<B CORIDDLE>
<Q OX/3 XX XX RIDDL>
<N RIDDLES>
<A X>
<C OX/3>
<O X>
<M 950-1050>
<K NON-CONTEMP>
<D WS/X>
<V VERSE>
<T X>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z X>
<S SAMPLE X>


[^TEXT:  RIDDLES.
THE EXETER BOOK.
THE ANGLO-SAXON POETIC RECORDS, III.
ED. G. P. KRAPP AND E. V. K. DOBBIE.
NEW YORK: COLUMBIA UNIVERSITY PRESS, 1936.
PP. 180.1 -189.11  (RIDDLES 1-17)
PP. 190.1 -195.14  (20-29)
PP. 196.1 -198.14  (31-35)
PP. 199.1 -203.108 (39-40)
PP. 203.1 -204.16  (42-43)
P.  206.1 -206.10  (49-50)
PP. 207.1 -208.12  (53-56)
PP. 209.1 -210.18  (58-59)
P.  229.1 -229.9   (61-62)
PP. 230.1 -231.10  (66)
P.  235.1 -235.11  (80)
PP. 240.1 -241.11  (91)
P.  243.1 -243.13  (95)^]

[^A3.22.1^]
<P 180>
[} [\RIDDLES 1-59\] }]
<R 1>
Hwylc is h+ale+ta +t+as horsc ond +t+as hygecr+aftig +t+at
+t+at m+age asecgan, hwa mec on si+d wr+ace, +tonne ic 
astige strong, stundum re+te, +trymful +tunie, +tragum wr+ace
fere geond foldan, folcsalo b+arne, r+aced reafige?
<R 6>
Recas stiga+d, haswe ofer hrofum.
<R 7>
Hlin bi+d on eor+tan, w+alcwealm wera, +tonne ic wudu hrere,
bearwas bledhwate, beamas fylle, holme gehrefed, 
[{heahum{] meahtum [{wrecen{] on wa+te, wide sended;
h+abbe me on hrycge +t+at +ar hadas wreah foldbuendra, 
fl+asc ond g+astas, somod on sunde.
<R 14>
Saga hwa mec +tecce, o+t+te hu ic hatte, +te +ta hl+ast bere.

[^A3.22.2^]
<P 180>
<R 1>
Hwilum ic gewite, swa ne wena+t men, under y+ta ge+tr+ac
eor+tan secan, garsecges grund.
<R 3>
Gifen bi+t gewreged, fam gewealcen; hw+almere hlimme+d, hlude
grimme+d, 
<P 181>
streamas sta+tu beata+d, stundum 
weorpa+t on stealc hleo+ta stane ond sonde, ware ond w+age,
+tonne ic winnende, holmm+agne bi+teaht, hrusan 
styrge, side s+agrundas.
<R 10>
Sundhelme ne m+ag losian +ar mec l+ate se +te min latteow bi+d
on si+ta gehwam.
<R 12>
Saga, +toncol mon, hwa mec bregde of brimes f+a+tmum, +tonne
streamas eft stille weor+ta+d, y+ta ge+tw+are, 
+te mec +ar wrugon.

[^A3.22.3^]
<P 181>
<R 1>
Hwilum mec min frea f+aste genearwa+d, sende+d +tonne under
[{salwonges{] bearm [{+tone{] bradan, ond on bid wrice+d, 
+trafa+d on +tystrum +trymma sumne, [{h+aste{] on
enge, +t+ar me heord site+d hruse on hrycge.
<R 6>
Nah ic hwyrftweges of +tam [{aglace{] , ac ic e+telstol
h+ale+ta [{hrere{] ; hornsalu wagia+d, wera wicstede, weallas 
beofia+d, steape ofer stiwitum.
<R 10>
Stille +tynce+d lyft ofer londe ond lagu swige, o+t+t+at ic of
enge up a+tringe, efne swa mec wisa+t se mec 
wr+ade on +at frumsceafte fur+tum legde, bende ond clomme,
+t+at ic onbugan ne mot of +t+as gewealde +te 
me wegas t+acne+d.
<R 17>
Hwilum ic sceal ufan y+ta wregan, [{streamas{] styrgan ond to
sta+te [{+tywan{] flintgr+agne flod.
<R 19>
Famig winne+d w+ag wi+d wealle, wonn arise+d dun ofer dype;
hyre deorc on last, 
<P 182>
eare geblonden, o+ter fere+d, 
+t+at hy gemitta+d mearclonde neah hea hlincas.
<R 24>
+t+ar bi+d hlud wudu, brimgiesta breahtm, bida+d stille stealc
stanhleo+tu streamgewinnes, hopgehnastes,
+tonne heah ge+tring on cleofu cryde+t.
<R 28>
+t+ar bi+d ceole wen sli+tre s+acce, gif hine s+a byre+d on
+ta grimman tid, g+asta fulne, +t+at he scyle rice
birofen weor+tan, feore bifohten f+amig ridan y+ta hrycgum.
<R 33>
+t+ar bi+d egsa sum +aldum geywed, +tara +te ic hyran sceal
strong on sti+dweg.
<R 35>
Hwa gestille+d +t+at?
<R 36>
Hwilum ic +turhr+ase, +t+at me on b+ace ride+d won w+agfatu,
wide to+tringe lagustreama full, hwilum l+ate eft 
slupan tosomne.
<R 39>
Se bi+d swega m+ast, breahtma ofer burgum, ond gebreca
hludast, +tonne scearp cyme+d sceo wi+t o+trum, ecg 
wi+d ecge; earpan gesceafte fus ofer folcum fyre sw+ata+d,
blacan lige, ond gebrecu fera+d deorc ofer
[{dryhtum{] gedyne micle, fara+d feohtende, feallan l+ata+d
sweart sumsendu seaw of bosme, w+atan of wombe.
<R 48>
Winnende fare+d atol eored+treat, egsa astige+d, micel
mod+trea monna cynne, brogan on burgum, +tonne blace 
scotia+d scri+tende scin scearpum w+apnum.
<R 53>
Dol him ne ondr+ade+d +da dea+dsperu, swylte+d hw+a+tre, gif
him so+d meotud on geryhtu +turh regn ufan of gestune 
l+ate+d str+ale fleogan, farende flan.
<R 57>
Fea +t+at gedyga+d, 
<P 183>
+tara +te ger+ace+d rynegiestes w+apen.
<R 59>
Ic +t+as orleges or anstelle, +tonne gewite wolcengehnaste
+turh ge+tr+ac +tringan +trimme micle ofer byrnan bosm.
<R 62>
Bierste+d hlude heah hlo+dgecrod; +tonne hnige eft under lyfte
helm londe near, ond me [{on{] hrycg hlade
+t+at ic habban sceal, meahtum [{gemagnad{] mines frean.
<R 67>
Swa ic +trymful +teow +tragum winne, hwilum under eor+tan,
hwilum y+ta sceal [{hean{] underhnigan, hwilum holm 
ufan streamas styrge, hwilum stige up, wolcnfare wrege,
wide fere swift ond swi+tfeorm.
<R 72>
Saga hw+at ic hatte, o+t+te hwa mec r+are, +tonne ic restan ne
mot, o+t+te hwa mec st+a+d+te, +tonne ic stille
beom.

