<B COPHOENI>
<Q OX/3 XX XX PHOEN>
<N PHOENIX>
<A X>
<C OX/3>
<O X>
<M 950-1050>
<K NON-CONTEMP>
<D WS/X>
<V VERSE>
<T X>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>
<S SAMPLE X>


[^TEXT:  PHOENIX.
THE EXETER BOOK.
THE ANGLO-SAXON POETIC RECORDS, III.
ED. G. P. KRAPP AND E. V. K. DOBBIE.
NEW YORK: COLUMBIA UNIVERSITY PRESS, 1936.
PP. 94.1 - 113.677^]

[^A3.4^]
<P 94>
[} [\THE PHOENIX\] }]
<R 1>
H+abbe ic gefrugnen +t+atte is feor heonan eastd+alum on
+a+telast londa, firum gefr+age.
<R 3>
Nis se foldan sceat ofer middangeard mongum gefere
folcagendra, ac he afyrred is +turh meotudes meaht 
manfremmendum.
<R 7>
Wlitig is se wong eall, wynnum geblissad mid +tam f+agrestum
foldan stencum.
<R 9>
+anlic is +t+at iglond, +a+tele se wyrhta, modig, meahtum
spedig, se +ta moldan gesette.
<R 11>
+d+ar bi+d oft open eadgum togeanes onhliden hleo+tra wyn,
heofonrices duru.
<R 13>
+t+at is wynsum wong, wealdas grene, rume under roderum.
<R 14>
Ne m+ag +t+ar ren ne snaw, ne forstes fn+ast, ne fyres bl+ast,
ne h+agles hryre, ne hrimes dryre, ne sunnan 
h+atu, ne sincaldu, ne wearm weder, ne winterscur wihte
gewyrdan, ac se wong seoma+d eadig ond onsund.
<R 20>
Is +t+at +a+tele lond blostmum geblowen.
<R 21>
Beorgas +t+ar ne muntas steape ne stonda+d, ne stanclifu heah
hlifia+d, swa her mid us, ne dene ne dalu
ne dunscrafu, hl+awas ne hlincas, ne +t+ar hleona+d oo
unsme+tes wiht, ac se +a+tela feld wrida+d under wolcnum, 
wynnum geblowen.
<R 28>
Is +t+at torhte lond twelfum herra, folde f+a+dmrimes, swa us
gefreogum gleawe witgan +turh wisdom on gewritum cy+ta+d, 
<P 95>
+tonne +anig +tara beorga +te her beorhte mid
us hea hlifia+d under heofontunglum.
<R 33>
Smylte is se sigewong; sunbearo lixe+d, wuduholt wynlic.
<R 34>
W+astmas ne dreosa+d, beorhte blede, ac +ta beamas a grene
stonda+d, swa him god bibead.
<R 37>
Wintres ond sumeres wudu bi+d gelice bledum gehongen; n+afre
brosnia+d leaf under lyfte, ne him lig sce+te+d 
+afre to ealdre, +ar+ton edwenden worulde geweor+de.
<R 41>
Swa iu w+atres +trym ealne middangeard mereflod +teahte,
eor+tan ymbhwyrft, +ta se +a+tela wong, +aghw+as onsund, 
wi+d y+dfare gehealden stod hreora w+aga, eadig,
unwemme, +turh est godes; bide+d swa geblowen o+d 
b+ales cyme, dryhtnes domes, +tonne dea+dr+aced, h+ale+ta
heolstorcofan, onhliden weor+ta+d.
<R 50>
Nis +t+ar on +tam londe la+dgeni+dla, ne wop ne wracu,
weatacen nan, yldu ne yrm+du ne se enga dea+d, ne lifes 
lyre, ne la+tes cyme, ne synn ne sacu ne sarwracu, ne
w+adle gewin, ne welan onsyn, ne sorg ne sl+ap 
ne swar leger, ne wintergeweorp, ne wedra gebregd, hreoh
under heofonum, ne se hearda forst, caldum 
cylegicelum, cnyse+d +anigne.
<R 60>
+t+ar ne h+agl ne hrim hreosa+d to foldan, ne windig wolcen,
ne +t+ar w+ater fealle+t, lyfte gebysgad, ac +t+ar 
lagustreamas, wundrum wr+atlice, wyllan onspringa+d
f+agrum [{flodwylmum{] .
<R 64>
Foldan lecca+t w+ater wynsumu of +t+as wuda midle; +ta mon+ta
gehwam of +t+are moldan tyrf 
<P 96>
brimcald breca+d,
bearo ealne geondfara+d, +tragum +trymlice.
<R 68>
Is +t+at +teodnes gebod, +t+atte twelf si+tum +t+at tirf+aste
lond geondlace lagufloda wynn.
<R 71>
Sindon +ta bearwas bledum [{gehongne{] , wlitigum w+astmum,
+t+ar no [{wania+d{] o, halge under heofonum, holtes fr+atwe.
