<P_8>

{ED:VII}

Alle this blyssede techynge of oure lorde god was schewyd to me in thre
partyes , that is be bodylye syght , and be worde formede in myne
vndyrstandynge , & be gastelye syght . (CMJULNOR,8.3)

Botte the gastelye syght I maye nought ne can nought schewe it vnto
+gowe als oponlye & als fullye as I wolde . (CMJULNOR,8.4)

Botte I truste in oure lorde god allemyghtty that he schalle , of his
goodnes and for +goure love , make +gowe to take it mare gastelye and
mare swetly than I can or maye telle it +gowe , (CMJULNOR,8.5)

and so motte it be , (CMJULNOR,8.6)

for we are alle one in loove . (CMJULNOR,8.7)

And in alle this I was mekylle styrrede in charyte to myne evyncrystene
that thaye myght alle see and knawe +te same that I sawe ,
(CMJULNOR,8.8)

for I walde that it ware comforthe to thame <P_49> alle as it es to me
. (CMJULNOR,49.9)

For this syght was schewyd in generalle & nathynge in specyalle .
(CMJULNOR,49.10)

Of alle that $I sawe , this was the maste comforthe to me : that oure
lorde es so hamlye & so curtayse . (CMJULNOR,49.11)

And this maste $fillyd me with lykynge & syekernes in saule .
(CMJULNOR,49.12)

Than sayde I to the folke that were with me , " Itt es todaye domesdaye
with me " , (CMJULNOR,49.13)

& this I sayde for I wenede to hafe dyed . (CMJULNOR,49.14)

For that daye that man or woman dyes ys he demyd as he schalle be
withowtyn eende . (CMJULNOR,49.15)

This I sayde for y walde thaye lovyd god mare , & sette the lesse pryse
be the vanite of the worlde , for to make thame to hafe mynde that this
lyfe es schorte , as thaye myght se in ensampille be me .
(CMJULNOR,49.16)

For in alle +tis tyme I wenede to hafe dyed . (CMJULNOR,49.17)

{ED:VIII}

And aftyr this I sawe with bodely syght the face of the crucifixe that
hange before me , in whilke I behelde contynuely a party of his passyon
: despite , spittynge in , sowlynge of his bodye , & buffetynge in his
blysfulle face ; & manye langoures and paynes ma than I can telle , and
ofte chaungynge of coloure , and alle his blyssede face atyme closede
in dry blode . (CMJULNOR,49.19)

This I sawe bodylye & hevelye & derkelye , (CMJULNOR,49.20)

and I desyred mare bodelye lyght to hafe sene more clerelye .
(CMJULNOR,49.21)

And I was aunswerde in my resone that +gyf god walde schewe me mare he
schulde , botte me nedyd na lyght botte hym . (CMJULNOR,49.22)

And aftyr this I sawe god in a poynte , that es in myne vndyrstandynge
, by whilke syght I sawe that he es in alle thynge . (CMJULNOR,49.23)

I behelde with vysemente , wittande and knawande in that syght that he
dose alle that es done . (CMJULNOR,49.24)

I merveylede in this syght with a softe drede & thought , " Whate es
synne ? " (CMJULNOR,49.25)

For I sawe trulye that god dothe alle thynge , be itt nevere so litille
; (CMJULNOR,49.26)

nor nathynge es done be happe ne be eventure , botte the endeles
forluke of the wysdome of god . Wharefore me behovede nedes grawnte
that alle thynge that es done es wele done , (CMJULNOR,49.27)

and I was <P_50> sekyr that god dose na synne . (CMJULNOR,50.28)

<em> +Terfore it semed to me +tat synne is nou+gt , (CMJULNOR,50.29)

for in alle thys synne </em> was nou+gt schewyd me . (CMJULNOR,50.30)

And y walde no lengyr mervelle of this , (CMJULNOR,50.31)

botte behalde oure lorde whate he wolde schewe me . (CMJULNOR,50.32)

& in anothyr tyme god schewyd me whate syne es nakydlye be the selfe as
y schalle telle $aftyrwarde . (CMJULNOR,50.33)

And aftyr this I sawe behaldande the bodye plentevouslye bledande ,
hate & freschlye and lyfelye , ry+gt as I sawe before in the heede .
(CMJULNOR,50.34)

And this was schewyd me in the semes of scowrgynge , (CMJULNOR,50.35)

and this ranne so plenteuouslye to my syght that me thought +gyf itt
hadde bene so in kynde for +tat tyme , itt schulde hafe made the bedde
alle on blode & hafe passede on abowte . (CMJULNOR,50.36)

God has made waterse plenteuouse in erthe to oure servyce and to owre
bodylye eese , for tendyr love that he has to vs ; (CMJULNOR,50.37)

botte +git lykes hym bettyr that we take fullye his blessede blode to
wasche vs with of synne , (CMJULNOR,50.38)

for thare ys no lykoure that es made that hym lykes so welle to gyffe
vs , (CMJULNOR,50.39)

for it is so plenteuouse and of oure kynde . (CMJULNOR,50.40)