[^A3.22.4^]
<P 183>
<R 1>
Ic sceal +tragbysig +tegne minum, [{hringum{] h+afted, hyran
georne, min bed brecan, breahtme cy+tan +t+at me 
halswri+tan hlaford sealde.
<R 5>
Oft mec sl+apwerigne secg o+d+te meowle gretan eode; ic him
gromheortum winterceald oncwe+te.
<R 7>
Wearm lim gebundenne b+ag hwilum berste+d; se +teah bi+t on
+tonce +tegne minum, medwisum men, me +t+at sylfe, 
+t+ar wiht wite, ond wordum min on sped m+age spel
gesecgan.

[^A3.22.5^]
<P 183>
<R 1>
Ic eom anhaga iserne wund, bille gebennad, beadoweorca s+ad,
<P 184>
ecgum werig.
<R 3>
Oft ic wig seo, frecne feohtan.
<R 4>
Frofre ne wene, +t+at [{me{] geoc cyme gu+dgewinnes, +ar ic
mid +aldum eal [{forwur+de{] , ac mec hnossia+d homera 
lafe, heardecg heoroscearp, [{hondweorc{] smi+ta, bita+d in
burgum; ic abidan sceal la+tran gemotes.
<R 10>
N+afre l+acecynn on folcstede findan meahte, +tara +te mid
wyrtum wunde geh+alde, ac me ecga dolg eacen 
weor+da+d +turh dea+dslege dagum ond nihtum.

[^A3.22.6^]
<P 184>
<R 1>
Mec gesette so+d sigora waldend Crist to compe.
<R 2>
Oft ic cwice b+arne, unrimu cyn eor+tan getenge, n+ate mid
ni+te, swa ic him no hrine, +tonne mec min frea 
feohtan hate+t.
<R 6>
Hwilum ic monigra mod arete, hwilum ic frefre +ta ic +ar winne
on feorran swi+te; hi +t+as fela+d +teah, swylce 
+t+as o+tres, +tonne ic eft hyra ofer deop gedreag
drohta+d [{bete{] .

[^A3.22.7^]
<P 184>
<R 1>
Hr+agl min swiga+d, +tonne ic hrusan trede, o+t+te +ta wic
buge, o+t+te wado drefe.
<R 3>
Hwilum mec ahebba+d ofer h+ale+ta byht hyrste mine, ond +teos
hea lyft, ond mec +tonne wide wolcna strengu 
ofer folc byre+d.
<R 6>
Fr+atwe mine swoga+d hlude ond swinsia+d, 
<P 185>
torhte singa+d,
+tonne ic getenge ne beom flode ond foldan, ferende g+ast.

[^A3.22.8^]
<P 185>
<R 1>
Ic +turh mu+t sprece mongum reordum, wrencum singe, wrixle
geneahhe heafodwo+te, hlude cirme, healde mine 
wisan, hleo+tre ne mi+te, eald +afensceop, eorlum bringe
blisse in burgum, +tonne ic bugendre stefne 
styrme; stille on wicum [{sitta+d{] nigende.
<R 8>
Saga hw+at ic hatte, [{+te{] swa scirenige sceawendwisan hlude
onhyrge, h+ale+tum bodige wilcumena fela wo+te minre.

[^A3.22.9^]
<P 185>
<R 1>
Mec on +tissum dagum deadne [{ofgeafun{] f+ader ond modor; ne
w+as me feorh +ta gen, ealdor in innan.
<R 3>
+ta mec [{an{] ongon, welhold mege, wedum [{+teccan{] , heold
ond freo+tode, hleosceorpe wrah [{swa{] arlice swa
hire agen bearn, o+t+t+at ic under sceate, swa min gesceapu
w+aron, ungesibbum wear+d eacen g+aste.
<R 9>
Mec seo fri+te m+ag fedde si+t+tan, o+t+t+at ic aweox, widdor
meahte si+tas asettan.
<R 11>
Heo h+afde sw+asra +ty l+as suna ond dohtra, +ty heo swa dyde.

[^A3.22.10^]
<P 185>
<R 1>
Neb w+as min on nearwe, ond ic neo+tan w+atre, flode
underflowen, firgenstreamum swi+te besuncen, ond on sunde awox
<P 186>
ufan y+tum +teaht, anum getenge li+tendum wuda
lice mine.
<R 6>
H+afde feorh cwico, +ta ic of f+a+dmum cwom brimes ond beames
on blacum [{hr+agle{] ; sume w+aron hwite hyrste 
mine, +ta mec lifgende lyft upp ahof, wind of w+age,
si+t+tan wide b+ar ofer seolhba+to.
<R 11>
Saga hw+at ic hatte.

[^A3.22.11^]
<P 186>
<R 1>
Hr+agl is min hasofag, hyrste beorhte, reade ond scire on
reafe [{minum{] .
<R 3>
Ic dysge dwelle ond dole hwette unr+adsi+tas, o+trum styre
nyttre fore.
<R 5>
Ic +t+as nowiht wat +t+at heo swa gem+adde, mode bestolene,
d+ade gedwolene, deora+t mine won wisan gehwam.
<R 8>
Wa him +t+as +teawes, si+t+tan heah [{bringa+d{] horda
deorast, gif hi unr+ades +ar ne geswica+t.

[^A3.22.12^]
<P 186>
<R 1>
Fotum ic fere, foldan slite, grene wongas, +tenden ic g+ast
bere.
<R 3>
Gif me feorh losa+d, f+aste binde swearte Wealas, hwilum
sellan men.
<R 5>
Hwilum ic deorum drincan selle [{beorne{] of bosme, hwilum mec
bryd triede+d felawlonc fotum, hwilum feorran 
broht wonfeax Wale wege+d ond +ty+d, dol druncmennen
deorcum nihtum, w+ate+d in w+atre, wyrme+d hwilum 
f+agre to fyre; me on f+a+dme stica+t hygegalan hond,
hwyrfe+d geneahhe, swife+d me geond sweartne .
<R 13>
Saga hw+at ic hatte, +te ic lifgende lond reafige ond +after
dea+te dryhtum +teowige.