<R 74>
Ne fealla+d +t+ar on foldan fealwe blostman, wudubeama wlite,
ac +t+ar wr+atlice on +tam treowum symle telgan 
gehladene, ofett edniwe, in ealle tid on +tam gr+aswonge
grene stonda+t, gehroden hyhtlice haliges
meahtum, beorhtast bearwa.
<R 80>
No gebrocen weor+te+d holt on hiwe, +t+ar se halga stenc
wuna+t geond wynlond; +t+at onwended ne bi+d +afre 
to ealdre, +ar+ton endige frod fyrngeweorc se hit on frym+te
gescop.
<R 85>
+done wudu wearda+t wundrum f+ager fugel fe+trum strong, se is
fenix haten.
<R 87>
+t+ar se anhaga eard bihealde+t, deormod drohta+d; n+afre him
dea+t sce+te+d on +tam willwonge, +tenden woruld stonde+t.
<R 90>
Se sceal +t+are sunnan si+d behealdan ond ongean cuman godes
condelle, gl+adum gimme, georne bewitigan,
hwonne up cyme +a+telast tungla ofer y+dmere estan lixan,
f+ader fyrngeweorc fr+atwum blican, torht tacen godes.
<R 96>
Tungol beo+t ahyded, gewiten under wa+teman westd+alas on,
bideglad on d+agred, ond seo deorce niht won
gewite+d; +tonne wa+tum strong fugel fe+trum wlonc on
firgenstream under lyft, ofer lagu loca+d georne,
hwonne up cyme eastan glidan 
<P 97>
ofer [{sidne{] s+a swegles
leoma.
<R 104>
Swa se +a+tela fugel +at +tam +aspringe wlitigf+ast wuna+d
wyllestreamas, +t+ar se tireadga twelf si+tum hine
biba+ta+d in +tam burnan +ar +t+as beacnes cyme,
sweglcondelle, ond symle swa oft of +tam wilsuman 
wyllgespryngum brimcald beorge+d +at ba+da gehwylcum.
<R 111>
Si+t+tan hine sylfne +after sundplegan heahmod hefe+d on
heanne beam, +tonan y+tast m+ag on eastwegum si+d 
bihealdan, hwonne swegles tapur ofer [{holm+tr+ace{] h+adre
blice, leohtes leoma.
<R 116>
Lond beo+d gefr+atwad, woruld gewlitegad, si+t+tan wuldres gim
ofer geofones gong grund gescine+t geond 
middangeard, m+arost tungla.
<R 120>
Sona swa seo sunne sealte streamas hea oferhlifa+d, swa se
haswa fugel beorht of +t+as bearwes beame gewite+d, 
fare+d fe+trum snell flyhte on lyfte, swinsa+d ond
singe+d swegle [{togeanes{] .
<R 125>
+donne bi+d swa f+ager fugles geb+aru, onbryrded breostsefa,
blissum [{hremig{] ; wrixle+d wo+dcr+afte wundorlicor 
beorhtan reorde, +tonne +afre byre monnes hyrde under
heofonum, si+t+tan heahcyning, wuldres wyrhta, 
woruld sta+telode, heofon ond eor+tan.
<R 131>
Bi+t +t+as hleo+dres sweg eallum songcr+aftum swetra ond
wlitigra ond wynsumra wrenca gehwylcum.
<R 134>
Ne magon +tam breahtme byman ne hornas, ne hearpan hlyn, ne
h+ale+ta stefn +anges on eor+tan, ne organan, 
<P 98>
[{sweghleo+tres{] geswin, ne swanes fe+dre, ne +anig +tara
dreama +te dryhten gescop gumum to gliwe in +tas 
geomran woruld.
<R 140>
Singe+d swa ond swinsa+d s+alum geblissad, o+t+t+at seo sunne
on su+drodor s+aged weor+te+d.
<R 142>
+tonne swia+d he ond hlyst gefe+d, heafde onbrygde+d, +trist,
+tonces gleaw, ond +triwa asc+ace+d fe+tre flyhthwate; 
fugol bi+d geswiged.
<R 146>
Symle he twelf si+tum tida gemearca+d d+ages ond nihtes.
<R 147>
Swa gedemed is bearwes [{bigengan{] , +t+at he +t+ar brucan mot
wonges mid willum, ond welan neotan, lifes 
ond lissa, londes fr+atwa, o+t+t+at he +tusende +tisses lifes,
wudubearwes weard, wintra gebide+t.
<R 153>
+donne bi+d gehefgad haswigfe+dra, gomol, gearum frod,
[{grene{] eor+dan aflyh+d, fugla [{wyn{] , foldan geblowene, 
ond +tonne gesece+d side rice middangeardes, +t+ar no men
buga+d eard ond e+tel.
