<B COPREFSO>
<Q O2/4 XX PREF PRSOL>
<N PREF SOLIL>
<A ALFRED>
<C O2/4>
<O 850-950>
<M 1050-1150>
<K NON-CONTEMP>
<D WS/X>
<V PROSE>
<T PREFACE/EPIL>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>
<S SAMPLE X>


[^TEXT:  ALFRED'S PREFACE TO SOLILOQUIES.
KOENIG ALFREDS DES GROSSEN
BEARBEITUNG DER SOLILOQUIEN DES AUGUSTINUS.
BIBLIOTHEK DER ANGELSAECHSISCHEN PROSA, XI.
ED. W. ENDTER.
DARMSTADT: WISSENSCHAFTLICHE
BUCHGESELLSCHAFT, 1964 (1922).
WITH CORRECTIONS BY T. A. CARNICELLI,
KING ALFRED'S VERSION OF ST. AUGUSTINE'S
'SOLILOQUIES' (CAMBRIDGE, MASSACHUSETTS:
HARVARD UNIVERSITY PRESS, 1969), AND BY MS.
PP. 1.1 - 2.18^]

[^B9.4.1^]
<P 1>
<R 1.1>
Gaderode me +tonne kigclas, and stu+tansceaftas, and
lohsceaftas and hylfa to +alcum +tara tola +te ic mid 
wircan cu+de, and bohtimbru and bolttimbru, and, to +alcum
+tara weorca +te ic wyrcan cu+de, +ta wlitegostan 
treowo be +tam dele +de ic aberan meihte.
<R 1.5>
ne com ic na+ter mid anre byr+dene ham +te me ne lyste ealne
+tane wude ham brengan, gif ic hyne ealne aberan meihte.
<R 1.7>
on +alcum treowo ic geseah hw+athwugu +t+as +te ic +at ham
be+torfte.
<R 1.8>
For+tam ic l+are +alcne +dara +te maga si and manigne w+an
h+abbe, +t+at he menige to +tam ilcan wuda +tar ic 
+das stu+dansceaftas cearf, fetige hym +tar ma, and gefe+drige
hys w+anas mid fegrum gerdum, +tat he mage
windan manigne smicerne wah, and manig +anlic hus settan, and
fegerne tun timbrian, and +t+ar murge and 
softe mid m+age on eardian +ag+der ge wintras ge sumeras,
swa swa ic nu ne gyt ne dyde.
<R 1.15>
Ac se +te me l+arde, +tam se wudu licode, se m+ag gedon +t+at
ic softor eardian [{m+age{] +ag+der ge on +tisum 
l+anan stoclife be +tis w+age +da while +te ic on +tisse
weorulde beo, ge eac on +tam hecan hame +de he us 
gehaten hef+d +turh scanctus Augustinus and sanctus Gregorius
and scanctus Ieronimus, and +turh manege
o+d+dre halie f+adras.
<R 1.20>
swa ic gelyfe eac +t+at he gedo for heora ealra earnunge,
+ag+der ge +tisne weig gelimpfulran gedo, +tonne 
he +ar +tissum wes, ge hure mines modes eagan to +tam
ongelihte, +t+at ic mage rihtne weig aredian to 
+tam ecan hame and to +tam ecan are, and to +tare ecan reste
+te us gehaten is +turh +ta halgan f+aderas. sie swa.
<P 2>
<R 2.1>
Nis hit nan wundor +teah [{man swilc{] ontimber gewirce,
and eac on [{+tare{] lade and eac on +t+are bytlinge; 
ac +alcne man lyst, si+d+dan he +anig cotlyf on his
hlafordes l+ane myd his fultume getimbred h+af+d, +t+at 
he hine mote hwilum +tar on gerestan, and huntigan, and
fuglian, and fiscian, and his on gehwilce
wisan to +tere l+anan [{+ahte{] tilian, +ag+t+ar ge on se 
ge on lande, o+d +tone fyrst +te he bocland and +ace yrfe 
+turh his hlafordes miltse geearnige.
<R 2.8>
swa gedo se [{weliga{] gidfola, se +de eg+der wilt ge +tissa
l+anena stoclife ge +tara ecena hama.
<R 2.9>
Se +de +ag+ter gescop and +ag+deres wilt, forgife me +t+at me
to +ag+drum onhagige: ge her nytwyrde to beonne, 
ge huru +tider to cumane.
<R 2.13>
Agustinus, Cartaina bisceop, worhte twa bec be his agnum
inge+tance; +ta bec sint gehatene Soliloquiorum, 
+tat is, be hys modis smeaunge and tweounga, hu hys
gesceadwisnes answarode hys mode +tonne +t+at 
mod ymbe hw+at tweonode, o+d+te hit hw+as wilnode to witanne,
+t+as +te hit +ar for sweotole ongytan ne meahte.



