre sceade locige.
<R 143.6>
Ahyld +tine heofenas, halig drihten, onhrin +tissum muntum,
and hi hra+de reoca+d.
<R 143.7>
+tine ligetta [{leohta+d{] and [{beorhta+d{] , and +tu hi
toweorpest wide +after; synd +tine strele strange swylce,
and +du hi gedrefed hafast deope sy+t+tan.
<R 143.8>
Onsend +tine handa of heanessum, alys me and genere wi+d
lagustreamum manegum w+aterum and wi+d manfolmum
<P 142>
fremdra bearna and frecenra.
<R 143.9>
+tara mu+das spreca+d manidel word, bi+d hyra seo swi+dre
symble abysgod, +t+at hi unrihtes elne tiligea+d.
<R 143.10>
Ic niwlice niwne cantic +tam godan gode gleawne singe on
psalterio, +te him swynsa+d oft mid tyn strengum getogen
hearpe, on +t+are +te ic +te singe swi+te geneahhe.
<R 143.11>
+tu healdest and sylest h+alu cyningum; +tu alysdest eac
leofne Dauid, +tinne agenne ombihtm+acg, of +tam
awyrgedan wra+dan sweorde.
<R 143.12>
Alys me and o+dl+ad la+tum w+atrum, manegum merestreamum,
m+arum handum, +ta me fremde bearn f+acne syndan.
<R 143.13>
+tara mu+das spreca+d manidel word, by+d hyra seo swi+dre
symble abysgad, +t+at hi unrihtes awa tiligean.
<R 143.14>
+tara bearn swylce [{bogum{] +a+telum settum beamum samed
anlice, [{standa+d{] on sta+dule sti+de wi+d geogu+de.
<R 143.15>
W+arun heora dohtru deore gesette and ymb fr+atwum utan
gegyrede, efne anlicast +a+telum temple.
<R 143.16>
Heora frumw+astme fulle syndon, +t+at hi rumlice roccetta+d
swi+de, of +tissan on +t+at +tonne wenda+d.
<R 143.17>
Heora sceap w+arun swylce tydred and on si+dfatum swi+te
genihtsum, heora oxan eac ungemete f+atte.
<R 143.18>
Ne hreosa+d hi to hrusan hearde gebiged, ne +t+ar fernes is
folca m+anegum, ne care micle cleopia+d on [{wor+dum{] .
<P 143>
<R 143.19>
Eadig bi+d +t+at folc, o+dre hata+d, +te him swa on foldan
f+agre limpe+d; eadig bi+d +t+at folc +te +almihtig
wile [{drihten{] god dema weor+dan.
<R 144.1>
Ic me heahne god h+abbe to kyninge, and ic naman +tinne neode
herige on ecnesse awa to worulde.
<R 144.2>
+turuh syndrige dagas symble ic +de bletsige, and naman +tinne
neode herige on ecnesse awa to worulde.
<R 144.3>
Mycel is drihten, hine man m+agene sceal holde mode herian
swi+de; nis his micelmodes m+agenes ende.
<R 144.4>
Cneorissa kynn cwidum symble +tin weorc herigen wordum georne,
and +tine mihte eac micle s+acgeon.
<R 144.5>
Mycel mod and strang +tines m+agen+drymmes and +tine
halignesse holdes modes wise wordum spreca+d,
weredum secggea+d eall +tin wundur wide m+are.
<R 144.6>
And hi m+agen swylce m+are and egeslic +tinra wundra wislic
s+acgen and +tine [{m+agenstreng+du{] m+arsien wide.
<R 144.7>
Gemune +tines modes +ta miclan geniht, +tinre we+dnesse wise
s+acgenum roccette and r+ad sprece, and +tine
so+df+astnesse s+acge geneahhe.
<R 144.8>
Mildheort is drihten and mann+tw+are and ge+tyldig eac,
+tearle mildheort.
<R 144.9>
Swylce eallum is ure drihten manna cynne milde and bli+de;
[{syndan{] his miltsa ofer us m+are weorc eall yldum cu+d
awa to feore.
<P 144>
<R 144.10>
Andetten +te, drihten, ealle +tine weorc and +te +tine +ta
halgan her bletsien.
<R 144.11>
And hi +tine mihte manna bearnum cy+tan mid cynnum and mid
cneorissum, +tines m+agen+trymmes m+are wuldur
riht and re+de rices +tines.
<R 144.12>
+t+at +tu cu+d gedydest ofer cneorisse, +t+ar synd manna bearn
manig +atsomne, and +t+at +tin miht is ofer middaneard
and +tines rices r+adf+ast wuldur.
<R 144.13>
Rice is +tin, drihten, r+ade gef+astnod, and +tu woruldricum
wealdest eallum; is +tin anweald eac ofer eor+dware of cynne
on cynn and on cneorissum.
<R 144.14>
Drihten is on wordum d+adum getreowe and on eallum his
weorcum wis and halig.
<R 144.15>
Ahefe+d halig god +ta +de hreosa+d +ar, and he ealle arece+d
earme gebrocene.