<R 158>
+t+ar he ealdordom onfeh+d foremihtig ofer fugla cynn,
ge+tungen on +teode, ond +trage mid him westen wearda+d.
<R 161>
+tonne wa+tum strong west gewite+d wintrum gebysgad fleogan
fe+trum snel.
<R 163>
Fuglas +tringa+d utan ymbe +a+telne; +aghwylc wille wesan
+tegn ond +teow +teodne m+arum, o+t+t+at hy geseca+d syrwara 
lond cor+dra m+aste.
<R 167>
Him se cl+ana +t+ar o+dscufe+d scearplice, +t+at he in scade
wearda+d, on wudubearwe, weste stowe, biholene
ond bihydde h+ale+ta monegum.
<P 99>
<R 171>
+d+ar he heanne beam on holtwuda wuna+d ond wearda+d, wyrtum
f+astne under [{heofunhrofe{] , +tone hata+d men Fenix 
on foldan, of +t+as fugles noman.
<R 175>
Hafa+d +tam treowe forgiefen tirmeahtig cyning, meotud
moncynnes, mine gefr+age, +t+at se ana is ealra beama 
on eor+dwege upl+adendra beorhtast geblowen; ne m+ag him
bitres wiht scyldum sce+d+dan, ac gescylded 
a wuna+d ungewyrded, +tenden woruld stonde+d.
<R 182>
+donne wind lige+d, weder bi+d f+ager, hluttor heofones gim
halig scine+d, beo+d wolcen towegen, w+atra +try+te 
stille stonda+d, bi+t storma gehwylc aswefed under
swegle, su+tan blice+d wedercondel wearm, weorodum 
lyhte+d, +donne on +tam telgum timbran onginne+d, nest
gearwian.
<R 189>
Bi+d him neod micel +t+at he +ta yldu ofestum mote +turh
gewittes wylm wendan to life, feorg geong onfon.
<R 192>
+tonne feor ond neah +ta swetestan somna+d ond g+adra+d wyrta
wynsume ond wudubleda to +tam eardstede, +a+telstenca 
gehwone, wyrta wynsumra, +te wuldorcyning, f+ader
frym+da gehw+as, ofer foldan gescop to indryhtum 
+alda cynne, swetes under swegle.
<R 199>
+t+ar he sylf biere+d in +t+at treow innan torhte fr+atwe;
+t+ar se wilda fugel in +tam westenne ofer heanne
beam hus getimbre+d, wlitig ond wynsum, ond gewica+d +t+ar
sylf in +tam solere, ond ymbsete+d utan in +tam 
leafsceade lic ond fe+tre 
<P 100>
on healfa gehware halgum stencum
ond +tam +a+telestum eor+tan bledum.
<R 208>
Site+d si+tes fus.
+tonne swegles gim on sumeres tid, sunne hatost, ofer sceadu
scine+d ond gesceapu dreoge+d, woruld geondwlite+d, 
+tonne weor+de+d his hus onh+ated +turh hador
swegl.
<R 213>
Wyrta wearmia+d, willsele styme+d swetum sw+accum, +tonne on
swole byrne+d +turh fyres feng fugel mid neste.
<R 216>
B+al bi+d on+aled.
+tonne brond +tece+d [{heorodreorges{] hus, hreoh onette+d,
fealo lig feorma+d ond fenix byrne+d, fyrngearum
frod.
<R 219>
+tonne fyr +tige+d l+anne lichoman; lif bi+d on si+de, f+ages
feorhhord, +tonne fl+asc ond ban adleg +ale+d.
<R 222>
Hw+a+tre him eft cyme+d +after fyrstmearce feorh edniwe,
si+t+tan +ta yslan eft onginna+d +after lig+tr+ace lucan 
tog+adre, geclungne to cleowenne.
<R 226>
+tonne cl+ane bi+d beorhtast nesta, b+ale forgrunden
hea+torofes hof; hra bi+d acolad, banf+at gebrocen, ond 
se bryne swe+tra+d.
<R 230>
+tonne of +tam ade +aples gelicnes on +t+are ascan bi+d eft
gemeted, of +tam weaxe+d wyrm, wundrum f+ager, swylce 
he of +agerum ut al+ade, scir of scylle.
<R 234>
+tonne on sceade weaxe+d, +t+at he +arest bi+d swylce earnes
brid, f+ager fugeltimber; +donne fur+tor gin wrida+d 
on wynnum, +t+at he bi+d w+astmum gelic ealdum earne,
and +after +ton fe+trum gefr+atwad, swylc he +at 
frym+de w+as, beorht geblowen.
<R 240>
+tonne br+ad weor+te+d eal edniwe eft acenned, 
<P 101>
synnum
asundrad, sumes onlice swa mon to ondleofne eor+dan 
[{w+astmas{] on h+arfeste ham gel+ade+d, wiste wynsume, +ar
wintres cyme, on rypes timan, +ty l+as hi renes
scur awyrde under wolcnum.