[^A3.22.13^]
<P 187>
<R 1>
Ic seah turf tredan, X w+aron ealra, VI gebro+tor ond
hyra sweostor mid; h+afdon feorg cwico .
<R 3>
Fell hongedon sweotol ond gesyne on seles w+age anra
gehwylces.
<R 5>
Ne w+as hyra +angum +ty wyrs , ne [{si+de{] +ty [{sarre{] ,
+teah hy swa sceoldon reafe birofene, rodra weardes 
meahtum aweahte, mu+tum slitan haswe blede.
<R 9>
Hr+agl bi+d geniwad +tam +te +ar for+dcymene fr+atwe leton
licgan on laste, gewitan lond tredan.

[^A3.22.14^]
<P 187>
<R 1>
Ic w+as w+apenwiga.
Nu mec wlonc +tece+d geong hagostealdmon golde ond sylfore,
woum wirbogum.
<R 3>
Hwilum weras cyssa+d, hwilum ic to hilde hleo+tre bonne
wilgehle+tan, hwilum wycg byre+t mec ofer mearce, 
hwilum merehengest fere+d ofer flodas fr+atwum beorhtne,
hwilum m+ag+da sum minne gefylle+d bosm beaghroden.
<R 9>
hwilum ic bordum sceal, heard, heafodleas, [{behlywed{]
licgan, hwilum hongige hyrstum fr+atwed, wlitig
on wage, +t+ar weras drinca+d, freolic fyrdsceorp.
<R 13>
Hwilum folcwigan [{on{] wicge wega+d, +tonne ic winde sceal
sincfag swelgan of sumes bosme; hwilum ic gereordum 
rincas la+dige wlonce to wine; hwilum [{wra+tum{]
sceal stefne minre forstolen hreddan, flyman feondscea+tan.
<R 19>
Frige hw+at ic hatte.

[^A3.22.15^]
<P 188>
<R 1>
Hals is min hwit ond heafod fealo, sidan swa some.
<R 2>
Swift ic eom on fe+te, beadow+apen bere.
<R 3>
Me on b+ace standa+d her swylce swe on [{hleorum{] .
<R 4>
Hlifia+d tu earan ofer eagum.
<R 5>
Ordum ic steppe in [{grene{] gr+as.
<R 6>
Me bi+d gyrn witod, gif mec onh+ale an onfinde+d w+algrim
wiga, +t+ar ic wic buge, [{bold{] mid bearnum, ond
ic bide +t+ar mid geogu+dcnosle, hwonne g+ast cume to durum
minum, him bi+t dea+d witod.
<R 12>
For+ton ic sceal of e+dle eaforan mine forhtmod fergan, fleame
nergan, gif he me +afterweard ealles weor+te+d; 
hine bera+d breost.
<R 15>
Ic his [{bidan{] ne dear, re+tes on geruman, nele +t+at r+ad
teale, ac ic sceal fromlice fe+temundum +turh steapne 
beorg str+ate wyrcan.
<R 19>
Ea+te ic m+ag freora feorh genergan, gif ic m+agburge mot mine
gel+adan on degolne weg +turh [{dune{] +tyrel
sw+ase ond gesibbe; ic me si+t+tan ne +tearf w+alhwelpes wig
wiht onsittan.
<R 24>
Gif [{se{] ni+dscea+ta nearwe stige me on swa+te sece+t, ne
tos+ale+t him on +tam gegnpa+te gu+tgemotes, si+t+tan
ic +turh hylles hrof ger+ace, ond +turh hest hrino hildepilum
la+dgewinnum, +tam +te ic longe fleah.

[^A3.22.16^]
<P 188>
<R 1>
Oft ic sceal wi+t w+age winnan ond wi+t winde feohtan, somod
wi+d +tam s+acce, +tonne ic secan gewite 
<P 189>
eor+tan y+tum +teaht; me bi+t se e+tel fremde.
<R 4>
Ic beom strong +t+as gewinnes, gif ic stille weor+te; gif me
+t+as tos+ale+d, hi beo+d swi+tran +tonne ic, ond 
mec slitende sona flyma+d, willa+d o+tfergan +t+at ic
fri+tian sceal.
<R 8>
Ic him +t+at forstonde, gif min steort +tola+d ond mec sti+tne
wi+t stanas moton f+aste gehabban.
<R 10>
Frige hw+at ic hatte.

[^A3.22.17^]
<P 189>
<R 1>
Ic eom mundbora minre heorde, eodorwirum f+ast, innan gefylled
dryhtgestreona.
<R 3>
D+agtidum oft sp+ate sperebrogan; sped bi+t +ty mare fylle
minre.
<R 5>
[{Frea{] +t+at bihealde+d, hu me of hrife fleoga+d hyldepilas.
<R 7>
Hwilum ic sweartum swelgan onginne brunum beadow+apnum, bitrum
ordum, eglum attorsperum.
<R 9>
Is min inna+d til, wombhord wlitig, wloncum deore; men gemunan
+t+at me +turh mu+t fare+d.

[^A3.22.20^]
<P 190>
<R 1>
Ic eom wunderlicu wiht, on gewin sceapen, frean minum leof,
f+agre gegyrwed.
<R 3>
Byrne is min bleofag, swylce beorht [{seoma+d{] wir ymb +tone
w+algim +te me waldend geaf, se me widgalum 
wisa+d hwilum sylfum to sace.
<R 6>
+tonne ic sinc wege +turh hlutterne d+ag, hondweorc smi+ta,
gold ofer geardas.
<R 8>
Oft ic g+astberend cwelle compw+apnum.
<R 9>
Cyning mec gyrwe+d since ond seolfre ond mec on sele
weor+ta+d; ne wyrne+d wordlofes, wisan m+ane+d mine 
for mengo, +t+ar hy meodu drinca+d, healde+d mec on hea+tore,
hwilum l+ate+d eft radwerigne on gerum sceacan, orlegfromne.
<R 15>
Oft ic o+trum scod frecne +at his freonde: fah eom ic wide,
w+apnum awyrged.
<R 17>
Ic me wenan ne +tearf +t+at me bearn wr+ace on bonan feore,
gif me gromra hwylc gu+te gen+age+d; ne weor+te+d 
sio m+agburg gemicledu eaforan minum +te ic +after woc,
nym+te ic hlafordleas hweorfan mote from +tam 
healdende +te me hringas geaf.
<R 24>
Me bi+d for+d witod, gif ic frean hyre, gu+te fremme, swa ic
gien dyde minum +teodne on +tonc, +t+at ic +tolian 
sceal bearngestreona.
<R 27>
Ic wi+t bryde ne mot h+amed habban, ac me +t+as hyhtplegan
geno wyrne+d, se mec [{geara{] on bende legde; for+ton 
ic brucan sceal 
<P 191>
on hagostealde h+ale+ta gestreona.
<R 32>
Oft ic wirum dol wife abelge, wonie hyre willan; heo me wom
sprece+d, floce+d hyre folmum, firena+t mec 
wordum, ungod g+ale+d.
<R 35>
Ic ne gyme +t+as compes.

