<P_1>

{ED:I.DAN_JOHN_GAYTRYGE'S_SERMON.}

Here begynnes a Sermon +tat Dan Iohn Gaytryge made , +te whilke teeches
how scrifte es to be made , & whare-of , and in scrifte how many
thynge+g solde be consederide . (CMGAYTRY,1.3)

Et est Petrus sentenciarum discrecione prima` . (CMGAYTRY,1.4)

Als a grett Doctour schewes in his buke , of all +te creatoures +tat
Gode made in heuen and in erthe , in water and in ayere , or in oghte
elles , +te Souerayne cause & +te skyll whi He mad +tam was His awen
gud will and His gudnes , Thurgh +te whilke gudnes , alls He es all
gude , He walde +tat some creatures of +tase +tat He made ware
communers of +tat blyse +tat euer-mare lastis . (CMGAYTRY,1.5)

And for +tat na creatoure myghte come to +tat blyse with-owtten
knaweyng of Godd , als +tat clerkes teches , He made skillwyse
creatours Angelle and man , of witt and wysdom to knawe God Almyghtyn ,
and , thorowe +taire knawynge lufe Hym and serue Hym , and so come to
+tat blyse +tat +tay ware made to . (CMGAYTRY,1.6)

This manere of knawynge had oure forme-fadyrs in +te state of Innocence
+tat +tay ware mad In ; (CMGAYTRY,1.7)

and so sulde we hafe hade , if +tay had noghte synnede . (CMGAYTRY,1.8)

Noghte so mekill als hally saules hase now in heuen , Bot mekill mare
+tan man hase now in erthe . (CMGAYTRY,1.9)

For oure fourme-fadyrs synned , sayse +te prophete , (CMGAYTRY,1.10)

and we bere +te wykkydnes of +taire mysdedis ; (CMGAYTRY,1.11)

For +te knawyng +tat +tay had of Godd All-myghten , they had it of
Goddes gyfte at +taire begynnynge , with-owtten trauayle , or tray , or
passinge of tym . (CMGAYTRY,1.12)

And all +te knaweyng +tat we hafe in +tis werlde of Hym , es of heryng
, and of lerynge , and of techyng of o+ter , of +te law and +te lare
+tat langes till Haly <P_2> Kyrke , +te whilke all creatours +tat lufes
God Almyghten awe to knawe and to cun , and lede +taire lyfe aftir ,
and swa come to +tat blysse +tat neuer mare blynnes . (CMGAYTRY,2.13)

And for-thi +tat mekill folke now in +tis werlde ne ere noghte wele
ynoghe lerede to knawe God Almyghty , ne lufe Hym ne serue Hym als +tay
sulde do , and als +taire dedys oftesythes opynly schewes , in gret
perell to +tam , to lyfe and to saule ; (CMGAYTRY,2.14)

and perawnter +te defaute may be in thaym +tat hase +tair saules for to
kepe , and thaym sulde teche , - als prelates and persons , vicars and
prestes , +tat ere halden by dett for to lere +tam - (CMGAYTRY,2.15)

For-thi our Fadir +te byschope +tat God Almyghty saue , +tat , als Sayn
Paule sayse in his pystill , will +tat all men be safe , and knawe God
Almyghten , and namely +tase vndirlowttes +tat till hym langes , hase
tretide and Ordeyned for +te comon profett , thorowe +te councell of
his clergy , +tat ilkane +tat vndir hym hase cure of saule , Opynly ,
one ynglysche , apon sonnondayes , preche and teche +taym +tat +tay
hase cure off , +te lawe and +te lare to knawe God Almyghty , +tat
principally may be schewede in theis sexe thynges - (CMGAYTRY,2.16)

In +te fourtene poyntes +tat falles to +te trowthe , In +te ten
commandementes +tat Gode hase gyfen vs , In +te Seuen Sacramentes +tat
er in Haly Kyrke , In +te Seuen werkes of mercy vntill oure euen
crystyn , In +te seuen vertus +tat ilke man sall vse , And in +te Seuen
dedly Synnes +tat ilke man sall refuse . (CMGAYTRY,2.17)

And he byddes and commandes in all +tat he may , +tat all +tat hase
cure or kepynge vndir hym Enioyne +tair parischennes and +tair sugettes
+tat +tay here and lere +tise ilke sex thynges , and oftesythes reherse
+tam till +tat +tay cun +tam , and sythen teche +tam +tair childir , if
+tay any haue , whate tym so +tay are of elde to lere +tam . And +tat
persouns and vycars and all parische prestis , Enquere delygently of
+tair sugettes In +te lentyn tym , when +tay come to scryfte , whe+ter
+tay knawe and cun +tise sex thynges ; and if it be funden +tat +tay
cun +tam noghte , +tat +tay Enjoyne +tam appon his behalfe , and Of
payne of penance , for to cun +tam . (CMGAYTRY,2.18)

