<P_85>

Sum-tyme olde wise clerckus +te whiche knewe kyndes & complexciones of
men & of bestus +tei fondon & writoun many grete resounus in helynge of
bestus as wel as of men . (CMHORSES,85.2)

And for an hors is a best +tat muche worschepith men . & many harmes
take+t +trou+g mys-happus fele & ofte-tyme be+t outerliche I-lost for
defau+gte of help +terfore I wol schewe +gou as j haue jlerned sum
curus for hors +tat al men knowe no+gt . And also wherof +te euel
come+t on an hors And also +te tokenus +terof . where-bi +tat men schul
hem knowe . & how +tei schul in a good feyre a good hors chese .
(CMHORSES,85.3)

Hit is nedeful to hym be wise & warre +tat schal an hors bye .
(CMHORSES,85.4)

ffor ofte-tyme +tei +tat weny+t hem-silf sly . be+t bi-giled with blynd
hors & pursif hors . & o+ter wicked tacches +tat men mowe no+gt
redeliche se with here y+gen . (CMHORSES,85.5)

+terfore .4. +tyngus +tou schalt loke in an hors . & +tat +tei faile
no+gt . (CMHORSES,85.6)

ffurste +te schap of an hors +tat +tou schalt wite +tat he be of good
heythe to suche trauaile as +tou nedest & +tat he be +ticke & wel
I-growe to his heythe & strongliche I-made . (CMHORSES,85.7)

longe sydes & fleyscheful . & grete boddockes . & rounde . & brod brest
bi-fore . & al +te bodi knette with wre+tes of brawn . drie bon & hole
+tat schal his bodi bere (CMHORSES,85.8)

& +tat schal be a good hors . (CMHORSES,85.9)

+Te secunde is +te beawte of an hors +tat he semy+t faire . & +tat he
haue a litul hed & a lene with-oute flesche (CMHORSES,85.10)

+te skyn ri+gt ny +te cheke-bon is no+gt for to loke . (CMHORSES,85.11)

schort eres & scharp for-sake hem no+gt . (CMHORSES,85.12)

gret <P_87> eyen & oute stepe is wel for to preise . (CMHORSES,87.13)

& wyde nose+turlus to +trast in +tin hond . (CMHORSES,87.14)

an hy+ge hors bifore with a +ticke mane (CMHORSES,87.15)

+te tayle meneliche long with a good rumpe . (CMHORSES,87.16)

a runde fot & +ticke bi-come+t an hors wel . (CMHORSES,87.17)

& +gif his pastron be schort he is wel +te betere . (CMHORSES,87.18)

wyde hors bi-twene +te chaueles haue . I herde for to preise .
(CMHORSES,87.19)

& brode bi-twixst +te y+gen is good at +te countre . (CMHORSES,87.20)

And +ticke warres bifore +te sadel bi-come+t an hors wel .
(CMHORSES,87.21)

And lowe-wombede be+t comeliche good . (CMHORSES,87.22)

And flat-crowped hors bu+t esi to holde in poynte . (CMHORSES,87.23)

+Te +tridde is bounte +tat is best of alle . (CMHORSES,87.24)

And +tat +tou schalt knowe by +tese signus . (CMHORSES,87.25)

Loke +tat he be hardi & coragious of herte . redi & ly+gt of his feet &
+tat he go wyde in resoun . & +tat his lymes tremeli for +tat is sygne
of streng+te . And also +tou+g he reste muche +tat he be esi to hold .
& if he be j-take for+t hastliche with +te spore +tat he be sumdel kene
. & +tat he be good to rebaie when +tat tyme is . (CMHORSES,87.26)

& +tis be+t +te signes in a bounte hors . (CMHORSES,87.27)

+Te fer+te is colour +tat he schal haue of here . (CMHORSES,87.28)

for sum haue+t betur here +tan summe as I haue herde telle .
(CMHORSES,87.29)

ffor bayblak . Mylkewhite . don with a blak lyste . yren-graye . &
o+ter many hewes +tat bu+t not to rekne . ffor whatso his +tat hors
bow+gte . (CMHORSES,87.30)

And when +tou hast a good hors at +tin owen wille loke +tat +tou be
warre bi-tyme +tat he take not harme +trou+g rauhede of blode
where+trou+g an hors take+t many euelis . (CMHORSES,87.31)

And +tus <P_89> schalt +tou knowe when +tin hors nede+t to be I-lete
blod . (CMHORSES,89.32)

+Gif he be ranke of blod he wol gnappe himsilf & rubbe him a-+gens +te
walle +tat he stonde+t bi . (CMHORSES,89.33)

his kaym schal stynke . (CMHORSES,89.34)

& hos pisse schal be rede & +ticke . his ey+genwebbe blod-schote &
wateri with-alle . (CMHORSES,89.35)

And ouer al his bodi +ter wol rise litel smale bleynes +te whiche +tou
schalt aspie bi felyng of +tyn honde . (CMHORSES,89.36)

for +tei bu+t I-hud vndur +te heere . (CMHORSES,89.37)

And he schal leue his mete more +tan he was I-wonede . (CMHORSES,89.38)

And +tan schalt +tou latyn him blod a-boue on his necke .
(CMHORSES,89.39)

& aftur +tat his stat is +tou schalt $lat $ym {TEXT:latym} blede .
(CMHORSES,89.40)

+gif he be passed .v. +gere . & be in good poynt to +te whi+gte of .3.
pond or .4. may he blede . (CMHORSES,89.41)

And +gif he be of .ij. +gere or of .3. or ellus +tat he be lene & feble
of flesche . a pond & an half wol ouer-take hym wel or ellus at +te
moste .ij. pond . (CMHORSES,89.42)

Many euelus come+t on hors +tat bledu+t not in tyme +trou+g +tat kynde
of +tat euel blod +tat gendre+t in his bodi +tat is to say +te farcioun
. +tat in his skyn bore+t many an hole . schale & mangew . & turtes &
many o+ter euellis +tat I schal here afturward nemyny as +tei gendre+t
in +te bodi of here owene kynde . And nameliche of +tese euelus +tat
oon hors may cacche of an-o+ter +tat he stondu+t bi . (CMHORSES,89.43)