And aftyr this , $or god schewyd me any $wordes , he suffyrde me to
behalde langere and alle that I hadde seene & alle that was thereyn .
(CMJULNOR,50.41)

And than was withowtyn voyce & withowte openynge of lyppes formede in
my sawlle this worde , (CMJULNOR,50.42)

" Herewith ys the feende ouercomyn " . (CMJULNOR,50.43)

This worde sayde oure lorde $menande his passyon , as he schewyd me
before . (CMJULNOR,50.44)

In this oure lorde brought vnto my mynde & schewyd me a perte of the
fendys malyce & fully his vnmyght , (CMJULNOR,50.45)

and for that he schewyd me that the passyon of hym is ouercomynge of
the fende . (CMJULNOR,50.46)

God schewyd me that he hase nowe the same malyce that he had before the
incarnacyon , (CMJULNOR,50.47)

and als sare he travayles & als contynuelye he sees that alle chosene
saules eschapes hym worschipfullye , (CMJULNOR,50.48)

<P_51>

and that es alle his sorowe . (CMJULNOR,51.50)

For alle that god suffers hym do turnes $thame to ioye & hym to payne &
to schame , (CMJULNOR,51.51)

and he has als mekylle sorowe when god gyffes hym leve to wyrke as when
he werkys nought , (CMJULNOR,51.52)

and that es for he maye nevere do als ille as he wolde ,
(CMJULNOR,51.53)

for his myght es alle lokene in goddys hande . (CMJULNOR,51.54)

Also I sawe oure lorde scorne his malyce and nought hym ,
(CMJULNOR,51.55)

and he wille that we do the same . (CMJULNOR,51.56)

For this syght I lugh+g myghttelye , (CMJULNOR,51.57)

and that made tham to laugh+g that were abowte me , (CMJULNOR,51.58)

and thare laughynge was lykynge to me . (CMJULNOR,51.59)

I thought y wolde myne evyncristene hadde sene as I sawe ;
(CMJULNOR,51.60)

than schulde thaye alle hafe laughyn with me . (CMJULNOR,51.61)

Botte I sawe nou+gt cryste laugh+g . (CMJULNOR,51.62)

Neuerthelesse hym lykes that we laugh+g in comfortynge of vs , & er
ioyande in god , (CMJULNOR,51.63)

for the feende ys ouercomyn . (CMJULNOR,51.64)

& aftyr this I felle into a saddehete (CMJULNOR,51.65)

& sayde , " I see thre thynges : game , scorne , and arneste .
(CMJULNOR,51.66)

I see game that the feende ys ouercomen , (CMJULNOR,51.67)

and I see scorne that god scornes hym and he schalle be scornede ,
(CMJULNOR,51.68)

and I see arneste that he es ouercomen be the passion of oure lorde
Ihesu cryste & be his dede that was done ful erneste & with sadde
travayle " . (CMJULNOR,51.69)

Aftyr this oure lorde sayde , " I thanke the of thy servyce & of thy
trauayle , & namly in +ti +gough " . (CMJULNOR,51.70)

{ED:IX}

God schewyd me thre degrees of blysse that ylke saule schalle hafe in
hevene that wilfullye hase servyd god in any degree heere in erthe .
(CMJULNOR,51.72)

The fyrste is the wyrschipfulle thankkynge of owre lorde god that he
schalle resayfe when he es delyuerede fro payne . (CMJULNOR,51.73)

This thanke is so hy+ge and so wyrschipfulle that hym thynke it fylles
hym +tow+g +tare ware no mare blys : (CMJULNOR,51.74)

for me thought that alle the payne & travayle that myght be suffyrde of
alle lyffande men myght nought $hafe deservede the thanke that a man
schalle hafe that wylfullye has servydde <P_52> god . (CMJULNOR,52.75)

For the seconde , that alle the blyssede creatures +tat er in hevene
schalle see that worschipfulle thankynge of oure lorde god , & he makys
his servyce to alle that er in heuen knawen . (CMJULNOR,52.76)

And for the thyrde , that als new ande als lykande as it es resayvede
that tyme , ryght so schalle itt laste withowten ende :
(CMJULNOR,52.77)

I sawe that goodelye and swetlye was this sayde & schewyd to me , that
+te age of euerylk $man schalle be knawen in heuen and rewardyd for his
wilfulle seruyce and for his tyme , and namelye the age of thame +tat
wilfullye and frelye offers thare +gought vnto god es passande
rewardede & wondyrlye thankkyd . (CMJULNOR,52.78)

And aftyr this oure lorde schewyd me a souerayne gastelye lykkynge in
my sawlle . (CMJULNOR,52.79)

In this lykynge I was fulfillyd of euerlastande sekernesse , myghtlye
festnede withowtyn any drede . (CMJULNOR,52.80)