<R 247>
+t+ar hi wra+de meta+d, fodor+tege [{gefean{] , +tonne forst
ond snaw mid oferm+agne eor+tan +tecca+d wintergew+adum.
<R 250>
Of +tam w+astmum sceal eorla [{eadwela{] eft al+adan +turh
cornes gecynd, +te +ar cl+ane bi+d s+ad onsawen.
<R 253>
+tonne sunnan gl+am on lenctenne, lifes tacen, wece+d
woruldgestreon, +t+at +ta w+astmas beo+d +turh agne gecynd 
eft acende, foldan fr+atwe.
<R 257>
Swa se fugel weor+te+d, gomel +after gearum, geong edniwe,
fl+asce bifongen.
<R 259>
No he foddor +tige+d, mete on moldan, nemne meledeawes d+al
gebyrge, se dreose+d oft +at middre nihte; bi 
+ton se modga his feorh afede+d, o+t+t+at fyrngesetu, agenne
eard, eft gesece+d.
<R 265>
+tonne bi+d aweaxen wyrtum in gemonge fugel fe+trum deal.
<R 266>
feorh bi+d niwe, geong, geofona ful, +tonne he of greote his
lic leo+tucr+aftig, +t+at +ar lig fornom, somna+d, 
swoles lafe, searwum geg+adra+d ban gebrosnad, +after
b+al+tr+ace, ond +tonne gebringe+d ban ond yslan, 
ades lafe, eft +atsomne, ond +tonne +t+at w+alreaf wyrtum
bitelde+d, f+agre gefr+atwed.
<R 274>
+donne afysed bi+d agenne eard eft to secan.
<R 276>
+tonne fotum ymbfeh+d fyres lafe, clam biclyppe+d, ond his
cy+t+tu eft, 
<P 102>
sunbeorht gesetu, sece+d on wynnum, 
eadig e+tellond.
<R 279>
Eall bi+d geniwad feorh ond fe+terhoma, swa he +at frym+te
w+as, +ta hine +arest god on +tone +a+telan wong sigorf+ast 
sette.
<R 282>
He his sylfes +t+ar ban gebringe+d, +ta +ar brondes wylm on
beorhstede b+ale for+tylmde, ascan to eacan.
<R 285>
+tonne eal geador bebyrge+d beaducr+aftig ban ond yslan on
+tam ealonde.
<R 287>
Bi+d him edniwe +t+are sunnan [{segn{] , +tonne swegles leoht,
gimma gladost, ofer garsecg up, +a+teltungla wyn, 
eastan lixe+d.
<R 291>
Is se fugel f+ager forweard hiwe, bleobrygdum fag ymb +ta
breost foran.
<R 293>
Is him +t+at heafod hindan grene, wr+atlice [{wrixled{] wurman
geblonden.
<R 295>
+tonne is se finta f+agre ged+aled, sum brun, sum basu, sum
blacum splottum searolice beseted.
<R 297>
Sindon +ta fi+tru hwit hindanweard, ond se hals grene
nio+toweard ond ufeweard, ond +t+at nebb lixe+d swa
gl+as o+t+te gim, geaflas scyne innan ond utan.
<R 301>
Is seo eaggebyrd stearc ond hiwe stane gelicast, gladum gimme,
+tonne in goldfate smi+ta or+toncum biseted weor+te+d.
<R 305>
Is ymb +tone sweoran, swylce sunnan hring, beaga beorhtast
[{brogden{] fe+drum.
<R 307>
Wr+atlic is seo womb neo+tan, wundrum f+ager, scir ond scyne.
<R 308>
Is se scyld ufan fr+atwum gefeged ofer +t+as fugles b+ac.
<R 310>
Sindon +ta scancan scyllum biweaxen, fealwe fotas.
<R 311>
Se fugel is on hiwe +aghw+as +anlic, onlicost pean, wynnum
geweaxen, +t+as gewritu secga+d.
<P 103>
<R 314>
Nis he hinderweard, ne hygeg+alsa, swar ne swongor, swa sume
fuglas, +ta +te late +turh lyft laca+d fi+trum, 
ac he is snel ond swift ond swi+te leoht, wlitig ond
wynsum, wuldre gemearcad.
<R 319>
Ece is se +a+teling se +te him +t+at ead gefe+d.
<R 320>
+tonne he gewite+d wongas secan, his ealdne eard, of +tisse
e+teltyrf.
<R 322>
Swa se fugel fleoge+d, folcum o+deawe+d mongum monna geond
middangeard, +tonne [{somnia+d{] su+tan ond nor+tan, 
eastan ond westan, eoredciestum, fara+d feorran ond nean
folca +try+tum +t+ar hi sceawia+t scyppendes 
giefe f+agre on +tam fugle, swa him +at fruman sette sigora
so+dcyning sellicran gecynd, fr+atwe [{f+agerran{] 
ofer fugla cyn.