And whan an hors is I-let blod & wol not staunche . Or ellus he
strobule+t his veyne with rubbynge of hym in self . +Ten schalt +tou
take felt & brenne it sumdel . & wete it in +te Ius of +te rede nettel
. & ley hit <P_91> upon +te ueyne +tat +tou wolt staunche .
(CMHORSES,91.44)

Or ellus take +tou +te woluyfiste (CMHORSES,91.45)

& geder out +te dust (CMHORSES,91.46)

& medle hit with swynes +tost +tat lyue+t bi +te gras .
(CMHORSES,91.47)

grynde hem wel to-geder (CMHORSES,91.48)

& make hem on a plaster . (CMHORSES,91.49)

& make it hot . (CMHORSES,91.50)

& ley it to +te veyne . (CMHORSES,91.51)

& in-to +te +tridde daye remoue it not . (CMHORSES,91.52)

Or ellus take hors-cayme (CMHORSES,91.53)

& grynd it wel (CMHORSES,91.54)

& bynde it fast to +te veyne . (CMHORSES,91.55)

Or ellus sum wol tak a fe+ter & twyne it in +te heere +ter +te blod
renne+t out & fe+teres bynde +tere-to . (CMHORSES,91.56)

& so I haue seye hit staunche wel I-now+g . (CMHORSES,91.57)

A charme for to cese blod . (CMHORSES,91.58)

God was bore in betheleem . Ido on +te rode-tre in ierhusalem
(CMHORSES,91.59)

fulled he was in flum iordan . (CMHORSES,91.60)

Lord as +te flode with-stode so staunche +tis horsus blod .
(CMHORSES,91.61)

Lord +gif +ti wille be . (CMHORSES,91.62)

Pater noster & . Aue Maria . (CMHORSES,91.63)

An-o+ter . (CMHORSES,91.64)

Put +tese syngnus to +te nauel I-write vpon sum-+tyng .
(CMHORSES,91.65)

fac . per . nomen . matris . Christi . altae . sacrae . & . 7 . nomen .
mariae . (CMHORSES,91.66)

An-o+ter . (CMHORSES,91.67)

Take +te knotte of a stre (CMHORSES,91.68)

& wete it in +te blod (CMHORSES,91.69)

& make .v. crosses in +te forhed (CMHORSES,91.70)

& sey +tese wordus at euery crosse (CMHORSES,91.71)

boram uex . (CMHORSES,91.72)

Ano+ter . (CMHORSES,91.73)

I coniure +te wonde in +te uertu of +te .v. wondes of oure lord ihesus
crist . & in +te vertu of +te mylke +tat he soke of his moder brest &
of his de+t & of his up-rist +tat +tou rankil no+ter swelle ne blede ne
festre no more +tan do+t +te wonde +tat longeus made with +te spere in
+te ri+gt side of our lord ihesus crist . (CMHORSES,91.74)

In nomine patris & filii & spiritus sancti . Amen . (CMHORSES,91.75)

Farcyn is an euel of to muche mosture <P_93> of flesche . & to muche
plente of humurus +te whiche euel sum men clepe+t +te worme .
(CMHORSES,93.76)

And +te cause whifor (CMHORSES,93.77)

+te forseide humors +tat be+t in +te flesche make+t rounde holes in +te
flesche & in +te skyn as +te angeltweches do+t in +te er+te .
(CMHORSES,93.78)

And also ofte-tymes hit come+t of blak blod & of humors +tat renne+t
with-in +te veynus . & o+ter-while with-oute . (CMHORSES,93.79)

And o+ter-while it come+t of grete strokes or of a wonde +tat with-inne
too mon+tes is not heled . (CMHORSES,93.80)

Also it come+t o+ter-while bi-twext +te schuldres or in +te sides .
(CMHORSES,93.81)

& +tat may oone hors take of an-o+ter . (CMHORSES,93.82)

Cure +terfore now wol I schewe . (CMHORSES,93.83)

Take hede +tou marchal to +tis euel & in what stede it is .
(CMHORSES,93.84)

for o+ter-while it is in synewe stedes . & in brawne & in +te cauernes
of +te bones & in dyuerse place a-boute +te lymes +tat euel is to hele
. And sum-tyme in fleschy stedus +tat is esi to hele . (CMHORSES,93.85)

+Gif +te farcyn be in +te forhalf of his bodi . & +tou perceyue
ranckehede of blod . in his neckeveyne let him blede wel .
(CMHORSES,93.86)

And if it be on his +ty or ellus in his legge let him blede in his fot
(CMHORSES,93.87)

& +tat is good . (CMHORSES,93.88)

And aftur take .3. plantes of auence . & .3. of {TEXT:of_of} weybrede .
& .3. of egrymonye & a rote of radysche . (CMHORSES,93.89)

& grynde hem al to-geder . (CMHORSES,93.90)

& tempere it with a litul quantite of stondinge water of a pole or of
sum o+ter (CMHORSES,93.91)

& let +te hors swelwy him adoun in-to his bodi . (CMHORSES,93.92)

And +ten aftur +tou make a plaster of auence & of +te rote of radische
of bo+te I-liche muche . & a litel swope . & as muche hony .
(CMHORSES,93.93)

& <P_95> grynde hem al to-geder (CMHORSES,95.94)

& +ten +tou schalte schaue +te heere a-boute +te holes . & ley +tis
plaster +ter-to . (CMHORSES,95.95)

Or ellus take arnement . (CMHORSES,95.96)

& brenne in +te fyer . (CMHORSES,95.97)

& take +te pouder of it . & as muche of vnslekid lyme (CMHORSES,95.98)

& tempere hem to-geder with swope +tat is old . & with good hony as
+tou+g it were gruel . (CMHORSES,95.99)

& ley it to +te holes . (CMHORSES,95.100)

& do so twyes on +tre dayes tyl +te farcin be drie . (CMHORSES,95.101)

& +gif +te holes be to strayte make hem wyddur with a rasur .
(CMHORSES,95.102)

And while +tou curest +tis hors loke he be foddered with a barli-straw
. or ellus with hard hey . (CMHORSES,95.103)

& prouendre +gif him non . (CMHORSES,95.104)

& as ferfor+t as +tou may let him not drynke . (CMHORSES,95.105)