[^A3.22.21^]
<P 191>
<R 1>
Neb is min ni+terweard; neol ic fere ond be grunde gr+afe,
geonge swa me wisa+d har holtes feond, ond 
hlaford min woh f+are+d weard +at steorte,  wriga+t on wonge,
wege+d mec ond +ty+d, sawe+t on sw+a+d min.
<R 6>
Ic sny+tige for+d, brungen of [{bearwe{] , bunden cr+afte,
wegen on w+agne, h+abbe wundra fela; me bi+t gongendre 
grene on healfe ond min sw+a+d sweotol sweart on o+tre.
<R 11>
Me +turh hrycg wrecen honga+t under an or+toncpil, o+ter on
heafde, f+ast ond for+dweard.
<R 13>
Fealle+t on sidan +t+at ic to+tum tere, gif me teala +tena+t
hindeweardre, +t+at bi+t hlaford min.

[^A3.22.22^]
<P 191>
<R 1>
+atsomne cwom LX monna to w+agst+a+te wicgum ridan;
h+afdon XI eoredm+acgas fridhengestas, IIII sceamas.
<R 5>
Ne meahton magorincas ofer mere feolan, swa hi fundedon, ac
w+as flod to deop, atol y+ta ge+tr+ac, ofras 
hea, streamas stronge.
<R 8>
Ongunnon stigan +ta on w+agn weras ond hyra wicg somod hlodan
under hrunge.
<R 10>
+ta +ta hors o+db+ar eh ond eorlas, +ascum dealle, 
<P 192>
ofer w+atres byht w+agn to lande, swa hine oxa ne teah
ne esna m+agen ne f+athengest, ne on flode swom, ne be grunde
wod gestum under, ne lagu drefde, ne [{on{]
lyfte fleag, ne [{under{] b+ac cyrde.
<R 17>
brohte hw+a+tre beornas ofer burnan ond hyra bloncan mid from
st+a+de heaum, +t+at hy stopan up on o+terne, 
ellenrofe, weras of w+age, ond hyra wicg gesund.

[^A3.22.23^]
<P 192>
<R 1>
Agof is min noma eft onhwyrfed; ic eom wr+atlic wiht on gewin
sceapen.
<R 3>
+tonne ic onbuge, ond me of bosme fare+d +atren onga, ic beom
eallgearo +t+at ic me +t+at feorhbealo feor aswape.
<R 6>
Si+t+tan me se waldend, se me +t+at wite gescop, leo+to
forl+ate+d, ic beo lengre +tonne +ar, o+t+t+at ic sp+ate, 
spilde geblonden, ealfelo attor +t+at ic +ar geap.
<R 10>
Ne togonge+d +t+as gumena hwylcum, +anigum ea+te +t+at ic
+t+ar ymb sprice, gif hine hrine+d +t+at me of hrife 
fleoge+d, +t+at +tone mandrinc m+agne geceapa+t, [{fullwered{]
f+aste feore sine.
<R 15>
Nelle ic unbunden +anigum hyran nym+te searos+aled.
<R 16>
Saga hw+at ic hatte.

[^A3.22.24^]
<P 192>
<R 1>
 Ic eom wunderlicu wiht, wr+asne mine stefne, hwilum beorce
swa hund, hwilum bl+ate swa gat, hwilum
gr+ade swa gos, hwilum gielle swa hafoc, hwilum ic onhyrge
+tone haswan earn, gu+dfugles hleo+tor, hwilum glidan reorde
<P 193>
mu+te gem+ane, hwilum m+awes song, +t+ar ic
glado sitte.
<R 7>
(}G}) mec nemna+d, swylce (}A}) ond (}R}) (}O}) fulleste+d,
(}H}) ond (}I}) .
<R 9>
Nu ic haten eom swa +ta siex stafas sweotule becna+t.

[^A3.22.25^]
<P 193>
<R 1>
Ic eom wunderlicu wiht, wifum on hyhte, neahbuendum nyt;
n+angum sce+t+te burgsittendra, nym+te bonan anum.
<R 4>
Sta+tol min is steapheah, stonde ic on bedde, neo+tan ruh
nathw+ar.
<R 5>
Ne+te+d hwilum ful cyrtenu ceorles dohtor, modwlonc meowle,
+t+at heo on mec gripe+d, r+ase+d mec on reodne, 
reafa+d min heafod, fege+d mec on f+asten.
<R 9>
Fele+t sona mines gemotes, [{seo{] +te mec nearwa+d, wif
wundenlocc.
<R 11>
W+at bi+d +t+at eage.

[^A3.22.26^]
<P 193>
<R 1>
Mec feonda sum feore besny+tede, woruldstrenga binom, w+atte
si+t+tan, dyfde on w+atre, dyde eft +tonan, 
sette on sunnan, +t+ar ic swi+te beleas herum +tam +te ic
h+afde.
<R 5>
Heard mec si+t+tan sna+d seaxses [{ecg{] , sindrum begrunden;
fingras feoldan, ond mec fugles wyn geond speddropum 
spyrede geneahhe, ofer brunne brerd, beamtelge
swealg, streames d+ale, stop eft on mec, si+tade sweartlast.
<R 11>
Mec si+t+tan wrah h+ale+d hleobordum, [{hyde{] be+tenede,
gierede mec mid golde; for+ton me gliwedon wr+atlic
weorc smi+ta, wire bifongen.
<R 15>
Nu +ta gereno ond se reada telg ond +ta wuldorgesteald wide
m+are 
<P 194>
dryhtfolca helm, nales dol wite.
<R 18>
Gif min bearn wera brucan willa+d, hy beo+d +ty gesundran ond
+ty sigef+astran, heortum +ty hw+atran ond +ty 
hygebli+tran, fer+te +ty frodran, habba+t freonda +ty ma,
sw+asra ond gesibbra, so+tra ond godra, tilra 
ond getreowra, +ta hyra tyr ond ead estum yca+d ond hy
arstafum lissum bilecga+d ond hi lufan f+a+tmum f+aste 
clyppa+d.
<R 26>
Frige hw+at ic hatte, ni+tum to nytte.
<R 27>
Nama min is m+are, h+ale+tum gifre ond halig sylf.