<R 331>
+donne wundria+d weras ofer eor+tan wlite ond w+astma, ond
[{gewritum{] cy+ta+d, mundum mearcia+d on [{marmstane{] 
hwonne se d+ag ond seo tid dryhtum geeawe fr+atwe
flyhthwates.
<R 335>
+donne fugla cynn on healfa [{gehwone{] heapum +tringa+d,
siga+d sidwegum, songe lofia+d, m+ara+d modigne meaglum 
reordum, ond swa +tone halgan hringe betelda+d flyhte on
lyfte; fenix bi+t on middum, +treatum bi+trungen.
<R 341>
+teoda wlita+d, wundrum [{wafia+d{] , hu seo wilgedryht wildne
weor+tia+d, worn +after o+trum, cr+aftum cy+ta+d ond 
for cyning m+ara+d leofne leodfruman, l+ada+d mid wynnum
+a+telne to earde, o+t+t+at se anhoga o+dfleoge+d,
fe+trum snel, +t+at him gefylgan ne m+ag 
<P 104>
drymendra gedryht,
+tonne dugu+da wyn of +tisse eor+tan tyrf e+tel
sece+d.
<R 350>
Swa se ges+aliga +after swylthwile his ealdcy+d+te eft
geneosa+d, f+agre foldan.
<R 352>
Fugelas cyrra+d from +tam gu+dfrecan geomormode eft to earde.
<R 354>
+tonne se +a+teling bi+d giong in geardum.
<R 355>
God ana wat, cyning +almihtig, hu his gecynde bi+d, wifhades
+te weres; +t+at ne wat +anig monna cynnes, 
butan meotod ana, hu +ta wisan sind wundorlice, f+ager
fyrngesceap, ymb +t+as fugles gebyrd.
<R 361>
+t+ar se eadga mot eardes neotan, wyllestreama wuduholtum in,
wunian in wonge, o+t+t+at wintra bi+d +tusend urnen.
<R 364>
+tonne him weor+te+d ende lifes; hine ad +tece+d +turh
+aledfyr.
<R 366>
Hw+a+tre eft cyme+d aweaht wr+atlice wundrum to life.
<R 368>
For+ton he drusende dea+d ne bisorga+d, sare swyltcwale, +te
him symle wat +after lig+tr+ace lif edniwe, feorh 
+after [{fylle{] , +tonne fromlice +turh briddes had
gebreadad weor+de+d eft of ascan, edgeong wese+d under 
swegles hleo.
<R 374>
Bi+d him self gehw+a+der sunu ond sw+as f+ader, ond symle eac
eft yrfeweard ealdre lafe.
<R 377>
Forgeaf him se meahta moncynnes fruma +t+at he swa wr+atlice
weor+tan sceolde eft +t+at ilce +t+at he +ar +ton 
w+as, fe+trum bifongen, +teah hine fyr nime.
<R 381>
Swa +t+at ece lif eadigra gehwylc +after sarwr+ace sylf
geceose+d +turh deorcne dea+d, +t+at he dryhtnes mot
<P 105>
+after geardagum geofona neotan on sindreamum, ond si+t+tan a
wunian in [{wuldre{] weorca to leane.
<R 387>
+tisses fugles gecynd fela gelices bi +tam gecornum Cristes
+tegnum beacna+d in burgum, hu hi beorhtne 
gefean +turh f+ader fultum on +tas frecnan tid healda+t under
heofonum, ond him heanne bl+ad in +tam uplican 
e+dle gestryna+t.
<R 393>
Habba+t we geascad +t+at se +almihtiga worhte wer ond wif
+turh his wundra sped, ond hi +ta gesette on +tone 
selestan foldan [{sceata{] , +tone fira bearn nemna+d
neorxnawong, +t+ar him n+anges w+as eades onsyn, +tenden 
eces word, halges hleo+torcwide, healdan woldan on +tam
niwan gefean.
<R 400>
+t+ar him ni+t gescod, ealdfeondes +afest, se him +at gebead,
beames blede, +t+at hi bu +tegun +appel unr+adum 
ofer est godes, byrgdon forbodene.
<R 404>
+t+ar him bitter wear+d yrm+tu +after +ate ond hyra eaferum
swa, sarlic symbel sunum ond dohtrum.
<R 407>
[{Wurdon{] teonlice to+tas idge ageald +after gylte.
<R 408>
H+afdon godes yrre, bittre bealosorge.
<R 409>
+t+as +ta byre si+t+tan gyrne onguldon, +te hi +t+at gyfl
+tegun ofer eces word.
<R 411>
For+ton hy e+dles wyn geomormode ofgiefan sceoldon +turh
n+adran ni+t, +ta heo nearwe biswac yldran usse 
in +ardagum +turh f+acne fer+d, +t+at hi feor +tonan in +tas
dea+ddene drohta+d sohton, sorgfulran gesetu.