And for-thi +tat nane sall excuse thaym thurghe vnknawlechynge for to
cun +tam , <P_3> our haly Fadir +te beschope , of his gudnes , hase
ordaynede and bedyn +tat +tay be schewede opynly one ynglysche amanges
+te folke . Whare-fore , anence +te fyrste of +tise sex thynges +tat es
to knawe , +te articles +tat falles to +te trouthe , - als gret clerkes
teches and schewes in thaire bukes , - Thare Falles to +te faythe
fourtene poyntes ; Of +te whilke seuen Falles to Goddes Goddhede , and
o+ter seuen Falles to Cristes manehede . (CMGAYTRY,3.19)

The firste poynte +tat we sall trowe of +te Godhede , Es to trow
stedfastely In a trewe Godd , and +tat na no+ter es for to trowe In .
(CMGAYTRY,3.20)

The to+ter es , +tat +te heghe Fadir of heuen es stedfaste and
sothefaste Godd Almyghtyn . (CMGAYTRY,3.21)

The thirde es , +tat Ihesu Criste , Goddes Sone of heuen , es
sothefastely Gode , euen till His Fadir . (CMGAYTRY,3.22)

The ferthe es , +tat +te Haly Gaste , +tat samenly commes of bathe +te
Fadir and +te Sonne , es sothefaste Godde , euen to +taym bathe ;
(CMGAYTRY,3.23)

and +te whethir noghte twa Goddes , +te Fadir and +te Sonne , ne thre
Goddes , +te Fadir and +te Sonne & +te Haly Gaste , Bot thre sere
persouns , and noghte bot a Godd . (CMGAYTRY,3.24)

The fyfte arctecle es , +tat +te Trynyte , +te Fadir and +te Sonne and
+te Haly Gaste , thre persouns and a Godd , es makere of heuen and
erthe and of all thynges . (CMGAYTRY,3.25)

The Sexte artycle es , +tat Haly Kirke , oure modire , es hallyly ane
thorow-owte +te werlde , that es , comonynge and felawrede of all
cristen folke +tat comouns to-gedir in +te sacramentes , and in o+ter
haly thynges +tat falles till Haly Kyrke , with-owtten +te whilke ne es
na saule hele . (CMGAYTRY,3.26)

The Seuend article +tat vs awe to trowe es , vppe-rysynge of flesche ,
and life with-owtten Ende . (CMGAYTRY,3.27)

For when +te dede hase sundyrde oure bodyes and oure saules for a
certayne tym , als oure kynd askes , vnto when +tat God sall deme +te
qwykke and +te dede , Thane oure saules sall turne agayne till oure
bodyes , (CMGAYTRY,3.28)

and we +tase ilke <paren> and nane o+ter +tan we are nowe </paren> ,
sothefastely sall ryse vp in body and saule , +tat neuer mare sall
sundire , fra +tat tym furthe , bot Samen <paren> if we wele doo whiles
we er here </paren> wende with Godd to +tat blysse +tat euer-mare
lastes . And if we euyll do , till Endles payne . (CMGAYTRY,3.29)

<P_4>

Thir are o+ter seuen poyntes of Cristes Manhede +tat are nedfull to
trowe , till all +tat are crystyn . (CMGAYTRY,4.31)

The fyrste es , +tat Ihesu Criste , Goddes Sone of heuen , was
sothefastely conceyuede of +te maden Marie , and tuke flesche and blude
, and become man thurghe +te myghte and +te strenghe of +te Haly Gaste
, with-owtten any merryng of hir modirhede , with-owtten any mynynge of
hir maydenhede . (CMGAYTRY,4.32)

The to+ter artecle es , +tat we sall trowe +tat He , Godd and man bathe
in a persoune , was sothefastely of +tat blessyde mayden , Godd getyn
of His Fadire be-fore any tyme , and man , born of His modir , and
broghte furthe in tyme . (CMGAYTRY,4.33)

The thirde poynte +tat we sall trowe es , Cristes Passione that He
tholede bodyly for synfull man-kynde , How He was betraysede with His
disciple , and taken with +te Iewes , beten with scourges , +tat na
skynn helde , naylede one +te rude , and corounde with thornes , and
many o+ter harde paynes , and dyede at +te laste . (CMGAYTRY,4.34)

The ferthe artecle es , +tat whene He was dede , and His body tane doun
, and wonden and doluen , +git +te whills His body lay in +te graue ,
+te gaste with +te Godhede wente vnto Helle , and heryede it , and tuke
owte +tase +tat ware +tare-in , als Adam and Eue and o+ter Forme-fadyrs
whilke He in His forluke walde +tat ware sauede . (CMGAYTRY,4.35)

The fyfte poynte es , +tat one +te thirde day after +tat He dyede , He
rase fra dede to lyfe , Sothefaste Godd and man in body and in saule .
(CMGAYTRY,4.36)

For als He dyede in seknes of oure manhede , So He rase thurghe
strenghe of His Godhede , (CMGAYTRY,4.37)

and swa dystroyed oure dede thurgh His diynge , (CMGAYTRY,4.38)

and quykkynd vs vnto lyfe thurghe His rysesynge . (CMGAYTRY,4.39)