This felynge was so gladde to me and so goodly that <em> I was </em> in
peez , in ese , and in ryste , so that +tere was nothynge in erthe that
schulde hafe grevyd me . (CMJULNOR,52.81)

This lastyd botte a while , (CMJULNOR,52.82)

and I was turnede & lefte to myselfe in hevynes and werynesse of
myselfe and yrkesumnesse of my lyfe , that vnnethes I cowthe hafe
pacyence to lyeve . (CMJULNOR,52.83)

Thare was none ese ne na comforthe to my felynge botte hope , faythe ,
and charyte , (CMJULNOR,52.84)

and this y hadde in trowthe botte fulle lytille in felynge .
(CMJULNOR,52.85)

And anone aftyr , god gafe me agayne the comforth and the reste in
saule , likynge and syekyrnesse so blysfulle & so myghtty +tat no drede
, no sorowe , no payne bodylye no gastelye that myght be sufferde
schulde have dissesede me . (CMJULNOR,52.86)

And than the payne schewyd agayne to my felynge , and than the ioye and
the lykynge , & than the tane & nowe the tothere dyverse tymes I
suppose abowte twentye sythes . (CMJULNOR,52.87)

And in the tyme of ioye I myght hafe sayde with Paule , Nathynge
schalle departe me fro the charyte of cryste . (CMJULNOR,52.88)

And in payne y myght hafe sayde with saynte Petyr , Lorde save me ,
(CMJULNOR,52.89)

I perysche . (CMJULNOR,52.90)

+Tis vision was schewyd me to lere me atte my vndyrstandynge <P_53>
+tat it es nedefulle to ylke man to feele on this wyse : sumtyme to be
in comforthe & sumtyme to fayle & be lefte to hymselfe .
(CMJULNOR,53.91)

God wille that we knowe that he kepes vs euerelyke syekyr in wele and
in woo , & als mykille loves vs in woo as in weele . (CMJULNOR,53.92)

& sumtyme , for the profytte of his saule , a man es lefte to hymselfe
(CMJULNOR,53.93)

& to whethere synne es nought the cause . (CMJULNOR,53.94)

For in this tyme I synnede nought wherefore I schulde be lefte to
myselfe , (CMJULNOR,53.95)

ne also I deseruede nou+gt to hafe this blysfulle felynge .
(CMJULNOR,53.96)

Botte frelye god gyffez wele when hym lykes , (CMJULNOR,53.97)

and suffers $vs in wa sumtyme . (CMJULNOR,53.98)

And bothe es of love : (CMJULNOR,53.99)

for it is god ys wille that we halde vs in comforthe with alle oure
myght , (CMJULNOR,53.100)

for blys es lastande withowtyn ende (CMJULNOR,53.101)

and payn es passande (CMJULNOR,53.102)

& schalle be brought to nought . (CMJULNOR,53.103)

Therefore it es nought goddys wille that we folowe the felynges of
payne in sorowynge and in mournynge for $thaim , botte sodaynlye passe
on & halde vs in endelesse lykynge that es god allemyghtty oure lovere
& kepare . (CMJULNOR,53.104)

{ED:X}

Aftyr this cryste schewyd me a partye of his passyone nere his dyinge .
(CMJULNOR,53.106)

I sawe that swete faace as yt ware drye and bludyelesse with pale
dyinge , sithen mare $dede pale langourande ; (CMJULNOR,53.107)

and than turnede more dede to the blewe , & sithene mare blewe as the
flesche turnede mare deepe dede . (CMJULNOR,53.108)

For alle the paynes that cryste sufferde in his bodye schewyd to me in
the blyssede faace als farfurthe as I sawe it , and namelye in the
lyppes . (CMJULNOR,53.109)

Thare I sawe this foure colourse , thaye that I sawe beforehande ,
freschlye & $ruddy , lyflye & lykande to my syght . (CMJULNOR,53.110)

This was a hevy chaunge to see this deepe dyinge , (CMJULNOR,53.111)

and also the nese $claungede and dryed to my sight . (CMJULNOR,53.112)

This lange pynnynge semede to me as he hadde bene a seuen nyght dede ,
allewaye sufferande payne . (CMJULNOR,53.113)

& me thought the dryinge of crystes flesche was the maste payne of his
passion , and the laste . (CMJULNOR,53.114)

And in this dryhede was brou+gt to my mynde this worde that cryste
<P_54> sayde , (CMJULNOR,54.115)

" I thryste " . (CMJULNOR,54.116)

For I sawe in criste a doubille thyrste , ane bodylye , ane othere
gastelye . (CMJULNOR,54.117)

This worde was schewyd to me for the bodylye thirste ,
(CMJULNOR,54.118)

and for the gastelye thyrste was schewyd to me als I schalle saye
eftyrwarde . (CMJULNOR,54.119)

And I vndyrstode of bodelye thyrste that the bodye hadde of faylynge of
moystere , (CMJULNOR,54.120)

for the blessede flesche & banes ware lefte allane withowtyn blode &
moystere . (CMJULNOR,54.121)