[^A3.22.27^]
<P 194>
<R 1>
Ic eom weor+d werum, wide funden, brungen of bearwum ond of
burghleo+tum, of denum ond of dunum.
<R 3>
D+ages mec w+agun fe+tre on lifte, feredon mid liste under
hrofes hleo.
<R 5>
H+ale+d mec si+t+tan ba+tedan in bydene.
<R 6>
Nu ic eom bindere ond swingere, sona [{weorpe{] [{esne{] to
eor+tan, hwilum ealdne ceorl.
<R 9>
Sona +t+at onfinde+d, se +te mec feh+d ongean, ond wi+d
m+agen+tisan minre gen+aste+d, +t+at he hrycge sceal hrusan 
secan, gif he unr+ades +ar ne geswice+d, strengo
bistolen, strong on spr+ace, m+agene binumen; nah 
his modes geweald, fota ne folma.
<R 15>
Frige hw+at ic hatte, +de on eor+tan swa esnas binde, dole
+after dyntum be d+ages leohte.

[^A3.22.28^]
<P 194>
<R 1>
Bi+t foldan d+al f+agre gegierwed mid +ty heardestan ond mid
+ty scearpestan ond mid +ty grymmestan gumena gestreona, 
<P 195>
corfen, sworfen, cyrred, +tyrred, bunden,
wunden, bl+aced, w+aced, fr+atwed, geatwed, feorran 
l+aded to durum dryhta.
<R 7>
Dream bi+d in innan cwicra wihta, clenge+d, lenge+d, +tara +te
+ar lifgende longe hwile wilna bruce+d ond 
no wi+d sprice+d, ond +tonne +after dea+te deman onginne+d,
meldan mislice.
<R 12>
Micel is to hycganne wisf+astum menn, hw+at seo wiht sy.

[^A3.22.29^]
<P 195>
<R 1>
Ic wiht geseah wundorlice [{hornum{] [{bitweonum{] hu+te
l+adan, lyftf+at leohtlic, listum gegierwed, hu+te to 
+tam ham of +tam heresi+te; walde hyre on +t+are byrig bur
[{atimbran{] , searwum asettan, gif hit swa meahte.
<R 7>
+da cwom wundorlicu wiht ofer wealles hrof, seo is eallum cu+d
eor+dbuendum, ahredde +ta +ta hu+te ond to
ham [{bedraf{] wreccan ofer willan, gewat hyre west +tonan
f+ah+tum feran, for+d [{onette{] .
<R 12>
Dust stonc to heofonum, deaw feol on eor+tan, niht for+d
gewat.
<R 13>
N+anig si+t+tan wera gewiste +t+are wihte si+d.

[^A3.22.31^]
<P 196>
<R 1>
Is +tes middangeard missenlicum wisum gewlitegad, wr+attum
gefr+atwad.
<R 3>
Ic seah sellic +ting singan on r+acede; wiht w+as [{nower{]
werum on gemonge, sio h+afde w+astum wundorlicran.
<R 6>
[{Ni+terweard{] w+as neb hyre, fet ond folme fugele gelice; no
hw+a+tre fleogan m+ag ne fela gongan, hw+a+tre
fe+tegeorn fremman onginne+d, gecoren cr+aftum, cyrre+d
geneahhe oft ond gelome eorlum on gemonge, site+d 
+at symble, s+ales bide+t, hwonne +ar heo cr+aft hyre
cy+tan mote werum on wonge.
<R 14>
Ne heo +t+ar wiht +tige+d +t+as +te him +at blisse beornas
[{habba+d{] .
<R 16>
Deor domes georn, hio dumb wuna+d; hw+a+tre hyre is on fote
f+ager hleo+tor, wynlicu wo+dgiefu.
<R 18>
Wr+atlic me +tince+d, hu seo wiht m+age wordum lacan +turh fot
neo+tan, fr+atwed hyrstum.
<R 21>
Hafa+d hyre on halse, +tonne hio hord wara+d, b+ar, beagum
deall, bro+tor sine, m+ag mid m+agne.
<R 23>
Micel is to hycgenne wisum wo+dboran, hw+at [{sio{] wiht sie.

[^A3.22.32^]
<P 196>
<R 1>
Is +tes middangeard missenlicum wisum gewlitegad, wr+attum
gefr+atwad.
<R 3>
Si+tum sellic ic seah searo hweorfan, grindan wi+d greote,
giellende faran.
<R 5>
N+afde sellicu wiht syne ne folme, 
<P 197>
exle ne earmas; sceal on
anum fet searoceap swifan, swi+te feran, faran ofer feldas.
<R 8>
H+afde [{fela{] ribba; mu+d w+as on middan.
<R 9>
Moncynne nyt, [{fere+d{] foddurwelan, folcscipe dreoge+d, wist
in wige+d, ond werum gielde+d gaful geara gehwam 
+t+as +te guman bruca+d, rice ond heane.
<R 13>
Rece, gif +tu cunne, wis worda gleaw, hw+at sio wiht sie.

[^A3.22.33^]
<P 197>
<R 1>
Wiht cwom +after wege wr+atlicu li+tan, cymlic from ceole
cleopode to londe, hlinsade hlude; [{hleahtor{]
w+as gryrelic, egesful on earde, ecge w+aron scearpe.
<R 5>
W+as hio hetegrim, hilde to s+ane, biter beadoweorca;
bordweallas grof, heardhi+tende.
<R 7>
Heterune bond, s+agde searocr+aftig ymb hyre sylfre gesceaft:
Is min modor [{m+ag+da{] cynnes +t+as deorestan, 
+t+at is dohtor min eacen up liden, swa +t+at is +aldum
cu+t, firum on folce, +t+at seo on foldan sceal 
on ealra londa gehwam lissum stondan.

[^A3.22.34^]
<P 197>
<R 1>
Ic wiht geseah in wera burgum, seo +t+at feoh fede+d.
<R 2>
Hafa+d fela to+ta; nebb bi+t hyre +at nytte, ni+terweard
gonge+d, hi+te+d holdlice ond to ham tyh+d, w+a+te+d geond 
weallas, wyrte sece+d; aa heo +ta finde+d, +ta +te f+ast
ne bi+t; l+ate+d hio +ta wlitigan, wyrtum f+aste, 
stille stondan on sta+tolwonge, beorhte blican, blowan ond
growan.