The sexte artecle es , +tat we sall trowe +tat one +te fourtede day
eftyr +tat He rase , Thurgh strenghe of Hym-selfe , He steye in-till
Heuen , whare oure kynde es nowe in His blyssyde personne , noghte
anely euynne ne mete till His angells , Bot hey coround kynge abowne
all His angells , +tat be-fore tym was lesse +tan +te kynde of angells
. (CMGAYTRY,4.40)

The seuend article es , +tat righte als He dyede , and eftirwarde rase
, and stey in-till heuen , Righte swa sall He come apon +te laste day ,
Bathe-2 for to deme +te qwykke and +te dede , whare all +te folke +tat
euer was , or es , or sall be , sall sothefastely be schewede and <P_5>
sene be-fore Hym , and ilke a man answere of his awen dedis , and be
saued or dampnede whe+ter so he serues ; (CMGAYTRY,5.41)

For , als His ryghtwysenes now es mengede with mercy , swa sall it
thane be with-owtten mercy . (CMGAYTRY,5.42)

<heading>

SECUNDO . DECEM PRECEPTA DEI . (CMGAYTRY,5.44)

THE TEN COMMANDEMENTIS . (CMGAYTRY,5.45)

</heading>

+Te secund thyng of +te Sex to knawe God Almyghten es , +te ten
Commandmentes +tat He hase gyffen vs . Of +te whilke ten , +te thre
+tat ere firste , awe vs hallyly to halde anence oure Godd , and +te
Seuen +tat ere eftyre , anence oure euen cristen . (CMGAYTRY,5.47)

The firste comandement charges vs , and teches vs , +tat we leue ne
lowte na false goddes . (CMGAYTRY,5.48)

And in +tis commandement es forboden vs alkyn mysbyleues and all
mawmetryes , all false enchauntementes , and all soceryes , all false
charmes , and all wichecraftes , +tat men of myssebyleue traystes appon
, or hopes any helpe In , with-owtten God Almyghten . (CMGAYTRY,5.49)

The to+ter commandement byddes vs noghte take in ydillchipe , ne in
vayne , +te name of oure Lorde Godd , so +tat we trowe noghte in His
name bot +tat es sothefaste , +tat we swere noghte by His name bot it
be byhouely , and +tat we neuen noghte His name bot wirchipfully .
(CMGAYTRY,5.50)

The thirde commandement es , +tat we halde and halowe oure haly day ,
+te Sonondaye , and all o+ter +tat falles to +te +gere , +tat er
ordeynede to halowe thurgh Haly Kyrke . In +te whilke dayes all folke ,
bathe lerede and lawede , awe to gyffe +tam gudly to Goddes seruyce ,
to here and say it efter +taire state es , in wirchipe of Godd
All-myghty and of His gud halowes , noghte +tan for to tente to tary
with +te werlde , ne lyffe in lykynge ne luste , +tat +te flesche
+gernes , Bot gudly to serue Godd in clennes of lyfe . (CMGAYTRY,5.51)

The ferthe commandement byddes vs doo wyrchipe to Fadire and to modire
, noghte anely to fleschely fadyr and modire , +tat getes vs and
fosters vs furthe in +te werlde , bot till oure gastely Fadire +tat
hase heuede of vs , and teches vs to lyffe till hele of <P_6> oure
saules , and till oure gastely modyr , +tat es , Haly Kyrke , to be
bouxome +tare-to , and saue +te ryghte of it , For it es modir till all
+tat cristenly lyffes , and alswa till ilke man +tat wyrchipfull es ,
for to do wyrchipe eftere +tat it es . (CMGAYTRY,6.52)

The fyfte comandement byddes vs +tat we sla na man , +tat es to say ,
bodyly ne gastely no+ter ; (CMGAYTRY,6.53)

For als many we sla , in +tat at we may , als we sclaundire or bakbyte
or falsely deffames , or fandes for to confounde +taym +tat noghte
serues , or withdrawes lyfelade fra +tam +tat hase nede , if we be of
hauynge for to helpe +tam . (CMGAYTRY,6.54)

The sexte commandment forbeddes us to syn or for to foly fleschely with
any woman , ow+ter sybbe or fremmede , wedde or vnwedde , or any
fleschely knawynge or dede haue with any , o+ter +tan +te Sacrament of
matremoyne excuse+g , and +te lawe and +te lare of Haly Kyrke teches .
(CMGAYTRY,6.55)

The seuend byddis vs +tat we sall noghte stele : In whilke es forboden
vs robbyng and reuyng , and all wrangwyse takynge or with-haldynge , or
hydynge or helelynge of o+ter menes gudes , agaynes +taire witt and
+taire will +tat hase ryghte to +taym . (CMGAYTRY,6.56)

The aughten commandement byddes vs +tat we sall bere no false wytnes
agaynes oure euen cristen : In +te whilke es forboden vs all manere of
lesynges , False consperacye and false swerynge , whare-thurghe oure
euen cristyn may lese +tayre catell , Faith , Fauour or Fame , or
anything ells , whe+ter it be in gastely or in bodyly gudes .
(CMGAYTRY,6.57)

The nyende commandement es , +tat we +gerne noghte oure neghtboure
house : In whilke es forboden all wrangwyse couetyse of land or of
lythe , or of oghte elles +tat may noghte be lyftede ne raysede fra +te
grounde , als thynge +tat es stedfaste , and may noghte be styrrede .
(CMGAYTRY,6.58)