And +te farcyn be not in +te cauernes of +te bone ne in +te brawn ne in
+te schuldres . but onliche in +te fleschi stedus +ten do +tus .
(CMHORSES,95.106)

Take a rasour (CMHORSES,95.107)

& schere awey +te skyn (CMHORSES,95.108)

& make it al bare as fer as it seme+t +te a-tamed (CMHORSES,95.109)

& +ten tak an hot yre (CMHORSES,95.110)

& brenne it wel abouen (CMHORSES,95.111)

& +ten make a plaster of auence or ellus of egrimonye . or lekes .
(CMHORSES,95.112)

& ferst grynde hem wel . (CMHORSES,95.113)

& do +ter-to +gelkus of eyren & faire barlimele (CMHORSES,95.114)

& tempere hem al to-geder . (CMHORSES,95.115)

& ley a-boue +te farcyn . (CMHORSES,95.116)

Or ellus take (CMHORSES,95.117)

& fille ful +te holes of podur of bremston ri+gt to +te grounde .
(CMHORSES,95.118)

& aftur tak an hot yre +tat is smal bi-fore (CMHORSES,95.119)

& put in-to +te holes as depe as +tei be+t . (CMHORSES,95.120)

Or ellus take a pynte of +te ius of planteyne . & a pynte of +te ius
smalache . & half a pynte of +te jus rubarbe & half a pynte of +te Ius
of {COM:lacuna_in_ms:space_for_eight_letters} & a pynte of +te Ius of
+te leues of eldre +tat beru+t +te beries . & . half a pynte of venegre
. & half a pynte of +ticke hony . & <P_97> half a pynte of +te Ius of
morel . & half a pynte of +te jus of +te wilde tesel . & too or +tre of
amydoum . (CMHORSES,97.121)

& medle hem al to-gederes in a panne . (CMHORSES,97.122)

& set it ouer +te fier . (CMHORSES,97.123)

& let it boile til it be +ticke . (CMHORSES,97.124)

& when it is +ticke take it don . (CMHORSES,97.125)

& let it stonde til it be cold . (CMHORSES,97.126)

& +ten take +te white of .viij. eyron (CMHORSES,97.127)

& medle +ter-with . (CMHORSES,97.128)

+Tis same medicyne is good also for boylynge of venum .
(CMHORSES,97.129)

+Tese cures as I vndurstonde schal hele an hors for +te farcioun ful
wel . (CMHORSES,97.130)

A charme for +te same . (CMHORSES,97.131)

Dytez ceste charme par . iij . iors apres le solayl couchaunte sur le
chyual uers le west turne primez pater noster hysmabet pater noster
mechay pater noster amathanay pater noster Crux Christi amen pater
noster . Cinke foyrz dirrs cest charme . par . iij . iours outre le
chyual & par seux . iij . iours ne doit le chyual este en bon erre ne
prouendre mag ne ewe currant passer mays selk fame manguse & garra .
(CMHORSES,97.132)

ffor +te farcyn & for +te feloun a good charme . (CMHORSES,97.133)

In nomine patris & filij & spiritus sancti amen . (CMHORSES,97.134)

Ie te coniure felon ou farcyn ou verme male suz $dauant par dieu
omnipotent de ceel & de terre & de solial & de lune & de tutz creaturis
& de sent autres & de sent abbes & de sent euesqes bien atturnes com de
messes chauntere de nuit de noele & de la paylle so <em> ? </em> dount
deu fuit en-volupe si tu i es ne demurrez niemt si tu ne es ne entres
poynt al nom du pere & fitz & saunt espyrit te coniure qe tu ne augz .
Ceo ditz troi foitz outre le best & garra . (CMHORSES,97.135)

Or ellus take +te <P_99> rede nettel . & +te popi rote . & myntes &
flex (CMHORSES,99.136)

& make a plaster (CMHORSES,99.137)

& bynde to +te frounte of +te hors . .v. daies & .v. ny+gttus .
(CMHORSES,99.138)

& +gif him drynke herbes . beteyne . quycseluer . (CMHORSES,99.139)

And +tat also for to hele +te wondes of +te farcyn . (CMHORSES,99.140)

Tak floure of whete & hony (CMHORSES,99.141)

& medle hem to-geder . (CMHORSES,99.142)

& ley to +te sore . & aftur pouder of piper (CMHORSES,99.143)

& caste in +te wondus . (CMHORSES,99.144)

& +gif him drynk of +te same (CMHORSES,99.145)

& he schal be hole . (CMHORSES,99.146)

A charme for +te same . (CMHORSES,99.147)

In nomine patris . & filij . & spiritus . sancti . amen .
(CMHORSES,99.148)

In +te worschip of oure lord ihesus crist & of oure ladi seynt marie &
of seynt Iobis fadur soule & for his modur soule & for al his antecers
soulus sey .iij. pater noster . & .iij. aue maria . (CMHORSES,99.149)

Seynt Iob had .ix. wormes . (CMHORSES,99.150)

& o worme had non hed . (CMHORSES,99.151)

Sey +tus aboute +te hors . (CMHORSES,99.152)

Also for al-maner of farcyn . (CMHORSES,99.153)

Make a plaster of an vnce of vertegrece and eisel & arnement
(CMHORSES,99.154)

& ley +ter-to a ny+gt . (CMHORSES,99.155)

Mangew gendere+t of brend blod & rotoun & nameliche in herueste when a
hors traueyle+t ouer-muche with litel mete . or litul drynke . & aftur
ha+t myche reste aftur grete trauayle . (CMHORSES,99.156)

And or he be let blod he most be trauayle . a+gen . (CMHORSES,99.157)

And o+ter-while it come+t upon an hors when pouder & swot I-dried to .
be ouer-ny+gt . upon him & is not currayde & made clene .
(CMHORSES,99.158)

And also it wil come of sodayne fast ridynge . when an hors aftur gret
traueyle . or aftur gret swetynge stondu+t vnheled . or out of house .
or in eny <P_101> o+ter cold stede . (CMHORSES,101.159)

+Te mangew wol bi-gynne bi-side +te necke in +te heere
(CMHORSES,101.160)

& +ter wol genderi whelkus o+ter bilus & in o+ter dyuerse stedus of his
bodi . (CMHORSES,101.161)

and in +te same stede wol +te here pile awey . (CMHORSES,101.162)