The blyssyd bodye dryede alle ane lange tyme with wryngynge of the
nayles and paysynge of the $hede and weyght of the bodye , with
blawynge of wynde fra withoutyn that dryed mare and pyned hym with
calde mare than myn herte can thynke , & alle othere paynes .
(CMJULNOR,54.122)

Swilke paynes I sawe that alle es to litelle +tat y can telle or saye ,
(CMJULNOR,54.123)

for itt maye nou+gt be tolde . (CMJULNOR,54.124)

Botte ylke saule aftere the sayinge of saynte Pawle schulde feele in
hym +tat in criste Ihesu . (CMJULNOR,54.125)

This schewynge of criste paynes fillyd me fulle of paynes ,
(CMJULNOR,54.126)

for I wate weele he suffrede nou+gt botte ane+g , botte as he walde
schewe yt me and fylle me with mynde as I hadde desyrede before .
(CMJULNOR,54.127)

My modere that stode emangys othere and behelde me lyftyd vppe hir
hande before me face to lokke myn eyen , (CMJULNOR,54.128)

for sche wenyd I had bene dede or els I hadde dyede . (CMJULNOR,54.129)

And this encresyd mekille my sorowe , (CMJULNOR,54.130)

for nou+gtwithstandynge alle my paynes , I wolde nou+gt hafe been
lettyd for loove that I hadde in hym . (CMJULNOR,54.131)

And to whethere in alle this tyme of crystes presence I felyd no payne
botte for cristes paynes , +tan thou+gt me I knewe <em> ful lytylle
</em> whate payne it was that I askyd . (CMJULNOR,54.132)

For me thought that my paynes passede any bodylye dede ;
(CMJULNOR,54.133)

I thou+gt , " Es any payne in helle lyke this payne ? "
(CMJULNOR,54.134)

And I was aunswerde in my resone that dyspayre ys mare for that es
gastelye payne . (CMJULNOR,54.135)

Bot bodilye payne es nane mare than this : (CMJULNOR,54.136)

howe myght my payne <em> be more </em> than to see hym that es alle my
lyfe , alle my blys , & alle mye ioye <em> suffyr ? (CMJULNOR,54.137)

Here </em> felyd I sothfastlye that y lovede criste so mekille abouen
myselfe that me thought it hadde beene a <P_55> grete eese to me to
hafe dyede bodylye . (CMJULNOR,55.138)

Hereyn I sawe in partye the compassyon of oure ladye saynte Marye ,
(CMJULNOR,55.139)

for criste & scho ware so anede in loove that +te gretnesse of hir
loove was the cause of the mykillehede of hir payne . (CMJULNOR,55.140)

For so mykille as scho lovyd hym mare than alle othere , her payne
passed alle othere , (CMJULNOR,55.141)

and so alle his disciples & alle his trewe lovers suffyrde paynes mare
than thare awne bodelye dying . (CMJULNOR,55.142)

For I am sekyr be myn awne felynge that the leste of thame luffed $hym
mare than thaye dyd thamselfe . (CMJULNOR,55.143)

Here I sawe $a grete anynge betwyx criste and vs , (CMJULNOR,55.144)

for when he was in payne , we ware in payne , (CMJULNOR,55.145)

and alle creatures that myght suffyr payne soffyrde with hym .
(CMJULNOR,55.146)

And thaye that knewe hym nou+gt , this was thare payne , that alle
creatures , sonne & the mone , withdrewe thare seruyce ,
(CMJULNOR,55.147)

and so ware thaye alle lefte in sorowe for the tyme . (CMJULNOR,55.148)

And thus thaye that lovyd hym sufferde payne for luffe ,
(CMJULNOR,55.149)

& thay that luffyd hym nought sufferde payne for faylynge of comforthe
<em> of alle </em> creatures . (CMJULNOR,55.150)

In this tyme I walde hafe lokyd besyde the crosse (CMJULNOR,55.151)

botte I durste nou+gt , (CMJULNOR,55.152)

for I wyste wele whilys I lukyd vppon the crosse I was sekyr and safe .
(CMJULNOR,55.153)

Therfore I walde nought assente to putte my sawle in perille ,
(CMJULNOR,55.154)

for besyde the crosse was na syekernesse , botte vglynesse of feendes .
(CMJULNOR,55.155)

Than hadde I a profyr in my resone as +gyf it hadde beene frendelye .
(CMJULNOR,55.156)

$It sayde to me , " Luke vppe to heven to his fadere " .
(CMJULNOR,55.157)

Than sawe I wele , with the faythe that y felyd , that thare ware
nathynge betwyx the crosse & heuen that myght hafe desesyd me ,
(CMJULNOR,55.158)

and othere me behovyd loke vppe or els aunswere . (CMJULNOR,55.159)

I answerde & sayde , " Naye , I may nought , (CMJULNOR,55.160)

for thowe erte myne heuen " . (CMJULNOR,55.161)