The tend commandement an +te laste es , +tat we +gerne noghte +te wyefe
of oure neghteboure ne of oure euyn cristen , ne his mayden , ne his
knaue , ne his oxe , ne his asse : In +te whilke es forboden vs to
+gerne or to take any thynge +tat may be styrride of o+ter mens gudes ,
als robes or reches or o+ter catell , +tat we hafe na gude titill ne na
ryghte to ; (CMGAYTRY,6.59)

For what thyng so we take or getes one o+ter wyse +tan +te lawe and +te
lare of Haly Kyrke teches , we may noghte be assoylede of +te trespase
bot if we <P_7> make assethe , in +tat +tat we may , to +tam +tat we
harmede with haldande +taire gude . (CMGAYTRY,7.60)

And in case +tat we hafe thurghe false athes , als in assises or o+ter
enquestes , wetandly or willfully gerte oure euen cristyn lesse +taire
patremoyne or +taire heritage , or falsely be dyssessede of lande or of
lythe , or false deuorce be made , or any man dampnede , +tofe all we
do +tat we may to +te party , +git may we noghte be assoylede of +te
trespas , bot of oure beschoppe , or of hym +tat hase his powere ,
(CMGAYTRY,7.61)

For swylke caas es ryuely reseruede till hym seluen . (CMGAYTRY,7.62)

Thise ten commandemente+g +tat I hafe now rekkenede er vmbylowkede in
twa of +te gospelle . (CMGAYTRY,7.63)

The tane es , +tat we luffe Godd ouer all thynges ; (CMGAYTRY,7.64)

The to+ter es , +tat we lufe oure euen cristen hallely in oure herte
als we do oure seluen ; (CMGAYTRY,7.65)

For Godd awe vs to lufe hally with herte , with all oure myghte , with
all oure thoghte , with worde and with dede . (CMGAYTRY,7.66)

Oure euyn crysten , als-swa awe vs to lufe vn-to +tat ilke gude +tat we
lufe oure-selfe , +tat es , +tat +tay wele fare in body and in saule ,
and come to +tat ilke blysse +tat we thynke to ; (CMGAYTRY,7.67)

and whate-so-euer +tat he bee , +tat +tise twa wele +gemes , all +te
ten commandementes forsothe he fulfilles . (CMGAYTRY,7.68)

<heading>

TERTIO . SEPTEM SUNT SACRAMENTA ECCLESIE . (CMGAYTRY,7.70)

THE SEUENE SACRAMENTES OF HALY KYRKE . (CMGAYTRY,7.71)

</heading>

+Te thirde thynge of +te Sex +tat I firste touchide , es +te Seuen
Sacramentes +tat Haly Kirke gyffes , thurghe prelates and o+ter prestes
+tat hase +te powere . Of whilke seuen , the first fyve ilke cristen
man awe lawefully to take efter his elde es ; (CMGAYTRY,7.73)

and twa lyes in +taire will +tat ressayues +taym . (CMGAYTRY,7.74)

The firste sacrament of seuen es oure ' baptym , ' +tat we take +te
firste tym +tat we be-com cristyn . In whilke , bathe +te firste synn
+tat we ere borne with , and alkyn o+ter synnes , ere waschen awaye ,
+tat we ere fylede with are we take it ; (CMGAYTRY,7.75)

and +te trouthe of Haly Kyrke es taken +tare-in , with-owtten whilke na
synfull mans saule may be sauede . (CMGAYTRY,7.76)

And till +tis sacrament Falles foure thynges , if it sall ryghtely be
tane als Haly Kirke teches . (CMGAYTRY,7.77)

Ane es , ryghte sayeyng and carpyng <P_8> of +te wordes +tat hym awe
for to say +tat gyffes +tis sacrament , +tat ere +tise :-
(CMGAYTRY,8.78)

' I Baptise +te in +te name of +te Fadir and +te Sonne and +te Haly
Gaste . ' (CMGAYTRY,8.79)

Ane o+ter es , +tat it be done anely in watire , (CMGAYTRY,8.80)

For na no+ter licoure es lefulle +tare-fore . (CMGAYTRY,8.81)

+Te thirde es , +tat he +tat gyffes +tis sacrement be in witt and in
will for to gyffe it . (CMGAYTRY,8.82)

And +te ferthe es , +tat he +tat takes it be , no+ter of lerede nor of
lewde , Baptisede be-fore ; (CMGAYTRY,8.83)

For if +te preste be in were of hym +tat sall take it , whethire he be
baptisede or he be noghte , +tan sall he say +te wordes one +tis wyese
, (CMGAYTRY,8.84)

' If +tou be noghte baptisede , I baptise +te in +te name of +te Fadire
and +te Sone and +te haly Gaste . ' (CMGAYTRY,8.85)