<R 144.16>
Eagan on +te ealra, drihten, wisra gewena+d wiste to genihte,
and +tu him mete sylest m+ala gehwylce and +t+as tidlice
tid gemearcast.
<R 144.17>
[{Onhlidest{] +du +tine handa and hi hra+de fyllest, ealra
wihta gehwam wis bletsunga.
<R 144.18>
So+df+ast is drihten on his sylfes wegum eallum on eor+dan,
and he +after +tan on his weorcum is wis and
halig.
<R 144.19>
Neah is drihten ni+tum eallum +te hine mid so+de hige secea+d
and ciega+d and his willan her wyrcea+d georne and his
[{ege{] swylce elne r+afna+d; he heora bene
bealde gehyre+d and hi hr+adlice gede+d hale sona.
<R 144.20>
Ealle gehealde+d halig drihten +te lufan wi+d hine lustum
healde+d, and he synfulle swylce todrife+d geond widwegas
wearnum ealle.
<P 145>
<R 144.21>
Sceal lof drihtnes on lust sprecan min mu+d mannum m+ala
gehwylce, and fl+asca gehwylc +turh f+ale word
his +tone haligan naman her bletsian on ecnesse awa to feore.
<R 145.1>
Herige min sawl h+alend drihten, and ic on minum life lustum
drihten herige haligne and holdum gode
sealmas singe, +tenden ic sylf lifige.
<R 145.2>
Nelle ge on ealdurmenn ane getreowian, ne on manna bearn; nis
+t+ar mycel h+alu.
<R 145.3>
Heora gast gange+d, gearwe onwende+d on +ta eor+dan +te hi of
comon; of +tam sylfan d+age sy+d+tan forweor+da+d ealle
+ta ge+tohtas +te hi +tohtan +ar.
<R 145.4>
+tonne bi+d eadig +te him +aror w+as Iacobes god geara
fultumiend, and +ar his hiht on god h+afde f+aste.
<R 145.5>
Se +te heofon worhte, hrusan swylce and sidne s+a samed
+atg+adere, and ealle +ta +te him on ahw+ar syndon.
<R 145.6>
He his so+df+ast word swylce gehealde+d, and on worulde his
wise domas de+d gedefe +te her deorce +ar [{teonan{]
manige torne ge+toledan; syle+d mete swylce +te her
murcne +ar hungur hea+dugrimne heardne ge+toledan.
<R 145.7>
Wrece+d to r+ade rice drihten +tara manna bearn +te +ar man
gebr+ac, swylce +ta gefetredan f+agre drihten lungre alyse+d
and him lif geofe+d, and blinde eac bealde drihten on
heora eagum eft onleohte+d;
<P 146>
so+df+aste drihten swylce lufade.
<R 145.8>
+Ta el+deodigan ealle drihten lustum healde+d, and lif geofe+d
weodewum wencelum; he hiom wel onfeh+d, fyrenfulra weg frecne
toweorpe+d.
<R 145.11>
Rixa+d mid r+ade rice drihten on ecnesse awa to feore, and
+tin, Sione, god symble to worulde.
<R 146.1>
Heria+d drihten, he is heah and good; singa+d him sealmas
swi+de geneahhe and hine wlitegum wordum herigea+d.
<R 146.2>
Eft Hierusalem georne drihten timbre+d tidum, and to somna+d
+ta +te ut gewitan of Israhelum.
<R 146.3>
Se h+ale+d eac heortan ge+dr+aste and heora unrotnesse ealle
gewri+de+d.
<R 146.4>
He recene m+ag riman steorran and +ta neodlice be naman sona
full cu+dlice cigean ealle.
<R 146.5>
Micel is ure mihtig drihten, and his m+agen is micel and
mihtum strang; ne his snytru m+ag secgean +anig,
on +tyssum ealdre +afre ariman.
<R 146.6>
Milde mode and man+tw+are he onfeh+d f+agere, and fyrenfulle
wi+d eor+dan ni+ter ealle gehnege+d.
<R 146.7>
Onginna+d ge drihtne geare andettan, singa+d gode urum gleawe
be hearpan.
<R 146.8>
Se +te heofen +tece+d hadrum wolcnum and regn +tanon recene
sende+d +te +teos eor+de fram +after growe+d.
<R 146.9>
He of beorgum ut bl+ade l+ade+d, hig to helpe h+ale+da
bearnum.
<P 147>
<R 146.10>
Se +te mete syle+d manegum neatum, hrefnes briddum, +tonne
heo hropende him cigea+d to, cu+des +ases.
<R 146.11>
[{Nafast{] +du to manna m+agene willan, ne +te on +tinum
selegescotum swi+de lica+d, +teah +te weras wyrcean
wr+ast on eor+dan.
<R 146.12>
Ac wel lica+d wuldres drihtne, +ta +te hine him ondr+ada+d
d+adum and wordum, and on his milde mod m+agene
gewena+d.
<R 147.1>
Herige Hierusalem georne drihten, here +tu, Sion, swylce
+tinne so+dne [{god{] .
<R 147.2>
For+ton he getrymede wi+d teonhete, +t+at +tu +tine doru
mihtest bedon f+aste, and gebletsade bearna [{+aghwylc{]
+te on innan +te ahw+ar w+aren.