This I sayde for I walde nou+gt , (CMJULNOR,55.162)

for I hadde levyr hafe bene in that payne to domysdaye than hafe comen
to hevene otherewyse than be hym . (CMJULNOR,55.163)

For I wyste wele he that bought me so sare schulde vnbynde me when he
walde . (CMJULNOR,55.164)

<P_56>

Thus chese I Ihesu for my heuen wham I $saw onlye in payne at that tyme
. (CMJULNOR,56.166)

Me lykede no nothere hevene than Ihesu whilke schalle be my blysse when
I am thare . (CMJULNOR,56.167)

And this has euer beene a comforthe to me , that I chesyd Ihesu to my
hevene in alle $this tyme of passyon and of sorowe ; (CMJULNOR,56.168)

and that has beene a lernynge to me , that I schulde euermare do so and
chese anly hym to my heuen , in wele and in wa . (CMJULNOR,56.169)

And thus sawe I my lorde Ihesu langoure lange tyme , (CMJULNOR,56.170)

for the anynge of the godhede for love gafe strenght to the manhede to
suffyr mare than alle men myght . (CMJULNOR,56.171)

I mene nought anly mare payne anly than alle men myght suffyr , bot
$also that he suffyrde mare payne than alle men that euer was fra the
fyrste begynnynge to the laste daye . (CMJULNOR,56.172)

No tonge maye telle , ne <em> herte fully </em> thynke , the paynes
that oure savyoure sufferde for vs , haffande rewarde to the worthynes
of the hyest worschipfulle kynge and to the schamefulle , dyspyttous &
paynfulle dede . (CMJULNOR,56.173)

For he that was hieste & worthyest was fullyest noghthede & witterlyest
dyspyside . (CMJULNOR,56.174)

Botte the loue that made hym to suffere alle this , itt passes als fare
alle his payns as heuen es abouen erthe . (CMJULNOR,56.175)

For the paynes was a dede done in a tyme be the wyrkynge of love ,
(CMJULNOR,56.176)

botte luffe was withowtyn begynnynge , (CMJULNOR,56.177)

& es and evere schalle be withowtyn any ende . (CMJULNOR,56.178)

And sodaynlye , me behaldande in the same crosse , he chaunchede into
blysfulle chere : (CMJULNOR,56.179)

the chawngynge of his chere chaungyd myne , (CMJULNOR,56.180)

and I was alle gladde & mery as yt was possybille . (CMJULNOR,56.181)

Than brought oure lorde merelye to my mynde , " Whate es any poynte of
thy payne or of +ty grefe ? " (CMJULNOR,56.182)

And I was fulle merye . (CMJULNOR,56.183)

{ED:XII}

Than sayde oure lorde , askande , " Arte thou wele payde that I
suffyrde for the ? " (CMJULNOR,56.185)

" +Ga , goode lorde " , quod I . (CMJULNOR,56.186)

" Gramercy goode lorde , blissyd mut thowe be " . (CMJULNOR,56.187)

" +Gyf thowe be payede " , <P_57> guod oure lorde , " I am payede .
(CMJULNOR,57.188)

It es a ioye and a blysse and ane endlesse , lykynge to me that euer y
suffyrde passyon for the , (CMJULNOR,57.189)

for +gyf I myght suffyr mare , I walde suffyr " . (CMJULNOR,57.190)

In this felynge myne vndyrstandynge was lyftyd vppe into heuen ,
(CMJULNOR,57.191)

and thare I sawe thre hevens of the whilke syght I was gretlye
merveylede , (CMJULNOR,57.192)

and thought , " I sawe thre hevens , and alle of the blessyd manhede of
cryste ; (CMJULNOR,57.193)

and nane is mare , (CMJULNOR,57.194)

nane is lesse , (CMJULNOR,57.195)

nane is hiare , (CMJULNOR,57.196)

nane is lawere , botte evene like in blysse " . (CMJULNOR,57.197)

For the fyrste heuen schewed criste me his fadere , bot in na bodelye
lyknesse , botte in his properte and in his lykynge . (CMJULNOR,57.198)

The wyrkynge of the fadere it is this : that he gyffes mede tille his
sone Ihesu criste . (CMJULNOR,57.199)

This gyfte and this mede is so blysfulle to Ihesu that $his fadere
myght haffe gyffene na mede that myght hafe likede hym bettere .
(CMJULNOR,57.200)

For the first heuen , that is blissynge of the fadere , schewed to me
as a heuen , (CMJULNOR,57.201)

and itt was fulle blysfulle . (CMJULNOR,57.202)

For he is fulle blyssede with alle the dedes that he has done abow+gte
oure saluacyon , wharefore we ere nought anely his thurgh byingge ,
botte also be the curtayse gyfte of his fadere . (CMJULNOR,57.203)

We ere his blysse , (CMJULNOR,57.204)

we er his mede , (CMJULNOR,57.205)

we er his wyrschippe , (CMJULNOR,57.206)

we er his crowne . (CMJULNOR,57.207)