The secunde sacrament es ' confermynge , ' +tat +te byschope gyffes to
+tam +tat ere baptisede , +tat gyffes thorowe his powere to +tam +tat
takes it +te grace and +te gyfte of +te Haly Gaste , to make +taym mare
stalleworthe +tan +tay ware be-fore , to stande agaynes +te fende and
dedly syn ; +tat nane hase powere to do bot +te byschope allane , +tat
hase the state and +te stede of Cristes Appostilles . (CMGAYTRY,8.86)

The thirde sacrament es callede ' penance , ' +tat es , sothefaste
for-thynkynge +tat we hafe of oure syn , with-owtten will or thoghte to
turne agayne to it . (CMGAYTRY,8.87)

And +tis sacrament must haue thre thynges :- (CMGAYTRY,8.88)

Ane es , sorowe in oure herte +tat we hafe synnede . (CMGAYTRY,8.89)

Ano+ter es , opyn scrifte of mouthe , how we hafe synnede .
(CMGAYTRY,8.90)

The <em> third es , satisfaccion , +tat we maun do for oure syn </em> .
(CMGAYTRY,8.91)

+Tise thre , with gud will to forsake oure syn , clense+g vs and
wasches vs of alkyn syn . (CMGAYTRY,8.92)

The ferthe es , ' +te Sacrament of +te Autyr , ' Cristes awen body in
lyknes of brede , als hale als He tuke it of +te blysside mayden , the
whilke , ilke man and woman +tat of elde es , awe for to rescheyue anes
in +te +gere , +tat es at say , at +te pasch , als Haly Kyrke vses ,
when +tay ere clensede of syn thurghe penance , O payne of doynge owte
of Haly Kyrke , bot if +tay forbere it by skillwyse cause , +tat awe to
be knawen to +tam +tat sall gyffe it ; (CMGAYTRY,8.93)

For he +tat tase it worthily , tase his saluacyone ; (CMGAYTRY,8.94)

and wha-so takes it vnworthily , <P_9> tase his dampnacione .
(CMGAYTRY,9.95)

The fyfte sacrament es ' +te laste Enoyntynge with oyle , ' +tat es
halowede and handelyde of prestes ; +te whilke sacrament awe anely to
be gyffen to +tam +tat he wate ere of skillwyse elde , and +tat he sese
sekyrly in perelle of dede , in lyghtenes and alegeance of +taire
sekenes , if Godde will +tat +tay turne agayne to +te hele , and als in
forgyffnes of venial synnes , and in lessynge of payne if +tay passe
he+ten . (CMGAYTRY,9.96)

The Sexte sacrament of Haly Kyrke es ' ordire , ' +tat gyffes powere to
+tam +tat ryghtwysly tase it , For to serue in Haly Kirke efter +taire
state es , and to +tam +tat takes +te ordyre of preste , for to synge
messe , aand for to mynystre +te Sacramentes of Haly Kyrke , +tat to
+tam fallys , Eftyr +te state +tat +tay hafe , and +taire degre askes .
(CMGAYTRY,9.97)

The seuend Sacrament es ' Matrymoyne , ' +tat es , lawefull festynnynge
be-twyx man and woman at +taire bathere assente , for to lyffe samen
with-owtten any lowssynge , whills +taire lyfe lastes , in remedy of
syn and getynge of grace , if it be tane in gude Entente and clennes of
lyfe . (CMGAYTRY,9.98)

<heading>

THE FERTHE THYNG OF +TE SEX . (CMGAYTRY,9.100)

THESE BE +TE SEUENE WERKES OF MERCY BODYLY . (CMGAYTRY,9.101)

</heading>

+Te ferthe thynge of +te Sex to knawe Godd Almyghty , +tat vs byhoues
fulfill in all +tat we maye , ere +te seuen dedis of mercy vntill oure
euen cristen , +tat Godd sall reherse vs apon +te dredfull day of dome
, and wiet howe we haue done +tam here in +tis lyfe , als sayne Mathewe
makes mynde in his gospelle . Of whilke , +te firste es , to fede +taym
+tat er hunngry . (CMGAYTRY,9.103)

The to+ter es , to gyffe +taym drynke +tat er thristy .
(CMGAYTRY,9.104)

The thyrde es , for to clethe +tam +tat er clatheles or nakede .
(CMGAYTRY,9.105)

The ferthe es , for to herber +tam +tat er houseles . (CMGAYTRY,9.106)

The fyfte es , for to vesete +tam +tat lyes in sekenes .
(CMGAYTRY,9.107)

The Sexte es , for to helpe +tam +tat lyes or er in presoun .
(CMGAYTRY,9.108)

The Seuend es , to bery dede men +tat hase myster . (CMGAYTRY,9.109)

+Tise ere the Seuen bodyly dedis of mercy +tat ilke man awe to doo +tat
es myghtty . (CMGAYTRY,9.110)

+Tar are of mercy alswa Seuen gastely dedis +tat vs awe to doo till
+tam +tat hase nede till vs . (CMGAYTRY,9.111)

Ane es , to consaile and wysse +tam +tat are wyll . (CMGAYTRY,9.112)

Ano+ter es , to <P_10> chasty +tam +tat wyrkkys ill . (CMGAYTRY,10.113)

+Te thyrd es , to solauce thaym +tat er sorowefull , and comforthe
thaym . (CMGAYTRY,10.114)