<R 147.3>
He +tine gem+aru gemiclade, +tu on utlandum ahtest sibbe, and
+te gesadade mid +ty selestan hw+atecynnes
holde lynde.
<R 147.4>
He his spr+ace hider spowendlice on +tas eor+dan +arest
sende+d, and his word yrne+d wundrum sniome.
<R 147.5>
He snaw sende+d samed anlice swa +tu wulle flys wolcnum
bringe, and [{+tone{] toweorpe+d wide swa +ascean.
<R 147.6>
He his cristallum cynnum sende+d swylc swa hlafgebrece of
heofonwolcnum; for andwlitan celes +t+ar [{+anig{]
ne m+ag him standan sti+de mode.
<R 147.7>
He his word sende+d +turuh windes gast; blawe+d beorhtlice,
burnan flowe+d and to w+atere weor+de+d sniome.
<R 147.8>
He his word eac +ar mid wisdome
<P 148>
godum Iacobe geara fores+agde, and Israhele eac his domas.
<R 147.9>
Ne dyde he ahw+ar swa eldran cynne, +t+at he him his domas
digle gecydde.
<R 148.1>
Heria+d ge on heofenum h+alend drihten, heria+d hlude on
heanessum.
<R 148.2>
Heria+d hine ealle engla +dreatas, lofige hine swylce eall
his leodm+agen.
<R 148.3>
Herigen hine swylce sunna and mona, +aghwylc steorra and +t+at
+a+dele leoht.
<R 148.4>
Heofenas hine heofena herian georne, and +ta w+ater swylce +de
ofer wolcnum synt on heofenhame, herigen drihten.
<R 148.5>
For+don he sylfa cw+a+d, sona w+arun [{wr+aclice{] geworht
w+atera +dry+te, and gesceapene w+arun, +ta he sylfa
het.
<R 148.6>
+ta he on ecnesse eall sta+delade and on worulda woruld wolde
healdan; he sette bebod, sy+t+tan heo +t+at
heoldon.
<R 148.7>
Herigen dracan swylce drihten of eor+dan, and ealle
neowelnessa herian naman drihtnes.
<R 148.8>
Fyr, forst, h+agel and gefeallen snaw, is and yste, ealra
gastas +te his word willa+d wyrcean georne.
<R 148.9>
Muntas and geswyru, micle beamas, +ta +te m+ast and w+astm
mannum bringa+d, and on eallum cedrum [{cii+d{] al+aded.
<R 148.10>
Deor and neat, do +t+at sniome; nifle n+adran cynn be naman
ealle, and fugla cynn fi+derum gescyrped.
<R 148.11>
Eor+dcyningas eac ealle swylce +te folcum her fore wisien
<P 149>
and ealdormen ahw+ar syndan, and ealle +te +tas eor+tan
ahw+ar deme+d.
<R 148.12>
Beon ge, h+agestealdas and glade f+amnan, ealde and geonge
ealle +atsamne; herian naman drihtnes mid neodlofe.
<R 148.13>
For+ton his anes nama ofer ealle is ahafen healice h+ale+da
ealra; is upp ahafen his andetness heah ofer myclum heofone
and eor+dan.
<R 148.14>
He horn hefe+d holdes folces, he lofe leohte+d leofe +ta
halgan; wese awa fri+d on Israhela f+alum folce,
and hi for+d heonan on his neaweste neode wunian.
<R 149.1>
Singa+d samheorte sangas drihtne and him neowne sang nu +da
singa+d; wese his herenes on haligra cl+anre cyricean
[{cy+ded{] geneahhe.
<R 149.2>
Israhelas on hine eac blissien, and Sione bearn symble hihtan
swi+dust ealra.
<R 149.3>
Herigen his naman neode on +dreatum, on timpano tidum heria+d
and on psalterio singa+d georne.
<R 149.4>
For+don on his folce is f+agere drihtne wel licendlic, and he
wynlice +tam man+tw+arum syle+d m+are h+alu.
<R 149.5>
+tonne on wuldre gefeo+d wel +ta halgan, beo+d on heora husum
bli+de gedreme.
<R 149.6>
Him on gomum bi+d godes oft gemynd; heo +t+as wislice wynnum
bruca+d, and sweord habba+t swylce on folmum.
<R 149.7>
Mid +ty hi wrecan +tencea+d wra+dum cynnum
<P 150>
and +drea +tearle +teodum eawan.
<R 149.8>
And hio bindan balde +tencea+d cyningas on campum, and
cu+dlice heora +a+delingas don [{on{] isene bendas.
<R 149.9>
+t+at hio dom on him deopne gecy+dan and +t+at mid wuldre
awriten stande: +tis is haligra [{wuldor{] her on
eor+dan.
<R 150.1>
Heria+d on +tam halgum his holdne drihten, heria+d hine on his
m+agenes m+are h+alu.
<R 150.2>
Heria+d hine swylce on his heahmihtum, heria+d hine +after
mode his m+agen+trymmes.
<R 150.3>
Heria+d hine on hleo+dre holdre beman.