This that I saye is soo grete blysse to Ihesu that he settys atte
nought his travayle , and his harde passion , and cruelle and
schamefulle dede . (CMJULNOR,57.208)

And in this wordes : +gyf I myght suffyr mare , I walde suffyr mare , I
sawe sothly that +gif he myght dye als ofte als fore euerilke man anes
that schalle be safe as he dyed anes for alle , love schulde neuer late
hym hafe reste to he hadde done it . (CMJULNOR,57.209)

And when he hadde done it , he walde sette it atte nought for luff ,
(CMJULNOR,57.210)

for alle thynge hym botte litylle in regarde of his love .
(CMJULNOR,57.211)

And that schewed he me wele $sobarly , sayande this worde : +gyffe I
myght suffere mare . (CMJULNOR,57.212)

He sayde nought , +gif it ware nedfulle to suffyr mare , botte +gif I
myght suffyr mare . (CMJULNOR,57.213)

For thow+g it be nought nedefulle and he myght suffyr mare , mare he
walde . (CMJULNOR,57.214)

This dede and this werke abowte oure saluacyon was als wele as he myght
ordayne it , (CMJULNOR,57.215)

it was <P_58> done als wyrschipfullye as cryste myght do it .
(CMJULNOR,58.216)

And in this I sawe a fulle blysse in cryste , (CMJULNOR,58.217)

botte this blysse schulde nought hafe bene done fulle +gyf it myght any
bettere hafe bene done +tan it was done . (CMJULNOR,58.218)

And in this thre wordes , It is a ioye , a blysse , and ane endeles
likynge to me , ware schewed to me thre hevens as thus :
(CMJULNOR,58.219)

for the ioye I vndyrstode the plesaunce of the fadere ; for the blysse
, the wirschippe of the sone ; and for the endeles lykynge , the haly
gaste . (CMJULNOR,58.220)

The fadere is plesed , (CMJULNOR,58.221)

the sone ys worschippyd , (CMJULNOR,58.222)

the haly gaste lykes . (CMJULNOR,58.223)

Ihesu wille that we take heede to this blysse that is in the
blyssedfulle trinite of oure saluacion , and that we lyke als mekylle
with his grace whyles we er here . (CMJULNOR,58.224)

And this was schewyd me in +tis worde : (CMJULNOR,58.225)

Erte +tow wele payed ? (CMJULNOR,58.226)

Be the tothere worde that cryste sayde , +gyf +tou be payed I am payd ,
he schewed me the vndyrstandynge as +gyf he had sayde : It is ioye and
lykynge enough to me , (CMJULNOR,58.227)

and I aske nought els for my travayle botte that I myght paye the .
(CMJULNOR,58.228)

Plentyuoslye and fully was this schewyd to me . (CMJULNOR,58.229)

Thynke also wyselye of the gretnesse of this worde : That euer I
suffred passion for the , (CMJULNOR,58.230)

for in that worde was a hye knawynge of luffe and of lykynge that he
hadde in oure saluacion . (CMJULNOR,58.231)

{ED:XIII}

Fulle merelye and gladlye oure lorde lokyd into his syde
(CMJULNOR,58.233)

and behelde (CMJULNOR,58.234)

and sayde this worde , " Loo , how I lovyd the " , as +gyf he hadde
sayde : My childe , +gyf thow kan nought loke in my godhede , see heere
howe I lette opyn my syde , and my herte be clovene in twa , and lette
oute blude and watere alle +tat was thareyn . (CMJULNOR,58.235)

And this lykes me , (CMJULNOR,58.236)

and so wille I that it do the . (CMJULNOR,58.237)

This schewed oure lorde me to make vs gladde and mery .
(CMJULNOR,58.238)

And with the same chere and myrthe he loked downe on the ryght syde
(CMJULNOR,58.239)

and brought to my mynde whare oure ladye stode in the tyme of his
passion , (CMJULNOR,58.240)

and sayde , " Wille thowe see hir ? " (CMJULNOR,58.241)

And <P_59> I aunswerde and sayde , " +Ga goode lorde , gramercy , +gyf
it be thy wille " . (CMJULNOR,59.242)

Ofte tymes I prayed it , (CMJULNOR,59.243)

and wened to haffe sene here in bodely lykenes , (CMJULNOR,59.244)

botte I sawe hir nought soo . (CMJULNOR,59.245)

And Ihesu in +tat worde schewed me a gastelye syght of hire .
(CMJULNOR,59.246)

Ryght as I hadde before sene hire litille and sympille , ryght so he
schewed here than , hye and nobille and gloriouse and plesaunte to hym
abouen alle creatures . (CMJULNOR,59.247)

And so he wille that it be knawyn that alle tha that lykes in hym
schulde lyke in hire , and in the lykynge that he hase in hire , and
scho in hym . (CMJULNOR,59.248)