The ferthe es , to pray for thaym +tat ere synfull . (CMGAYTRY,10.115)

+Te fyfte es , to be thole-mode when men mysdose vs . (CMGAYTRY,10.116)

+Te Sexte es , Gladly to forgyffe when men haues greuede vs .
(CMGAYTRY,10.117)

The seuend , when men askes vs for to lere thaym , if we cun mare +tan
+tay , for to lere thaym . (CMGAYTRY,10.118)

+Tise vn-till oure neghtebours ere full nedfull , and to +tam +tat duse
thaym wondir medefull ; (CMGAYTRY,10.119)

For he sall Mercy +tat Mercyfull es ; (CMGAYTRY,10.120)

and man with-owtten Mercy , of Mercy sall mysse . (CMGAYTRY,10.121)

vij. opera misericordie corporalia :,: vnde versus :- Vestio , cibo ,
poto , redimo , tego , colligo , condo . (CMGAYTRY,10.122)

vij. opera misericordie spiritualia :- Consule , castiga , solare ,
remitte , fer , ora , Instrue , si poteris , sic Christo carus haberis
. (CMGAYTRY,10.123)

<heading>

THE FIFTE THYNG OF +TE SEX . (CMGAYTRY,10.125)

THE SEUENE GASTELY VERTUS . (CMGAYTRY,10.126)

</heading>

+Te fyfte thynge of +te Sex to knawe God Almyghten , are +te Seuen
vertus +tat Haly Writte teches . Of whilke seuen , +te thre first +tat
are hede thewes , teches vs how to hafe vs vn-to God Almyghtty ; and
+te foure teches vs swa for to lyffe +tat it be bathe-6 lykande to Godd
and to man . (CMGAYTRY,10.128)

+Te firste vertu es ' trouthe , ' wharethurghe we trow anely in Godd
+tat made all thynges , with all +te o+ter vertus I touchede be-fore .
(CMGAYTRY,10.129)

And +tis es nedfull till all +tat cristenly lyffes ; (CMGAYTRY,10.130)

For trouthe es begynnynge of all gude dedis ; (CMGAYTRY,10.131)

For no+ter es trouthe worthe with-owtten gud werk , (CMGAYTRY,10.132)

ne na werke with-owtten trouthe may pay Godd Almyghtty .
(CMGAYTRY,10.133)

+Te to+ter gude thewe or vertue es ' hope , ' +tat es , a sekyr
habydynge of gastely gude , thurghe Goddes gudnes and oure gude dedis ,
for to com to +tat blysse +tat neuer mare blynnes , Noghte anely in
trayste of Goddes gudnes , ne allanly in trayste of oure gude dedis ,
Bot in trayste of thaym bathe when +tay are bathe Sammen ;
(CMGAYTRY,10.134)

For no+ter sall we fall sa ferre in-till whanhope +tat we ne sall
traiste to hafe <P_11> +tat blysse if we wele do ; (CMGAYTRY,11.135)

Ne we sall noghte com so ferre in-to ouerhope for to trayste so mekill
in Goddes gudnes +tat we sall hope to haue +tat blysse with-owtten gude
dedys . (CMGAYTRY,11.136)

+Te thirde vertue or thewe es ' charyte , ' +te whylke es a dere lufe
+tat vs awe vn-till Godd Almyghtty als for Hym selfe , and till oure
euencristen for God Almyghttyn ; (CMGAYTRY,11.137)

For +te tane may noghte be lufede with-owtten +te to+ter , als Sayn
Iohn +te gospellere sayse in his pystill . (CMGAYTRY,11.138)

' +Tat commandement , ' he saise , ' hafe we of Godd +tat wha-sa-euer
lufes Gode , lufes his euencristyn . (CMGAYTRY,11.139)

For he +tat lufes noghte his bro+ter wham he may see , how sulde he
lufe God wham he sese noghte ? ' (CMGAYTRY,11.140)

+Te ferthe vertue or thewe es ' ryghtwysenes , ' +tat es , to +gelde to
all men +tat we awe +tam , For to do to ilke a man +tat vs awe to doo ,
for to wirchipe tham +tat ere worthy , For to helpe +te pure +tat er
nedy , to do no gyle ne wrange vn-to na man , Bot for to do +tat skill
es vntill ilke mane . (CMGAYTRY,11.141)

+Te fyfte vertue or thewe es ' sleghte or sleghenes , ' +tat wysses vs
to be-warre with wathes of +te werlde ; (CMGAYTRY,11.142)

For it kennes vs to knawe +te gud and +te ill , and alswa to sundire
+te tane fra +te to+ter , and for to leue +tat es euyll , and take to
+te gude , and of twa gud thynges for to chese +te better .
(CMGAYTRY,11.143)

+Te Sexte vertue es ' strenghe or stalworthnes , ' noghte anely of body
, bot of herte and will , euynly to suffire +te wele and +te waa ,
welthe or wandreth , whethire so betyde , and +tat oure herte be noghte
to hye for na wele-fare , ne ouermekill vndire for nane euyll fare ,
Bot styffely for to stande agaynes oure faas , whethir +tay be bodyly
or +tay be gastely , swa +tat na fulle fandynge make vs to falle ne be
false in oure faythe agaynes God Almyghtty . (CMGAYTRY,11.144)