& +te hors wol gnappe him-self & rubbe out of curs . (CMHORSES,101.163)

& but +tat hors be holpe in tyme +tat mangew wol turne in-to a foule
schabbe (CMHORSES,101.164)

+terfore tak of +tese medicynes +tat folue+t . (CMHORSES,101.165)

And +gif an hors be rancke of blod . +ten let him blod in his necke .
(CMHORSES,101.166)

& with +tat same blod hot whasche him ouer-al . (CMHORSES,101.167)

& frote hym ri+gt faste (CMHORSES,101.168)

& spare him not . (CMHORSES,101.169)

And aftur +te +tridde daye of his blod-letynge let wasche him wel with
hot lie j-made of axes of barli-straw . & see-water or with vyneger or
with sowre ale . (CMHORSES,101.170)

Or ellus wasche him with +te croppus of horhone or ellus with sede . or
with +te gresse of an erbe +tat men clepu+t hemloke . Or ellus with +te
croppus of walwort +tat ha+t kyndeli vertu with a porcioun of salt wel
j-soden (CMHORSES,101.171)

& wasche him wel . (CMHORSES,101.172)

& curreye him wel with an hors-combe . (CMHORSES,101.173)

& make him ri+gt clene . (CMHORSES,101.174)

& when he is ri+gt drie or ellus upon +te morwe anoynte him with an
oynement +tat j schal +te teche . (CMHORSES,101.175)

+Tou schalt tak +te rote of +te rede docke & +te rote of hemlok . &
se+te hem wel in vyneger or eysel or wyn . longe til +tei be ri+gt
neysche . (CMHORSES,101.176)

& +ten +tou schalt take awey +te hardust of +te herbes & grynde it . or
when +tei bu+t sumdel drie with olde swynes grece . (CMHORSES,101.177)

& with +tat oynement a+gens +te sunne or +te fyer loke +tou grece him
wel . (CMHORSES,101.178)

<P_103>

Or ellus tak quycseluer & freische grece & hony . (CMHORSES,103.180)

porcioun +tese +tre to-gederis (CMHORSES,103.181)

& anoynte him +ter-with (CMHORSES,103.182)

& or he be anoynted let him blod on +te sides (CMHORSES,103.183)

& whasche +te sore +ter-with . (CMHORSES,103.184)

Or ellus take .ij. libra of barwus grece . & a quarterun of uertegrece
& a quartron of quycseluer & half a pond of frankencence . & .ij.
sauserful of womman mylke +tat ha+t a knaue childe with-inne +tre +gere
age (CMHORSES,103.185)

& medle al +tese to-geder (CMHORSES,103.186)

& wasche him +ter-with . (CMHORSES,103.187)

And +gif an hors wol gnappe hymself . tak +te rede water-kerse for +tei
bu+t hatter & bettur +ten +te whit & wermode & hemlok with a gret dele
of sote til +tei be muche iliche to grece . (CMHORSES,103.188)

& +ten grece him ouer-al (CMHORSES,103.189)

& +tat schal lete him to gnappe . (CMHORSES,103.190)

Or ellus wasche him wel in bene bro+t (CMHORSES,103.191)

& poune to-geder piper & vertegrece & arnement & cerfoyle
(CMHORSES,103.192)

& make a good fier a-boute +te hors (CMHORSES,103.193)

& grece him +ter-with .3. daies . (CMHORSES,103.194)

Scabbe wol brede in +te necke . & on +te dok of +te taile ri+gt as +te
mangew . (CMHORSES,103.195)

& it peli+t awei +te heere up bi +te rotes so +tat +te hors wille rubbe
him-self +tat +te necke & +te dok of his taile schal be al bare
(CMHORSES,103.196)

& +tat wol come of superfluyte of blod . or of o+ter wicked humourr .
(CMHORSES,103.197)

& of +te same cause +tat +te mangew wol gendre so wol +tis . of
bi-stonding bi a schabbed hors or bi gnappynge of an hors . or if he be
whiped with a wippis curreyed with a combe +tat a schabbed <P_105> hors
ha+t be curreyd with . or if he ete of +te corn or of +te hey +tat a
schabbed hors ha+t ymoneld on bi-fore . or if +te oynde of a schabbed
hors come+t muche in his nose . (CMHORSES,105.198)

Cure +terfore . (CMHORSES,105.199)

If +te hors be stalworde . let him wel blod (CMHORSES,105.200)

& wasche +te schabbed stedes with +te hot blod (CMHORSES,105.201)

& when it is drie rubbe him wel with an hors-combe euer-more til +te
blod sprynge out of +te skyn amonge +te schabbes . (CMHORSES,105.202)

& +ten +tou schalt wasche him with a lye +tat clerkus clepu+t on latyn
capitellum +te whiche is made on +tis manere . (CMHORSES,105.203)

Take .3. parties of asche asken . & .ij. parties of askus of bene-halm
. o partie of vnsleked lym . (CMHORSES,105.204)

& medle hem wel to-geder (CMHORSES,105.205)

& do hem in a brod vessel ful of holes ri+gt as +tou makest lye
(CMHORSES,105.206)

& helde aboue see-water or lye +tat was ymade of asche askus euer til
it droppe . (CMHORSES,105.207)

& geder +tat clene in a vessel . (CMHORSES,105.208)

& when +te capytel is made . take an eye of an hen (CMHORSES,105.209)

& wynde a +trede +ter-aboute . (CMHORSES,105.210)

& do it softeli in +tat capytel . (CMHORSES,105.211)

& +gif it synk not +ti capytel is good . (CMHORSES,105.212)

or ley +ter-on a gret neld (CMHORSES,105.213)

& if he flete +ti capytel is good . (CMHORSES,105.214)

Come not hende +te hole skyn (CMHORSES,105.215)

for +ten it wol make +te here pile awey +trou+g violense of it-self .
(CMHORSES,105.216)

but wasche +te schabbes with +te capytel . & +tat ri+gt wel .
(CMHORSES,105.217)

And when it is drie +ten schalt +tou grece it with an oynement +tat is
ymade on +tis manere . (CMHORSES,105.218)

Take sulphur vyue . & whit tartre & blak . (CMHORSES,105.219)

& grynde him al to-geder (CMHORSES,105.220)