And in that worde that Ihesu sayde : Wille +tou see hire ? me thought I
hadde the maste lykynge that he myght hafe gyffen me , with the
gastelye schewynge that he gafe me of hire ; (CMJULNOR,59.249)

for oure lorde schewed me nothynge in specyalle botte oure lady saynte
Marye , (CMJULNOR,59.250)

and here he schewyd me in thre tymes . (CMJULNOR,59.251)

The fyrste was as sche consayved , (CMJULNOR,59.252)

the seconde was as scho were in hire sorowes vndere the crosse , and
the thryd as scho is nowe : in lykynge , wirschippe , and ioye .
(CMJULNOR,59.253)

And eftyr this oure lorde schewyd hym to me mare gloryfyed as to my
syght than I sawe hym before , (CMJULNOR,59.254)

and in this was I lered that ilke saule contemplatyfe to whilke es
gyffen to luke and seke god schalle se hire and passe vnto god by
contemplacion . (CMJULNOR,59.255)

And eftyr this techynge , hamelye , curtayse , and blysfulle and verray
lyfe , ofte tymes oure lorde Ihesu sayde to me , " I it am that is
hiaste . (CMJULNOR,59.256)

I it am that +tou luffes . (CMJULNOR,59.257)

I it am that thowe lykes . (CMJULNOR,59.258)

I it am that +towe serves . (CMJULNOR,59.259)

I it am +tat +tou langes . (CMJULNOR,59.260)

I it am that +towe desyres . (CMJULNOR,59.261)

I it am that thowe menes . (CMJULNOR,59.262)

I it am +tat is alle . (CMJULNOR,59.263)

I it am that haly kyrke preches the and teches the . (CMJULNOR,59.264)

I it am that schewed me are to the " . (CMJULNOR,59.265)

Thies wordes I declare nought botte for ilke man , (CMJULNOR,59.266)

eftyr the grace that god gyffes hym in vndyrstandynge and lovynge ,
resayfe tham in oure lordes menynge . (CMJULNOR,59.267)

And eftyr , oure lorde brought vnto my mynde the langynge that I hadde
to hym before . (CMJULNOR,59.268)

And I sawe that nathynge letted me bot syn ; (CMJULNOR,59.269)

and so I behelde generallye in vs alle , (CMJULNOR,59.270)

and me thought , " +Gyf syn hadde nought bene , we schulde alle hafe
bene clene and lyke to oure lorde , as he made vs " . (CMJULNOR,59.271)

And thus in my folye , before this tyme , ofte I wondrede why , be the
grete forseande <P_60> wysdome of god , syn was nought lettede ,
(CMJULNOR,60.272)

for than thought me that alle schulde hafe bene wele .
(CMJULNOR,60.273)

This styrrynge was mekylle to forsayke , (CMJULNOR,60.274)

and mournynge and sorowe I made therfore withoutyn resone and
dyscrecion , of fulle grete pryde . (CMJULNOR,60.275)

Neuerthelesse Ihesu in this vision enfourmede me of alle that me neded
. (CMJULNOR,60.276)

I saye nought that me nedes na mare techynge , (CMJULNOR,60.277)

for oure lorde , with the schewynge of this , hase lefte me to haly
kyrke ; (CMJULNOR,60.278)

and I am hungery and thyrstye and nedy and synfulle and freele ,
(CMJULNOR,60.279)

& wilfully submyttes me to the techynge of haly kyrke , with alle myne
euencrysten , into the ende of my lyfe . (CMJULNOR,60.280)

He aunswerde be this worde (CMJULNOR,60.281)

and sayde , " Synne is behouelye " . (CMJULNOR,60.282)

In this worde , Synne , oure lorde brought to my mynde generallye alle
that is nought goode : the schamefulle dyspyte and the vtter noghtynge
that he bare for vs in this lyfe and in his dyinge , and alle the
paynes and passyons of alle his creatures , gastelye and bodelye .
(CMJULNOR,60.283)

For we ere alle in party noghted , (CMJULNOR,60.284)

and we schulde be noghted folowande oure maister Ihesu to we be fulle
purgede , that is to say to we be fully noghted of oure awne dedely
flesche , and of alle oure inwarde $affeccions whilke ere nought goode
. (CMJULNOR,60.285)

And the behaldynge of this , with alle the paynes that euer ware or
euer schalle be , $alle this was schewed me in a toch (CMJULNOR,60.286)

and redely passed ouere into comforth , (CMJULNOR,60.287)

for oure goode lorde god walde noght that the saule ware afferdede of
this vglye syght . (CMJULNOR,60.288)

Bott I sawe noght synne , (CMJULNOR,60.289)

fore I lefe it has na manere of substaunce , na partye of beynge , na
it myght nought be knawen bot be the paynes that it is cause of .
(CMJULNOR,60.290)

And this payne , it is sumthynge as to my syght , for a tyme :
(CMJULNOR,60.291)

for it purges vs (CMJULNOR,60.292)

and makes vs to knawe oureselfe and aske mercy . (CMJULNOR,60.293)

For the passion of oure lorde is comforth to vs agaynes alle this ,
(CMJULNOR,60.294)

and so is his blyssyd wille . (CMJULNOR,60.295)