+Te Seuend vertue and +te laste es , ' methe or methefulnes , ' +tat
kepes vs fra owterage and haldes vs in euenhede , lettes fulle lykynge
and luste of +te flesche , and +gemes vs fra +gernynges of werldly
gudes , and kepes in clennes of body and of saule . (CMGAYTRY,11.145)

For methe es mesure and mett of all +tat we do , if we lyffe skillwysly
als +te lawe teches . (CMGAYTRY,11.146)

<P_12>

<heading>

THE SEXTE THYNG AND +TE LASTE . (CMGAYTRY,12.149)

</heading>

+Te sexte thynge , and +te laste of +tase I firste towchede es , +te
Seuen heuede or dedly synnes +tat ilke a man and woman awe for to knawe
to flee and forhewe , (CMGAYTRY,12.151)

For folkes may noghte flee +tam bot +tay knawe thaym .
(CMGAYTRY,12.152)

Pride an Enuye , Wreth and Glotonye , Couetyse and Slouthe , and
Lecherye . (CMGAYTRY,12.153)

And for-+ti er +tay callede Seuen heuede Synnes , for +tat all o+ter
commes of thaym ; (CMGAYTRY,12.154)

and for-+ti er +tay callede dedely synnes , for +tay gastely slaa ilke
manes & womanes saule +tat es haunkede in alle or in any of thaym .
Whare-fore +te wyese man byddes in his buke ' als fra +te face of +te
neddyre , fande to flee syn . ' (CMGAYTRY,12.155)

For als +te venym of +te neddire slaas manes body , Swa +te venym of
syn slaas manes saule . (CMGAYTRY,12.156)

The firste of +tise Seuen synnes es callede ' Pryde , ' +tat es , a
lykande heghenees of a manes herte , Of offyce or of heghe state , or
o+ter noblaye +tat he ou+ter haues of kynde or of grace , or he hopes
+tat he haues mare +tan anothire . (CMGAYTRY,12.157)

And of +tis wikkede synn commes some sere spyces : (CMGAYTRY,12.158)

Boste and auauntynge and vn-bouxsomnes , despite , and ypocrisy and
vnhamlynes , and o+ter +tat ofte ere sene amanges prowde men .
(CMGAYTRY,12.159)

The secunde dedely synn es hatten ' Enuy , ' +tat es , a sorowe and a
syte of +te wele-fare , and a ioy of +te euyll fare , of oure
euencristen : Of whilke synn , many spyces sprenges and spredes .
(CMGAYTRY,12.160)

Ane es , hateredyn to speke or here oghte be spoken , +tat may sown
vn-to gude to +taym +tat +tay hate . (CMGAYTRY,12.161)

Ane-o+ter , false juggynge or dome of +taire dedis , and ay turne vn-to
euyll +tat es done to gude . (CMGAYTRY,12.162)

+Te thirde es ' bakbyttynge , ' to saye be-hynde +tam , +tat we will
noghte avowe ne saye be-fore +tam ; whare noghte anely he +tat spekes
+te euyll , bot he +tat heres it be spoken , es for to blame ;
(CMGAYTRY,12.163)

For , ware +tare na herere , +tare ware na bakbyttere .
(CMGAYTRY,12.164)

+Te thirde dedly synn or heuede syn es ' wrethe , ' +tat es , a wykkede
stirrynge or bollenynge of herte , whare-fore a man wilnes for to wreke
hym , or wykkydly to venge hym , appon his euyncristyn .
(CMGAYTRY,12.165)

And of +tis wykkede syn commes stryvynge and <P_13> flytynge , with
many false athes and many foule wordes , Sclaundere , for to for-do a
man 's gude fame , Feghtynge and Felony , and ofte manes-slaughtere ,
and many ma +tat nowe es $na nede for to be neuenede .
(CMGAYTRY,13.166)

+Te fferthe dedly synn men calles ' glotonye , ' +tat es , ane
vnskilwyse lykynge of lufe in taste or in takynge of mete or of drynke
. (CMGAYTRY,13.167)

And +tise trespas men duse apponne sere wyse :- (CMGAYTRY,13.168)

Ane es , ou+ter ouer arely or ouer late , or ouer oftesythe , for to
ete or drynke bot if nede gere it . (CMGAYTRY,13.169)

Ane o+ter es , for to lyffe ouer delycately . (CMGAYTRY,13.170)

+Te thirde es , for to ete or drynke ouer mekyll . (CMGAYTRY,13.171)

+Te ferthe es , ouer hastely to ete or to drynke . (CMGAYTRY,13.172)

+Te fifte es , to compas & caste appon whate wyese we may gette
dylicious metis or drynkes to fulfill +te lykynges and +te lustes of
+te flesch o+ter +tan we may gudly lede oure lyffe with , Secundum
versum , Prepropere , laute , nimis ardenter , studiose .
(CMGAYTRY,13.173)