& tempere it with <P_107> strong eisel . & with oyle til it be of +te
+tickenus of an oynement . (CMHORSES,107.221)

& twies on +te day grece him on +te scabbede stedus .
(CMHORSES,107.222)

And on +tis same manere do to an hors +tat ha+t +te mangew euer til he
be hole . (CMHORSES,107.223)

Or do make suche an oynement for +te same . (CMHORSES,107.224)

Take sulphur vif . & frankencence . nytre & tartre . & aschyn rynde
vitriole & vertegrece . whit ellebore & blak . er+tenotes . & +gelkes
of hard-soden eyren . (CMHORSES,107.225)

boyle al +tese in oile of olyue til it wexe +ticke . (CMHORSES,107.226)

& with +tat anoynte +te hors twies or +tries on +te day as +te +tynke+t
best . (CMHORSES,107.227)

Or in +tis manere schalt +tou make & oyle a+gens +te scabbe .
(CMHORSES,107.228)

Tak of +te myddel rynde of a tre +tat sum men clepu+t buchyl
(CMHORSES,107.229)

& +tei make+t caudeles of +tat same rynde . (CMHORSES,107.230)

take +ten +tat same rynde (CMHORSES,107.231)

& schaue awey +te ouemuste (CMHORSES,107.232)

& take +te myddel rynde . (CMHORSES,107.233)

& hew it al smale (CMHORSES,107.234)

& fil a pot of er+te +tat is newe ful +ter-of (CMHORSES,107.235)

& loke +tat +te same pot haue +tre holis or .4. in +te bottum +ter-of .
(CMHORSES,107.236)

& take an-o+ter pot +tat is wel ileded with-inne (CMHORSES,107.237)

& set +te pot with +te ryndus upon +te leded pot (CMHORSES,107.238)

& loke +tat +te brynkes of +te leded pottus mou+te & +te brynkus of +te
pot with +te ryndus be wel dabbid with cleye & with hors-donge so +tat
non o+ter flauor entre in-to +te pottus ne non reche come oute .
(CMHORSES,107.239)

And if +tou se eny reche come out loke +tou daube it eft-sonus .
(CMHORSES,107.240)

& also +te pottis mou+te with +te ryndus +tou schalt helyn it with a
ston & daube it in +te manere forsayde (CMHORSES,107.241)

& +ten make a good fyer <P_109> aboute +te pottis of wode & cole .
(CMHORSES,109.242)

and when +te wode & +te cole bu+t I-bred oute . +ten take oute +te
pottis (CMHORSES,109.243)

& +te oyle +tat +tou fyndest in +te ne+ter pot geder it up
(CMHORSES,109.244)

& with a fe+ter grece +te schabbede stedus +tries on +te daie . or
oftur if it be nede . (CMHORSES,109.245)

& fro +te firste daie +tat +te hors is furst gresed with +tis oile loke
+tat +te hors be wel kept from al-manere wetynges of water & fro
gnappynge & rubbynge til +te .7. daies be passed . (CMHORSES,109.246)

And sum men make+t oile in +te same wise +tat +tis forsayde oile is
made of schrapynge of hertes-hornes . or of drie schauynges of
aschentre . or of eldir-tre . or of wode appeltre . or of +te rynde of
blak-+torn . +te whiche oile +tey sey for-so+te it is good for
al-manere schabbe . & al o+ter fil+te & maladie +tat gendere+t on +te
skyn . (CMHORSES,109.247)

+Gif +te schabbe be in +te dok of +te taile +ten schalt +tou take blak
comyn & grynde it (CMHORSES,109.248)

se+te a litel in swete mylke it (CMHORSES,109.249)

when it is hote a-noynte +te schabbe ofte +ter-with .
(CMHORSES,109.250)

& loke +tat +te schabbede hors stonde no+gt amonge o+ter +tat +tei ne
take +te same (CMHORSES,109.251)

Fike is an euel +tat wol gendri in hore of hym . (CMHORSES,109.252)

& it is called a fyke for-as-myche as it is neysche gaderynge of
humorus of rede colour or of blo colour or blak with-oute hooro
spryngynges oute of +te skyn in +te manere of a rype fyge where-of it
take+t his name . (CMHORSES,109.253)

& hit gendre+t of to myche blod +tat regne+t bi-twexst +te hyde & +te
hold (CMHORSES,109.254)

& +tus +tou schalt cure it . (CMHORSES,109.255)

ffurst loke in what lyme +tat it be <P_111> & if it be eny-+tynge brode
. (CMHORSES,111.256)

And +ten +tou schalt take a gobet of le+ter & make a rownde hole in +te
myddel of +te le+ter aftur quantite of +te fyke so +tat it be fast
sittynge bi-twexst +te fyke & +te hol skyn . (CMHORSES,111.257)

& take tow+g cley . or past of smal floure (CMHORSES,111.258)

& cramme it ri+gt wel so +tat +te hole skyn be not I-hurte with eny hot
+tyng +tat schal be y-layd +ter-to . (CMHORSES,111.259)

When it is so ydi+gt take horhoune (CMHORSES,111.260)

& grynde it wel (CMHORSES,111.261)

& make +ter-of ballus of +te gretnus of perus . or of +te gretnus of
+te fyke . (CMHORSES,111.262)

& ley him upon an hot ston or on yren til +tei be wel y-rosted .
(CMHORSES,111.263)

& +ten take a bal al hote (CMHORSES,111.264)

& +trast in-to +te fyke . (CMHORSES,111.265)

& when it is cold ley an-o+ter to al hote with-oute delay . & so
euermore oon aftur an-o+ter til +te fyke bi-gynne to wexe white .
(CMHORSES,111.266)

And if +tou haue non horhoune take water-kresus or +te myddel rynde of
+te hasel . (CMHORSES,111.267)

& make balles . (CMHORSES,111.268)

& rost hem (CMHORSES,111.269)

& do in +te same manere as it is forsayde of horhoune .
(CMHORSES,111.270)

Or ellus if +tou wolt +tou my+gt schere a-wey +te fyke euene bi +te
hole skyn & let +te euel blod blede out euerydel (CMHORSES,111.271)

+ten schalt +tou strawe upon pouder of unsleked lyme or of chalke .
(CMHORSES,111.272)

And take an yre as brode as +te sore is (CMHORSES,111.273)

