<B COCHROA3>
<Q O3 NN HIST CHRONA3>
<N CHRON A LATE>
<A X>
<C O3>
<O 950-1050>
<M 950-1050>
<K CONTEMP>
<D WS>
<V PROSE>
<T HISTORY>
<G X>
<F X>
<W X>
<X X>
<Y X>
<H X>
<U X>
<E X>
<J X>
<I X>
<Z NARR NON-IMAG>
<S SAMPLE X>


[^TEXT:  CHRONICLE MS A LATE (O3).
TWO OF THE SAXON CHRONICLES PARALLEL,
VOL. I.
ED. C. PLUMMER.
OXFORD: THE CLARENDON PRESS, 1965 (1892).
PP. 112.6 - 132.29^]

[^THE TEXT BELOW CONTAINS LATER INTERPOLATIONS
GIVEN IN SMALL PRINT IN THE EDITION.^]

<P 112>
[^B17.1^]
<R 951.1>
Her for+tferde +alfheah Wintanceastres bisceop on Sancte
Gregories m+assed+ag.
<R 955.1>
Her for+tferde Eadred cining. on Sancte Clementes m+assed+ag
on Frome, & he rixsade teo+te healf gear; 
& +ta feng Eadwig to rice. Eadmundes sunu cinges.
<R 956.1>
& afl+amde Sancte Dunstan ut of lande.
<R 958.1>
Her for+dferde Eadwig cyng on (\Kalend+a Octobris\) . & Eadgar
his bro+dor feng to rice.
<R 959.1>
Her he s+ante efter Sancte Dunstane. & g+af him biscoprice on
Wigrac+astre, & +d+ar +after +t+at biscoprice on Lundene.
<P 114>
<R 961.1>
Her gewat Odo arcebiscop, & Sancte Dunstan feng to
arcebiscoprice.
<R 962.1>
Her for+dferde +alfgar cinges m+ag on Defenum, & his lic rest
on Wiltune. & Sigfer+d cyning hine offeoll, 
& his lic lig+d +at Wimburnan.
<R 962.3>
& +ta on geare w+as swi+de micel mancwealm, & se micela
manbryne w+as on Lundene, & Paules mynster forbarn. 
& +ty ilcan geare wear+d eft gesta+telad,
<R 962.7>
On +tys ilcan geare for A+telmod m+assepreost to Rome, & +t+ar
for+dferde (\xviii Kalend+a Septembris\) :
<R 963.1>
Her for+dferde Wulfstan diacon on Cilda m+assed+age, & +after
+ton for+dferde Gyric m+assepreost:
<R 963.3>
On +tys ilcan geare feng A+telwold abbod to +t+am bisceop
rice to Wintanceastre. & hine mon gehalgode 
(\IN UIGILIA Sancti Andree\) . w+as sunnan d+ag on d+ag:
[^VERSE OMITTED^]
<P 116>
<R 964.1>
Her dr+afde Eadgar cyng +ta preostas on Ceastre of
Ealdanmynstre, & of Niwanmynstre. & of Ceortes ige. 
& of Middeltune. & sette hy mid munecan. & he sette
+a+telgar 
<P 118>
abbod to Niwanmynstre to abbode. & Ordbirht 
to Ceortes ige. & Cyneweard to Middeltune.
<R 971.1>
Her for+dferde Eadmund +a+deling. & his lic li+d +at Rumesige.
[^VERSE OMITTED^]
<P 122>
<R 978.1>
Her wear+d Eadweard cyning ofslegen.
On +tis ylcan feng +a+delred +a+deling his bro+dor to rice.
<P 124>
<R 983.1>
Her for+dferde +alfhere ealdorman.
<R 984.1>
Her for+dferde se wellwillenda bisceop A+delwold, & seo
halgung +t+as +after filgendan bisceopes +alfheages, 
se +de o+dran naman w+as geciged Godwine. w+as (\xiiii
kalend+a Novembris\) & he ges+at +tone bisceopstol 
an +tara twegra apostola d+age Simonis & Iud+a. on
Wintanceastre.
<P 126>
<R 993.1>
Her on +dissum geare com Unlaf mid +trim & hund.
nigentigon scipum to Stane, & forhergedon +t+at on ytan, & for
+da +danon to Sandwic, & swa +danon to Gipeswic, 
& +t+at eall ofereode, & swa to M+aldune;
& him +t+ar com togeanes Byrhtno+d ealdorman mid his fyrde, &
him wi+d gefeaht. & hy +tone ealdorman +t+ar
ofslogon, & w+alstowe geweald ahtan. & him man nam sy+d+dan
fri+d wi+d, & hine nam se cing sy+d+dan to bisceopes 
handa. +durh Sirices lare Cantware biscpes, &
+alfeages Winc+astre biscop.
<R 994.1>
Her for+dferde Sigeric arcebisceop. & feng +alfric Wiltunscire
bisceop to +dam arcebisceoprice.
<P 132>
<R 1001.1>
Her on +tysum geare w+as micel unfri+d on Angelcynnes londe
+turh sciphere, & welgehw+ar hergedon & [{b+arndon{] , 
swa +t+at hy upp asetton on +anne si+t +t+at hy coman
to +a+telingadene.
<R 1001.4>
& +ta com +t+ar togeanes Hamtunscir, & him wi+d gefuhton. &
+d+ar wear+d +a+telweard cinges heah gerefa ofslegen. 
& Leofric +at Hwitciricean, & Leofwine cinges
heahgerefa, & Wulfhere bisceopes +degn, & Godwine
+at Wor+dige, +alfsiges bisceopes sunu. & ealra manna an &
hundeahtatig.
<R 1001.9>
& +t+ar wear+d +tara Denescra micle ma ofslegenra. +teah +de
hie w+alstowe geweald ahtan.
<R 1001.11>
& foran +da +tanon west o+t +t+at hy coman to Defenan, & him
+t+ar togeanes com Pallig mid +tan scipan +de he 
gegaderian mihte, for+tam +te he asceacen w+as fram
+a+delrede cyncge ofer ealle +da getryw+da +de he him
geseald h+afde, & eac se cyng him wel gegifod h+afde on
hamon, & on golde & seolfre.
<R 1001.16>
& forb+arndon Tegntun, & eac fela o+dra godra hama +te we
genemnan ne cunnan, & heom man sy+d+dan +t+ar fri+d wi+d nam.
<R 1001.18>
& hy foran +ta +tanon to Exanmu+dan, swa +t+at hy asettan him
upp on +anne si+d o+d hy coman to Peonho, & +t+ar 
w+as Kola +d+as cyninges heahgerefa, & Eadsige +t+as
cynincges gerefa togeanes him mid +d+are fyrde +de 
hy gegaderian mihtan, & hy +d+ar aflymede wurdon, & +d+ar
wear+d fela ofslegenra, & +da Denescean ahtan w+alstowe 
geweald;
<R 1001.24>
& +d+as on mergen forb+arndon +tone ham +at Peonho, & +at
Glistune, & eac fela godra hama +te we genemnan 
na cunnan, & foran +da eft east ongean o+d hy coman to Wiht;
<R 1001.27>
& +t+as on mergen forb+arndon +done ham +at Wealtham. & o+dra
cotlifa fela. & heom man ra+te +t+as wi+d+tingode. 
& hy namon fri+d.