+Te fyfte dedly syn es callede ' Couetyse , ' +tat es , a wrangwyse
wilnynge or +gernynge to haue any maner of gude vs awe noghte .
(CMGAYTRY,13.174)

And +tis es donne pryncypally appon twyn wyese . (CMGAYTRY,13.175)

Ane es , wrangwysely to get any thynge +tat oure likynge or oure lufe
lyghtes apon , als be Sacrelege or by symony , falsehede or okyr , or
o+ter gelery , whilke +tise worldely men er wounte for to vse +tat
castes +taire conaundenes swa vn-to couetyse +tat +tay ne rekke whe+ter
it be with ryghte or with wrange , bot +tat +tay may gette +tat at
+taire herte +gernes . (CMGAYTRY,13.176)

Ano+ter es , wrangwisely to halde +tat at es getyn , +tat es , when we
will noghte do to Godd Almyghten ne till Haly Kyrke , ne till oure
euencristyn , +tat vs awe for to do by dett and by lawe , bot anely
haldes +tat we hafe for ese of oure selfen , whare noghte anely he +tat
wrangwysly getes , bot he +tat wrangwysely haldes , falles in +te synn
. (CMGAYTRY,13.177)

+Te sexte dedly synn es ' slewthe or slawenes , ' +tat es , a hertly
angere or anoye till vs of any gastely gud +tat we sall do .
(CMGAYTRY,13.178)

And of +tis wikkede synn comes sere spyces :- (CMGAYTRY,13.179)

Ane es , latesommes or lyte to drawe apon lenghte or to lache <P_14>
any gude dedis +tat we sall do +tat may turne vs till helpe or hele of
oure saules . (CMGAYTRY,14.180)

Ano+ter es , a ' dullnes or heuenes of herte ' +tat lettes vs for to
lufe oure Lorde God Almyghten , or any lykynge to hafe in His seruyse .
(CMGAYTRY,14.181)

+Te thirde es , ' ydillchipe , ' +tat ouer mekyll es hauntede , +tat
makes lathe to begynn any gude dedis , and lyghtly dose vs to leue when
oghte es begun , (CMGAYTRY,14.182)

and +tare whare we ere kyndely borne for to swynke , als +te feule es
kyndely brede for to flie , It haldes vs euermare in ese agayne oure
kynde , (CMGAYTRY,14.183)

For Idillnes es Enemy to cristen man saule , stepmodire and stamerynge
agaynes gude thewes , and witter-wyssynge and waye till alkyn vices .
(CMGAYTRY,14.184)

+Te Seuend dedely syn es hatten ' lychery , ' +tat es , a foule lykynge
or luste of +te flesche . (CMGAYTRY,14.185)

And of +tis foule syn comes many sere spyces :- (CMGAYTRY,14.186)

Ane es ' Fornycacyone , ' a fleschely synn be-twyxe ane anlypy man and
ane anlypy woman : (CMGAYTRY,14.187)

and for-thi +tat it $es agaynes +te lawe , & +te leue and +te lare +tat
Haly Kirke haldes , it is dedly syn to +taym +tat it duse .
(CMGAYTRY,14.188)

Ano+ter es ' Avowtry , ' (CMGAYTRY,14.189)

and +tat es spousebreke , whe+ter it be bodyly or it be gastely , +tat
greuosere and gretter es +tan +te to+ter . (CMGAYTRY,14.190)

+Te thirde es ' Incest , ' +tat es , when a man synnes fleschely with
any of his sybb frendes , or any o+ter +tat es of his affynyte gastely
or bodyly , whe+ter so it be . (CMGAYTRY,14.191)

O+ter spyces many sprynges of +tis syn +tat ouer mekill es knawen and
kende in +tis werlde with +taym +tat ledes +taire lyfe als +taire
flesche +gernes . (CMGAYTRY,14.192)

+Tise are +te sex thynges +tat I hafe spoken off , +tat +te lawe of
Haly Kirke lyes maste in ; The whilke we er halden to knawe and to cun
, if we sall knawe God Almyghty , and come till His blysse .
(CMGAYTRY,14.193)

And for to gyffe +gow better wyll for to cun thaym , Oure ffadir +te
beschope grauntes of his grace Fourty dayes of pardoun till all +tat
cunnes thaym , (CMGAYTRY,14.194)

and ratyfyes alswa +tat o+ter men gyffes , Swa mekill coueites he +te
hele of +gour saules . (CMGAYTRY,14.195)

For +gife +ge conandely knawe +tise Sex thynges , thurgh thaym sall +ge
cun knawe Godd Almyghty , whaym , als Sayne Iohn sayse in his gospelle
, cunnandely for to knawe swylke als He es , It es endles lyfe and
lastande blysse . To +te whilke blysse He brynge vs , <P_15> oure Lorde
Gode Almyghty ! (CMGAYTRY,15.196)

Amen ! Amen ! Amen ! (CMGAYTRY,15.197)

Per Dominum nostrum Iesum Christum , qui cum Deo patre et Spiritu
Sancto viuit et regnat omnipotens deus in secula seculorum .
(CMGAYTRY,15.198)

Amen ! Amen ! Amen ! (CMGAYTRY,15.199)