<R 417>
Him wear+d selle lif heolstre bihyded, ond se halga wong +turh
feondes searo f+aste bityned 
<P 106>
wintra mengu, o+t+t+at wuldorcyning +turh his hidercyme halgum
[{togeanes{] , moncynnes gefea, me+tra frefrend, ond se
anga hyht, eft ontynde.
<R 424>
Is +ton gelicast, +t+as +te us leorneras [{wordum{] secga+d,
ond writu cy+ta+d, +tisses fugles gef+ar, +tonne frod 
ofgiefe+d eard ond e+tel, ond geealdad bi+d.
<R 428>
Gewite+d werigmod, wintrum gebysgad, +t+ar he holtes hleo heah
gemete+d, in +tam he getimbre+d tanum ond 
wyrtum +tam +a+telestum eardwic niwe, nest on bearwe.
<R 432>
Bi+d him neod micel +t+at he feorhgeong eft onfon mote +turh
liges bl+ast lif +after dea+te, edgeong wesan, 
ond his ealdcy+d+tu, sunbeorht gesetu, secan mote +after
fyrba+de.
<R 437>
Swa +da foregengan, yldran usse, anforleton +tone wlitigan
wong ond wuldres setl, leoflic on laste, tugon 
longne si+d in hearmra hond, +t+ar him hettende, earme
agl+acan, oft gescodan.
<R 443>
W+aron hw+a+tre monge, +ta +te meotude [{wel{] gehyrdun under
heofonum halgum +deawum, d+adum domlicum, +t+at him 
dryhten wear+d, heofona heahcyning, hold on mode.
<R 447>
+d+at is se hea beam in +tam halge nu wic weardia+d, +t+ar him
wihte ne m+ag ealdfeonda nan atre sce+t+tan, 
facnes tacne, on [{+tas{] frecnan tid.
<R 451>
+t+ar him nest wyrce+d wi+d ni+ta gehwam d+adum domlicum
dryhtnes cempa, +tonne he +almessan earmum d+ale+d, 
duge+ta leasum, ond him dryhten gecyg+d, f+ader on fultum,
for+d onette+d, 
<P 107>
l+anan lifes leahtras dw+asce+t,
mirce mand+ade, healde+d meotudes +a beald in breostum, ond
gebedu sece+d cl+anum gehygdum, ond his cneo 
bige+d +a+tele to eor+tan, flyh+d yfla gehwylc, grimme
gieltas, for godes egsan, gl+admod gyrne+d +t+at he
godra m+ast d+ada gefremme.
<R 463>
+tam bi+t dryhten scyld in si+ta gehwane, sigora waldend,
weoruda wilgiefa.
<R 465>
+tis +ta wyrta sind, w+astma blede, +ta se wilda fugel somna+d
under swegle side ond wide to his wicstowe, 
+t+ar he wundrum f+ast wi+d ni+ta gehwam nest gewyrce+d.
<R 470>
Swa nu in +tam wicum willan fremma+d mode ond m+agne meotudes
cempan, m+ar+da tilga+d; +t+as him meorde wile 
ece +almihtig eadge forgildan.
<R 474>
Beo+d him of +tam wyrtum wic gesta+telad in wuldres byrig
weorca to leane, +t+as +te hi geheoldan halge lare 
hate +at [{heortan{] , hige weallende d+ages ond nihtes
dryhten lufia+d, leohte geleafan leofne ceosa+d
ofer woruldwelan; ne bi+t him wynne hyht +t+at hy +tis l+ane
lif long gewunien.
<R 482>
+tus eadig eorl ecan dreames, heofona hames mid heahcyning
earna+d on elne, o+t+t+at ende cyme+d dogorrimes, 
+tonne dea+d nime+d, wiga w+algifre, w+apnum ge+try+ted,
ealdor anra gehw+as, ond in eor+tan f+a+dm snude 
[{sende+d{] sawlum binumene l+ane lichoman, +t+ar hi longe
beo+d o+d fyres cyme foldan bi+teahte.
<R 491>
+donne monge beo+d on gemot [{l+aded{] 
<P 108>
fyra cynnes; wile
f+ader engla, sigora so+dcyning, seono+t gehegan, dugu+da 
dryhten, deman mid ryhte.
<R 495>
+tonne +ariste ealle gefremma+t men on moldan, swa se mihtiga
cyning beode+d, brego engla, byman stefne
ofer sidne grund, sawla nergend.
<R 499>
Bi+d se deorca dea+d dryhtnes meahtum eadgum geendad.
<R 500>
+a+dele hweorfa+d, +treatum +tringa+d, +tonne +teos woruld,
scyldwyrcende, in scome byrne+d, ade on+aled.