To alle that schalle be saffe , he comfortes redely and swetlye be his
wordes , (CMJULNOR,60.296)

and says , " Botte alle schalle be wele , (CMJULNOR,60.297)

and alle maner of thynge schalle be wele " . (CMJULNOR,60.298)

Thyes wordes ware schewed wele tenderlye , schewande <P_61> na $manere
of blame to me , na to nane that schalle be safe . (CMJULNOR,61.299)

Than were it a grete vnkyndenesse of me to blame or wondyr of god for
my synnes , syn he blames not me for synne . (CMJULNOR,61.300)

Thus I sawe howe cryste has compassyon of vs for the cause of synne ,
(CMJULNOR,61.301)

and ryght as I was before with the passyon of cryste fulfilled with
payne and compassion , <em> lyke in +tis I was in party fyllyd with
compassion </em> of alle myn euencristene ; (CMJULNOR,61.302)

and than sawe I that ylke kynde compassyone that man hase of his
evencristene with chartye , +tat it is criste in hym .
(CMJULNOR,61.303)

{ED:XIV}

Bot in this +ge schalle studye : behaldande generallye , dredelye , &
mournande , sayande thus to oure lorde in my menynge with fulle grete
drede , " A , goode lorde , howe myght alle be wele for the grete harme
that is comon by synne to thy creatures ? " (CMJULNOR,61.305)

And I desired as I durste to hafe sum mare open declarynge wharewith I
myght be hesyd in this . (CMJULNOR,61.306)

And to this oure blyssede lorde aunswerde fulle mekelye and with fulle
lovelye chere , (CMJULNOR,61.307)

and schewed me that Adames synne was the maste harme that euer was done
or ever schalle to the warldes ende , (CMJULNOR,61.308)

and also he schewed me that this is opynly $knawyn in alle haly kyrke
in erthe . (CMJULNOR,61.309)

Forthermare he lered me that I schulde behalde the gloriouse asethe ,
(CMJULNOR,61.310)

for this aseth-makynge is mare plesande to the blissede godhede and
mare wyrschipfulle to mannes saluacion withowtene comparyson than euer
was the synne of Adam harmfulle . (CMJULNOR,61.311)

+Tanne menes oure lorde blyssede thus in this techynge , that we
schulde take hede to this : (CMJULNOR,61.312)

" For sen I hafe made wele the maste harme , it is my wille that +towe
knawe +terby that I schalle make wele alle that is the lesse " .
(CMJULNOR,61.313)

He gaffe me vndyrstandynge of twa partyes . (CMJULNOR,61.314)

The ta party is oure saviour and oure saluacion . (CMJULNOR,61.315)

This blyssed party is opyn and clere and fayre and lyght and plentious
, (CMJULNOR,61.316)

for alle mankynde that is of goode wille or +tat schalle be es
comprehendyd in <P_62> this partye . (CMJULNOR,62.317)

Hereto ere we byddyn of god and drawen and consayled and lered
inwardlye be the haly gaste & outwarde by haly kyrke by the same grace
. (CMJULNOR,62.318)

In this wille oure lorde that we be occupyed , enioyande in hym ,
(CMJULNOR,62.319)

for he enioyes in vs . (CMJULNOR,62.320)

And +te mare plentyuouslye that we take of this with reuerence and
mekenesse , the mare we deserve thanke of hym and the mare spede to
oureselfe . (CMJULNOR,62.321)

And thus maye we saye , enioyande , Oure parte is oure lorde .
(CMJULNOR,62.322)

The tother parte is spared fro vs and hidde , that is to saye , alle
that is besyde oure saluacion . (CMJULNOR,62.323)

For this is oure lordys prive consayles (CMJULNOR,62.324)

<em> & it langes to +te ryalle lordeschyp of god for to haue his prive
consayles </em> in pees , (CMJULNOR,62.325)

and it langes to his seruauntys for obedyence and reuerence nought to
wille witte his councelle . (CMJULNOR,62.326)

Oure lorde has pite and compassyon of vs for that sum creatures makes
tham so besy +teryn , (CMJULNOR,62.327)

and I am sekyr +gyf we wyste howe mekille we schulde plese hym and ese
oureselfe for to lefe it , we walde . (CMJULNOR,62.328)

The sayntes in heuen wille nathynge witte bot that oure lorde wille
schewe thame , (CMJULNOR,62.329)

and also there charyte and +ter desyre is rewlyd eftyr the wille of
oure lorde . (CMJULNOR,62.330)

And +tus awe we to wille ne to be lyke to hym , (CMJULNOR,62.331)

and than schalle we nathynge wille ne desyre botte the wille of oure
lorde , as he does , (CMJULNOR,62.332)

for we er alle ane in goddys menynge . (CMJULNOR,62.333)

And here was I lered that we schalle anely enioye in oure blissid
sauiour Ihesu & trist in hym for alle thynge . (CMJULNOR,62.334)