& let brenne it ri+gt wel til +tou hopest +tat +te fier come to +te
hole flesche . (CMHORSES,111.274)

And if +te fyke be in eny jnnor be y-warre +tat +tou do esili +tat +te
senues ne +te Ioyntus be not ytowched with +te fyer .
(CMHORSES,111.275)

And +ten schalt +tou take freische rothorus <P_113> scherne . or henne
dryt . or doues dryt & grynde it with sope & bynde it +ter-to & let it
leye +ter-to .ij. daies stille . (CMHORSES,113.276)

& +ten afturwarde +tou schalt anoynte it with sum hote oynement +tat is
to say with pentemyron or ellus with hony . onus on +te day til it be
hole . (CMHORSES,113.277)

And in +te menetyme kepe it wel from lickynge . & from wetynge of colde
water til .ix. daies be passed . (CMHORSES,113.278)

And if it so be +tat +te fyke be gret aboue & smal bi +te bodi as a
stalke of a walnote . take +ten .v. silken +tredus . & +tre heres of an
hors taile +tat neuer rode mare . (CMHORSES,113.279)

& twyne hem wel to-geder as an harpestrenge . (CMHORSES,113.280)

bynde it fast bi +te bodi vndur +te fyke . (CMHORSES,113.281)

And on +te morwe aftur if it be asclaked . draw it eft fastur .
(CMHORSES,113.282)

& so +tou schalt do oft til +te fyke falle awey him-self .
(CMHORSES,113.283)

And when he is falle awey . +Gif so be +tat an-o+ter wol come vp +ter
a+gen +tou schalt do +tus . (CMHORSES,113.284)

Do past or cleye +ter-upon al aboute as ytold bi-fore
(CMHORSES,113.285)

caste scaldynge hote hony euene +ter-upon . (CMHORSES,113.286)

but loke +tou kepe with al +ti my+gt +tat no+gt of +te hote +tynge come
hende +te skynne . (CMHORSES,113.287)

& eft-sonus when it is kelid . make it ri+gt drie (CMHORSES,113.288)

& cast efte-sonus +ter-upon as +tou dedust bi-fore . (CMHORSES,113.289)

& if +te +tynke +tat +te rotus be depe in +te flesche . +Gif +tou
schalt hele it wel as y haue seide bi-fore . And if he haue many fykos
in his bodi +ten +tou schalt let him blede aftur +tat his elde & his
streng+te wol streche . (CMHORSES,113.290)

Tortes be+t apostemes in +te ouer half of +te flesche . genderynge
with-inne +te skyn in +te <P_115> manere of a Cake +tat men clepu+t
tarteles . of +te whiche he take+t his name . (CMHORSES,115.291)

& it wol come of oute-rage of blod +tat is rotun . & of humours +tat
be+t bi-twexst +te hyde & +te holde . & of hertynge of flesche or of
strokes . & of stondynge bi o+ter hors . (CMHORSES,115.292)

+terfore in +tis cure +tus schalt +tou don . (CMHORSES,115.293)

+Tou schalt slitte +te skyn of +te torte up & don euene in +te myddes
of +te torte . & undur-ne+te +ter +te swellynge o+ter +te bolnynge
stondu+t . (CMHORSES,115.294)

with a flewme +tou schalt aripe al +te bagge & breke +te gaderynge +tat
is with-inne & +treste +te quyture out . (CMHORSES,115.295)

And efte if it nede be ronge it ri+gt wel . (CMHORSES,115.296)

Or ellus an-o+ter manere if +te like it betere . (CMHORSES,115.297)

Amyddes +te torte slyte +te skyn euene doun to +te er+te til +te slitte
come to +te hole flesche (CMHORSES,115.298)

& +ten clanse it wel +tat is redi rotun . (CMHORSES,115.299)

And +ten stoppe +te holes ful of herdus of hempe or of lynne .
(CMHORSES,115.300)

& loke +tat +tei be clene y-di+gt with-out eny schyues .
(CMHORSES,115.301)

but wete hem furst in botter or in sayme or in +te white of an ey .
(CMHORSES,115.302)

And +tus euery day di+gt it onus til he be hole . (CMHORSES,115.303)

Or if $+te {TEXT:be} turte at +te furste tyme be nesche . & +tou
vndurstonde +tat it be rotid . in +te stede +ter +te +tynke+t +tat it
is neyschest . +Ten +tou schalt bi good avyse in +te ne+ter half make a
good sclitte (CMHORSES,115.304)

& in ei+ter half of +te torte quyse it with +ti fyngrus al +te while
+tat +ter wol renne out eny quyter . (CMHORSES,115.305)

And aboue on his bak +tou schalt let him blede first in +tat on side &
aftur .7. daies on +tat o+ter side . (CMHORSES,115.306)

And +ten aftur .xv. daies +tou schalt <P_117> efte let him blod vpon
+te same side +tat he was furst +ter late blod . (CMHORSES,117.307)

But loke +tou do not +te last cure of letynge of blod but if +te +tynke
be good syngnes +tat it be nede . +tat is to say . +tat blod be
enchesoun . or ellus o+ter humors . Where-+tro+g +te torte schold
al-wei gendre upon +te hors . (CMHORSES,117.308)

Corn is an euel (CMHORSES,117.309)

& it is cleped +te corn for-as-myche as +te hyde of +te hors with +te
flesche . or ellus +te flesche bi him-self . is so harde as +tou+g it
were an horne . (CMHORSES,117.310)

And +tat wol come +trou+g gret hurtynge & of gret burdyn . & of
swellynge . & or +tat swellynge be passed awei $efte-sonus bere+t sum
heuy burdyn +tat brese+t it wel more . (CMHORSES,117.311)

Also it come+t for many o+ter causes of +te whiche me nede+t not telle
of now+te . (CMHORSES,117.312)

But for to teche +gow how +ge schul kepe an hors +tat he ne take no
suche manere harme . y wold if y cow+te . (CMHORSES,117.313)

+Tus haue j seie men kepe here hors from cornus . (CMHORSES,117.314)

When an hors for-trauailed & beru+t ou+gt heuy . When +te burdun is
downe +ten +tei wol tak of +te sadul or +te hors be colded . & grope
ouer-al if +tei fynde eny hurtynge or swellyng . (CMHORSES,117.315)