<R 503>
Weor+te+d anra gehwylc forht on fer+t+te, +tonne fyr brice+d
l+ane londwelan, lig eal +tige+d eor+dan +ahtgestreon, 
+applede gold gifre forgripe+d, gr+adig swelge+d londes
fr+atwe.
<R 508>
+tonne on leoht cyme+d +aldum +tisses in +ta openan tid f+ager
ond gefealic fugles tacen, +tonne anwald eal 
up [{astelle+d{] of byrgenum, ban geg+adra+d, leomu lic
somod, ond [{lifes{] g+ast, fore Cristes cneo.
<R 514>
Cyning +trymlice of his heahsetle halgum scine+d, wlitig
wuldres gim.
<R 516>
Wel bi+t +tam +te mot in +ta geomran tid gode lician.
<R 518>
+d+ar +ta lichoman, leahtra cl+ane, gonga+d gl+admode, g+astas
hweorfa+d in banfatu, +tonne bryne stige+d heah to heofonum.
<R 521>
Hat bi+d monegum egeslic +aled, +tonne anra gehwylc, so+df+ast
ge synnig, sawel mid lice, from moldgrafum 
sece+d meotudes dom, forhtaf+ared.
<R 525>
Fyr bi+d on tihte, +ale+d uncyste.
<R 526>
+t+ar +ta eadgan beo+d 
<P 109>
+after wr+achwile weorcum bifongen,
agnum d+adum.
<R 528>
+t+at +ta +a+telan sind wyrta wynsume, mid +tam se wilda fugel
his sylfes nest bisete+d utan, +t+at hit f+aringa 
fyre byrne+d, forswele+d under sunnan, ond he sylfa mid,
ond +tonne +after lige lif eft onfeh+d edniwinga.
<R 534>
Swa bi+d anra gehwylc fl+asce bifongen fira cynnes, +anlic ond
edgeong, se +te his agnum her willum gewyrce+d 
+t+at him wuldorcyning meahtig +at +tam m+a+tle milde
geweor+te+d.
<R 539>
+tonne hleo+tria+d halge g+astas, sawla so+df+aste, song
ahebba+d, cl+ane ond gecorene, herga+d cyninges +trym, 
stefn +after stefne, stiga+d to wuldre wlitige gewyrtad mid
hyra weld+adum.
<R 544>
Beo+d +tonne amerede monna g+astas, beorhte abywde +turh bryne
fyres.
<R 546>
Ne wene +t+as +anig +alda cynnes +t+at ic lygewordum leo+d
somnige, write wo+dcr+afte.
<R 548>
Gehyra+d witedom Iobes gieddinga.
<R 549>
+turh g+astes bl+ad breostum onbryrded, beald reordade, wuldre
geweor+dad.
<R 551>
he +t+at word gecw+a+d: Ic +t+at ne forhycge heortan
ge+toncum, +t+at ic in minum neste neobed ceose, h+ale 
hrawerig, gewite hean +tonan on longne si+d, lame bitolden,
geomor gud+ada, in greotes f+a+dm, ond +tonne 
+after dea+te +turh dryhtnes giefe swa se fugel fenix feorh
edniwe +after +ariste agan mote, dreamas mid
dryhten, +t+ar seo deore scolu leofne lofia+d.
<R 561>
Ic +t+as lifes ne m+ag +afre to ealdre ende gebidan, leohtes
ond lissa.
<R 562>
+teah min lic scyle on mold+arne molsnad weor+tan 
<P 110>
wyrmum to
willan, swa +teah weoruda god +after swylthwile 
sawle alyse+d ond in wuldor awece+d.
<R 567>
Me +t+as wen n+afre forbirste+d in breostum, +de ic in brego
engla for+dweardne gefean f+aste h+abbe.
<R 570>
+dus frod guma on fyrndagum gieddade gleawmod, godes spelboda,
ymb his +ariste in ece lif, +t+at we +ty 
geornor ongietan meahten tirf+ast tacen +t+at se torhta fugel
+turh bryne beacna+d.
<R 575>
Bana lafe, ascan ond yslan, ealle gesomna+d +after ligbryne,
l+ade+t si+t+tan fugel on fotum to frean geardum, 
sunnan togeanes.
<R 579>
+t+ar hi si+t+tan for+d wunia+d wintra fela, w+astmum geniwad,
ealles edgiong, +t+ar +anig ne m+ag in +tam leodscype 
l+a+t+tum hwopan.
<R 583>
Swa nu +after dea+de +turh dryhtnes miht somod si+tia+t sawla
mid lice, f+agre gefr+atwed, fugle gelicast,
in eadwelum +a+telum stencum, +t+ar seo so+tf+aste sunne
lihte+d wlitig ofer weoredum in wuldres byrig.
<R 589>
+donne so+df+astum sawlum scine+d heah ofer hrofas h+alende
Crist.