[^A3.22.35^]
<P 198>
<R 1>
Mec se w+ata wong, wundrum freorig, of his inna+te +arist
cende.
<R 3>
Ne wat ic mec beworhtne wulle flysum, h+arum +turh heahcr+aft,
hyge+toncum min.
<R 5>
Wundene me ne beo+d wefle, ne ic wearp hafu, ne +turh +treata
ge+tr+acu +tr+ad me ne hlimme+d, ne +at me hrutende 
hrisil scri+te+d, ne mec ohwonan sceal [{am{] cnyssan.
<R 9>
Wyrmas mec ne aw+afan wyrda cr+aftum, +ta +te geolo godwebb
geatwum fr+atwa+d.
<R 11>
Wile mec mon hw+a+tre se+teah wide ofer eor+tan hatan for
h+ale+tum hyhtlic gew+ade.
<R 13>
Saga so+dcwidum, searo+toncum gleaw, wordum wisf+ast, hw+at
+tis [{gew+ade{] sy.

[^A3.22.39^]
<P 199>
<R 1>
Gewritu secga+d +t+at seo wiht sy mid moncynne miclum tidum
sweotol ond gesyne.
<R 3>
Sundorcr+aft hafa+d [{maran{] micle, +tonne hit men witen.
<R 5>
Heo wile gesecan sundor +aghwylcne feorhberendra, gewite+d eft
feran on weg.
<R 7>
Ne bi+d hio n+afre niht +t+ar o+tre, ac hio sceal wideferh
wreccan laste hamleas hweorfan; no +ty heanre bi+t.
<R 10>
Ne hafa+d hio fot ne [{folme{] , ne +afre foldan hran, ne
[{eagena{] +ag+ter twega, ne mu+d hafa+t, ne wi+t monnum 
spr+ac, ne gewit hafa+d, ac gewritu secga+d +t+at seo sy
earmost ealra wihta, +tara +te +after gecyndum cenned w+are.
<R 16>
Ne hafa+d hio sawle ne feorh, ac hio si+tas sceal geond +tas
wundorworuld wide dreogan.
<R 18>
Ne hafa+t hio blod ne ban, hw+a+tre bearnum wear+d geond
+tisne middangeard mongum to frofre.
<P 200>
<R 19>
N+afre hio heofonum hran, ne to helle mot, ac hio sceal
wideferh [{wuldorcyninges{] larum lifgan.
<R 22>
Long is to secganne hu hyre ealdorgesceaft +after gonge+d, woh
wyrda gesceapu; +t+at [{is{] wr+atlic +ting to gesecganne.
<R 25>
So+d is +aghwylc +tara +te ymb +tas wiht wordum becne+d; ne
hafa+d heo +anig lim, leofa+t efne se+teah.
<R 28>
Gif +tu m+age reselan recene gesecgan so+tum wordum, saga
hw+at hio hatte.

[^A3.22.40^]
<P 200>
<R 1>
Ece is se scyppend, se +tas eor+tan nu wre+dstu+tum
[{wealde+d{] ond +tas world healde+d.
<R 3>
[{Rice{] is se reccend ond on ryht cyning ealra anwalda,
eor+tan ond heofones, healde+d ond wealde+d, swa
he ymb +tas utan hweorfe+d.
<R 6>
He mec wr+atlice worhte +at frym+te, +ta he +tisne ymbhwyrft
+arest sette, heht mec w+accende wunian longe, 
+t+at ic ne slepe si+t+tan +afre, ond mec semninga sl+ap
ofergonge+t, beo+d eagan min ofestum betyned.
<R 12>
+tisne middangeard meahtig dryhten mid his onwalde +aghw+ar
styre+d; swa ic mid waldendes worde ealne +tisne 
ymbhwyrft utan ymbclyppe.
<R 16>
Ic eom to +ton blea+d, +t+at mec bealdlice m+ag gearu gongende
grima abregan, ond eofore eom +aghw+ar cenra, 
+tonne he gebolgen bidsteal giefe+d; ne m+ag mec
oferswi+tan segnberendra +anig ofer eor+tan, nym+te se
ana god se +tisne hean heofon healde+t ond wealde+t.
<P 201>
<R 23>
Ic eom on stence strengre [{micle{] +tonne ricels o+t+te rose
sy, [{on{] eor+tan tyrf wynlic weaxe+d; ic eom wr+astre 
+tonne heo.
<R 27>
+teah +te lilie sy leof moncynne, beorht on blostman, ic eom
betre +tonne heo; swylce ic nardes stenc 
nyde oferswi+te mid minre swetnesse symle +aghw+ar, ond ic
fulre eom +tonne +tis fen swearte +t+at her yfle 
adelan stince+d.
<R 33>
Eal ic under heofones hwearfte recce, swa me leof f+ader
l+arde +at frym+te, +t+at ic +ta mid ryhte reccan
moste +ticce ond +tynne; +tinga gehwylces onlicnesse +aghw+ar
healde.
<R 38>
Hyrre ic eom heofone, hate+t mec heahcyning his deagol +ting
dyre bihealdan; eac ic under eor+tan eal 
sceawige wom wra+dscrafu wra+tra g+asta.
<R 42>
Ic eom micle yldra +tonne ymbhwyrft [{+tes{] o+t+te +tes
middangeard meahte geweor+tan, ond ic giestron w+as 
geong acenned m+are to monnum +turh minre modor hrif.
<R 46>
Ic eom f+agerre fr+atwum goldes, +teah hit mon awerge wirum
utan; ic eom wyrslicre +tonne +tes wudu fula
o+d+de +tis waro+d +te her aworpen lige+d.
<R 50>
Ic eor+tan eom +aghw+ar br+adre, ond widgielra +tonne +tes
wong grena; folm mec m+ag bifon ond fingras +try
utan ea+te ealle ymbclyppan.
<R 54>
Heardra ic eom ond caldra +tonne se hearda forst, hrim
heorugrimma, +tonne he to hrusan cyme+d; [{ic{] [{eom{] 
Ulcanus up irnendan leohtan leoman lege hatra.
<P 202>
<R 58>
Ic eom on goman gena swetra +tonne +tu beobread blende mid
hunige; swylce ic eom wra+tre +tonne wermod 
sy, [{+te{] her on hyrstum heasewe stonde+t.
<R 62>
Ic mesan m+ag meahtelicor ond efnetan ealdum [{+tyrse{] , ond
ic ges+alig m+ag symle lifgan +teah ic +ates ne
sy +afre to feore.
<R 66>
Ic m+ag fromlicor fleogan +tonne pernex o+t+te earn o+t+te
hafoc +afre meahte; nis zefferus, se swifta wind, 
+t+at swa fromlice m+ag feran +aghw+ar; me is sn+agl
swiftra, [{snelra{] regnwyrm ond fenyce fore hre+tre;
[{is{] +t+as gores sunu gonge hr+adra, +tone we wifel wordum
nemna+d.
<R 74>
Hefigere ic eom micle +tonne se hara stan o+t+te unlytel
leades clympre, leohtre ic eom micle +tonne +tes 
lytla wyrm +te her on flode g+a+d fotum dryge.
<R 78>
Flinte ic eom heardre +te +tis fyr drife+t of +tissum strongan
style heardan, hnescre ic eom micle halsrefe+tre, 
seo her on winde w+awe+d on lyfte.
<R 82>
Ic eor+tan eom +aghw+ar br+adre ond widgelra +tonne +tes wong
grena: ic uttor [{ea+te{] eal ymbwinde, wr+atlice 
gewefen wundorcr+afte.
<R 86>
Nis under me +anig o+ter wiht waldendre on worldlife; ic eom
ufor ealra gesceafta, +tara +te worhte waldend 
user, se mec ana m+ag ecan meahtum, ge+teon +trymme,
+t+at ic [{on+tunian{] , ne sceal.
<P 203>
<R 92>
Mara ic eom ond strengra +tonne se micla hw+al, se +te
garsecges grund bihealde+d sweartan syne; ic eom
swi+tre +tonne he, swylce ic eom on m+agene minum l+asse
+tonne se hondwyrm, se +te h+ale+ta bearn, secgas
searo+toncle, seaxe delfa+d.
<R 98>
Nu hafu ic in heafde hwite loccas wr+aste gewundne, ac ic eom
wide calu; ne ic breaga ne bruna brucan 
moste, ac mec bescyrede scyppend eallum; nu me wr+atlice
weaxa+d on heafde +t+at me on gescyldrum scinan 
motan ful wr+atlice wundne loccas.
<R 105>
Mara ic eom ond f+attra +tonne am+asted swin, bearg bellende,
[{+te{] on bocwuda, won wrotende wynnum lifde +t+at [{he{] .