And if +tei se or fele eny hurtynge or swellynge . a-non +tei take+t
cold water & salt to-geder . (CMHORSES,117.316)

& waschu+t ouer-al (CMHORSES,117.317)

& frote+t him wel . (CMHORSES,117.318)

Also swithe +tei set up +te sadul a+gen (CMHORSES,117.319)

& so +tei lettu+t him stonde til he be kelid ri+gt wel .
(CMHORSES,117.320)

& so do+t +tei .ij. or .3. (CMHORSES,117.321)

& sette+t vp +te sadul a-bouen a+gen . (CMHORSES,117.322)

& so wol +te swellynge aswage wel I-now+g . (CMHORSES,117.323)

But if it be <P_119> so +tat +te corn be genderid . +ten +tou moste
schaue it aboute +te corn o+ter +te swellynge . (CMHORSES,119.324)

& +ten schalt +tou garce it with many smale pikes meneliche depe . +tat
+te brused blod may out ren . (CMHORSES,119.325)

$But if +te bolnynge be ou+gt olde . +ten schalt +tou first or +tou
garse him . ba+te it ri+gt wel with warme water . & +tat a longe while
. (CMHORSES,119.326)

& +tat is for to make +tynne +te bresid blod +tat it may come out +te
bettur . (CMHORSES,119.327)

And aftur +tou schalt make a plaster of smalache & of walwort & of
askes of elder-tre . grunde wel al to-geder . & chaufed in sayme . or
in wyn . & lay it to +te corn . (CMHORSES,119.328)

Or make a plaster of +te holi +tystel . & of faire whete-floure . or of
rye . & .iiij. eryn . or of .v. . (CMHORSES,119.329)

& al hote ley +ter-to (CMHORSES,119.330)

& aftur when it is roted . & +te swellyng aswage+t . +ten schalt +tou
take a smal elsen & al hot glowyng +trest in-to +te corn al aboute .
(CMHORSES,119.331)

And take afturward a cloute of hempe or of lynne too fyngur brod +ter
+te corn is (CMHORSES,119.332)

& lay it vpon +te corn . (CMHORSES,119.333)

And aftur take a drie stikke of wy+ti or of hasel (CMHORSES,119.334)

& +twyte +ter-on longe sponus & +tynne in-to +tat on ende of +tat styke
. (CMHORSES,119.335)

& +tat o+ter ende of +te styke schal be scharpe . (CMHORSES,119.336)

+ter-on +tou schalt styke a gobet of fat lard . (CMHORSES,119.337)

& +ten +tou schalt take a long yren & scharpe . & styke in-to +te
+twyten stykkes . (CMHORSES,119.338)

& +ten hold it ouer +te fier til it haue y-chaut hete of +te fier .
(CMHORSES,119.339)

& hold it ouer +te corn (CMHORSES,119.340)

& let +te larde droppe ouer +te cloute so +tat +te hote sayme may renne
<P_121> in-to +te corn +trou+g +te holes +tat +te elsen made .
(CMHORSES,121.341)

& aftur or +te clout be remeued let him swete . (CMHORSES,121.342)

& aftur if it be nede +tou maist take sayme of lard in a sawcer &
anoynte +te corn with a fe+ter or with a splent of tre . And so
ofte-tymus til +te cor wol arise & may be take out . (CMHORSES,121.343)

Or take +te snayles +tat be+t in here schellis . (CMHORSES,121.344)

& ri+gt so stampe hem to-gederes . (CMHORSES,121.345)

& make a plaster (CMHORSES,121.346)

& ley to +te sore . (CMHORSES,121.347)

& ofte-tyme meue +te corn hyder & +tidur til he arise .
(CMHORSES,121.348)

And +tou haue nede to ride upon +tis same hors or +te corn be oute .
+ten make a +tynne plaster of +te forseide snayles . (CMHORSES,121.349)

& set +ti sadul aboue (CMHORSES,121.350)

& schyft hit no+gt til +te corn arise . (CMHORSES,121.351)

And y haue seye make a plaster of hey askes ytempered with pysse
y-leide to +te corn til +tat he a-rise . (CMHORSES,121.352)

& when +te corn is oute +ten schalt +tou euery day onus fille +te hole
ful of herdes wel y-clensid of hempe or of flexe y-hewe nameliche smale
. (CMHORSES,121.353)

ffor herdus wol kyndeliche clensi woundes or apostemes
(CMHORSES,121.354)

& also +tei wol not suffri ded flesche engendri in +te sore .
(CMHORSES,121.355)

But let no wete of water come on +te hole +ter +te corn was inne .
(CMHORSES,121.356)

Ded flesche o+ter-while engendere+t in wondes . & in apostemes if so be
+tat kynde helpe & skilful be not don +terto . or ellus if +tat sore be
not wasche & di+gt in tyme . (CMHORSES,121.357)

And +terfore schalt +tou when +tou sixte +te flesche ouer-passe +te
brynkes of +te skyn with-jnne +te wonde . (CMHORSES,121.358)

Or if +tou se pappes in +te brynkes of <P_123> wondes or blankus
with-ynne +te wonde . & litel quyter +ter-ynne . +tat is uerei signe of
ded flesche . (CMHORSES,123.359)

And bi +tat +tou maist it knowe (CMHORSES,123.360)

if +tou it touche it wol gladli blede . (CMHORSES,123.361)

& when +tou sixt +tat . take a rasor (CMHORSES,123.362)

& pare it as ney as +tou maist til +tou trowe +tat +tou be at +te good
flesche . +Gif so be +tat veynes & synues lettu+t not .
(CMHORSES,123.363)

ffor wite +tou forso+te +tat it falle+t +te not to kerue ne to brenne
in stedes +ter veynes & synuus buth liggynge as in +te Ioyntes & o+ter
stedes +tat is good ynow+g bu+t to knowe . (CMHORSES,123.364)

And aftur +tat it is coruen +tou schalt brenne it with an hote yre
(CMHORSES,123.365)

& aftur +tou schalt take netus scherne & ley +ter-vpon .
(CMHORSES,123.366)

Or ellus take +gelkus of eyrin & herdes . (CMHORSES,123.367)

& wete hem +ter-ynne (CMHORSES,123.368)

