<B COOHTWU2>
<Q O2 NN HIST OHTHR2>
<N OHTHERE 2>
<A X>
<C O2>
<O 850-950>
<M 850-950>
<K NON-CONTEMP>
<D WS>
<V PROSE>
<T HISTORY>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z NARR NON-IMAG>
<S SAMPLE X>


[^TEXT:  OHTHERE AND WULFSTAN (MS L).
KING ALFRED'S OROSIUS, PART I.
EARLY ENGLISH TEXT SOCIETY, O.S. 79.
ED. H. SWEET.
LONDON, 1959 (1883).
PP. 17.1 - 18.2^]

[^B9.2.2^]
<P 17>
<R 1.17.1>
Ohthere s+ade his hlaforde, +Alfrede cyninge, +t+at he ealra
Nor+dmonna nor+tmest bude.
<R 1.17.2>
He cw+a+d +t+at he bude on +t+am lande nor+tweardum wi+t +ta
Wests+a.
<R 1.17.3>
He s+ade +teah [{+t+at{] +t+at land sie swi+te lang nor+t
+tonan; ac hit is eal weste, buton on feawum stowum 
styccem+alum wicia+d Finnas, on hunto+de on wintra, & on sumera
on fisca+te be +t+are s+a.
<R 1.17.7>
He s+ade +t+at he +at sumum cirre wolde fandian hu longe +t+at
land nor+tryhte l+age, o+t+te hw+a+der +anig mon 
be nor+dan +t+am westenne bude.
<R 1.17.9>
+ta for he nor+tryhte be +t+am lande: let him ealne weg +t+at
weste land on +d+at steorbord, & +ta wids+a on 
+d+at b+acbord +trie dagas.
<R 1.17.11>
+ta w+as he swa feor nor+t swa +ta hw+alhuntan firrest fara+t.
<R 1.17.12>
+ta for he +tagiet nor+tryhte swa feor swa he meahte on +t+am
o+trum +trim dagum gesiglan.
<R 1.17.13>
+ta beag +t+at land +t+ar eastryhte, o+t+te seo s+a in on
+d+at lond, he nysse hw+a+der; buton he wisse +d+at he 
+d+ar bad westanwindes & hwon nor+tan, & siglde +da east be
lande swa swa he meahte on feower dagum gesiglan.
<R 1.17.17>
+ta sceolde he +d+ar bidan ryhtnor+tanwindes, for +d+am +t+at
land beag +t+ar su+tryhte, o+t+te seo s+a in on +d+at
 land, he nysse hw+a+ter.
<R 1.17.19>
+ta siglde he +tonan su+dryhte be lande swa swa he mehte on
fif dagum gesiglan.
<R 1.17.20>
+da l+ag +t+ar an micel ea up in on +t+at land.
<R 1.17.21>
+ta cirdon hie up in on +da ea, for +t+am hie ne dorston for+t
bi +t+are ea siglan for unfri+te; for +t+am +d+at 
land w+as eall gebun on o+tre healfe +t+are eas.
<R 1.17.23>
Ne mette he +ar nan gebun land, si+t+tan he from his agnum ham
for.
<R 1.17.24>
Ac him w+as ealne weg weste land on +t+at steorbord, butan
fiscerum & fugelerum & huntum, & +t+at w+aron 
eall Finnas; & him w+as a wids+a on +d+at b+acbord.
<R 1.17.27>
+ta Beormas h+afdon swi+te wel gebud hira land; ac hie ne
dorston +t+ar on cuman.
<R 1.17.28>
Ac +tara Terfinna land w+as eal weste buton +d+ar huntan
gewicodon, o+t+te fisceras, o+t+te fugeleras.
<R 1.17.31>
Fela spella him s+adon +ta Beormas +ag+ter ge of hiera agnum
lande ge of +t+am landum +te ymb hie utan w+aron; 
ac he nyste hw+at +t+as so+tes w+as, for +t+am he hit self
ne geseah +ta Finnas, him +tuhte, & +ta Beormas 
spr+acon neah an ge+teode.
<R 1.17.35>
Swi+tost he for +dider, toeacan +t+as landes sceawunge, for
+t+am horschw+alum, for +d+am hie habba+d swi+te +a+tele 
ban on hiora 
<P 18>
to+tum +ta te+d hie brohton sume +t+am cyninge, 
& hiora hyd