[^A3.22.42^]
<P 203>
<R 1>
Ic seah wyhte wr+atlice twa undearnunga ute plegan h+amedlaces;
hwitloc anfeng wlanc under w+adum, gif
+t+as weorces [{speow{] , f+amne fyllo.
<R 5>
Ic on flette m+ag 
<P 204>
+turh runstafas rincum secgan, +tam +te bec
witan, bega +atsomne naman +tara wihta.
<R 8>
+t+ar sceal Nyd wesan twega o+ter ond se torhta +Asc an an
linan, Acas twegen, H+agelas swa some.
<R 11>
Hwylc [{+t+as{] hordgates c+agan cr+afte +ta clamme onleac +te
+ta r+adellan wi+d rynemenn hygef+aste heold heortan 
bewrigene or+toncbendum?
<R 15>
Nu is undyrne werum +at wine hu +ta wihte mid us, heanmode
twa, hatne sindon.

[^A3.22.43^]
<P 204>
<R 1>
Ic wat indryhtne +a+telum deorne giest in geardum, +tam se
grimma ne m+ag hungor sce+d+dan ne se hata +turst, 
yldo ne adle.
<R 4>
Gif him arlice esne +tena+d, se +te agan sceal on +tam
si+dfate, hy gesunde +at ham finda+d witode him wiste 
ond blisse, cnosles unrim, care, gif se esne his hlaforde
hyre+d yfle, frean on fore.
<R 10>
Ne wile forht wesan bro+tor o+trum; him +t+at bam sce+de+d,
+tonne hy from bearme begen hweorfa+d anre magan 
ellorfuse, moddor ond sweostor.
<R 14>
Mon, se +te wille, cy+te cynewordum hu se cuma hatte, e+d+ta
se esne, +te ic her ymb sprice.

[^A3.22.49^]
<P 206>
<R 1>
Ic wat eardf+astne anne standan, deafne, dumban, se oft d+ages
swilge+d +turh godes hond gifrum lacum.
<R 4>
Hwilum [{on{] +tam wicum se wonna +tegn, sweart ond saloneb,
sende+d o+tre under goman him golde dyrran, +ta 
+a+telingas oft wilnia+d, cyningas ond cwene.
<R 8>
Ic +t+at cyn nu gen nemnan ne wille, +te him to nytte swa ond
to dug+tum do+t +t+at se dumba her, eorp unwita, 
+ar [{forswilge+d{] .

[^A3.22.50^]
<P 206>
<R 1>
Wiga is on eor+tan wundrum acenned dryhtum to nytte, of dumbum
twam torht atyhted, +tone on teon wige+d feond his feonde.
<R 4>
[{Forstrangne{] oft wif hine wri+d; he him wel here+d,
+teowa+t him ge+tw+are, gif him +tegnia+d m+age+d ond m+acgas 
mid gemete ryhte, feda+d hine f+agre; he him fremum
stepe+d life on lissum.
<R 9>
Leana+d grimme [{+tam{] +te hine wloncne weor+tan l+ate+d.

[^A3.22.53^]
<P 207>
Ic seah on bearwe beam hlifian, tanum torhtne.
<R 2>
+t+at treow w+as on wynne, wudu weaxende.
<R 3>
W+ater hine ond eor+te feddan f+agre, o+t+t+at he frod dagum
on o+trum wear+d aglachade deope gedolgod, dumb 
in bendum, wri+ten ofer wunda, wonnum hyrstum foran
gefr+atwed.
<R 8>
Nu he f+acnum [{weg{] +turh his heafdes [{m+agen{] hildegieste
o+trum ryme+d.
<R 10>
Oft hy an [{yste{] strudon hord +atg+adre; hr+ad w+as ond
unl+at se +aftera, gif se +arra f+ar genamnan in nearowe 
ne+tan moste.

[^A3.22.54^]
<P 207>
<R 1>
Hyse cwom gangan, +t+ar he hie wisse stondan in wincsele, stop
feorran to, hror h+agstealdmon, hof his
agen hr+agl hondum up, [{hrand{] under gyrdels hyre
stondendre sti+tes nathw+at, worhte his willan; 
wagedan butan.
<R 7>
+tegn onnette, w+as +tragum nyt tillic esne, teorode hw+a+tre
+at stunda gehwam strong +ar +ton [{hio{] , werig
+t+as weorces.
<R 10>
Hyre weaxan ongon 
<P 208>
under gyrdelse +t+at oft gode men fer+d+tum
freoga+d ond mid feo bicga+d.

[^A3.22.55^]
<P 208>
<R 1>
Ic seah in [{healle{] , +t+ar h+ale+d druncon, on flet beran
feower cynna, wr+atlic wudutreow ond wunden gold, 
sinc searobunden, ond seolfres d+al ond rode tacn, +t+as us
to roderum up hl+adre r+arde, +ar he helwara burg abr+ace.
<R 7>
Ic +t+as beames m+ag ea+te for eorlum +a+telu secgan; +t+ar
w+as hlin ond acc ond se hearda iw ond se fealwa
holen; frean sindon ealle nyt +atg+adre, naman habba+d anne,
wulfheafedtreo, +t+at oft w+apen ab+ad his mondryhtne, 
ma+dm in healle, goldhilted sweord.
<R 14>
Nu me +tisses gieddes ondsware ywe, se hine on mede wordum
secgan hu se wudu hatte.