& ley +ter-to (CMHORSES,123.369)

& remeue it not bi-fore +te +tridde day . (CMHORSES,123.370)

And +gif +tou wilt haue out +te wicked flesche with-oute keruyng . or
brennyng +ten schalt +tou make suche a poudur . (CMHORSES,123.371)

Take +te white of eyrin . & olde sope +te blak is +te bettere of bo+te
iliche myche . (CMHORSES,123.372)

& stere hem bo+te to-gedur til +tei be al of o color .
(CMHORSES,123.373)

& take as moche of unsleked lyme (CMHORSES,123.374)

& medle it al to-geder so +tat it be sumdel +ticke (CMHORSES,123.375)

& a-non ley it upon +te ded flesche . (CMHORSES,123.376)

But let it not longe leye +ter-to for peyringe of +te quycke flesche .
(CMHORSES,123.377)

And +ten aftur +tou schalt anoynte it with oile of olyue euer til it be
hole . (CMHORSES,123.378)

Or ellus +tou maist hele it with bature y-made of smalache . & morel if
+tou maist gete it . (CMHORSES,123.379)

& do +ter-to whit of eyryn & a parti of hony (CMHORSES,123.380)

& tempere it with rye-floure or with whete (CMHORSES,123.381)

& upon herdus ley it +ter-to . (CMHORSES,123.382)

Also sum men <P_125> make+t suche a poudur for ded flesche
(CMHORSES,125.383)

+tei take+t .iij. parties of vnsleked lyme & .ij. of poudur of
oisturschellus & oon of salt . & an-o+ter of hertus-hornes o+ter netus
(CMHORSES,125.384)

& stampe hem al to-geders (CMHORSES,125.385)

& tempere hem with stronge ley or with mannus vreyne .
(CMHORSES,125.386)

& make al +tat in manere of a lof . (CMHORSES,125.387)

& in +te her+te . or in +te ownen or in +te fier bake it til it be
ri+gt harde . (CMHORSES,125.388)

+ten +tou schalt make poudur +ter-of (CMHORSES,125.389)

& hote of +te pouders a day ley +ter-on . (CMHORSES,125.390)

& if +te ded flesche be y-wasted away in on stede of +te wonde & not in
an-o+ter . +ten schalt +tou take herdes & wasche hem with spotel in
parti & ley hem vpon +te stede +tat +te +tynke is clansed .
(CMHORSES,125.391)

& +ter +te +tynke+t it is not clene ley of +te forseide pouder +ter-to
til it be clene wastid away . (CMHORSES,125.392)

& +tou schalt aftur take herdes & wete hem in sayme or boture . or in
oile olyue or in hony or in wyn . & euer-more ley it +ter-to til +tou
se +te good flesche euene with +te skyn . (CMHORSES,125.393)

+ten schalt +tou with suche a pouder hele up +te wonde .
(CMHORSES,125.394)

Take of an hors-skyn a porcioun . & of +te bonus of an hors +ty or of
+te rybbe . & of an hertus horne or of a schep & old scho-soles . or of
+te keruynge of le+ter +tat +tou schalt fynde in corueseruus schoppes .
(CMHORSES,125.395)

And euereche of +tese for-seide +tyngus +tou schalt brenne bi hem-self
& aftur grynde euereche bi him-silf ri+gt smale (CMHORSES,125.396)

& take of euereche iliche myche (CMHORSES,125.397)

& do hem alle to-geder (CMHORSES,125.398)

& medle hem wel . (CMHORSES,125.399)

& aftur do +te pouder in-to a bladder (CMHORSES,125.400)

& vse it when nede is . (CMHORSES,125.401)

Sum men make+t poudur of a gras +tat hate orygan (CMHORSES,125.402)

& medle it with bark dust . (CMHORSES,125.403)

& ley+t +ter-to bi it-self (CMHORSES,125.404)

& wol helpe <P_127> at nede . (CMHORSES,127.405)

And if +tat hors schal be y-reden while his bak is sore +ten +tou most
use +te cure aforsaide +tat is to say . at euene take of +te sadel .
(CMHORSES,127.406)

& wasche it with hot wyn or vryne . or salt water . or in watere +tat
horshoune . or walwort or smalache or origan haue+t bi sode ynne .
(CMHORSES,127.407)

& aftur drye +te sore . (CMHORSES,127.408)

& ley a+gen sum of +tese helynge pouderes or herdes wete in sayme . or
in sum of +te forseide +tyngus . or a plaster aforseide til it be hole
(CMHORSES,127.409)

And +gif +te schuldur of an hors be swolle +trou+g stirtynge or
fallynge . or if +te brawn of +te sides be bolned or hurte with
prykynge of +te spore +ten schalt +tou helpe him in +tis manere .
(CMHORSES,127.410)

ffirst schalt +tou schere a-way +te here al aboute +te bolnynge
(CMHORSES,127.411)

& +ten +tou schalt anoynte +te sore stede with sayme of lard or with
hote oile ri+gt ofte . (CMHORSES,127.412)

And aftur schalt +tou take +te leues of wermod . & +te tendre rotes of
walwort & grynde hem ri+gt wel to-geder . (CMHORSES,127.413)

& aftur frie hem ri+gt wel in sayme . or in boter (CMHORSES,127.414)

& make +ten +ter-of a plaster (CMHORSES,127.415)

& ley it hot to +te swellynge . (CMHORSES,127.416)

And loke +tat +tou hold +te hole of +te prychynge sumdel open .
(CMHORSES,127.417)

And if it be so +tat +tis manere of swellynge aforseide haue y-be longe
with-oute helpe +ten schalt +tou sclyte +te skyn in myddes +te bolnynge
. (CMHORSES,127.418)

And bi-ne+te in +te hole skyn +ter +te swellynge stynte+t +tou schalt
kerue an hole & put +terynne a seyne . (CMHORSES,127.419)

but loke +tat +tou do it wiseliche for hurtynge of veynes & of synues .
(CMHORSES,127.420)

And if +te <P_129> brest be bolned bi-side +te necke of prykynge of +te
spore . or ellus +te side . +ten schalt +tou seyne him in +te brest but
not ouer ney +te schulder (CMHORSES,129.421)

+tese medicynes bu+t good & prophytable . (CMHORSES,129.422)