<R 591>
Him folgia+d fuglas scyne, beorhte gebredade, blissum hremige,
in +tam gladan ham, g+astas gecorene, ece to ealdre.
<R 594>
+t+ar him yfle ne m+ag fah feond gemah facne sce+t+tan, ac
+t+ar lifga+d a leohte werede, swa se fugel fenix, 
in freo+tu dryhtnes, wlitige in wuldre.
<R 598>
Weorc anra gehw+as beorhte blice+d in +tam [{bli+tan{] ham
fore onsyne ecan dryhtnes, 
<P 111>
symle in sibbe, sunnan gelice.
<R 602>
+t+ar se beorhta beag, brogden wundrum eorcnanstanum, eadigra
gehwam hlifa+d ofer heafde.
<R 604>
Heafelan lixa+d, +trymme bi+teahte.
<R 605>
+deodnes cynegold so+df+astra gehwone sellic glenge+d leohte
in life, +t+ar se longa gefea, ece ond edgeong, 
+afre ne swe+tra+d, ac hy in wlite wunia+d, wuldre
bitolden f+agrum fr+atwum, mid f+ader engla.
<R 611>
Ne bi+d him on +tam wicum wiht to sorge, wroht ne we+tel ne
gewindagas, hungor se hata ne se [{hearda{] +turst, 
yrm+tu ne yldo.
<R 614>
Him se +a+tela cyning forgife+d goda gehwylc.
<R 615>
+t+ar g+asta gedryht h+alend herga+d ond heofoncyninges meahte
m+arsia+d, singa+d metude lof.
<R 618>
Swinsa+d sibgedryht swega m+aste h+adre ymb +t+at halge
heahseld godes, bli+te bletsia+d bregu selestan eadge 
mid englum, efenhleo+tre +tus: Sib si +te, so+d god, ond
snyttrucr+aft, ond +te +tonc sy +trymsittendum
geongra gyfena, goda gehwylces.
<R 625>
Micel, unm+ate m+agnes [{streng+du{] , heah ond halig.
<R 626>
Heofonas sindon f+agre gefylled, f+ader +almihtig, ealra
+trymma +trym, +tines wuldres, uppe mid englum ond 
on eor+dan somod.
<R 630>
Gefreo+ta usic, frym+ta scyppend.
+tu eart f+ader +almihtig in heannesse, heofuna waldend.
<R 632>
+dus reordia+d ryhtfremmende, manes amerede, in +t+are m+aran
byrig; cyne+trym cy+ta+d, caseres lof [{singa+d{]
on swegle so+df+astra gedryht, +tam anum is ece weor+dmynd
<P 112>
for+d butan ende.
<R 637>
N+as his frym+d +afre, eades ongyn.
<R 638>
+teah he on eor+tan her +turh cildes had cenned w+are in
middangeard, hw+a+tre his meahta sped heah ofer 
heofonum halig wunade, dom unbryce.
<R 642>
+teah he dea+tes cwealm on rode treow r+afnan sceolde,
+tearlic wite, he +ty +triddan d+age +after lices hryre 
lif eft onfeng +turh f+ader fultum.
<R 646>
Swa fenix beacna+d, geong in geardum, godbearnes meaht, +tonne
he of ascan eft [{onw+acne+d{] in lifes lif, leomum ge+tungen.
<R 650>
Swa se h+alend us [{helpe{] gefremede +turh his lices gedal,
lif butan ende, swa se fugel swetum his fi+tru 
tu ond wynsumum wyrtum gefylle+d, f+agrum foldw+astmum,
+tonne afysed bi+d.
<R 655>
+t+at sindon +ta word, swa us gewritu secga+d, hleo+tor
haligra, +te him to heofonum bi+d, to +tam mildan gode, 
mod afysed in dreama dream, +t+ar hi dryhtne to giefe
worda ond weorca wynsumne stenc in +ta m+aran 
gesceaft meotude bringa+d, in +t+at leohte lif.
<R 661>
Sy him lof symle +turh woruld worulda, ond wuldres bl+ad, ar
ond onwald, in +tam uplican rodera rice.
<R 664>
He is on ryht cyning middangeardes ond m+agen+trymmes, wuldre
biwunden in +t+are wlitigan byrig.
<R 667>
Hafa+d us alyfed (\lucis auctor\)
+t+at we motun her (\merueri\) ,
godd+adum begietan (\gaudia in celo\) ,
+t+ar we [{motun{] (\maxima regna\)
secan ond gesittan (\sedibus altis\) ,
lifgan in lisse (\lucis et pacis\) ,
<P 113>
agan eardinga [{ (\almae letiti+e\) {] , 
brucan bl+addaga, (\blandem et [{mitem{] \)
geseon sigora frean (\sine fine\) ,
ond him lof singan (\laude perenne\) ,
eadge mid englum.
<R 677>
Alleluia.