[^A3.22.56^]
<P 208>
<R 1>
Ic w+as +t+ar inne +t+ar ic ane geseah winnende wiht wido
bennegean, holt hweorfende; hea+toglemma feng, deopra dolga.
<R 4>
Daro+tas w+aron weo +t+are wihte, ond se wudu searwum f+aste
gebunden.
<R 6>
Hyre fota w+as [{biidf+ast{] o+ter, o+ter bisgo dreag, leolc
on lyfte, hwilum londe neah.
<R 9>
Treow w+as getenge +tam +t+ar torhtan stod leafum bihongen.
<R 10>
Ic lafe geseah minum hlaforde, +t+ar h+ale+d druncon, +tara
[{flana{] [{geweorc{] , on flet beran.

[^A3.22.58^]
<P 209>
<R 1>
Ic wat anfete ellen dreogan wiht on wonge.
<R 2>
Wide ne fere+d, ne fela ride+d, ne fleogan m+ag +turh scirne
d+ag, ne hie scip fere+d, naca n+agledbord: nyt 
bi+d hw+a+tre hyre [{mondryhtne{] monegum tidum.
<R 7>
Hafa+d hefigne steort, heafod lytel, tungan lange, to+d
n+anigne, isernes d+al; eor+dgr+af p+a+te+d.
<R 10>
W+atan ne swelge+t ne wiht ite+t, fo+tres ne gitsa+d, fere+d
oft swa +teah lagoflod on lyfte; life ne gielpe+d, 
hlafordes gifum, hyre+d swa +teana +teodne sinum.
<R 14>
+try sind in naman ryhte runstafas, +tara is Rad [{foran{] .

[^A3.22.59^]
<P 209>
<R 1>
Ic seah in healle hring [{gyldenne{] men sceawian, modum
gleawe, fer+t+tum frode.
<R 3>
[{Fri+tospede{] b+ad god nergende g+aste sinum se +te wende
wri+tan; word +after cw+a+d hring on hyrede, h+alend 
nemde tillfremmendra.
<R 7>
Him torhte in gemynd his dryhtnes naman dumba brohte ond in
eagna gesih+d, gif +t+as +a+telan 
<P 210>
goldes tacen 
ongietan cu+te [{ond{] [{dryhtnes{] dolg , don swa +t+as
beages benne cw+adon.
<R 12>
Ne m+ag +t+are bene +aniges monnes [{ungefullodre{] godes
ealdorburg g+ast gesecan, rodera ceastre.
<R 15>
R+ade, se +te wille, hu +d+as wr+atlican wunda cw+aden hringes
to h+ale+tum, +ta he in healle w+as wylted ond
wended wloncra folmum.

[^A3.34.1^]
<P 229>
<R 1>
Oft mec f+aste bileac freolicu meowle, ides on earce, hwilum
up ateah folmum sinum ond frean sealde,
holdum +teodne, swa hio haten w+as.
<R 5>
Si+d+tan me on hre+tre heafod sticade, nio+tan upweardne, on
nearo fegde.
<R 7>
Gif +t+as ondfengan ellen dohte, [{mec{] fr+atwedne fyllan
sceolde ruwes nathw+at.
<R 9>
R+ad hw+at ic m+ane.

[^A3.34.2^]
<P 229>
<R 1>
Ic eom heard ond scearp [{hingonges{] strong, for+dsi+tes
from, frean unforcu+d, wade under wambe ond me 
weg sylfa ryhtne geryme.
<R 4>
Rinc bi+d on ofeste, se mec on +ty+d +aftanweardne, h+ale+d
mid hr+agle; hwilum ut tyh+d of hole hatne, hwilum 
eft fare+d on nearo nathw+ar, nyde+t swi+te su+terne secg.
<R 9>
Saga hw+at ic hatte.

[^A3.34.6^]
<P 230>
<R 1>
Ic eom mare +tonne +tes [{middangeard{] , l+asse +tonne
hondwyrm, leohtre +tonne mona, swiftre +tonne sunne.
<R 3>
S+as me sind ealle flodas on f+a+dmum ond [{+tes{] foldan
bearm, grene wongas.
<R 5>
Grundum ic hrine, 
<P 231>
helle underhnige, heofonas oferstige,
wuldres e+tel, wide r+ace ofer engla eard, eor+tan 
gefylle, [{ealne{] middangeard ond merestreamas side mid
me sylfum.
<R 10>
Saga hw+at ic hatte.

[^A3.34.20^]
<P 235>
Ic eom +a+telinges eaxlgestealla, fyrdrinces gefara, frean
minum leof, cyninges geselda.
<R 3>
Cwen mec hwilum hwitloccedu hond on lege+d, eorles dohtor,
+teah hio +a+telu sy.
<R 6>
H+abbe me on bosme +t+at on bearwe geweox.
<R 7>
Hwilum ic on wloncum wicge ride herges on ende; heard is min
tunge.
<R 9>
Oft ic wo+dboran wordleana sum agyfe +after giedde.
<R 10>
Good is min wise ond ic sylfa salo.
<R 11>
Saga hw+at ic hatte.

[^A3.34.31^]
<P 240>
<R 1>
Min heafod is homere ge+turen, searopila wund, sworfen feole.
<P 241>
<R 3>
Oft ic begine +t+at me ongean stica+d, +tonne ic hnitan sceal,
hringum gyrded, hearde wi+d heardum, hindan 
+tyrel, for+d ascufan +t+at mines frean mod (}W}) freo+ta+d
middelnihtum.
<R 8>
Hwilum ic under b+ac bregde nebbe, hyrde +t+as hordes, +tonne
min hlaford wile lafe +ticgan +tara +te he of 
life het w+alcr+afte awrecan willum sinum.

[^A3.34.35^]
<P 243>
Ic eom indryhten ond eorlum cu+d, ond reste oft; ricum ond
heanum, folcum gefr+age [{fere{] wide, ond me
fremdes +ar freondum stonde+d hi+tendra hyht, gif ic habban
sceal bl+ad in burgum o+t+te beorhtne god.
<R 7>
Nu snottre men swi+tast lufia+t midwist mine; ic monigum sceal
wisdom cy+tan; no +t+ar word spreca+d +anig
ofer eor+dan.
<R 10>
+teah nu +alda bearn londbuendra lastas mine swi+te seca+d, ic
swa+te hwilum mine bemi+te monna gehwylcum.



